# ﻋﺒﺎﺱ 51
ﻣﺠﺎﻫﺪ ﻳﻮﺳﻒ
ﺍﻣﺲ ﺑﺎﻟﻠﻴﻞ ﺣﺎﺝ ﺍﺑﺮﺍﻫﻴﻢ ﺟﺎﺀ ﻟﻌﻤﺮ ﻭﺩ ﺍﻟﻀﻮ ﻓﻲ ﺍﻟﺒﻴﺖ ﻭﻗﺎﻝ ﻟﻴﻬﻮ ﻣﺎ ﻣﺸﻴﺖ ﺍﻟﺨﺮﻃﻮﻡ ﺑﻘﺮﺏ ؟
_ ﻗﺒﺎﻝ ﺍﺳﺒﻮﻉ ﺍﻛﻨﺖ ﻓﻮﻗﻬﺎ ﻭﻻﻗﻴﺖ ﻋﺒﺎﺱ ﻭﻗﻌﺪﺕ ﻣﻌﺎﻫﻮ ﻓﻲ ﺩﻛﺎﻧﻮ
_ ﺍﻧﺎ ﻫﺴﻲ ﺟﻴﺘﻲ ﺩﻱ ﻋﺸﺎﻥ ﺍﻋﺮﻑ ﻣﻮﺿﻮﻉ ﺩﻛﺎﻧﻮ ﺩﺍ ﻛﻠﻤﺘﻨﻲ ﺑﻴﻬﻮ ﻧﻌﻴﻤﺔ ﺍﻣﻮ ، ﺑﺼﺢ ﻋﻨﺪﻭ ﺩﻛﺎﻥ ؟
_ ﻋﻨﺪﻭ ﺩﻛﺎﻥ ﺁﻱ ﻭﺩﻛﺎﻥ ﺳﻤﺢ ﻛﻤﺎﻥ
_ ﻟﻘﻰ ﻗﺮﻭﺷﻮ ﻭﻳﻦ ﺍﻟﺪﻛﺎﻥ
_ ﺍﻟﺪﻛﺎﻥ ﻣﺎ ﻫﻴﻠﻮ ﺑﺮﺍﻭ ﺁ ﺣﺎﺝ ، ﻣﺸﺘﺮﻛﻮ ﻣﻌﺎﻭ ﻭﺍﺣﺪ ﻣﻦ ﺍﻭﻻﺩ ﺍﻟﺸﺮﻕ
_ ﻳﺎﺗﻮ ﺷﺮﻕ ﺩﺍ ؟
_ ﺍﻟﺸﺮﻕ ﺍﻟﻮﺍﺣﺪ ﺩﺍ ﻭﺑﺎﻗﻲ ﻟﻤﻦ ﺟﻬﺔ ﺭﻓﺎﻋﺔ ﻛﺪﻱ ﻻ ﺍﻗﻮﻝ ﻟﻴﻚ ﺗﻤﺒﻮﻝ ﻋﻼ ﻭﻟﺪ ﻓﺎﻟﺢ ﺑﺎﻟﺤﻴﻞ ﻭﻧﺠﻴﺾ
_ ﺑﻘﻮﻟﻮﻟﻮ ﻋﺒﺪ ﺍﻟﻘﻴﻮﻡ ؟
_ ﺁﻱ ﺑﺲ ﻳﺎﻫﻮ ﺯﺍﺗﻮ ، ﻋﺮﻓﺘﻮ ﻛﻴﻔﻦ ؟
_ ﻭﺭﺍﻧﻲ ﺑﻴﻬﻮ ﻋﺒﺎﺱ ﺳﻌﺘﻮ ﺍﻟﺠﺎ ﻫﻨﻲ ﻻ ﻻ ﺍﻛﺎﻥ ﻛﺪﺍ ﻣﺎ ﻋﻨﺪﻭ ﻋﻮﺟﺔ ﻋﺒﺪ ﺍﻟﻘﻴﻮﻡ ﻧﺠﻴﺾ ﻭﺭﺍﻧﻲ ﺑﻴﻮ
_ ﻣﺎ ﻋﻨﺪﻭ ﻋﻮﺟﺔ ﺗﺐ ﻭﺍﻧﺎ ﺑﺎﻛﺮ ﺩﻱ ﻣﺎﺷﻲ ﺍﻟﺨﺮﻃﻮﻡ ﻭﺑﻐﺸﺎﻭ ، ﻭﻋﺒﺎﺱ ﺯﺍﺗﻮ ﻧﺠﻴﺾ ﻣﺎ ﺗﺨﺎﻑ ﻋﻠﻴﻮ
_ ﻛﺘﺮ ﺧﻴﺮﻙ ﺁ ﻋﻤﺮ ﺁ ﻭﻟﺪﻱ ﻭﺍﻛﺎﻥ ﻣﺸﻴﺘﻠﻮ ﺑﺎﻛﺮ ﻛﻠﻤﻮ ﺍﻟﻠﺠﻲ ﻭﻳﺮﺟﻊ ﻣﺎ ﻳﻄﻮﻝ ﻣﻦ ﺍﻟﺠﻴﺔ ﻭﺍﻛﺎﻥ ﺟﺎﺀ ﻣﻌﺎﻙ ﻳﻜﻮﻥ ﻛﻮﻳﺲ
_ ﺳﻤﺢ ﺑﻜﻠﻤﻮ ﺗﺐ
ﻭﺩ ﺍﻟﻀﻮ ﺍﺗﺄﺧﺮ ﻓﻲ ﺍﻟﺪﻛﺎﻥ ﻭﻣﺮﻕ ﺑﻌﺪ ﻓﻄﺮ ﻭﻟﻤﻦ ﻣﺸﻰ ﻋﻠﻲ ﺍﻟﻤﻮﻗﻒ ﺍﻟﺰﻣﻦ ﺩﺍﻙ ﻋﺒﺎﺱ ﻭﺻﻞ ﻭﻣﺎﺷﻲ ﻋﻠﻲ ﺑﺤﺮﻱ .
ﻓﺮﺡ ﺟﺎﺀ ﻭﻟﻘﻰ ﻋﺒﺎﺱ ﻗﺎﻋﺪ ﻓﻲ ﺍﻟﺒﻴﺖ ﻭﻣﻦ ﺷﺎﻓﻮ ﺻﺮﺍ ﻟﻴﻬﻮ ﻭﺷﻮ ﻭﻻ ﺳﻠﻢ ﻗﺎﻝ ﻟﻴﻬﻮ ﺩﺍ ﺷﻨﻮ ﺍﻟﻌﻤﻠﺘﻮ ﺩﺍ ؟
_ ﻋﻤﻠﺖ ﺷﻨﻮ ؟
_ ﻗﻮﻡ ﻋﻠﻲ ﺣﻴﻠﻚ ، ﻧﺤﻦ ﻣﻦ ﻫﻨﺎ ﺍﺗﻔﻘﻨﺎ ﻋﻠﻲ ﺷﻨﻮ ؟ ﻣﺎ ﻗﻠﺖ ﻟﻴﻚ ﻟﻮ ﻧﻀﻢ ﻣﻌﺎﻙ ﻋﺴﻜﺮﻱ ﺩﺧﻞ ﻳﺪﻙ ﻓﻲ ﺩﻱ ﻋﻴﻨﻮ ﻭﻣﺎ ﺗﺨﺎﻑ ؟
_ ﻳﺎﺧﻲ ﺑﺲ ﺍﻟﻌﺴﻜﺮﻱ ﺍﻟﻤﺴﻜﻨﻲ ﻭﺍﻟﻠﻪ ﺍﻟﺘﻘﻮﻝ ﻓﻲ ﺯﻭﻝ ﻣﻮﺻﻴﻬﻮ ﻋﻠﻲ ﺍﻭﻝ ﻣﺎ ﻧﺰﻟﺖ ﻗﺒﻀﻨﻲ ﻭﻻ ﺍﺗﻔﺎﻫﻢ ﻣﻌﺎﻱ ﻭﺟﻮﺍ ﺍﺗﻨﻴﻦ ﺳﺎﻗﻮﻧﻲ ﻣﻌﺎﻫﻢ
_ ﻭﺍﻧﺖ ﻃﻮﺍﻟﻲ ﺗﺸﺮﺡ ﻟﻴﻬﻢ ﻛﻞ ﺷﻲ ؟
ﻳﺎﺧﻲ ﺍﻧﺖ ﻓﺸﻠﺖ ﻭﺍﻟﻠﻪ ﻭﺍﺣﺮﺟﺘﻨﻲ ﻭﻋﻤﻠﺖ ﻟﻲ ﻣﺸﻜﻠﺔ ﻛﺒﻴﺮﺓ ﻭﺍﻧﺎ ﻛﻤﺎﻥ ﺍﺧﺘﺮﺗﻚ ﻣﺨﺼﻮﺹ ﻟﻠﻤﻬﻤﺔ ﺩﻱ ﻻﻧﻮ ﺍﻟﺘﺠﺎﺭ ﻋﻨﺪﻫﻢ ﻋﻴﻮﻥ ﻭﺟﻮﺍﺳﻴﺲ ﻭﺍﻧﺖ ﺻﻐﻴﺮ ﻣﺎ ﺑﻨﺘﺒﻬﻮﺍ ﻟﻴﻚ ﻭﻏﻴﺮ ﻛﺪﺍ ﺍﻟﻤﻬﻤﺔ ﻛﺎﻧﺖ ﻓﻲ ﺻﺎﻟﺤﻲ ﻭﺻﺎﻟﺤﻚ ﺑﺲ ﺍﻧﺖ ﺟﺒﺎﻥ ﻭﺧﻮﺍﻑ ﻭﺍﻧﺎ ﻭﺭﻳﺘﻚ ﻣﻦ ﻫﻨﺎ ﺍﻧﻬﺎ ﻣﺎ ﻣﺨﺪﺭﺍﺕ ﻟﻜﻦ ﺻﻮﺭﺓ ﻃﺒﻖ ﺍﻻﺻﻞ ﻭﻗﻌﺪﺕ ﺗﻘﻮﻝ ﻟﻲ ﺣﺴﻲ ﺍﻻﻣﻨﻲ ﻭﻣﻬﺎﺭﺍﺗﻲ ﻭﺑﺘﺎﻉ
_ ﻭﺍﻟﻠﻪ ﺍﻧﺎ ﺑﻌﺘﺬﺭ
_ ﺗﻌﺘﺬﺭ ﺑﻌﺪ ﺷﻨﻮ ؟ ﺍﻧﺎ ﻣﻔﺮﻭﺽ ﻟﻮ ﺍﻧﺖ ﻧﻔﺬﺕ ﺍﻟﻤﻬﻤﺔ ﺩﻱ ﺍﻧﺰﻝ ﺍﺟﺎﺯﺓ ﻭﺍﺩﻭﻧﺎ ﻣﻜﺎﻓﺌﺔ ﺍﻧﺎ ﻭﻳﺎﻙ ، ﻟﻜﻦ ﻧﺪﻣﺘﻨﻲ ﻋﻠﻲ ﺍﺧﺘﻴﺎﺭﻱ ﻟﻴﻚ ، ﺍﻧﺖ ﻣﺎ ﻋﺎﺭﻑ ﺍﻧﺎ ﻋﻤﻠﺖ ﺷﻨﻮ ﻋﺸﺎﻥ ﺍﻗﻨﻊ ﺍﻻﺩﺍﺭﺓ ﻳﻌﻴﻨﻮﻙ ﻣﺨﺒﺮ ﻣﻌﺎﻧﺎ . ﺑﺲ ﻓﺸﻠﺖ ﻭﻓﺸﻠﺘﻨﻲ ﻣﻌﺎﻙ ،
_ ﺍﻧﺎ ..
_ ﺍﻧﺖ ﺷﻨﻮ ﻳﺎﺧﻲ ، ﺍﻭﻝ ﻣﺎ ﺟﺎﺗﻨﺎ ﺍﻻﺧﺒﺎﺭﻳﺔ ﺑﺈﻟﻐﺎﺀ ﺍﻟﺨﻄﺔ ﺍﻧﺎ ﺑﻄﻨﻲ ﻃﻤﺖ ﻭﻗﻠﺖ ﺍﺭﻳﺘﻨﻲ ﺍﻛﺎﻥ ﻣﺸﻴﺖ ﺑﺮﺍﻱ ،
_ ﻳﺎﺧﻲ ﺍﻧﺎ ...
_ ﺍﻧﺖ ﺳﺎﻋﺪﺕ ﺗﺎﺟﺮ ﻣﺨﺪﺭﺍﺕ ﻓﻲ ﺍﻧﻮ ﻣﺎ ﻳﻨﻘﺒﺾ ، ﻭﺍﻟﺨﻄﺔ ﻣﺎﺷﻴﻦ ﻓﻴﻬﺎ ﻟﻴﻨﺎ ﺳﺘﺔ ﺷﻬﻮ ﺟﻴﺖ ﺑﻮﻇﺘﻬﺎ ﻟﻴﻨﺎ ﻓﻲ ﺩﻗﺎﻳﻖ . ﻣﻔﺮﻭﺽ ﺍﻭﻝ ﻣﺎ ﻧﺰﻟﺖ ﻣﻦ ﺍﻟﺒﺺ ﺗﺄﺟﺮ ﺗﻜﺴﻲ ﻣﺎ ﺗﺮﻛﺐ ﺍﻟﻤﻮﺍﺻﻼﺕ ﺍﻟﻌﺎﻣﺔ
_ ﺍﻧﺎ ﻏﻠﻄﺎﻥ ﻓﻲ ﺩﻱ ﻭﺍﻟﻠﻪ ﻣﺎ ﺻﺎﺡ ﺍﺭﻛﺐ ﺍﻟﻤﻮﺍﺻﻼﺕ
_ ﻭﻳﻦ ﺍﻟﻜﺮﺗﻮﻧﺔ ﺧﻠﻴﻨﻲ ﺍﻭﺩﻳﻬﺎ ﺍﻻﺩﺍﺭﺓ ﻭﺍﻧﺘﻈﺮﻧﻲ ﻫﻨﺎ ﻣﺎ ﺗﻔﻮﺕ ﻻﻥ ﺍﻟﻠﻮﺍﺀ ﺟﺎﻳﻲ ﻭﺍﺣﺘﻤﺎﻝ ﻳﻜﻮﻥ ﺩﺍﻳﺮ ﻳﻘﺎﺑﻠﻚ
_ ﺳﻤﺢ
ﻓﺮﺡ ﺷﺎﻝ ﺍﻟﻜﺮﺗﻮﻧﺔ ﻭﻣﺮﻕ ﻭﺍﻟﻨﺠﻮﻣﻲ ﻛﺎﻥ ﻣﻨﺘﻈﺮﻭ ﺑﺮﺓ ﻓﻲ ﻋﺮﺑﻴﺔ ﺭﻛﺐ ﻣﻌﺎﻫﻮ ﻭﻓﺎﺗﻮﺍ ، ﺍﻟﻨﺠﻮﻣﻲ ﻗﻌﺪ ﻳﻀﺤﻚ ﻣﺒﺴﻮﻁ ﻟﻤﻦ ﻓﺮﺡ ﻭﺭﺍﻫﻮ ﺑﺎﻟﻜﻼﻡ ﺍﻟﻘﺎﻟﻮﺍ ﻟﻌﺒﺎﺱ ﻗﺎﻝ ﻟﻴﻬﻮ ﺍﻟﻄﻴﺮﺓ ﺩﺍ ﺍﻟﻜﻀﺒﺔ ﻣﺸﺖ ﻓﻴﻬﻮ ﻭﻣﺼﺪﻕ ﺍﻟﺘﻤﺜﻴﻠﻴﺔ ﺣﻘﺖ ﺍﻟﺒﻮﻟﻴﺲ ﺍﻟﻘﺒﻀﻮ
_ ﻣﺸﺖ ﻓﻴﻬﻮ ﺳﺎﻱ ؟ ﻭﻛﻤﺎﻥ ﻣﺴﺘﻌﺪ ﻳﻌﻤﻞ ﺍﻱ ﺣﺎﺟﺔ ﻋﺸﺎﻥ ﻳﻜﻔﺮ ﺑﻴﻬﺎ ﻏﻠﻄﺘﻮ ﻭﺩﺧﻞ ﺑﺎﻟﺒﻨﻘﻮ ﺩﺍ ﺑﻌﻴﻦ ﻗﻮﻳﺔ ﺍﻟﺘﻘﻮﻝ ﺷﺎﻳﻞ ﻟﻴﻬﻮ ﺣﻼﻭﺓ
_ ﺗﻤﺎﻡ ﺑﻌﺪ ﻛﺪﺍ ﻧﺤﻦ ﻧﺴﺘﻘﻞ ﺍﻟﺤﺘﺔ ﺩﻱ ﻭﺑﻌﺪ ﻧﻮﺩﻱ ﺍﻟﺒﻨﻘﻮ ﺩﺍ ﻧﺪﻳﻬﻮ ﺣﺒﻮﺏ ﻳﻮﺩﻳﻬﺎ ﻣﺪﻧﻲ
_ ﺗﺎﻧﻲ ؟
_ ﺍﻳﻮﺓ ﺗﺎﻧﻲ ﻭﺗﺎﻟﺖ ﻭﺭﺍﺑﻊ ﻭﻧﺤﻦ ﻻﺯﻡ ﻧﺴﺘﻔﻴﺪ ﻣﻦ ﻏﻠﻄﺘﻮ ﺩﻱ ﻭﻳﻮﺩﻳﻬﺎ ﺍﻟﻠﻴﻠﺔ ﻛﻤﺎﻥ ﺍﺻﻠﻮ ﻣﺎ ﻳﺮﺗﺎﺡ
_ ﻛﺪﺍ ﻻﺯﻡ ﺍﺩﻳﻬﻮ ﻗﺮﻭﺵ ﻻﻧﻮ ﻣﺸﻰ ﻭﺟﺎﺀ ﻋﻠﻲ ﺣﺴﺎﺑﻮ
_ ﺧﻠﻴﻬﻮ ﻳﻤﺸﻲ ﻋﻠﻲ ﺣﺴﺎﺑﻮ
_ ﻣﺎ ﻇﺮﻳﻔﺔ ﻳﺎﺥ
_ ﺧﻼﺱ ﺍﺩﻳﻬﻮ
_ ﺍﻗﻮﻝ ﻟﻴﻬﻮ ﺷﻨﻮ ﻃﻴﺐ ﻋﺸﺎﻥ ﻳﺮﺟﻊ ﻫﻮ ﺣﺎﻟﻴﺎ ﻓﺎﻫﻢ ﺍﻧﻮ ﺍﻟﻤﻬﻤﺔ ﻓﺸﻠﺖ
_ ﻗﻮﻝ ﻟﻴﻬﻮ ﺍﻟﻠﻮﺍﺀ ﻗﺎﻝ ﻣﺎ ﻧﻐﻴﺮ ﺍﻟﺨﻄﺔ ﻻﻥ ﺍﻟﻤﺠﺮﻡ ﺑﻌﺪ ﻛﺸﻔﻬﺎ ﻭﻋﺮﻓﻬﺎ ﺍﻛﻴﺪ ﻋﺮﻑ ﺍﻧﻨﺎ ﺩﺍﻳﺮﻳﻦ ﻧﻐﻴﺮﻫﺎ ﻋﺸﺎﻥ ﻛﺪﺍ ﻻﺯﻡ ﻧﻮﺍﺻﻞ ﻓﻴﻬﺎ ﻭﻻﻧﻮ ﻣﺎ ﺡ ﻳﺮﻛﺰ ﻋﻠﻴﻬﺎ ، ﻭﺍﻧﺖ ﺑﺘﻌﺮﻑ ﺗﻘﻨﻌﻮ ﺑﻄﺮﻳﻘﺘﻚ
_ ﻓﻜﺮﺓ ﺣﻠﻮﺓ ﺟﺪﺍ ﺩﻱ
_ ﻟﻤﻦ ﺗﻠﻘﻰ ﺯﻭﻝ ﻏﻨﻤﺎﻳﺔ ﺯﻱ ﺩﺍ ﺍﺳﺘﻔﻴﺪ ﻣﻨﻮ ﻛﻮﻳﺲ
ﻋﺒﺎﺱ ﻓﻲ ﺑﻴﺖ ﻓﺮﺡ ﺭﺍﺳﻮ ﻣﻮﺟﻌﻮ ﻣﻦ ﺍﻟﺘﻔﻜﻴﺮ ﻗﺎﻝ ﻫﺴﻲ ﺍﻧﺎ ﻛﺪﺍ ﺑﻘﻴﺖ ﺗﺎﻳﻪ ﺯﻱ ﺍﻟﺰﻭﻝ ﺍﻟﻤﺎ ﻋﺎﺭﻑ ﻛﻮﻋﻮ ﻭﻻ ﺑﻮﻋﻮ ، ﻳﻮﻣﺪﺍﻙ ﻋﻤﻠﺖ ﻟﻠﺘﺎﺝ ﺍﻧﻲ ﺯﻭﻝ ﻓﺎﻫﻢ ﻛﻞ ﺷﻲ ﻭﺍﻟﺪﻧﻴﺎ ﻋﻠﻤﺘﻨﻲ ﺍﻟﻜﺘﻴﺮ ﺣﺘﻰ ﺍﻧﺎ ﺯﺍﺗﻲ ﺻﺪﻗﺖ ﺭﻭﺣﻲ ﻭﻫﺴﻲ ﺍﻧﺎ ﺍﻛﺒﺮ ﻣﻐﻔﻞ ﻭﺑﻠﻴﺪ ، ﻓﺮﺡ ﻻﻗﻴﺘﻮ ﺑﺎﻟﺼﺪﻓﺔ ﻭﺣﻜﻴﺖ ﻟﻴﻬﻮ ﻣﺸﻜﻠﺔ ﻣﻊ ﺯﻭﻝ ﺻﺎﺣﺒﻮ ﺟﺎﺀ ﻫﻨﺎ ﺧﻄﻂ ﻭﺑﻄﺮﻳﻘﺔ ﺷﻴﻄﺎﻧﻴﺔ ﺧﻼﻧﻲ ﺍﺻﺪﻕ ﺍﻭﻫﺎﻡ ﻋﺠﻴﺒﺔ ﻭﻏﺮﻳﺒﺔ ، ﻭﺍﻧﺎ ﻗﺎﻳﻠﻮ ﺯﻭﻝ ﻛﻮﻳﺲ ﻭﻋﺎﺩﻳﻨﻲ ﺯﻱ ﺍﺧﻮﻫﻮ ﺻﻐﻴﺮ ﺍﺩﻳﺘﻮ ﺿﻬﺮﻱ ﻭﻭﺭﻳﺘﻮ ﻗﺼﺔ ﺣﻴﺎﺗﻲ ﻣﻦ ﻃﻖ ﻃﻖ ﻭﻭﺛﻘﺖ ﻓﻴﻬﻮ ﻭﻃﻠﻊ ﻛﻀﺎﺏ ﻭﻻﻋﺐ ﻋﺸﺎﻥ ﻣﺼﻠﺤﺘﻮ ﻭﻟﻌﺐ ﺑﻲ ﻛﻮﺭﺓ ، ﺍﻟﺘﺎﺝ ﻟﺴﺔ ﻣﺎ ﻋﺎﺭﻑ ﻋﻨﻮ ﺍﻱ ﺷﻲ ﻭﻻ ﻓﺎﻫﻤﻮ ﻣﺮﺍﺕ ﺍﺷﻮﻓﻮ ﺍﺣﺴﻦ ﺯﻭﻝ ﻭﻣﺮﺍﺕ ﻣﺎ ﻋﺎﺭﻑ ﺯﺍﺗﻮ ﻫﻮ ﺷﻨﻮ ﻭﺍﻟﻈﺎﻫﺮ ﺍﻧﺎ ﺍﺗﻮﺭﻃﺖ ﻟﻲ ﻓﻲ ﻣﺼﻴﺒﺔ ﻣﺎ ﺑﻘﺪﺭ ﺍﻣﺮﻕ ﻣﻨﻬﺎ ﺗﺎﻧﻲ ﻧﻬﺎﺋﻲ ، ﻓﺮﺡ ﺩﺍ ﻫﺴﻲ ﻟﻴﻪ ﻣﺎ ﺧﻼﻧﻲ ﺍﻓﻮﺕ ؟ ﻭﺍﻟﻠﻮﺍﺀ ﺍﻟﻘﺎﻟﻮ ﻟﻲ ﺩﺍ ﻻ ﺑﻌﺮﻓﻨﻲ ﻭﻻ ﺑﻌﺮﻓﻮ ﺩﺍﻳﺮ ﺑﻲ ﺷﻨﻮ ، ﺑﺲ ﺍﺣﻠﻰ ﺣﺎﺟﺔ ﺍﻧﻮ ﻓﺮﺡ ﻣﺎ ﻛﻀﺐ ﻋﻠﻲ ﻓﻲ ﺣﻜﺎﻳﺔ ﺍﻟﻤﺨﺪﺭﺍﺕ ﺍﻟﻮﻫﻤﻴﺔ ﻭﺩﻱ ﺍﻟﺤﺎﺟﺔ ﺍﻟﻮﺣﻴﺪﺓ ﺍﻟﺨﻠﺘﻨﻲ ﻟﺴﺔ ﻣﺼﺪﻗﻮ ﻭﻣﺎ ﺧﺎﻳﻒ ﻣﻦ ﺷﻲ ، ﺑﺲ ﻓﻲ ﺣﺎﺟﺔ ﺍﻧﺎ ﺣﻴﻮﺍﻥ ﻣﺎ ﻋﺎﺭﻑ ﻣﺎﻟﻲ ﻣﺎ ﺍﻧﺘﺒﻬﺖ ﻟﻴﻬﺎ ﻭﻫﻲ ﺍﻟﻜﺮﺗﻮﻧﺔ ﺍﻻﺩﺍﻧﻲ ﻟﻴﻬﺎ ﺍﺑﺠﺎﻛﻮﻣﺔ ﺍﺗﻘﻞ ﻣﻦ ﺍﻟﻮﺩﻳﺘﻬﺎ ﻟﻴﻬﻮ ﺑﻌﺪ ﻳﺠﻲ ﺑﺴﺄﻟﻮﺍ ﻣﻨﻬﺎ
ﺍﻟﺰﻳﻦ ﻗﺎﻝ ﻟﻮﺩ ﺍﻟﺴﺖ ﻣﺎ ﻣﺎﺷﻲ ﺣﻠﺘﻜﻢ ؟
_ ﻣﺎﻟﻚ ﻣﻀﺎﻳﻘﻚ ﻗﻌﺎﺩﻱ ﻫﻨﺎ ﻓﻲ ﺷﻲ؟
_ ﻓﻲ ﺩﺍﻋﻲ ﻟﻠﻤﺴﺎﺧﺔ ﺩﻱ ؟ ﺳﺄﻟﺘﻚ ﺳﺎﻛﺖ ﻣﺎ ﺍﺷﺘﻘﺖ ﻻﻫﻠﻚ ؟
_ ﻓﻲ ﺯﻭﻝ ﻣﺎ ﺑﺸﺘﺎﻕ ﻻﻫﻠﻮ ؟
_ ﻻﻧﻲ ﻣﺎ ﺷﻔﺘﻚ ﻧﻬﺎﺋﻲ ﺟﺒﺖ ﻃﺎﺭﻳﻬﻢ ؟
_ ﺍﻧﺖ ﻣﺎﻟﻚ ﺑﺘﺴﻌﻞ ؟ ﻗﻮﻝ ﺳﺎﻱ ﻓﻲ ﺷﻨﻮ ؟ ﻟﻮ ﻋﺠﺒﻚ ﺩﻛﺎﻧﻚ ﻭﺩﺍﻳﺮﻭ ﻣﺮﺣﺐ ﺗﺐ ﻭﻫﺴﻲ ﺑﻘﻮﻡ ﻋﻠﻴﻮ ﺍﺟﺮﺩﻭ ﻭﻧﺘﺤﺎﺳﺐ
_ ﺍﻧﺖ ﻋﻮﻳﺮ ؟ ﻫﺴﻲ ﺍﻟﺠﺎﺏ ﺳﻴﺮﺓ ﺍﻟﺪﻛﺎﻥ ﻣﻨﻮ ؟
_ ﺍﻟﺰﻳﻦ ﺩﺍﻳﺮ ﺷﻨﻮ ﺍﻧﺖ ؟
_ ﺩﺍﻳﺮ ﺍﻋﺮﻑ ﺍﻫﻠﻚ ﻭﺍﻣﺶ ﻣﻌﺎﻙ ﻟﻴﻬﻢ
_ ﻋﺸﺎﻥ ﺷﻨﻮ ؟
_ ﺳﺎﻱ ﻳﺎﺥ ﻧﺤﻦ ﺑﻘﻴﻨﺎ ﺍﺧﻮﺍﻥ ﻭﻧﺎﺱ ﺍﻟﺒﻴﺖ ﻋﺎﺩﻧﻚ ﺯﻱ ﻭﻟﺪﻫﻢ ﻭﻭﺍﺣﺪ ﻭﺍﻧﺎ ﺩﺍﻳﺮ ﻧﺎﺱ ﺑﻴﺘﻜﻢ ﺯﺍﺗﻬﻢ ﻳﻌﺪﻭﻧﻲ ﺯﻱ ﻭﻟﺪﻫﻢ ﻭﺩﺍﻳﺮ ﺍﻋﺮﻑ ﺍﻣﻚ ﻭﺍﺧﻮﺍﻧﻚ ﻭﺍﻟﻜﻼﻡ ﺩﺍ ﺭﻳﺪﺓ ﻓﻲ ﺍﻟﻠﻪ ﻣﺎ ﻋﺸﺎﻥ ﺷﻲ ﺗﺎﻧﻲ
_ ﺷﻮﻑ ﺁ ﺍﻟﺰﻳﻦ ﺍﻧﺎ ﻭﺩ ﺍﻟﺴﺖ ﺑﺲ ﺍﻟﻘﺪﺍﻣﻚ ﺩﺍ ﺣﺎﻟﺘﻲ ﻭﺷﻐﻠﻲ ﻭﻛﻞ ﺷﻲ ﻣﻦ ﻳﻮﻡ ﺩﺧﻠﺖ ﺣﻠﺘﻜﻢ ﺩﻱ ﻋﺎﺟﺒﻚ ﻭﻟﻼ ﻣﺎ ﻋﺎﺟﺒﻚ ؟
_ ﺍﻛﺎﻥ ﻣﺎﻙ ﻋﺎﺟﺒﻨﻲ ﺑﻘﻮﻝ ﻟﻴﻚ ﺩﺍﻳﺮ ﺍﻋﺮﻑ ﺍﻫﻠﻚ ؟
_ ﺧﻼﺱ ﺍﻫﻠﻲ ﺧﻠﻬﻢ ﻫﺴﻊ ﺑﺠﻲ ﺍﻟﻴﻮﻡ ﺍﻟﺒﻨﻤﺶ ﻟﻴﻬﻢ ﻓﻮﻗﻮ ﻭﻫﺴﻲ ﺍﻧﺎ ﺑﻌﺮﻑ ﺣﺎﺟﺘﻴﻦ ﺑﺲ ﺍﻟﻠﻪ ﻭﺑﻌﺪﻭ ﺍﻟﺪﻛﺎﻥ ﺑﺲ ﻻ ﺑﻔﺮﻁ ﻓﻲ ﻋﻼﻗﺘﻲ ﺑﻲ ﺍﻟﻠﻪ ﻭﻻ ﺑﻔﺮﻁ ﻓﻲ ﺍﻟﺸﻐﻞ ﻭﺍﻟﺪﻛﺎﻥ ﺑﺲ ﻭﻋﻠﻴﻚ ﺍﻟﻠﻪ ﺧﻠﻴﻨﻲ ﻓﻲ ﺍﻟﻠﻴﻠﺘﻲ
_ ﻋﺪﻳﻠﺔ ﻳﺎ ﺯﻭﻝ ﻭﺍﻧﺎ ﻣﻌﺎﻙ ﺣﺮﻡ ﻓﻲ ﺍﻟﺤﺎﺭﺓ ﻭﺍﻟﺒﺎﺭﺩﺓ ﻭﺗﺎﻧﻲ ﺗﺐ ﻣﺎﻧﻲ ﺳﺎﻋﻠﻚ ﻣﻦ ﺷﻲ ﻋﻼ ﺑﺮﺍﻙ ﺍﻟﺘﺠﻴﻨﻲ ﻭﺗﻘﻮﻝ ﻟﻲ
_ ﻋﻠﻲ ﺍﻟﻌﺪﻳﻠﺔ
ﻭﺩ ﺍﻟﻀﻮ ﻭﺻﻞ ﺍﻟﺨﺮﻃﻮﻡ ﻭﻓﺎﺕ ﺍﻟﺪﻛﺎﻥ ﺭﺍﺳﻮ ﻋﺪﻳﻞ ﻟﻘﻰ ﻋﺒﺪ ﺍﻟﻘﻴﻮﻡ ﺑﺮﺍﻫﻮ ﻭﻗﺎﻳﻞ ﻋﺒﺎﺱ ﻣﺮﻕ ﻣﺸﻮﺍﺭ ﺳﻠﻢ ﻭﻗﻌﺪ ﻣﺴﺘﻨﻴﻬﻮ
ﻋﺒﺪ ﺍﻟﻘﻴﻮﻡ ﺟﺎﺏ ﻟﻴﻬﻮ ﺑﺎﺭﺩ ﻭﻗﺎﻝ ﻟﻴﻬﻮ ﻋﺒﺎﺱ ﻛﻴﻒ ؟
_ ﺗﺴﻌﻠﻨﻲ ﻭﻟﻼ ﺍﺳﻌﻠﻚ ؟
_ ﻋﺒﺎﺱ ﻓﻲ ﺍﻟﺤﻠﺔ ﻣﻦ ﺍﻣﺲ ﻣﺎ ﻻﻗﺎﻙ
_ ﻋﺒﺎﺱ ﻣﺎ ﺟﺎﺀ ﺍﻟﺤﻠﺔ
_ ﻳﺎﺥ ﻓﺎﺕ ﺑﺪﺭﻱ ﻋﺸﺎﻥ ﻳﻠﺤﻖ ﺑﺺ ﺍﻟﺤﻠﺔ ﻗﺎﻝ
_ ﻣﺎ ﺟﺎﺀ ﻫﻨﺎﻙ ﻭﺍﻟﻠﻪ
_ ﻋﻼ ﻳﻜﻮﻥ ﻣﺎ ﻟﺤﻖ ﺍﻟﺒﺺ
_ ﺍﺣﺘﻤﺎﻝ ﻳﻜﻮﻥ ﺍﺗﺄﺧﺮ ﻓﻲ ﺍﻟﻄﺮﻳﻖ ﻭﻣﺎ ﻟﺤﻘﻮ ﻻﻧﻲ ﺍﻧﺎ ﺭﻛﺒﺖ ﻓﻮﻗﻮ
_ ﻭﺑﻤﺶ ﻭﻳﻦ ؟
_ ﻋﻨﺪﻭ ﺍﺻﺤﺎﺏ ﻓﻲ ﻣﺪﻧﻲ ﺑﻜﻮﻥ ﻣﺸﻰ ﻟﻴﻬﻢ ، ﺍﻧﺎ ﺑﻤﺸﻲ ﺍﻡ ﺩﺭﻣﺎﻥ ﻋﻨﺪﻱ ﻏﺮﺽ ﺩﺍﻳﺮ ﺍﺟﻴﺒﻮ ﻭﺑﺠﻲ ﺳﺮﻳﻊ ﻋﺸﺎﻥ ﺭﺍﺟﻊ ﻃﻮﺍﻟﻲ
_ ﺑﺘﺠﻲ ﺑﻴﺠﺎﻱ ؟
_ ﺍﻛﺎﻥ ﺟﻴﺖ ﺑﺪﺭﻱ ﺑﻐﺸﺎﻙ ﻭﺍﻛﺎﻥ ﺍﺗﺄﺧﺮﺕ ﺑﻔﻮﺕ ﻃﻮﺍﻟﻲ ﻋﺸﺎﻥ ﺑﺮﺿﻮ ﺩﺍﻳﺮ ﺍﻟﺤﻖ ﺑﺺ ﺍﻟﺤﻠﺔ .
ﻓﺮﺡ ﺟﺎﺀ ﻭﺷﺎﻳﻞ ﻛﺮﺗﻮﻧﺔ ﺗﺎﻧﻴﺔ ﻭﻗﺎﻝ ﻟﻌﺒﺎﺱ ﻗﻮﻡ ﻭﺩﻱ ﺍﻟﻜﺮﺗﻮﻧﺔ ﺩﻱ ﻭﺍﻟﻠﻮﺍﺀ ﻗﺎﻝ ﻧﻮﺍﺻﻞ ﻓﻲ ﻧﻔﺲ ﺍﻟﺨﻄﺔ
ﻋﺒﺎﺱ ﺭﻓﻊ ﺍﻟﻜﺮﺗﻮﻧﺔ ﻭﻧﺰﻟﻬﺎ ﻭﻗﺎﻝ ﻟﻔﺮﺡ ﺑﺲ ﺩﻱ ﺧﻔﻴﻔﺔ ﻣﺎ ﻳﺎﻫﺎ ﺍﻟﺠﺒﺘﻬﺎ ﻟﻴﻚ ﻗﺒﻴﻞ
_ ﺁﻱ ﺧﻔﻴﻔﺔ ﻋﺸﺎﻥ ﻧﻘﺼﻨﺎﻫﺎ ﻭﺍﻧﺖ ﻣﺎﻟﻚ ﻭﻣﺎﻝ ﺧﻔﻴﻔﺔ ﻭﺗﻘﻴﻠﺔ ﺩﻱ ﻣﺄﻣﻮﺭﻳﺔ ﺗﻨﻔﺬ ﺑﺲ ﻭﺍﻭﻋﻚ ﺗﻔﺘﺤﻬﺎ ﻻﻧﻬﺎ ﻣﺸﻤﻌﺔ ﻟﻮ ﺍﻧﻔﺘﺤﺖ ﺑﺘﻨﺴﺠﻦ
_ ﻻ ﻻ ﻣﺎ ﺑﻔﺘﺤﻬﺎ ﺑﺲ ﺣﺘﻰ ﺍﻟﻜﺮﺗﻮﻧﺔ ﺍﻟﻮﺩﻳﺘﻬﺎ ﺍﻣﺲ ﻛﺎﻧﺖ ﺧﻔﻴﻔﺔ ﺯﻱ ﺩﻱ ﻛﺪﺍ ﻣﺎ ﺯﻱ ﺍﻟﺠﺒﺘﻬﺎ ﻟﻴﻚ ﻣﻌﺎﻱ
_ ﻋﺒﺎﺱ ﻧﻔﺬ ﻭﺑﺲ ﻭﺍﻧﺎ ﻋﻨﺪﻱ ﺗﻌﻠﻴﻤﺎﺕ ﻟﻮ ﺍﻟﻤﻬﻤﺔ ﺩﻱ ﻓﺸﻠﺖ ﺍﺟﻴﺒﻚ ﺍﻟﻘﻴﺎﺩﺓ ﻋﺸﺎﻥ ﻳﺤﻘﻘﻮﺍ ﻣﻌﺎﻙ ﻭﺍﺣﺘﻤﺎﻝ ﻳﺴﺠﻨﻮﻙ ﻭﺍﻧﺎ ﻗﺪﺭ ﻣﺎ ﺣﺎﻭﻟﺖ ﺍﻗﻨﻌﻬﻢ ﻳﻮﺩﻳﻬﺎ ﺯﻭﻝ ﻏﻴﺮﻙ ﺍﻟﻠﻮﺍﺀ ﺭﻓﺾ ﻭﺑﺮﺳﻠﻮﺍ ﻣﻌﺎﻙ ﻭﺍﺣﺪ ﻳﺮﺍﻗﺒﻚ ﻣﻦ ﺑﻌﻴﺪ ﻋﺸﺎﻥ ﻳﻜﺘﺐ ﻓﻴﻚ ﺗﻘﺮﻳﺮ ﻭﺍﻧﺎ ﻣﻔﺮﻭﺽ ﻣﺎ ﺍﻭﺭﻳﻚ ﺑﻴﻬﻮ ﻟﻜﻦ ﻭﺭﻳﺘﻚ ﻋﺸﺎﻥ ﺗﻜﻮﻥ ﻋﺎﺭﻑ ﻭﻫﺎﺩﻱ
_ ﻳﺮﺍﻗﺒﻨﻲ ﻟﺸﻨﻮ ؟
_ ﻋﺸﺎﻥ ﻟﻮ ﻗﻌﺪﺕ ﺗﺮﺟﻒ ﻭﺗﺘﺮﺑﻚ ﻭﻣﺴﻜﻮﻙ ﻳﺘﺼﺮﻑ ﻭﻳﻤﺮﻗﻚ ﻣﻨﻬﻢ ﻭﺍﻟﻤﻬﻤﺔ ﺗﺘﻢ
_ ﻻ ﻻ ﺍﻟﻤﺮﺓ ﺩﻱ ﺍﻧﺎ ﻣﻄﻤﻦ ﻭﺍﻋﺘﺒﺮﻫﺎ ﻭﺻﻠﺖ ﺗﺐ
_ ﻣﻌﺎﻙ ﻗﺮﻭﺵ ؟
_ ﺁﻱ ﻣﻌﺎﻱ ﻣﻌﺎﻱ
_ ﺍﻋﻤﻞ ﻟﻲ ﻓﺎﺗﻮﺭﺓ ﺑﺎﻟﻘﺮﻭﺵ ﺍﻟﺼﺮﻓﺘﻬﻦ ﺍﻣﺲ ﻭﺍﻟﺒﺘﺼﺮﻓﻦ ﺍﻟﻠﻴﻠﺔ ﻋﺸﺎﻥ ﺍﻗﺪﻣﻬﺎ ﻟﻠﻘﻴﺎﺩﺓ ﻭﺍﺻﺮﻓﻬﺎ ﻟﻴﻚ
_ ﻓﺎﺗﻮﺭﺓ ﻛﻴﻒ ﺑﺤﻖ ﺍﻟﺮﻛﻮﺏ ؟
_ ﻟﻮ ﺷﺮﺑﺖ ﻣﻮﻳﺔ ﺍﻛﺘﺒﻬﺎ ﻭﺍﺗﺼﺮﻑ ﻋﻠﻲ ﻛﻴﻔﻚ ﺑﺲ ﻣﺎ ﺗﺪﻓﻊ ﺣﺎﺟﺔ ﻭﻣﺎ ﺗﺴﺠﻠﻬﺎ ﻻﻥ ﻣﺼﺎﺭﻳﻒ ﺍﻟﻤﻬﻤﺔ ﻛﻠﻬﺎ ﻋﻠﻲ ﺍﻟﺤﻜﻮﻣﺔ ، ﻳﻠﻼ ﻗﻮﻡ ﻋﺸﺎﻥ ﺗﺼﻞ ﺑﺪﺭﻱ ﻭﺍﺭﻛﺐ ﺗﻜﺴﻲ ﺍﻧﺖ ﻣﺎ ﺩﺍﻓﻊ ﺣﻘﻮ ﻣﻦ ﺟﻴﺒﻚ
_ ﺗﻤﺎﻡ ﻳﻠﻼ ﻣﻊ ﺍﻟﺴﻼﻣﺔ
ﺷﺎﻝ ﺍﻟﻜﺮﺗﻮﻧﺔ ﻭﻣﺮﻕ ﻭﺻﻞ ﺍﻟﺴﻮﻕ ﺍﻟﺸﻌﺒﻲ ﻭﻗﺮﺭ ﻳﺄﺟﺮ ﻋﺮﺑﻴﺔ ﺧﺎﺻﺔ ﻣﻦ ﻫﻨﺎ ﻭﻣﺎ ﻳﺮﻛﺐ ﺍﻟﺒﺺ ﻟﺴﺒﺒﻴﻦ
ﺍﻻﻭﻝ ﻣﺎ ﺩﺍﻳﺮ ﻳﻼﻗﻲ ﻻ ﺍﻟﺘﺎﺝ ﻭﻻ ﻋﺜﻤﺎﻥ ﻭﺍﻻﺗﻨﻴﻦ ﻗﺮﻳﺒﻴﻦ ﻣﻦ ﺑﺼﺎﺕ ﻣﺪﻧﻲ ﻭﺑﺸﻮﻓﻮﻫﻮ ﺍﻛﻴﺪ
ﻭﺍﻟﺴﺒﺐ ﺍﻟﺘﺎﻧﻲ ﻋﺸﺎﻥ ﻣﺎ ﺩﺍﻓﻊ ﺣﺎﺟﺔ ﻣﻦ ﺟﻴﺒﻮ ﻭﻛﻞ ﺷﻲ ﻋﻠﻲ ﺍﻟﺤﻜﻮﻣﺔ ﻭﻣﺸﻰ ﻋﻠﻲ ﻋﺮﺑﺎﺕ ﺍﻟﻤﺸﺎﻭﻳﺮ ﻳﻔﺘﺶ ﻟﻌﺮﺑﻴﺔ ﺳﻤﺤﺔ ﻭﻣﺮﻳﺤﺔ ﻭﺳﺮﻳﻌﺔ ﻭﻃﺎﻟﻤﺎ ﺍﻟﻘﺮﻭﺵ ﻋﻠﻲ ﺍﻟﺤﻜﻮﻣﺔ ﻣﺎ ﻣﻬﻢ ﻛﻢ ﺍﻟﻤﻬﻢ ﻋﺮﺑﻴﺔ ﺳﻤﺤﺔ ﻭﻟﻘﻰ ﻟﻴﻬﻮ ﺗﻜﺴﻲ ﺳﻤﺢ ﺳﻴﺪﻭ ﺍﺳﻤﻮ ﺍﻟﻬﺎﺩﻱ ﻭﺍﺗﻔﻖ ﻣﻌﺎﻫﻮ ﻭﺭﻛﺐ
ﻭﺟﺪﻉ ﺍﻟﻜﺮﺗﻮﻧﺔ ﻓﻲ ﺍﻟﻜﺮﺍﺳﻲ ﺍﻟﻮﺭﺍﺀ ﻣﺎ ﺧﺘﺎﻫﺎ ﻓﻲ ﺍﻟﻀﻬﺮﻳﺔ