ﺳﺮﺍﺭﺓ ﺍﻟﻠﻌﻮﺕ 34
ﻣﺠﺎﻫﺪ ﻳﻮﺳﻒ
ﻓﻲ ﺍﻟﻐﺒﺸﺔ ﺑﺎﻟﻠﻴﻞ ﻭﺑﻌﺪ ﺍﻟﻄﻴﺐ ﺻﺤﻰ ﻭﻣﺮﻕ ﻟﻠﻨﻌﻴﻢ ﻋﻤﻮ ﻗﺎﻝ ﻟﻴﻬﻮ ﻓﻲ ﺷﻨﻮ ﺁ ﺍﻟﻨﻌﻴﻢ ﺍﻥ ﺷﺎﺀ ﺍﻟﻠﻪ ﺧﻴﺮ ؟
_ ﻣﺎ ﺧﻴﺮ ﻭﻻ ﺷﺘﻴﻦ
_ ﻓﻲ ﺷﻨﻮ ﺍﺗﻜﻠﻢ ؟
_ ﺯﻋﻼﻥ ﻭﺍﻟﻠﻪ ﻭﺩﺍﻳﺮ ﺍﻃﻖ
_ ﻣﻦ ﺷﻨﻮ ؟
_ ﻣﻦ ﺍﻟﺤﺼﻞ ﻗﺒﻴﻠﻚ ، ﻭﻧﻮﻡ ﺍﻟﻠﻴﻠﺔ ﻣﺎ ﻗﺪﺭﺕ ﺍﻧﻮﻡ ﻣﻦ ﺍﻟﺰﻋﻞ
_ ﺍﻟﺤﺼﻞ ﺷﻨﻮ ﻣﺎ ﺗﻘﻌﺪ ﺗﻨﺘﻒ ﻟﻲ ﻓﻲ ﺍﻟﻜﻼﻡ ﺗﻨﺘﻒ ﻛﺪﺍ ﻭﺗﺨﻠﻴﻨﻲ ﺍﺳﺎﻋﻞ ﻓﻮﻗﻚ ﺍﻧﺎ ﻣﺎ ﻓﺎﺿﻲ ﻟﻴﻚ
_ ﻗﺒﻴﻠﻚ ﻋﺒﺪﻭ ﻭﺣﺴﻦ ﻟﻘﻮﺍ ﻭﺩ ﺍﻟﻴﺎﺱ ﻓﻲ ﺑﻴﺘﻲ
_ ﻛﻠﻤﻮﻧﻲ
_ ﻫﻢ ﻗﺎﻳﻠﻨﻲ ﺩﺍﺳﻴﻬﻮ ﻣﻨﻬﻢ ﻓﻲ ﺑﻴﺘﻲ
_ ﺍﺻﻠﻚ ﺩﺍﺳﻴﻬﻮ
_ ﺍﺣﻠﻒ ﻟﻴﻚ ﺑﺸﻨﻮ ﻋﺸﺎﻥ ﺗﺼﺪﻗﻨﻲ ؟
_ ﻣﺎ ﺗﺤﻠﻒ ﻟﻲ ﻭﻻ ﺷﻲ ﻭﺍﺧﻮﺍﻧﻲ ﻟﻘﻮﻫﻮ ﻧﺎﻳﻢ ﻳﺸﺨﺮ ﻓﻲ ﺍﻭﺿﺔ ﺍﻟﺮﺍﻋﻲ ﻭﺍﻧﺖ ﻋﺎﺭﻓﻮ
_ ﻣﺎ ﻋﺎﺭﻓﻮ ﻭﺟﻴﺐ ﻟﻲ ﺍﻟﻤﺼﺤﻒ ﺍﻧﺤﻠﻒ ﻟﻴﻚ ﻓﻮﻗﻮ ﺍﻛﺎﻥ ﻣﺎ ﻣﺼﺪﻗﻨﻲ
_ ﻛﻀﺎﺏ ﻭﺍﻟﻠﻪ ﻭﻟﻮ ﺣﻠﻔﺖ ﻣﺎ ﺑﺼﺪﻗﻚ ﻷﻧﻲ ﺍﻛﺘﺮ ﺯﻭﻝ ﺧﺎﺑﺮﻙ
_ ﻋﻼ ﺍﺣﻠﻒ ﻟﻴﻚ ﻋﺸﺎﻥ ﺗﺼﺪﻗﻨﻲ ﺍﻛﺶ ﺟﻴﺐ ﺍﻟﻤﺼﺤﻒ ﺑﺲ
_ ﻣﺎ ﺑﻤﺶ ﺍﺟﻴﺒﻮ ﻭﺍﻧﺖ ﻟﻤﻦ ﺗﺠﻲ ﺗﻜﻀﺐ ﻛﻀﺐ ﻟﻴﻚ ﻋﻠﻲ ﺯﻭﻝ ﻏﻴﺮﻱ ﻣﺎ ﺗﻜﻀﺐ ﻋﻠﻲ ﺍﻧﺎ ﺳﻤﺢ ؟ ﻭﻫﺴﻊ ﺍﺭﺟﻊ ﺑﻴﺘﻚ ﺩﺍ ﻣﺎ ﻣﻮﺿﻮﻉ ﻳﺠﻴﺒﻚ ﻓﻲ ﺍﻟﻠﻴﻞ ﺩﺍ ﻭﺍﻧﺎ ﻧﻌﺴﺎﻥ ﺑﺪﻭﺭ ﺍﻧﻮﻡ
_ ﻟﻴﻪ ﻣﺎ ﺩﺍﺭ ﺗﺼﺪﻗﻨﻲ ؟
_ ﻻﻧﻚ ﺩﺍﺳﻴﻬﻮ ﻭﻣﺎ ﺑﻨﺨﻠﻴﻚ ﺑﻴﻬﺎ ﻭﺍﻟﻠﻪ
_ ﺳﻤﺢ ﺍﻧﺎ ﻏﻠﻄﺎﻥ ﺁ ﺍﻟﻄﻴﺐ
_ ﺁﻱ ﻗﻮﻝ ﺍﻧﺎ ﻏﻠﻄﺎﻥ ﻟﻜﻦ ﻣﺎ ﺗﻘﻮﻝ ﻣﺎﻙ ﻋﺎﺭﻓﻮ ﻭﺍﻟﺰﻭﻝ ﺩﺍ ﻧﺤﻦ ﻛﺎﻳﺴﻨﻠﻮ ﺑﺎﻟﺤﻼﻝ ﻭﺍﺧﻮﺍﻧﻲ ﻣﺎ ﺧﻠﻮﺍ ﻓﺠﺔ ﻣﺎ ﻓﺘﺸﻮﻫﺎ ﻋﺸﺎﻥ ﻛﺘﻞ ﺍﺧﻮﻧﺎ ﺗﺠﻲ ﺍﻧﺖ ﺗﺪﺳﻮﺍ ﻣﻨﻨﺎ ﻭﻓﻲ ﺑﻴﺘﻚ؟
_ ﺑﺲ ﻫﻮ ﻣﺎ ﻛﺘﻞ ﺍﻟﺸﻔﻴﻊ ﻭﺍﻟﺸﻔﻴﻊ ﻏﺮﻕ ﻓﻲ ﺍﻟﺒﺤﺮ
_ ﻟﻮ ﻣﺎ ﻛﺘﻠﻮ ﺷﺮﺩ ﻣﻨﻨﺎ ﻟﺸﻨﻮ ؟
_ ﺷﺮﺩ ﺧﺎﻳﻒ ﻣﻨﻜﻢ
_ ﻭﻛﻼﻣﻜﻢ ﺍﻟﺴﻤﻌﻮ ﺍﻟﺮﻭﻳﺪﻱ ﻧﺴﻴﺘﻮ
_ ﻋﻠﻴﻚ ﺍﻟﻠﻪ ﺍﻋﻔﻰ ﻟﻲ ﺁ ﺍﻟﻄﻴﺐ ﺁ ﻭﻟﺪﻱ ﺍﻧﺎ ﻭﺍﻟﻠﻪ ﻏﻠﻄﺎﻥ ﻭﻋﺎﺭﻑ ﺭﻭﺣﻲ ﻭﻣﻌﺘﺮﻑ ﺑﻐﻠﻄﻲ ﻭﺗﻌﺎﻝ ﻣﻌﺎﻱ ﻻﺧﻮﺍﻧﻚ ﺍﻧﻨﻀﻢ ﻣﻌﺎﻫﻢ ﻻﻧﻲ ﻣﺎ ﺩﺍﻳﺮﻛﻢ ﺗﺰﻋﻠﻮﺍ ﻣﻨﻲ
_ ﺍﺧﻮﺍﻧﻲ ﻧﺎﻳﻤﻴﻦ ﻫﺴﻊ
_ ﻋﺎﺭﻓﻢ ﻧﺎﻳﻤﻴﻦ ﻟﻜﻦ ﺑﺼﺤﻴﻬﻢ ﻭﻫﻢ ﺑﺴﻤﻌﻮﺍ ﻛﻼﻣﻚ ﻭﻟﻤﻦ ﻳﺸﻮﻓﻮﻧﻲ ﺟﻴﺘﻬﻢ ﻫﺴﻊ ﺍﻣﻜﻦ ﻣﺎ ﻳﺰﻋﻠﻮﺍ ﻣﻨﻲ
_ ﻭﺍﻟﻔﺎﻳﺪﺓ ﺷﻨﻮ ﻳﻌﻨﻲ ؟
_ ﻣﺎ ﺑﺪﻭﺭ ﻳﻜﻮﻥ ﺑﻴﻨﻲ ﻭﺑﻴﻨﻜﻢ ﻓﻲ ﺧﻼﻑ ﻻﻧﻜﻢ ﺍﻭﻻﺩ ﺍﺧﻮﻱ ﻭﺯﻱ ﺍﻭﻻﺩﻱ
_ ﻫﻢ ﻋﺎﺭﻓﻨﻚ ﺍﻛﺘﺮ ﻣﻨﻲ ﻭﻣﺎ ﻓﻴﻨﺎ ﺯﻭﻝ ﺑﺮﻳﺪﻙ
_ ﺍﻧﺖ ﺑﺲ ﺗﻌﺎﻝ ﻣﻌﺎﻱ ﺍﻧﺎ ﺑﺼﺤﻴﻬﻢ ﻭﺑﻨﻀﻢ ﻣﻌﺎﻫﻢ ﺑﺪﻭﺭ ﺍﻣﺶ ﻣﻨﻜﻢ ﻭﺍﻧﻮﻡ ﻭﺍﻧﺎ ﻣﺮﺗﺎﺡ ﻻﻧﻲ ﻣﺎ ﺑﺒﻘﻰ ﺑﻼﻛﻢ ﺁ ﻭﻻﺩﻱ
_ ﺧﻠﻴﻬﻢ ﻫﺴﻊ ﻭﻗﻠﺖ ﻟﻴﻚ ﻧﺎﻳﻤﻴﻦ ﺍﻣﺶ ﻭﺗﻌﺎﻝ ﻟﻴﻬﻢ ﺑﺎﻛﺮ ﺍﻟﺼﺒﺎﺡ
_ ﺑﻌﺪ ﻭﺻﻠﺖ ﻫﻨﻲ ﻣﺎ ﺑﺮﺟﻊ ﺍﻻ ﺍﻧﻀﻢ ﻣﻌﺎﻫﻢ ﻭﺍﻟﺰﻋﻞ ﻭﺍﻟﻤﺸﺎﻛﻞ ﺑﻴﻨﺎﺗﻨﺎ ﻣﺎ ﺻﺎﺡ ﻭﺧﺎﺻﺔ ﻓﻲ ﺍﻟﻴﻮﻣﻴﻦ ﺩﻳﻞ ﻻﻧﻮ ﻓﻲ ﻣﺼﻴﺒﺔ ﺟﺎﻳﺎﻧﺎ
_ ﻣﺼﻴﺒﺔ ﺷﻨﻮ ﺩﻱ ؟
_ ﺍﻭﻻﺩ ﻋﻤﻚ ﻋﻤﺮ
_ ﻭﺍﻟﻠﻪ ﻣﺎﻓﻲ ﻣﺼﻴﺒﺔ ﻏﻴﺮﻙ ﺍﻧﺖ ﺩﺍ ﻭﺍﻧﺎ ﻣﺎ ﻓﻲ ﺷﻲ ﻧﺪﻣﻨﻲ ﻋﻼ ﺳﻤﻌﺎﻧﻲ ﻟﻜﻼﻣﻚ ﻭﻃﺮﺩﺗﻲ ﻗﺒﻴﻠﻚ ﻟﻤﺴﺎﻋﺪ ﻭﺩ ﻋﻤﻲ ﻟﻤﻦ ﺟﺎﻧﻲ ﻫﻨﻲ ﻓﻲ ﺍﻟﺒﻴﺖ
_ ﺍﺣﺴﻦ ﺣﺎﺟﺔ ﻋﻤﻠﺘﻬﺎ ﻭﺍﻟﺒﺮﻛﺔ ﺍﻟﻄﺮﺩﺗﻮ
_ ﻭﺍﻟﻠﻪ ﺍﻛﻌﺐ ﺣﺎﺟﺔ ﻋﻤﻠﺘﻬﺎ ﻭﻣﺎ ﺻﺎﺡ ﺍﺳﻤﻊ ﻛﻼﻣﻚ ﻭﻻ ﺻﺎﺡ ﺍﻃﺮﺩﻭ
_ ﺩﺍﻳﺮ ﺑﻴﻬﻮ ﺷﻨﻮ ﺍﻟﻜﺮﻳﻪ
_ ﻛﺮﻳﻪ ﺍﻧﺖ ﺩﺍ ﻭﺍﻟﻠﻪ ﻭﻣﺴﺎﻋﺪ ﻗﺒﻴﻞ ﻟﻤﻦ ﺟﺎﻧﻲ ﻣﻦ ﺷﺎﻓﻨﻲ ﺳﺎﻛﺖ ﻓﺮﺡ ﻭﺟﺎﻧﻲ ﻣﻨﻜﺮﺏ ﺑﺪﻭﺭ ﻳﻘﻠﺪﻧﻲ ﻟﻜﻦ ﺍﻧﺎ ﺍﺗﻜﻮﻋﺒﺖ ﻣﻌﺎﻫﻮ ﻭﻃﺮﺩﺗﻮ ﻭﺍﺭﻳﺘﻨﻲ ﺍﻛﺎﻥ ﻣﺎ ﺳﻤﻌﺖ ﻛﻼﻣﻚ
_ ﻳﻘﻠﺪﻭ ﺍﻟﻬﻢ ﺍﻟﻠﻜﺘﻠﻮ ﺍﻟﺒﺮﻛﺔ ﺍﻟﻄﺮﺩﺗﻮ
_ ﺍﻃﻴﺐ ﺯﻭﻝ ﻓﻲ ﺍﻫﻠﻨﺎ ﻛﻠﻬﻢ ﻭﺍﻃﻴﺐ ﻣﻨﻮ ﻣﺎﻓﻲ ﻭﺯﻭﻝ ﻣﺤﺘﺮﻡ ﻭﺍﺧﻮﺍﻧﻮ ﺣﺘﻬﻢ ﻃﻴﺒﻴﻦ ﻭﻣﺤﺘﺮﻣﻴﻦ ﻋﻼ ﻧﺤﻦ ﺍﻟﻜﻌﺒﻴﻦ ﻭﻣﺎ ﻓﻴﻨﺎ ﺧﻴﺮ
_ ﺑﺎﻛﺮ ﻟﻤﻦ ﻳﺠﻮﻧﺎ ﻫﻨﻲ ﻭﻳﻘﻠﻌﻮﺍ ﻣﻨﻨﺎ ﺍﻟﻠﺮﺍﺿﻲ ﺍﻟﺰﺍﺭﻋﻨﻬﺎ ﺩﻱ ﺑﺘﻌﺮﻑ ﻃﻴﺒﺘﻬﻢ ﻭﺑﺘﻘﻮﻝ ﻟﻲ ﺍﺭﻳﺘﻨﻲ ﺍﻛﺎﻥ ﺳﻤﻌﺖ ﻛﻼﻣﻚ
_ ﻣﺎﻓﻲ ﺯﻭﻝ ﺑﻘﻠﻊ ﻣﻨﻨﺎ ﺷﻲ ﻭﺍﻟﻠﺮﺍﺿﻲ ﻫﻴﻠﺘﻨﺎ ﻭﺣﻘﺘﻨﺎ ﻣﻠﻚ ﻭﺍﻟﺪﻧﻴﺎ ﺩﻱ ﻛﻠﻬﺎ ﻋﺎﺭﻓﺔ ﻛﺪﺍ
_ ﻋﻨﺪﻙ ﻭﺭﻕ ﺑﺜﺒﺖ ﺍﻧﻬﺎ ﺣﻘﺘﻚ؟
_ ﻋﻨﺪﻱ ﺍﻟﻮﺭﻕ ﺁﻱ ﻭﺧﺰﻧﺔ ﺍﺑﻮﻱ ﻣﻼﻧﺔ ﺍﻭﺭﺍﻕ
_ ﻭﺍﻟﻠﻪ ﻛﻠﻮ ﺗﺒﻠﻮ ﻭﺗﺸﺮﺏ ﻣﻮﻳﺘﻮ ﻭﺍﻧﺎ ﻭﺍﺑﻮﻙ ﺟﺮﻳﻨﺎ ﻟﻤﻦ ﺣﻔﺒﻨﺎ ﻭﻣﺎ ﺧﻠﻴﻨﺎ ﻟﻴﻨﺎ ﻣﺤﺎﻣﻲ ﻋﺸﺎﻥ ﻧﺴﺠﻞ ﺍﻻﺭﺍﺿﻲ ﻭﻛﻠﻬﻢ ﻗﺎﻟﻮﺍ ﺍﻻﺭﺍﺿﻲ ﻣﺴﺠﻠﺔ ﺑﺎﺳﻢ ﻋﻤﺮ ﻭﻓﻲ ﺍﺭﺍﺿﻲ ﺑﺎﺳﻢ ﺍﻣﻮ ﻭﻗﺎﻟﻮﺍ ﻋﻼ ﻫﻮ ﻳﺠﻲ ﻭﻳﺘﻨﺎﺯﻝ ﻭﻟﻼ ﻳﺒﻴﻊ ﻟﻴﻨﺎ ﻭﺍﻭﻻﺩﻭ ﺍﻃﻴﺪ ﺑﻜﻮﻥ ﻭﺻﺎﻫﻢ ﻭﻭﺭﺍﻫﻢ ﻛﻞ ﺷﻲ ﻭﻣﺎ ﺑﺨﻠﻮﺍ ﻟﻴﻨﺎ ﺷﻲ
_ ﻫﺴﻲ ﺍﻭﻻﺩﻭ ﺳﻌﻠﻮﻙ ؟ ﻳﻮﻡ ﻭﺍﺣﺪ ﻣﺎ ﻓﻴﻬﻢ ﺯﻭﻝ ﺟﺎﺏ ﺳﻴﺮﺓ ﺣﻖ ﻭﻻ ﺟﺎﺑﻮﺍ ﺳﻴﺮﺓ ﺍﻟﻠﺮﺍﺿﻲ
_ ﻣﺎ ﺳﻌﻠﻮﻧﺎ ﻟﻜﻦ ﺑﻌﺪ ﻗﺎﺑﻠﻮﺍ ﻣﺨﺘﺎﺭ ﻭﺩ ﺧﺎﻝ ﺍﺑﻮﻫﻢ ﻭﺍﺩﺍﻫﻢ ﺍﻻﻭﺭﺍﻕ ﺍﻟﻐﻨﺪﻭ ﻣﺎ ﺑﺨﻠﻮﺍ ﻟﻴﻨﺎ ﺷﻲ
_ ﺍﻧﺖ ﺯﻭﻝ ﻓﻘﺮ ﻭﺷﻮﻡ ﺑﺲ ﻭﻫﻢ ﻣﺎ ﺳﺎﻋﻠﻨﻨﺎ ﻣﻦ ﺷﻲ
_ ﻭﺍﻟﻠﻪ ﻗﺎﻟﻬﺎ ﻟﻲ ﻋﻤﺮ ﺍﺧﻮﻱ ﺳﺎﻋﺘﻮ ﺍﻟﻜﺎﻥ ﻓﺎﻳﺖ ﻭﻣﺎﺭﻕ ﻣﻦ ﺍﻟﺤﻠﺔ
_ ﻗﺎﻝ ﻟﻴﻚ ﺷﻨﻮ ؟
_ ﻗﺎﻝ ﻟﻲ ﺍﺻﺒﺮ ﻟﻲ ﻭﺣﻘﻲ ﻣﺎ ﺑﺨﻠﻴﻬﻮ ﻟﻴﻜﻢ ﻭﺍﺭﻋﻮﺍ ﻓﻮﻗﻮ ﻟﻤﻦ ﺗﺸﺒﻌﻮﺍ ﻫﺴﻊ ﻟﻜﻦ ﺑﺠﻴﻜﻢ ﻳﻮﻡ ﻭﺑﻘﻠﻌﻮ ﻣﻨﻜﻢ ﻛﻠﻮ
_ ﻋﻤﺮ ﺍﺧﻮﻙ ﻣﺎﺕ ﻭﺷﺒﻊ ﻣﻮﺕ
_ ﺍﻟﺨﻠﻒ ﺟﻨﻴﺎﺕ ﻣﺎ ﻣﺎﺕ ﻭﺑﻤﻮﺕ ﺍﻟﻤﺎ ﻋﻨﺪﻭ ﺟﻨﻰ
_ ﺍﻭﻻﺩﻭ ﻣﺤﺘﺮﻣﻴﻦ ﻭﻣﺎ ﺷﻔﻨﺎ ﻣﻨﻬﻢ ﺷﻲ
_ ﻣﻦ ﺯﻣﺎﻧﻚ ﺍﻧﺎ ﻭﺍﺑﻮﻙ ﺧﺎﻳﻔﻴﻦ ﻣﻦ ﺟﻴﺔ ﻋﻤﺮ ﻭﻟﻼ ﺟﻴﺔ ﺍﻭﻻﺩﻭ ﺍﻟﻐﺒﺸﺔ ﻭﻋﺎﺭﻓﻴﻦ ﻣﺼﻴﺮﻭ ﻳﺠﻲ ﺍﻟﻴﻮﻡ ﺩﺍ ﻭﻫﻢ ﻫﺴﻊ ﻣﻄﻮﻟﻴﻦ ﺑﺎﻟﻬﻢ ﻋﻠﻴﻨﺎ ﺑﺲ ﻣﺎ ﻣﻌﺮﻭﻑ ﻟﻤﺘﻴﻦ
_ ﻃﻴﺐ ﺍﻛﺎﻥ ﻛﺪﻱ ﻧﺤﻦ ﻣﻔﺮﻭﺽ ﻧﺘﻌﺎﻣﻞ ﻣﻌﺎﻫﻢ ﻛﻮﻳﺲ ﻭﻣﺎ ﻛﺎﻥ ﻧﻄﺮﺩﻫﻢ ﻭﻻ ﻧﺸﺎﻛﻠﻬﻢ
_ ﺍﻭﻋﻚ ﺗﻌﻤﻞ ﻛﺪﻱ ﻭﻻﺯﻡ ﻧﻮﺭﻳﻬﻢ ﺍﻟﻌﻴﻦ ﺍﻟﺤﻤﺮﺍﺀ ﻭﻳﻌﺮﻓﻮﺍ ﺍﻧﻨﺎ ﻣﺎ ﺳﺎﻫﻠﻴﻦ ﻭﻻ ﺧﺎﻳﻔﻴﻦ ﻣﻨﻬﻢ ﻻﻧﻮ ﺑﺮﺿﻮ ﻋﻨﺪﻧﺎ ﺍﻭﺭﺍﻕ
_ ﺑﺲ ﻧﺤﻦ ﻣﺎ ﻋﻨﺪﻧﺎ ﺍﻭﺭﺍﻕ
_ ﻣﺎ ﻋﻨﺪﻧﺎ ﻟﻜﻦ ﻧﺤﺴﺴﻬﻢ ﺍﻧﻮ ﻋﻨﺪﻧﺎ ﻋﺸﺎﻥ ﻛﺪﻱ ﻗﻠﺖ ﻟﻴﻚ ﻧﻄﺮﺩﻫﻢ
_ ﻓﻜﺮﺗﻚ ﻏﻠﻂ ﻭﺍﻟﻠﻪ ﻭﻓﻜﺮﺓ ﺯﻭﻝ ﺭﻣﺔ
_ ﻣﺎ ﻏﻠﻂ ﻭﻻ ﺷﻲ ﻭﺧﻠﻴﻨﺎ ﻫﺴﻊ ﻣﻦ ﺍﻟﻜﻼﻡ ﺩﺍ ، ﻧﺴﻴﺘﻨﻲ ﺍﺧﻮﺍﻧﻚ ﺗﻌﺎﻝ ﻣﻌﺎﻱ ﻧﺼﺤﻴﻬﻢ
ﻭﻃﻮﺍﻟﻲ ﻣﺸﻰ ﻋﻠﻲ ﺍﻟﺒﺎﺏ ﺣﻖ ﺍﻟﺤﻮﺵ ﺍﻟﻔﻴﻬﻮ ﺍﺧﻮﺍﻥ ﺍﻟﻄﻴﺐ ﻭﺍﻟﺒﺎﺏ ﻣﻘﻔﻮﻝ ﻭﻣﺮﺑﻮﻁ ﺑﺴﻠﻜﺔ ﺟﺮﺍﻫﻮ ﻋﻠﻴﻬﻮ ﻭﺟﺒﺪ ﺍﻟﺴﻠﻜﺔ ﻭﻓﺘﺤﻮ ﻭﺩﺧﻞ ﻭﺍﻟﻄﻴﺐ ﻟﻮﻟﺢ ﺭﻭﻳﺴﻮ ﻭﺩﺧﻞ ﻓﻲ ﻗﻔﺎﻫﻮ ﻭﺍﻟﻨﻌﻴﻢ ﺻﺤﺎﻫﻢ
ﻭﺩ ﺍﻟﻴﺎﺱ ﺍﻛﺎﻥ ﻣﺘﻀﺎﻳﻖ ﻣﻦ ﻛﻼﻡ ﺍﻟﻨﻌﻴﻢ ﺍﻟﻜﺘﻴﺮ ﻭﻣﻊ ﺩﺧﻠﺘﻬﻢ ﻓﻲ ﺣﻮﺵ ﺍﻻﻭﻻﺩ ﺍﺗﺴﺤﺐ ﻭﺍﺗﺴﺤﺐ ﺑﺮﺍﺣﺔ ﺑﺮﺍﺣﺔ ﺯﻱ ﺍﻟﺪﺑﻴﺐ ﻭﺩﺧﻞ ﺟﻮﺓ ﺣﻮﺵ ﺍﻟﻄﻴﺐ ﻭﻣﺸﻰ ﻋﻠﻲ ﺍﻟﻤﺰﻳﺮﺓ ﻭﻟﺒﺪ ﺟﻮﺍﻫﺎ
ﻋﺒﺪﻭ ﺑﻌﺪ ﺻﺤﻰ ﻭ ﺷﺎﻑ ﺍﻟﻨﻌﻴﻢ ﻋﻤﻮ ﻗﻌﺪ ﻳﺴﻨﺘﺖ ﻭﻧﻬﺮﻭ ﻗﺎﻝ ﻟﻴﻬﻮ ﻣﺼﺤﻴﻨﻲ ﻟﺸﻨﻮ ؟
ﺍﻟﻄﻴﺐ ﻗﺎﻝ ﻟﻴﻬﻮ ﻗﻮﻡ ﻭﺍﺗﻜﻠﻢ ﻣﻊ ﻋﻤﻚ ﻛﻮﻳﺲ ﻭﻗﻮﻡ ﻋﻠﻲ ﺣﻴﻠﻚ ﺍﻧﺖ ﺑﺮﺿﻚ ﺁ ﺣﺴﻦ ﻋﻤﻜﻢ ﺩﺍ ﺟﺎﻛﻢ ﻭﻗﺎﻝ ﺍﻟﻨﻮﻡ ﻏﻠﺒﻮ ﻭﻋﻨﺪﻭ ﻛﻼﻡ ﺑﺪﻭﺭ ﻳﻘﻮﻟﻮ ﻟﻴﻜﻢ
ﻋﺒﺪﻭ ﻗﺎﻝ ﻫﺴﻲ ﺩﺍ ﻭﻛﺖ ﻛﻼﻡ ؟ ﺍﻫﺎ ﻗﻮﻝ
ﺍﻟﻨﻌﻴﻢ ﻗﺎﻝ ﻟﻴﻬﻮ ﻋﺒﺪﻭ ﺁ ﻭﻟﺪﻱ ﺍﻧﺎ ﻣﺎ ﻛﻨﺖ ﻋﺎﺭﻑ ﻭﺩ ﺍﻟﻴﺎﺱ ﻣﺪﺳﻲ ﻓﻲ ﺯﺭﻳﺒﺘﻲ
ﻋﺒﺪﻭ ﺣﺪﺭ ﻟﻴﻬﻮ ﻭﺻﺮﺻﺮ ﻭﺷﻮ ﻭﻗﺎﻝ ﻟﻴﻬﻮ ﺧﻼﺹ ﺻﺪﻗﻨﺎﻙ، ﺍﻫﺎ ﺗﺎﻧﻲ ﻋﻨﺪﻙ ﻛﻼﻡ ﻏﻴﺮ ﺩﺍ ؟
_ ﻻ ﻻ ﻣﺎ ﻋﻨﺪﻱ
_ ﺧﻼﺱ ﻃﻴﺮ ﻣﻦ ﻫﻨﺎ ﺧﻠﻴﻨﺎ ﻧﻨﻮﻡ ﻭﺍﻗﻔﻞ ﻣﻌﺎﻙ ﺍﻟﻨﻮﺭ ﻭﺍﻟﺒﺎﺏ ﺁ ﺍﻟﻄﻴﺐ
ﺍﻟﻄﻴﺐ ﻗﺎﻝ ﻟﻠﻨﻌﻴﻢ ﻭﺭﺡ ﺧﻠﻴﻬﻢ ﻳﻨﻮﻣﻮﺍ
ﺍﻟﻨﻌﻴﻢ ﻗﺎﻝ ﻟﻌﺒﺪﻭ ﺳﻤﺢ ﻗﻮﻡ ﺁ ﻋﺒﺪﻭ ﺍﻧﺖ ﻭﺣﺴﻦ ﺩﺍ ﻭﺭﺣﻜﻢ ﻗﺪﻣﻮﻧﻲ ﻟﺤﺪﻱ ﺑﻴﺘﻲ ﻭﺗﻌﺎﻟﻮﺍ
ﻋﺒﺪﻭ ﻋﺎﻳﻦ ﻟﻴﻬﻮ ﻋﻴﻦ ﺣﺎﺭﺓ ﻭﻗﺎﻝ ﻟﻴﻬﻮ ﻧﻘﺪﻣﻚ ؟ ﺍﻧﺖ ﻣﺮﺓ ﻭﻟﻼ ﺷﺎﻓﻊ ﻭﻟﻼ ﺑﺘﺨﺎﻑ ﻋﺸﺎﻥ ﻧﻘﺪﻣﻚ ؟ ﻭﺍﻟﻠﻪ ﺩﺍ ﻛﻼﻡ ﻋﺠﻴﺐ ﻟﻜﻦ ﺩﺍ
ﺍﻟﻄﻴﺐ ﻗﻌﺪ ﻳﻀﺤﻚ ﻭﺣﺴﻦ ﺍﺗﻐﻄﻰ ﻭﻗﺒﻞ ﻋﻠﻲ ﺍﻟﺤﻴﻄﺔ ﻭﺑﺮﺿﻮ ﻗﻌﺪ ﻳﻀﺤﻚ
ﺍﻟﻨﻌﻴﻢ ﻻﺯﻡ ﻳﺴﻮﻗﻬﻢ ﻣﻌﺎﻫﻮ ﻋﺸﺎﻥ ﻳﻤﺮﻕ ﻣﻦ ﻛﺘﻠﺔ ﺍﻟﻄﻴﺐ ﻭﻗﺎﻝ ﻟﻌﺒﺪﻭ ﻗﻮﻡ ﻋﻠﻴﻚ ﺍﻟﻠﻪ ﺁ ﻭﻟﺪﻱ ﺍﻧﺖ ﻭﺍﺧﻮﻙ ﺩﺍ ﻭﺭﺣﻜﻢ ﻣﻌﺎﻱ ﻋﺸﺎﻥ ﺩﺍﻳﺮ ﺍﻛﻠﻤﻜﻢ ﺑﻜﻼﻡ ﻓﻲ ﺍﻟﺪﺭﺏ
_ ﻋﺒﺪﻭ ﻗﺎﻝ ﻟﻴﻬﻮ ﻣﺎ ﺩﺍﻳﺮﻳﻦ ﻛﻼﻣﻚ ﻭﺍﻛﺎﻥ ﺧﺎﻳﻒ ﺗﻤﺶ ﺑﺮﺍﻙ ﻧﻮﻡ ﻫﻨﻲ ﻗﺒﻠﻚ ﺍﻟﻮﺍﻃﺔ ﻗﺮﺑﺖ ﺗﺼﺒﺢ
ﺍﻟﻄﻴﺐ ﻗﺎﻝ ﻟﻴﻬﻮ ﻭﺭﺡ ﻭﺭﺡ ﺁ ﺍﻟﻨﻌﻴﻢ ﺧﻠﻴﻬﻢ ﻳﻨﻮﻣﻮﺍ ﺑﺎﻛﺮ ﺭﺍﺟﻴﻬﻢ ﺷﻐﻞ ﻭﺍﻧﺎ ﺯﺍﺗﻲ ﺑﺪﻭﺭ ﺍﻣﺶ ﺍﻧﻮﻡ
ﺍﻟﻨﻌﻴﻢ ﻣﺮﻕ ﻭﺍﻟﻄﻴﺐ ﻃﻔﻰ ﻟﻴﻬﻢ ﺍﻟﻨﻮﺭ ﻭﻗﻔﻞ ﺍﻟﺒﺎﺏ ﻭﻃﻠﻊ ﻭﺭﺍﺀ ﻋﻤﻮ ﻭﻗﺎﻝ ﻟﻴﻬﻮ ﺍﻗﺪﻣﻚ ﺍﻧﺎ ؟
_ ﻻ ﻻ ﻣﺎ ﻳﺤﺘﺎﺝ ﺍﻧﺖ ﺍﻣﺶ ﻧﻮﻡ ﻧﻮﻣﻚ
_ ﺍﻫﺎ ﺍﻟﻜﻼﻡ ﺷﻨﻮ ﺍﻟﻜﻨﺖ ﺩﺍﻳﺮ ﺗﻘﻮﻟﻮ ﻟﻌﺒﺪﻭ ﻭﺣﺴﻦ ﻓﻲ ﺍﻟﺪﺭﺏ ؟
_ ﻻ ﻻ ﻭﻧﺴﺔ ﺳﺎﻛﺖ ﻋﺎﺩﻳﺔ ﻻﻧﻲ ﻣﺎ ﺩﺍﻳﺮﻫﻢ ﻳﺰﻋﻠﻮﺍ ﻣﻨﻲ
_ ﻣﺎ ﻋﺎﺭﻑ ﺑﺲ ﺍﻧﺎ ﺣﺎﺳﻲ ﺟﻴﺘﻚ ﺩﻱ ﻣﻲ ﺳﺎﻱ
_ ﻛﻴﻔﻦ ﻣﻲ ﺳﺎﻱ
_ ﻣﺎ ﻋﺎﺭﻑ ﻭﺍﻟﻠﻪ ﺑﺲ ﺯﻱ ﺍﻟﻔﻲ ﺣﺎﺟﺔ ﺍﻧﺖ ﺩﺍﺳﻴﻬﺎ ﻣﻨﻲ ﻭﺯﻋﻞ ﺍﺧﻮﺍﻧﻲ ﻣﻨﻚ ﻣﺎ ﺑﻬﻤﻚ ﻭﻻ ﺑﺠﻴﺒﻚ ﻓﻲ ﺍﻟﻠﻴﻞ ﺩﺍ ﻛﺪﻱ
_ ﻓﻲ ﺷﻨﻮ ﻳﻌﻨﻲ ؟
_ ﻗﻠﺖ ﻟﻴﻚ ﻣﺎ ﻋﺎﺭﻑ ﺑﺲ ﻗﻠﺒﻲ ﺑﻘﻮﻝ ﻟﻲ ﻓﻲ ﺣﺎﺟﺔ ﻟﻜﻦ ﺷﻨﻲ ﻣﺎ ﻋﺎﺭﻓﻬﺎ ﻭﻻﻧﻲ ﺳﺎﻋﻠﻚ ﻣﻨﻬﺎ ﻭﺍﻣﺶ ﺍﻣﺶ ﻧﻮﻡ ﺑﺎﻛﺮ ﻛﻞ ﺷﻲ ﺑﻨﻌﺮﻑ
ﺍﻟﻨﻌﻴﻢ ﻗﺒﺎﻝ ﻳﻔﻮﺕ ﻗﻠﺪ ﺍﻟﻄﻴﺐ ﻗﻮﻭﻭﻱ ﺯﻱ ﺍﻟﺒﻮﺩﻉ ﻓﻮﻗﻮ ﻭﺍﻛﺎﻥ ﻣﺰﺭﺯﺭ ﻭﻗﺎﻝ ﻟﻴﻬﻮ ﺳﺎﻣﺤﻨﻲ ﺁ ﻭﻟﺪﻱ ﻋﻠﻴﻚ ﺍﻟﻠﻪ ﻭﻃﻮﺍﻟﻲ ﻓﺎﺕ ﻣﻨﻮ ﻭﺳﺮﻳﻊ ﻭﻻ ﻗﺒﻞ ﻋﻠﻴﻬﻮ ﻭﻻ ﺗﺎﻧﻲ ﻧﺎﺿﻤﻮ ﻭﺍﻟﻄﻴﺐ ﻭﻗﻒ ﺑﺮﺓ ﻣﺴﺎﺍﺍﻓﺔ ﻳﻌﺎﻳﻦ ﻟﻴﻬﻮ ﻭﻣﺴﺘﻐﺮﺏ ﻓﻲ ﻗﻠﺪﺗﻮ ﻟﻴﻬﻮ ﺩﻱ ﻭﻗﻠﺒﻮ ﺃﻛﻠﻮ ﻭﻣﺎ ﻣﺸﻰ ﺑﻴﺘﻮ ﻭﻓﺎﺕ ﻻﺧﻮﺍﻧﻮ ﻓﺘﺢ ﺑﺎﺏ ﺍﻟﺤﻮﺵ ﻭﺩﺧﻞ ﻟﻘﺎﻫﻢ ﻳﻀﺤﻜﻮﺍ ﻋﻠﻲ ﻛﻼﻡ ﺍﻟﻨﻌﻴﻢ ﻋﻤﻬﻢ ﻭﻓﺘﺢ ﺍﻟﻨﻮﺭ ﻭﻗﺎﻝ ﻟﻴﻬﻢ ﺍﻟﻨﻌﻴﻢ ﺩﺍ ﻣﺎ ﺑﺮﺍﻫﻮ ﺍﻟﻠﻴﻠﺔ ﻭﺍﻟﺰﻭﻝ ﺩﺍ ﻣﺎ ﺗﺼﺪﻗﻮﻫﻮ ﻻﻧﻮ ﺍﻛﺒﺮ ﻛﻀﺎﺏ ﻣﺎ ﻳﻐﺸﻜﻢ
ﻋﺒﺪﻭ ﻗﺎﻝ ﻟﻴﻬﻮ ﺍﻧﺎ ﻋﺎﺭﻓﻮ ﻭﺍﻟﻠﻪ ﻭﻫﺴﻲ ﻫﻮ ﺟﺎﻱ ﻧﺺ ﺍﻟﻠﻴﻞ ﻛﺪﻱ ﻭﻣﺼﺤﻴﻨﺎ ﺩﺍﻳﺮﻧﺎ ﻧﺼﺪﻗﻮ ؟
ﺣﺴﻦ ﻗﺎﻝ ﻛﻤﺎﻥ ﻣﻌﺎﻭ ﻭﺭﺣﻜﻢ ﻗﺪﻣﻮﻧﻲ ﻛﻤﺎﻥ ، ﺍﻇﻨﻮ ﺩﺍﻳﺮ ﻳﺼﺎﺣﺒﻨﺎ ﻋﺸﺎﻥ ﻧﺼﻠﺢ ﺍﻟﺠﺪﻭﻝ ﺍﻟﻜﺴﺮﻧﺎﻫﻮ ﻭﻧﺨﻠﻴﻬﻮ ﻳﺴﻘﻲ ﻭﺍﻃﺎﺗﻮ ﻣﻦ ﺑﺎﺑﻮﺭﻧﺎ ﻟﻜﻦ ﻣﺎ ﻳﻌﺸﻢ ﻭﻭﺩ ﺍﻟﻴﺎﺱ ﺣﻘﻮ ﺩﺍ ﺑﺎﻛﺮ ﺑﻨﻔﺘﺶ ﻟﻴﻬﻮ ﻭﺑﻨﻠﻘﺎﻫﻮ ﻭﻣﺎ ﺑﻨﺨﻠﻴﻬﻮ
ﺍﻟﻄﻴﺐ ﻗﺎﻋﺪ ﺑﺠﺎﻱ ﻳﻨﻀﻢ ﻣﻊ ﺍﺧﻮﺍﻧﻮ ﻭﻣﺮﺗﻮ ﺑﻬﻨﺎﻙ ﻣﺮﻗﺖ ﻣﻦ ﺍﻻﻭﺿﺔ ﺩﺍﻳﺮﺓ ﺗﺠﻴﺐ ﻟﻴﻬﺎ ﻣﻮﻳﺔ ﻣﻦ ﺍﻟﺰﻳﺮ ﻭﻭﺩ ﺍﻟﻴﺎﺱ ﻣﻦ ﺷﺎﻓﻬﺎ ﻣﺎﺷﺔ ﻋﻠﻴﻬﻮ ﻣﺮﻕ ﻣﻦ ﺍﻟﻤﺰﻳﺮﺓ ﻭﻟﺒﺪ ﺟﻤﺒﻬﺎ ﻟﻜﻦ ﻫﻲ ﺷﺎﻓﺘﻮ ﻭﻗﺎﻟﺖ ﺍﻟﺰﻭﻝ ﻣﻨﻮ ﻭﺩﺍ ﻣﻨﻮ ﺩﺍ ؟
ﻣﺎ ﻧﻀﻢ ﻣﻌﺎﻫﺎ ﻭﻓﻜﺮ ﻳﺠﺮﻱ ﻭﻫﻲ ﻧﺎﻏﻤﺖ ﻟﻠﻄﻴﺐ ﻭﻃﻮﺍﻟﻲ ﺟﺮﻯ ﻋﻠﻲ ﺍﻟﺒﺎﺏ ﻭﺩﻱ ﺻﺮﺧﺖ ﺍﻟﺤﺮﺍﻣﻲ ﺍﻟﺤﺮﺍﻣﻲ ﻳﺎ ﺍﻟﻄﻴﺐ ﻳﺎ ﻋﺒﺪﻭ ﻳﺎ ﺣﺴﻦ ﺃﻟﺤﻘﻮﺍ ﺍﻟﺤﺮﺍﻣﻴﻴﻴﻲ ﺍﻟﺤﺮﺍﻣﻲ
ﻭﺩﻳﻠﻚ ﺟﻮﻫﺎ ﺟﺎﺭﻳﻴﻦ ﺑﺎﻟﻨﻔﺎﺝ
ﻭﺩ ﺍﻟﻴﺎﺱ ﻣﺮﻕ ﻗﺒﺎﻝ ﻳﺠﻮﺍ ﻭﺟﺮﻯ ﻋﻠﻲ ﺍﻟﺒﺤﺮ ﻭﺍﻟﻜﻼﺏ ﻛﺮﺩﻧﻮ ﻭﻧﺒﺤﻦ ﻓﻮﻗﻮ ﻭﺍﻭﻻﺩ ﻣﺴﺎﻋﺪ ﺟﺮﻭﺍ ﻭﺭﺍﻫﻮ ﻭﻫﻮ ﺍﻟﻌﺠﻴﺠﻴﺰ ﺳﺮﻳﻊ ﺯﻱ ﺍﻟﻜﻠﺐ ﻭﺍﻟﻮﺍﻃﺔ ﻟﺴﺔ ﻣﺎ ﺻﺒﺤﺖ ﻭﻟﺴﺔ ﻣﻀﻠﻤﺔ ﻭﺷﺎﻳﻔﻨﻮ ﻫﻨﺎﺍﺍﻙ ﺟﺎﺭﻱ ﻗﺪﺍﻣﻬﻢ ﻭﺟﺮﻱ ﺧﻮﻑ ﻭﺑﻌﻴﺪ ﻣﻨﻬﻢ ﺷﺪﻳﺪ ﻭﻣﺎ ﻋﺮﻓﻮﻫﻮ ﺩﺍ ﻭﺩ ﺍﻟﻴﺎﺱ ﻻﻧﻬﻢ ﻣﺎ ﺍﺗﻮﻗﻌﻮﺍ ﺍﻧﻮ ﻳﺠﻲ ﺑﻴﺘﻬﻢ ﻭﻗﺎﻳﻠﻨﻮ ﺣﺮﺍﻣﻲ ﺟﺎﺀ ﻳﺴﺮﻕ ﺍﻟﺒﻴﺖ ﻭﻟﻤﻦ ﺷﺎﻓﻮﻫﻮ ﺑﻌﻴﺪ ﺷﺪﻳﺪ ﻭﻣﺎ ﺑﺘﻠﺤﻖ ﻟﻴﻬﻢ ﺭﺟﻌﻮﺍ ﻭﺧﻠﻮﻫﻮ
ﺍﻟﻨﻌﻴﻢ ﺑﻌﺪ ﻭﺻﻞ ﺑﻴﺘﻮ ﻭﻗﻒ ﺟﻤﺐ ﺍﻟﺒﺎﺏ ﻣﺴﺘﻨﻲ ﺟﻴﺔ ﻭﺩ ﺍﻟﻴﺎﺱ ﻭﻛﺎﻧﻮﺍ ﻣﺘﻔﻘﻴﻦ ﺑﻌﺪ ﻳﻜﺘﻞ ﺍﻟﻄﻴﺐ ﻳﺠﻲ ﻭﻳﻘﻨﺐ ﻣﻌﺎﻫﻮ ﻓﻲ ﺍﻟﺒﻴﺖ ﺍﺿﻤﻦ ﻓﺠﺔ ﻳﻨﺪﺱ ﻓﻴﻬﺎ ﻻﻧﻮ ﻣﺎﻓﻲ ﺯﻭﻝ ﻣﻦ ﺍﻟﻐﺒﺸﺔ ﻗﺎﻋﺪ ﻳﺠﻴﻬﻮ ﺯﻳﺎﺭﺓ ﻓﻲ ﺑﻴﺘﻮ ﻋﺸﺎﻥ ﺯﻭﻝ ﻛﻌﺐ ﻭﻣﺎ ﺑﺪﻭﺭ ﺍﻟﻨﺎﺱ
ﻭﺩ ﺍﻟﻴﺎﺱ ﺑﻌﺪ ﻭﺻﻞ ﺍﻟﺒﺤﺮ ﻟﺒﺪ ﻓﻲ ﻓﺠﺔ ﻣﻀﻠﻤﺔ ﻭﺑﻌﺪ ﺍﺗﺄﻛﺪ ﻣﻦ ﺍﻭﻻﺩ ﻣﺴﺎﻋﺪ ﺭﺟﻌﻮﺍ ﻣﻨﻮ ﻭﺧﻠﻮﻫﻮ ﻗﺎﻝ ﻣﺎ ﻋﻨﺪﻭ ﻓﻲ ﺍﻟﻐﺒﺸﺔ ﺗﺎﻧﻲ ﻃﺮﻳﻘﺔ ﻗﻌﺎﺩ ﻭﺧﺎﺻﺔ ﻟﻮ ﺍﻭﻻﺩ ﻣﺴﺎﻋﺪ ﻋﺮﻓﻮﺍ ﺍﻟﺠﺎﺀ ﺑﻴﺘﻬﻢ ﺩﺍ ﻫﻮ
ﻓﻲ ﻧﺺ ﺍﻟﺼﻔﺼﺎﻑ ﻋﻨﺪﻭ ﺍﻟﻄﻮﻑ ﺣﻖ ﺍﻟﻄﺮﻭﺭ ﻫﻴﻠﻮ ﻛﺎﻥ ﺩﺍﺳﻴﻬﻮ ﻭﺭﺍﺑﻄﻮ ﻣﺸﻰ ﻋﻠﻴﻬﻮ ﻣﺮﻗﻮ ﻭﺣﻼﻫﻮ ﻭﺟﺪﻋﻮ ﻓﻮﻕ ﺍﻟﻤﻮﻳﺔ ﻭﺭﻛﺐ ﻓﻮﻗﻮ ﻭﻓﺎﺕ ﺑﻴﻬﻮ ﻋﻠﻲ ﺍﻟﺴﺎﻓﻞ
ﻋﺒﺪ ﺍﻟﻌﺰﻳﺰ ﻭﺩ ﻣﺴﺎﻋﺪ ﻣﺎ ﻧﺎﻡ ﻟﻠﺼﺒﺎﺡ ﻭﻗﺎﻡ ﺑﺪﺭﻱ ﻗﺒﺎﻝ ﺍﻟﺸﻤﺶ ﺗﻄﻠﻊ ﻓﺎﺕ ﻓﺮﻳﻖ ﻗﺪﺍﻡ ﺟﺎﺏ ﺣﺎﺝ ﺍﺣﻤﺪ ﻭﺩ ﺍﻟﺮﻳﺢ ﻭﺟﺎﺀ ﺍﻟﺒﻴﺖ
ﺣﺎﺝ ﺍﺣﻤﺪ ﻭﺩ ﺍﻟﺮﺑﺢ ﺯﻭﻝ ﺑﺼﻴﺮ ﻭﻗﺼﺎﺹ ﺩﺭﺏ ﻭﻋﺒﺪﻭ ﻗﺎﻝ ﻟﻴﻬﻮ ﺍﻣﺒﺎﺭﺡ ﺟﺎﻧﺎ ﺣﺮﺍﻣﻲ ﻭﻣﺎ ﺍﻧﻘﺒﺾ ﻟﻴﻨﺎ ﻭﺟﺮﻯ ﻣﻨﻨﺎ ﻋﻠﻲ ﺍﻟﺒﺤﺮ ﻭﺩﺭﺏ ﺟﺮﻳﻬﻮ ﺧﻠﻴﻬﻮ ﺑﻨﺪﻭﺭﻙ ﺗﻘﺺ ﺩﺭﺏ ﺟﻴﺘﻮ ﻭﺗﻌﺮﻓﻮﺍ ﻟﻴﻨﺎ ﺟﺎﺀ ﻣﻦ ﻭﻳﻦ
ﻭﺩ ﺍﻟﺮﻳﺢ ﻧﺠﻴﺾ ﺗﺐ ﻭﺍﺧﺪ ﻟﻴﻬﻮ ﻟﻔﺔ ﻭﺩﺧﻞ ﺣﻮﺵ ﺍﻟﻄﻴﺐ ﻭﺑﺪﺍ ﻣﻦ ﺟﻮﺓ ﺍﻟﻤﺰﻳﺮﺓ ﻭﻣﺸﻰ ﻟﺤﺪﻱ ﺍﻟﻔﺠﺔ ﺍﻟﺠﻤﺐ ﺍﻟﺰﺭﻳﺒﺔ ﺍﻟﻜﺎﻥ ﻻﺑﺪ ﻓﻴﻬﺎ ﻭﺩ ﺍﻟﻴﺎﺱ ﻭﻗﺎﻝ ﻟﻴﻬﻢ ﺍﻟﺰﻭﻝ ﺩﺍ ﻗﺒﺎﻝ ﻳﺨﺶ ﺍﻟﺒﻴﺖ ﺍﻛﺎﻥ ﻻﺑﺪ ﻫﻨﻲ ﻭﻣﺴﺎﻓﺔ ﻃﻮﻳﻠﺔ ﻣﺎ ﺷﻮﻳﺔ ﻭﺑﺎﺭﺍﻫﻮ ﺭﺍﺟﻊ ﺑﻴﻬﻮ ﻭﺭﺍﺟﻊ ﺑﻴﻬﻮ ﻋﻠﻲ ﺑﻴﺖ ﺍﻟﻨﻌﻴﻢ ﻭﻟﻤﻦ ﻭﺻﻞ ﻧﺺ ﺍﻟﻤﺴﺎﻓﺔ ﻗﺎﻝ ﻟﻴﻬﻢ ﺍﻟﺤﺮﺍﻣﻴﺔ ﺍﻟﺠﻮﻛﻢ ﺍﻣﺲ ﺩﻳﻞ ﺍﻛﺎﻧﻮﺍ ﻧﻔﺮﻳﻦ ﻣﺎ ﻭﺍﺣﺪ
ﺍﻟﻄﻴﺐ ﻗﺎﻝ ﻟﻴﻬﻮ ﺍﻗﻴﻒ ﻫﻨﻲ ﻭﺳﻴﺐ ﺩﺭﺏ ﺍﻟﺤﺮﺍﻣﻲ ﻭﺑﺎﺭﻱ ﻟﻴﻨﺎ ﺩﺭﺏ ﺍﻟﺘﺎﻧﻲ ﺍﻟﻜﺎﻥ ﻣﻌﺎﻫﻮ ﻭﺭﻳﻨﺎ ﻓﺎﺕ ﻭﻳﻦ ﻻﻧﻮ ﺍﻟﺸﻔﻨﺎﻫﻮ ﻭﺳﻜﻴﻨﺎﻫﻮ ﻭﺟﺮﻯ ﻣﻨﻨﺎ ﻭﺍﺣﺪ ﺑﺲ ﻣﺎ ﺍﺗﻨﻴﻦ
ﻭﺩ ﺍﻟﺮﻳﺢ ﻋﻤﻞ ﻟﻴﻬﻮ ﺩﻭﻳﺮﻳﺔ ﻓﻲ ﻓﺠﺔ ﻭﻗﻒ ﻋﺸﺎﻥ ﻟﻤﻦ ﻳﺮﺟﻊ ﻳﺒﺪﺍ ﻣﻨﻬﺎ ﻭﻣﺴﻚ ﺩﺭﺏ ﺍﻟﺘﺎﻧﻲ ﻭﻟﺤﺪﻱ ﻣﺎ ﻭﺻﻞ ﻗﺮﻳﺐ ﻣﻦ ﺍﻟﺒﺎﺏ ﻭﻗﺎﻝ ﻟﻴﻬﻢ ﺍﺗﻔﺎﺭﻗﻮﺍ ﻫﻨﺎ ﺍﻻﻭﻝ ﻣﺸﻰ ﺍﺗﻠﺒﺪ ﻭﻗﻌﺪ ﻫﻨﺎﻙ ﻭﺍﻟﺘﺎﻧﻲ ﻓﺘﺢ ﻟﻴﻬﻮ ﺍﻟﺒﺎﺏ ﺑﺲ ﻣﺎ ﺩﺧﻞ ﺟﻮﺓ ﺍﻟﺤﻮﺵ ﻟﻜﻦ ﺭﺟﻊ ﻭﻭﻗﻒ ﻫﻨﻲ ﺯﻱ ﺍﻟﺒﻨﻀﻢ ﻣﻊ ﺯﻭﻝ ﻭﺑﻌﺪﻫﺎ ﻣﺸﻰ ﺩﺧﻞ ﺍﻟﺤﻮﺵ ﺍﻟﺘﺎﻧﻲ ﺟﺎﺀ
ﻭﻭﺩ ﺍﻟﺮﻳﺢ ﺩﺧﻞ ﺑﻴﻬﻢ ﺟﻮﺓ ﺍﻻﻭﺿﺔ
ﺍﻟﻄﻴﺐ ﻋﺎﻳﻦ ﻓﻲ ﻋﺒﺪ ﺍﻟﻌﺰﻳﺰ ﻭﻗﺎﻝ ﻟﻴﻬﻮ ﺩﺍ ﺻﺎﺣﺒﻨﺎ ﺍﻟﺪﺍﻳﺮﻛﻢ ﻧﻘﺪﻣﻮﻫﻮ
ﻭﻗﺎﻟﻮﺍ ﻟﻮﺩ ﺍﻟﺮﻳﺢ ﺩﺍ ﺧﻼﺹ ﻋﺮﻓﻨﺎﻫﻮ ﻭﺭﺡ ﻧﻜﻤﻞ ﻣﻦ ﻫﻨﺎﻙ ﻣﺤﻞ ﻭﻗﻔﺖ
ﻭﻣﺸﻮﺍ ﻭﻭﺩ ﺍﻟﺮﻳﺢ ﻣﻦ ﻓﺠﺔ ﻭﻗﻒ ﻭﻋﻤﻞ ﺩﻭﻳﺮﺗﻮ ﻣﺴﻚ ﺍﻟﺪﺭﺏ ﻭﻗﻌﺪ ﻳﻘﺺ ﻟﺤﺪﻱ ﻣﺎ ﻭﺻﻞ ﺑﻴﺖ ﺍﻟﻨﻌﻴﻢ
ﻋﺒﺪ ﺍﻟﻌﺰﻳﺰ ﻓﺎﺕ ﺍﻭﺿﺔ ﺍﻟﺮﺍﻋﻲ ﻟﻘﻰ ﺍﻟﺪﺭﺏ ﻗﺪﺍﻡ ﺍﻟﻮﺿﺔ ﻭﻟﻘﻰ ﺍﻟﺮﺍﻋﻲ ﻳﺎﺩﻭﺏ ﻣﺎﺭﻕ ﺑﺎﻟﺒﻘﺮ ﻭﺷﺎﻑ ﺩﺭﺑﻮ ﻟﻘﺎﻫﻮ ﻣﺎ ﻳﺎﻫﻮ ﺍﻟﺠﺎﻫﻢ ﻭﻋﺮﻑ ﺍﻧﻮ ﺍﻟﺤﺮﺍﻣﻲ ﻭﺩ ﺍﻟﻴﺎﺱ
ﻭﺍﻟﻄﻴﺐ ﺷﻜﺮ ﺣﺎﺝ ﻭﺩ ﺍﻟﺮﻳﺢ ﻭﻏﻤﺖ ﻟﻴﻬﻮ ﺍﻟﻔﻴﻬﺎ ﺍﻟﻨﺼﻴﺐ ﻭﺭﺟﻌﻮﺍ ﻫﻮ ﻭﻋﺒﺪﻭ ﺍﺧﻮﻫﻮ ﺍﻟﺒﻴﺖ
ﻓﻲ ﻭﺩ ﻛﺴﺎﺭ ﻭﺑﻌﺪ ﻣﺴﺎﻋﺪ ﻛﻠﻢ ﺍﺧﻮﺍﻧﻮ ﺑﻮﺻﻴﺔ ﺍﺑﻮﻫﻢ ﺣﺎﺝ ﺍﻟﻮﻧﺎﺱ ﻛﻠﻬﺎ ﺣﻜﻰ ﻟﻴﻬﻢ ﺍﻟﻜﻼﻡ ﺍﻟﻘﺎﻟﻮﺍ ﻟﻮﺩ ﺍﻟﺴﻤﻴﺢ ﻛﻠﻮ
ﻭﺍﻟﻨﻌﻴﻢ ﺍﺧﻮﻫﻮ ﻗﺎﻝ ﻟﻴﻬﻮ ﻣﻌﻘﻮﻝ ﺁ ﺣﺎﺝ ﺍﻧﺖ ﻋﺎﺭﻑ ﻛﻞ ﺍﻟﻜﻼﻡ ﺩﺍ ﻭﻣﻦ ﺯﻣﺎﻥ ؟ ﺳﻤﺢ ﻟﻤﻦ ﺍﺑﻮﻱ ﻭﺭﺍﻧﺎ ﺑﻘﺼﺘﻮ ﻣﻊ ﺍﺧﻮﺍﻧﻮ ﻣﺎﻟﻚ ﻋﻤﻠﺖ ﻓﻴﻬﺎ ﻣﺎﻙ ﻋﺎﺭﻑ ﻭﻟﺸﻨﻮ ﻣﺎ ﻭﺭﻳﺘﻨﺎ ﻣﻦ ﺯﻣﺎﻥ ؟
ﻗﺎﻝ ﻟﻴﻬﻮ ﺍﺑﻮﻱ ﺍﻟﻘﺎﻝ ﻟﻲ ﺍﻋﻤﻞ ﻛﺪﺍ ﻭﻫﺴﻊ ﻭﺭﻳﺘﻜﻢ ﻛﻞ ﺷﻲ
ﻣﺤﻤﻮﺩ ﻗﺎﻝ ﻟﻴﻬﻮ ﻳﻌﻨﻲ ﺑﻌﺪ ﻛﺪﻱ ﻧﻤﺶ ﻧﻘﻠﻊ ﺣﻖ ﺍﺑﻮﻧﺎ ﻣﻦ ﺍﻟﻨﻌﻴﻢ ﻭﺍﻭﻻﺩ ﻣﺴﺎﻋﺪ ؟ ﻃﻴﺐ ﻟﺸﻨﻮ ﺻﺒﺮﻧﺎ ﺍﻟﻔﺘﺮﺓ ﺩﻱ ﻛﻠﻬﺎ ﻭﻟﻴﻪ ﻣﺎ ﺷﻠﻨﺎ ﺍﻻﺭﺍﺿﻲ ﻣﻨﻬﻢ ﺑﻌﺪ ﻭﻓﺎﺓ ﺍﺑﻮﻱ ﻃﻮﺍﻟﻲ
_ ﺍﻳﻮﺓ ﺩﺍ ﺳﺆﺍﻝ ﻣﻬﻢ ﻭﺍﻧﺎ ﻣﺎ ﻋﻤﻠﺖ ﻛﺪﻱ ﺍﻭﻝ ﻣﺎ ﺟﻮﻧﺎ ﻭﻣﺸﻴﻨﺎ ﻟﻴﻬﻢ ﻻﺳﺒﺎﺏ ﻛﺘﻴﺮﺓ ﺍﻭﻝ ﺣﺎﺟﺔ ﻣﺎ ﻫﻢ ﻣﺎ ﺑﻌﺮﻓﻮﻧﺎ ﻭﻻ ﻧﺤﻦ ﺑﻨﻌﺮﻓﻬﻢ ﻭﻣﺎ ﺑﻨﺪﻭﺭ ﻣﻌﺎﻫﻢ ﻋﺪﺍﻭﺓ ﻗﻠﺖ ﻻﺯﻡ ﻳﻌﺮﻓﻮﻧﺎ ﻋﻠﻲ ﺣﻘﻴﻘﺘﻨﺎ ﺍﻭﻝ ﺷﻲ ﻭﻋﻼﻗﺘﻨﺎ ﺑﻴﻬﻢ ﺗﺒﻘﻰ ﺳﻤﺤﺔ ﺣﺘﻰ ﺑﻌﺪﻳﻨﻚ ﻧﻜﻠﻤﻬﻢ ﺑﺤﻖ ﺍﺑﻮﻱ ﻭﻧﺸﻴﻠﻮﺍ ﻣﻨﻬﻢ ﺑﺮﺍﺣﺔ ﺑﺎﺧﻲ ﻭﺍﺧﻮﻙ ﻭﺗﺎﻧﻲ ﺷﻲ ﺍﻧﺎ ﻛﺎﻥ ﻻﺯﻡ ﺍﻻﻗﻲ ﻋﻤﻨﺎ ﻭﺩ ﺍﻟﻌﻮﻥ ﻭﺍﻗﻌﺪ ﻣﻌﺎﻫﻮ ﻭﺍﻋﺮﻑ ﻣﻨﻮ ﻛﻞ ﺷﻲ ﻭﺍﻟﻜﻼﻡ ﺩﺍ ﻗﺎﻟﻮﺍ ﻟﻲ ﺍﺑﻮﻱ ﻭﺍﻟﺤﻤﺪ ﻟﻠﻪ ﺍﻟﻠﻘﻴﺘﻮ ﻋﺎﻳﺶ ﻭﺷﺪﻳﺪ ﻭﻧﺼﻴﺢ ﻭﻭﺭﺍﻧﻲ ﺣﺎﺟﺎﺕ ﻛﺘﻴﺮﺓ ﻣﻬﻤﺔ ﻭﻓﻲ ﺷﻲ ﺗﺎﻧﻲ ﺳﻬﻞ ﻋﻠﻴﻨﺎ ﻛﻞ ﺷﻲ ﺑﻮﺭﻳﻜﻢ ﻟﻴﻬﻮ ﺑﺲ ﻣﺎ ﻫﺴﻊ ﻭﺑﺠﻲ ﻭﻛﺘﻮ ﻗﺮﻳﺐ
ﻭﺍﻧﺖ ﻳﺎ ﺍﻟﻨﻌﻴﻢ ﺍﻟﺒﺘﺒﻨﻲ ﺍﻟﻤﺪﺭﺳﺔ ﻭﺍﻟﺠﺎﻣﻊ
ﺍﻟﻨﻌﻴﻢ ﻗﺎﻝ ﺍﻧﺎ ﺷﺎﻳﻒ ﻧﺄﺟﻞ ﻣﻮﺿﻮﻉ ﺍﻟﺤﻖ ﻭﺍﻻﺭﺍﺿﻲ ﻭﺍﻟﺒﻨﻴﺎﻥ ﺩﺍ ﺷﻮﻳﺔ ﻟﺤﺪﻱ ﻣﺎ ﻧﻌﻤﻞ ﻋﺮﺱ ﻣﺤﻤﻮﺩ ﺩﺍ ﻭﻧﻔﻀﻰ ﻟﻴﻬﻢ
ﻣﺴﺎﻋﺪ ﻗﺎﻝ ﺍﺣﺴﻦ ﺑﺮﺿﻮ ﻭﺩﺍ ﺭﺍﻱ ﺳﻤﺢ ﺑﺲ ﺯﻭﻝ ﻓﻴﻜﻢ ﻳﺠﻴﺐ ﻣﻮﺿﻮﻉ ﺍﻻﺭﺍﺿﻲ ﺩﺍ ﻓﻲ ﺧﺸﻤﻮ ﻣﺎﻓﻲ ﻭﺧﻠﻮﻧﺎ ﻧﺘﻌﺎﻣﻞ ﻣﻊ ﺍﻫﻠﻨﺎ ﺩﻳﻠﻚ ﻋﺎﺩﻱ ﻭﻛﺄﻧﻨﺎ ﻣﺎ ﺩﺍﻳﺮﻳﻦ ﻣﻨﻬﻢ ﺷﻲ ﻭﺑﻌﺪ ﻧﻨﺘﻬﻲ ﻣﻦ ﺍﻟﻌﺮﺱ ﺣﺘﻴﻦ ﻧﻘﺒﻞ ﻋﻠﻴﻬﻢ ﻭﺍﻟﺤﻖ ﺣﻖ ﻭﻫﻢ ﺍﺗﻜﻮﻋﺒﻮﺍ ﻣﻌﺎﻧﺎ ﻟﻜﻦ ﻧﺤﻦ ﻣﺎ ﺑﻨﺘﻜﻮﻋﺐ ﻣﻌﺎﻫﻢ
ﻭﺍﺗﻔﻘﻮﺍ ﻋﻠﻰ ﻛﺪﺍ ﻭﻗﺎﻟﻮﺍ ﻋﻠﻲ ﺍﻟﻌﺪﻳﻠﺔ .
ﻋﺒﺪ ﺍﻟﺒﺎﻗﻲ ﺍﻟﻠﻔﻨﺪﻱ ﻗﺎﻝ ﻟﻴﻬﻢ ﻣﺎ ﺗﻨﺴﻮﺍ ﻳﺎ ﺣﺎﺝ ﻣﺴﺎﻋﺪ ﻋﺮﺱ ﻋﺸﺔ ﻻﻧﻮ ﺍﻭﻝ ﺍﻣﺲ ﺍﻟﺠﺒﺎﺭﺓ ﻭﺩ ﻣﺠﻤﺮ ﺟﺎﺀ ﻫﻨﺎ ﻭﻗﺎﻝ ﺑﺪﻭﺭ ﻳﺠﻴﺐ ﺍﻟﺸﻨﻄﺔ ﻭﻳﺴﺪ ﺍﻟﻤﺎﻝ
ﺣﺎﺝ ﻣﺴﺎﻋﺪ ﻗﺎﻝ ﻟﻴﻬﻮ ﺁﻱ ﻋﺎﺭﻑ ﻭﻛﻠﻤﻮﻧﻲ ﻫﻮ ﻭﺍﺑﻮﻫﻮ ﺣﺎﺝ ﻣﺠﻤﺮ ﻗﻠﺖ ﻟﻴﻬﻮ ﺧﻴﺮ ﺑﺠﻴﺒﻮﻫﻦ ﺑﻌﺪ ﺑﺎﻛﺮ ﻭﻧﺤﻦ ﻣﻦ ﺍﻟﻠﻴﻠﺔ ﺗﻤﺸﻬﺪ ﺣﺎﻟﻨﺎ ﻭﻧﺼﻠﺢ ﺑﻴﻮﺗﻨﺎ ﻭﺍﻧﺎ ﺷﻠﺖ ﻣﻨﻚ ﻗﺮﻭﺵ ﺁ ﻋﺒﺪ ﺍﻟﺒﺎﻗﻲ ﺑﺮﺟﻌﻦ ﻟﻴﻚ ﺑﺎﻛﺮ ﺑﻌﺪ ﺍﺳﺘﻠﻢ ﻗﺮﻭﺵ ﺍﻟﻘﻄﻦ ﻭﺑﺎﻟﻨﺴﺒﺔ ﻟﻘﺮﻭﺵ ﺍﻟﻌﺮﺱ ﻓﻲ ﻗﺮﻭﺵ ﺍﺑﻮﻱ ﺍﻟﻠﻪ ﻳﺮﺣﻤﻮ ﺧﺎﺗﻴﻬﻦ ﻋﻨﺪ ﻋﻤﻨﺎ ﻭﺩ ﺍﻟﻜﺠﻴﻢ ﻗﺎﻝ ﻟﻌﺮﺱ ﻋﺸﺔ ﻭﻣﺤﻤﻮﺩ ﺑﻨﻤﺶ ﻧﺴﺪ ﻣﻨﻬﻦ ﻣﺎﻝ ﻣﺤﻤﻮﺩ ﻭﺑﻨﺠﻴﺐ ﺍﻟﺒﻨﺪﻭﺭ ﻧﺠﻴﺒﻮ