ﻻﻫﻤﺎﻙ ﻋﺬﺍﺑﻨﺎ ‏) ﻭﺭﺍﻙ
ﻭﻻﻙ ‏( ﺃﻭﻝ ﺣﺒﻴﺐ ‏) ﺗﺮﺣﻞ ..
ﺗﺴﻮﻕ ‏( ﺩﻧﻴﺎ ﺍﻟﻤﺤﺒﻪ ‏) ﻗﻔﺎﻙ
ﻓﻴﺎ ﺍﻟـ ‏( ﻭﺳﻂ ﺍﻟﺰﻫﻮﺭ ‏) ﻃﻠﻴﺖ .. ﻭﻋﺎﻓﻴﺔ ﺭﻭﺣﻨﺎ ﺟﺎﺗﻨﺎ ﺣﺪﺍﻙ
ﻭﻳﺎ ‏( ﺣﺒﺔ ﻓﺮﺡ ‏) ﻣﺮﻗﺖ ..
ﺗﻌﺰﻱ ﻋﻠﻲ ﺍﻟﺒﻜﺎ ﺍﻷﻓﺎﻙ
ﺧﺒﺎﺭﻱ ﻭﻫﺎ ﺍﻟﻮﻃﻦ ﺷﺎﻫﺪ ..
‏( ﺑﻨﺎﺩﻱ ﻋﻠﻴﻚ ‏) ﻭﺑﺘﺮﺟﺎﻙ
ﺗﺠﻴﻨﺎ ‏( ﻛﻨﻮﺯ ﻣﺤﺒﻪ ‏) ﻭﺭﻳﺪ ..
‏( ﻓﺮﺍﺵ ﺍﻟﻘﺎﺵ ‏) ﻳﻐﻨﻲ ﻣﻌﺎﻙ
***
‏( ﺃﻛﻮﻥ ﻓﺮﺣﺎﻥ ‏) ﻭﻛﻞ ﺍﻟﻜﻮﻥ ﻳﺼﻔﻖ ﻟﻮﺗﻄﻞ ﻓﻲ ﻳﻮﻡ …
ﺑﻘﻮﻝ ﻟﻮ ‏( ﻫﺎﻧﺖ ﺍﻷﻳﺎﻡ ‏) ..
ﻛﻔﺖ ﻭﺵ ﺍﻟﻨﻬﺎﺭ ﺍﻟﻨﻮﻡ
‏( ﺑﻘﻴﺖ ﻇﺎﻟﻢ ‏) ﻧﺴﻴﺖ ﺍﻟﻨﺎﺱ … ﺑﻼﻗﻴﻚ ﻭﺍﻟﺴﻤﺎﺡ ﺑﺎﻟﻜﻮﻡ
ﺑﻘﻮﻝ ﻟﻚ ‏( ﺩﺍﻭﻱ ﻧﺎﺭﻱ ‏) ﺗﻌﺎﻝ … ﻭﺷﻞ ﺍﻟﻌﺒﺮﻩ ﻓﻲ ﺍﻟﺤﻠﻘﻮﻡ
ﺗﻌﺎﻝ ﺗﺎﺗﻲ ﺍﻟﻘﺼﻴﺪﻩ ﻧﻘﻮﻡ ..
***
‏( ﺟﻤﻴﻼ ﻣﺎﺳﺄﻟﻨﺎ ‏) ﺑﺮﺍ …
ﻳﻘﻴﻢ ﻓﻲ ﺍﻟﺬﺍﺕ ﻭﻳﺘﻤﺪﺩ
ﺑﻨﻴﻨﺎ ﻣﻌﺎﻫﻮ ‏( ﻗﺼﺮ ﺍﻟﺸﻮﻕ ‏) …
ﺃﻗﻤﻨﺎ ﻋﻠﻲ ﺍﻟﻤﺂﺳﻲ ﺍﻟﺤﺪ
ﺭﺣﻞ ‏( ﻓﻲ ﺍﻟﻠﻴﻠﻪ ﺩﻳﻚ ‏) ﻓﻨﺎﻥ …
ﻭﺭﺍﻭ ﺣﻴﻞ ﺍﻷﻏﺎﻧﻲ ﺑﺮﺩ
ﺳﻜﻦ ﻓﻮﻕ ﺍﻟﻘﻠﻮﺏ ﻣﺮﺗﺎﺡ …
ﺃﺣﺒﻚ ‏( ﻟﻮ ﺍﺣﺒﻚ ‏) ﺟﺪ،،
***
‏( ﻗﻠﺒﻚ ﻟﻴﻪ ﺗﺒﺪﻝ ‏) ﻳﻌﻨﻲ ..
ﻣﺎﻗﺎﻭﻡ ﺃﺫﺍﻫﻮ ﺭﻋﺎﻙ؟
‏( ﺻﺒﺢ ﺭﻳﺪﻙ ﺣﻴﺎﺓ ‏) ﺍﻟﺸﻮﻑ
ﻭﺃﺑﺼﺮﺕ ﺍﻟﻜﺘﺎﺑﻪ ﻋﻤﺎﻙ
ﺧﻼﺱ ﻳﺎ ‏( ﺍﻟﺰﺍﻫﻲ ﻟﻮﻧﻚ ‏) ﺣﻦ
ﺧﻼﺱ ﺍﺭﺣﻢ ﻗﻠﺐ ﻣﻀﻨﺎﻙ،،

ﺍﻟﺒﻨﻴﺔ ﺍﻟﻌﺎﺩﻱ ﺯﻱ ﻛﻞ ﺍﻟﺒﻨﺎﺕ
ﺧﺎﺗﺔ ﻓﻲ ﻋﻴﻨﻴﻬﺎ ﺭﻳﺪﻙ ﺯﻳﻨﺔ
ﻣﺎ ﺍﻛﺘﺤﻠﺖ ﺑﺘﺎﺗﺎ ﺑﻲ ﺳﻮﺍﻙ
ﻭﺭﺩﺕ ﺧﺪﻳﻬﺎ ﺑﻲ ﺷﻮﻓﺘﻚ
ﺿﻔﺎﻳﺮﺍ ﺳﺎﺑﻘﺖ ﻟﻠﻨﻴﻞ
ﻭﻓﺎﺗﺘﻮ ﻃﻮﻟﺖ ﺑﺎﻝ ﺍﻟﺴﻤﺎﺣﺔ
ﻭﻋﻠﻤﺖ ﻭﺗﺮ ﺍﻟﺒﺴﺎﻃﺔ ﺍﻻﻧﻔﻼﺕ
ﺍﻟﻮﺭﻳﻔﺔ ﺍﻟﺸﺎﻳﻠﺔ ﻛﻼﻣﺎ ﻏﻨﻮﺍﺕ
ﻣﺎﺩﺓ ﺍﻳﺪﻳﻬﺎ ﻭﺗﻮﺯﻉ
ﻋﺰ ﺳﻤﻮﻡ ﺍﻟﻮﺟﻌﺔ ﻧﺴﻤﺎﺕ
ﺧﺎﺗﺔ ﻛﺮﺳﻲ ﺍﻟﺮﺍﺣﺔ ﻓﻴﻬﺎ
ﻭﺣﺎﻟﻔﺔ ﺇﻻ ﺍﻟﺪﻣﻌﺔ ﺗﻘﻌﺪ
ﺷﺎﻥ ﺗﺸﻴﻞ ﺟﻮﺍﻫﺎ ﻏﻴﻤﺎﺕ
ﺍﻟﻐﺰﻳﺮﺓ ﺍﻟﻤﺎﻃﺮﺓ ﺭﻳﺪ ﺭﻳﺪ
ﺍﻟﻜﺮﻳﻤﺔ ﺍﻟﺮﺣﻤﺘﺎﺕ
ﺩﻱ ﺍﻟﺤﺒﻴﺒﺔ ﺃﻟﻤﺎ ﺑﺘﺴﻴﺒﺔ

ﺑﺪﻝ ﻣﺎﺗﻘﻮﻟﻲ ﻣﺸﺘﺎﻗﻴﻦ ﻋﺸﺎﻥ ﻳﻀﺤﻚ ﻭﻳﻘﻮﻝ ﺑﺎﻻﻛﺘﺮ
ﺍﺿﺤﻜﻲ ﺿﺤﻜﻪ ﻓﻴﻬﺎ ﺑﺮﺍﺀﺓ . . ﻭﺍﻛﺘﺒﻲ ﻧﺺ ﻣﻌﻘﺪ ﺍﻛﺘﺮ ...
ﺍﻛﺘﺒﻲ ﺣﺎﺟﻪ ﺗﻔﺘﺢ ﻗﻠﺒﻮ .. ﻗﻮﻝ ﻟﻲ ﻗﻠﺒﻲ ﻗﺎﻋﺪ ﻳﺘﻮﺗﺮ ...
ﻳﺮﺟﻔﯽ ﻧﺒﻀﻮ ﻣﻦ ﻳﻠﻘﺎﻙ ... ﻭﺿﺦ ﺍﻟﺪﻡ ﻛﻤﺎﻥ ﺑﺘﻮﺗﺮ ..
ﺍﻛﺘﺒﻲ ﻟﻴﻬﻮ ﺣﺎﺟﻪ ﻏﺮﻳﺒﻪ ﻣﺜﻼ ﺭﻳﺪﻱ ﻟﻴﻚ .. ﺗﺮﻛﺘﺮ ...
ﺍﻟﻤﻄﺮﻩ ﺍﻟﺒﻐﺮﻕ ﺳﻴﻼ .. ﻗﻄﻌﺘﺎ ﺩﺍﻳﺮﺓ ﻟﻴﻬﺎ ﺗﺮﻛﺘﺮ ..
ﺍﻭ ﻗﻮ ﻝ ﻟﻴﻮ ﻃﻴﻮﺭ ﺍﻟﺠﻨﻪ ﻣﺠﻨﻮﻭﻭﻭﻧﺎﺕ ﺭﻗﻴﺼﻦ ﺍﺷﺘﺮ ..
ﻫﻮ ﻻﻣﺎﺕ ﺷﺎﻥ ﻳﺸﻮﻑ ﺍﻟﺠﻨﻪ ﻻﺑﻌﺮﻑ ﺍﻟﺮﻗﻴﺺ ﺍﻻﺷﺘﺮ ..
ﺍﻛﺘﺒﻲ ﺣﺎﺟﻪ ﺃﺣﻠﻰ ﻭﺍﺩﻓﯽ ...
ﻣﺜﻼ ﺯﻱ ... ﻋﻴﻮﻧﻚ ﺟﻨﻨﺔ ...
ﺣﺎﺟﺘﻴﻴﻦ ﻓﻴﻬﻦ ﺍﻟﺒﺘﻤﻨﯽ ...
ﺍﻭ ﻗﻮﻝ ﻟﻴﻮ ﺩﻗﻴﻘﺔ ﺍﺳﺘﻨﯽ ...
ﻫﺎﻙ ﻗﻠﺒﻲ ﺍﻟﻌﻠﻴﻜﺎ ﺍﺣﻦ ...
ﻣﻦ ﺣﻦ ﺍﻟﺴﻔﻦ ﺑﺎﻟﻤﺮﻓﺎ ...
ﺍﻛﺘﺒﻲ ﻟﻴﻬﻮ ﺣﺎﺟﻪ ﺑﺪﻭﺭﺍ ...
ﻗﻮﻝ ﻟﻴﻮ ﻋﻨﺪﻱ ﻟﻴﻚ ﺩﻛﺘﻮﻭﻭﺭﻩ ...
ﺍﺗﺤﺪﺕ ﺩﻛﺎﺗﺮﺓ ﺭﻳﺪﻙ ﺍﻟﻘﺪﺍﻣﻲ ﺻﺪﻗﺎ ﻭﺻﻮﺭﺓ ...
ﻗﻮﻝ ﻟﻲ ﺍﻟﺮﻳﺪ ﺑﺒﻴﺢ ﻓﻲ ﻋﺮﻓﻮ ﺣﺎﺟﺎﺕ ﻣﺎﻓﻲ ﻟﻴﻬﺎ ﺿﺮﻭﺭﺓ .. .
ﻭﺍﻟﺮﻳﺪ ﻋﻴﺪ ﻭﻻﻣﺤﺘﺎﺟﻠﻮ ﻟﻲ ﺭﺅﻳﺔ ﻫﻼﻝ ﻻﻭﻗﻔﺔ ...
ﻗﻮﻝ ﻟﻴﻮ ﻫﺴﺴﺎ ﻣﻮﺵ ﻻﻗﻴﺘﻚ ...
ﺍﺗﺬﻛﺮﺕ ﺣﺎﺟﻪ ﻭﺟﻴﺘﻚ ...
ﺍﻧﺖ ﻣﺸﻴﺘﻨﻲ ﺳﻜﻪ ﺑﻌﻴﺪﺓ ... ﺑﻴﻬﺎ ﺍﻟﻴﻮﻣﺎ ﺩﺍﻙ ﺣﺠﻴﺘﻚ ...
ﺍﻧﺖ ﺗﻜﻮﺱ ﻋﻠﻲ ﻓﻲ ﺑﻴﺘﻨﺎ .. ﻭﺍﻧﺎ ﺑﻲ ﺍﺧﺘﺼﺎﺭ ﻏﺸﻴﺘﻚ ...
ﺍﻧﺖ ﻓﺘﺤﺖ ﻟﻲ ﺑﺎﺏ ﻗﻠﺒﻚ ﺍﻟﻮﺭﺍﻧﻲ ... ﻭﺍﻧﺎ ﺧﺸﻴﺘﻚ
ﺧﻠﺴﻪ ﺩﺧﻠﺖ ﻣﻦ ﺍﺣﺰﺍﻧﻲ ... ﻭﺍﻧﺖ ﺳﻤﻌﺘﻨﻲ ﻭﺣﺴﻴﺘﻚ ...
ﻣﺮﻗﺖ ﺗﻜﻮﺱ ﻋﻠﻲ ﻣﻦ ﺗﺎﻧﻲ ... ﻣﺎﻟﻚ ﻳﺎﺍﻟﺤﺒﻴﺐ ﺟﻨﻴﺖ ...
ﺗﻘﻮﻝ ﻟﻲ ﻻﻻ ﻳﺎﺍﻟﻤﺎﻟﻴﺎﻧﻲ ... ﻟﻲ ﻭﺟﻊ ﺍﻟﺴﻨﻴﻦ ﺣﻨﻴﺖ ...
ﻭﻗﺘﺎ ﺍﺿﻬﻬﺒﻦ ﻣﻦ ﻗﻠﺒﻲ ... ﻭﺍﺩﺩﻋﻲ ﺑﻴﻨﻨﺎ ﻣﺎﻓﻴﺶ ﻋﺮﻓﻪ ...
ﻳﺎﺥ ﻗﻮﻝ ﻟﻴﻬﻮ ﺟﻴﺘﻚ ﺍﺣﻠﯽ ﻣﻦ ﺷﺎﻱ ﺍﻟﺤﻠﻴﺐ ﺑﺎﻟﻘﺮﻓﻪ ...
ﺷﻮﻓﺘﻚ ﺍﺣﻠﯽ ﻟﻲ ﻣﻦ ﺯﻭﻝ ﻣﻌﻠﻠﻢ ﺍﻟﻠﻪ ﺟﺎﺗﻮ ﺍﻟﺼﺮﻓﻪ ...
ﻋﺼﻔﻮﺭ ﺍﻧﺖ ﺭﻛﺖ ﻛﺮﻋﻲ ﻓﻲ ﻛﺮﺍﻉ ﻋﻨﻘﺮﻳﺐ ﻓﻲ ﻏﺮﻓﻪ ...
ﻣﺒﺴﻮﻃﻴﻨﺒﻮ ﺷﻔﻊ ﺑﻴﺘﻨﺎ .... ﺭﺍﻓﻌﻴﻦ ﻟﻴﻮ ﻗﺰﺍﺯ ﺍﻟﻜﻠﻔﻪ ...
ﻳﺎﺥ ﺩﻗﻴﻘﻪ ﺩﻗﻴﻘﻪ ...
ﻗﻮﻝ ﻟﻴﻮ ﺣﺎﺟﻪ ﻣﺎﻻﻗﺎﻫﺎ ﻗﺒﺎﻝ ... ﺷﻮﻓﻲ ﻟﻴﻜﻲ ﻃﺮﻳﻘﻪ ...
ﺍﻱ ﻧﻌﻢ ﺍﻧﻮ ﻓﺎﺍﺍﺍﻫﻢ ﺟﺪﺍ ... ﺍﺍﻱ ﺍﻟﺤﻘﻴﻘﻪ ﺣﻘﻴﻘﻪ ..
ﻟﻜﻦ ﺩﺍﻳﺮﺓ ﻟﻲ ﻓﺪ ﻛﻠﻤﺔ ... ﺗﻨﺪﻳﻞ ﺍﻟﻜﻼﻡ ﻣﺎﻳﻌﻴﻘﺔ ...
ﻗﻮﻝ ﻟﻴﻮ ﻳﺎﻧﻀﺎﻝ ... ﻓﺪ ﺣﺎﺟﻪ ...
ﻻ ﻃﻴﺮ ﺟﻨﺔ ﻻ ﻛﺒﺴﻴﺒﺔ ... ﻛﻠﻤﺔ ﻳﻜﻮﻥ ﺷﺪﻳﺪ ﻣﺤﺘﺎﺟﻪ ...
ﻫﻮ ﺷﻦ ﺧﺴﺎﻫﻮ ﻓﻲ ﺍﻟﻨﺺ ﺍﻟﻤﻌﻘﺪ ﺍﻛﺘﺮ ...
ﻭﺷﻦ ﺧﺴﺎﻫﻮ ﻓﻲ ﺍﻟﺸﻮﻕ ﺍﻟﻮﻻ ﺑﺘﻤﺘﺮ ...
ﻫﻮ ﺍﺻﻼ ﻻﺑﺘﺬﺭﻭ ﺍﻟﻤﻄﺮﺓ ﻻﻣﺤﺘﺎﺝ ﻋﺸﺎﻧﻪ ﺗﺮﻛﺘﺮ .. ﻻ ﺧﺴﺎﻭﻭﻃﻴﻮﺭ ﺍﻟﺠﻨﻪ ﻻ ﻫﻤﺎ ﺍﻟﺮﻗﻴﺺ
ﺍﻻﺷﺘﺮ ...
ﻗﻮﻝ ﻟﻴﻮ ﺣﺎﺟﻪ ﻣﺎﺑﺘﺘﺘﻨﯽ . ... ﺑﻨﻬﺎ ﻓﻲ ﺍﻟﻘﺼﺎﻳﺪ ﻣﺎﺟﺎ ...
ﺣﺎﺟﻪ ... ﺑﺮﺍﺍﺍﻫﺎ ﺗﺘﻘﺮﻳﻔﻠﻮ ... ﻭﻳﻌﺮﻑ ﻳﻜﻔﻲ ﻟﻴﻬﺎ ﻣﺰﺍﺟﺎ ...
ﺍﺟﻤﻞ ﻣﻦ ﺗﻘﻮﻻ ﺍﻏﺎﻧﻲ ..
ﻭﺍﻛﺒﺮ ﻣﻦ ﺗﺴﻠﻠﻢ ﺭﻭﺣﺎ ... ﻟﻲ ﺳﻤﻊ ﺍﻟﺒﻌﻴﺪ ﻭﺍﻟﺪﺍﻧﻲ ...
ﺣﺎﺟﻪ .... ﻋﺸﺎﻥ ﻳﻘﻮﻻ ﻏﻨﺎﻛﻲ ... ﻣﺤﺘﺎﺝ ﺍﻟﻒ ﻣﻌﺠﻢ ﺗﺎﻧﻲ ...
ﻳﺸﺮﺡ ﺭﺍﺑﻄﻪ ﻭﺍﺑﻌﺎﺩﺍ ... ﺳﻠﻠﻢ ﻗﺪﺭﺗﺎ ﺍﻟﻮﺟﺪﺍﻧﻲ ...
ﺍﺷﻄﺒﻲ ﻳﻠﻼ ... ﺍﻛﺘﺒﻲ ﺗﺎﻧﻲ
ﺍﻛﺘﺒﻲ ﺗﺎﻧﻲ ﺣﺎﺟﻪ ﺑﺴﻴﻴﻄﻪ
ﻋﻴﻨﻴﻚ ﻳﺎﻟﺤﺒﻴﺐ ﻧﻴﻠﻴﻦ ﻭﻗﻠﺒﻚ ﻟﻠﻜﺘﺎﺑﻪ ﻣﺤﻴﻄﺎ ...
ﻋﻴﻨﻴﻚ ﺍﻟﻨﺼﻴﺤﻪ ﻧﺼﻴﻴﺤﻪ ...
ﻣﺮﻗﺖ ﻣﻨﻲ ﺳﻬﻢ ﺍﻟﻮﺟﻌﻪ ﻳﻮﻡ ﻻﻗﻴﺘﻨﻲ ﺭﺍﻗﺪﻩ ﺟﺮﻳﺤﻪ ...
ﻋﻴﻨﻴﻚ ﺩﻳﻞ ﻗﻮﺍﻧﻴﻦ ﻗﺘﻞ ﺩﻭﻟﻲ ﻭﺣﺎﻳﻤﻪ ﺑﻲ ﺗﺼﺮﻳﺤﻪ ...
ﻣﺘﻌﺒﻪ ﻳﻮﻡ ﺗﻘﺒﻞ ﻣﻨﻲ ... ﻟﻜﻦ ﻓﻲ ﺍﻟﺤﻘﻴﻘﻪ ﻣﺮﻳﺤﻪ ...
ﻳﺎﺥ ﻋﻴﻨﻴﻚ ... ﺟﺪﺍﻭﻝ ﺍﻟﻤﻲ ... ﻧﺨﻠﺔ ﻭﺑﻤﺒﺮﻳﻦ ﻭﺳﺒﻴﻄﻪ ...
ﻳﺎﺥ ﺍﻧﺎ ﻣﺎﻟﻲ ﺣﺎﺳﻪ ﻛﺎﻧﻲ ﻣﺴﺮﻓﻪ ﻓﻲ ﺍﻟﻜﻼﻡ ﻭﻋﺒﻴﻄﻪ ...
ﻓﺪﺩﺓ ﻛﻠﻤﻪ ....
ﻏﻤﺪﻱ ﺑﻲ ﺍﺧﺘﺼﺎﺭ ﻗﻮﻟﺒﻬﺎ .... ﺍﻭ ﻗﻮﻝ ﻟﻴﻬﻮ ﺟﺎﺕ ﻓﻲ ﺣﻠﻤﻪ ..
ﺧﻠﻴﻚ ﻣﻦ ﻛﻼﻡ ﺍﻟﺸﻌﺮﺍ ... ﺣﻜﻤﺔ ﻧﺎﺱ ﺯﻫﻴﺮ ﺍﺑﻮ ﺳﻠﻤﯽ ...
ﺧﻠﻴﻚ ﻭﺍﺿﺤﻪ ... ﻃﻠﺔ ﻗﻤﺮﺓ ﻓﻲ ﺩﻭﺭﻳﻦ ... ﻗﺼﺎﺩ ﺍﻟﻀﻠﻤﻪ ...
ﻗﻮﻝ ﻟﻴﻮ ﺍﻧﺘﻲ ﻋﺎﺍﺍﺍﺭﻓﻪ ﺍﻟﻜﻠﻤﻪ .. ﺧﻠﻲ ﺍﻟﻤﺴﻜﻨﻪ ﻭﻗﻮﻟﻴﻬﺎ .. .
ﻛﻢ ﺣﻮﻝ ﻭﺍﻧﺘﻲ ﻳﺎﺍﻟﻤﺴﻜﻴﻨﻪ ﻛﺎﺗﻤﺔ ﻗﺪﺭ ﺩﻩ ﺳﺎﻛﺘﻪ ﻋﻠﻴﻬﺎ ...
ﻳﺎﺥ ﻧﻴﻔﺎﺷﺎ ﺣﻠﻠﻮ ﻧﻘﺎﺷﺎ ... ﻭﺳﺪ ﺍﻟﻨﻬﻀﻪ ... ﻋﺮﻓﻮ ﺍﻟﺒﻴﻬﺎ ...
ﻭﻣﺸﻜﻠﺔ ﺍﻧﻚ ﺍﻧﺘﻲ ﺗﻘﻮﻟﻲ ﻓﺪﺓ ﻛﻠﻤﻪ ... ﻣﺎﺗﺤﻠﻴﻬﺎ ... ﻳﺎﺥ ﺧﻠﻴﻬﺎ ...
ﻻﻻ ﺧﻼﺱ ... ﺑﻘﻮﻻ ﺑﻘﻮﻻ ...
ﻳﺎﺥ ﺍﻧﺎ ﻭﺍﻧﺖ ﻳﺎﻣﺤﺒﻮﺑﻲ ... ﻣﺎﺧﺪﻳﻦ ﻓﻲ ﺍﻟﺘﻔﺎﻧﻲ ﺑﻄﻮﻟﻪ ...
ﻋﻴﻨﻲ ﺷﺎﻳﻠﻪ ﻣﻨﻚ ﺷﻮﻓﺎ ... ﻋﻴﻨﻴﻚ ﺣﺎﺟﻪ ﻣﺎﻣﻌﻘﻮﻟﻪ ...
ﻋﻴﻨﻴﻚ ﺣﺎﺟﻪ ﻣﺎﻣﻌﻘﻮﻟﻪ ؟؟
ﻳﺎﺥ ﻭﺍﻟﻠﻪ ﺍﻧﺘﻲ ﺍﻟﺤﺎﺟﻪ ﻣﺎﻣﻌﻘﻮﻟﻪ
ﻗﻮﻡ ﺧﻠﻴﻬﺎ .
. ﻻﻻ ﺧﻼﺱ ﺑﻘﻮﻻ ﺑﻘﻮﻻ ...
ﻳﺎﺧﻲ . .. ﺑﺮﻳﻴﻴﻴﻴﻴﻴﺪﻙ ... ﺍﻳﻮﺓ ﺑﺮﻳﻴﺪﻙ ... ﺍﻟﺮﻳﺪﺓ ﺍﻟﺠﻤﻴﻠﻪ ﻓﺼﻮﻟﺔ ...
ﺍﻟﺮﻳﺪﺓ ﺍﻟﻘﺒﻞ ﻳﺘﺨﺎﺻﻤﻮﺑﺎ ﺍﻟﻨﺎﺱ ﺑﺘﺪﻱ ﺣﻠﻮﻻ . ﺭﻳﺪﺍ ﺯﻛﺎﺗﺎ ﺗﺪﻱ ﺗﻼﺗﻪ ﺍﺿﻌﺎﻑ ﻛﻠﻤﺎ ﺣﺎﻝ ﺣﻮﻻ
ﺭﻳﺪﺓ ... ﺣﺘﺎﻟﺔ ...
ﺍﺩﻳﺘﺎ ﺍﻟﺒﺤﺮ ﻣﺎﺷﺎﻻ ...
ﺳﻴﺪﺍ ﻣﺤﻞ ﻳﻘﺒﻞ ﻭﺷﻮ ... ﻓﻲ ﻋﻴﻨﻴﻬﻮ ﺗﻘﺮﺍ ﺍﻟﺤﺎﻟﺔ ...
‏( ﺭﻳﺪﺓﺓ ﺣﺘﺎﻟﻪ .. ﺭﻳﺪﺓ ﺧﺠﻮﻭﻟﻪ ..
. ﺍﺧﺮ ﺭﻳﺪﺓ ... ﻟﻜﻦ ﺍﻭﻟﯽ

ﺇﺗﺰﻛﺮﺗﻚ
ﻭﻓﺠﺄﻩ ﻟﻘﻴﺘﻨﻲ ﻣﻌﺎﻙ ﺯﻱ ﺳﺎﺭﺡ
ﻭﺯﻱ ﻣﺎﺗﻘﻮﻝ ﻛﺪﺍ ﻛﺖ ﻣﺸﺘﺎﻗﻚ
ﻭﻣﺎﻧﺎﺟﻴﺘﻚ ﻣﻦ ﺃﻣﺒﺎﺭﺡ
ﺃﺻﻠﻚ ﺳﺎﻋﻪ ﺗﺰﻋﻞ ﻣﻨﻲ
ﺑﺘﻌﻤﻞ ﺛﻮﺭﻩ
ﻭﻓﻲ ﺟﻮﺍﻱ ﺑﺘﺴﻮﻱ ﻣﺬﺍﺑﺢ
ﺑﺲ ﺃﻧﺎ ﻋﺎﺭﻓﻚ ﻟﺴﻪ ﺣﻨﻴﻦ
ﻭﻗﺒﺎﻝ ﺃﻃﻠﺐ
ﺑﻠﻘﻲ ﻋﻴﻮﻧﻚ ﻟﻲ ﺑﺘﺴﺎﻣﺢ
** ﻧــــــﺺ **
ﻗﺒﻞ ﻣﺎﺗﻘﺮﺭ ﺗﻔﺎﺭﻕ
ﻭﺗﻤﺸﻲ ﺗﺒﻌﺪ ﻣﻦ ﻭﻃﻨﻨﺎ
ﺳﻘﺘﻬﺎ ﻭﺑﺎﻟﺸﻮﻕ ﻛﺴﻴﺘﺎ
ﻭﻗﻠﺖ ﻟﻴﻬﺎ ﻭﻛﺖ ﺧﺎﻳﻒ
ﺩﻓﻘﻴﻨﻲ ﻋﻠﻴﻚ ﻣﺤﻨﻪ
ﻭﺧﺘﻲ ﺑﺬﺭﻩ ﺭﻳﺪ ﺻﻐﻴﺮﻩ
ﻭﺁﻣﻨﻲ ﺑﻴﻬﺎ
ﻭﺃﺳﻘﻲ ﻣﻦ ﻋﻴﻨﻴﻚ ﺗﺮﺍﺑﺎ
ﺑﻜﺮﻩ ﺗﻜﺒﺮ
ﻭﺗﺒﻘﻲ ﻣﻠﻴﻮﻥ ﺃﻟﻒ ﻏﺎﺑﻪ
ﻣﺎﺣﺮﺍﻡ ﻟﻮ ﻗﻠﻨﺎ ﻧﺤﻠﻢ
ﻭﻧﺴﺘﻈﻞ ﻋﺰ ﺍﻟﻬﺠﻴﺮ
ﺑﻲ ﻃﻴﻒ ﺳﺤﺎﺑﻪ
ﺑﺲ ﻋﻴﻮﻧﻚ ﻳﻮﻡ ﺗﺪﻣﻊ
ﻭﺇﻧﺘﻲ ﺗﻘﻔﻠﻲ ﻣﻨﻲ ﺑﺎﺑﻬﺎ
ﺍﻟﺪﻣﻮﻉ ﺍﻟﻔﻴﻚ ﺑﺘﻜﻤﻞ
ﺑﺲ ﻭﺣﺎﺗﻚ
ﻛﻞ ﻳﻮﻡ ﺑﻴﻤﺮ ﺑﺪﻭﻧﻚ
ﻓﻴﻬﻮ ﺑﺘﺤﻮﻝ ﺧﺮﺍﺑﻪ
ﻭﻛﺎﻥ ﺑﺘﻀﺤﻚ ...
ﻭﻛﻨﺖ ﻣﺴﺘﻐﺮﺏ ﺑﻌﺎﻳﻦ
ﻟﻴﻪ ﺑﺘﻀﺤﻚ !
ﻭﺧﻮﻓﻲ ﻛﺎﻥ ﻓﻲ ﺻﻮﺗﻲ ﺑﺎﻳﻦ
ﺑﺲ ﺃﻛﻴﺪ ﻛﺎﻧﺖ ﺑﺘﻀﺤﻚ
ﺷﺎﻥ ﻭﻓﻴﻪ ﻭﻣﺎﺣﺘﺒﻌﺪ
ﻭﻣﺎﻫﺎ ﻧﻮﻉ ﺍﻟﺒﺒﻘﻲ ﺧﺎﻳﻦ
ﻭﻛﻨﺖ ﻭﻗﺖ ﺍﻟﻘﺎﻫﺎ ﺑﺤﻠﻢ
ﻭﺑﺪﻋﻲ ﺭﺑﻲ ﺗﻜﻮﻥ ﻧﺼﻴﺒﻲ
ﻭﻛﻨﺖ ﺑﺴﻜﺮ ﺑﻲ ﻋﻴﻮﻧﺎ
ﻭﺩﻳﻤﻪ ﻛﺎﻥ ﺑﺘﻌﺪﻟﻮ ﻋﻴﺒﻲ
ﻭﻛﻨﺖ ﺑﺴﺄﻝ ﻧﻔﺴﻲ ﻣﺮﺍﺕ
ﻟﻴﻪ ﻫﻲ ﻣﺎﺑﺘﻘﻮﻝ ﺣﺒﻴﺒﻲ؟
ﻭﺑﺮﺿﻮ ﻣﺎﺷﻜﻴﺖ ﺛﻮﺍﻧﻲ
ﺇﻧﻮ ﻣﻤﻜﻦ ﻟﺤﻈﻪ ﺗﺮﺣﻞ
ﻭﻓﻲ ﺣﺸﺎﻳﺎ ﺗﻘﻴﺪ ﻟﻬﻴﺒﻲ
ﻭﻣﻦ ﻣﺸﺖ ﺳﺎﻗﺖ ﺧﻄﺎﻫﺎ
ﻗﻠﻴﺒﻲ ﻛﺎﻥ ﻓﻲ ﺍﻟﺮﻭﺡ ﺑﻌﺎﻓﺮ
ﻭﻛﺎﻥ ﻫﻮ ﻟﺴﻪ ﺑﻜﻮﺱ ﻭﺭﺍﻫﺎ
ﻛﺎﻧﺖ ﻣﺘﻴﻢ ﻭﺃﻋﻤﻲ ﺿﺎﻳﻊ
ﻣﻬﻤﺎ ﺷﺎﻑ ﻣﺎﺑﺸﻮﻑ ﺳﻮﺍﻫﺎ
ﻭﻛﻢ ﺷﻬﻮﺭ ﻋﺪﺕ ﺻﻌﻴﺒﻪ
ﻭﺯﺍﺩﻭ ﻛﺎﻥ ﺗﻨﻬﻴﺪ ﻭﺁﻫﻪ
ﻟﺤﺪﻱ ﻣﺎ ﺃﺣﺰﺍﻧﻮ ﻣﻠﺖ
ﻭﻓﻲ ﺍﻟﻘﻠﻴﺐ ﺃﻭﺟﺎﻋﻮ ﻗﻠﺖ
ﺻﺪﻓﻪ ﺗﺎﻧﻲ ﺍﻟﺒﺴﻤﻪ ﻃﻠﺖ
ﻭﻓﺘﺤﺖ ﻋﻴﻨﻴﻪ ﺑﺮﺍﺍﺍﻫﺎ
ﺻﻮﺗﻬﺎ ﻛﺎﻥ ﺑﺎﻟﺠﺪ ﻳﺤﻨﻦ
ﻃﻴﺒﻪ ﻣﺎﺳﺎﻗﺖ ﻏﺮﻭﺭﻫﺎ
ﻭﻛﺎﻥ ﻗﻮﺍﻡ ﺍﻟﺮﻳﻞ ﻳﺠﻨﻦ
ﺑﺴﻌﺪ ﺍﻟﺴﺎﺣﺎﺕ ﺣﻀﻮﺭﻫﺎ
ﻭﺑﺎﻟﺮﻣﻮﺵ ﻛﺎﻧﺖ ﺗﻨﺸﻦ
ﻭﻛﺎﻥ ﻛﻤﺎ ﺍﻟﻨﺴﻤﺎﺕ ﻣﺮﻭﺭﻫﺎ
ﻓﻴﻨﻲ ﺣﻠﺖ
ﻭﺷﻜﻠﺖ ﺃﺟﻤﻞ ﻣﻨﺎﻇﺮ
ﺷﺎﻟﺖ ﺃﻧﻘﺎﺽ ﺍﻟﻤﺂﺳﻲ
ﻭﺇﻱ ﺣﺲ ﺟﻮﺍﻱ ﻣﺸﺎﺗﺮ
ﻭﺩﻭﻥ ﺗﺮﺩﺩ
ﺭﺍﺿﻴﻪ ﻗﺎﻟﺖ ﺑﺎﻟﻤﺨﺎﻃﺮ
ﺟﻨﺒﻬﺎ ﺍﻟﺨﻮﻑ ﻣﺎﻋﺮﻓﺘﻮ
ﻭﻻ ﺑﺘﺒﺨﻞ ﺑﺎﻟﻤﺸﺎﻋﺮ
ﻏﺎﻳﺘﻮ ﻛﻞ ﺍﻟﻔﻴﻨﻲ ﻟﻴﻬﺎ
ﻭﺍﻟﻠﻪ ﺳﺎﺍﺍﺍﺗﺮ

ﺍﻟﺠﺮﺡ ﺍﻟﺒﻜﻮﻥ ﻣﻦ ﺭﻳﺪﺓ ﻣﺎﻇﻦ ﻳﺒﺮﺍ
ﻻ ﺑﺘﻨﻔﻊ ﺣﺒﻮﺏ ﻻ ﻣﺲ ﻋﻴﻮﻥ ﻻ ﻗﻄﺮﺓ
ﻣﻦ ﺍﻟﺴﻴﺮﺓ ﺳﺎﻱ ﺍﻟﺰﻭﻝ ﺗﺨﻨﻘﻮ ﺍﻟﻌﺒﺮﺓ
ﻣﻌﺮﻭﻑ ﺍﻟﻔﻀﺎﻳﺢ ﻳﻮﺕ ﻣﺒﺎﺭﻳﺔ ﺍﻟﺴﺘﺮﺓ
ﻣﺮﺍﺕ ﺗﻨﺘﻌﺶ ﻭﺗﻌﻴﺶ ﺳﻌﻴﺪ ﻟﻲ ﻓﺘﺮﺓ
ﻭﺗﻘﻮﻝ ﻭﻟﻰ ﻓﺎﺕ ﺯﻣﻦ ﺍﻟﺤﺰﻥ ﻭﺍﻟﺤﺴﺮﺓ
ﻓﺠﺄﺓ ﺑﺘﻨﺘﻜﺲ ، ﺗﺮﺟﻊ ﻣﻦ ﺍﻭﻝ ﻓﻘﺮﺓ
ﻭﺍﻟﺪﺍﻳﺮ ﺍﻟﻌﺪﻳﻞ ﻻﺑﺪ ﻳﺎﺧﺪ ﻋﺘﺮﺓ
ﻳﺎﺣﻠﻴﻞ ﺭﻳﺪ ﺯﻣﺎﻥ ، ﺯﻣﻦ ﺍﻟﻐﺮﺍﻡ ﻣﻦ ﻧﻈﺮﺓ
ﻭﻛﺘﻴﻦ ﺍﻟﺒﺮﻳﺪ ، ﻏﻴﺮ ﺍﻟﺤﺒﻴﺐ ﻣﺎﺑﻴﻄﺮﺍ
ﺍﻟﺮﻳﺪ ﻛﺎﻥ ﺣﻨﺎﻥ ، ﻣﺎﻛﻠﻤﺔ ﺳﺎﻛﺖ ﻭﻗﺸﺮﺓ
ﻟﻮ ﺿﺎﻉ ﺍﻟﻐﺮﺍﻡ ، ﺑﻴﺮﺍﻋﻮﺍ ﺣﻖ ﺍﻟﻌﺸﺮﺓ
ﻣﺠﺮﻭﺡ ﺍﻟﻐﺮﺍﻡ ﻃﻮﺍﻟﻲ ﻭﺍﻃﻲ ﺍﻟﺠﻤﺮﺓ
ﺳﺮﺣﺎﻥ ﺑﺎﻟﻨﻬﺎﺭ ، ﻭﺍﻟﻠﻴﻞ ﻣﺨﺎﻭﻱ ﺍﻟﻘﻤﺮﺓ
ﻣﺤﺮﻭﻕ ﺍﻟﻔﺆﺍﺩ ﻳﺎﺧﻼﻥ ﻇﺎﻫﺮ ﻇﻬﺮﺓ
ﻋﻨﺪ ﺳﻴﺮﺓ ﺍﻟﺤﺒﻴﺐ ، ﻋﻴﻨﻴﻬﻮ ﺗﺼﺒﺢ ﺣﻤﺮﺓ
ﺍﻟﺮﻳﺪ ﺇﻫﺘﻤﺎﻡ ، ﺯﻱ ﺍﻟﻔﺮﺍﺵ ﻭﺍﻟﺰﻫﺮﺓ
ﺍﻟﺮﻳﺪ ﺇﺣﺘﺮﺍﻡ ، ﻭﺣﻨﺎﻥ ﺍﺳﺎﺱ ﺍﻟﻔﻜﺮﺓ
ﺍﻟﺮﻳﺪ ﺇﻧﺳﺠﺎﻡ ، ﻟﻲ ﺯﺍﺕ ﻑ ﺩﺍﺧﻞ ﺍﺧﺮﻯ
ﻣﻔﻬﻮﻡ ﺍﻟﻐﺮﺍﻡ ﺟﻮﺍﻧﺎ ﻣﺤﺘﺎﺝ ﻋﻤﺮﺓ
ﺍﻟﺮﻳﺪ ﻣﺎﻛﻼﻡ ، ﺍﻓﻌﺎﻝ ﺗﺨﻠﺪ ﺫﻛﺮﻯ
ﺍﻟﺮﻳﺪ ﻣﺎﺧﺼﺎﻡ ، ﺍﺻﻞ ﺍﻟﺠﺒﺎﻝ ﻣﻦ ﺻﺨﺮﺓ
ﺍﻟﺮﻳﺪ ﻣﺎﺣﺮﺍﻡ ، ﻣﺎﺩﺍﻡ ﻫﻮ ﺧﻠﻘﺔ ﻭﻓﻄﺮﺓ
ﺍﻟﻤﺬﻛﻮﺭ ﺍﻣﺎﻡ ، ﺍﻣﺮﺍﺽ ﻏﺮﺍﻡ ﻣﻨﺘﺸﺮﺓ
ﻭﻓﻲ ﻃﺐ ﺍﻟﻐﺮﺍﻡ ، ﻗﺎﻟﻮﺍ ﺍﻟﻤﺠﺮﺏ ﺍﺩﺭﻯ

ﺍﻟﺒﻨـﻂ ﺑـﻲ ﺍﻟﺤﻴـــﻄـﺔ ﺧــﻠـﻲ
ﻭﺍﻟﺒﺠﻴـﻜـ ﺑـﻲ ﺍﻟﺒـﺎﺏ ﺣﺒــﺎﺑﻮ
ﺍﻟﺒﺠــﻴـﻜـ ﺑـﻲ ﻟﻬـــﻔﺔ ﻫﺴـــﺔ
ﺑــﻜــﺮﺓ ﺑﻌـﻠـــﻦ ﺍﻧﺴـــﺤﺎﺑــﻮ
ﻭﺍﻟﺒـــﺨﻮﻥ ﺭﻳـــﺪﺗــﻨﺎ ﻧﺤﻨــﺎ
ﺧـــﻠـﻲ ﺟــﺎﻫـﺰ ﻟـﻲ ﺣﺴـﺎﺑﻮ
ﺍﻟﺒـــﺮﻳﺪ ﻓـﻲ ﺍﻟـﺪﻧﻴـﺎ ﺻـﺎﺩﻕ
ﻣـﻦ ﺯﻣـﺎﻥ ﻣﻌـﺮﻭﻑ ﻋﻘــﺎﺑﻮ
ﺍﻟﺒﻌـــﺎﻣـﻞ ﺍﻟﻨـــﺎﺱ ﺑﻄــﺒﻌـﻮ
ﺍﺑــﻘـﻰ ﺿﻴـــﻊ ﻟـﻲ ﺷﺒـــﺎﺑـﻮ
ﻟـﻮ ﺑﺪﻳـﺖ ﻓـﻲ ﺣﺒـﻮ ﺗﺴـﻌﺪ
ﻓـﻲ ﺍﻻﺧﻴـﺮ ﺑﺘﺸﻮﻑ ﻋﺬﺍﺑﻮ
ﺍﺑﻘــﻲ ﺫﻱ ﻡ ﻗـﻮﻟــﺖ ﻟﻴــﻜـ
ﺍﻟﻐـــــــﺮﺍﻡ ﺍﻗـﻔﻠـــﻲ ﺑــﺎﺑــﻮ
ﻡ ﻛـــﺘﻴﺮ ﺍﻟﺮﻳـــﺪ ﻏﺸــﺎﻫـﻢ
ﺍﻟــﻰ ﻫــﻢ ﺑﺤــﺮﻗـﻰ ﻳـﺎﺑـﻮ
ﻡ ﻛــــﺘﻴـــﺮ ﺍﻟـــﻨﺎﺱ ﺑﺘــﺒﻼ
ﻭﻛــﻞ ﺫﻭﻝ ﺑﺤﻤﻞ ﻣﺼﺎﺑــﻮ
ﻛــﻞ ﺫﻭﻝ ﺑﻴــﻼﻗـﻲ ﻗـﺪﺭﻭ
ﻭﻣـﺎﻓﻲ ﺫﻭﻝ ﻓﺎﻳـﺖ ﻛﺘﺎﺑﻮ
ﻣﺎﻓﻲ ﺫﻭﻝ ﻓﻲ ﺍﻟﺮﻳﺪ ﺑﻤﻮﺕ
ﺑﺲ ﻋﺸﺎﻥ ﻣﺤﺒﻮﺑﻮ ﺳﺎﺑﻮ

ﻭﺯﻱ ﻋﺼﻔﻮﺭ ﺻﺒﺎﺣﻮ ﺑﻴﻌﻠﻦ ﺍﻟﻔﺮﺣﺔ
ﻭﻳﻐﻨﻲ ﺍﻟﺮﻳﺪﺓ ﻟﻲ ﺷﻤﺴﻮ
ﻋﺮﻭﺳﻮ ﺍﻟﻼﺑﺴﺔ ﻣﻦ ﺍﻟﻨﻮﺭ
ﻭﻣﻦ ﻭﻫﺞ ﺍﻷﻣﻞ ﻃﺮﺣﺔ
ﻭﻻ ﺷﺎﻳﻞ ﻫﻤﻮﻡ ﺑﻜﺮﺓ
ﻭﻻ ﻓﻲ ﺑﺎﻟﻮ ﻫﻢ ﺃﻣﺴﻮ
ﻭﺻﻮﺗﻮ ﺑﺠﺪﺩ ﺍﻵﻣﺎﻝ
ﻭﻻﻣﻦ ﻳﺘﻌﺒﻮ ﺍﻟﺘﺮﺣﺎﻝ !!!
ﻳﻮﺷﻮﺵ ﻟﻠﻐﺼﻦ ﺗﻌﺒﻮ
ﻭﻳﻐﺮﺩ ﺑﺎﻟﺨﻄﺮ ﻓﻲ ﺍﻟﺒﺎﻝ
ﻳﺴﺎﻓﺮ ﺑﻲ، ﺑﻲ ﺣﻠﻢ ﻣﻔﺮﻭﺩ
ﻭﻣﻮﻋﺪ ﺗﺎﻧﻲ ﻟﻠﻌﻮﺩﺓ
ﻫﻮ ﺣﺮ ﺇﺣﺴﺎﺳﻮ ﻣﺎ ﻣﺤﺪﻭﺩ
ﻭﺑﻨﺸﺪ ﺃﺣﻠﻰ ﺍﻧﺸﻮﺩﺓ
ﻣﺤﻞ ﻣﺎ ﺭﻳﺢ ﺧﻄﺎﻫﻮ ﺗﻘﻮﺩ
ﺩﺭﻭﺑﻮ ﻭﺗﺮﺿﻲ ﻣﺮﻳﻮﺩﺍ
ﺑﻴﻘﻮﻝ ﻣﻮﺍﻝ …
ﺣﺒﻴﺒﻲ ﺍﻟﺴﺎﻓﺮ ﺃﻣﺒﺎﺭﺡ
ﻭ ﻟﻠﺮﻭﺡ ﻣﺎﺳﻜﺖ ﻫﻤﺴﻮ
ﻛﻤﺎ ﺍﻟﻌﺼﻔﻮﺭ
ﺻﺒﺎﺣﻮ ﺑﻴﻌﻠﻦ ﺍﻟﻔﺮﺣﺔ
ﻭﻳﻐﻨﻲ ﺍﻟﺮﻳﺪﺓ ﻟﻲ ﺷﻤﺴ

ﻣﺴﻚ ﺃﺻﻠﻚ
ﻭﻣﻦ ﺃﺻﻞ ﺍﻟﻌﻄﺮ ﺳﺎﺳﻚ
ﻋﻠﻲ ﺍﻟﺼﻨﺪﻝ ﻣﺮﻕ ﻧﻔﺴﻚ
ﺣﻼﻭﺓ ﻋﻮﺩﻭ ﺃﻧﻔﺎﺳﻚ
ﺑﺨﻮﺭ ﺗﻴﻤﺎﻥ ﺗﺠﻴﺒﻲ ﺍﻟﺨﻴﺮ
ﺯﻫﻮﺭ ﻳﺎﺳﻤﻴﻦ ﺑﺴﻴﻤﺎﺗﻚ
ﺣﻼﻭﺓ ﺍﻟﻜﻠﻤﺔ ﻓﻲ ﺧﺸﻴﻤﻚ
ﻋﻠﻲ ﺍﻟﻨﻴﻠﻴﻦ ﺗﺼﺐ ﻋﺴﻼ
ﻋﺬﻭﺑﺔ ﺍﻟﻨﻴﻞ ﻛﻠﻴﻤﺎﺗﻚ
ﻭﻃﻴﺒﺔ ﺭﻭﺡ
ﺗﺨﻀﺮ ﻟﻠﺸﺠﺮ ﺗﺮﻣﻲ ﻭﺗﺨﺖ ﺍﻟﻀﻞ
ﺗﺠﻔﻒ ﻟﻠﻌﺮﻕ ﺗﺤﻤﻲ ﺍﻟﻐﻼﺑﺔ
ﺗﺰﻳﻞ ﻫﻤﻮﻡ ﺍﻟﻨﺎﺱ ﻋﻮﻳﻨﺎﺗﻚ
ﻭﻧﻮﺭ ﻭﺷﻚ ﻋﻠﻲ ﺍﻟﻘﻤﺮﻩ ﻋﻜﺲ ﻧﻮﺭﻭ
ﻭﺿﻮﺍ ﺍﻟﻠﻴﻞ ﻟﻤﻦ ﺻﺒﺤﺖ
ﺑﺮﻕ ﺷﻊ ﺷﻠﻊ ﻧﻮﺭﺍ
ﺃﺗﺎﺭﻱ ﺍﻟﺪﻧﻴﺎ ﻟﺴَّﻊ ﻟﻴﻞ
ﺩﺓ ﻧﻮﺭ ﺫﺍﺗﻚ
ﺣﻼﻭﺓ ﺍﻟﺪﻧﻴﺎ ﺑﺴﻤﺔ ﺃﻡ
ﻭﻓﻲ ﺍﻵﺧﺮﺓ ... ﺟﻨﺎﻥ ﺍﻟﻤﻮﻟﻰ ﻃﺎﻋﺎﺗﻚ

ﻭﺍﻟﺮﻳﺪﻩ ﻣﺎﻋﺎﻳﺰﻩ ﺍﻟﻜﺘﻴﺮ ...!!
ﻏﻴﺮ ﺍﻫﺘﻤﺎﻡ ﻭﻗﺘﻴﻦ ﺗﻐﻄﻴﻚ ﺍﻟﻬﻤﻮﻡ ..
ﻏﻴﺮ ﻭﻗﻔﻪ ﺿﺪ ﺍﻟﻜﻮﻥ ﺗﻜﻮﻥ ..
ﺑﺲ ﺑﻌﺪ ﺍﺫﻧﻚ ..
ﻟﻤﻦ ﺗﻮﻋﺪ ﺧﻠﻲ ﻣﻴﻌﺎﺩﻙ ﺑﺪﺍﻳﻪ ;
ﻭﻟﻤﺎ ﺗﺨﻠﺺ ﺍﺑﻘﻲ ﻣﺨﻠﺺ ﻟﻠﻨﻬﺎﻳﻪ ..
ﻭﺧﻠﻴﻨﺎ ﻓﻴﻨﺎ ..
ﻧﻨﺴﻲ ﻛﻞ ﺍﻟﻬﻢ ﻭﺭﺍﻧﺎ
ﻭﺧﻠﻴﻨﺎ ﻓﻴﻨﺎ ..
ﻧﻨﺪﻩ ﺍﻻﻓﺮﺍﺡ ﺗﺠﻴﻨﺎ ..
ﻭﻳﺎﻣﻜﻔﻴﺎﻧﻲ || ﻭﺭﻳﺪﻱ ﻛﻠﻮ
ﻭﻳﺎﻣﻐﺮﻗﺎﻧﻲ ﺷﻮﻕ ﻭﺭﻳﺪ
; ﻭﻳﺎﻣﺤﺴﺴﺎﻧﻲ ﺍﻧﻲ ﻟﻴﻚ
ﺭﻳﺪﻙ ﺍﻧﺖ ﻛﺎﻓﻴﻨﻲ ﻭﻣﻌﺬﺏ ﻗﻠﺒﻲ ﺑﺎﻻﺷﻮﺍﻕ
ﺑﺮﻳﺪﻙ ﺍﻧﺖ ﻣﺎﻏﻴﺮﻙ ﻳﺎﺯﻭﻟﻲ ﺟﺪ ﺑﻬﻮﺍﻙ
ﺻﻮﺕ ﺍﻟﻨﻔﺲ ﺍﻟﻄﺎﻟﻊ ﻣﻨﻚ ..
ﻭﻟﻤﺴﺔ ﺍﻳﺪﻙ ﻭﺿﺤﻜﻪ ﻋﻴﻨﻚ ..
ﻏﻠﺒﻦ ﻓﻴﻨﻲ ﺳﻨﻴﻦ ﺍﺣﺰﺍﻧﻲ

ﻳﺎﺯﻭﻝ ﻳﺎﻛﻴﻒ ..
ﻳﺎﻣﻄﺮﻩ ﺗﺮﺵ
ﻓﻰ ﻋﺰ ﺍﻟﺼﻴﻒ
ﻳﺎﺭﻭﺡ ﺑﺘﻘﺶ
ﺟﻮّﺍﻯ ﺍﻟﺰﻳﻒ
ﻃﻤﻨِّﻰ ﻋﻠﻴﻚ
ﻭﺭﻳﻨﻰ ﻭﺣﺎﺗﻚ
ﻋﺎﻣﻞ ﻛﻴﻒ .. ؟
ﻓﺎﻗﺪﺍﻙ ﺍﻟﺮﻭﺡ
ﻟﻰ ﻭﻳﻦ ﻣﺎﺗﺮﻭﺡ
ﺍﻟﻘﻠﺐ ﻳﻨﻮﺡ
ﻳﺒﺮﺍﻙَ ﻣﺤﻞ ﻣﺎﺗﺮﺳﻰ ﺧﻄﺎﻙ
ﺑﻰ ﺷﻮﻕ ﻣﻔﺘﻮﺡ ..!!
ﺗﺘﺬﻛَّﺮ ﻳﻮﻡ ﻣﺎﻛﻨﺖ ﻣﻌﺎﻯ ؟؟
ﻭﺍﻧﺎ ﻣﺎﻧﺴَّﺎﻯ ..
ﺃﻧﺎ ﻛﺎﻥ ﻻﻗﻴﺘﻚ ﺁﺧﺮ ﺍﻟﻠﻴﻞ
ﺟﻮّﺍﺕ ﺍﻟﻜﺎﺱ
ﻳﻮﻡ ﻛﻨﺖ ﺑﺮﺍﻯ ..!!!
ﺷﺮّﻳﺘﻮ ﻏﻨﺎﻯ
ﻗﺪّﺍﻡ ﺍﻟﺮﻳﺢ
ﺳﺎﻣﺮﻧﻰ ﺻﺪﺍﻯ
ﺑﻰ ﻋﺸﻖ ﺟﺮﻳﺢ
ﻭﺍﻟﻨﺎﺱ ﺑﺘﺼﻴﺢ
ﻓﻰ ﻳﻮﻡ ﺑﻜَّﺎﻯ ..!!!
ﺗﺘﺬﻛَّﺮ ﻳﻮﻡ ﻣﺎﻛﻨﺖ ﻣﻌﺎﻯ .. ؟؟
ﻳﻮﻡ ﻛﺎﻥ ﺑﻴﻨﺎﺗﻨﺎ
ﺍﻟﺪﻧﻴﺎ ﺧﺮﻳﻒ
ﻭﻛﺎﻥ ﻧُﻘَّﺎﻁ ﺍﻟﻤﻄﺮﻩ
ﺧﻔﻴﻒ ..
ﻭﻛﺎﻥ ﺇﺣﺴﺎﺱ ﺍﻟﻘﻌﺪﻩ
ﻟﻄﻴﻒ ..
ﺑﺲ ﻛﺎﻥ ﻳﻮﻡ ﺑﺎﻛﺮ
ﺷﻜﻠﻮ ﻣﺨﻴﻒ ..
ﻳﺎﺯﻭﻝ ﻳﺎ ﻣﺎﺩِّﻯ ﺍﻟﺪﻧﻴﺎ ﻧﻀﺎﺭ
ﺑﻰ ﺣُﺰﻥ ﺷﻔﻴﻒ ..!!!
ﺗﺘﺬﻛَّﺮ ﻳﻮﻡ ﻣﺎﻛﻨﺖ ﻣﻌﺎﻯ .. ؟؟
ﻭﺍﻧﺎ ﻣﺎﻧﺴَّﺎﻯ ..
ﻳﺎ ﺃﺟﻤﻞ ﻣﺎ ﻏﻨّﺎﻫﻮ ﻏﻨﺎﻯ
ﻳﺎ ﻭﻋﺪ ﺟﻤﻴﻞ
ﺇﺗﻔﻀَّﻞ ﺟﺎﻯ
ﺃﻧﺎ ﻋﺎﺯﻣﻚ ﻓﻰ ﺟﻮّﺍﻳﺎ
ﻣﻘﻴﻞ ..
ﻳﺎ ﺯﻭﻝ ﻳﺎ ﻧﻴﻞ