مالو إحساسي البريدك....
زي نساك ونساهو ريدك!!!!!
زي كأني ماهويتك...
وكنت خايف يوم اسالمك..
خوفته ايدي تزوب في إيدك...
بكل قساوه جيت تعاتب...
مرة شوف صندوق بريدك...
ح تلقي مكتوب شوقي ليك...
وهسه لومك مابيفيدك...
ح تلقي دمعاتي الرجنك....
وانت فرحان بي جديدك...
وياما جيت سألت عنك..
وكان مناي بالفرح ازيدك...
بس شقاي الشفتو منك..
خلاني جد انساهو ريدك...
‏
_____
محمد عباس الشجن الاليم
لو كان طريقك شوك!
املاهو انت ورود،،،
في الدنيا مافي محال،،
مادام الإله موجود..
احلامنا تتحقق
وتصبح حقيقه اكيد
وافراحنا تتصدق.
احزانا تمشي بعيد.
كل التشوفو العين
مااظن تطولو الإيد
والكان مقسوم ليك
مهما حصل بجيك
لو ترضي بالمكتوب
ح تكون حقيقه سعيد.

افرح خلاص يازول.
خلي الزعل لينا ....
عليك الفرح لايق..
والدمعه لي عينينا..
وماتشيلو هم خالص.
لا يوم تحس بينا....
ولا تبكي للآهات....
المنها بكينا....
وخليهو حزنك يفوت....
وفرحك يواسينا
‏
_____
الشاعرة زوبه عثمان‏
اتغير الاحساس..
ماتت قلوب الناس...
الكان حبيب غالي....
والكان صديق وناس..
باعوك في سوق الريد..
واتغير الإحساس!!!!!
ماقالو ليك زمان ....
انت تاج الرأس....!!!!

صدقني مابزعل عليك...
ولا ليك في جواي مكان...
لاقلبي يوم ح يحس بيك...
ونسيتو جد ريدك زمان...

الشاعرة زوبه عثمان‏
ياحبيب راح اشتياقي...
وانت في همس الخواطر
وقلبي مااظن يوم تلاقي
ومابتجبر ليهو خاطر..
عشتا في زحمة ظروفك
كان مناي دايما اشوفك
قلبي بسال يومي عنك
وعني وين رحلت طيوفك
لا بقيت تسال عليا.....!!
ولا خبر بوصلني عنك
كيف تقول بتحس بيا
ولي زمن راجياهو حنك؟
اشتهيت لحظه رجوعك
وانت ليه طول غيابك
كنتا بمسح لي دموعك
والحنين ولا مره جابك

الشاعرة زوبه عثمان‏
يالغيابك زاد عذابي ..
لسه راجيه تدقو بابي
عارفه حافظ لي وعودك
بتوفي لي برضو في غيابي
يالبعيد كاتلني شوقك....!!!
بهدي ليك عمري وشبابي
ويالبعادك زادني وحشه
وغربه بين اهلي وصحابي
لسه تايها بشوقي ليك..
ولسه حاسه بإغترابي...
وكنتا بحلم بالسعاده
المعاك لاقيتها دابي...

الشاعرة زوبه عثمان
اتعودتا انادي عليك
ولما تغيب عيني يبكنك
ومابرتاح غير لما اشوفك
ديمه بنادي وبسأل عنك
وصعبه اللحظه تعدي عليا
ولما تغيب اشواقي بجنك
مااتعودتا اخاصمك ابدآ
مرات بقسى وبزعل منك
الا وحاتك بنسى واسامحك
ولا في يوم عيني لامنك..
مهما اشوف القسوه في عينك
ولا في يوم عيني سألنك

ﺍﻟﺸﺎﻋﺮﺓ ﺯﻭﺑﻪ ﻋﺜﻤﺎﻥ
ﻗﻠﺒﻲ ﺷﻠﺘﻮ ﻣﻌﺎﻙ
ﻟﻤﻦ ﻧﻮﻳﺖ ﺗﺮﺣﻞ
ﻋﻤﺮﻱ ﺭﺍﺡ ﻓﻲ ﺭﺟﺎﻙ
ﻗﻀﻴﺘﻮ ﻛﻠﻮ ﺯﻋﻞ .. ««« لمتابعه القراءه ادخل هنا

http://www.wdommed.wap-ka.com/site_228.xhtml?get-user=&get-blog=1483

ﺍﻟﺸﺎﻋﺮﺓ ﺯﻭﺑﻪ ﻋﺜﻤﺎﻥ
ﺟﻴﺖ ﺍﺷﻜﻲ ﻟﻴﻚ ﻫﻤﻲ
ﺣﺒﻞ ﺍﻟﺼﺒﺮ ﻣﻤﺪﻭﺩ
ﺟﻮﺍﻳﺎ ﺍﻟﻒ ﺳﺆﺍﻝ،،،،
ﻟﻮ ﻛﻨﺘﺎ ﺑﺲ ««« لمتابعه القراءه ادخل هنا

http://www.wdommed.wap-ka.com/site_228.xhtml?get-user=&get-blog=1484

ﺍﺗﺄﺧﺮﺗﺎ .....
ﻭﺑﻴﻦ ﺧﻄﻮﺍﺕ ﺍﺣﺴﺎﺳﻲ ..
ﻣﺸﻴﺖ ﻭﻟﻴﻪ ﻣﺎﺑﻨﺘﺎ؟؟؟
ﻭﺭﻭﺣﺘﺎ ﺍﻓﺘﺶ ﻟﻴﻚ ﺟﻮﺍﻱ
ﻭﻣﺎﺑﻠ ««« لمتابعه القراءه ادخل هنا

http://www.wdommed.wap-ka.com/site_228.xhtml?get-user=&get-blog=1485

ﺍﻟﺸﺎﻋﺮﺓ ﺯﻭﺑﻪ ﻋﺜﻤﺎﻥ