ﻣﺮﺍﺕ ﺍﻟﺰﻭﻝ ﺑﻴﻌﺪﻱ ﺑﻲ ﻓﺘﺮﻩ ﻗﺎﺳﻴﻪ ﻓﻲ ﺣﻴﺎﺗﻮ ﻧﺘﻴﺠﻪ ﻟﻲ ﻣﻮﻗﻒ ﻣﻌﻴﻦ ﺃﻭ ﻣﻤﻜﻦ ﻳﻜﻮﻥ ﺯﻭﻝ ﺧﺬﻟﻚ ﻭﺍﻧﺖ ﻣﺎﺗﻮﻗﻊ ﻣﻨﻮ ﺍﻟﺤﺎﺟﻪ ﺩﻱ .. ﺃﻭ ﻣﻤﻜﻦ ﺍﻧﺖ ﻛﻨﺖ ﻣﺪﻳﻬﻮ ﻣﺴﺎﺣﻪ ﺟﻮﺍﻙ ﻫﻮ ﻣﺎﺑﺴﺘﺤﻘﻬﺎ .. ﺍﻟﺰﻭﻝ ﺍﻟﺒﺘﺨﻼ ﻋﻨﻚ ﻓﻲ ﻋﺰ ﻣﺎﺍﻧﺖ ﻣﺤﺘﺎﺝ ﻟﻴﻬﻮ ﺩﺍ # ﻣﺎﺯﻭﻟﻚ . ﺍﻟﺰﻭﻝ ﺍﻟﻤﺎﺑﻘﺪﺭ ﻳﻔﻬﻢ ﻭﻳﺤﺲ ﺑﺎﻟﺠﻮﺍﻙ ﺩﺍ # ﻣﺎﺯﻭﻟﻚ . ﺍﻟﺰﻭﻝ ﺍﻟﺒﺘﺴﺒﺐ ﻓﻲ ﻋﺬﺍﺑﻚ ﻭﻳﺨﻠﻴﻚ ﺗﺒﻜﻲ ﺩﺍ # ﻣﺎﺯﻭﻟﻚ . ﺍﻟﺰﻭﻝ ﺍﻟﻴﺤﺴﺴﻚ ﺍﻧﻚ ﻣﺎﻓﺎﺭﻕ ﻣﻌﺎﻫﻮ ﻭﺍﻧﻮ ﻭﺟﻮﺩﻙ ﻭﻋﺪﻣﻮ ﻭﺍﺣﺪ ﻋﻨﺪﻭ ﺩﺍ ﺑﺮﺿﻮ # ﻣﺎﺯﻭﻟﻚ . ﺍﻟﺰﻭﻝ ﺍﻟﻤﺎﺑﻘﺪﺭ ﻳﺘﺨﻠﻰ ﻋﻦ ﻏﺮﻭﺭﻭ ﻭﻋﻨﺎﺩﻭ ﻋﺸﺎﻧﻚ .. ﺍﻛﻴﺪ ﻣﺎﺑﺴﺘﺎﻫﻞ ﺗﺘﻨﺎﺯﻝ ﻋﻦ ﺷﻲ ﻋﺸﺎﻧﻮ .. ﻣﺎﺗﺨﻠﻲ ﺯﻭﻝ ﻳﻘﻠﻞ ﻣﻦ ﺷﺄﻧﻚ ﻭﺍﻟﺒﺪﻭﺱ ﻋﻠﻰ ﻣﺸﺎﻋﺮﻙ .. ﺩﻭﺱ ﻋﻠﻰ ﻗﻠﺒﻚ ﻭﺍﻧﺴﺎﻫﻮ .. ﻭﺍﻟﺰﻭﻝ ﺍﻟﺨﺬﻟﻚ ﻣﺮﻩ ﺍﻛﻴﺪ ﺣﺎﻳﺨﺬﻟﻚ ﺗﺎﻧﻲ ﻭﺗﺎﻟﺖ ﻭﺭﺍﺑﻊ .. ﻣﺎﺗﺘﻤﺴﻚ ﺑﻲ ﺯﻭﻝ ﺍﻧﺖ ﺍﺧﺮ ﺍﻫﺘﻤﺎﻣﺎﺗﻮ .. ﻋﻴﺶ ﺣﻴﺎﺗﻚ ﻭﺍﻓﺮﺡ ﻭﻻ ﻛﺎﻧﻮ ﻓﻲ ﺣﺎﺟﻪ ﻣﻦ ﺍﺻﻠﻮ ﻧﻘﻄﻪ ﺳﻄﺮ ﺟﺪﻳﺪ .. ﻻﻧﻮ ﺍﻟﺤﻴﺎﺓ ﻣﺎﺑﺘﻘﻴﻒ ﻋﻠﻰ ﺯﻭﻝ ﻣﺎﺑﺴﺘﺎﻫﻞ .. ﺍﻟﺪﻧﻴﺎ ﻳﺎﻣﺎ ﻓﻴﻬﺎ ﻧﺎﺱ ﺑﺘﺘﻤﻨﻲ ﻧﻈﺮﻩ ﻣﻨﻚ ﻧﺎﺱ ﻋﻤﺮﻫﺎ ﻣﺎﺑﺘﺨﺬﻟﻚ .. ﻧﺎﺱ ﺑﺘﻤﻨﻮ ﻟﻴﻚ ﺍﻟﺨﻴﺮ ﻭﻻ ﺑﺤﺒﻮ ﺗﻨﺰﻝ ﺩﻣﻌﺔ ﻣﻨﻚ .. ﺃﺧﻴﺮﺍً ﻋﻴﺶ ﻣﻊ ﺍﻟﺒﺴﺘﺎﻫﻠﻚ
# ﺯﻭﻭﻭﻭﺑﻪ

ﺍﻣﻲ ﻛﻴﻒ ﺣﺎﻟﻚ
ﺍﻟﻌﺎﻓﻴﻪ ﺗﺤﻼﻟﻚ
ﺷﺎﻳﻠﻪ ﺍﻟﻬﻤﻮﻡ ﻋﻨﻲ
ﻣﺎﺗﺸﻴﻠﻲ ﻓﻲ ﺑﺎﻟﻚ

ﺍﻟﻐﺮﺑﻪ ﻭﺍﻷﺷﻮﺍﻕ
ﺯﺍﺩﻥ ﻋﻠﻰ ﻫﻤﻲ
ﺍﺻﻠﻮ ﺍﻟﺰﻣﻦ ﻓﺮﺍﻕ
ﺑﻌﺪﻧﺎ ﻳﺎﺍﻣﻲ

ﻳﺎﻭﻃﻨﻲ ﻣﺎﺗﺸﻴﻞ ﻫﻢ
ﻏﻴﻤﻪ ﻭﺗﺰﻭﻝ ﻋﻨﻚ
ﻳﺎﻏﺎﻟﻲ ﻟﻲ ﺗﺴﻠﻢ
ﻣﺎ ﺍﻧﺤﺮﻡ ﻣﻨﻚ
ﺍﺯﻣﻪ ﻭﺗﻌﺪﻱ ﺍﻛﻴﺪ
ﺍﻳﺎﻡ ﻭﻻ ﺑﺘﻨﻌﺎﺩ
ﺑﺎﻛﺮ ﺻﺒﺎﺣﻨﺎ ﺟﺪﻳﺪ
ﺯﻱ ﻓﺮﺣﺔ ﺍﻻﻋﻴﺎﺩ
ﻳﺎﻭﻃﻨﻲ ﺍﻧﺖ ﻋﺰﻳﺰ
ﺗﺘﺤﺪﺍ ﻛﻞ ﺍﻟﻜﺎﻥ
ﺍﻳﺎﻡ ﻭﺣﺎﺗﻌﺪﻱ
ﻭﺗﺼﺒﺢ ﺣﻜﺎﻭﻱ ﻛﻤﺎﻥ
ﺍﻳﺎﻣﻨﺎ ﺗﺒﻘﻰ ﻓﺮﺡ
ﻣﺎﻟﻴﻨﺎ ﺑﺎﻻﺣﺰﺍﻥ
ﻣﻬﻤﺎ ﺍﻟﻈﺮﻭﻑ ﺗﻘﺴﻲ
ﺍﻟﺠﺎﻱ ﺣﺘﻤﺂ ﺧﻴﻴﻴﺮ
ﺑﺘﻤﻨﻲ ﻟﻴﻚ ﺩﻭﺍﻡ
ﻳﺎﻭﻃﻨﻲ ﺗﺒﻘﻲ ﻛﺒﻴﺮ
ﻳﺎﻭﻃﻨﻲ ﻣﺎﺗﺸﻴﻞ ﻫﻢ
ﻏﻴﻤﻪ ﻭﺗﺰﻭﻝ ﻋﻨﻚ .
ﻳﺎﻏﺎﻟﻲ ﻟﻲ ﺗﺴﻠﻢ .
; ﻭﻣﺎﺍﻧﺤﺮﻡ ﻣﻨﻚ .
# ﺯﻭﺑﻪ ﻋﺜﻤﺎﻥ

ﺍﻧﺘﻈﺮﺗﻚ ﺳﺎﻋﻪ ﻛﺎﻣﻠﻪ
ﻭﺍﻧﺖ ﻣﺎﻫﻤﺎﻙ ﺭﺟﺎﻳﺎ،،،
ﻛﻞ ﺩﻗﻴﻘﻪ ﺑﻘﻮﻝ ﺗﺠﻴﻨﻲ
ﻭﺗﻤﺤﻲ ﺑﺲ ﻟﺤﻈﺎﺕ ﺍﺳﺎﻳﺎ
ﻭﺍﻧﺖ ﻣﺎﻫﻤﺎﻙ ﺣﺎﻟﻲ،،،،
ﻻ ﺍﻧﺘﻈﺎﺭﻱ ﻭﻻ ﻫﻮﺍﻳﺎ،،،،
ﻭﺳﺒﺘﻮ ﻗﻠﺒﻲ ﺍﻟﺒﻲ ﻭﺭﺍﻛﺎ
ﻣﺎﻋﺮﻑ ﻟﻠﺸﻮﻕ ﻧﻬﺎﻳﺎ
ﻟﻤﺎ ﺗﺼﺒﺢ ﻟﻴﺎ ﺍﻫﻪ،،،،،
ﻛﻴﻒ ﺗﻜﻮﻥ ﻓﻲ ﻳﻮﻡ ﺩﻭﺍﻳﺎ؟؟
ﻭﻛﻴﻒ ﺗﺸﻴﻞ ﺍﺣﺰﺍﻧﻲ ﻣﻨﻲ
ﻭﺍﻧﺖ ﻣﺨﻠﻮﻕ ﻟﻲ ﺍﺳﺎﻳﺎ؟؟
ﻭﻗﻤﺘﺎ ﻓﻲ ﺍﻻﺧﺮ ﺭﺟﻌﺘﺎ
ﻭﻗﻠﺘﺎ ﻟﻠﺪﻣﻌﺎﺕ ﻛﻔﺎﻳﺎ،،،
ﺟﺪ ﺣﺮﺍﻡ ﺗﺒﻜﻴﻚ ﻋﻴﻮﻧﻲ
ﻳﺎﻟﺪﻭﺍﻡ ﻗﺎﺻﺪ ﺍﺯﺍﻳﺎ
# ﺯﻭﻭﻭﺯﻭﺑﻪ

تم الإرسال من خلال التطبيق Topic'it

رمضان الغالي علينا
مرحب شرفنا حضورك
بالبهجه بتملأ قلوبنا
بالفرحه تبين نورك
اتلمو الناس في الشارع
بالالفه وبالتحنان
بقلوب مليان محبه
احباب وكمان جيران
بي سرعه بيمشو الجامع
من يسمعو صوت اذان
صلو التراويح واتلمو
راجعين كل الحبان
رمضان كريم..
تصومو وتفطرو علي خير
# زوووووووبه

ﺍﻳﺎﻡ ﻓﻲ ﺑﻌﺎﺩﻙ ﻭﻻ ﺑﻌﺮﻑ ﺍﻋﺪﻳﻬﺎ،،،،!!! ﻭﺍﻗﻮﻝ ﻳﻤﻜﻦ ﻓﻲ ﺑﻌﺪﻙ ﺧﻴﺮ ﺩﻣﻮﻉ ﺍﻟﻌﻴﻦ ﺍﺧﺒﻴﻬﺎ ﻭﻻ ﺑﻘﺪﺭ ﻋﻠﻲ ﺑﻌﺪﻙ ﻭﻧﺎﺭ ﺍﻟﺸﻮﻕ ﺍﻗﺎﺳﻴﻬﺎ ﻋﻴﻮﻧﻲ ﺍﻟﺒﻲ ﺍﻟﺪﻣﻮﻉ ﺗﺒﻜﻴﻚ ﻣﻨﻮ ﺍﻟﺒﻌﺪﻙ ﻳﻮﺍﺳﻴﻬﺎ.. ﻣﻨﻮ ﺍﻟﺒﻌﺪﻙ ﻳﺤﻦ ﺗﺎﻧﻲ ﺩﺭﻭﺏ ﺍﺣﺰﺍﻧﻲ ﻳﻤﺸﻴﻬﺎ ﻭﻗﺖ ﺍﻓﺮﺍﺣﻲ ﻣﻨﻲ ﺗﻐﻴﺐ ﻟﻲ ﺍﻓﺮﺍﺣﻮ ﻳﻬﺪﻳﻬﺎ... ﻭﻗﺖ ﻣﺎﺭﻭﺣﻲ ﻣﻨﻮ ﺗﺮﻭﺡ ﻳﻘﻴﻒ ﺑﻲ ﺷﻮﻕ ﻳﻨﺎﺩﻳﻬﺎ ﻭﺑﻌﺮﻑ ﺍﻧﻲ ﻓﻲ ﺑﺎﻟﻮ ﻭﻋﺎﻣﻞ ﺭﻳﺪﺗﻲ ﻧﺎﺳﻴﻬﺎ # ﺯﻭﻭﻭﻭﺑﻪ

صورالشاعرة زينب عتمان




تم الإرسال من خلال التطبيق Topic'it

صورالشاعرةزوبةعثمان




تم الإرسال من خلال التطبيق Topic'it