ﺍﻧﺎ ﻻ ﺍﺑﺮﺍﻫﻴﻤﻚ ﻻ ﺭﺅﻳﺎﻙ
ﻭﺍﻧﺎ ﻻ ﻓﺮﻋﻮﻧﻚ ﻻ ﻣﻮﺳﺎﻙ
ﺍﻧﺎ ﻻ ﺛﻌﺒﺎﻧﻚ ﻻﻧﻲ ﻋﺼﺎﻙ
ﺍﻧﺎ ﺑﺲ ﻳﺎ ﺩﺍﺑﻚ ﻳﺎﺩﺍﺑﻚ ﺳﺎﻛﻨﺔ ﻣﺴﺎﻣﻚ
ﻭﺟﺒﺮﺍً ﺟﺎﺭﻳﺔ ﻣﺠﺎﺭﻱ ﺩﻣﺎﻙ ‏( ﻭﻣﻘﻄﻊ ﺍﻭﻝ ‏)
ﻣﺎ ﻏﺸﻴﺘﻚ ﺍﺗﻮﻛﻴﺘﺔ ﻋﺼﺎﺓ ﺃﺣﻼﻣﻲ
ﺩﺧﻞ ﻭﺍﺩﻳﻚ ﻋﻔﻮﺍً ﻧﺎﺩﻳﺘﻚ
ﺷﻠﺘﻚ ﺭﻳﺤﺔ ﻣﻄﺮﺓ ﻭﻗﺒﻠﻲ
ﻭﻟﻊ ﻧﺎﺭﻙ ﻳﻮﻡ ﺧﺸﻴﺘﻚ
ﻭﺩﻗﻴﺖ ﺑﺎﺑﻲ ﻭﺃﺳﺘﺄﺫﻧﺖ
ﻓﺘﺤﺖ ﺍﻟﺒﺎﺏ ﺑﺴﺎﺭﻉ ﻻﻗﻴﺘﻚ
ﻭﻋﺸﻌﺶ ﻓﻴﻨﻲ ﺧﻴﺎﻟﻚ ﺟﻮﻩ
ﻭﻛﻨﺖ ﺍﻟﺰﻭﻝ ﺍﻟﻀﻌﻒ ﺍﻟﻘﻮﺓ
ﻭﻛﺖ ﺍﺕ ﺍﺩﻡ ﻭﻛﺖ ﺍﻧﺎ ﺣﻮﺍﺀ
ﺳﻠﺒﺖ ﺍﻟﺮﻳﺪ ﺍﻟﺼﺎﺩﻕ ﻣﻨﻲ
ﻭﻛﺎﻥ ﺍﻟﺮﻳﺪ ﻣﺴﻜﻴﻦ ﺑﺘﻠﻮﻱ
ﻭﺩﻭﻥ ﻣﺎ ﺍﺷﻌﺮ ﻛﺖ ﺑﺤﺘﺎﺟﻚ
ﻟﻤﺎ ﺗﻌﻔﺮﺕ ﺳﺤﺐ ﺍﻟﻮﺟﻌﺔ
ﺗﺴﻜﻦ ﺧﻮﻓﻲ
ﻭﻛﺖ ﺑﺤﺘﺎﺟﻚ ﻟﻤﺎ ﺗﻄﺶ
ﺍﻟﻜﻠﻤﺔ ﺍﻟﺤﻠﻮﺓ ﺗﻠﻮﻟﻲ ﺣﺮﻭﻓﻲ
ﻭﻛﺖ ﺑﺤﺘﺎﺟﻚ ﺗﻤﻸ ﻓﺮﺍﻏﻚ ﻓﻴﻨﻲ
ﻭﺗﺴﻜﻦ ﺁﺧﺮ ﺟﻮﻓﻲ ﻭﺗﺒﻘﻲ
ﺍﻟﻘﻠﺐ ﺍﻟﻨﺎﺑﺾ ﺍﻧﺖ ﻭﺭﻫﻒ ﺃﺣﺴﺎﺳﻲ
ﻭﻋﺎﻓﻴﺔ ﺷﻮﻓﻲ
‏( ﻭﻣﻘﻄﻊ ﺗﺎﻧﻲ ‏)
ﻭﻻ ﻧﺎﺩﻳﻴﺘﻚ
ﺍﻟﻨﺎﺩﺍﻙ ﺍﺣﺴﺎﺳﻲ ﻭﺷﻮﻗﻲ ﺍﻟﺸﺪ ﺧﻴﻮﻟﻲ ﻭﻛﺖ ﻻﻗﻴﺘﻚ
ﻭﺟﺒﺘﻚ ﻣﻨﻲ ﺟﻨﻴﻦ ﻣﺴﺘﻮﻃﻦ ﻋﺼﺐ ﺍﻟﻔﻜﺮﺓ ﻭﻗﻢ ﺗﺎﺗﻴﺘﻚ
ﻭﻳﻮﻡ ﻓﺮﻋﻮﻥ ﺍﻟﺰﻣﻦ ﺍﻟﻈﺎﻟﻢ ﻓﺘﺶ ﻋﻨﻚ ﺍﻧﺎ ﺗﺎﻭﻳﺘﻚ
ﻭﺍﻭﺣﻲ ﺧﻴﺎﻟﻲ ﺗﻮﺍﻧﺲ ﻳﻢ ﺍﺣﺴﺎﺳﻲ ﺍﻟﻤﺮﻫﻒ ﻭﻓﻴﻮ ﺧﺘﻴﺘﻚ
ﻭﻛﺎﻥ ﺗﺎﺑﻮﺗﻚ ﺇﻧﻲ ﺍﻭﺳﺪ ﺯﺍﺗﻲ ﻣﺴﺎﻣﻚ ﻭﻓﺠﺄﺓ ﺭﻣﻴﺘﻚ
ﻭﻟﻤﺎ ﺭﻣﻴﺘﻚ ﺇﺗﻤﺎﺯﺟﺖ ﺍﻟﻮﻟﺪ ﺍﻟﻔﻄﺮﺓ
ﻭﺍﺗﻜﻮﻧﺖ ﺍﻟﺮﻳﺪ ﺍﻟﻔﻜﺮﺓ
ﻭﻛﻨﺖ ﺻﺒﺎﺡ ﺍﻟﻠﻴﻠﺔ ﻭﺑﻜﺮﺍ
ﻭﻛﻨﺖ ﺷﻌﺎﻉ ﺍﻟﺰﻣﻦ ﺍﻟﻘﺎﺗﻢ
ﻭﻧﻮﺭ ﺍﻟﺤﺎﺿﺮ ﻭﺯﺍﺕ ﺍﻟﺰﻛﺮﻱ
‏( ﻭﻣﻘﻄﻊ ﺛﺎﻟﺚ ‏)
ﻣﺎ ﻏﻨﻴﺘﻚ
ﺍﻟﻐﻨﺎﻙ ﺩﺍ ﺍﻟﻮﺗﺮ ﺍﻟﺤﺎﺋﺮ ﻭﺃﻧﺎ ﻣﺎ ﺑﻨﻜﺮ ﺍﺳﺘﻨﻴﺘﻚ
ﻻ ﻭﺻﻠﺘﻚ ﻻ ﺷﺮﻳﺘﻚ
ﺃﻧﺎ ﻻ ﺩﺭﺗﻚ ﻻﻧﻲ ﺍﺑﻴﺘﻚ
ﻻ ﻃﻠﻘﺘﻚ ﻻ ﺭﺩﻳﺘﻚ
ﻭﺃﺗﻴﻤﻤﺘﻚ ﻭﺇﺗﻮﺿﻴﺘﻚ
ﻻ ﺍﺳﺘﻨﺸﻘﺘﻚ ﻋﻨﺼﺮ ﺛﺎﻟﺚ
ﺑﺪﻱ ﻣﺠﺎﻝ ﻟﻲ ﺃﻱ ﺗﺄﻛﺴﺪ ﻓﻲ ﻛﺮﻳﺎﺕ ﺍﻟﺮﻳﺪ ﻓﻲ ﺑﻴﺘﻚ
ﺃﻧﺎ ﺍﺩﻣﻨﺘﻚ ﻟﻤﺎ ﻋﻘﺎﺏ ﺍﻟﺰﻣﻦ ﺍﺳﺘﻮﻃﻦ ﻓﻴﻨﻲ ﺧﺮﺍﺏ ﻭﺭﺟﻌﺖ ﻣﺸﻴﺘﻚ ﺳﻜﺔ ﺗﻠﻤﻠﻢ
ﺑﺎﻗﻲ ﺍﻟﺤﺴﺮﺓ
ﻭﺗﺨﺴﻒ ﺑﻲ ﻟﻮ ﻣﺎ ﺩﺍﺭﻳﺘﻚ
ﻭﺃﻧﺎ ﺩﺍﺭﻳﺘﻚ
ﺃﻧﺎ ﺩﺍﺭﻳﺘﻚ ﺍﻧﺎ ﺩﺍﺭﻳﺘﻚ ﺑﻴﻦ ﺷﻄﺄﻥ ﺍﻟﺒﺎﻝ ﻭﺍﻟﺨﺎﻃﺮ
ﻭﻓﻲ ﺿﻞ ﻟﻴﻞ ﺍﻟﻐﻴﻢ ﺍﻟﻤﺎﻃﺮ
ﻭﻓﻲ ﻫﻤﺴﺎﺕ ﺍﻃﻔﺎﻝ ﺑﺘﻐﻨﻲ
ﻓﺎﻃﻤﺔ ﺍﻟﺴﻤﺤﺔ ﻭﺣﺴﻦ ﺍﻟﺸﺎﻃﺮ
ﻓﺎﻃﻤﺔ ﺍﻟﺴﻤﺤﺔ ﻭﺣﺴﻦ ﺍﻟﺸﺎﻃﺮ
ﻭﻳﺎﻧﻲ ﺍﻟﺴﻤﺤﺔ ﻭﻳﺎﻛﺎ ﺍﻟﺸﺎﻃﺮ
ﻻﻧﻲ ﺯﻟﻴﺨﺔ ﻋﺸﺎﻥ ﻣﺎ ﺍﺭﺍﻭﺩﻙ
ﻭﻻ ﺍﻛﺖ ﻳﻮﺳﻒ ﻋﺸﺎﻥ ﻣﺎ ﺗﺄﺑﻲ
ﻻ ﺷﺪﻳﺘﻚ ﻋﻮﺩ ﻭﺭﺑﺎﺑﺔ
ﻭﻻ ﺩﻗﻴﺖ ﺇﻳﻘﻌﺎﻙ ﻣﺒﺪﺃ
ﻭﻻ ﺣﺮﺷﺘﻚ ﺗﻤﺸﻲ ﺍﻟﻐﺎﺑﺔ
ﻭﻻ ﻛﻠﻤﺖ ﺍﻟﺒﺤﺮ ﻳﺘﺒﺨﺮ
ﺷﺎﻥ ﻣﺎ ﺗﻄﻠﻊ ﺍﻧﺖ ﺳﺤﺎﺑﺔ
‏( ﻣﻘﻄﻊ ﺧﺎﻣﺲ ‏)
ﺍﻧﺎ ﺑﺎﻟﺠﺪ ﺑﺎﻟﺠﺪ ﺣﺒﻴﺘﻚ
ﻭﺍﻧﺎ ﺑﺘﻮﻛﻞ ﻭﺍﺩﺧﻞ ﺟﻮﺍﻙ ﻣﺎﺩﻡ ﺑﺎﻷﻧﻔﺎﺱ ﺗﺎﻭﻳﺘﻚ
ﻭﺃﻥ ﺑﺘﺴﻮﺩ ﻋﺼﺒﻚ ﻋﻨﻮﻱ ﻭﺗﺪﺧﻞ ﺍﻧﺖ ﺟﻮﺍﻱ ﻳﺎ ﺭﻳﺘﻚ
ﻭﻳﻨﻮ ﻏﻨﺎﻱ ﻛﺎﻥ ﻣﺎ ﻏﻨﻴﺘﻚ
ﻭﺷﻦ ﻏﻨﻴﺖ ﻟﻮ ﻣﺎ ﻏﻨﻴﺘﻚ
ﻭﻳﺎﻧﻲ ﻋﺼﻴﺮ ﺯﻳﺘﻮﻧﻚ ﻭﻧﺎﺭﻙ
ﻭﺿﻮ ﻣﺸﻜﺎﺗﻚ ﻭﻧﻮﺭﻙ ﻭﺯﻳﺘﻚ
ﺑﺲ ﻟﻮ ﺗﻤﺴﺲ ﺭﻭﺣﻚ ﻓﻜﺮﺕ
ﺇﻧﻲ ﻧﺴﻴﺖ ﺍﺳﻤﻲ ﻭﻣﺎ ﻧﺴﻴﺘﻚ
ﺍﻧﺎ ﻻ ﺍﺑﺮﺍﻫﻴﻤﻚ ﻻ ﺭﺅﻳﺎﻙ
ﺍﻧﺎ ﻻ ﻓﺮﻋﻮﻧﻚ ﻻ ﻣﻮﺳﺎﻙ
ﺍﻧﺎ ﻻ ﺛﻌﺒﺎﻧﻚ ﻻﻧﻲ ﻋﺼﺎﻙ
ﺍﻧﺎ ﺑﺲ ﻳﺎ ﺩﺍﺑﻚ ﺳﺎﻛﻨﺔ ﻣﺴﺎﻣﻚ
ﻭﺟﺒﺮﺍً ﺟﺎﺭﻳﺔ ﻣﺠﺎﺭﻱ ﺩﻣﺎﻙ

ﻓﻲ ﺑﻴﺘﻨﺎ ﺩﺍﻙ ...
ﻛﺎﻥ ﺍﻟﺘﻜﻞ ...
ﻗﺪﺍﻣﻮ ﻛﺎﻧﺖ ﻣﺰﻳﺮﺓ
ﻣﺴﻨﻮﺩﺓ ﺑﻲ ﺷﻌﺒﺎً ﻗﺪﺍﺍﺍﺍﻡ
ﻧﻘﺎﻉ ﻣﺮﺑﻮﻁ ﺑﺎﻟﻘﻤﺎﺵ
ﻭﻛﺎﻥ ﺍﻟﻄﻴﻮﺭ ﺗﻨﺰﻝ ﺗﺮﻙ
ﺗﺸﺮﺏ ﺗﻔﻮﺕ ......
ﻭﻛﻤﺎﻥ ﺃﻧﺎ ......
ﻭﺍﻟﻨﺎﺱ ﻋﻤﻮﻡ ....
ﻭﺍﻟﻤﺸﻠﻌﻴﺐ ﺭﺍﺑﻄﻨﻮ ﻓﻮﻕ
ﺿﺎﻓﺮﻧﻮ ﻣﻦ ﺳﻌﻒ ﺍﻟﺟﺮﻳﺪ
ﺧﺎﺗﻴﻦ ﻋﻠﻰ ﺿﻬﺮﻭ ﺍﻟﻠﺒﻦ
ﻭﺑﺎﻗﻲ ﺍﻟﻠﻘﻴﻤﺔ ﺍﻟﻔﻲ ﺍﻟﻔﺠﺮ ...
ﺩﺍﺧﺮﻧﻬﺎ ﻟــﻲ ﺃﻱ ﺯﻭﻝ ...
ﻭﺍﻟﻬﻤﺒﺮﻳﺐ ﺿـﻞ ﺍﻟﻀﺤﻰ
ﻭﺍﻟﻘِﺪ ﻣﻔﺮﺵ ﻟﻠﻀــﻴﻮﻑ ...
ﻭﺍﻟﻨﺎﺱ ﺗﺠﻴﻚ ﻣﺒﺴﻮﻃﺔ ﺗﺐ
ﺗﻘﻌﺪ ﺗﻘﻮﻡ ﺑﺎﻛﺮ ﺗﻔــــﻮﺕ ...
ﻭﺍﻟﺪﻭﻛﺔ ﺣـﻴﻪ ﻭﻣﺎ ﺑﺘـﻤﻮﺕ
ﻭﺍﻟﻔﺮﺻﻪ ﻓﻲ ﺩﺍﻙ ﺍﻟﺴـﻌﻦ
ﻣﻜﺒﻮﺑﺔ ﻓﻲ ﺍﻟﻘﺪﺡ ﺍﻟﻜﺒﻴﺮ ..
ﻳﺎﺣﻠﻴﻠﻮ ﻛﺎﻥ ﺯﻣﻨﺎ ﻗﺒﻴﻞ ...
ﻭﻛﺖ ﺍﻟﻨﻔﻮﺱ ﻣﺘﻄﺎﻳﺒﺔ ...
ﺍﻟﻨﺎﺱ ﺗﺤﺎﻧﻦ ﻟﻲ ﺑﻌﺾ ... ﻛﻞ ﺍﻟﺒﻴﻮﺗﺎﺕ ﺻﻨﻘﻌﺖ
ﺭﺍﺟﻴ ﺍﻟﻬﻼﻝ ﻳﻈﻬﺮ ﻳﺒﻴﻦ
ﻭﺍﻟﺴﺮﺓ ﺷﺮﺕ ﻋﻴﺸﺔ ﻓﻮﻕ
ﺧﻴﺸﺔ ﺍﻟﺨﺰﻳﻦ
ﻭﺍﻟﺤﻠﺔ ﺗﻘﺪﻝ ﻣﻬﺮﺟﺎﻥ ﻭﻋﺪﻳﻞ ﻭﺯﻳﻦ
ﻭﺍﻟﺸﻔﻊ ﺍﺗﻨﺎﺳﻮﺍ ﺍﻟﺘﻌﺐ
ﻟﻤﻮﺍ ﺍﻟﻠﺪﺍﻳﺎﺕ ﻭﺍﻟﺤﻄﺐ
ﻧﺴﻮﺍﻥ ﻋﺰﺍﺯ ﺣﺮﺳﻮﺍ ﺍﻟﻠﻬﺐ
ﻛﻮﺟﻨﻭ ﺯﻳﻴﻴﻴﻴﻦ ﺧﻤﺮﻧﻭ ﻓﻲ ﺣﻮﺵ
ﺍﻻﻣﻴﻦ
ﻭﺍﻟﺘﺎﻳﺔ ﻋﺎﺳﺖ ﺟﺮﺩﻟﻴﻦ
ﻭﻧﻔﻴﺴﺔ ﺣﺎﻟﻔﺔ ﺍﻛﺎﻥ ﺗﻌﻮﺱ
ﻋﻞ ﺍﻟﻤﺮﺽ ﻣﺎﻩ ﺷﻮﻡ ﻭﺷﻴﻦ
ﻳﺎ ﻧﻔﻴﺴﺔ ﺍﻃﺮﻳﻬﻮ ﺍﻟﻨﺒﻲ
ﻗﺎﻟﺖ ﻳﻤﻴﻦ ﻭﺑﻌﻮﺱ ﻳﻤﻴﻦ
ﻳﺎ ﻧﻔﻴﺴﺔ ﻣﺎﻙ ﻗﺪﺭ ﺍﻟﺘﻌﺐ
ﻗﺎﻟﺖ ﻳﻤﻴﻦ ﻭﺑﻌﻮﺱ ﻳﻤﻴﻦ
ﺟﺎﺕ ﻓﺎﻃﻨﺔ ﻣﻦ ﺍﺧﺮ ﺍﻟﻤﻤﺮ
ﻳﺎ ﺍﻟﺴﺮﺓ ﻋﻮﺳﻚ ﻣﺎﺍﺍﺍﺍﺍﻧﺴﺘﺮ
ﺭﻳﺤﺔ ﺍﺑﺎﺭﻳﻚ ﺍﻧﺘﺸﺮ
ﻭﺍﻧﺎ ﺟﻴﺖ ﺍﻗﻬﻮﺝ ﻟﻠﻤﺰﺍﺝ
ﺑﻲ ﻟﻤﺔ ﺍﻟﻨﺎﺱ ﺍﻟﻜﺘﺮ
ﺭﻣﻀﺎﻥ ﻛﺮﻳﻢ ﻋﻠﻰ ﻛﻞ ﺯﻭﻝ
ﻭﺍﻟﻠﻤﺔ ﻓﻲ ﺑﺮﺵ ﺍﻟﻔﻄﻮﺭ
ﻭﺻﺪﻯ ﺍﻟﺘﺮﺍﻭﻳﺢ ﻓﻲ ﺍﻟﻌﻘﻮﻝ
ﻭﺍﻟﺴﻬﺮﺓ ﻟﻲ ﻭﺵ ﺍﻟﺼﺒﺎﺡ
ﻣﺨﺘﻮﻣﺔ ﺑﻲ ﻗﻮﻣﻮﺍ ﺍﻟﺴﺤﻮﺭ

ﺍﺻﻠــﻮ ﺍﻟﺪﻧﻴﺎ ﻟﻤـﺎ ﺗﻀﻴﻖ
ﺑﺘﻘـﻔﻞ ﻓﻲ ﻭﺷﻴﻚ ﺍﻟﺒﺎﺏ
ﺩﺣﻴﻦ ﺍﺳـﺘﻐﻔﺮ ﺍﻟﻠـﻪ ﻛﺘﻴﺮ
ﻭﺭﺏ ﺍﻟﻨــﺎﺱ ﻏﻔﻮﺭ ﺗﻮﺍﺏ
ﻭﺇﺧﺘﺎﺭ ﺍﻟﺼـﺪﻳﻖ ﺍﻟﺼـــﺎﺡ
ﻭﺧﺖ ﻟﻠﺨـﻮﺓ ﺍﻟﻒ ﺣـﺴﺎﺏ
ﻣﺎ ﺗﺘـﺠﺎﺭﻯ ﻟـﻲ ﺍﻟـﻤﺎﺑﻴﻚ
ﻭﻻ ﺗﺪﻧﻲ ﺗﺒــﻘﻲ ﺫﻟـــﻴﻞ
ﻭﺧﻠﻲ ﺍﻟﺪﻧﻴﺎ ﺗﻜﺸﻒ ﻟـﻴﻚ
ﻣﻮﺍﻗﻔﻚ ﺳﻴﺒﺎ ﺗﺒﻘﻲ ﺩﻟﻴﻞ
ﻭﺑﺘﻮﺭﻳــﻚ ﻣــﻨﻮ ﺍﻟـﻤﺎﻟﺢ
ﺍﻟﻔﻲ ﺍﻟﺴﻜﺔ ﻣﺎﺷﻲ ﻋﺪﻳﻞ
ﻣﻨـﻮ ﺍﻟـﻔﻲ ﺩﻧﻴـﺘﻚ ﺗﺮﻋـﺔ
ﻭﻣﻨﻮ ﺍﻟﻜﺎﻥ ﻓﻲ ﺣﻴﺎﺗﻚ ﻧﻴﻞ
ﺣـﻴﺎﺗﻚ ﻻ ﺗﺨــﻠﻬﺎ ﺳـﺎﻱ
ﻭﺍﻭﻋﻲ ﺗﺮﺍﻓﻖ ﺍﻟﻤﻮﻟﻴـﻚ
ﻭﺣﺎﻭﻝ ﺍﻓـﻬﻢ ﺍﻟﺤﻮﻟﻴﻚ
ﻭﻣـــﻬﺎ ﺑﻜـﺘّـــــﻚ ﺍﻳــﺎﻡ
ﺍﻛﻴﺪ ﺑﺎﻛﺮ ﺑﺘــﻀﺤﻚ ﻟــﻴﻚ
ﻭﺍﻛِــﺮﻡ ﻛــﻞ ﺯﻭﻝ ﺧﺎﻭﺍﻙ
ﻭ ﺍﻟﺒﺘــﺴﻮﻱ ﺑــﺮﺟﻊ ﻟﻴﻚ

ﻫﻤﻮﻣﻚ ﺗﺸﻴﻠﻪ،ﺗﺸﻴﻠﻚ ﺗﺨﺘﻚ،
ﻭﺷﻴﻠﺘﻚ ﺗﻬﺪﻙ،ﺗﻜﻮﺱ ﺍﻟﻮﺟﻴﻊ ...
ﻭﻗﺮﺷﻚ ﺗﻠﻤﻮ،ﻳﻠﻤﻚ ﻋﻠﻴﻪ،
ﻭﺗﺘﻌﺐ ﻓﻰ ﻟﻤﻮ،ﻭﻳﺨﻠﺺ ﺳﺮﻳﻊ ...
ﺻﺪﻳﻘﻚ ﺗﺨﺎﻭﻯ،ﻳﺨﺎﻭﻯ ﺍﻟﻤﺼﺎﻟﺢ،
... ... ﻳﺠﺎﺯﻯ ﺍﻻﺧﻮﻩ،ﻟﺴﺮﻙ ﻳﺬﻳﻊ ...
ﺣﺒﻴﺒﻚ ﺗﺮﻳﺪﻭ،ﺑﺮﻳﺪﻙ ﺗﻌﺰﻭ،
ﻳﺬﻟﻚ ﺑﺮﻳﺪﻭ،ﻳﺨﻮﻧﻚ ﻭﻳﺒﻴﻊ ...
ﺩﺭﺍﻣﺎ ﺑﺘﻀﺤﻚ،ﻭﺗﻀﺤﻚ ﻋﻠﻴﻨﺎ،
ﻭﻧﻀﺤﻚ ﻣﻌﺎﻫﺎ،ﻭﻣﺴﺮﺡ ﺑﺪﻳﻊ ...
ﻧﻌﺎﻧﺪ ﻇﺮﻭﻓﻨﺎ،ﺗﻌﺎﻧﺪ ﻣﻌﺎﻧﺎ،
ﻭﻧﻜﺴﺮ ﻋﻨﺎﺩﻩ،ﺑﺤﺴﻦ ﺍﻟﺼﻨﻴﻊ ...
ﺳﻨﻴﻦ ﺇﺗﻐﻠﺒﻨﺎ،ﻭﺑﻜﺮﻩ ﺍﻟﻐﻠﺒﻨﺎ،
ﺣﻨﻐﻠﺐ ﻗﺴﺎﻭﺗﻮ،ﺑﻌﻮﻥ ﺍﻟﺴﻤﻴﻊ

ﺍﻟﺒﺸﻴﻞ ﻓﻲ ﻗﻠﺒﻮ ﺑﺘﻌﺐ
ﻭ ﺍﻟﻀﻤﻴﺮ ﺍﻟﺼﺎﻓﻲ ﺭﺍﺍﺍﺍﺍﺍﺣــــﻪ
ﻣﻬﻤﺎ ﺗﺨﺴﺮ ﺯﻭﻝ ﺑﻌﺰﻙ
ﺧﻠﻲ ﺑﻴﻨﺎﺗﻜﻢ ﺻﺮﺍﺍﺍﺍﺍﺍﺍﺣــــــﻪ
ﻗﺎﻟﻮ ﺍﻧﻮ ﺍﻟﺪﻧﻴﺎ ﺿﺤﻜﻪ
ﻋﻴﺸﺎ ﺑﻲ ﺑﻬﺠﻪ ﻭ ﺑﺮﺍﺍﺍﺍﺍﺣــــــﻪ
ﺧﻠﻲ ﺍﺣﺰﺍﻧﻚ ﻓﻲ ﻗﻠﺒﻚ
ﻫﺪﻱ ﻟﻠﻨﺎﺱ ﻫﻢ ﺟﺮﺍﺍﺍﺍﺍﺣـــــﻪ
ﺷﻴﻨﻪ ﺟﺪ ﻓﻲ ﻳﻮﻡ ﺣﺘﺮﺣﻞ
ﻳﺠﻴﺒﻮ ﺳﻴﺮﺗﻚ ﺑﺎﻟﻘﺒﺎﺣـﻪ
ﻟﻴﻪ ﺗﺨﺖ ﺟﻮﺍﻙ ﻋﺪﺍﻭﻩ
ﺍﻣﻼ ﻗﻠﺒﻚ ﺑﺎﻟﺴﻤﺎﺍﺍﺍﺍﺍﺍﺍﺍﺍﺍﺣـــــﻪ
ﺟﻮﻁ ﻭ ﻛﻮﺭﻙ ﻭ ﺗﺎﻧﻲ ﺍﺿﺤﻚ
ﻭﻧﺲ ﺍﻟﻨﺎﺱ ﺑﺎﻟﻔﺼﺎﺣــﻪ
ﺍﺻﻠﻮ ﻣﺎ ﻣﺴﺘﺎﻫﻠﻪ ﺿﻴﻘﻪ
ﻭ ﻗﻠﺔ ﺍﻟﺬﻭﻕ ﻭ ﺍﻟﻮﻗﺎﺣﻪ

ﺍﻟﺒﺸﻴﻞ ﻓﻲ ﻗﻠﺒﻮ ﺑﺘﻌﺐ
ﻭ ﺍﻟﻀﻤﻴﺮ ﺍﻟﺼﺎﻓﻲ ﺭﺍﺍﺍﺍﺍﺍﺣــــﻪ
ﻣﻬﻤﺎ ﺗﺨﺴﺮ ﺯﻭﻝ ﺑﻌﺰﻙ
ﺧﻠﻲ ﺑﻴﻨﺎﺗﻜﻢ ﺻﺮﺍﺍﺍﺍﺍﺍﺍﺣــــــﻪ
ﻗﺎﻟﻮ ﺍﻧﻮ ﺍﻟﺪﻧﻴﺎ ﺿﺤﻜﻪ
ﻋﻴﺸﺎ ﺑﻲ ﺑﻬﺠﻪ ﻭ ﺑﺮﺍﺍﺍﺍﺍﺣــــــﻪ
ﺧﻠﻲ ﺍﺣﺰﺍﻧﻚ ﻓﻲ ﻗﻠﺒﻚ
ﻫﺪﻱ ﻟﻠﻨﺎﺱ ﻫﻢ ﺟﺮﺍﺍﺍﺍﺍﺣـــــﻪ
ﺷﻴﻨﻪ ﺟﺪ ﻓﻲ ﻳﻮﻡ ﺣﺘﺮﺣﻞ
ﻳﺠﻴﺒﻮ ﺳﻴﺮﺗﻚ ﺑﺎﻟﻘﺒﺎﺣـﻪ
ﻟﻴﻪ ﺗﺨﺖ ﺟﻮﺍﻙ ﻋﺪﺍﻭﻩ
ﺍﻣﻼ ﻗﻠﺒﻚ ﺑﺎﻟﺴﻤﺎﺍﺍﺍﺍﺍﺍﺍﺍﺍﺍﺣـــــﻪ
ﺟﻮﻁ ﻭ ﻛﻮﺭﻙ ﻭ ﺗﺎﻧﻲ ﺍﺿﺤﻚ
ﻭﻧﺲ ﺍﻟﻨﺎﺱ ﺑﺎﻟﻔﺼﺎﺣــﻪ
ﺍﺻﻠﻮ ﻣﺎ ﻣﺴﺘﺎﻫﻠﻪ ﺿﻴﻘﻪ
ﻭ ﻗﻠﺔ ﺍﻟﺬﻭﻕ ﻭ ﺍﻟﻮﻗﺎﺣﻪ

ﺍﻧﺎ ﻟﻴﻪ ﺍﻋﺎﻳﻦ ﻟﻲ ﺳﻮﺍﻙ
ﻭﺍﻧﺖ ﺍﻻﻣﺎﻧﻲ ﺍﻟﻤﻤﻜﻨﻪ
ﻣﺎ ﺗﺨﺖ ﻋﻠﻲ ﻟﻮﻡ ﺍﻟﻈﺮﻭﻑ
ﺗﺮﻣﻲ ﺍﻟﺤﺮﻭﻑ ﺍﻟﻤﺤﺰﻧﻪ
ﺍﻧﺎ ﻣﻦ ﻟﻘﻴﺘﻚ ﺇﻛﺘﻔﻴﺖ
ﻋﺎﻫﺪﺕ ﺑﺎﻗﻲ ﺍﻻﺯﻣﻨﻪ
ﻏﻴﺮﻙ ﻣﺤﺎﻝ ﺍﻋﺸﻖ ﻣﻼﻙ
ﻭﺍﻟﺮﻳﺪﻩ ﺗﺼﺒﺢ ﻣﻮﻃﻨﻪ
ﻣﺎ ﺍﻧﺖ ﻳﺎ ﺳﻴﺪ ﺍﻟﺤﺮﻭﻑ
ﺍﺭﻭﻉ ﺣﺒﻴﺐ ﺟﻨﺐ ﺍﻟﻬﻨﺎ
ﻭﺭﻳﻨﻲ ﻛﻴﻒ ﺍﻋﺒﺮ ﺳﻮﺍﻙ
ﺑﻲ ﺇﺧﺘﺼﺎﺭ ﺍﻧﺖ ﺍﻟﻤﻨﻰ
ﻭﺍﻧﺖ ﺑﺘﻘﺎﺳﻢ ﻓﻴﻨﻲ ﺭﻭﺣﻲ
ﺯﻱ ﻣﺎﺑﺘﻜﻮﻥ ﻛﺎﺋﻦ ﺍﻧﺎﺍﺍ
ﺑﺎﻟﻠﻪ ﺳﻴﺐ ﺷﻜﻚ ﺑﻌﻴﺪ
ﺧﻠﻴﻨﺎ ﻓﻴﻨﺎ ﻭﻣﻨﻨﺎ
ﻣﻦ ﻣﺎﺑﻘﻴﺖ ﺍﺣﺴﺎﺱ ﻫﻮﺍﻱ
ﻭﺭﻳﻨﻲ ﻃﻠﻌﺖ ﻛﻢ ﺳﻨﻪ
ﻋﺎﻳﺰ ﺍﻭﺻﻞ ﻟﻴﻚ ﻛﻼﻡ
ﺳﻴﺐ ﺍﻧﺖ ﺭﻭﺣﻚ ﻣﻮﻗﻨﻪ
ﻟﻮ ﻣﺖ ﺑﻌﺪ ﺍﻟﺸﺮ ﻋﻠﻲ
ﺍﻧﺎ ﻣﺎ ﺑﺴﻴﺒﻚ ﻳﺎﺍ ﺍﻧﺎﺍ

ﺍﻧﺎ ﻟﻴﻪ ﺍﻋﺎﻳﻦ ﻟﻲ ﺳﻮﺍﻙ
ﻭﺍﻧﺖ ﺍﻻﻣﺎﻧﻲ ﺍﻟﻤﻤﻜﻨﻪ
ﻣﺎ ﺗﺨﺖ ﻋﻠﻲ ﻟﻮﻡ ﺍﻟﻈﺮﻭﻑ
ﺗﺮﻣﻲ ﺍﻟﺤﺮﻭﻑ ﺍﻟﻤﺤﺰﻧﻪ
ﺍﻧﺎ ﻣﻦ ﻟﻘﻴﺘﻚ ﺇﻛﺘﻔﻴﺖ
ﻋﺎﻫﺪﺕ ﺑﺎﻗﻲ ﺍﻻﺯﻣﻨﻪ
ﻏﻴﺮﻙ ﻣﺤﺎﻝ ﺍﻋﺸﻖ ﻣﻼﻙ
ﻭﺍﻟﺮﻳﺪﻩ ﺗﺼﺒﺢ ﻣﻮﻃﻨﻪ
ﻣﺎ ﺍﻧﺖ ﻳﺎ ﺳﻴﺪ ﺍﻟﺤﺮﻭﻑ
ﺍﺭﻭﻉ ﺣﺒﻴﺐ ﺟﻨﺐ ﺍﻟﻬﻨﺎ
ﻭﺭﻳﻨﻲ ﻛﻴﻒ ﺍﻋﺒﺮ ﺳﻮﺍﻙ
ﺑﻲ ﺇﺧﺘﺼﺎﺭ ﺍﻧﺖ ﺍﻟﻤﻨﻰ
ﻭﺍﻧﺖ ﺑﺘﻘﺎﺳﻢ ﻓﻴﻨﻲ ﺭﻭﺣﻲ
ﺯﻱ ﻣﺎﺑﺘﻜﻮﻥ ﻛﺎﺋﻦ ﺍﻧﺎﺍﺍ
ﺑﺎﻟﻠﻪ ﺳﻴﺐ ﺷﻜﻚ ﺑﻌﻴﺪ
ﺧﻠﻴﻨﺎ ﻓﻴﻨﺎ ﻭﻣﻨﻨﺎ
ﻣﻦ ﻣﺎﺑﻘﻴﺖ ﺍﺣﺴﺎﺱ ﻫﻮﺍﻱ
ﻭﺭﻳﻨﻲ ﻃﻠﻌﺖ ﻛﻢ ﺳﻨﻪ
ﻋﺎﻳﺰ ﺍﻭﺻﻞ ﻟﻴﻚ ﻛﻼﻡ
ﺳﻴﺐ ﺍﻧﺖ ﺭﻭﺣﻚ ﻣﻮﻗﻨﻪ
ﻟﻮ ﻣﺖ ﺑﻌﺪ ﺍﻟﺸﺮ ﻋﻠﻲ
ﺍﻧﺎ ﻣﺎ ﺑﺴﻴﺒﻚ ﻳﺎﺍ ﺍﻧﺎﺍ

ﻛﻞ ﺳﻜﻪ ﺑﺘﺠﻴﺐ ﺍﻟﺠﺮﻭﺡ
ﺑﺮﺍﺣﻪ ﻳﺎ ﺯﻭﻝ ﺃﻗﻔﻼ
ﻭﻛﻞ ﺯﻭﻝ ﺑﺠﻴﺐ ﻟﻴﻚ ﺍﻟﺪﻣﻮﻉ
ﺳﻜﺔ ﺩﺧﻮﻟﻮ ﺗﻄﺒﻼ
ﻭﻛﻞ ﺣﺎﺟﻪ ﺭﺣﻠﺖ ﺩﻭﻥ ﺭﺿﺎﻙ
ﺃﻭﻋﺎﻙ ﺗﻤﺸﻲ ﺗﺤﺼﻼ
ﻭﺣﺮﻛﺎﺕ ﺩﻣﻮﻉ ﻋﻴﻨﻴﻚ ﺩﻳﻚ
ﻣﻦ ﻫﺴﻲ ﺣﺎﻭﻝ ﺑﻄﻼ
ﻭﺧﻠﻴﻚ ﺟﺎﻣﺪ ﻓﻲ ﺍﻟﺸﻌﻮﺭ
ﻣﺎﺳﺎﻱ ﺩﻣﻮﻋﻚ ﺗﻬﻤﻼ
ﻣﺎﻓﻲ ﺯﻭﻝ ﺑﻴﺴﺘﺎﻫﻞ ﺩﻣﻮﻉ
ﺷﺎﻥ ﻓﻮﻗﻮ ﺍﻧﺖ ﺗﻨﺰﻻ
ﻭﻣﺎﻓﻲ ﺯﻭﻝ ﺑﻴﺴﺘﺎﻫﻞ ﺩﻣﻮﻉ
ﻋﺸﺎﻥ ﻓﻮﻗﻮ ﺍﻧﺖ ﺗﻜﻤﻼ