الشاعرة زوبه عثمان‏
وروني كيغنو؟؟؟
طولتا جد منو،،،،،
كيفن عيونو وراي
لي غيري يوم حنو؟
اشواقو واشواقي
لسه الحنين باقي
فتشتا عنو كتير
وانا ليهو مالاقي.
لو داري بي حالي
لو عارف البيا
كيفن شغل بالي
شال روحي وعنيا
وروهو ياناسي
انا ليهو ماناسي
بهديهو كل عمري
دا المالك احساسي
# زووووبه

بكتب ليهو في الواتساب
حنين الشوق يرد بعتاب
اشوف الحالة ماحالة
اقول احساسو بي كذاب
تمر ساعات ومايسأل
يكون غلطان كمان يزعل
وانا المن شوقي بتعذب
واريتا حروفو لي توصل
ولو لاقيتو يتعذر
يجيب اسباب ويتنظر
ويرمي اللوم علي قلبي..
واقول للناس ظروف اكتر
واقول لي قلبي ماتزعل
واكتب تاني من اول.
ولو ماشوقي ياغالي.
ماكان يوم عليك اسأل.
# زوووبه _ عثمان

لمن تضيق دنياي
بتمنى يبقي قريب
وتضيع اماني رجاي
مكتوب هو عني يغيب
انا والحنين راجيين
لو الدروب بتجيب..
مهما السنين بتطول
يبقالي اغلي حبيب
داساهو جوه الروح
عن بالي مابيغيب
بطراهو كل صباح
بطراهو كل مغيب

ﻭﺑﻘﻴﺖ ﺍﻧﺎﺩﻱ ﻋﻠﻲ ﺍﻟﺴﺮﺍﺏ
ﻣﺎﺭﺩﺍ ﻟﻲ ﻏﻴﺮ ﺍﻟﺼﺪﻯ ..
ﻻ ﺣﻨﻮ ﻟﻲ ﺣﺎﻟﻲ ﺍﻟﺼﺤﺎﺏ
يادنيا ليه الناس كده؟
ﺧﺬﻟﻮﻧﻲ ﻟﻲ ﺍﺑﻌﺪ ﻣﺪﺍ
ﻣﺎﻗﺪﺭﻭ ﺍﻟﻌﺸﺮﻩ ﺍﻟﺰﻣﺎﻥ
ماردو لي قلبي الندا
باعو الوفا وخانو الامان
ظلموني اكتر من كده
ﻟﻴﻪ ﺍﻻﻣﺎﻧﻲ ﺑﻘﺖ ﺳﺮﺍﺏ
ﻟﻴﻪ ﺍﻟﻤﺤﺒﻪ ﺑﻘﺖ ﻋﺪﻡ
الكنتا فاكرهم لي قراب
سقونو كاسات الالم..
خلوني بتحسر براي
علي عرفه كانت بس ندم
وانا ماجنيت غير العذاب
وقليبي عانا وانظلم...
وبقيت انادي علي السراب
ماردا لي غير الصدا
لا حنو لي حالي الصحاب
يادنيا ليه الناس كده؟
***
زوبه عثمان

ناس بتلعب بالمشاعر
وجد بتخدعك المظاهر
لما تتعود عليهم..!!!!!!!
تلقى جرح الريده ظاهر
ناس بتظهر ليك حنانا
وفجاة بس تلقاها قاسيه
وناس تخون عادي الامانه
وناس تكون للعشره ناسيه
وناس طبيعي نهون عليهم
بس قلوبنا بتصطفيهم،،،
مهما يقسو ويظلمونا،،،،
مابنجرح يوم عنيهم،،،،
ناس خساره الريده فيهم
بي عمرنا بنشتريهم..!!!!
بس يبيعو هوانا ديمه
يبقى ليه بنحس بيهم؟

البعزك مابسيبك
لا ببدل زول مكانك
والبريدك بي عيوبك
يبقي يستاهل حنانك
دا البعزك مهما تغلط
جد بكوس اعذار عشانك
واللي قاصد انو يبعد
قبل تغلط تلقي خانك
والبخون في يوم عنيك
مابيستاهل حنانك...
واللي مابديك زمانو
مابيستاهل زمانك
البعزك مابسيبك
بالحنان يغمر عنيك
والسعاده تكون منالك
والبريدك مابفوتك
مهما جار عليهو زمانك
تلقي بتحمل عنادك
وجوه في عنيهو مكانك
والبعزك مابسيبك

ﺳﺮﺣﺎﻧﻪ ﻣﻊ ﻃﻴﻔﻚ ﺍﻧﺎ ..
ﻭﻣﻨﺎﻱ ﺑﺲ ﺍﻟﻘﺎﻙ ﻫﻨﺎ ..
ﻭﺑﻘﻴﺖ ﺍﻓﺘﺶ ﻋﻦ ﺧﻄﺎﻙ
ﻋﺎﺭﻓﺎﻙ ﻣﻼﻙ ﻣﺎﺯﻳﻨﺎ ...
ﺗﺎﺗﻬﺖ ﺩﺭﻭﺑﻚ ﻋﻨﻲ ﻟﻴﻪ؟
ﻣﺤﺘﺎﺭﻩ ﻓﻴﻚ ﺍﻻﻣﻜﻨﻪ ..
ﻭﻣﺤﺘﺎﺭ ﻣﻌﺎﻙ ﻗﻠﺒﻲ ﺍﻟﻬﻮﺍﻙ .
ﺑﺤﻠﻢ ﻣﻌﺎﻙ ﻳﻠﻘﻲ ﺍﻟﻬﻨﺎ
ﻋﺸﻤﺎﻥ ﻭﻣﺎﻗﻄﻊ ﺍﻟﻌﺸﻢ ..
ﻭﻟﻜﻦ ﻏﻴﺎﺑﻚ ﻃﺎﻝ ﺳﻨﻪ ...
ﻣﺤﺘﺎﺭﻩ ﻓﻲ ﻫﻤﻲ ﺍﻟﻤﻌﺎﻙ
ﻭﻣﺤﺘﺎﺭﻩ ﻓﻲ ﺭﻳﺪﻙ ﺍﻧﺎ
ﻣﺤﺘﺎﺭﻩ ﻓﻲ ﺷﻮﻗﻲ ﻭﺑﻜﺎﻱ .
ﺣﻴﺮﺍﻧﻪ ﻛﻴﻒ ﺍﻟﻘﻲ ﺍﻟﻬﻨﺎ
ﻭﻳﺎﻏﺎﻟﻲ ﻋﻴﻨﻴﻚ ﻣﺎﻣﻌﺎﻱ؟
ﺍﻟﻴﻮﻡ ﺑﻤﺮ ﺯﻱ ﺍﻟﺴﻨﻪ .
ﻭﻛﻞ ﻟﺤﻈﺔ ﺑﺘﺰﻭﺩ ﺍﺳﺎﻱ .
ﻳﺎﻏﺎﻟﻲ ﺷﻮﻑ ﻛﻞ ﺍﻟﻌﻨﺎ !!.
ﺍﻧﻚ ﺗﻜﻮﻥ ﻓﺮﺣﻲ ﻭﺷﻘﺎﻱ؟؟
ﺍﻧﻚ ﺗﻜﻮﻥ ﻛﻞ ﺍﻟﻤﻨﺎ
ﺍﻧﻚ ﺗﻜﻮﻥ ﻧﺎﺭﻱ ﻭﺍﺯﺍﻱ

ﻟﻮ ﻣﺸﺘﺎﻕ ﺍﻧﺎ ﺍﻛﺘﺮ ﻣﻨﻚ
ﻳﻮﻣﻲ ﺑﺠﻴﻚ ﻭﺑﺴﺄﻝ ﻋﻨﻚ
ﻳﻮﻡ ﺍﺷﻮﺍﻗﻲ ﻣﺎﻣﻠﻨﻚ
ﺑﻬﻮﻯ ﻋﻴﻮﻧﻚ ﻭﺑﻌﺸﻖ ﺣﻨﻚ
ﻟﻮ ﻣﺸﺘﺎﻕ ﺍﻟﺸﻮﻕ ﻣﺎﺑﺴﻴﺒﻚ
ﺍﻧﻚ ﺗﻘﺴﻰ ﻋﻠﻴﻬﻮ ﺣﺒﻴﺒﻚ
ﻳﻨﺴﻰ ﻫﻮﺍﻩ ﻓﻲ ﻣﺮﻩ ﻗﻠﻴﺒﻚ
ﻫﻞ ﻓﻲ ﻳﻮﻡ ﻋﻴﻨﻴﻬﻮ ﺟﺮﺣﻨﻚ؟؟؟
ﻭﻟﻮ ﻣﺸﺘﺎﻕ ﺍﻧﺎ ﺍﻛﺘﺮ ﻣﻨﻚ
ﻭﻋﺎﺭﻓﻪ ﺣﻘﻴﻘﺔ ﺷﻮﻗﻚ ﻭﺟﻨﻚ
ﻳﻮﻡ ﻋﻴﻨﻲ ﺑﻲ ﺷﻮﻕ ﺳﺄﻟﻨﻚ
ﻛﺎﻥ ﺍﻟﺸﻮﻕ ﻋﺎﻳﺶ ﻓﻲ ﻇﻨﻚ
ﺑﻴﻦ ﻣﺸﺘﺎﻗﻚ ﻭﻣﺎﻣﺸﺘﺎﻗﻚ
ﺣﺘﻲ ﺍﻟﺸﻮﻕ ﻣﺎﻋﺎﺭﻑ ﺍﻧﻚ
ﻋﺎﻳﺶ ﺑﻴﻦ ﺍﺷﻮﺍﻗﻲ ﻭﺭﻭﺣﻲ
ﻭﻟﻮ ﻣﺸﺘﺎﻕ ﺍﻧﺎ ﺍﻛﺘﺮ ﻣﻨﻚ

ﻳﺎﺣﻠﻴﻠﻮ ﺍﻟﺸﻮﻕ ﻟﻮ ﺯﻱ ﺷﻮﻗﻚ
ﻳﺎﺣﻠﻴﻠﻲ ﺍﻧﺎ ﺍﻟﻠﺴﻪ ﺑﺮﻳﺪﻙ
ﻣﺸﺘﺎﻗﻪ ﻟﻌﻄﻔﻚ ﻭﻟﺬﻭﻗﻚ
ﻭﻛﺘﻴﻦ ﺑﻲ ﻟﻬﻔﺔ ﺗﺮﺍﺿﻴﻨﻲ .
ﻭﺍﻋﻤﻞ ﺯﻋﻼﻧﻪ ﺗﻨﺎﺩﻳﻨﻲ ..
ﻭﺍﻓﻀﻞ ﺍﺗﺪﻟﻞ ﻭﺍﺗﺰﺍﻋﻞ
ﻣﻊ ﺍﻧﻮ ﺍﻟﺮﻳﺪ ﺑﺎﻳﻦ ﻓﻴﻨﻲ
ﺣﻴﺮﺗﺎ ﻗﻠﻴﺒﻲ ﻭﺩﻗﺎﺗﻮ .
ﻣﺮﺍﺕ ﺑﻲ ﺣﻨﻚ ﺗﻤﻼﻫﻮ
ﻭﻣﺮﺍﺕ ﺑﺘﻜﺘﺮ ﺁﻫﺎﺗﻮ
ﻟﻮ ﻗﻠﺘﺎ ﻋﻠﻴﻚ ﻗﺎﺻﺪ ﺗﻘﺴﻲ .
ﺑﺘﺠﻴﻨﻲ ﻭﺗﺤﻠﻒ ﺑﺤﻴﺎﺗﻮ .
ﺑﻲ ﺍﻧﻮ ﺍﻟﺴﺎﻛﻦ ﺟﻮﺍﻛﺎ
ﻣﺎﻋﻨﺪﻙ ﺍﺑﺪﺍ ﺑﻲ ﻏﻼﺗﻮ
ﻟﻮ ﻗﻠﺘﺎ ﺍﻓﻮﺗﻚ ﻭﺍﻧﺴﺎﻙ
ﺍﻟﺰﻳﻚ ﻭﻳﻦ ﺑﺲ ﻳﺘﻔﺎﺗﻮ
ﻣﺤﺘﺎﺭﻩ ﻣﻌﺎﻙ ﺣﺪ ﺍﻟﺤﻴﺮﻩ
ﻭﺍﻟﺮﻳﺪ ﺍﺣﺘﺎﺭ ﻣﻌﺎﻱ ﺯﺍﺗﻮ
ﺑﻲ ﻧﺎﺭﺍﻟﺸﻮﻕ ﺑﺒﻘﻲ ﺍﺳﻴﺮﻩ
ﻭﺍﻧﺎ ﻗﻠﺒﻚ ﺑﺤﻠﻒ ﺑﺤﻴﺎﺗﻮ

ﻛﻢ ﻧﺎﺩﻳﺖ ﺍﻧﺎ ﺍﻻﺷﻮﺍﻕ ..
ﻧﺪﻩ ﺣﺲ ﺍﻻﻣﺎﻧﻲ ﻛﺘﻴﺮ ..
ﻭﺷﻠﺘﻚ ﻓﻲ ﺳﻤﺎﻱ ﻓﺮﺡ
ﻭﻗﻠﺘﺎ ﻋﻠﻴﻚ ﻛﻞ ﺍﻟﺨﻴﻴﺮ
ﻭﻟﻤﺎ ﻣﺸﻴﺖ ﻭﻻ ﻟﻮﻣﺘﻚ .
ﻭﻋﺎﺫﺭﺍﻙ ﺑﺮﺿﻮ ﻟﻠﺘﺄﺧﻴﺮ
ﻭﻛﻨﺘﺎ ﺑﺨﺎﻑ ﻋﻠﻴﻚ ﻣﻨﻲ
ﻭﻣﻦ ﺍﻟﻜﻞ ﻋﻠﻴﻚ ﺑﻐﻴﺮ
ﻭﻣﻬﻤﺎ ﻛﺎﻥ ﻣﺼﻴﺮﻱ ﻣﻌﺎﻙ
ﻗﻠﺘﺎ ﺍﻛﻴﺪ ﺣﺎﻳﺤﺼﻞ ﺧﻴﺮ
ﻭﻗﻠﺘﺎ ﻋﻠﻴﻚ ﻗﺪﺭ ﻣﻜﺘﻮﺏ
ﺻﺒﺤﺘﺎ ﺑﺮﺍﻙ ﻟﻲ ﻣﺼﻴﺮ