ﻣﺠﺎﻫﺪ ﻳﻮﺳﻒ
ﻓﻲ ﺑﻴﺖ ﺍﻟﺘﺎﺝ ﺍﻟﺴﺎﻋﺔ ﺣﺪﺍﺷﺮ ﺍﻟﺘﺎﺝ ﺭﺍﻗﺪ ﻭﺟﺎﺏ ﻟﻴﻬﻮ ﻣﺴﺠﻞ ﺻﻐﻴﺮ ﻣﺸﻐﻞ ﻓﻴﻬﻮ ﺷﺮﻳﻂ ﻗﺮﺁﻥ ﻭﻋﺒﺎﺱ ﻓﺘﺢ ﺍﻟﺒﺎﺏ ﻭﺟﺎﺀ ﺩﺍﺧﻞ ﻃﻠﻊ ﺳﺮﻳﺮﻭ ﻭﻏﻴﺮ ﻫﺪﻭﻣﻮ ﻭﺟﺎﺀ ﺭﻗﺪ ﺍﻟﺘﺎﺝ ﻗﺎﻝ ﻟﻴﻬﻮ ﻣﺎ ﺗﻨﻮﻡ ﺑﺎﻟﻌﺸﺎﺀ
_ ﺍﻧﺖ ﺻﺎﺣﻲ ﻭﺍﻟﻠﻪ ﻗﺎﻳﻠﻚ ﻧﺎﻳﻢ
_ ﻗﻮﻡ ﺻﻠﻲ ﺍﻟﻌﺸﺎﺀ
_ ﻋﺮﻓﺘﻨﻲ ﻛﻴﻒ ﻣﺎ ﺻﻠﻴﺘﻮ
_ ﺍﻧﺖ ﻟﻮ ﺑﻴﺖ ﻓﻲ ﺑﺤﺮﻱ ﺍﻟﺼﺒﺢ ﻣﺎ ﺑﺘﺼﻠﻴﻬﻮ ﻭﺗﻠﻘﺎﻙ ﺍﻟﻤﻐﺮﺏ ﻣﺎ ﺻﻠﻴﺘﻮ
_ ﻭﺍﻟﻠﻪ ﺻﺎﺡ ﻳﺎﺥ ﻋﻠﻴﻚ ﺍﻟﻠﻪ ﻭﺭﻳﻨﻲ ﻓﺮﺡ ﺩﺍ ﺷﻨﻮ ﻭﻗﺼﺘﻮ ﺷﻨﻮ ؟
_ ﻓﺮﺡ ﺻﺎﺣﺐ ﺻﺎﺣﺒﻲ
_ ﺻﺎﺣﺒﻚ ﻣﻨﻮ ؟
_ ﺻﺎﺣﺒﻲ ﺍﻟﻨﺠﻮﻣﻲ
_ ﻻ ﻻ ﻭﺍﻟﻠﻪ ، ﻋﻠﻴﻚ ﺍﻟﻠﻪ ﺑﺘﺘﻜﻠﻢ ﺟﺪ ؟
_ ﺁﻱ ﻭﺍﻟﻠﻪ
_ ﻻ ﺣﻮﻻﺍﺍﺍﺍﺍﺍﺍﺍ ، ﻣﻌﻘﻮﻝ ؟
_ ﺍﻭﻝ ﺣﺎﺟﺔ ﺗﺎﻧﻲ ﻣﺎ ﺗﻘﻮﻝ ﻻ ﺣﻮﻻﺍﺍﺍ ﻗﻮﻝ ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ، ﻭﻣﻌﻘﻮﻟﺔ ﺁﻱ
_ ﻃﻴﺐ ﻭﺟﺎﺏ ﺍﻟﻨﺠﻮﻣﻲ ﻭﺩﻗﻮﻫﻮ ﻓﻲ ﺑﺴﻂ ﺍﻻﻣﻦ ﻭﺍﻟﻀﺎﺑﻂ ﺍﻟﻬﺪﺩ ﻓﻴﺼﻞ ﻭﻙ ﻭﻙ
_ ﻛﻠﻮ ﻛﻀﺐ ﻓﻲ ﻛﻀﺐ ﻭﻏﺸﺎﻙ ﺳﺎﻱ
_ ﻭﺍﻧﺖ ﻋﺎﺭﻑ ﺍﻟﻜﻼﻡ ﺩﺍ ﻛﻠﻮ
_ ﻣﺎ ﻛﻨﺖ ﻋﺎﺭﻓﻮ ﻟﻜﻦ ﻋﺮﻓﺘﻮ ﻭﺣﺘﻰ ﺍﻟﻨﺠﻮﻣﻲ ﺟﺎﺀ ﻗﺎﻝ ﻟﻲ ﺩﻗﻮﻧﻲ ﻭﻛﻀﺐ ﻋﻠﻲ ﻟﻜﻦ ﺍﻧﺎ ﻋﺮﻓﺖ ﻛﻞ ﺷﻲ ﺑﻄﺮﻳﻘﺘﻲ
_ ﻋﺮﻓﺖ ﻛﻴﻒ ؟
_ ﺷﻔﺖ ﻳﻮﻣﻚ ﺍﻟﺠﻴﺖ ﻭﻣﺸﻴﺖ ﻟﻴﻬﻮ ﻓﻲ ﺑﺤﺮﻱ ﻟﻤﻦ ﻋﺜﻤﺎﻥ ﻛﻮﺭﻙ ﻟﻴﻚ ؟
_ ﺁﻱ
_ ﺍﻧﺎ ﺷﻔﺘﻚ ﻭﻋﺮﻓﺘﻚ ﻭﻣﻦ ﺍﺑﻴﺖ ﺗﺘﻠﻔﺖ ﻭﻣﺎ ﺍﺷﺘﻐﻠﺖ ﺑﻌﺜﻤﺎﻥ ﻋﺮﻓﺖ ﻓﻲ ﺣﺎﺟﺔ ﻭﻣﺸﻴﺖ ﻭﺭﺍﻙ ﻛﺎﻥ ﻣﻌﺎﻱ ﻭﺍﺣﺪ ﺻﺎﺣﺒﻲ ﻋﻨﺪﻭ ﻋﺮﺑﻴﺔ ﻭﻣﺸﻴﻨﺎ ﻟﺤﺪﻱ ﺑﺤﺮﻱ ﻭﺭﺍﻙ ﻭﻣﻦ ﺷﻔﺘﻚ ﺳﻠﻤﺖ ﻋﻠﻲ ﻓﺮﺡ ﺳﺎﻱ ﺟﻴﺖ ﺭﺍﺟﻊ
_ ﻃﻴﺐ ﺑﺴﺘﻔﻴﺪﻭ ﺷﻨﻮ ؟
_ ﺍﻧﺎ ﺯﺍﺗﻲ ﻣﺎ ﻋﺎﺭﻑ ﺩﺍﻳﺮﻳﻦ ﺑﻴﻚ ﺷﻨﻮ ؟
_ ﺳﻤﺢ ﻫﻢ ﺷﻐﺎﻟﻴﻦ ﺷﻨﻮ ؟
_ ﻓﺮﺡ ﻓﻲ ﺍﻟﻤﺒﺎﺣﺚ ﻭﺗﺒﻊ ﺍﻟﻤﺨﺪﺭﺍﺕ ﻭﺑﻄﻠﻊ ﺍﻟﻤﺨﺪﺭﺍﺕ ﺍﻟﺒﻘﺒﻀﻮﻫﺎ ﻭﺑﺪﻳﻬﺎ ﻟﻠﻨﺠﻮﻣﻲ ﻭﺍﻟﻨﺠﻮﻣﻲ ﺑﺒﻴﻌﻬﺎ ﻭﺑﺤﺎﺳﺒﻮ
_ ﻳﺎﺧﻲ ﻫﻮ ﺟﺎﻧﻲ ﻓﻲ ﺍﻟﺒﻴﺖ ﻣﻌﺎﻫﻮ ﺿﺎﺑﻂ ﻭﻗﻌﺪﻭﺍ ﺍﺗﻮﻧﺴﻮﺍ ﻣﻌﺎﻱ
_ ﺿﺎﺑﻂ ﺷﻨﻮ ﺩﺍ ﻓﻴﺼﻞ ﻭﻙ ﻭﻙ ﺯﺍﺗﻮ ﻭﻫﻢ ﻓﻲ ﺍﻻﻭﻝ ﺻﺎﺡ ﺍﻟﻨﺠﻮﻣﻲ ﺍﻛﺎﻥ ﻓﻌﻼ ﺩﺍﻳﺮ ﻳﻀﻴﻌﻚ ﻋﺸﺎﻥ ﺍﻧﺖ ﺩﻗﻴﺘﻮ ﻟﻜﻦ ﻓﺮﺡ ﻟﻤﻦ ﻻﻗﺎﻙ ﻓﻲ ﻣﺪﻧﻲ ﻭﺟﺎﺀ ﻫﻨﺎ ﺍﻟﻈﺎﻫﺮ ﺍﻗﻨﻌﻮﺍ ﻋﻨﺪﻫﻢ ﺣﺎﺟﺔ ﻓﻲ ﺭﺍﺳﻬﻢ ﻭﻃﺒﺨﻮﺍ ﻋﻠﻴﻚ ﺍﻟﻜﻀﺒﺔ ﺩﻱ ﺳﻮﺍ
_ ﺭﺍﺳﻲ ﻟﻔﺎ ﻭﺍﻟﻠﻪ ،
_ ﻗﻮﻡ ﺻﻠﻲ ﺍﻟﻤﻐﺮﺏ ﻭﺍﻟﻌﺸﺎﺀ ﻗﻮﻡ
_ ﺑﺼﻠﻲ ﺑﺼﻠﻲ ﻭﺍﻟﻠﻪ ﺑﺲ ﺩﺍﻳﺮ ﺍﻋﺮﻑ ...
_ ﻗﻮﻡ ﺻﻠﻲ ﺍﻭﻝ ﺍﻟﻜﻼﻡ ﻣﻠﺤﻮﻕ ﻭﺍﻧﺎ ﻣﺎ ﺑﻨﻀﻢ ﻣﻌﺎﻙ ﺍﻛﺎﻥ ﻣﺎ ﺻﻠﻴﺖ
_ ﺳﻤﺢ
ﻋﺒﺎﺱ ﻗﺎﻡ ﻭﻣﺸﻰ ﺍﺗﻮﺿﺎ ﺳﺮﻳﻊ ﻭﻛﻠﻔﺘﻚ ﻛﻠﻔﺘﻚ ﻛﻠﻔﺖ ﺍﻟﻤﻐﺮﺏ ﻭﺍﻟﻌﺸﺎﺀ ﻭﺑﺎﻟﻮ ﻭﻻ ﻓﻲ ﺍﻟﺼﻼ ﻭﺍﻟﺮﻛﻮﻉ ﻭﺍﻟﺴﺠﻮﺩ ﻧﻘﻴﺪ ﺟﺪﺍﺩ . ﻭﺟﺎﺀ ﻟﻘﻰ ﺍﻟﺘﺎﺝ ﻧﺎﻡ ﻧﻀﻢ ﻣﻌﺎﻫﻮ ﻭﻧﺎﻏﻢ ﻟﻴﻬﻮ ﻛﻢ ﻣﺮﺓ ﻟﻤﻦ ﺷﺎﻓﻮ ﺍﺑﻰ ﻳﺮﺩ ﺧﻼﻫﻮ ﻭﻟﻠﺼﺒﺎﺡ ﻣﺎ ﻧﺎﻡ
ﺍﻟﺘﺎﺝ ﺻﺤﻰ ﺑﺎﻟﻤﻨﺒﻪ ﻭﻟﻘﻰ ﻋﺒﺎﺱ ﺻﺎﺣﻲ ﻗﺎﻝ ﻟﻴﻬﻮ ﻣﺎ ﻧﻤﺖ ﻭﻟﻼ ﺷﻨﻮ ؟
_ ﺍﻧﻮﻡ ﻛﻴﻒ ﻳﺎﺥ ﻭﺍﻟﻠﻪ ﻛﻼﻣﻚ ﺍﻻﻣﺲ ﻃﻴﺮ ﺍﻟﻨﻮﻡ ﻣﻨﻲ
_ ﺳﻤﺢ ﻗﻮﻡ ﻭﺭﺡ ﺍﻟﺠﺎﻣﻊ ﻧﺼﻠﻲ ﻭﺑﻨﻜﻤﻞ ﻛﻼﻣﻨﺎ ﺑﺎﻟﻠﻴﻞ
_ ﺑﺲ ﺍﻧﺎ ﺍﻟﻠﻴﻠﺔ ﻣﺎﺷﻲ ﻣﺪﻧﻲ
_ ﻣﺎﺷﻲ ﻣﺘﻴﻦ ﻭﻟﺸﻨﻮ ؟
_ ﻣﺎﺷﻲ ﺍﺷﻮﻑ ﺍﻫﻠﻲ ﻭﺑﻤﺸﻲ ﺍﻟﻌﺼﺮ
_ ﺧﻠﻲ ﺍﻟﻤﺸﻲ ﻭﻛﺖ ﺗﺎﻧﻲ
_ ﻻ ﻻ ﺑﻤﺸﻲ ﻭﺑﺠﻲ ﺳﺮﻳﻊ ﻋﺸﺎﻥ ﻛﺪﺍ ﺣﻘﻮ ﻧﺘﻜﻠﻢ ﺑﻌﺪ ﻧﺠﻲ ﻣﻦ ﺍﻟﺠﺎﻣﻊ ﻗﺒﺎﻝ ﻧﻔﻮﺕ ﺍﻟﺴﻮﻕ
_ ﺧﻠﻲ ﺍﻟﻜﻼﻡ ﺑﻌﺪ ﺗﺠﻲ ﺍﻧﺎ ﻣﻦ ﺍﻟﻤﺴﺠﺪ ﻃﻮﺍﻟﻲ ﺑﻔﻮﺕ ﺍﻟﺴﻮﻕ ﻋﻨﺪﻱ ﺑﺺ ﻣﺎﺭﻕ ﻃﻮﺍﻟﻲ
_ ﺧﻼﺱ ﺍﻧﺎ ﺑﻤﺸﻲ ﺍﺷﻮﻓﻬﻢ ﻭﺑﺠﻲ ﻗﺎﻟﺐ ﻃﻮﺍﻟﻲ ﻣﺎ ﺑﺘﺄﺧﺮ ﻭﺍﻣﻜﻦ ﺍﺟﻲ ﺑﻜﺮﺓ
_ ﺗﺠﻲ ﺑﻜﺮﺓ ﻛﻴﻒ ، ﻳﻌﻨﻲ ﻣﺎﺷﻲ ﺗﺒﻴﺖ ﻣﻌﺎﻫﻢ ﺑﺲ ﻭﺗﺠﻲ ﻭﻟﻼ ﻛﻴﻒ ؟ ﻟﻮ ﺑﺘﺠﻲ ﺑﻜﺮﺓ ﻣﺎﻓﻲ ﺩﺍﻋﻲ ﺯﺍﺗﻮ ﻟﻤﺸﻴﺘﻚ
_ ﻻ ﻻ ﻻﺯﻡ ﺍﻣﺶ
_ ﻋﻠﻲ ﻛﻴﻔﻚ ﻳﺎﺯﻭﻝ ﺍﻧﺖ ﺣﺮ
ﺍﻟﺘﺎﺝ ﻓﺎﺕ ﺍﻟﺠﺎﻣﻊ ﻭﻋﺒﺎﺱ ﻟﺤﻘﻮ ﻭﻣﻦ ﺍﻟﺠﺎﻣﻊ ﻃﻮﺍﻟﻲ ﺍﻟﺘﺎﺝ ﻓﺎﺕ ﺍﻟﺴﻮﻕ ﻭﻻ ﺟﺎﺀ ﺍﻟﺒﻴﺖ ﻭﻋﺒﺎﺱ ﺟﺎﺀ ﻭﺑﻘﻰ ﻣﺤﻨﺎﻥ ﻭﻣﺤﺘﺎﺭ ﻓﻲ ﻓﺮﺡ ﺍﻟﻜﻌﺐ ﺩﺍ ﻭﻛﺪﺍ ﻣﺸﻜﻠﺘﻮ ﺑﻘﺖ ﺍﻛﺒﺮ ﻳﻌﻨﻲ ﻣﺸﻜﻠﺔ ﺍﻟﻨﺠﻮﻣﻲ ﻻﺯﺍﻟﺖ ﻗﺎﻳﻤﺔ ﻭﻣﻤﻜﻦ ﻓﻲ ﺍﻱ ﻭﻛﺖ ﻟﻮ ﻣﺎ ﺳﻤﻊ ﻛﻼﻣﻬﻢ ﻳﻮﺩﺭﻭﻫﻮ ﻭﻫﻮ ﺍﻛﻴﺪ ﻓﺮﺡ ﻣﺮﺳﻠﻮ ﺑﻤﺨﺪﺭﺍﺕ ﺣﻘﻴﻘﻴﺔ ، ﻭﻗﺎﻝ ﻳﻌﻨﻲ ﺣﺘﻰ ﻓﻮﺭ ﺷﻴﻦ ﺩﻱ ﻛﻀﺐ ﻓﻲ ﻛﻀﺐ ﻟﻜﻦ ﻟﻴﻪ ﻓﺮﺡ ﻃﺒﻊ ﻣﻔﺘﺎﺡ ﺍﻟﺘﺎﺝ ﻭﻫﻞ ﻫﻮ ﺍﻟﺴﺮﻕ ﺍﻟﺒﻴﺖ ﻭﻟﻼ ﻭﺍﺣﺪ ﻏﻴﺮﻭ ﻭﻭﻳﻦ ﺍﻟﻨﺠﻮﻣﻲ ﻣﺎﻟﻮ ﻣﺎ ﻇﻬﺮ ﻓﻲ ﺍﻟﻔﺘﺮﺓ ﻳﺎﺧﻲ ﺍﻧﺎ ﺍﻛﺎﻥ ﻛﺪﺍ ﺩﺧﻠﺖ ﻟﻲ ﻓﻲ ﻣﺼﻴﺒﺔ ﻭﺍﻟﺒﺤﻠﻨﻲ ﻣﻨﻬﺎ ﺷﻨﻮ ﻣﺎ ﻋﺎﺭﻑ ﻭﻗﻌﺪ ﻳﺒﻜﻲ ﻭﻓﻜﺮ ﻳﻔﻮﺕ ﻭﺗﺎﻧﻲ ﻣﺎ ﻳﺠﻲ ﺭﺍﺟﻊ ﻟﻜﻦ ﻳﻔﻮﺕ ﻛﻴﻒ ﻭﻳﺨﻠﻲ ﺍﻟﺸﻐﻞ ﻭﺍﻟﺪﻛﺎﻥ ﻭﻳﺸﺘﻐﻞ ﺷﻨﻮ ﻫﻨﺎﻙ ﻭﻗﺎﻝ ﻛﻠﻮ ﻣﻦ ﺭﺑﻴﻊ ﺍﺭﻳﺘﻨﻲ ﺍﻛﺎﻥ ﻣﺎ ﻣﺸﻴﺖ ﻣﻌﺎﻫﻮ ﻭﻻ ﻻﻗﻴﺘﻮ ﺍﻟﻴﻮﻡ ﺍﻟﻘﺎﺑﻠﺖ ﻓﻮﻗﻮ ﻓﺮﺡ ﺩﺍ
ﻭﺩ ﺍﻟﺴﺖ ﺍﺗﻌﻠﻢ ﺍﻟﺴﻮﺍﻗﺔ ﺗﺐ ﻭﺑﻘﻰ ﻣﺮﺍﺕ ﻳﺨﻠﻲ ﺍﻟﺰﻳﻦ ﻓﻲ ﺍﻟﺪﻛﺎﻥ ﻭﻳﻔﻮﺕ ﺑﺎﻟﻌﺮﺑﻴﺔ ﺣﻘﺘﻮ ﺍﻟﻤﻨﺎﻗﻞ ﻭﻳﺠﻲ ﺍﻭﻝ ﺍﻳﺎﻡ ﺍﻛﺎﻥ ﺍﻟﺰﻳﻦ ﺑﻤﺸﻲ ﻣﻌﺎﻫﻮ ﻭﻫﻮ ﻋﻨﺪﻭ ﻛﻢ ﺻﺎﺣﺐ ﺑﺜﻖ ﻓﻴﻬﻢ ﻭﻻﻧﻮ ﻣﺎ ﺑﺮﺿﻰ ﻳﻘﻔﻞ ﻧﻬﺎﺋﻲ ﺑﺤﺮﺳﻮﺍ ﻟﻴﻬﻢ ﻭﻣﻊ ﺍﻧﻮ ﺑﺜﻖ ﻓﻴﻬﻢ ﻟﻜﻦ ﻣﺎ ﺑﻜﻠﻒ ﺯﻭﻝ ﻭﺍﺣﺪ ﺑﻘﻌﺪ ﻓﻴﻬﻮ ﻧﻔﺮﻳﻦ ﻣﻨﻬﻢ ﻭﻟﻼ ﺗﻼﺗﺔ ﻳﺒﺎﻳﻌﻮﺍ ﻟﻴﻬﻮ ﻭﻣﺎ ﺧﺎﻳﻒ ﻳﺴﺮﻗﻮﻫﻮ ﻟﻜﻦ ﻗﺎﻝ ﺍﺣﺮﺹ ﻣﺎ ﺗﺨﻮﻥ ﻭﻋﻼ ﺍﻟﺰﻳﻦ ﺑﺲ ﺍﻟﺒﺨﻠﻴﻬﻮ ﺑﺮﺍﻫﻮ ﻻﻧﻮ ﺳﻴﺪ ﺍﻟﺪﻛﺎﻥ ﻭﺍﻟﺰﻳﻦ ﻃﻮﺍﻟﻲ ﺑﻘﻌﺪ ﻳﺒﺎﻳﻊ ﻟﻴﻬﻮ ﻭﺑﻘﻮﻝ ﻟﻴﻬﻮ ﺍﻣﺶ ﺍﻟﺪﻳﻮﺍﻥ ﻧﻮﻡ ﻭﺑﻘﻰ ﻟﻠﺰﻳﻦ ﺯﻱ ﺍﺧﻮﻫﻮ ﻭﻭﺍﺣﺪ ﻭﻧﺎﺱ ﺍﻟﺒﻴﺖ ﻛﻠﻬﻢ ﻋﺎﺩﻧﻮﺍ ﺍﺧﻮﺍﻧﻮ ﻭﻛﻞ ﺍﻟﻨﺎﺱ ﺑﺘﻜﻴﻔﻮﺍ ﻟﻴﻬﻮ ﻭﻫﻮ ﺯﺍﺗﻮ ﺍﻟﺘﺰﻡ ﺷﺪﻳﺪ ﻭﺑﻘﻰ ﺯﻭﻝ ﻛﻮﻳﺲ ﻭﻧﻬﺎﺋﻲ ﻣﻊ ﻓﻜﺮ ﻳﺴﻜﺮ ﻭﻻ ﺑﻔﻮﺕ ﺻﻼﺓ ﻭﺭﺑﻨﺎ ﻭﻓﻘﻮﺍ ﻭﺍﻟﺪﻛﺎﻥ ﻣﻼﻫﻮ ﻓﻞ
ﻋﺒﺎﺱ ﺑﻌﺪ ﺍﻟﻀﻬﺮ ﺟﺎﺑﻮﺍ ﻟﻴﻬﻮ ﺍﻟﻜﺮﺗﻮﻧﺔ ﻭﺷﺎﻟﻬﺎ ﻭﻣﺸﻰ ﻗﻄﻊ ﺗﺬﻛﺮﺗﻮ ﻭﺭﻛﺐ ﻓﺎﺕ ﻟﻜﻦ ﺑﻄﻨﻮ ﻃﺎﻣﺔ ﻭﺧﺎﻳﻒ ﻻﻧﻮ ﻋﺮﻓﻬﺎ ﻣﺨﺪﺭﺍﺕ ﺍﺻﻠﻴﺔ ﻣﺎ ﺯﻱ ﻣﺎ ﻗﺎﻝ ﻟﻴﻬﻮ ﻓﺮﺡ
ﻧﺰﻝ ﻓﻲ ﻣﺪﻧﻲ ﻭﺷﺎﻝ ﺍﻟﻜﺮﺗﻮﻧﺔ ﻭﻣﺸﻰ ﺭﻛﺐ ﻣﻮﺍﺻﻼﺕ ﺍﻟﺴﻮﻕ ﺑﻌﺪ ﻧﺰﻝ ﻣﻨﻬﺎ ﻓﻲ ﻭﺍﺣﺪ ﻛﺎﻥ ﺭﺍﻛﺐ ﺟﻤﺒﻮ ﻭﻣﻊ ﻧﺰﻟﺘﻮ ﻭﻗﻔﻮ ﻭﻃﻠﻊ ﻟﻴﻬﻮ ﻛﺎﺭﻧﻴﻪ ﻭﻗﺎﻝ ﻟﻴﻬﻮ ﺷﺎﻳﻞ ﺷﻨﻮ ﻳﺎ ﺯﻭﻝ ﻭﻋﺒﺎﺱ ﻗﻌﺪ ﻳﺮﺟﻒ ﻭﻳﺒﻄﺒﻂ ﻭﺩﺍﻙ ﻃﻮﺍﻟﻲ ﺍﺷﺮ ﻟﻮﺍﺣﺪ ﻛﺎﻥ ﻓﻲ ﺍﻟﺴﻮﻕ ﻭﺍﻟﻈﺎﻫﺮ ﺑﺮﺿﻮ ﻣﺒﺎﺣﺚ ﻭﻗﺎﻝ ﻟﻴﻬﻮ ﺳﻮﻕ ﺩﺍ ﻭﻓﺘﺸﻮﻫﻮ ﻭﺷﻮﻓﻮﻫﻮ ﺷﺎﻳﻞ ﺷﻨﻮ ﻭﺩﺍﻙ ﻣﺴﻚ ﻋﺒﺎﺱ ﻭﺳﺎﻗﻮ ﻣﻌﺎﻫﻮ ﻭﺑﻌﺪﻭ ﻣﺮﻗﻮﺍ ﻣﻦ ﺍﻟﺴﻮﻕ ﺑﺸﻮﻳﺔ ﻭﺻﻠﻮﺍ ﻟﻴﻬﻢ ﺑﻜﺴﻲ ﺩﺑﻞ ﻗﺒﻴﻨﺔ ﻭﺭﻛﺒﻮﺍ ﻓﻴﻬﻮ ﻋﺒﺎﺱ ﻭﻣﺸﻮﺍ ﺑﻴﻬﻮ ﻭﺍﺻﻠﻮﺍ ﻣﺎ ﻧﻀﻤﻮﺍ ﻣﻌﺎﻫﻮ ﻭﺻﻠﻮﺍ ﺑﻴﺖ ﻣﻄﺮﻑ ﻭﻧﺰﻟﻮﻫﻮ ﻭﺩﺧﻠﻮﺍ ﺑﻴﻬﻮ ﻭﺟﻮﺓ ﻟﻘﻰ ﺍﻟﺒﻴﺖ ﻛﻠﻮ ﻣﻜﺎﺗﺐ ﻭﺣﻖ ﺷﺮﻃﺔ ﻭﻓﺘﺤﻮﺍ ﺍﻟﻜﺮﺗﻮﻧﺔ ﻛﺎﻧﻮﺍ ﺗﻼﺗﺔ ﺍﻧﻔﺎﺭ ﻭﻟﻘﻮﻫﺎ ﻛﻠﻬﺎ ﺣﺒﻮﺏ ﻭﻭﺍﺣﺪ ﺗﺎﺡ ﻛﻔﺖ ﻋﺒﺎﺱ ﻭﻗﺎﻝ ﻟﻴﻬﻮ ﺩﺍ ﺷﻨﻮ
ﻋﺒﺎﺱ ﻗﻌﺪ ﻳﺒﻜﻲ ﻭﻗﺎﻝ ﻟﻴﻬﻢ ﺩﻱ ﻣﺨﺪﺭﺍﺕ ﻭﻫﻤﻴﺔ
_ ﻭﻫﻤﻴﺔ ؟
ﻭﻋﺒﺎﺱ ﺣﻜﻰ ﻟﻴﻬﻢ ﻛﻞ ﺷﻲ ﻭﻃﻮﺍﻟﻲ ﺩﺧﻠﻮﻫﻮ ﺍﻭﺿﺔ ﻭﻃﺒﻠﻮﻫﺎ ﻋﻠﻴﻬﻮ ﻭﺍﻟﻀﺎﺑﻂ ﻗﺎﻝ ﻟﻮﺍﺣﺪ ﻣﻦ ﺍﻻﺗﻨﻴﻦ ﺍﻟﻤﻌﺎﻫﻮ ﺍﻗﺒﻀﻮﺍ ﻋﻠﻲ ﺍﺑﺠﺎﻛﻮﻣﺔ
ﻭﻋﺒﺎﺱ ﻧﻬﺎﺋﻲ ﻣﺎ ﺳﻜﺖ ﻣﻦ ﺍﻟﺒﻜﺎﺀ
ﺑﻌﺪ ﺳﺎﻋﺔ ﺍﺑﺠﺎﻛﻮﻣﺔ ﺟﺎﺑﻮﻫﻮ ﻭﻣﺮﻗﻮﺍ ﻋﺒﺎﺱ ﺟﺎﺑﻮﻫﻮ ﻗﺪﺍﻣﻮ ﻭﺍﺑﺠﺎﻛﻮﻣﺔ ﻛﺎﻥ ﺻﺎﺭﻱ ﻟﻌﺒﺎﺱ ﻭﺯﻋﻼﻥ ﺷﺪﻳﺪ ﻭﻧﻬﺎﺋﻲ ﻣﺎ ﺍﺗﻜﻠﻢ ﻣﻌﺎﻫﻮ
ﺍﻟﻀﺎﺑﻂ ﺭﺳﻞ ﻭﺍﺣﺪ ﻣﻦ ﺍﻟﻤﻌﺎﻫﻮ ﻭﻗﺎﻝ ﻟﻴﻬﻮ ﺷﻴﻞ ﺷﻮﻳﺔ ﻣﻦ ﺍﻟﺤﺒﻮﺏ ﺩﻱ ﻭﺍﻣﺶ ﻭﺩﻳﻬﺎ ﺍﻟﻤﺨﺘﺒﺮ
ﺍﻟﻌﺴﻜﺮﻱ ﺷﺎﻟﻬﺎ ﻭﻓﺎﺕ
ﻗﺎﻝ ﻟﻠﺘﺎﻧﻲ ﺍﺳﺠﻦ ﺩﻳﻞ ﻭﺃﻱ ﻭﺍﺣﺪ ﻓﻲ ﺳﺠﻦ ﺑﺮﺍﻫﻮ
ﺑﻌﺪ ﺳﺎﻋﺔ ﺟﺎﺀ ﺍﻟﻌﺴﻜﺮﻱ ﻃﻠﻊ ﻋﺒﺎﺱ ﻭﺍﺑﺠﺎﻛﻮﻣﺔ ﺷﺎﻝ ﺍﻟﻜﺮﺗﻮﻧﺔ ﻭﻗﺎﻝ ﻟﻴﻬﻢ ﻳﻠﻼ ﻭﺻﻠﻮﻧﺎ ﺍﻟﺒﻴﺖ ﺑﻌﺪ ﺍﺗﺄﻛﺪﺗﻮﺍ ﺍﻧﻬﺎ ﻣﺨﺪﺭﺍﺕ ﻭﻫﻤﻴﺔ ﻭﺍﻟﻀﺎﺑﻂ ﺍﻋﺘﺬﺭ ﻟﻴﻬﻢ ﻭﻭﺻﻠﻮﻫﻢ ﻟﺤﺪﻱ ﺍﻟﺒﻴﺖ
ﺍﻭﻝ ﻣﺎ ﺩﺧﻠﻮﺍ ﺍﺑﺠﺎﻛﻮﻣﺔ ﻗﺎﻝ ﻟﻌﺒﺎﺱ ﻓﺮﺡ ﻣﺎ ﻗﺎﻝ ﻟﻴﻚ ﻣﺎ ﺗﺨﺎﻑ ﻭﻻ ﺗﺘﻜﺒﻜﺐ ﻭﻻ ﺗﻜﺸﻒ ﻟﻴﻬﻢ ﻧﻔﺴﻚ ؟
_ ﻗﺎﻝ ﻟﻲ ﻟﻜﻦ ﺩﻳﻞ ﺩﻗﻮﻧﻲ ﻭﻣﺎ ﺍﺩﻭﻧﻲ ﻓﺮﺻﺔ ﻳﺎﺥ
_ ﺍﻧﺖ ﺷﺎﻳﻞ ﺣﺒﻮﺏ ﻭﻫﻤﻴﺔ ﺍﻭﻋﻚ ﺗﺨﺎﻑ ﻣﻦ ﺷﻲ ﻻﻧﻚ ﻣﺨﺒﺮ
_ ﻭﺍﻟﻠﻪ ﺍﻧﺎ ﺧﻔﺖ ﻭﻗﺎﻳﻠﻬﺎ ﻣﺨﺪﺭﺍﺕ ﺻﺤﻲ ﺻﺤﻲ
_ ﻛﺪﻱ ﻧﺤﻦ ﺍﺗﻮﺭﻃﻨﺎ ﻭﺑﻜﻼﻣﻚ ﺩﺍ ﻓﺸﻠﺖ ﻟﻴﻨﺎ ﻣﻬﻤﺔ ﻛﺒﻴﺮﺓ ، ﻭﺍﻟﻠﻪ ﺯﻋﻠﺘﻨﻲ ﻳﺎﺥ ﻣﻦ ﺍﻭﻝ ﻛﻒ ﺗﻜﺸﻒ ﻟﻴﻬﻢ ﻛﻞ ﺷﻲ ؟
ﺑﻜﺮﺓ ﺭﺟﻊ ﺍﻟﺤﺒﻮﺏ ﺩﻱ ﻟﻔﺮﺡ ﻻﻧﻮ ﺍﻛﻴﺪ ﺍﻟﺘﺎﺟﺮ ﺍﻟﻌﺎﻭﺯﻳﻦ ﻧﺒﻴﻌﻬﺎ ﻟﻴﻬﻮ ﺷﻢ ﺧﺒﺮ
_ ﻳﺸﻤﻮ ﻛﻴﻒ
_ ﺍﻧﺖ ﻗﺎﻳﻞ ﺍﻱ ﻋﺴﻜﺮﻱ ﻋﺴﻜﺮﻱ ؟
_ ﻧﺎﻥ ﺷﻨﻮ ؟
_ ﺍﻱ ﺗﺎﺟﺮ ﻣﺨﺪﺭﺍﺕ ﻋﻨﺪﻭ ﺟﺎﺳﻮﺱ ﺷﻐﺎﻝ ﻓﻲ ﺍﻟﻤﺒﺎﺣﺚ ﻭﻧﺤﻦ ﺍﻟﻔﻲ ﻣﻜﺎﻓﺤﺔ ﺍﻟﻤﺨﺪﺭﺍﺕ ﻣﻌﺎﻧﺎ ﺟﻮﺍﺳﻴﺲ
_ ﺍﻧﺎ ﻭﺍﻟﻠﻪ ﻣﺎ ﻛﻨﺖ ﻓﺎﻫﻢ ﺍﻟﻜﻼﻡ ﺩﺍ
_ ﺍﻟﻤﻬﻢ ﻭﺍﻟﻤﺸﻜﻠﺔ ﻫﺴﻲ ﻣﻬﻤﺘﻨﺎ ﺍﻟﻤﻔﺮﻭﺽ ﻧﻌﻤﻠﻬﺎ ﻻﺯﻡ ﺗﺘﻠﻐﻲ ﻭﺍﻟﺤﺒﻮﺏ ﺩﻱ ﻻﺯﻡ ﺗﺮﺟﻊ ﺍﻻﺩﺍﺭﺓ ﻭﻧﺸﻮﻑ ﻟﻴﻨﺎ ﺧﻄﺔ ﺗﺎﻧﻴﺔ ﻏﻴﺮﻫﺎ
ﻭﺗﺎﻧﻲ ﻟﻮ ﻓﺮﺡ ﺟﺎﺑﻚ ﻓﻲ ﺍﺭﺳﺎﻟﻴﺔ ﺗﻌﻤﻞ ﺍﻟﻒ ﺣﺴﺎﺏ ﻭﺗﺨﻠﻴﻚ ﺛﺎﺑﺖ ﻭﺍﻧﺎ ﻗﺒﺎﻝ ﻳﻤﺮﻗﻮﻙ ﻟﻤﻦ ﺟﺎﺑﻮﺍ ﻧﺘﻴﺠﺔ ﺍﻟﻤﺨﺘﺒﺮ ﺍﻧﺎ ﻗﻠﺖ ﻟﻴﻬﻢ ﺷﻜﻴﺘﻮﺍ ﻓﻴﻬﻮ ﻭﻗﺒﻀﺘﻮﻫﻮ ﻛﻴﻒ ﻋﺒﺎﺱ ﺩﺍ ؟ ﺍﻟﺰﻭﻝ ﺍﻟﻘﺒﻀﻚ ﻗﺎﻝ ﺷﺎﻓﻚ ﺧﺎﻳﻒ ﻭﻣﺮﺗﺒﻚ ﻭﻗﺎﻝ ﺍﻛﻴﺪ ﺷﺎﻳﻞ ﻣﺨﺪﺭﺍﺕ ﻋﺸﺎﻥ ﻛﺪﺍ ﻗﺒﻀﻚ ﻭﻟﻮ ﻣﺎ ﺧﻮﻓﻚ ﻭﺍﺭﺗﺒﺎﻛﻚ ﻣﺎ ﻛﺎﻥ ﻗﺒﻀﻮﻙ
_ ﺍﻧﺎ ﻭﺍﻟﻠﻪ ﺁﺳﻒ ﻳﺎﺥ
_ ﺍﺳﻒ ﺑﺘﻨﻔﻊ ﺑﺸﻨﻮ ﺑﻌﺪ ﻛﺪﺍ ؟ ﺑﻜﺮﺓ ﺷﻴﻠﻬﺎ ﺭﺟﻌﻬﺎ ﻟﻴﻬﻮ
_ ﺍﻧﺎ ﺑﺎﻛﺮ ﺩﺍﻳﺮ ﺍﻓﻮﺕ ﺍﻟﺤﻠﺔ
_ ﻣﺎ ﺗﻔﻮﺕ ﺍﻟﺤﻠﺔ ﻻﻧﻮ ﺩﺍ ﺷﻐﻞ ﺭﺳﻤﻲ ﻟﻮ ﻣﺎﺕ ﻟﻴﻚ ﺯﻭﻝ ﻻﺯﻡ ﺗﻨﻔﺬﻭﺍ
ﺍﻟﻴﻮﻡ ﺍﻟﺘﺎﻧﻲ ﺍﻟﺼﺒﺎﺡ ﺑﺪﺭﻱ ﺍﺑﺠﺎﻛﻮﻣﺔ ﺷﺎﻝ ﺍﻟﻜﺮﺗﻮﻧﺔ ﻭﻣﺮﻕ ﺑﻴﻬﺎ ﻭﻗﺎﻝ ﻟﻌﺒﺎﺱ ﺍﻧﺎ ﺑﻤﺸﻲ ﺍﻏﻴﺮ ﺍﻟﻜﺮﺗﻮﻧﺔ ﺩﻱ ﻭﺍﺣﻮﻝ ﺍﻟﺤﺒﻮﺏ ﺩﻱ ﻓﻲ ﻛﺮﺗﻮﻧﺔ ﺟﺪﻳﺪﺓ ﻭﺍﻏﻠﻔﻬﺎ ﻭﺍﺧﺘﻤﻬﺎ ﻭﺍﺟﻴﺒﻬﺎ ﻟﻴﻚ . ﻏﺎﺏ ﺳﺎﻋﺔ ﻭﺟﺎﺀ ﺷﺎﻳﻞ ﺍﻟﻜﺮﺗﻮﻧﺔ ﺍﻟﺠﺪﻳﺪﺓ ﻭﺑﻌﺪ ﻓﻄﺮﻭﺍ ﻋﺒﺎﺱ ﺷﺎﻟﻬﺎ ﻭﻓﺎﺕ ﺑﻴﻬﺎ ﺍﻟﺨﺮﻃﻮﻡ ﻭﻣﺎ ﻛﺎﻥ ﺧﺎﻳﻒ ﻭﻻ ﻣﺮﺗﺒﻚ ﺯﻱ ﻣﺎ ﻓﺎﺕ
ﻭﺻﻞ ﺍﻟﺨﺮﻃﻮﻡ ﻭﺍﺟﺮ ﻟﻴﻬﻮ ﺗﻜﺴﻲ ﻟﺤﺪﻱ ﺑﻴﺖ ﻓﺮﺡ ﻭﻓﺘﺢ ﺑﺎﺏ ﺍﻟﺤﻮﺵ ﻭﻃﻠﻊ ﺍﻟﻤﻔﺘﺎﺡ ﻣﻦ ﺗﺤﺖ ﺍﻟﺤﺠﺮ ﺩﺧﻞ ﻭﺑﻘﻰ ﻗﺎﻋﺪ ﻣﻨﺘﻈﺮ ﻓﺮﺡ
ﻳﺘﺒﻊ