شقة شنو ؟…
لو ما الظروف ..
القاهرة ..
شقة شنو الفي القاهرة
تصبح سكن ..
وتكون بديلك يا وطن … 

وشقة شنو الفي جده ..
أو في الدوحه ..
أو ..
فيلا في دبي ..
بتخلي بلدي .. تهون علي ..
وأنساك يا اجمل وطن ..

وشقة شنو
الفي القاهرة .. ولو ما الظروف ..
العاثره ..
لو ما عذابك .. يا زمن ..
ولو ما العلم ..
بقي لي كفن ..
بتسيبني ارحل .. يا وطن ..

والله لا الأكوان جميع ..
بي كواكبا ..
و بي ازاهرا ..
بي مباهجا .. وبي مناظرا ..
ادتني كلها خاطرا ..
ولو جابو لي .. جنة عدن ..
ما اظن اسيبك ..
يا وطن ..

وشقة شنو .. الفي القاهرة
لو ما ظروفنا ..
القاهرة ..
تصبح سكن .. وتكون مكانك
يا وطن .. ؟!

مستحيل سوداني يمر و ما يخت ليها لوف
  ......................

يمين نرجع....
نعود للبيت ونملا الزير
يمين نرجع نقش الحوش
 ونسقي شجيرة الليمون 
يمين نرجع نشيل القفة نمشي السوق
 ونتحاوم نخش من جار لى جار ونتسالم
وشاينا الأحمر المضمون
معاه زلابية زي زيتون
صباح الخير عليك يابا... 
صباح الفل والياسمين
وكيف أصبحتي يا يمه...
وخالك جوه في الصالون
تعال يا بنية صحيهو...
وزيدي فحيمة الكانون
يمين نرجع وفي جامعنا نتقابل
وفي الاداب بنتقابل وفي القانون 
ونقعد نبدأ في البنيان..
وبكرة تنور الخرطوم
وشافع الروضة في الترحيل يعود مأمون 
يمين نرجع نوسع رقعة الماعون
وبكرة ننزل الدولار 
وبكرة نصدر البترول
ويزرع كل زول هكتار 
يمين نرجع  نكفكف دمعة المحزون
نعزي الناس نواري الشهدا أولادنا
ترابنا الطاهر الممنون
يمين نرجع  و نكنس مننا البيخون
ونطرد من بلدنا  عفن
 وترجع دولة القانون

ﺍﻟﻔﺮﺟﺔ ﺭﺻﺎﺹ ﺍﻟﻤﻐﺘﺮﺑﻴﻦ
ﻭﺍﻟﺒﻴﻦ ﺍﻣﻮﺍﺱ ﺷﻼﺧﺔ ﺭﻭﺡ
ﻭﺍﻟﺒُﻌﺪ ﺳَﻨﻴﻦ
ﺍﺭﻭﺍﺣﻨﺎ ﻓـِ ﺍﺭﻫﻒ ﺣﺎﻻﺗﺎ
ﻫﻲ ﺭﻫﻴﻔﺔ ﻭﻣﺎ ﺩﺍﺭ ﺗﻨﻘﺪﺍ
ﻻ ﺣﺮﺩﺕ ﻻ ﺟﺎﺕ ﺗﺘﺴﺪﻯ
ﺗﺸﺘﻬﻲ ﻭﺗﺼﺎﺭﻉ ﻓﻲ ﻣﻮﺗﺎ
ﺗﺠﺮﺣﺎ ﺻﻮﺭﺓ ﻭﻳﻠﺘﻘﺎ ﺻﻮﺗﺎ
ﺗﻬﺰﻣﺎ ﻏﻨﻴﺔ ﻭ ﻳﻨﺼﺮﺍ ﻣﻌﻨﻰ
ﺳﺎﻋﺎﺗﻨﺎ ﺍﻟﺒﺎﻗﻴﺎﻟﻨﺎ ﺧﻨﺎﺟﺮ
ﺍﺧﻮﺍﻧﺎ ﺍﻟﺒﻘﻮﺍ ﻟﻴﻨﺎ ﺣﻨﺎﺟﺮ
ﻳﻮﻣﺎﺗﻲ ﺑﻨﺘﻮﺍﺟﺪ ﻭﻧﻔﻨﻰ
ﻣﺎ ﺑﻴﻦ ﺍﻟﻤﻮﻛﺐ ﻭ ﻫﺘﺎﻓﻮ
ﺟﻮﺍﻧﺎ ﺍﻟﻮﺭﺩ ﻭﺧﻄﺎﻓﻮ
ﻏﺮﻕ ﺍﻷﻃﻔﺎﻝ ﻓﺮﺡ ﺍﻻﺑﻄﺎﻝ
ﻭﺻﻔﻮﻑ ﺍﻟﻌﻴﺶ ﻭﺍﺣﺮﺍﺭ ﺍﻟﺠﻴﺶ
ﺩﻡ ﺍﻟﺸﻬﺪﺍ ﻭ ﺍﻟﻨﺼﺮ ﺍﻫﻮ ﺩﺍ
ﺍﻟﻨﻔﺲ ﺍﻟﻘﺎﻡ ﻭ ﺷﺒﺎﺏ ﻣﺎ ﻧﺎﻡ
ﻭﺍﻧﻬﺎ ﺳﻘﻄﺖ
ﺍﻟﻔﺮﺣﺔ ﺍﻟﻤﻜﺘﻮﻣﺔ ﺳﻨﻴﻦ
ﻭﺍﻧﻨﺎ ﻏﺎﻳﺒﻴﻦ
ﻻ ﻫﻨﺎ ﻣﻴﺘﻴﻦ ﻻ ﻫﻨﺎﻙ ﺣﻴﻴﻦ
ﺍﻟﻤﺤﺮﻭﻣﻴﻦ
ﺍﻟﻤﺪﻳﻮﻧﻴﻦ
ﻧﺤﻠﻢ ﺑﻲ " ﺑﺲ ﻟﻮ ﻛﻨﺖ ﻫﻨﺎﻙ "
ﺍﻟﻠﻪ ﻣﻦ ﻭﺟﻌﺔ ﻟﻮ ﻛﻨﺖ
ﻭﺍﻟﻠﻪ ﻣﻦ ﻭﺟﻌﺔ ﻫﻨﺎ ﻭﻫﻨﺎﻙ
ﻳﺎ ﺍﻟﻌﺒﺮﺓ ﺍﻻﻛﺒﺮ ﻣﻦ ﺣﻠﻘﻲ
ﺍﻧﺎ ﻣﺸﺘﺎﻗﻴﻦ
ﻟﻲ ﻛﻞ ﺍﻟﻨﺎﺱ ﺍﻟﺼﻮﺗﻨﺎ ﺑﻴﻤﺮﻕ ﻣﻦ ﺟﻮﻓﻢ
ﺳﻠﻤﻴﺔ ﻗﺼﺎﺩ ﺍﻟﺸﺮﺩﻧﺎ
ﺳﻠﻤﻴﺔ ﺍﻟﻤﺎ ﻭﻗﻔﺎ ﺧﻮﻓﻢ
ﺍﻟﺴﺠﻠﻮ ﺍﺭﻭﺍﺣﻨﺎ ﺣﻀﻮﺭ
ﻭ ﺑﺒﺴﺎﻃﺔ ﺑﻴﻨﻜﺮﻭﺍ ﻣﻌﺮﻭﻓﻢ
ﻓﻲ ﺭﻭﺣﻨﺎ ﺍﻟﻤﻴﺘﺔ ﻣﻜﺎﻥ ﻭﺯﻣﺎﻥ
ﺑﻨﻔﺨﻮﺍ ﺭﻭﺣﻢ
ﻭﻏﺼﺒﺎ ﻋﻦ ﻟﻴﻞ ﺍﻟﻜﻴﺰﺍﻥ
ﺍﻟﺸﻌﺐ ﺑﻴﺸﺮﻕ ﻓﻲ ﺍﻟﺴﻮﺩﺍﻥ
ﻭﺷﻌﺎﻉ ﻭﺍﺻﻞ ﻟﻲ ﻛﻞ ﻛﻞ ﻣﻜﺎﻥ

ﻗﻌﺪﺗﻨﺎ ﺗﺎﺭﻳﺨﻴﺔ
ﺍﻧﺖ ﺍﻟﺒﺮﺍﻙ ﺍﻧﺖ
ﻛُﻠﻚ ﻣﻌﺎﻱ ﺍﻧﺎ
ﺑﻴﻨﺎﺗﻨﺎ ﺷﻮﻕ ﻭﺍﺷﻮﺍﻕ
ﺍﻋﻤﺎﺭﺍ ﻓﺎﻳﺘﺔ ﺳﻨﺔ
ﻗﻌﺪﺗﻨﺎ ﻣﺎ ﺳﺎﻫﻠﺔ
ﺍﻟﻠﺤﻈﺔ ﻣﺎ ﻗﺎﺩﺭﺓ
ﺍﻟﻮﺍﻃﺔ ﻋﻮﺩﺍ ﺗﻨﻰ
ﺍﻟﻜﻮﻥ ﻭﻗﻒ ﺑﻴﻨﺎ
ﺍﻟﻴﻮﻡ ﺩﺍ ﺑﺎﻟﺘﺤﺪﻳﺪ
ﻓﻲ ﺣﻖ ﺭﻓﺎﻗﻮ ﺟﻨﻰ
ﻧﺎﺩﻳﺘﻨﻲ :
ﻧﺎﺧُﺪ ﺻﻮﺭﺓ؟؟؟
..
ﻃﻴﺐ ﺗﻤﺎﻡ ﻧﺎﺧُﺪ
ﻟﻜﻦ ﺃﻗﻮﻝ ﻣﻌﻠﻴﺶ
ﻟﻲ ﺍﻟﻠﺤﻈﺔ ﻓﻲ ﺍﻻﻭﻝ
ﻟﻠﻜﻮﻥ ﻭﻟﻠﺘﺎﺭﻳﺦ
ﻟﻤﻦ ﺗﺠﻲ ﺍﻟﺼﻮﺭﺓ
ﻣﺎﻑ ﻛﻮﻥ
ﻭﻣﺎﻑ ﺗﺎﺭﻳﺦ
ﻣﻬﻤﺎ ﻓﻲ ﺍﺳﺘﺜﻨﺎﺋﻲ
ﺃﻭ ﻭﺿﻊ ﻣﺎ ﺑﺘﻜﺮﺭ
ﺍﻟﺼﻮﺭﺓ ﺣﺎﻻ ﻃﻮﺍﺭﻱ
ﺑﻨﺴﻰ ﺍﻟﻤﻜﺎﻥ ﻭﺍﻟﻠﺤﻈﺔ
ﻧﺴﻴﺎﻥ ﻋﺸﺎﻧﺎ ﻣﺒﺮﺭ
ﻋﺎﻳﻨﺖ ﻟﻠﻜﺎﻣﻴﺮﺍ
ﻭﻓﻲ ﺑﺎﻟﻲ ﻛﺎﻥ ﻭﺷﻲ
ﻣُﺤﺘﺎﺟﺔ ﻟﻲ ﺑُﺪﺭﺓ
ﻭﺍﻟﻄﺮﺣﺔ ﻣﺎ ﺯﺍﺑﻄﺔ
ﻣﻤﻤﻤﻢ
ﻳﺎ ﺯﻭﻟﺔ ﻣﺎ ﻗﺼﺔ
ﻋﺎﺩﻳﺘﻲ ﻫﻲ ﺍﻟﻘُﺪﺭﺓ
ﻋﺎﻳﻨﺖ ﻟﻠﻜﺎﻣﻴﺮﺍ
ﻣﺘﺄﻛﺪﺓ ﺍﻟﻜﺎﻣﻴﺮﺍ
ﻋﺎﻳﻨﺖ ﺑﻲ ﻗﻮﺓ
ﺭﺳﻠﺖ ﻓﻲ ﺍﻟﺼﻮﺭﺓ
ﺍﺣﺴﺎﺱ ﺣﻀﻮﺭ ﻃﺎﻏﻲ
ﺍﻧﺎ ﺣﻴﺔ ﺑﻲ ﺟﻮﺓ
ﻋﺎﻳﻨﺖ ﻟﻠﻜﺎﻣﻴﺮﺍ
ﻭﻧﺴﻴﺖ ﻣﻨﻮ ﺍﻟﺠﻤﺒﻲ
ﺍﻧﺎ ﻛُﻠﻲ ﻟﻠﺼﻮﺭﺓ
ﻣﺎ ﻛﺎﻥ ﺑﻌﺎﻳﻦ ﻟﻴﻚ
ﻣﺎ ﻛﺎﻥ ﺑﻔﻜﺮ ﻓﻴﻚ
ﻣﺎ ﻛﺎﻥ ﻓﻲ ﺑﺎﻟﻲ ﺍﻟﻠﺤﻈﺔ
ﻻ ﻛﻨﺖ ﺣﺎﺳﺔ ﺑﻐﻴﺮﻱ
ﺍﻧﺎ ﻛﻠﻲ ﻟﻠﺼﻮﺭﺓ
ﺍﻧﺎ
ﻛﻠﻲ
ﻟﻠﺼﻮﺭﺓ
ﻛﻴﻒ ﺗﻄﻠﻊ ﺍﻟﺼﻮﺭﺓ
ﻭﻣﺎﻓﻴﻬﺎ ﻣﻨﻲ ﺍﻧﺎ
ﻏﻴﺮ ﻣﺎ ﻳﺨﺼﻚ ﺍﻧﺖ
؟؟؟ !!!
ﺍﺷﻮﺍﻗﻨﺎ
ﺗﺎﺭﻳﺨﻨﺎ
ﺇﻟﻔﺘﻨﺎ
ﻛﻴﻤﻴﺘﻨﺎ
ﻭﻧﻄﻠﻊ ﺑﻨﺘﺸﺎﺑﻪ
ﺧﺪﺭﺗﻨﺎ ﺗﺘﻄﺎﻗﺶ
ﻭﺷﻮﺷﻨﺎ ﺗﺘﻼﻣﻊ
ﻭﻋﻴﻮﻧﺎ ﻣﺒﺤﻮﺣﺔ
ﻣﺎ ﻗﻠﺖ ﻟﻲ ﺍﻧﻮ
ﺻﻮﺭﺗﻨﺎ ﻣﻔﻀﻮﺣﺔ
# ﻏﺪﻳﺮ _ ﺷﻴﺨﻨﺎ

ﺷﻐﻔﺖُ ﺑﺎﻟﺒﺪﺭِ
ﻏﺎﺏَ ﺍﻟﺒﺪﺭُ
ﻭﺍﻧﺨﺴﻔﺎ !!
ﻭﺻﺤﺖ ﻳﺎ ﺩﻫﺮُ
ﻓﺎﺭﺗﺪ ﺍﻟﺼﺪﻯ ﺃﺳﻔﺎ !!
َ
ﻣﺎ ﻣﺮ ﺑﻲ ﺫﺍﺕَ ﺣﺰﻥٍ
ﺫﻛﺮُ ﻓﺎﺟﻌﺔٍ
!!
ﺇﻻ ﻭﻗﻄَّﻊَ ﻗﻠﺒﻲ
ﺍﻟﺠﺮﺡُ ﻭ ﺍﻧﺼﺮﻓﺎ !!!
ﻳﺎ ﻟﻴﺖَ ﻣﻦ
ﺗﺼﻄﻔﻴﻪ ﺍﻟﺮﻭﺡ ﻋﻦ ﺷﻐﻒٍ
ﻛﻤﺎ ﺻﻔﻮﺕُ ﻟﻪُ ::
ﻓﻲ ﺍﻟﻨﺎﺋﺒﺎﺕ ﺻﻔﺎ !!!
ﻳﺎ ﻟﻴﺘَﻨﻲ ﻛﻨﺖُ ﻣﻨﺴﻴﺎً
ﻭﻗﺪ ﺟﻬﻠﻮﺍ
ﻗﺪﺭﻱ
ﻭﻟﻴﺖَ ﺍﻟﻨﻮﻯ ﺑﺎﻟﺤﺐِّ ﻣﺎ ﺍﺗﺼﻔﺎ !!
ﺃﻡ ﻟﻴﺖَ ﻗﻠﺒﻲ
ﻣﻦ ﺑﻌﺪ ﺍﻟﺠﺮﺍﺡِ ﻳﺮﻯ !!
ﺃﻭ ﻟﻴﺖَ ﺩﻣﻌﺔَ ﺃﺣﺰﺍﻧﻲ
ﺗﺼﻴﺮ ﺷﻔﺎ !!
ﺃﺻﻴﺢ ﻭﺣﺪﻱ
ﻳﺎ ﺭﻭﺣﻲ ﻭ ﻳﺎ ﺟﺴﺪﻱ !!
ﻗﻔﺎ ﻟﻨﺒﻚِ ﻋﻠﻰ
ﺟﺮﺡِ ﺍﻟﻔﺆﺍﺩِ ﻗﻔﺎ