# ﻋﺒﺎﺱ 55
ﻣﺠﺎﻫﺪ ﻳﻮﺳﻒ
ﺍﻟﺴﺎﻋﺔ ﻋﺸﺮﺓ ﻫﺴﻲ ﻭﺍﻟﺨﺎﺯﻭﻕ ﺩﺍ ﺩﻗﻴﺖ ﺍﻟﺒﺎﺏ ﻟﻤﻦ ﻓﺘﺮﺕ ﻣﺎ ﺟﺎﺀ ﻓﺘﺤﻮ ﻳﺎ ﻗﺎﻋﺪ ﻭﺳﺎﻣﻊ ﻭﻣﻄﻨﺶ ﻳﺎ ﻟﺴﺔ ﻣﺎ ﺟﺎﺀ ﺍﻧﺎ ﺍﺗﻠﺐ ﺑﺎﻟﺤﻴﻄﺔ ﺑﺲ . ﺩﺍ ﺍﻟﻘﺎﻟﻮﺍ ﻋﺒﺎﺱ ﻭﻫﻮ ﺟﻤﺐ ﺑﻴﺖ ﺭﺑﻴﻊ ، ﺗﻠﺐ ﻭﻟﻘﺎﻫﻮ ﻗﺎﻋﺪ
_ ﻫﻮ ﺩﺍ ﺍﻧﺖ ؟ ﺍﺯﻳﻚ ﻳﺎﺥ ﻭﻭﻳﻨﻚ ؟
_ ﻣﺎﻟﻚ ﺍﺑﻴﺖ ﺗﻔﺘﺢ ﺍﻟﺒﺎﺏ ﺩﺍ ؟
_ ﻛﻠﻤﺘﻚ ﻣﻦ ﺍﻟﻤﺮﺓ ﺍﻟﻔﺎﺗﺖ ﻣﺎﻓﻲ ﺯﻭﻝ ﺑﺠﻴﻨﻲ ﺍﻟﻮﻛﺖ ﺩﺍ
_ ﺍﻧﺎ ﻣﺎ ﺯﻭﻝ ؟
_ ﺍﻧﺖ ﻣﺎ ﻗﺎﻋﺪ ﺗﺠﻲ ﻛﺘﻴﺮ ﻫﺴﻲ ﻟﻴﻚ ﻗﺮﻳﺐ ﺷﻬﺮ ﻭﺷﻔﺘﻚ ﻣﺮﺗﻴﻦ ﺗﻼﺗﺔ ﻣﺮﺍﺕ ﺟﻴﺖ ﻣﺪﻧﻲ ﻭﻣﺎ ﺟﻴﺘﻨﻲ
_ ﻣﺎ ﺟﻴﺖ ﻭﻻ ﺷﻲ
_ ﺟﻴﺖ ﻭﺍﻟﻠﻪ ﻭﺑﻘﻴﺖ ﺻﺎﺣﺐ ﺍﺑﺠﺎﻛﻮﻣﺔ ﻭﺗﺸﻴﻞ ﻭﺗﺠﻴﺐ ﻓﻲ ﺍﻟﻜﺮﺍﺗﻴﻦ
_ ﻛﺮﺍﺗﻴﻦ ﺷﻨﻮ ؟
_ ﻣﺎ ﻋﻠﻴﻨﺎ ﺍﻟﻤﻬﻢ ﺍﻧﺖ ﻛﻴﻒ ﻭﺍﺧﺒﺎﺭﻙ ﺷﻨﻮ ؟
_ ﻫﻮ ﺍﻟﻮﺭﺍﻙ ﻣﻮﺵ ؟
_ ﺍﻧﺴﻰ ﺍﻧﺴﻰ ﻭﺭﻳﻨﻲ ﺍﻟﺤﺎﺻﻞ ﺷﻨﻮ ﻣﻌﺎﻙ ﻭﻭﺩ ﺍﻟﻀﻮ ﺍﺩﺍﻙ ﺍﻟﻘﺮﻭﺵ ﻭﻟﻼ ﻋﻤﻠﺖ ﺷﻨﻮ ﻣﻌﺎﻫﻮ
_ ﺍﻧﺖ ﻭﺩ ﺍﻟﻀﻮ ﺩﺍ ﺻﺤﻴﺢ ﺍﺗﻌﺎﻓﻦ ﻣﻌﺎﻙ ﻫﻮ ﻭﺍﻟﻌﺒﻴﺪ ﻭﺿﺎﺭﺑﻮﻙ
_ ﻭﺍﻟﻠﻪ ﺩﻗﻮﻧﻲ ﺩﻗﺔ ﺣﺎﺭﺓ ﺧﻼﺱ ﻟﻮ ﻣﺎ ﻋﺎﻳﻨﺖ ﻟﻴﻚ ﻗﺮﺑﺖ ﺍﺳﺠﻨﻬﻢ ﻓﻴﻬﺎ ﻟﻜﻦ ﻟﻘﻴﺖ ﻧﻔﺴﻲ ﺍﻧﺎ ﺍﻟﻐﻠﻄﺎﻥ ﻭﺍﻧﺎ ﺍﻟﻤﺸﻴﺖ ﻟﻴﻬﻢ ﻭﺍﺳﺘﺎﻫﻞ
_ ﺗﺴﺘﺎﻫﻞ ﻛﻴﻒ ؟
_ ﺍﻟﻨﻴﺔ ﻣﺎ ﻛﺎﻧﺖ ﺳﻠﻴﻤﺔ ﻭﺍﻟﺒﺮﻛﺔ ﺍﻟﺪﻗﻮﻧﻲ
_ ﻛﻴﻒ ﺍﻟﻨﻴﺔ ﻣﺎ ﺳﻠﻴﻤﺔ
_ ﺍﻧﺎ ﻟﻌﺒﺖ ﻋﻠﻴﻚ ﻳﺎﺥ ﻭﻛﻨﺖ ﺩﺍﻳﺮ ﺍﺩﻗﺴﻚ ﻭﺍﺷﻴﻞ ﺍﻟﻘﺮﻭﺵ
_ ﻛﺘﺎﺭ ﺍﻟﻠﻌﺒﻮ ﻋﻠﻲ ﻭﺍﻟﻼﻋﺒﻴﻦ ﺑﻲ ﻣﺎ ﻭﻗﻔﺖ ﻋﻠﻴﻚ ﻳﺎﺥ
_ ﻛﻴﻒ ؟
_ ﻓﻲ ﺣﺎﺟﺔ ﻏﻠﻂ ﻣﺎ ﻋﺎﺭﻓﻬﺎ ﺷﻨﻮ ﻭﺍﻟﻠﻪ ، ﻳﺎﺥ ﺍﻧﺎ ﻳﺎ ﺯﻭﻝ ﻧﺤﺲ ﻳﺎ ﻣﺎ ﺷﺎﻳﻒ ﺍﻟﺪﻧﻴﺎ ﺩﻱ ﺻﺎﺡ ﻳﺎ ﺯﻭﻝ ﻃﻴﺮﺓ ﺳﺎﻱ ﻭﻣﺎ ﻓﺎﻫﻢ ﺷﻲ
_ ﺩﺍ ﻛﻼﻡ ﺷﻨﻮ ؟
_ ﻭﺍﻟﻠﻪ ﺻﺎﺡ ﻭﻫﺴﻲ ﺟﻴﺘﻚ ﻭﺍﻟﻠﻪ ﻣﺎ ﺷﻮﻗﻦ ﻟﻴﻚ ﻭﻋﺎﺭﻓﻚ ﻛﻀﺎﺏ ﻭﻏﺎﺷﻴﻨﻲ ﻭﻛﻞ ﺷﻲ ﻋﺎﺭﻓﻮ ﺑﺲ ﺟﻴﺘﻚ ﺩﺍﻳﺮ ﺍﻧﺴﻄﻞ ﻭﺍﺳﻜﺮ ﻟﻤﻦ ﺍﺑﻘﻰ ﻗﺮﺩ ﻭﺍﻧﻮﻡ ﻧﻮﻣﺔ ﺍﻫﻞ ﺍﻟﻜﻬﻒ
_ ﻋﻴﻮﻧﻚ ﺣﻤﺮ ﻭﺯﻱ ﺍﻟﻔﻲ ﺯﻭﻝ ﻛﻔﺘﻚ ﻇﺎﻫﺮ ﺍﻟﻜﻒ ﻓﻲ ﺟﻀﻤﻚ
_ ﻛﻔﺘﻨﻲ ﻭﺍﺣﺪ ﺍﺳﻤﻮ ﺑﻠﺔ ﺑﺲ ﻛﻒ ﻓﻲ ﻣﺤﻠﻮ ﻭﺍﻟﻠﻪ ﺣﺎﺭ ﺧﻼﺱ ﻟﻤﻦ ﻭﻗﻌﺖ ﻓﻲ ﺍﻟﻮﺍﻃﺔ ﺑﺲ ﻣﺎ ﺯﻋﻠﻨﻲ ﻻﻧﻲ ﺑﺴﺘﺎﻫﻠﻮ ﺯﻱ ﺩﻗﺔ ﻭﺩ ﺍﻟﻀﻮ ﻭﺍﻟﻌﺒﻴﺪ ﻟﻴﻚ ﻭﺑﺮﺿﻮ ﻧﻴﺘﻲ ﻣﺎ ﻛﺎﻧﺖ ﺳﻠﻴﻤﺔ
_ ﺍﺣﻜﻲ ﺍﺣﻜﻲ
_ ﻣﺎ ﺟﺎﻳﻴﻚ ﻋﺸﺎﻥ ﺍﺣﻜﻲ ، ﻭﻟﻊ ﻭﻟﻊ ﺑﺲ ﺍﻧﺒﻘﻰ ﻗﺮﺩ ﺍﻧﺎ ﺍﻣﺲ ﻗﺎﺭﺻﻨﻲ ﺩﺍﺑﻲ ﻗﺮﺏ ﻳﻜﺘﻠﻨﻲ ﺟﻤﺐ ﺗﺮﻋﺔ ﺍﻟﺴﺎﻋﺔ ﺍﺗﻨﻴﻦ ﺻﺒﺎﺣﺎ ﻓﻲ ﺑﻠﺪ ﻃﻴﺮﻭ ﻋﺠﻤﻲ ﻭﺟﻴﻌﺎﻥ ﻭﻧﻌﺴﺎﻥ ﻭﻓﺘﺮﺍﻥ ﻭﻣﻴﺘﺎﻥ ﻭﻛﻠﻮ ﺷﻲ ﻛﻌﺐ ﻋﻠﻲ
_ ﺍﻧﺖ ﺟﺎﺩﻱ ؟
_ ﺯﻱ ﻣﺎ ﺑﻘﻮﻝ ﻟﻴﻚ ﻛﺪﺍ ، ﺩﺍﻳﺮ ﺗﻮﻟﻊ ﻭﻟﻼ ﺍﻗﻮﻡ ﺍﺗﺨﺎﺭﺝ
_ ﺑﻮﻟﻊ ﺑﺲ ﺍﻧﺠﻴﺐ ﻟﻴﻚ ﺣﺎﺟﺔ ﺗﺎﻛﻠﻬﺎ ﺍﻭﻝ ﻣﺎ ﺗﻀﺮﺏ ﺑﻨﻘﻮ ﺟﻴﻌﺎﻥ
_ ﻻ ﻻ ﻋﺎﺩﻱ ﻭﺑﺴﻜﺮ ﺑﺮﺿﻮ ﺟﻴﻌﺎﻥ
_ ﻣﺎﻟﻚ ﺩﺍﻳﺮ ﺗﻤﻮﺕ ﻟﻲ ﻫﻨﺎ ﻭﺗﺠﻴﺐ ﻟﻲ ﻣﺼﻴﺒﺔ ؟ ﺩﻗﺎﻳﻖ ﺑﺲ ﺍﻧﺎ ﺑﻤﺶ ﺍﻟﺴﻮﻕ ﺍﺟﻴﺐ ﻟﻴﻚ ﺍﻛﻞ ﻭﺑﺠﻴﻚ ﺍﻧﺎ ﺯﺍﺗﻲ ﻭﺍﻟﻠﻪ ﺟﻴﻌﺎﻥ
_ ﺩﻗﻴﻘﺔ ﻫﺎﻙ ﻗﺮﻭﺵ
_ ﻣﻌﺎﻱ ﻗﺮﻭﺵ ﻭﺍﻟﻤﺮﺓ ﺩﻱ ﺍﻟﻨﻴﺔ ﺳﻠﻴﻤﺔ
ﺭﺑﻴﻊ ﻣﺮﻕ ﻓﺎﺕ
ﻭﺩ ﺍﻟﺴﺖ ﺟﺎﺀ ﻣﺪﻧﻲ ﻣﻊ ﺍﻟﺰﻳﻦ ﻣﻦ ﺍﻟﺼﺒﺎﺡ ﻭﺷﺎﻟﻮﺍ ﻟﻴﻬﻢ ﺑﻀﺎﻋﺔ ﻭﺭﺟﻌﻮﺍ ﻃﻮﺍﻟﻲ ﻭﺍﻛﺎﻥ ﻋﺎﻣﻞ ﺣﺴﺎﺑﻮ ﺷﺪﻳﺪ ﻣﺎ ﻳﺸﻮﻓﻮ ﺍﻱ ﺯﻭﻝ ﺑﻌﺮﻓﻮ ﻭﻣﺮﺍﺕ ﻟﻤﻦ ﻳﺠﻮﺍ ﺑﺤﺘﺔ ﻓﻴﻬﺎ ﺯﻭﻝ ﻣﻦ ﺍﻟﺤﻠﺔ ﺑﺪﻧﻘﺮ ﻭﺍﻟﺰﻳﻦ ﻓﻜﺮ ﻟﻴﻬﻮ ﻭﺳﺄﻟﻮ ﻭﻭﺩ ﺍﻟﺴﺖ ﻭﺭﺍﻫﻮ ﺑﺎﻟﻮﺍﺿﺢ ﺍﻧﻮ ﻣﺎ ﺩﺍﻳﺮ ﺯﻭﻝ ﺑﻌﺮﻓﻮ ﻳﺸﻮﻓﻮ ﻋﺸﺎﻥ ﻛﺪﺍ ﻣﺎ ﻗﻌﺪﻭﺍ ﻓﻲ ﻣﺪﻧﻲ ﻛﺘﻴﺮ
ﺭﺑﺒﻊ ﺟﺎﺏ ﺍﻛﻞ ﻭﺟﺎﺀ ﺑﻌﺪ ﺍﻛﻠﻮ ﺗﻤﺎﻡ ﻋﺒﺎﺱ ﻗﺎﻝ ﻟﻴﻬﻮ ﻳﻠﻼ ﻭﻟﻊ
_ ﻫﺎﻙ ﺍﺑﻠﻊ ﺍﻟﺤﺒﺔ ﺩﻱ ﺍﻭﻝ
_ ﺣﺒﺔ ﺷﻨﻮ ﺩﻱ ؟
_ ﺣﺒﺔ ﺑﺘﺮﻳﺤﻚ ﻭﺑﺘﻨﺴﻴﻚ ﺍﻟﻌﺎﻟﻢ ﻛﻠﻮ
_ ﻣﺨﺪﺭﺍﺕ ﻣﻮﺵ ؟
_ ﺍﺑﻠﻊ ﺑﺲ ﻭﻟﻮﻣﻨﻲ ﻟﻮ ﻣﺎ ﻋﺠﺒﺘﻚ .
ﻋﺒﺎﺱ ﻃﻮﺍﻟﻲ ﺑﻠﻌﻬﺎ ﻭﻗﺎﻝ ﻟﻴﻬﻮ ﻳﻠﻼ ﻭﻟﻊ ، ﺭﺑﻴﻊ ﻗﺎﻝ ﻟﻴﻬﻮ ﺍﺻﺒﺮ ﺷﻮﻳﺔ ﺧﻠﻲ ﻟﻤﻦ ﺗﺸﻮﻑ ﻣﻔﻌﻮﻝ ﺍﻟﺤﺒﺔ ﺩﻱ ﻭﺗﻨﻌﻨﺶ ﺻﺎﺡ ﺣﺘﻴﻦ ﺍﻭﻟﻊ
_ ﺩﻱ ﺣﺒﺔ ﻣﺎ ﻋﻨﺪﻫﺎ ﺍﻱ ﻣﻔﻌﻮﻝ ﻳﺎﺥ
_ ﻋﺸﺮﺓ ﺩﻗﺎﻳﻖ ﺑﺲ ﻭﺍﻧﺖ ﺍﻻﻭﻝ ﺍﻧﺒﻄﺢ ﺍﻧﺒﻄﺢ ﻭﻏﻤﺾ ﻋﻴﻮﻧﻚ ﺯﻱ ﺍﻟﺪﺍﻳﺮ ﺗﻨﻮﻡ ﻭﺣﺎﻭﻝ ﻣﺎ ﺗﻔﻜﺮ ﻓﻲ ﺍﻱ ﺷﻲ ﻭﺍﺩﻳﻬﺎ ﺻﻨﺔ ﺑﺲ ﺩﻗﺎﻳﻖ
ﻋﺒﺎﺱ ﺍﻧﺒﻄﺢ ﻭﻏﻤﺾ ﻭﻣﺎ ﺗﻢ ﻋﺸﺮﺓ ﺩﻗﺎﻳﻖ ﻧﺎﻡ ، ﺭﺑﻴﻊ ﻃﻔﻰ ﺍﻟﻨﻮﺭ ﻭﻗﻔﻞ ﺍﻟﺒﺎﺏ ﻭﺭﻗﺪ ﻧﺎﻡ
ﻭﺩ ﺍﻟﻀﻮ ﻳﺘﻤﻠﻤﻞ ﺳﺎﻱ ﻭﺍﻻﻧﺘﻈﺎﺭ ﺣﺎﺭ ﻭﻣﺤﺘﺎﺭ ﺑﻴﻦ ﻳﻘﻌﺪ ﻭﻟﻼ ﻳﻔﻮﺕ ﻻﻧﻮ ﻣﻨﺘﻈﺮ ﺑﺲ ﻭﻣﺎ ﻣﻌﺮﻭﻑ ﻋﺒﺎﺱ ﻳﺠﻲ ﻭﻟﻼ ﻣﺎ ﻳﺠﻲ ﻭﻟﻤﻦ ﺍﻟﺴﺎﻋﺔ ﺍﺗﻨﻴﻦ ﺟﺎﺕ ﻓﺎﺕ ﻟﻠﺘﺎﺝ ﻗﺎﻝ ﻟﻴﻬﻮ ﺩﺍﻳﺮ ﺍﻣﺸﻲ ﻟﻔﺮﺡ ، ﺍﻟﺘﺎﺝ ﺍﺣﻤﺎﻫﻮ ﻭﻗﺎﻝ ﻟﻴﻬﻮ ﺍﻣﺶ ﺍﻫﻠﻚ ﺍﺣﺴﻦ ﻭﻣﺎ ﺗﻘﻠﻖ ﻋﻠﻲ ﻋﺒﺎﺱ ﻟﻤﻦ ﻳﺠﻲ ﺍﻧﺎ ﺑﺘﺼﺮﻑ ﻭﺑﻌﻤﻞ ﺍﻟﺼﺎﺡ
ﻋﻤﺮ ﻛﺎﻥ ﻣﺼﺮ ﻳﻔﻮﺕ ﻟﻔﺮﺡ ﻟﻜﻦ ﺍﻟﺘﺎﺝ ﺍﻗﻨﻌﻮ ﺗﺐ ﻭﻃﻤﻨﻮ ﻭﻗﻄﻊ ﻟﻴﻬﻮ ﺗﺬﻛﺮﺓ ﻋﻤﺮ ﻗﺎﻝ ﻟﻴﻬﻮ ﻳﻮﻣﻴﻦ ﻭﺑﺠﻲ ﻟﻮ ﻣﺎ ﻻﻗﻴﺖ ﻋﺒﺎﺱ ﻫﻨﺎﻙ ﻭﺭﻛﺐ ﻓﺎﺕ
ﺍﺑﺠﺎﻛﻮﻣﺔ ﺟﻬﺰ ﺍﻟﺒﻨﻘﻮ ﻭﺑﻘﻰ ﻣﺴﺘﻨﻲ ﺟﻴﺔ ﻋﺒﺎﺱ ﻗﺎﻳﻠﻮ ﻓﺎﺕ ﺍﻟﺤﻠﺔ ﻭﺑﺠﻲ ﻏﺎﺷﻴﻬﻮ ﻗﺒﺎﻝ ﻳﺮﺟﻊ ﺍﻟﺨﺮﻃﻮﻡ
ﺍﻟﻬﺎﺩﻱ ﺭﻏﻢ ﺍﻧﻮ ﻣﺮﻕ ﻣﻦ ﺍﻟﻤﻮﺿﻮﻉ ﻟﻜﻦ ﺑﺮﺿﻮ ﺟﺎﺀ ﻳﺸﻤﺸﻢ ﻭﻳﺴﺄﻝ ﻭﺷﺎﻑ ﺍﻟﺘﺎﺝ ﺑﺲ ﻣﺎ ﺟﺎﺀ ﻧﻀﻢ ﻣﻌﺎﻫﻮ ﻭﻳﺴﺄﻝ ﻭﻳﺴﺄﻝ ﻟﻤﻦ ﻭﺻﻞ ﺩﻛﺎﻥ ﻋﺒﺪ ﺍﻟﻘﻴﻮﻡ ﻭﻋﺒﺎﺱ ﻭﺩﺧﻞ ﺯﻱ ﺍﻟﺪﺍﻳﺮ ﻳﺸﺘﺮﻱ ﺣﺎﺟﺔ ﻭﺳﺄﻝ ﻋﺒﺪ ﺍﻟﻘﻴﻮﻡ ﻗﺎﻝ ﻟﻴﻬﻮ ﻓﻲ ﻭﻟﺪ ﻏﻴﺮﻙ ﻫﻨﺎ ﻭﻟﻼ ﺩﺍﻙ ﺩﻛﺎﻥ ﺗﺎﻧﻲ
_ ﺍﺳﻤﻮ ﻣﻨﻮ ؟
_ ﻣﺎ ﺑﻌﺮﻑ ﺍﺳﻤﻮ ﺑﺲ ﺟﻴﺖ ﻗﺒﻞ ﻓﺘﺮﺓ ﻟﻘﻴﺘﻮ ﻫﻮ ﺍﻧﺖ ﻣﺎ ﻛﻨﺖ ﻣﻮﺟﻮﺩ
_ ﻛﺪﻱ ﻭﺻﻔﻮ ﻟﻲ
ﺍﻟﻬﺎﺩﻱ ﻭﺻﻔﻮ ﻟﻴﻬﻮ ﻭﻋﺒﺪ ﺍﻟﻘﻴﻮﻡ ﻗﺎﻝ ﻟﻴﻬﻮ ﺁﻱ ﺍﺳﻤﻮ ﻋﺒﺎﺱ ﺑﺲ ﻓﺎﺕ ﻣﺸﻮﺍﺭ ﻟﻜﻦ ﺑﺠﻲ
_ ﺑﺠﻲ ﺍﻟﻠﻴﻠﺔ ؟ ﻳﻌﻨﻲ ﻓﺎﺕ ﻣﺸﻮﺍﺭ ﻗﺮﻳﺐ ﺍﺳﺘﻨﺎﻫﻮ ؟
_ ﻣﺎ ﻗﺮﻳﺐ ﻭﻣﺎ ﻋﺎﺭﻑ ﺑﺠﻲ ﺍﻟﻠﻴﻠﺔ ﻭﻟﻼ ﻻ ﻟﻜﻦ ﺍﺗﻔﻀﻞ ﺍﻟﺪﻛﺎﻥ ﺩﻛﺎﻧﻚ ﻣﺎ ﺑﻘﺼﺮ ﻣﻌﺎﻙ ﺍﻧﺎ
_ ﺗﻤﺎﻡ
ﺍﻟﻬﺎﺩﻱ ﻣﺎ ﺩﺍﻳﺮ ﻳﺸﺘﺮﻱ ﺷﻲ ﻭﺳﺄﻝ ﻋﺒﺪ ﺍﻟﻘﻴﻮﻡ ﻣﻦ ﻛﻢ ﺣﺎﺟﺔ ﻛﺪﺍ ﻭﻣﺮﻕ ﻓﺎﺕ ، ﺣﺴﻦ ﻓﺘﺮﻳﻨﺔ ﺍﻛﺎﻥ ﻭﺍﻗﻒ ﻭﺑﻌﺪ ﺍﻟﻬﺎﺩﻱ ﻣﺎ ﻓﺎﺕ ﻗﺎﻝ ﻟﻌﺒﺪ ﺍﻟﻘﻴﻮﻡ ﺍﻟﺰﻭﻝ ﺩﺍ ﻣﺎ ﺣﺼﻞ ﺟﺎﺀ ﻫﻨﻲ ﻭﻻ ﺟﺎﺀ ﻫﺴﻲ ﻳﺸﺘﺮﻱ
_ ﺁﻱ ﻣﻦ ﺩﺧﻞ ﺳﺎﻱ ﻭﻗﻌﺪ ﻳﻌﺎﻳﻦ ﻓﻴﻨﻲ ﻋﺮﻓﺘﻮ ﻣﺎ ﺩﺍﻳﺮ ﻳﺸﺘﺮﻱ ﻭﺍﻟﺰﻭﻝ ﺩﺍ ﺑﻌﺮﻑ ﻋﺒﺎﺱ ﻛﻮﻳﺲ ﻣﻦ ﻭﺻﻔﻮ ﻟﻴﻬﻮ ﻭﺩﺍ ﻣﺎ ﻭﺻﻴﻒ ﺯﺑﻮﻥ
_ ﻋﺒﺎﺱ ﺩﺍ ﺣﻴﺮﻧﻲ ﻭﺍﻟﻠﻪ
_ ﻭﺍﻟﻠﻪ ﺍﻧﺎ ﻣﺤﺘﺎﺭ ﺍﻛﺘﺮ ﻣﻨﻚ ﻭﻃﻤﻢ ﺑﻄﻨﻲ ﻣﻦ ﺍﻟﺸﻐﻞ ﻣﻌﺎﻫﻮ ﻭﻟﻤﻦ ﻳﺠﻲ ﻭﺍﺣﺪ ﻓﻴﻨﺎ ﻳﺸﻴﻞ ﻭﺍﻟﺘﺎﻧﻲ ﻳﻤﺮﻕ
_ ﻻ ﻻ ﻣﺎ ﺗﻘﻮﻝ ﻛﺪﺍ
_ ﺯﻫﺠﺖ ﻭﺍﻟﻠﻪ ﻭﻛﻼﻡ ﺧﻀﺮ ﺻﺎﺡ
_ ﺧﻀﺮ ﻗﺎﻝ ﺷﻨﻮ ؟
_ ﻗﺎﻝ ﻋﺒﺎﺱ ﺩﺍ ﻧﺤﺲ ﻭﻣﺎ ﺯﻭﻝ ﺷﻐﻞ ﻭﺑﻐﻄﺲ ﺣﺠﺮ ﺍﻟﺪﻛﺎﻥ ﺩﺍ
_ ﺍﺻﺒﺮ ﺍﺻﺒﺮ ﻭﺍﻟﻠﻪ ﻗﺒﻞ ﺍﻳﺎﻡ ﺍﻛﺎﻥ ﻛﻮﻳﺲ ﻣﺎ ﻋﺎﺭﻑ ﺗﺎﻧﻲ ﻣﺎﻟﻮ
_ ﻫﺴﻲ ﻟﻴﻬﻮ ﻛﻢ ﻳﻮﻡ ﻣﺎ ﻣﻌﺮﻭﻑ ﻭﻳﻦ ؟
_ ﺍﻣﻜﻦ ﺩﺍﺧﻞ ﻓﻲ ﻣﺸﻜﻠﺔ ، ﻟﻤﻦ ﻳﺠﻲ ﻧﻘﻌﺪﻭ ﻓﻲ ﺍﻟﻮﺍﻃﺔ ﻭﻧﻌﺮﻑ ﻣﺎﻟﻮ
_ ﺑﻜﻀﺐ ﻣﺎ ﺑﻮﺭﻳﻨﺎ ﺍﻟﺤﻘﻴﻘﺔ
ﻋﺒﺎﺱ ﻧﺎﻡ ﻭﺭﺑﻴﻊ ﺻﺤﻰ ﺑﺎﻟﻠﻴﻞ ﻭﻣﺮﻕ ﻭﺟﺎﺀ ﺍﻟﺼﺒﺎﺡ ﻭﺟﺎﺏ ﻣﻌﺎﻫﻮ ﺳﻨﺪﻭﺗﺸﺎﺕ ﻭﻟﻘﻰ ﻋﺒﺎﺱ ﻟﺴﺔ ﻧﺎﻳﻢ ﺍﺑﻰ ﻳﺼﺤﻴﻬﻮ ﻭﻫﻮ ﺯﺍﺗﻮ ﺭﻗﺪ ﻧﺎﻡ
ﺑﻌﺪ ﺍﻟﻤﻐﺮﺏ ﻋﺒﺎﺱ ﺻﺤﻰ ﺑﺮﺍﻫﻮ ﻭﻗﺎﻝ ﻟﺮﺑﻴﻊ ﻗﻮﻡ ﻗﻮﻡ
_ ﻗﻮﻡ ﺍﻧﺖ ﻭﺍﻣﺶ ﺍﺳﺘﺤﻤﻰ
_ ﺍﻟﺴﺎﻋﺔ ﻛﻢ ﻫﺴﻲ ؟
_ ﺳﺒﻌﺔ ﻭﺷﻮﻳﺔ
_ ﻻﺍﺍﺍ ﻳﻌﻨﻲ ﻣﻦ ﺣﺪﺍﺷﺮ ﻟﺤﺪﻱ ﺳﺒﻌﺔ ﺗﻤﺎﻧﻴﺔ ﺳﺎﻋﺎﺕ ﻃﻖ ﻭﺍﻟﻠﻪ ﻧﻮﻣﺔ ﺳﻤﺤﺔ ﻳﺎﺥ ﺩﻱ
_ ﺗﻤﺎﻧﻴﺔ ﻭﺍﺭﺑﻌﺔ ﻭﻋﺸﺮﻳﻦ ﻳﻌﻨﻲ ﺍﺗﻨﻴﻦ ﻭﺗﻼﺗﻴﻦ ﻃﻖ
_ ﺷﻨﻮ ﺩﺍ
_ ﺍﻟﻠﻴﻠﺔ ﺷﻨﻮ ﺁ ﻋﺒﺎﺱ ؟
_ ﺍﻟﻠﻴﻠﺔ ﺍﻟﺘﻼﺗﺎﺀ
_ ﻻ ﺍﻟﻠﻴﻠﺔ ﺍﻻﺭﺑﺤﺎﺀ ﻭﺍﻧﺖ ﻧﺎﻳﻢ ﻟﻴﻚ ﺍﺗﻨﻴﻦ ﻭﺗﻼﺗﻴﻦ ﺳﺎﻋﺔ
_ ﺍﻧﺖ ﻣﺠﻨﻮﻥ ؟
_ ﻭﺍﻟﻠﻪ ﺻﺎﺡ ﻭﻟﻮ ﻣﺎ ﻣﺼﺪﻕ ﺍﻣﺮﻕ ﺍﺳﺄﻝ ﺍﻱ ﺯﻭﻝ ﺑﺮﺓ
_ ﺍﻟﺤﺒﺔ ﺍﻻﺩﻳﺘﻨﻲ ﻟﻴﻬﺎ ﺩﻱ ﺣﻘﺖ ﺷﻨﻮ ؟
_ ﺣﺒﻮﺏ ﻧﻮﻡ ﻭﺍﻟﻠﻪ ﻭﺟﺒﺘﻬﻦ ﻣﻦ ﺍﻻﺟﺰﺧﺎﻧﺔ
_ ﻣﺎ ﺣﺒﻮﺏ ﻧﻮﻡ
ﺭﺑﻴﻊ ﻭﻟﻊ ﺍﻟﻨﻮﺭ ﻭﻣﺸﻰ ﻋﻠﻲ ﻗﻤﻴﺼﻮ ﻭﻃﻠﻊ ﺍﻟﺤﺒﻮﺏ ﻭﺟﺪﻋﻦ ﻟﻌﺒﺎﺱ ﻭﻗﺎﻝ ﻟﻴﻬﻮ ﺩﺍ ﺑﺎﻗﻴﻬﻦ ﻭﺍﻗﺮﺍ ﺍﻟﻮﺭﻗﺔ ﺍﻟﺠﻮﺓ
ﺍﻟﻬﺎﺩﻱ ﺍﺗﺄﻛﺪ ﺍﻧﻮ ﻋﺒﺎﺱ ﺻﺎﺩﻕ ﻓﻲ ﺣﻜﺎﻳﺘﻮ ﻭﻣﺎ ﺩﺍﻡ ﻭﺻﻞ ﺍﻟﻜﺮﺗﻮﻧﺔ ﺍﻛﻴﺪ ﺧﺎﻑ ﻣﻨﻬﻢ ﻭﻗﺮﺭ ﻣﺎ ﻳﺴﻜﺖ ﻭﻋﺮﻑ ﺍﻟﺒﻴﺖ ﺍﻟﻮﺩﻭﻫﻮ ﻟﻴﻬﻮ ﻛﻮﻳﺲ ﻭﻣﺸﻰ ﻟﻴﻬﻮ ﻭﻭﻗﻒ ﺑﻌﻴﺪ ﻭﻗﻌﺪ ﻳﺮﺍﻗﺐ
ﺍﻧﺘﻈﺮ ﺳﺎﻋﺘﻴﻦ ﻣﺎ ﺟﺎﺀ ﺯﻭﻝ ﻗﺎﻝ ﻣﺎﻓﻲ ﻓﺎﻳﺪﺓ ﻛﺪﺍ ﺑﻀﻴﻊ ﺯﻣﻨﻲ ﺳﺎﻱ ﺍﻧﺎ ﻣﻔﺮﻭﺽ ﺍﻣﺸﻲ ﺍﻛﻠﻢ ﻓﺎﺭﻭﻕ ﻭﺩ ﺣﺎﺝ ﺍﻟﺼﺪﻳﻖ ﺑﺲ ﻭﻫﻮ ﺑﺘﺼﺮﻑ
ﻋﺒﺎﺱ ﻗﺎﻡ ﺍﺳﺘﺤﻤﻰ ﻭﻗﺎﻝ ﻟﺮﺑﻴﻊ ﻣﺮﻗﺎﻛﺎ ﻭﻣﺸﻮﺍ ﺍﻟﺴﻮﻕ
ﻓﺎﺭﻭﻕ ﻭﺩ ﺣﺎﺝ ﺍﻟﺼﺪﻳﻖ ﺿﺎﺑﻂ ﻓﻲ ﺍﻟﺠﻴﺶ ﻗﺮﺍ ﺍﻟﻜﻠﻴﺔ ﺍﻟﺤﺮﺑﻴﺔ ﺯﻣﻦ ﻧﻤﻴﺮﻱ ﻭﻫﻮ ﻣﻦ ﺣﻠﺔ ﻧﺎﺱ ﺍﻟﻬﺎﺩﻱ ﻭﺯﻭﻝ ﺿﻜﺮﺍﻥ ﺧﻼﺱ ﻭﺻﻌﺐ ﻭﺟﻨﻮ ﻭﺟﻦ ﺍﻻﻋﻮﺝ ﻣﺎ ﺑﺪﻭﺭﻭ ﻛﻠﻮ ﻛﻠﻮ ﻭﺍﻟﻬﺎﺩﻱ ﻓﺎﺕ ﻟﻴﻬﻮ ﻓﻲ ﺑﻴﺘﻮ ﻭﻭﺭﺍﻫﻮ ﺍﻟﻘﺼﺔ ﭼﺖ ﻣﻦ ﻭﺇﻟﻰ ﻓﺎﺭﻭﻕ ﻗﺎﻝ ﻟﻴﻬﻮ ﺗﻤﺎﻡ ﺑﺲ ﺍﻧﺎ ﻓﻲ ﺍﻟﺠﻴﺶ ﻭﺩﺍ ﻣﺎ ﺍﺧﺘﺼﺎﺻﻲ ﻟﻜﻦ ﺑﺘﺼﺮﻑ ﻭﻋﻨﺪﻱ ﺍﻟﺰﻭﻝ ﺍﻟﺒﻨﻀﻒ ﺍﻟﺒﻠﺪ ﺩﻱ ﻣﻦ ﺍﻟﻌﻮﺍﻟﻴﻖ ﺩﻳﻞ ﻭﺍﻧﺎ ﺯﺍﺗﻲ ﺑﻘﻴﻒ ﻋﻠﻰ ﺍﻟﻤﻮﺿﻮﻉ ﺩﺍ ﺑﺲ ﺩﺍﻳﺮﻙ ﺗﺠﻴﺐ ﻟﻲ ﺍﻟﺠﻨﻰ ﺩﺍ ﺑﺄﻱ ﻃﺮﻳﻘﺔ .
ﻓﺎﺭﻭﻕ ﺍﺗﺼﻞ ﻋﻠﻲ ﺿﺎﺑﻂ ﺻﺎﺣﺒﻮ ﻓﻲ ﺍﻟﻤﺒﺎﺣﺚ ﻗﺎﻝ ﻟﻴﻬﻮ ﺗﺠﻴﻨﻲ ﺿﺮﻭﺭﻱ ﺍﻟﻠﻴﻠﺔ ﺍﻟﻤﺴﺎﺀ ﻓﻲ ﺍﻟﺒﻴﺖ ﻳﺎ ﺍﺟﻴﻚ ﺍﻧﺎ .
ﺍﻟﻬﺎﺩﻱ ﻣﺎ ﻓﺎﺕ ﻭﻗﻌﺪ ﻣﻊ ﻓﺎﺭﻭﻕ ﻟﻤﻦ ﺍﻟﻀﺎﺑﻂ ﺻﺎﺣﺒﻮ ﺍﻟﻔﻲ ﺍﻟﻤﺒﺎﺣﺚ ﺟﺎﻫﻮ ﻭﺣﻜﻰ ﻟﻴﻬﻮ ﺍﻟﺴﻤﻌﻮ ﻣﻦ ﻋﺒﺎﺱ ﻛﻠﻮ ﻭﺑﺎﻟﺘﻔﺼﻴﻞ
ﺍﻟﻀﺎﺑﻂ ﻃﻮﺍﻟﻲ ﺍﺗﺼﻞ ﻋﻠﻲ ﺿﺎﺑﻂ ﺻﺎﺣﺒﻮ ﻭﻗﺎﻝ ﻟﻴﻬﻮ ﺩﺍﻳﺮ ﻓﺎﻳﻞ ﻭﺍﺣﺪ ﺍﺳﻤﻮ ﻓﺮﺡ ﻭﻟﻘﺒﻮ ﺍﻟﻜﻌﺐ ﺗﺒﻊ ﺑﺤﺮﻱ ﻭﻣﻌﺎﻫﻮ ﺯﻣﻴﻠﻮ ﺍﺳﻤﻮ ﻓﻴﺼﻞ ﻭﻟﻘﺒﻮ ﻭﻙ ﻭﻙ ﺑﻜﺮﺓ ﺍﻟﺼﺒﺎﺡ ﻳﺼﻠﻮﻧﻲ ﻓﻲ ﺍﻟﻤﻜﺘﺐ ﻭﻣﻦ ﻏﻴﺮ ﺯﻭﻝ ﻳﺤﺲ ﺑﺸﻲ
ﻳﺘﺒﻊ