ﻗﺎﺻﺪ ﻳﺒﻜﻴﻨﻲ ﺍﻟﺤﻨﻴﻦ
ﻟﻤﻦ ﺍﻓﻜﺮ ﻟﺤﻈﻪ ﻓﻴﻚ
ﻓﺎﺿﺤﺎﻧﻲ ﻓﻲ ﺭﻳﺪﻙ ﺩﻣﻮﻉ
ﻭﺍﻧﺎ ﻣﺎﺑﺸﻮﻑ ﺭﻳﺪﻱ ﻓﻲ ﻋﻴﻨﻴﻚ
ﻏﺼﺒﺂ ﻋﻦ ﺍﻟﻘﻠﺐ ﺍﻟﻬﻮﺍﻙ
ﺍﻧﺎ ﺑﺮﺿﻰ ﻳﺎﻧﺎﻛﺮ ﻫﻮﺍﻙ
ﺑﺎﻟﻐﺎﻟﻲ ﻛﻨﺖ ﺍﻟﻤﺸﺘﺮﻳﻚ
ﻭﻻ ﻗﻠﺒﻲ ﻳﻮﻡ ﻗﺼﺮ ﻣﻌﺎﻙ
ﺭﻏﻢ ﺍﻟﺤﺼﻞ ﺑﺴﺄﻝ ﻋﻠﻴﻚ
ﺳﺎﻳﻘﻪ ﺍﻟﺨﻄﻰ ﻭﺍﻫﻲ ﻣﺎﺷﻪ ﻟﻴﻚ
ﻛﻨﺖ ﺍﻟﺤﺒﻴﺐ ﻭﺍﻧﺎ ﻛﻨﺖ ﺑﻴﻚ
ﺑﺲ ﻳﺎﺣﺮﺍﻡ ...
ﺧﻴﺒﺖ ﻇﻦ ﺍﻟﻘﺪﺭﻙ
ﻻﺧﺎﻥ ﻫﻮﺍﻙ ﻻ ﻭﺩﺭﻙ
ﻻ ﻛﺎﻥ ﺑﺨﻴﻞ ﺑﺎﻟﻮﺩ ﻋﻠﻴﻚ
ﻻ ﺷﺎﻝ ﻣﻨﺎﻣﻚ ﻭﺳﻬﺮﻙ
# ﺯﻭﻭﻭﻭﺑﻪ

ﻭﺍﻧﺎ ﺍﻟﻤﻦ ﺷﻮﻗﻲ ﻟﻴﻚ ﻛﻞ ﻳﻮﻡ
ﺑﻨﺪﻩ ﻟﻴﻚ ﻳﺎﻟﻤﻌﺸﻮﻕ
ﻣﺤﺎﻝ ﻣﺎﺗﻀﻮﻕ ﻋﻴﻮﻧﻲ ﺍﻟﻨﻮﻡ
ﺑﻜﺘﺐ ﻟﻴﻚ ﻭﺍﺩﺍﺭﻱ ﺍﻟﺸﻮﻕ
ﻭﻣﻬﻤﺎ ﻗﺎﻟﻮ ﻋﺰﺍﻟﻨﺎ ....
ﺑﺮﺍﻙ ﻓﻲ ﺍﻟﺮﻭﺡ ﻣﻘﺎﻣﻚ ﻓﻮﻕ
ﻣﻬﻤﺎ ﺗﺰﻳﺪ ﻗﺴﺎﻭﻩ ﻋﻠﻲ
ﺣﺎﺗﻔﻀﻞ ﺍﻧﺖ ﺳﻴﺪ ﺍﻟﺬﻭﻕ
# ﺯﻭﻭﻭﻭﺑﻪ

ﻧﺺ ﻟﻲ ﻛﻞ ﺃﻧﺴﺎﻥ ﻓﻘﺪ ﺷﺨﺺ ﻋﺰﻳﺰ ﻋﻠﻴﻬﻮ
ﺑﻼﻙ ﻋﻴﻨﻴﺎ ﻣﺎﺑﺘﻔﺮﺡ
ﺩﻣﻮﻋﺎ ﺑﺘﺒﻜﻲ ﺩﻳﻤﻪ ﻋﻠﻴﻚ
ﻏﻴﺎﺑﻚ ﻋﻨﻲ ﺟﺪ ﺑﺠﺮﺡ
ﻭﻣﻦ ﺟﻮﺍﻳﺎ ﺑﻨﺪﻩ ﻟﻴﻚ
ﺑﻘﺎﺳﻲ ﺍﻟﻤﺮ ﻓﻲ ﻏﻴﺎﺑﻚ
ﺯﻣﺎﻧﻲ ﺍﻟﻘﺎﺳﻲ ﻣﺎﺟﺎﺑﻚ
ﻭﻛﺎﻥ ﺣﻜﻢ ﺍﻟﻘﺪﺭ ﺍﻗﻮﻱ
ﻭﻗﻒ ﻗﺒﺎﻟﻲ ﻓﻲ ﺑﺎﺑﻚ
ﺷﻨﻮ ﺍﻟﺒﻄﻔﻴﻬﺎ ﻧﺎﺭ ﺍﻟﺸﻮﻕ
ﺑﻘﺖ ﻳﺎﻏﺎﻟﻲ ﺭﻭﺣﻚ ﻓﻮﻕ
ﻭﺍﻧﺎ ﺍﻟﻤﺎﻗﺎﺩﺭﻩ ﺍﺗﺼﺒﺮ
ﺑﺸﻴﻞ ﺍﻧﻔﺎﺳﻲ ﺑﺲ ﺑﺎﻟﺬﻭﻕ
ﻋﺰﺍﻱ ﺍﻧﻚ ﻓﻲ ﺟﻨﺎﺗﻮ
ﺑﺼﺒﺮ ﻗﻠﺒﻲ ﻭﺍﻫﺎﺗﻮ
ﻭﺍﻗﻮﻝ ﻓﻲ ﺧﺎﻃﺮﻱ ﻭﺍﺗﻤﻨﻰ
ﺍﺭﻳﺖ ﻟﻮ ﻳﺮﺟﻮ ﺍﻟﻔﺎﺗﻮ
# ﺯﻭﺑﻪ

ﺍﻟﻠﻴﻠﻪ ﺍﻟﻌﻴﺪ
ﺑﺲ ﻭﻳﻦ ﺍﻟﺤﺐ؟؟
ﻭﺍﻧﺎ ﺗﺎﻳﻬﺎ ﻛﺘﻴﺮ
ﻓﻲ ﻧﻔﺲ ﺍﻟﺪﺭﺏ
ﺍﻧﺎ ﻛﺎﻳﺴﻪ ﺳﻨﻴﻦ
ﻋﻦ ﻣﻌﻨﻲ ﺍﻟﺮﻳﺪ
ﻋﻦ ﺻﺪﻕ ﺍﺗﻨﻴﻦ
ﻋﻦ ﻗﻠﺐ ﺳﻌﻴﺪ
ﻋﻦ ﺯﻭﻝ ﺑﻌﺮﻑ
ﺇﻳﻪ ﻣﻌﻨﻰ ﺍﻟﺮﻳﺪ
ﻭﺍﻧﺎ ﻋﻨﺪﻱ ﺳﺆﺍﻝ
ﺑﺲ ﻟﻠﻌﺎﺷﻘﻴﻦ
ﻫﻞ ﺻﺎﺡ ﺍﻟﺮﻳﺪ
ﻣﺎﻓﻴﻬﻮ ﺃﻧﻴﻦ؟
ﻭﻫﻞ ﺃﻫﻞ ﺍﻟﺮﻳﺪ
ﺩﺍﻳﻤﺎً ﺻﺎﺩﻗﻴﻦ؟
ﻭﻟﻴﻪ ﻛﻞ ﺍﻟﺮﺍﺩ
ﺑﻨﺸﻮﻓﻮ ﺣﺰﻳﻦ؟
ﺑﺎﻟﺠﺪ ﻳﺎﻧﺎﺱ ..
ﻭﺍﻧﺎ ﻋﺎﻳﺰﻩ ﺍﻋﺮﻑ
ﺇﺣﺴﺎﺱ ﻗﻠﺒﻴﻦ !!!.
# ﺯﻭﻭﻭﻭﺑﻪ

ﻗﺎﻟﻮ ﻋﻴﺪ ﺍﻟﺤﺐ ﺑﻜﺮﻩ
ﻋﻨﻮ ﺟﺪ ﻣﺎﻋﻨﺪﻱ ﻓﻜﺮﻩ
ﺍﻟﺤﺐ ﺣﻘﻴﻘﻪ ﻭﻻ ﻧﻜﺮﻩ ! ؟
ﻭﻻ ﺑﺲ ﺃﻋﻴﺎﺩ ﻭﺫﻛﺮﻩ
ﻛﻢ ﺟﺮﻭﺡ ﻣﺎﻋﺎﻳﺰﻩ ﺗﺒﺮﻩ
ﻭﻛﻢ ﻋﻴﻮﻥ ﻣﺎﻟﻴﺎﻫﺎ ﻋﺒﺮﻩ
ﻭﻗﺎﻟﻮ ﻋﻴﺪ ﺍﻟﺤﺐ ﺑﻜﺮﻩ
# ﺯﻭﻭﻭﻭﺑﻪ

ﺯﺍﺩ ﺍﻟﺸﻮﻕ ﻋﻠﻰ
ﻗﻮﻝ ﻟﻲ ﻣﺘﻴﻦ ﺍﻟﻘﺎﻙ
ﻳﺎﺳﻴﺪ ﺍﻟﺤﺮﻭﻑ
ﺍﻧﺎ ﺗﺎﻳﻬﺎ ﻓﻲ ﻣﻌﻨﺎﻙ
ﻏﻴﺮﻙ ﻣﺎﺑﺸﻮﻑ
ﻣﻬﻤﺎ ﺗﺰﻳﺪﻭ ﺟﻔﺎﻙ .
ﻟﻮ ﻃﺎﻝ ﺍﻟﻐﻴﺎﺏ
ﻭﺍﻟﻠﻪ ﻣﺎﺑﻨﺴﺎﻙ
ﻟﻮ ﻗﺴﻮﻙ ﻋﻠﻲ
ﺑﻬﻮﺍﻫﻮ ﺑﺮﺿﻰ ﻗﺴﺎﻙ
ﻣﺎﻳﺒﻨﻘﺺ ﻏﻼﻙ
ﻓﻲ ﻋﻴﻮﻧﻲ ﺍﻧﺖ ﻣﻼﻙ
ﻣﺸﻐﻮﻝ ﻓﻜﺮﻱ ﺑﻴﻚ
ﺍﻧﺎ ﻛﻞ ﻳﻮﻡ ﺑﻄﺮﺍﻙ
ﻣﺎﺣﺒﻴﺘﻮ ﻏﻴﺮﻙ ..
ﻓﻲ ﻗﻠﺒﻲ ﺍﻧﺖ ﺑﺮﺍﻙ
# ﺯﻭﺑﻪ

ﺯﺍﺩﺕ ﺳﻨﻪ ..
ﻭﺍﺣﺰﺍﻧﻲ ﺯﺍﺩﺕ ...
ﻋﻤﺮﻱ ﺃﺿﻌﺎﻑ ﺍﻟﺴﻨﻴﻦ
ﺯﺍﺩﺕ ﺳﻨﻪ ..
ﻭﺍﺣﺰﺍﻧﻲ ﺳﺎﻳﻘﺎﻧﻲ ﻭﺧﻼﺹ
ﻟﻲ ﺳﻜﺔ ﻣﺎﻣﻌﺮﻭﻓﻪ ﻭﻳﻦ
ﺯﺍﺩﺕ ﺳﻨﻪ ..
ﻭﺍﻧﺎ ﻟﺴﻪ ﺟﻮﺍﻱ ﺍﻻﻣﻞ
ﺍﻧﻮ ﺍﻟﻔﺮﺡ ﻣﻤﻜﻦ ﻳﺒﻴﻦ
ﺍﻟﻘﻰ ﺍﻟﺤﺰﻥ ﻋﺪﺍ ﻭﺭﺣﻞ
ﺍﻧﻮ ﺍﻟﺰﻣﻦ ﻳﺼﺒﺢ ﺣﻨﻴﻦ
ﺍﻧﺎ ﻗﻠﺒﻲ ﻛﺎﻭﻳﻬﻮ ﺍﻟﻔﺮﺍﻕ
ﻭﺃﻳﺎﻡ ﻭﻻ ﺑﺘﻌﺮﻑ ﺗﻠﻴﻦ ..
ﻭﻗﻠﻮﺏ ﺑﺘﺘﻌﻤﺪ ﺍﺳﺎﻱ ...
ﻭﺍﻟﻮﺟﻌﻪ ﺗﺼﺒﺢ ﻭﺟﻌﺘﻴﻦ
ﻭﺍﻧﺎ ﺯﺍﺗﻲ ﻣﺎﻗﺪﺭ ﺍﻟﺤﺰﻥ
ﺍﻻ ﺍﻟﺰﻣﻦ ﻳﺎﻳﻤﻪ ﺷﻴﻦ
ﺩﺍﻳﻤﺎ ﺑﺒﻜﻴﻨﺎ ﻭﺧﻼﺹ
ﻳﺄﺭﺑﻲ ﺑﺲ ﺣﺎﻳﺤﻦ ﻣﺘﻴﻦ؟
ﻣﻦ ﺗﺎﻧﻲ ﻳﻬﺪﻳﻨﺎ ﺍﻟﻔﺮﺡ
ﻭﻣﺎﻳﺨﻠﻲ ﺯﻭﻵ ﺑﺲ ﺣﺰﻳﻦ
ﺣﺘﻰ ﺍﻟﻔﺮﺡ ﻟﻮ ﻃﻠﻪ ﻳﻮﻡ
ﻳﺴﻜﻦ ﻗﻠﻮﺏ ﺍﻟﻄﻴﺒﻴﻦ .
# ﺯﻭﻭﻭﻭﺑﻪ

ﺑﺤﻠﻢ ﻛﻴﻒ ﺍﺷﻮﻑ ﻋﻴﻨﻴﻚ
ﻭﺍﻻ ﻗﻴﻚ ﺗﺎﻧﻲ ﻟﻮ ﺻﺪﻓﻪ
ﺃﻣﺪ ﺍﻳﺪﻱ ﺃﺳﺄﻟﻢ ﺇﻳﺪﻳﻚ
ﺑﻨﻔﺲ ﺍﺷﻮﺍﻗﻲ ﻭﺍﻟﻠﻬﻔﻪ
ﻭﻛﻴﻔﻦ ﺑﺲ ﺧﻄﺎﻱ ﺗﺠﻴﻚ
ﻭﺍﺗﻨﻜﺮﺗﺎ ﻟﻠﻌﺮﻓﻪ !!!!...
ﺍﻗﻮﻝ ﻟﻲ ﻗﻠﺒﻲ ﻫﻨﺘﺎ ﻋﻠﻴﻚ
ﺣﻨﻴﻦ ﺍﺷﻮﺍﻗﻲ ﻭﺍﻹﻟﻔﻪ
ﺑﻔﺘﺶ ﻓﻲ ﻋﻴﻮﻥ ﺍﻟﻨﺎﺱ
ﻭﺑﺤﻠﻢ ﺑﻲ ﻣﻼﻗﺎﺗﻚ ..
ﻭﺍﻓﺘﺶ ﻟﻴﻚ ﻓﻲ ﺍﻻﻋﺬﺍﺭ
ﻭﺍﻏﻔﺮ ﻟﻴﻚ ﻏﻠﻄﺎﺗﻚ
ﻭﺍﺳﺎﻣﺤﻚ ﻗﺒﻞ ﻣﺎﺗﻄﻠﺐ
ﻋﺸﺎﻥ ﻣﺎﺍﺷﻮﻓﺎ ﺩﻣﻌﺎﺗﻚ

ﻳﺎﻟﻀﻮﻳﺖ ﺣﻴﺎﺗﻲ
ﺑﺄﺟﻤﻞ ﺍﺑﺘﺴﺎﻣﺔ
ﺩﻱ ﺃﻛﺒﺮ ﺍﻣﻨﻴﺎﺗﻲ
ﺍﺷﻮﻓﻚ ﺑﺎﻟﺴﻼﻣﻪ
ﻣﻌﺎﻙ ﺍﻳﺎﻣﻲ ﺣﻠﻮﻩ
ﺑﻼﻙ ﺩﻧﻴﺎﻱ ﻧﺪﺍﻣﻪ
ﻭﻟﻮ ﻋﺎﺭﻑ ﺍﻟﺤﻘﻴﻘﻪ
ﻣﺎﺑﺘﺮﺳﻞ ﻣﻼﻣﺔ
ﻣﻠﺘﻨﻲ ﺍﻟﺪﻧﻴﺎ ﺁﻫﻪ
ﺳﻘﺘﻨﻲ ﺍﻟﻤﺮ ﻳﺎﻣﺎ
ﻭﻛﻴﻒ ﺍﻟﺤﺎﻝ ﺑﺪﻭﻧﻚ
ﻭﻭﻳﻦ ﺑﺮ ﺍﻟﺴﻼﻣﻪ
ﻧﺠﻮﻡ ﺍﻟﻠﻴﻞ ﺑﺘﺴﺄﻝ
ﻋﻴﻮﻧﻚ ﻭﻳﻦ ﻛﻼﻣﻪ
ﻭﻭﻳﻨﻚ ﺍﻧﺖ ﻣﻨﻲ
ﻏﺎﻳﺐ ﻟﻴﻪ ﺳﻼﻣﻪ؟

ﺍﻟﻘﺼﻪ ﻣﺎ ﻗﺼﺔ ﺣﻨﻴﻦ
ﻻ ﺭﻳﺪﻩ ﻋﺎﺷﺖ ﺑﺎﻟﺴﻨﻴﻦ
ﺍﻟﻘﺼﻪ ﻗﺼﺔ ﺯﻭﻝ ﺭﺟﺎﻙ
ﺗﻤﺴﺢ ﺷﻘﺎﻫﻮ ﺑﻜﻠﻤﺘﻴﻦ
ﺍﻟﻘﺼﻪ ﻗﺼﺔ ﺯﻭﻝ ﺳﺮﺡ
ﻓﺎﻛﺮ ﻣﻌﺎﻙ ﻳﻨﺴﻰ ﺍﻷﻧﻴﻦ
ﻭﺑﺪﺕ ﻣﻌﺎﻟﻢ ﺷﻮﻗﻮ ﻟﻴﻚ
ﺧﻠﻴﺘﻮ ﺍﻧﺖ ﺭﻭﺣﺘﺎ ﻭﻳﻦ؟
ﻻﻛﻨﻮ ﻣﺎ ﻗﺼﺮ ﻣﻌﺎﻙ .....
ﺑﻄﺮﺍﻙ ﺑﻲ ﻧﻔﺲ ﺍﻟﺤﻨﻴﻦ
ﻛﻞ ﺍﻟﻜﻼﻡ ﺷﺎﻓﻮ ﻓﻲ ﻋﻴﻨﻴﻚ
ﻓﻲ ﻋﻴﻮﻧﻮ ﻛﺎﻧﻦ ﺩﻣﻌﺘﻴﻦ !.
# ﺯﻭﻭﻭﻭﺑﻪ