# ﻋﺒﺎﺱ 53
ﻣﺠﺎﻫﺪ ﻳﻮﺳﻒ
ﺑﻌﺪ ﺻﻼﺓ ﺍﻟﻤﻐﺮﺏ ﻭﺩ ﺍﻟﻀﻮ ﻓﺎﺕ ﻟﻠﺘﺎﺝ ﻓﻲ ﺍﻟﻤﻜﺘﺐ ﻭﻟﻘﺎﻫﻮ ﻣﺎﻓﻲ ﻻﻧﻮ ﻓﺎﺕ ﻗﺪﺍﻣﻮ ﻭﺑﻘﻰ ﺑﺼﻠﻲ ﺍﻟﻤﻐﺮﺏ ﻓﻲ ﺍﻟﺠﺎﻣﻊ ﺍﻟﻘﺮﻳﺐ ﻣﻦ ﺑﻴﺘﻮ ، ﻗﺎﻡ ﻣﺸﻰ ﻟﻌﺜﻤﺎﻥ ﻗﺎﻝ ﻟﻴﻬﻮ ﺩﺍﻳﺮﻙ ﺗﻮﺩﻳﻨﻲ ﺑﻴﺖ ﺍﻟﺘﺎﺝ ﻟﻮ ﺑﺘﻌﺮﻓﻮ
_ ﺑﻌﺮﻓﻮ ﺁﻱ ﺑﺲ ﺩﻗﺎﻳﻖ ﺍﻗﻔﻞ ﻭﺍﻭﺩﻳﻚ
_ ﺍﻟﺘﺎﺝ ﺩﺍ ﺭﺍﻳﻚ ﻓﻮﻗﻮ ﺷﻨﻮ ﺁ ﻋﺜﻤﺎﻥ ؟
_ ﻣﻦ ﻳﺎﺗﻮ ﻧﺎﺣﻴﺔ ؟
_ ﺑﺼﻔﺔ ﻋﺎﻣﺔ
_ ﺯﻭﻝ ﻋﺎﺩﻱ ﻭﺍﻛﺎﻥ ﺑﻄﻞ ﺍﻟﺴﻜﺮ ﻣﺎ ﻋﻨﺪﻭ ﻋﻮﺟﺔ
_ ﺑﺴﻜﺮ ﻫﻮ ؟
_ ﻭﺑﺎﻟﻜﻔﺘﻴﺮﺓ
_ ﻛﻴﻒ ﺑﺎﻟﻜﻔﺘﻴﺮﺓ
_ ﻋﻨﺪﻭ ﻛﻔﺘﻴﺮﺓ ﻛﺪﺍ ﻳﻮﻣﻲ ﺑﻤﻼﻫﺎ ﻋﺮﻗﻲ ﻭﺑﺸﺮﺑﻬﺎ ﭼﺖ ﻭﺍﻥ ﻣﺎ ﻛﻤﻠﻬﺎ ﻛﻠﻬﺎ ﻭﻻ ﺑﻨﻮﻡ
_ ﻻ ﻻ ﻳﺎﺥ
_ ﻭﺍﻟﻠﻪ ﺻﺎﺡ ﻭﺍﺳﺄﻝ ﻋﺒﺎﺱ ﺍﻛﺎﻥ ﻣﺎﻙ ﻣﺼﺪﻗﻨﻲ ﻭﺍﻧﺎ ﻗﺒﻞ ﻛﺪﺍ ﺍﺗﻜﻠﻤﺖ ﻣﻌﺎﻭ ﻗﺎﻡ ﺯﻋﻞ ﻭﻣﻦ ﺍﻟﻴﻮﻡ ﺩﺍﻙ ﻻ ﺑﻴﻨﻲ ﻻ ﺑﻴﻨﻮ
_ ﻭﻋﺒﺎﺱ ﺯﺍﺗﻮ ﺑﺸﺮﺏ ﻣﻌﺎﻭ ؟
_ ﺍﻟﻌﺎﺭﻓﻮ ﻣﻨﻮ ؟ ﺍﺣﺘﻤﺎﻝ ﺑﺸﺮﺏ ﻭﺍﺣﺘﻤﺎﻝ ﻻ ، ﻟﻜﻦ ﻣﺮﺓ ﺷﺮﺏ ﻣﻌﺎﻭ ﻻﻧﻮ ﺍﻟﻴﻮﻡ ﺩﺍﻙ ﺟﺎﺀ ﻫﻨﺎ ﻋﻴﻨﻴﻬﻮ ﺣﻤﺮ ﻭﺑﺎﻳﺘﺔ ﻣﻌﺎﻭ
ﺍﻟﺘﺎﺝ ﻟﻤﻦ ﺷﺎﻑ ﻭﺩ ﺍﻟﻀﻮ ﺍﺗﺄﺧﺮ ﻋﺮﻓﻮ ﻣﺎ ﺑﺠﻲ ﺍﻻ ﻳﻮﺻﻠﻮ ﻋﺒﺪ ﺍﻟﻘﻴﻮﻡ ﻗﺎﻡ ﺟﺎﻫﻮ ﻭﻟﻘﺎﻭ ﻣﻊ ﻋﺜﻤﺎﻥ ﻗﺎﻝ ﻟﻴﻬﻮ ﻭﺭﺡ
ﻭﺻﻠﻮﺍ ﺍﻟﺒﻴﺖ ﻭﻋﻤﺮ ﻗﻌﺪ ﻳﺘﻠﻔﺖ ﺳﺎﻱ ﻛﺎﻳﺲ ﺍﻟﻜﻔﺘﻴﺮﺓ ﻭﻟﻤﻦ ﻣﺎ ﻟﻘﺎﻫﺎ ﻗﺎﻝ ﻟﻠﺘﺎﺝ ﺩﺍﻳﺮﻳﻦ ﻟﻴﻨﺎ ﺷﺎﻱ ﻳﺎﺥ ﺍﻧﺎ ﻣﺘﻌﻮﺩ ﻋﻠﻲ ﺷﺎﻱ ﺍﻟﻤﻐﺮﺏ ﺍﻥ ﻣﺎ ﺷﺮﺑﺘﻮ ﺑﺼﺪﻉ
ﺍﻟﺘﺎﺝ ﻗﺎﻝ ﻟﻴﻬﻮ ﻣﺎﻟﻚ ﻣﺎ ﺍﺗﻜﻠﻤﺖ ﻫﻨﺎﻙ ﻳﻠﻼ ﻭﺭﺡ ﻋﻠﻲ ﺍﻟﺴﻮﻕ ﻧﺸﺮﺑﻮﺍ ﻭﻧﺠﻲ
_ ﺍﻧﺎ ﻗﺎﻳﻠﻜﻢ ﺑﺘﺴﻮﻭﻫﻮ ﻫﻨﻲ ، ﻣﺎ ﻋﻨﺪﻙ ﻛﻔﺘﻴﺮﺓ ﺍﻧﺎ ﺑﺮﺍﻱ ﺑﺴﻮﻳﻬﻮ
_ ﻛﺎﻥ ﻋﻨﺪﻱ ﻛﻔﺘﻴﺮﺓ ﺑﺲ ﺣﻘﺖ ﻋﺮﻗﻲ ﻭﺗﺒﺖ ﻣﻨﻮ ﺍﻟﺤﻤﺪ ﻟﻠﻪ ﻭﺟﺪﻋﺘﻬﺎ ﻻﻧﻨﺎ ﻻ ﺍﻧﺎ ﻭﻻ ﻋﺒﺎﺱ ﻣﺎ ﻗﺎﻋﺪﻳﻦ ﻧﺸﺮﺏ ﺷﺎﻱ ﺑﺎﻟﻠﻴﻞ
_ ﻛﻔﺘﻴﺮﺓ ﻋﺮﻗﻲ ﻛﻴﻒ؟
_ ﻛﻨﺖ ﺑﺴﻜﺮ ﻳﺎﺥ ﻭﺑﺎﻟﻜﻔﺘﻴﺮﺓ ﻭﺍﻧﺎ ﻋﺎﺭﻑ ﻋﺜﻤﺎﻥ ﻭﺭﺍﻙ ﻋﺸﺎﻥ ﻛﺪﺍ ﺳﺄﻟﺘﻨﻲ ﻣﻨﻬﺎ ، ﻭﺭﺡ ﻋﻠﻲ ﺍﻟﺴﻮﻕ ﻭﺍﻧﺎ ﺯﺍﺗﻲ ﺩﺍﻳﺮ ﺍﺷﺮﺏ ﺍﻟﻠﻴﻠﺔ ﺷﺎﻱ
_ ﻭﺍﻟﻠﻪ ﻭﺭﺍﻧﻲ ﻳﺎﺥ ﺑﺲ ﻣﻌﻠﻴﺶ ﻣﺎ ﻗﺼﺪﻱ
_ ﻋﺎﺩﻱ ﻭﻻ ﻳﻬﻤﻚ ﻭﺳﺄﻟﺘﻨﻲ ﺑﻄﺮﻳﻘﺔ ﻇﺮﻳﻔﺔ ﻣﺎ ﺑﺘﺰﻋﻞ ، ﻭﻭﺭﺡ ﻋﺸﺎﻥ ﻧﺘﻌﺸﻰ ﺯﺍﺗﻮ ﻭﻧﺸﺮﺏ ﺍﻟﺸﺎﻱ ﻭﻧﺠﻲ ﻧﻨﺘﻮﻧﺲ
ﺍﻟﻬﺎﺩﻱ ﻭﺻﻞ ﺍﻟﺤﻠﺔ ﺣﻘﺘﻬﻢ ﻭﻋﺒﺎﺱ ﺑﻴﻦ ﻣﺒﺴﻮﻁ ﻭﺑﻴﻦ ﺧﺎﻳﻒ ﻟﻜﻦ ﺧﺎﻳﻒ ﺍﻛﺘﺮ ﻣﻦ ﻣﺒﺴﻮﻁ ﻻﻧﻮ ﻓﺮﺡ ﻣﺎ ﺑﺨﻠﻴﻬﻮ ﻟﻮ ﻋﻤﻞ ﻓﻜﺮﺓ ﺍﻟﻬﺎﺩﻱ ﺩﻱ ﻭﻟﺒﺪ ﻭﻗﺎﻝ ﻟﻮ ﻛﺎﻧﺖ ﺍﻟﺤﺒﻮﺏ ﺩﻱ ﻓﻌﻼ ﻣﺎ ﻣﺨﺪﺭﺍﺕ ﻭﺩﺍﻳﺮﻳﻦ ﻳﻘﺒﻀﻮﺍ ﺑﻴﻬﺎ ﺗﺎﺟﺮ ﺍﻧﺎ ﻛﺪﺍ ﺳﺎﻋﺪﺕ ﺍﻟﺘﺎﺟﺮ ﻭﺧﺮﺑﺖ ﻟﻴﻬﻢ ﺍﻟﺨﻄﺔ ﺣﻘﺘﻬﻢ ﻭﻓﺮﺡ ﺑﻜﻮﻥ ﺿﺎﺑﻂ ﺷﺮﻳﻒ ﻭﻣﺎ ﺑﺮﺿﻰ ﻭﺍﺣﺘﻤﺎﻝ ﺍﻧﺎ ﺍﺧﺶ ﺍﻟﺴﺠﻦ ﻟﻜﻦ ﻟﻮ ﻛﺎﻧﺖ ﻣﺨﺪﺭﺍﺕ ﺟﺪ ﺟﺪ ﻛﺪﺍ ﺍﻧﺎ ﻭﺭﻃﺖ ﻧﻔﺴﻲ ﻣﻊ ﻋﺼﺎﺑﺔ ﻣﺎ ﺳﺎﻫﻠﺔ ﻭﺑﻀﻴﻊ ﺑﻀﻴﻊ ﻭﺍﻧﺎ ﻣﺎ ﺻﺎﺡ ﺍﺳﻤﻊ ﻛﻼﻡ ﺍﻟﻬﺎﺩﻱ ﺩﺍ ﻻﻧﻲ ﻭﻻ ﺑﻌﺮﻓﻮ ﺍﻣﻜﻦ ﻫﻮ ﺯﺍﺗﻮ ﻛﻀﺎﺏ ﻭﺍﺻﻼ ﺳﻮﺍﻗﻴﻦ ﺍﻟﺘﻜﺎﺳﻲ ﻛﻠﻬﻢ ﻣﻔﺘﺤﻴﻦ ﻭﻋﺎﺭﻓﻴﻦ ﺃﻱ ﺷﻲ ﻭﺍﺣﺘﻤﺎﻝ ﻳﻜﻮﻥ ﻃﻤﻌﺎﻥ ﻓﻲ ﺍﻟﻤﺨﺪﺭﺍﺕ ﺩﻱ ﻻﻧﻬﺎ ﻏﺎﻳﺔ ﻭﺑﻌﺮﻑ ﻛﻴﻒ ﻭﻟﻤﻨﻮ ﻳﺒﻴﻌﻬﺎ ، ﺍﺣﺴﻦ ﺣﻞ ﺍﻧﺎ ﺍﺗﺨﺎﺭﺝ ﺑﺲ ﻭﺍﻭﺩﻱ ﺍﻟﻜﺮﺗﻮﻧﺔ ﻻﺑﺠﺎﻛﻮﻣﺔ ﻭﺗﺎﻧﻲ ﻣﻦ ﺍﻟﺪﻛﺎﻥ ﻣﺎ ﺍﻣﺮﻕ ﻭﻟﻮ ﻓﺮﺡ ﺟﺎﻧﻲ ﺑﻌﺘﺬﺭ ﻟﻴﻬﻮ ﻭﺍﻟﺒﺒﻘﻰ ﻳﺒﻘﻰ
ﺍﻟﻬﺎﺩﻱ ﻣﺘﺰﻭﺝ ﻭﺑﺄﻭﻻﺩﻭ ﻭﺳﺎﻛﻦ ﻣﻊ ﻧﺎﺱ ﺍﺑﻮﻫﻮ ﻭﻋﻨﺪﻭ ﺍﺧﻮﻫﻮ ﻗﺪﺭ ﻋﺒﺎﺱ ﻋﺮﻓﻮ ﻋﻠﻴﻬﻮ ﻭﻗﺎﻝ ﻟﻴﻬﻮ ﻋﺒﺎﺱ ﺩﺍ ﺍﻋﺘﺒﺮﻭ ﺍﺧﻮﻙ ﻭﺧﻠﻴﻚ ﻣﻌﺎﻫﻮ ﻭﻋﺮﻓﻮ ﻋﻠﻲ ﺍﺻﺤﺎﺑﻚ ﻭﺑﻘﻌﺪ ﻣﻌﺎﻧﺎ ﻫﻨﺎ ﻛﻢ ﻳﻮﻡ ﻭﻗﺎﻝ ﻟﻌﺒﺎﺱ ﺧﺪ ﺭﺍﺣﺘﻚ ﺑﺎﻟﻜﺎﻣﻞ ﺯﻱ ﺍﻟﻔﻲ ﺑﻴﺘﻜﻢ ﻭﻧﺤﻦ ﺍﻫﻠﻚ ﻭﻣﺎ ﺗﻔﻜﺮ ﻛﺘﻴﺮ ﺍﻟﻤﻮﺿﻮﻉ ﻣﺤﻠﻮﻝ ﻭﻣﻼﻗﺎﺗﻲ ﻟﻴﻚ ﺩﻱ ﻟﺨﻴﺮ ﺗﺐ
ﺍﻟﻬﺎﺩﻱ ﻧﺰﻝ ﺍﻟﻜﺮﺗﻮﻧﺔ ﻭﺍﻛﺎﻥ ﺩﺍﻳﺮ ﻳﻮﺩﻳﻬﺎ ﺑﻴﺘﻮ ﻟﻜﻦ ﻋﺒﺎﺱ ﺷﺎﻟﻬﺎ ﻣﻨﻮ ﻭﻗﺎﻝ ﻟﻴﻬﻮ ﺧﻠﻴﻬﺎ ﻣﻌﺎﻱ ﻓﻲ ﺍﻟﺪﻳﻮﺍﻥ
_ ﺍﺣﺴﻦ ﺃﻟﻤﻬﺎ ﻓﻲ ﺑﻴﺘﻲ ﻻﻧﻮ ﺍﻟﺪﻳﻮﺍﻥ ﺑﻠﻢ ﺍﻟﻨﺎﺱ ﻭﺍﻣﻜﻦ ﺯﻭﻝ ﻳﻬﺒﺸﻬﺎ
_ ﺍﻧﺎ ﻗﺎﻋﺪ ﻣﺎ ﺑﺨﻠﻲ ﺯﻭﻝ ﻳﻬﺒﺸﻬﺎ ﻭﻣﺎ ﻣﺎﺭﻕ ﻣﻜﺎﻥ
_ ﻋﻠﻴﻚ ﻛﻴﻔﻚ ﺑﺲ ﺑﻬﻨﺎﻙ ﺍﺿﻤﻦ
_ ﻫﻨﺎ ﺑﺮﺿﻮ ﺍﺿﻤﻦ
ﺍﻟﻬﺎﺩﻱ ﻣﺎ ﻛﺘﺮﻭ ﻣﻌﺎﻫﻮ ﻭﺧﻼﻫﻮ ﺑﺮﺍﺣﺘﻮ ، ﺑﻠﺔ ﺍﺧﻮ ﺍﻟﻬﺎﺩﻱ ﻗﺎﻝ ﻟﻌﺒﺎﺱ ﻓﻴﻬﺎ ﺷﻨﻮ ﺍﻟﻜﺮﺗﻮﻧﺔ ﺩﻱ ﻭﻋﺒﺎﺱ ﺣﺪﺭ ﻟﻴﻬﻮ ﺳﺎﻱ ﻭﻣﺴﻚ ﺍﻟﻜﺮﺗﻮﻧﺔ ﻗﻮﻱ ﻭﺿﺎﺭﺍﻫﺎ ﻣﻦ ﺑﻠﺔ ﻭﻣﺎ ﺟﺎﻭﺑﻮ
ﺑﻠﺔ ﻗﻌﺪ ﻳﺘﻜﺸﻢ ﻭﻟﻮﻟﺢ ﺭﺍﺳﻮ ﻭﺿﺤﻚ ﻟﻴﻬﻮ ﺿﺤﻜﺔ ﺻﻐﻴﺮﺓ ﻭﻗﺎﻝ ﻟﻴﻬﻮ ﻭﺍﻟﻠﻪ ﻏﺎﻳﺘﻮ ! ﺃﻧﺎ ﺩﺍﻳﺮ ﺃﻛﻠﻬﺎ ﻣﻜﻠﺐ ﻓﻮﻗﻬﺎ ﻛﺪﻱ؟ ﺧﺶ ﺧﺶ ﻋﻠﻲ ﺍﻟﺪﻳﻮﺍﻥ ﺁ ﺧﻮﻱ
ﺍﺑﺠﺎﻛﻮﻣﺔ ﻟﻤﻦ ﺍﻟﻮﺍﻃﺔ ﻣﻐﺮﺑﺖ ﻗﻠﻖ ﺗﺐ ﻭﻳﺸﻴﻞ ﻭﻳﻌﺎﻳﻦ ﻳﺎﺭﺏ ﻋﺒﺎﺱ ﺗﺠﻴﺐ ﻋﺒﺎﺱ ﻭﺧﺎﺗﻲ ﻟﻴﻬﻮ ﻧﻔﺮﻳﻦ ﻓﻲ ﺍﻟﺴﻮﻕ ﺍﻟﺸﻌﺒﻲ ﻣﺴﺘﻨﻴﻦ ﻋﺒﺎﺱ ﻭﺃﻱ ﺑﺺ ﻳﺠﻲ ﺑﺠﺮﻭﺍ ﻋﻠﻴﻬﻮ ﻭﺍﻟﻌﺸﺎﺀ ﺩﺧﻞ ﻭﺍﻟﻌﺮﺑﺎﺕ ﻗﻠﺖ ﻭﻋﺒﺎﺱ ﻻ ﺃﺗﺮ ﻭﻻ ﺧﺒﺮ ﻗﺎﻡ ﺭﺳﻞ ﻭﺍﺣﺪ ﺑﻌﺮﺑﻴﺔ ﻗﺎﻝ ﻟﻴﻬﻮ ﺍﻣﺶ ﺷﻮﻑ ﺍﻟﻄﺮﻳﻖ ﺍﻣﻜﻦ ﻓﻮﻗﻮ ﺣﺎﺩﺙ . ﻭﻭﺻﻞ ﻟﺤﺪﻱ ﺍﻟﻜﺎﻣﻠﻴﻦ ﻟﻤﻦ ﻣﺎ ﻟﻘﻰ ﺷﻲ ﺭﺟﻊ ﻣﺪﻧﻴﻬﻮ
ﻓﺮﺡ ﻭﺍﻟﻨﺠﻮﻣﻲ ﻣﺎ ﻋﻨﺪﻫﻢ ﺧﺒﺮ ﻭﺿﺎﻣﻨﻴﻦ ﻋﺒﺎﺱ ﺑﻮﺻﻞ ﺍﻟﺤﺒﻮﺏ
ﺍﻟﺘﺎﺝ ﻭﻭﺩ ﺍﻟﻀﻮ ﺑﻌﺪ ﺷﺮﺑﻮﺍ ﺻﻠﻮﺍ ﺣﺘﻴﻦ ﺟﻮﺍ ﺍﻟﺒﻴﺖ
ﻃﻠﻌﻮﺍ ﺍﻟﺴﺮﺍﻳﺮ ﻭﺍﻟﺘﺎﺝ ﺳﺄﻝ ﻋﻤﺮ ﻣﻦ ﻋﻼﻗﺘﻮ ﺑﻌﺒﺎﺱ ﻗﺎﻝ ﻟﻴﻬﻮ ﺑﺒﻘﻰ ﻟﻴﻚ ﺷﻨﻮ
_ ﻓﻲ ﺍﻟﺤﺴﺎﺏ ﺍﻧﺎ ﻣﻤﻜﻦ ﺗﻘﻮﻝ ﺯﻱ ﻋﻤﻮ ﺍﻭ ﻋﻤﻮ ﻳﺎﺥ ﺍﺑﻮﻫﻮ ﻭﺩ ﻋﻤﻲ ﺑﺲ ﻣﺎ ﻟﺰﻡ
_ ﺍﻳﻮﺍﺍﺍ ، ﻳﻌﻨﻲ ﻋﻤﻮ ، ﺍﺻﻼ ﻧﺎﺱ ﺍﻟﻘﺮﻯ ﺍﻏﻠﺒﻬﻢ ﺑﺘﺒﺎﻗﻮﺍ ﻭﻣﺸﺮﺑﻜﻴﻦ
_ ﺑﺎﻟﻀﺒﻂ ﻛﺪﺍ ﻭﺑﺮﺿﻮ ﻣﻤﻜﻦ ﺗﻘﻮﻝ ﺧﺎﻟﻮ ﻛﻤﺎﻥ ﺍﻣﻮ ﺍﻗﺮﺏ ﻟﻲ ﻣﻦ ﺍﺑﻮﻫﻮ
_ ﻳﺎ ﺳﻴﺪﻱ ﻋﻤﻮ ﺧﺎﻟﻮ ﻛﻠﻮ ﻭﺍﺣﺪ ﺍﻟﻤﻬﻢ ﻫﻮ ﻣﻨﻚ ﻭﻓﻴﻚ ، ﻳﻠﻼ ﺍﻧﺤﻜﻲ ﻟﻴﻚ ﻋﻦ ﺍﻟﻨﺎﺱ ﺍﻟﻤﺒﺎﺭﻳﻬﻢ ﻋﺒﺎﺱ ﻭﺳﺒﺐ ﻣﺒﺎﺭﺍﺗﻮ ﻟﻴﻬﻢ ﻭﺍﺑﺪﺍ ﻟﻴﻚ ﺑﺎﻟﻨﺠﻮﻣﻲ ﻻﻧﻮ ﺯﻱ ﻣﺎ ﺗﻘﻮﻝ ﻫﻮ ﺍﻟﺒﺪﺍﻳﺔ ﺍﻭ ﻫﻮ ﺍﻟﺴﺒﺐ ﺍﻟﺮﺋﻴﺴﻲ
_ ﻣﻌﻠﻴﺶ ﻗﺒﺎﻝ ﻣﺎ ﺗﻮﺭﻳﻨﻲ ﺩﻳﻞ ﺩﺍﻳﺮﻙ ﺗﻮﺭﻳﻨﻲ ﺍﻧﺖ ﻟﻴﻪ ﺍﺩﻳﺖ ﻋﺒﺎﺱ ﻣﻴﺔ ﺃﻟﻒ ﻭﻟﻴﻪ ﺧﺘﻴﺘﻬﺎ ﻓﻲ ﺷﻨﻄﺘﻮ ﻭﻣﺎ ﻛﻠﻤﺘﻮ ﺑﻴﻬﺎ
_ ﺟﺎﻳﻴﻚ ﻓﻲ ﺍﻟﻜﻼﻡ ﺍﻛﺎﻥ ﺻﺒﺮﺕ ﻟﻲ ﻭﺍﻧﺎ ﺑﺪﻳﺖ ﻟﻴﻚ ﺑﺎﻟﻨﺠﻮﻣﻲ ﻻﻧﻮ ﻫﻮ ﺑﺪﺍﻳﺔ ﻛﻞ ﺷﻲ ﻭﺩﺍﻳﺮ ﺍﻭﺭﻳﻚ ﺣﺎﺟﺎﺕ ﻋﺒﺎﺱ ﺯﺍﺗﻮ ﻣﺎ ﻋﺎﺭﻓﻬﺎ
_ ﺗﻤﺎﻡ ، ﺧﻼﺱ ﺍﺣﻜﻲ ﻭﺍﻧﺎ ﺗﺎﻧﻲ ﻣﺎ ﺑﻜﺎﻃﻌﻚ
ﻗﺒﺎﻝ ﺍﻟﺘﺎﺝ ﻳﺤﻜﻲ ﺍﻟﺒﺎﺏ ﺩﻕ ﻭﻣﺸﻰ ﻓﺘﺤﻮ ﻟﻘﺎﻫﻮ ﺩﺍ ﺍﻟﻨﺠﻮﻣﻲ ﺍﺗﻔﻀﻞ ﺍﺗﻔﻀﻞ ﻭﺩﺧﻞ ﻭﺍﻟﺘﺎﺝ ﻗﺮﺹ ﻟﻌﻤﺮ ﻭﺩ ﺍﻟﻀﻮ ﻭﻟﻮﻟﺢ ﺭﺍﺳﻮ ﻣﻦ ﻏﻴﺮ ﻣﺎ ﺍﻟﻨﺠﻮﻣﻲ ﻳﻨﺘﺒﻪ ﻟﻴﻬﻮ
ﺍﻟﻨﺠﻮﻣﻲ ﺳﻠﻢ ﻋﻠﻲ ﻋﻤﺮ ﻭﻗﺎﻝ ﻟﻴﻬﻮ ﺍﻧﺎ ﺍﻟﻨﺠﻮﻣﻲ ﻭﻋﻤﺮ ﻋﺎﻳﻦ ﻓﻲ ﺍﻟﺘﺎﺝ ﻭﺍﻟﺘﺎﺝ ﻃﻮﺍﻟﻲ ﺩﺧﻞ ﻓﻲ ﺍﻟﻜﻼﻡ ﻭﻗﺎﻝ ﻟﻠﻨﺠﻮﻣﻲ ﺩﺍ ﻋﻤﺮ ﺍﺧﻮ ﻃﻪ ﺍﻟﺴﺎﻳﻖ ﻟﻲ ﺍﻟﺒﺺ ﺣﻖ ﺑﻮﺭﺳﻮﺩﺍﻥ ﻭﻫﻮ ﺯﺍﺗﻮ ﺳﻮﺍﻕ
ﺍﻟﻨﺠﻮﻣﻲ ﺍﺧﺪ ﻗﻌﺪﺗﻮ ﻣﻌﺎﻫﻢ ﻭﻭﻧﺴﺔ ﻋﺎﻣﺔ ﻣﺎ ﻓﻴﻬﺎ ﺍﻱ ﻣﻮﺿﻮﻉ ﻭﺑﻌﺪ ﺳﺎﻋﺔ ﻓﺎﺕ ﺑﺲ ﻣﺎ ﻣﺼﺪﻕ ﺍﻟﺘﺎﺝ ﻻﻧﻮ ﺍﻧﺘﺒﻪ ﻟﻠﺘﺎﺝ ﻟﻤﻦ ﻗﺮﺹ ﻟﻌﻤﺮ ﻭﻋﻤﻞ ﻓﻴﻬﺎ ﻣﺎ ﻣﻨﺘﺒﻪ
ﻋﺒﺎﺱ ﺭﺍﺳﻮ ﺩﺍﻳﺮ ﻳﺘﻔﺮﻃﻖ ﻣﻦ ﺍﻟﺤﻴﺮﺓ ﻭﺍﻟﺘﻔﻜﻴﺮ ﻭﺷﺎﻑ ﺭﻭﺣﻮ ﻭﺭﻁ ﻧﻔﺴﻮ ﻭﻣﺸﻰ ﻓﻲ ﺩﺭﺏ ﺑﻮﺩﺭﻭ ﺑﻮﺩﺭﻭ ﻭﻃﺒﻖ ﻛﺮﺗﻮﻧﺘﻮ ﻭﺍﺗﺨﺎﺭﺝ ﺑﺮﺍﺣﺔ ﻣﻦ ﺍﻟﺪﻳﻮﺍﻥ ﻭﻻ ﻋﺎﺭﻑ ﻳﻘﺒﻞ ﺷﺮﻕ ﻻ ﻏﺮﺏ ﺑﺲ ﺩﺍﻳﺮ ﻳﺒﻌﺪ ﻣﻦ ﺍﻟﺤﻠﺔ ﺩﻱ ﺑﺲ ﻭﺿﺮﺏ ﺍﻟﺨﻼﺀ ﻭﺃﺧﺪ ﻟﻴﻬﻮ ﺟﺮﻳﺔ ﻣﺴﺎﺍﺍﺍﻓﺔ ﻻﻧﻮ ﺍﻟﺪﻧﻴﺎ ﻟﻴﻞ ﻭﺿﻼﻡ ﻭﻛﺎﻥ ﺧﺎﻳﻒ ﻭﺑﻌﺪ ﺑﻘﻰ ﺑﻌﻴﺪ ﻣﻦ ﺣﻠﺔ ﻧﺎﺱ ﺍﻟﻬﺎﺩﻱ ﺣﺘﻴﻦ ﻭﻗﻒ ﻣﻦ ﺍﻟﺠﺮﻱ ﻭﻣﺎﻓﻲ ﺯﻭﻝ ﻏﻴﺮﻭ ﻓﻲ ﺍﻟﺪﺭﺏ ﺑﺲ ﺗﺮﻉ ﻭﺣﻮﺍﺷﺎﺕ ﻭﺿﻼﻡ
ﺍﻟﻨﺠﻮﻣﻲ ﺑﻌﺪ ﻓﺎﺕ ﺍﻟﺘﺎﺝ ﻗﺎﻝ ﻟﻌﻤﺮ ﺩﺍ ﺍﻟﻨﺠﻮﻣﻲ ﻟﻮ ﺍﺗﺬﻛﺮﻧﺎ ﺷﻨﻮ ﺩﺍﻙ ﻣﺎ ﻛﺎﻥ ﺟﺎﺀ
_ ﻳﻨﺸﺎﻑ ﺯﻭﻝ ﻓﺎﻫﻢ ﻭﻛﻮﻳﺲ ﻭﻭﺟﻴﻪ ﻭﺟﻨﺘﻞ
_ ﺳﻤﺎﺣﺔ ﺟﻤﻞ ﺍﻟﻄﻴﻦ ، ﺩﺍ ﺗﺎﺟﺮ ﻣﺨﺪﺭﺍﺕ ﻳﺎﺥ ﻳﻠﻼ ﻧﺮﺟﻊ ﻟﻤﻮﺿﻮﻉ ﻋﺒﺎﺱ ، ﺍﻟﻨﺠﻮﻣﻲ ﺩﺍ ﻋﻨﺪﻭ ﺩﻛﺎﻥ ﻓﻲ ﺍﻟﺸﻌﺒﻲ ﺍﻟﻔﻴﻬﻮ ﻋﺒﺎﺱ ﻭﻋﺒﺪ ﺍﻟﻘﻴﻮﻡ ﻫﺴﻲ ﺩﺍ ﻭﺍﻧﺎ ﺍﺷﺘﺮﻳﺘﻮ ﻣﻨﻮ ﻭﺍﺷﺘﺮﻳﺘﻮ ﻏﺎﻟﻲ ﺷﺪﻳﺪ ﺍﻟﻤﻬﻢ ﻣﺎ ﺩﺍ ﻣﻮﺿﻮﻋﻨﺎ ، ﻭﺍﻳﺎﻡ ﺑﺴﺘﻠﻢ ﻓﻲ ﺍﻟﺪﻛﺎﻥ ﻋﺒﺎﺱ ﺷﺎﻛﻠﻮ
_ ﺍﻟﺸﻜﻠﺔ ﻋﺎﺭﻓﻬﺎ ﻭﻋﺒﺎﺱ ﺣﻜﺎﻫﺎ ﻟﻲ ﺧﻠﻬﺎ ﻭﺣﺘﻰ ﺩﺍ ﻟﻤﻦ ﻗﺎﻝ ﺑﻀﺮﻭ ﻛﻠﻮ ﻋﺎﺭﻓﻮ ﻭﻣﻘﺎﺑﻠﺘﻮ ﻟﻔﺮﺡ ﻓﻲ ﻣﺪﻧﻲ ﻭﺟﺎﺀ ﺧﻮﻑ ﺩﺍ ﻭﺑﻌﺪﻭ ﻣﻨﻬﻢ ﺩﺍ ﻛﻠﻮ ﻋﺒﺎﺱ ﻛﻠﻤﻨﻲ ﺑﻴﻬﻮ
_ ﻳﻠﻼ ﺍﻻﻧﺖ ﻣﺎ ﻋﺎﺭﻓﻮ ﺍﻧﻮ ﻓﺮﺡ ﻛﻀﺎﺏ ، ﻭﻏﺎﺷﻲ ﻋﺒﺎﺱ ﺑﺈﻧﻮ ﻋﺴﻜﺮﻱ ﻭﻓﻲ ﺍﻟﻤﺒﺎﺣﺚ ﻭﺍﻧﻮ ﺧﻮﻑ ﺍﻟﻨﺠﻮﻣﻲ ﻭﺑﻌﺪﻭ ﻣﻨﻮ ﻭﺍﻧﻮ ﻫﻮ ﻋﺎﺩﻳﻬﻮ ﺍﺧﻮﻫﻮ ﺍﻟﺼﻐﻴﺮ ﻭﻭﻭﻭﻭﻭ ... ﻭﺣﺎﻟﻴﺎ ﺑﺒﺘﺰﻭﺍ ﻓﻲ ﻋﺒﺎﺱ ﻭﺑﺴﺘﻐﻠﻮﺍ ﻓﻴﻬﻮ ﻭﻣﺎ ﺑﻌﻴﺪ ﻋﺒﺎﺱ ﻳﻜﻮﻥ ﻗﺎﻋﺪ ﻳﻮﺩﻱ ﻟﻴﻬﻢ ﺍﻟﻤﺨﺪﺭﺍﺕ ﻣﺪﻧﻲ ﻭﻟﻼ ﺍﻱ ﻣﺪﻳﻨﺔ ﺗﺎﻧﻴﺔ ﻭﻫﺴﻲ ﺩﻱ ﺍﻟﻠﻴﻠﺔ ﺍﻟﺘﺎﻟﺘﺔ ﻭﻫﻮ ﻣﺎ ﻇﻬﺮ ﻭﺑﺎﻛﺮ ﺍﻟﻴﻮﻡ ﺍﻟﺮﺍﺑﻊ
_ ﻋﺒﺎﺱ ﺍﻛﺎﻥ ﻛﺪﺍ ﺍﺗﻮﺭﻁ ﺁ ﺍﻟﺘﺎﺝ ﺍﺧﻮﻱ
ﻋﺒﺎﺱ ﻓﻲ ﺍﻟﺨﻼﺀ ﺩﺍﻙ ﻃﺎﺑﻲ ﺍﻟﻜﺮﺗﻮﻧﺔ ﻭﺷﺎﻗﻲ ﺍﻟﺤﻮﺍﺷﺎﺕ ﻣﺮﺍﺕ ﻳﻤﺸﻲ ﻋﻠﻲ ﻣﻬﻠﺘﻮ ﻭﻳﺸﻴﻞ ﻭﻳﺘﻠﻔﺖ ﻭﻣﺮﺍﺕ ﻟﻤﻦ ﻳﺤﺲ ﺑﺎﻟﺨﻮﻑ ﻳﺎﺧﺪ ﻟﻴﻬﻮ ﺟﺮﻳﺔ ﺑﺄﻗﻮﻯ ﻣﺎ ﻋﻨﺪﻭ ﻭﻋﻄﺶ ﻋﻄﺶ