ﻟﻮ ﻓﺎﻛﺮﻧﻲ ﺑﺮﺟﻊ ﻟﻴﻚ
ﺟﺪ ﻭﺍﻟﻠﻪ ﻳﺎﺣﻠﻴﻠﻚ !!!....
ﻳﺒﻘﻲ ﻳﻄﻮﻝ ﺭﺟﺎﻙ ﺳﻨﻴﻦ
ﻳﺒﻘﻲ ﻳﻄﻮﻝ ﺳﻬﺮ ﻟﻴﻠﻚ
ﻟﻮ ﻓﺎﻛﺮﻧﻲ ﻣﻴﺖ ﻓﻴﻚ
ﻭﺍﻧﻮ ﺣﻴﺎﺗﻲ ﺑﻴﻦ ﺍﻳﺪﻳﻚ
ﺟﻤﺎﻝ ﺍﻟﺪﻧﻴﺎ ﺑﺲ ﻓﻲ ﻋﻴﻨﻴﻚ؟؟؟
ﺟﺪ ﻭﺍﻟﻠﻪ ﻳﺎﺣﻠﻴﻠﻚ
ﻟﻴﻪ ﻓﺎﻛﺮ ﺍﻟﺪﻧﻴﺎ ﻓﺎﺿﻴﻪ ﺑﻼﻙ
ﻭﻣﺎﺑﺘﺤﻼﻟﻲ ﺍﻻ ﻣﻌﺎﻙ !!!!...
ﺑﻌﺪ ﻳﻮﻣﻴﻦ ﺍﻛﻴﺪ ﺑﻨﺴﺎﻙ
ﻣﺤﺎﻝ ﺧﻄﻮﺍﺗﻲ ﺗﻤﺸﻴﻠﻚ
ﺑﺘﺴﺄﻝ ﻋﻨﻲ ﻟﻴﻪ ﻳﻌﻨﻲ
ﻓﺎﻛﺮ ﻗﻠﺒﻲ ﺑﻮﺟﻌﻨﻲ
ﻳﺎﻣﺎ ﻃﻠﺒﺘﺎ ﺗﺴﻤﻌﻨﻲ
ﻭﻳﺎﻣﺎ ﺑﻜﻴﺖ ﺩﻣﻮﻉ ﻟﻴﻠﻚ

ﺍﻣﻲ ﻳﺎﻣﻌﻨﻲ ﺍﻟﻮﺟﻮﺩ
ﻛﻠﻤﺎﺕ .. ﺯﻭﺑﻪ ﻋﺜﻤﺎﻥ
ﺍﻟﺤﺎﻥ ﻭﺗﻮﺯﻳﻊ ﻣﻮﺳﻴﻘﻲ .. ﺳﺎﻣﻴﻪ ﺍﻟﻬﻨﺪﻱ
ﻏﻨﺎﺀ .. ﻣﺠﺘﺒﻰ ﻓﺨﺮ ﺍﻟﺪﻳﻦ

ﺍﻣﻲ ﺍﻧﺘﻲ ﺍﻟﻌﻴﺪ
ﺍﻧﺘﻲ ﺍﻟﻔﺮﺡ ﺟﻮﺍﻱ
ﺍﻧﺘﻲ ﺍﻟﺴﻌﺎﺩﺓ ﺍﻛﻴﺪ
ﺑﺘﻤﻨﻲ ﺗﺴﻤﻌﻮﻫﺎ

ﺍﻣﻲ ﻛﻴﻒ ﺣﺎﻟﻚ
ﺍﻟﻌﺎﻓﻴﻪ ﺗﺤﻼﻟﻚ
ﺷﺎﻳﻠﻪ ﺍﻟﻬﻤﻮﻡ ﻋﻨﻲ
ﻣﺎﺗﺸﻴﻠﻲ ﻓﻲ ﺑﺎﻟﻚ

ﺍﻟﺒﻌﺰﻙ ﻣﺎﺑﺴﻴﺒﻚ
ﻻ ﺑﺒﺪﻝ ﺯﻭﻝ ﻣﻜﺎﻧﻚ
ﻭﺍﻟﺒﺮﻳﺪﻙ ﺑﻲ ﻋﻴﻮﺑﻚ
ﻳﺒﻘﻲ ﻳﺴﺘﺎﻫﻞ ﺣﻨﺎﻧﻚ
ﺍﻟﺒﻌﺰﻙ ﻣﻬﻤﺎ ﺗﻐﻠﻂ
ﺟﺪ ﺑﻜﻮﺱ ﺃﻋﺬﺍﺭ ﻋﺸﺎﻧﻚ
ﻭﺍﻟﺒﺨﻮﻥ ﻓﻲ ﻳﻮﻡ ﻋﻴﻨﻴﻚ
ﻣﺎﺑﻴﺴﺘﺎﻫﻞ ﺍﻣﺎﻧﻚ
ﻭﺍﻟﻠﻲ ﻣﺎﺑﺪﻳﻚ ﺯﻣﺎﻧﻮ
ﻣﺎﺑﻴﺴﺘﺎﻫﻞ ﺯﻣﺎﻧﻚ
ﻭﺍﻟﺒﻌﺰﻙ ﻣﺎﺑﺴﻴﺒﻚ
ﺑﺎﻟﺤﻨﺎﻥ ﻳﻐﻤﺮ ﻋﻴﻨﻴﻚ
ﻭﺍﻟﺴﻌﺎﺩﻩ ﺗﻜﻮﻥ ﻣﻨﺎﻟﻚ
ﻭﺍﻟﺒﺮﻳﺪﻙ ﻣﺎﺑﻔﻮﺗﻚ
ﻣﻬﻤﺎ ﺟﺎﺭ ﻋﻠﻴﻮ ﺯﻣﺎﻧﻚ
ﺗﻠﻘﻲ ﺑﺘﺤﻤﻞ ﻋﻨﺎﺩﻙ
ﻭﺟﻮﻩ ﻓﻲ ﻋﻴﻨﻴﻮ ﻣﻜﺎﻧﻚ
ﻭﺍﻟﺒﻌﺰﻙ ﻣﺎﺑﺴﻴﺒﻚ .....
•
ﺯﻭﺑﻪ ﻋﺜﻤﺎﻥ

ﺳﻼﻣﺘﻚ ﻳﺎﺣﺒﻴﺐ ﺍﻟﺮﻭﺡ
ﺍﺭﻳﺖ ﺃﻟﻔﻴﻚ ﻳﻜﻮﻥ ﻓﻴﻨﻲ .
ﺍﺭﻳﺖ ﺍﻻﻫﻪ ﺗﻤﺸﻲ ﺗﺮﻭﺡ
ﺗﻜﻮﻥ ﺑﻲ ﺧﻴﺮ ﻳﺎﻧﻮﺭ ﻋﻴﻨﻲ
ﺑﺤﺎﻭﻝ ﻛﻨﺖ ﺍﻛﺘﺐ ﻟﻴﻚ .
ﺣﺮﻭﻑ ﺍﻟﺮﻳﺪ ﺗﺒﻜﻴﻨﻲ
ﻭﻳﻮﻡ ﺑﺸﻮﻕ ﺳﺄﻟﺖ ﻋﻠﻴﻚ
ﻗﺎﻟﻮ ﻋﻠﻴﻚ ﻧﺎﺳﻴﻨﻲ
ﺑﺨﺎﻑ ﻳﺎﻏﺎﻟﻲ ﻣﻦ ﺻﺪﻙ
ﺑﺨﺎﻑ ﺍﻧﻚ ﺗﺠﺎﻓﻴﻨﻲ
ﻭﺍﺗﻤﻨﻴﺖ ﻳﺼﻞ ﺭﺩﻙ
ﻭﻛﻴﻔﻦ ﻳﻌﻨﻲ ﻣﺎﻳﺠﻴﻨﻲ؟
ﻭﻟﻮ ﺟﺎﺕ ﺍﻟﺤﺮﻭﻑ
ﺍﻛﻴﺪ ﻻﺯﻡ ﺗﻮﺍﺳﻴﻨﻲ
ﺍﻧﺎ ﺍﻟﺒﻜﺎﻧﻲ ﺧﻮﻓﻲ ﻋﻠﻴﻚ
ﻭﻣﺎﻓﺎﻛﺮﺍﻙ ﻃﺎﺭﻳﻨﻲ .
ﻣﻜﺎﻧﻚ ﻟﺴﻪ ﻓﻲ ﺟﻮﺍﻱ
ﻭﺭﻳﺪﻙ ﺟﺪ ﺳﻜﻦ ﻓﻴﻨﻲ
ﻓﺪﺍﻙ ﻳﺎﻏﺎﻟﻲ ﻛﻞ ﻋﻤﺮﻱ
ﻭﺟﻮﺩﻙ ﺟﻨﺒﻲ ﻳﻜﻔﻴﻨﻲ

ﺑﻌﺪﺕ ﺧﻄﺎﻭِﻳﻨﺎ ﺍﻟﺰﻣﺎﻥ
ﻛﺎﻧﺖ ﻗﺮﻳﺐ ﺑِﺘﻠﻤﻨﺎ
ﻭﺇﺣﺴﺎﺳﻨﺎ ﻣﺎﻋﺎﺩ ﺯﻱ ﺯﻣﺎﻥ
ﺑﺪﻟﻨﺎ ﺑﻲ ﺳﻮﺀ ﻇﻨﻨﺎ
ﺍﻟﺒُﻌﺪ ﻣﺎﺑُﻌﺪ ﺍﻟﻤﻜﺎﻥ
ﻧﻔﺲ ﺍﻟﻮﻃﻦ ﺑﻴﻀُﻤﻨﺎ
ﻭﺑِﻔﺮﻗﻨﺎ ﺇﺣﺴﺎﺳﻨﺎ ﺍﻟﻠﻲ ﻛﺎﻥ
ﺟﻤﻊ ﻓﻲ ﻳﻮﻡ ﺷﻤﻠﻨﺎ
ﻣﺎﺑﺘﻔﺮﻕ ﻛﺘﻴﺮ
ﻣﻴﻦ ﺍﻟﻠﻲ ﺑﺎﻉ ..
ﻣﻴﻦ ﺍﻟﻠﻲ ﺧﺎﻥ ...
ﻣﺎﻋﺎﺩ ﻫﻮ ﻭﺍﺣﺪ ﻫﻤﻨﺎ
ﺿﻴﻌﻨﺎ ﺇﺣﺴﺎﺱ ﺍﻷﻣﺎﻥ
ﻭﺍﻟﻜﺎﻥ ﻫﻮ ﻓﻴﻨﺎ ﻭﻣﻨﻨﺎ
ﺍﻟﻌُﺸﺮﻩ ﻫﺎﻧﺖ . ﻭﻛﻠﻮ ﻫﺎﻥ
ﻭﻋﺸﻨﺎﻫﻮ ﺳﻦ ﻣﺎﺳﻨﻨﺎ
ﺑﺘﻬﻴﻦ ﻭﺗﺼﺒﺢ ﻳﻮﻡ ﻣﻬﺎﻥ
ﻭﺗﻬِﺪﻭ ﻋُﺶ ﻛﺎﻥ ﺇﺗﺒﻨﺎ
ﻃﺒﻊ ﺍﻟﺒﺸﺮ ﻳﺨﻮﻧﻮ ﺍﻷﻣﺎﻥ
ﺍﻻ ﺍﻟﻜﺮﻳﻢ ﺑﺲ ﺭﺑﻨﺎ .....
ﻗﺎﺩﺭ ﻳﻨﺴﻴﻨﺎ ﺍﻟﻠﻲ ﻛﺎﻥ
ﻗﺎﺩﺭ ﻳﺤﻘﻖ ﺣﻠﻤﻨﺎ ...
ﻣﺎﺗﻘﻮﻝ ﺧﻼﺹ ﻓﺎﺕ ﺍﻷﻭﺍﻥ
ﻣﺎﺩﺍﻡ ﺑﻴﻨﺒﺾ ﻗﻠﺒﻨﺎ .....
ﻭﻛﻞ ﺍﻟﺼﻌﺎﺏ ﺑﺘﻬﻮﻥ ﻋﺸﺎﻥ
ﻻﺯﻡ ﻧﻌﻴﺶ ﻭﻣﻦ ﺣﻘﻨﺎ .....
ﻻﺯﻡ ﻧﻌﻴﺶ ﻭﻣﻦ ﺣﻘﻨﺎ

ﺍﻗﻮﻝ ﻳﺎﻗﻠﺒﻲ ....
ﻟِﻤﺎ ﻫﺬﺍ ﺍﻷﺭﻕ .. ؟؟؟؟
ﻗﺪ ﻛﺎﻥ ﻣﺎﺿﻲ ﻭﺇﻧﻄﻮﻯ
ﺣُﻠﻤﺎً ﺟﻤﻴﻼً ﻭﺇﻧﺴﺮﻕ ...
ﺑﻨﻴﺖُ ﺑﻴﺘﺎً ﻣﻦ ﺭﻣﺎﺩ
ﻭﻋﺸﻘﺖُ ﻗﻠﺒﺎً ﻣﻦ ﻭﺭﻕ

ﺍﻟﺸﺎﻋﺮﺓ ﺯﻭﺑﻪ ﻋﺜﻤﺎﻥ
ﺍﻧﺎ ﺣﺒﻴﺖ ﺍﺣﺴﺎﺱ ﺍﻟﻄﻴﺒﻪ
ﻭﻧﺎﺱ ﺗﺘﻮﺍﻟﻒ ﺗﺒﻘﻰ ﻗﺮﻳﺒﻪ
ﻭﻧﺎﺱ ﺑﺘﺼﻮﻥ ﺍﻟﻌﺸﺮﻩ ﺗﻤﻠﻲ
ﻭﻧﺎﺱ ﻓﻲ ﺑﻌﺪﻫﺎ ﺗﺤﺲ ﺑﺎﻟﻐﻴﺒﻪ
ﻧﺎﺱ ﺗﺘﻤﻨﻲ ﺍﻟﺨﻴﺮ ﻟﻲ ﻏﻴﺮﻫﺎ
ﻭﻧﺎﺱ ﺣﺎﺷﺎﻫﺎ ﺗﺴﻮﻱ ﺍﻟﻌﻴﺒﻪ
ﻧﺎﺱ ﻟﻮ ﻣﻬﻤﺎ ﺗﻘﺴﻲ ﻋﻠﻴﻬﻢ
ﻓﻴﻬﻢ ﺟﺪ ﺣﻨﻴﻪ ﻏﺮﻳﺒﻪ ...
ﻧﺎﺱ ﺑﻠﻘﻮﻙ ﺑﺎﻟﺒﺴﻤﻪ ﺍﻟﺤﻠﻮﻩ
ﻧﺎﺱ ﻣﻠﻴﺎﻧﻪ ﺳﻤﺎﺣﻪ ﻭﻃﻴﺒﻪ
ﻭﻟﻤﺎ ﺗﺸﻮﻓﻬﻢ ﺯﺍﺗﻚ ﺗﻔﺮﺡ
ﺗﺤﺲ ﺍﻟﺪﻧﻴﺎ ﺩﻱ ﺯﺍﺗﺎ ﻋﺠﻴﺒﻪ
ﺍﻧﺎ ﺣﺒﻴﺖ ﺍﺣﺴﺎﺱ ﺍﻟﻄﻴﺒﻪ

ﻣﺤﺘﺎﺝ ﻟﻲ ﺳﻨﻴﻦ
ﻋﺸﺎﻥ ﺗﺸﻔﻲ ﺟﺮﺍﺡ
ﺑﺲ ﻓﻲ ﻟﺤﻈﺎﺕ
ﻋﺎﺩﻱ ﺑﺘﺠﺮﺡ !!!!!....
ﻣﺤﺘﺎﺝ ﻟﻲ ﺳﻨﻴﻦ
ﻋﺸﺎﻥ ﺗﻠﻘﻲ ﺍﻟﺮﻳﺪ
ﺑﺲ ﻓﻲ ﻟﺤﻈﺎﺕ
ﻋﺎﺩﻱ ﺑﺘﻜﺮﻩ !!!!!!........
ﺑﺘﻌﻴﺶ ﺍﻳﺎﻡ ﺑﻴﻦ ﺍﻷﺣﺰﺍﻥ
ﻭﻛﺄﻧﻚ ﻣﺎﻗﺎﺩﺭ ﺗﻔﺮﺡ !!!!!...
ﻭﺗﺤﺲ ﺍﻧﻚ ﺃﺿﻌﻒ ﺍﻧﺴﺎﻥ
ﻏﻴﺮ ﺍﻷﺣﺰﺍﻥ ﻣﺎ ﻟﻴﻚ ﻣﻄﺮﺡ
ﻣﻊ ﺍﻧﻮ ﻃﺮﻳﻘﻚ ﻓﻴﻬﻮ ﻛﺘﻴﺮ
ﺯﻱ ﻣﺎ ﻓﻲ ﺣﺰﻥ ... ﻓﻲ ﺑﺮﺿﻮ ﻓﺮﺡ