ﻭﻟﻤﺎ ﺗﻘﺴﻲ ﻋﻠﻴﻚ ﻇﺮﻭﻓﻚ
ﻭﻟﻤﺎ ﻳﺴﻜﻦ ﻓﻴﻜﺎ ﺧﻮﻓﻚ
ﻭﺗﺒﻜﻲ ﻣﺎﻓﻲ ﺯﻭﻝ ﻳﺸﻮﻓﻚ
ﺣﻘﻮ ﺗﺮﺳﻢ ﺇﺑﺘﺴﺎﻣﺔ
ﻭﻟﻤﺎ ﻛﻞ ﺍﻟﻨﺎﺱ ﺗﺴﻴﻴﺒﻚ
ﻭﻟﻤﺎ ﻳﻘﺴﺎ ﻋﻠﻴﻚ ﺣﺒﻴﺒﻚ
ﻭﻟﻤﺎ ﺗﺰﻋﻞ ﺷﺎﻥ ﻧﺼﻴﺒﻚ
ﺑﺮﺿﻮ ﺃﺭﺳﻢ ﺇﺑﺘﺴﺎﻣﺔ
ﻭﻟﻤﺎ ﺗﺴﻤﻊ ﺩﻋﻮﺓ ﺍﻣﻚ
ﺗﻠﻘﺎ ﻛﻞ ﺍﻟﺨﻴﺮ ﻳﻀﻤﻚ
ﻭﺗﻠﻘﺎ ﻛﻞ ﺍﻟﺪﺍﻳﺮﻭ ﺟﻨﺒﻚ
ﺑﺮﺿﻮ ﺃﺭﺳﻢ ﺇﺑﺘﺴﺎﻣﺔ
ﻭﻟﻤﺎ ﺗﻔﺘﺢ ﺗﺎﺍﻧﻲ ﻗﻠﺒﻚ
ﺍﻧﺖ ﻟﻲ ﺯﻭﻝ ﻣﺎ ﺑﺤﺒﻚ
ﻭﺗﻨﺠﺮﺡ ﻣﻨﻮ ﻭﻳﻐﻠﺒﻚ
ﺑﺮﺿﻮ ﺃﺭﺳﻢ ﺇﺑﺘﺴﺎﻣﺔ
ﻭﻟﻤﺎ ﺟﺮﺣﻚ ﻳﺒﻘﻲ ﻏﺎﻳﺮ
ﻭﻓﻲ ﺩﺭﻭﺑﻮ ﺍﻧﺖ ﺳﺎﻳﺮ
ﻭﺗﻠﻘﻲ ﻛﻞ ﺍﻟﻜﻮﻥ ﻣﻐﺎﻳﺮ
ﺑﺮﺿﻮ ﺃﺭﺳﻢ ﺇﺑﺘﺴﺎﻣﺔ
ﻭﻟﻤﺎ ﺗﺴﻌﻒ ﺍﻧﺖ ﺭﻭﺣﻚ
ﻭﺗﺒﻘﺎ ﺑﻠﺴﻢ ﻟﻲ ﺟﺮﻭﺣﻚ
ﻭﺗﺒﺪﺍ ﺗﺒﻨﻲ ﺗﺎﻧﻲ ﺭﻭﺣﻚ
ﺑﺮﺿﻮ ﺃﺭﺳﻢ ﺇﺑﺘﺴﺎﻣﺔ
ﻗﺎﻟﻮ ﺳﺮ ﺍﻟﺪﻧﻴﺎ ﺑﺴﻤﺔ
ﻓﻴﻬﺎ ﻧﻠﻘﺎ ﺍﻟﻔﺮﺣﺔ ﻧﺴﻤﺔ
ﻭﻛﻞ ﻇﺮﻭﻓﻨﺎ ﻣﻌﺎﻫﺎ ﻗﺴﻤﺔ
ﻭﺣﻘﻮ ﻧﺒﺪﺍﻫﺎ ﺇﺑﺘﺴﺎﻣﺔ
_________________________________________
اذا لم تتفاعل مع المنشور لن تظهر لگ
منشوراتنا علي الصفحة الرئيسية

نحن الغضب الما بندسَّ
و إنتَ الخايف مننا أسه
لا بنتراجع و لا بنضِل
و لا بترهبنا كتايب ظِل
# يا_طالع_الشارع
أهتف بعلو الصوت
سلمية سلمية
حرية حرية

سلمية سلمية
و العزة أوطاني
أفديك و تفديني
لا رجعة من تاني
ما إنتَ سوداني وأنا ذاتي سوداني
سوداني يا غالي يا أرض حرية
تفداك أرواحنا و أملاكنا محمية
مرقتنا مشروعة و ثورتنا سلمية
لا لامة مرتزقة ولا ديل حرامية
يا طالع الشارع أصرخ بعلو الصوت
حرية حرية
سلمية سلمية
ضد الحرامية

#سلمية_سلمية_ضد_الحرامية
#تسقط_بس

تم الإرسال من خلال التطبيق Topic'it

ﺷﻔﺘﻪ ﻛﻴﻒ ﺍﻟﺪﻧﻴﺎ ﺗﻀﺤﻚ
ﻟﻤﺎ ﺗﺒﺴﻢ ﻟﻲ ﻋﻴﻮﻧﻚ
ﻣﺎﻓﻲ ﺣﺎﺟﻪ ﺗﺨﻠﻲ ﻗﻠﺒﻲ
ﻭﻣﺎﻓﻲ ﻣﺎﻧﻊ ﻣﺎﻳﺼﻮﻧﻚ
ﺍﻧﺖ ﺍﺻﻠﻚ ﻳﺎﺧﻲ ﻛﻮﻧﻲ
ﻭﺑﺒﻘﻰ ﺍﺳﻌﺪ ﻟﻮ ﺍﻛﻮﻧﻚ
ﻛﺘﺮ ﺍﻟﺸﻮﻕ ﻓﻲ ﻏﻴﺎﺑﻲ
ﻭﻣﺎ ﺗﻔﻜﺮ ﻓﻲ ﻇﻨﻮﻧﻚ
ﺍﺻﻠﻮ ﺍﺧﺮ ﺣﺎﺟﻪ ﻣﻨﻲ
ﻛﻮﻧﻮ ﻣﺮﺓ ﺍﻗﻮﻝ ﺍﺧﻮﻧﻚ
ﻗﻠﺒﻲ ﻣﺨﻠﻮﻕ ﻟﻴﻚ ﻋﺸﺎﻧﻚ
ﻛﻞ ﺣﻴﺎﺗﻮ ﻳﻌﻴﺶ ﻳﺼﻮﻧﻚ
ﻭﻟﻮ ﻳﻔﻜﺮ ﻣﺮﺓ ﻳﺒﻌﺪ
ﻣﺎ ﺣﻴﺒﻘﻰ ﺍﻛﻴﺪ ﺑﺪﻭﻧﻚ
ﻳﺎ ﻭﺭﺕ ﻻﻣﺲ ﺣﻨﺎﻧﻲ
ﺑﺈﻧﺪﻫﺎﺵ ﺭﻭﻋﻪ ﺷﺠﻮﻧﻚ
ﺯﻱ ﻣﻼﻙ ﺍﻧﺴﺎﻥ ﻣﺠﻤﻞ
ﻳﺎﺍﺍﺍﺍﺍﺍﺍﺍﺍﺍﺧﻲ تسلم ﻟﻲ ﻋﻴﻮﻧﻚ

تم الإرسال من خلال التطبيق Topic'it

ﺑﺮﺍﺍﺍﺍﺍﺍﻫﺎ ﺍﻟﺪﻧﻴﺎ ﺑﺘﻮﺭﻳﻚ
ﻣﻨﻮ ﺍﻟﻤﺴﺘﻨﻲ ﻓﻴﻚ ﻋﺘﺮﻩ
ﻭﻣﻨﻮ ﺍﻟﺮﺍﻛﺰ ﻳﺸﺪ ﺣﻴﻠﻚ !!
ﻣﻨﻮ ﺍﻟﻘﻠﺒﻚ ﺳﻜﻦ ﻗﻠﺒﻮ
ﻭﻳﻌﺪﻝ ﻟﻴﻚ ﺩﻭﺍﻡ ﻣﻴﻠﻚ
ﻣﻨﻮ ﺍﻟﺒﻀﺤﻚ ﻭﻗﺖ ﺗﺒﻜﻲ
ﻣﻨﻮ ﺍﻟﻌﺎﻳﺶ ﻣﻌﺎﻙ ﻭﻳﻠﻚ
ﻣﻨﻮ ﺍﻟﺒﺴﻬﺮ ﻋﻠﻴﻚ ﺷﻔﻘﺎﻥ
ﺇﺫﺍ ﺍﻇﻠﻢ ﻋﻠﻴﻚ ﻟﻴﻠﻚ

أشعار وئام كمال الدين
والكيف ما بن ،،
ما قهوة وشاي،،،
الكيف،،،
همسات من صوتك سااي...
يا زول ،،،
محسوس حوشك بالريد جواي
مرشوش،،،
اتفضل شوف هل عندك رأي
وانا لسة بقول الكيف ما شاي
الكيف همسات من صوتك ساي..
من مدة إيدك بالإحساس
شايل الفنجان قاصدني وجاي
من حس الريد الفيك غناي
من لون عينيك الفيهو دواي
يا زولي مناي ما تمد ل زول
شربني براااي ،،
نكهات الشاي ،،،
طقات البن،،،
دقات الفندق فيها أساي
كلها مكبوكبة قصاد عينيك،،
أرحمني كفاي
قريفت الشاافع في الاحساس اصببح
خرمان وعليك بكاي
والكيف ما بن،،
ما قهوة وشاي ،،،
الكيف،،،
همسات من صوتك ساي ،،

وانا رغم كل تجريح هواك
بتمنى ليك كل السمح
ولا حتى ندمان يوم عليك
شأن يوم خسرتك كان ربح
وقليبي لو حارقو الفراق
خليييهو يتووجع سممممح
سواها في روووحو وقعد
الليله بشكي من الجرررح
_____________________________

ﺍﻟﻈﺮﻭﻑ ﺩﺍﻳﻤﺎ ﺑﺘﺠﺒﺮ
ﻭﻧﺤﻦ ﺣﺎﻛﻤﺎﻧﺎ ﺍﻻﺭﺍﺩﺓ
ﻣﺎﻓﻲ ﺯﻭﻝ ﻟﻲ ﻧﻔﺴﻮ ﻳﻘﺪﺭ
ﺑﻜﺘﺐ ﺍﻟﺨﻴﺮ ﻭﺍﻟﺴﻌﺎﺩﺓ
ﻛﻴﻒ ﺗﻜﻮﻥ ﺍﺣﻼﻣﻨﺎ ﻭﺍﻗﻊ
ﻭﺍﻟﻌﻴﻮﻥ ﻋﺸﻘﺖ ﺳﻬﺎﺩﺓ
ﻭﺍﻟﻘﻠﻮﺏ ﻛﻴﻔﻦ ﺗﺤﻘﻖ
ﻟﻲ ﺍﻣﺎﻧﻴﻬﺎ ﻭﻣﺮﺍﺩﺓ
ﻭﻧﺤﻦ ﻋﺎﻳﺸﻴﻦ ﻓﻲ ﻣﺴﻠﺴﻞ
ﻛﻞ ﻳﻮﻡ ﺣﻠﻘﺎﺕ ﻣﻌﺎﺩﺓ
ﺩﺍﻙ ﻣﺴﺎﻓﺮ ﻭﺩﺍﻙ ﺭﺍﻗﺪ
ﻭﺩﺍﻙ ﻣﺮﻳﺾ ﻭﺩﻭ ﺍﻟﻌﻴﺎﺩﺓ
ﺑﺎﻟﻌﻠﻴﻨﺎ ﺑﻘﻴﻨﺎ ﻧﺴﺮﺡ
ﻭﺍﻟﺴﻨﻴﻦ ﻓﺎﻗﺪﻳﻦ ﻋﺪﺍﺩﺓ
ﻭﻟﻮ ﺳﺄﻟﻨﺎ ﺍﺳﺒﺎﺏ ﻇﺮﻭﻓﻨﺎ
ﺳﺆﺍﻟﻨﺎ ﻳﺒﻘﺎ ﺳﺆﺍﻝ ﺑﻼﺩﺓ
ﺍﻟﻔﺮﺡ ﻣﻴﺰﺍﻧﻮ ﻧﺎﻗﺺ
ﻭﻓﻲ ﺍﻟﺤﺰﻥ ﻣﺎﺧﺪﻳﻦ ﻫﻮﺍﺩﺓ
ﻭﺍﻟﻌﻤﺮ ﻣﺤﺴﻮﺏ ﻣﻘﺪﺭ
ﺩﻳﻤﻪ ﻳﻨﻘﺺ ﺑﺎﻟﺰﻳﺎﺩﺓ
ﻭﺍﻟﺨﻠﻮﻕ ﻓﻲ ﺍﻟﺪﻧﻴﺎ ﺟﺎﺭﻳﺔ
ﻓﺎﻛﺮﺍ ﺍﻧﻮ ﺍﻟﻤﺎﻝ ﺳﻌﺎﺩﺓ
ﻭﻧﺎﺳﻴﻪ ﺍﻧﻮ ﺍﻟﻤﻮﺕ ﻗﺮﻳﻴﺐ
ﻭﻣﺎﻫﺎ ﺷﺎﻳﻠﺔ ﻣﻌﺎﻫﺎ ﺯﺍﺩﺓ

ﺇﻟﻴﻚ ‏( ﺇﺫﺍ ﻓﺎﺿﻲ ﻃﺒﻌﺎ ‏)
ﺗﻌﺎﻝ ﻧﺘﻘﺎﺳﻢ ﺍﻟﻨﺠﻤﺎﺕ
ﻭﻧﺘﺸﺎﺭﻙ ﺣﺪﻭﺩ ﺍﻟﻜﻮﻥ
ﺃﺷﻜﻞ ﻛﻠﻮ ﻛﺎﺋﻦ ﻓﻴﻚ
ﻭﻣﻦ ﺣﺰﻣﺔ ﺑﻴﺎﺽ ﺍﻟﻠﻮﻥ
ﺗﻜﻮﻥ ﻟﻮﻥ ﺍﻟﻬﺪﻭﺀ ﻓﻴﻨﻲ
ﻭ ﺃﻛﻮﻥ ﻟﻴﻚ ﻟﻮﻧﻚ ﺍﻟﻤﺠﻨﻮﻥ
ﺇﺫﺍ ﻛﺎﻥ ﺍﻟﺨﻴﺎﺭ ﻣﻄﺮﻭﺡ
ﻭﻛﻞ ﻣﻜﺘﻮﺏ ﻣﺼﻴﺮﻭ ﻳﻜﻮﻥ
ﻓﻤﺎ ﺑﻴﻦ ﺍﻟﺤﻴﺎﺩ ﺍﻟﺼﺮ
ﻭﺑﻴﻦ ﺍﻟﻜﺎﻑ ﻭﺣﺮﻑ ﺍﻟﻨﻮﻥ
ﺇﺭﺍﺩﺓ ﻃﺒﻌﻚ ﺍﻟﺠﺎﻣﺢ
ﻭ ﺭﻏﺒﺔ ﻋﻘﻠﻚ ﺍﻟﻤﻔﺘﻮﻥ
ﻛﻼﻣﻚ ﻓﻲ ﺍﻟﺨﻴﺎﻝ ﺑﻴﻠﻮﺡ
ﻳﺴﺮﺏ ﻟﻲ ﻏﻨﺎﻙ ﺣﻨﻮﻥ
ﺑﺨﺎﻑ ﻣﻦ ﺍﻟﺴﻜﺎﺕ ﻟﻮ ﺣﺎﻡ
ﻳﻬﺮﺏ ﻟﻲ ﺩﻭﺍﺧﻠﻲ ﻇﻨﻮﻥ
ﻭﺣﺎﺓ ﺍﻟﺒﻴﻨﺎ ﺃﻭﻋﺎ ﺗﺼﻦ
ﻭﻣﺎ ﺗﺤﻮﻝ ﺿﺠﻴﺠﻲ ﺳﻜﻮﻥ
ﺗﻌﺎﻝ ﻣﺎﺗﻔﻮﺕ ﻭﺧﻠﻲ ﺍﻟﺒﺎﻝ
ﻭﻣﺎﺗﻜﻮﻥ ﻟﻠﻬﻤﻮﻡ ﻣﺎﻋﻮﻥ
ﻭﻻ ﺗﺨﺖ ﻟﻮﻡ ﻋﻠﻲ ﺃﻭﺯﺍﻥ
ﻋﻮﺍﻟﻢ ﻛﻴﻼ ﻣﺎ ﻣﻀﻤﻮﻥ
ﺇﺫﺍ ﻣﺎ ﻃﻔﻒ ﺍﻟﻤﻴﺰﺍﻥ
ﻛﻔﺎﻱ ﺣﺲ ﻛﻔﺘﻚ ﻣﻮﺯﻭﻥ

ﺷﺮﻕ - ﺣﺮﻑ ﺍﻟﻜﻼﻡ ﺣﻠﻘﻲ
- ﺷﺮﻕ - ﺭﻳﺪ ﺍﻟﻤﺤﻨﺔ ﺻﺒﺎﺡ ....
- ﻃﺒﻖ - ﺳﻠﻤﺖ ﻓﻴﻮ ﻗﻠﺒﻲ
ﻭ - ﻃﺒﻖ - ﻫﺠﺮﻙ ﻛﻼﻣﻲ ﺍﻟﺮﺍﺡ .....
- ﻋﺠﻦ - ﺣﺴﻨﻚ ﺍﺣﺎﺳﻴﺴﻲ
ﻭ - ﻋﺠﻦ - ﻏﻨﺠﻚ ﻣﻼﻧﻲ ﺟﺮﺍﺡ ......
- ﻧﺼﻴﺢ - ﺍﻧﺎ ﺭﻏﻢ ﺟﻨﻲ ﺍﻟﺒﻲ
- ﻧﺼﻴﺢ - ﺍﻧﺎ ﻭﺍﻟﻬﻢ ﺍﻟﻨﻮﺍﺡ .........
- ﺑﺮﻳﺪﻙ - ﺑﺤﺖ ﺑﻲ ﺣﺒﻲ
ﻭ - ﺑﺮﻳﺪﻙ - ﺑﺎﻟﺴﻼﻡ ﻣﺎ ﺑﺎﺡ .........
ﻭ - ﺃﻛﻴﺪ - ﺑﺎﻟﻠﻘﻴﺎ ﻋﺰﺍﻟﻲ
ﻭ - ﺃﻛﻴﺪ - ﺃﻧﺎ ﺑﻲ ﻟﻘﺎﻙ ﺑﺮﺗﺎﺡ .........
ﻭ - ﺑﺴﺘﻨﺎﻛﺎ - ﻓﻲ ﺍﻟﻤﻴﻌﺎﺩ
ﻭ - ﺑﺲ ﺗﻨﺎﻛﺎ - ﻗﻤﺮﻱ ﺍﻟﻼﺡ ........
- ﺃﺳﻴﻞ - ﺗﺘﺪﻓﻖ ﺃﺷﻮﺍﻗﻲ
ﻭ - ﺃﺳﻴﻞ - ﺧﺪﻙ ﺗﻘﻮﻝ ﻣﺼﺒﺎﺡ ........
ﻭ - ﺃﺭﺍﺿﻴﻚ - ﻭﺍﻧﺖ ﺗﻘﺴﻰ ﻋﻠﻲ
ﻭ - ﺍﺭﺍﺿﻴﻚ - ﺩﻭﻧﺎ ﻣﺎﻓﻲ ﺑﺮﺍﺡ ..........
- ﺳﺤﺮ - ﺿﻠﻢ ﻛﺤﻞ ﻋﻴﻨﻴﻚ
- ﺳﺤﺮ - ﻋﻴﻨﻲ ﻭﻟﻴﺎ ﺍﺟﺘﺎﺡ ..........
- ﺭﻗﻴﻖ - ﻟﺤﻈﻚ ﺃﺳﺮﻧﻲ ﺑﻘﻴﺖ
- ﺭﻗﻴﻖ - ﺭﻣﺸﺎ ﻛﺤﻴﻞ ﺿﺒﺎﺡ ..........
ﻭ - ﻧﻮﺭ - ﻧﻮﺭ ﺿﻼﻡ ﺍﻟﻌﻴﻦ
ﻭ - ﻧﻮﺭ - ﺃﺯﻫﺎﺭﻙ ﺍﻟﻔﻮﺍﺡ .........
- ﺑﺮﻭﻕ - ﻟﻮ ﻣﺮﺓ ﺗﻄﺮﺍﻧﻲ
ﻭ - ﺑﺮﻭﻕ - ﻧﻮﺭﻙ ﺗﻠﻮﺣﻠﻲ ﻟﻮﺍﺡ ..........
- ﻭﻻ ﻣﻦ ﺫﻛﺮﻳﺎﺗﻲ ﺍﻟﺒﻮﺡ ....
- ﻭﻻﻣﻦ ﺟﻴﺖ ﺃﺑﻮﺡ ﺑﺼﺮﺍﺡ ...
- ﺷﺮﻕ ﺣﺮﻑ ﺍﻟﻜﻼﻡ ﺣﻠﻘﻲ ...
- ﻭﺷﺮﻕ ﺭﻳﺪ ﺍﻟﻤﺤﻨﺔ ﺻﺒﺎﺡ ..
.
.
ﻭﺋﺎﻡ ﻛﻤﺎﻝ ﺍﻟﺪﻳﻦ