ﻭﺇﻧﺘﺎ ﺃﻏﺒﺶ
ﺍﻭﻋﺎ ﺗﺘﻤﺴﺢ ﻋﺸﺎﻧﻮ
ﻭﺍﻟﺒﻴﻌﻤﻞ ﻓﻴﻬﺎ ﺍﻃﺮﺵ
ﺍﻭﻋﺎ ﺗﺼﺮﺥ ﻓﻲ ﺃﺿﺎﻧﻮ
ﺍﻟﺒﻴﺠﻬﻞ ﻳﻮﻡ ﺣﻨﺎﻧﻚ
ﻣﺎ ﺗﺄﻣﻞ ﻓﻲ ﺣﻨﺎﻧﻮ
ﻭﺍﻟﺒﺨﻮﻥ ﺍﻟﻌﺸﺮﻩ ﺧﺎﺳﺮ
ﺍﻭﻋﺎ ﻣﺎ ﺗﻐﺮﻙ ﺟﻨﺎﻧﻮ
ﻋﻴﺶ ﺣﻴﺎﺗﻚ ﺑﻲ ﻣﺰﺍﺟﻚ
ﻭﻛﻞ ﺷﻴﺘﺎ ﺑﻲ ﺃﻭﺍﻧﻮ
ﻓﺎﻟﺒﻌﻴﺶ ﺑﻲ ﺣﻈﻮ ﺭﺍﺿﻲ
ﻫﻮ ﺍﻟﺒﻜﻮﻥ ﺳﻠﻄﺎﻥ ﺯﻣﺎﻧﻮ

ﻭﺣﺎﺓ ﺍﻟﺮﻳﺪﺓ ﻣﺎ ﺑﻘﺪﺭ ﺍﻗﻮﻝ ﻟﻠﺮﻳﺪﺓ ﺗﺘﺨﻔﻰ
ﻭﻭﺣﺎﺓ ﺍﻟﺸﻮﻕ ﻧﺰﻓﺖ ﺍﻟﺸﻮﻕ ﻭﺩﻡ ﺃﺷﻮﺍﻗﻲ ﺍﺗﺼﻔﺎ
ﻭﺣﺎﺓ ﺍﻟﺒﻴﻨﻨﺎ ﺍﺻﻠﻮ ﺍﻟﺒﻴﻨﻨﺎ ﻣﺎ ﺑﺲ ﻟﻘﻴﺎ ﺑﺎﻟﺼﺪﻓﺔ
ﻛﺘﺒﺖ ﻫﻮﺍﻙ ﺑﻲ ﺩﻣﻲ ﻭﻛﺘﺎﺏ ﺍﻟﺤﺐ ﻧﺸﻒ ﺟﻔﺎ
ﻻﻣﻦ ﺍﻧﺖ ﺗﺒﻘﻰ ﺑﻌﻴﺪ ﻭﺍﻟﻘﻰ ﺍﻟﺪﻣﻊ ﻣﺎ ﻭﻓﻰ
ﺑﺸﻴﻞ ﺍﻟﺼﺒﺮ ﻛﺎﺱ ﻇﻤﺄﻱ ﻭﺑﻲ ﻧﺎﺅ ﺷﻮﻗﻚ ﺍﺗﺪﻓﺎ
ﻭﺍﻗﻮﻝ ﺑﻜﺮﺓ ﺍﻟﻘﺮﻳﺐ ﺑﻠﻘﺎﻙ ﻭﺑﻜﺮﺓ ﻳﻔﻮﺕ ﻭﻣﺎ ﺗﺮﺟﻊ ﺍﺿﻮﻕ ﺍﻟﺼﺒﺮ ﻣﻦ ﺗﺎﻧﻲ ﻭﺍﻻﻗﻲ ﺍﻟﺪﻣﻊ
ﻣﺎ ﻛﻔﻰ
ﻭﺣﺎﺗﻚ ﻻﺑﻨﺎﻡ ﺍﻟﻴﻞ ﻭﻻ ﻃﺮﻑ ﺍﻟﺠﻔﻦ ﺑﻐﻔﺎ ...
ﻭﺣﺎﺓ ﺩﻣﻌﻲ ﺍﻟﺬﺭﻓﺘﻮ ﻋﻠﻴﻚ
ﻭﺣﺎﺓ ﺟﻔﻨﻲ ﺍﻟﻄﺮﻑ ﺭﻓﺎ
ﺑﺮﻳﺪﻙ ﻭﺍﻧﺖ ﻋﺎﻟﻢ ﺑﻲ ﻭﺑﺪﻟﺘﺎﻟﻤﺤﻨﺔ ﺟﻔﺎ
ﻻﻣﻦ ﺍﻧﺖ ﺗﺮﺟﻊ ﻟﻲ ﺑﻴﻤﻮﺕ ﺣﺰﻧﻲ ﻭﺑﻴﺘﻮﻓﻰ
ﺍﺳﺎﻟﻢ ﻛﻔﻚ ﺍﻟﻨﺎﺩﻱ ﻭﺍﻻﻗﻲ ﻋﻴﻮﻧﻚ ﺍﻟﻤﺮﻓﺎ
ﻭﺍﺣﺲ ﺑﺎﻟﻔﺮﺣﺔ ﻏﺎﻣﺮﺍﻧﻲ ﻭﺑﻴﺘﻈﻬﺮ ﻓﻲ ﺍﻟﻌﻴﻮﻥ ﻟﻬﻔﺔ
ﻭﺍﺗﻤﺘﻢ ﻓﻲ ﺍﻟﻜﻼﻡ ﻭﺍﺧﺠﻞ ﺗﻤﻮﺕ ﺍﻃﺮﺍﻓﻲ ﺑﺎﻟﺮﺟﻔﺔ
ﻣﻼﻣﺢ ﺍﻟﺮﻳﺪﺓ ﺗﺮﺳﻤﻨﻲ ﻭﺍﺯﻳﺪ ﻓﻮﻕ ﺍﻟﺨﺠﻞ ﻋﻔﺔ
ﻭﺍﺧﺒﻲ ﺍﻟﺮﻳﺪﺓ ﻣــــــــــــــــــــــــ ﺍﺍﺍ ﺑﻘﺪﺭ
ﻭﺣﺎﺗﻚ ﺻﻌﺒﺔ ﻣﺎﺑﻘﺪﺭ ﺍﺧﻠﻲ ﺍﻟﺮﻳﺪﺓ ﺗﺘﺨﻔﻰ

ﻳﺎ ﺳﻼﻡ ﻟﻮ ﺍﻱ ﺯﻭﻝ
ﻳﻮﻡ ﺗﻀﻴﻖ ﺍﻟﺪﻧﻴﺎ ﺑﻴﻬﻮ
ﻳﻘﺪﺭ ﻳﻠﻘﻰ ﻭﺳﻂ ﻫﻤﻮﻣﻮ
ﺯﻭﻝ ﺣﻨﻴﻦ ﻳﺴﺄﻝ ﻋﻠﻴﻬﻮ
ﺯﻭﻝ ﺗﻔﺘﺶ ﻟﻴﻬﻮ ﺭﻭﺣﻚ
ﻟﻤﺎ ﺗﺤﺘﺎﺭ ﺗﻤﺸﻲ ﻟﻴﻬﻮ
ﻭ ﻟﻤﺎ ﺗﻤﺮﻕ ﻣﻦ ﺩﻭﺍﺧﻠﻚ
ﺍﻭ ﺗﻀﻴﻊ ﻣﻨﻚ ﻣﺪﺍﺧﻠﻚ
ﺗﺒﻘﻰ ﻣﺎﺭﻕ ﺷﺎﻥ ﺗﺠﻴﻬﻮ
ﺯﻭﻝ ﺗﻔﺘﺶ ﻟﻴﻬﻮ ﻣﺪﺓ ..
ﻭﺯﻭﻝ ﻳﺠﻴﻚ ﻛﺎﻳﺲ ﺍﻟﻤﻮﺩﺓ

ﻳــــﺎﺭﻳﺲ ﺯﻣــــﺎﻥ ﺣـــــﺮﻡ ﺑﻨﻜﺘﺐ ﻓــــﻮﻗﻚ
ﻭﻓـــﻲ ﻛــﻞ ﺍﻟﻤﺤﺎﻓﻞ ﺩﺍﻳﻤــﺎ " ﺑﻨﺮﻓﻊ ﺳﻮﻗـﻚ
ﻧﺴﻴﺖ ﺍﺍ ﺭﻳﺲ ﺳﺎﻋﺔ ﺍﻭﻛﺎﻣﺒﻮ ﺟﺎﻱ ﻳﺴﻮﻗﻚ
ﻛﻨﺎ ﻓـﺪﺍﻙ ﻭﻛﻨـــﺎ ﺩﻣـــﺎﻙ ﺟــــــﻮﻩ ﻋــــﺮﻭﻗﻚ
!
ﻛﻨﺖ ﺭﻳﺴﻨـﺎ ﻗﺎﺋﺪ ﺍﻟﺪﻭﻟﻪ ﺗﺎﺝ ﻓﻮﻕ ﺭﺍﺳﻨﺎ
ﻭﺍﻟﺒﺼﻠﻚ ﻳﻤﻴﻦ ﺑﻨﻄﻘـﻮ ﻛـﺎﻥ ﺑﻲ ﻓﺎﺳﻨـــﺎ
ﺭﻓــــﻊ ﺍﻟﺪﻋــﻢ ﻳــﺎﺭﻳﺲ ﺃﺫﺍﻧـــﺎ ﻭﺩﺍﺳﻨـــﺎ
ﺇﻻ ﺑـﺮﺍﻙ ﺑﺪﻳـﺖ ﺍﻟﺸــــﺮ ﻭﺃﺭﺟــﺎ ﻋﻜﺎﺳﻨﺎ

ﻛﻌﺐ ﺍﻟﺠﺒـﺎﻥ ﺍﻟﺒﺘﻐـﺎﺑـﻪ ﻓﻴــﻚ ﺍﻟﻌﺮﻓﻪ
ﻭﻛﻌﺐ ﺍﻟﺮﺩﻭ ﻟﻠﻤﺤﺘﺎﺝ ، ﺷﻮﻓﻠﻚ ﺻﺮﻓﻪ
ﻛﻌـﺐ ﺍﻟﺸـــﺎﻳﺐ ﺍﻟﻴــﺪﻭ ﻓﻴﻬــﺎ ﺍﻟﺨﻔﻪ
ﻭﺍﻟﺒﻨﻬـﺮ ﺍﺑﻮﻫـﻮ ﻭﺗﻠﻘـﻲ ﺷﺎﻧﻖ ﺍﻟﺴﻔﻪ
ﻛﻌﺐ ﺍﻟﻌﺎﻟـﻢ ﺍﻟﺤـﺎﻓﻆ ﺍﻟﻜﺘـﺎﺏ ﻭﺑﺴﺠﺮ
ﻭﻛﻌﺐ ﺍﻟﺸﻴـﺦ ﺍﻟﺘــﺎﺑﻊ ﺍﻟﺤـﺮﻳﻢ ﻭﺑﻜﺠﺮ
ﻛﻌﺐ ﺍﻟﻌــﺎﻃﻞ ﺍﻟﻨــﺎﻳـﻢ ﻭﺍﺑــﻮ ﻣﺘﻬﺠﺮ
ﻭﺍﻟﻤـﺎ ﺫﻛﺮﻭ ﺟﺎﺭﻭ ﻭﻗﺎﻝ ﻣﻌﺎﻱ ﻣﺘﻔﻨﺠﺮ
ﻛﻌﺐ ﺍﻟﺮﺍﺟــﻞ ﺍﻟﺒﺴﻤﻊ ﻛــﻼﻡ ﻧﺴـﻮﺍﻧﻮ
ﻭﻛﻌﺐ ﺍﻟﺨـﺎﻳـﻦ ﺍﻟﺒﻨﻬـﺶ ﻋـﺮﺽ ﺟﻴﺮﺍﻧﻮ
ﻛﻌﺐ ﺍﻟﻔﻲ ﺍﻟﺪﻭﺍﺱ ﺑﺠﻔﻞ ﺑﺨﻠﻲ ﺍﺧﻮﺍﻧﻮ
ﻭﺍﻟﺪﻳﻮﺍﻧـﻮ ﻭﺍﺳـﻊ ﻭﺩﻳﻤﻪ ﻣﻄﺒﻼﺕ ﺑﻴﺒﺎﻧﻮ
ﻛﻌﺐ ﺍﻟﺒﺬﻛﺮ ﺍﻋـﺮﺍﺽ ﺍﻟﺨﻠـﻖ ﺑـﺎﻟﺒﺎﻃﻞ
ﻭﻛﻌﺐ ﺍﻟﻌﺎﻟﻪ ﺍﻟﻠﻲ ﺍﻫﻠـﻮ ﻗـﺎﻋﺪ ﻋﺎﻃﻞ
ﻛﻌﺐ ﺯﻭﻝ ﺍﻟﻤــﺰﺍﺝ ﺍﻟﻴﻮﻣـﻲ ﺳــﺎﻃﻞ
ﻭﺍﻟـﻮﻟــﺪ ﺍﻟﺒﻘــﻮﻟــﻮ ﻋﻠﻴﻬــﻮ ﺑــﺎﻃﻞ
ﻛﻌﺐ ﺍﻟﺒﻲ ﺍﻟﻘﺮﻭﺵ ﻭﺍﻟﺸﻬﺮﻩ ﻗﺎﻋﺪ ﺍﺗﻜﺒﺮ
ﻭﻛﻌﺐ ﺍﻟﺪﺍﺳﻲ ﻣﺎﻟـﻮ ﻭﻋﻠﻲ ﺟﻨـﺎﻭ ﺑﺘﺠﺒﺮ
ﻛﻌﺐ ﺍﻟﻔــﻲ ﺍﻟﺸــﺪﺍﻳـﺪ ﺗﻠﻘـﺎ ﻣــﺎﺑﺘﺼﺒﺮ
ﻭﺍﻟﻨــﺎﺳـﻲ ﺍﻻﻟــﻪ ﻻﺻﻼﻩ ﻳــﻮﻡ ﻻﻛﺒــﺮ
ﻛﻌﺐ ﺍﻟﻤﻦ ﺧﻠـﻖ ﻣـﺎﺳـﻮﻩ ﻋﻤـﻞ ﺍﻟﺨﻴﺮ
ﻭﻛﻌﺐ ﺍﻟﻨﻀﻤﻮ ﻗـﺪﺍﻡ ﻭﺍﻟـﺪﻭ ﺑـﻲ ﻧﻔﻴﺮ
ﻛﻌﺐ ﺍﻟﺮﺍﺟــﻞ ﺍﻟﺒﻤﺴـﺢ ﻭﺷﻴـﻮ ﺑﺎﻟﻔﻴﺮ
ﻭﺍﻟﺸــﺎﺏ ﺍﻟﺒﻘـﻮﻟـﻮ ﻓﻼﻧــﻪ ﻣﻨـﻮ ﺍﺧﻴﺮ
ﻛﻌﺐ ﺍﻟﺼﺎﺣﺐ ﺍﻟﺒـﻲ ﻗﻔـﺎﻙ ﺑﻬﺒﺶ ﻋﺮﺿﻚ
ﻭﻛﻌــﺐ ﺍﻟﺘـﺪﻱ ﻓـﻲ ﺧﺸﻤــﻮ ، ﻭﻳﻌﻀﻚ
ﺳﻤﺢ ﺍﻟﺼﺎﺣﺐ ﺍﻟﺒﻴﻘﻴﻒ ﻣﻌﺎﻙ ﻓﻲ ﻣﺮﺿﻚ
ﻭﺳﻤﺢ ﺍﻟﻜـﻞ ﻣﺎﺗﺤﺘﺎﺟﻠـﻮ ﺑﻴﻘﻀـﺎﻭ ﻗﺮﺿﻚ
ﺳﻤﺤﻪ ﺍﻟﺨﻮﻭﻩ ﺍﻟﻠﻲ ﺣﺒﻞ ﺍﻟﻌﻼﻗﺎﺕ ﺷﺎﺩﻩ
ﻭﺳﻤﺤـﻪ ﺍﻟﺨـﻮﻭﻩ ﻳـﺎﻟﺸﺒﺢ ﺍﻟﺪﻭﺍﻡ ﻣﺘﻤﺎﺩﻩ
ﻛﻌﺐ ﺍﻟﺨﻮﻭﻩ ﻳـﺎ ﻭﻟﺪ ﺍﻥ ﺑﻘﺖ ﻣـﻲ ﺟﺎﺩﻩ
ﻭﺍﻻﻛﻌـﺐ ﺷﺪﻳﺪ ﺧـﻮﻭﺓ ﺍﻟﻘـﺮﻭﺵ ﻭﺍﻟﻤﺎﺩﻩ
ﺍﻟﺨﻮﻭﻩ ﺍﻟﺸـﺎﻥ ﻣﺼـﺎﻟـﺢ ﺍﺻﻠـﻮ ﻣـﺎﺑﺪﻭﻡ
ﻭﺍﻟﺰﻭﻝ ﻛﺎﻥ ﺧﻨـﻖ ﻣـﺎﺑﺘﻨﻔﻌـﻮ ﺍﻡ ﺩﻟـﺪﻭﻡ
ﺍﺗﻨﻴﻦ ﺑﻜﺮﻫـﻦ ، ﺭﺍﺟـﻼ " ﺷﻐﻠﺘــﻮ ﺍﻟﻠﻮﻡ
ﻭﺍﻟﺘﺎﻧﻲ ﺍﻟﺒﺨﺮﺏ ﺍﻟﺨﻮﻭﻭﻩ ﺷــﺎﻥ ﺣـﺮﻭﻡ

ﺇﺫﺍ ﻃﻬﺮ ﺍﻟﻌﺸﻖ ﺑﻘﻰ ﻟﻴﻚ
ﻭﺟﺐ ﻏﺴﻞ ﺍﻟﺠﺴﺪ ﺑﺎﻟﻀﻲ
ﻭﺇﺫﺍ ﺿﻞ ﺍﻟﻤﻘﻴﻞ ﻋﻴﻨﻴﻚ
ﻓﺮﺽ ﺗﺘﻮﻗﻰ ﺑﻲ ﻋﻴﻨﻲ
ﻭﺇﺫﺍ ﻛﺎﻥ ﺍﻟﻌﻼﺝ ﻋﻨﺪﻙ
ﻓﻤﺮﺣﺒﺘﻴﻦ ﺣﺒﺎﺏ ﺍﻟﻜﻲ
ﻭﺇﺫﺍ ﺯﺭﻋﻚ ﻧﺒﺖ ﻓﻲ ﺍﻟﺠﻮﻑ
ﺷﻨﻮ ﺍﻟﻤﺎ ﺑﺒﻘﻰ ﻓﻮﻕ ﺍﻟﺼﻲ
ﻓﻤﺎ ﻗﻮﻟﻚ ﺇﺫﺍ ﺳﻜﻦ ﺍﻟﺒﻜﻢ ﺻﻤﺘﻲ
ﻭﻣﻀﻎ ﺣﺲ ﺍﻟﺰﻣﻦ ﺣﻮﻟﻚ
ﻭﻣﺎ ﻗﻮﻟﻚ ﺇﺫﺍ ﺳﻠﺐ ﺍﻟﻘﺼﺮ ﻃﻮﻟﻲ
ﻭﻗﻔﺖ ﺃﺷﺎﺑﻰ ﻟﻲ ﻃﻮﻟﻚ
ﻭﻣﺎ ﻗﻮﻟﻚ ﺇﺫﺍ ﺻﻨﻘﻊ ﺧﺮﻳﻒ ﻏﻴﻤﻚ
ﻧﻜﺖ ﺑﻄﻦ ﺍﻟﺰﻣﻦ ﻏﻮﻟﻚ
ﻭﺇﺫﺍ ﺩﻣﻲ .. ﻭﺃﺑﻮﻱ ﻭﺃﻣﻲ .. ﻭﺃﻧﺎ ﻭﻋﻤﻲ
ﻏﺘﺎﻱ ﻭﺑﻜﺎﻱ .. ﻫﻨﺎﻱ ﻭﺷﻘﺎﻱ .. ﻫﻮﺍﻱ ﻭﺩﻣﺎﻱ ..
ﻧﺎﻱ ﻭﺳﻮﺍﻱ .. ﺻﺒﺢ ﻛﻞ ﺍﻟﻨﻀﻢ ﻫﻮﻟﻚ
ﻓﻤﺎ ﻗﻮﻟﻚ ﻭﻃﻦ ﻣﺒﺪﻉ .. ﻭﻃﻦ ﻓﻨﺎﻥ
ﻭﻃﻦ ﺑﻲ ﻗﺎﻣﺔ ﺍﻹﻧﺴﺎﻥ
ﻭﻃﻦ ﻛﺴﺮ ﺣﺪﻭﺩ ﺍﻟﺠﻮﻉ
ﻭﻋﻰ ﻭﻛﺎﻥ ﺍﻟﻔﻘﺮ ﺳﻜﺮﺍﻥ
ﻭﻃﻦ ﺇﻳﻤﺎﻥ .. ﻓﻤﺎ ﻗﻮﻟﻚ

ﻣﺪﺧــــــــــﻝ **
ﺇﺗﺰﻛﺮﺗﻚ
ﻭﻓﺠﺄﻩ ﻟﻘﻴﺘﻨﻲ ﻣﻌﺎﻙ ﺯﻱ ﺳﺎﺭﺡ
ﻭﺯﻱ ﻣﺎﺗﻘﻮﻝ ﻛﺪﺍ ﻛﺖ ﻣﺸﺘﺎﻗﻚ
ﻭﻣﺎﻧﺎﺟﻴﺘﻚ ﻣﻦ ﺃﻣﺒﺎﺭﺡ
ﺃﺻﻠﻚ ﺳﺎﻋﻪ ﺗﺰﻋﻞ ﻣﻨﻲ
ﺑﺘﻌﻤﻞ ﺛﻮﺭﻩ
ﻭﻓﻲ ﺟﻮﺍﻱ ﺑﺘﺴﻮﻱ ﻣﺬﺍﺑﺢ
ﺑﺲ ﺃﻧﺎ ﻋﺎﺭﻓﻚ ﻟﺴﻪ ﺣﻨﻴﻦ
ﻭﻗﺒﺎﻝ ﺃﻃﻠﺐ
ﺑﻠﻘﻲ ﻋﻴﻮﻧﻚ ﻟﻲ ﺑﺘﺴﺎﻣﺢ
** ﻧــــــﺺ **
ﻗﺒﻞ ﻣﺎﺗﻘﺮﺭ ﺗﻔﺎﺭﻕ
ﻭﺗﻤﺸﻲ ﺗﺒﻌﺪ ﻣﻦ ﻭﻃﻨﻨﺎ
ﺳﻘﺘﻬﺎ ﻭﺑﺎﻟﺸﻮﻕ ﻛﺴﻴﺘﺎ
ﻭﻗﻠﺖ ﻟﻴﻬﺎ ﻭﻛﺖ ﺧﺎﻳﻒ
ﺩﻓﻘﻴﻨﻲ ﻋﻠﻴﻚ ﻣﺤﻨﻪ
ﻭﺧﺘﻲ ﺑﺬﺭﻩ ﺭﻳﺪ ﺻﻐﻴﺮﻩ
ﻭﺁﻣﻨﻲ ﺑﻴﻬﺎ
ﻭﺃﺳﻘﻲ ﻣﻦ ﻋﻴﻨﻴﻚ ﺗﺮﺍﺑﺎ
ﺑﻜﺮﻩ ﺗﻜﺒﺮ
ﻭﺗﺒﻘﻲ ﻣﻠﻴﻮﻥ ﺃﻟﻒ ﻏﺎﺑﻪ
ﻣﺎﺣﺮﺍﻡ ﻟﻮ ﻗﻠﻨﺎ ﻧﺤﻠﻢ
ﻭﻧﺴﺘﻈﻞ ﻋﺰ ﺍﻟﻬﺠﻴﺮ
ﺑﻲ ﻃﻴﻒ ﺳﺤﺎﺑﻪ
ﺑﺲ ﻋﻴﻮﻧﻚ ﻳﻮﻡ ﺗﺪﻣﻊ
ﻭﺇﻧﺘﻲ ﺗﻘﻔﻠﻲ ﻣﻨﻲ ﺑﺎﺑﻬﺎ
ﺍﻟﺪﻣﻮﻉ ﺍﻟﻔﻴﻚ ﺑﺘﻜﻤﻞ
ﺑﺲ ﻭﺣﺎﺗﻚ
ﻛﻞ ﻳﻮﻡ ﺑﻴﻤﺮ ﺑﺪﻭﻧﻚ
ﻓﻴﻬﻮ ﺑﺘﺤﻮﻝ ﺧﺮﺍﺑﻪ
ﻭﻛﺎﻥ ﺑﺘﻀﺤﻚ ...
ﻭﻛﻨﺖ ﻣﺴﺘﻐﺮﺏ ﺑﻌﺎﻳﻦ
ﻟﻴﻪ ﺑﺘﻀﺤﻚ !
ﻭﺧﻮﻓﻲ ﻛﺎﻥ ﻓﻲ ﺻﻮﺗﻲ ﺑﺎﻳﻦ
ﺑﺲ ﺃﻛﻴﺪ ﻛﺎﻧﺖ ﺑﺘﻀﺤﻚ
ﺷﺎﻥ ﻭﻓﻴﻪ ﻭﻣﺎﺣﺘﺒﻌﺪ
ﻭﻣﺎﻫﺎ ﻧﻮﻉ ﺍﻟﺒﺒﻘﻲ ﺧﺎﻳﻦ
ﻭﻛﻨﺖ ﻭﻗﺖ ﺍﻟﻘﺎﻫﺎ ﺑﺤﻠﻢ
ﻭﺑﺪﻋﻲ ﺭﺑﻲ ﺗﻜﻮﻥ ﻧﺼﻴﺒﻲ
ﻭﻛﻨﺖ ﺑﺴﻜﺮ ﺑﻲ ﻋﻴﻮﻧﺎ
ﻭﺩﻳﻤﻪ ﻛﺎﻥ ﺑﺘﻌﺪﻟﻮ ﻋﻴﺒﻲ
ﻭﻛﻨﺖ ﺑﺴﺄﻝ ﻧﻔﺴﻲ ﻣﺮﺍﺕ
ﻟﻴﻪ ﻫﻲ ﻣﺎﺑﺘﻘﻮﻝ ﺣﺒﻴﺒﻲ؟
ﻭﺑﺮﺿﻮ ﻣﺎﺷﻜﻴﺖ ﺛﻮﺍﻧﻲ
ﺇﻧﻮ ﻣﻤﻜﻦ ﻟﺤﻈﻪ ﺗﺮﺣﻞ
ﻭﻓﻲ ﺣﺸﺎﻳﺎ ﺗﻘﻴﺪ ﻟﻬﻴﺒﻲ
ﻭﻣﻦ ﻣﺸﺖ ﺳﺎﻗﺖ ﺧﻄﺎﻫﺎ
ﻗﻠﻴﺒﻲ ﻛﺎﻥ ﻓﻲ ﺍﻟﺮﻭﺡ ﺑﻌﺎﻓﺮ
ﻭﻛﺎﻥ ﻫﻮ ﻟﺴﻪ ﺑﻜﻮﺱ ﻭﺭﺍﻫﺎ
ﻛﺎﻧﺖ ﻣﺘﻴﻢ ﻭﺃﻋﻤﻲ ﺿﺎﻳﻊ
ﻣﻬﻤﺎ ﺷﺎﻑ ﻣﺎﺑﺸﻮﻑ ﺳﻮﺍﻫﺎ
ﻭﻛﻢ ﺷﻬﻮﺭ ﻋﺪﺕ ﺻﻌﻴﺒﻪ
ﻭﺯﺍﺩﻭ ﻛﺎﻥ ﺗﻨﻬﻴﺪ ﻭﺁﻫﻪ
ﻟﺤﺪﻱ ﻣﺎ ﺃﺣﺰﺍﻧﻮ ﻣﻠﺖ
ﻭﻓﻲ ﺍﻟﻘﻠﻴﺐ ﺃﻭﺟﺎﻋﻮ ﻗﻠﺖ
ﺻﺪﻓﻪ ﺗﺎﻧﻲ ﺍﻟﺒﺴﻤﻪ ﻃﻠﺖ
ﻭﻓﺘﺤﺖ ﻋﻴﻨﻴﻪ ﺑﺮﺍﺍﺍﻫﺎ
ﺻﻮﺗﻬﺎ ﻛﺎﻥ ﺑﺎﻟﺠﺪ ﻳﺤﻨﻦ
ﻃﻴﺒﻪ ﻣﺎﺳﺎﻗﺖ ﻏﺮﻭﺭﻫﺎ
ﻭﻛﺎﻥ ﻗﻮﺍﻡ ﺍﻟﺮﻳﻞ ﻳﺠﻨﻦ
ﺑﺴﻌﺪ ﺍﻟﺴﺎﺣﺎﺕ ﺣﻀﻮﺭﻫﺎ
ﻭﺑﺎﻟﺮﻣﻮﺵ ﻛﺎﻧﺖ ﺗﻨﺸﻦ
ﻭﻛﺎﻥ ﻛﻤﺎ ﺍﻟﻨﺴﻤﺎﺕ ﻣﺮﻭﺭﻫﺎ
ﻓﻴﻨﻲ ﺣﻠﺖ
ﻭﺷﻜﻠﺖ ﺃﺟﻤﻞ ﻣﻨﺎﻇﺮ
ﺷﺎﻟﺖ ﺃﻧﻘﺎﺽ ﺍﻟﻤﺂﺳﻲ
ﻭﺇﻱ ﺣﺲ ﺟﻮﺍﻱ ﻣﺸﺎﺗﺮ
ﻭﺩﻭﻥ ﺗﺮﺩﺩ
ﺭﺍﺿﻴﻪ ﻗﺎﻟﺖ ﺑﺎﻟﻤﺨﺎﻃﺮ
ﺟﻨﺒﻬﺎ ﺍﻟﺨﻮﻑ ﻣﺎﻋﺮﻓﺘﻮ
ﻭﻻ ﺑﺘﺒﺨﻞ ﺑﺎﻟﻤﺸﺎﻋﺮ
ﻏﺎﻳﺘﻮ ﻛﻞ ﺍﻟﻔﻴﻨﻲ ﻟﻴﻬﺎ
ﻭﺍﻟﻠﻪ ﺳﺎﺍﺍﺍﺗﺮ

ﺑﺪﻝ ﻣﺎﺗﻘﻮﻟﻲ ﻣﺸﺘﺎﻗﻴﻦ ﻋﺸﺎﻥ ﻳﻀﺤﻚ ﻭﻳﻘﻮﻝ ﺑﺎﻻﻛﺘﺮ
ﺍﺿﺤﻜﻲ ﺿﺤﻜﻪ ﻓﻴﻬﺎ ﺑﺮﺍﺀﺓ . . ﻭﺍﻛﺘﺒﻲ ﻧﺺ ﻣﻌﻘﺪ ﺍﻛﺘﺮ ...
ﺍﻛﺘﺒﻲ ﺣﺎﺟﻪ ﺗﻔﺘﺢ ﻗﻠﺒﻮ .. ﻗﻮﻝ ﻟﻲ ﻗﻠﺒﻲ ﻗﺎﻋﺪ ﻳﺘﻮﺗﺮ ...
ﻳﺮﺟﻔﯽ ﻧﺒﻀﻮ ﻣﻦ ﻳﻠﻘﺎﻙ ... ﻭﺿﺦ ﺍﻟﺪﻡ ﻛﻤﺎﻥ ﺑﺘﻮﺗﺮ ..
ﺍﻛﺘﺒﻲ ﻟﻴﻬﻮ ﺣﺎﺟﻪ ﻏﺮﻳﺒﻪ ﻣﺜﻼ ﺭﻳﺪﻱ ﻟﻴﻚ .. ﺗﺮﻛﺘﺮ ...
ﺍﻟﻤﻄﺮﻩ ﺍﻟﺒﻐﺮﻕ ﺳﻴﻼ .. ﻗﻄﻌﺘﺎ ﺩﺍﻳﺮﺓ ﻟﻴﻬﺎ ﺗﺮﻛﺘﺮ ..
ﺍﻭ ﻗﻮ ﻝ ﻟﻴﻮ ﻃﻴﻮﺭ ﺍﻟﺠﻨﻪ ﻣﺠﻨﻮﻭﻭﻭﻧﺎﺕ ﺭﻗﻴﺼﻦ ﺍﺷﺘﺮ ..
ﻫﻮ ﻻﻣﺎﺕ ﺷﺎﻥ ﻳﺸﻮﻑ ﺍﻟﺠﻨﻪ ﻻﺑﻌﺮﻑ ﺍﻟﺮﻗﻴﺺ ﺍﻻﺷﺘﺮ ..
ﺍﻛﺘﺒﻲ ﺣﺎﺟﻪ ﺃﺣﻠﻰ ﻭﺍﺩﻓﯽ ...
ﻣﺜﻼ ﺯﻱ ... ﻋﻴﻮﻧﻚ ﺟﻨﻨﺔ ...
ﺣﺎﺟﺘﻴﻴﻦ ﻓﻴﻬﻦ ﺍﻟﺒﺘﻤﻨﯽ ...
ﺍﻭ ﻗﻮﻝ ﻟﻴﻮ ﺩﻗﻴﻘﺔ ﺍﺳﺘﻨﯽ ...
ﻫﺎﻙ ﻗﻠﺒﻲ ﺍﻟﻌﻠﻴﻜﺎ ﺍﺣﻦ ...
ﻣﻦ ﺣﻦ ﺍﻟﺴﻔﻦ ﺑﺎﻟﻤﺮﻓﺎ ...
ﺍﻛﺘﺒﻲ ﻟﻴﻬﻮ ﺣﺎﺟﻪ ﺑﺪﻭﺭﺍ ...
ﻗﻮﻝ ﻟﻴﻮ ﻋﻨﺪﻱ ﻟﻴﻚ ﺩﻛﺘﻮﻭﻭﺭﻩ ...
ﺍﺗﺤﺪﺕ ﺩﻛﺎﺗﺮﺓ ﺭﻳﺪﻙ ﺍﻟﻘﺪﺍﻣﻲ ﺻﺪﻗﺎ ﻭﺻﻮﺭﺓ ...
ﻗﻮﻝ ﻟﻲ ﺍﻟﺮﻳﺪ ﺑﺒﻴﺢ ﻓﻲ ﻋﺮﻓﻮ ﺣﺎﺟﺎﺕ ﻣﺎﻓﻲ ﻟﻴﻬﺎ ﺿﺮﻭﺭﺓ .. .
ﻭﺍﻟﺮﻳﺪ ﻋﻴﺪ ﻭﻻﻣﺤﺘﺎﺟﻠﻮ ﻟﻲ ﺭﺅﻳﺔ ﻫﻼﻝ ﻻﻭﻗﻔﺔ ...
ﻗﻮﻝ ﻟﻴﻮ ﻫﺴﺴﺎ ﻣﻮﺵ ﻻﻗﻴﺘﻚ ...
ﺍﺗﺬﻛﺮﺕ ﺣﺎﺟﻪ ﻭﺟﻴﺘﻚ ...
ﺍﻧﺖ ﻣﺸﻴﺘﻨﻲ ﺳﻜﻪ ﺑﻌﻴﺪﺓ ... ﺑﻴﻬﺎ ﺍﻟﻴﻮﻣﺎ ﺩﺍﻙ ﺣﺠﻴﺘﻚ ...
ﺍﻧﺖ ﺗﻜﻮﺱ ﻋﻠﻲ ﻓﻲ ﺑﻴﺘﻨﺎ .. ﻭﺍﻧﺎ ﺑﻲ ﺍﺧﺘﺼﺎﺭ ﻏﺸﻴﺘﻚ ...
ﺍﻧﺖ ﻓﺘﺤﺖ ﻟﻲ ﺑﺎﺏ ﻗﻠﺒﻚ ﺍﻟﻮﺭﺍﻧﻲ ... ﻭﺍﻧﺎ ﺧﺸﻴﺘﻚ
ﺧﻠﺴﻪ ﺩﺧﻠﺖ ﻣﻦ ﺍﺣﺰﺍﻧﻲ ... ﻭﺍﻧﺖ ﺳﻤﻌﺘﻨﻲ ﻭﺣﺴﻴﺘﻚ ...
ﻣﺮﻗﺖ ﺗﻜﻮﺱ ﻋﻠﻲ ﻣﻦ ﺗﺎﻧﻲ ... ﻣﺎﻟﻚ ﻳﺎﺍﻟﺤﺒﻴﺐ ﺟﻨﻴﺖ ...
ﺗﻘﻮﻝ ﻟﻲ ﻻﻻ ﻳﺎﺍﻟﻤﺎﻟﻴﺎﻧﻲ ... ﻟﻲ ﻭﺟﻊ ﺍﻟﺴﻨﻴﻦ ﺣﻨﻴﺖ ...
ﻭﻗﺘﺎ ﺍﺿﻬﻬﺒﻦ ﻣﻦ ﻗﻠﺒﻲ ... ﻭﺍﺩﺩﻋﻲ ﺑﻴﻨﻨﺎ ﻣﺎﻓﻴﺶ ﻋﺮﻓﻪ ...
ﻳﺎﺥ ﻗﻮﻝ ﻟﻴﻬﻮ ﺟﻴﺘﻚ ﺍﺣﻠﯽ ﻣﻦ ﺷﺎﻱ ﺍﻟﺤﻠﻴﺐ ﺑﺎﻟﻘﺮﻓﻪ ...
ﺷﻮﻓﺘﻚ ﺍﺣﻠﯽ ﻟﻲ ﻣﻦ ﺯﻭﻝ ﻣﻌﻠﻠﻢ ﺍﻟﻠﻪ ﺟﺎﺗﻮ ﺍﻟﺼﺮﻓﻪ ...
ﻋﺼﻔﻮﺭ ﺍﻧﺖ ﺭﻛﺖ ﻛﺮﻋﻲ ﻓﻲ ﻛﺮﺍﻉ ﻋﻨﻘﺮﻳﺐ ﻓﻲ ﻏﺮﻓﻪ ...
ﻣﺒﺴﻮﻃﻴﻨﺒﻮ ﺷﻔﻊ ﺑﻴﺘﻨﺎ .... ﺭﺍﻓﻌﻴﻦ ﻟﻴﻮ ﻗﺰﺍﺯ ﺍﻟﻜﻠﻔﻪ ...
ﻳﺎﺥ ﺩﻗﻴﻘﻪ ﺩﻗﻴﻘﻪ ...
ﻗﻮﻝ ﻟﻴﻮ ﺣﺎﺟﻪ ﻣﺎﻻﻗﺎﻫﺎ ﻗﺒﺎﻝ ... ﺷﻮﻓﻲ ﻟﻴﻜﻲ ﻃﺮﻳﻘﻪ ...
ﺍﻱ ﻧﻌﻢ ﺍﻧﻮ ﻓﺎﺍﺍﺍﻫﻢ ﺟﺪﺍ ... ﺍﺍﻱ ﺍﻟﺤﻘﻴﻘﻪ ﺣﻘﻴﻘﻪ ..
ﻟﻜﻦ ﺩﺍﻳﺮﺓ ﻟﻲ ﻓﺪ ﻛﻠﻤﺔ ... ﺗﻨﺪﻳﻞ ﺍﻟﻜﻼﻡ ﻣﺎﻳﻌﻴﻘﺔ ...
ﻗﻮﻝ ﻟﻴﻮ ﻳﺎﻧﻀﺎﻝ ... ﻓﺪ ﺣﺎﺟﻪ ...
ﻻ ﻃﻴﺮ ﺟﻨﺔ ﻻ ﻛﺒﺴﻴﺒﺔ ... ﻛﻠﻤﺔ ﻳﻜﻮﻥ ﺷﺪﻳﺪ ﻣﺤﺘﺎﺟﻪ ...
ﻫﻮ ﺷﻦ ﺧﺴﺎﻫﻮ ﻓﻲ ﺍﻟﻨﺺ ﺍﻟﻤﻌﻘﺪ ﺍﻛﺘﺮ ...
ﻭﺷﻦ ﺧﺴﺎﻫﻮ ﻓﻲ ﺍﻟﺸﻮﻕ ﺍﻟﻮﻻ ﺑﺘﻤﺘﺮ ...
ﻫﻮ ﺍﺻﻼ ﻻﺑﺘﺬﺭﻭ ﺍﻟﻤﻄﺮﺓ ﻻﻣﺤﺘﺎﺝ ﻋﺸﺎﻧﻪ ﺗﺮﻛﺘﺮ .. ﻻ ﺧﺴﺎﻭﻭﻃﻴﻮﺭ ﺍﻟﺠﻨﻪ ﻻ ﻫﻤﺎ ﺍﻟﺮﻗﻴﺺ
ﺍﻻﺷﺘﺮ ...
ﻗﻮﻝ ﻟﻴﻮ ﺣﺎﺟﻪ ﻣﺎﺑﺘﺘﺘﻨﯽ . ... ﺑﻨﻬﺎ ﻓﻲ ﺍﻟﻘﺼﺎﻳﺪ ﻣﺎﺟﺎ ...
ﺣﺎﺟﻪ ... ﺑﺮﺍﺍﺍﻫﺎ ﺗﺘﻘﺮﻳﻔﻠﻮ ... ﻭﻳﻌﺮﻑ ﻳﻜﻔﻲ ﻟﻴﻬﺎ ﻣﺰﺍﺟﺎ ...
ﺍﺟﻤﻞ ﻣﻦ ﺗﻘﻮﻻ ﺍﻏﺎﻧﻲ ..
ﻭﺍﻛﺒﺮ ﻣﻦ ﺗﺴﻠﻠﻢ ﺭﻭﺣﺎ ... ﻟﻲ ﺳﻤﻊ ﺍﻟﺒﻌﻴﺪ ﻭﺍﻟﺪﺍﻧﻲ ...
ﺣﺎﺟﻪ .... ﻋﺸﺎﻥ ﻳﻘﻮﻻ ﻏﻨﺎﻛﻲ ... ﻣﺤﺘﺎﺝ ﺍﻟﻒ ﻣﻌﺠﻢ ﺗﺎﻧﻲ ...
ﻳﺸﺮﺡ ﺭﺍﺑﻄﻪ ﻭﺍﺑﻌﺎﺩﺍ ... ﺳﻠﻠﻢ ﻗﺪﺭﺗﺎ ﺍﻟﻮﺟﺪﺍﻧﻲ ...
ﺍﺷﻄﺒﻲ ﻳﻠﻼ ... ﺍﻛﺘﺒﻲ ﺗﺎﻧﻲ
ﺍﻛﺘﺒﻲ ﺗﺎﻧﻲ ﺣﺎﺟﻪ ﺑﺴﻴﻴﻄﻪ
ﻋﻴﻨﻴﻚ ﻳﺎﻟﺤﺒﻴﺐ ﻧﻴﻠﻴﻦ ﻭﻗﻠﺒﻚ ﻟﻠﻜﺘﺎﺑﻪ ﻣﺤﻴﻄﺎ ...
ﻋﻴﻨﻴﻚ ﺍﻟﻨﺼﻴﺤﻪ ﻧﺼﻴﻴﺤﻪ ...
ﻣﺮﻗﺖ ﻣﻨﻲ ﺳﻬﻢ ﺍﻟﻮﺟﻌﻪ ﻳﻮﻡ ﻻﻗﻴﺘﻨﻲ ﺭﺍﻗﺪﻩ ﺟﺮﻳﺤﻪ ...
ﻋﻴﻨﻴﻚ ﺩﻳﻞ ﻗﻮﺍﻧﻴﻦ ﻗﺘﻞ ﺩﻭﻟﻲ ﻭﺣﺎﻳﻤﻪ ﺑﻲ ﺗﺼﺮﻳﺤﻪ ...
ﻣﺘﻌﺒﻪ ﻳﻮﻡ ﺗﻘﺒﻞ ﻣﻨﻲ ... ﻟﻜﻦ ﻓﻲ ﺍﻟﺤﻘﻴﻘﻪ ﻣﺮﻳﺤﻪ ...
ﻳﺎﺥ ﻋﻴﻨﻴﻚ ... ﺟﺪﺍﻭﻝ ﺍﻟﻤﻲ ... ﻧﺨﻠﺔ ﻭﺑﻤﺒﺮﻳﻦ ﻭﺳﺒﻴﻄﻪ ...
ﻳﺎﺥ ﺍﻧﺎ ﻣﺎﻟﻲ ﺣﺎﺳﻪ ﻛﺎﻧﻲ ﻣﺴﺮﻓﻪ ﻓﻲ ﺍﻟﻜﻼﻡ ﻭﻋﺒﻴﻄﻪ ...
ﻓﺪﺩﺓ ﻛﻠﻤﻪ ....
ﻏﻤﺪﻱ ﺑﻲ ﺍﺧﺘﺼﺎﺭ ﻗﻮﻟﺒﻬﺎ .... ﺍﻭ ﻗﻮﻝ ﻟﻴﻬﻮ ﺟﺎﺕ ﻓﻲ ﺣﻠﻤﻪ ..
ﺧﻠﻴﻚ ﻣﻦ ﻛﻼﻡ ﺍﻟﺸﻌﺮﺍ ... ﺣﻜﻤﺔ ﻧﺎﺱ ﺯﻫﻴﺮ ﺍﺑﻮ ﺳﻠﻤﯽ ...
ﺧﻠﻴﻚ ﻭﺍﺿﺤﻪ ... ﻃﻠﺔ ﻗﻤﺮﺓ ﻓﻲ ﺩﻭﺭﻳﻦ ... ﻗﺼﺎﺩ ﺍﻟﻀﻠﻤﻪ ...
ﻗﻮﻝ ﻟﻴﻮ ﺍﻧﺘﻲ ﻋﺎﺍﺍﺍﺭﻓﻪ ﺍﻟﻜﻠﻤﻪ .. ﺧﻠﻲ ﺍﻟﻤﺴﻜﻨﻪ ﻭﻗﻮﻟﻴﻬﺎ .. .
ﻛﻢ ﺣﻮﻝ ﻭﺍﻧﺘﻲ ﻳﺎﺍﻟﻤﺴﻜﻴﻨﻪ ﻛﺎﺗﻤﺔ ﻗﺪﺭ ﺩﻩ ﺳﺎﻛﺘﻪ ﻋﻠﻴﻬﺎ ...
ﻳﺎﺥ ﻧﻴﻔﺎﺷﺎ ﺣﻠﻠﻮ ﻧﻘﺎﺷﺎ ... ﻭﺳﺪ ﺍﻟﻨﻬﻀﻪ ... ﻋﺮﻓﻮ ﺍﻟﺒﻴﻬﺎ ...
ﻭﻣﺸﻜﻠﺔ ﺍﻧﻚ ﺍﻧﺘﻲ ﺗﻘﻮﻟﻲ ﻓﺪﺓ ﻛﻠﻤﻪ ... ﻣﺎﺗﺤﻠﻴﻬﺎ ... ﻳﺎﺥ ﺧﻠﻴﻬﺎ ...
ﻻﻻ ﺧﻼﺱ ... ﺑﻘﻮﻻ ﺑﻘﻮﻻ ...
ﻳﺎﺥ ﺍﻧﺎ ﻭﺍﻧﺖ ﻳﺎﻣﺤﺒﻮﺑﻲ ... ﻣﺎﺧﺪﻳﻦ ﻓﻲ ﺍﻟﺘﻔﺎﻧﻲ ﺑﻄﻮﻟﻪ ...
ﻋﻴﻨﻲ ﺷﺎﻳﻠﻪ ﻣﻨﻚ ﺷﻮﻓﺎ ... ﻋﻴﻨﻴﻚ ﺣﺎﺟﻪ ﻣﺎﻣﻌﻘﻮﻟﻪ ...
ﻋﻴﻨﻴﻚ ﺣﺎﺟﻪ ﻣﺎﻣﻌﻘﻮﻟﻪ ؟؟
ﻳﺎﺥ ﻭﺍﻟﻠﻪ ﺍﻧﺘﻲ ﺍﻟﺤﺎﺟﻪ ﻣﺎﻣﻌﻘﻮﻟﻪ
ﻗﻮﻡ ﺧﻠﻴﻬﺎ .
. ﻻﻻ ﺧﻼﺱ ﺑﻘﻮﻻ ﺑﻘﻮﻻ ...
ﻳﺎﺧﻲ . .. ﺑﺮﻳﻴﻴﻴﻴﻴﻴﺪﻙ ... ﺍﻳﻮﺓ ﺑﺮﻳﻴﺪﻙ ... ﺍﻟﺮﻳﺪﺓ ﺍﻟﺠﻤﻴﻠﻪ ﻓﺼﻮﻟﺔ ...
ﺍﻟﺮﻳﺪﺓ ﺍﻟﻘﺒﻞ ﻳﺘﺨﺎﺻﻤﻮﺑﺎ ﺍﻟﻨﺎﺱ ﺑﺘﺪﻱ ﺣﻠﻮﻻ . ﺭﻳﺪﺍ ﺯﻛﺎﺗﺎ ﺗﺪﻱ ﺗﻼﺗﻪ ﺍﺿﻌﺎﻑ ﻛﻠﻤﺎ ﺣﺎﻝ ﺣﻮﻻ
ﺭﻳﺪﺓ ... ﺣﺘﺎﻟﺔ ...
ﺍﺩﻳﺘﺎ ﺍﻟﺒﺤﺮ ﻣﺎﺷﺎﻻ ...
ﺳﻴﺪﺍ ﻣﺤﻞ ﻳﻘﺒﻞ ﻭﺷﻮ ... ﻓﻲ ﻋﻴﻨﻴﻬﻮ ﺗﻘﺮﺍ ﺍﻟﺤﺎﻟﺔ ...
‏( ﺭﻳﺪﺓﺓ ﺣﺘﺎﻟﻪ .. ﺭﻳﺪﺓ ﺧﺠﻮﻭﻟﻪ ..
. ﺍﺧﺮ ﺭﻳﺪﺓ ... ﻟﻜﻦ ﺍﻭﻟﯽ

ﺇﺫﺍ ﻃﻬﺮ ﺍﻟﻌﺸﻖ ﺑﻘﻰ ﻟﻴﻚ
ﻭﺟﺐ ﻏﺴﻞ ﺍﻟﺠﺴﺪ ﺑﺎﻟﻀﻲ
ﻭﺇﺫﺍ ﺿﻞ ﺍﻟﻤﻘﻴﻞ ﻋﻴﻨﻴﻚ
ﻓﺮﺽ ﺗﺘﻮﻗﻰ ﺑﻲ ﻋﻴﻨﻲ
ﻭﺇﺫﺍ ﻛﺎﻥ ﺍﻟﻌﻼﺝ ﻋﻨﺪﻙ
ﻓﻤﺮﺣﺒﺘﻴﻦ ﺣﺒﺎﺏ ﺍﻟﻜﻲ
ﻭﺇﺫﺍ ﺯﺭﻋﻚ ﻧﺒﺖ ﻓﻲ ﺍﻟﺠﻮﻑ
ﺷﻨﻮ ﺍﻟﻤﺎ ﺑﺒﻘﻰ ﻓﻮﻕ ﺍﻟﺼﻲ
ﻓﻤﺎ ﻗﻮﻟﻚ ﺇﺫﺍ ﺳﻜﻦ ﺍﻟﺒﻜﻢ ﺻﻤﺘﻲ
ﻭﻣﻀﻎ ﺣﺲ ﺍﻟﺰﻣﻦ ﺣﻮﻟﻚ
ﻭﻣﺎ ﻗﻮﻟﻚ ﺇﺫﺍ ﺳﻠﺐ ﺍﻟﻘﺼﺮ ﻃﻮﻟﻲ
ﻭﻗﻔﺖ ﺃﺷﺎﺑﻰ ﻟﻲ ﻃﻮﻟﻚ
ﻭﻣﺎ ﻗﻮﻟﻚ ﺇﺫﺍ ﺻﻨﻘﻊ ﺧﺮﻳﻒ ﻏﻴﻤﻚ
ﻧﻜﺖ ﺑﻄﻦ ﺍﻟﺰﻣﻦ ﻏﻮﻟﻚ
ﻭﺇﺫﺍ ﺩﻣﻲ .. ﻭﺃﺑﻮﻱ ﻭﺃﻣﻲ .. ﻭﺃﻧﺎ ﻭﻋﻤﻲ
ﻏﺘﺎﻱ ﻭﺑﻜﺎﻱ .. ﻫﻨﺎﻱ ﻭﺷﻘﺎﻱ .. ﻫﻮﺍﻱ ﻭﺩﻣﺎﻱ ..
ﻧﺎﻱ ﻭﺳﻮﺍﻱ .. ﺻﺒﺢ ﻛﻞ ﺍﻟﻨﻀﻢ ﻫﻮﻟﻚ
ﻓﻤﺎ ﻗﻮﻟﻚ ﻭﻃﻦ ﻣﺒﺪﻉ .. ﻭﻃﻦ ﻓﻨﺎﻥ
ﻭﻃﻦ ﺑﻲ ﻗﺎﻣﺔ ﺍﻹﻧﺴﺎﻥ
ﻭﻃﻦ ﻛﺴﺮ ﺣﺪﻭﺩ ﺍﻟﺠﻮﻉ
ﻭﻋﻰ ﻭﻛﺎﻥ ﺍﻟﻔﻘﺮ ﺳﻜﺮﺍﻥ
ﻭﻃﻦ ﺇﻳﻤﺎﻥ .. ﻓﻤﺎ ﻗﻮﻟﻚ

ﺍﻟﻠﻴﻠﻪ ﺍﻟﺒﺮﺩ ﻟﻤﻠﻢ ﻋﻴﺎﻟﻮ ﻭﺯﺍﺭﻧﺎ
ﻻ ﻗﺪّﺭ ﻇﺮﻭﻓﻨﺎ ﻭﻻ ﻗِﺒﻞ ﺃﻋﺰﺍﺭﻧﺎ
ﺳﺎﻭﺍﻫﺎ ﻭﺍﺣﺪ ﻋﻨﺪﻭ ﻟﻴﻠﻨﺎ ﻭﻧﻬﺎﺭﻧﺎ
ﺍﺳﺘﺴﻠﻤﻨﺎ ﺗﺐ ﻭﻣﺘﺤﺠﻴﻴﻦ ﻓﻲ ﻧﺎﺭﻧﺎ
ﻣﺎﻟﻚ ﻳﺎ ﺷﺘﺎﺀ ﻃﺎﻟﻖ ﻋﻠﻴﻨﺎ ﺍﻟﺰﻳﻔﺔ
ﺍﺗﻈﺎﺭﻑ ﺷﻮﻱ ﺧﻠﻴﻬﺎ ﻫﺒﺔ ﺧﻔﻴﻔﺔ
ﺍﻛﺘﺮ ﺯﻭﻝ ﺷﻴﺎﻛﺔﺧﻠﻴﺘﻮ ﺧﻤﻠﺔ ﻭﻋﻴﻔﺔ
ﺷﻌﺘﺎﻥ ﺍﻟﺠﺴﻢ ﻭﻋﻄﺸﺎﻧﺔ ﺣﺘﻰ ﺍﻟﻠﻴﻔﺔ
ﻟﻘﻴﺘﻨﺎ ﺭﻫﺎﻑ ﻓﻮﻗﻨﺎ ﺑﻘﻴﺖ ﺗﺘﻔﺴﺢ
ﺷﻨﻴﺖ ﻓﻴﻨﺎ ﺣﻤﻠﺔ ﺷﻌﺎﺭﻫﺎ ﺃﻛﺴﺢ ﺃﻣﺴﺢ
ﻣﺎﺑﻘﺎﻭﻣﻚ ﺟﺴﻢ ﻣﻬﻤﺎ ﺍﻧﺠﻠﻂ ﻭﺃﺗﻤﺴﺢ
ﻛﻢ ﺧﻠﻴﺖ ﻧﺸﻴﻂ ﻓﻮﻕ ﻋﻨﻘﺮﻳﺒﻮ ﻣﻜﺴﺢ
ﻣﺎﻟﻚ ﻳﺎ ﺷﺘﻴﺖ ﺳﺒﺒﺖ ﻟﻴﻨﺎ ﺍﻟﺨﻠﻌﺔ
ﻧﺤﻨﺎ ﻧﺎﺱ ﻭﻳﻜﺔ ﻣﺎﻧﺎﺱ ﺍﻟﻔﺮﺍﺥ ﻭﺍﻟﻀﻠﻌﺔ
ﻣﻮﺟﺎﺗﻚ ﺗﻬﻒ ﺣﺮﻣﺖ ﻟﻴﻨﺎ ﺍﻟﺼﻠﻌﺔ
ﺻﺎﻗﺮﻧﺎ ﺍﻟﺒﻴﻮﺕ ﻭﻣﺴﺨﺖ ﻟﻴﻨﺎ ﺍﻟﻄﻠﻌﺔ
ﺍﻟﻌﺎﻣﻞ ﻧﺴﺮ ﺧﻠﻴﺘﻮ ﺯﻱ ﺍﻟﺒﻄﺔ
ﺍﻟﺼﻮﺕ ﺍﻟﻄﺎﻗﻊ ﺷﻮﻓﻮ ﻛﻴﻔﻦ ﻭﻃّﺎ
ﺍﻟﺰﻭﻝ ﺍﻟﺘﻠﻴﻊ ﻣﻦ ﺃﻣﺒﺤﻴﻦ ﻳﺘﻐﻄﺎ
ﻭﺍﻟﺮُﻛﺐ ﻓﻲ ﺍﻟﺤﻨﻚ ﻛﻀﺎﺏ ﺍﻟﺒﻘﻮﻝ ﻳﺘﻤﻄّﺎ
ﻣﻮﺟﺎﺗﻚ ﺗﺪﻕ ﺑﺎﻟﺒﻨﻴﺔ ﻭﺍﻟﺸﻠﻮﺕ
ﻭﻧﻴﺮﺍﻧﺎ ﺑﺘﻮﺝ ﺑﻰ ﺳﺎﻫﻠﺔﻣﺎﺑﺘﻤﻮﺕ
ﻣﺮﺗﺎﺣﺔﺍﻟﺴﻔﻨﺠﺔﻭﺵﻗﻴﺎﻥ ﻣﻌﺎﻧﺎ ﺍﻟﺒﻮﺕ
ﻭﻛﻀﺎﺏ ﺍﻟﺒﻘﻮﻝ ﺑﻤﺮﻕ ﺑﺪﻭﻥ ﻛﺒﻮﺕ
ﻧﻬﺎﺭﻙ ﻋﺠﺎﺝ ﻭﻟﻴﻠﻚ ﺿﺒﺎﺏ ﻭﻏﻤﺎﻡ
ﻧﺎﺱ ﻫﺎﻟﻜﻬﺎ ﻧﺰﻟﺔ ﻭﻧﺎﺱ ﺍﻟﺘﻬﺎﺏ ﻭﻃﻤﺎﻡ
ﻧﺘﺮﺩﺩ ﻛﺘﻴﺮ ﻓﻲ ﻣﺸﻴﺘﻨﺎ ﻟﻠﺤﻤﺎﻡ
ﺗﻘﻮﻝ ﻣﺎﺷﻴﻦ ﻋﻠﻰ ﻣﻨﺼﺔ ﺍﻹﻋﺪﺍﻡ
ﻧﺼﺮﻙ ﻋﻠﻴﻨﺎ ﻗﺮﺏ ﺧﻼﺹ ﻳﺘﺤﻘﻖ
ﻭﺍﻗﻊ ﻓﻴﻨﺎ ﺟﺮﺩ ﻫﻠﻚ ﺿﺮﺍﻋﻨﺎ ﺍﺗﺮﻗﻖ
ﻃﻮﻝ ﺍﻟﻴﻮﻡ ﺧﻤﻮﻝ ﺍﻟﻮﺍﺣﺪ ﺗﻘﻮﻝ ﻣﻄﻘﻖ
ﻭﺟﺎﻟﺪﻧﺎ ﺍﻟﺼﻘﻴﻊ ﻟﻤﻦ ﺟﺴﻤﻨﺎ ﺍﺗﺸﻘﻖ
ﻭﺩ ﺍﻧﺪﻭﺓ ﻣﻨﻚ ﺑﺎﻟﻮﺟﻴﻌﺔ ﻣﺴﺘّﻒ
ﻣﻮﺟﻚ ﺟﺎﺭ ﻋﻠﻲ ﻗﺼﺮ ﻗﻴﻮﺩﻱ ﻭﻛﺘّﻒ
ﻳﺎﻓﺼﻞ ﺍﻟﺸﺘﺎﺀ ﻣﻌﺎﻱ ﺷﻮﻳﺔ ﺍﺗﻠﻄﻒ
ﻣﺎﻃﺎﻟﺒﻚ ﻛﺘﻴﺮ ﺍﺩﻳﻨﻲ ﻓﺮﺻﺔ ﺍﺗﺸﻄﻒ