ﺯﺍﺩ ﺍﻟﺸﻮﻕ ﻋﻠﻰ
ﻗﻮﻝ ﻟﻲ ﻣﺘﻴﻦ ﺍﻟﻘﺎﻙ
ﻳﺎﺳﻴﺪ ﺍﻟﺤﺮﻭﻑ
ﺍﻧﺎ ﺗﺎﻳﻬﺎ ﻓﻲ ﻣﻌﻨﺎﻙ
ﻏﻴﺮﻙ ﻣﺎﺑﺸﻮﻑ
ﻣﻬﻤﺎ ﺗﺰﻳﺪﻭ ﺟﻔﺎﻙ .
ﻟﻮ ﻃﺎﻝ ﺍﻟﻐﻴﺎﺏ
ﻭﺍﻟﻠﻪ ﻣﺎﺑﻨﺴﺎﻙ
ﻟﻮ ﻗﺴﻮﻙ ﻋﻠﻲ
ﺑﻬﻮﺍﻫﻮ ﺑﺮﺿﻰ ﻗﺴﺎﻙ
ﻣﺎﻳﺒﻨﻘﺺ ﻏﻼﻙ
ﻓﻲ ﻋﻴﻮﻧﻲ ﺍﻧﺖ ﻣﻼﻙ
ﻣﺸﻐﻮﻝ ﻓﻜﺮﻱ ﺑﻴﻚ
ﺍﻧﺎ ﻛﻞ ﻳﻮﻡ ﺑﻄﺮﺍﻙ
ﻣﺎﺣﺒﻴﺘﻮ ﻏﻴﺮﻙ ..
ﻓﻲ ﻗﻠﺒﻲ ﺍﻧﺖ ﺑﺮﺍﻙ
# ﺯﻭﺑﻪ

ﺯﺍﺩﺕ ﺳﻨﻪ ..
ﻭﺍﺣﺰﺍﻧﻲ ﺯﺍﺩﺕ ...
ﻋﻤﺮﻱ ﺃﺿﻌﺎﻑ ﺍﻟﺴﻨﻴﻦ
ﺯﺍﺩﺕ ﺳﻨﻪ ..
ﻭﺍﺣﺰﺍﻧﻲ ﺳﺎﻳﻘﺎﻧﻲ ﻭﺧﻼﺹ
ﻟﻲ ﺳﻜﺔ ﻣﺎﻣﻌﺮﻭﻓﻪ ﻭﻳﻦ
ﺯﺍﺩﺕ ﺳﻨﻪ ..
ﻭﺍﻧﺎ ﻟﺴﻪ ﺟﻮﺍﻱ ﺍﻻﻣﻞ
ﺍﻧﻮ ﺍﻟﻔﺮﺡ ﻣﻤﻜﻦ ﻳﺒﻴﻦ
ﺍﻟﻘﻰ ﺍﻟﺤﺰﻥ ﻋﺪﺍ ﻭﺭﺣﻞ
ﺍﻧﻮ ﺍﻟﺰﻣﻦ ﻳﺼﺒﺢ ﺣﻨﻴﻦ
ﺍﻧﺎ ﻗﻠﺒﻲ ﻛﺎﻭﻳﻬﻮ ﺍﻟﻔﺮﺍﻕ
ﻭﺃﻳﺎﻡ ﻭﻻ ﺑﺘﻌﺮﻑ ﺗﻠﻴﻦ ..
ﻭﻗﻠﻮﺏ ﺑﺘﺘﻌﻤﺪ ﺍﺳﺎﻱ ...
ﻭﺍﻟﻮﺟﻌﻪ ﺗﺼﺒﺢ ﻭﺟﻌﺘﻴﻦ
ﻭﺍﻧﺎ ﺯﺍﺗﻲ ﻣﺎﻗﺪﺭ ﺍﻟﺤﺰﻥ
ﺍﻻ ﺍﻟﺰﻣﻦ ﻳﺎﻳﻤﻪ ﺷﻴﻦ
ﺩﺍﻳﻤﺎ ﺑﺒﻜﻴﻨﺎ ﻭﺧﻼﺹ
ﻳﺄﺭﺑﻲ ﺑﺲ ﺣﺎﻳﺤﻦ ﻣﺘﻴﻦ؟
ﻣﻦ ﺗﺎﻧﻲ ﻳﻬﺪﻳﻨﺎ ﺍﻟﻔﺮﺡ
ﻭﻣﺎﻳﺨﻠﻲ ﺯﻭﻵ ﺑﺲ ﺣﺰﻳﻦ
ﺣﺘﻰ ﺍﻟﻔﺮﺡ ﻟﻮ ﻃﻠﻪ ﻳﻮﻡ
ﻳﺴﻜﻦ ﻗﻠﻮﺏ ﺍﻟﻄﻴﺒﻴﻦ .
# ﺯﻭﻭﻭﻭﺑﻪ

ﺑﺤﻠﻢ ﻛﻴﻒ ﺍﺷﻮﻑ ﻋﻴﻨﻴﻚ
ﻭﺍﻻ ﻗﻴﻚ ﺗﺎﻧﻲ ﻟﻮ ﺻﺪﻓﻪ
ﺃﻣﺪ ﺍﻳﺪﻱ ﺃﺳﺄﻟﻢ ﺇﻳﺪﻳﻚ
ﺑﻨﻔﺲ ﺍﺷﻮﺍﻗﻲ ﻭﺍﻟﻠﻬﻔﻪ
ﻭﻛﻴﻔﻦ ﺑﺲ ﺧﻄﺎﻱ ﺗﺠﻴﻚ
ﻭﺍﺗﻨﻜﺮﺗﺎ ﻟﻠﻌﺮﻓﻪ !!!!...
ﺍﻗﻮﻝ ﻟﻲ ﻗﻠﺒﻲ ﻫﻨﺘﺎ ﻋﻠﻴﻚ
ﺣﻨﻴﻦ ﺍﺷﻮﺍﻗﻲ ﻭﺍﻹﻟﻔﻪ
ﺑﻔﺘﺶ ﻓﻲ ﻋﻴﻮﻥ ﺍﻟﻨﺎﺱ
ﻭﺑﺤﻠﻢ ﺑﻲ ﻣﻼﻗﺎﺗﻚ ..
ﻭﺍﻓﺘﺶ ﻟﻴﻚ ﻓﻲ ﺍﻻﻋﺬﺍﺭ
ﻭﺍﻏﻔﺮ ﻟﻴﻚ ﻏﻠﻄﺎﺗﻚ
ﻭﺍﺳﺎﻣﺤﻚ ﻗﺒﻞ ﻣﺎﺗﻄﻠﺐ
ﻋﺸﺎﻥ ﻣﺎﺍﺷﻮﻓﺎ ﺩﻣﻌﺎﺗﻚ

ﻳﺎﻟﻀﻮﻳﺖ ﺣﻴﺎﺗﻲ
ﺑﺄﺟﻤﻞ ﺍﺑﺘﺴﺎﻣﺔ
ﺩﻱ ﺃﻛﺒﺮ ﺍﻣﻨﻴﺎﺗﻲ
ﺍﺷﻮﻓﻚ ﺑﺎﻟﺴﻼﻣﻪ
ﻣﻌﺎﻙ ﺍﻳﺎﻣﻲ ﺣﻠﻮﻩ
ﺑﻼﻙ ﺩﻧﻴﺎﻱ ﻧﺪﺍﻣﻪ
ﻭﻟﻮ ﻋﺎﺭﻑ ﺍﻟﺤﻘﻴﻘﻪ
ﻣﺎﺑﺘﺮﺳﻞ ﻣﻼﻣﺔ
ﻣﻠﺘﻨﻲ ﺍﻟﺪﻧﻴﺎ ﺁﻫﻪ
ﺳﻘﺘﻨﻲ ﺍﻟﻤﺮ ﻳﺎﻣﺎ
ﻭﻛﻴﻒ ﺍﻟﺤﺎﻝ ﺑﺪﻭﻧﻚ
ﻭﻭﻳﻦ ﺑﺮ ﺍﻟﺴﻼﻣﻪ
ﻧﺠﻮﻡ ﺍﻟﻠﻴﻞ ﺑﺘﺴﺄﻝ
ﻋﻴﻮﻧﻚ ﻭﻳﻦ ﻛﻼﻣﻪ
ﻭﻭﻳﻨﻚ ﺍﻧﺖ ﻣﻨﻲ
ﻏﺎﻳﺐ ﻟﻴﻪ ﺳﻼﻣﻪ؟

ﺍﻟﻘﺼﻪ ﻣﺎ ﻗﺼﺔ ﺣﻨﻴﻦ
ﻻ ﺭﻳﺪﻩ ﻋﺎﺷﺖ ﺑﺎﻟﺴﻨﻴﻦ
ﺍﻟﻘﺼﻪ ﻗﺼﺔ ﺯﻭﻝ ﺭﺟﺎﻙ
ﺗﻤﺴﺢ ﺷﻘﺎﻫﻮ ﺑﻜﻠﻤﺘﻴﻦ
ﺍﻟﻘﺼﻪ ﻗﺼﺔ ﺯﻭﻝ ﺳﺮﺡ
ﻓﺎﻛﺮ ﻣﻌﺎﻙ ﻳﻨﺴﻰ ﺍﻷﻧﻴﻦ
ﻭﺑﺪﺕ ﻣﻌﺎﻟﻢ ﺷﻮﻗﻮ ﻟﻴﻚ
ﺧﻠﻴﺘﻮ ﺍﻧﺖ ﺭﻭﺣﺘﺎ ﻭﻳﻦ؟
ﻻﻛﻨﻮ ﻣﺎ ﻗﺼﺮ ﻣﻌﺎﻙ .....
ﺑﻄﺮﺍﻙ ﺑﻲ ﻧﻔﺲ ﺍﻟﺤﻨﻴﻦ
ﻛﻞ ﺍﻟﻜﻼﻡ ﺷﺎﻓﻮ ﻓﻲ ﻋﻴﻨﻴﻚ
ﻓﻲ ﻋﻴﻮﻧﻮ ﻛﺎﻧﻦ ﺩﻣﻌﺘﻴﻦ !.
# ﺯﻭﻭﻭﻭﺑﻪ

ﻗﻠﺒﻲ
ﻟﻮ ﻋﺸﺖ ﻗﺮﻧﺎ ﻳﺎ ﺻﺪﻳﻘﻲ ﻟﻦ ﺗﺮﻯ
ﻗﻠﺒﺎً ﻛﻘﻠﺒﻲ ﺑﻴﻦ ﺃﻓﺌﺪﺓ ﺍﻟﻮﺭﻯ
ﻣﺎ ﺃﺑﺼﺮ ﺍﻟﺤﺴﻦ ﺍﻟﺒﻬﻲ ﺑﻠﺤﻈﺔ
ﺇﻻ ﻭﺃﻣﻄﺮﻩ ﺍﻟﺤﻨﻴﻦ ﻓﺄﺯﻫﺮﺍ
ﻋﺸﻖ ﺍﻟﺠﻤﺎﻝ ﻓﻤﺎ ﺭﺃﺕ ﺃﺣﺪﺍﻗﻪ
ﺷﻴﺌﺎً ﺗﺤﺮﻡ ﻓﻲ ﺍﻟﺪﻧﺎ ﺃﻥ ﻳﺒﺼﺮﺍ
ﻳﻠﺘﺎﻉ ﻣﻦ ﻓﺮﻁ ﺍﻟﻬﻴﺎﻡ ﻭﺣﻠﻤﻪ
ﺣﺴﻨﺎﺀ ﺗﺒﺪﻟﻪ ﺍﻟﻤﺮﺍﺭﺓ ﺳﻜﺮﺍ
ﻳﻮﺳﻒ ﺍﻟﻘﺎﻣﺸﺎﺑﻲ

ﺷﻌﺐ ﺃﺟﻤﻞ ﻣﻦ ﺟﻤﻴﻞ
ﺷﻌﺐ ﺟﻮﺍﻫﻮ ﺍﻟﻌﺰﻳﻤﻪ
ﺍﻧﺘﺼﺮ ﺭﻏﻢ ﺍﻟﺼﻌﺎﺏ
ﻭﺍﻟﺠﺮﺍﺣﺎﺕ ﺍﻻﻟﻴﻤﻪ
ﺑﻜﺮﻩ ﻳﻔﺮﺡ ﺑﻜﺮﻩ ﻳﻨﺴﻲ
ﺍﻟﻌﺬﺍﺑﺎﺕ ﺍﻟﻘﺪﻳﻤﻪ
ﻭﻛﻞ ﻣﺨﺎﻭﻑ ﺍﻟﻤﺎﺿﻲ ﺩﻳﻚ
ﺗﺒﻘﻰ ﺑﺲ ﻣﺎﻟﻬﺎ ﻗﻴﻤﻪ
ﺑﻜﺮﻩ ﺣﺎﻧﺒﻨﻴﻬﻮ ﻧﺤﻦ
ﻭﻣﺎ ﺣﺎﻧﻘﺒﻞ ﺑﺎﻟﻬﺰﻳﻤﻪ
# ﺳﻨﻪ ﺳﻌﻴﺪﻩ ﻋﻠﻴﻜﻢ ﺍﺣﺒﺘﻲ
# ﺯﻭﻭﻭﻭﺑﻪ

ﻭﻛﻨﺖ ﻋﻠﻰ ﺍﻟﻮﺟﻊ ﺑﻘﺪﺭ
ﺍﺩﺍﺭﻱ ﺩﻣﻮﻋﻲ ﻣﻦ ﺍﻟﻨﺎﺱ
ﻭﺍﻗﻮﻝ ﺍﻟﻔﺮﺣﻪ ﻣﺎﻟﻴﺎﻧﻲ
ﺍﺩﺍﺭﻱ ﺍﻻﻫﻪ ﻭﺍﻻﺣﺴﺎﺱ
ﻛﺘﻴﺮ ﺍﻧﺎ ﻛﻨﺖ ﺑﺒﻜﻲ ﺍﻟﻠﻴﻞ
ﻭﺩﺍﻳﻤﺎ ﺑﺲ ﺳﻬﺎﺩﻱ ﻳﻄﻮﻝ
ﺑﻤﺴﺢ ﺩﻣﻌﻲ ﻭﺍﺗﺼﺒﺮ ....
ﻭﻻ ﻣﻦ ﻋﺎﺩﺗﻲ ﺍﺣﻜﻲ ﺍﻗﻮﻝ
ﻭﻋﺎﺩﻱ ﺍﻟﻨﺎﺱ ﺑﺘﺸﻤﺖ ﻓﻴﻚ
ﻭﻻ ﺑﺤﺲ ﺑﻮﺟﻌﻚ ﺯﻭﻝ !!!..
ﻭﻛﻨﺖ ﺑﺤﺎﻭﻝ ﺍﺗﻨﺎﺳﻲ ...
ﻭﺍﺿﺤﻚ ﻟﻲ ﺯﻣﺎﻧﻲ ﺍﻟﺸﻴﻦ
ﻭﺍﻗﻮﻝ ﺍﻫﻲ ﻓﺘﺮﻩ ﻭﺗﻌﺪﻱ !!!..
ﻭﺍﻋﻴﺶ ﻣﻦ ﺗﺎﻧﻲ ﺍﺣﻠﻰ ﺳﻨﻴﻦ
ﺗﺪﻭﺭ ﺍﻟﺪﻧﻴﺎ ﻭﺍﻻﻳﺎﻡ ....
ﻭﺍﻧﺎ ﻭﺍﺣﺰﺍﻧﻲ ﻣﺘﻔﻘﻴﻦ
ﻻ ﺣﺎﺗﻜﻮﻥ ﻫﻲ ﻳﻮﻡ ﻟﻲ ﺳﻮﺍﻱ
ﻭﻻ ﺣﺎ ﺗﺠﻒ ﺩﻣﻮﻉ ﺍﻟﻌﻴﻦ
# ﺯﻭﻭﻭﻭﺑﻪ

ﺻﺪﺭ ﺍﻟﺤﻜﻢ ﻭﺍﻟﺪﻧﻴﺎ ﻋﻴﺪ
ﻭﺍﻟﺮﺍﺣﻮ ﻣﻨﻨﺎ ﻛﻢ ﺷﻬﻴﺪ !!!!
ﻭﺍﻧﺎ ﺟﺮﺣﻲ ﻟﺴﻊ ﻣﺎﺑﻄﻴﺐ
ﻻ ﺑﻘﺪﺭ ﺍﻧﺎﺳﻬﻮ ﺍﻟﺤﺼﻞ ..
ﺍﻧﺴﺎﻫﻮ ﻛﻴﻒ ﺣﺎﻟﻲ ﺍﻟﺼﻌﻴﺐ
ﻭﺍﺭﺟﻊ ﺍﻗﻮﻝ ﺍﻟﺠﺎﻱ ﺧﻴﺮ
ﺷﻤﺲ ﺍﻟﻈﻠﻢ ﻻﺑﺪ ﺗﻐﻴﺐ
ﻛﻢ ﺃﻡ ﺑﺘﺒﻜﻲ ﻋﻠﻰ ﺍﻟﺤﺼﻞ
ﻓﻲ ﺍﻻﻋﺘﺼﺎﻡ ﺭﺍﺡ ﻛﻢ ﺑﻄﻞ؟
ﻛﻴﻒ ﺩﻣﻬﻢ ﺣﺎﻳﺮﻭﺡ ﻛﺪﻩ !!!
ﻟﻠﻴﻠﻪ ﺣﻘﻬﻢ ﻣﺎﻭﺻﻞ ....
ﻳﺎﺍﻣﻲ ﺭﺍﺟﻊ ﻛﻨﺖ ﻟﻴﻚ
ﺍﺩﻳﻨﻲ ﺧﺎﻃﺮﻙ ﻭﻣﺎﻋﻠﻴﻚ
ﺍﻧﺎ ﻭﻃﻨﻲ ﺣﺎﺭ ﺑﻴﻬﻮ ﺍﻟﺪﻟﻴﻞ
ﻣﺎﺗﺒﻜﻲ ﻳﻮﻡ ﺍﻧﺎ ﺣﺎﺳﻲ ﺑﻴﻚ
ﻭﺍﻧﺎ ﺣﻘﻲ ﻟﻮ ﺿﺎﻉ ﻓﻲ ﺍﻻﺭﺽ
ﺑﻠﻘﺎﻫﻮ ﻋﻨﺪ ﺭﺏ ﺍﻟﻌﺒﺎﺩ
ﺍﻧﺎ ﺧﻮﻓﻲ ﻳﻤﻪ ﻋﻠﻰ ﺍﻟﺒﻠﺪ
ﺍﻧﺎ ﺧﻮﻓﻲ ﻳﻤﻪ ﻋﻠﻰ ﺍﻟﻮﻻﺩ
ﻛﻞ ﻣﺎﺍﻗﻮﻝ ﻫﻤﻲ ﺑﻴﺰﻭﻝ
ﺍﻧﺎ ﻛﻞ ﻳﻮﻡ ﺑﻠﻘﺎﻫﻮ ﺯﺍﺩ

ﻋﺪﺕ ﺳﻨﻴﻦ ﻋﻤﺮﻱ
ﺑﻲ ﻛﻞ ﺷﺮ ﺃﻭ ﺧﻴﺮ
ﺍﻳﺎﻡ ﺻﻌﻴﺒﺎ ﺧﻼﺹ
ﺑﻜﺖ ﻋﻴﻮﻧﻲ ﻛﺘﻴﺮ
ﻋﺎﻧﻴﺖ ﻣﻦ ﺍﻻﻳﺎﻡ
ﻣﻦ ﻟﺴﻪ ﻛﻨﺖ ﺻﻐﻴﺮ
ﻟﻜﻨﻲ ﻛﻨﺖ ﺑﺸﻮﻑ
ﺟﻮﺍﻳﺎ ﺣﻠﻢ ﻛﺒﻴﺮ
ﻛﻞ ﻣﺎﺍﻻﻗﻲ ﺻﻌﺎﺏ
ﺩﺍﻳﻤﺎ ﺑﻘﻮﻝ ﻟﻲ ﺧﻴﺮ
ﺗﺘﺤﻘﻖ ﺍﻻﺣﻼﻡ
ﻧﻨﺴﻰ ﺍﻟﻌﺬﺍﺏ ﻭﺍﻟﻬﻢ
ﻣﻦ ﻗﺴﻮﻩ ﺍﻻﻳﺎﻡ
ﻣﻦ ﺗﺎﻧﻲ ﻧﺘﺒﺴﻢ
ﺍﻟﺠﺎﻱ ﺍﺣﻠﻰ ﺍﻛﻴﺪ
ﺟﻮﺍﻳﺎ ﻟﺴﻪ ﻋﺸﻢ
ﺭﻳﺪﻙ ﺳﻜﻦ ﻗﻠﺒﻲ
ﻭﺑﻌﺪﺗﺎ ﻳﺎﻟﻤﺤﺒﻮﺏ
ﺍﻟﻔﺮﻗﻪ ﻣﺎﺑﻴﺪﻱ
ﺍﻻ ﺍﻟﻘﺪﺭ ﻣﻜﺘﻮﺏ
ﺍﻣﺸﻲ ﻭﺍﺳﻴﺐ ﻭﻃﻨﻲ
ﻓﻲ ﺃﻣﺮﻱ ﺟﺪ ﻣﻐﻠﻮﺏ