ﺷﻔﺘﻲ ﺍﻟﻤﻄﺮﻩ ﺍﻟﺼﺒﺖ ﻫﺴﻲ ..
ﻫﻲ ﻧﻔﺲ ﺍﻟﺠﻤﻠﻪ ﺍﻟﺪﻳﻤﺎ ﺑﻘﻮﻟﻬﺎ " ﺍﻧﻚ ﺍﻧﻲ "
ﻭﻫﻲ ﻧﻔﺲ ﺍﻟﻐﻴﻤﻪ ﺍﻟﺠﺎﺑﺖ ﻃﻴﻔﻚ ﻭﺑﻠﺖ ﺭﻭﺣﻲ ﻭﺯﺍﺩﺕ ﺣﻨﻲ ..
ﻭﻧﻔﺲ ﺍﻟﺪﻋﻮﻩ ﺍﻟﻄﻠﻌﺖ ﻣﻨﻚ ﻭﻛﻤﺎﻥ ﻣﻨﻲ ..
ﺍﻟﻤﻄﺮ ﺍﻟﺼﺒﺖ ﻫﺴﻲ ﻧﺰﻟﺖ ﻓﺮﺣﻪ .. ﻭﺧﻠﺖ ﻣﻮﻳﻪ ﺍﻟﺮﻳﺪﻩ ﺗﺮﻭﻱ ..
ﻭﻛﻞ ﺍﻟﺸﻔﻊ ﻃﻠﻌﻮﺍ ﺍﻟﺸﺎﺭﻉ ﻭﺧﻤﺠﻮﺍ ﺍﻟﻄﻴﻦ .
ﺍﻟﺒﻴﻬﻮ ﺣﻨﺒﻨﻲ ﺍﻟﺒﻴﺖ ﺍﻟﻨﻮﺭ ﺍﻟﻨﺎﺻﻴﻪ ﺍﻟﻔﻴﻬﻮ ﺯﻫﻮﺭ ..
ﺑﺲ ﺩﻱ ﺍﻟﻤﻄﺮﻩ ﺍﻟﺼﺒﺖ ﻫﺴﻲ

ﻗﻬﻮﺓ ﻛﻴﻒ
ﺍﻧﺎ ﻋﺎﺯﻣﻚ ﻗﻬﻮﺓ
ﻭﻛﻴﻒ ﻛﻠﻤﺎﺕ
ﻭﺍﻟﺒﻦ ﻓﻰ ﺍﻟﻤﻌﻨﻰ
ﻭﺃﺣﻠﻰ ﺻﻔﺎﺕ
ﻗﻬﻮﺓ ﻭﺍﺣﺴﺎﺱ
ﻭﻗﻮﺍﻓﻰ ﺍﻟﺸﻮﻕ
ﻣﻦ ﻗﻠﻮﺓ ﺭﻳﺪ
ﻟﻰ ﺍﺣﻠﻰ ﻋﻴﻮﻥ
ﻓﻰ ﻧﺎﺭ ﺍﻟﺮﻳﺪ
ﻣﻦ ﻋﻄﺮ ﺍﻟﺒﻦ
ﻭﺍﻟﻜﻴﻒ ﺟﻮﺍﻙ
ﻳﺎﺳﻴﺪ ﺍﻟﻜﻴﻒ
ﺟﻴﺐ ﻟﻴﻚ ﻓﻨﺠﺎﻥ
ﻛﺐ ﺍﻧﺖ ﻭﺯﻳﺪ
ﻭﺍﺗﻜﻴﻒ ﺳﺎﺍﻱ
ﻭﺍﻧﺎ ﺑﺎﻟﻤﺮﺻﺎﺩ
ﺑﺴﺮﻕ ﻧﻈﺮﺍﺕ
ﻓﻰ ﻟﺤﻈﺔ ﻛﻴﻒ
ﻭﺍﺟﻤﻞ ﺍﺣﺴﺎﺱ
ﺑﺎﻟﻘﺮﻳﻔﺔ ﻓﻴﻚ
ﺗﻬﺒﻂ ﺷﻔﺘﻴﻚ
ﻃﺮﻑ ﺍﻟﻔﻨﺠﺎﻥ
ﺗﺮﻣﺶ ﻋﻴﻨﻴﻚ
ﺑﺎﻟﺸﻮﻕ ﻋﻨﻮﺍﻥ
ﻭﺍﻧﺎ ﻓﻴﻚ ﻭﻟﻬﺎﻥ
ﻳﺎﺳﻴﺪ ﺍﻟﻜﻴﻒ
ﺟﺎﻟﺲ ﺣﻮﻟﻴﻚ
ﻓﻰ ﻃﺮﻑ ﺍﻟﻘﻴﻒ
ﺗﺮﺗﺸﻔﻰ ﺍﻟﻘﻬﻮﺓ
ﺗﺰﻳﺪﻯ ﺷﻘﺎﻱ
ﻭﺍﻧﺎ ﻓﻴﻚ ﺳﺮﺣﺎﻥ
ﻏﺎﻣﺮﻧﻰ ﺑﻬﺎﻙ
ﻭﺍﻟﻘﻠﻮﺓ ﻋﻠﻴﻚ
ﺑﺘﺠﻴﺐ ﺍﻧﺴﺎﻡ
ﺗﺘﻔﺎﻋﻞ ﻓﻴﻚ
ﺑﺘﻨﺎﺩﻯ ﺍﻟﺸﻮﻕ
ﻭﺍﻧﺎ ﻣﺘﻌﺬﺏ
ﺗﺎﻳﻪ ﺟﻮﺍﻙ
ﻳﺎﻛﻴﻔﻰ ﺑﺮﺍﻙ
ﻗﻠﻮﺓ ﻭﻓﻨﺠﺎﻥ
ﻭﺍﻧﺎ ﻓﻴﻚ ﺧﻤﺠﺎﻥ
ﻓﺎﻳﺖ ﻓﻰ ﺍﻟﻜﻴﻒ
ﻳﺎﻗﻬﻮﺓ ﺭﻳﺪ
ﺟﻮﺍﻱ ﻋﻨﻮﺍﻥ

ﺧﺬ ﻣﻦ ﻟﻴﺎﻟﻲ ﺍﻟﻌﻄﺮ ﻣﺎ ﺍﺣﺘﻤﻞ ﺍﻟﺸﻬﻴﻖ ﺑﺪﺍﺧﻠﻚ
ﻭ ﺍﺯﻓﺮ ﺳﻮﺍﻱ ﻛﻤﺎ ﺗﺸﺎﺀ ..
ﺫﻛﺮ ﻣﺴﺎﻡ ﺍﻟﻄﻴﻦ ﺗﺎﺭﻳﺦ ﺍﻟﺤﺼﺎﺩ ﺗﻌﻠﻢ ﺍﻟﺴﻘﻴﺎ ﻭﻫﺐ ﺷﻔﺘﻲ ﻣﻦ ﺷﻔﺘﻴﻚ ﻣﺎﺀ ..
ﻭﺍﺻﻨﻊ ﺗﻤﺎﺛﻴﻞ ﺍﻟﻬﻮﻯ ﻛﻲ ﻳﺸﻬﺪ ﺍﻟﻌﻤﺮ ﺍﻟﻐﺒﻲ ﻣﺮﻭﺭ ﻃﻴﻔﻚ ﻣﻦ ﻫﻨﺎ
ﻛﻲ ﺗﻌﻠﻢ ﺍﻟﺬﻛﺮﻯ ﺑﺄﻧﻚ ﻛﻨﺖ ﻳﻮﻣﺎ ﻫﺎ ﻫﻨﺎ
ﻭ ﺍﻋﻠﻢ ﺑﺄﻧﻲ ﻗﺪ ﺑﻜﻴﺘﻚ ﺑﺎﻟﻨﺪﻯ
ﻭﻃﻨﺎ
ﻭ ﻣﺤﺒﻮﺑﺎ
ﻭﺁﻟﻬﺔ ﺍﺷﺘﻬﺎﺀ ..
ﺧﺬ ﻣﻦ ﺭﻓﺎﺗﻲ ﻭﺍﻫﺪﻧﻲ
ﻫﺒﻨﻲ ﺑﺈﻏﺪﺍﻕ ﻭﺟﻮﺩ
ﻟﻸﺭﺽ ،ﻟﻸﻗﻤﺎﺭ ،ﻟﻠﻨﺠﻤﺎﺕ ،ﻟﻠﻌﻠﻤﺎﺀ، ﻟﻸﺣﺒﺎﺏ ،ﻟﻠﻤﻴﺜﺎﻕ ،ﻭ ﺍﻵﺑﺎﺀ، ﻟﻠﻨﺬﺭ ﺍﻟﻘﺪﻳﻢ ﻭﻟﻠﻌﻬﻮﺩ
ﻟﻤﻘﺎﺑﺮ ﺍﻟﻤﻮﺗﻰ ﻭﺃﻧﺼﺎﺏ ﺍﻟﺠﻨﻮﺩ
ﻟﺤﺠﻴﺞ ﺍﺟﺘﻤﻌﻮ ﻟﺪﻋﻮﺍﺕ ﺍﻟﺴﺠﻮﺩ
ﻟﻜﻨﻴﺴﺔ ﻧﻈﻤﺖ ﺗﺮﺍﻧﻴﻢ ﺍﻟﺨﻠﻮﺩ
ﻭﻟﺤﺎﺋﻂ ﺍﻟﻤﺒﻜﻰ ﻭ ﺃﺿﺮﺣﺔ ﺍﻟﻴﻬﻮﺩ
ﻫﺒﻨﻲ ﻷﺣﺰﺍﻧﻲ ﻷﻓﺮﺍﺣﻲ ﻷﺯﻣﻨﺔ ﻣﻀﺖ ﻋﻞ ﺍﻟﺤﻨﻴﻦ ﻳﻘﺾ ﻣﻀﺠﻌﻬﺎ ﻓﺘﻨﻮﻱ ﺃﻥ ﺗﻌﻮﺩ
ﻫﺒﻨﻲ ﻭ ﺃﺟﺰﻝ ﺑﺎﻟﻌﻄﺎﺀ ..
ﻓﻲ ﻛﻞ ﻓﺼﻞ ﻣﻦ ﻓﺼﻮﻝ ﺍﻟﻌﻤﺮ
ﺍﺫﻛﺮﻧﻲ
ﺗﻔﻘﺪﻧﻲ
ﺗﺄﻣﻠﻨﻲ
ﻭ ` ﺃﺷﺮﺑﻨﻲ ﻟﺤﺪ ﺍﻹﺭﺗﻮﺍﺀ ..
ﺇﻥ ﺗﻘﺘﺮﺏ ﻣﻨﻲ ﺗﺠﺪﻧﻲ ﺭﺍﻏﺒﺎ
ﺇﻥ ﺗﺨﺘﺒﺮ ﺻﺒﺮﻱ ﺗﺠﺪﻧﻲ ﺭﺍﻫﺒﺎ
ﺇﻥ ﺗﺒﺘﻌﺪ ﻋﻨﻲ ﻓﻠﺴﺖ ﻣﻌﺎﺗﺒﺎ
ﻟﻢ ﺗﻌﺘﺪ ﺍﻷﻭﻃﺎﻥ ﻳﻮﻣﺎ ﺇﻥ ﻫﻮﺕ ﻓﻲ ﺍﻟﺠﺪﺏ ﺩﻫﺮﺍ ﺃﻥ ﺗﻌﺎﺗﺐ ﺭﻏﺒﺔ ﻓﻮﻗﻴﺔ .. ﻟﻜﻨﻬﺎ ﺗﺘﺮﻗﺐ ﺍﻟﺴﻘﻴﺎ
ﻭﺗﻤﺘﻬﻦ ﺍﻟﺪﻋﺎﺀ ..
ﺫﺍ ﺣﺎﻝ ﺃﻭﻃﺎﻧﻲ ﻓﻜﻴﻒ ﺃﻋﺎﺗﺒﻚ؟ !
ﻻﻳﻤﻠﻚ ﺍﻟﺪﺍﻋﻲ ﻣﻌﺎﺗﺒﺔ ﺍﻟﺴﻤﺎﺀ ..
ﻣﺎﻛﺎﻥ ﻟﻲ ﻏﻴﺮ ﺍﻧﻜﺴﺎﺭﺍﺕ ﺍﻟﺮﺟﺎﺀ
ﺃﺩﻋﻮﻙ ﻳﺎ ﺃﻧﺖ ﺍﻟﺬﻱ
ﺃﻧﺖ ﺍﻟﺬﻱ ﻋﺮﻓﺖ ﻣﻌﻨﻰ ﺍﻻﻧﻌﺘﺎﻕ
ﻭﻋﺮﻓﺖ ﻣﻌﻨﻰ ﺍﻻﺷﺘﻴﺎﻕ
ﻭﻛﻞ ﺃﻧﻮﺍﻉ ﺍﻟﻌﻨﺎﻕ
ﺧﺬﻧﻲ ﻭﻋﺎﻧﻘﻨﻲ ﻟﺤﺪ ﺍﻻﺧﺘﻨﺎﻕ
ﺃﺩﻋﻮﻙ ﻳﺎ ﺃﻧﺖ ﺍﻟﺬﻱ …
ﺧﺬ ﻣﻦ ﺻﺒﺎﺡ ﺍﻟﻘﻄﺮ ﻣﺎ ﺍﺣﺘﻤﻞ ﺍﻟﻨﺪﻯ ﻭ ﺍﻋﻠﻢ ﺑﺄﻧﻚ ﺗﺼﻨﻊ ﺍﻟﻌﻄﺮ ﺍﻟﻤﻌﺘﻖ ﻣﻦ ﺃﻃﺎﺭﻳﺢ ﺍﻟﺒﻜﺎﺀ .. .
ﺧﺬ ﻣﻦ ﻭﻋﺎﺀ ﺍﻟﻮﺭﺩ ﻋﻄﺮﻙ ﻭﺍﺣﺘﻔﻞ ﻛﻲ ﺗﻜﺘﻤﻞ ﺑﺎﻟﻘﻄﻒ ﺗﺠﺮﺑﺔ ﺍﻟﻮﻋﺎﺀ .. ﺧﺬ ﻣﻦ ﻭﻋﺎﺀ ﺍﻟﻮﺭﺩ
ﻋﻄﺮﻙ ﻭﺍﺣﺘﻔﻞ ﻭ ﻟﺘﻜﺘﻤﻞ ﺑﺎﻷﺧﺬ ﺗﺠﺮﺑﺔ ﺍﻟﻌﻄﺎﺀ

ﺗﺎﻧﻲ ﻣﺎ ﺗﻘﻮﻝ ﻟﻴﺎ ﺷﻜﺮﺍ
ﺍﻧﺖ ﺯﻭﻟﻲ ﺍﻟﻔﻴﻨﻲ ﺑﻨﺴﺞ
ﺑﺴﻤﺔ ﺗﻤﺮﻕ ﺑﻲ ﺗﺒﺮﺝ
ﻟﻤﺎ ﺗﺸﺮﺏ ﺑﻦ ﻋﻴﻮﻧﻚ
ﻣﺎ ﺑﺘﺨﺠﻞ
ﺗﺒﻘﻲ ﻭﺍﺣﺔ
ﺑﺴﻤﺔ ﺳﺎﺣﺔ
ﻓﻴﻬﺎ ﻛﻞ ﺍﻟﻨﺎﺱ ﺑﺘﻘﻌﺪ
ﺷﺎﻥ ﻋﻴﻮﻧﻚ
ﻛﻴﻒ ﺑﺴﻮﻗﻚ ﻓﻲ ﻣﺪﺍﻫﻮ
ﻛﻴﻒ ﺑﻮﺩﻳﻚ ﻟﻠﺴﻌﺎﺩﺓ
ﺗﻠﻘﻲ ﻛﻞ ﺍﻟﻨﺎﺱ ﻭﺭﺍﻫﻮ
ﻛﻴﻒ ﺑﺮﺍﺍﺍﺍﺍﻫﻮ
ﻛﻴﻒ ﺑﻴﻘﺘﻞ ﺣﺰﻧﻲ ﻋﻤﺪﺍ
ﻳﺎ ﺑﻨﻔﺴﺞ
ﺑﻴﻚ ﻣﺮﺍﻛﺐ ﺧﻮﻓﻲ ﻋﺪﻥ
ﺳﻴﻞ ﻣﻮﺍﺟﻌﻲ ﺍﻟﻔﻴﻨﻲ ﻫﺪﻥ
ﻭ ﻛﻞ ﺯﻫﻮﺭ ﺍﻟﺪﻧﻴﺎ ﻫﺪﻥ
ﻓﻴﻨﻲ ﻟﻮﻥ ﺍﺳﻤﻮ ﺍﻟﺴﻤﺎﺣﺔ
ﻳﺎ ﺑﻨﻔﺴﺞ ﺑﻲ ﺻﺮﺍﺣﺔ
ﺑﻲ ﺻﺮﺍﺍﺍﺍﺍﺍﺍﺣﺔ
ﺑﻦ ﻋﻴﻮﻧﻚ
ﻛﻴﻒ ﺑﻮﺗﺮ ﻛﻴﻔﻲ ﺟﺪﺍ

ﺣﺒﻚ
ﺑﻨﺸﻂ ﻛﻞ ﺧﻼﻳﺎ
ﺍﻷﻟﻔﺔ ﻓﻴﻨﻲ
ﻭﺑﺤﻔﻈﻚ ﺟﻮﺍﻱ
ﻣﻊ ﺿﺨﺔ ﺩﻣﺎﻱ
ﻟﻤﺴﺔ ﻋﺸﻖ ﺳﻤﺖ ﻭﺧﺸﺖ ﻓﻴﻨﻲ
ﺑﻲ ﻭﺍﺣﺪ ﺃﺣﺪ
ﺣﻨﻚ ﻟﺒﺪ ﻓﻴﻨﻲ ﻭﺷﺮﺩ ﺧﻮﻑ
ﺍﻟﺴﻨﻴﻦ ﺍﻟﺸﻴﻨﺔ
ﻭﺍﺩﻳﺘﻨﻲ
ﺍﻻﻣﺎﻥ ﺍﻟﻤﺴﺘﻤﺪ
ﻭﺍﻧﺎ ﻭﺍﻗﻔﺔ ﻓﻲ ﺍﻃﻼﻟﺘﻲ
ﻓﻲ ﺭﻭﺣﻚ
ﻣﺸﻴﺖ ﺑﻲ ﻓﻜﺮﻱ
ﻓﻲ ﺟﻮﻓﻚ
ﺳﺮﺣﺖ ﻭﻋﻴﻴﻴﻴﻴﻚ
ﻫﻮﻳﺘﻚ ﻭﺍﻧﺘﻜﻴﺖ ﻓﻲ
ﺿﻞ ﺳﻤﺎﺣﺘﻚ
ﺷﻠﺖ ﻣﻨﻚ ﺿﺤﻜﺔ ﻭﺍﺩﻳﺘﻚ
ﺷﻮﻳﺔ ﺯﻫﺠﺔ
ﺻﺮﻳﺖ ﻟﻲ
ﺣﻨﻴﻨﻚ ﻓﻲ ﻃﺮﻑ
ﻗﻠﺒﻲ ﺍﻟﻤﻮﺭﺩ ﺭﻳﺪﺓ
ﺑﻴﻚ ﻣﺎ ﻟﻴﻬﺎ ﺣﺪ

ﺑﻬﻮﺍﻙ ﺃﻧﺎ ﻭﺑﻔﺮﺩ ﻋﻠﻴﻚ ﺍﻟﺮﻳﺢ ﻏﻄﺎ
.....
ﻭﺑﺒﺮﺍﻙ ﺑﺎﻟﺪﻓﻮ ﻭﺍﻷﻣﺎﻥ ﻛﺎﻥ ﺧﺮﺑﺸﻚ ﺧﻮﻑ ﺍﻟﺸﺘﺎ
....
ﻭﺑﺒﻘﺎﻟﻚ ﺍﻟﻌﺸﻢ ﺍﻟﺒﻼ ﺗﺤﺮﺍﻭ ﻫﻤﻮﻣﻚ ﻛﻠﻔﺘﺎ
.....
ﻭﺷﺒﻊ ﺑﻨﻴﺔ ﻭﺟﻌﺘﻚ ﺫﻟﺔ ﻭﺇﻫﺎﻧﺔ ﻭﻛﻔﺘﺎ
....
ﺑﻬﻮﺍﻙ ﺃﻧﺎ ﻭﻣﺘﻴﻘﻨﺔ ﺍﻟﺮﻭﺡ ﻟﻲ ﻟﻘﺎﻙ ﻣﺘﻤﺮﺩﺓ
....
ﻭﻛﻀﺐ ﺍﻟﺒﺤﺪﺩ ﻟﻴﻚ ﻭﻃﻦ ﻭﺃﻧﺖ ﺍﻟﻤﺴﺎﻣﻲ ﻣﺤﺪﺩﺍ
.......
ﻭﺩﺍ ﻣﻨﻮ ﺍﻟﺒﻘﻴﺴﻚ ﻓﻲ ﺍﻟﺤﺮﻭﻑ ﻣﻨﻮ ﺑﻲ ﻓﺮﺍﻗﻚ ﻫﺪﺩﺍ
......
ﻭﺃﻧﺖ ﺍﻟﻔﺮﺷﻨﺎﻟﻚ ﺩﺭﻭﺏ ﺍﺣﺴﺎﺳﻨﺎ ﺷﺎﻥ ﺗﺘﻮﺳﺪﺍ
..........
ﺑﻬﻮﺍﻙ ﻭﻧﻔﺴﻲ ﻣﺤﻞ ﺗﺪﻕ ﺍﻟﻨﻮﺑﺔ
......
ﺷﻘﻴﺶ ﺍﻟﺼﺒﺎﺡ ﺍﻧﺪﺱ ﺗﻤﺮﻕ ﺑﺎﻟﺸﻤﺲ
..........
ﺑﻬﻮﺍﻙ ﻭﻧﻔﺴﻲ ﻣﺤﻞ ﺗﻨﺎﺑﺬﻧﻲ ﺍﻟﻈﺮﻭﻑ
....
ﺍﺣﻔﺮ ﺟﻮﺍﻙ ﻭﺟﻌﻲ ﻭﺍﺩﺱ
....
ﻭﺃﻧﺎ ﻧﻔﺴﻲ ﻓﻲ ﺩﺭﺱ ﺍﻟﺼﺒﺎﺡ ﺍﻟﻘﺎﻙ
.....
ﻭﻓﻲ ﻃﺎﺑﻮﺭ ﺻﻐﺎﺭ ﺍﻟﺮﻭﺿﺔ ﻓﻲ ﺣﺼﺺ ﺍﻟﺪﺭﺱ
..........
ﻭﺍﻟﻘﺎﻙ ﺗﻨﻄﻂ ﻣﻦ ﻗﻔﺎ ﺍﻟﺪﻟﻮﻛﺔ ﻓﻲ ﺑﻴﺖ ﺍﻟﻌﺮﺱ

ﻋﺎﺭﻑ ﺍﻟﺸﺘﺎ ﻭﻗﺼﺼﻮ ......... ﺡﺍﻣﻴﻨﻲ ﺑﻴﻚ ﺍﻟﻨﻮﻡ
ﻓﺎﺗﺢ ﺟﺮﺡ ﻏﻴﺒﺘﻚ ............. ﻻﻣﻲ ﺍﻟﺤﻨﻴﻦ ﺑﺎﻟﻜﻮﻡ
ﺻﻮﺕ ﺍﻟﻬﺪﻭﺀ ﻭﺍﻟﻠﻴﻞ .......... ﻭﺍﻟﺬﻛﺮﻳﺎﺕ ﻭﺍﻟﻠﻮﻡ
ﺧﻠﻮﻧﻲ ﺃﺿﺮﺏ ﺍﻗﻮﻝ ........ ﻓﻲ ﺑﺎﻟﻲ ﻟﻴﻚ ﻛﻢ ﻳﻮﻡ
ﻛﻢ ﻳﻮﻡ ﺩﻱ ﻳﻌﻨﻲ ﺳﻨﻴﻦ .......... ﻱﻣﻜﻦ ﻭﻻ ﺗﻨﻌﺪ
ﺍﻟﺸﻮﻕ ﻛﺘﻠﻨﻲ ﻛﺘﻞ ........ ﻭﺍﻟﺮﺍﺣﺔ ﻃﻴﻔﺎ ﺷﺮﺩ
ﺍﻟﺤﺘﺔ ﺑﺮﺓ ﺑﺮﺩ؟ ............. ﻣﻦ ﺟﻮﺓ ﺃﻧﺎ ﺃﺑﺮﺩ
ﺩﻓﻴﻨﻲ ﺑﻲ ﺻﻮﺗﻚ .......... ﻡﺍ ﻋﻨﺪﻱ ﺗﺎﻧﻲ ﻏﺮﺽ
ﺷﻮﻑ ﻛﻢ ﺳﻨﻴﻦ ﻋﺪﺕ ....... ﻭﺍﻧﺎ ﺑﺤﻜﻲ ﺑﺲ ﻋﻨﻚ
ﻣﺮﺍﺕ ﺑﻜﻮﻥ ﺑﻲ ﺧﻴﺮ ......... ﻣﺮﺍﺕ ﻛﺘﻴﺮ ﻟﻤﺘﻚ
ﻭﺷﻜﻴﺖ ﻟﻜﻞ ﺍﻟﻨﺎﺱ .......... ﻭﺍﻧﻮ ﺍﻟﺤﺼﻞ ﻭﺍﻧﻚ
ﺭﻏﻢ ﺍﻧﻮ ﻣﺎ ﻓﺎﺭﻗﺔ ............ ﻛﺎﻥ ﻣﻨﻲ ﻛﺎﻥ ﻣﻨﻚ
ﻣﻦ ﻓﺖ ﻳﺎ ﺍﻟﻐﺎﻟﻲ ............ ﻭﺍﻧﺎ ﺗﺎﻧﻲ ﻣﺎ ﺣﺒﻴﺖ
ﻓﺘﺸﺖ ﻓﻲ ﺍﻟﺒﻌﺪﻙ ........... ﺭﻳﺤﺘﻚ ﻭﻣﺎ ﻟﻤﻴﺖ
ﺣﺒﻴﺖ ﻣﻼﻣﺤﻚ ﻓﻴﻢ ........... ﺏﺱ ﻓﻲ ﺍﻟﻨﻬﺎﻳﺔ ﻣﺸﻴﺖ
ﺯﻱ ﻣﺎ ﻣﺸﻴﺖ ﺍﻧﺖ ............. ﻭﻓﻲ ﻛﻞ ﻣﺮﺓ ﺑﻜﻴﺖ
ﻭﻧﺴﻴﺖ ﺃﻫﻢ ﺳﺆﺍﻝ ........ ﻛﻴﻒ ﺍﻧﺖ ﻭﺍﻭﻻﺩﻙ
ﺳﻤﻴﺖ ﻋﻠﻲ ﻭﻻﺍﺍ ............ ﻗﻠﺒﻚ ﻧﺴﻰ ﺍﻟﺮﺍﺩﻙ
ﻣﺎ ﻣﺸﻜﻠﺔ ﻭﻫﻴﻨﺔ .............. ﺑﺎﻟﻨﺴﺒﺔ ﻟـ ﺑﻌﺎﺩﻙ
ﺍﺻﻠﻮ ﺍﻟﺴﻤﺢ ﻓﺎﺗﻨﻲ ........... ﻣﻦ ﻓﺎﺗﻨﻲ ﻣﻴﻌﺎﺩﻙ
ﺍﻧﺎ ﺣﺎﻟﻲ ﺯﻱ ﺻﻮﺗﻚ ........... ﻣﺎ ﺑﺮﺳﻰ ﺑﻲ ﻋﻠﻰ ﺑﺮ
ﻛﻞ ﻣﺎ ﺍﻟﻌﻘﻞ ﻳﺨﺘﺎﺭ ........... ﺑﻠﻘﻰ ﺍﻟﻘﻠﺐ ﺧﺮﺧﺮ
ﻫﻞ ﻟﺴﺔ ﺭﻳﺪﻙ ﺣﻲ ........... ﺃﻡ ﺯﻋﻠﺔ ﻗﺎﻳﺪﺓ ﺍﻟﺤﺮ
ﻟﻜﻦ ﺍﻛﻴﺪ ﺍﻧﻚ .......... ﺟﻮﺍﻱ ﻏﻨﺎ ﻭﺍﻛﺘﺮ
ﻋﺎﺭﻑ ﺍﻟﺸﺘﺎ ﻭﻗﺼﺼﻮ ........... ﺣﺎﻣﻲﻧﻲ ﺑﻴﻚ ﺍﻟﻨﻮﻡ
ﻓﺎﺗﺢ ﺟﺮﺡ ﻏﻴﺒﺘﻚ ............... ﻻﻣﻲ ﺍﻟﺤﻨﻴﻦ ﺑﺎﻟﻜﻮﻡ
ﺻﻮﺕ ﺍﻟﻬﺪﻭﺀ ﻭﺍﻟﻠﻴﻞ ........ ﻭﺍﻟﺬﻛﺮﻳﺎﺕ ﻭﺍﻟﻠﻮﻡ
ﺧﻠﻮﻧﻲ ﺃﺿﺮﺏ ﺍﻗﻮﻝ ............ ﻓﻲ ﺑﺎﻟﻲ ﻟﻴﻚ ﻛﻢ ﻳﻮﻡ

ﺍﻧﺎﺩﻳﻠﻚ
ﺇﺑﺎﻗﻲ ﺍﻟﺼﺒﺮ
ﻓﻲ ﺭﻭﺣﻲ ﺍﻧﺎﺩﻳﻠﻚ
ﺗﺴﺎﻓﺮ ﻳﺎ ﺣﺒﻴﺒﻲ
ﻭﻫﺎ ﺍﻟﻤﺴﺎ ﻳَﻨﻘِﺶ
ﻋﻠﻰ ﻗﻠﺒﻲ ﺟﺮﻭﺣﻚ
ﺗﺴﺮﻕ ﺍﻻﻳﺎﻡ ﻓﺮﺣﻲ
ﻭﺗﻨﺴﺮﻕ ﻣﻨﻚ ﺇﻟﻐﻴﺮﻙ
ﻋﺴﻰ ﻣﺎ ﺷﺮ
ﺗﻌﺐ ﺻﻮﺗﻲ
ﻭﻣﺎﺗﻌﺒﺖ ﻣﺸﺎﻭﻳﺮﻙ
ﺟﻠﺴﺖ ﺍﻟﻠﻴﻞ
ﻋﻠﻰ ﺑﺎﺏ ﺍﻟﺴﻬﺮ ﻭﺍﻟﺒﻮﺡ
ﺍﻧﺎﺩﻳﻠﻚ .. ﻭﺍﻧﺎﺩﻳﻠﻚ
ﻇﻼﻡ ﺍﻟﺒﻌﺪ ﺗﻮﻫﻨﻲ
ﻭﺗﺎﻫﺖ ﻳﺎ ﺍﻟﻐﻼ ﺭﻭﺣﻲ
ﻭﻣﺎ ﻇﻮﺕ ﻗﻨﺎﺩﻳﻠﻚ
ﻭﻳﻦ ﺇﺗﺮﻭﺡ
ﻭﻛﻞ ﻣﺎﻳﻮﻡ ﺇﺗﺒﺎﻋﺪ
ﺍﻋﺪِ ﺍﻟﻮﻗﺖ ﻣﺎ ﺭﺩﻳﺖ
ﺍﻋﺪِ ﺍﻟﻨﺠﻢِ ﻣﺎ ﻣﻠﻴﺖ
ﺍﻋﺪِ ﺍﻟﻠﺤﻈﺔ ﻭﺍﺗﻤﻨﻴﺖ
ﺍﻋﺪ ﺍﻧﻔﺎﺳﻲ ﻭﺍﺗﺮﺟﻴﺖ
ﻭﻛﻢ ﻋﺪﻳﺖ .. ﻭﻃﺎﻝ ﻟﻴﻠﻚ
ﻟﻴﻪ ﺗﺘﺮﻛﻨﻲ ﻓﻲ ﺳُﻬﺪﻱ
ﻭﻛِﻨﺖ ﺍﻟﻤُﻠﻬﻢ ﺍﻟﻔﻨﺎﻥ
ﻭﻻ ﺍﺳﺘﻠﻬﻢ ﻫﻮﻯ ﺍﻟﻤﺎﻇﻲ ﺍﻏﻨﻠﻴﻚ
ﻛِﺘﺒﺘﻚ ﻓﻲ ﺍﻟﺤﺮﻭﻑ ﺍﺣﺴﺎﺱ
ﻭﺻِﺮْﺕ ﻣﺤﺒﻮﺑﻲ ﺑﻴﻦ ﺍﻟﻨﺎﺱ
ﻭﻋﻠﻴﺘﻚ ﺩﻭﻥ ﻣﻘﻴﺎﺱ
ﻭﻏﺎﺭﺕ ﻣﻨﻚ ﺍﻻﻧﻔﺎﺱ
ﻟﻴﻪ ﺗَﻘﻄﻊ ﻣﺮﺍﺳﻴﻠﻚ
ﺭُﺣﺖ ﺗﺴﺎﺑﻖ ﺍﻟﺪﻧﻴﺎ
ﺗِﻤﻨﻲ ﺍﻟﻨﻔﺲ ﺑﺎﻻﻭﻫﺎﻡ
ﺗﺮﻛْﺖ ﺍﻟﺤﺐ ﻣﻦ ﺑﻌﺪﻙ
ﺗﻌﺜﺮ ﻓﻲ ﺳﺒﻖ ﺧﻴﻠﻚ
ﻭﺧﻼﻙ ﺍﻟﺨﻴﺎﻝ ﺗﺨﺘﺎﻝ
ﺗِﻤَﺮﺟِﺢ ﻓﻲ ﺍﻟﺨُﻄﻰ ﻭﺗِﺴﺮﺡ
ﻭﺍﻧﺎ ﺍﻟﻠﻲ ﻣْﺸﻴﺖ
ﺑﻬﺎﻟﺪﺭﺏ ﺍﻟﻠﻲ ﻛﺎﻥ
ﻳﻼﺣﻖ ﺍﻧﻔﺎﺳﻲ ﻭﻳﻮﺩﻳﻠﻚ
ﻳﺎ ﻗﻠﺒﻲ ﺗﻌﻄﺮ ﺑﺎﻷﻣﻞ ﻭﺍﻫﺪﺍ
ﺗﺤﻤﻠﺖ ﺍﻟﻮﻟﻪ ﺍﺯﻣﺎﻥ
ﺗﺤﻤﻞ ﺑﻌﺪ ... ﻳﺎ ﻭﻳﻠﻚ
ﺍﻗﻮﻝ ﻳﻤﻜﻦ ﺍﻋﺎﻧﺪ ﺭﻭﺣﻲ
ﻭﺍﻧﺴﻰ ﺳﻨﻴﻦ
ﻛَﺴﺘﻬﺎ ﺍﻟﻔﺮﺣﺔ ﻭﺍﻟﺒﻬﺠﺔ
ﺍﻧﺴﻰ ﺍﻟﻠﻨﻜﺘﺐ ﻣﻴﻼﺩ
ﻭﺍﻧﺴﻰ ﻋﺴﺎﻫﺎ ﻣﺎﺗﻨﻌﺎﺩ
ﺍﺳﻮﻟﻒ ﻓﻲ ﻗﺼﺺ ﻣﺎﺗﻔﻴﺪ
ﻟَﺠِﻞ ﺍﻧﺴﺎﻙ ﻭﻓﻌﻼ ﺍﻧﺴﻰ
ﻭﺵ ﺍﻟﺴﺎﻟﻔﺔ
ﻭﺍﺟﻴﺐ ﺍﺳﻤﻚ ﻭﺍﻧﺎﺩﻳﻠﻚ

ﻭﻫﻤﺴﺖ ﻟﻴﻚ ﻭﺍﻟﻐﻴﻢ
ﺑﺴﺎﻟﻢ ﺍﻟﻮﺍﻃﺔ ﻣﺘﻬﺎﺩﻱ ﻭﺣﻨﻮﻥ
ﻳﺎ ﻛﻞ ﻓﺼﻮﻝ ﺍﻻﺣﺘﻤﺎﻝ
ﻓﻲ ﺍﻟﺴﻜﺔ ﻭﺍﻟﻬﻢ ﻭﺍﻟﺴﻜﻮﻥ
ﻣﺎﻳﻀﻴﻖ ﺑﺮﺍﺡ ﺻﺒﺮﻙ ﻣﻌﺎﻱ
ﻻ ﺟﺮﺡ ﺑِﺒﺮﺍ ﻗﺒُﻞ ﺍﻭﺍﻧﻮ ﻭﻻ ﺑﻴﻬﻮﻥ
ﻣﺎﻳﺨﻴﺐ ﺭﺟﺎﻙ ﺧﻠﻲ ﺍﻟﺒﻴﻮﺕ
ﻣﻠﻴﺎﻧﺔ ﺑﺎﻟﺒﻮﺡ ﻭﺍﻟﺒﻨﻮﻥ
ﻭﺍﻧﺎ ﺑﺎﻟﻤﻨﺎﺳﺒﺔ
ﺍﻭ ﺑﺪﻭﻥ ﻣﺎﺗﻜﻮﻥ ﻣﻨﺎﺳﺒﺔ
ﻋﺎﻳﺰ ﺍﺳﺠﻞ ﺍﻋﺘﺮﺍﻑ
ﺍﻧﺎ ﺑﻴﻚ ﺑﻜﻮﻥ
ﺍﻧﺴﺎﻥ ﺳﺠﻴﻦ ﺣﻀﻦ ﺍﻟﺴﻌﺎﺩﺓ
ﻭﻳﺎﺧﻲ ﻟﻮ ﻋﺮﻓﻮ ﺍﻟﺴﺠﻮﻥ
ﻓﻨﺎﻥ ﻣﻮﺷﺢ ﺑﻲ ﺩﻻﻝ ﺣُﺴﻦ ﺍﻟﻤﺸﺎﻋﺮ
ﻭﺍﻟﺘﻌﺎﺑﻴﺮ ﻭﺍﻟﺠﻨﻮﻥ
ﺧﺎﻳﻒ ﻋﻠﻴﻚ ﻣﻦ ﻟﻤﺴﺔ ﺍﻟﻨﺪﻯ ﻓﻲ ﺍﻟﺼﺒﺎﺡ
ﻣﻦ ﻫﻤﺴﺔ ﺍﻟﺤﺮﻑ ﺍﻟﻤﺒﺎﺡ ﻣﻦ ﺍﻟﻌﻴﻮﻥ
ﺣﺎﻓﻈﻚ ﺷﻌﺎﺭ ﻟﻠﻨﻴﻞ ﻭﺃﻧﻔﺎﺱ ﺍﻷﺭﺽ
ﻟﻠﻔﻜﺮﺓ ﻭﺍﻟﺤﺐ ﻭﺍﻟﺸﺠﻮﻥ
ﺭﺍﺳﻤﻚ ﺑﻠﺪ ﺭﻏﻢ ﺍﻟﻌﻠﻴﻮ
ﻟﻜﻨﻮ ﺭﻭﺡ ﻣﻦ ﺃﻟﻒ ﻟﻬﺠﺔ ﻭﺃﻟﻒ ﻟﻮﻥ

ﺣﺼﻞ ﺟﺮﺑﺘﺎ ﻭﺟﻊ ﺍﻟﺮﻭﺡ ؟
ﺣﺼﻞ ﻫﺒﺸﺘﺎ ﺫﺍﺗﻚ ﻳﻮﻡ
ﻟﻘﻴﺖ ﻓﻲ ﻛﻞ ﺣﺘﺎ ﺟﺮﻭﺡ ؟
ﺣﺼﻞ ﻏﻠﺒﻚ ﺗﻮﺍﺻﻞ ﺍﻟﺴﻴﺮ
ﻣﻊ ﺍﻧﻮ ﺍﻟﻄﺮﻳﻖ ﻣﻔﺘﻮﺡ؟ !!
ﺣﺼﻞ ﺟﺮﺑﺖ ﺗﻤﺸﻲ ﺑﺮﺍﻙ
ﺣﺼﻞ ﺳﺎﻗﺖ ﺩﺭﻭﺑﻨﺎ ﺧﻄﺎﻙ
ﺣﺼﻞ ﺟﺮﺑﺖ ﺳﻬﺮ ﺍﻟﻠﻴﻞ
ﻋﺸﺎﻥ ﺧﺎﻃﺮ ﺣﺒﻴﺐ ﺣﺒﺎﻙ
ﺣﺼﻞ ﺟﺮﺑﺖ ﺗﻤﺸﻲ ﻋﺪﻳﻞ
ﺣﺼﻞ ﻛﻠﻤﺖ ﻣﻮﺝ ﺍﻟﻨﻴﻞ
ﺣﺼﻞ ﺟﺮﺑﺖ ﺗﻤﺸﻲ ﺑﺮﺍﻙ
ﺑﺪﻭﻥ ﺗﻬﺪﻱ ﺍﻟﻠﻴﺎﻟﻲ ﺩﻟﻴﻞ
ﺣﺼﻞ ﺳﺎﻫﺮﺗﺔ ﺍﻧﺖ ﺑﺮﺍﻙ
ﺗﻌﺎﻳﻦ ﻟﻲ ﺧﻴﺎﻝ ﺟﻮﺍﻙ
ﻭﻟﻤﺎ ﺗﺴﺎﻣﺮﻭ ﻳﻀﺤﻚ ﻟﻴﻚ
ﻭﺗﺒﻜﻲ ﺗﻼﻗﻲ ﻳﺒﻜﻲ ﻣﻌﺎﻙ
ﺣﺼﻞ ﻋﺎﻳﻨﺘﻪ ﻝ ﺫﺍﺗﻚ
ﺣﺼﻞ ﺣﺴﺖ ﻣﺮﺍﻓﺊ ﺍﻟﺸﻮﻕ
ﻭﻟﻮ ﻟﻲ ﻟﺤﻈﺔ ﻭﺟﻌﺎﺗﻚ
ﺣﺼﻞ ﻋﻀﻴﺖ ﺃﻧﺎﻣﻞ ﺍﻟﺒﻮﺡ
ﻋﺸﺎﻥ ﺧﺎﻃﺮ ﺣﻨﻴﻦ ﻓﺎﺗﻚ
ﺣﺼﻞ ﺟﺮﺑﺖ ﻟﺤﺲ ﺍﻟﻜﻮﻉ
ﺣﺼﻞ ﺿﻐﻀﻐﺖ ﺍﻫﺎﺗﻚ
ﻟﻘﻴﺖ ﻣﻦ ﻛﻞ ﺁﻫﺔ ﺩﻣﻮﻉ
ﺣﺼﻞ ﺷﺪﻳﺖ ﺧﻴﺎﻟﻚ ﻳﻮﻡ
ﻋﻠﻰ ﺿﻲ ﺍﻷﻣﺎﻧﻲ ﺷﻤﻮﻉ