ﺑﻌﺪﺕ ﺧﻄﺎﻭِﻳﻨﺎ ﺍﻟﺰﻣﺎﻥ
ﻛﺎﻧﺖ ﻗﺮﻳﺐ ﺑِﺘﻠﻤﻨﺎ
ﻭﺇﺣﺴﺎﺳﻨﺎ ﻣﺎﻋﺎﺩ ﺯﻱ ﺯﻣﺎﻥ
ﺑﺪﻟﻨﺎ ﺑﻲ ﺳﻮﺀ ﻇﻨﻨﺎ
ﺍﻟﺒُﻌﺪ ﻣﺎﺑُﻌﺪ ﺍﻟﻤﻜﺎﻥ
ﻧﻔﺲ ﺍﻟﻮﻃﻦ ﺑﻴﻀُﻤﻨﺎ
ﻭﺑِﻔﺮﻗﻨﺎ ﺇﺣﺴﺎﺳﻨﺎ ﺍﻟﻠﻲ ﻛﺎﻥ
ﺟﻤﻊ ﻓﻲ ﻳﻮﻡ ﺷﻤﻠﻨﺎ
ﻣﺎﺑﺘﻔﺮﻕ ﻛﺘﻴﺮ
ﻣﻴﻦ ﺍﻟﻠﻲ ﺑﺎﻉ ..
ﻣﻴﻦ ﺍﻟﻠﻲ ﺧﺎﻥ ...
ﻣﺎﻋﺎﺩ ﻫﻮ ﻭﺍﺣﺪ ﻫﻤﻨﺎ
ﺿﻴﻌﻨﺎ ﺇﺣﺴﺎﺱ ﺍﻷﻣﺎﻥ
ﻭﺍﻟﻜﺎﻥ ﻫﻮ ﻓﻴﻨﺎ ﻭﻣﻨﻨﺎ
ﺍﻟﻌُﺸﺮﻩ ﻫﺎﻧﺖ . ﻭﻛﻠﻮ ﻫﺎﻥ
ﻭﻋﺸﻨﺎﻫﻮ ﺳﻦ ﻣﺎﺳﻨﻨﺎ
ﺑﺘﻬﻴﻦ ﻭﺗﺼﺒﺢ ﻳﻮﻡ ﻣﻬﺎﻥ
ﻭﺗﻬِﺪﻭ ﻋُﺶ ﻛﺎﻥ ﺇﺗﺒﻨﺎ
ﻃﺒﻊ ﺍﻟﺒﺸﺮ ﻳﺨﻮﻧﻮ ﺍﻷﻣﺎﻥ
ﺍﻻ ﺍﻟﻜﺮﻳﻢ ﺑﺲ ﺭﺑﻨﺎ .....
ﻗﺎﺩﺭ ﻳﻨﺴﻴﻨﺎ ﺍﻟﻠﻲ ﻛﺎﻥ
ﻗﺎﺩﺭ ﻳﺤﻘﻖ ﺣﻠﻤﻨﺎ ...
ﻣﺎﺗﻘﻮﻝ ﺧﻼﺹ ﻓﺎﺕ ﺍﻷﻭﺍﻥ
ﻣﺎﺩﺍﻡ ﺑﻴﻨﺒﺾ ﻗﻠﺒﻨﺎ .....
ﻭﻛﻞ ﺍﻟﺼﻌﺎﺏ ﺑﺘﻬﻮﻥ ﻋﺸﺎﻥ
ﻻﺯﻡ ﻧﻌﻴﺶ ﻭﻣﻦ ﺣﻘﻨﺎ .....
ﻻﺯﻡ ﻧﻌﻴﺶ ﻭﻣﻦ ﺣﻘﻨﺎ

ﺍﻗﻮﻝ ﻳﺎﻗﻠﺒﻲ ....
ﻟِﻤﺎ ﻫﺬﺍ ﺍﻷﺭﻕ .. ؟؟؟؟
ﻗﺪ ﻛﺎﻥ ﻣﺎﺿﻲ ﻭﺇﻧﻄﻮﻯ
ﺣُﻠﻤﺎً ﺟﻤﻴﻼً ﻭﺇﻧﺴﺮﻕ ...
ﺑﻨﻴﺖُ ﺑﻴﺘﺎً ﻣﻦ ﺭﻣﺎﺩ
ﻭﻋﺸﻘﺖُ ﻗﻠﺒﺎً ﻣﻦ ﻭﺭﻕ

ﺍﻟﺸﺎﻋﺮﺓ ﺯﻭﺑﻪ ﻋﺜﻤﺎﻥ
ﺍﻧﺎ ﺣﺒﻴﺖ ﺍﺣﺴﺎﺱ ﺍﻟﻄﻴﺒﻪ
ﻭﻧﺎﺱ ﺗﺘﻮﺍﻟﻒ ﺗﺒﻘﻰ ﻗﺮﻳﺒﻪ
ﻭﻧﺎﺱ ﺑﺘﺼﻮﻥ ﺍﻟﻌﺸﺮﻩ ﺗﻤﻠﻲ
ﻭﻧﺎﺱ ﻓﻲ ﺑﻌﺪﻫﺎ ﺗﺤﺲ ﺑﺎﻟﻐﻴﺒﻪ
ﻧﺎﺱ ﺗﺘﻤﻨﻲ ﺍﻟﺨﻴﺮ ﻟﻲ ﻏﻴﺮﻫﺎ
ﻭﻧﺎﺱ ﺣﺎﺷﺎﻫﺎ ﺗﺴﻮﻱ ﺍﻟﻌﻴﺒﻪ
ﻧﺎﺱ ﻟﻮ ﻣﻬﻤﺎ ﺗﻘﺴﻲ ﻋﻠﻴﻬﻢ
ﻓﻴﻬﻢ ﺟﺪ ﺣﻨﻴﻪ ﻏﺮﻳﺒﻪ ...
ﻧﺎﺱ ﺑﻠﻘﻮﻙ ﺑﺎﻟﺒﺴﻤﻪ ﺍﻟﺤﻠﻮﻩ
ﻧﺎﺱ ﻣﻠﻴﺎﻧﻪ ﺳﻤﺎﺣﻪ ﻭﻃﻴﺒﻪ
ﻭﻟﻤﺎ ﺗﺸﻮﻓﻬﻢ ﺯﺍﺗﻚ ﺗﻔﺮﺡ
ﺗﺤﺲ ﺍﻟﺪﻧﻴﺎ ﺩﻱ ﺯﺍﺗﺎ ﻋﺠﻴﺒﻪ
ﺍﻧﺎ ﺣﺒﻴﺖ ﺍﺣﺴﺎﺱ ﺍﻟﻄﻴﺒﻪ

ﻣﺤﺘﺎﺝ ﻟﻲ ﺳﻨﻴﻦ
ﻋﺸﺎﻥ ﺗﺸﻔﻲ ﺟﺮﺍﺡ
ﺑﺲ ﻓﻲ ﻟﺤﻈﺎﺕ
ﻋﺎﺩﻱ ﺑﺘﺠﺮﺡ !!!!!....
ﻣﺤﺘﺎﺝ ﻟﻲ ﺳﻨﻴﻦ
ﻋﺸﺎﻥ ﺗﻠﻘﻲ ﺍﻟﺮﻳﺪ
ﺑﺲ ﻓﻲ ﻟﺤﻈﺎﺕ
ﻋﺎﺩﻱ ﺑﺘﻜﺮﻩ !!!!!!........
ﺑﺘﻌﻴﺶ ﺍﻳﺎﻡ ﺑﻴﻦ ﺍﻷﺣﺰﺍﻥ
ﻭﻛﺄﻧﻚ ﻣﺎﻗﺎﺩﺭ ﺗﻔﺮﺡ !!!!!...
ﻭﺗﺤﺲ ﺍﻧﻚ ﺃﺿﻌﻒ ﺍﻧﺴﺎﻥ
ﻏﻴﺮ ﺍﻷﺣﺰﺍﻥ ﻣﺎ ﻟﻴﻚ ﻣﻄﺮﺡ
ﻣﻊ ﺍﻧﻮ ﻃﺮﻳﻘﻚ ﻓﻴﻬﻮ ﻛﺘﻴﺮ
ﺯﻱ ﻣﺎ ﻓﻲ ﺣﺰﻥ ... ﻓﻲ ﺑﺮﺿﻮ ﻓﺮﺡ

ﺍﻟﺪﻧﻴﺎ ﺟﻴﺎﺑﻪ
ﻭﺍﻟﻘﺴﻤﺔ ﻏﻼﺑﺔ
ﺻﺪﻗﻨﺎ ﻳﺎﻣﺎ ﻭﻋﻮﺩ
ﻣﻦ ﻧﺎﺱ ﻫﻲ ﻛﺬﺍﺑﻪ

ﻣﺎﻗﻠﻨﺎ ﻏﻴﺮ ﺳﻠﻤﻴﺔ
ﻭﺷﺒﺎﺑﻨﺎ ﺭﺍﺣﻮﺍ ﺿﺤﻴﺔ
ﻻﺷﻔﻨﺎ ﻧﺤﻦ ﺳﻼﻡ
ﻻ ﻋﺪﺍﻟﺔ ﻻ ﺣﺮﻳﺔ
ﻣﻦ ﻛﻠﻤﺎﺕ ﺍﻟﺸﺎﻋﺮﺓ ﺯﻭﺑﻪ ﻋﺜﻤﺎﻥ

ﻛﻞ ﺍﻟﺪﻧﻴﺎ ﺗﻌﺮﻑ
ﻋﻦ ﻋﺰﻧﺎ ﻭﻣﺎﺿﻴﻨﺎ
ﻭﻣﺎﻋﺎﺵ ﺍﻟﺒﻘﻮﻝ ...
ﺍﻭﻳﻮﻡ ﻳﻌﻴﺐ ﺑﺲ ﻓﻴﻨﺎ
ﻧﺤﻨﺎ ﺍﻝ ﺑﺎﻻﺻﻮﻝ
ﻭﺍﻟﻄﻴﺒﻪ ﺍﺗﺮﺑﻴﻨﺎ
ﻋﺎﺩﺍﺗﻨﺎ ﺍﻟﺰﻣﺎﻥ
ﻓﻲ ﺩﺭﺑﺎ ﻧﺤﻦ ﻣﺸﻴﻨﺎ
ﺍﻟﺪﺍﻳﺮﺍﻧﺎ ﺟﺪ ﺑﻨﺸﻴﻠﻮ
ﻓﻲ ﻋﻴﻨﻴﻨﺎ ....
ﻭﺍﻟﻤﺎﺑﻴﻨﺎ ﺟﺪ ﻭﺍﻟﻠﻪ
ﻣﺎﻫﺎﻣﻴﻨﺎ ....
ﻗﻠﻮﺑﻨﺎ ﻋﻠﻰ ﺑﻌﺾ
ﻟﻮ ﺍﻟﺪﻧﻴﺎ ﺗﺒﻘﻰ ﻋﻠﻴﻨﺎ
ﻣﺎﻓﻴﻨﺎ ﺍﻟﺒﺨﺎﻑ
ﻧﺠﻴﺐ ﺣﻘﻨﺎ ﺑﺈﻳﺪﻳﻨﺎ
ﺍﺳﻴﺎﺩ ﻧﻔﺴﻨﺎ ...
ﻭﺳﻮﺩﺍﻧﺎ ﺩﺍ ﻣﻜﻔﻴﻨﺎ
ﻣﺎﺑﻨﻔﻮﺗﻮ ﻳﻮﻡ
ﻟﻮ ﻣﻬﻤﺎ ﻳﻘﺴﻰ ﻋﻠﻴﻨﺎ

ﻧﺎﺱ ﻓﻲ ﺍﻟﺪﻧﻴﺎ ﺗﺘﻔﺎﺭﻕ
ﻭﻣﺎﺑﺸﻮﻓﻮ ﺍﺑﺪﺍً ﺑﻌﺾ
ﻏﺮﻳﺒﻪ ﺍﻟﺪﻧﻴﺎ ﺑﺘﻔﺮﻕ
ﺗﺨﻠﻲ ﻗﻠﻮﺑﻨﺎ ﺗﻨﺴﻰ ﺍﻟﻮﻋﺪ
ﺯﻣﺎﻥ ﻣﺎﻗﻠﻨﺎ ﻣﺎﺑﻨﺒﻌﺪ
ﻏﺮﻳﺒﻪ ﺍﻟﻠﻴﻠﻪ ﺧُﻨﺎ ﺍﻟﻌﻬﺪ
ﻭﻛﻞ ﺍﻟﺒﺎﻗﻲ ﻣﻦ ﺍﻟﻔﺎﺕ
ﺩﻣﻌﺔ ﺣﺰﻳﻨﻪ ﻣﺎﻟﻴﻪ ﺍﻟﺨﺪ

ﺍﻣﻲ ﻛﻴﻒ ﺣﺎﻟﻚ
ﺍﻟﻌﺎﻓﻴﻪ ﺗﺤﻼﻟﻚ
ﺷﺎﻳﻠﻪ ﺍﻟﻬﻤﻮﻡ ﻋﻨﻲ
ﻣﺎﺗﺸﻴﻠﻲ ﻓﻲ ﺑﺎﻟﻚ

ﺳﻘﻴﺘﻚ ﻣﻦ ﺣﻨﻴﻨﻲ ﻟﻴﻚ ﺟﻮﺍﺍﻱ ﻣﺴﺎﺣﻪ
ﺳﻼﻣﺎﺕ ﺍﻻﺣﺒﺎﺏ ﻭﺣﺒﺎﺏ ﺍﻟﻤﻌﺠﺒﻴﻦ ﺍﻟﺠﺪﺩ ﻭﺍﻟﻤﺘﺎﺑﻌﻴﻦ ﻣﻨﻮﺭﻳﻦ