ﻋﻨﺎﻭﻳﻦ ﺍﻟﺼﺤﻒ ﺍﻟﺮﻳﺎﺿﻴﺔ ﺍﻟﺼﺎﺩﺭﺓ ﺑﺎﻟﺨﺮﻃﻮﻡ ﺻﺒﺎﺡ ﺍﻟﻴﻮﻡ ﺍﻟﺠﻤﻌﺔ 23 ﺃﻏﺴﻄﺲ 2019 ﻡ

ﺍﺷﺘﻘﺖ ﻟﻴﻚ
ﺳﺎﻋﺔ ﺍﻟﻤﺴﺎ ﻓﺮﺩ ﺍﻟﺠﻨﺎﺡ
ﻟﻤﻠﻢ ﻣﺼﺎﺑﻴﺢ ﺍﻟﻨﻬﺎﺭ
ﻭﻛﻞ ﺷﻲ ﺻﺒﺢ ﻟﻮﻥ ﺍﻟﺠﺮﺍﺡ
ﻭﺍﻟﻌﺘﻤﺔ ﻧﺎﻣﺖ ﻓﻲ ﺍﻟﺪﺭﻭﺏ
ﻭﺍﻟﻠﻴﻞ ﻟﺒﺲ ﺃﺟﻤﻞ ﻭﺷﺎﺡ
ﻓﻲ ﺍﻟﻠﺤﻈﻪ ﺩﻳﻚ ﺍﺣﺘﺠﺖ ﻟﻴﻚ ﺍﺷﺘﻘﺖ ﻟﻴﻚ
ﺷﻮﻕ ﺍﻟﻴﺘﻴﻢ ﻏﻠﺒﻮ ﺍﻟﺒﻜﺎ .. ﻭﺍﻟﻌﺒﺮﺓ ﺳﺪّﺕ ﻓﻲ ﺍﻟﺤﻠﻖ
ﻻﻣﻦ ﺷﺮﻕ ﺑﻲ ﺣﺰﻧﻮ ﻭﺍﺣﺰﻧﻲ ﺍﺗﻜﺎ
ﻓﻮﻕ ﺍﻟﺠﺮﺡ ﻭﺍﻟﻘﻠﺐ ﻓﻲ ﺍﻷﻋﻤﺎﻕ ﺑﻜﺎ
ﻓﻲ ﺍﻟﻠﺤﻈﻪ ﺩﻳﻚ ﺍﺷﺘﻘﺖ ﻟﻴﻚ ﻭﺑﻘﻴﺖ ﺃﻫﺎﺗﻲ ﺑﻴﻚ
ﻭﻋﺮﻓﺖ ﻛﻴﻒ ﺣﺎﻝ ﺍﻟﻐﺮﻳﺐ ﺍﻟﻘﺎﻟﻮﺍ ﺳﺎﻓﺮ ﻟﻲ ﺑﻼﺩﺍً
ﻗﺎﻟﻮﺍ ﺑﻲ ﺧﻠﻒ ﺍﻟﻘﻤﺮ
ﻣﻦ ﻛﻢ ﺳﻨﻪ ﺳﺮﺝ ﺍﻟﻨﻴﺎﻕ ﻓﻲ ﻟﻴﻞ ﻭﺣﺎﺗﻚ ﺩﻭﻥ ﺧﺒﺮ
ﻣﻦ ﻳﻮﻣﻮ ﺩﺍﻙ ﺃﺻﺒﺢ ﺯﻭﺍﻝ ﻭﻻ ﻛﻠﻤﻪ ﻋﻨﻮ ﻭﻻ ﺃﺛﺮ
ﺩﺭﻭﻳﺶ ﻭﺳﺎﺩﺭ ﻓﻲ ﺍﻟﻘﺪﺭ ﻻ ﺯﺍﺩ ﻭﻻ ﺭﻓﻘﺔ ﺣﺒﻴﺐ
ﻓﻲ ﺍﻟﻠﺤﻈﻪ ﺩﻳﻚ ﻓﺘﺸﺖ ﻓﻲ ﻛﻞ ﺍﻟﺪﺭﻭﺏ ﻛﺎﻳﺲ ﺩﺭﻳﺒﺎ
ﺣﺘﻰ ﺇﻥ ﺻﺒﺢ ﺯﻱ ﺍﻟﺼﺮﺍﻁ ﻳﺠﻤﻌﻨﻲ ﺑﻴﻚ
ﺃﺗﺼﻮﺭﻱ ﺣﺎﻝ ﺍﻟﻐﺮﻳﺐ ﻭﺍﻟﻨﺎﺱ ﺑﺘﺴﺄﻝ
ﻋﻦ ﺑﻼﺩﺍً ﺃﺻﻠﻮ ﻣﺎ ﻣﻌﺮﻭﻓﻪ ﻭﻳﻦ
ﻳﺎ ﻛﺒﺪﻱ ﻟﻲ ﺯﻭﻻً ﻏﺮﻳﺐ ﺣﻀﻦ ﺍﻷﺳﻰ ﻋﺒﺮ ﺍﻟﺴﻨﻴﻦ
ﻓﻲ ﺍﻟﻠﺤﻈﻪ ﺩﻳﻚ ﻛﻞ ﺷﻲﺀ ﻭﺩﺭ
ﺣﺴﻴﺖ ﺣﺸﺎﻱ ﻣﺸﺪﻭﺩ ﻋﻠﻰ ﺷﻮﻙ ﺍﻟﻜﺘﺮ
ﻭﻛﺎﻥ ﺍﻟﻤﺴﺎ ﻭﺍﺣﺰﻧﻲ ﺳﺎﻋﺔ ﻣﺎ ﻭﺻﻞ
ﻛﻞ ﺷﻲﺀ ﺷﺮﺏ ﻟﻮﻥ ﺍﻟﻨﺰﻳﻒ
ﺣﺘﻰ ﺍﻟﺴﺤﺎﺑﻪ ﺍﻟﺮﺍﺣﻠﻪ ﻓﻲ ﺟﻮﻑ ﺍﻟﺸﺘﺎ
ﻋﻄﺸﺎﻧﻪ ﺗﺤﻠﻢ ﺑﺎﻟﺨﺮﻳﻒ !!
ﻣﺎ ﻗﺎﺩﺭﻩ ﺗﺰﺭﻑ ﻟﻠﺪﻣﻮﻉ .. ﺍﺗﺼﻮﺭﻱ ﺣﺘﻰ ﺍﻟﺒﻜﺎ ﺃﺻﺒﺢ ﺣﺮﺍﻡ
ﻭﺍﻟﺪﻣﻌﺔ ﻳﺒﺴﺖ ﻓﻲ ﺍﻟﺤﺸﺎ .. ﺍﺗﺼﻮﺭﻱ ﺑﺲ ﺣﺎﻟﻲ ﻛﻴﻒ
ﺣﺘﻰ ﺍﻟﻌﻴﻮﻥ ﺯﻱ ﻋﻴﻦ ﺟﻌﺎﻥ ﺳﺎﻋﺔ ﻧﺸﻮﻑ ﺃﺟﻤﻞ ﻗﻤﺮ
ﺗﺘﺸﺮﻩ ﻓﻲ ﺍﻟﻤﺼﺮﺍﻥ ﺭﻏﻴﻒ
ﻣﺎ ﺑﺮﺿﻮ ﺯﻱ ﺯﻭﻻً ﺻﺒﺢ ﻭﺣﺪﺍﻧﻲ ﻓﻲ ﻗﻠﺐ ﺍﻟﺮﺻﻴﻒ
ﻳﺮﺳﻢ ﺧﻄﻮﻁ ﻓﻲ ﺍﻟﺮﻣﻠﻪ ﻭﺍﻟﺮﻳﺢ ﺍﻟﻴﻮﻟﻮﻝ ﻓﻲ ﺍﻟﺒﺤﺮ ﻗﺎﺳﻲ ﻭﻋﻨﻴﻒ
ﻓﻲ ﺍﻟﺴﺎﻋﺔ ﺩﻳﻚ ﻭﻓﻲ ﺍﻟﻠﺤﻈﺔ ﺩﻳﻚ ﻣﺪﻳﺖ
ﻣﻌﺎﺑﺮ ﺷﻮﻗﻲ ﻟﻴﻚ ﻭﺣﻨﻴﻦ ﺣﻨﻴﻨﻲ ﺍﻟﻄﺎﻏﻲ ﻟﻴﻚ
ﻛﺎﻳﺲ ﺍﺟﻴﻚ ﻭﺩﺍﻳﺮ ﻣﺠﻴﻚ ﻭﺑﻘﻴﺖ ﺿﻌﻴﻒ
ﻭﺍﻗﻒ ﻋﻠﻰ ﺩﺭﺏ ﺍﻷﺳﻰ ﻋﻄﺸﺎﻥ ﻭﻛﺎﻳﺲ ﻟﻲ ﺯﺍﺩ
ﻭﻛﻞ ﺍﻟﺰﺭﻋﺘﻮ ﻣﻊ ﺍﻟﺴﻨﻴﻦ ﺳﺎﻋﺔ ﺍﻟﺤﺼﺎﺩ ﺃﻛﻠﻮ ﺍﻟﺠﺮﺍﺩ
ﻭﻓﻀﻠﺘﻲ ﺇﻧﺖِ ﻫﻨﺎﻙ ﺑﻌﻴﺪﻩ ﻣﻊ ﺍﻟﺒﻌﺎﺩ
ﻭﺣﺪﻙ ﻫﻨﺎﻙ ﻋﺒﺮ ﺍﻟﻤﺪﻯ ﻣﺎ ﺳﺎﻣﻌﻪ ﺻﻴﺤﺎﺕ ﺍﻟﻴﺘﻴﻢ
ﺑﻴﻤﻮﺕ ﻭﺣﻴﺪ ﻓﻲ ﺍﻟﻀﻠﻤﻪ ﺯﻱ ﻣﻮﺕ ﺍﻟﺼﺪﻯ
ﻭﺑﻘﻴﺘﻲ ﺇﻧﺖِ ﻫﻨﺎﻙ ﺑﺮﺍﻙ
ﺯﻱ ﺍﻟﻔﻨﺎﺭ ﺍﻟﻮﺍﻗﻔﻪ ﻓﻲ ﻗﻠﺐ ﺍﻟﻐﺮﻳﻖ .. ﻋﺒﺮ ﺍﻟﻤﺪﻯ
ﻭﺃﻧﺎ ﺍﻟﺒﻌﻴﺪ ﻏﺮﻗﺎﻥ ﻭﺑﺤﺘﻞ ﺣﺘﻪ ﺣﺘﻪ ﺑﻼ ﻫﺪﻯ
ﻭﻓﻲ ﺍﻟﻠﺤﻈﺔ ﺩﻳﻚ ﺍﺷﺘﻘﺖ ﻟﻴﻚ ﻭﺍﺣﺘﺠﺖ ﻟﻴﻚ

ﺻﺪﻕ ﺍﻟﻘﺎﻝ ﺟﺮﻭﺣﻚ ﻣﺎ ﺑﺘﻮﺟﻊ ﺯﻭﻝ
ﻭﺻﺪﻕ ﺍﻟﻘﺎﻝ ﻫﻤﻮﻣﻚ ﻟﻮ ﺷﻜﻴﺖ ﺑﺘﻄﻮﻝ
ﻣﺎ ﻛﻞ ﺍﻟﻜﻼﻡ ﺍﻟﺒﻨﻔﻌﻚ ﻣﻌﺴﻮﻝ
ﻭﻣﺎ ﻛﻞ ﺍﻟﺼﺪﺍﻉ ﺑﻴﻌﺎﻟﺠﻮ ﺑﺎﻟﺒﻨﺪﻭﻝ
ﻭﻣﺎ ﻛﻞ ﺍﻟﺘﺮﻳﺪﻭ ﻣﺆﻛﺪ ﺍﻧﻮ ﺑﺮﻳﺪﻙ
ﻭﻣﺎ ﻛﻞ ﺍﻟﺒﻴﻀﺮﺏ ﻟﻴﻚ ﺑﻬﻤﻮ ﺟﺪﻳﺪﻙ
ﺍﻟﺮﻳﺪ ﺑﺎﻟﻐﺼﺐ ﻻ ﺑﻨﻔﻌﻚ ﻻ ﺑﻴﻔﻴﺪﻙ،،،ﻭﺯﻭﻻ ﻣﺎ ﻫﻮ ﻟﻴﻚ ﺍﺧﺘﺎﻫﻮ ﻭﺍﺭﻓﻊ ﺍﻳﺪﻙ .
ﻭﻣﺎ ﻛﻞ ﺍﻟﺒﻴﻀﺤﻚ ﻟﻴﻚ ﺗﺒﻘﻰ ﺣﺒﻴﺒﻮ
ﻭﻣﺎ ﻛﻞ ﺍﻟﺒﻴﻐﻠﻂ ﻣﺮﻩ ﺍﻧﺖ ﺗﺴﻴﺒﻮ
ﺍﻻﻳﺎﻡ ﻛﺘﻴﺮﻩ ﻭﻛﻞ ﺯﻭﻝ ﺑﻴﻠﻘﻲ ﻧﺼﻴﺒﻮ،،،ﻭﺍﻟﺮﺍﺟﻞ ﻣﻮﺍﻗﻒ ﻣﺎ ﺑﻴﻘﻴﻤﻮ ﺑﻲ ﺟﻴﺒﻮ
ﻭﻣﺎ ﻛﻞ ﺍﻟﺒﻘﺎﺑﻠﻚ ﺑﻲ ﺑﺸﺎﺷﻪ ﻳﻐﺮﻙ
ﻭﻣﺎ ﻛﻞ ﺍﻟﺒﺼﺎﺣﺒﻚ ﺗﺪﻳﻬﻮ ﺣﺎﻻ ﺳﺮﻙ
ﺍﻟﻠﻴﻠﻪ ﺍﻟﺒﻴﻀﺤﻚ ﻟﻴﻚ ﻭﻳﻘﺎﺳﻤﻚ ﻣﺮﻙ،،، ﺑﺎﻛﺮ ﻳﺎﻫﻮ ﺯﺍﺗﻮ ﺍﻟﻔﻲ ﺍﻟﻨﻬﺎﻳﻪ ﺑﻴﻀﺮﻙ .
ﻭﻣﺎ ﻛﻞ ﺍﻟﺒﻤﺪ ﺍﻳﺪﻳﻬﻮ ﻗﺎﺻﺪ ﻳﺴﻠﻢ
ﻭﻣﺎ ﻛﻞ ﺍﻟﻤﺴﻚ ﻗﻠﻤﻮ ﻭﻛﺘﺎﺏ ﻣﺘﻌﻠﻢ
ﻭﻣﺎ ﺗﺠﺮﺡ ﻣﺸﺎﻋﺮ ﺍﻟﻨﺎﺱ ﻭﻟﻴﻬﺎ ﺗﺄﻟﻢ،،، ﻭﻓﻜﺮ ﻓﻲ ﺍﻟﺤﺴﺎﺏ ﻳﻮﻡ ﻗﺒﺮﻙ ﻳﺒﻘﻰ ﻣﻀﻠﻢ
ﻭﻣﺎ ﻛﻞ ﺍﻟﺒﺘﺤﻠﻢ ﺑﻴﻬﻮ ﺩﺍﻳﻤﺎ ﺳﺎﻫﻞ
ﻭﻣﺎ ﻛﻞ ﺍﻟﺒﻘﻮﻟﻮ ﺍﻟﻨﺎﺱ ﺣﻘﻴﻘﻪ ﻭﺣﺎﺻﻞ
ﻣﺎ ﺗﺼﺪﻕ ﻛﻼﻡ ﺍﻟﻨﺎﺱ ﻭﺩﻳﻤﻪ ﺗﺠﺎﻣﻞ،،، ﻭﻟﻮ ﺟﻨﻮ ﺍﻟﺨﻠﻮﻕ ﺧﻠﻴﻚ ﺑﺮﺍﻙ ﺍﻟﻌﺎﻗﻞ

ﺍﻟﺒﺮﻳﺪﻙ ﺩﻳﻤﻪ ﺑﻐﻔﺮ
ﻣﺎﺑﻜﺘﺮ ﻟﻴﻚ ﻋﺘﺎﺑﻮ
ﻭﻛﻞ ﻣﺎﺗﻀﻴﻖ ﺍﻟﻮﺳﻴﻌﻪ
ﺑﺘﻠﻘﻰ ﻓﺎﺗﺢ ﻟﻴﻚ ﺑﺎﺑﻮ
ﻭﺍﻟﺒﺮﻳﺪﻙ ﻣﺎﺑﺠﺎﻓﻲ
ﻭﻻﺑﺒﻜﻴﻬﻦ ﻋﻴﻮﻧﻚ
ﻻﻫﻮ ﺑﺘﺤﻤﻞ ﻓﺮﺍﻗﻚ
ﻻﺑﻌﻴﺶ ﺍﻟﺜﺎﻧﻴﻪ ﺩﻭﻧﻚ
ﻭﺍﻟﺤﺒﻴﺐ ﻣﻔﺮﻭﺽ ﻳﻘﺪﺭ
ﻛﻞ ﻇﺮﻭﻓﻚ ﻭﻟﻴﻚ ﻳﺮﺍﻋﻲ
ﻣﻔﺘﺮﺽ ﻳﻤﻼﻙ ﻓﺮﺣﻪ
ﻭﻳﺒﻘﻰ ﺷﺎﺭﻱ ﺭﺿﺎﻙ ﺳﺎﻋﻲ
ﻭﺍﻟﺤﺒﻴﺐ ﺍﻟﺠﺪ ﺑﻴﺼﻔﺢ ﻗﻠﺒﻮ
ﺩﻳﻤﻪ ﺳﻤﺎﺡ ﻭﻃﻴﺒﻪ
ﻭﻗﺒﻞ ﻣﺎﻋﻴﻮﻧﻚ ﺗﻔﺘﺢ
ﺗﻠﻘﻲ ﻛﺎﺗﺐ
ﻳﺎﺍﺍﺍﺍ ‏( ﺣﺒﻴﺒﻪ ‏)

ﺍﻟﻌﻴﺪ ﺩﺧﻞ
ﻭﻭﻃﻨﺎ ﻣﻔﺮﻭﺵ ﺑﺎﻟﻮﺣﻞ
ﺳﺎﺍﺍﺍﻛﺖ ﻭﺻﻞ ..
ﻻ ﻓﺮﺣﻪ ﻻ ﺣﺒﻪ ﺃﻣﻞ
ﻛﻴﻒ ﺍﻟﻌﻤﻞ .. ! ؟
ﺩﺍ ﺍﻟﺠﺮﺡ ﻻ ﻃﺎﺏ ﻻ ﺇﻧﺪﻣﻞ
..
ﻋﻴﺪ ﺣﺰﻳﻦ
ﻭﻛﻞ ﻋﺎﻡ ﻭﺃﻓﺮﺍﺣﻨﺎ ﻣﺎﻓﻲ
ﻭﻛﻮﻧﻮ ﻧﺤﻠﻢ ﺑﺎﻟﺴﻌﺎﺩﻩ
ﻳﺎﺥ ﺩﺍ ﺫﺍﺍﺍﺍﺗﻮ ﺣﻠﻢ ﺧﺮﺍﻓﻲ
‏) ﺑﻴﺖ ‏( ﻣﻬﺪﻡ
ﻭﻫﻢ ﻣﺮﺩﻡ
‏) ﺣﻲ ‏( ﺑﺤﺮ ﻣﻦ ﺩﻭﻥ ﻣﺮﺍﻓﻲ
ﻧﺎﺱ ﻛﺘﻴﺮﻩ ﻓﻲ ﻟﻤﺤﻪ ﻣﺎﺗﺖ
ﻏﺮﻗﺎ ﺍﻟﺴﻴﻞ ﺍﻟﻤﺠﺎﻓﻲ
ﻭﻛﻢ ﻃﻔﻞ ﻛﺎﻥ ﺭﺍﺟﻲ ‏) ﻛﺴﻮﻩ ‏(
ﺍﻻ ﺻﺎﺭ ﻋﺮﻳﺎﻥ ﻭﺣﺎﻓﻲ
..
ﻋﻴﺪ ﻣﺴﻴﺦ
ﻭﻛﻞ ﺳﻨﻪ ﻭﺍﻟﺤﺰﻥ ﺃﻛﺘﺮ
ﻭﻛﻞ ﻣﺎ ﻧﺪﻕ ﻟﻲ ﻫﻨﺎﻧﺎ
ﻧﻠﻘﻰ ﻃﺎﺭ ﺍﻟﻔﺮﺣﻪ ﺃﺷﺘﺮ
ﻟﻴﻪ ﻗﺪﺭ ﻣﺎ ﻧﺤﻦ ﻧﻤﺸﻰ
ﺍﻟﻤﺴﺎﻓﻪ ﺃﻣﺎﻣﻨﺎ ﺗﻜﺒﺮ
ﺍﻟﺼﺒﺮ ﺣﺎﺭ ﻣﻦ ﺻﺒﺮﻧﺎ
ﻛﻞ ﻳﻮﻡ ﺃﻣﺎﻟﻨﺎ ﺗﺼﻐﺮ
ﻳﺎ ﻭﻃﻦ ﺑﺎﻟﺠﺪ ﺣﻠﻤﻨﺎ
ﺇﻧﻮ ﻟﻴﻚ ﻳﺎ ﻏﺎﻟﻲ ﻧﻬﺠﺮ
..
ﻋﻴﺪ ﺑﺪﻭﻧﻚ
ﻳﺎ ﻓﺮﺡ ﻛﻴﻔﻦ ﻳﻜﻮﻥ
ﻧﺎﺱ ﺗﻌﻴﺪ ﻓﻲ ﺍﻟﺸﻮﺍﺭﻉ
ﻭﻧﺎﺱ ﺗﻌﻴﺪ ﻓﻲ ﺍﻟﺴﺠﻮﻥ
ﻋﻴﺪ ﺑﺪﻭﻥ ﺷﻔﻊ ﺗﻐﻨﻲ
ﻭﺗﺠﺮﻱ ﺗﻠﻌﺐ ﺑﻲ ﺟﻨﻮﻥ ! ؟
ﻋﻴﺪ ﺑﺪﻭﻥ ﻟﻬﻔﻪ ﻭﺗﻤﻨﻰ
ﻭﺿﻤﻪ ﺑﺎﻟﺼﺪﺭ ﺍﻟﺤﻨﻮﻥ
..
ﻋﻴﺪ ﺣﻜﺎﻳﻪ
ﻻ ﺳﺘﺎﻳﺮ ﻻ ﻣﻼﻳﻪ
ﻻ ﻃﻔﻞ ﺷﺎﻳﻞ ﻣﺴﺪﺱ
ﻻ ﻓﻲ ﺿﻴﻔﻪ ﻋﻠﻴﻨﺎ ﺟﺎﻳﻪ
ﻣﺎﻓﻲ ﻋﻴﺶ ﻳﺴﻨﺪ ﺑﻄﻮﻧﺎ
ﻻﻧﻲ ﻣﺎﻟﻚ ﺣﻖ ﺩﻭﺍﻳﺎ
ﻻ ﻓﻲ ﻭﺍﻟﻲ ﺑﻴﻌﺮﻑ ﺍﻟﻠﻪ
ﻭﻛﻴﻒ ﺑﻜﻮﻥ ﺣﻖ ﺍﻟﻮﻻﻳﻪ

ﻣﻌﻠﻴﺶ ﺧﻼﺹ ﺣﻘﻚ ﻋﻠﻲ
ﻳﺎ ﻗﻠﺒﻲ ﻋﺬﺑﺘﻚ ﻣﻌﺎﻱ
ﻛﺎﻥ ﻧﻔﺴﻲ ﺍﻟﻘﺎﻟﻚ ﺣﺒﻴﺐ
ﻭﻓﻲ ﻛﻞ ﻣﺮﻩ ﻳﺨﻴﺐ ﺭﺟﺎﻱ
ﺍﻧﺎ ﻛﻨﺖ ﺑﺘﺤﺪﻯ ﺍﻟﺨﻠﻮﻕ
ﺑﻲ ﺍﻧﻮ ﻟﺴﻪ ﺍﻟﺮﻳﺪﻩ ﻓﻲ
ﻓﺘﺸﺖ ﻓﻲ ﺯﺣﻤﺔ ﺷﻘﺎﻱ
ﻛﺎﻳﺲ ﺣﺒﻴﺐ ﻣﺨﻠﺺ ﻭﻓﻲ
ﻭﻛﺎﻥ ﺍﻣﻠﻲ ﺗﺴﻌﺪ ﻳﺎ ﻗﻠﻴﺐ
ﻣﺎ ﻛﻨﺖ ﺑﻌﻠﻢ ﺑﺎﻟﺨﻔﻲ
ﻭﻓﻲ ﻛﻞ ﻣﺮﻩ ﺑﺪﻭﻥ ﻗﺼﺪ
ﺍﻟﻘﺎﻙ ﺑﺘﺘﻮﺟﻊ ﻭﺭﺍﻱ
ﻳﺎ ﻗﻠﺒﻴﻲ ﻋﺬﺑﺘﻚ ﻣﻌﺎﻱ
ﻭﺍﻟﻠﻪ ﻣﺎ ﻫﺎﻳﻦ ﻋﻠﻲ
ﺍﻧﺎ ﻭﺍﻧﺖ ﻧﺘﻌﺬﺏ ﺳﻮﺍ
ﻭﻧﻠﻘﻢ ﺍﻟﻐﻴﺮ ﺍﻟﺤﻨﺎﻥ
ﻭﻳﻮﻣﺎﺗﻲ ﺑﻨﺒﻴﺖ ﻗﻮﺍ
ﺩﺍ ﺍﻧﺎ ﻛﻨﺖ ﻧﺎﻭﻱ ﺍﻋﻮﺿﻚ
ﻟﻲ ﻭﺟﻌﺘﻚ ﺍﻟﻘﻰ ﺍﻟﺪﻭﺍ
ﻳﺎ ﺭﻳﺘﻨﻲ ﻣﺎ ﺧﺎﻃﺮﺕ ﺑﻴﻚ
ﺍﻭ ﺳﺮﺕ ﺑﻴﻚ ﻓﻲ ﺩﺭﻭﺏ ﻫﻮﺍﻱ
ﻳﺎ ﻗﻠﺒﻮ ﻋﺬﺑﺘﻚ ﻣﻌﺎﻱ
ﺟﺮﺣﻴﻦ ﻭﻣﺎ ﺍﺗﻌﻠﻤﻨﺎ ﺷﻲ
ﻧﺰﺭﻉ ﺣﻨﺎﻥ ﻧﺤﺼﺪ ﺷﻘﻰ
ﻻ ﺗﺒﻨﺎ ﻣﻦ ﻫﺠﺮ ﺍﻟﺤﺒﻴﺐ
ﻻ ﺍﻟﻔﻲ ﺍﻟﻤﺮﺍﺩ ﻳﻮﻡ ﺍﺗﻠﻘﻰ
ﻣﺎ ﻛﺎﻥ ﻧﺠﺎﺯﻑ ﻳﺎ ﻗﻠﻴﺐ
ﻭﻻ ﻛﺎﻥ ﺟﺮﻭﺣﻨﺎ ﻧﻔﺘﻘﺎ
ﻟﻢ ﺑﺎﻗﻲ ﻫﻤﻚ ﻭﺍﻧﺴﺤﺐ
ﻭﺍﻧﺎ ﻟﺴﻪ ﻗﺎﺩﺭ ﺍﻋﻴﺶ ﺑﺮﺍﻱ
ﻣﻌﻠﻴﺶ ﺧﻼﺹ ﺣﻘﻚ ﻋﻠﻲ
ﻳﺎ ﻗﻠﺒﻲ ﻋﺬﺑﺘﻚ ﻣﻌﺎﻱ
ﻛﺎﻥ ﻧﻔﺴﻲ ﺍﻟﻘﺎﻟﻚ ﺣﺒﻴﺐ
ﻭﻓﻲ ﻛﻞ ﻣﺮﻩ ﻳﺨﻴﺐ ﺭﺟﺎﻱ

ﺣﺼﻞ ﺟﺮﺑﺘﺎ ﻭﺟﻊ ﺍﻟﺮﻭﺡ ؟
❀❀❀❀❀❀❀
ﺣﺼﻞ ﻫﺒﺸﺘﺎ ﺫﺍﺗﻚ ﻳﻮﻡ
ﻟﻘﻴﺖ ﻓﻲ ﻛﻞ ﺣﺘﺎ ﺟﺮﻭﺡ ؟
ﺣﺼﻞ ﻏﻠﺒﻚ ﺗﻮﺍﺻﻞ ﺍﻟﺴﻴﺮ
ﻣﻊ ﺍﻧﻮ ﺍﻟﻄﺮﻳﻖ ﻣﻔﺘﻮﺡ؟ !!
ﺣﺼﻞ ﺟﺮﺑﺖ ﺗﻤﺸﻲ ﺑﺮﺍﻙ
ﺣﺼﻞ ﺳﺎﻗﺖ ﺩﺭﻭﺑﻨﺎ ﺧﻄﺎﻙ
ﺣﺼﻞ ﺟﺮﺑﺖ ﺳﻬﺮ ﺍﻟﻠﻴﻞ
ﻋﺸﺎﻥ ﺧﺎﻃﺮ ﺣﺒﻴﺐ ﺣﺒﺎﻙ
ﺣﺼﻞ ﺟﺮﺑﺖ ﺗﻤﺸﻲ ﻋﺪﻳﻞ
ﺣﺼﻞ ﻛﻠﻤﺖ ﻣﻮﺝ ﺍﻟﻨﻴﻞ
ﺣﺼﻞ ﺟﺮﺑﺖ ﺗﻤﺸﻲ ﺑﺮﺍﻙ
ﺑﺪﻭﻥ ﺗﻬﺪﻱ ﺍﻟﻠﻴﺎﻟﻲ ﺩﻟﻴﻞ
ﺣﺼﻞ ﺳﺎﻫﺮﺗﺔ ﺍﻧﺖ ﺑﺮﺍﻙ
ﺗﻌﺎﻳﻦ ﻟﻲ ﺧﻴﺎﻝ ﺟﻮﺍﻙ
ﻭﻟﻤﺎ ﺗﺴﺎﻣﺮﻭ ﻳﻀﺤﻚ ﻟﻴﻚ
ﻭﺗﺒﻜﻲ ﺗﻼﻗﻲ ﻳﺒﻜﻲ ﻣﻌﺎﻙ
ﺣﺼﻞ ﻋﺎﻳﻨﺘﻪ ﻝ ﺫﺍﺗﻚ
ﺣﺼﻞ ﺣﺴﺖ ﻣﺮﺍﻓﺊ ﺍﻟﺸﻮﻕ
ﻭﻟﻮ ﻟﻲ ﻟﺤﻈﺔ ﻭﺟﻌﺎﺗﻚ
ﺣﺼﻞ ﻋﻀﻴﺖ ﺃﻧﺎﻣﻞ ﺍﻟﺒﻮﺡ
ﻋﺸﺎﻥ ﺧﺎﻃﺮ ﺣﻨﻴﻦ ﻓﺎﺗﻚ
ﺣﺼﻞ ﺟﺮﺑﺖ ﻟﺤﺲ ﺍﻟﻜﻮﻉ
ﺣﺼﻞ ﺿﻐﻀﻐﺖ ﺍﻫﺎﺗﻚ
ﻟﻘﻴﺖ ﻣﻦ ﻛﻞ ﺁﻫﺔ ﺩﻣﻮﻉ
ﺣﺼﻞ ﺷﺪﻳﺖ ﺧﻴﺎﻟﻚ ﻳﻮﻡ
ﻋﻠﻰ ﺿﻲ ﺍﻷﻣﺎﻧﻲ ﺷﻤﻮﻉ

ﻣﺎ ﻭﺭﻳﺘﻚ ؟
.
ﺗﻌﺮﻓﻲ ﺍﻧﻮ ﻋﻴﻮﻧﻚ ﺟﻨﻪ ؟
ﻭﺍﻟﻨﻈﺮﺍﺕ ﺍﻟﻔﻴﻬﺎ ﻣﺤﻨﻪ .
.
ﻭﺍﻟﻠﻤﻌﺎﻥ ﺍﻟﺠﻮﻩ ﻋﻴﻮﻧﻚ
ﺧﻠﻰ ﺍﻟﻌﺎﻗﻞ ﻓﻴﻬﻢ ﺟﻨﻪ
.
ﻭﻛﻞ ﺍﻟﺸﺎﻓﻚ ﺷﺎﻑ ﺍﺣﻼﻣﻮ
ﻭﻗﺮﺭ ﻳﺴﻜﻦ ﺟﻤﺐ ﺑﺎﺏ ﺑﻴﺘﻚ
ﻣﺎ ﻭﺭﻳﺘﻚ ؟
.
ﻏﻴﺲ ﻟﻮ ﻛﺎﻥ ﻓﻲ ﺯﻣﻨﻮ ﻟﻘﺎﻛﻲ
.
ﻛﺎﻥ ﺣﻴﺴﻴﺐ ﻟﻴﻼﻫﻮ ﻭﺟﺎﻛﻲ
.
ﻛﺎﻥ ﺣﺘﻤﻮﺕ ﺟﻮﻟﻴﺖ ﺑﺎﻟﻐﻴﺮﻩ
.
ﻟﻤﻦ ﺭﻭﻣﻴﻮ ﻳﻘﻮﻝ ﺣﺒﺎﻛﻲ
.
ﻭﻛﺎﻥ ﺣﻴﻔﺎﺭﻕ ﻋﻨﺘﺮ ﻋﺒﻠﻪ
ﻭﺍﺳﻴﺐ ﺍﺷﻌﺎﺭﻭ ﻭﻳﺠﺮﻱ ﻭﺭﺍﻛﻲ
.
ﻭﻛﻴﻒ ﻣﺎ ﺃﻛﻮﻥ ﺍﻧﺎ ﺯﺍﺗﻲ ﻫﻮﻳﺘﻚ ؟
ﻣﺎ ﻭﺭﻳﺘﻚ ؟
.
ﺍﻧﻲ ﻋﺸﻘﺘﻪ ﺍﻟﻄﻴﺒﻪ ﺍﻟﻔﻴﻜﻲ
ﻭﺷﻜﻞ ﺍﻟﺒﺴﻤﻪ ﺍﻟﻔﻲ ﺧﺪﻳﻜﻲ
.
ﻭﻫﻮ ﺷﻨﻮ ﺍﻟﻔﻴﻚ ﺍﻧﺎ ﻣﺎ ﺣﺒﻴﺘﻮ ؟
.
ﺍﻧﺎ ﻋﺎﻫﺪﺗﻪ ﺍﻟﺮﻳﺪﻩ ﻋﻠﻴﻜﻲ
.
ﻭﻏﺎﻳﺘﻮ ﺟﻤﺎﻟﻚ ﻣﺎﻻﻗﺎﻧﻲ
ﺍﺟﻤﻞ ﻣﻨﻚ ﺃﺻﻼ ﻣﺎﻓﻲ
.
ﺍﻧﺘﻲ ﺍﻟﻘﻤﺮﻩ ﺑﺘﺨﺠﻞ ﻣﻨﻚ
ﻭﻧﻮﺭﻩ ﺑﺘﺴﺮﻗﻮ ﻣﻦ ﻋﻴﻨﻴﻜﻲ
.
ﻭﺍﻧﺎ ﻓﻲ ﻗﻠﺒﻲ ﺧﻼﺹ ﺧﺘﻴﺘﻚ
ﻣﺎ ﻭﺭﻳﺘﻚ ؟



تم الإرسال من خلال التطبيق Topic'it

ﻭﺍﻧﺎ ﺑﺘﻜﻴﻒ ﻗﺮﺑﻚ ﻣﻨﻲ
ﻛﻴﻒ ﺍﻟﺠﺒﻨﻪ ﺍﻟﺘﻌﺪﻝ ﺭﺍﺳﻚ
ﺑﺲ ﻓﻲ ﺍﻟﺠﺒﻨﻪ ﻣﺰﺍﺟﻚ ﺍﻧﺖ
ﻭﻓﻴﻨﻲ ﻣﺰﺍﺟﻲ ﻣﻊ ﺍﺣﺴﺎﺳﻚ
ﻟﻮ ﻣﺎ ﺷﻔﺘﻚ ﺍﻳﻮﻩ ﺑﺼﺪﻉ
ﻭﻣﺎﻓﻲ ﺷﻌﻮﺭ ﺟﻮﺍﻱ ﻳﺘﻤﺎﺳﻚ
ﺍﻻ ﻳﻔﻮﺡ ﺍﻟﺸﻮﻕ ﻭﺍﺗﺤﻤﻞ
ﻋﺸﻢ ﺍﻟﺪﻧﻴﺎ ﺍﺷﻮﻑ ﺍﺧﻼﺻﻚ
ﻭﺍﻓﻀﻞ ﺍﺣﻠﻢ ﺑﻴﻚ ﻳﻮﻣﺎﺗﻲ
ﺍﺑﻘﻪ ﺍﻟﺪﻫﺐ . ﺍﻟﻔﻀﻪ . ﻭﻣﺎﺳﻚ
ﻭﺍﺑﻘﻪ ﺍﻟﺮﻭﺡ ﺍﻟﺘﻨﺒﺾ ﻋﻨﺪﻙ
ﺩﻗﺖ ﻗﻠﺒﻚ ﻭﺷﻴﻞ ﺍﻧﻔﺎﺳﻚ
ﺗﺒﻘﻪ ﺣﻴﺎﺗﻚ ﻛﻠﻬﺎ ﻋﻨﺪﻱ
ﺣﺘﻲ ﻣﻌﺂﺭﻓَﮓ . ﺍﻫﻠﻚ . ﻭﻧﺎﺳﻚ
ﻭﺍﻧﺎ ﺑﺘﻔﺮﻍ ﻟﻴﻚ ﻳﻮﻣﺎﺗﻲ
ﺣﻘﺘﻚ ﺍﻧﺖ ﻭﻣﻠﻚ ﺧﻼﺻﻚ
ﺍﻛﺘﺐ ﺷﺨﺒﺖ ﻓﻴﻨﻲ ﻭﺭﺍﺣﺘﻚ
ﻣﻦ ﺍﻟﻠﻴﻠﻪ ﺑﻘﻴﺖ ﻛﺮﺍﺳﻚ
ﻳﻼ ﺳﺮﻳﻊ ﻭﺭﻳﻨﻲ ﺷﻄﺎﺭﺗﻚ
ﺍﻧﺎ ﻣﺘﺄﻛﺪﻩ ﻣﻦ ﺇﺣﺴﺎﺳﻚ

ﻭﺍﺣﺸﺎﻧﻲ ﺷﻮﻓﺘﻚ ﻭﻃﻠﺘﻚ
ﻭﺍﺍﺍﺣﺸﻨﻲ ﺑﺎﻟﺠﺪ ﺍﻟﻬﻈﺎﺍﺍﺍﺍﺭ
ﻟﻤﺤﺔ ﻋﻴﻮﻧﻚ ﻓﻲ ﺍﻟﺴﻜﻮﺕ
ﺣﺎﺍﺍﻝ ﺍﻟﺘﻌﺎﺍﺑﻴﺮ ﺍﻟﻜﺘﺎﺍﺭ
ﺑﺴﻤﺔ ﺧﺪﻭﺩﻙ ﻭﺍﻟﺨﺠﻞ
ﻭﺑﺮﺍﺀﺓ ﺍﻟﻨﺎﺍﺍﺱ ﺍﻟﺼﻐﺎﺭ
ﺩﻫﺸﺔ ﺣﻨﺎﻧﻚ ﻳﻮﻡ ﺍﺟﻴﻚ
ﻭﺍﻟﻘﻪ ﺍﻟﻜﻼﻡ ﺍﻧﺎ ﻛﻠﻮ ﻃﺎﺍﺭ
ﻋﺎﺭﻓﻨﻲ ﻭﺍﻟﺸﻮﻕ ﻭﺍﻟﺤﻨﻴﻦ
ﻃﻮﺍﻟﻲ ﻧﺤﻦ ﻧﻔﺴﻨﺎ ﺣﺎﺍﺍﺭ
ﻃﻴﺐ ﺷﻨﻮ ﺍﻻﺧﺮ ﻣﺠﻴﻴﻚ
ﻳﺎﺍﺍ ﺳﻴﺪﻱ ﻃﺎﺍﺍﻝ ﺍﻻﻧﺘﻈﺎﺭ