ﺍﻋﺬﺭﻧﻲ ﻟﻮ ﻛﻞ ﺍﻟﻜﻼﻡ
ﺍﻟﻘﻠﺘﻮ ﻋﻨﻚ ﻣﺎﻭﺻﻒ
ﻓﻲ ﻋﻴﻮﻧﻲ ﻇﺎﻫﺮ ﺷﻮﻗﻲ ﻟﻴﻚ
ﻓﻲ ﻋﻴﻮﻧﻲ ﻛﺎﻥ ﻇﺎﻫﺮ ﺍﺳﻒ
ﻭﺍﻧﺎ ﻗﻠﺒﻲ ﻣﻠﻴﺎﻥ ﺑﻲ ﻫﻮﺍﻙ
ﻟﻮ ﺣﺘﻰ ﻗﻠﺒﻚ ﻣﺎﺍﻋﺘﺮﻑ
ﺣﺎﻓﻆ ﻏﺮﺍﻣﻚ ﺑﺎﻟﺴﻨﻴﻦ
ﻭﻻ ﻣﺮﺓ ﻋﻦ ﺭﻳﺪﻙ ﻭﻗﻒ
ﺷﺎﻳﻒ ﺟﻤﺎﻝ ﺍﻟﺪﻧﻴﺎ ﻓﻴﻚ
ﺑﻌﺸﻖ ﻣﺤﺎﺳﻨﻚ ﻭﺍﻟﺼﺪﻑ
ﺍﻧﺎ ﻟﺴﻪ ﺑﻬﻮﺍﻙ ﻳﺎﻟﺤﺒﻴﺐ
ﺑﻬﻮﺍﻙ ﻟﻲ ﺣﺪ ﺍﻟﺘﺮﻑ
# ﺯﻭﻭﻭﻭﺑﻪ

ﻟﻴﻪ ﺍﻟﺪﻡ ﻗﺼﺎﺩ ﺍﻟﺪﻡ !!
ﻣﺎﻧﺤﻨﺎ ﺃﻭﻻﺩ ﻋﻢ
ﻛﻞ ﺍﻟﺤﺼﻞ ﻓﻮﻕ ﻛﻢ؟
ﺷﻴﻠﺘﻮ ﻗﻠﺒﻲ ﺍﻟﻬﻢ
ﻣﺎ ﺍﻟﺒﻴﻨﺎ ﺇﻟﻔﻪ ﻭﺭﻳﺪ
ﻭﺍﻟﺒﻴﻨﺎ ﺭﺍﺑﻂ ﺩﻡ
ﻋﺎﻣﺮﺍﺏ ﻭﻧﻮﺑﻪ ﺍﺧﻮﺍﻥ
ﺑﻴﻀﻤﻨﺎ ﺍﻟﺴﻮﺩﺍﻥ
ﻻﻋﻨﺼﺮﻳﻪ ﻭﻻ
ﺟﻬﻮﻳﻪ ﻳﺎﺣﺒﺎﻥ
ﺭﺏ ﺍﻟﺒﺸﺮ ﻭﺍﺣﺪ
ﻭﺻﺎﻧﺎ ﺑﺎﻹﺣﺴﺎﻥ
ﻧﺘﺼﺎﻓﻰ ﻧﺘﺴﺎﻣﺢ
ﻳﺎﻟﻠﻜﺮﻡ ﻋﻨﻮﺍﻥ
ﺑﻨﻲ ﻋﺎﻣﺮ ﺍﻟﻄﻴﺒﻪ
ﺍﻧﺎ ﻋﺸﻤﻲ ﻓﻴﻜﻢ ﺧﻴﺮ
ﻧﺘﺼﺎﻓﻲ ﻧﺘﺴﺎﻣﺢ
ﻣﺎﻟﺒﻴﻨﺎ ﻧﺤﻨﺎ ﻛﺘﻴﺮ
ﺧﻠﻮﻧﺎ ﻧﺒﻘﻰ ﺳﻮﺍ
ﻳﺎﻧﻮﺑﻪ ﻳﺎﻃﻴﺒﻴﻦ
ﻧﻄﻔﻴﻬﺎ ﻧﺎﺭ ﺍﻟﺪﻡ
ﺟﺪ ﻧﺤﻨﺎ ﻣﺎﻧﺎﻗﺼﻴﻦ
ﻭﺍﻟﻔﻘﺪ ﺟﺪ ﻭﺍﺣﺪ
ﻭﺍﻧﺎ ﺑﺒﻜﻲ ﻓﻲ ﺍﻟﺤﺎﻟﺘﻴﻦ
#ﺯﻭﺑﻪ

ﺷﻌﺐ ﺃﺟﻤﻞ ﻣﻦ ﺟﻤﻴﻞ
ﺷﻌﺐ ﺟﻮﺍﻫﻮ ﺍﻟﻌﺰﻳﻤﻪ
ﺍﻧﺘﺼﺮ ﺭﻏﻢ ﺍﻟﺼﻌﺎﺏ
ﻭﺍﻟﺠﺮﺍﺣﺎﺕ ﺍﻻﻟﻴﻤﻪ
ﺑﻜﺮﻩ ﻳﻔﺮﺡ ﺑﻜﺮﻩ ﻳﻨﺴﻲ
ﺍﻟﻌﺬﺍﺑﺎﺕ ﺍﻟﻘﺪﻳﻤﻪ
ﻭﻛﻞ ﻣﺨﺎﻭﻑ ﺍﻟﻤﺎﺿﻲ ﺩﻳﻚ
ﺗﺒﻘﻰ ﺑﺲ ﻣﺎﻟﻬﺎ ﻗﻴﻤﻪ
ﺑﻜﺮﻩ ﺣﺎﻧﺒﻨﻴﻬﻮ ﻧﺤﻦ
ﻭﻣﺎ ﺣﺎﻧﻘﺒﻞ ﺑﺎﻟﻬﺰﻳﻤﻪ
ﻳﺒﻘﻰ ﺑﺲ ﺳﻮﺩﺍﻧﺎ ﻭﺍﺣﺪ
ﻭﻧﺤﻦ ﻧﻔﺨﺮ ﺑﻴﻬﻮ ﺩﻳﻤﻪ
# ﺯﻭﻭﻭﻭﺑﻪ

ﻏﺴﻞ ﺇﻳﺪﻳﻚ ﻣﺎﺻﻌﺒﻪ ﺷﺪﻳﺪ
ﺧﻠﻴﻚ ﻓﻲ ﺍﻟﺒﻴﺖ .. ﻣﺎﺗﺒﻘﻰ ﻋﻨﻴﺪ
ﺍﻳﺎﻡ ﻭﺗﻤﺮ ﺣﺎﺗﻌﺪﻱ ﺍﻛﻴﺪ
ﺑﺈﺫﻥ ﺍﻟﻤﻮﻟﻰ ﻭ ﺇﻳﺪ ﺑﺎﻹﻳﺪ
ﻛﻠﻬﺎ ﺍﻳﺎﻡ ﻭﺍﻟﻬﻢ ﺑﻴﺰﻭﻝ
ﻛﻮﺭﻭﻧﺎ ﺗﻔﻮﺕ ﻧﺤﻮ ﺍﻟﻤﺠﻬﻮﻝ
ﺑﺲ ﺍﻧﺖ ﻛﻤﺎﻥ ﺧﻠﻴﻚ ﻣﺴﺆﻝ
ﺧﻠﻴﻚ ﺑﺎﻟﺒﻴﺖ ﺍﺣﺴﻦ ﻳﺎﺯﻭﻝ
ﻭﺻﻞ ﺻﻮﺗﻚ ﻭﺭﻯ ﺍﻟﺤﻮﺍﻟﻴﻚ
ﻓﻬﻢ ﻏﻴﺮﻙ ﺍﻟﺒﺎﻗﻲ ﻋﻠﻴﻚ
ﻣﺎﺗﻤﺮﻕ ﺑﺲ ﻭﻏﺴﻞ ﺍﻳﺪﻳﻚ
ﺃﻥ ﺷﺎﺀ ﺍﻟﻠﻪ ﻛﻮﺭﻭﻧﺎ ﻣﺎﺑﺘﺠﻴﻚ
ﻣﺎﺗﻔﺘﺢ ﻋﻠﻰ ﻧﻔﺴﻚ ﺍﺑﻮﺍﺏ
ﺧﻠﻴﻚ ﻓﻲ ﺣﺎﻟﻚ ﺟﻮﻩ ﺍﻟﺒﻴﺖ
ﺭﺳﺎﻟﻪ ﻟﻲ ﻛﻞ ﺍﻻﺻﺤﺎﺏ
ﺍﻟﺰﺣﻤﻪ ﺑﻼﺵ ﻣﻨﻬﺎ ﻳﺎﺭﻳﺖ

ﺍﻟﺤﻴﺎﺓ ﻣﺎﺑﺘﻘﻴﻒ ﻋﻠﻰ ﺯﻭﻝ،،، ﻓﻲ ﻧﺎﺱ ﺍﻧﺖ ﺑﺘﻜﻮﻥ ﻣﺎﻣﺘﺨﻴﻞ ﺍﻧﻮ ﺣﻴﺎﺗﻚ
ﻣﻤﻜﻦ ﺗﻤﺸﻲ ﺑﺪﻭﻧﻬﻢ .. ﻭﺍﻧﻚ ﻣﺎﺣﺎﺗﺘﺠﺎﻭﺯﻫﻢ ﻣﻬﻤﺎ ﺣﺼﻞ.. ﻭﻣﻦ ﺳﺎﺑﻊ
ﺍﻟﻤﺴﺘﺤﻴﻼﺕ ﺍﻧﻚ ﺗﻌﺮﻑ ﻧﺎﺱ ﻏﻴﺮﻫﻢ ﻭﻳﺪﺧﻠﻮ ﺣﻴﺎﺗﻚ.. ﺑﺲ ﺻﺪﻗﻨﻲ ﻛﻞ ﺷﻲ
ﺑﻴﺘﻐﻴﺮ.. ﺍﻧﺖ ﺣﺎﺗﺘﻐﻴﺮ ﻭﺍﻟﺤﻴﺎﺓ ﺑﺘﺘﻐﻴﺮ ﻭﺯﻭﻟﻚ ﺯﺍﺗﻮ ﺑﻴﺘﻐﻴﺮ.. ﺍﺣﺴﺎﺳﻚ ﺑﺘﻐﻴﺮ
ﻭﺗﺒﺪﺃ ﺗﺮﺗﺐ ﺃﻭﻟﻮﻳﺎﺗﻚ ﻣﻦ ﺗﺎﻧﻲ ﻭﺗﺸﻮﻑ ﺍﻟﺤﻴﺎﺓ ﺑﻲ ﻣﻨﻈﻮﺭ ﻣﺨﺘﻠﻒ ﻋﺸﺎﻥ ﻛﺪﻩ
ﺍﻱ ﺯﻭﻝ ﺑﺴﺘﻐﻠﻚ ﻋﺎﻃﻔﻴﺎً ﺑﻼﺵ ﻣﻨﻮ ﺍﻱ ﺯﻭﻝ ﻣﺎﻋﻤﻞ ﻟﻴﻚ ﺣﺴﺎﺏ ﺍﻧﺖ ﻣﺎﺗﻌﻤﻞ
ﻟﻴﻬﻮ ﺣﺴﺎﺏ.. ﺍﻱ ﺯﻭﻝ ﻧﺴﻲ ﺍﻟﻌﺸﺮﻩ ﺍﻧﺴﻰ ﺍﺑﻮ ﺍﻟﻴﻮﻡ ﺍﻟﻌﺮﻓﺘﻮ ﻓﻲ .. ﺃﻱ ﺯﻭﻝ
ﻛﺎﻥ ﺳﺒﺐ ﻓﻲ ﺣﺰﻧﻚ ﻣﺎﺗﻜﻮﻥ ﺳﺒﺐ ﺳﻌﺎﺩﺗﻮ .. ﻭﺷﻜﺮﺁ
#ﺯﻭﻭﻭﻭﺑﻪ

ﺍﻣﻲ ﺍﻧﺘﻲ ﺍﻟﻌﻴﺪ
ﺍﻧﺘﻲ ﺍﻟﻔﺮﺡ ﺟﻮﺍﻱ
ﺍﻧﺘﻲ ﺍﻟﺴﻌﺎﺩﺓ ﺍﻛﻴﺪ
ﺑﺘﻤﻨﻲ ﺗﺴﻤﻌﻮﻫﺎ

ﺍﻣﻲ ﻳﺎﻣﻌﻨﻲ ﺍﻟﻮﺟﻮﺩ
ﺑﺎﻟﺮﻳﺪﻩ ﻗﻠﺒﻚ ﻟﻲ ﻳﺠﻮﺩ
ﻛﻠﻤﺎﺕ : ﺯﻭﺑﻪ ﻋﺜﻤﺎﻥ
ﻟﺤﻦ ﻭﺍﺩﺍﺀ : ﺳﺎﻣﻴﻪ ﺍﻟﻬﻨﺪﻱ

ﻳﺎﺣﺒﻴﺐ ﻟﻮ ﺷﻮﻓﺘﺎ ﺣﺎﻟﻲ
ﻟﻤﺎ ﺟﺎﺗﻨﻲ ﺭﺳﺎﻟﻪ ﻣﻨﻚ
ﺟﺪ ﻧﺴﻴﺖ ﻇﻠﻢ ﺍﻟﻠﻴﺎﻟﻲ
ﻟﻤﺎ ﺑﺲ ﺻﺎﺩﻓﻨﻲ ﺣﻨﻚ
ﻭﻟﻤﺎ ﻋﻴﻨﻴﻚ ﻻﻗﻮ ﻋﻴﻨﻲ
ﻗﺎﻟﻮ ﻟﻲ ﻛﻞ ﺣﺎﺟﻪ ﻋﻨﻚ
ﺍﻧﺖ ﺑﺲ ﺧﻠﻘﻮﻙ ﻋﺸﺎﻧﻲ
ﻛﻞ ﺟﻤﺎﻝ ﺍﻟﺪﻧﻴﺎ ﻣﻨﻚ
ﻣﻬﻤﺎ ﻳﺤﺼﻞ ﻣﺎﺑﺴﻴﺒﻚ
ﻣﺎﺑﺨﻴﺐ ﻋﻤﺮﻱ ﻇﻨﻚ
ﻳﺎﺣﻼﺗﻚ ﺍﻟﺼﺪﻓﻪ ﺯﺍﺗﺎ
ﻭﺍﻧﻮ ﻋﻴﻨﻲ ﻳﻌﺮﻓﻨﻚ
ﻟﻤﺎ ﺍﻛﺘﺐ ﻋﻦ ﺟﻤﺎﻟﻚ
ﺍﻟﺤﺮﻭﻑ ﻣﺎﺑﻮﺻﻔﻨﻚ
ﻋﺎﻳﺰﻩ ﺃﻫﺪﻳﻚ ﺍﻟﺴﻌﺎﺩﻩ
ﺍﻟﺪﻣﻮﻉ ﻣﺎﺑﺸﺒﻬﻨﻚ

ﺣﺎﺍﺍﺍﺟﻪ ﻏﺮﻳﺒﻪ
ﻛﻞ ﻣﺎﺍﻗﻮﻝ ﻋﻴﻨﻴﻚ
ﺣﺎﺍﺳﻴﺒﻪ
ﺍﺭﺟﻊ ﺗﺎﻧﻲ ﺃﺭﻳﺪﻙ ﺍﻛﺘﺮ
ﻭﺗﺼﺒﺢ ﻟﻲ ﻋﻴﻨﻴﻚ ﻗﺮﻳﺒﻪ
ﺣﺎﺟﻪ ﻏﺮﻳﺒﻪ
ﻛﻞ ﻣﺎﺍﻗﻮﻝ ﻣﺎﺑﺴﺄﻝ ﻋﻨﻚ
ﺑﺸﺘﺎﻕ ﻟﻴﻚ ﻭﺍﺷﻮﺍﻗﻲ ﻣﺼﻴﺒﻪ
ﺣﺎﺟﻪ ﻏﺮﻳﺒﻪ
ﺍﻧﻲ ﺍﺷﻮﻑ ﻓﻲ ﻋﻴﻮﻧﻚ ﻗﺴﻮﻩ
ﻭﻓﻲ ﻋﻴﻨﻲ ﺣﻨﻴﻪ ﻋﺠﻴﺒﻪ
ﺣﺎﺟﻪ ﻏﺮﻳﺒﻪ
ﺭﻏﻢ ﺍﻟﺤﺎﺻﻞ ﺍﻧﻲ ﺑﺮﻳﺪﻙ
ﻭﺑﺤﻠﻒ ﻗﻠﺒﻚ ﻣﻠﻴﺎﻥ ﻃﻴﺒﻪ
ﺣﺎﺟﻪ ﻏﺮﻳﺒﻪ
# ﺯﻭﻭﻭﻭﺑﻪ

ﻳﺎ ﺃﻣﻲ ﺍﻧﺘﻲ ﺍﻟﻌﻴﺪ
ﺍﻧﺘﻲ ﺍﻟﻔﺮﺡ ﺟﻮﺍﻱ
ﺍﻧﺘﻲ ﺍﻟﺴﻌﺎﺩﻩ ﺍﻛﻴﺪ