ﻳﺎﺩﺍ ﺍﻻﺳﻢ ﺍﻟﺴﺎﻛﻦ ﻗﻠﺒﻲ !!!!
ﻭﺳﺎﻛﻦ ﺭﻭﺣﻲ ﻭﺷﺎﻏﻞ ﺑﺎﻟﻲ
ﻛﻞ ﻣﺎﺍﺳﻤﻊ ﺑﻴﻬﻮ ﺑﻨﺎﺩﻭ
ﺑﻴﺤﺘﺎﺭ ﻋﻘﻠﻲ ﺍﺗﻐﻴﺮ ﺣﺎﻟﻲ
ﻭﺍﻓﻀﻞ ﺍﻋﺎﻳﻦ ﺑﺲ ﻭﺍﺗﻠﻔﺖ
ﻳﻤﻜﻦ ﺍﺷﻮﻑ ﺍﻟﺰﻭﻝ ﻃﻮﺍﻟﻲ !!
ﻭﻣﺎﻻﻗﺎﻧﻲ ﺷﺒﻴﻬﻚ ﻣﺮﻩ
ﺷﺒﻪ ﺍﺳﻤﺎﺀ ﻭﺑﺲ ﻳﺎﻏﺎﻟﻲ
ﻭﻟﻴﻪ ﺑﺲ ﻛﻞ ﻣﺎﺍﺳﻤﻊ ﺍﺳﻤﻚ
ﻗﻠﺒﻲ ﻳﺪﻕ ﺍﻳﺎﻡ ﻭﻟﻴﺎﻟﻲ؟؟
ﺍﺳﻤﻚ ﺳﺎﻛﻦ ﻋﻘﻠﻲ ﻭﺭﻭﺣﻲ
ﻭﺍﺳﻤﻚ ﻏﺎﻳﺔ ﻛﻞ ﺍﻣﺎﻟﻲ
ﻭﻟﻴﻪ ﻣﻦ ﺩﻭﻥ ﺍﻟﻨﺎﺱ ﺷﺎﻏﻠﻨﻲ
ﻭﻟﻴﻪ ﻣﺎﺩﺍﺭﻱ ﺩﻭﺍﻡ ﺑﻲ ﺣﺎﻟﻲ؟
ﺭﻳﺪﻙ ﻓﻲ ﺟﻮﺍﻱ ﺑﺪﺳﻮ
ﻭﻣﺎﺭﺍﺟﻴﺎﻙ ﺗﺮﺩﻭ ﺳﺆﺍﻟﻲ

ﻳﺎﻟﻌﻴﺪﺗﺎ ﻋﻠﻲ ﺍﺣﺒﺎﺑﻚ
ﻣﺎﻟﻚ ﻣﺎﻋﻴﺪﺗﺎ ﻋﻠﻴﻨﺎ؟؟؟؟
ﻣﺎﻟﻮ ﻋﻠﻴﻨﺎ ﺍﻟﺸﻮﻕ ﻣﺎﺟﺎﺑﻚ؟
ﻟﻴﻪ ﻓﻲ ﺍﻟﻌﻴﺪ ﺟﺎﺭﺡ ﻋﻴﻨﻴﻨﺎ؟
ﻛﻞ ﺍﻟﻨﺎﺱ ﻓﻲ ﺍﻟﻌﻴﺪ ﻓﺮﺣﺎﻧﺎ
ﻭﺍﻧﺎ ﻣﻦ ﺩﻭﻥ ﺍﻟﻨﺎﺱ ﺯﻋﻼﻧﺎ !!
ﻳﺤﺼﻞ ﺍﻳﻪ ﻟﻮ ﻳﻮﻡ ﺗﻄﺮﺍﻧﺎ؟
ﻟﻮ ﺑﺮﺳﺎﻟﻪ ﺗﻌﻴﺪ ﻟﻴﻨﺎ !!!
ﻏﺎﻳﺐ ﻭﻃﻮﻝ ﺍﻧﺖ ﻏﻴﺎﺑﻚ
ﻭﻛﻴﻔﻦ ﻟﻴﻨﺎ ﺍﻟﺸﻮﻕ ﻣﺎﺟﺎﺑﻚ
ﺍﻧﺎ ﻭﺍﻟﺸﻮﻕ ﻣﺎﺑﻨﺮﺿﻲ ﻋﺘﺎﺑﻚ
ﻭﻟﻴﻪ ﺑﺲ ﺍﻧﺖ ﺗﻜﻮﻥ ﻧﺎﺳﻴﻨﺎ . ؟
ﺑﺮﺿﻲ ﺑﻌﻴﺪ ﻟﻴﻚ ﻳﺎﻏﺎﻟﻲ
ﻭﻗﺒﻞ ﺍﻟﻌﻴﺪ ﺩﺍﻳﻤﺎ ﻓﻲ ﺑﺎﻟﻲ
ﻳﺎﺭﺏ ﺗﺘﺤﻘﻖ ﻛﻞ ﺍﻣﺎﻟﻚ
ﻭﺍﻧﺎ ﻓﻲ ﺭﻳﺪﻙ ﻛﻞ ﺍﻣﺎﻟﻲ

ﻭﺍﻗﻮﻝ ﻟﻲ ﻗﻠﺒﻲ ﺍﺗﺼﺒﺮ
ﻻ ﺗﻜﺘﺐ ﻭﻻ ﺗﺴﺄﻝ
ﻣﺼﻴﺮﻭ ﻓﻲ ﻳﻮﻡ ﻳﺠﻲ ﻭﻳﻄﺮﺍﻙ
ﺍﻻ ﻏﻴﺎﺑﻮ ﺯﺍﺩ ﺍﻛﺘﺮ ..
ﻛﺘﻴﺮ ﺍﺷﻮﺍﻗﻲ ﺗﻮﺻﻞ ﻟﻴﻚ
ﻭﺗﻄﻤﻦ ﻋﻦ ﺍﺣﻮﺍﻟﻚ
ﺗﺸﻮﻓﻚ ﺍﻧﺖ ﻋﺎﻣﻞ ﻛﻴﻒ
ﻭﺗﺸﻮﻑ ﻓﻲ ﺑﻌﺪﻱ ﻛﻴﻒ ﺣﺎﻟﻚ
ﻳﺠﻴﻨﻲ ﺍﻟﺸﻮﻕ ﻭﻳﺘﺄﺳﻒ
ﻳﻘﻮﻝ ﻣﺎﺭﺩﺍ ﻣﺮﺳﺎﻟﻚ
ﻳﻘﻮﻝ ﻧﺎﻳﻢ ﻭﻣﺎﺳﺎﺋﻞ
ﻻ ﻫﺎﻣﻴﻬﻮ ﻛﻴﻒ ﺣﺎﻟﻚ
ﻋﻠﻴﻚ ﻣﺎﺑﺘﻜﺘﺮ ﺍﺷﻮﺍﻗﻲ
ﺍﺭﻳﺘﻨﻲ ﺍﻛﻮﻥ ﻋﻠﻲ ﺑﺎﻟﻚ

ﻓﻲ ﺍﻟﺼﺒﺎﺣﺎﺕ ﺍﻟﺒﺘﺸﺮﻕ ..
ﺷﺎﻳﻠﻪ ﺁﻣﺎﻟﻨﺎ ﺍﻟﻜﺘﻴﺮﻩ
ﺍﺻﻠﻬﺎ ﺍﻻﺣﻼﻡ ﺑﺘﻔﺮﻕ
ﺑﻜﺮﺍ ﺗﺘﺤﻘﻖ ﻣﺼﻴﺮﻩ
ﻭﻛﻞ ﻣﺸﻮﺍﺭ ﻣﻬﻤﺎ ﻳﻄﻮﻝ ..
ﺑﺒﺪﺃ ﺑﺎﻟﺨﻄﻮﻩ ﺍﻟﺼﻐﻴﺮﻩ
ﻛﻞ ﺻﻌﺎﺏ ﺍﻟﺪﻧﻴﺎ ﺗﻜﻤﻞ .
ﻭﺍﻟﻨﻬﺎﻳﺎﺕ ﺟﺪ ﺟﻤﻴﻠﻪ .
ﻭﻛﻞ ﺣﻠﻢ ﻳﺼﺒﺢ ﺣﻘﻴﻘﻪ
ﻣﺎﻓﻲ ﺍﺣﻼﻡ ﻣﺴﺘﺤﻴﻠﻪ ..
ﺑﺎﻻﻣﻞ ﻧﻮﺻﻞ ﺍﻛﻴﺪ
ﺍﻟﺼﻌﺎﺏ ﻟﻮ ﻛﺎﻥ ﻛﺘﻴﺮﻩ
ﺑﻜﺮﺍ ﻧﺘﺠﺎﻭﺯ ﺻﻌﺎﺑﻨﺎ
ﻭﻧﻔﺮﺡ ﺍﻟﻔﺮﺣﻪ ﺍﻟﻜﺒﻴﺮﻩ

ﺍﺗﺄﺧﺮﺗﺎ ﺷﻮﻳﻪ ﻋﻠﻴﺎ
ﻭﺯﺍﺩﻭ ﺍﻟﺸﻮﻕ ﻭﺍﻟﻠﻬﻔﻪ ﺍﻟﺒﻴﺎ
ﻣﺎﺗﻜﻮﻥ ﻧﺎﺳﻲ ﻣﻴﻌﺎﺩﻧﺎ ﻳﺎﻏﺎﻟﻲ
ﻧﺎﺳﻲ ﺍﻟﺮﻳﺪ ﻧﺎﺳﻲ ﺍﻟﺤﻨﻴﺎ .
ﺍﺗﺄﺧﺮﺗﺎ ...
ﻭﺑﻴﻦ ﺧﻄﻮﺍﺕ ﺍﺣﺴﺎﺳﻲ ﻣﺸﻴﺖ
ﻭﻟﻴﻪ ﻣﺎﺑﻨﺘﺎ .. ؟؟؟
ﺑﺮﺿﻲ ﺑﻔﺘﺶ ﻟﻴﻚ ﺟﻮﺍﻱ
ﻭﻣﺎﺑﻠﻘﺎﻙ ﺍﻧﺎ ﺇﺗﻴﻘﻨﺘﺎ
ﺑﻴﻦ ﺩﻗﺎﺕ ﺍﻟﻘﻠﺐ ﺍﻟﺮﺍﺩﻙ،، ﺍﺗﺄﺧﺮﺗﺎ
ﻣﺮﻩ ﺟﻔﺎﻙ ﻭﻣﺮﻩ ﻭﺩﺍﻙ ... ﺍﺗﺄﺧﺮﺗﺎ
ﺍﺗﺄﺧﺮﺗﺎ ﻭﻧﺎﺳﻲ ﻣﻴﻌﺎﺩﻙ .
ﻭﺍﻧﺎ ﺍﺣﺘﺮﺗﺎ ..!!!!
ﺍﻣﺸﻲ ﻭﺍﺳﻴﺒﻮ ﻳﺎﻏﺎﻟﻲ ﺳﻬﺎﺩﻙ
ﻭﺗﺒﻘﻲ ﺧﺴﺮﺗﺎ ...!!
ﺍﺗﺄﺧﺮﺗﺎ ....
ﺍﻟﻤﺨﺘﺎﺭﺓ ﺍﻟﻤ

ﻓﺘﺶ ﻋﻠﻲ ﺍﻟﺒﺮﻳﺪ
ﻭﺍﻟﻤﺎ ﺑﺨﻮﻥ ﻓﻲ ﻳﻮﻡ
ﻟﻮ ﻛﻨﺘﺎ ﻋﻨﻮ ﺑﻌﻴﺪ
ﻣﺎﺗﺸﻮﻑ ﻋﻴﻮﻧﻮ ﺍﻟﻨﻮﻡ
ﻓﺘﺶ ﻋﻦ ﺍﻻﺧﻼﺹ
ﻭﻣﺎﺑﺨﻮﻧﻚ ﺍﻻﺣﺴﺎﺱ
ﻭﺍﻟﺮﻳﺪﻩ ﻣﺎﻫﺎ ﺧﻼﺹ
ﺯﻱ ﻣﺎﺑﻘﻮﻟﻮ ﺍﻟﻨﺎﺱ
ﻣﺎﻛﻞ ﺯﻭﻝ ﺑﺮﻳﺪ
ﻋﺎﻳﺶ ﺣﻴﺎﺗﻮ ﺳﻌﻴﺪ
ﻧﺎﺱ ﻓﻲ ﺍﻟﺤﺰﻥ ﻋﺎﻳﺸﻪ
ﻣﺎﺷﺎﻓﻮ ﻃﻌﻢ ﺍﻟﻌﻴﺪ ..
ﻭﻓﺘﺶ ﻋﻦ ﺍﻟﺒﻴﺮﻳﺪ !!

ﺍﻋﺎﺗﺒﻚ ﻛﻴﻒ؟
ﺍﻟﻮﻣﻚ ﻛﻴﻒ؟
. ﻭﻳﻮﻡ ﺗﻐﻠﻂ ﺑﻐﻔﺮ ﻟﻴﻚ
ﻭﺍﻋﺎﺗﺐ ﻧﻔﺴﻲ ﺑﺎﻟﻤﺮﺍﺕ .
ﺍﺳﺎﻣﺤﻚ ﺟﺪ ﻣﻌﺎﻙ ﺍﺗﻨﺎﺳﻲ ﻟﻠﺮﺍﻳﺤﺎﺕ
ﺍﻋﺎﺗﺒﻚ ﻛﻴﻒ ؟؟
ﺍﻟﻮﻣﻚ ﻛﻴﻒ . ؟؟
ﻭﻳﻮﻡ ﻟﻮﻣﻚ ﺗﻠﻮﻣﻨﻲ ﻋﻴﻮﻧﻲ ﺑﺎﻟﺪﻣﻌﺎﺕ
ﺍﻧﺴﺎﻙ ﻛﻴﻒ ﻟﻮ ﻗﻠﺘﺎ ﺍﻧﺴﺎﻙ
ﻳﻜﻮﻥ ﺍﻟﻘﻠﺐ ﺟﻮﺍﻱ ﻣﺎﺕ
ﻣﺎﺑﻘﺪﺭ ﻋﻠﻲ ﻋﺘﺎﺑﻚ
ﻭﻻ ﺑﻘﺪﺭ ﻋﻠﻲ ﺑﻌﺎﺩﻙ
ﻭﻻ ﺑﻘﺪﺭ ﻋﻠﻴﻚ ﺑﺎﻟﺰﺍﺕ
ﻛﻔﺎﻳﻪ ﻋﺘﺎﺏ
ﻛﻔﺎﻳﻪ ﻏﻴﺎﺏ
ﻣﺤﺎﻝ ﺍﻗﺪﺭ ﺍﻏﻴﺐ ﻋﻨﻚ
ﻭﻟﻮ ﻟﺤﻈﺎﺕ .
ﺑﺸﺘﺎﻕ ﻟﻴﻚ ﻭﺍﻓﻜﺮ ﻓﻴﻚ
ﻭﺍﻓﺮﺡ ﺑﺎﻟﻌﻤﺮ ﻗﺮﺑﻚ
ﻭﻗﺒﻠﻚ ﻛﺎﻥ ﺷﻘﻲ ﻭﺍﻫﺎﺕ
ﺑﺤﺴﻚ ﻧﺴﻤﻪ ﻋﺰ ﺍﻟﺼﻴﻒ
ﻭﺍﺣﺴﻚ ﻓﻲ ﺍﻟﻮﺗﺮ ﻏﻨﻮﺍﺕ
ﺍﻋﺎﺗﺐ ﻛﻴﻒ ﻭﻳﻮﻡ ﺗﻐﻠﻂ
ﺑﻐﻔﺮ ﻟﻴﻚ ﻭﺍﻋﺎﺗﺐ ﻧﻔﺴﻲ ﺑﺎﻟﻤﺮﺍﺕ

https://m.facebook.com/1430643313844072/photos/a.1430655813842822.1073741826.1430643313844072/1725896594318741/?type=3&source=45&refid=17

ﻋﻴﺪ ﻣﻴﻼﺩ ﺍﻟﺮﻳﺪﻩ ﺍﻟﻠﻴﻠﻪ
ﻭﻛﻞ ﺍﻳﺎﻣﻲ ﻣﻌﺎﻙ ﺍﻋﻴﺎﺩ
ﻣﻜﺘﻮﺏ ﺭﻳﺪﻙ ﻟﻲ ﻳﺎﻏﺎﻟﻲ
ﺭﻏﻢ ﺍﻟﺒﻴﻨﺎ ﺑﻼﺩ ﻭﺑﻼﺩ
ﻣﺎﺣﺴﻴﺖ ﺑﻲ ﺑﻌﺪﻙ ﻣﺮﻩ
ﺩﻳﻤﻪ ﺑﺤﺲ ﺑﻲ ﺣﺒﻚ ﺯﺍﺩ
ﻭﺭﻏﻢ ﻗﺴﺎﻭﺓ ﺍﻟﺪﻧﻴﺎ ﻋﻠﻴﻨﺎ
ﻭﺩﺍﻳﻤﺎ ﺗﻘﺼﺪ ﻧﺒﻘﻲ ﺑﻌﺎﺩ
ﺍﻧﺖ ﺣﺒﻴﺒﻲ ﺍﻟﺴﺎﻛﻦ ﻗﻠﺒﻲ
ﻭﻏﻴﺮﻙ ﺗﺎﻧﻲ ﻣﻨﻮ ﺍﻟﺒﺘﺮﺍﺩ؟
ﻭﻛﻞ ﺍﻟﻘﺎﺻﺪ ﻳﺒﻌﺪ ﺑﻴﻨﺎ
ﻳﺎﺭﺑﻲ ﺗﺰﻳﺪ ﺍﻳﺎﻣﻮ ﺳﻬﺎﺩ
ﺍﻧﺎ ﻣﺎﻟﻲ ﺳﻮﺍﻙ ﻳﺎﻏﺎﻟﻲ
ﻭﺭﻳﺪﻙ ﺍﺻﺒﺢ ﻟﻲ ﺍﻟﺰﺍﺩ
ﻳﻮﻣﻲ ﺑﺼﺒﺢ ﺑﻴﻚ ﻭﺑﻤﺴﻲ
ﻣﺎﻟﻲ ﺣﻴﺎﺗﻲ ﻓﺮﺡ ﻭﺍﻋﻴﺎﺩ

ﺍﻟﺘﻬﺎﺑﺎﺕ ﺍﻟﻤﺸﺎﻋﺮ
ﺟﺎﺗﻨﺎ ﻣﻦ ﻛﺴﺮ ﺍﻟﺨﻮﺍﻃﺮ
ﻛﻞ ﻗﺼﺔ ﺭﻳﺪ ﻧﺸﻮﻓﻬﺎ
ﻗﺒﻞ ﺗﺒﺪﺃ ﻳﺠﻴﻬﺎ ﺁﺧﺮ
ﻛﻞ ﺯﻭﻝ ﺑﻘﻮﻝ ﻫﻮ ﻣﻈﻠﻮﻡ !!!
ﻭﻣﺎﻋﺮﻓﻨﺎ ﻣﻨﻮ ﺍﻟﻠﻲ ﻇﺎﻟﻢ؟
ﻭﻛﻞ ﺯﻭﻝ ﻣﺠﺮﻭﺡ ﻣﻌﺬﺏ
ﺑﻴﻬﻮ ﺭﺏ ﺍﻟﻜﻮﻥ ﺩﺍ ﻋﺎﻟﻢ
ﺍﻟﺠﺮﻭﺡ ﺑﺘﻄﻴﺐ ﻣﺼﻴﺮﺍ
ﻭﺍﻟﻘﻠﻮﺏ ﺑﺘﺠﻴﻨﺎ ﻏﻴﺮﺍ
ﻭﺍﺻﻠﻮ ﺣﺎﻝ ﺍﻟﺮﻳﺪﻩ ﻇﺎﻫﺮ
ﺣﻘﻴﻘﻪ ﺣﺎﻝ ﺍﻟﺮﻳﺪ ﺑﺨﻮﻑ
ﻛﻢ ﻗﻠﻮﺏ ﻓﻲ ﺍﻟﺮﻳﺪﻩ ﺗﻨﺰﻑ
ﻭﺍﻟﻌﻼﺝ ﻗﺎﺳﻲ ﻭﻣﻜﻠﻒ
ﻭﻣﺎﻓﻲ ﺩﻛﺘﻮﺭ ﻟﻴﻬﺎ ﺷﺎﻃﺮ
ﺍﻟﻠﻪ ﻳﺴﺘﺮ ﺑﺲ ﻋﻠﻴﻨﺎ
ﻭﻧﺸﻔﻲ ﻣﻦ ﺍﻟﻢ ﺍﻟﻤﺸﺎﻋﺮ