رميت همومي علي البحر
تاري البحر شايل هموم
شكيت هموم قلبي الصبر
واقول مصيري افرح في يوم
انا يابحر كايسه الفرح 
جاياك يمكن اوصلو 
واغسل جراحاتي البقن 
دايما معاي بترحلو 
انا يابحر قلبي اتظلم
ممكن تشوفو واسألو
قول ليهو مين البدلك 
وعذابو مين الكترو 
وانا يابحر بهواه كتير
وريدي السنين ماتبدلو 
#زوبه عثمان

نفسي مره اقدر امسح
دمعة من عين الغلابه
ويوم أحقق بس امالهم
وترحل الأحزان سحابه
نفسي اشيل هم كل الغلابه
كل زول جواهو اهه
وكم قلوب الهم شاااااابا
ناس بتتعب يوما كلو
ومافي زول حاسي بعذابا
وناس تحس الضحكه فيهم
جواهم الدمعات صبابه
من زمان دايما بفكر
كنت في حال الغلابه
شوفتا أطفال في الشوارع
تاهو في الزحمه وضبابه.
وناس تحت شمس الله قاعده
وهمهم لقمه وشرابا
وناس زمان خلو الدراسه
عشان رسومها عشان كتابه
نفسي مره اقدر امسح
دمعة من عين الغلابه
#زوبه عثمان

سرحانه مع طِيفك انا
ومُناي بس القاك هِنا
تاهت درُوبك عني ليه؟؟
مُحتاره فيك الاّمكنه
ومُحتار معاك قلبي الهواك
بِيحلم معاك يلقى الهنا
عشمان وما قطع العَشم
لكن غِيابك طال سنه 
مُحتاره في ريدك انا
مُحتاره في شُوقِي وبُكاي
حَيْرانه كيف القى الهنا
وياغالي عِينيك مامعاي؟؟
اليوم بِمُر زي السنه....
وكُل لحظه بِتزود اساي
ياغالي جد كُل العَنا ....
إنك تكون فَرحِي وشقَاي
إنك تكون كل المُنا
إنك تكون نارِي وأزاي
#زوبه عثمان

في ناس في الدنيا تِتْفارق
وما بِشُوفو ابدآ بعض
غرِيبه الدُنيا بِتْفرِق
تخلِي قُلوبنا تنْسى الوعد
زمان ماقُلنا مابِنبْعد
غريبه الليله بِعنا العَهْد
وكُل الباقِي من الفات
دمعة حزِينه ماليه الخَد
غرِيبه العُشره بنسُوها
يقابلو الريده ليه بالصد
وكل القُلنا بِنريدو...!!!!
بِنلقى جفاهو فات الحد 
فِي ناس مابَِتعرِف الإخلاص 
وناس في الريده مابِتَسعد
وناس محكومه بالأقدار 
تعِيش أياما كُلها نكد
في ناس في الدنيا تِتْفارق 
ومابِشوفو ابدآ بعض 
!!!
#زوبه عثمان

إتاخــــرتا 

إتاخرتا......
وبين خطوات
إحساسي مشيت
وليه مابِنتا...؟؟؟
وكُنت بفتش ليك جواي
ومابلقاك انا إتيقنتا
بين دقات القلب الرادك
إتاخرتا....
مرة جفاك ومرة ودادك
واستعجلتا...
انك تمشي تسوق خطواتك
واتنكرتا....
إتاخرتا وناسي ميعادك
وانا إحترتا
امشي واسيبو معاك سهادك
وتبقي خسرتا.....
ودايما ناكر انت جمايلي
وانا ماقصرتا ..
إتأخرتا
#زوبه عثمان

ﻟﻮ ﻓﺎﻛﺮﻧﻲ ﺑﺮﺟﻊ ﻟﻴﻚ
ﺟﺪ ﻭﺍﻟﻠﻪ ﻳﺎﺣﻠﻴﻠﻚ !!!....
ﻳﺒﻘﻲ ﻳﻄﻮﻝ ﺭﺟﺎﻙ ﺳﻨﻴﻦ
ﻳﺒﻘﻲ ﻳﻄﻮﻝ ﺳﻬﺮ ﻟﻴﻠﻚ
ﻟﻮ ﻓﺎﻛﺮﻧﻲ ﻣﻴﺖ ﻓﻴﻚ
ﻭﺍﻧﻮ ﺣﻴﺎﺗﻲ ﺑﻴﻦ ﺍﻳﺪﻳﻚ
ﺟﻤﺎﻝ ﺍﻟﺪﻧﻴﺎ ﺑﺲ ﻓﻲ ﻋﻴﻨﻴﻚ؟؟؟
ﺟﺪ ﻭﺍﻟﻠﻪ ﻳﺎﺣﻠﻴﻠﻚ
ﻟﻴﻪ ﻓﺎﻛﺮ ﺍﻟﺪﻧﻴﺎ ﻓﺎﺿﻴﻪ ﺑﻼﻙ
ﻭﻣﺎﺑﺘﺤﻼﻟﻲ ﺍﻻ ﻣﻌﺎﻙ !!!!...
ﺑﻌﺪ ﻳﻮﻣﻴﻦ ﺍﻛﻴﺪ ﺑﻨﺴﺎﻙ
ﻣﺤﺎﻝ ﺧﻄﻮﺍﺗﻲ ﺗﻤﺸﻴﻠﻚ
ﺑﺘﺴﺄﻝ ﻋﻨﻲ ﻟﻴﻪ ﻳﻌﻨﻲ
ﻓﺎﻛﺮ ﻗﻠﺒﻲ ﺑﻮﺟﻌﻨﻲ
ﻳﺎﻣﺎ ﻃﻠﺒﺘﺎ ﺗﺴﻤﻌﻨﻲ
ﻭﻳﺎﻣﺎ ﺑﻜﻴﺖ ﺩﻣﻮﻉ ﻟﻴﻠﻚ

ﺍﻣﻲ ﻳﺎﻣﻌﻨﻲ ﺍﻟﻮﺟﻮﺩ
ﻛﻠﻤﺎﺕ .. ﺯﻭﺑﻪ ﻋﺜﻤﺎﻥ
ﺍﻟﺤﺎﻥ ﻭﺗﻮﺯﻳﻊ ﻣﻮﺳﻴﻘﻲ .. ﺳﺎﻣﻴﻪ ﺍﻟﻬﻨﺪﻱ
ﻏﻨﺎﺀ .. ﻣﺠﺘﺒﻰ ﻓﺨﺮ ﺍﻟﺪﻳﻦ

ﺍﻣﻲ ﺍﻧﺘﻲ ﺍﻟﻌﻴﺪ
ﺍﻧﺘﻲ ﺍﻟﻔﺮﺡ ﺟﻮﺍﻱ
ﺍﻧﺘﻲ ﺍﻟﺴﻌﺎﺩﺓ ﺍﻛﻴﺪ
ﺑﺘﻤﻨﻲ ﺗﺴﻤﻌﻮﻫﺎ

ﺍﻣﻲ ﻛﻴﻒ ﺣﺎﻟﻚ
ﺍﻟﻌﺎﻓﻴﻪ ﺗﺤﻼﻟﻚ
ﺷﺎﻳﻠﻪ ﺍﻟﻬﻤﻮﻡ ﻋﻨﻲ
ﻣﺎﺗﺸﻴﻠﻲ ﻓﻲ ﺑﺎﻟﻚ

ﺍﻟﺒﻌﺰﻙ ﻣﺎﺑﺴﻴﺒﻚ
ﻻ ﺑﺒﺪﻝ ﺯﻭﻝ ﻣﻜﺎﻧﻚ
ﻭﺍﻟﺒﺮﻳﺪﻙ ﺑﻲ ﻋﻴﻮﺑﻚ
ﻳﺒﻘﻲ ﻳﺴﺘﺎﻫﻞ ﺣﻨﺎﻧﻚ
ﺍﻟﺒﻌﺰﻙ ﻣﻬﻤﺎ ﺗﻐﻠﻂ
ﺟﺪ ﺑﻜﻮﺱ ﺃﻋﺬﺍﺭ ﻋﺸﺎﻧﻚ
ﻭﺍﻟﺒﺨﻮﻥ ﻓﻲ ﻳﻮﻡ ﻋﻴﻨﻴﻚ
ﻣﺎﺑﻴﺴﺘﺎﻫﻞ ﺍﻣﺎﻧﻚ
ﻭﺍﻟﻠﻲ ﻣﺎﺑﺪﻳﻚ ﺯﻣﺎﻧﻮ
ﻣﺎﺑﻴﺴﺘﺎﻫﻞ ﺯﻣﺎﻧﻚ
ﻭﺍﻟﺒﻌﺰﻙ ﻣﺎﺑﺴﻴﺒﻚ
ﺑﺎﻟﺤﻨﺎﻥ ﻳﻐﻤﺮ ﻋﻴﻨﻴﻚ
ﻭﺍﻟﺴﻌﺎﺩﻩ ﺗﻜﻮﻥ ﻣﻨﺎﻟﻚ
ﻭﺍﻟﺒﺮﻳﺪﻙ ﻣﺎﺑﻔﻮﺗﻚ
ﻣﻬﻤﺎ ﺟﺎﺭ ﻋﻠﻴﻮ ﺯﻣﺎﻧﻚ
ﺗﻠﻘﻲ ﺑﺘﺤﻤﻞ ﻋﻨﺎﺩﻙ
ﻭﺟﻮﻩ ﻓﻲ ﻋﻴﻨﻴﻮ ﻣﻜﺎﻧﻚ
ﻭﺍﻟﺒﻌﺰﻙ ﻣﺎﺑﺴﻴﺒﻚ .....
•
ﺯﻭﺑﻪ ﻋﺜﻤﺎﻥ