ﺳﻘﻴﺘﻚ ﻣﻦ ﺣﻨﻴﻨﻲ ﻟﻴﻚ ﺟﻮﺍﺍﻱ ﻣﺴﺎﺣﻪ
ﺳﻼﻣﺎﺕ ﺍﻻﺣﺒﺎﺏ ﻭﺣﺒﺎﺏ ﺍﻟﻤﻌﺠﺒﻴﻦ ﺍﻟﺠﺪﺩ ﻭﺍﻟﻤﺘﺎﺑﻌﻴﻦ ﻣﻨﻮﺭﻳﻦ

ﺍﺣﻠﻰ ﺻﺒﺎﺡ ﺍﻧﺎ ﻟﻮ ﺍﻟﻘﺎﻙ ﻟﻮ ﺍﺳﻤﻊ ﺻﻮﺗﻚ ﻳﺎﻏﺎﻟﻲ
ﺑﻴﻘﻮﻟﻮ ﺍﻟﺸﻮﻕ ﺍﺻﻼ ﻏﻼﺏ
ﺍﻧﺎ ﻫﺴﻪ ﻃﺮﻳﺘﻚ ﻭﻋﻠﻰ ﺑﺎﻟﻲ
ﻣﺎﺻﻠﻮ ﺍﻟﺸﻮﻕ ﺩﺍ ﻧﻬﺎﻳﺘﻮ ﻋﺬﺍﺏ
ﻭﺍﻧﺎ ﻣﺎﻝ ﺍﻟﺸﻮﻭﻭﻭﻕ ﻛﺎﻥ ﺑﺲ ﻭﻣﺎﺍﺍﺍﻟﻲ

ﻓﻲ ﻧﺎﺱ ﺑﺘﻠﻤﻬﺎ ﺭﻳﺪﻩ
ﻭﻧﺎﺱ ﻻﻣﺎﻫﺎ ﺍﻹﻟﻔﻪ
ﻭﻧﺎﺱ ﻗﺪﺍﻣﻚ ﺩﻏﺮﻱ
ﻭﻭﺭﺍﻙ ﺑﻴﻜﺒﺮﻭ ﻟﻔﻪ
ﻭﻓﻲ ﻧﺎﺱ ﺑﺘﺒﻴﻊ ﺍﻟﻌﺸﺮﻩ
ﻭﻗﻠﻮﺏ ﻣﺎﺑﺘﻌﺮﻑ ﺗﺼﻔﻰ
ﻛﻞ ﻳﻮﻡ ﺑﻴﺨﻴﺒﻮ ﻇﻨﻚ
ﺗﺘﻔﺎﺟﺄ ﺑﻴﻬﻢ ﺻﺪﻓﻪ
ﻓﻲ ﻗﺮﻳﺐ ﺑﻴﻬﻴﻨﻚ ﻗﺎﺻﺪ
ﻭﺍﻟﺨﻮﻩ ﺑﻘﺖ ﻓﻲ ﻛﻔﺔ
ﻭﻏﺮﻳﺐ ﺑﻴﺪﺍﻓﻊ ﻋﻨﻚ
ﻻ ﺑﻴﻨﻜﻢ ﺻﻠﻪ ﻻﻋﺮﻓﻪ
ﻭﻓﻲ ﻧﺎﺱ ﺑﺘﻌﺰﻙ ﻳﺎﻣﺎ
ﻭﺍﻟﻨﻴﻞ ﻣﺎﺑﺨﻮﻥ ﺍﻟﻀﻔﻪ
ﻭﺍﻟﻐﺮﻗﺎﻧﻴﻦ ﻣﻦ ﺧﻴﺮﻙ
ﻣﻦ ﺷﺮﻫﻢ ﻣﺎﺍﻇﻦ ﺗﺸﻔﻰ
ﻓﻲ ﻧﺎﺱ ﺑﺘﻠﻤﻬﺎ ﺭﻳﺪﻩ
ﻭﻧﺎﺱ ﻻﻣﺎﻫﺎ ﺍﻹﻟﻔﻪ

ﻣﺎﻟﻚ ﻋﻠﻲ .. ؟
ﺩﻧﻴﺎﻱ ﻟﻴﻪ ﺑﺘﻨﻜﺪﻩ
ﻣﻦ ﺑﻌﺪ ﻛﻞ ﺍﻟﺮﻳﺪﻩ ﺩﻳﻚ
ﻛﻴﻔﻦ ﻓﻲ ﻳﻮﻡ ﻧﺼﺒﺢ ﻋِﺪﺍ
ﺍﻧﺎ ﻛﻠﻤﻪ ﺑﺲ ﺣﺎﺍﻗﻮﻻ ﻟﻴﻚ
ﻣﺎﺑﺴﺘﺤﻖ ﻣﻨﻚ ﻛﺪﻩ
ﺍﻧﺎ ﻛﻨﺖ ﺷﺎﻳﻼﻙ ﻓﻲ ﻋﻴﻨﻲ
ﺑﻬﻮﺍﻙ ﻟﻲ ﺍﺑﻌﺪ ﻣﺪﺍ
ﻣﺎ ﻓﺎﻛﺮﻩ ﺗﻨﺴﺎﻧﻲ ﻭﺗﻔﻮﺕ
ﺍﺣﺰﺍﻧﻲ ﺗﺎﻧﻲ ﺗﺠﺪﺩﺍ
ﻣﺎﺑﺴﺘﺤﻖ ﻣﻨﻚ ﻛﺪﻩ
ﺍﻟﻠﻴﻠﻪ ﻳﺎﻧﺎﻛﺮ ﺍﻟﻌﻬﻮﺩ
ﻣﻦ ﻗﺴﻮﺗﻚ ﻣﺘﺄﻛﺪﻩ
ﻛﻴﻔﻦ ﺍﺣﻦ ﻣﻦ ﺗﺎﻧﻲ ﻟﻴﻚ
ﺍﻧﺎ ﺣﺎﺍﻗﺴﻲ ﺑﺮﺿﻮ ﻋﻠﻴﻚ ﻛﺪﻩ

ﺍﻋﺬﺭ ﺣﺒﻴﺒﻚ ﻟﻮ ﻏﻠﻂ
ﺑﻲ ﻛﻠﻤﻪ ﻣﻨﻚ ﻃﻤﻨﻮ
ﻭﺭﻳﻬﻮ ﺇﻧﻚ ﻣﺴﺘﻌﺪ
ﺑﺎﻟﻔﺮﺣﻪ ﺣﺰﻧﻮ ﺗﻠﻮﻧﻮ
ﺧﻠﻴﻬﻮ ﻓﻲ ﻗﻠﺒﻚ ﻭﺣﻴﺪ
ﻻ ﺗﺨﻮﻧﻮ ﻳﻮﻡ ﻻ ﺗﺨﻮﻧﻮ
ﻣﺎﺗﻘﺴﻲ ﻋﻠﻰ ﺯﻭﻻ ﻫﻮﺍﻙ
ﺑﺎﻟﺮﻳﺪﻩ ﻗﻠﺒﻚ ﺳﻜﻨﻮ ...
ﻟﻮ ﻣﻬﻤﺎ ﺯﺍﺩ ﻫﻤﻮ ﻭﻛﺘﺮ
ﺍﻟﺒﻴﻬﻮ ﺍﻧﺖ ﺗﻬﻮﻧﻮ ...
ﻟﻮ ﺟﺎﺭﺕ ﺍﻻﻳﺎﻡ ﻋﻠﻴﻬﻮ
ﺑﻲ ﻛﻠﻤﻪ ﻣﻨﻚ ﻃﻤﻨﻮ
ﻭﺍﻋﺬﺭ ﺣﺒﻴﺒﻚ ﻟﻮ ﻏﻠﻂ
# ﺯﻭﻭﻭﺑﻪ

ﻳﺎﻧﺠﻮﻡ ﻭﺭﻳﻨﻲ ﻣﺎﻟﻮ؟
ﻛﻠﻤﺎﺕ : ﺯﻭﺑﻪ ﻋﺜﻤﺎﻥ
ﺍﺩﺍﺀ : ﺍﻧﺼﺎﻑ ﻓﺘﺤﻲ
ﺃﻟﺤﺎﻥ : ﻳﺎﺳﺮ ﻓﺎﻧﺘﺎ

ﻣﺎﺗﺼﺪﻕ ﻛﻠﻤﻪ ﻋﺎﺑﺮﻩ .
ﺍﻱ ﺯﻭﻝ ﻟﻮ ﻗﺎﻝ ﺑﺤﺐ
ﺍﺻﻠﻮ ﺻﺪﻕ ﺍﻟﺮﻳﺪﻩ ﻇﺎﻫﺮ
ﺍﻧﻬﺎ ﻣﻦ ﺟﻮﻩ ﺍﻟﻘﻠﺐ
ﺍﺑﻘﻰ ﻋﺸﺮﻩ ﻋﻠﻰ ﺍﻟﺒﺼﻮﻧﻚ
ﻭﺍﻟﺒﺮﻳﺪﻙ ﺑﻲ ﺿﻤﻴﺮ
ﺑﺘﻠﻘﻰ ﻓﻲ ﻋﻴﻨﻴﻬﻮ ﺭﻳﺪﻙ
ﻭﺍﻟﺒﺤﺐ ﻻﺯﻡ ﻳﻐﻴﺮ
ﻭﺍﻟﺒﺮﻳﺪ ﻣﻦ ﻗﻠﺒﻮ ﺻﺎﺩﻕ
ﻣﺎﺑﺘﻘﺴﻴﻬَﻮ ﺍﻟﺴﻨﻴﻦ
ﻻ ﺑﻨﺴﻮﻫﻮ ﺍﻟﻌﻮﺍﺯﻝ
ﻭﻣﻬﻤﺎ ﺗﻘﺴﻲ ﻋﻠﻴﻮ ﺣﻨﻴﻦ
ﺍﺻﻠﻮ ﺟﺮﺡ ﺍﻟﺮﻳﺪﻩ ﻇﺎﻫﺮ
ﺩﻳﻤﻪ ﺑﺎﻳﻦ ﻓﻲ ﺍﻟﻌﻴﻮﻥ
ﻭﺍﻟﺪﻣﻮﻉ ﺗﻔﻀﺢ ﻣﺸﺎﻋﺮﻙ
ﻭﺍﻟﺒﺮﻳﺪ ﻣﺎﺍﻇﻦ ﺑﺨﻮﻥ

ﺳﻠﻢ ﻟﻲ ﻋﻠﻴﻬﻮ ﻳﺎﺷﻮﻕ
ﺭﻭﺡ ﻗﻮﻝ ﻟﻴﻬﻮ ﻣﺎﻧﺎﺳﻲ
ﺍﻧﺎ ﺍﻻﺷﺘﻘﺘﺎ ﻟﻴﻬﻮ ﻛﺘﻴﺮ
ﺩﻭﺍﻡ ﻓﻲ ﺧﺎﻃﺮﻱ ﻭﺍﺣﺴﺎﺳﻲ
ﻟﻮ ﺳﺄﻟﻚ ﻋﻦ ﺍﺣﻮﺍﻟﻲ
ﻣﺎﺗﻘﻮﻝ ﻟﻴﻬﻮ ﺍﻧﻲ ﺣﺰﻳﻦ
ﻗﻮﻝ ﻟﻴﻬﻮ ﺍﻧﻮ ﻓﻲ ﺑﺎﻟﻲ
ﻭﻋﺎﺭﻑ ﺍﻧﻮ ﺑﺮﺿﻮ ﺣﻨﻴﻦ
ﻣﺎﻇﻨﻴﺘﻮ ﺑﺸﺘﺎﻕ ﻟﻲ
ﻭﻻ ﻳﻮﻡ ﺟﻴﺖ ﻋﻠﻰ ﺑﺎﻟﻮ
ﻋﺎﺩﻱ ﻣﻌﺎﻫﻮ ﺗﺒﻜﻲ ﻋﻴﻨﻲ
ﻋﺬﺍﺑﻲ ﺗﻤﻠﻲ ﻳﺤﻼﻟﻮ
ﻟﻮ ﻣﺸﺘﺎﻕ ﺣﺎﻳﻜﺘﺐ ﻟﻲ
ﻣﺎﻛﺎﻥ ﻳﻘﻄﻊ ﺍﺧﺒﺎﺭﻭ
ﻭﻣﺎﻛﺎﻥ ﻳﻘﺴﻰ ﺑﺮﺿﻮ ﻋﻠﻲ
ﻭﻳﺤﺮﻕ ﻗﻠﺒﻲ ﺑﺲ ﻧﺎﺭﻭ

ﺍﺿﺤﻚ ﻭﺍﻓﺮﺡ ﻭﻣﺎﻋﻠﻴﻚ
ﺧﻠﻴﻬﻮ ﺯﻭﻝ ﻣﺎﺣﺎﺳﻲ ﺑﻴﻚ
ﺍﻣﺴﺢ ﺧﻼﺹ ﺩﻣﻌﺎﺕ ﻋﻴﻨﻴﻚ
ﻣﺎﺗﺮﻳﺪﻭ ﺯﻭﻵ ﻣﺎﻫﻮ ﻟﻴﻚ
ﻣﺎﺗﻌﻴﺶ ﺣﻴﺎﺗﻚ ﺑﺎﻟﻈﻨﻮﻥ
ﺧﻠﻴﻬﺎ ﺯﻱ ﻣﺎﺗﻜﻮﻥ ﺗﻜﻮﻥ
ﻭﺍﻟﻌﺸﺮﺗﻚ ﻫﺎﻧﺖ ﻋﻠﻴﻬﻮ
ﺻﺪﻗﻨﻲ ﺗﺎﻧﻲ ﻋﻠﻴﻬﻮ ﺗﻬﻮﻥ
ﺧﻠﻴﻮ ﻳﻜﻮﻥ ﻋﻨﻚ ﻏﺮﻳﺐ
ﻛﺎﻧﻮ ﻣﺎﻛﺎﻥ ﻳﻮﻡ ﺣﺒﻴﺐ
ﻣﺎﻛﺘﻴﺮ ﺑﻴﺠﻤﻌﻨﺎ ﺍﻟﻬﻮﻱ
ﻭﻛﺘﻴﺮ ﺑﻔﺮﻗﻨﺎ ﺍﻟﻨﺼﻴﺐ
# ﺯﻭﺑﻪ

ﺍﻟﻨﻴﻞ ﺍﻟﻔﺎﺽ
ﺟﺪ ﻓﺎﺽ ﺑﻴﻬﻮ
ﻭﺑﻴﻮﺕ ﺍﻟﻄﻴﻦ
ﺣﺴﺖ ﺑﻴﻬﻮ
ﺍﻧﻬﺪ ﺍﻟﺤﻴﻞ
ﻗﺒﺎﻝ ﺍﻟﺒﻴﺖ
ﻣﺎﻋﺎﺩﻱ ﻳﺎﻧﻴﻞ
ﻟﻮ ﺍﻧﺖ ﺑﻜﻴﺖ
ﻓﻲ ﻗﻠﻮﺏ ﺭﻭﻳﺎﻧﻪ
ﺯﻣﺎﻥ ﺑﺎ ﻟﻬﻢ
ﻣﺎﻟﻚ ﻳﺎﻧﻴﻞ
ﻟﻮ ﻛﻨﺖ ﻣﺸﻴﺖ؟
ﻟﻴﻪ ﺍﻧﺖ ﻗﺴﻴﺖ
ﺑﺮﺿﻮ ﻋﻠﻴﻬﻢ
ﻛﻴﻔﻦ ﺑﻜﻴﺖ
ﺗﺎﻧﻲ ﻋﻴﻨﻴﻬﻢ
ﻳﺎﻧﻴﻞ ﺍﻟﻨﺎﺱ
ﺟﺪ ﻓﺎﺽ ﺑﻴﻬﻢ
ﻛﺎﻥ ﺗﺒﻘﻰ ﺣﻨﻴﻦ
ﺗﻀﺤﻚ ﻟﻴﻬﻢ
# ﺯﻭﺑﻪ