لايقة عليك الغيرة

لايقة عليك يا غالي الغيرة ..
واللهفة الجواك أسيرة ..
والبسمة البتكابر رسمت ..
في عينيك معاني الحيرة ..

لايقة عليك نظرات الدهشة ..
والأشواق الشايلة الرعشة ..
واللفتة البتفتش عني ..
كل ما يزيد البين الوحشة ..

بس عينيك الما بتخبي ..
غيرتك وشوقك وتعلن حبي ..
بتناديني وليها بلبي ..
و وحدك إنت الساكن قلبي ..

ومايعكر صفوك عزالك ..
و أوعى يغيب في يوم عن بالك ..
إني بغير أنا اكتر منك ..
من أطيافك وحتى ظلالك ..

وأنا جارفني الشوق الحارق ..
والريد البتشابى ويتاوق ..
ليك في كل مكان تمشيهو ..
وكل الدونك جد ما فارق ..

#وئام_كمال_الدين

في عز الضلمة السايقة الشوف لاعبت الأمل البتغابى ..
شاغلت الضفة بريد النيل وزرعت الحب في تيرابا ..
جنيات الحلم الما معروف كت ليها بتاوق وإتشابى ..
ونافرات الطيف المرو سريع شراكا أني ومو نشابا ..

البذرة المن شجرتك حنك دسدستها في جيوب الضفة ..
والنيل البيدفق منك ساقيها مع الأمل العفة ..
لو يوم في خطوة بعيد عنك اختل الميزان والكفة ..
خليك متاكد انو محال في غير روحك أحس الإلفة ..
هي الروح من غير أطيافك كيف لي غيرك تفتح أبوابا ..

غلطان السيل الهد الطين والمطر الخالف كلو كلام ..
و تقاوى الزرع البي التحسين ما أدى فروضو لهذا العام ..
والزاد الطين في بلتو لين الفوضى العمت كل نظام ..
والمال العادى الحال المال والحال المال في المال العام ..
ده الهجر مننا كل حنين والغربة عليك ترمي عتابا ..

فتران الصوت الجافى صداك وبراك الفي صوتو مروة ..
محتار وين راح إحساس الخير جوانا ومين قتل الخوة ..
كيف وصلت بينا الحال للخوف وين حسن الشاطر شن سوا ..
متحللة جثة هذا الجوف من سرقة عصب الصوت عنوة ..
نجماتو بقت فوق كف عفريت وبريقا الآفل ماضوا ..
وآمالو سراب في راحة ريح تلعبها طرة ولا كتابة ..

شربانة مسامات الذكرى بي صورة المطبعة والمصنع ..
ووعود في الخاطر مطمورة ..
مابين ناكل مما نزرع ونسود نحن العالم أجمع
ونعمر هذه المعمورة ..
والحلم البيكبر يوماتي والهم الجوانا اتربع ..
وآمالنا الدايما مشرورة ..
العشق البين القيف والنيل بالطلقة الحلفت ماترجع مظلومة بنيتو ومقهورة ..
لا جاها مع التيار جواب لاجاتا من المحبوب صورة ..
لا شافت خير في خطابا ..

ماسنين راجياهو يعدل الميل ويداوي جروح كل أحبابا ..
يا حليلو براهو الكان بيقول للأعوج أعوج قدامو ولخشوم الباطل كضابة ..
و كضاب يا بعيو كيفن بتقول يوم داك وكت كت في الغابة ..
صارعت الأسد الجاك جيعان وقتلتو براك بالدرابة ..
ياحليل الغابة وأصحابا ظلموها الخلة و أغرابا ..
ماسنين تتمطق طعم الدم ووطي النيران والدبابة ..
وانا لسع بنده كنت عليك ..
شان كنت بشوف براق عينك في الخلوة وشيخا وطلابا ..
في بيوت الطين ووشوش الخير ومسيدنا ونار التقابة ..
عرق العمال والإيد في الإيد والناس المليانة طيابة ..
والسمحة تدور بتفتش فيك ..
ياحسن الشاطر أيا يابا ..
ماشفتو أبوي ياجلابة ..
صوتو الوروار ياجلابة ..
خيلو الهدار ياجلابة ..
سيفو البتار ياجلابة ..
سنونو الدقة ياجلابة ..
وخاتمو الفضة ياجلابة ..

#وئام_كمال_الدين

تم الإرسال من خلال التطبيق Topic'it

ﻗﺒﺎﻝ ﺗﺨﺶ ﺍﻻﻣﺘﺤﺎﻥ
ﺃﻋﺮﻑ ﻣﻘﺎﻳﻴﺲ ﺭﺳﻤﻨﺎ
ﺭﺍﺟﻊ ﺍﺷﺎﺭﺍﺕ ﺷﻮﻗﻨﺎ ﻟﻴﻚ
ﻭﺍﺣﻔﻆ ﺟﺪﺍﻭﻝ ﺿﺮﺑﻨﺎ
ﻭ ﺍﻛﺘﺐ ﺑﺪﻝ ﺭﻗﻢ ﺍﻟﺠﻠﻮﺱ
ﺗﺎﺭﻳﺦ ﺑﺪﺍﻳﺔ ﺣﺒﻨﺎ
ﻭﺍﻋﺮﻑ ﺗﻔﺎﺿﻞ ﺭﻳﺪﻧﺎ ﻛﻴﻒ
ﻗﺒﺎﻝ ﺗﻜﺎﻣﻞ ﺣﻠﻤﻨﺎ
ﺫﺍﻛﺮ ﺗﺒﺎﺩﻳﻞ ﺍﻟﻐﺮﺍﻡ
ﻭﺃﺣﺮﺱ ﺗﻮﺍﻓﻴﻖ ﺭﺑﻨﺎ
ﻧﺴﻖ ﻣﻘﺎﻡ ﺣﺐ ﺍﻟﻔﺮﺡ
ﻭﺍﻗﺴﻢ ﻋﻠﻲ ﺑﺴﻂ ﺍﻟﻤﻨﻲ
ﺧﻠﻲ ﺍﻟﻮﻓﺎﺀ ﻫﻮ ﻳﻜﻮﻥ ﺍﺳﺎﺱ
ﻭﺍﻻﺱ ﻫﻮ ﺣﺎﺻﻞ ﺟﻤﻌﻨﺎ
ﺃﻧﺴﺎﻩ ﺍﺣﺪﺍﺛﻲ ﺍﻟﺤﺰﻥ
ﻭﺍﻋﺰﻑ ﻋﻠﻲ ﻭﺗﺮ ﺍﻟﻐﻨﺎﺀ
ﻣﺎﻻﻧﻬﺎﻳﺔ ﺷﻮﻗﻲ ﻟﻴﻚ
ﻣﻀﺮﻭﺑﺔ ﻓﻲ ﺣﺒﻲ ﺍﻟﻬﻨﺎ
ﺗﺪﻳﻚ ﻋﺸﻖ ... ﺗﺪﻳﻚ ﺍﺳﻢ
ﻛﻞ ﻳﻮﻡ ﻫﻮ ﺟﺎﺭﻱ ﻓﻲ ﺩﻣﻨﺎ
ﻭﻟﻮ ﻛﺎﻥ ﻏﻠﻂ ﺍﻗﺴﻢ ﻋﻠﻲ ﺍﻛﺒﺮ ﻋﺪﺩ
ﺑﺪﻳﻚ ﺣﺎﺟﺔ ﺗﻠﻤﻨﺎ
ﻭﻟﻮ ﻛﺎﻥ ﻏﻠﻂ ﻳﺒﻘﻲ ﺍﻟﻐﻠﻂ
ﻣﻦ ﺍﻻﺳﺎﺱ ﻣﺎ ﻣﻨﻨﺎ
ﺑﺮﺟﻊ ﺑﻘﻮﻝ . ..
ﺍﻟﺮﻳﺪ ﻫﻮ ﻟﻮ ﺗﺤﺖ ﺍﻟﺠﺰﺭ √ ﻣﺎﺑﻬﻤﻨﺎ
ﻣﺎﻫﻮ ﺍﻟﺠﺰﺭ √ ﻳﻤﻜﻦ ﻳﻜﻮﻥ ﺗﺮﺑﻴﻊ ﻋﺪﻳﻞ
ﻭﺍﻟﺰﺍﻭﻳﺔ ﺑﺼﺒﺢ ﺻﺎﻳﻨﻬﺎ sin
ﺣﺘﻲ ﺍﻟﺸﺠﺮ ﺑﺪﻳﻨﺎ ﺗﺎﻥ tan
ﻭﺍﻟﺮﻳﺪﺓ ﻧﺤﻦ ﻛﻮﺳﺎﻳﻨﺎ cos
ﻣﺎ ﺍﻧﺖ ﻗﻴﻤﺘﻚ l ﻣﻄﻠﻘﺔ l
ﻭﺍﻟﻌﺎﻳﺰﺓ ﺍﺣﺼﺎﺀ ﻣﺪﻭﻧﺔ
ﻭﻧﺤﻦ ﺍﺧﻼﻕ ﺍﻟﺤﺒﻴﺐ
ﻣﺮﻓﻮﻋﺔ ﻻﺱ ﺍﻟﺠﻤﺎﻝ ﺑﺘﻬﻤﻨﺎ
ﺣﻨﺮﺹ ﻣﺠﺎﻫﻴﻞ ﺍﻟﻬﻴﺎﻡ
ﻭﺍﻟﻌﺎﻳﺰﺓ ﻭﺯﻧﺔ ﺑﻨﻮﺯﻧﻬﺎ
ﻭﻧﺠﻴﺒﻮ ﻣﻔﻜﻮﻙ ﺍﻟﺤﻴﺎﺓ
ﻭﻧﻌﻴﺶ ﻣﻀﺎﺭﻳﺐ ﻋﻤﺮﻧﺎ
ﻭﻧﻜﻮﻥ ﻓﻲ ﻣﺼﻔﻮﻓﺎﺕ ﻓﺮﺡ
ﻋﻤﻮﺩ ﺳﻌﺎﺩﺓ ﻭﺻﻒ ﻫﻨﺎ
ﻭﺣﻨﺠﻴﺒﻬﺎ ﺍﺳﺎﺕ ( A ) ﻓﻲ ﺍﻟﻌﻠﻢ
ﻭﺍﻻﻑ ( F ) ﻣﺤﺎﻝ ﻳﺠﻲ ﺟﻨﺒﻨﺎ
ﻣﺎ ﻧﺤﻦ ﺧﺼﻴﺼﻴﻦ ﺣﺴﺎﺏ
ﻭﺍﻭﻋﺎﻙ ﺗﻘﻮﻝ ﺑﺮﻟﻤﺘﻨﺎ
ﻭﻟﻮ ﺍﻧﺖ ﻋﺎﻳﺰ ﺍﻟﺮﻳﺪﺓ ﺟﺪ
ﻓﺘﺶ ﺿﻠﻮﻋﻨﺎ ﺍﻟﻔﻲ ﺍﻟﺸﻤﺎﻝ
ﻭﺍﺿﺮﺏ ﻓﻲ ﻣﻮﺟﺐ ﺃﺳﻨﺎ
ﻭﺍﺳﻤﻊ ﻛﻼﻣﻲ ﺍﻟﻘﻠﺘﻮ ﻟﻴﻚ
ﻭﺃﺟﻤﻊ ﻗﺒﻞ ﻧﺺ ﺍﻟﺰﻣﻦ
ﺣﺘﻜﻮﻥ ﺑﺮﻭﻑ ﻓﻲ ﺣﺒﻨﺎ

تم الإرسال من خلال التطبيق Topic'it

أنا والأشواق والريد والبين
واللهفة الدايما ماليانا ..
في حضرة طيفك متلمين
مرات إحساسك بغشانا ..

فتحنا جروحنا و كل ما تبين
الذكرى الدايما لامانا ..
نعزما تتفضل مبتسمين
وحبابا بتسعد نجوانا ..

أها لامن مر علينا حنين
وعزمناهو القعدة معانا ..
كل ما يشرح كيف مشتاقين
أشواقك تضحك غامرانا ..

وبدينا الونسة خشم خشمين
قام دق النوم بابنا وجانا ..
دخل طيفك جوة العينين
إتخيل خلانا برانا !!! ..

و أنا عشت معاك في حلمي سنين
وبنيت في الأحلام دنيانا ..
والشوق والحن والكل عارفين
بي حال الريدة الظالمانا ....

لو مرة تفكر إنو تلين
وتراضي رؤانا العشمانة ..
حنكون وحياتك ممتنين
يا ريت تتكرم وتطرانا ..

#وئام_كمال_الدين

تم الإرسال من خلال التطبيق Topic'it

الأطرش في الزفة

عارف الكلمة المرقت منك مرقت منك بي احساسي ..
عارف أنا قربتا أقولا بس نظراتك جاطت راسي ...
أنا ما عارف كيفن مرقت من تفكيري وحلمي الراسي ...
يمكن أكون من دون ما أشعر قلتا قبلك وأنا ما حاسي ...
وممكن جدا جات متسربة من تمتمتي ومن انفاسي ....
وبرضك يمكن لحظ النظرة جرجر مني كلامي الداسي ...
وهد الحيل الشايل حسي وهد معاهو رباطة جأشي ...
حنين النبرة ولينو القاسي ...
وأنا يوم داك غشيت شارعكم ..
وكل منايا اشوفك صدفة ..
واتخيلتك لي تتجاهل ولا تقوم تتغابى العرفة ....
جيت متوقع إنو تطنش أو تتاقل وتبعد وتجفى ...
واتخيلت سلامك بارد ما اتوقعتو يكون الأدفى ....
وأنا ما قايلك لي حتسالم أو تتبسم لي بي إلفة ...
ولا في بالي جميل كلماتك أسمع فيها الشوق واللهفة ...
وجد إحساسك داك خلاني بقيت زي الأطرش في الزفة ...

#وئام_كمال_الدين ..

تم الإرسال من خلال التطبيق Topic'it

ﻛﻴﻒ ﺍﻋﻴﺪ ﺍﻟﻤــﺎﺿﻲ ﺗﺎﻧــــﻲ
ﺍﺻﻠﻮ ﻛﺎﻥ ﺍﻟﻘﺴﻮﻩ ﻣﻨﻚ ﻭﺍﻧــﺖ ﻗﻠﺒﻚ ﻫـــﻮ ﺍﻻﺑــﺎﻧــــﻲ
ﻛﻨﺖ ﺑﺴﺄﻝ ﺩﻳﻤﻪ ﻋــﻨﻚ ﻭﺍﻧــﺖ ﻃﺒﻌــــﻚ ﺯﻭﻝ ﺍﻧﺎﻧـــــﻲ
ﻛﻴﻒ ﺍﻋﻴﺪ ﻣﻦ ﺗﺎﻧﻲ ﻇﻠﻤﻚ ﻭﺍﻫـــﻮﻱ ﺯﻭﻻ ﻓﺎﺕ ﻧﺴﺎﻧﻲ
ﻛﻴﻒ ﺍﻓﻜﺮ ﻟﻴﻚ ﺍﺭﺟﻊ ﻭﻟﺴﻪ ﺟﺮﺣـــﻚ ﺑﻴﻬـــﻮ ﺣﺎﺳــــﻲ
ﻳﺎﻣﺎ ﺍﻫﺪﻳﺘﻚ ﻣﺸﺎﻋﺮ ﻭﻛﻨـــﺖ ﺩﺍﺋـــﻤﺎ ﻟﻴـــــﻚ ﺑﻮﺍﺳــﻲ
ﺷﻔﺖ ﻓﻲ ﺭﻳﺪﻙ ﻋﺠﺎﺋﺐ ﻭﻋﺸﺖ ﻓﻲ ﺣﺒــــﻚ ﻣﺄﺳﻲ
ﻣﺎﺕ ﺧﻼﺹ ﺍﺣﺴﺎﺳﻲ ﺑﻴﻚ ﻛﻴﻒ ﺍﻋﻴﺪﻙ ﻭﻟﻴﻪ ﺍﻗﺎﺳﻲ
________________________________________
اذا لم تتفاعل مع المنشور لن تظهر لك
منشوراتنا علي الصفحة الرئيسية

تم الإرسال من خلال التطبيق Topic'it

إصرار

من رحم الوجع مولودة
لونا جميل و ناعمة سمرة
ريحتا صندلية وخمرة
فيها عقاب دعاش المطرة
أجمل صيدة وأسمح مهرة
حارسة الصاج وعايسة الكسرة
سمحة ضمة مامنكسرة
شايلة الريدة حافظة العشرة
تلقاك بي حبابك عشرة
ما بتشوف عليها الكشرة
زي النيل مستفة حسرة
فقرها شق صمت العبرة
يمرق بالمغايس نبرة
تعزم في الدموع للمرقة

من ما فتحت مخلوعة
تترقب رحيل الفرحة والدمعة القبيل مجدوعة
دي البتمنى ديمة رجوعا
صورتا في الفؤاد مطبوعة
ضحكتا في السكات مسموعة
باسمة وإن بقت موجوعة
بالألم البزيد الشرقة

عمرها ألف قصة قديمة
أقدم من شجرة النيمة
بت ما كملت تعليما
سارحة بترعا ليها بهيمة
فاردة وشيها ماهي لئيمة
صح ماعندها المليمة
جد فقرانة إلا كريمة
ماشبعانة جوعا نديما
عينا ملانة تحمد ديمة
مابتعرف دروب السرقة

ومن قامت تريد الحلة
تحكي عن البعيد والخلة
ترتى علي هموم خلق الله
رغم الجور بهيجة طلة
كاربة بيوتا ما بتتحلا
عن إيمانا ما بتتخلى
تدعي المولى يهدي الضل
لا بتتهان ولا بتتذلا
ما بتطاطي غير لي الله
صوتا بيعلى رغم الخنقة

صوتا ينادي حالا السادي
نفس الخوف ونفس الكلمة
نطق بي حنينو البغمة
طاري الجار وحس اللمة
جدعة توب ولفة عمة
حس دوبيت وجرة نمة
ويا تربالنا سولك همة
في الشمش البتحرق حرقة

شايلة من القصص كمية
في جواها راكوبتنا والقطية
والجرارة والطورية
دق الريحة والصبحية
والألفية
والحولية
بيت الزار وصوت لولية
كل الدايرو فيها بتلقى

بت في الجوف ملانة حنان
ما بتبخل علي العدمان
تتجود علي الضيفان
بت بتقول أنا ام درمان
أنا السودان
وزي النيل بتسقي الظامي والعطشان
وتروي جنان
ووقت الجن تشيل الغرقى

لا تلفانة لامعيوبة
ديمة عديلة مي مقلوبة
دارا عامرة ما مخروبة
بت غنيانة فاضية جيوبا
سيرتا بالفرح مصحوبة
فرحة عيد ودقة نوبة
حس( إصرار) وحن حبوبة
وقت الحارة ساعة الحوبه
للفرسان بتكرب توبا
ريدتا في دماي مصبوبة
صورة تجسد المحبوبة
وتصور عذاب الفرقة

#وئام_كمال_الدين .....

تم الإرسال من خلال التطبيق Topic'it

ﻛﻴﻒ ﺍﻋﻴﺪ ﺍﻟﻤــﺎﺿﻲ ﺗﺎﻧــــﻲ
ﺍﺻﻠﻮ ﻛﺎﻥ ﺍﻟﻘﺴﻮﻩ ﻣﻨﻚ ﻭﺍﻧــﺖ ﻗﻠﺒﻚ ﻫـــﻮ ﺍﻻﺑــﺎﻧــــﻲ
ﻛﻨﺖ ﺑﺴﺄﻝ ﺩﻳﻤﻪ ﻋــﻨﻚ ﻭﺍﻧــﺖ ﻃﺒﻌــــﻚ ﺯﻭﻝ ﺍﻧﺎﻧـــــﻲ
ﻛﻴﻒ ﺍﻋﻴﺪ ﻣﻦ ﺗﺎﻧﻲ ﻇﻠﻤﻚ ﻭﺍﻫـــﻮﻱ ﺯﻭﻻ ﻓﺎﺕ ﻧﺴﺎﻧﻲ
ﻛﻴﻒ ﺍﻓﻜﺮ ﻟﻴﻚ ﺍﺭﺟﻊ ﻭﻟﺴﻪ ﺟﺮﺣـــﻚ ﺑﻴﻬـــﻮ ﺣﺎﺳــــﻲ
ﻳﺎﻣﺎ ﺍﻫﺪﻳﺘﻚ ﻣﺸﺎﻋﺮ ﻭﻛﻨـــﺖ ﺩﺍﺋـــﻤﺎ ﻟﻴـــــﻚ ﺑﻮﺍﺳــﻲ
ﺷﻔﺖ ﻓﻲ ﺭﻳﺪﻙ ﻋﺠﺎﺋﺐ ﻭﻋﺸﺖ ﻓﻲ ﺣﺒــــﻚ ﻣﺄﺳﻲ
ﻣﺎﺕ ﺧﻼﺹ ﺍﺣﺴﺎﺳﻲ ﺑﻴﻚ ﻛﻴﻒ ﺍﻋﻴﺪﻙ ﻭﻟﻴﻪ ﺍﻗﺎﺳﻲ
________________________________________
اذا لم تتفاعل مع المنشور لن تظهر لك
منشوراتنا علي الصفحة الرئيسية

تم الإرسال من خلال التطبيق Topic'it

ما لايماك ..
لايمة الزمن الدففق حنك فوق واطاتي ..
ولايمة الحلم الروج وسووق فكرة عشم الزمن الآتي ..
وخلى الأمل يتمدد فيني ويبني الجاي بيوت وقطاطي وفات خلاني ..
(وأنا راجياك) ......

وأنا راجياك في النار بيغادي .. موسم ييغير موجة الواقع .. ويقلب وجهة ريح الغبرة ...

يحنس غيمة ملانة مواجع .. ومن دمعاتا تنقط مطرة ...

تبل الأرض الضاقت و واسع فيها الضيق للضاق الحسرة
( المن فرقاك) .........

ومن فرقاك إتعودت أداوي الفرقة و وجع الشوق بي هم يوم باكر ..

هم بيشلو موظف وطلبة وفي الدكان نملابو دفاتر ..

و جوا عيون خريج بتذكر كيفن كان شقيان بيذاكر ..

وكيفن فرحتو بي تخريجو وكيف الحظ كان أغبر وعاثر ..

وسامع صوت المنطق ينقنق أحسن ليك يا انت تسافر ..

عارفك مابتتحمل تبعد ولي إخلاصك انا ماناكر
(وفي جواك) !!"""

في جواك أحلام كمية وفي واقعنا بلاوي عجيبة ..

تسرق مرة براءة طفلة وتمحي ملامح أحلى حبيبة ..

وترسم بدل النور زنزانة و ترمي الحن بي خلف قضيبا ..

تقلع شجرة حنة وتزرع فتنة يولع فينا لهيبا ..
( و أصلو الجاك) .....

أصلو الجاك ما كان في الخاطر ولا يا حنين كان في النية ..

ولا متخيلة في أوصالك ببقى بلاءك شر بلية ..

و أنا ما بعرف كيفن داير ترمي هموم الجاي عليا !!!

وجرة سوط العنج الشقت باقي كرامة كل بنية ..

سرقت مني الحيل والقدرة ونجضت الدمعات النية ..

ونشلت روح الحاضر وبكرة وكفرت عمدا بالحرية ..

وعذرا إذا جافيت وهجرت يا أسمى معاني الحنية ..
(جد فاقداك) .......

وفاقدة كتير يا غالي وحاتك ولابسة الكضبة عباية وطرحة..

فاقدة القيمة وكل أحوالك تقتل في جواي الفرحة ..

بات الدم مهدور في نيلك ووحدك حاري القتلى وجرحى ..

ويشهد نيلك كم عاشقنك وكم علشانك عاشق ضحى ..

وفيك بتصنت صوت الطيبة وباقي صداك الصوتو انبحا ..

وسكن الشارع ونام مستني ضمير الفكرة يتبتبو يصحى ..
(ولليوم داك) أنا ما لايماك ..

بس لايمة الزمن الدفق حنك فوق واطاتي ..
ولايمة الحلم الروج وسوق فكرة عشم الزمن الآتي ..
وخلى الأمل يتمدد فيني ويبني الجاي بيوت وقطاطي ..
وفات خلاني و أنا راجياك ..

#وئام_كمال_الدين .....

تم الإرسال من خلال التطبيق Topic'it

ﻋﻴﻮﻧﻚ ﺇﺫﺍ ﻓﻲ ﺍﻟﻌﻴﻮﻥ ﺍﺭﺗﺤﺎﻝ
ﺑﻠﻤﻦ ﺷﺘﺎﺕ ﺍﻟﺒﻠﻮﺩ ﺍﻟﺮﺣﻴﺒﺔ
ﺩﺭﻭﺑﻚ ﻛﺘﻴﺮﺓ ﻭﻭﺻﻮﻟﻚ ﻣﺤﺎﻝ
ﺩﺭﺏ ﻓﺮﺣﺘﻚ ﻭﻳﻨﻮ ﻛﻴﻔﻦ ﺃﺟﻴﺒﺎ
ﻭ ﺍﻧﺎ ﺍﻟﺪﻭﻥ ﺯﻭﺍﺩﺗﻚ ﺷﺪﺩﺕ ﺍﻟﺮﺣﺎﻝ
ﺭﺳﻤﺘﻚ ﺣﺪﻭﺩ ﻟﻲ ﻣﺪﺍﻳﻦ ﻏﺮﻳﺒﺔ ......
ﺑﺤﺐ ﻓﻲ ﻗﺴﺎﻭﺗﻚ ﻛﻼﻡ ﻟﺴﻪ ﻃﻴﺐ
ﺑﺸﺎﺑﻪ ﻋﺘﺎﺏ ﺍﻟﻤﺤﺐ ﻟﻠﺤﺒﻴﺐ
ﻭﻳﺠﺒﺮ ﺧﻮﺍﻃﺮﺍ ﻛﺘﻴﺮﺓ ﻭﻳﻄﻴﺐ .
ﻛﻤﺎ ﺍﻟﻨﻴﻞ ﺟﺮﺍﺡ ﺍﻟﺠﺮﻭﻑ ﺍﻟﺨﺼﻴﺒﺔ ......
ﻭﺭﻏﻢ ﺇﻧﻮ ﺿﺎﻣﻴﻨﻲ ﻟﻴﻚ ﺍﻧﺘﻤﺎﺋﻲ ﻭﻳﺸﻬﺪ ﻋﻠﻲ ﺭﺑﻲ ﻋﺎﻟﻢ ﺍﻟﻐﻴﻮﺏ
ﺑﺤﺲ ﻓﻴﻜﻲ ﺣﻦ ﺍﻟﻤﺤﺐ ﺍﻟﻤﻔﺎﺭﻕ ﻛﻤﺎ ﻓﺎﺭﻗﺖ ﺃﺭﺿﻲ ﺃﺭﺽ ﺍﻟﺠﻨﻮﺏ
ﻭﺑﺮﺿﻚ ﺑﻘﻮﻝ ﺑﻴﻨﺎ ﻧﻴﻞ ﻣﺎ ﺑﻴﻨﻀﺐ ﻭﺭﻳﺪﺗﻚ ﺗﺸﺒﻊ ﺟﻴﺎﻉ ﺍﻟﻘﻠﻮﺏ
ﺗﺼﺪﻱ ﻭﺗﺠﺎﻓﻲ ﻭﺣﺘﻰ ﺍﻟﺼﺪﻭﺩ ﻓﻴﻚ ﻛﺎﺳﻴﺎﻫﻮ ﻃﻴﺒﺔ .....
ﻣﻨﻮ ﺍﻟﻔﻲ ﺍﻟﺸﻤﺎﻝ ﻣﺎﺑﻐﻨﻴﻚ ﻣﺤﻨﺔ
ﻭﻣﻨﻮ ﺍﻟﻤﺎﺑﺸﻢ ﻓﻴﻚ ﻧﻘﺎﻭﺓ ﺃﻫﻠﻨﺎ
ﻣﻨﻮ ﺍﻟﻤﺎ ﺣﻠﻢ ﺑﻜﺮﺓ ﻳﺘﻠﻢ ﺷﻤﻠﻨﺎ
ﻭﺍﻧﺖ ﺍﻟﺴﻜﻨﺖ ﺍﺣﺘﻤﺎﻻﺕ ﺻﻮﺭﻧﺎ
ﻗﺼﺼﻨﺎ
ﻭﻟﺤﻨﻨﺎ
ﻭ ﻏﻨﺎﻭﻱ ﺍﻟﺤﻘﻴﺒﺔ ....
ﺑﻨﺒﻌﺪ ﻭﻧﻘﺴﻰ ﻭﺑﺘﺤﻠﻒ ﺻﻮﺭ ﻓﻲ ﺍﻟﺨﻴﺎﻝ ﺇﻻ ﺗﺒﻘﻰ
ﻣﺤﻨﺔ ﺩﻣﺎﻱ ﻓﻲ ﻋﺮﻭﻗﻚ ﺑﺘﻨﺘﺢ ﺗﺴﻤﻴﻨﻲ ﻣﻨﻚ ﻭﺍﻗﻮﻝ ﺇﻧﺖ ﺃﻧﻘﻰ
ﻭ ﺍﺟﻴﻚ ﻟﻮﻧﻲ ﺃﺳﻤﺮ ﻭ ﺃﻟﻘﺎﻙ ﺃﺳﻤﺮ ﺃﻧﺎﻭﻟﻚ ﺗﻤﺮﻧﺎ ﻭﺗﻨﺎﻭﻟﻴﻨﻲ ﻣﻨﻘﺎ
ﺗﻘﻮﻝ ﻟﻲ ﺑﺤﺒﻚ ﺃﺭﺩ ﺣﺒﻲ ﺃﻛﺒﺮ ﻭﻣﺸﺘﺎﻕ ﺍﺿﻤﻚ ﻭﺃﺷﻮﻑ ﺷﻮﻗﻚ ﺃﻛﺘﺮ ﻭﺗﻌﻠﻦ ﺩﻣﻮﻉ ﺍﺷﺘﻴﺎﻗﻚ ﻧﺤﻴﺒﺎ .......
ﺑﺸﻮﻑ ﺑﻜﺮﺓ ﺃﺟﻤﻞ ﺇﺫﺍ ﻓﻲ ﻋﻴﻮﻧﻚ ﺗﺮﺍﺀﺕ ﺇﻟﻴﻚ ﺃﻱ ﺫﻛﺮﻯ ﺑﺘﻄﻤﻦ
ﺇﺫﺍ ﻓﻲ ﺧﻴﺎﻟﻚ ﺭﺳﻤﺖ ﺍﺑﺘﺴﺎﻣﺔ ﺑﺘﺨﻔﻒ ﻣﺮﺍﺭﺓ ﺧﻼﻓﻨﺎ ﻭﺗﻬﻮﻥ
ﻭ ﺍﺿﻮﻕ ﻓﻲ ﻣﺴﺎﻣﻚ ﻣﻠﻮﺣﺔ ﺍﻟﻘﺒﺎﻳﻞ ﺍﻟﻤﻦ ﺍﻟﻄﻴﻦ ﺗﺸﻜﻞ ﺻﻮﺭﻧﺎ ﻭﺗﻠﻮﻥ
ﻭﺩﻭﻥ ﺷﻚ ﻋﻴﻮﻧﻚ ﺑﺮﻏﻢ ﺍﻟﻨﻬﺎﻳﺔ ﺑﻘﺖ ﻟﻲ ﺣﺠﺎﻭﻳﻨﺎ ﺳﻤﺤﺔ ﻭ ﺣﺒﻴﺒﺔ ...........
ﻭﺑﺮﺟﻊ ﻭ ﺍﻗﻮﻝ ‏( ﻋﺬﺭﺍ ﺇﻥ ﻗﻮﻟﻲ ﻃﺎﻝ ‏)
ﺗﻌﺎﻟﻲ ﺍﻟﻨﻤﺪ ﺑﻴﻨﺎ ﺳﻜﺔ ﻭﺻﺎﻝ
ﻋﻴﻮﻧﻚ ﺇﺫﺍ ﻓﻲ ﺍﻟﻌﻴﻮﻥ ﺍﺭﺗﺤﺎﻝ
ﺑﻠﻤﻦ ﺷﺘﺎﺕ ﺍﻟﺒﻠﻮﺩ ﺍﻟﺮﺣﻴﺒﺔ .......
# ﻭﺋﺎﻡ _ ﻛﻤﺎﻝ _ ﺍﻟﺪﻳﻦ