# ﻋﺒﺎﺱ 54
ﻣﺠﺎﻫﺪ ﻳﻮﺳﻒ
ﺍﻟﻬﺎﺩﻱ ﺟﺎﺗﻮ ﺻﺤﻴﺔ ﺑﺎﻟﻠﻴﻞ ﺗﺐ ﻭﻗﺎﻡ ﻣﺸﻰ ﻋﻠﻲ ﺍﻟﻤﺰﻳﺮﺓ ﺷﺮﺏ ﻭﺭﺟﻊ ﺗﺎﻧﻲ ﺳﺮﻳﺮﻭ ﻭﻫﻔﺖ ﻟﻴﻬﻮ ﻳﻤﺸﻲ ﺍﻟﺪﻳﻮﺍﻥ ﻳﺸﻮﻑ ﻋﺒﺎﺱ ﻧﺎﻳﻢ ﻭﻟﻼ ﺻﺎﺣﻲ ﻗﺎﻝ ﺍﻛﺎﻥ ﻟﻘﺎﻫﻮ ﻧﺎﻳﻢ ﻳﺠﻴﺐ ﺍﻟﻜﺮﺗﻮﻧﺔ ﺑﺠﺎﻱ ﻣﺎ ﺗﺴﺮﻕ ﻭﺍﻛﺎﻥ ﻟﻘﺎﻫﻮ ﺻﺎﺣﻲ ﻳﻮﻧﺴﻮ ﺷﻮﻳﺔ ﻟﻤﻦ ﻳﻨﻮﻡ ﻭﻟﻼ ﻳﺸﻮﻓﻮ ﺍﻛﺎﻥ ﻣﺤﺘﺎﺝ ﺷﻲ ،
ﻭﻣﺸﻰ ﻻ ﻟﻘﻰ ﻋﺒﺎﺱ ﻭﻻ ﻟﻘﻰ ﺍﻟﻜﺮﺗﻮﻧﺔ ﻋﺮﻓﻮ ﻓﺎﺕ ﻗﺎﻡ ﺻﺤﻰ ﺑﻠﺔ ﺍﺧﻮﻫﻮ ﻗﺎﻝ ﻟﻴﻬﻮ ﻭﻳﻨﻮ ﻋﺒﺎﺱ ؟ ﺑﻠﺔ ﻗﺎﻝ ﻟﻴﻬﻮ ﻧﺎﻡ ﻗﺒﺎﻟﻲ ﻭﺍﻧﺎ ﻧﻤﺖ ﺑﻌﺪﻭ ﺑﺴﺎﻋﺔ ﻓﺎﺕ ﻭﻳﻦ ﺍﻟﺴﺎﻳﺐ ﺩﺍ ؟
_ ﺗﺴﻌﻠﻨﻲ ﺍﻧﺎ ؟
ﻭﻣﺮﻗﻮﺍ ﺍﻻﺗﻨﻴﻦ ﻳﻌﺎﻳﻨﻮﺍ ﻓﻲ ﺍﻟﺸﺎﺭﻉ ﻭﻣﺎ ﻓﻲ ﺍﻱ ﺯﻭﻝ ﻭﻗﺎﻝ ﻟﺒﻠﺔ ﺍﺟﺮ ﺟﻴﺐ ﺍﻟﺒﻄﺎﺭﻳﺔ ﻭﻗﻌﺪﻭﺍ ﻳﻘﺼﻮﺍ ﻓﻲ ﺍﻟﺪﺭﺏ ﻟﻤﻦ ﻣﺮﻗﻬﻢ ﻣﻦ ﺍﻟﺤﻠﺔ ﻭﻗﺎﻝ ﻟﺒﻠﺔ ﺷﺮﺩ ﺍﻛﺎﻥ ﻛﺪﻱ ﺍﻟﻤﻐﻴﺐ ﺩﺍ ﻟﻜﻦ ﺑﺸﺮﺩ ﻳﻤﺸﻲ ﻭﻳﻦ ﻭﺍﻗﺮﺏ ﺣﻠﺔ ﻟﻴﻨﺎ ﺑﻴﻨﺎ ﻭﺑﻴﻨﻬﺎ ﺗﻼﺗﺔ ﺗﺮﻉ ﺍﻧﺎ ﻣﺎﺷﻲ ﺃﻟﺤﻘﻮ ﻭﺩﻭﺭ ﺍﻟﺘﻜﺴﻲ ﻭﻓﺎﺕ ﻭﺭﺍﻫﻮ ﻭﺑﻠﺔ ﺯﺍﺗﻮ ﺭﻛﺐ ﻣﻌﺎﻫﻮ ﻭﻗﺎﻝ ﻟﻠﻬﺎﺩﻱ ﺍﻟﺰﻭﻝ ﺩﺍ ﻣﺎﻟﻮ ﺑﻬﻴﻤﺔ ﻛﺪﻱ ﻭﺍﻟﻜﺮﺗﻮﻧﺔ ﻫﻴﻠﺘﻮ ﺩﻱ ﻓﻮﻗﻬﺎ ﺷﻨﻮ ؟
_ ﻣﺎ ﻋﺎﺭﻑ ﺍﻟﻔﻮﻗﻬﺎ ﺷﻨﻮ ﻭﻫﻮ ﺑﻜﻮﻥ ﻓﺎﺕ ﻋﻠﻲ ﻭﻳﻦ ﻫﺴﻲ ؟
_ ﺑﻜﻮﻥ ﻣﺸﻰ ﻓﻲ ﺍﻟﺪﺭﺏ ﺩﺍ ﺯﺍﺗﻮ ﻭﺍﻗﻴﻒ ﺍﻧﻨﺰﻝ ﺍﻗﺺ ﺩﺭﺑﻮ
_ ﻻ ﻻ ﻣﺎ ﺗﻨﺰﻝ ﺗﻘﻮﻡ ﺗﻘﺮﺹ ﻭﻧﺒﻘﻰ ﻓﻮﻗﻚ ﺍﻧﺖ ﺑﺮﺿﻮ ﻛﻤﺎﻥ
_ ﻳﺎﺥ ﺍﻟﺠﻨﻰ ﺍﻟﻌﻮﻳﺮ ﺩﺍ ﻣﺎﻟﻮ ﻣﺎ ﺻﺒﺮ ﻭﻓﺎﺕ ﺍﻟﺼﺒﺎﺡ ﻫﺴﻲ ﻟﻮ ﻋﻀﺎﻭ ﻛﻠﺐ ﻭﻟﻼ ﻛﻔﺘﻮ ﺟﺎﻥ ﻭﻟﻼ ﺯﺍﺯﺍ ﺑﻴﻬﻮ ﺍﺑﻠﻤﺒﺔ ﻓﻲ ﺍﻟﺨﻼﺀ ﺩﺍ ﺑﻌﻤﻞ ﺷﻨﻮ ؟
_ ﻭﻟﻼ ﻟﻮ ﻗﺮﺻﻮ ﺩﺍﺑﻲ
_ ﻭﺍﻟﻠﻪ ﻛﻤﺎﻥ ﺣﻮﺍﺷﺎﺗﻨﺎ ﺩﻱ ﻓﻲ ﻛﺘﺮﺓ ﺩﻭﺍﺑﻲ ﻭﻛﺒﺎﺭ ﺧﻼﺱ ﺍﺳﻌﻠﻨﻲ ﺍﻧﺎ ﻭﺍﻟﻠﻪ ﻟﻤﻦ ﺍﻛﻮﻥ ﻣﺎﺳﻚ ﺍﻟﻤﻮﻳﺔ ﻭﻣﺴﺎﻫﺮ ﺑﻜﺘﻞ ﻓﻮﻗﻦ ﻟﻤﻦ ﺍﻓﺘﺮ
_ ﻭﺍﻟﻠﻪ ﻟﻮ ﻋﺎﺭﻓﻮ ﺑﻌﻤﻞ ﻛﺪﻱ ﻣﺎ ﻛﺎﻥ ﺟﺒﺘﻮ ﻣﻌﺎﻱ
_ ﺍﻧﺖ ﻟﻤﻴﺖ ﻓﻮﻗﻮ ﻭﻳﻦ ﺍﻟﺪﻻﻫﺔ ﺍﻟﻄﻴﺮﺓ ﺩﺍ ﻭﺍﻧﺎ ﻓﻲ ﻛﺮﺗﻮﻧﺘﻮ ﺩﻱ ﻭﺍﻟﻠﻪ ﺍﻟﺘﻘﻮﻝ ﻓﻮﻗﻬﺎ ﺩﻫﺐ ﻣﻜﻠﺐ ﻓﻴﻬﺎ ﺯﻱ ﺍﻟﻘﺮﺍﺩﺓ ﻭﺍﻟﻠﻪ ﻟﻤﻦ ﺟﺎﺀ ﺭﻗﺪ ﻭﻃﺒﺎﻫﺎ ﺯﻱ ﺍﻟﻤﺮﺓ ﻣﻊ ﺟﻨﺎﻫﺎ ﻗﺮﺑﺖ ﺍﺷﺎﻛﻠﻮ . ﻓﻴﻬﺎ ﺷﻨﻮ ﻋﻠﻴﻚ ﺍﻟﻠﻪ ﺁ ﺍﻟﻬﺎﺩﻱ ؟
_ ﻣﺎ ﺑﻌﺮﻓﻮ ﺍﻧﺎ ﻣﺎ ﻓﺘﺤﺘﻬﺎ ﻭﻻ ﺷﻔﺖ ﺍﻟﻔﻴﻬﺎ ﻭﻣﺎ ﺗﺤﻠﻔﻨﻲ ﺗﺎﻧﻲ ﻭﻋﺎﻳﻦ ﺍﻣﻜﻦ ﺗﺸﻮﻓﻮ
_ ﻣﺎ ﺍﻇﻦ ﻳﻜﻮﻥ ﻭﺻﻞ ﻫﻨﺎ ﻳﺎﺥ ﻧﺤﻦ ﻣﺸﻴﻨﺎ ﺑﻌﻴﺪ ﺧﻼﺱ
_ ﺍﻣﻜﻦ ﺟﺎﺀ ﺟﺎﺭﻱ ﺟﺮﻱ
_ ﺍﺻﻼ ﺑﻜﻮﻥ ﺟﺎﺀ ﺟﺎﺭﻱ ﺍﻛﺎﻥ ﻭﺻﻞ ﻟﺤﺪﻱ ﻫﻨﻲ ، ﻫﺪﺍﻡ ﺍﻗﻴﻒ ﺍﻗﻴﻒ ﺁ ﺍﻟﻬﺎﺩﻱ ﺍﻗﻴﻒ ﺍﻗﻴﻒ ﺍﻗﻴﻒ ﻫﺪﺍﺍﺍﻙ ﻭﺍﻟﻠﻪ ﺯﻭﻝ ﺭﺍﻗﺪ ﺍﺭﺟﻊ ﺍﺭﺟﻊ ﺍﺭﺟﻊ
_ ﻣﺎ ﺗﻜﻮﺭﻙ ﺁ ﺯﻭﻝ ﺍﻧﺎ ﺍﻃﺮﺵ؟ ﻭﻳﻨﻮ ﺍﻟﻬﺪﺍﻙ ﺩﺍ ؟
_ ﻓﻲ ﻭﺍﺣﺪ ﻭﺍﻗﻊ ﺟﻤﺐ ﺍﻟﺘﺮﻋﺔ ﺑﺎﻗﻲ ﻟﻲ ﻫﻮ ﺍﺭﺟﻊ ﺍﺭﺟﻊ ﺍﺭﺟﻊ ﻭﻟﻼ ﺍﻗﻮﻝ ﻟﻴﻚ ﺍﻗﻴﻒ ﺍﻧﻨﺰﻝ ﺍﺟﺮ ﻟﻴﻬﻮ ﻣﺴﺎﻓﺔ ﺗﺴﺘﻌﺪﻝ
_ ﻻ ﻻ ﻣﺎ ﺗﻨﺰﻝ ﺍﻣﻜﻦ ﺩﺍ ﻣﺎ ﻫﻮ
ﺍﻟﻬﺎﺩﻱ ﺍﺳﺘﻌﺪﻝ ﻭﻟﻤﻦ ﺑﻘﻰ ﻗﺮﻳﺐ ﻣﻨﻮ ﻟﻘﺎﻫﻮ ﺩﺍ ﻋﺒﺎﺱ ﺯﺍﺗﻮ ﻭﻭﺍﻗﻊ ﻭﺍﻟﻜﺮﺗﻮﻧﺔ ﻣﺮﻣﻴﺔ ﺑﻌﻴﺪﺓ ﻣﻨﻮ
ﺑﻠﺔ ﺟﺮﻯ ﻋﻠﻴﻬﻮ ﻟﻘﺎﻫﻮ ﻣﻨﺘﻬﻲ ﺗﺐ ﻗﺎﻝ ﻟﻠﻬﺎﺩﻱ ﺍﻟﺠﻨﻰ ﺩﺍ ﺑﺎﻗﻲ ﻟﻲ ﻋﻄﺶ ﻭﺟﺎﺀ ﺍﻟﺘﺮﻋﺔ ﻳﺸﺮﺏ ﻭﻗﺮﺻﻮ ﺩﺍﺑﻲ
ﻭﺭﻓﻌﻮﻫﻮ ﺍﻻﺗﻨﻴﻦ ﻓﻲ ﺍﻟﻌﺮﺑﻴﺔ ﻭﺟﺮﻭﺍ ﺑﻴﻬﻮ ﺍﻟﺤﻠﺔ ، ﺑﻠﺔ ﻗﺎﻝ ﻟﻴﻬﻮ ﻳﻤﻴﻦ ﺍﻟﺠﻨﻰ ﺩﺍ ﻗﺮﺹ ﺁ ﺍﻟﻬﺎﺩﻱ ﺍﺧﻮﻱ ﻭﻗﺮﺻﻮ ﺩﺍﺑﻲ ﻛﻌﺐ ﺍﻣﻜﻦ ﻳﻤﻮﺕ ﺍﺳﺮﻉ ﺍﺳﺮﻉ ﻭﻣﺎ ﺗﻘﻴﻒ ﻋﻼ ﻓﻲ ﺑﻴﺖ ﻧﺎﺱ ﺍﻟﺠﻤﺮﻳﺔ ﺍﻧﻮﺩﻳﻬﻮ ﻟﻮﺩ ﺣﻤﺪﺗﻮ ﺭﺍﺟﻞ ﺍﻟﺠﻤﺮﻳﺔ
_ ﻭﺩ ﺣﻤﺪﺗﻮ ﺷﻦ ﺧﺒﺮﻭ ﺁ ﺯﻭﻝ ؟ ﻗﻮﻝ ﺍﻟﻔﻜﻲ ﻃﻠﺐ
_ ﻓﻜﻲ ﻃﻠﺐ ﺷﻨﻮ ﻫﺎ ﻭﺩ ﺣﻤﺪﺗﻮ ﺑﺲ ﻭﺍﻟﻠﻪ ﺷﺪﻳﺪ ﺷﺪﺓ ﺍﻧﺖ ﻣﻦ ﺯﻣﻦ ﺍﻟﻔﻜﻲ ﻃﻠﺐ ؟ ﻭﻻﻓﻲ ﺯﻭﻝ ﻗﺎﻋﺪ ﻳﻤﺶ ﻟﻴﻬﻮ ﺍﻟﻔﻜﻲ ﻃﻠﺐ ﺩﺍ
_ ﻭﺩ ﺣﻤﺪﺗﻮ ؟
_ ﻭﺩ ﺣﻤﺪﺗﻮ ﺁﻱ ﺑﺲ ﺍﻧﺖ ﻭﺭﺡ ﻟﻴﻬﻮ ﺑﺲ ﻭﺑﺮﺍﻙ ﺑﺘﺸﻮﻑ
ﺍﻟﻬﺎﺩﻱ ﻋﺼﺮ ﺍﻟﻌﺮﺑﻴﺔ ﻭﻭﻗﻒ ﻗﺪﺍﻡ ﺑﻴﺖ ﻧﺎﺱ ﺍﻟﺠﻤﺮﻳﺔ ﻭﺑﻠﺔ ﺩﻕ ﺍﻟﺒﺎﺏ ﻭﻗﻌﺪ ﻳﻨﺎﻏﻢ ﻟﻮﺩ ﺣﻤﺪﺗﻮ ﻭﺩﺍﻙ ﺟﺎﻫﻮ ﻣﺎﺭﻕ ﺭﻗﻴﻘﻮﻧﻲ ﺍﺧﻴﺪﺭ ﻋﻴﻮﻧﻮ ﻏﺮﺍﻕ ﻗﺎﻝ ﻟﻴﻬﻢ ﺍﻥ ﺷﺎﺀ ﺍﻟﻠﻪ ﺧﻴﺮ ﺑﺲ
ﺑﻠﺔ ﻗﺎﻝ ﻟﻴﻬﻮ ﻣﻌﺎﻧﺎ ﻗﺮﻳﺺ ﻭﻗﺎﻝ ﻟﻠﻬﺎﺩﻱ ﺗﻌﺎﻝ ﺍﺗﺸﻮﻟﺒﻮ ﻣﻌﺎﻱ ﺍﻧﺪﺧﻠﻮ ﻟﻴﻬﻮ ﺟﻮﺓ
ﻋﺒﺎﺱ ﻣﺎ ﺳﻤﻴﻦ ﻣﺮﻗﻮﻫﻮ ﻣﻦ ﺍﻟﺘﻜﺴﻲ ﻭﺑﻠﺔ ﻃﺒﺎﻫﻮ ﻓﻲ ﻛﺘﻔﻮ ﻭﺟﺮﻯ ﺑﻴﻬﻮ ﺟﻮﺓ ﻭﺩ ﺣﻤﺪﺗﻮ ﺩﺧﻞ ﻗﺪﺍﻣﻬﻢ ﻭﻋﻨﺪﻭ ﻣﺨﻼﻳﺔ ﻣﻼﻧﺔ ﻋﺮﻭﻕ ﻭﺗﻮﺭ ﺍﻟﺠﻤﺮﻳﺔ ﻗﺎﻝ ﻟﻴﻬﺎ ﻭﻭﻗﺪﻱ ﺍﻟﻨﺎﺭ ﻭﻫﺒﺒﻴﻬﺎ ﺳﺮﻳﻊ ﺳﺮﻳﻊ ﺑﺪﻭﺭ ﻟﻲ ﺟﻤﻴﺮﺍﺕ ﻏﻼﺩ ﻭﻧﺠﺎﺽ ﻭﻋﻨﺪﻭ ﻓﺘﻴﻞ ﺻﻐﻴﺮ ﻓﻮﻗﻮ ﺩﻭﺍﺀ ﺟﺎﺑﻮ ﻭﺷﺮﺏ ﻋﺒﺎﺱ ﻣﻨﻮ ﺟﻐﻤﺔ ﻭﻋﺒﺎﺱ ﻛﺎﻥ ﺣﻴﻠﻮ ﻣﻴﻴﻴﺖ ﺩﻟﻘﺎﻥ ﺑﺲ ﻭﻋﻴﻮﻧﻮ ﻣﻐﺮﻭﺩﺍﺕ ﻭﺑﻌﺪ ﺍﻟﺪﻭﺍﺀ ﻭﺩ ﺣﻤﺪﺗﻮ ﻋﻨﺪﻭ ﻓﻨﻴﺪﻙ ﺣﻖ ﺣﺪﻳﺪ ﺻﻐﻴﺮ ﺟﺪﻉ ﻟﻴﻬﻮ ﻓﻮﻗﻮ ﻋﺮﻕ ﺯﻱ ﺍﻟﺠﻨﺰﺑﻴﺮ ﻟﻜﻦ ﻣﻮ ﺟﻨﺰﺑﻴﺮ ﻭﺗﻔﺎﻫﻮ ﻟﻤﻦ ﺑﻘﻰ ﺑﻮﺩﺭﺓ ﻭﻛﺘﺤﻮ ﻓﻲ ﺧﺸﻢ ﻋﺒﺎﺱ ﻭﻗﻔﻠﻮ ﻟﻴﻬﻮ ﺑﻴﺪﻭ ﻭﻋﺒﺎﺱ ﻗﻌﺪ ﻳﺼﺮﺻﺮ ﻓﻲ ﻋﻴﻮﻧﻮ ﻭﻓﻲ ﻭﺷﻮ ﻭﻳﻼﻭﻱ ﻓﻲ ﻭﺩ ﺣﻤﺪﺗﻮ ﺍﻟﻈﺎﻫﺮ ﺍﻟﻌﺮﻕ ﻣﺮ ﻭﻗﻌﺪ ﻳﻨﺎﺗﻞ ﻋﺸﺎﻥ ﻳﺒﺰﻏﻮ ﻟﻜﻦ ﻭﺩ ﺣﻤﺪﺗﻮ ﺍﺑﻰ ﻳﻔﻜﻮ ﻭﻗﺎﻝ ﻟﺒﻠﺔ ﺻﻨﻘﻌﻮ ﺻﻨﻘﻌﻮ ﻟﻲ ﻭﺧﻠﻴﻬﻮ ﻳﺼﻨﻘﺮ ﻋﻠﻲ ﺣﻴﻠﻮ ﻣﺎ ﻳﺮﻗﺪ ﻭﺩﺍﻙ ﺭﻓﻌﻮ ﻭﺑﻘﻰ ﺗﺎﻛﻠﻮ ﻟﻤﻦ ﻋﺒﺎﺱ ﺑﻠﻊ ﺍﻟﻌﺮﻕ ﺟﺖ
ﺍﻟﺠﻤﺮﻳﺔ ﺍﻟﻮﻛﺖ ﺩﺍﻙ ﻛﺸﺤﺘﻠﻬﺎ ﺟﺎﺯ ﻓﻮﻕ ﺍﻟﻔﺤﻢ ﻭﺣﺸﺮﺕ ﻟﻴﻬﺎ ﺟﺮﻳﺪﺓ ﺟﻮﺓ ﺍﻟﻜﺎﻧﻮﻥ ﻭﻋﻠﺒﺖ ﺍﻟﻨﺎﺭ ﻭﻗﻌﺪﺕ ﺗﻬﺐ ﻓﻮﻗﻮ ﻟﻤﻦ ﺍﻟﻔﺤﻢ ﻗﻌﺪ ﻳﺸﻄﺸﻂ ﻭﺷﺮﺭﻭ ﺍﺗﻄﺎﻳﺮ ﻭﻛﻠﻮ ﻛﻠﻮ ﻣﺎ ﻭﻗﻔﺖ ﻟﻤﻦ ﺑﻘﻰ ﺟﻤﺮ ﺃﺣﺤﺤﻤﺮ ﻭﺟﺎﺑﺘﻮ ﻟﻴﻬﻮ
ﻭﺩ ﺣﻤﺪﺗﻮ ﺟﺎﺏ ﺍﻟﺨﻮﺳﺔ ﺧﺘﺎﻫﺎ ﻓﻮﻕ ﺍﻟﺠﻤﺮ ﻭﺟﺪﻉ ﻣﻌﺎﻫﺎ ﻋﺮﻗﻴﻦ ﻣﻜﺎﻥ ﻭﺍﺳﺘﻨﻰ ﻟﻤﻦ ﺍﻟﺨﻮﺳﺔ ﺣﻤﺮﺕ ﺗﺐ ﺷﺎﻟﻬﺎ ﻭﺷﺮﻁ ﺑﻴﻬﺎ ﻓﺠﺔ ﺍﻟﻘﺮﺻﺔ ﻭﺷﺮﻃﺔ ﻣﻲ ﺻﻐﻴﺮﺓ ﻭﻋﺼﺮ ﻓﻮﻕ ﺍﻟﺠﺮﺡ ﻭﺍﺣﺪ ﻣﻦ ﺍﻟﻌﺮﻗﻴﻦ ﻭﺍﻟﺪﻡ ﺟﺎﺀ ﻣﺎﺭﻕ ﺃﺳﺴﺴﺴﻮﺩ ﻳﺒﻘﺒﻖ ﻭﻗﺎﻝ ﻟﻠﻬﺎﺩﻱ ﺩﺍ ﻛﻠﻮ ﺳﻢ
ﺍﻟﻬﺎﺩﻱ ﺷﻐﺎﻝ ﻳﺘﺸﻬﺪ ﺳﺎﺍﺍﻱ ﻭﻋﺮﻕ ﻭﺟﻔﺎ ، ﺷﺎﻳﻞ ﻫﻢ ﻭﺧﺎﻳﻒ ﻋﺒﺎﺱ ﻳﻤﻮﺕ
ﻭﺩﺣﻤﺪﺗﻮ ﺷﺎﻝ ﺍﻟﻌﺮﻕ ﻣﻦ ﺍﻟﺠﺮﺡ ﻭﻋﺼﺮ ﺍﻟﺘﺎﻧﻲ ﻭﺑﻠﺔ ﻻﺯﻡ ﻋﺒﺎﺱ ﻟﺰﻣﺔ ﺟﺪ ﻭﻋﺒﺎﺱ ﻫﺪﻭﻣﻮ ﺟﺮﻥ ﻣﻮﻳﺔ ﻭﺟﺴﻤﻮ ﻛﻠﻮ ﻋﺮﻗﺎﻥ
ﻭﺑﻌﺪ ﻣﺴﺎﺍﺍﺍﻓﺔ ﺍﻟﺠﺮﺡ ﺑﻘﻰ ﻳﻤﺮﻕ ﻣﻨﻮ ﺩﻡ ﻋﺎﺩﻱ ﺣﺘﻴﻦ ﻭﺩ ﺣﻤﺪﺗﻮ ﺷﺎﻝ ﻣﻨﻮ ﺍﻟﻌﺮﻕ ﺍﻟﺘﺎﻧﻲ ﻭﺑﺎﻟﺨﻮﺳﺔ ﻛﻮﻯ ﺍﻟﺠﺮﺡ ﻭﺩﻕ ﻟﻴﻬﻮ ﻋﺮﻕ ﺗﺎﻧﻲ ﻭﺭﺑﻄﻮ ﻓﻲ ﻓﺠﺘﺔ ﺍﻟﺠﺮﺡ ﻭﻗﺎﻝ ﻟﻌﺒﺎﺱ ﻗﻮﻡ ﺍﻟﻌﻮﺟﺔ ﻣﺎ ﺑﺘﺠﻴﻚ ﺗﺎﻧﻲ
ﻭﻗﺎﻝ ﻟﺒﻠﺔ ﻭﺍﻟﻬﺎﺩﻱ ﺍﻟﺤﻤﺪ ﻟﻠﻪ ﺍﻟﺠﺒﺘﻮﻫﻮ ﺳﺮﻳﻊ ﻭﺍﻟﺪﺍﺑﻲ ﺍﻟﻄﻘﺎﻫﻮ ﺩﺍ ﺍﻛﺎﻥ ﺑﻮﺩﺭﻭ ﻟﻮ ﺍﺗﺄﺧﺮﺗﻮﺍ
ﺍﻟﻬﺎﺩﻱ ﺷﻜﺮﻭ ﺷﺪﻳﺪ ﻭﻗﺎﻝ ﻟﺒﻠﺔ ﺍﺩﻳﻬﻮ ﻛﻢ؟ ﺑﻠﺔ ﻗﻌﺪ ﻳﻀﺤﻚ ﻗﺎﻝ ﻟﻴﻬﻮ ﻭﺭﺡ ﻭﺭﺡ ﺑﺸﺎﻛﻠﻚ ﺍﻛﺎﻥ ﻗﻠﺖ ﻛﺪﻱ
_ ﻳﺸﺎﻛﻠﻨﻲ ﻟﺸﻨﻮ ؟
_ ﻭﺭﺡ ﺁ ﺍﻟﻬﺎﺩﻱ ﻋﻠﻴﻚ ﺍﻟﻠﻪ ﻭﺭﺡ ﺳﺎﻱ ﺍﻧﺖ ﺍﻟﺰﻭﻝ ﺩﺍ ﻣﺎ ﺑﺘﻌﺮﻓﻮ ﻳﺎﺥ
_ ﺍﻧﺖ ﺑﻠﻴﺪ ، ﺗﻌﺒﻮ ﺩﺍ ﻛﻠﻮ ﺳﺎﻱ ؟
_ ﻋﻠﻲ ﻛﻴﻔﻚ ﺑﺲ ﺧﻠﻴﻨﻲ ﺑﻌﺪ ﺍﻧﺎ ﺍﻣﺮﻕ ﺣﺘﻴﻦ ﺗﺘﻜﻠﻢ ﻣﻌﺎﻫﻮ ﻳﻠﻼ ﻭﺭﺡ ﺁ ﻋﺒﺎﺱ ﻣﺸﻴﻨﺎ
ﻋﺒﺎﺱ ﻳﺎﺩﺍﺑﻮ ﺷﻢ ﺍﻟﻬﻮﺍﺀ ﻭﻭﻋﻰ ﻭﺑﻘﻰ ﻛﻮﻳﺲ ﻭﻗﻌﺪ ﻳﺒﻜﻲ ﻭﻳﻜﻮﺭﻙ ﺍﻟﻜﺮﺗﻮﻧﺔ ﺍﻟﻜﺮﺗﻮﻧﺔ ﺣﻘﺘﻲ ﺍﻟﺸﺎﻟﻬﺎ ﻣﻨﻮ ﺍﻟﺴﺮﻗﻬﺎ ﻣﻨﻮ ﻓﻴﻜﻢ ؟
ﻭﺑﻠﺔ ﺍﻛﺎﻥ ﻣﺤﺮﻭﻕ ﻣﻨﻮ ﻭﻛﺎﺭﻫﻮ ﺷﺪﻳﺪ ﻣﻦ ﺯﻣﻦ ﺣﻀﻨﺘﻮ ﻟﻠﻜﺮﺗﻮﻧﺔ ﻟﻤﻦ ﺟﺎﺀ ﻳﻨﻮﻡ ﻭﻋﺎﻳﻦ ﻟﻌﺒﺎﺱ ﺳﻤﻤﻤﻤﻤﻤﺢ ﻭﺗﺎﺍﺍﺍﺡ ﻗﺸﻄﻮ ﻛﻒ ﻟﻤﻦ ﻋﺒﺎﺱ ﻭﻗﻊ ﻭﻫﻮ ﺯﺍﺗﻮ ﻳﺪﻭ ﺣﺮﻗﺘﻮ ﻭﻃﻮﺍﻟﻲ ﻣﺮﻕ ﻣﻨﻬﻢ ﻭﻓﺎﺕ ﺍﻟﺒﻴﺖ ﺗﺎﻧﻲ ﻻ ﺍﺗﻠﻔﺖ ﻋﻠﻴﻬﻢ ﻭﻻ ﺍﺗﻜﻠﻢ ﻣﻊ ﺯﻭﻝ
ﻭﺩ ﺣﻤﺪﺗﻮ ﻗﺎﻝ ﻟﻠﻬﺎﺩﻱ ﻭﺍﻟﻠﻪ ﺑﻠﺔ ﺍﺧﻮﻙ ﺩﺍ ﺍﺭﻳﺘﻮ ﻭﻟﺪﻱ ﻭﻓﻲ ﺣﻠﺘﻨﺎ ﺩﻱ ﻣﺎﻓﻲ ﺯﻳﻮ ﺍﻟﻀﻜﺮ ﻭﻗﺎﻝ ﻟﻌﺒﺎﺱ ﺍﻧﺖ ﺁ ﺍﻟﻌﻮﻗﺔ ﻧﺤﻦ ﺍﻛﻨﺎ ﻓﻲ ﺭﻭﺣﻚ ﺍﻟﻘﺮﺑﺖ ﺗﻤﺮﻕ ﺩﻱ ﺑﺪﻝ ﺗﻘﻮﻝ ﻟﻴﻨﺎ ﻛﺘﺮ ﺧﻴﺮﻛﻢ ﺗﻘﻮﻝ ﺍﻟﺴﺮﻕ ﻛﺮﺗﻮﻧﺘﻲ ﻣﻨﻮ ﻓﻴﻜﻢ ؟
ﺍﻟﻬﺎﺩﻱ ﺍﻋﺘﺬﺭ ﻟﻮﺩ ﺣﻤﺪﺗﻮ ﻭﻗﺎﻝ ﻟﻴﻬﻮ ﺍﻫﺎ ﺩﺍﻳﺮ ﻛﻢ ﻭﺩ ﺣﻤﺪﺗﻮ ﻭﻻ ﻛﻠﻤﺔ ﻣﺎ ﻗﺎﻟﻬﺎ ﻭﻓﺎﺕ ﺩﺧﻞ ﻟﻤﻠﻢ ﻣﺨﻼﻳﺘﻮ ﻭﺟﺎﺏ ﺍﻟﺨﻮﺳﺔ ﻣﺸﻰ ﻏﺴﻠﻬﺎ ﻭﻃﻔﻰ ﺍﻟﺠﻤﺮ ﻭﻓﺎﺕ ﺭﻗﺪ ﻭﺯﻋﻼﻥ ﺷﺪﻳﺪ ،
ﺍﻟﻬﺎﺩﻱ ﻗﺎﻝ ﻟﻠﺠﻤﺮﻳﺔ ﻣﺎﻟﻮ ﺁ ﺧﺎﻟﺔ ؟ ﻗﺎﻟﺖ ﻟﻴﻬﻮ ﺍﻣﺶ ﺁ ﻭﻟﺪﻱ ﺑﻠﺔ ﻣﺎ ﻭﺭﺍﻙ ﻫﺴﻲ ﺯﻋﻠﺘﻮ ﻣﻨﻚ ﺑﻜﻼﻣﻚ ﺩﺍ ﻭﻫﻮ ﻟﻮ ﻣﺎ ﻋﺎﺭﻓﻚ ﻣﺎﻙ ﻗﺎﻋﺪ ﻓﻲ ﺍﻟﺤﻠﺔ ﺍﻛﺎﻥ ﺿﺎﺭﺑﻚ ﻻﻧﻮ ﺣﻠﻒ ﻟﻠﻨﺎﺱ ﻭﻗﺎﻝ ﻟﻴﻬﻢ ﺍﻟﺒﻘﻮﻝ ﻟﻴﻬﻮ ﺩﺍﻳﺮ ﻛﻢ ﻓﻲ ﻗﺮﻳﺺ ﺑﻀﺎﺭﺑﻮ ﻭﺍﻥ ﺑﻘﻰ ﺯﻭﻝ ﻛﺒﻴﺮ ﺑﺨﺎﺻﻤﻮ ﻭﺳﻼﻡ ﻣﺎ ﺑﺴﻠﻢ ﻋﻠﻴﻬﻮﺗﺎﻧﻲ
_ ﻟﺸﻨﻮ ﻟﻜﻦ ﺩﺍ ﺣﻘﻮ
_ ﻣﺎ ﺑﺸﻴﻞ ﺷﻲ ﻓﻲ ﺷﻐﻠﺘﻮ ﺩﻱ ﻭﻋﺎﻣﻠﻬﺎ ﻟﻲ ﺍﻟﻠﻪ ﺳﺎﻛﺖ ﻭﺻﻴﺔ ﺍﺑﻮﻫﻮ ﺍﻟﻌﻠﻤﻮ ﻭﺍﻟﻮﺻﺎﻫﻮ ﺑﻴﻬﺎ ﻭﺣﻠﻒ ﻻﻧﻮ ﻓﻲ ﻧﺎﺱ ﺍﻛﺎﻧﻮﺍ ﺑﻐﻤﺘﻮﺍ ﻟﻴﻬﻮ ﻭﻫﻮ ﻣﺎ ﻋﺎﺭﻑ ﻭﻟﻤﻦ ﻳﻠﻘﺎﻫﻦ ﺑﻤﺶ ﻳﺸﺎﻛﻠﻬﻢ ﻭﻳﺮﺟﻌﻦ ﻟﻴﻬﻢ
ﺍﻟﻬﺎﺩﻱ ﻓﺎﺕ ﺍﻋﺘﺬﺭ ﻟﻴﻬﻮ ﻭﻣﺎ ﻓﺎﺕ ﻣﻨﻮ ﺍﻻ ﻟﻤﻦ ﺭﺿﺎﻫﻮ ﺗﺐ ﻭﺿﺤﻜﻮ
ﻭﺟﺎﺀ ﺳﺎﻕ ﻋﺒﺎﺱ ﻭﻓﺎﺗﻮﺍ ﺍﻟﺒﻴﺖ
ﻟﻘﻮﺍ ﺑﻠﺔ ﺷﺎﻝ ﺳﺮﻳﺮﻭ ﺩﺧﻠﻮ ﺟﻮﺓ ﺍﻟﺪﻳﻮﺍﻥ ﻭﻣﺸﻰ ﺍﻟﺤﻮﺵ ﺍﻟﺘﺎﻧﻲ ﻧﺎﻡ ﻣﺤﻞ ﻳﻮﻣﻲ ﺑﻨﻮﻡ ﻭﺍﻟﻬﺎﺩﻱ ﺩﺧﻞ ﻭﻃﻠﻊ ﺍﻟﺴﺮﻳﺮ ﻭﻧﺎﻡ ﻣﻊ ﻋﺒﺎﺱ ﻓﻲ ﺍﻟﺪﻳﻮﺍﻥ ﻭﻧﻬﺎﺋﻲ ﻣﺎ ﻧﻀﻢ ﻣﻌﺎﻫﻮ
ﻋﺒﺎﺱ ﺟﺎﺀ ﻳﻨﻀﻢ ﻟﻜﻦ ﺍﻟﻬﺎﺩﻱ ﺻﻬﻴﻦ ﻣﻨﻮ ﻭﺑﻌﺪ ﺷﻮﻳﺔ ﻗﻌﺪ ﻳﺸﺨﺮ ﻭﺧﻼﻫﻮ ﻣﺼﻨﻘﺮ ﻓﻲ ﺳﺮﻳﺮﻭ
ﺍﻟﺼﺒﺎﺡ ﺻﺤﻮﺍ ﺑﺪﺭﻱ ﻭﺷﺮﺑﻮﺍ ﺍﻟﺸﺎﻱ ﻭﻗﺎﻝ ﻟﻌﺒﺎﺱ ﻭﺭﺡ ﺍﻧﻮﺩﻳﻚ
_ ﺗﻮﺩﻳﻨﻲ ﻭﻳﻦ ؟
_ ﺍﻭﺩﻳﻚ ﻣﺪﻧﻲ
_ ﺍﻧﺎ ﻣﺎ ﻣﺎﺷﻲ ﻣﺪﻧﻲ ﻟﻜﻦ
_ ﻣﺎﺷﻲ ﻭﻳﻦ ؟
_ ﺩﺍﻳﺮ ﺍﻗﻌﺪ ﻫﻨﺎ ﻭﻧﻌﻤﻞ ﺍﻻﺗﻔﻘﻨﺎ ﻋﻠﻴﻬﻮ
_ ﻭﻻ ﺩﻗﻴﻘﺔ ﻣﺎ ﺑﺘﻘﻌﺪﻫﺎ ﻫﻨﺎ ﻭﺍﻧﺎ ﺗﺎﻧﻲ ﻻ ﺑﻌﺮﻓﻚ ﻭﻻ ﺩﺍﻳﺮ ﺍﻋﺮﻓﻚ ﺯﺍﺗﻮ ﻭﺣﺮﻡ ﻏﻠﻄﺎﻥ ﻟﻤﻦ ﻧﺪﻣﺎﻥ ﻻﻧﻲ ﻫﻤﻠﺖ ﺷﻐﻠﻲ ﻭﺑﺎﺭﻳﺖ ﻟﻲ ﺷﺎﻓﻊ
_ ﺍﺳﻤﻌﻨﻲ ﻃﻴﺐ ﺍﻧﺎ ...
_ ﺣﺮﻡ ﻭﻻ ﻛﻠﻤﺔ ﻭﺗﺮﻛﺐ ﺑﺲ ﻭﺧﺸﻤﻚ ﺩﺍ ﻧﻬﺎﺋﻲ ﻣﺎ ﺗﻔﺘﺤﻮ ﻣﻌﺎﻱ ﻓﻲ ﺍﻟﻄﺮﻳﻖ ﻟﻤﻦ ﻧﺼﻞ ﻭﻟﻮ ﻧﻀﻤﺖ ﻣﻌﺎﻱ ﺑﻨﺰﻟﻚ ﻭﺑﻔﻮﺕ ﻓﻲ ﻣﺤﻞ ﻧﻀﻤﻚ ﻳﻠﻼ ﺷﻴﻞ ﻛﺮﺗﻮﻧﺘﻚ ﻭﻋﻔﻨﻚ ﺩﺍ ﻭﻭﺭﺡ
ﻋﺒﺎﺱ ﺳﻜﺖ ﻭﻣﺮﻕ ﻣﺰﺭﺯﺭ ﺗﺐ ﻭﺩﺍﻳﺮ ﻳﺒﻜﻲ ﺑﺲ ﻓﺎﻗﺪ ﺍﻟﺒﺴﻨﺘﺖ ﻟﻴﻬﻮ ﻭﺍﻟﻬﺎﺩﻱ ﻭﺩﻉ ﺍﻫﻠﻮ ﻭﻧﺎﻏﻢ ﻟﺒﻠﺔ ﺍﺩﺍﻫﻮ ﻗﺮﻭﺵ ﻭﻗﺎﻝ ﻟﻴﻬﻮ ﻣﻊ ﺍﻟﺴﻼﻣﺔ ﻭﺑﻠﺔ ﻭﻻ ﻋﺎﻳﻦ ﻓﻲ ﻋﺒﺎﺱ ﺳﻔﻬﻮ ﺳﺎﻱ ﻭﺍﻟﻬﺎﺩﻱ ﺭﻛﺐ ﻭﺗﺎﻧﻲ ﻗﺎﻝ ﻟﻌﺒﺎﺱ ﺷﻮﻑ ﺍﻧﺎ ﺣﺎﻟﻒ ﺣﺮﺍﻡ ﻣﺤﻞ ﺗﻨﻀﻢ ﻣﻌﺎﻱ ﺍﻧﺰﻟﻚ ﻭﻓﺎﺗﻮﺍ ﻭﺻﻠﻮﺍ ﺍﻟﻤﺴﻠﻤﻴﺔ ﻭﻋﺒﺎﺱ ﻭﻻ ﻛﻠﻤﺔ ﻣﺎ ﻗﺎﻟﻬﺎ ﻭﻣﺴﻜﻮﺍ ﺍﻟﺮﺩﻣﻴﺔ ﻭﻟﻤﻦ ﻗﺮﺑﻮﺍ ﻳﺼﻠﻮﺍ ﺍﻟﻈﻠﻂ ﺍﻟﺤﺪﺍ ﻭﺩﺑﻼﻝ ﻋﺒﺎﺱ ﻗﺎﻝ ﻟﻴﻬﻮ ﺑﺲ ﺍﻧﺎ ﻣﺎ ﻣﺎﺷﻲ ﻣﺪﻧﻲ ﻳﺎﺥ
ﺍﻟﻬﺎﺩﻱ ﻭﻻ ﻛﻀﺐ ﺩﺍﺱ ﻓﺮﺍﻣﻞ ﻭﻭﻗﻒ ﺍﻟﻌﺮﺑﻴﺔ ﻭﻗﺎﻝ ﻟﻴﻬﻮ ﺍﻧﺰﻝ
_ ﺑﻨﺰﻝ ﺑﺲ ﻭﺻﻠﻨﻲ ﺷﺎﺭﻉ ﺍﻟﻈﻠﻂ
_ ﺍﻧﺰﻝ ﻗﻠﺖ ﻟﻴﻚ
_ ﻳﺎﺥ ...
ﻭﺍﻟﻬﺎﺩﻱ ﻧﻬﺮﻭ ﻧﻬﺮﺓ ﻗﻮﻳﺔ ﻗﻠﺖ ﻟﻴﻚ ﺍﻧﺰﻝ ﻭﺷﻴﻞ ﻣﻌﺎﻙ ﻋﻔﻨﻚ ﺩﺍ
_ ﻃﻴﺐ ﺍﻧﺪﻳﻚ ﺣﻘﻚ
ﺍﻟﻬﺎﺩﻱ ﻧﺰﻝ ﻭﻓﺘﺢ ﺍﻟﺒﺎﺏ ﺍﻟﻮﺭﺍﺀ ﻭﻧﺰﻝ ﺍﻟﻜﺮﺗﻮﻧﺔ ﻭﺟﺎﺀ ﻓﺘﺢ ﺑﺎﺏ ﻋﺒﺎﺱ ﻭﺟﺮﺍﻫﻮ ﻧﺰﻟﻮ ﻣﻦ ﺍﻟﺘﻜﺴﻲ ﻭﻗﻔﻞ ﺍﻟﺒﺎﺏ ﻭﻣﺸﻰ ﺭﻛﺐ ﻭﺧﻼﻫﻮ ﻓﻲ ﻓﺠﺘﻮ ﻭﻓﺎﺕ ﻭﻣﺸﻰ ﺍﻟﺨﺮﻃﻮﻡ ﻭﻗﺮﺵ ﻣﺎ ﺷﺎﻟﻮ ﻣﻦ ﻋﺒﺎﺱ
ﻋﻤﺮ ﻭﺩ ﺍﻟﻀﻮ ﺑﻴﺖ ﻣﻊ ﺍﻟﺘﺎﺝ ﻭﺍﻟﺼﺒﺎﺡ ﻓﺎﺕ ﻟﻌﺒﺪ ﺍﻟﻘﻴﻮﻡ ﻭﻣﺎ ﻋﺎﺭﻑ ﻋﺒﺎﺱ ﻓﻲ ﺍﻟﺨﺮﻃﻮﻡ ﻭﻟﻼ ﻓﻲ ﻣﺪﻧﻲ ﻭﺧﺎﻑ ﻳﻔﻮﺕ ﻣﺪﻧﻲ ﻣﺎ ﻳﻠﻘﺎﻫﻮ ﻫﻨﺎﻙ ﺍﻭ ﻳﺘﻌﺎﻗﺒﻮﺍ ﻓﻲ ﺍﻟﺪﺭﺏ ﻫﻮ ﻳﻔﻮﺕ ﻭﺩﺍﻙ ﻳﺠﻲ ﻭﻗﺎﻝ ﺍﺣﺴﻦ ﻳﺴﺘﻨﺎﻭ ﻗﺒﻠﻮ ﻫﻨﺎ ﻟﻤﻦ ﻳﺠﻲ ﺑﺮﺍﻫﻮ ﻭﻣﺼﻴﺮﻭ ﻳﺠﻲ
ﻓﺮﺡ ﻭﺍﻟﻨﺠﻮﻣﻲ ﺍﻻﺗﻨﻴﻦ ﻣﺎ ﻋﺎﺭﻓﻴﻦ ﺍﻱ ﻋﻦ ﻋﺒﺎﺱ ﻭﻗﺎﻳﻠﻨﻮ ﻭﺻﻞ ﻣﺪﻧﻲ ﻣﻦ ﺍﻣﺲ ﻭﺍﺑﺠﺎﻛﻮﻣﺔ ﺭﺳﻞ ﻟﻴﻬﻢ ﻭﺍﺣﺪ ﺑﻌﺮﺑﻴﺘﻮ ﻭﻟﻤﻦ ﻛﻠﻤﻬﻢ ﻗﻌﺪﻭﺍ ﻳﺠﻘﻠﺒﻮﺍ
ﺍﻟﻬﺎﺩﻱ ﺩﺧﻞ ﺍﻟﺨﺮﻃﻮﻡ ﻭﻗﺒﻞ ﻣﺎ ﻳﻨﺰﻝ ﻣﻦ ﺍﻟﻌﺮﺑﻴﺔ ﺟﻮﻫﻮ ﺗﻼﺗﺔ ﻭﺭﻛﺒﻮﺍ ﻭﻗﺎﻟﻮﺍ ﻟﺒﻬﻮ ﻭﺩﻳﻨﺎ ﻣﺸﻮﺍﺭ
ﺍﻋﺘﺬﺭ ﻟﻴﻬﻢ ﺍﻧﻮ ﻳﺎﺩﻭﺏ ﺟﺎﺀ ﻣﻦ ﺍﻟﺠﺰﻳﺮﺓ ﻭﺗﻌﺒﺎﻥ ﻭﺩﺍﻳﺮ ﻳﺮﺗﺎﺡ ﻭﻳﺮﻳﺢ ﺍﻟﻌﺮﺑﻴﺔ ﺷﻮﻳﺔ ﻭﻗﺎﻝ ﻟﻴﻬﻢ ﺍﻟﺘﻜﺎﺳﻲ ﺭﺍﻗﺪﺓ ﺍﻧﻨﺎﺩﻱ ﻟﻴﻜﻢ ﻭﺍﺣﺪ
ﻭﻗﺒﻞ ﻳﻔﺘﺢ ﺍﻟﺒﺎﺏ ، ﺍﻟﺰﻭﻝ ﺍﻟﺮﺍﻛﺐ ﺟﻤﺒﻮ ﻃﻠﻊ ﻟﻴﻬﻮ ﻛﺎﺭﻧﻲ ﻭﻗﺎﻝ ﻟﻴﻬﻮ ﺩﻭﺭ ﻭﺍﻣﺶ ﺑﺲ ﻣﻌﺎﻙ ﺍﻟﻤﺒﺎﺣﺚ
ﺩﻭﺭ ﻭﻓﺎﺕ ﻭﻗﺪﺭ ﻣﺎ ﻳﺠﻲ ﻳﺘﻜﻠﻢ ﻋﺸﺎﻥ ﻳﻌﺮﻑ ﻓﻲ ﺷﻨﻮ ﻳﺴﻜﺘﻮﻫﻮ ﻭﻳﻘﻮﻟﻮﺍ ﻟﻴﻬﻮ ﺑﺘﻌﺮﻑ ﻗﺪﺍﻡ ﻭﻳﻤﻴﻦ ﻓﻲ ﺷﻤﺎﻝ ﻟﻤﻦ ﻭﺻﻠﻮﺍ ﻟﺒﻴﺖ ﻓﻲ ﺑﺤﺮﻱ ﻭﻗﻔﻮﺍ ﻭﻧﺰﻟﻮﻫﻮ ﻭﺩﺧﻠﻮﻫﻮ ﺟﻮﺓ ﺍﻟﺒﻴﺖ ﻭﻗﺎﻟﻮﺍ ﻟﻴﻬﻮ ﻭﻳﻦ ﻋﺒﺎﺱ ؟
_ ﻋﺒﺎﺱ ﻣﻨﻮ ؟
_ ﻋﺒﺎﺱ ﺍﻟﻮﻟﺪ ﺍﻟﺮﻛﺐ ﻣﻌﺎﻙ ﺍﻣﺲ ﻭﻗﺎﻝ ﻟﻴﻚ ﻣﺎﺷﻲ ﻣﺪﻧﻲ ﻣﺸﻮﺍﺭ ﻭﻣﻌﺎﻫﻮ ﻛﺮﺗﻮﻧﺔ ﻟﻮﻧﻬﺎ ﻛﻴﺖ ﻭﻛﻴﺖ
_ ﻭﺻﻠﺘﻮ ﻣﺪﻧﻲ ﻭﻧﺰﻟﺘﻮ ﻓﻲ ﺍﻟﺴﻮﻕ ﺍﻟﺸﻌﺒﻲ ﻭﻣﺸﻴﺖ ﺍﻫﻠﻲ ﻧﻤﺖ ﻓﻲ ﺑﻴﺘﻲ ﻭﺟﻴﺖ ﺍﻟﻠﻴﻠﺔ ﺍﻟﺼﺒﺎﺡ
_ ﻣﺎ ﻭﺻﻠﺘﻮ ﻣﺪﻧﻲ ﻭﺍﻧﺖ ﺯﻭﻝ ﺷﻜﻠﻚ ﻭﺩ ﻧﺎﺱ ﻭﻣﺤﺘﺮﻡ ﺍﺣﺴﻦ ﺗﻮﺭﻳﻨﺎ ﺍﻟﺤﺼﻞ ﻭﺗﻘﺮ ﻣﺎ ﺗﺨﻠﻴﻨﺎ ﻧﻘﺮﺭﻙ ﺑﻄﺮﻳﻘﺘﻨﺎ ﻭﻧﺤﻦ ﻟﻬﺴﻲ ﻛﻮﻳﺴﻴﻦ ﻣﻌﺎﻙ
_ ﻳﺎ ﺟﻤﺎﻋﺔ ﺻﺪﻗﻮﻧﻲ ﻭﺻﻠﺘﻮ
ﻭﺗﺎﺍﺍﺡ ﺍﻟﻜﺎﻥ ﺑﺴﺄﻝ ﻓﻴﻬﻮ ﻗﺸﻄﻮ ﻛﻒ ﻭﻗﺎﻝ ﻟﻴﻬﻮ ﻣﺎ ﺗﺪﺧﻞ ﻧﻔﺴﻚ ﻓﻲ ﺣﺘﺔ ﺿﻴﻘﺔ ﺑﺎﻟﻜﻀﺐ ﻭﻗﻮﻝ ﺍﻟﺤﺼﻞ ﻭﻧﺤﻦ ﺑﻨﻔﻜﻚ
_ ﻃﻴﺐ ﻗﺒﻞ ﻣﺎ ﺍﻗﻮﻝ ﺍﻧﺘﻮ ﻣﻨﻮ ؟
_ ﺑﺎﻟﻮﺍﺿﺢ ﻛﺪﺍ ﻧﺤﻦ ﺗﺠﺎﺭ ﻣﺨﺪﺭﺍﺕ ﻭﻋﺒﺎﺱ ﺍﺩﻳﻨﺎﻫﻮ ﻣﺨﺪﺭﺍﺕ ﻳﻮﺩﻳﻬﺎ ﻣﺪﻧﻲ ﻭﺭﻛﺐ ﻣﻌﺎﻙ ﻭﻣﺎ ﻭﺩﺍﻫﺎ ﻭﻻ ﺩﺧﻞ ﻣﺪﻧﻲ ﻭﺭﻳﻨﺎ ﻓﺎﺕ ﻭﻳﻦ
ﺍﻟﻬﺎﺩﻱ ﺳﻜﺖ ﻣﺴﺎﻓﺔ ﻭﻓﻜﺮ ﻛﻮﻳﺲ ﻭﻗﺮﺭ ﻳﺨﺎﺭﺝ ﺭﻭﺣﻮ ﺑﺲ ﻣﺎﻟﻮ ﻭﻣﺎﻝ ﺍﻟﻌﻮﻟﻖ ﻭﻗﺎﻝ ﻟﻴﻬﻢ ﺍﻟﺤﺼﻞ ﻳﺎ ﺷﺒﺎﺏ ﺍﻧﻲ ﻋﻨﺪﻱ ﺯﻭﻝ ﻋﻴﺎﻥ ﻓﻲ ﺍﻟﺤﻠﺔ ﻭﻣﻌﺎﻱ ﺩﻭﺍﺀ ﻻﺯﻡ ﺍﻭﺩﻳﻬﻮ ﻟﻴﻬﻮ ﻭﺯﻭﻟﻜﻢ ﺩﺍ ﺍﻧﺎ ﻭﺭﻳﺘﻮ ﻗﺒﻞ ﻳﺮﻛﺐ ﺍﻧﻨﺎ ﺑﻨﻐﺸﻰ ﺍﻟﺤﻠﺔ ﻭﻗﺎﻝ ﻟﻲ ﻣﺎ ﻣﺸﻜﻠﺔ ﻭﻟﻤﻦ ﻭﺻﻠﻨﺎ ﻫﻨﺎﻙ ﺍﻟﺰﻭﻝ ﺍﻟﻌﻴﺎﻥ ﻟﻘﻴﻨﺎﻫﻮ ﻣﺎﺕ ﻭﺍﺳﺘﺎﺫﻧﺘﻮ ﺗﺎﻧﻲ ﻗﻠﺖ ﻟﻴﻮ ﻧﺒﻴﺖ ﻭﻧﻤﺶ ﺑﻜﺮﺓ ﻗﺎﻝ ﻣﺎ ﻣﺸﻜﻠﺔ ﺑﺮﺿﻮ ﻭﺍﻟﻠﻴﻠﺔ ﻭﺻﻠﺘﻮ ﻣﺪﻧﻲ ﻭﻧﺰﻟﺘﻮ ﻓﻲ ﺍﻟﺴﻮﻕ ﺍﻟﺸﻌﺒﻲ ﻭﺟﻴﺖ ﻫﻨﺎ
ﺍﻟﺒﺎﺏ ﺣﻖ ﺍﻟﺤﻮﺵ ﺩﻕ ﻭﺟﺎﺀ ﻓﺮﺡ ﺩﺍﺧﻞ ﻟﻤﻦ ﺍﻟﻬﺎﺩﻱ ﻗﺎﻝ ﻟﻴﻬﻢ ﺩﺍ ﻣﻨﻮ ﻭﺍﻟﺘﻜﺴﻲ ﺍﻟﺒﺮﺓ ﺩﺍ ﺣﻖ ﻣﻨﻮ ؟
ﻗﺎﻟﻮﺍ ﻟﻴﻮ ﺣﻖ ﺍﻟﺰﻭﻝ ﺩﺍ ﻭﺩﺍ ﺍﻟﺮﻛﺐ ﻣﻌﺎﻫﻮ ﻋﺒﺎﺱ ﺍﻣﺲ
ﻗﺎﻝ ﻟﻴﻬﻢ ﻓﻜﻮﻫﻮ ﺧﻠﻮﻫﻮ ﻳﻤﺸﻲ ﻻﻧﻮ ﻋﺒﺎﺱ ﻭﺻﻞ ﺍﻟﻜﺮﺗﻮﻧﺔ ﻗﺒﻴﻞ
ﺍﻟﻬﺎﺩﻱ ﻓﻜﻮﻫﻮ ﻭﻗﺎﻟﻮﺍ ﻟﻴﻬﻮ ﺍﻣﺶ ﻟﻜﻦ ﺍﻋﻤﻰ ﻭﺍﻃﺮﺵ
ﻗﺎﻝ ﻟﻴﻬﻢ ﺍﻋﻤﻰ ﻭﺍﻃﺮﺵ ﻭﺍﺻﻢ ﻭﺍﺑﻜﻢ . ﻭﻣﺮﻕ ﻓﺎﺕ ﻭﺑﻌﺪ ﺍﺗﺤﺮﻙ ﻗﺎﻝ ﺣﺮﻳﻘﺔ ﻓﻴﻜﻢ ﻛﻠﻜﻢ ﻭﺍﻟﺤﻤﺪ ﻟﻠﻪ ﺍﻟﻤﺎ ﻋﻤﻠﺖ ﺍﻟﻘﻠﺘﻮ ﺍﻣﺲ ﻟﻌﺒﺎﺱ ﻭﺍﻟﺒﺮﻛﺔ ﺍﻟﺸﺎﻛﻠﺘﻮ ﻭﻧﺰﻟﺘﻮ ﻣﺎﻟﻲ ﻭﻣﺎﻝ ﺍﻟﻨﺎﺱ ﺍﻧﺎ
ﻋﺒﺎﺱ ﺑﻌﺪ ﻧﺰﻝ ﻣﻦ ﺍﻟﻬﺎﺩﻱ ﻣﺸﻰ ﺑﻜﺮﻋﻴﻬﻮ ﻟﻤﻦ ﻭﺻﻞ ﺍﻟﻈﻠﻂ ﻭﺿﺮﺑﻬﺎ ﻓﻲ ﺭﺍﺳﻮ ﻭﺣﺴﺒﻬﺎ ﻭﻗﻠﺒﻬﺎ ﺟﺎﻱ ﺟﺎﻱ ﻟﻘﻰ ﺍﺣﺴﻦ ﺣﻞ ﻭﻋﺸﺎﻥ ﻳﺴﻠﻢ ﻣﻨﻬﻢ ﻳﻮﺻﻞ ﻟﻴﻬﻢ ﺍﻟﻜﺮﺗﻮﻧﺔ ﺣﻘﺘﻬﻢ ﺩﻱ ﻣﺎﻟﻮ ﻭﻣﺎﻝ ﺍﻟﻤﺸﺎﻛﻞ ﻭﺭﻛﺐ ﺩﺧﻞ ﻣﺪﻧﻲ ﻭﺍﺟﺮ ﻟﻴﻬﻮ ﺗﻜﺴﻲ ﻟﺤﺪﻱ ﺑﻴﺖ ﺍﺑﺠﺎﻛﻮﻣﺔ ﻭﺍﺩﺍﻫﻮ ﻛﺮﻧﺘﻮﻧﺘﻮ ﻭﻣﺎ ﻗﻌﺪ ﻣﻌﺎﻫﻮ ﻗﺎﻝ ﻟﻴﻬﻮ ﻓﺎﻳﺖ ﺍﻟﺤﻠﺔ ﻭﺑﺠﻴﻚ ﺑﻌﺪ ﻳﻮﻣﻴﻦ ﺗﻼﺗﺔ ﻭﻣﺸﻰ ﻟﺮﺑﻴﻊ