ﻣﻌﻠﻴﺶ ﺧﻼﺹ ﺣﻘﻚ ﻋﻠﻲ
ﻳﺎ ﻗﻠﺒﻲ ﻋﺬﺑﺘﻚ ﻣﻌﺎﻱ
ﻛﺎﻥ ﻧﻔﺴﻲ ﺍﻟﻘﺎﻟﻚ ﺣﺒﻴﺐ
ﻭﻓﻲ ﻛﻞ ﻣﺮﻩ ﻳﺨﻴﺐ ﺭﺟﺎﻱ
ﺍﻧﺎ ﻛﻨﺖ ﺑﺘﺤﺪﻯ ﺍﻟﺨﻠﻮﻕ
ﺑﻲ ﺍﻧﻮ ﻟﺴﻪ ﺍﻟﺮﻳﺪﻩ ﻓﻲ
ﻓﺘﺸﺖ ﻓﻲ ﺯﺣﻤﺔ ﺷﻘﺎﻱ
ﻛﺎﻳﺲ ﺣﺒﻴﺐ ﻣﺨﻠﺺ ﻭﻓﻲ
ﻭﻛﺎﻥ ﺍﻣﻠﻲ ﺗﺴﻌﺪ ﻳﺎ ﻗﻠﻴﺐ
ﻣﺎ ﻛﻨﺖ ﺑﻌﻠﻢ ﺑﺎﻟﺨﻔﻲ
ﻭﻓﻲ ﻛﻞ ﻣﺮﻩ ﺑﺪﻭﻥ ﻗﺼﺪ
ﺍﻟﻘﺎﻙ ﺑﺘﺘﻮﺟﻊ ﻭﺭﺍﻱ
ﻳﺎ ﻗﻠﺒﻴﻲ ﻋﺬﺑﺘﻚ ﻣﻌﺎﻱ
ﻭﺍﻟﻠﻪ ﻣﺎ ﻫﺎﻳﻦ ﻋﻠﻲ
ﺍﻧﺎ ﻭﺍﻧﺖ ﻧﺘﻌﺬﺏ ﺳﻮﺍ
ﻭﻧﻠﻘﻢ ﺍﻟﻐﻴﺮ ﺍﻟﺤﻨﺎﻥ
ﻭﻳﻮﻣﺎﺗﻲ ﺑﻨﺒﻴﺖ ﻗﻮﺍ
ﺩﺍ ﺍﻧﺎ ﻛﻨﺖ ﻧﺎﻭﻱ ﺍﻋﻮﺿﻚ
ﻟﻲ ﻭﺟﻌﺘﻚ ﺍﻟﻘﻰ ﺍﻟﺪﻭﺍ
ﻳﺎ ﺭﻳﺘﻨﻲ ﻣﺎ ﺧﺎﻃﺮﺕ ﺑﻴﻚ
ﺍﻭ ﺳﺮﺕ ﺑﻴﻚ ﻓﻲ ﺩﺭﻭﺏ ﻫﻮﺍﻱ
ﻳﺎ ﻗﻠﺒﻮ ﻋﺬﺑﺘﻚ ﻣﻌﺎﻱ
ﺟﺮﺣﻴﻦ ﻭﻣﺎ ﺍﺗﻌﻠﻤﻨﺎ ﺷﻲ
ﻧﺰﺭﻉ ﺣﻨﺎﻥ ﻧﺤﺼﺪ ﺷﻘﻰ
ﻻ ﺗﺒﻨﺎ ﻣﻦ ﻫﺠﺮ ﺍﻟﺤﺒﻴﺐ
ﻻ ﺍﻟﻔﻲ ﺍﻟﻤﺮﺍﺩ ﻳﻮﻡ ﺍﺗﻠﻘﻰ
ﻣﺎ ﻛﺎﻥ ﻧﺠﺎﺯﻑ ﻳﺎ ﻗﻠﻴﺐ
ﻭﻻ ﻛﺎﻥ ﺟﺮﻭﺣﻨﺎ ﻧﻔﺘﻘﺎ
ﻟﻢ ﺑﺎﻗﻲ ﻫﻤﻚ ﻭﺍﻧﺴﺤﺐ
ﻭﺍﻧﺎ ﻟﺴﻪ ﻗﺎﺩﺭ ﺍﻋﻴﺶ ﺑﺮﺍﻱ
ﻣﻌﻠﻴﺶ ﺧﻼﺹ ﺣﻘﻚ ﻋﻠﻲ
ﻳﺎ ﻗﻠﺒﻲ ﻋﺬﺑﺘﻚ ﻣﻌﺎﻱ
ﻛﺎﻥ ﻧﻔﺴﻲ ﺍﻟﻘﺎﻟﻚ ﺣﺒﻴﺐ
ﻭﻓﻲ ﻛﻞ ﻣﺮﻩ ﻳﺨﻴﺐ ﺭﺟﺎﻱ

ﺣﺼﻞ ﺟﺮﺑﺘﺎ ﻭﺟﻊ ﺍﻟﺮﻭﺡ ؟
❀❀❀❀❀❀❀
ﺣﺼﻞ ﻫﺒﺸﺘﺎ ﺫﺍﺗﻚ ﻳﻮﻡ
ﻟﻘﻴﺖ ﻓﻲ ﻛﻞ ﺣﺘﺎ ﺟﺮﻭﺡ ؟
ﺣﺼﻞ ﻏﻠﺒﻚ ﺗﻮﺍﺻﻞ ﺍﻟﺴﻴﺮ
ﻣﻊ ﺍﻧﻮ ﺍﻟﻄﺮﻳﻖ ﻣﻔﺘﻮﺡ؟ !!
ﺣﺼﻞ ﺟﺮﺑﺖ ﺗﻤﺸﻲ ﺑﺮﺍﻙ
ﺣﺼﻞ ﺳﺎﻗﺖ ﺩﺭﻭﺑﻨﺎ ﺧﻄﺎﻙ
ﺣﺼﻞ ﺟﺮﺑﺖ ﺳﻬﺮ ﺍﻟﻠﻴﻞ
ﻋﺸﺎﻥ ﺧﺎﻃﺮ ﺣﺒﻴﺐ ﺣﺒﺎﻙ
ﺣﺼﻞ ﺟﺮﺑﺖ ﺗﻤﺸﻲ ﻋﺪﻳﻞ
ﺣﺼﻞ ﻛﻠﻤﺖ ﻣﻮﺝ ﺍﻟﻨﻴﻞ
ﺣﺼﻞ ﺟﺮﺑﺖ ﺗﻤﺸﻲ ﺑﺮﺍﻙ
ﺑﺪﻭﻥ ﺗﻬﺪﻱ ﺍﻟﻠﻴﺎﻟﻲ ﺩﻟﻴﻞ
ﺣﺼﻞ ﺳﺎﻫﺮﺗﺔ ﺍﻧﺖ ﺑﺮﺍﻙ
ﺗﻌﺎﻳﻦ ﻟﻲ ﺧﻴﺎﻝ ﺟﻮﺍﻙ
ﻭﻟﻤﺎ ﺗﺴﺎﻣﺮﻭ ﻳﻀﺤﻚ ﻟﻴﻚ
ﻭﺗﺒﻜﻲ ﺗﻼﻗﻲ ﻳﺒﻜﻲ ﻣﻌﺎﻙ
ﺣﺼﻞ ﻋﺎﻳﻨﺘﻪ ﻝ ﺫﺍﺗﻚ
ﺣﺼﻞ ﺣﺴﺖ ﻣﺮﺍﻓﺊ ﺍﻟﺸﻮﻕ
ﻭﻟﻮ ﻟﻲ ﻟﺤﻈﺔ ﻭﺟﻌﺎﺗﻚ
ﺣﺼﻞ ﻋﻀﻴﺖ ﺃﻧﺎﻣﻞ ﺍﻟﺒﻮﺡ
ﻋﺸﺎﻥ ﺧﺎﻃﺮ ﺣﻨﻴﻦ ﻓﺎﺗﻚ
ﺣﺼﻞ ﺟﺮﺑﺖ ﻟﺤﺲ ﺍﻟﻜﻮﻉ
ﺣﺼﻞ ﺿﻐﻀﻐﺖ ﺍﻫﺎﺗﻚ
ﻟﻘﻴﺖ ﻣﻦ ﻛﻞ ﺁﻫﺔ ﺩﻣﻮﻉ
ﺣﺼﻞ ﺷﺪﻳﺖ ﺧﻴﺎﻟﻚ ﻳﻮﻡ
ﻋﻠﻰ ﺿﻲ ﺍﻷﻣﺎﻧﻲ ﺷﻤﻮﻉ

ﻣﺎ ﻭﺭﻳﺘﻚ ؟
.
ﺗﻌﺮﻓﻲ ﺍﻧﻮ ﻋﻴﻮﻧﻚ ﺟﻨﻪ ؟
ﻭﺍﻟﻨﻈﺮﺍﺕ ﺍﻟﻔﻴﻬﺎ ﻣﺤﻨﻪ .
.
ﻭﺍﻟﻠﻤﻌﺎﻥ ﺍﻟﺠﻮﻩ ﻋﻴﻮﻧﻚ
ﺧﻠﻰ ﺍﻟﻌﺎﻗﻞ ﻓﻴﻬﻢ ﺟﻨﻪ
.
ﻭﻛﻞ ﺍﻟﺸﺎﻓﻚ ﺷﺎﻑ ﺍﺣﻼﻣﻮ
ﻭﻗﺮﺭ ﻳﺴﻜﻦ ﺟﻤﺐ ﺑﺎﺏ ﺑﻴﺘﻚ
ﻣﺎ ﻭﺭﻳﺘﻚ ؟
.
ﻏﻴﺲ ﻟﻮ ﻛﺎﻥ ﻓﻲ ﺯﻣﻨﻮ ﻟﻘﺎﻛﻲ
.
ﻛﺎﻥ ﺣﻴﺴﻴﺐ ﻟﻴﻼﻫﻮ ﻭﺟﺎﻛﻲ
.
ﻛﺎﻥ ﺣﺘﻤﻮﺕ ﺟﻮﻟﻴﺖ ﺑﺎﻟﻐﻴﺮﻩ
.
ﻟﻤﻦ ﺭﻭﻣﻴﻮ ﻳﻘﻮﻝ ﺣﺒﺎﻛﻲ
.
ﻭﻛﺎﻥ ﺣﻴﻔﺎﺭﻕ ﻋﻨﺘﺮ ﻋﺒﻠﻪ
ﻭﺍﺳﻴﺐ ﺍﺷﻌﺎﺭﻭ ﻭﻳﺠﺮﻱ ﻭﺭﺍﻛﻲ
.
ﻭﻛﻴﻒ ﻣﺎ ﺃﻛﻮﻥ ﺍﻧﺎ ﺯﺍﺗﻲ ﻫﻮﻳﺘﻚ ؟
ﻣﺎ ﻭﺭﻳﺘﻚ ؟
.
ﺍﻧﻲ ﻋﺸﻘﺘﻪ ﺍﻟﻄﻴﺒﻪ ﺍﻟﻔﻴﻜﻲ
ﻭﺷﻜﻞ ﺍﻟﺒﺴﻤﻪ ﺍﻟﻔﻲ ﺧﺪﻳﻜﻲ
.
ﻭﻫﻮ ﺷﻨﻮ ﺍﻟﻔﻴﻚ ﺍﻧﺎ ﻣﺎ ﺣﺒﻴﺘﻮ ؟
.
ﺍﻧﺎ ﻋﺎﻫﺪﺗﻪ ﺍﻟﺮﻳﺪﻩ ﻋﻠﻴﻜﻲ
.
ﻭﻏﺎﻳﺘﻮ ﺟﻤﺎﻟﻚ ﻣﺎﻻﻗﺎﻧﻲ
ﺍﺟﻤﻞ ﻣﻨﻚ ﺃﺻﻼ ﻣﺎﻓﻲ
.
ﺍﻧﺘﻲ ﺍﻟﻘﻤﺮﻩ ﺑﺘﺨﺠﻞ ﻣﻨﻚ
ﻭﻧﻮﺭﻩ ﺑﺘﺴﺮﻗﻮ ﻣﻦ ﻋﻴﻨﻴﻜﻲ
.
ﻭﺍﻧﺎ ﻓﻲ ﻗﻠﺒﻲ ﺧﻼﺹ ﺧﺘﻴﺘﻚ
ﻣﺎ ﻭﺭﻳﺘﻚ ؟



تم الإرسال من خلال التطبيق Topic'it

ﻭﺍﻧﺎ ﺑﺘﻜﻴﻒ ﻗﺮﺑﻚ ﻣﻨﻲ
ﻛﻴﻒ ﺍﻟﺠﺒﻨﻪ ﺍﻟﺘﻌﺪﻝ ﺭﺍﺳﻚ
ﺑﺲ ﻓﻲ ﺍﻟﺠﺒﻨﻪ ﻣﺰﺍﺟﻚ ﺍﻧﺖ
ﻭﻓﻴﻨﻲ ﻣﺰﺍﺟﻲ ﻣﻊ ﺍﺣﺴﺎﺳﻚ
ﻟﻮ ﻣﺎ ﺷﻔﺘﻚ ﺍﻳﻮﻩ ﺑﺼﺪﻉ
ﻭﻣﺎﻓﻲ ﺷﻌﻮﺭ ﺟﻮﺍﻱ ﻳﺘﻤﺎﺳﻚ
ﺍﻻ ﻳﻔﻮﺡ ﺍﻟﺸﻮﻕ ﻭﺍﺗﺤﻤﻞ
ﻋﺸﻢ ﺍﻟﺪﻧﻴﺎ ﺍﺷﻮﻑ ﺍﺧﻼﺻﻚ
ﻭﺍﻓﻀﻞ ﺍﺣﻠﻢ ﺑﻴﻚ ﻳﻮﻣﺎﺗﻲ
ﺍﺑﻘﻪ ﺍﻟﺪﻫﺐ . ﺍﻟﻔﻀﻪ . ﻭﻣﺎﺳﻚ
ﻭﺍﺑﻘﻪ ﺍﻟﺮﻭﺡ ﺍﻟﺘﻨﺒﺾ ﻋﻨﺪﻙ
ﺩﻗﺖ ﻗﻠﺒﻚ ﻭﺷﻴﻞ ﺍﻧﻔﺎﺳﻚ
ﺗﺒﻘﻪ ﺣﻴﺎﺗﻚ ﻛﻠﻬﺎ ﻋﻨﺪﻱ
ﺣﺘﻲ ﻣﻌﺂﺭﻓَﮓ . ﺍﻫﻠﻚ . ﻭﻧﺎﺳﻚ
ﻭﺍﻧﺎ ﺑﺘﻔﺮﻍ ﻟﻴﻚ ﻳﻮﻣﺎﺗﻲ
ﺣﻘﺘﻚ ﺍﻧﺖ ﻭﻣﻠﻚ ﺧﻼﺻﻚ
ﺍﻛﺘﺐ ﺷﺨﺒﺖ ﻓﻴﻨﻲ ﻭﺭﺍﺣﺘﻚ
ﻣﻦ ﺍﻟﻠﻴﻠﻪ ﺑﻘﻴﺖ ﻛﺮﺍﺳﻚ
ﻳﻼ ﺳﺮﻳﻊ ﻭﺭﻳﻨﻲ ﺷﻄﺎﺭﺗﻚ
ﺍﻧﺎ ﻣﺘﺄﻛﺪﻩ ﻣﻦ ﺇﺣﺴﺎﺳﻚ

ﻭﺍﺣﺸﺎﻧﻲ ﺷﻮﻓﺘﻚ ﻭﻃﻠﺘﻚ
ﻭﺍﺍﺍﺣﺸﻨﻲ ﺑﺎﻟﺠﺪ ﺍﻟﻬﻈﺎﺍﺍﺍﺍﺭ
ﻟﻤﺤﺔ ﻋﻴﻮﻧﻚ ﻓﻲ ﺍﻟﺴﻜﻮﺕ
ﺣﺎﺍﺍﻝ ﺍﻟﺘﻌﺎﺍﺑﻴﺮ ﺍﻟﻜﺘﺎﺍﺭ
ﺑﺴﻤﺔ ﺧﺪﻭﺩﻙ ﻭﺍﻟﺨﺠﻞ
ﻭﺑﺮﺍﺀﺓ ﺍﻟﻨﺎﺍﺍﺱ ﺍﻟﺼﻐﺎﺭ
ﺩﻫﺸﺔ ﺣﻨﺎﻧﻚ ﻳﻮﻡ ﺍﺟﻴﻚ
ﻭﺍﻟﻘﻪ ﺍﻟﻜﻼﻡ ﺍﻧﺎ ﻛﻠﻮ ﻃﺎﺍﺭ
ﻋﺎﺭﻓﻨﻲ ﻭﺍﻟﺸﻮﻕ ﻭﺍﻟﺤﻨﻴﻦ
ﻃﻮﺍﻟﻲ ﻧﺤﻦ ﻧﻔﺴﻨﺎ ﺣﺎﺍﺍﺭ
ﻃﻴﺐ ﺷﻨﻮ ﺍﻻﺧﺮ ﻣﺠﻴﻴﻚ
ﻳﺎﺍﺍ ﺳﻴﺪﻱ ﻃﺎﺍﺍﻝ ﺍﻻﻧﺘﻈﺎﺭ

ﻧﻔﺴﻲ ﺍﺭﺟﻊ ﺗﺎﻧﻲ ﺃﻭﻟﻰ ..
ﻭﺍﻛﺘﺐ ﺍﻟﻮﺍﺟﺐ ﻭﺍﺣﻠﻮ ..
ﺍﻣﺸﻲ ﻟﻸﺳﺘﺎﺫ ﺃﺻﺤﺢ ..
ﻭﺃﻟﻘﻲ ﺻﺎﺡ ﺍﻟﻜﺎﺗﺒﻮ ﻛﻠﻮ ..
ﺃﺟﺮﻱ ﻟﻲ ﺍﻣﻲ ﻭﺍﺑﻮﻳﺎ ..
ﻭﺍﺣﻜﻲ ﻭﺍﺣﻜﻲ ﻭﻣﺎﻳﻤﻠّﻮ ..
ﻭﺍﺻﺤﻲ ﺑﻜﺮﺓ ﻭﻛﻞ ﻫﻤﻲ ..
ﺍﻭﺻﻞ ﺍﻟﻄﺎﺑﻮﺭ ﻣﺤﻠﻮ ..
ﻧﻔﺴﻲ ﺍﻟﻌﺐ ﺧﻮﺝ ﻭﺑﻠﻲ ..
ﻛﻮﺭﺓ ﺍﻟﺸﺮﺍﺏ ﻭﺍﺿﺎﺭﺏ ..
ﺍﺭﻛﺐ ﺍﻟﻌﺠﻠﺔ ﻭﺍﻟﻔﻠﻒ ..
ﻭﺍﺭﺟﻊ ﺍﻟﺒﻴﺖ ﻓﻲ ﺍﻟﻤﻐﺎﺭﺏ ..
ﺍﺷﺮﺏ ﺍﻟﺸﺎﻱ ﺍﻟﻤﻘﻨﻦ ..
ﺑﻲ ﺧﺒﻴﺰ ﻣﻌﻤﻮﻝ ﻭﻛﺎﺍﺍﺭﺏ ..
ﻭﺍﻃﻠﻊ ﺍﻟﺸﺎﺭﻉ ﻣﺮﺳﻞ ..
ﻟﻲ ﻓﺤﻢ ﻣﻦ ﺍﻟﺰﺭﺍﻳﺐ ..
ﻧﻔﺴﻲ ﻓﻲ ﺍﺟﺎﺯﺓ ﻣﺪﺍﺭﺱ ..
ﺍﻧﺴﻲ ﻟﻠﺨﺮﻃﻮﻡ ﻭﺍﻓﻮﺗﺎ ..
ﺃﻣﺸﻲ ﻟﻲ ﻋﻴﺸﺔ ﺍﻟﺒﺴﺎﻃﺔ ..
ﻻ ﻛﻮﺍﺭﻳﻚ ﻻ ﻓﻲ ﺟﻮﻃﺔ ..
ﺃﻟﻘﻲ ﺣﺒﻮﺑﺘﻲ ﻭﺷﻠﻮﺧﺎ ..
ﻭﺗﺎﻧﻲ ﺍﺳﻤﻊ ﻣﺮﺓ ﺻﻮﺗﺎ ..
ﻭﺟﺪﻱ ﻓﻲ ﺍﻟﺮﺍﻛﻮﺑﺔ ﻳﻘﻌﺪ ..
ﻭﺟﻨﺒﻮ ﻧﻘﻌﺪ ﻧﺤﻨﺎ ﻛﻮﺗﺔ ..
ﻧﻔﺴﻲ ﻓﻲ ﺭﻣﻀﺎﻥ ﻭﺣﺮّﻭ ..
ﻟﻲ ﻓﺮﺍﺵ ﺑﺮﺓ ﻭﻓﻄﻮﺭﻭ ..
ﻟﻲ ﺍﻟﺒﻠﻴﻠﺔ ﻭﻟﻠﻌﺼﻴﺪﺓ ﻭﻟﻠﻨﻌﻴﻤﻴﺔ ﺍﻟﺒﺪﻭﺭﻭ ..
ﻟﻲ ﺻﻴﺎﻡ ﻳﻮﻣﻲ ﺍﻻﺗﻤﻮ ..
ﺍﺑﻘﻲ ﻓﻲ ﻗﻤﺔ ﺳﺮﻭﺭﻭ ..
ﻭﻟﻲ ﺗﺮﺍﻭﻳﺢ ﺟﻮﺓ ﺯﺍﻭﻳﺔ ..
ﻭﻛﻞ ﺯﻭﻝ ﻻﺯﻡ ﺣﻀﻮﺭﻭ ..
ﻧﻔﺴﻲ ﻓﻲ ﻋﻴﺪ ﻛﻠﻮ ﻓﺮﺣﺔ ..
ﺑﻲ ﻫﺪﻭﻡ ﺳﻤﺤﺔ ﻭﺟﺪﻳﺪﺓ ..
ﻟﻲ ﺑﻴﻮﺕ ﺍﻟﺤﻠﺔ ﻧﻤﺮﻕ ..
ﻭﺍﻟﻘﻠﻮﺏ ﻣﻠﻴﺎﻧﺔ ﺭﻳﺪﺓ ..
ﻭﺍﻟﻜﻌﻚ ﺷﻴﺎﻟﺘﻮ ﻋﺎﻣﺮﺓ ..
ﻭﻧﺎﺱ ﺗﺒﺎﺭﻙ ﻣﺎﺩﺓ ﺃﻳﺪﺍ ..
ﻭﺟﻴﺒﻲ ﺑﺎﻟﻌﻴﺪﻳﺔ ﻳﻤﻸ ..
ﻭﺃﺷﺘﺮﻱ ﺍﻟﻠﻌﺒﺔ ﺍﻟﺒﺮﻳﺪﺍ ..
ﻧﻔﺴﻲ ﻓﻲ ﻧﻮﻣﺘﻲ ﺍﻟﺰﻣﺎﻧﻚ ..
ﻣﻦ ﺗﻤﻨﻴﺔ ﻣﻊ ﺷﺨﻴﺮﻱ ..
ﺃﻱ ﺣﺘﺔ ﻭﺃﻱ ﺍﻭﺿﺔ ..
ﻭ ﺑﻜﺮﺓ ﺍﺻﺒﺢ ﻓﻲ ﺳﺮﻳﺮﻱ ..
ﺍﺣﻀﺮ ﺍﻟﺤﻠﻘﺔ ﺍﻟﺠﺪﻳﺪﺓ ..
ﻣﻦ ﻃﺮﺍﺋﻒ ﺗﻮﻡ ﻭﺟﻴﺮﻱ ..
ﻭﺍﻧﺠﻠﺪ ﻓﻲ ﻛﻞ ﻏﻠﻄﺔ ..
ﺑﺲ ﻳﻜﻮﻥ ﻣﺮﺗﺎﺡ ﺿﻤﻴﺮﻱ ..
ﻧﻔﺴﻲ ﺍﻋﺮﻑ ﻭﻳﻦ ﻣﻜﺎﻧﻲ ..
ﻫﺴﻪ ﻓﻲ ﻗﻠﻮﺏ ﺍﻟﻤﻌﺎﻳﺎ ..
ﻧﻔﺴﻲ ﺍﻋﺮﻑ ﻭﻳﻦ ﺣﺪﻭﺩﻱ ..
ﻭﻣﻴﻦ ﺑﻴﺴﺘﺎﻫﻞ ﻭﻓﺎﻳﺎ ..
ﻧﻔﺴﻲ ﺍﻣﺮﻕ ﻣﻦ ﻫﻤﻮﻣﻲ ..
ﻭﺃﺑﺪﺍ ﺗﺎﻧﻲ ﻣﻦ ﺍﻟﺒﺪﺍﻳﺔ ..
ﺍﺭﺟﻊ ﺍﻛﺒﺮ ﻣﻦ ﺻﻐﻴﺮ ..
ﻧﻔﺴﻲ ﻓﻲ ﻧﻔﺲ ﺍﻟﺤﻜﺎﻳﺔ

ﻭﺋﺎﻡ ﻛﻤﺎﻝ ﺍﻟﺪﻳﻦ ﺗﻮﻗﻊ ﺏ :
- ﺷﺮﻕ - ﺣﺮﻑ ﺍﻟﻜﻼﻡ ﺣﻠﻘﻲ
- ﺷﺮﻕ - ﺭﻳﺪ ﺍﻟﻤﺤﻨﺔ ﺻﺒﺎﺡ ....
- ﻃﺒﻖ - ﺳﻠﻤﺖ ﻓﻴﻮ ﻗﻠﺒﻲ
ﻭ - ﻃﺒﻖ - ﻫﺠﺮﻙ ﻛﻼﻣﻲ ﺍﻟﺮﺍﺡ .....
- ﻋﺠﻦ - ﺣﺴﻨﻚ ﺍﺣﺎﺳﻴﺴﻲ
ﻭ - ﻋﺠﻦ - ﻏﻨﺠﻚ ﻣﻼﻧﻲ ﺟﺮﺍﺡ ......
- ﻧﺼﻴﺢ - ﺍﻧﺎ ﺭﻏﻢ ﺟﻨﻲ ﺍﻟﺒﻲ
- ﻧﺼﻴﺢ - ﺍﻧﺎ ﻭﺍﻟﻬﻢ ﺍﻟﻨﻮﺍﺡ .........
- ﺑﺮﻳﺪﻙ - ﺑﺤﺖ ﺑﻲ ﺣﺒﻲ
ﻭ - ﺑﺮﻳﺪﻙ - ﺑﺎﻟﺴﻼﻡ ﻣﺎ ﺑﺎﺡ .........
ﻭ - ﺃﻛﻴﺪ - ﺑﺎﻟﻠﻘﻴﺎ ﻋﺰﺍﻟﻲ
ﻭ - ﺃﻛﻴﺪ - ﺃﻧﺎ ﺑﻲ ﻟﻘﺎﻙ ﺑﺮﺗﺎﺡ .........
ﻭ - ﺑﺴﺘﻨﺎﻛﺎ - ﻓﻲ ﺍﻟﻤﻴﻌﺎﺩ
ﻭ - ﺑﺲ ﺗﻨﺎﻛﺎ - ﻗﻤﺮﻱ ﺍﻟﻼﺡ ........
- ﺃﺳﻴﻞ - ﺗﺘﺪﻓﻖ ﺃﺷﻮﺍﻗﻲ
ﻭ - ﺃﺳﻴﻞ - ﺧﺪﻙ ﺗﻘﻮﻝ ﻣﺼﺒﺎﺡ ........
ﻭ - ﺃﺭﺍﺿﻴﻚ - ﻭﺍﻧﺖ ﺗﻘﺴﻰ ﻋﻠﻲ
ﻭ - ﺍﺭﺍﺿﻴﻚ - ﺩﻭﻧﺎ ﻣﺎﻓﻲ ﺑﺮﺍﺡ ..........
- ﺳﺤﺮ - ﺿﻠﻢ ﻛﺤﻞ ﻋﻴﻨﻴﻚ
- ﺳﺤﺮ - ﻋﻴﻨﻲ ﻭﻟﻴﺎ ﺍﺟﺘﺎﺡ ..........
- ﺭﻗﻴﻖ - ﻟﺤﻈﻚ ﺃﺳﺮﻧﻲ ﺑﻘﻴﺖ
- ﺭﻗﻴﻖ - ﺭﻣﺸﺎ ﻛﺤﻴﻞ ﺿﺒﺎﺡ ..........
ﻭ - ﻧﻮﺭ - ﻧﻮﺭ ﺿﻼﻡ ﺍﻟﻌﻴﻦ
ﻭ - ﻧﻮﺭ - ﺃﺯﻫﺎﺭﻙ ﺍﻟﻔﻮﺍﺡ .........
- ﺑﺮﻭﻕ - ﻟﻮ ﻣﺮﺓ ﺗﻄﺮﺍﻧﻲ
ﻭ - ﺑﺮﻭﻕ - ﻧﻮﺭﻙ ﺗﻠﻮﺣﻠﻲ ﻟﻮﺍﺡ ..........
ﻭﻻﻣﻦ ﺫﻛﺮﻳﺎﺗﻲ ﺍﻟﺒﻮﺡ
ﻭ ﻻﻣﻦ ﺟﻴﺖ ﺃﺑﻮﺡ ﺑﺼﺮﺍﺡ .....
ﺷﺮﻕ ﺣﺮﻑ ﺍﻟﻜﻼﻡ ﺣﻠﻘﻲ
ﻭﺷﺮﻕ ﺭﻳﺪ ﺍﻟﻤﺤﻨﺔ ﺻﺒﺎﺡ .

ﺑﺮﺟﺎﻙ
ﻧﺸﻔﺘﻲ ﺭﻳﻖ ﺍﻟﻐﻴﻢ
ﺧﻠﻴﺘﻲ ﺃﺭﺿﻲ ﺗﺒﻮﺭ
ﻻ ﻻﺡ ﻧﺴﻴﻤﻮ ﻫﻮﺍﻙ
ﻻ ﺑﺮﻗﻮ ﻭﻟﺪ ﻧﻮﺭ
ﻻ ﻧﻘﻨﻘﺖ ﻣﻄﺮﺓ
ﻭﻻ ﻓﺎﺭ ﻭﺭﺍﻙ ﺗﻨﻮﺭ
ﻭﻻ ﻳﻮﻡ ﺟﺒﺮ ﻃﻠﻚ
ﺧﺎﻃﺮ ﺍﻟﻨﻮﺍ ﺍﻟﻤﻜﺴﻮﺭ
ﻭﺃﻓﻜﺎﺭﻱ ﺣﺎﻟﻦ ﺣﺎﻝ ﺳﺎﻗﻴﺔ ﺟﺤﺎ ﺍﻟﺒﺘﺪﻭﺭ ........
ﺭﺍﺟﻴﻜﻲ ﺩﻭﻥ ﻣﻴﻌﺎﺩ
ﺷﺎﻳﻞ ﺍﻟﺤﻨﻴﻦ ﻭﺍﻟﺸﻮﻕ
ﺯﺍﺩﻱ ﺍﻟﺼﺒﺮ ﻭﺍﻟﺰﺍﺩ
ﺑﻲ ﻣﺮﺭﻭ ﻳﻮﺩ ﻣﺸﺮﻭﻕ
ﻭﺍﻟﻨﺎﺭ ﺑﻼ ﻭﻗﺎﺩ
ﻗﺎﻳﺪﺓ ﺍﻟﺤﺸﺎ ﺍﻟﻤﺤﺮﻭﻕ
ﻭ ﺍﻟﻔﺮﻗﺔ ﻣﺎ ﺑﺘﻨﺮﺍﺩ
ﻭ ﻟﻘﺎﻙ ﺑﺎﺕ ﻣﻤﺤﻮﻕ
ﺃﻣﺴﻚ ﻣﺸﻰ ﻭﻣﺎ ﻋﺎﺩ
ﺑﺎﻛﺮﻙ ﺻﺒﺢ ﻣﺴﺮﻭﻕ
ﻭﺃﺣﻼﻣﻲ ﺑﻌﺪﻙ ﻋﺎﺩ
ﺷﺮﺭﻳﺘﺎ ﻓﻮﻕ ﺍﻟﺴﻮﻕ .......
‏( ﻭﺍﻟﻄﺎﺑﻖ ﺍﻟﻤﺴﺘﻮﺭ ‏)
ﻭﻓﺘﺤﺖ ﺑﺎﻵﻣﺎﻝ ﻭﺍﻟﺨﺎﻃﺮ ﺍﻟﻤﻐﺒﻮﻥ ﻓﻲ ﺍﻟﻨﺎﺻﻴﺔ ﻃﺒﻠﻴﺔ
ﻣﻠﻴﺎﻧﺔ ﺭﻳﺪ ﻭﺟﻨﻮﻥ
ﺑﻲ ﺍﻟﻘﺪﺭﺓ ﻣﺒﻨﻴﺔ
ﺭﺍﺱ ﻣﺎﻻ ﺑﻜﺮﺓ ﻳﻜﻮﻥ
ﻣﻔﺘﻮﺣﺔ ﺑﺎﻟﻨﻴﺔ
ﻻ ﻋﺮﻓﺖ ﺍﻟﻤﻠﻴﻮﻥ
ﻻ ﻭﺭﺩﺕ ﻣﻴﺔ
ﻭﺃﻧﺎ ﺣﺎﺭﺳﺎ ﻭﻣﺪﻳﻮﻥ ......
‏( ﻳﺎ ﺷﻤﺲ ﺭﻏﻢ ﺍﻟﺰﻭﺭ ‏)
ﻣﺘﺮﻗﺐ ﺍﻵﻣﺎﻝ
ﺭﻏﻢ ﺍﻟﺤﻖ ﺍﻟﻤﺒﻴﻮﻉ
ﻓﺘﺮﺍﻥ ﻣﻦ ﺍﻟﺘﺮﺣﺎﻝ
ﺻﺒﺢ ﺍﻟﺒﺪﻥ ﻣﻮﺟﻮﻉ
ﺭﻏﻢ ﺍﻟﺒﻌﺎﺩ ﺍﻟﻄﺎﻝ
ﺭﻏﻢ ﺍﻟﻌﻄﺶ ﻭﺍﻟﺠﻮﻉ
ﻭﺍﻟﺒﺎﻃﻞ ﺍﻟﻼ ﺯﺍﻝ
ﻭﺍﻟﻤﺎﻓﻲ ﻭﺍﻟﻤﻤﻨﻮﻉ
ﻛﺬﺑﺖ ﻳﻮﻣﺎ ﻗﺎﻝ
ﺣﺒﻞ ﺍﻟﻌﺸﻢ ﻣﻘﻄﻮﻉ
ﻣﻘﻄﻮﻉ ﻟﺴﺎﻥ ﺍﻟﺤﺎﻝ .......
‏( ﺩﻳﺎﻧﻲ ﻣﺎ ﻣﺸﻜﻮﺭ ‏)
ﺷﻜﺎﺭ ﺭﻭﺍﻛﻴﺒﻚ ﻓﻮﻕ ﺍﻟﺨﺮﻳﻒ ﺍﻟﻔﺎﺕ
ﺷﻜﺮ ﺯﻣﺎﻧﻲ ﺍﻵﺕ
ﺭﺍﺟﻴﻜﻲ ﻛﻠﻤﺔ ﺣﻦ
ﻏﻨﺎﻳﺎ ﻃﻮﻝ ﻣﺎﺕ
ﻻ ﺧﻴﺮﺓ ﻓﻲ ﺍﻟﺠﻔﻠﻦ
ﻻ ﺍﻟﻮﻗﻔﻦ ﺳﻤﺤﺎﺕ
ﻭﺍﻳﺎﻣﻲ ﺑﻲ ﻗﻴﺪﻥ
ﻳﺘﻤﺤﺮﻛﻦ ﺭﺍﻋﻴﺎﺕ
ﺑﻲ ﺣﻴﻠﻲ ﺟﺖ ﻋﺼﻔﻦ ...
‏( ﺃﻓﻜﺎﺭﻱ ﻻﻓﺔ ﺗﺜﻮﺭ ‏)
ﺣﻮﺍﻣﺔ ﺑﺎﻟﻔﻄﺮﺓ
ﻓﺎﺗﺖ ﻛﻼﺏ ﺍﻟﺤﺮ
ﺳﻌﺮﺍﻧﺔ ﻓﺪ ﻣﺮﺓ
ﻭﻣﺎ ﻓﺎﺭﺯﺓ ﻗﻮﻟﺔ ﺟﺮ
ﻣﺨﻨﻮﻗﺔ ﺑﺎﻟﻌﺒﺮﺓ
ﻭﺳﺎﻗﻴﺎﻫﻮ ﺭﻳﺪﻱ ﺍﻟﻤﺮ
ﺟﺮﻳﺘﻮ ﺗﻮﺏ ﺑﻜﺮﺓ
ﺟﺒﺪﺗﻮ ﻣﻦ ﺍﻟﺠﺮ
ﻋﻠﻘﺘﻮ ﻓﻲ ﺍﻟﺬﻛﺮﻯ
ﻭﺻﺮﻳﺘﻮ ﺭﻳﺪﻙ ﺻﺮ
ﻓﺪﺭﺗﻬﺎ ﺍﻟﺴﻜﺮﺓ
ﻛﺎﻥ ﺗﺮﺿﻰ ﺗﺘﻮﺩﺭ
ﻭﺻﺤﻴﺖ ﻋﻠﻲ ﻓﻜﺮﺓ .......
‏( ﺃﺭﺟﺎﻛﻲ ﺭﻏﻢ ﺍﻟﺠﻮﺭ
ﻭﻣﺤﺎﻝ ﺳﻮﺍﻛﻲ ﺃﺩﻭﺭ ‏)
ﻭﺋﺎﻡ ﻛﻤﺎﻝ ﺍﻟﺪﻳﻦ ...

ﺻﺒﺮﺍً ﻣﻌﺎﻱ ﻋﻠﻲ ﺍﻻﻳﺎﻡ
ﻇﺮﻭﻓﻨﺎ ﻣﺼﻴﺮﺍ ﺗﺘﻐﻴﺮ
ﻭﺍﺗﺤﻤﻞ ﺻِﻌﺎﺏ ﺍﻟﺮﻳﺪ
ﻭﺯﻳﺪ ﻓﻮﻕ ﺍﻟﻌﺒﻴﺮ ﻋﻨﺒﺮ
ﻭﻣﺎ ﺗﻨﺴﺎﻫﻮ ﻗﻠﺒﻲ ﺭﻫﻴﻒ
ﻭﺣﺎﺗﻚ ﺍﻧﺖ ﺑﺘﻜﺴﺮ
ﻭﺑﻼﻙ ﺿﺎﻳﻖ ﻣﺮﺍﺭﺓ ﺍﻟﺮﻳﺪ
ﻭﻣﻌﺎﻙ ﺍﻟﺮﻳﺪﻩ ﺯﻱ ﺳﻜﺮ
------
ﺷﻮﻑ ﻛﻴﻔﻦ ﺑﺘﻘﺴﻰ ﻋﻠﻲ
ﻭﺷﻮﻑ ﻛﻴﻔﻦ ﺣﻨﻴﻨﻲ ﺍﻟﻴﻚ
ﻭﺷﻮﻑ ﻛﻢ ﻣﺮﻩ ﺗﺮﻣﻴﻨﻲ
ﻭﻏﺼﺒﺎًﻋﻨﻲ ﺗﺎﻧﻲ ﺍﺟﻴﻚ
ﻭ ﻗﻠﺒﻲ ﻣﻌﺎﻙ ﺯﻱ ﻋﺼﻔﻮﺭ
ﻣﻌﺬﺏ ﺷﻮﻓﻮ ﺑﻴﻦ ﺍﻳﺪﻳﻚ
ﻭﻛﻞ ﻣﺎ ﺗﻌﺬﺏ ﺍﻧﺖ ﺷﺪﻳﺪ
ﻳﻤﻮﺕ ﻣﺠﺮﻭﺡ ﻣﻜﺴﺮ ﻓﻴﻚ

ﻟﻲ ﻛﻞ ﺯﻭﻝ ﺟﻮﺍﻩ ﺟﺮﺡ ..
ﺃﺗﺨﻴﻞ ﺍﻧﻚ ﺯﻭﻝ " ﻏﻨﻲ "
ﻭﻻﻗﺎﻙ ﻓﻘﻴﺮ
ﺍﺩﻳﺘﻮ ﻣﻦ ﻣﺎﻟﻚ ﻛﺘﻴﺮ
ﻗﺎﻡ ﺍﻟﻔﻘﻴﺮ ﺑﺎﻟﺠﺪ ﻓﺮﺡ ..
ﻣﺎﻓﻬﻤﺘﻨﻲ !! ؟
ﻃﻴﺐ .. ﺍﻋﻴﺪ ﺗﺎﻧﻲ ﺍﻟﻜﻼﻡ
ﻫﺴﻊ ﺩﻩ ﺣﺎﻝ ﻣﺤﺘﺎﺝ ﺷﺮﺡ .. ؟ !
ﻏﺎﻳﺘﻮ ﺍﻟﻤﻬﻢ
ﻋﻨﺪﻙ ﻫﻤﻮﻡ؟
ﺍﻭ ﻗﻮﻝ ﺳﻤﻮﻡ ..
ﺻﺪﺭﻙ ﻣﻠﺒﺪ ﺑﺎﻟﻐﻴﻮﻡ ..
ﻧﺎﺱ ﻣﻦ ﺯﻣﺎﻥ ﻇﻠﻤﻮﻙ ﺷﺪﻳﺪ
ﻧﺎﺱ ﺭﺩﺗﻬﻢ
ﻣﺎﺗﻤﻮﺍ ﻟﻴﻚ ﻓﺮﺣﻚ ﺍﻛﻴﺪ !!
ﻧﺎﺱ ﻣﻦ ﻭﻛﺖ ﺍﺣﺘﺠﺘﻬﻢ
ﻭﻟﻘﻴﺖ ﺑﺮﺍﻙ ﻧﻔﺴﻚ ﻭﺣﻴﺪ !..
ﻃﻴﺐ ﺗﻤﺎﻡ ..
ﺍﺟﻤﻊ ﻣﺸﺎﻛﻠﻚ ﻛﻠﻬﺎ
ﻭﺃﺑﺪﺃ ﺍﻟﻄﺮﺡ !!..
ﺯﺍﻳﺪ ﻭﺟﻊ ﻣﺎ ﺑﻘﺪﻣﻚ
ﺯﺍﻳﺪ ﺣﻘﺪ ﻣﺎ ﺑﺨﺪﻣﻚ
ﺳﺎﻣﺢ
ﻭﺳﺎﻣﺢ
ﻭﺃﺳﺘﺮﺡ ..
_______________________________ﻟﻲ ﻛﻞ ﺯﻭﻝ ﺟﻮﺍﻩ ﺟﺮﺡ ..
ﺃﺗﺨﻴﻞ ﺍﻧﻚ ﺯﻭﻝ " ﻏﻨﻲ "
ﻭﻻﻗﺎﻙ ﻓﻘﻴﺮ
ﺍﺩﻳﺘﻮ ﻣﻦ ﻣﺎﻟﻚ ﻛﺘﻴﺮ
ﻗﺎﻡ ﺍﻟﻔﻘﻴﺮ ﺑﺎﻟﺠﺪ ﻓﺮﺡ ..
ﻣﺎﻓﻬﻤﺘﻨﻲ !! ؟
ﻃﻴﺐ .. ﺍﻋﻴﺪ ﺗﺎﻧﻲ ﺍﻟﻜﻼﻡ
ﻫﺴﻊ ﺩﻩ ﺣﺎﻝ ﻣﺤﺘﺎﺝ ﺷﺮﺡ .. ؟ !
ﻏﺎﻳﺘﻮ ﺍﻟﻤﻬﻢ
ﻋﻨﺪﻙ ﻫﻤﻮﻡ؟
ﺍﻭ ﻗﻮﻝ ﺳﻤﻮﻡ ..
ﺻﺪﺭﻙ ﻣﻠﺒﺪ ﺑﺎﻟﻐﻴﻮﻡ ..
ﻧﺎﺱ ﻣﻦ ﺯﻣﺎﻥ ﻇﻠﻤﻮﻙ ﺷﺪﻳﺪ
ﻧﺎﺱ ﺭﺩﺗﻬﻢ
ﻣﺎﺗﻤﻮﺍ ﻟﻴﻚ ﻓﺮﺣﻚ ﺍﻛﻴﺪ !!
ﻧﺎﺱ ﻣﻦ ﻭﻛﺖ ﺍﺣﺘﺠﺘﻬﻢ
ﻭﻟﻘﻴﺖ ﺑﺮﺍﻙ ﻧﻔﺴﻚ ﻭﺣﻴﺪ !..
ﻃﻴﺐ ﺗﻤﺎﻡ ..
ﺍﺟﻤﻊ ﻣﺸﺎﻛﻠﻚ ﻛﻠﻬﺎ
ﻭﺃﺑﺪﺃ ﺍﻟﻄﺮﺡ !!..
ﺯﺍﻳﺪ ﻭﺟﻊ ﻣﺎ ﺑﻘﺪﻣﻚ
ﺯﺍﻳﺪ ﺣﻘﺪ ﻣﺎ ﺑﺨﺪﻣﻚ
ﺳﺎﻣﺢ
ﻭﺳﺎﻣﺢ
ﻭﺃﺳﺘﺮﺡ ..
_______________________________