ﻭﺯﻱ ﻋﺼﻔﻮﺭ ﺻﺒﺎﺣﻮ ﺑﻴﻌﻠﻦ ﺍﻟﻔﺮﺣﺔ
ﻭﻳﻐﻨﻲ ﺍﻟﺮﻳﺪﺓ ﻟﻲ ﺷﻤﺴﻮ
ﻋﺮﻭﺳﻮ ﺍﻟﻼﺑﺴﺔ ﻣﻦ ﺍﻟﻨﻮﺭ
ﻭﻣﻦ ﻭﻫﺞ ﺍﻷﻣﻞ ﻃﺮﺣﺔ
ﻭﻻ ﺷﺎﻳﻞ ﻫﻤﻮﻡ ﺑﻜﺮﺓ
ﻭﻻ ﻓﻲ ﺑﺎﻟﻮ ﻫﻢ ﺃﻣﺴﻮ
ﻭﺻﻮﺗﻮ ﺑﺠﺪﺩ ﺍﻵﻣﺎﻝ
ﻭﻻﻣﻦ ﻳﺘﻌﺒﻮ ﺍﻟﺘﺮﺣﺎﻝ !!!
ﻳﻮﺷﻮﺵ ﻟﻠﻐﺼﻦ ﺗﻌﺒﻮ
ﻭﻳﻐﺮﺩ ﺑﺎﻟﺨﻄﺮ ﻓﻲ ﺍﻟﺒﺎﻝ
ﻳﺴﺎﻓﺮ ﺑﻲ، ﺑﻲ ﺣﻠﻢ ﻣﻔﺮﻭﺩ
ﻭﻣﻮﻋﺪ ﺗﺎﻧﻲ ﻟﻠﻌﻮﺩﺓ
ﻫﻮ ﺣﺮ ﺇﺣﺴﺎﺳﻮ ﻣﺎ ﻣﺤﺪﻭﺩ
ﻭﺑﻨﺸﺪ ﺃﺣﻠﻰ ﺍﻧﺸﻮﺩﺓ
ﻣﺤﻞ ﻣﺎ ﺭﻳﺢ ﺧﻄﺎﻫﻮ ﺗﻘﻮﺩ
ﺩﺭﻭﺑﻮ ﻭﺗﺮﺿﻲ ﻣﺮﻳﻮﺩﺍ
ﺑﻴﻘﻮﻝ ﻣﻮﺍﻝ …
ﺣﺒﻴﺒﻲ ﺍﻟﺴﺎﻓﺮ ﺃﻣﺒﺎﺭﺡ
ﻭ ﻟﻠﺮﻭﺡ ﻣﺎﺳﻜﺖ ﻫﻤﺴﻮ
ﻛﻤﺎ ﺍﻟﻌﺼﻔﻮﺭ
ﺻﺒﺎﺣﻮ ﺑﻴﻌﻠﻦ ﺍﻟﻔﺮﺣﺔ
ﻭﻳﻐﻨﻲ ﺍﻟﺮﻳﺪﺓ ﻟﻲ ﺷﻤﺴ

ﺧﻠﻲ ﺍﻟﺪﻣﻮﻉ ﻳﻮﻡ ﺍﻟﻔﺮﺡ
ﻣﺎﺗﺒﻜﻲ ﻳﺎﺳﺖ ﺍﻟﺤﺴﺎﻥ
ﺃﻧﺎ ﺫﺍﺗﻲ ﻏﺎﻟﺒﻨﻲ ﺍﻟﻮﺩﺍﻉ
ﺩﺧﻠﻨﻲ ﺃﺻﻌﺐ ﺍﻣﺘﺤﺎﻥ
ﻣﺠﺒﻮﺭ ﺃﺟﺎﻓﻴﻚ ﻳﺎﻣﻼﻙ
ﻣﺠﺒﻮﺭ ﻋﻠﻰ ﻓﻘﺪ ﺍﻟﺤﻨﺎﻥ
ﺍﻟﺤﺎﻟﺔ ﺯﻱ ﻣﺎﺷﺎﻳﻔﺔ ﺑﺲ
ﻻﺗﺴﺮ ﺯﻭﻝ ﻻﺗﺴﺮ ﺟﺎﻥ
ﻣﺠﺒﻮﺭ ﺃﺳﺎﻓﺮ ﺍﺑﺘﻌﺪ
ﺃﻛﻔﻴﻜﻲ ﻣﻦ ﺷﺮ ﺍﻟﺰﻣﺎﻥ
ﻭﺃﻛﻔﻴﻜﻲ ﺭﻫﻖ ﺍﻹﻧﺘﻈﺎﺭ
ﻟﻲ ﺣﺎﻟﺔ ﻣﺎ ﻣﺎﺩﺓ ﺍﻷﻣﺎﻥ
ﻏﺎﻟﺒﻨﻲ ﺍﺗﺤﻤﻞ ﺑﻜﺎﻙ
ﺁﺳﺮﻧﻲ ﺇﺣﺴﺎﺳﻚ ﻛﻤﺎﻥ
ﻋﺎﺭﻑ ﻗﺴﺎﻭﺓ ﺑﻌﺪﻱ ﻟﻴﻚ
ﻳﺎﺭﻳﺖ ﻳﺤﻴﻦ ﺑﻴﻨﺎ ﺍﻷﻭﺍﻥ
ﺃﻫﺪﻳﻜﻲ ﺑﺲ ﺧﺎﺗﻢ ﻣﻨﺎﻱ
ﻭﺍﻟﻔﺮﺣﺔ ﺑﻴﻚ ﺗﻤﻼ ﺍﻟﻤﻜﺎﻥ
ﻭﺍﻟﻨﺎﺱ ﺗﺰﻏﺮﺩ ﺑﻲ ﻫﻨﺎﻙ
ﻭﺍﻧﺎ ﻭﺍﻧﺘﻲ ﻣﺒﺴﻮﻃﻴﻦ ﻛﻤﺎﻥ
ﻗﺎﻭﻣﻨﺎ ﺁﻫﺎﺕ ﺍﻟﺰﻣﻦ
ﻭﺍﻟﺴﻌﺪ ﻓﻲ ﻋﻴﻨﻴﻨﺎ ﺑﺎﻥ
ﻳﺎ ﺍﻟﺸﺎﻣﺨﺔ ﺯﻱ ﻧﺨﻞ ﺍﻟﺴﻤﺎﺡ
ﻳﺎ ﺍﻟﺪﻳﻤﺔ ﻋﻘﻠﻚ ﻓﻲ ﺍﺗﺰﺍﻥ
ﻧﻔﺮﺡ ﻧﻐﻨﻲ ﻣﻊ ﺑﻌﺾ
ﺩﻧﻴﺘﻨﺎ ﻓﺮﺣﺔ ﻭﺣﺐ ﺍﻣﺎﻥ
ﺍﻃﻔﺎﻟﻨﺎ ﻛﺎﺳﻴﻢ ﺍﻟﺠﻤﺎﻝ
ﺣﻤﻮﺩﻱ ﺑﻔﺮﺡ ﻣﻊ ﺭﻭﺍﻥ
ﺃﺑﻜﻴﻨﻲ ﺑﻲ ﺩﻣﻊ ﺍﻟﻔﺮﺡ
ﺩﻣﻌﻚ ﻣﻼﻣﺤﻚ ﺩﻳﻤﺔ ﺯﺍﻥ
ﺃﺩﻳﻨﻲ ﺧﺎﻃﺮﻙ ﻟﻠﺮﺣﻴﻞ
ﻭﻓﺮﺍﻗﻲ ﻟﻴﻚ ﻣﺎ ﺃﻇﻨﻮ ﻫﺎﻥ
ﻋﺰ ﺍﻟﻠﻴﺎﻟﻲ ﺡ ﺍﺑﻜﻲ ﻟﻴﻚ
ﻟﻮ ﻟﻴﺎ ﻃﻴﻔﻚ ﻣﺮﺓ ﺑﺎﻥ
ﻣﻊ ﺇﻧﻲ ﻣﺎﻧﺎﺳﻴﻚ ﺃﻛﻴﺪ
ﻟﻜﻨﻲ ﺟﺪ ﻏﻴﺮﻙ ﻣﻬﺎﻥ
ﻏﺎﻟﺒﻨﻲ ﻣﻦ ﺟﻨﺒﻚ ﺃﻣﺶ
ﻣﺎﺗﺒﻜﻲ ﻳﺎﺳﺖ ﺍﻟﺤﺴﺎﻥ
ﺃﻧﺎ ﺫﺍﺗﻲ ﻏﺎﻟﺒﻨﻲ ﺍﻟﻮﺩﺍﻉ
ﺩﺧﻠﻨﻲ ﺃﺻﻌﺐ ﺍﻣﺘﺤﺎﻥ

ﻧﺎﺱ ﺗﻔﺘﺤﻠﻚ ﺑﺎﺏ ﺍﻟﺮﻳﺪﺓ
ﻭﺗﺪﺧﻞ ﻭﺗﻘﻌﺪ ﺩﻭﻥ ﻣﺎﺗﺸﻌﺮ .....
ﻧﺎﺱ ﺑﺎﻟﺒﺴﻤﺔ ﺗﻀﻮﻱ ﺷﻔﺎﻫﻢ
ﻭﺷﺎﻳﻠﺔ ﺍﻟﺮﻳﺪﺓ ﻣﻼﻣﺢ ﻭﻃﻴﺒﺔ ....
ﻧﺎﺱ ﻓﻲ ﻗﻠﻮﺑﻬﺎ ﻳﻨﺎﺑﻴﻊ ﻓﺮﺣﺔ
ﻛﻞ ﺍﻟﺪﺍﺧﻞ ﻳﺸﺮﺏ ﻭﻳﻨﻬﻞ .....
ﻧﺎﺱ ﺗﺪﻳﻚ ﺍﺣﺴﺎﺱ ﺍﻟﺒﻬﺠﺔ
ﻭﺗﻤﺴﺢ ﺗﻌﺐ ﺍﻟﺪﻧﻴﺎ ﺍﻻﻏﺒﺮ .....
ﻧﺎﺱ ﻟﻮ ﺷﻔﺖ ﺳﻤﺎﺣﺔ ﺫﻭﻗﻬﻢ
ﻣﺎﺑﺘﻘﻮﻝ ﻏﻴﺮ ﻛﻴﻒ ﻭﺍﺗﻔﻀﻞ ......
ﻧﺎﺱ ﻓﻲ ﺭﺍﻳﺎ ﺳﺪﻳﺪﺓ ﻭﻓﺎﻫﻤﺔ
ﻭﻣﺎﺑﺘﺒﻮﺡ ﺑﻲ ﻗﻮﻻ ﺍﺷﺘﺮ .....
ﻧﺎﺱ ﺍﺗﺸﺮﻑ ﺍﻧﻲ ﻣﻌﺎﻫﻢ .....
ﺍﺟﻤﻞ ﻧﺎﺱ ﻭﺍﻧﺎ ﻭﺑﻴﻜﻢ ﺑﻔﺨﺮ

ﻗﺴﺎﻭﺓ ﺍﻟﺪﻧـﻴﺎ ﻭ ﺍﻻﻳــﺎﻡ
ﺑﺤــﻠــﻬﺎ ﺭﺑﻨــﺎ ﺍﻟﻘــﺎﺩﺭ
ﺍﻛﻴﺪ ﺍﻟﻀﻴﻖ ﺑﺪﻭﺭﻟﻮ ﺻﺒﺮ
ﻭﺍﻟﺰﻭﻝ ﺍﻟﺼﺒــﻮﺭ ﻧــﺎﺩﺭ
ﻟـﻮ ﺩﺍﻳـﺮ ﺗﻌـﻴﺶ ﻣـﺮﺗﺎﺡ
ﺑﺎﻟﻘــﻮﻝ ﺍﻟﺴــﻤﺢ ﺑــﺎﺩﺭ
ﺑﺘﻠﻘﻰ ﺍﻟﻔﺮﺣﺔ ﻓﻲ ﺩﻧﻴﺎﻙ
ﻭ ﺣــﺰﻧـﻚ ﻛﻠـﻮ ﺣـ ﻳﻐﺎﺩﺭ
ﻫﻤــﻚ ﻣﻬـﻤﺎ ﺩﻓّـﻖ ﻭ ﺯﺍﺩ
ﺑﺘﻔــﺮﺝ ﻭﺍﻟـﻜﺮﻳﻢ ﻓــﺮﺍﺝ
ﺑــﺮﺍﻧﺎ ﻧﺰﺧــﺮﻑ ﺍﻟﺪﻧﻴــﺎ
ﻫـﻲ ﻏﺎﺷﺎﻧﺎ ﻭ ﻧﻠـﺒﺴﺎ ﺗﺎﺝ
ﺭﻓﺴﻨﺎ ﺍﻟﻨﻌـﻤﻪ ﺑـﻲ ﺍﻳﺪﻧﺎ
ﻭﺍﺑﻴﻨﺎ ﺍﻟﻠﻘـﻤﺔ ﻣﻦ ﺍﻟﺼﺎﺝ
ﻧﺨــﺎﻑ ﻣﻦ ﺷــﺪﻩ ﺍﻻﻳﺎﻡ
ﻭﻣـﺎ ﺑﻨـﺴﺎﻋﺪ ﺍﻟـ ﻣﺤـﺘﺎﺝ
ﺍﺻﻠــﻮ ﺍﻟﺪﻧﻴﺎ ﻟﻤـﺎ ﺗﻀﻴﻖ
ﺑﺘﻘـﻔﻞ ﻓﻲ ﻭﺷﻴﻚ ﺍﻟﺒﺎﺏ
ﻭﻻ ﺑــﺘﻘﺪﺭ ﺗﺠــﺪﻉ ﻋــﺎﺩ
ﻭﻻ ﺑﺘــﺠﻴــﺒﻠﻚ ﺍﻟــﺪُﺭﺍﺏ
ﺩﺣﻴﻦ ﺍﺳـﺘﻐﻔﺮ ﺍﻟﻠـﻪ ﻛﺘﻴﺮ
ﻭﺭﺏ ﺍﻟﻨــﺎﺱ ﻏﻔﻮﺭ ﺗﻮﺍﺏ
ﻭﺇﺧﺘﺎﺭ ﺍﻟﺼـﺪﻳﻖ ﺍﻟﺼـــﺎﺡ
ﻭﺧﺖ ﻟﻠﺨـﻮﺓ ﺍﻟﻒ ﺣـﺴﺎﺏ
ﻣﺎ ﺗﺘـﺠﺎﺭﻯ ﻟـﻲ ﺍﻟـﻤﺎﺑﻴﻚ
ﻭﻻ ﺗﺪﻧﻲ ﺗﺒــﻘﻲ ﺫﻟـــﻴﻞ
ﻭﺧﻠﻲ ﺍﻟﺪﻧﻴﺎ ﺗﻜﺸﻒ ﻟـﻴﻚ
ﻣﻮﺍﻗﻔﻚ ﺳﻴﺒﺎ ﺗﺒﻘﻲ ﺩﻟﻴﻞ
ﻭﺑﺘﻮﺭﻳــﻚ ﻣــﻨﻮ ﺍﻟـﻤﺎﻟﺢ
ﺍﻟﻔﻲ ﺍﻟﺴﻜﺔ ﻣﺎﺷﻲ ﻋﺪﻳﻞ
ﻣﻨـﻮ ﺍﻟـﻔﻲ ﺩﻧﻴـﺘﻚ ﺗﺮﻋـﺔ
ﻭﻣﻨﻮ ﺍﻟﻜﺎﻥ ﻓﻲ ﺣﻴﺎﺗﻚ ﻧﻴﻞ
ﺣـﻴﺎﺗﻚ ﻻ ﺗﺨــﻠﻬﺎ ﺳـﺎﻱ
ﻭﺍﻭﻋﻲ ﺗﺮﺍﻓﻖ ﺍﻟﻤﻮ ﻟﻴـﻚ
ﺳــﻮﺭ ﺩﻧــﻴﺘـﻚ ﻟﻠﻨــﺎﺱ
ﻭﺣﺎﻭﻝ ﺍﻓـﻬﻢ ﺍﻟــ ﺣﻮﻟﻴﻚ
ﻭﻣـــﻬﺎ ﺑﻜـﺘّـــــﻚ ﺍﻳــﺎﻡ
ﺍﻛﻴﺪ ﺑﺎﻛﺮ ﺑﺘــﻀﺤﻚ ﻟــﻴﻚ
ﻭﺍﻛِــﺮﻡ ﻛــﻞ ﺯﻭﻝ ﺧﺎﻭﺍﻙ
ﻭ ﺍﻟﺒﺘــﺴﻮﻱ ﺑــﺮﺟﻊ ﻟﻴﻚ
ﺍﺗــــــﻮﻛـﻞ ﻋﻠــﻲ ﺭﺑﻚ
ﺍﺻﻠﻮ ﻋﻤﺮﻧﺎ ﻣﺎ ﻋـﻨﺪ ﺯﻭﻝ
ﻟﺴـﺎﻧﻚ ﺍﺭﺑﻄـﻮ ﻣﻦ ﺍﻟﺰﻭﺭ
ﻭﻋﻠِّـﻤـﻮ ﺇﻧﺘﻘــﺎﺀ ﺍﻟﻘــﻮﻝ
ﺍﻛﻴﺪ ﺑﺘﻌﻴـﺶ ﻗﺪﺭ ﻋــﻤﺮﻙ
ﻭﻻ ﺑﻘﺼــﺮ ﻭﻻ ﺣـ ﻳـﻄﻮﻝ
ﻭﺍﻥ ﺿـﺎﻗﺖ ﺑﻜﻮﻥ ﻟﻲ ﺧﻴﺮ
ﻭﺍﻛﻴـﺪ ﻫﻢ ﺍﻟﻠﻴــﺎﻟﻲ ﺑﺰﻭﻝ

ﺍﻷﻋﻠﻰ ﻣﻦ ﺻﺪﻯ ﺍﻟﻤﻮﻋﻈﺔ ...
ﺍﻟﻜﻠﻤﺔ ﻣﻔﺘﺎﺡ ﺍﻟﺠﺒﺮﻭﺕ ..
ﻻ ﻗﻤﺔ ﺃﻋﻠﻰ ﻫﺬﺍ ﺍﻟﺠﺒﻞ ﻟﺘﺼﻌﺪﻫﺎ
ﻻ ﺃﺳﻔﻞ ﻏﻴﺮ ﺭﺅﻭﺱ ﺣﺮﺍﺏ ﺗﺒﺘﺴﻢ ﻭ ﺗﻬﺘﻒ ﻟﻠﺼﺎﻋﺪ ﺑﺎﻟﻌﻠﻴﺎﺀ ..
ﻭﺳﻘﻮﻃﻚ ﻣﻮﺕ ﻳﺎ ﻫﺬﺍ ﻭﺑﻘﺎﺅﻙ ﺩﻭﻥ ﺻﻌﻮﺩ ﻣﻮﺕ ...
ﻓﺎﻛﺘﺐ ﻛﻲ ﺗﻮﺭﻕ ﻣﻦ ﻣﻮﺗﻚ ﺣﻴﻮﺍﺕ ﻻ ﺗﻌﺮﻑ ﺗﺎﺑﻮﺕ ...
ﻋَﻠِﻢ ﺍﻟﺤﺎﻧﻮﺗﻲ ﺑﺄﻧﻚ ﻋﺘﻘﺖ ﺍﻟﻔﻜﺮﺓ ﺑﺎﻷﻭﺭﺍﻕ ﻭ ﺃﻧﻚ ﻣﻦ ﺑﻌﺪ ﺭﺣﻴﻠﻚ ﺳﺘُﺮﻧﺢ ﺭﻭﺍﺩ ﺍﻟﺤﺎﻧﻮﺕ ...
ﻭ ﺍﻛﺘﺐ
‏( ﻛﻲ ﺗﻌﺮﻓﻚ ﺍﻟﺒﻴﺪﺍﺀ ..
ﻛﻲ ﺗﻨﻈﺮﻙ ﺍﻟﻌﻴﻦ ﺍﻟﻌﻤﻴﺎﺀ .. ‏)
ﻭ ﺍﻛﺘﺐ
ﻟﺘﻜﻔﺮﻙ ﺍﻟﻐﻮﻏﺎﺀ ..
ﻭ ﺗﺮﺍﻙ ﺍﻟﻨﺨﺒﺔ ﻓﻲ ﺍﻟﺸﻬﺪﺍﺀ ..
ﻭﻟﺘﻄﻌﻨﻚ ﻇﻼﻝ ﺍﻟﻄﺎﻏﻮﺕ ...
ﺍﻛﺘﺐ ﻟﺘﻌﻴﺶ ﻭﻻ ﺗﻨﺴﻰ ﺇﺫ ﺗﻜﺘﺐ ﺃﻥ ﺗﻜﺘﺐ ﻟﺘﻤﻮﺕ ...
ﺃﺷﻴﺎﺀﻙ ﺟﺮﻡ ﺃﺳﻘﻄﻬﺎ ‏( ﺑﺎﻟﻔﻮﻕ ‏) ﺳﺘﺘﺴﻊ ﺍﻟﻮﺣﺪﺓ ﻭ ﺳﺘﺼﻐﺮ ﺃﺣﺠﺎﻡ ﺍﻷﺷﻴﺎﺀ ...
ﻻ ﺧﻄﺮ ﻋﻠﻴﻚ ﺳﻮﻯ ﺃﻟﻒ ﺗﺘﺒﻌﻬﺎ ﻧُﻮﻥ ﻗﺒﻞ ﺍﻟﺘﺎﺀ ..
ﺍﻟﻘﻤﺔ ﺗﺤﺘﻚ ﻻ ﺃﻋﻠﻰ ﻭﺍﻟﻘﻠﻖ ﺑﻘﺎﺀ ..
ﻓﺎﺳﺘﺨﻠﻒ ﻧﻔﺴﻚ ﻓﻲ ﺍﻟﻘﺮّﺍﺀ ..
ﺍﻟﻤﻌﻨﻰ ﺃﻟﺴﻨﺔ ﺟﻔﺖ
ﻭﻣﺠﺎﺯﻙ ﻣﺎﺀ ﻣﺎﺀ ﻣﺎﺀ ..
ﻭ ﺍﺻﻄﺪ ﻣﻮﻋﻈﺔ ﺗﺘﻌﺜﺮ ﺑﺼﺪﺍﻫﺎ ﺻﺨﺮﺓ ﻛﻞ ﺳﻤﺎﺀ ..
ﻣﺴﻜﻮﺏ ﺻﻮﺗﻚ ﺑﺎﻵﺫﺍﻥ ﻭ ﻳﻨﺴﺦ ﺃﺻﻮﺍﺕ ﺍﻟﻘﺪﻣﺎﺀ ...
ﺃﺫﻥ ﻭﺣﺪﻙ ﻓﺎﻟﻜﻮﻥ ﺳﻜﻮﺕ
ﻛﺮﺳﻲ ﺍﻟﻤﻠﻚ ﻣﻦ ﺍﻷﺳﻤﺎﺀ ..
ﺍﻟﻜﻠﻤﺔ ﻣﻔﺘﺎﺡ ﺍﻟﺠﺒﺮﻭﺕ ...
ﺑﺮﻭﺍ ﺍﻟﻜﺘﺎﺏ ﻟﺘﻔﺘﺢ ﺃﺑﻮﺍﺏ ﺍﻟﻤﻠﻜﻮﺕ