ﻗﻠﻴﺒﻲ ﺍﻟﺮﺍﺩ
ﻗﺮﺭﺕ ﺃﺑﻴﻌﻮ ﺍﻟﻴﻮﻡ ﻓﻲ ﻣﺰﺍﺩ
ﻣﻴﻦ ﺍﻟﺪﺍﻳﺮﻭ؟
ﺷﺎﻳﻞ ﺍﻟﺮﻳﺪﻩ ﻣﻌﺎﻭ ﻓﻲ ﺍﻟﺰﺍﺩ
ﻓﺎﺕ ﻓﻲ ﺍﻟﻄﻴﺒﻪ ﺣﺪﻭﺩﺍ ﻭﺯﺍﺩ
ﻣﻴﻦ ﺍﻟﺪﺍﻳﺮﻭ؟
ﻗﻠﺐ ﺭﻳﺎﺩ
ﺑﻲ ﻃﺒﻌﻮ ﺣﻨﻴﻦ
ﺁﺩﻣﻦ ﺳﻔﺮﻭ ﺑﻼ ﻣﻴﻌﺎﺩ
ﻭﻛﺎﺗﻢ ﻓﻲ ﺟﻮﺍﻫﻮ ﺃﻧﻴﻦ
ﻗﻠﺐ ﻻ ﻃﻞ ﻋﻠﻴﻬﻮ ﻋﻨﺎﺩ
ﻻ ﺑﻌﺮﻑ ﺍﻟﻘﺴﻮﻩ ﻭﻃﺒﻌﻮ ﺍﻟﻠﻴﻦ
ﻣﻴﻦ ﺍﻟﺪﺍﻳﺮﻭ؟
ﻗﻠﺐ ﻣﺠﺮﻭﺡ ﻟﻜﻦ ﺻﺎﺑﺮ
ﻻ ﻫﻤﻮ ﺍﻟﺮﺍﺣﻮ ﻭﻻ ﺍﻟﺠﺎﻳﺎﺕ
ﻻ ﺑﺤﻜﻲ ﻋﻦ ﺍﻟﺰﻣﻦ ﺍﻟﻐﺎﺑﺮ
ﻻ ﺑﺒﻜﻲ ﻭﻳﺸﻜﻲ ﻣﻦ ﺍﻵﻫﺎﺕ
ﻗﻠﺐ ﺑﺲ ﻋﺎﻧﻰ ﻣﺮﺍﺭ ﺍﻟﻔﺮﻗﻪ
ﻭﺷﺎﻝ ﺍﻟﻠﻴﻞ ﺑﻴﻦ ﻭﺟﻌﻪ ﻭﺣﺮﻗﻪ
ﺿﺎﻕ ﺍﻟﺤﺴﺮﻩ ﻣﺤﻞ ﻣﺎ ﺩﻗﻪ
ﻭﺣﺘﻰ ﺍﻟﻔﺮﺣﻪ ﺗﺠﻴﻮ ﺑﺎﻟﺴﺮﻗﻪ
ﻫﻮﻱ ﻳﺎ ﻧﺎﺱ ﻣﻴﻦ ﺍﻟﺪﺍﻳﺮﻭ !!! ؟

ﺃﺣﺘﺎﺝ ﻟﻘﻠﺐ ﺁﺧﺮ ..!
ﻛﻄﻔﻠﺔ ﻻ ﺗﺘﻘﻦ ﺍﻟﺼﻤﺖ .. ﻭﻻ ﺗﺠﻴﺪ ﺍﻟﺤﺪﻳﺚ ..
ﺃﻭ ﻛﻤﺪﻳﻨﺔ ﺗﺨﻠﻊ ﺛﻮﺏ ﺻﺒﺮﻫﺎ ﻟﺘﺮﺗﺪﻱ ﺛﻮﺏ ﺻﺒﺮ ﺁﺧﺮ ﻋﻨﺪ ﺣﺎﻓﺔ ﺍﻟﻀﺠﻴﺞ ..
ﺃﻭ ‏( ﻛﻤﻨﺠﺔ ‏) ﻧﺰﻓﺖ ﺁﺧﺮ ﺃﻓﺮﺍﺣﻬﺎ ﻋﻨﺪ ﺃﺻﺎﺑﻊ ﺍﻟﺮﺣﻴﻞ ..
ﺃﺟﺪﻧﻲ ....
ﻭﻃﻨﺎً ﻳﺒﺤﺚ ﻋﻦ ﺃﺭﺿﻪ ﺑﻴﻦ ﺛﺒﺎﺕ ﺍﻷﺭﺽ ﻭﺩﻭﺭﺍﻧﻬﺎ ..
ﻓﻲ ﻣﻨﻄﻘﺔ ﺑﻴﻦ ﺍﻟﻔﻀﺎﺀ ﻭﺍﻟﻼ ﻓﻀﺎﺀ .. ﺑﻴﻦ ﺍﻟﺴﻌﺔ ﻭﺍﻟﻀﻴﻖ ..
ﺃﻭ ﺑﻴﻦ ﺍﻟﺸﻬﻴﻖ ﻭﺍﻟﺰﻓﻴﺮ ﺣﻴﻨﻤﺎ ﺗﺨﺘﻠﺞ ﺍﻟﺮﺋﺔ ﺑﻌﺸﻘﻚ .
ﻭﻳﺎﻟﻌﺸﻘﻚ
.. ﻛﻮﻛﺐ ﺩﺭﻱ ﻳﻮﻗﺪ ﻣﻦ ﺿﻮﺀ ﺍﻟﺮﻭﺡ ..
ﺷﺠﺮﺓ ﺗﺜﻤﺮ ﻋﻨﺪ ﻛﻞ ﻟﻘﺎﺀ ﻟﺘﺠﻨﺐ ﺁﻻﻑ ﺍﻟﻘﺼﺎﺋﺪ ..
ﻟﺤﻦ ﺃﻟﻔﺘﻪ ﺃﺫﻥ ﺍﻟﻜﻮﻥ ﺣﺘﻰ ﺑﺎﺗﺖ
ﺗﺴﺘﻴﻘﻆ ﻋﻠﻰ ﺻﻮﺗﻪ ﺑﻨﺎﺕ ﺃﻓﺮﺍﺣﻬﺎ ...
ﺃﺗﻮﻩ ﺑﻚ ..
ﺇﺫ ﺃﻧﻚ ﺍﻟﻮﻃﻦ ﺍﻟﺬﻱ ﻟﻢ ﺗﻌﺮﻑ ﺣﺪﻭﺩﻩ ﺧﺮﻳﻄﺔ ﺍﻟﻌﺎﻟﻢ ..
ﻭﻟﻢ ﺗﺪﻭِّﻥ ﻣﺴﺎﺣﺘﻪ ﻋﻠﺔ ﺣﻮﺍﻑ ﺃﻃﻠﺴﻬﺎ ..
ﻷﻥ ﺍﻟﻌﺎﻟﻢ ﺃﻛﺜﺮ ﺿﻴﻘﺎً ﻣﻦ ﺃﻥ ﺗﺘﺴﻊ ﻣﺴﺎﺣﺎﺗﻪ ﻟﺜﻠﺚ ﻣﺎ ﻳﺤﻤﻠﻪ ﻗﻠﺒﻚ
ﻣﻦ ﺗﻀﺎﺭﻳﺲ ﻭﺳﻬﻮﻝ .. ﻭﻏﺎﺑﺎﺕ ﻭﻭﺩﻳﺎﻥ ..
ﺃﺣﺘﺎﺝ ﻟﺠﻮ ﻏﻴﺮ ﻫﺬﺍ ﺍﻟﺬﻱ ﻳﺤﻴﻂ ﺑﻲ ..
ﻷﻛﻤﻞ ﺑﻪ ﻃﻘﻮﺱ ﻛﺘﺎﺑﺘﻲ ﻭﺍﺳﺘﻘﻲ ﻣﻦ ﺭﺣﻴﻘﻪ ﻣﺎ ﻳﺸﺘﻬﻲ ﺍﻟﻘﻠﻢ ﻣﻦ ﻣﺪﺍﺩ ..
ﺃﺣﺘﺎﺝ ﻟﺰﻣﻦ ﻏﻴﺮ ﻫﺬﺍ ﺍﻟﺬﻱ ﻳﺘﺴﺎﺭﻉ ﻧﺒﻀﻪ ﻛﻠﻤﺎ ﺗﺴﺎﺭﻉ ﺍﻟﻨﺒﺾ ﺑﻌﺸﻘﻚ ..
ﻓﺘﺨﺘﻔﻲ ﺛﻮﺍﻧﻴﻪ ﻭﺗﺘﻮﺍﺭﻯ ﺩﻗﺎﺋﻘﻪ ﺧﺠﻼً
ﺛﻢ ﺗﺼﻤﺪ ﺳﺎﻋﺎﺗﻪ ﺃﻣﺎﻡ ﺳﻴﻞ ﻣﺸﺎﻋﺮﻱ ﻟﺘﻨﺰﻭﻱ ﻭﺗﺘﻮﻗﻒ ﻋﻨﺪ ﺗﻤﺎﻡ ﺍﻟﺸﻮﻕ ..
ﺃﺣﺘﺎﺝ ﻟﻐﺔ ﻻ ﺗﺠﻴﺪ ﻗﺮﺍﺀﺗﻬﺎ ﺍﻟﻜﺎﺋﻨﺎﺕ .. ﻟﻴﻌﻠﻢ ﺍﻟﺬﻱ ﺃﻧﻄﻘﻨﺎ

ﻣﻨﻮ ﺍﻟﺨﻼﻙ ﺗﺨﺶ ﻓﻲ ﺍﻟﺠﻮﻑ ﺗﺪﺍﻋﺐ ﺑﺆﺭﺓ ﺍﻹﺣﺴﺎﺱ ..
ﻭﺗﻨﻬﻴﺪﺍﺕ ﺑﻮﺍﻗﻲ ﺍﻟﻮﺣﺸﺔ ..
ﻭﺍﻟﺸﻬﻘﺔ ﺍﻟﺘﺠﻴﺐ ﺍﻟﺸﻮﻕ ..
ﻭﺍﻟﺒﺴﻤﺔ ﺍﻟﺘﺸﺪﻫﺎ ﺫﻛﺮﻯ ﺇﺟﺘﺎﺣﺖ ﺳﻜﻮﻥ ﺍﻟﺒﺎﻝ ........
ﻣﻨﻮ ﺍﻟﻮﺭﺍﻙ ﺭﻃﺎﻧﺔ ﺍﻟﻨﻈﺮﺓ ﻭﻛﺘﻴﻦ ﺣﺒﺴﺖ ﺍﻷﻧﻔﺎﺱ ..
ﻭﻟﻜﻨﺎﺕ ﺍﻟﺠﻠﺪ ﻭﺍﻟﺮﻋﺸﺔ ..
ﻭﺍﻟﺮﺟﻔﺔ ﻭ ﺗﻮﺍﺑﻊ ﺍﻟﺨﻮﻑ ..
ﻭﻟﻬﺠﺎﺕ ﻣﺎ ﺑﺘﺘﻐﻴﺮ ﻣﻊ ﺍﻟﺘﺮﺣﺎﻝ .........
ﻭﻣﻦ ﻭﻳﻦ ﻟﻴﻚ ﺣﺪﻳﺚ ﺍﻟﻀﺤﻜﺔ ..
ﻛﻴﻔﻦ ﺭﻛﺒﻚ ﻓﻲ ﻟﺤﻈﺔ ﻟﻴﻦ ﺍﻟﺮﻳﺪ ﻭﻗﻮﺓ ﺭﺍﺱ ..
ﺗﻜﺎﺑﺮ ﺍﺷﺘﻬﺎﻙ ﻣﻦ ﺧﺶ ..
ﺗﻠﺘﻘﻂ ﺇﻧﻌﻜﺎﺱ ﺍﻟﻔﻜﺮﺓ ﻭ ‏( ﺍﻧﻔﺎﺳﻚ ‏) ..
ﻭ ﺗﺘﻠﺬﺫ ﻋﻨﺎﺩ ﺍﻟﻠﻬﻔﺔ ﻭﺗﺼﻮﺭ ﻟﺴﺎﻥ ﺍﻟﺤﺎﻝ .......
ﻣﻨﻮ ﺍﻟﻌﻠﻢ ﻧﻐﻢ ﺻﻮﺗﻚ ﻭﺍﻧﺎﻣﻠﻚ ﻭﺍﺭﺗﺪﺍﺩ ﻃﺮﻓﻚ ‏( ﻭﻧﺴﺔ ﺍﻟﺮﻭﺡ ‏) !!!!
ﻭﻟﻐﺔ ﺍﻟﻔﻦ ﻭﺣﺐ ﺍﻟﻨﺎﺱ ..
ﻭﺧﻼﻙ ﻓﻲ ﺍﻟﻮﺭﻳﺪ ﺗﺘﻤﺸﻰ ..
ﺗﺘﺼﺒﺐ ﻋﺸﻖ ﻓﻲ ﻟﺤﻈﺔ ﻳﺮﺟﻊ ﻟﻲ ﺻﺪﻯ ﺳﻜﻮﺗﻚ ﻭﻳﻤﻠﻰ ﺍﻟﺠﻮﻑ ﻋﻘﺎﺏ ﺻﻤﺘﻚ ﻗﺼﻴﺪ ﻭﻣﻘﺎﻝ
.........
ﻭﻛﻴﻔﻦ ﻓﻲ ﺣﻀﻮﺭﻙ ﺑﻨﺴﻰ ﺻﻮﺭﺓ ﺍﻷﻧﺜﻰ ﻭﺍﺗﻠﺒﺲ ﻣﻼﻣﺢ ﻃﻔﻠﺔ ﺑﻲ ﻛﺮﺍﺱ ..
ﺗﻼﺣﻖ ﺣﺮﻓﻬﺎ ﺍﻟﻄﺶ ..
ﻭﺗﺘﻼﻋﺐ ﻣﻊ ﺍﻟﺮﻭﺡ ﺍﻟﺘﻮﺍﻧﺲ ﻓﻲ ﺻﺨﺐ ﺭﻭﺣﻚ ..
ﻭﺍﺣﺎﺳﻴﺴﺎ ﻛﺘﻴﺮﺓ ﻣﻌﺎﻙ ﻻ ﺑﺘﺘﻌﺪ ﻻ ﺑﺘﻨﻘﺎﻝ .........
ﻭﻛﻴﻒ ﺑﺘﺸﻴﻞ ﻣﻼﻣﺤﻚ ﻣﻦ ﻫﺪﻳﺮ ﺃﺑﺒﺎﻱ ..
ﺳﻤﺎﺭ ﺍﻟﻨﻴﻞ ﻭ ﺣﺲ ﺗﺎﻧﺎ ﺍﻟﺸﺠﻲ ﻭﺣﺴﺎﺱ ..
ﻭﻣﻦ ﺍﻟﻐﻴﻢ ﺩﻋﺎﺵ ﻧﻘﺎﻃﻚ ﺍﻟﺮﺵ ..
ﻋﻠﻲ ﺍﻷﺭﺽ ﺍﻟﺘﻀﺞ ﺭﻳﺪﺓ ﻭﺗﻜﺶ ﺷﻌﺮﺓ ﻣﺴﺎﻡ ﺍﻟﺒﻮﺡ ..
ﺣﺒﻴﺒﺔ ﻣﻦ ﺍﻟﺰﻣﺎﻥ ﺍﻟﻔﺎﺕ ﻭﺑﺎﻗﻴﻬﻮ ﺍﻟﻄﺮﻳﻘﻮ ﻣﺤﺎﻝ .

ﺍﻷﻃﺮﺵ ﻓﻲ ﺍﻟﺰﻓﺔ
ﻋﺎﺭﻑ ﺍﻟﻜﻠﻤﺔ ﺍﻟﻤﺮﻗﺖ ﻣﻨﻚ ﻣﺮﻗﺖ ﻣﻨﻚ ﺑﻲ ﺍﺣﺴﺎﺳﻲ ..
ﻋﺎﺭﻑ ﺃﻧﺎ ﻗﺮﺑﺘﺎ ﺃﻗﻮﻻ ﺑﺲ ﻧﻈﺮﺍﺗﻚ ﺟﺎﻃﺖ ﺭﺍﺳﻲ ...
ﺃﻧﺎ ﻣﺎ ﻋﺎﺭﻑ ﻛﻴﻔﻦ ﻣﺮﻗﺖ ﻣﻦ ﺗﻔﻜﻴﺮﻱ ﻭﺣﻠﻤﻲ ﺍﻟﺮﺍﺳﻲ ...
ﻳﻤﻜﻦ ﺃﻛﻮﻥ ﻣﻦ ﺩﻭﻥ ﻣﺎ ﺃﺷﻌﺮ ﻗﻠﺘﺎ ﻗﺒﻠﻚ ﻭﺃﻧﺎ ﻣﺎ ﺣﺎﺳﻲ ...
ﻭﻣﻤﻜﻦ ﺟﺪﺍ ﺟﺎﺕ ﻣﺘﺴﺮﺑﺔ ﻣﻦ ﺗﻤﺘﻤﺘﻲ ﻭﻣﻦ ﺍﻧﻔﺎﺳﻲ ....
ﻭﺑﺮﺿﻚ ﻳﻤﻜﻦ ﻟﺤﻆ ﺍﻟﻨﻈﺮﺓ ﺟﺮﺟﺮ ﻣﻨﻲ ﻛﻼﻣﻲ ﺍﻟﺪﺍﺳﻲ ...
ﻭﻫﺪ ﺍﻟﺤﻴﻞ ﺍﻟﺸﺎﻳﻞ ﺣﺴﻲ ﻭﻫﺪ ﻣﻌﺎﻫﻮ ﺭﺑﺎﻃﺔ ﺟﺄﺷﻲ ...
ﺣﻨﻴﻦ ﺍﻟﻨﺒﺮﺓ ﻭﻟﻴﻨﻮ ﺍﻟﻘﺎﺳﻲ ...
ﻭﺃﻧﺎ ﻳﻮﻡ ﺩﺍﻙ ﻏﺸﻴﺖ ﺷﺎﺭﻋﻜﻢ ..
ﻭﻛﻞ ﻣﻨﺎﻳﺎ ﺍﺷﻮﻓﻚ ﺻﺪﻓﺔ ..
ﻭﺍﺗﺨﻴﻠﺘﻚ ﻟﻲ ﺗﺘﺠﺎﻫﻞ ﻭﻻ ﺗﻘﻮﻡ ﺗﺘﻐﺎﺑﻰ ﺍﻟﻌﺮﻓﺔ ....
ﺟﻴﺖ ﻣﺘﻮﻗﻊ ﺇﻧﻮ ﺗﻄﻨﺶ ﺃﻭ ﺗﺘﺎﻗﻞ ﻭﺗﺒﻌﺪ ﻭﺗﺠﻔﻰ ...
ﻭﺍﺗﺨﻴﻠﺖ ﺳﻼﻣﻚ ﺑﺎﺭﺩ ﻣﺎ ﺍﺗﻮﻗﻌﺘﻮ ﻳﻜﻮﻥ ﺍﻷﺩﻓﻰ ....
ﻭﺃﻧﺎ ﻣﺎ ﻗﺎﻳﻠﻚ ﻟﻲ ﺣﺘﺴﺎﻟﻢ ﺃﻭ ﺗﺘﺒﺴﻢ ﻟﻲ ﺑﻲ ﺇﻟﻔﺔ ...
ﻭﻻ ﻓﻲ ﺑﺎﻟﻲ ﺟﻤﻴﻞ ﻛﻠﻤﺎﺗﻚ ﺃﺳﻤﻊ ﻓﻴﻬﺎ ﺍﻟﺸﻮﻕ ﻭﺍﻟﻠﻬﻔﺔ ...
ﻭﺟﺪ ﺇﺣﺴﺎﺳﻚ ﺩﺍﻙ ﺧﻼﻧﻲ ﺑﻘﻴﺖ ﺯﻱ ﺍﻷﻃﺮﺵ ﻓﻲ ﺍﻟﺰﻓﺔ

ﺍﻧﺎ ﻻ ﺍﺑﺮﺍﻫﻴﻤﻚ ﻻ ﺭﺅﻳﺎﻙ
ﻭﺍﻧﺎ ﻻ ﻓﺮﻋﻮﻧﻚ ﻻ ﻣﻮﺳﺎﻙ
ﺍﻧﺎ ﻻ ﺛﻌﺒﺎﻧﻚ ﻻﻧﻲ ﻋﺼﺎﻙ
ﺍﻧﺎ ﺑﺲ ﻳﺎ ﺩﺍﺑﻚ ﻳﺎﺩﺍﺑﻚ ﺳﺎﻛﻨﺔ ﻣﺴﺎﻣﻚ
ﻭﺟﺒﺮﺍً ﺟﺎﺭﻳﺔ ﻣﺠﺎﺭﻱ ﺩﻣﺎﻙ ‏( ﻭﻣﻘﻄﻊ ﺍﻭﻝ ‏)
ﻣﺎ ﻏﺸﻴﺘﻚ ﺍﺗﻮﻛﻴﺘﺔ ﻋﺼﺎﺓ ﺃﺣﻼﻣﻲ
ﺩﺧﻞ ﻭﺍﺩﻳﻚ ﻋﻔﻮﺍً ﻧﺎﺩﻳﺘﻚ
ﺷﻠﺘﻚ ﺭﻳﺤﺔ ﻣﻄﺮﺓ ﻭﻗﺒﻠﻲ
ﻭﻟﻊ ﻧﺎﺭﻙ ﻳﻮﻡ ﺧﺸﻴﺘﻚ
ﻭﺩﻗﻴﺖ ﺑﺎﺑﻲ ﻭﺃﺳﺘﺄﺫﻧﺖ
ﻓﺘﺤﺖ ﺍﻟﺒﺎﺏ ﺑﺴﺎﺭﻉ ﻻﻗﻴﺘﻚ
ﻭﻋﺸﻌﺶ ﻓﻴﻨﻲ ﺧﻴﺎﻟﻚ ﺟﻮﻩ
ﻭﻛﻨﺖ ﺍﻟﺰﻭﻝ ﺍﻟﻀﻌﻒ ﺍﻟﻘﻮﺓ
ﻭﻛﺖ ﺍﺕ ﺍﺩﻡ ﻭﻛﺖ ﺍﻧﺎ ﺣﻮﺍﺀ
ﺳﻠﺒﺖ ﺍﻟﺮﻳﺪ ﺍﻟﺼﺎﺩﻕ ﻣﻨﻲ
ﻭﻛﺎﻥ ﺍﻟﺮﻳﺪ ﻣﺴﻜﻴﻦ ﺑﺘﻠﻮﻱ
ﻭﺩﻭﻥ ﻣﺎ ﺍﺷﻌﺮ ﻛﺖ ﺑﺤﺘﺎﺟﻚ
ﻟﻤﺎ ﺗﻌﻔﺮﺕ ﺳﺤﺐ ﺍﻟﻮﺟﻌﺔ
ﺗﺴﻜﻦ ﺧﻮﻓﻲ
ﻭﻛﺖ ﺑﺤﺘﺎﺟﻚ ﻟﻤﺎ ﺗﻄﺶ
ﺍﻟﻜﻠﻤﺔ ﺍﻟﺤﻠﻮﺓ ﺗﻠﻮﻟﻲ ﺣﺮﻭﻓﻲ
ﻭﻛﺖ ﺑﺤﺘﺎﺟﻚ ﺗﻤﻸ ﻓﺮﺍﻏﻚ ﻓﻴﻨﻲ
ﻭﺗﺴﻜﻦ ﺁﺧﺮ ﺟﻮﻓﻲ ﻭﺗﺒﻘﻲ
ﺍﻟﻘﻠﺐ ﺍﻟﻨﺎﺑﺾ ﺍﻧﺖ ﻭﺭﻫﻒ ﺃﺣﺴﺎﺳﻲ
ﻭﻋﺎﻓﻴﺔ ﺷﻮﻓﻲ
‏( ﻭﻣﻘﻄﻊ ﺗﺎﻧﻲ ‏)
ﻭﻻ ﻧﺎﺩﻳﻴﺘﻚ
ﺍﻟﻨﺎﺩﺍﻙ ﺍﺣﺴﺎﺳﻲ ﻭﺷﻮﻗﻲ ﺍﻟﺸﺪ ﺧﻴﻮﻟﻲ ﻭﻛﺖ ﻻﻗﻴﺘﻚ
ﻭﺟﺒﺘﻚ ﻣﻨﻲ ﺟﻨﻴﻦ ﻣﺴﺘﻮﻃﻦ ﻋﺼﺐ ﺍﻟﻔﻜﺮﺓ ﻭﻗﻢ ﺗﺎﺗﻴﺘﻚ
ﻭﻳﻮﻡ ﻓﺮﻋﻮﻥ ﺍﻟﺰﻣﻦ ﺍﻟﻈﺎﻟﻢ ﻓﺘﺶ ﻋﻨﻚ ﺍﻧﺎ ﺗﺎﻭﻳﺘﻚ
ﻭﺍﻭﺣﻲ ﺧﻴﺎﻟﻲ ﺗﻮﺍﻧﺲ ﻳﻢ ﺍﺣﺴﺎﺳﻲ ﺍﻟﻤﺮﻫﻒ ﻭﻓﻴﻮ ﺧﺘﻴﺘﻚ
ﻭﻛﺎﻥ ﺗﺎﺑﻮﺗﻚ ﺇﻧﻲ ﺍﻭﺳﺪ ﺯﺍﺗﻲ ﻣﺴﺎﻣﻚ ﻭﻓﺠﺄﺓ ﺭﻣﻴﺘﻚ
ﻭﻟﻤﺎ ﺭﻣﻴﺘﻚ ﺇﺗﻤﺎﺯﺟﺖ ﺍﻟﻮﻟﺪ ﺍﻟﻔﻄﺮﺓ
ﻭﺍﺗﻜﻮﻧﺖ ﺍﻟﺮﻳﺪ ﺍﻟﻔﻜﺮﺓ
ﻭﻛﻨﺖ ﺻﺒﺎﺡ ﺍﻟﻠﻴﻠﺔ ﻭﺑﻜﺮﺍ
ﻭﻛﻨﺖ ﺷﻌﺎﻉ ﺍﻟﺰﻣﻦ ﺍﻟﻘﺎﺗﻢ
ﻭﻧﻮﺭ ﺍﻟﺤﺎﺿﺮ ﻭﺯﺍﺕ ﺍﻟﺰﻛﺮﻱ
‏( ﻭﻣﻘﻄﻊ ﺛﺎﻟﺚ ‏)
ﻣﺎ ﻏﻨﻴﺘﻚ
ﺍﻟﻐﻨﺎﻙ ﺩﺍ ﺍﻟﻮﺗﺮ ﺍﻟﺤﺎﺋﺮ ﻭﺃﻧﺎ ﻣﺎ ﺑﻨﻜﺮ ﺍﺳﺘﻨﻴﺘﻚ
ﻻ ﻭﺻﻠﺘﻚ ﻻ ﺷﺮﻳﺘﻚ
ﺃﻧﺎ ﻻ ﺩﺭﺗﻚ ﻻﻧﻲ ﺍﺑﻴﺘﻚ
ﻻ ﻃﻠﻘﺘﻚ ﻻ ﺭﺩﻳﺘﻚ
ﻭﺃﺗﻴﻤﻤﺘﻚ ﻭﺇﺗﻮﺿﻴﺘﻚ
ﻻ ﺍﺳﺘﻨﺸﻘﺘﻚ ﻋﻨﺼﺮ ﺛﺎﻟﺚ
ﺑﺪﻱ ﻣﺠﺎﻝ ﻟﻲ ﺃﻱ ﺗﺄﻛﺴﺪ ﻓﻲ ﻛﺮﻳﺎﺕ ﺍﻟﺮﻳﺪ ﻓﻲ ﺑﻴﺘﻚ
ﺃﻧﺎ ﺍﺩﻣﻨﺘﻚ ﻟﻤﺎ ﻋﻘﺎﺏ ﺍﻟﺰﻣﻦ ﺍﺳﺘﻮﻃﻦ ﻓﻴﻨﻲ ﺧﺮﺍﺏ ﻭﺭﺟﻌﺖ ﻣﺸﻴﺘﻚ ﺳﻜﺔ ﺗﻠﻤﻠﻢ
ﺑﺎﻗﻲ ﺍﻟﺤﺴﺮﺓ
ﻭﺗﺨﺴﻒ ﺑﻲ ﻟﻮ ﻣﺎ ﺩﺍﺭﻳﺘﻚ
ﻭﺃﻧﺎ ﺩﺍﺭﻳﺘﻚ
ﺃﻧﺎ ﺩﺍﺭﻳﺘﻚ ﺍﻧﺎ ﺩﺍﺭﻳﺘﻚ ﺑﻴﻦ ﺷﻄﺄﻥ ﺍﻟﺒﺎﻝ ﻭﺍﻟﺨﺎﻃﺮ
ﻭﻓﻲ ﺿﻞ ﻟﻴﻞ ﺍﻟﻐﻴﻢ ﺍﻟﻤﺎﻃﺮ
ﻭﻓﻲ ﻫﻤﺴﺎﺕ ﺍﻃﻔﺎﻝ ﺑﺘﻐﻨﻲ
ﻓﺎﻃﻤﺔ ﺍﻟﺴﻤﺤﺔ ﻭﺣﺴﻦ ﺍﻟﺸﺎﻃﺮ
ﻓﺎﻃﻤﺔ ﺍﻟﺴﻤﺤﺔ ﻭﺣﺴﻦ ﺍﻟﺸﺎﻃﺮ
ﻭﻳﺎﻧﻲ ﺍﻟﺴﻤﺤﺔ ﻭﻳﺎﻛﺎ ﺍﻟﺸﺎﻃﺮ
ﻻﻧﻲ ﺯﻟﻴﺨﺔ ﻋﺸﺎﻥ ﻣﺎ ﺍﺭﺍﻭﺩﻙ
ﻭﻻ ﺍﻛﺖ ﻳﻮﺳﻒ ﻋﺸﺎﻥ ﻣﺎ ﺗﺄﺑﻲ
ﻻ ﺷﺪﻳﺘﻚ ﻋﻮﺩ ﻭﺭﺑﺎﺑﺔ
ﻭﻻ ﺩﻗﻴﺖ ﺇﻳﻘﻌﺎﻙ ﻣﺒﺪﺃ
ﻭﻻ ﺣﺮﺷﺘﻚ ﺗﻤﺸﻲ ﺍﻟﻐﺎﺑﺔ
ﻭﻻ ﻛﻠﻤﺖ ﺍﻟﺒﺤﺮ ﻳﺘﺒﺨﺮ
ﺷﺎﻥ ﻣﺎ ﺗﻄﻠﻊ ﺍﻧﺖ ﺳﺤﺎﺑﺔ
‏( ﻣﻘﻄﻊ ﺧﺎﻣﺲ ‏)
ﺍﻧﺎ ﺑﺎﻟﺠﺪ ﺑﺎﻟﺠﺪ ﺣﺒﻴﺘﻚ
ﻭﺍﻧﺎ ﺑﺘﻮﻛﻞ ﻭﺍﺩﺧﻞ ﺟﻮﺍﻙ ﻣﺎﺩﻡ ﺑﺎﻷﻧﻔﺎﺱ ﺗﺎﻭﻳﺘﻚ
ﻭﺃﻥ ﺑﺘﺴﻮﺩ ﻋﺼﺒﻚ ﻋﻨﻮﻱ ﻭﺗﺪﺧﻞ ﺍﻧﺖ ﺟﻮﺍﻱ ﻳﺎ ﺭﻳﺘﻚ
ﻭﻳﻨﻮ ﻏﻨﺎﻱ ﻛﺎﻥ ﻣﺎ ﻏﻨﻴﺘﻚ
ﻭﺷﻦ ﻏﻨﻴﺖ ﻟﻮ ﻣﺎ ﻏﻨﻴﺘﻚ
ﻭﻳﺎﻧﻲ ﻋﺼﻴﺮ ﺯﻳﺘﻮﻧﻚ ﻭﻧﺎﺭﻙ
ﻭﺿﻮ ﻣﺸﻜﺎﺗﻚ ﻭﻧﻮﺭﻙ ﻭﺯﻳﺘﻚ
ﺑﺲ ﻟﻮ ﺗﻤﺴﺲ ﺭﻭﺣﻚ ﻓﻜﺮﺕ
ﺇﻧﻲ ﻧﺴﻴﺖ ﺍﺳﻤﻲ ﻭﻣﺎ ﻧﺴﻴﺘﻚ
ﺍﻧﺎ ﻻ ﺍﺑﺮﺍﻫﻴﻤﻚ ﻻ ﺭﺅﻳﺎﻙ
ﺍﻧﺎ ﻻ ﻓﺮﻋﻮﻧﻚ ﻻ ﻣﻮﺳﺎﻙ
ﺍﻧﺎ ﻻ ﺛﻌﺒﺎﻧﻚ ﻻﻧﻲ ﻋﺼﺎﻙ
ﺍﻧﺎ ﺑﺲ ﻳﺎ ﺩﺍﺑﻚ ﺳﺎﻛﻨﺔ ﻣﺴﺎﻣﻚ
ﻭﺟﺒﺮﺍً ﺟﺎﺭﻳﺔ ﻣﺠﺎﺭﻱ ﺩﻣﺎﻙ

ﺍﻧﺎ ﻻ ﺍﺑﺮﺍﻫﻴﻤﻚ ﻻ ﺭﺅﻳﺎﻙ
ﻭﺍﻧﺎ ﻻ ﻓﺮﻋﻮﻧﻚ ﻻ ﻣﻮﺳﺎﻙ
ﺍﻧﺎ ﻻ ﺛﻌﺒﺎﻧﻚ ﻻﻧﻲ ﻋﺼﺎﻙ
ﺍﻧﺎ ﺑﺲ ﻳﺎ ﺩﺍﺑﻚ ﻳﺎﺩﺍﺑﻚ ﺳﺎﻛﻨﺔ ﻣﺴﺎﻣﻚ
ﻭﺟﺒﺮﺍً ﺟﺎﺭﻳﺔ ﻣﺠﺎﺭﻱ ﺩﻣﺎﻙ ‏( ﻭﻣﻘﻄﻊ ﺍﻭﻝ ‏)
ﻣﺎ ﻏﺸﻴﺘﻚ ﺍﺗﻮﻛﻴﺘﺔ ﻋﺼﺎﺓ ﺃﺣﻼﻣﻲ
ﺩﺧﻞ ﻭﺍﺩﻳﻚ ﻋﻔﻮﺍً ﻧﺎﺩﻳﺘﻚ
ﺷﻠﺘﻚ ﺭﻳﺤﺔ ﻣﻄﺮﺓ ﻭﻗﺒﻠﻲ
ﻭﻟﻊ ﻧﺎﺭﻙ ﻳﻮﻡ ﺧﺸﻴﺘﻚ
ﻭﺩﻗﻴﺖ ﺑﺎﺑﻲ ﻭﺃﺳﺘﺄﺫﻧﺖ
ﻓﺘﺤﺖ ﺍﻟﺒﺎﺏ ﺑﺴﺎﺭﻉ ﻻﻗﻴﺘﻚ
ﻭﻋﺸﻌﺶ ﻓﻴﻨﻲ ﺧﻴﺎﻟﻚ ﺟﻮﻩ
ﻭﻛﻨﺖ ﺍﻟﺰﻭﻝ ﺍﻟﻀﻌﻒ ﺍﻟﻘﻮﺓ
ﻭﻛﺖ ﺍﺕ ﺍﺩﻡ ﻭﻛﺖ ﺍﻧﺎ ﺣﻮﺍﺀ
ﺳﻠﺒﺖ ﺍﻟﺮﻳﺪ ﺍﻟﺼﺎﺩﻕ ﻣﻨﻲ
ﻭﻛﺎﻥ ﺍﻟﺮﻳﺪ ﻣﺴﻜﻴﻦ ﺑﺘﻠﻮﻱ
ﻭﺩﻭﻥ ﻣﺎ ﺍﺷﻌﺮ ﻛﺖ ﺑﺤﺘﺎﺟﻚ
ﻟﻤﺎ ﺗﻌﻔﺮﺕ ﺳﺤﺐ ﺍﻟﻮﺟﻌﺔ
ﺗﺴﻜﻦ ﺧﻮﻓﻲ
ﻭﻛﺖ ﺑﺤﺘﺎﺟﻚ ﻟﻤﺎ ﺗﻄﺶ
ﺍﻟﻜﻠﻤﺔ ﺍﻟﺤﻠﻮﺓ ﺗﻠﻮﻟﻲ ﺣﺮﻭﻓﻲ
ﻭﻛﺖ ﺑﺤﺘﺎﺟﻚ ﺗﻤﻸ ﻓﺮﺍﻏﻚ ﻓﻴﻨﻲ
ﻭﺗﺴﻜﻦ ﺁﺧﺮ ﺟﻮﻓﻲ ﻭﺗﺒﻘﻲ
ﺍﻟﻘﻠﺐ ﺍﻟﻨﺎﺑﺾ ﺍﻧﺖ ﻭﺭﻫﻒ ﺃﺣﺴﺎﺳﻲ
ﻭﻋﺎﻓﻴﺔ ﺷﻮﻓﻲ
‏( ﻭﻣﻘﻄﻊ ﺗﺎﻧﻲ ‏)
ﻭﻻ ﻧﺎﺩﻳﻴﺘﻚ
ﺍﻟﻨﺎﺩﺍﻙ ﺍﺣﺴﺎﺳﻲ ﻭﺷﻮﻗﻲ ﺍﻟﺸﺪ ﺧﻴﻮﻟﻲ ﻭﻛﺖ ﻻﻗﻴﺘﻚ
ﻭﺟﺒﺘﻚ ﻣﻨﻲ ﺟﻨﻴﻦ ﻣﺴﺘﻮﻃﻦ ﻋﺼﺐ ﺍﻟﻔﻜﺮﺓ ﻭﻗﻢ ﺗﺎﺗﻴﺘﻚ
ﻭﻳﻮﻡ ﻓﺮﻋﻮﻥ ﺍﻟﺰﻣﻦ ﺍﻟﻈﺎﻟﻢ ﻓﺘﺶ ﻋﻨﻚ ﺍﻧﺎ ﺗﺎﻭﻳﺘﻚ
ﻭﺍﻭﺣﻲ ﺧﻴﺎﻟﻲ ﺗﻮﺍﻧﺲ ﻳﻢ ﺍﺣﺴﺎﺳﻲ ﺍﻟﻤﺮﻫﻒ ﻭﻓﻴﻮ ﺧﺘﻴﺘﻚ
ﻭﻛﺎﻥ ﺗﺎﺑﻮﺗﻚ ﺇﻧﻲ ﺍﻭﺳﺪ ﺯﺍﺗﻲ ﻣﺴﺎﻣﻚ ﻭﻓﺠﺄﺓ ﺭﻣﻴﺘﻚ
ﻭﻟﻤﺎ ﺭﻣﻴﺘﻚ ﺇﺗﻤﺎﺯﺟﺖ ﺍﻟﻮﻟﺪ ﺍﻟﻔﻄﺮﺓ
ﻭﺍﺗﻜﻮﻧﺖ ﺍﻟﺮﻳﺪ ﺍﻟﻔﻜﺮﺓ
ﻭﻛﻨﺖ ﺻﺒﺎﺡ ﺍﻟﻠﻴﻠﺔ ﻭﺑﻜﺮﺍ
ﻭﻛﻨﺖ ﺷﻌﺎﻉ ﺍﻟﺰﻣﻦ ﺍﻟﻘﺎﺗﻢ
ﻭﻧﻮﺭ ﺍﻟﺤﺎﺿﺮ ﻭﺯﺍﺕ ﺍﻟﺰﻛﺮﻱ
‏( ﻭﻣﻘﻄﻊ ﺛﺎﻟﺚ ‏)
ﻣﺎ ﻏﻨﻴﺘﻚ
ﺍﻟﻐﻨﺎﻙ ﺩﺍ ﺍﻟﻮﺗﺮ ﺍﻟﺤﺎﺋﺮ ﻭﺃﻧﺎ ﻣﺎ ﺑﻨﻜﺮ ﺍﺳﺘﻨﻴﺘﻚ
ﻻ ﻭﺻﻠﺘﻚ ﻻ ﺷﺮﻳﺘﻚ
ﺃﻧﺎ ﻻ ﺩﺭﺗﻚ ﻻﻧﻲ ﺍﺑﻴﺘﻚ
ﻻ ﻃﻠﻘﺘﻚ ﻻ ﺭﺩﻳﺘﻚ
ﻭﺃﺗﻴﻤﻤﺘﻚ ﻭﺇﺗﻮﺿﻴﺘﻚ
ﻻ ﺍﺳﺘﻨﺸﻘﺘﻚ ﻋﻨﺼﺮ ﺛﺎﻟﺚ
ﺑﺪﻱ ﻣﺠﺎﻝ ﻟﻲ ﺃﻱ ﺗﺄﻛﺴﺪ ﻓﻲ ﻛﺮﻳﺎﺕ ﺍﻟﺮﻳﺪ ﻓﻲ ﺑﻴﺘﻚ
ﺃﻧﺎ ﺍﺩﻣﻨﺘﻚ ﻟﻤﺎ ﻋﻘﺎﺏ ﺍﻟﺰﻣﻦ ﺍﺳﺘﻮﻃﻦ ﻓﻴﻨﻲ ﺧﺮﺍﺏ ﻭﺭﺟﻌﺖ ﻣﺸﻴﺘﻚ ﺳﻜﺔ ﺗﻠﻤﻠﻢ
ﺑﺎﻗﻲ ﺍﻟﺤﺴﺮﺓ
ﻭﺗﺨﺴﻒ ﺑﻲ ﻟﻮ ﻣﺎ ﺩﺍﺭﻳﺘﻚ
ﻭﺃﻧﺎ ﺩﺍﺭﻳﺘﻚ
ﺃﻧﺎ ﺩﺍﺭﻳﺘﻚ ﺍﻧﺎ ﺩﺍﺭﻳﺘﻚ ﺑﻴﻦ ﺷﻄﺄﻥ ﺍﻟﺒﺎﻝ ﻭﺍﻟﺨﺎﻃﺮ
ﻭﻓﻲ ﺿﻞ ﻟﻴﻞ ﺍﻟﻐﻴﻢ ﺍﻟﻤﺎﻃﺮ
ﻭﻓﻲ ﻫﻤﺴﺎﺕ ﺍﻃﻔﺎﻝ ﺑﺘﻐﻨﻲ
ﻓﺎﻃﻤﺔ ﺍﻟﺴﻤﺤﺔ ﻭﺣﺴﻦ ﺍﻟﺸﺎﻃﺮ
ﻓﺎﻃﻤﺔ ﺍﻟﺴﻤﺤﺔ ﻭﺣﺴﻦ ﺍﻟﺸﺎﻃﺮ
ﻭﻳﺎﻧﻲ ﺍﻟﺴﻤﺤﺔ ﻭﻳﺎﻛﺎ ﺍﻟﺸﺎﻃﺮ
ﻻﻧﻲ ﺯﻟﻴﺨﺔ ﻋﺸﺎﻥ ﻣﺎ ﺍﺭﺍﻭﺩﻙ
ﻭﻻ ﺍﻛﺖ ﻳﻮﺳﻒ ﻋﺸﺎﻥ ﻣﺎ ﺗﺄﺑﻲ
ﻻ ﺷﺪﻳﺘﻚ ﻋﻮﺩ ﻭﺭﺑﺎﺑﺔ
ﻭﻻ ﺩﻗﻴﺖ ﺇﻳﻘﻌﺎﻙ ﻣﺒﺪﺃ
ﻭﻻ ﺣﺮﺷﺘﻚ ﺗﻤﺸﻲ ﺍﻟﻐﺎﺑﺔ
ﻭﻻ ﻛﻠﻤﺖ ﺍﻟﺒﺤﺮ ﻳﺘﺒﺨﺮ
ﺷﺎﻥ ﻣﺎ ﺗﻄﻠﻊ ﺍﻧﺖ ﺳﺤﺎﺑﺔ
‏( ﻣﻘﻄﻊ ﺧﺎﻣﺲ ‏)
ﺍﻧﺎ ﺑﺎﻟﺠﺪ ﺑﺎﻟﺠﺪ ﺣﺒﻴﺘﻚ
ﻭﺍﻧﺎ ﺑﺘﻮﻛﻞ ﻭﺍﺩﺧﻞ ﺟﻮﺍﻙ ﻣﺎﺩﻡ ﺑﺎﻷﻧﻔﺎﺱ ﺗﺎﻭﻳﺘﻚ
ﻭﺃﻥ ﺑﺘﺴﻮﺩ ﻋﺼﺒﻚ ﻋﻨﻮﻱ ﻭﺗﺪﺧﻞ ﺍﻧﺖ ﺟﻮﺍﻱ ﻳﺎ ﺭﻳﺘﻚ
ﻭﻳﻨﻮ ﻏﻨﺎﻱ ﻛﺎﻥ ﻣﺎ ﻏﻨﻴﺘﻚ
ﻭﺷﻦ ﻏﻨﻴﺖ ﻟﻮ ﻣﺎ ﻏﻨﻴﺘﻚ
ﻭﻳﺎﻧﻲ ﻋﺼﻴﺮ ﺯﻳﺘﻮﻧﻚ ﻭﻧﺎﺭﻙ
ﻭﺿﻮ ﻣﺸﻜﺎﺗﻚ ﻭﻧﻮﺭﻙ ﻭﺯﻳﺘﻚ
ﺑﺲ ﻟﻮ ﺗﻤﺴﺲ ﺭﻭﺣﻚ ﻓﻜﺮﺕ
ﺇﻧﻲ ﻧﺴﻴﺖ ﺍﺳﻤﻲ ﻭﻣﺎ ﻧﺴﻴﺘﻚ
ﺍﻧﺎ ﻻ ﺍﺑﺮﺍﻫﻴﻤﻚ ﻻ ﺭﺅﻳﺎﻙ
ﺍﻧﺎ ﻻ ﻓﺮﻋﻮﻧﻚ ﻻ ﻣﻮﺳﺎﻙ
ﺍﻧﺎ ﻻ ﺛﻌﺒﺎﻧﻚ ﻻﻧﻲ ﻋﺼﺎﻙ
ﺍﻧﺎ ﺑﺲ ﻳﺎ ﺩﺍﺑﻚ ﺳﺎﻛﻨﺔ ﻣﺴﺎﻣﻚ
ﻭﺟﺒﺮﺍً ﺟﺎﺭﻳﺔ ﻣﺠﺎﺭﻱ ﺩﻣﺎﻙ

ﻓﻲ ﺑﻴﺘﻨﺎ ﺩﺍﻙ ...
ﻛﺎﻥ ﺍﻟﺘﻜﻞ ...
ﻗﺪﺍﻣﻮ ﻛﺎﻧﺖ ﻣﺰﻳﺮﺓ
ﻣﺴﻨﻮﺩﺓ ﺑﻲ ﺷﻌﺒﺎً ﻗﺪﺍﺍﺍﺍﻡ
ﻧﻘﺎﻉ ﻣﺮﺑﻮﻁ ﺑﺎﻟﻘﻤﺎﺵ
ﻭﻛﺎﻥ ﺍﻟﻄﻴﻮﺭ ﺗﻨﺰﻝ ﺗﺮﻙ
ﺗﺸﺮﺏ ﺗﻔﻮﺕ ......
ﻭﻛﻤﺎﻥ ﺃﻧﺎ ......
ﻭﺍﻟﻨﺎﺱ ﻋﻤﻮﻡ ....
ﻭﺍﻟﻤﺸﻠﻌﻴﺐ ﺭﺍﺑﻄﻨﻮ ﻓﻮﻕ
ﺿﺎﻓﺮﻧﻮ ﻣﻦ ﺳﻌﻒ ﺍﻟﺟﺮﻳﺪ
ﺧﺎﺗﻴﻦ ﻋﻠﻰ ﺿﻬﺮﻭ ﺍﻟﻠﺒﻦ
ﻭﺑﺎﻗﻲ ﺍﻟﻠﻘﻴﻤﺔ ﺍﻟﻔﻲ ﺍﻟﻔﺠﺮ ...
ﺩﺍﺧﺮﻧﻬﺎ ﻟــﻲ ﺃﻱ ﺯﻭﻝ ...
ﻭﺍﻟﻬﻤﺒﺮﻳﺐ ﺿـﻞ ﺍﻟﻀﺤﻰ
ﻭﺍﻟﻘِﺪ ﻣﻔﺮﺵ ﻟﻠﻀــﻴﻮﻑ ...
ﻭﺍﻟﻨﺎﺱ ﺗﺠﻴﻚ ﻣﺒﺴﻮﻃﺔ ﺗﺐ
ﺗﻘﻌﺪ ﺗﻘﻮﻡ ﺑﺎﻛﺮ ﺗﻔــــﻮﺕ ...
ﻭﺍﻟﺪﻭﻛﺔ ﺣـﻴﻪ ﻭﻣﺎ ﺑﺘـﻤﻮﺕ
ﻭﺍﻟﻔﺮﺻﻪ ﻓﻲ ﺩﺍﻙ ﺍﻟﺴـﻌﻦ
ﻣﻜﺒﻮﺑﺔ ﻓﻲ ﺍﻟﻘﺪﺡ ﺍﻟﻜﺒﻴﺮ ..
ﻳﺎﺣﻠﻴﻠﻮ ﻛﺎﻥ ﺯﻣﻨﺎ ﻗﺒﻴﻞ ...
ﻭﻛﺖ ﺍﻟﻨﻔﻮﺱ ﻣﺘﻄﺎﻳﺒﺔ ...
ﺍﻟﻨﺎﺱ ﺗﺤﺎﻧﻦ ﻟﻲ ﺑﻌﺾ ... ﻛﻞ ﺍﻟﺒﻴﻮﺗﺎﺕ ﺻﻨﻘﻌﺖ
ﺭﺍﺟﻴ ﺍﻟﻬﻼﻝ ﻳﻈﻬﺮ ﻳﺒﻴﻦ
ﻭﺍﻟﺴﺮﺓ ﺷﺮﺕ ﻋﻴﺸﺔ ﻓﻮﻕ
ﺧﻴﺸﺔ ﺍﻟﺨﺰﻳﻦ
ﻭﺍﻟﺤﻠﺔ ﺗﻘﺪﻝ ﻣﻬﺮﺟﺎﻥ ﻭﻋﺪﻳﻞ ﻭﺯﻳﻦ
ﻭﺍﻟﺸﻔﻊ ﺍﺗﻨﺎﺳﻮﺍ ﺍﻟﺘﻌﺐ
ﻟﻤﻮﺍ ﺍﻟﻠﺪﺍﻳﺎﺕ ﻭﺍﻟﺤﻄﺐ
ﻧﺴﻮﺍﻥ ﻋﺰﺍﺯ ﺣﺮﺳﻮﺍ ﺍﻟﻠﻬﺐ
ﻛﻮﺟﻨﻭ ﺯﻳﻴﻴﻴﻴﻦ ﺧﻤﺮﻧﻭ ﻓﻲ ﺣﻮﺵ
ﺍﻻﻣﻴﻦ
ﻭﺍﻟﺘﺎﻳﺔ ﻋﺎﺳﺖ ﺟﺮﺩﻟﻴﻦ
ﻭﻧﻔﻴﺴﺔ ﺣﺎﻟﻔﺔ ﺍﻛﺎﻥ ﺗﻌﻮﺱ
ﻋﻞ ﺍﻟﻤﺮﺽ ﻣﺎﻩ ﺷﻮﻡ ﻭﺷﻴﻦ
ﻳﺎ ﻧﻔﻴﺴﺔ ﺍﻃﺮﻳﻬﻮ ﺍﻟﻨﺒﻲ
ﻗﺎﻟﺖ ﻳﻤﻴﻦ ﻭﺑﻌﻮﺱ ﻳﻤﻴﻦ
ﻳﺎ ﻧﻔﻴﺴﺔ ﻣﺎﻙ ﻗﺪﺭ ﺍﻟﺘﻌﺐ
ﻗﺎﻟﺖ ﻳﻤﻴﻦ ﻭﺑﻌﻮﺱ ﻳﻤﻴﻦ
ﺟﺎﺕ ﻓﺎﻃﻨﺔ ﻣﻦ ﺍﺧﺮ ﺍﻟﻤﻤﺮ
ﻳﺎ ﺍﻟﺴﺮﺓ ﻋﻮﺳﻚ ﻣﺎﺍﺍﺍﺍﺍﻧﺴﺘﺮ
ﺭﻳﺤﺔ ﺍﺑﺎﺭﻳﻚ ﺍﻧﺘﺸﺮ
ﻭﺍﻧﺎ ﺟﻴﺖ ﺍﻗﻬﻮﺝ ﻟﻠﻤﺰﺍﺝ
ﺑﻲ ﻟﻤﺔ ﺍﻟﻨﺎﺱ ﺍﻟﻜﺘﺮ
ﺭﻣﻀﺎﻥ ﻛﺮﻳﻢ ﻋﻠﻰ ﻛﻞ ﺯﻭﻝ
ﻭﺍﻟﻠﻤﺔ ﻓﻲ ﺑﺮﺵ ﺍﻟﻔﻄﻮﺭ
ﻭﺻﺪﻯ ﺍﻟﺘﺮﺍﻭﻳﺢ ﻓﻲ ﺍﻟﻌﻘﻮﻝ
ﻭﺍﻟﺴﻬﺮﺓ ﻟﻲ ﻭﺵ ﺍﻟﺼﺒﺎﺡ
ﻣﺨﺘﻮﻣﺔ ﺑﻲ ﻗﻮﻣﻮﺍ ﺍﻟﺴﺤﻮﺭ

ﺍﺻﻠــﻮ ﺍﻟﺪﻧﻴﺎ ﻟﻤـﺎ ﺗﻀﻴﻖ
ﺑﺘﻘـﻔﻞ ﻓﻲ ﻭﺷﻴﻚ ﺍﻟﺒﺎﺏ
ﺩﺣﻴﻦ ﺍﺳـﺘﻐﻔﺮ ﺍﻟﻠـﻪ ﻛﺘﻴﺮ
ﻭﺭﺏ ﺍﻟﻨــﺎﺱ ﻏﻔﻮﺭ ﺗﻮﺍﺏ
ﻭﺇﺧﺘﺎﺭ ﺍﻟﺼـﺪﻳﻖ ﺍﻟﺼـــﺎﺡ
ﻭﺧﺖ ﻟﻠﺨـﻮﺓ ﺍﻟﻒ ﺣـﺴﺎﺏ
ﻣﺎ ﺗﺘـﺠﺎﺭﻯ ﻟـﻲ ﺍﻟـﻤﺎﺑﻴﻚ
ﻭﻻ ﺗﺪﻧﻲ ﺗﺒــﻘﻲ ﺫﻟـــﻴﻞ
ﻭﺧﻠﻲ ﺍﻟﺪﻧﻴﺎ ﺗﻜﺸﻒ ﻟـﻴﻚ
ﻣﻮﺍﻗﻔﻚ ﺳﻴﺒﺎ ﺗﺒﻘﻲ ﺩﻟﻴﻞ
ﻭﺑﺘﻮﺭﻳــﻚ ﻣــﻨﻮ ﺍﻟـﻤﺎﻟﺢ
ﺍﻟﻔﻲ ﺍﻟﺴﻜﺔ ﻣﺎﺷﻲ ﻋﺪﻳﻞ
ﻣﻨـﻮ ﺍﻟـﻔﻲ ﺩﻧﻴـﺘﻚ ﺗﺮﻋـﺔ
ﻭﻣﻨﻮ ﺍﻟﻜﺎﻥ ﻓﻲ ﺣﻴﺎﺗﻚ ﻧﻴﻞ
ﺣـﻴﺎﺗﻚ ﻻ ﺗﺨــﻠﻬﺎ ﺳـﺎﻱ
ﻭﺍﻭﻋﻲ ﺗﺮﺍﻓﻖ ﺍﻟﻤﻮﻟﻴـﻚ
ﻭﺣﺎﻭﻝ ﺍﻓـﻬﻢ ﺍﻟﺤﻮﻟﻴﻚ
ﻭﻣـــﻬﺎ ﺑﻜـﺘّـــــﻚ ﺍﻳــﺎﻡ
ﺍﻛﻴﺪ ﺑﺎﻛﺮ ﺑﺘــﻀﺤﻚ ﻟــﻴﻚ
ﻭﺍﻛِــﺮﻡ ﻛــﻞ ﺯﻭﻝ ﺧﺎﻭﺍﻙ
ﻭ ﺍﻟﺒﺘــﺴﻮﻱ ﺑــﺮﺟﻊ ﻟﻴﻚ

ﻫﻤﻮﻣﻚ ﺗﺸﻴﻠﻪ،ﺗﺸﻴﻠﻚ ﺗﺨﺘﻚ،
ﻭﺷﻴﻠﺘﻚ ﺗﻬﺪﻙ،ﺗﻜﻮﺱ ﺍﻟﻮﺟﻴﻊ ...
ﻭﻗﺮﺷﻚ ﺗﻠﻤﻮ،ﻳﻠﻤﻚ ﻋﻠﻴﻪ،
ﻭﺗﺘﻌﺐ ﻓﻰ ﻟﻤﻮ،ﻭﻳﺨﻠﺺ ﺳﺮﻳﻊ ...
ﺻﺪﻳﻘﻚ ﺗﺨﺎﻭﻯ،ﻳﺨﺎﻭﻯ ﺍﻟﻤﺼﺎﻟﺢ،
... ... ﻳﺠﺎﺯﻯ ﺍﻻﺧﻮﻩ،ﻟﺴﺮﻙ ﻳﺬﻳﻊ ...
ﺣﺒﻴﺒﻚ ﺗﺮﻳﺪﻭ،ﺑﺮﻳﺪﻙ ﺗﻌﺰﻭ،
ﻳﺬﻟﻚ ﺑﺮﻳﺪﻭ،ﻳﺨﻮﻧﻚ ﻭﻳﺒﻴﻊ ...
ﺩﺭﺍﻣﺎ ﺑﺘﻀﺤﻚ،ﻭﺗﻀﺤﻚ ﻋﻠﻴﻨﺎ،
ﻭﻧﻀﺤﻚ ﻣﻌﺎﻫﺎ،ﻭﻣﺴﺮﺡ ﺑﺪﻳﻊ ...
ﻧﻌﺎﻧﺪ ﻇﺮﻭﻓﻨﺎ،ﺗﻌﺎﻧﺪ ﻣﻌﺎﻧﺎ،
ﻭﻧﻜﺴﺮ ﻋﻨﺎﺩﻩ،ﺑﺤﺴﻦ ﺍﻟﺼﻨﻴﻊ ...
ﺳﻨﻴﻦ ﺇﺗﻐﻠﺒﻨﺎ،ﻭﺑﻜﺮﻩ ﺍﻟﻐﻠﺒﻨﺎ،
ﺣﻨﻐﻠﺐ ﻗﺴﺎﻭﺗﻮ،ﺑﻌﻮﻥ ﺍﻟﺴﻤﻴﻊ