ﻧﻔﺴﻲ ﺍﺭﺟﻊ ﺗﺎﻧﻲ ﺃﻭﻟﻰ ..
ﻭﺍﻛﺘﺐ ﺍﻟﻮﺍﺟﺐ ﻭﺍﺣﻠﻮ ..
ﺍﻣﺸﻲ ﻟﻸﺳﺘﺎﺫ ﺃﺻﺤﺢ ..
ﻭﺃﻟﻘﻲ ﺻﺎﺡ ﺍﻟﻜﺎﺗﺒﻮ ﻛﻠﻮ ..
ﺃﺟﺮﻱ ﻟﻲ ﺍﻣﻲ ﻭﺍﺑﻮﻳﺎ ..
ﻭﺍﺣﻜﻲ ﻭﺍﺣﻜﻲ ﻭﻣﺎﻳﻤﻠّﻮ ..
ﻭﺍﺻﺤﻲ ﺑﻜﺮﺓ ﻭﻛﻞ ﻫﻤﻲ ..
ﺍﻭﺻﻞ ﺍﻟﻄﺎﺑﻮﺭ ﻣﺤﻠﻮ ..
ﻧﻔﺴﻲ ﺍﻟﻌﺐ ﺧﻮﺝ ﻭﺑﻠﻲ ..
ﻛﻮﺭﺓ ﺍﻟﺸﺮﺍﺏ ﻭﺍﺿﺎﺭﺏ ..
ﺍﺭﻛﺐ ﺍﻟﻌﺠﻠﺔ ﻭﺍﻟﻔﻠﻒ ..
ﻭﺍﺭﺟﻊ ﺍﻟﺒﻴﺖ ﻓﻲ ﺍﻟﻤﻐﺎﺭﺏ ..
ﺍﺷﺮﺏ ﺍﻟﺸﺎﻱ ﺍﻟﻤﻘﻨﻦ ..
ﺑﻲ ﺧﺒﻴﺰ ﻣﻌﻤﻮﻝ ﻭﻛﺎﺍﺍﺭﺏ ..
ﻭﺍﻃﻠﻊ ﺍﻟﺸﺎﺭﻉ ﻣﺮﺳﻞ ..
ﻟﻲ ﻓﺤﻢ ﻣﻦ ﺍﻟﺰﺭﺍﻳﺐ ..
ﻧﻔﺴﻲ ﻓﻲ ﺍﺟﺎﺯﺓ ﻣﺪﺍﺭﺱ ..
ﺍﻧﺴﻲ ﻟﻠﺨﺮﻃﻮﻡ ﻭﺍﻓﻮﺗﺎ ..
ﺃﻣﺸﻲ ﻟﻲ ﻋﻴﺸﺔ ﺍﻟﺒﺴﺎﻃﺔ ..
ﻻ ﻛﻮﺍﺭﻳﻚ ﻻ ﻓﻲ ﺟﻮﻃﺔ ..
ﺃﻟﻘﻲ ﺣﺒﻮﺑﺘﻲ ﻭﺷﻠﻮﺧﺎ ..
ﻭﺗﺎﻧﻲ ﺍﺳﻤﻊ ﻣﺮﺓ ﺻﻮﺗﺎ ..
ﻭﺟﺪﻱ ﻓﻲ ﺍﻟﺮﺍﻛﻮﺑﺔ ﻳﻘﻌﺪ ..
ﻭﺟﻨﺒﻮ ﻧﻘﻌﺪ ﻧﺤﻨﺎ ﻛﻮﺗﺔ ..
ﻧﻔﺴﻲ ﻓﻲ ﺭﻣﻀﺎﻥ ﻭﺣﺮّﻭ ..
ﻟﻲ ﻓﺮﺍﺵ ﺑﺮﺓ ﻭﻓﻄﻮﺭﻭ ..
ﻟﻲ ﺍﻟﺒﻠﻴﻠﺔ ﻭﻟﻠﻌﺼﻴﺪﺓ ﻭﻟﻠﻨﻌﻴﻤﻴﺔ ﺍﻟﺒﺪﻭﺭﻭ ..
ﻟﻲ ﺻﻴﺎﻡ ﻳﻮﻣﻲ ﺍﻻﺗﻤﻮ ..
ﺍﺑﻘﻲ ﻓﻲ ﻗﻤﺔ ﺳﺮﻭﺭﻭ ..
ﻭﻟﻲ ﺗﺮﺍﻭﻳﺢ ﺟﻮﺓ ﺯﺍﻭﻳﺔ ..
ﻭﻛﻞ ﺯﻭﻝ ﻻﺯﻡ ﺣﻀﻮﺭﻭ ..
ﻧﻔﺴﻲ ﻓﻲ ﻋﻴﺪ ﻛﻠﻮ ﻓﺮﺣﺔ ..
ﺑﻲ ﻫﺪﻭﻡ ﺳﻤﺤﺔ ﻭﺟﺪﻳﺪﺓ ..
ﻟﻲ ﺑﻴﻮﺕ ﺍﻟﺤﻠﺔ ﻧﻤﺮﻕ ..
ﻭﺍﻟﻘﻠﻮﺏ ﻣﻠﻴﺎﻧﺔ ﺭﻳﺪﺓ ..
ﻭﺍﻟﻜﻌﻚ ﺷﻴﺎﻟﺘﻮ ﻋﺎﻣﺮﺓ ..
ﻭﻧﺎﺱ ﺗﺒﺎﺭﻙ ﻣﺎﺩﺓ ﺃﻳﺪﺍ ..
ﻭﺟﻴﺒﻲ ﺑﺎﻟﻌﻴﺪﻳﺔ ﻳﻤﻸ ..
ﻭﺃﺷﺘﺮﻱ ﺍﻟﻠﻌﺒﺔ ﺍﻟﺒﺮﻳﺪﺍ ..
ﻧﻔﺴﻲ ﻓﻲ ﻧﻮﻣﺘﻲ ﺍﻟﺰﻣﺎﻧﻚ ..
ﻣﻦ ﺗﻤﻨﻴﺔ ﻣﻊ ﺷﺨﻴﺮﻱ ..
ﺃﻱ ﺣﺘﺔ ﻭﺃﻱ ﺍﻭﺿﺔ ..
ﻭ ﺑﻜﺮﺓ ﺍﺻﺒﺢ ﻓﻲ ﺳﺮﻳﺮﻱ ..
ﺍﺣﻀﺮ ﺍﻟﺤﻠﻘﺔ ﺍﻟﺠﺪﻳﺪﺓ ..
ﻣﻦ ﻃﺮﺍﺋﻒ ﺗﻮﻡ ﻭﺟﻴﺮﻱ ..
ﻭﺍﻧﺠﻠﺪ ﻓﻲ ﻛﻞ ﻏﻠﻄﺔ ..
ﺑﺲ ﻳﻜﻮﻥ ﻣﺮﺗﺎﺡ ﺿﻤﻴﺮﻱ ..
ﻧﻔﺴﻲ ﺍﻋﺮﻑ ﻭﻳﻦ ﻣﻜﺎﻧﻲ ..
ﻫﺴﻪ ﻓﻲ ﻗﻠﻮﺏ ﺍﻟﻤﻌﺎﻳﺎ ..
ﻧﻔﺴﻲ ﺍﻋﺮﻑ ﻭﻳﻦ ﺣﺪﻭﺩﻱ ..
ﻭﻣﻴﻦ ﺑﻴﺴﺘﺎﻫﻞ ﻭﻓﺎﻳﺎ ..
ﻧﻔﺴﻲ ﺍﻣﺮﻕ ﻣﻦ ﻫﻤﻮﻣﻲ ..
ﻭﺃﺑﺪﺍ ﺗﺎﻧﻲ ﻣﻦ ﺍﻟﺒﺪﺍﻳﺔ ..
ﺍﺭﺟﻊ ﺍﻛﺒﺮ ﻣﻦ ﺻﻐﻴﺮ ..
ﻧﻔﺴﻲ ﻓﻲ ﻧﻔﺲ ﺍﻟﺤﻜﺎﻳﺔ

ﻭﺋﺎﻡ ﻛﻤﺎﻝ ﺍﻟﺪﻳﻦ ﺗﻮﻗﻊ ﺏ :
- ﺷﺮﻕ - ﺣﺮﻑ ﺍﻟﻜﻼﻡ ﺣﻠﻘﻲ
- ﺷﺮﻕ - ﺭﻳﺪ ﺍﻟﻤﺤﻨﺔ ﺻﺒﺎﺡ ....
- ﻃﺒﻖ - ﺳﻠﻤﺖ ﻓﻴﻮ ﻗﻠﺒﻲ
ﻭ - ﻃﺒﻖ - ﻫﺠﺮﻙ ﻛﻼﻣﻲ ﺍﻟﺮﺍﺡ .....
- ﻋﺠﻦ - ﺣﺴﻨﻚ ﺍﺣﺎﺳﻴﺴﻲ
ﻭ - ﻋﺠﻦ - ﻏﻨﺠﻚ ﻣﻼﻧﻲ ﺟﺮﺍﺡ ......
- ﻧﺼﻴﺢ - ﺍﻧﺎ ﺭﻏﻢ ﺟﻨﻲ ﺍﻟﺒﻲ
- ﻧﺼﻴﺢ - ﺍﻧﺎ ﻭﺍﻟﻬﻢ ﺍﻟﻨﻮﺍﺡ .........
- ﺑﺮﻳﺪﻙ - ﺑﺤﺖ ﺑﻲ ﺣﺒﻲ
ﻭ - ﺑﺮﻳﺪﻙ - ﺑﺎﻟﺴﻼﻡ ﻣﺎ ﺑﺎﺡ .........
ﻭ - ﺃﻛﻴﺪ - ﺑﺎﻟﻠﻘﻴﺎ ﻋﺰﺍﻟﻲ
ﻭ - ﺃﻛﻴﺪ - ﺃﻧﺎ ﺑﻲ ﻟﻘﺎﻙ ﺑﺮﺗﺎﺡ .........
ﻭ - ﺑﺴﺘﻨﺎﻛﺎ - ﻓﻲ ﺍﻟﻤﻴﻌﺎﺩ
ﻭ - ﺑﺲ ﺗﻨﺎﻛﺎ - ﻗﻤﺮﻱ ﺍﻟﻼﺡ ........
- ﺃﺳﻴﻞ - ﺗﺘﺪﻓﻖ ﺃﺷﻮﺍﻗﻲ
ﻭ - ﺃﺳﻴﻞ - ﺧﺪﻙ ﺗﻘﻮﻝ ﻣﺼﺒﺎﺡ ........
ﻭ - ﺃﺭﺍﺿﻴﻚ - ﻭﺍﻧﺖ ﺗﻘﺴﻰ ﻋﻠﻲ
ﻭ - ﺍﺭﺍﺿﻴﻚ - ﺩﻭﻧﺎ ﻣﺎﻓﻲ ﺑﺮﺍﺡ ..........
- ﺳﺤﺮ - ﺿﻠﻢ ﻛﺤﻞ ﻋﻴﻨﻴﻚ
- ﺳﺤﺮ - ﻋﻴﻨﻲ ﻭﻟﻴﺎ ﺍﺟﺘﺎﺡ ..........
- ﺭﻗﻴﻖ - ﻟﺤﻈﻚ ﺃﺳﺮﻧﻲ ﺑﻘﻴﺖ
- ﺭﻗﻴﻖ - ﺭﻣﺸﺎ ﻛﺤﻴﻞ ﺿﺒﺎﺡ ..........
ﻭ - ﻧﻮﺭ - ﻧﻮﺭ ﺿﻼﻡ ﺍﻟﻌﻴﻦ
ﻭ - ﻧﻮﺭ - ﺃﺯﻫﺎﺭﻙ ﺍﻟﻔﻮﺍﺡ .........
- ﺑﺮﻭﻕ - ﻟﻮ ﻣﺮﺓ ﺗﻄﺮﺍﻧﻲ
ﻭ - ﺑﺮﻭﻕ - ﻧﻮﺭﻙ ﺗﻠﻮﺣﻠﻲ ﻟﻮﺍﺡ ..........
ﻭﻻﻣﻦ ﺫﻛﺮﻳﺎﺗﻲ ﺍﻟﺒﻮﺡ
ﻭ ﻻﻣﻦ ﺟﻴﺖ ﺃﺑﻮﺡ ﺑﺼﺮﺍﺡ .....
ﺷﺮﻕ ﺣﺮﻑ ﺍﻟﻜﻼﻡ ﺣﻠﻘﻲ
ﻭﺷﺮﻕ ﺭﻳﺪ ﺍﻟﻤﺤﻨﺔ ﺻﺒﺎﺡ .

ﺑﺮﺟﺎﻙ
ﻧﺸﻔﺘﻲ ﺭﻳﻖ ﺍﻟﻐﻴﻢ
ﺧﻠﻴﺘﻲ ﺃﺭﺿﻲ ﺗﺒﻮﺭ
ﻻ ﻻﺡ ﻧﺴﻴﻤﻮ ﻫﻮﺍﻙ
ﻻ ﺑﺮﻗﻮ ﻭﻟﺪ ﻧﻮﺭ
ﻻ ﻧﻘﻨﻘﺖ ﻣﻄﺮﺓ
ﻭﻻ ﻓﺎﺭ ﻭﺭﺍﻙ ﺗﻨﻮﺭ
ﻭﻻ ﻳﻮﻡ ﺟﺒﺮ ﻃﻠﻚ
ﺧﺎﻃﺮ ﺍﻟﻨﻮﺍ ﺍﻟﻤﻜﺴﻮﺭ
ﻭﺃﻓﻜﺎﺭﻱ ﺣﺎﻟﻦ ﺣﺎﻝ ﺳﺎﻗﻴﺔ ﺟﺤﺎ ﺍﻟﺒﺘﺪﻭﺭ ........
ﺭﺍﺟﻴﻜﻲ ﺩﻭﻥ ﻣﻴﻌﺎﺩ
ﺷﺎﻳﻞ ﺍﻟﺤﻨﻴﻦ ﻭﺍﻟﺸﻮﻕ
ﺯﺍﺩﻱ ﺍﻟﺼﺒﺮ ﻭﺍﻟﺰﺍﺩ
ﺑﻲ ﻣﺮﺭﻭ ﻳﻮﺩ ﻣﺸﺮﻭﻕ
ﻭﺍﻟﻨﺎﺭ ﺑﻼ ﻭﻗﺎﺩ
ﻗﺎﻳﺪﺓ ﺍﻟﺤﺸﺎ ﺍﻟﻤﺤﺮﻭﻕ
ﻭ ﺍﻟﻔﺮﻗﺔ ﻣﺎ ﺑﺘﻨﺮﺍﺩ
ﻭ ﻟﻘﺎﻙ ﺑﺎﺕ ﻣﻤﺤﻮﻕ
ﺃﻣﺴﻚ ﻣﺸﻰ ﻭﻣﺎ ﻋﺎﺩ
ﺑﺎﻛﺮﻙ ﺻﺒﺢ ﻣﺴﺮﻭﻕ
ﻭﺃﺣﻼﻣﻲ ﺑﻌﺪﻙ ﻋﺎﺩ
ﺷﺮﺭﻳﺘﺎ ﻓﻮﻕ ﺍﻟﺴﻮﻕ .......
‏( ﻭﺍﻟﻄﺎﺑﻖ ﺍﻟﻤﺴﺘﻮﺭ ‏)
ﻭﻓﺘﺤﺖ ﺑﺎﻵﻣﺎﻝ ﻭﺍﻟﺨﺎﻃﺮ ﺍﻟﻤﻐﺒﻮﻥ ﻓﻲ ﺍﻟﻨﺎﺻﻴﺔ ﻃﺒﻠﻴﺔ
ﻣﻠﻴﺎﻧﺔ ﺭﻳﺪ ﻭﺟﻨﻮﻥ
ﺑﻲ ﺍﻟﻘﺪﺭﺓ ﻣﺒﻨﻴﺔ
ﺭﺍﺱ ﻣﺎﻻ ﺑﻜﺮﺓ ﻳﻜﻮﻥ
ﻣﻔﺘﻮﺣﺔ ﺑﺎﻟﻨﻴﺔ
ﻻ ﻋﺮﻓﺖ ﺍﻟﻤﻠﻴﻮﻥ
ﻻ ﻭﺭﺩﺕ ﻣﻴﺔ
ﻭﺃﻧﺎ ﺣﺎﺭﺳﺎ ﻭﻣﺪﻳﻮﻥ ......
‏( ﻳﺎ ﺷﻤﺲ ﺭﻏﻢ ﺍﻟﺰﻭﺭ ‏)
ﻣﺘﺮﻗﺐ ﺍﻵﻣﺎﻝ
ﺭﻏﻢ ﺍﻟﺤﻖ ﺍﻟﻤﺒﻴﻮﻉ
ﻓﺘﺮﺍﻥ ﻣﻦ ﺍﻟﺘﺮﺣﺎﻝ
ﺻﺒﺢ ﺍﻟﺒﺪﻥ ﻣﻮﺟﻮﻉ
ﺭﻏﻢ ﺍﻟﺒﻌﺎﺩ ﺍﻟﻄﺎﻝ
ﺭﻏﻢ ﺍﻟﻌﻄﺶ ﻭﺍﻟﺠﻮﻉ
ﻭﺍﻟﺒﺎﻃﻞ ﺍﻟﻼ ﺯﺍﻝ
ﻭﺍﻟﻤﺎﻓﻲ ﻭﺍﻟﻤﻤﻨﻮﻉ
ﻛﺬﺑﺖ ﻳﻮﻣﺎ ﻗﺎﻝ
ﺣﺒﻞ ﺍﻟﻌﺸﻢ ﻣﻘﻄﻮﻉ
ﻣﻘﻄﻮﻉ ﻟﺴﺎﻥ ﺍﻟﺤﺎﻝ .......
‏( ﺩﻳﺎﻧﻲ ﻣﺎ ﻣﺸﻜﻮﺭ ‏)
ﺷﻜﺎﺭ ﺭﻭﺍﻛﻴﺒﻚ ﻓﻮﻕ ﺍﻟﺨﺮﻳﻒ ﺍﻟﻔﺎﺕ
ﺷﻜﺮ ﺯﻣﺎﻧﻲ ﺍﻵﺕ
ﺭﺍﺟﻴﻜﻲ ﻛﻠﻤﺔ ﺣﻦ
ﻏﻨﺎﻳﺎ ﻃﻮﻝ ﻣﺎﺕ
ﻻ ﺧﻴﺮﺓ ﻓﻲ ﺍﻟﺠﻔﻠﻦ
ﻻ ﺍﻟﻮﻗﻔﻦ ﺳﻤﺤﺎﺕ
ﻭﺍﻳﺎﻣﻲ ﺑﻲ ﻗﻴﺪﻥ
ﻳﺘﻤﺤﺮﻛﻦ ﺭﺍﻋﻴﺎﺕ
ﺑﻲ ﺣﻴﻠﻲ ﺟﺖ ﻋﺼﻔﻦ ...
‏( ﺃﻓﻜﺎﺭﻱ ﻻﻓﺔ ﺗﺜﻮﺭ ‏)
ﺣﻮﺍﻣﺔ ﺑﺎﻟﻔﻄﺮﺓ
ﻓﺎﺗﺖ ﻛﻼﺏ ﺍﻟﺤﺮ
ﺳﻌﺮﺍﻧﺔ ﻓﺪ ﻣﺮﺓ
ﻭﻣﺎ ﻓﺎﺭﺯﺓ ﻗﻮﻟﺔ ﺟﺮ
ﻣﺨﻨﻮﻗﺔ ﺑﺎﻟﻌﺒﺮﺓ
ﻭﺳﺎﻗﻴﺎﻫﻮ ﺭﻳﺪﻱ ﺍﻟﻤﺮ
ﺟﺮﻳﺘﻮ ﺗﻮﺏ ﺑﻜﺮﺓ
ﺟﺒﺪﺗﻮ ﻣﻦ ﺍﻟﺠﺮ
ﻋﻠﻘﺘﻮ ﻓﻲ ﺍﻟﺬﻛﺮﻯ
ﻭﺻﺮﻳﺘﻮ ﺭﻳﺪﻙ ﺻﺮ
ﻓﺪﺭﺗﻬﺎ ﺍﻟﺴﻜﺮﺓ
ﻛﺎﻥ ﺗﺮﺿﻰ ﺗﺘﻮﺩﺭ
ﻭﺻﺤﻴﺖ ﻋﻠﻲ ﻓﻜﺮﺓ .......
‏( ﺃﺭﺟﺎﻛﻲ ﺭﻏﻢ ﺍﻟﺠﻮﺭ
ﻭﻣﺤﺎﻝ ﺳﻮﺍﻛﻲ ﺃﺩﻭﺭ ‏)
ﻭﺋﺎﻡ ﻛﻤﺎﻝ ﺍﻟﺪﻳﻦ ...

ﺻﺒﺮﺍً ﻣﻌﺎﻱ ﻋﻠﻲ ﺍﻻﻳﺎﻡ
ﻇﺮﻭﻓﻨﺎ ﻣﺼﻴﺮﺍ ﺗﺘﻐﻴﺮ
ﻭﺍﺗﺤﻤﻞ ﺻِﻌﺎﺏ ﺍﻟﺮﻳﺪ
ﻭﺯﻳﺪ ﻓﻮﻕ ﺍﻟﻌﺒﻴﺮ ﻋﻨﺒﺮ
ﻭﻣﺎ ﺗﻨﺴﺎﻫﻮ ﻗﻠﺒﻲ ﺭﻫﻴﻒ
ﻭﺣﺎﺗﻚ ﺍﻧﺖ ﺑﺘﻜﺴﺮ
ﻭﺑﻼﻙ ﺿﺎﻳﻖ ﻣﺮﺍﺭﺓ ﺍﻟﺮﻳﺪ
ﻭﻣﻌﺎﻙ ﺍﻟﺮﻳﺪﻩ ﺯﻱ ﺳﻜﺮ
------
ﺷﻮﻑ ﻛﻴﻔﻦ ﺑﺘﻘﺴﻰ ﻋﻠﻲ
ﻭﺷﻮﻑ ﻛﻴﻔﻦ ﺣﻨﻴﻨﻲ ﺍﻟﻴﻚ
ﻭﺷﻮﻑ ﻛﻢ ﻣﺮﻩ ﺗﺮﻣﻴﻨﻲ
ﻭﻏﺼﺒﺎًﻋﻨﻲ ﺗﺎﻧﻲ ﺍﺟﻴﻚ
ﻭ ﻗﻠﺒﻲ ﻣﻌﺎﻙ ﺯﻱ ﻋﺼﻔﻮﺭ
ﻣﻌﺬﺏ ﺷﻮﻓﻮ ﺑﻴﻦ ﺍﻳﺪﻳﻚ
ﻭﻛﻞ ﻣﺎ ﺗﻌﺬﺏ ﺍﻧﺖ ﺷﺪﻳﺪ
ﻳﻤﻮﺕ ﻣﺠﺮﻭﺡ ﻣﻜﺴﺮ ﻓﻴﻚ

ﻟﻲ ﻛﻞ ﺯﻭﻝ ﺟﻮﺍﻩ ﺟﺮﺡ ..
ﺃﺗﺨﻴﻞ ﺍﻧﻚ ﺯﻭﻝ " ﻏﻨﻲ "
ﻭﻻﻗﺎﻙ ﻓﻘﻴﺮ
ﺍﺩﻳﺘﻮ ﻣﻦ ﻣﺎﻟﻚ ﻛﺘﻴﺮ
ﻗﺎﻡ ﺍﻟﻔﻘﻴﺮ ﺑﺎﻟﺠﺪ ﻓﺮﺡ ..
ﻣﺎﻓﻬﻤﺘﻨﻲ !! ؟
ﻃﻴﺐ .. ﺍﻋﻴﺪ ﺗﺎﻧﻲ ﺍﻟﻜﻼﻡ
ﻫﺴﻊ ﺩﻩ ﺣﺎﻝ ﻣﺤﺘﺎﺝ ﺷﺮﺡ .. ؟ !
ﻏﺎﻳﺘﻮ ﺍﻟﻤﻬﻢ
ﻋﻨﺪﻙ ﻫﻤﻮﻡ؟
ﺍﻭ ﻗﻮﻝ ﺳﻤﻮﻡ ..
ﺻﺪﺭﻙ ﻣﻠﺒﺪ ﺑﺎﻟﻐﻴﻮﻡ ..
ﻧﺎﺱ ﻣﻦ ﺯﻣﺎﻥ ﻇﻠﻤﻮﻙ ﺷﺪﻳﺪ
ﻧﺎﺱ ﺭﺩﺗﻬﻢ
ﻣﺎﺗﻤﻮﺍ ﻟﻴﻚ ﻓﺮﺣﻚ ﺍﻛﻴﺪ !!
ﻧﺎﺱ ﻣﻦ ﻭﻛﺖ ﺍﺣﺘﺠﺘﻬﻢ
ﻭﻟﻘﻴﺖ ﺑﺮﺍﻙ ﻧﻔﺴﻚ ﻭﺣﻴﺪ !..
ﻃﻴﺐ ﺗﻤﺎﻡ ..
ﺍﺟﻤﻊ ﻣﺸﺎﻛﻠﻚ ﻛﻠﻬﺎ
ﻭﺃﺑﺪﺃ ﺍﻟﻄﺮﺡ !!..
ﺯﺍﻳﺪ ﻭﺟﻊ ﻣﺎ ﺑﻘﺪﻣﻚ
ﺯﺍﻳﺪ ﺣﻘﺪ ﻣﺎ ﺑﺨﺪﻣﻚ
ﺳﺎﻣﺢ
ﻭﺳﺎﻣﺢ
ﻭﺃﺳﺘﺮﺡ ..
_______________________________ﻟﻲ ﻛﻞ ﺯﻭﻝ ﺟﻮﺍﻩ ﺟﺮﺡ ..
ﺃﺗﺨﻴﻞ ﺍﻧﻚ ﺯﻭﻝ " ﻏﻨﻲ "
ﻭﻻﻗﺎﻙ ﻓﻘﻴﺮ
ﺍﺩﻳﺘﻮ ﻣﻦ ﻣﺎﻟﻚ ﻛﺘﻴﺮ
ﻗﺎﻡ ﺍﻟﻔﻘﻴﺮ ﺑﺎﻟﺠﺪ ﻓﺮﺡ ..
ﻣﺎﻓﻬﻤﺘﻨﻲ !! ؟
ﻃﻴﺐ .. ﺍﻋﻴﺪ ﺗﺎﻧﻲ ﺍﻟﻜﻼﻡ
ﻫﺴﻊ ﺩﻩ ﺣﺎﻝ ﻣﺤﺘﺎﺝ ﺷﺮﺡ .. ؟ !
ﻏﺎﻳﺘﻮ ﺍﻟﻤﻬﻢ
ﻋﻨﺪﻙ ﻫﻤﻮﻡ؟
ﺍﻭ ﻗﻮﻝ ﺳﻤﻮﻡ ..
ﺻﺪﺭﻙ ﻣﻠﺒﺪ ﺑﺎﻟﻐﻴﻮﻡ ..
ﻧﺎﺱ ﻣﻦ ﺯﻣﺎﻥ ﻇﻠﻤﻮﻙ ﺷﺪﻳﺪ
ﻧﺎﺱ ﺭﺩﺗﻬﻢ
ﻣﺎﺗﻤﻮﺍ ﻟﻴﻚ ﻓﺮﺣﻚ ﺍﻛﻴﺪ !!
ﻧﺎﺱ ﻣﻦ ﻭﻛﺖ ﺍﺣﺘﺠﺘﻬﻢ
ﻭﻟﻘﻴﺖ ﺑﺮﺍﻙ ﻧﻔﺴﻚ ﻭﺣﻴﺪ !..
ﻃﻴﺐ ﺗﻤﺎﻡ ..
ﺍﺟﻤﻊ ﻣﺸﺎﻛﻠﻚ ﻛﻠﻬﺎ
ﻭﺃﺑﺪﺃ ﺍﻟﻄﺮﺡ !!..
ﺯﺍﻳﺪ ﻭﺟﻊ ﻣﺎ ﺑﻘﺪﻣﻚ
ﺯﺍﻳﺪ ﺣﻘﺪ ﻣﺎ ﺑﺨﺪﻣﻚ
ﺳﺎﻣﺢ
ﻭﺳﺎﻣﺢ
ﻭﺃﺳﺘﺮﺡ ..
_______________________________

ﻓﻲ ﻧﺎﺱ ﺑﺘﺨﺶ ﺣﻴﺎﺗﻚ ﺳﺎﻱ
ﻳﺸﺎﺭﻛﻮﻙ ﻓﻲ ﺍﻟﻔﻬﻢ ﻭﺍﻟﺮﺍﻱ
ﻳﺴﻨﺪﻭﻙ ﻟﻠﺰﻣﺎﻥ ﺍﻟﺠﺎﻱ
ﻭﻳﺒﻘﻮﻟﻚ ﻏﻨﺎ ﻭﺩﻭﺑﺎﻱ
،،،،،،
ﻓﻲ ﻧﺎﺱ ﺑﺘﺮﻳﺪﺍ ﺩﻭﻥ ﻣﺎﺗﺤﺲ
ﺗﺮﻫّﻒ ﻓﻴﻚ ﺩﻭﺍﻡ ﺍﻟﺤﺲ
ﺗﻠﻢ ﺳﺮﻙ ﺗﻀﺎﻳﺮﻭ ﺗﺪﺱ
ﻭﻻ ﺑﺘﺨﺪﺵ ﺣﻴﺎﻙ ﻭﺗﻤﺲ
،،،،،
ﻓﻲ ﻧﺎﺱ ﺗﺘﻤﻨﻰ ﻟﻘﻴﺎﻫﻢ
ﺗﻔﺘﺶ ﻭﺗﺴﻌﻰ ﺗﻠﻘﺎﻫﻢ
ﺑﺼﻮﻧﻮ ﺍﻟﻌﺸﺮﻩ ﻭﺍﻟﺠﺎﻫﻢ
ﻭﻻ ﺑﺘﺒﺎﻫﻮ ﺑﻲ ﺟﺎﻫﻢ
"""
ﻓﻲ ﻧﺎﺱ ﻣﺴﺮﻭﻓﻪ ﺇﻟﻔﻪ ﻭﺣﻦ
ﺗﺤﺲ ﺍﻵﻣﻨﺎ ﺩﻭﻥ ﻣﺎﻧﺌﻦ
ﻗﻠﻮﺏ ﻳﻮﻣﺎﺗﻲ ﻟﻴﻨﺎ ﺗﺤﻦ
ﺗﻀﺠﻨﺎ ﻓﺮﺣﻪ ﻟﻤﺎ ﻧﺼﻦ

ﺍﻧﺎ ﻋﻨﺪﻱ ﻟﻴﻚ ﻛﻢ ﻣﻘﺘﺮﺡ
ﺍﻧﺎ ﻭﺍﻧﺖ ﻧﺒﻘﻰ ﺩﻭﺍﺀ ﻭﻋﻼﺝ
ﻟﻜﻞ ﻣﺤﺒﻮﺏ ﺍﻧﺠﺮﺡ
ﺍﻧﺎ ﻭﺍﻧﺖ ﺯﺍﺗﻨﺎ ﻧﻌﻴﺶ ﻧﻌﻴﻢ
ﻭﻧﺰﻳﺪ ﺑﺸﺎﺋﺮ ﺍﻟﻌﻴﺪ ﻓﺮﺡ
ﻭﺗﻜﻮﻧﻲ ﻟﻲ ﻭﻣﻀﺔ ﻭﺷﻤﻮﻉ
ﻧﺮﺳﻢ ﻣﻌﺎﻟﻢ ﻟﻠﻤﺮﺡ
ﻭﺍﻧﺎ ﺯﺍﺗﻲ ﻟﻴﻚ ﺍﺑﻘﻰ ﺍﻟﺸﻌﺎﻉ
ﻭﺍﺑﻘﺎﻛﻲ ﺯﻱ ﺃﻗﻮﺍﺱ ﻗﺰﺡ
ﻭﺍﺭﺳﻢ ﺧﻴﺎﻝ ﻃﻴﻔﻚ ﺣﻨﻴﻦ
ﻭﺍﺗﻮﺳﺪﻙ ﺳﺎﻋﺔ ﺍﻟﻤﺮﺡ
ﺗﻤﺸﻴﻚ ﺧﻄﺎﻭﻱ ﺍﻟﺮﺟﻌﺔ ﻟﻴﻚ
ﻻ ﺁﻫﺔ ﺗﺎﻧﻲ ﻭﻻ ﺗﺮﺡ
ﺑﻬﻮﺍﻛﻲ ﻳﺎ ﻧﻮﺭ ﺍﻟﻌﻴﻮﻥ
ﻣﺎ ﺍﻧﺘﻲ ﻗﻠﺒﻲ ﺍﻻﻧﻔﺘﺢ
ﺷﺒﺎﻙ ﻏﺮﺍﻡ ﻟﻲ ﻃﻠﺘﻚ
ﻭﺍﺗﻮﺳﺪﻙ ﻟﻴﻜﻲ ﺍﻧﺸﺮﺡ

ﺧﻠﻴﻨﻲ ﺃﺑﻜﻴﻚ ﻣﺮﺗﻴﻦ
ﺍﻷﻭﻟﻰ ﻳﻮﻡ ﻛﺎﻥ ﺍﻟﻌﺸﻖ
ﻭﺍﻟﺘﺎﻧﻴﻪ ﻳﻮﻡ ﻏﺎﺏ ﺍﻟﺤﻨﻴﻦ
ﻭﺧﻠﻴﻨﻲ ﺃﻋﺰﻑ ﻏﻨﻴﺘﻴﻦ
ﺍﻷﻭﻟﻰ ﺗﻄﺮﺏ ﻭﺗﻨﺘﺸﻲ
ﻭﺍﻟﺘﺎﻧﻴﻪ ﺫﺍﺕ ﻟﺤﻨﺂ ﺣﺰﻳﻦ
ﻭﺧﻠﻴﻨﻲ ﺃﻗﻮﻝ ﻟﻴﻚ ﻛﻠﻤﺘﻴﻦ
ﺍﻷﻭﻟﻰ ﻳﺎﺥ ﺍﻧﺎ ﺑﻌﺸﻘﻚ
ﻭﺍﻟﺘﺎﻧﻴﻪ ﻗﻠﺒﻲ ﻋﻠﻴﻚ ﺃﻣﻴﻦ !
ﻭﺃﺭﺟﻮﻙ ﻗﻮﻝ ﻟﻲ ﻛﻠﻤﺘﻴﻦ
ﻭﺭﻳﻨﻲ ﻳﺎﺥ ﺍﻧﺎ ﻣﻴﻦ ﺑﻜﻮﻥ ؟
ﻭﻋﺮﻓﻨﻲ ﻧﻔﺴﻚ ﺇﻧﺖ ﻣﻴﻦ ؟

ﺁﻧﺂ ﺣﺂﻟﺘﻲ ﻭﺻﻴﺘﻚ ﺯﻣﺂﻥ ...
ﺃﺣﻔﻈﻨﻲ ﺟُﻮﺁﻙ ﺧُﺘﻨﻲ !!!
ﻭﺩﻓﻌﺖ ﻟﻴﻚ ﻣﻬﺮ ﺍﻟﻔﺮﺡ ...
ﺍﺩﻳﺘﻨﻲ ﺣﺰﻧﻚ ﻭ ﺑﻌﺘﻨﻲ !!!
ﻗﻮﻝ ﻟﻲ ﻣﺘﻴﻦ ﺃﺭﺿﻰ ﻑﻫﻮﺍﻙ ..
ﻳﺎ ﺍﻟﺒﻲ ﺟﻔﺎﻙ ﻋﺬﺑﺘﻨﻲ !! ؟؟

ﺷﺮّﻗﺖ ﺳﻤﺎ ﺍﻟﺨﺮﻃﻮﻡ
ﻣﺪﺕ ﺻﺒﺎﺡ ﺍﻟﻌﻴﺪ
ﻓﺘﺤﺖ ﻛﻤﺎ ﺍﻟﻄﺎﻗﺎﺕ
ﺑﺎﺭﻙ ﺻﻤﻮﺩﻧﺎ ﺷﻬﻴﺪ
ﺣﺮﻳﺔ ﺭﺳﻤﺖ ﻃﻴﺮ
ﻏﺮﺩ ﻫﺘﺎﻓﻨﺎ ﻧﺸﻴﺪ
ﻛﻞ ﻳﻮﻡ ﺗﻌﻤِّﺪ ﺻﻮﺕ
ﻛﻞ ﻳﻮﻡ ﺃﻣﻠﻨﺎ ﻭﻟﻴﺪ
ﺷﺮّﻗﺖ ﺳﻤﺎ ﺍﻟﺨﺮﻃﻮﻡ
ﻣﻴﻼﺩ ﻭﻃﻦ ﻭﺍﺳﻊ
ﻓﻮﻕ ﺍﻷﻳﺎﺩﻱ ﻧﺠﻮﻡ
ﻣﺎ ﺃﺟﻤﻞ ﺍﻟﻄﺎﻟﻊ
ﺣﻤﺖ ﺍﻟﻀﻠﻤﺔ ﺍﻟﻨﻮﻡ
ﻭﻟﺪﺕ ﺣﻠﻢ ﺷﺎﻓﻊ
ﻳﻮﻣﺎﺗﻲ ﺑﻜﺒﺮ ﻓﻴﻚ
ﻳﺎ ﻃﺎﻟﻊ ﺍﻟﺸﺎﺭﻉ
ﺷﺮّﻗﺖ ﺳﻤﺎ ﺍﻟﺨﺮﻃﻮﻡ
ﻣﻠﺖ ﺍﻟﻮﻃﻦ ﻭﺣﺪﺓ
ﺻﻨﻌﺖ ﻃﺮﻳﻘﻨﺎ ﺧﻄﺎﻙ
ﻭ ﺍﻟﺸﺎﺭﻉ ﺍﻣﺘﺪ
ﺃﻳﺪَﻳَّﻔﻲ ﺇﻳﺪﻳﻚ
ﻓﻲ ﺍﻟﺨﻴﺮ ﻭ ﻓﻲ ﺍﻟﺸﺪﺓ
ﻣﺎ ﺗﺨﺎﻑ ﺃﺧﻮﻙ ﻭﺭﺍﻙ
ﻻ ﺭﺟﻌﺔ ﻻ ﺭﺩﺓ
ﺷﺮّﻗﺖ ﺳﻤﺎ ﺍﻟﺨﺮﻃﻮﻡ
ﺳﺒﻮﺭﺓ ﻓﻲ ﺍﻟﺤﻴﻄﺎﻥ
ﺷﻌﺒﺎ ﻣﻌﻠﻢ ﻗﺎﻝ
ﺍﻟﻌﺰﺓ ﻟﻸﻭﻃﺎﻥ
ﻛﻞ ﺍﻟﺒﻠﺪ ﻣﻨﺼﻮﺭ
ﻛﻞ ﺍﻟﺒﻠﺪ ﺳﻮﺩﺍﻥ
ﻭﺁﻣﺎﻟﻨﺎ ﺯﻱ ﺍﻟﺸﺎﻱ
ﻣﺼﺒﻮﺑﺔ ﻓﻲ ﺍﻟﻤﻴﺪﺍﻥ