ﻳﺎﺩﻧﻴﺎ ﻣﺎﺗﺪﻳﻨﺎ ﺷﻲ
ﻟﻮ ﻛﻨﺘﻲ ﺗﺎﻧﻲ ﺣﺘﻘﻠﻌﻲ
ﻣﺎﺗﺸﻴﻠﻲ ﺍﺣﺴﺎﺱ ﺍﻻﻣﻞ
ﻭﻗﻠﻴﺒﻨﺎ ﺑﺎﻟﺨﻮﻑ ﺗﺰﺭﻋﻲ
ﺗﺪﻳﻨﺎ ﺯﻭﻝ ﻧﻬﻮﺍﻫﻮ ﺟﺪ
ﻭﻓﻲ ﻟﺤﻈﻪ ﺗﺎﻧﻲ ﺗﻀﻴﻌﻲ
ﻋﺎﻳﺸﻴﻦ ﻣﻌﺎﻙ ﺍﺣﺰﺍﻥ ﻭﺑﺲ
ﻭﻟﻮ ﺯﺍﺭﻧﺎ ﻓﺮﺣﻚ ﺗﻤﻨﻌﻲ
ﻳﺎﺩﻧﻴﺎ ﻣﺎﻓﻬﻤﺎﻙ ﻋﺪﻳﻞ
ﺍﻟﻘﺎﺳﻲ ﺩﻳﻤﻪ ﺑﺘﺮﻓﻌﻲ !
ﻭﺍﻟﻘﻠﺒﻮ ﻣﻠﻴﺎﻥ ﺑﺎﻟﺤﻨﺎﻥ
ﻛﻠﻤﺎ ﻳﺼﻞ ﺑﺘﺮﺟﻌﻲ
ﺍﻟﻤﺎﺷﻲ ﻓﻲ ﺍﻟﺪﺭﺏ ﺍﻟﺴﻠﻴﻢ
ﻛﻠﻤﺎ ﻳﻤﺶ ﺑﺘﻮﻗﻌﻲ
ﻭﺍﻧﺎ ﻗﻠﺒﻲ ﺍﺗﻤﺮﺩ ﻋﻠﻴﻚ
ﺣﻴﺤﺐ ﻭﻣﺎﺃﻇﻦ ﺗﺮﺩﻋﻲ
ﻭﻋﻤﻠﺘﻪ ﻟﻲ ﺩﺳﺘﻮﺭ ﺟﺪﻳﺪ
ﻣﻀﻤﻮﻧﻮ ﺍﻧﻚ ﺗﺨﻀﻌﻲ
ﻭ ﺩﺭﺳﺘﻪ ﺣﺮﻛﺎﺗﻚ ﺧﻼﺹ
ﻗﻠﺒﻲ ﺍﻟﺮﻫﻴﻒ ﻣﺎﺑﺘﺨﺪﻋﻲ
ﻣﺎﺗﺠﻴﺒﻲ ﻟﻴﻬﻮ ﺧﺎﻳﻦ ﺟﺪﻳﺪ
ﺫﻟﻚ ﺑﺮﺍﻙ ﺍﺗﺠﺮﻋﻲ
ﺍﻧﺎ ﻗﻠﺒﻲ ﻓﺎﺕ ﻣﻨﻚ ﺑﻌﻴﺪ
ﻟﻮ ﻣﺎﺑﺘﻠﺤﻘﻲ ﺟﺪﻋﻲ

ﺍﻟﺒﻴﻨﺎ ﻻ ﺷـــــﻚ ﺍﻧﺘﻬﻰ ...
ﻭﺻﻠﺖ ﺧﻄﺎﻱ ﺍﻟﻤﻨﺘﻬﻰ ..
2000 ﺳــﻼﻡ ﻟﻲ . ﻣﻌﺰﺗﻚ ..
ﻓﺎﺭﻗﺖ ﺩﻧﻴﺎﻙ ﻛﻠﻬﺎ ...
ﻭﺑﺪﻳﺖ ﺩﺭﻭﺏ ﻣﻦ ﻏﻴﺮ ﻫﻮﺍﻙ ..
ﻭﺍﻟﺪﻣﻌﻪ ﺟﻮﺍﻱ ﺷﻠﺘﻬﺎ ..
ﺣﺎﺿﻦ ﻣﻼﻣﺤﻚ ﻣﻦ ﺑﻌﻴﺪ ..
ﻻﺯﻡ ﺣﺪﻭﺩﻱ ﺍﻟﻘﻠﺘﻬﺎ ..
ﻻ ﺑﻤﺸﻲ ﺗﺎﻧﻲ ﻭﺭﺍ ﻫﻮﺍﻙ ..
ﻛﻠﻤﺔ ﻭﺩﺍﻉ ﻧﻈﻤﺘﻬﺎ ..
ﻭﻧﺴﺠﺖ ﻣﺎ ﺑﻴﻨﻚ ﺩﺭﻭﺏ ..
ﻻ ﻳﻤﻜﻦ ﺍﻗﺪﺭ ﺍﻫﺪﻫﺎ ..
ﻭﻣﻨﻲ ﺍﻟﺴﻤﺎﺡ ﻡ ﺍﻇﻦ ﻳﺠﻴﻚ ..
ﺟﻮﺍﻱ ﻧﺎﺭ ﻭﻟﻌﺘﻬﺎ ..
ﻻﻳﻤﻜﻦ ﺍﻻﻳﺎﻡ ﺗﺸﻴﻼ ﻭﺗﻤﺴﺤﺎ ..
ﻭﺍﻧﺎ ﺭﺍﺟﻲ ﻓﻴﻚ ﺣﻜﻢ ﺍﻻﻟﻪ ..
ﺗﺮﺟﻊ ﺣﻘﻮﻗﻲ ﺍﻟﺸﻠﺘﻬﺎ ..
ﻭﺗﻌﺮﻑ ﻫﻮﺍﻯ ﺍﻧﺎ ﻡ ﻟﻌﺐ ..
ﻭﺍﻟﺤﺐ ﻗﻀﻴﻪ ﻭﺑﻌﺘﻬﺎ ..
ﻭﺍﻧﺎ ﺑﺮﺿﻮ ﺑﺘﻤﻨﺎﻙ ﺳﻌﻴﺪ ..
ﺭﻏﻢ ﺍﻟﺪﻣﻮﻉ ﻧﺰﻟﺘﻬﺎ ..
ﺍﻟﺪﻧﻴﺎ ﻡ ﻟﺤﻈﻪ ﻭﺩﺍﻉ ..
ﻣﻨﻚ ﺧﻼﺹ ﻭﺩﻋﺘﻬﺎ ..
ﻭﺍﺍﺍﺍﺍﺍﺳﻒ ﺑﻘﻮﻝ ﺣﺒﻚ ﻏﻠﻂ ..
ﻭﺍﻛﺒﺮ ﻣﺼﻴﺒﻪ ﻋﻤﻠﺘﻬﺎ ..
ﻭﺍﻧﺎ ﻛﻮﻧﻮ ﺍﻏﻠﻂ ﻡ ﻏﻠﻂ ..
ﻧﺪﻣﺎﻥ ﻣﺸﺎﻋﺮﻱ ﻇﻠﻤﺘﻬﺎ ..
ﺟﺮﺣﺖ ﺑﻲ ﺣﺒﻚ ﻗﻠﺐ ..
ﻛﻞ ﺍﻻﻣﻨﺎﻱ ﺩﻓﻨﺘﻬﺎ ..
ﻭﺍﻧﺎ ﻋﺎﺍﺭﻑ ﺍﻟﻠﻪ ﻛﺮﻳﻢ ﻋﻠﻲ ..
ﻣﻠﻴﻮﻥ ﻣﺤﺒﻪ ﺑﺤﺒﻬﺎ ..
ﻭﻏﻴﺮﻙ ﺑﺠﻴﺒﻮ ﻫﻈﺎﺭ ﻭﺟﺪ ..
ﻣﺎ ﺍﻟﺪﻧﻴﺎ ﻟﻌﺒﻪ ﻓﻬﻤﺘﻬﺎ ..
ﻭﺭﺍﻓﻊ ﻣﻌﺎﻙ ﻛﻔﻲ ﺍﻟﻴﻤﻴﻦ ..
ﺑﺎﻱ ﺑﺎﻱ ﺧﻼﺹ ﺍﺷﺮﺗﻬﺎ

ﻣﺎ ﺍﺗﻌﻮﺩﺕ ﺍﺧﺎﻑ ﻣﻦ ﻗﺒﻠﻚ
ﺍﻻ ﻣﻌﺎﻙ ﺣﺴﻴﺖ ﺑﺎﻟﺨﻮﻑ
ﺍﻋﻤﻞ ﺍﻳﻪ ﻣﺎ ﺍﻟﻘﺴﻤﻪ ﺍﺧﺘﺎﺭﺕ
ﻭﻛﻞ ﺍﻟﻨﺎﺱ ﺣﺎﻛﻤﺎﻫﺎ ﻇﺮﻭﻑ
.....
.....
ﻳﺎ ﻣﺎ ﻛﺘﻴﺮ ﻓﻜﺮﺕ ﺍﺻﺎﺭﺣﻚ
ﻭﺍﺳﺘﻨﻴﺘﻚ ﺗﺒﺪﺃ ﺍﻟﺴﻴﺮﻩ
ﻻ ﺍﺗﻜﻠﻤﺖ ﻭﻻ ﻟﻤﺤﺖ
ﻭﻻ ﺑﻴﻨﺘﺎ ﺍﻟﺮﻳﺪﻩ ﻣﺼﻴﺮﻫﺎ
ﻭﺍﻟﺤﻨﻴﻪ ﺍﻟﻜﻨﺖ ﺑﺪﻳﺘﺎ
ﻫﺴﻪ ﺑﻘﻴﺖ ﺑﺘﺸﻮﻓﺎ ﻛﺘﻴﺮﻩ
ﺯﻱ ﺧﻠﻴﺘﻨﻲ ﺍﺷﻚ ﻓﻲ ﺭﻳﺪﺗﻲ
ﻭﺧﻔﺖ ﺗﻜﻮﻥ ﻣﺸﻐﻮﻝ ﺑﻲ ﻏﻴﺮﺍ
ﺍﻧﺎ ﻣﻦ ﻗﺒﻠﻚ ﻣﺎ ﺍﺗﺤﻴﺮﺗﺎ
ﻭﺟﻴﺖ ﻭﺭﻳﺘﻨﻲ ﺩﺭﻭﺏ ﻓﻲ ﺍﻟﺤﻴﺮﻩ
.........
........
ﻭﺍﻟﻠﻪ ﻋﺸﺎﻧﻚ ﻳﺎ ﻣﺎ ﺻﺒﺮﺗﺎ
ﻟﻤﺎ ﺍﻟﺼﺒﺮ ﻓﺘﺮ ﻣﻦ ﺻﺒﺮﻱ
ﻭﻟﻤﺎ ﻧﺴﻴﺖ ﺍﻟﺪﻧﻴﺎ ﻭﺣﺎﺗﻚ
ﻣﻦ ﺍﻋﻤﺎﺭﻧﺎ ﺳﻨﻴﻨﻬﺎ ﺑﺘﺠﺮﻱ
ﻻ ﺍﺗﻠﻮﻣﺖ ﻣﻌﺎﻙ ﻻ ﻟﻤﺘﻚ
ﻗﻠﺖ ﺑﺮﺍﻙ ﺑﺘﺤﺲ ﺑﻲ ﻗﺪﺭﻱ
ﻗﻠﺖ ﻋﻠﻴﻚ ﺑﻜﺮﻩ ﺑﺘﺘﻐﻴﺮ
ﻭﺍﻟﻔﻰ ﻑ ﺭﻳﺪﻙ ﻓﺮﺣﺔ ﻋﻤﺮﻱ
ﺍﻻ ﻟﻘﻴﺘﻚ ﻟﺴﻪ ﺗﺎﻳﻪ ﻓﻲ ﺩﻧﻴﺎﻙ
ﻭﻣﺘﻮﻩ ﺍﻣﺮﻱ
..........
..........
ﻛﻢ ﺣﺎﻭﻟﺖ ﺍﻋﺎﻧﺪ ﺯﻳﻚ
ﻭﺍﻗﺴﻰ ﻋﻠﻴﻚ ﺑﻲ ﻛﻠﻤﻪ ﺷﻮﻳﻪ
ﺍﻻ ﻭﺣﺎﺗﻚ ﻏﺼﺒﺎ " ﻋﻨﻲ
ﻗﺒﻞ ﻋﻨﺎﺩﻱ ﺗﺠﻲ ﺍﻟﺤﻨﻴﻪ
ﻭﺩﺭﺑﺎ " ﺳﺮﺗﻮ ﻣﻌﺎﻙ ﺑﻲ ﻗﻠﺒﻲ
ﻭﻣﻨﻮ ﺑﻼﻙ ﻣﺎ ﺑﺘﺒﻘﻰ ﺍﻟﺠﻴﻪ
ﻣﺎ ﻓﺎﺭﻗﺖ ﻑ ﻳﻮﻡ ﺫﻛﺮﺍﻛﺎ
ﻭﺍﻧﺎ ﺫﻛﺮﺍﻱ ﻋﻨﺪﻙ ﻣﻨﺴﻴﻪ
ﺍﻧﺎ ﻣﺠﺒﻮﻭﻭﻭﻭﻭﻭﻭﻭﻭﻭﻭﺭ ﺍﺳﺘﻨﻰ ﺭﺿﺎﻙ
ﻭﺍﻧﺖ ﺍﺭﻳﺘﻚ ﺗﺮﺿﻰ ﻋﻠﻴﺎ

ﻳﺎﺍﻟﻜـﻨـﺖ ﺍﻗــــﺮﺏ ﺯﻭﻭﻝ ..
ﺍﻟـﻄـﻌـﻨـﻪ ﻭﺻـﻠـﺖ ﺻـﺎﺡ ..
ﺍﻥ ﺷــﺎﺀ ﺍﻟﻠﻪ ﺍﺭﺗــﺤــــﺘ ..
ﻭﻗـﻠـﺒـﻜـ ﻛـﻤـﺎﻥ ﻣــﺮﺗـﺎﺡ ..
ﻇــﺎﻫــﺮ ﻋـﻠـﻴــﻜـ ﺧـﺎﻳﻦ ..
ﻧــﻈــﺮ ﺍﻟـﻌـﻴــﻮﻥ ﻓـﻀـﺎﺡ ..
ﻭﺍﻟـﺮﻳــﺪﻫـ ﻓــﻲ ﻗﻠـﺒـﻜـ ..
ﻛﻴﻔـ ﺗﻠـﻘـﻰ ﻟﻴﻬﺎ ﺑـﺮﺍﺍﺍﺍﺡ ..
ﻭﻗﻠـﺒـﻜـ ﻣﻠﻴـﺘﻮ ﺳـــﻮﺍﺍﺍﺩ ..
ﻭﻟــﻊ ﺣــﺮﻳــﻘـــﻮ ﻭﻓــﺎﺡ ..
ﺍﺩﻳــﺘـــﻜـ ﺍﻧـــﺎ ﺣــﺒــﻲ ..
ﻭﺟﺎﺯﻳﺘﻨﻲ ﺑـﺪﻟــﻮ ﺟــﺮﺍﺡ ..
ﺳﻠـﻤـﺘﻪ ﻟــﻴــﻜـ ﻗـﻠﺒﻲ ..
ﻭﺍﺩﻳــــﺘـــﻜـ ﺍﻟـﻤـﻔـﺘـﺎﺡ ..
ﻟﻜــﻦ ﻃـﻠـﻌــﺘـﻪ ﺳـﺮﺍﺏ ..
ﺯﻱ ﺍﻟــــﺰﻣــــﻦ ﺭﻭﺍﺍﺍﺍﺍﺡ ..
ﻋـﻤـﺮﻭ ﺍﻟـﺨﺪﺍﻉ ﻣﺎﻛـﺎﻥ ..
ﻓﻲ ﺍﻟﺮﻳﺪﻩ ﺷﺮﻋﻮ ﻣﺒﺎﺡ ..
ﻭﺍﻧﺎ ﻛﺎﻥ ﻋﻠﻲ ﺑـﻨـﺴﺎﻛـ ..
ﺍﻋـﺘـﺒـﺮﻭ ﺭﻳـــﺪﻛـ ﺭﺍﺍﺍﺍﺍﺡ ..
ﻓـﺎﺍﺍﺭﻗـﻨـﻲ ﻳـﺎ ﻣﻐﺮﻭﻭﻭﺭ ..
ﺳﻴــﺐ ﺍﻟـﺠـﺮﺡ ﻧﺘﺎﺍﺍﺍﺡ

ﻣﺎ ﻣﻬﻢ ﻛﻮﻧﻚ ﺗﻌـــﺎﻧﺪ
ﺍﻭ ﻳﺒـــــﻮﺡ ﺑﺎﻟﺮﻳـﺪﻩ ﻗﻠﺒﻚ
ﺍﻟﻤﻬﻢ ﻳﺎ ﺯﻭﻝ ﺑﺮﻳـــــﺪﻙ
ﻭﺷﺎﻳﻠﻮ ﻓــــﻲ ﺟﻮﺍﻳﺎ ﺣﺒﻚ
ﺍﺻﻠﻮ ﻗﺎﻟﻮ ﺍﻟﺮﻳﺪ ﻣﺮﺍﺣﻞ
ﺑﺒﺪﺍ ﺑﻴﻦ ﻟﺤﻈــــﻪ ﻭﺩﻗﻴﻘﻪ
ﻧﺎﺱ ﺑﺘﻌﺸﻖ ﻓﻲ ﺍﻟﺪﻭﺍﺧﻞ
ﻭﻛﻞ ﺯﻭﻝ ﺑﺨﺘﺎﺭ ﻃﺮﻳﻘــﻪ
ﻭﺍﻧﺖ ﺑﺘﺨﺒــﻲ ﺍﻟﻤﺸﺎﻋﺮ
ﻭﺍﻟﻌﻴــــﻮﻥ ﺑﻠﻤـــﻊ ﺑﺮﻳﻘﻪ
ﻓﻴﻬﺎ ﺍﻳﻪ ﻟﻮ ﻳﻮﻡ ﻋﺸﻘﺘﻚ
ﻭﺟﻴﺖ ﺍﺻﺎﺭﺣﻚ ﺑﺎﻟﺤﻘﻴﻘـﻪ
ﻧﺤﻦ ﺑﻨﺤــﺎﻭﻝ ﻧﻘـــــﺮﺏ
ﻭﺍﻧﺖ ﺑﺘﺰﻳــــﺪ ﻓﻲ ﺩﻻﻟﻚ
ﻭﻛﻞ ﻟﺤﻈﻪ ﺗﻤﺮ ﻋﻠﻴﻨـﺎ
ﻓﻴﻬﺎ ﻧﺤﻠــــﻢ ﺑﻲ ﻭﺻﺎﻟﻚ
ﻣﺮﻩ ﻧﻬﺪﻳﻚ ﺍﻟﻤﺸﺎﻋﺮ
ﻭﻣﺮﻩ ﻧﺴﺮﺡ ﻓﻲ ﺟﻤﺎﻟﻚ
ﺑﺲ ﻋﺸﺎﻥ ﺧﺎﻃﺮ ﻋﻴﻮﻧﻚ
ﻛﻞ ﻗﺎﺳﻲ ﻳﻬﻮﻥ ﻋﺸﺎﻧﻚ
ﻨﺎﺱ ﺑﻘﻮﻟﻮ ﺍﻟﺮﻳﺪ ﻣﺤﻨﻪ
ﻭﻓﻲ ﺍﻟﺤﻘﻴﻘﻪ ﺍﻟﺮﻳﺪ ﻋﺬﺍﺏ
ﻧﺎﺱ ﺑﺘﻐﺮﻕ ﻓﻲ ﺍﻟﻤﺤﺒﻪ
ﻭﻧﺎﺱ ﺑﺘﺠﺮﻱ ﻭﺭﺍ ﺍﻟﺴﺮﺍﺏ
ﻣﺎ ﺣﺮﺍﻡ ﺗﺠﺮﺡ ﻣﺸﺎﻋﺮ
ﻟﺴــﻪ ﻓﻲ ﻋﺰ ﺍﻟﺸﺒﺎﺏ
ﺯﻭﻝ ﻫﻮﺍﻙ ﻭﺍﺩﻣﻦ ﻋﻴﻮﻧﻚ
ﻭﺍﻧﺖ ﺑﺘﻘﻮﻝ ﻧﻔﻀﻞ ﺻﺤﺎﺏ

ﺍﻟﺪﻧﻴﺎ ﺧﺪﺍﻉ ﻭﺍﻟﻨﺎﺱ ﺃﻧﻮﺍﻉ
ﻧﺎﺱ ﺗﺪﻳﻚ ﺇﺣﺴﺎﺱ ﺑﺎﻟﺤﺐ
ﻭﻧﺎﺱ ﻓﻲ ﺍﻟﻨﺎﺱ ﻣﺎ ﺑﺘﺨﺸﻲ ﺍﻟﺮﺏ
ﻭﻋﺎﺩﻱ ﺍﻟﻐﺎﻟﻲ ﺭﺧﻴﺺ ﺑﺘﺒﺎﻉ
ﻧﺎﺱ ﺗﻀﺤﻜﻠﻚ ﻟﻤﺎ ﺗﺸﻮﻓﻚ
ﻭﻧﺎﺱ ﺗﻤﺴﺤﻠﻚ ﺣﺰﻧﻚ ﻭﺧﻮﻓﻚ
ﻭﻧﺎﺱ ﺗﻔﺘﺤﻠﻚ ﻳﻮﻣﻲ ﺟﺮﻭﺣﻚ
ﺣﺘﻲ ﺍﻟﺮﻳﺪ ﺑﻘﻲ ﺁﺧﺮﻭ ﺿﻴﺎﻉ
ﺣﻜﺎﻭﻱ ﺍﻟﺮﻳﺪ ﺍﻟﺒﻴﻦ ﺇﺗﻨﻴﻦ
ﺑﻘﺖ ﻣﻌﺮﻭﻓﻪ ﻧﻬﺎﻳﺘﻮ ﻣﺘﻴﻦ
ﺃﻭﻟﻮ ﻏﻴﺮﻩ ﻭﺧﻮﻑ ﻭﺣﻨﻴﻦ
ﺃﺧﺮﻭ ﺧﻴﺎﻧﻪ ﻭﺯﻳﻒ ﻭﺧﺪﺍﻉ
ﺻﺎﺣﺒﻚ ﻭﺧﻠﻚ ﻭﻛﺎﺗﻢ ﺳﺮﻙ
ﺑﺮﺿﻮ ﺑﺨﻮﻧﻚ ﻭﻋﺎﺩﻱ ﺑﻀﺮﻙ
ﻣﺎ ﺗﺘﻮﻗﻊ ﺯﻭﻝ ﻳﺤﺰﻧﻠﻚ
ﺩﻣﻌﻚ ﻟﻤﻮ ﻭﺩﺳﻮ ﺳﺮﺍﻉ
ﻣﺎ ﺗﺴﺘﺄﻣﻦ ﺯﻭﻝ ﻓﻲ ﻧﻔﺴﻚ
ﻣﺎﻓﻲ ﻭﺟﻴﻊ ﻓﻲ ﺣﻀﻨﻮ ﺑﺪﺳﻚ
ﻭﻣﺎ ﺗﺘﺪﺧﻞ ﻓﻲ ﺍﻟﻤﺎ ﺑﺨﺼﻚ
ﻋﺎﺩﻱ ﺑﻘﻮﻟﻮ ﻋﻠﻴﻚ ﺧﺪﺍﻉ
ﺻﻔﻲ ﺍﻟﻨﻴﻪ ﻭﻋﻴﺶ ﺃﻳﺎﻣﻚ
ﺃﻛﺘﻢ ﺳﺮﻙ ﻭﺩﺱ ﺃﺣﻼﻣﻚ
ﻭﺯﻉ ﺑﺴﻤﺔ ﻭﻓﺸﻲ ﺳﻼﻣﻚ
ﺗﻠﻘﻲ ﺻﻔﺎﺕ ﻓﻲ ﺍﻟﻨﺎﺱ ﺃﻧﻮﺍﻉ

ﺑﺲ ﻟﻸﺳﻒ ...
ﻣﺎﺟﻴﺖ ﺍﻋﺎﺗﺒﻚ ﻓﻲ ﻛﻼﻡ
ﺃﻧﺎ ﺑﺲ ﺑﻘﻮﻝ ﻳﺎﺍﺍﺍﺍ ﻟﻸﺳﻒ
ﺑﻜﻴﺖ ﻇﻨﻮﻥ ﺍﻟﺸﻮﻕ ﻋﻠﻴﻚ
ﺃﺩﻳﺖ ﻫﻴﺎﻡ ﺇﺣﺴﺎﺳﻲ ﻛﻒ
ﺧﻠﻴﺘﻨﻲ ﻣﺎ ﺑﻴﻦ ﺍﻟﻐﻴﺎﺏ
ﻣﺎ ﺑﻴﻦ ﺷﻌﻮﺭ ﻗﻠﺒﻲ ﺍﻟﻮﻗﻒ
ﺃﻋﺪﻣﺖ ﺃﺧﺮ ﺣﺒﻲ ﻟﻴﻚ
ﺑﻘﺖ ﺍﻟﺪﻣﻮﻉ ﻣﺮﺻﻮﺻﻪ ﺻﻒ
ﻧﺎﻫﻴﻚ ﻋﻦ ﺍﻷﻟﻢ ﺍﻟﻤﻌﺎﻱ
ﻏﻴﺮ ﺍﻟﻌﺬﺍﺏ ﺍﻟﻔﻲ ﺍﻟﻄﺮﻑ
ﻭﺭﻳﻨﻲ ﺇﺗﺒﺪﻝ ﺷﻨﻮﻭﻭﻭ؟؟
ﻗﻮﻝ ﻟﻲ ﻳﺎﺍﺍﺗﻮ ﺍﻹﺧﺘﻠﻒ
ﺃﻧﺎ ﻏﺎﻳﺘﻮ ﻧﻔﺲ ﺍﻟﺰﻭﻝ ﺯﻣﺎﻥ
ﺑﺲ ﺇﻧﺖ ﻭﺍﻗﻌﻚ ﺇﻧﺤﺮﻑ
ﺃﺻﺒﺤﺖ ﻣﺪﻣﻦ ﻟﻠﻌﺬﺍﺏ
ﻗﻠﺒﻚ ﻣﻊ ﺍﻷﺣﺰﺍﻥ ﻋﺰﻑ
ﺧﻠﻴﺖ ﻋﻬﻮﺩ ﺍﻟﺤﺐ ﺗﻤﻮﺕ
ﺧﺎﻟﻔﺖ ﻟﻠﺪﻳﻦ ﻭﺍﻟﺸﺮﻑ
ﺃﻧﺎ ﻛﻨﺖ ﻣﺘﺄﻣﻞ ﻣﻌﺎﻙ
ﺑﺲ ﺇﻧﺖ ﺧﺎﺗﻲ ﺍﻟﺤﺐ ﺗﺮﻑ
ﻭﺍﻟﻠﻴﻠﻪ ﻣﻨﻚ ﺇﻛﺘﻔﻴﺖ
ﻭﺍﻟﻔﻴﻜﺎ ﺑﺎﻟﺠﺪ ﺇﺗﻌﺮﻑ
ﻭﺍﺧﺮﺕ ﺿﻤﻴﺮ ﺣﺒﻚ ﻣﻌﺎﻱ
ﺃﻧﺎ ﺇﻛﺘﺸﻔﺘﻮ ﺑﺪﻭﻥ ﻫﺪﻑ
ﻳﺎﺭﻳﺘﻨﻲ ﻣﺎ ﻻﻗﻴﺖ ﻫﻮﺍﻙ
ﻭﺍﻟﺒﻴﻨﺎ ﻳﺎﺍﺍﺍﺍﺍﺍﺭﻳﺖ ﺇﺗﺤﺰﻑ
ﺃﻧﺎ ﻗﻠﺒﻲ ﻳﺤﺮﻕ ﺍﻭ ﻳﻤﻮﺕ
ﻟﻮ ﺗﺎﻧﻲ ﺑﻲ ﺇﺳﻤﻚ ﻫﺘﻒ
ﻣﺎ ﻋﻨﺪﻱ ﺣﺎﺟﻪ ﺃﻗﻮﻻ ﻟﻴﻚ
ﻏﻴﺮ ﺇﻧﻮ ﺑﺲ ﻳﺎﺍﺍﺍ ﻟﻸﺳﻒ

ﺳﺎﻫﺮﺕ ﺑﻲ ﻃﻴﻔﻚ
-
ﺷﺒﻌﻨﻲ ﻣﻨﻚ ﺷﻮﻕ
ﺳﻴﺪ ﺍﻟﻤﺰﺍﺝ ﻛﻴﻔﻚ؟
-
ﻃﻤﻨﻲ ﻳﺎ ﺍﻟﻤﻌﺸﻮﻕ
ﻛﻴﻒ ﺍﻟﻈﺮﻭﻑ ﻭﻳﺎﻙ
ﻭﺍﻟﺪﻧﻴﺎ ﻭﺍﻻﻳﺎﻡ
-
ﻳﺎﺳﻴﺪ ﻣﺴﺎﺭﺏ ﺍﻟﺮﻭﺡ
ﺯﺍﻳﺪ ﺣﻨﻴﻦ ﻭﻏﺮﺍﻡ
ﺣﺮﻑ ﺍﻟﻐﻨﺎ ﺍﻟﻠﻮﻻﻱ
ﻫﺪﻫﺪ ﺭﺅﺍﻙ ﻭﻧﺎﻡ ♡
-
ﻃﺎﺑﻊ ﻫﻮﺍﻱ ﻓﻲ ﺍﻟﺠﻮﻑ
ﻭﻻ ﺍﻟﺤﺮﻭﻑ ﻗﻴﻔﻚ؟
ﻃﻤﻨﻲ ﻳﺎﻟﻤﻌﺸﻮﻕ
ﺳﻴﺪ ﺍﻟﻤﺰﺍﺝ ﻛﻴﻔﻚ

ﻧﺘﻼﻗﻰ ﻓﻰ ﻭﻋﺪﺍ ﻗﺮﻳﺐ
ﻛﺎﻥ ﺍﻟﻠﻪ ﻫﻮﻥ ﻳﺎ ﺍﻟﺤﺒﻴﺐ
ﻭﺃﻫﺪﻳﻚ ﺑﻨﻴﺎﺕ ﺍﻟﻤﻄﺮ
ﻭﺭﺩﺓ ﻭﻓﺮﺍﺷﺔ ﻭﻫﻤﺒﺮﻳﺐ
ﻭﺍﺳﻘﻴﻜﺎ ﻳﺎ ﻧﻮﺭ ﺍﻟﺪﺭﺏ
ﻋﻄﺮ ﺍﻟﻐﻨﻴﻮﺍﺕ ﺍﻟﺰﻣﺎﻥ
ﻭﺇﺗﻘﺪﻣﻚ ﺭﻏﻢ ﺍﻟﺼﻌﺎﺏ
ﺷﺎﻥ ﺃﻣﻸ ﻗﻠﺒﻚ ﺑﺎﻷﻣﺎﻥ
ﻭﺃﻛﺘﺐ ﻋﻠﻰ ﺳﻔﺮ ﺍﻟﺴﻔﺮ
ﺩﺭﺏ ﺍﻟﺤﻨﺎﻥ ﻟﻠﺤﻮﻝ ﻗﺮﻳﺐ

ﻭﺍﻗﻮﻝ ﻣﻌﻠﻴﺶ ﺑﺘﺤﺼﻞ ﻳﺎﺍﺥ
ﻭﺍﺳﺎﻣﺤﻚ ﻟﻮ ﻧﺴﻴﺘﻨﻲ ﻣﻌﺎﺍﺍﻙ
ﻭﺍﻃﻴﺐ ﺧﺎﻃﺮﻱ ﺑﻲ ﺷﻮﻓﻚ
ﻭﺍﺫﻛﺮ ﻧﻔﺴﻲ ﺑﻲ ﻟﻘﻴﺎﺍﺍﺍﺍﻙ
ﻭﻣﻬﻤﺎ ﻃﺎﺍﺍﺍﺍﻝ ﺑﻌﺎﺍﺍﺩﻙ ﻟﻲ
ﻳﻜﻔﻲ ﻗﻠﻴﺒﻲ ﻳﻮﻭﻡ ﺣﺒﺎﺍﺍﻙ
ﻭﻻﺍﺍﺍ ﺗﺸﻐﻞ ﻗﻠﻴﺒﻚ ﺑﻲ
ﻭﻻ ﺑﺸﻐﻞ ﺣﻴﺎﺍﺍﺗﻲ ﺳﻮﺍﺍﺍﻙ
ﻭﻟﻮ ﻣﺒﺴﻮﻁ ﻭﺍﻧﺖ ﺑﻌﻴﺪ
ﺗﺄﻛﺪ ﺍﻧﻲ ﺑﺮﺿﻮ ﻣﻌﺎﺍﺍﺍﻙ
ﻭﻻ ﺑﺘﻔﺮﻕ ﺟﺮﻭﺣﻚ ﻟﻲ
ﺍﺫﺍ ﻣﺎ ﻛﺎﻥ ﻋﻼﺟﻲ ﻫﻮﺍﺍﺍﺍﻙ
ﺍﻧﺎ ﺍﻟﺒﺤﻠﻢ ﺍﻋﻴﺸﻚ ﺑﺲ
ﻭﺍﻣﻮﺕ ﻟﻮ ﻳﻜﻔﻲ ﺷﺎﻥ ﺍﻓﺪﺍﻙ
ﻭﺍﻛﻮﻥ ﺯﻱ ﻣﺎ ﺑﺘﺤﻠﻢ ﺑﻲ
ﺍﺭﺽ ﻧﻴﻠﻚ ﻭﺷﻤﺲ ﺳﻤﺎﻙ
ﻭﺍﺷﻴﻠﻚ ﻓﻲ ﺭﻣﻮﺵ ﺍﻟﻌﻴﻦ
ﻭﺍﺧﻠﻲ ﺣﻮﺍﺳﻲ ﻫﻲ ﺍﻟﺘﺮﻋﺎﺍﻙ
ﻭﺍﻃﻠﻊ ﺍﻱ ﺯﻭﻝ ﻓﻲ ﻗﻠﺒﻲ
ﺷﺎﻥ ﺗﺘﺮﺑﻊ ﺍﻧﺖ ﺑﺮﺍﺍﺍﺍﺍﻙ
ﻳﻜﻮﻥ ﺍﻟﺤﺐ ﻣﺨﺼﺺ ﻟﻴﻚ
ﻭﺣﺼﺮﻳﺎ " ﻋﻠﻲ ﺩﻧﻴﺎﺍﺍﺍﺍﻙ
ﺗﻌﺎﻝ ﻭﺭﻳﻨﻲ ﺑﺲ ﻣﻨﻄﻖ
ﻳﻮﻗﻒ ﺇﻧﺒﻌﺎﺙ ﺫﻛﺮﺍﺍﺍﺍﺍﻙ
ﺍﺫﺍ ﻣﺎ ﻛﻨﺖ ﺍﻧﺖ ﺑﺸﺮ
ﻋﻠﻲ ﻣﻠﻤﺢ ﻣﻌﺎﺍﺍﻧﻲ ﻣﻼﻙ
ﻭﻻ ﻻﻗﺎﻧﻲ ﺯﻭﻝ ﺯﻳﻚ
ﻭﻻﻣﻌﺪﻥ ﻳﻀﺎﻫﻲ ﻫﻮﺍﺍﺍﺍﻙ