أشعار وئام كمال الدين
والكيف ما بن ،،
ما قهوة وشاي،،،
الكيف،،،
همسات من صوتك سااي...
يا زول ،،،
محسوس حوشك بالريد جواي
مرشوش،،،
اتفضل شوف هل عندك رأي
وانا لسة بقول الكيف ما شاي
الكيف همسات من صوتك ساي..
من مدة إيدك بالإحساس
شايل الفنجان قاصدني وجاي
من حس الريد الفيك غناي
من لون عينيك الفيهو دواي
يا زولي مناي ما تمد ل زول
شربني براااي ،،
نكهات الشاي ،،،
طقات البن،،،
دقات الفندق فيها أساي
كلها مكبوكبة قصاد عينيك،،
أرحمني كفاي
قريفت الشاافع في الاحساس اصببح
خرمان وعليك بكاي
والكيف ما بن،،
ما قهوة وشاي ،،،
الكيف،،،
همسات من صوتك ساي ،،

وانا رغم كل تجريح هواك
بتمنى ليك كل السمح
ولا حتى ندمان يوم عليك
شأن يوم خسرتك كان ربح
وقليبي لو حارقو الفراق
خليييهو يتووجع سممممح
سواها في روووحو وقعد
الليله بشكي من الجرررح
_____________________________

ﺍﻟﻈﺮﻭﻑ ﺩﺍﻳﻤﺎ ﺑﺘﺠﺒﺮ
ﻭﻧﺤﻦ ﺣﺎﻛﻤﺎﻧﺎ ﺍﻻﺭﺍﺩﺓ
ﻣﺎﻓﻲ ﺯﻭﻝ ﻟﻲ ﻧﻔﺴﻮ ﻳﻘﺪﺭ
ﺑﻜﺘﺐ ﺍﻟﺨﻴﺮ ﻭﺍﻟﺴﻌﺎﺩﺓ
ﻛﻴﻒ ﺗﻜﻮﻥ ﺍﺣﻼﻣﻨﺎ ﻭﺍﻗﻊ
ﻭﺍﻟﻌﻴﻮﻥ ﻋﺸﻘﺖ ﺳﻬﺎﺩﺓ
ﻭﺍﻟﻘﻠﻮﺏ ﻛﻴﻔﻦ ﺗﺤﻘﻖ
ﻟﻲ ﺍﻣﺎﻧﻴﻬﺎ ﻭﻣﺮﺍﺩﺓ
ﻭﻧﺤﻦ ﻋﺎﻳﺸﻴﻦ ﻓﻲ ﻣﺴﻠﺴﻞ
ﻛﻞ ﻳﻮﻡ ﺣﻠﻘﺎﺕ ﻣﻌﺎﺩﺓ
ﺩﺍﻙ ﻣﺴﺎﻓﺮ ﻭﺩﺍﻙ ﺭﺍﻗﺪ
ﻭﺩﺍﻙ ﻣﺮﻳﺾ ﻭﺩﻭ ﺍﻟﻌﻴﺎﺩﺓ
ﺑﺎﻟﻌﻠﻴﻨﺎ ﺑﻘﻴﻨﺎ ﻧﺴﺮﺡ
ﻭﺍﻟﺴﻨﻴﻦ ﻓﺎﻗﺪﻳﻦ ﻋﺪﺍﺩﺓ
ﻭﻟﻮ ﺳﺄﻟﻨﺎ ﺍﺳﺒﺎﺏ ﻇﺮﻭﻓﻨﺎ
ﺳﺆﺍﻟﻨﺎ ﻳﺒﻘﺎ ﺳﺆﺍﻝ ﺑﻼﺩﺓ
ﺍﻟﻔﺮﺡ ﻣﻴﺰﺍﻧﻮ ﻧﺎﻗﺺ
ﻭﻓﻲ ﺍﻟﺤﺰﻥ ﻣﺎﺧﺪﻳﻦ ﻫﻮﺍﺩﺓ
ﻭﺍﻟﻌﻤﺮ ﻣﺤﺴﻮﺏ ﻣﻘﺪﺭ
ﺩﻳﻤﻪ ﻳﻨﻘﺺ ﺑﺎﻟﺰﻳﺎﺩﺓ
ﻭﺍﻟﺨﻠﻮﻕ ﻓﻲ ﺍﻟﺪﻧﻴﺎ ﺟﺎﺭﻳﺔ
ﻓﺎﻛﺮﺍ ﺍﻧﻮ ﺍﻟﻤﺎﻝ ﺳﻌﺎﺩﺓ
ﻭﻧﺎﺳﻴﻪ ﺍﻧﻮ ﺍﻟﻤﻮﺕ ﻗﺮﻳﻴﺐ
ﻭﻣﺎﻫﺎ ﺷﺎﻳﻠﺔ ﻣﻌﺎﻫﺎ ﺯﺍﺩﺓ

ﺇﻟﻴﻚ ‏( ﺇﺫﺍ ﻓﺎﺿﻲ ﻃﺒﻌﺎ ‏)
ﺗﻌﺎﻝ ﻧﺘﻘﺎﺳﻢ ﺍﻟﻨﺠﻤﺎﺕ
ﻭﻧﺘﺸﺎﺭﻙ ﺣﺪﻭﺩ ﺍﻟﻜﻮﻥ
ﺃﺷﻜﻞ ﻛﻠﻮ ﻛﺎﺋﻦ ﻓﻴﻚ
ﻭﻣﻦ ﺣﺰﻣﺔ ﺑﻴﺎﺽ ﺍﻟﻠﻮﻥ
ﺗﻜﻮﻥ ﻟﻮﻥ ﺍﻟﻬﺪﻭﺀ ﻓﻴﻨﻲ
ﻭ ﺃﻛﻮﻥ ﻟﻴﻚ ﻟﻮﻧﻚ ﺍﻟﻤﺠﻨﻮﻥ
ﺇﺫﺍ ﻛﺎﻥ ﺍﻟﺨﻴﺎﺭ ﻣﻄﺮﻭﺡ
ﻭﻛﻞ ﻣﻜﺘﻮﺏ ﻣﺼﻴﺮﻭ ﻳﻜﻮﻥ
ﻓﻤﺎ ﺑﻴﻦ ﺍﻟﺤﻴﺎﺩ ﺍﻟﺼﺮ
ﻭﺑﻴﻦ ﺍﻟﻜﺎﻑ ﻭﺣﺮﻑ ﺍﻟﻨﻮﻥ
ﺇﺭﺍﺩﺓ ﻃﺒﻌﻚ ﺍﻟﺠﺎﻣﺢ
ﻭ ﺭﻏﺒﺔ ﻋﻘﻠﻚ ﺍﻟﻤﻔﺘﻮﻥ
ﻛﻼﻣﻚ ﻓﻲ ﺍﻟﺨﻴﺎﻝ ﺑﻴﻠﻮﺡ
ﻳﺴﺮﺏ ﻟﻲ ﻏﻨﺎﻙ ﺣﻨﻮﻥ
ﺑﺨﺎﻑ ﻣﻦ ﺍﻟﺴﻜﺎﺕ ﻟﻮ ﺣﺎﻡ
ﻳﻬﺮﺏ ﻟﻲ ﺩﻭﺍﺧﻠﻲ ﻇﻨﻮﻥ
ﻭﺣﺎﺓ ﺍﻟﺒﻴﻨﺎ ﺃﻭﻋﺎ ﺗﺼﻦ
ﻭﻣﺎ ﺗﺤﻮﻝ ﺿﺠﻴﺠﻲ ﺳﻜﻮﻥ
ﺗﻌﺎﻝ ﻣﺎﺗﻔﻮﺕ ﻭﺧﻠﻲ ﺍﻟﺒﺎﻝ
ﻭﻣﺎﺗﻜﻮﻥ ﻟﻠﻬﻤﻮﻡ ﻣﺎﻋﻮﻥ
ﻭﻻ ﺗﺨﺖ ﻟﻮﻡ ﻋﻠﻲ ﺃﻭﺯﺍﻥ
ﻋﻮﺍﻟﻢ ﻛﻴﻼ ﻣﺎ ﻣﻀﻤﻮﻥ
ﺇﺫﺍ ﻣﺎ ﻃﻔﻒ ﺍﻟﻤﻴﺰﺍﻥ
ﻛﻔﺎﻱ ﺣﺲ ﻛﻔﺘﻚ ﻣﻮﺯﻭﻥ

ﺷﺮﻕ - ﺣﺮﻑ ﺍﻟﻜﻼﻡ ﺣﻠﻘﻲ
- ﺷﺮﻕ - ﺭﻳﺪ ﺍﻟﻤﺤﻨﺔ ﺻﺒﺎﺡ ....
- ﻃﺒﻖ - ﺳﻠﻤﺖ ﻓﻴﻮ ﻗﻠﺒﻲ
ﻭ - ﻃﺒﻖ - ﻫﺠﺮﻙ ﻛﻼﻣﻲ ﺍﻟﺮﺍﺡ .....
- ﻋﺠﻦ - ﺣﺴﻨﻚ ﺍﺣﺎﺳﻴﺴﻲ
ﻭ - ﻋﺠﻦ - ﻏﻨﺠﻚ ﻣﻼﻧﻲ ﺟﺮﺍﺡ ......
- ﻧﺼﻴﺢ - ﺍﻧﺎ ﺭﻏﻢ ﺟﻨﻲ ﺍﻟﺒﻲ
- ﻧﺼﻴﺢ - ﺍﻧﺎ ﻭﺍﻟﻬﻢ ﺍﻟﻨﻮﺍﺡ .........
- ﺑﺮﻳﺪﻙ - ﺑﺤﺖ ﺑﻲ ﺣﺒﻲ
ﻭ - ﺑﺮﻳﺪﻙ - ﺑﺎﻟﺴﻼﻡ ﻣﺎ ﺑﺎﺡ .........
ﻭ - ﺃﻛﻴﺪ - ﺑﺎﻟﻠﻘﻴﺎ ﻋﺰﺍﻟﻲ
ﻭ - ﺃﻛﻴﺪ - ﺃﻧﺎ ﺑﻲ ﻟﻘﺎﻙ ﺑﺮﺗﺎﺡ .........
ﻭ - ﺑﺴﺘﻨﺎﻛﺎ - ﻓﻲ ﺍﻟﻤﻴﻌﺎﺩ
ﻭ - ﺑﺲ ﺗﻨﺎﻛﺎ - ﻗﻤﺮﻱ ﺍﻟﻼﺡ ........
- ﺃﺳﻴﻞ - ﺗﺘﺪﻓﻖ ﺃﺷﻮﺍﻗﻲ
ﻭ - ﺃﺳﻴﻞ - ﺧﺪﻙ ﺗﻘﻮﻝ ﻣﺼﺒﺎﺡ ........
ﻭ - ﺃﺭﺍﺿﻴﻚ - ﻭﺍﻧﺖ ﺗﻘﺴﻰ ﻋﻠﻲ
ﻭ - ﺍﺭﺍﺿﻴﻚ - ﺩﻭﻧﺎ ﻣﺎﻓﻲ ﺑﺮﺍﺡ ..........
- ﺳﺤﺮ - ﺿﻠﻢ ﻛﺤﻞ ﻋﻴﻨﻴﻚ
- ﺳﺤﺮ - ﻋﻴﻨﻲ ﻭﻟﻴﺎ ﺍﺟﺘﺎﺡ ..........
- ﺭﻗﻴﻖ - ﻟﺤﻈﻚ ﺃﺳﺮﻧﻲ ﺑﻘﻴﺖ
- ﺭﻗﻴﻖ - ﺭﻣﺸﺎ ﻛﺤﻴﻞ ﺿﺒﺎﺡ ..........
ﻭ - ﻧﻮﺭ - ﻧﻮﺭ ﺿﻼﻡ ﺍﻟﻌﻴﻦ
ﻭ - ﻧﻮﺭ - ﺃﺯﻫﺎﺭﻙ ﺍﻟﻔﻮﺍﺡ .........
- ﺑﺮﻭﻕ - ﻟﻮ ﻣﺮﺓ ﺗﻄﺮﺍﻧﻲ
ﻭ - ﺑﺮﻭﻕ - ﻧﻮﺭﻙ ﺗﻠﻮﺣﻠﻲ ﻟﻮﺍﺡ ..........
- ﻭﻻ ﻣﻦ ﺫﻛﺮﻳﺎﺗﻲ ﺍﻟﺒﻮﺡ ....
- ﻭﻻﻣﻦ ﺟﻴﺖ ﺃﺑﻮﺡ ﺑﺼﺮﺍﺡ ...
- ﺷﺮﻕ ﺣﺮﻑ ﺍﻟﻜﻼﻡ ﺣﻠﻘﻲ ...
- ﻭﺷﺮﻕ ﺭﻳﺪ ﺍﻟﻤﺤﻨﺔ ﺻﺒﺎﺡ ..
.
.
ﻭﺋﺎﻡ ﻛﻤﺎﻝ ﺍﻟﺪﻳﻦ

لايقة عليك الغيرة

لايقة عليك يا غالي الغيرة ..
واللهفة الجواك أسيرة ..
والبسمة البتكابر رسمت ..
في عينيك معاني الحيرة ..

لايقة عليك نظرات الدهشة ..
والأشواق الشايلة الرعشة ..
واللفتة البتفتش عني ..
كل ما يزيد البين الوحشة ..

بس عينيك الما بتخبي ..
غيرتك وشوقك وتعلن حبي ..
بتناديني وليها بلبي ..
و وحدك إنت الساكن قلبي ..

ومايعكر صفوك عزالك ..
و أوعى يغيب في يوم عن بالك ..
إني بغير أنا اكتر منك ..
من أطيافك وحتى ظلالك ..

وأنا جارفني الشوق الحارق ..
والريد البتشابى ويتاوق ..
ليك في كل مكان تمشيهو ..
وكل الدونك جد ما فارق ..

#وئام_كمال_الدين

في عز الضلمة السايقة الشوف لاعبت الأمل البتغابى ..
شاغلت الضفة بريد النيل وزرعت الحب في تيرابا ..
جنيات الحلم الما معروف كت ليها بتاوق وإتشابى ..
ونافرات الطيف المرو سريع شراكا أني ومو نشابا ..

البذرة المن شجرتك حنك دسدستها في جيوب الضفة ..
والنيل البيدفق منك ساقيها مع الأمل العفة ..
لو يوم في خطوة بعيد عنك اختل الميزان والكفة ..
خليك متاكد انو محال في غير روحك أحس الإلفة ..
هي الروح من غير أطيافك كيف لي غيرك تفتح أبوابا ..

غلطان السيل الهد الطين والمطر الخالف كلو كلام ..
و تقاوى الزرع البي التحسين ما أدى فروضو لهذا العام ..
والزاد الطين في بلتو لين الفوضى العمت كل نظام ..
والمال العادى الحال المال والحال المال في المال العام ..
ده الهجر مننا كل حنين والغربة عليك ترمي عتابا ..

فتران الصوت الجافى صداك وبراك الفي صوتو مروة ..
محتار وين راح إحساس الخير جوانا ومين قتل الخوة ..
كيف وصلت بينا الحال للخوف وين حسن الشاطر شن سوا ..
متحللة جثة هذا الجوف من سرقة عصب الصوت عنوة ..
نجماتو بقت فوق كف عفريت وبريقا الآفل ماضوا ..
وآمالو سراب في راحة ريح تلعبها طرة ولا كتابة ..

شربانة مسامات الذكرى بي صورة المطبعة والمصنع ..
ووعود في الخاطر مطمورة ..
مابين ناكل مما نزرع ونسود نحن العالم أجمع
ونعمر هذه المعمورة ..
والحلم البيكبر يوماتي والهم الجوانا اتربع ..
وآمالنا الدايما مشرورة ..
العشق البين القيف والنيل بالطلقة الحلفت ماترجع مظلومة بنيتو ومقهورة ..
لا جاها مع التيار جواب لاجاتا من المحبوب صورة ..
لا شافت خير في خطابا ..

ماسنين راجياهو يعدل الميل ويداوي جروح كل أحبابا ..
يا حليلو براهو الكان بيقول للأعوج أعوج قدامو ولخشوم الباطل كضابة ..
و كضاب يا بعيو كيفن بتقول يوم داك وكت كت في الغابة ..
صارعت الأسد الجاك جيعان وقتلتو براك بالدرابة ..
ياحليل الغابة وأصحابا ظلموها الخلة و أغرابا ..
ماسنين تتمطق طعم الدم ووطي النيران والدبابة ..
وانا لسع بنده كنت عليك ..
شان كنت بشوف براق عينك في الخلوة وشيخا وطلابا ..
في بيوت الطين ووشوش الخير ومسيدنا ونار التقابة ..
عرق العمال والإيد في الإيد والناس المليانة طيابة ..
والسمحة تدور بتفتش فيك ..
ياحسن الشاطر أيا يابا ..
ماشفتو أبوي ياجلابة ..
صوتو الوروار ياجلابة ..
خيلو الهدار ياجلابة ..
سيفو البتار ياجلابة ..
سنونو الدقة ياجلابة ..
وخاتمو الفضة ياجلابة ..

#وئام_كمال_الدين

تم الإرسال من خلال التطبيق Topic'it

ﻗﺒﺎﻝ ﺗﺨﺶ ﺍﻻﻣﺘﺤﺎﻥ
ﺃﻋﺮﻑ ﻣﻘﺎﻳﻴﺲ ﺭﺳﻤﻨﺎ
ﺭﺍﺟﻊ ﺍﺷﺎﺭﺍﺕ ﺷﻮﻗﻨﺎ ﻟﻴﻚ
ﻭﺍﺣﻔﻆ ﺟﺪﺍﻭﻝ ﺿﺮﺑﻨﺎ
ﻭ ﺍﻛﺘﺐ ﺑﺪﻝ ﺭﻗﻢ ﺍﻟﺠﻠﻮﺱ
ﺗﺎﺭﻳﺦ ﺑﺪﺍﻳﺔ ﺣﺒﻨﺎ
ﻭﺍﻋﺮﻑ ﺗﻔﺎﺿﻞ ﺭﻳﺪﻧﺎ ﻛﻴﻒ
ﻗﺒﺎﻝ ﺗﻜﺎﻣﻞ ﺣﻠﻤﻨﺎ
ﺫﺍﻛﺮ ﺗﺒﺎﺩﻳﻞ ﺍﻟﻐﺮﺍﻡ
ﻭﺃﺣﺮﺱ ﺗﻮﺍﻓﻴﻖ ﺭﺑﻨﺎ
ﻧﺴﻖ ﻣﻘﺎﻡ ﺣﺐ ﺍﻟﻔﺮﺡ
ﻭﺍﻗﺴﻢ ﻋﻠﻲ ﺑﺴﻂ ﺍﻟﻤﻨﻲ
ﺧﻠﻲ ﺍﻟﻮﻓﺎﺀ ﻫﻮ ﻳﻜﻮﻥ ﺍﺳﺎﺱ
ﻭﺍﻻﺱ ﻫﻮ ﺣﺎﺻﻞ ﺟﻤﻌﻨﺎ
ﺃﻧﺴﺎﻩ ﺍﺣﺪﺍﺛﻲ ﺍﻟﺤﺰﻥ
ﻭﺍﻋﺰﻑ ﻋﻠﻲ ﻭﺗﺮ ﺍﻟﻐﻨﺎﺀ
ﻣﺎﻻﻧﻬﺎﻳﺔ ﺷﻮﻗﻲ ﻟﻴﻚ
ﻣﻀﺮﻭﺑﺔ ﻓﻲ ﺣﺒﻲ ﺍﻟﻬﻨﺎ
ﺗﺪﻳﻚ ﻋﺸﻖ ... ﺗﺪﻳﻚ ﺍﺳﻢ
ﻛﻞ ﻳﻮﻡ ﻫﻮ ﺟﺎﺭﻱ ﻓﻲ ﺩﻣﻨﺎ
ﻭﻟﻮ ﻛﺎﻥ ﻏﻠﻂ ﺍﻗﺴﻢ ﻋﻠﻲ ﺍﻛﺒﺮ ﻋﺪﺩ
ﺑﺪﻳﻚ ﺣﺎﺟﺔ ﺗﻠﻤﻨﺎ
ﻭﻟﻮ ﻛﺎﻥ ﻏﻠﻂ ﻳﺒﻘﻲ ﺍﻟﻐﻠﻂ
ﻣﻦ ﺍﻻﺳﺎﺱ ﻣﺎ ﻣﻨﻨﺎ
ﺑﺮﺟﻊ ﺑﻘﻮﻝ . ..
ﺍﻟﺮﻳﺪ ﻫﻮ ﻟﻮ ﺗﺤﺖ ﺍﻟﺠﺰﺭ √ ﻣﺎﺑﻬﻤﻨﺎ
ﻣﺎﻫﻮ ﺍﻟﺠﺰﺭ √ ﻳﻤﻜﻦ ﻳﻜﻮﻥ ﺗﺮﺑﻴﻊ ﻋﺪﻳﻞ
ﻭﺍﻟﺰﺍﻭﻳﺔ ﺑﺼﺒﺢ ﺻﺎﻳﻨﻬﺎ sin
ﺣﺘﻲ ﺍﻟﺸﺠﺮ ﺑﺪﻳﻨﺎ ﺗﺎﻥ tan
ﻭﺍﻟﺮﻳﺪﺓ ﻧﺤﻦ ﻛﻮﺳﺎﻳﻨﺎ cos
ﻣﺎ ﺍﻧﺖ ﻗﻴﻤﺘﻚ l ﻣﻄﻠﻘﺔ l
ﻭﺍﻟﻌﺎﻳﺰﺓ ﺍﺣﺼﺎﺀ ﻣﺪﻭﻧﺔ
ﻭﻧﺤﻦ ﺍﺧﻼﻕ ﺍﻟﺤﺒﻴﺐ
ﻣﺮﻓﻮﻋﺔ ﻻﺱ ﺍﻟﺠﻤﺎﻝ ﺑﺘﻬﻤﻨﺎ
ﺣﻨﺮﺹ ﻣﺠﺎﻫﻴﻞ ﺍﻟﻬﻴﺎﻡ
ﻭﺍﻟﻌﺎﻳﺰﺓ ﻭﺯﻧﺔ ﺑﻨﻮﺯﻧﻬﺎ
ﻭﻧﺠﻴﺒﻮ ﻣﻔﻜﻮﻙ ﺍﻟﺤﻴﺎﺓ
ﻭﻧﻌﻴﺶ ﻣﻀﺎﺭﻳﺐ ﻋﻤﺮﻧﺎ
ﻭﻧﻜﻮﻥ ﻓﻲ ﻣﺼﻔﻮﻓﺎﺕ ﻓﺮﺡ
ﻋﻤﻮﺩ ﺳﻌﺎﺩﺓ ﻭﺻﻒ ﻫﻨﺎ
ﻭﺣﻨﺠﻴﺒﻬﺎ ﺍﺳﺎﺕ ( A ) ﻓﻲ ﺍﻟﻌﻠﻢ
ﻭﺍﻻﻑ ( F ) ﻣﺤﺎﻝ ﻳﺠﻲ ﺟﻨﺒﻨﺎ
ﻣﺎ ﻧﺤﻦ ﺧﺼﻴﺼﻴﻦ ﺣﺴﺎﺏ
ﻭﺍﻭﻋﺎﻙ ﺗﻘﻮﻝ ﺑﺮﻟﻤﺘﻨﺎ
ﻭﻟﻮ ﺍﻧﺖ ﻋﺎﻳﺰ ﺍﻟﺮﻳﺪﺓ ﺟﺪ
ﻓﺘﺶ ﺿﻠﻮﻋﻨﺎ ﺍﻟﻔﻲ ﺍﻟﺸﻤﺎﻝ
ﻭﺍﺿﺮﺏ ﻓﻲ ﻣﻮﺟﺐ ﺃﺳﻨﺎ
ﻭﺍﺳﻤﻊ ﻛﻼﻣﻲ ﺍﻟﻘﻠﺘﻮ ﻟﻴﻚ
ﻭﺃﺟﻤﻊ ﻗﺒﻞ ﻧﺺ ﺍﻟﺰﻣﻦ
ﺣﺘﻜﻮﻥ ﺑﺮﻭﻑ ﻓﻲ ﺣﺒﻨﺎ

تم الإرسال من خلال التطبيق Topic'it

أنا والأشواق والريد والبين
واللهفة الدايما ماليانا ..
في حضرة طيفك متلمين
مرات إحساسك بغشانا ..

فتحنا جروحنا و كل ما تبين
الذكرى الدايما لامانا ..
نعزما تتفضل مبتسمين
وحبابا بتسعد نجوانا ..

أها لامن مر علينا حنين
وعزمناهو القعدة معانا ..
كل ما يشرح كيف مشتاقين
أشواقك تضحك غامرانا ..

وبدينا الونسة خشم خشمين
قام دق النوم بابنا وجانا ..
دخل طيفك جوة العينين
إتخيل خلانا برانا !!! ..

و أنا عشت معاك في حلمي سنين
وبنيت في الأحلام دنيانا ..
والشوق والحن والكل عارفين
بي حال الريدة الظالمانا ....

لو مرة تفكر إنو تلين
وتراضي رؤانا العشمانة ..
حنكون وحياتك ممتنين
يا ريت تتكرم وتطرانا ..

#وئام_كمال_الدين

تم الإرسال من خلال التطبيق Topic'it

الأطرش في الزفة

عارف الكلمة المرقت منك مرقت منك بي احساسي ..
عارف أنا قربتا أقولا بس نظراتك جاطت راسي ...
أنا ما عارف كيفن مرقت من تفكيري وحلمي الراسي ...
يمكن أكون من دون ما أشعر قلتا قبلك وأنا ما حاسي ...
وممكن جدا جات متسربة من تمتمتي ومن انفاسي ....
وبرضك يمكن لحظ النظرة جرجر مني كلامي الداسي ...
وهد الحيل الشايل حسي وهد معاهو رباطة جأشي ...
حنين النبرة ولينو القاسي ...
وأنا يوم داك غشيت شارعكم ..
وكل منايا اشوفك صدفة ..
واتخيلتك لي تتجاهل ولا تقوم تتغابى العرفة ....
جيت متوقع إنو تطنش أو تتاقل وتبعد وتجفى ...
واتخيلت سلامك بارد ما اتوقعتو يكون الأدفى ....
وأنا ما قايلك لي حتسالم أو تتبسم لي بي إلفة ...
ولا في بالي جميل كلماتك أسمع فيها الشوق واللهفة ...
وجد إحساسك داك خلاني بقيت زي الأطرش في الزفة ...

#وئام_كمال_الدين ..

تم الإرسال من خلال التطبيق Topic'it