ﻓﺘﺶ ﻋﻠﻲ ﺍﻟﺒﺮﻳﺪ
ﻭﺍﻟﻤﺎ ﺑﺨﻮﻥ ﻓﻲ ﻳﻮﻡ
ﻟﻮ ﻛﻨﺘﺎ ﻋﻨﻮ ﺑﻌﻴﺪ
ﻣﺎﺗﺸﻮﻑ ﻋﻴﻮﻧﻮ ﺍﻟﻨﻮﻡ
ﻓﺘﺶ ﻋﻦ ﺍﻻﺧﻼﺹ
ﻭﻣﺎﺑﺨﻮﻧﻚ ﺍﻻﺣﺴﺎﺱ
ﻭﺍﻟﺮﻳﺪﻩ ﻣﺎﻫﺎ ﺧﻼﺹ
ﺯﻱ ﻣﺎﺑﻘﻮﻟﻮ ﺍﻟﻨﺎﺱ
ﻣﺎﻛﻞ ﺯﻭﻝ ﺑﺮﻳﺪ
ﻋﺎﻳﺶ ﺣﻴﺎﺗﻮ ﺳﻌﻴﺪ
ﻧﺎﺱ ﻓﻲ ﺍﻟﺤﺰﻥ ﻋﺎﻳﺸﻪ
ﻣﺎﺷﺎﻓﻮ ﻃﻌﻢ ﺍﻟﻌﻴﺪ ..
ﻭﻓﺘﺶ ﻋﻦ ﺍﻟﺒﻴﺮﻳﺪ !!

ﺍﻋﺎﺗﺒﻚ ﻛﻴﻒ؟
ﺍﻟﻮﻣﻚ ﻛﻴﻒ؟
. ﻭﻳﻮﻡ ﺗﻐﻠﻂ ﺑﻐﻔﺮ ﻟﻴﻚ
ﻭﺍﻋﺎﺗﺐ ﻧﻔﺴﻲ ﺑﺎﻟﻤﺮﺍﺕ .
ﺍﺳﺎﻣﺤﻚ ﺟﺪ ﻣﻌﺎﻙ ﺍﺗﻨﺎﺳﻲ ﻟﻠﺮﺍﻳﺤﺎﺕ
ﺍﻋﺎﺗﺒﻚ ﻛﻴﻒ ؟؟
ﺍﻟﻮﻣﻚ ﻛﻴﻒ . ؟؟
ﻭﻳﻮﻡ ﻟﻮﻣﻚ ﺗﻠﻮﻣﻨﻲ ﻋﻴﻮﻧﻲ ﺑﺎﻟﺪﻣﻌﺎﺕ
ﺍﻧﺴﺎﻙ ﻛﻴﻒ ﻟﻮ ﻗﻠﺘﺎ ﺍﻧﺴﺎﻙ
ﻳﻜﻮﻥ ﺍﻟﻘﻠﺐ ﺟﻮﺍﻱ ﻣﺎﺕ
ﻣﺎﺑﻘﺪﺭ ﻋﻠﻲ ﻋﺘﺎﺑﻚ
ﻭﻻ ﺑﻘﺪﺭ ﻋﻠﻲ ﺑﻌﺎﺩﻙ
ﻭﻻ ﺑﻘﺪﺭ ﻋﻠﻴﻚ ﺑﺎﻟﺰﺍﺕ
ﻛﻔﺎﻳﻪ ﻋﺘﺎﺏ
ﻛﻔﺎﻳﻪ ﻏﻴﺎﺏ
ﻣﺤﺎﻝ ﺍﻗﺪﺭ ﺍﻏﻴﺐ ﻋﻨﻚ
ﻭﻟﻮ ﻟﺤﻈﺎﺕ .
ﺑﺸﺘﺎﻕ ﻟﻴﻚ ﻭﺍﻓﻜﺮ ﻓﻴﻚ
ﻭﺍﻓﺮﺡ ﺑﺎﻟﻌﻤﺮ ﻗﺮﺑﻚ
ﻭﻗﺒﻠﻚ ﻛﺎﻥ ﺷﻘﻲ ﻭﺍﻫﺎﺕ
ﺑﺤﺴﻚ ﻧﺴﻤﻪ ﻋﺰ ﺍﻟﺼﻴﻒ
ﻭﺍﺣﺴﻚ ﻓﻲ ﺍﻟﻮﺗﺮ ﻏﻨﻮﺍﺕ
ﺍﻋﺎﺗﺐ ﻛﻴﻒ ﻭﻳﻮﻡ ﺗﻐﻠﻂ
ﺑﻐﻔﺮ ﻟﻴﻚ ﻭﺍﻋﺎﺗﺐ ﻧﻔﺴﻲ ﺑﺎﻟﻤﺮﺍﺕ

https://m.facebook.com/1430643313844072/photos/a.1430655813842822.1073741826.1430643313844072/1725896594318741/?type=3&source=45&refid=17

ﻋﻴﺪ ﻣﻴﻼﺩ ﺍﻟﺮﻳﺪﻩ ﺍﻟﻠﻴﻠﻪ
ﻭﻛﻞ ﺍﻳﺎﻣﻲ ﻣﻌﺎﻙ ﺍﻋﻴﺎﺩ
ﻣﻜﺘﻮﺏ ﺭﻳﺪﻙ ﻟﻲ ﻳﺎﻏﺎﻟﻲ
ﺭﻏﻢ ﺍﻟﺒﻴﻨﺎ ﺑﻼﺩ ﻭﺑﻼﺩ
ﻣﺎﺣﺴﻴﺖ ﺑﻲ ﺑﻌﺪﻙ ﻣﺮﻩ
ﺩﻳﻤﻪ ﺑﺤﺲ ﺑﻲ ﺣﺒﻚ ﺯﺍﺩ
ﻭﺭﻏﻢ ﻗﺴﺎﻭﺓ ﺍﻟﺪﻧﻴﺎ ﻋﻠﻴﻨﺎ
ﻭﺩﺍﻳﻤﺎ ﺗﻘﺼﺪ ﻧﺒﻘﻲ ﺑﻌﺎﺩ
ﺍﻧﺖ ﺣﺒﻴﺒﻲ ﺍﻟﺴﺎﻛﻦ ﻗﻠﺒﻲ
ﻭﻏﻴﺮﻙ ﺗﺎﻧﻲ ﻣﻨﻮ ﺍﻟﺒﺘﺮﺍﺩ؟
ﻭﻛﻞ ﺍﻟﻘﺎﺻﺪ ﻳﺒﻌﺪ ﺑﻴﻨﺎ
ﻳﺎﺭﺑﻲ ﺗﺰﻳﺪ ﺍﻳﺎﻣﻮ ﺳﻬﺎﺩ
ﺍﻧﺎ ﻣﺎﻟﻲ ﺳﻮﺍﻙ ﻳﺎﻏﺎﻟﻲ
ﻭﺭﻳﺪﻙ ﺍﺻﺒﺢ ﻟﻲ ﺍﻟﺰﺍﺩ
ﻳﻮﻣﻲ ﺑﺼﺒﺢ ﺑﻴﻚ ﻭﺑﻤﺴﻲ
ﻣﺎﻟﻲ ﺣﻴﺎﺗﻲ ﻓﺮﺡ ﻭﺍﻋﻴﺎﺩ

ﺍﻟﺘﻬﺎﺑﺎﺕ ﺍﻟﻤﺸﺎﻋﺮ
ﺟﺎﺗﻨﺎ ﻣﻦ ﻛﺴﺮ ﺍﻟﺨﻮﺍﻃﺮ
ﻛﻞ ﻗﺼﺔ ﺭﻳﺪ ﻧﺸﻮﻓﻬﺎ
ﻗﺒﻞ ﺗﺒﺪﺃ ﻳﺠﻴﻬﺎ ﺁﺧﺮ
ﻛﻞ ﺯﻭﻝ ﺑﻘﻮﻝ ﻫﻮ ﻣﻈﻠﻮﻡ !!!
ﻭﻣﺎﻋﺮﻓﻨﺎ ﻣﻨﻮ ﺍﻟﻠﻲ ﻇﺎﻟﻢ؟
ﻭﻛﻞ ﺯﻭﻝ ﻣﺠﺮﻭﺡ ﻣﻌﺬﺏ
ﺑﻴﻬﻮ ﺭﺏ ﺍﻟﻜﻮﻥ ﺩﺍ ﻋﺎﻟﻢ
ﺍﻟﺠﺮﻭﺡ ﺑﺘﻄﻴﺐ ﻣﺼﻴﺮﺍ
ﻭﺍﻟﻘﻠﻮﺏ ﺑﺘﺠﻴﻨﺎ ﻏﻴﺮﺍ
ﻭﺍﺻﻠﻮ ﺣﺎﻝ ﺍﻟﺮﻳﺪﻩ ﻇﺎﻫﺮ
ﺣﻘﻴﻘﻪ ﺣﺎﻝ ﺍﻟﺮﻳﺪ ﺑﺨﻮﻑ
ﻛﻢ ﻗﻠﻮﺏ ﻓﻲ ﺍﻟﺮﻳﺪﻩ ﺗﻨﺰﻑ
ﻭﺍﻟﻌﻼﺝ ﻗﺎﺳﻲ ﻭﻣﻜﻠﻒ
ﻭﻣﺎﻓﻲ ﺩﻛﺘﻮﺭ ﻟﻴﻬﺎ ﺷﺎﻃﺮ
ﺍﻟﻠﻪ ﻳﺴﺘﺮ ﺑﺲ ﻋﻠﻴﻨﺎ
ﻭﻧﺸﻔﻲ ﻣﻦ ﺍﻟﻢ ﺍﻟﻤﺸﺎﻋﺮ

ﻭﺣﺪﻩ ﻭﺳﻼﻡ ﻭﺍﻣﺎﻥ
ﻣﺎﻟﻴﺎ ﺍﻟﻘﻠﻮﺏ ﺍﻳﻤﺎﻥ
ﻣﺎﻓﻴﺶ ﻓﺮﻕ ﺑﻴﻨﺎ
ﺍﻟﻜﻞ ﺍﻛﻴﺪ ﺍﺧﻮﺍﻥ
ﺳﻤﺮﻩ ﻭﺳﻮﺍﺩ ﺍﻟﻠﻮﻥ
ﺑﻔﺮﻗﻨﺎ ﻋﻦ ﺍﻟﻜﻮﻥ
ﺑﺲ ﺍﻟﻀﻤﻴﺮ ﺍﺑﻴﺾ
ﻧﺘﺼﺎﻓﻲ ﻣﻬﻤﺎ ﻳﻜﻮﻥ
ﺟﻤﻴﻞ ﻭﻃﻨﻲ ﺑﺘﺘﻌﺪﺩ ﺍﻻﻟﻮﺍﻥ ﻭﺍﻟﺜﻘﺎﻓﺎﺕ

ﺍﻟﺸﺎﻋﺮﺓ ﺯﻭﺑﻪ ﻋﺜﻤﺎﻥ
ﺇﺣﺴﺎﺳﻚ ﻣﺎﺯﻱ ﺍﻭﻝ !!
ﻭﻣﺸﺎﻋﺮﻙ ﺑﺎﺭﺩﻩ ﺷﻮﻳﺎ !!!
ﺍﻟﺮﻳﺪ ﺍﻟﻜﺎﻥ ﺍﺗﺤﻮﻝ
ﻣﻌﻘﻮﻝ ﺑﺘﻘﺴﻲ ﻋﻠﻴﺎ؟؟
ﻣﺸﻐﻮﻝ ﺑﻲ ﻏﻴﺮﻱ ﻛﺘﻴﺮ
ﻭﺍﻧﺎ ﺣﺎﻟﺘﻲ ﻣﻌﺎﻙ ﺑﺎﻟﻨﻴﺎ
ﻻﻗﺎﺩﺭﻩ ﺍﻓﻮﺗﻚ ﻭﺍﻣﺸﻲ
ﻻ ﻻﻗﻴﺎ ﻣﻌﺎﻙ ﺣﻨﻴﺎ
ﻻﺑﺮﺿﻲ ﺍﺷﺎﺭﻙ ﻗﻠﺒﻚ
ﻻ ﺍﺻﺒﺢ ﻓﻴﻬﻮ ﺿﺤﻴﺎ
ﻣﺎﺩﺍﻡ ﻗﺎﺩﺭ ﺗﻨﺴﺎﻧﻲ
ﺧﻠﻴﻬﻮ ﺍﻟﺤﺎﺻﻞ ﺑﻴﺎ
ﻣﺎﺗﺸﻴﻠﻮ ﺍﻟﻬﻢ ﻣﻦ ﺗﺎﻧﻲ
ﺧﻠﻴﻨﻲ ﻣﻌﺎﻙ ﻣﻨﺴﻴﺎ
ﻭﺍﻟﺮﻳﺪ ﺍﻟﺴﺎﻛﻦ ﻗﻠﺒﻚ
ﺗﺘﻬﻨﻲ ﻣﻌﺎﻫﻮ ﺑﻌﺪﻳﺎ

ﺣﺘﻲ ﻟﻮ ﻣﺎﻗﻠﺘﺎ ﻟﻴﻚ
ﺣﻘﻮ ﺗﻌﺮﻑ ﻗﻠﺒﻲ ﻋﻨﺪﻙ
ﻣﺎﺑﻔﻮﺗﻚ ﻟﺤﻈﻪ ﻭﺍﺣﺪﻩ
ﻣﺎﺑﺨﻮﻥ ﻳﺎﻏﺎﻟﻲ ﻋﻬﺪﻙ
ﻭﺍﻟﻌﻴﻮﻥ ﺍﻟﺸﺎﻓﻮ ﺭﻳﺪﻙ
ﻛﻴﻒ ﻳﺤﺒﻮ ﺗﺎﻧﻲ ﺑﻌﺪﻙ
ﺍﺻﻠﻮ ﻣﻜﺘﻮﺏ ﺗﺒﻘﻲ ﺭﻳﺪﻱ
ﻭﺍﺻﻠﻲ ﻣﻜﺘﻮﺏ ﺍﺑﻘﻲ ﺳﻌﺪﻙ
ﻗﻠﺒﻲ ﻣﻠﻴﺎﻥ ﻟﻴﻚ ﻣﺤﻨﻪ
ﻭﺍﻧﺖ ﺳﺎﻛﻦ ﻓﻴﻪ ﻭﺣﺪﻙ
ﺍﻧﺖ ﺑﺲ ﺧﻠﻴﻚ ﻣﻌﺎﻱ .
ﺍﻭﻓﻲ ﺑﻴﻬﻮ ﻳﺎﻏﺎﻟﻲ ﻭﻋﺪ

ﺭﻣﻴﺖ ﻫﻤﻮﻣﻲ ﻋﻠﻲ ﺍﻟﺒﺤﺮ ..
ﺗﺎﺭﻱ ﺍﻟﺒﺤﺮ ﺷﺎﻳﻞ ﻫﻤﻮﻡ ....
ﺷﻜﻴﺖ ﻛﺘﻴﻴﻴﺮ ﻗﻠﺒﻲ ﺍﻟﺼﺒﺮ ....
ﻭﺍﻗﻮﻝ ﻣﺼﻴﺮﻱ ﺍﻓﺮﺡ ﻓﻲ ﻳﻮﻡ .....!!!!
ﻭﺍﻧﺎ ﻳﺎﺑﺤﺮ ﻛﺎﻳﺴﻪ ﺍﻟﻔﺮﺡ ....
ﺟﺎﻳﺎﻙ ﻳﻤﻜﻦ ﺍﻭﺻﻠﻮ
ﻭﺍﻏﺴﻞ ﺟﺮﺍﺣﺎﺗﻲ ﺍﻟﺒﻘﻦ ....!!!!!
ﺩﺍﻳﻤﺂ ﻣﻌﺎﻱ ﻳﺘﺮﺣﻠﻮ ...
ﻭﺍﻧﺎ ﻳﺎﺑﺤﺮ ﻗﻠﺒﻲ ﺍﺗﻈﻠﻢ ....
ﻣﻤﻜﻦ ﺗﺸﻮﻓﻮ ﻭﺍﺳﺄﻟﻮ
ﻗﻮﻝ ﻟﻴﻪ ﻣﻴﻦ ﺍﻟﺒﺪﻟﻚ
ﻭﻋﺬﺍﺑﻮ ﻣﻴﻦ ﺍﻟﻜﺘﺮﻭ ..! ؟
ﻣﻴﻦ ﺍﻟﻠﻲ ﺯﺍﺩﻭ ﺳﻬﺎﺩﻱ ﻣﻴﻦ؟؟
ﻭﺍﻟﺴﺎﺏ ﻋﻴﻮﻧﻲ ﺑﻴﺴﻬﺮﻭ !!!!
ﻭﺍﻧﺎ ﻳﺎﺑﺤﺮ ﺑﻬﻮﺍﻫﻮ ﻛﺘﻴﺮ
ﻭﺭﻳﺪﻱ ﺍﻟﺴﻨﻴﻦ ﻣﺎﺗﺤﻮﻟﻮ

ﻣﻦ ﺭﻳﺪﻱ ﻛﻨﺘﺎ ﻋﻠﻴﻬﻮ ﺑﻐﻴﺮ
ﻃﻮﻝ ﺍﻟﺒﻌﺎﺩ ﻣﺎﺑﺪﻟﻮ ...
ﻭﺭﻣﻴﺖ ﻫﻤﻮﻣﻲ ﻋﻠﻲ ﺍﻟﺒﺤﺮ
ﺗﺎﺭﻱ ﺍﻟﺒﺤﺮ ﺷﺎﻳﻞ ﻫﻤﻮﻡ