ﺳﺮﺍﺭﺓ ﺍﻟﻠﻌﻮﺕ 35
ﻣﺠﺎﻫﺪ ﻳﻮﺳﻒ
ﺍﻭﻻﺩ ﻣﺴﺎﻋﺪ ﺑﻌﺪ ﺭﺟﻌﻮﺍ ﺍﻟﺒﻴﺖ ﻋﺒﺪ ﺍﻟﻌﺰﻳﺰ ﻗﺎﻝ ﻟﻠﻄﻴﺐ ﺍﻟﺮﺍﻱ ؟
ﺍﻟﻄﻴﺐ ﺍﻛﺎﻥ ﺳﺎﺭﺡ ﻭﻳﻔﻜﺮ ﻭﺑﺎﻟﻮ ﺑﻌﻴﺪ ﻭﻣﺎ ﺍﻧﺘﺒﻪ ﻟﻜﻼﻡ ﻋﺒﺪﻭ ﻭﻋﺒﺪﻭ ﻟﻜﺰﻭ ﻭﻗﺎﻝ ﻟﻴﻬﻮ
_ ﻣﺸﻴﺖ ﻭﻳﻦ ؟
_ ﻣﺸﻴﺖ ﻭﻳﻦ ﻛﻴﻒ ﻣﺎ ﻫﺪﺍﻧﻲ ﻗﺪﺍﻣﻚ
_ ﺍﻧﺎ ﺳﻌﻠﺘﻚ ﻭﻗﻠﺖ ﻟﻴﻚ ﺍﻟﺮﺍﻱ ﺷﻨﻮ ﻭﻻ ﺳﻤﻌﺘﻨﻲ
_ ﺭﺍﻱ ﺷﻨﻮ ﻭﻓﻲ ﺷﻨﻮ ؟
_ ﺍﻟﺮﺍﻱ ﻓﻲ ﻋﻤﻚ ﺍﻟﻨﻌﻴﻢ ﺩﺍ ﻧﻌﻤﻞ ﻣﻌﺎﻫﻮ ﺷﻨﻮ ؟
_ ﻭﻻ ﺗﺴﻌﻠﻮﻫﻮ ﻭﺑﺠﻲ ﻫﻨﻲ ﺑﺮﺍﻫﻮ ﻭﺍﻧﺖ ﺑﺘﺼﺮﻑ ﻣﻌﺎﻫﻮ ﻗﻮﻡ ﺃﻣﺶ ﻋﻠﻲ ﺑﻬﺎﻳﻤﻚ ﻭﺍﻧﺖ ﺁ ﺣﺴﻦ ﺍﻣﺶ ﻋﻠﻲ ﺍﻟﺒﺤﺮ ﺍﻧﺎ ﺑﺠﻲ ﻻﺣﻘﻚ
ﻋﺒﺪ ﺍﻟﻌﺰﻳﺰ ﻣﺎ ﺭﺿﻰ ﺑﺎﻟﻜﻼﻡ ﺩﺍ ﻭﺷﺎﻳﻒ ﺍﻧﻮ ﻋﻤﻮ ﺍﻟﻨﻌﻴﻢ ﺩﺍ ﻣﺎ ﻣﻔﺮﻭﺽ ﻳﺴﻜﺘﻮﺍ ﻟﻴﻬﻮ ﻭﻗﺎﻝ ﻟﻴﻬﻮ ﺍﻧﺖ ﻣﺎ ﻋﺎﺭﻑ ﺍﻣﺲ ﺍﻟﺰﻭﻝ ﺩﺍ ﺟﺎﺀ ﻫﻨﺎ ﻟﺸﻨﻮ
_ ﺟﺎﺀ ﻗﺎﻝ ﻋﺸﺎﻥ ﻳﺮﺿﻴﻜﻢ
_ ﻻ ﻻ ﻣﺎ ﺟﺎﺀ ﻋﺸﺎﻥ ﻳﺮﺿﻴﻨﺎ ﻭﻻ ﺷﻲ ﻟﻜﻦ ﺟﺎﺀ ﻳﻌﻤﻞ ﻟﻴﻬﻮ ﻣﺼﻴﺒﺔ ﻭﻭﺩ ﺍﻟﻴﺎﺱ ﻣﺎ ﺟﺎﺀ ﻣﻌﺎﻫﻮ ﺳﺎﻱ ﻋﺸﺎﻥ ﻛﺪﺍ ﺣﻘﻮ ﻧﻤﺶ ﻟﻴﻬﻮ ﻭﻧﺴﻌﻠﻮ
_ ﻧﺴﻌﻠﻮﺍ ﻣﻦ ﺷﻨﻮ ﻭﺍﻧﺖ ﺑﺮﺍﻙ ﻋﺎﺭﻓﻮ ﺯﻭﻝ ﻛﻀﺎﺏ ﺩﺍﻳﺮﻭ ﻳﻘﻮﻝ ﺟﻴﻨﺎ ﻋﺸﺎﻥ ﻧﺴﺮﻕ
_ ﻫﻮ ﻣﺎ ﺟﺎﺀ ﻭﺟﺎﺏ ﻭﺩ ﺍﻟﻴﺎﺱ ﻣﻌﺎﻫﻮ ﻋﺸﺎﻥ ﻳﺴﺮﻗﻮﺍ ﻭﻫﻮ ﺩﺧﻞ ﻟﻴﻨﺎ ﻫﻨﺎ ﻋﺸﺎﻥ ﺩﺍﻙ ﻳﺨﺶ ﺑﻴﺘﻚ ﻭﻇﻨﻴﺘﻮ ﺍﻛﺎﻥ ﺑﺪﻭﺭ ﻳﻜﺘﻠﻚ ﻻﻧﻮ ﻟﻮ ﺟﺎﺀ ﻳﺴﺮﻕ ﻣﺎ ﺑﺼﺤﻴﻨﺎ ﻭﻳﺴﺮﻕ
_ ﻣﻌﻘﻮﻝ ؟
_ ﻣﻌﻘﻮﻝ ﻭﻧﺺ ﺍﻟﺰﻭﻝ ﺩﺍ ﺟﺎﺀ ﻳﻜﺘﻠﻚ
_ ﺻﺎﺡ ﻭﺍﻟﻠﻪ ﻣﺎ ﻣﻤﻜﻦ ﻳﺠﻲ ﻋﺸﺎﻥ ﻳﺴﺮﻕ ﻭﻳﺼﺤﻴﻨﺎ ﻭﻫﻮ ﻳﺴﺮﻕ ﺷﻨﻮ
_ ﻭﻗﺎﻝ ﻟﻴﻨﺎ ﻭﺭﺣﻜﻢ ﻗﺪﻣﻮﻧﻲ ﺑﺪﻭﺭﻧﺎ ﻧﻤﺶ ﻣﻌﺎﻫﻮ ﻭﻭﺩ ﺍﻟﻴﺎﺱ ﻳﻨﺘﻬﻲ ﻣﻨﻚ ﻭﻫﻮ ﻳﻜﻮﻥ ﺑﺮﻱ ﻭﻧﺤﻦ ﺷﺎﻫﺪﻳﻦ ﻻﻧﻨﺎ ﻣﻌﺎﻫﻮ
_ ﺍﻣﺲ ﺑﻌﺪ ﻣﺮﻗﻨﺎ ﻣﻨﻜﻢ ﻗﻠﺪﻧﻲ ﻗﻮﻱ ﺯﻱ ﺍﻟﻜﺎﻥ ﺑﻮﺩﻉ ﻓﻴﻨﻲ ﻭﻗﺎﻝ ﻟﻲ ﺳﺎﻣﺤﻨﻲ ﻳﻌﻨﻲ ﺍﻧﺎ ﻟﻮ ﻣﺸﻴﺖ ﺑﻴﺘﻲ ﻭﻣﺎ ﺟﻴﺘﻜﻢ ﻫﻨﻲ ﺍﻛﺎﻥ ﻭﺩ ﺍﻟﻴﺎﺱ ﻛﺘﻠﻨﻲ
_ ﻭﺍﻟﻠﻪ ﻟﻮ ﻣﺎ ﺟﻴﺖ ﻫﻨﻲ ﺍﻛﺎﻥ ﻟﺤﻘﻮﻙ ﺃﻣﺎﺕ ﻃﻪ ﻋﺸﺎﻥ ﻛﺪﺍ ﻭﺭﺡ ﻟﻴﻬﻮ ﻧﺘﻔﻮﺍ ﺑﺲ ﺍﻟﺸﻐﻠﺔ ﺑﻘﺖ ﻓﻮﻗﻬﺎ ﻣﻮﺕ
_ ﻭﺭﺣﻜﻢ ﺑﺲ ﺧﻠﻮﻧﻲ ﺍﻧﻀﻢ ﻣﻌﺎﻫﻮ ﺍﻧﺎ ﻭﻣﺎ ﺗﻤﺪﻭﺍ ﻋﻠﻴﻬﻮ ﻳﺪﻛﻢ ﺍﻻ ﺑﻌﺪ ﺍﻗﻮﻝ ﻟﻴﻜﻢ
ﺍﻟﻨﻌﻴﻢ ﻋﻤﻬﻢ ﺑﻌﺪ ﺻﺤﻰ ﻭﻋﺮﻑ ﻣﻦ ﻋﻠﻲ ﻭﻟﺪﻭ ﺍﻧﻮ ﺍﻭﻻﺩ ﻋﻤﻮ ﻣﺴﺎﻋﺪ ﺟﺎﺑﻮﺍ ﻭﺩ ﺍﻟﺮﻳﺢ ﻗﺼﺎﺹ ﺍﻟﺪﺭﺏ ﻭﻭﺻﻞ ﺑﻴﻬﻢ ﻟﺤﺪﻱ ﻫﻨﻲ ﺑﻄﻨﻮ ﻃﻤﺖ ﻭﺷﺎﻝ ﻫﻢ ﻭﻋﻠﻲ ﻗﺎﻝ ﻟﻴﻬﻮ ﻛﻤﺎﻥ ﻋﺒﺪ ﺍﻟﻌﺰﻳﺰ ﻓﺎﺕ ﺍﻟﺰﺭﻳﺒﺔ ﻭﺷﺎﻑ ﺍﻟﺪﺭﺏ ﺍﻟﻬﻨﺎﻙ ﺑﺮﺿﻮ
ﺍﻟﻨﻌﻴﻢ ﻗﻌﺪ ﻳﺒﻠﻊ ﻓﻲ ﺭﻳﻘﻮ ﻭﻋﺮﻑ ﺭﻭﺣﻮ ﺍﻧﻜﺸﻒ ﻭﻗﻌﺪ ﻳﻔﻜﺮ ﻓﻲ ﺍﻟﺒﺤﻠﻮ ﻣﻦ ﺍﻭﻻﺩ ﺍﺧﻮﻫﻮ ﺍﻥ ﺟﻮﻫﻮ
ﻭﺩﻳﻠﻚ ﺟﻮﻫﻮ ﻭﺍﻟﻄﻴﺐ ﺑﺎﻟﻌﻜﺎﺯ ﻧﻬﺰ ﺍﻟﺒﺎﺏ ﻧﻬﺰ ﻭﺑﺰﻋﻞ ﻭﺟﺮﻯ ﻟﻴﻬﻢ ﻋﻠﻲ ﻭﺩ ﺍﻟﻨﻌﻴﻢ ﻓﺘﺢ ﺍﻟﺒﺎﺏ ﻭﺍﻟﺘﻼﺗﺔ ﺩﻓﺮﻭﻫﻮ ﻭﺩﺧﻠﻮﺍ ﻭﺟﺎﻳﻴﻦ ﺑﻌﺼﻴﻬﻢ ﻧﺎﺱ ﺣﺮﺍﺑﺔ
ﺿﻴﻒ ﺍﻟﻠﻪ ﻭﺩ ﺍﻟﺴﻤﻴﺢ ﺟﺎﺀ ﻟﺤﺎﺝ ﻣﺴﺎﻋﺪ ﻭﺩ ﺍﻟﻮﻧﺎﺱ ﻭﺳﺎﻗﻮﺍ ﻭﺩ ﺍﻟﻨﺎﺟﻲ ﻣﺸﻰ ﺟﺎﺏ ﻗﺮﻭﺵ ﺍﻟﺼﺮﻓﺔ ﻭﻗﺎﻝ ﻟﻴﻬﻮ ﺩﺍﻳﺮ ﻣﻨﻲ ﻛﻢ ﺁ ﺍﻟﻀﻴﻒ ؟ ﻗﺎﻝ ﻟﻴﻬﻮ ﻭﻻ ﺷﻲ
_ ﻭﻻ ﺷﻲ ﻛﻴﻔﻦ ﺁ ﺍﻟﻤﺴﺨﻮﺕ ﺃﻧﺎ ﺑﺮﺍﻱ ﻭﺩﻳﺘﻨﻲ ﺍﻟﻐﺒﺸﺔ ﻗﺮﻳﺐ ﺍﻟﺨﻤﺴﺔ ﻣﺮﺍﺕ ﻏﻴﺮ ﻣﺸﻴﺘﻚ ﻣﻌﺎﻧﺎ ﻟﺨﻄﻮﺑﺔ ﻣﺤﻤﻮﺩ ﺍﺧﻮﻱ ﻭﺍﻟﺤﻖ ﺣﻖ ﺁ ﻭﺩ ﺍﻟﺴﻤﻴﺢ
_ ﻫﺎ ﺣﺎﺝ ﻣﺎﻟﻚ ﻓﺎﺭﺯﻧﻲ ﻣﻦ ﺍﺧﻮﺍﻧﻚ ﻭﺑﺘﺪﻭﺭ ﺗﺘﻠﻮﻡ ﻣﻌﺎﻱ ؟ ﻭﺍﻧﺎ ﻳﻤﻴﻦ ﻣﺎ ﺑﺸﻴﻞ ﻣﻨﻚ ﻗﺮﺵ
_ ﺗﺎﻧﻲ ﻣﺎ ﺑﺴﻮﻗﻚ ﻟﻔﺠﺔ
_ ﻣﺎ ﺗﺴﻮﻗﻨﻲ ﺍﻥ ﻋﺎﺩﻳﻨﻲ ﻏﺮﻳﺐ ﻣﻨﻜﻢ
_ ﺍﻟﻌﺮﺑﻴﺔ ﺩﻱ ﺑﺘﻤﺶ ﺑﺎﻟﻤﻮﻳﺔ ﻭﻟﻼ ﺑﺘﺸﺘﺮﻳﻼ ﺑﻨﺰﻳﻦ ؟
_ ﻓﻀﻠﺔ ﺧﻴﺮﻙ ﺁ ﺣﺎﺝ ﺍﻟﺨﻴﺮ ﺭﺍﻗﺪ ﻭﺑﻘﺮﻭﺷﻲ ﺍﻟﺤﻤﺪ ﻟﻠﻪ ﻣﺎ ﻓﻲ ﻋﻮﺟﺔ ﺗﺐ ﻭﺍﻥ ﺍﺣﺘﺠﺖ ﻟﺸﻲ ﺑﺪﺧﻞ ﻳﺪﻱ ﻓﻲ ﺟﻴﺒﻚ ﻭﺑﺸﻴﻞ ﻭﻻ ﺑﺸﺎﻭﺭﻙ ﻭﻻ ﺑﻘﻮﻝ ﻟﻴﻚ ﺷﻠﺖ ﻛﻢ ، ﺩﺣﻴﻦ ﺧﻠﻲ ﻗﺮﻭﺷﻚ ﻣﻌﺎﻙ ﻭﻟﺴﺔ ﺍﻟﺮﺍﺟﻴﻚ ﻛﺘﻴﺮ
ﺣﺎﺝ ﻣﺴﺎﻋﺪ ﺷﻜﺮﻭ ﻭﺩﻋﺎ ﻟﻴﻬﻮ ﻭﻓﺎﺗﻮﺍ ﻟﻮﺩ ﺍﻟﺒﺎﻗﺮ ﻓﻲ ﺩﻛﺎﻧﻮ ﻗﻌﺪﻭﺍ ﺍﺗﻮﻧﺴﻮﺍ ﻣﻌﺎﻫﻮ ﻭﺷﺮﺑﻮﻟﻦ ﻣﻌﺎﻫﻮ ﺷﺎﻱ ﻭﻗﺎﻟﻮﺍ ﻟﻴﻬﻮ ﺑﻜﺮﺓ ﻣﺎﺷﻴﻦ ﺍﻟﻐﺒﺸﺔ ﻧﺴﺪ ﻣﺎﻝ ﻣﺤﻤﻮﺩ
ﻗﺎﻝ ﻟﻴﻬﻢ ﻋﺪﻳﻠﺔ ﺗﺐ ﻭﺍﻧﺎ ﺍﻟﻠﻴﻠﺔ ﺩﻱ ﺑﺠﻴﻜﻢ ﻭﺑﺠﻴﺐ ﻣﻌﺎﻱ ﺍﻭﻻﺩﻱ
ﺣﺎﺝ ﻣﺴﺎﻋﺪ ﻗﺎﻝ ﻟﻴﻬﻮ ﺑﺪﻭﺭ ﺍﺭﺳﻞ ﻟﻲ ﺯﻭﻝ ﺍﻟﻨﺒﻘﺎﻳﺔ ﻋﺸﺎﻥ ﻳﻮﺭﻱ ﺍﻫﻠﻨﺎ ﺩﻳﻠﻚ ﻭﺍﻟﻀﻴﻒ ﺩﺍ ﺳﺎﻳﻖ ﺑﺪﺭﻳﺔ ﻭﻋﺸﺔ ﻳﺠﻴﺒﻦ ﺍﻟﺸﻨﻄﺔ ﻭﺍﻟﺸﺒﻜﺔ ﻟﻮ ﻣﺎ ﻛﺪﻱ ﺍﻛﺎﻥ ﺳﻘﺘﻮ ﻭﻣﺸﻴﺖ ﻟﻴﻬﻢ
ﻭﺩ ﺍﻟﺒﺎﻗﺮ ﻗﺎﻝ ﻟﻴﻬﻮ ﺍﻟﻨﺒﻘﺎﻳﺔ ﺍﻣﺮﻫﺎ ﻣﻨﺘﻬﻲ ﻭﺧﻠﻴﻬﻢ ﻋﻠﻲ ﺗﺐ ﻭﺍﻟﻠﻴﻠﺔ ﺩﻱ ﺑﺠﻴﺐ ﺍﻭﻻﺩﻱ ﺍﺧﻠﻴﻬﻢ ﻓﻲ ﺑﻴﺘﻜﻢ ﻭﺍﻓﻮﺕ ﺍﻭﺭﻳﻬﻢ ﻭﺍﺑﻴﺖ ﻫﻨﺎﻙ ﻭﺑﺎﻛﺮ ﺍﻛﺎﻥ ﺍﻟﻠﻪ ﺣﻴﺎﻧﺎ ﻧﺘﻼﻗﻲ ﻓﻲ ﺍﻟﻐﺒﻴﺸﺔ
ﻓﻲ ﺍﻟﻐﺒﺸﺔ ﻭﺍﻭﻝ ﺍﻟﻨﻌﻴﻢ ﻣﺎ ﺷﺎﻑ ﺍﻭﻻﺩ ﺍﺧﻮﻫﻮ ﺣﻨﺒﻚ ﻭﻛﺘﻞ ﺿﻠﻮ ﻭﺍﻟﻄﻴﺐ ﻗﺎﻝ ﻟﻴﻮ ﺑﺘﺪﻭﺭ ﺗﻜﺘﻠﻨﻲ ﺁ ﺍﻟﻨﻌﻴﻢ ؟
_ ﺃﻛﺘﻠﻚ ﻛﻴﻔﻦ ﺁ ﺍﻟﻄﻴﺐ ﺁ ﻭﻟﺪﻱ ؟
_ ﻧﺤﻦ ﺟﺒﻨﺎ ﻭﺩ ﺍﻟﺮﻳﺢ ﻗﺼﺎﺹ ﺍﻟﺪﺭﻭﺏ ﻭﺑﺎﺭﻳﻨﺎ ﺩﺭﺑﻜﻢ ﺍﻧﺖ ﻭﻭﺩ ﺍﻟﻴﺎﺱ ﻭﺍﻧﺖ ﺍﻣﺒﺎﺭﺡ ﻭﺩﺧﻠﺘﻨﻲ ﻣﻌﺎﻙ ﺣﻮﺵ ﺍﺧﻮﺍﻧﻲ ﺩﻳﻞ ﻭﺻﺤﻴﺘﻬﻢ ﻋﺸﺎﻥ ﺍﻟﺮﻣﺔ ﺩﺍﻙ ﻳﺨﺶ ﺣﻮﺷﻲ ﻭﻳﻠﺒﺪ ﻓﻮﻗﻮ ﻭﺑﻌﺪ ﺍﺟﻲ ﺭﺍﺟﻊ ﻳﻜﺘﻠﻨﻲ ﻣﻮ ﻳﺎ ؟
_ ﺃﺑﺪﻥ ﺍﺑﺪﻥ ﻭﺣﺎﺓ ﺍﻟﻘﺴﻢ ﺍﻟﻘﺎﻝ ﻟﻴﻚ ﻛﺪﻱ ﻛﻀﺎﺏ ﻳﺴﺮﻕ ﻭﺯﻭﻝ ﺣﺎﻗﺪ ﺑﺲ ﻭﺑﺪﻭﺭ ﻳﻮﻗﻊ ﺑﻴﻨﺎﺗﻨﺎ ﻭﺍﻧﺎ ﻭﺩ ﺍﻟﻴﺎﺱ ﺑﻌﻴﻨﻲ ﺩﻱ ﻣﺎ ﺷﻔﺘﻮ ﺑﻌﺪ ﺟﺮﻯ ﻣﻦ ﺍﺧﻮﺍﻧﻚ ﺩﻳﻞ
ﻋﺒﺪ ﺍﻟﻌﺰﻳﺰ ﻗﺎﻝ ﻟﻠﻄﻴﺐ ﺍﻟﺰﻭﻝ ﻛﻀﺎﺏ ﺧﻠﻴﻨﺎ ﻧﺮﺩﻣﻮ ﻭﻧﺘﻔﻮﺍ ﻫﻨﺎ ﻗﺒﻠﻮ ﺑﺲ
ﺍﻟﻄﻴﺐ ﺑﻴﻦ ﺷﺎﻛﻲ ﻭﺑﻴﻦ ﻣﺼﺪﻕ ﻋﻤﻮ ﻭﻣﺎ ﺩﺍﻳﺮﻫﻢ ﻳﺪﻗﻮﻫﻮ
ﻋﻠﻲ ﻭﺩ ﺍﻟﻨﻌﻴﻢ ﺟﺎﺀ ﻭﻭﻗﻒ ﻗﺪﺍﻡ ﺍﺑﻮﻫﻮ ﻋﺸﺎﻥ ﻣﺎ ﻳﺪﻗﻮﻫﻮ ﻭﺍﻛﺎﻥ ﺷﺎﻳﻞ ﻟﻴﻬﻮ ﻣﻄﻮﺓ ﻏﺎﻣﺘﻬﺎ ﻓﻲ ﻳﺪﻭ ﻭﻣﺪﺧﻞ ﻳﺪﻭ ﺟﻮﺓ ﺟﻴﺒﻮ ﻭﻫﻮ ﺍﻛﺎﻥ ﺣﺎﺿﺮ ﻛﻼﻡ ﺍﺑﻮﻫﻮ ﻣﻊ ﻭﺩ ﺍﻟﻴﺎﺱ ﻭﻋﺎﺭﻓﻬﻢ ﻣﺎﺷﻴﻦ ﻳﻜﺘﻠﻮ ﺍﻟﻄﻴﺐ ﻭﺩﺍﻳﺮ ﺍﻟﻜﺘﻠﺔ ﻟﻠﻄﻴﺐ ﻻﻧﻮ ﺍﻟﻄﻴﺐ ﻃﻮﺍﻟﻲ ﺑﻠﻄﺸﻮ ﻭﺷﺎﻳﻔﻮ ﺷﺎﻓﻊ ﻭﻛﻢ ﻣﺮﺓ ﻛﻔﺘﻮ ﻭﻧﻬﺮﻭ ﻭﻃﺮﺩﻭ ﻣﻦ ﺑﻴﺘﻬﻢ ﻭﻫﻮ ﺍﻛﺎﻥ ﺻﺎﺣﺐ ﺣﺴﻦ ﻭﻃﻮﺍﻟﻲ ﺑﻤﺶ ﻟﻴﻬﻮ ، ﻭﻣﻦ ﺍﻟﺰﻣﻦ ﺩﺍﻙ ﺑﻘﻰ ﺑﻜﺮﻩ ﺍﻟﻄﻴﺐ ﺍﻛﺘﺮ ﻣﻦ ﻛﺮﺍﻫﻴﺘﻮ ﻟﻠﺮﻭﻳﺪﻱ ﻭﺍﻻﺗﻨﻴﻦ ﻟﻴﻬﻮ ﻣﺮﺍﺩ ﻳﻘﺘﻠﻬﻢ
ﺣﺴﻦ ﻗﺎﻝ ﻟﻌﻠﻲ ﺯﺡ ﻣﻦ ﻗﺪﺍﻡ ﺍﺑﻮﻙ ﻭﻋﻠﻲ ﻗﺎﻝ ﻟﻴﻬﻮ ﺩﺍ ﺍﺑﻮﻱ ﺀ ﺣﺴﻦ ﻣﺎ ﺑﺨﻠﻴﻜﻢ ﺗﻤﺪﻭﺍ ﻳﺪﻛﻢ ﻋﻠﻴﻬﻮ ﻭﺍﻧﺎ ﻣﺤﺮﻭﻕ ﻣﻨﻜﻢ ﻣﻦ ﻳﻮﻡ ﺩﻗﻴﺘﻮﻫﻮ ﻓﻲ ﺍﻟﺒﺤﺮ
ﺍﻟﻄﻴﺐ ﺟﺎﻫﻮ ﻭﻛﻔﺘﻮ ﻭﻗﺎﻝ ﻟﻴﻬﻮ ﺍﻣﺶ ﺍﻟﻌﺐ ﺑﻌﻴﺪ ﻳﺎ ﺷﺎﻓﻊ ﻭﺩﺍ ﻛﻼﻡ ﺭﺟﺎﻝ ﺍﻭﻋﻚ ﺗﺪﺧﻞ ﻧﻔﺴﻚ ﻓﻴﻬﻮ
ﻋﻠﻲ ﺣﺪﺭ ﻟﻴﻬﻮ ﻭﻣﺤﺮﻭﻕ ﻭﺯﻋﻼﻥ ﻭﻣﺮﻕ ﺍﻟﻤﻄﻮﺓ ﻣﻦ ﺟﻴﺒﻮ ﺩﺍﺭ ﻳﻄﻌﻨﻮ ﺑﻴﻬﺎ ﻓﻲ ﺑﻄﻨﻮ ﻭﺍﺑﻮﻫﻮ ﺍﻛﺎﻥ ﻭﺭﺍﻫﻮ ﻭﻣﻦ ﺷﺎﻑ ﺍﻟﻤﻄﻮﺓ ﻃﺐ ﻣﺴﻚ ﻳﺪ ﻭﻟﺪﻭ ﻭﺩﻓﺮﻭ ﻣﻦ ﺍﻟﻄﻴﺐ ﻭﻗﺎﻝ ﻟﻴﻬﻮ ﺟﻴﺐ ﺍﻟﻤﻄﻮﺓ ﺩﻱ ﻫﻨﻲ ﻭﻋﺒﺪﻭ ﻭﺣﺴﻦ ﺟﻮﺍ ﺟﺎﺭﻳﻴﻦ ﻋﻠﻴﻬﻮ
ﺯﻭﺟﺔ ﺍﻟﻨﻌﻴﻢ ﻟﻤﻦ ﺷﺎﻓﺖ ﺍﻭﻻﺩ ﻣﺴﺎﻋﺪ ﺟﺮﻭﺍ ﻋﻠﻲ ﻭﻟﺪﻫﺎ ﻗﻌﺪﺕ ﺗﺼﺮﺥ ﻭﺗﺴﻜﻠﺐ
ﻭﻗﺒﻞ ﻳﻀﺮﺑﻮﺍ ﻋﻠﻲ ﺍﻟﻨﻌﻴﻢ ﻋﻤﻬﻢ ﻭﻗﻒ ﻟﻴﻬﻢ ﻗﺪﺍﻣﻬﻢ ﺩﺍﻳﺮ ﻳﺤﺎﺟﺰ ﻭﻳﺤﺎﻣﻲ ﻟﻮﻟﺪﻭ ﻭﻫﻮ ﺯﺍﺗﻮ ﻟﺒﻌﻮﻫﻮ ﻭﺍﻛﺎﻧﻮﺍ ﺩﺍﻳﺮﻳﻦ ﻳﺘﻔﻮﻫﻢ ﺍﻻﺗﻨﻴﻦ ﻟﻜﻦ ﺍﻟﻄﻴﺐ ﻧﻬﺮﻫﻢ ﻭﺍﺣﻤﺎﻫﻢ ﻳﺪﻗﻮﻫﻢ ﻭﺳﺎﻗﻬﻢ ﻭﻓﺎﺕ
ﺍﻟﻮﻛﺖ ﺩﺍﻙ ﺻﺮﺧﻲ ﻣﺮﺓ ﺍﻟﻨﻌﻴﻢ ﺟﺎﺏ ﺍﻟﺠﻴﺮﺍﻥ ﻭﻧﺎﺱ ﺍﻟﻔﺮﻳﻖ ﻭﺍﻟﺤﻮﺵ ﺍﺗﻤﻼ ﻧﺎﺱ ﻭﺩﺍ ﺍﻟﺴﺒﺐ ﺍﻟﺨﻼ ﺍﻟﻄﻴﺐ ﻳﺤﻤﻲ ﺍﺧﻮﺍﻧﻮ ﻳﻼﺑﻌﻮﺍ ﻋﻤﻬﻢ ﻭﻭﻟﺪﻭ
ﺑﻌﺪ ﻣﺮﻗﺔ ﺍﻭﻻﺩ ﻣﺴﺎﻋﺪ ﺍﻟﻨﻌﻴﻢ ﻗﻔﻞ ﺑﺎﺏ ﺣﻮﺷﻮ ﻋﻠﻴﻬﻮ
ﻋﺸﺔ ﺃﺧﺖ ﺍﻟﻨﻌﻴﻢ ﻟﻤﻦ ﺳﻤﻌﺖ ﺍﻟﻌﻮﺓ ﻭﺍﻟﻬﺮﺟﻲ ﺟﺎﺕ ﻟﻠﻨﻌﻴﻢ ﺍﺧﻮﻫﺎ ﺟﺎﺭﻳﺔ ﺗﻄﻤﻦ ﻋﻠﻴﻬﻮ ﻭﻟﻤﻦ ﻋﺮﻓﺖ ﻣﻨﻮ ﺍﻟﺤﺼﻞ ﻓﺎﺗﺖ ﻻﻭﻻﺩ ﻣﺴﺎﻋﺪ ﺷﺎﻛﻠﺘﻬﻢ ﻭﻫﺮﺟﺖ ﻓﻲ ﺍﻟﻄﻴﺐ ﺯﻳﻦ ﻟﻤﻦ ﻗﺎﻟﺖ ﺑﺲ ﻭﻓﺎﺗﺖ ﻣﻨﻮ ﺭﺟﻌﺖ ﺑﻴﺖ ﺍﻟﻨﻌﻴﻢ ﺍﺧﻮﻫﺎ ﻗﻴﻠﺖ ﻣﻌﺎﻫﻮ ﻭﺍﻟﻄﻴﺐ ﻭﻻ ﺭﺩ ﻋﻠﻴﻬﺎ ﻻﻧﻬﺎ ﻏﻴﺮ ﻋﻤﺘﻮ ﺍﻛﺎﻧﺖ ﺻﺎﺣﺒﺔ ﺍﻣﻮ ﺑﺖ ﺍﻟﻜﻠﺲ ﺍﻟﻮﺣﻴﺪﺓ ﺍﻟﻤﺼﺎﺣﺒﺎﻫﺎ ﻭﺑﺘﺠﻴﻬﺎ ﻓﻲ ﺣﺮﻳﻢ ﺍﻟﺤﻠﺔ ﻭﻫﻮ ﺍﻛﺎﻥ ﺑﺮﻳﺪ ﺍﻣﻮ
ﺍﻟﻨﻌﻴﻢ ﺑﻌﺪ ﺍﻟﻌﺼﺮ ﺟﺎﺀ ﻟﻠﻄﻴﺐ ﻓﻲ ﺍﻟﺒﻴﺖ ﻭﺍﻟﻴﻮﻡ ﺩﺍﻙ ﻻ ﺍﻟﻄﻴﺐ ﻭﻻ ﻫﻮ ﻣﺎ ﻓﻴﻬﻢ ﺯﻭﻝ ﻧﺰﻝ ﺍﻟﺒﺤﺮ
ﻭﺍﻟﻨﻌﻴﻢ ﻗﻌﺪ ﻣﻊ ﺍﻟﻄﻴﺐ ﺑﺮﺍﻫﻢ ﻭﻗﻌﺪﺓ ﻃﻮﻳﻠﺔ ﻭﺣﻠﻒ ﻟﻠﻄﻴﺐ ﺑﺎﻟﺘﻄﻠﻊ ﺭﻭﺣﻮ ﻣﺎ ﺟﺎﻫﻮ ﻋﺸﺎﻥ ﻳﻜﺘﻠﻮ ﻭﺑﻌﺪ ﺑﻜﻰ ﻭﺗﺤﺎﻧﻴﺲ ﻗﺪﺭ ﻳﻘﻨﻊ ﺍﻟﻄﻴﺐ ﻭﻳﺮﺿﻴﻬﻮ
ﻋﻠﻲ ﻭﺩ ﺍﻟﻨﻌﻴﻢ ﺑﻌﺪ ﺍﻟﻌﺼﺮ ﻭﻟﻤﻦ ﺷﺎﻑ ﻋﺸﺔ ﻋﻤﺘﻮ ﻗﺎﻋﺪﺓ ﻣﻊ ﺍﻣﻮ ﺍﺳﺘﻨﻰ ﺑﻌﺪ ﺍﺑﻮﻫﻮ ﻣﺮﻕ ﻭﻣﺮﻕ ﻭﺭﺍﻫﻮ ﻭﻓﺎﺕ ﺑﻴﺖ ﻋﻤﺘﻮ ﻋﺸﺔ ﻟﻠﺮﻭﻳﺪﻱ ﻭﺍﻟﺮﻭﻳﺪﻱ ﻳﻮﻣﻲ ﺑﻨﻮﻡ ﺍﻟﻌﺼﺮ ﻭﻫﻮ ﻋﺎﺭﻓﻮ ﻭﻟﻤﻦ ﻭﺻﻞ ﻟﻘﺎﻫﻮ ﻧﺎﻳﻢ ﻳﺸﺨﺮ ﻃﻠﻊ ﺍﻟﻤﻄﻮﺓ ﻭﻃﻌﻨﻮ ﺑﻴﻬﺎ ﻓﻲ ﺑﻄﻨﻮ ﻭﻗﺎﻡ ﺟﺎﺭﻱ
ﺍﻟﺮﻭﻳﺪﻱ ﻗﺎﻡ ﻭﺍﻟﺪﻡ ﻳﺒﻘﺒﻖ ﻭﺟﺮﻯ ﻓﻲ ﺍﻟﺸﺎﺭﻉ ﻭﻳﻜﻮﺭﻙ ﻛﺘﻠﻨﻲ ﻛﺘﻠﻨﻲ ﻋﻠﻲ ﻭﺩ ﺧﺎﻟﻲ ﺍﻟﻨﻌﻴﻢ ﻛﺘﻠﻨﻲ ﻟﻘﻰ ﻟﻴﻬﻮ ﺍﻭﻻﺩ ﻗﺎﻋﺪﻳﻦ ﺟﻤﺐ ﺩﻛﺎﻥ ﺟﺎﺩ ﺍﻟﺮﺏ ﺷﺎﻟﻮﻫﻮ ﻭﺟﺮﻭﺍ ﺑﻴﻬﻮ ﺑﻴﺖ ﻭﺩ ﺍﻟﺮﻳﺢ ﺍﻟﺒﺼﻴﺮ ﻭﺩﺍ ﻛﻞ ﺍﻟﻘﺪﺭ ﻋﻠﻴﻬﻮ ﻭﻗﻒ ﺍﻟﺪﻡ ﻭﻗﺎﻝ ﻟﻴﻬﻢ ﻻﺯﻡ ﺗﻮﺩﻭﻫﻮ ﺍﻻﺳﺒﺘﺎﻟﻴﺔ ﻭﺍﻟﻜﻮﻳﺲ ﺍﻟﺠﺮﺡ ﻻﻓﻲ ﺍﻟﻘﻠﺐ ﻻﻓﻲ ﺍﻟﻜﻠﻮﺓ ﻭﻣﺎ ﺑﺘﺠﻴﻬﻮ ﻋﻮﺟﺔ ﻟﻜﻦ ﻻﺯﻡ ﻳﺸﻮﻓﻮ ﺩﻛﺘﻮﺭ ﻭﻣﺮﻗﻮﺍ ﺑﻴﻬﻮ ﺑﻴﺖ ﻭﺩ ﺍﻟﺮﻳﺢ ﺍﻛﺎﻥ ﺟﻤﺐ ﺑﻴﺖ ﺣﺎﺝ ﺍﻟﻔﺎﺿﻞ ﻭﺍﻟﺒﺺ ﺣﻖ ﻣﺒﺎﺭﻙ ﻭﺍﻗﻒ ﻗﺪﺍﻣﻮ ﻭﻓﺎﺗﻮﺍ ﻟﻴﻬﻢ ﺑﺎﻟﺮﻭﻳﺪﻱ ﻭﺭﻛﺒﻮﻫﻮ ﻓﻲ ﺍﻟﺒﺺ ﺣﺴﻴﻦ ﻭﺩ ﺍﻟﻔﺎﺿﻞ ﻭﻣﺒﺎﺭﻙ ﻭﺩ ﻋﻤﺘﻮ ﺍﻻﺗﻨﻴﻦ ﺳﺎﻗﻮﺍ ﺍﻟﺒﺺ ﻭﺟﺮﻭﺍ ﺑﺎﻟﺮﻭﻳﺪﻱ ﻭﻣﺸﻮﺑﻮ ﺍﻡ ﻧﻮﻳﻠﺔ ﺣﻠﺔ ﺟﻤﺒﻬﻢ ﻓﻴﻬﺎ ﻣﺮﻛﺰ ﺻﺤﻲ ﻛﺒﻴﺮ ﻭﻫﻨﺎﻙ ﻋﺎﻟﺠﻮﻫﻮ ﻭﺧﻴﻄﻮﻟﻮ ﺍﻟﺠﺮﺡ ﻭﺟﺎﺑﻮﻫﻮ ﻣﻨﻬﺎ ﺷﺪﻳﺪ ﻭﻟﻀﻴﺾ ﻭﺣﺎﻟﻒ ﺑﺠﻤﻠﺔ ﺍﻻﻳﻤﺎﻥ ﻋﻼ ﻳﻜﺘﻞ ﻋﻠﻲ ﻭﺩ ﺍﻟﻨﻌﻴﻢ ﻭﻳﻀﺒﺤﻮ ﺷﺨﺨﺦ
ﺣﺎﺝ ﺑﻠﺔ ﺍﺑﻮ ﺍﻟﺮﻭﻳﺪﻱ ﻟﻤﻦ ﺟﺎﺀ ﻣﻦ ﺍﻟﺤﻮﺍﺷﺔ ﻭﻋﺮﻑ ﺑﻄﻌﻨﺔ ﻋﻠﻲ ﻭﺩ ﺍﻟﻨﻌﻴﻢ ﻟﻠﺮﻭﻳﺪﻱ ﻭﻟﺪﻭ ﺩﺧﻞ ﺍﻟﺒﻴﺖ ﻭﺍﺗﻼﻓﻰ ﻋﻜﺎﺯﻭ ﻭﻣﺸﻰ ﺑﻴﺖ ﺍﻟﻨﻌﻴﻢ
ﺍﻟﻨﻌﻴﻢ ﺍﻛﺎﻥ ﻣﻊ ﺍﻟﻄﻴﺐ ﻭﺩ ﻣﺴﺎﻋﺪ ﺍﻟﻮﻛﺖ ﺩﺍﻙ ﻭﺍﻟﺮﻭﻳﺪﻱ ﻛﺎﻥ ﻳﺎﺩﻭﺏ ﻣﺮﻗﻮﺑﻮ ﻣﺒﺎﺭﻙ ﻭﺣﺴﻴﻦ ﻭﺩ ﺍﻟﻔﺎﺿﻞ ﻭﻣﺸﻮﺍ ﺍﻡ ﻧﻮﻳﻠﺔ ﻭﺑﻠﺔ ﻻ ﻟﻘﻰ ﺍﻟﻨﻌﻴﻢ ﻭﻻ ﻋﻠﻲ ﻭﻟﺪﻭ ﻭﻫﺮﺝ ﺯﻳﻴﻴﻴﻦ ﻭﺍﻟﻨﻌﻴﻢ ﻭﺍﻟﻄﻴﺐ ﻟﻤﻦ ﻋﺮﻓﻮﺍ ﺟﻮﺍ ﺟﺎﺭﻳﻴﻦ ﺍﻻﺗﻨﻴﻦ ﻭﻟﻘﻮﺍ ﺑﻠﺔ ﺑﺲ ﺍﻟﺘﻮﺭ ﺍﻟﻬﺎﻳﺞ ﻭﺍﻟﻨﺎﺱ ﻣﺎﻟﻴﻴﻦ ﺍﻟﺤﻮﺵ ﻭﻻﺯﻣﻨﻮﺍ ﺗﺐ ﻭﻭﻗﻔﻮﺍ ﺑﻴﻨﻮ ﻭﺑﻴﻦ ﺍﻟﻨﻌﻴﻢ
ﻭﺍﻟﺤﻠﺔ ﻛﻠﻬﺎ ﺟﺎﻃﺖ ﻭﺟﻮﻃﺔ ﺷﺪﻳﺪﺓ ﺧﻼﺹ ﻭﺍﻟﺸﻮﺍﺭﻉ ﺍﺗﻤﻠﺖ ﻧﺎﺱ ﻳﺘﺠﺎﺭﻭﺍ ﻋﻠﻲ ﺑﻴﺖ ﺍﻟﻨﻌﻴﻢ ، ﻧﺎﺱ ﻳﺤﺎﺟﺰﻭﺍ ﻭﻧﺎﺱ ﻳﻬﺪﻭﺍ ﻭﻧﺎﺱ ﻳﻌﻘﻠﻮﺍ ﻓﻲ ﺑﻠﺔ ﻭﻧﺎﺱ ﻭﺍﻗﻔﻴﻦ ﻗﺮﻳﺐ ﻣﻦ ﺍﻟﻨﻌﻴﻢ ﻋﺸﺎﻥ ﻟﻮ ﺑﻠﺔ ﺍﻧﻔﻜﺎ ﻣﻦ ﺩﻳﻠﻚ ﻭﻭﺻﻠﻮﺍ ﺑﺤﺠﺰﻭﻫﻢ ﻗﺒﺎﻝ ﻳﺘﻀﺎﺭﺑﻮﺍ ﻭﻋﻠﻲ ﻭﺩ ﺍﻟﻨﻌﻴﻢ ﻣﺤﻞ ﻓﺎﺕ ﻣﺎ ﺍﻧﻌﺮﻑ ﺑﻌﺪ ﻃﻌﻨﺘﻮ ﻟﻠﺮﻭﻳﺪﻱ ﻭﺭﻳﺤﺘﻮ ﻓﻲ ﺍﻻﺭﻳﺎﺡ ﻣﺎﻓﻲ
ﻣﺒﺎﺭﻙ ﻭﺣﺴﻴﻦ ﺟﺎﺑﻮﺍ ﺍﻟﺮﻭﻳﺪﻱ ﻭﻧﺰﻟﻮﻫﻮ ﻓﻲ ﺑﻴﺘﻬﻢ ﻭﺷﺪﻳﺪ ﺍﻟﺤﺒﺔ ﻣﺎ ﺟﺎﺗﻮ ﻭﺍﻟﻨﺎﺱ ﻣﺸﻮﻟﻮ ﺍﺗﺤﻤﺪﻟﻮﺍ ﻓﻲ ﺍﻟﺴﻼﻣﺔ
ﻣﺤﻤﺪ ﻭﺩ ﺳﻌﺎﺩ ﺍﻛﺎﻥ ﺑﺮﻳﺪ ﺍﻟﺮﻭﻳﺪﻱ ﻭﺟﺎﺀ ﺯﺍﺭﻭ ﻭﻓﺎﺕ ﻓﻲ ﺣﺰﺗﻮ ﻭﺑﻌﺪ ﻓﺎﺕ ﻟﺤﻘﻮﻫﻮ ﻋﺒﺪﻭ ﻭﺩ ﻣﺴﺎﻋﺪ ﻭﺣﺴﻦ ﺍﺧﻮﻫﻮ ﻭﻗﻔﻮﻫﻮ ﻓﻲ ﺍﻟﺪﺭﺏ ﻭﻗﺎﻝ ﻟﻴﻬﻮ ﺩﺍﻳﺮﻧﻚ ﺑﻜﺮﺓ ﺗﻮﺩﻳﻨﺎ ﻣﺸﻮﺍﺭ ﻭﺑﺤﻘﻚ ﻗﺎﻝ ﻟﻴﻬﻢ ﻣﺸﻮﺍﺭ ﻭﻳﻦ ؟
_ ﻣﺎﺷﺒﻦ ﻧﻜﻮﺱ ﻭﺩ ﺍﻟﻴﺎﺱ
_ ﺗﻜﻮﺳﻮﻟﻮ ﻭﻳﻦ ﻭﻟﺸﻨﻮ ؟
_ ﻧﻜﻮﺳﻠﻮ ﺑﺎﻟﺤﻼﻝ ﺍﻟﻌﻠﻲ ﺍﻟﺴﺎﻓﻞ ﻭﺑﻨﺪﻭﺭ ﻧﻜﺘﻠﻮ ﻻﻧﻮ ﺍﻣﺲ ﺟﺎﻧﺎ ﺑﻔﻠﻴﻞ ﻓﻲ ﺑﻴﺘﻨﺎ ﻭﺍﻛﺎﻥ ﺑﺪﻭﺭ ﻳﻜﺘﻞ ﺍﻟﻄﻴﺐ ﺍﺧﻮﻱ
ﻣﺤﻤﺪ ﺍﺑﻰ ﻟﻴﻬﻢ ﻭﻗﺎﻝ ﻟﻴﻬﻢ ﺍﺭﻳﺘﻮ ﺍﻛﺎﻥ ﻛﺘﻠﻮ ﻭﺭﻳﺢ ﺍﻟﻨﺎﺱ ﻣﻦ ﺧﻠﻘﺘﻮ ﺍﻟﻘﺒﻴﺤﺔ ﺩﻱ ﻭﺍﻧﺎ ﺑﺎﻛﺮ ﻣﺎ ﻓﺎﺿﻲ ﻟﻴﻜﻢ ﻣﺎﺷﻲ ﻭﺩ ﻛﺴﺎﺭ ﻭﺍﻛﺎﻥ ﻓﺎﺿﻲ ﻣﺎ ﺑﻮﺩﻳﻜﻢ ﻭﻻ ﻋﻨﺪﻱ ﺷﻐﻠﺔ ﺑﻴﻜﻢ ﻭﺑﻤﺸﺎﻛﻠﻜﻢ ﺍﻟﺘﺎﻓﻬﺔ ﺩﻱ ﻭﻓﺎﺕ ﻣﻨﻬﻢ
ﺣﺴﻦ ﺯﻋﻞ ﻭﺑﺪﻭﺭ ﻳﻀﺎﺭﺏ ﻣﺤﻤﺪ ﻭﻗﺒﻘﻮ ﻭﻣﺤﻤﺪ ﻭﻻ ﻛﻀﺐ ﻗﺸﻄﻮ ﻛﻒ ﻭﻗﺎﻝ ﻟﻌﺒﺪﻭ ﺍﻣﺴﻚ ﺍﺧﻮﻙ ﺍﻟﻌﺮ ﺩﺍ ﻋﻠﻴﻚ ﻭﻓﺎﺕ ﺍﻫﻠﻮ
ﻋﺒﺪﻭ ﻣﺴﻚ ﺣﺴﻦ ﻭﻗﺎﻝ ﻟﻴﻬﻮ ﻋﺪﻳﻠﺔ ﺁ ﻭﺩ ﺍﻟﻌﻤﺔ ﺑﺲ ﻟﻴﻚ ﻳﻮﻡ
ﻣﺤﻤﺪ ﻣﺸﻰ ﻓﻲ ﻣﺸﻴﻬﻮ ﻭﻻ ﺍﺗﻠﻔﺖ ﻋﻠﻴﻬﻮ
ﻗﺒﻞ ﺍﻟﻤﻐﺮﺏ ﺭﻛﺐ ﻋﺮﺑﻴﺘﻮ ﻭﺳﺎﻕ ﻓﺨﺮ ﺍﻟﺪﻳﻦ ﻭﻓﺎﺗﻮﺍ ﺍﻟﻐﺒﺸﺔ ﻭﺻﻠﻮﻫﺎ ﻣﻊ ﺍﻟﻌﺸﺎﺀ ﻭﻟﻘﻮﺍ ﺍﻟﺪﻳﻮﺍﻥ ﻣﻼﻥ ﺷﺒﺎﺏ ﻣﻊ ﻣﺤﻤﻮﺩ ﺷﻐﺎﻟﻴﻦ ﻳﺠﻴﺮﻭﺍ ﻓﻮﻗﻮ ﻭﻧﺎﺱ ﻋﺮﺱ ﻧﺎﺱ ﻋﺮﺱ
ﻣﺤﻤﺪ ﻓﺎﺕ ﻟﻤﺴﺎﻋﺪ ﻭﻭﺭﺍﻫﻮ ﺍﻟﺤﺼﻞ ﻓﻲ ﺍﻟﻐﺒﺸﺔ ﻛﻠﻮ ﻣﻦ ﻃﻖ ﻃﻖ ﻟﺤﺪﻱ ﺍﻟﺴﻼﻡ ﻋﻠﻴﻜﻢ
ﺣﺎﺝ ﻣﺴﺎﻋﺪ ﻧﺎﻏﻢ ﻟﻠﻨﻌﻴﻢ ﻭﻣﺤﻤﻮﺩ ﺍﺧﻮﺍﻧﻮ ﻭﻗﻌﺪ ﻣﻌﺎﻫﻢ ﻣﺴﺎﻓﺔ ﻃﻮﻳﻠﺔ ﻓﻲ ﺍﻭﺿﺘﻮ ﻭﻣﺮﻗﻮﺍ ﺑﻌﺪ ﻗﺮﻳﺐ ﺳﺎﻋﺘﻴﻦ ﻭﻣﺸﻮﺍ ﺍﻟﺘﻼﺗﺔ ﻟﻠﺠﺒﺎﺭﺓ ﻭﺩ ﻣﺠﻤﺮ ﻓﻲ ﺑﻴﺘﻮ ﻭﻗﺎﻟﻮﺍ ﻟﻴﻬﻮ ﺍﻟﻌﺮﺱ ﻻﺯﻡ ﻳﺘﺄﺟﻞ ﻷﻧﻨﺎ ﺃﺟﻠﻨﺎ ﻋﺮﺱ ﻣﺤﻤﻮﺩ ﻋﺸﺎﻥ ﻋﻨﺪﻧﺎ ﺷﻮﻳﺔ ﻣﺸﺎﻛﻞ ﻭﺑﻨﺤﻠﻬﺎ ﻗﺮﻳﺐ ﺍﻛﺎﻥ ﺭﺑﻨﺎ ﺳﻬﻞ ﻭﺍﻛﺎﻥ ﻣﺴﺘﻌﺠﻞ ﺍﻟﻠﻴﻠﺔ ﺩﻱ ﺑﻨﻌﻘﺪ ﻟﻴﻚ ﻭﺗﺴﻮﻗﻬﺎ
ﻭﺩ ﻣﺠﻤﺮ ﻗﺎﻝ ﻟﻴﻬﻢ ﻋﺪﻳﻠﺔ ﺗﺐ ﻭﻣﺎﻧﻲ ﻣﺴﺘﻌﺠﻞ ﻭﻋﺮﺳﻨﺎ ﻣﻊ ﻋﺮﺱ ﻣﺤﻤﻮﺩ ﻭﺍﻥ ﺑﻘﻰ ﻟﻠﺤﻮﻝ ﻣﺎ ﻋﻨﺪﻱ ﻣﺎﻧﻊ ﻭﻣﺸﺎﻛﻠﻜﻢ ﻣﺸﺎﻛﻠﻲ ﻭﻧﺤﻦ ﻧﺎﺱ ﺍﻫﻞ ﻭﻟﺤﻢ ﻭﺩﻡ
ﺷﻜﺮﻭﻫﻮ ﻭﻓﺎﺗﻮﺍ ﻣﻨﻮ
ﻣﺴﺎﻋﺪ ﺑﻌﺪ ﺩﺧﻠﻮﺍ ﺍﻟﺒﻴﺖ ﻣﺮﻕ ﻓﺎﺕ ﻟﻌﻤﻮ ﺍﻟﻠﻄﻴﺮﺵ ﻭﺳﺎﻗﻮ ﻭﻓﺎﺗﻮﺍ ﻟﻮﺩ ﺍﻟﻜﺠﻴﻢ ﻗﻌﺪ ﻣﻌﺎﻫﻢ ﻗﺮﻳﺐ ﺳﺎﻋﺔ ﻭﺟﺎﺀ ﺍﻟﺒﻴﺖ
ﻭﻛﻠﻬﻢ ﻧﺎﻣﻮﺍ ﺑﺪﺭﻱ ﻣﺎ ﺳﺎﻫﺮﻭﺍ ﻭﻗﺎﻣﻮﺍ ﻓﺠﺮ ﻭﺭﻛﺒﻮﺍ ﻣﻊ ﻭﺩ ﺳﻌﺎﺩ ﻭﻓﺎﺗﻮﺍ ﻭﺩ ﺍﻟﻨﺎﺟﻲ
ﻳﺘﺒﻊ