ﻓﺎﻛﺮ ﻧﻔﺴﻚ ﻻﻋﺐ ﺑﻴﻬﺎ؟
ﻣﺮﺟﻴﺤﺔ ﺗﻼﻋﺒﻚ ﻭ ﺇﺕ ﻣﺒﺴﻮﻁ
ﻗﻠﺒﻚ ﻣﺴﻜﻴﻦ ﺃﻣﻦ ﻟﻴﻬﺎ
ﺧﺸﺒﺔ ﻭﻋﺮﺍﺿﺔ ﺣﺒﻞ ﻣﺮﺑﻮﻁ
ﻣﺎﺑﻴﻦ ﻋﺎﻟﻴﻬﺎ ﻭ ﻭﺍﻃﻴﻬﺎ
ﻭﺍﻃﻴﻬﺎ ﺍﻟﻐﻢ ﻭﺍﻟﺪﻧﻴﺎ ﺗﺠﻮﻁ
ﺃﻫﻲ ﺑﺲ ﺃﻳﺎﻡ ﺑﻨﻌﺪﻳﻬﺎ
ﺇﺣﺴﺎﺱ ﺃﻓﺮﺍﺡ ﺑﺎﻟﻬﻢ ﻣﺨﻠﻮﻁ
ﻣﺎﺑﻴﻦ ﺟﺮﺓ ﺷﻬﻘﺔ ﻭ ﺯﻓﺮﺓ
ﻣﺴﻜﻴﻦ ﺍﻟﻮﻃﻦ ﺍﻟﻤﺘﺮﺗﻮ ﻭ ﻣﺠﻨﻮﻧﺔ ﺧﻴﺎﻻﺕ ﺍﻟﻔﻜﺮﺓ
ﻭﻋﻠﺸﺎﻥ ﻣﺎ ﺗﺤﺲ ﺑﻲ ﺇﻧﻚ ﻓﻮﻕ
ﻻﺑﺪ ﻏﻴﺮﻙ ﻳﺪﻳﻚ ﺩﻓﺮﺓ
ﻭﻗﺒﺎﻝ ﻣﺎ ﺗﺸﻤﻮ ﻧﺴﻴﻢ ﺍﻟﻨﻴﻞ
ﻻﺯﻡ ﺗﻌﺮﻑ ﺭﻳﺤﺔ ﺍﻟﻐﺒﺮﺓ
ﻭ ﺃﻛﻴﺪ ﻗﺒﻞ ﺩﻣﻮﻉ ﺍﻟﻔﺮﺣﺔ
ﺣﻴﻀﻮﻕ ﺣﻠﻘﻚ ﻃﻌﻢ ﺍﻟﻌﺒﺮﺓ
ﺣﺒﻴﺘﻚ ﺑﻲ ﻣﻨﻄﻖ ﺷﻔﻊ
ﻣﺎ ﻋﺮﻓﻮ ﺍﻟﺤﺐ ﻏﻴﺮ ﺑﺎﻟﻔﻄﺮﺓ
ﻳﺘﺸﺎﺑﻮ ﻋﺸﺎﻥ ﻳﻠﻤﺴﻮ ﻏﻴﻤﺔ
ﻭ ﻳﻤﺪﻭ ﻛﻔﻮﻓﻢ ﻟﻠﻘﻤﺮﺓ
ﻳﺘﺸﺒﻜﻮ ﻓﻴﻬﺎ ﻭ ﺍﺫﺍ ﻏﺎﺑﺖ
ﻋﻴﻨﻴﻬﻢ ﺗﻔﻀﻞ ﻣﻨﺘﻈﺮﺓ
ﺩﻣﻌﺎﺗﻢ ﺗﺠﺮﻱ ﺇﺫﺍ ﺻﺪ
ﺍﻟﻤﺤﺒﻮﺏ ﺃﻭ ﻏﻴﺮ ﻓﻲ ﺍﻟﻨﺒﺮﺓ
ﻭ ﺇﺫﺍ ﺟﺮﺣﺖ ﻫﻮﺍﻫﻢ ﻳﻮﻡ
ﺑﺲ ﺃﺿﺤﻚ ﻭﺍﻟﺠﺮﺡ ﺣﻴﺒﺮﺍ
ﺣﺒﻴﺘﻚ ﻭﻗﺎﻟﻮ ﺍﻟﺤﺐ ﻧﻌﻤﺔ
ﻭﺍﻟﺮﻳﺪﺓ ﺍﻟﻬﻴﻦ ﺗﺠﺮﻳﺤﺎ
ﺷﻔﺎﻓﺔ ﻛﻤﺎ ﻣﻮﻳﺔ ﺍﻟﻜﻠﻤﺔ
ﻭﺍﻟﻠﻬﻔﺔ ﺍﻟﺰﺍﻳﺪﺓ ﺗﺒﺎﺭﻳﺤﺎ
ﺳﺎﻳﻘﺎﻧﻲ ﺧﻄﺎﻫﺎ ﻋﻠﻲ ﺍﻟﻀﻠﻤﺔ
ﻭ ﺃﺷﻮﺍﻗﻲ ﺍﻟﻤﺘﺮﺍﻣﻴﺔ ﻃﺮﻳﺤﺔ
ﻣﺎﻋﺮﻓﺖ ﺇﻧﻮ ﺍﻟﺤﺐ ﺃﻋﻤﻰ
ﻭ ﺑﺘﻄﻮﻃﺢ ﻣﺘﻞ ﺍﻟﻤﺮﺟﻴﺤﺔ
ﻳﺎ ﻋﺎﺷﻖ ﻭﻭﺍﺻﻠﻚ ﻃﺮﻑ ﺍﻟﺴﻮﻁ
ﻓﺎﻛﺮ ﻧﻔﺴﻚ ﻻﻋﺐ ﺑﻴﻬﺎ؟؟
ﻣﺮﺟﻴﺤﺔ ﺗﻼﻋﺒﻚ ﻭﺇﺕ ﻣﺒﺴﻮﻁ
ﻗﻠﺒﻚ ﻣﺴﻜﻴﻦ ﺁﻣﻦ ﻟﻴﻬﺎ
ﺧﺸﺒﺔ ﻭﻋﺮﺍﺿﺔ ﺣﺒﻞ ﻣﺮﺑﻮﻁ
ﻣﺎﺑﻴﻦ ﻋﺎﻟﻴﻬﺎ ﻭ ﻭﺍﻃﻴﻬﺎ
ﻭﺍﻃﻴﻬﺎ ﺍﻟﻐﻢ ﻭﺍﻟﺪﻧﻴﺎ ﺗﺠﻮﻁ
ﺃﻫﻲ ﺑﺲ ﺃﻳﺎﻡ ﺑﻨﻌﺪﻳﻬﺎ
ﺇﺣﺴﺎﺱ ﺃﻓﺮﺍﺡ ﺑﺎﻟﻬﻢ ﻣﺨﻠﻮﻁ

ﻣﺎ ﻳﻘﻮﻟﻮ ﺍﻟﻨﺎﺱ ﻛﺎﻥ ﻗﺎﻟﻮ ..
ﻣﺎ ﺃﺻﻠﻮ ﺑﻠﺪﻧﺎ ﺩﻩ ﺣﺎﻟﻮ ..
ﺑﻨﺤﺐ ﺑﻲ ﺻﻤﺖ ﻣﻐﻠﻒ ..
ﻭ ﻛﻼﻣﻨﺎ ﻏﺮﻳﺐ ﻣﻮﺍﻟﻮ ..
ﺣﻴﻘﻮﻟﻮ ﺑﻤﻌﻨﻰ ﻣﻘﻠﺒﻦ ..
ﺇﻧﻚ ﻣﺴﺘﻌﻤﺮ ﻗﻠﺒﺎ ..
ﺑﺎﻧﻴﺒﻚ ﻛﻞ ﺁﻣﺎﻟﻮ ..
ﻭ ﺣﺮﻭﻑ ﺗﺴﺘﺮﺳﻞ ﺳﺮﺩﺍ ..
ﺗﻤﺪﺩ ﻃﻮﻻ ﻭﻋﺮﺿﺎ ..
ﻭﻛﻼﻡ ﺑﻴﺠﺮﺡ ﻋﻤﺪﺍ ..
ﻭﺧﻼﺻﺘﻮ ﺑﺤﺒﻚ ﺟﺪﺍ ..
ﻳﺎﺥ ﺃﻳﻮﺓ ﺑﺤﺒﻚ ﻭﻣﺎﻟﻮ

ﺍﻟﺒﺎﻗﻲ ﻟﻴﻚ ﺧﻤﺴﺔ
ﺍﺧﺘﺎﺭ ﺭﻗﻢ ﺣﺰﻧﻚ
ﻣﺎ ﺗﻘﻮﻟﻮ ﻳﺎ ﺍﻟﻐﺒﻴﺎﻥ ....
ﻭﺍﻟﺪﻙ ﻣﻼﻫﻮ ﺍﻟﻬﻢ
ﻭ ﺃﺩﺍﻙ ﻛﻤﺎﻥ ﻗﺪﺭﻭ
ﺷﺎﻥ ﺃﻧﻬﻜﻮ ﺍﻟﺤﺮﻣﺎﻥ ....
ﻭﺃﻧﺎ ﺭﻏﻢ ﻗﺮﺑﻚ ﻟﻲ ﺯﺩﺗﻚ ﻋﻠﻴﻮ ﻋﺸﺮﺓ :
ﺍﻟﻔﻘﺮ ﻭ ﺍﻟﺤﺎﺟﺔ
ﻭ ﺍﻟﺪﻣﻌﺔ ﻭ ﺍﻟﻌﺒﺮﺓ
ﻭﻋﻄﺎﻟﺔ ﻭ ﺍﺳﺘﻐﻼﻝ
ﻭ ﺍﻟﺠﻮﻉ ﻭﺿﻴﻖ ﺍﻟﺤﺎﻝ
ﻭﺿﻴﺎﻉ ﺭﺧﺎ ﺍﻷﺳﻮﺍﻕ ﻭﻛﺮﺍﻣﺔ ﺍﻻﻧﺴﺎﻥ .....
ﺃﻣﺴﻚ ﺟﺮﺍﺑﻚ ﺯﻳﻦ ﻣﺎﺗﻤﻠﻰ ﺑﺎﻟﺤﺴﺮﺓ
ﻭﻣﺎ ﺗﻠﺨﺒﺖ ﺍﻟﻜﻴﻤﺎﻥ .....
ﻣﺶ ﻗﺎﻟﻮ ﺟﺎﻧﺎ ﺍﻟﺴﻴﻞ
ﺃﺩﻱ ﺍﻟﺒﺤﺮ ﻧﺼﻮ ﻛﺎﻥ ﺗﻤﻨﻊ ﺍﻟﻔﻴﻀﺎﻥ ......
ﺭﺟﻊ ﻛﻤﺎﻥ ﺍﻟﺪﻳﻦ ﻟﻲ ﻭﺍﻟﺪﻙ ﺍﻟﺘﻌﺒﺎﻥ ....
ﺍﻟﺒﺎﻗﻲ ﻟﻴﻚ ﺧﻤﺴﺔ
ﻭﻃﻨﻚ ﺻﺒﺢ ﻣﻘﺴﻮﻡ
ﺑﻴﺘﻚ ﺻﺒﺢ ﻣﻬﺪﻭﻡ
ﻓﺮﺣﻚ ﺻﺒﺢ ﻣﻌﺪﻭﻡ
ﻫﻤﻚ ﺻﺒﺢ ﻣﺮﺩﻭﻡ
ﻭﺍﻟﻜﻞ ﺻﺒﺢ ﻣﻈﻠﻮﻡ
ﻳﺎ ﺣﻠﻴﻞ ﺯﻣﻨﺎ ﺯﻣﺎﻥ ....
ﺍﻟﺼﺤﺒﺔ ﻭﺍﻟﺨﻼﻥ ....
ﻳﺎ ﻳﻤﺔ ﺟﻴﺒﻲ ﺷﻠﻦ
ﺑﻲ ﺳﺮﻋﺔ ﻟﻠﺪﻛﺎﻥ ...
ﻋﻢ ﻃﻪ ﻛﺎﻥ ﺑﻴﻘﻮﻝ
ﻣﺮﺣﺐ ﺣﺒﺎﺏ ﻋﺜﻤﺎﻥ ...
ﻳﺎﻋﻤﻮ ﺩﺍﻳﺮ ﻟﻲ ﺣﺮﺑﺔ ﻭﺣﻼﻭﺓ ﻟﺒﺎﻥ ......
ﺑﻲ ﺳﺮﻋﺔ ﺷﺎﻥ ﺃﻟﺤﻖ ﺍﻟﻌﺐ ﻣﻊ ﺍﻟﺠﻴﺮﺍﻥ ....
ﺍﻟﻨﻮﺭ ﻭ ﻭﺩ ﺍﻟﺰﻳﻦ ﺑﻴﺤﺒﻮ ﻟﻌﺐ ﺍﻟﻄﻴﻦ ﻭﺩ ﺃﺑﻜﺮ ﻭ ﺍﻟﺨﻴﺮ ﻭ ﺃﺩﺭﻭﺏ ﻭ ﺟﻮﻥ ﻭﺣﺴﻴﻦ ﻭ ﺳﻼﻣﺔ ﻭﺩ
ﺟﺮﺟﺲ ﻣﺎﺷﻴﻦ ﻋﻠﻰ ﺍﻟﻤﻴﺪﺍﻥ ....
ﺷﺎﻥ ﻳﻠﺤﻘﻮ ﺍﻟﺘﻤﺮﻳﻦ
ﻣﺎ ﻛﺎﻧﻮ ﺑﺲ ﺟﻴﺮﺍﻥ ﺩﻳﻞ ﻛﺎﻧﻮ ﺟﺪ ﺃﺧﻮﺍﻥ ....
ﺣﺒﻮﺑﺔ ﺣﺠﺘﻨﻲ
ﺑﻲ ﺍﻟﺴﻤﺤﺔ ﻭﺍﻟﻐﻴﻼﻥ .....
ﺑﻲ ﻗﺼﺔ ﺍﻟﺮﺍﻋﻲ ﻭﺍﻟﺪﻳﺐ ﻣﻊ ﺍﻟﻘﻄﻌﺎﻥ ..
ﺑﺎﻟﻔﺎﺭﺱ ﺍﻟﻤﻐﻮﺍﺭ ﻭﺑﺴﺎﻟﺘﻮ ﻓﻲ ﺍﻟﻤﻴﺪﺍﻥ ....
ﺑﺎﻟﻌﻤﺪﺓ ﺭﺍﺟﻼ ﺯﻳﻦ ﻛﻴﻒ ﺑﻜﺮﻡ ﺍﻟﻀﻴﻔﺎﻥ .....
ﻭﺍﻟﺤﺎﻛﻢ ﺍﻟﻌﺎﺩﻝ ﻭﺍﻟﻘﺴﻂ ﻓﻲ ﺍﻟﻤﻴﺰﺍﻥ .....
ﻳﺎ ﺣﻠﻴﻞ ﺣﺠﺎﻫﺎ ﺍﻟﻜﺎﻥ .....
ﻣﺪﻳﺖ ﻛﻔﻮﻑ ﺭﺣﻤﺔ
ﻟﻲ ﺭﻭﺣﺎ ﻳﺎ ﺭﺣﻤﻦ .....
ﻭﺑﺼﻤﺖ ﺑﺎﻟﺨﻤﺴﺔ
ﺍﻟﻮﺣﺪﺓ ﻭﺍﻟﺬﻛﺮﻯ
ﻭﺍﻟﺨﻮﺓ ﻭﺍﻟﻨﺼﺮﺓ
ﻭﺍﻟﺨﺎﻣﺲ ﺍﻟﺘﺤﺬﻳﺮ ﺃﻭﻋﻚ ﺗﻜﻮﻥ ﻏﻠﻄﺎﻥ .....
ﻗﺎﻟﺘﻠﻲ ﺑﻲ ﻫﻤﺴﺔ
ﺍﺧﺘﺎﺭ ﺭﻗﻢ ﺣﺰﻧﻚ
ﻣﺎ ﺗﻘﻮﻟﻮ ﻳﺎ ﺍﻟﻐﺒﻴﺎﻥ .......
ﻭ ﺍﺗﻼﻗﺖ ﺍﻷﺭﻭﺍﺡ
ﻣﺪﺕ ﻛﻔﻮﻑ ﺍﻟﺸﻮﻕ
ﻟﻌﺒﺖ ﻣﻌﺎﻱ ﺿﺒﺎﺡ
ﺿﺒﺎﺡ ﺿﺒﺎﺡ
ﻛﺴﺮﺓ ﺑﻤﻼﺡ
ﺩﻩ ﺍﻟﻀﺒﺤﻮ
ﻭ ﺩﻩ ﺍﻟﺴﻠﺨﻮ
ﻭ ﺩﻩ ﺍﻟﻘﻄﻌﻮ
ﻭ ﺩﻩ ﺍﻟﻘﺴﻤﻮ
ﻭ ﺩﻩ ﺍﻷﻛﻠﻮ
ﻭ ﺍﻟﺒﺎﻗﻲ ﻟﻴﻚ ﺧﻤﺴﺔ

ﻣﺎ ﻳﻘﻮﻟﻮ ﺍﻟﻨﺎﺱ ﻛﺎﻥ ﻗﺎﻟﻮ ..
ﻣﺎ ﺃﺻﻠﻮ ﺑﻠﺪﻧﺎ ﺩﻩ ﺣﺎﻟﻮ ..
ﺑﻨﺤﺐ ﺑﻲ ﺻﻤﺖ ﻣﻐﻠﻒ ..
ﻭ ﻛﻼﻣﻨﺎ ﻏﺮﻳﺐ ﻣﻮﺍﻟﻮ ..
ﺣﻴﻘﻮﻟﻮ ﺑﻤﻌﻨﻰ ﻣﻘﻠﺒﻦ ..
ﺇﻧﻚ ﻣﺴﺘﻌﻤﺮ ﻗﻠﺒﺎ ..
ﺑﺎﻧﻴﺒﻚ ﻛﻞ ﺁﻣﺎﻟﻮ ..
ﻭ ﺣﺮﻭﻑ ﺗﺴﺘﺮﺳﻞ ﺳﺮﺩﺍ ..
ﺗﻤﺪﺩ ﻃﻮﻻ ﻭﻋﺮﺿﺎ ..
ﻭﻛﻼﻡ ﺑﻴﺠﺮﺡ ﻋﻤﺪﺍ ..
ﻭﺧﻼﺻﺘﻮ ﺑﺤﺒﻚ ﺟﺪﺍ ..
ﻳﺎﺥ ﺃﻳﻮﺓ ﺑﺤﺒﻚ ﻭﻣﺎﻟﻮ

ﺇﻟﻴﻚ ‏( ﺇﺫﺍ ﻓﺎﺿﻲ ﻃﺒﻌﺎ ‏)
ﺗﻌﺎﻝ ﻧﺘﻘﺎﺳﻢ ﺍﻟﻨﺠﻤﺎﺕ
ﻭﻧﺘﺸﺎﺭﻙ ﺣﺪﻭﺩ ﺍﻟﻜﻮﻥ
ﺃﺷﻜﻞ ﻛﻠﻮ ﻛﺎﺋﻦ ﻓﻴﻚ
ﻭﻣﻦ ﺣﺰﻣﺔ ﺑﻴﺎﺽ ﺍﻟﻠﻮﻥ
ﺗﻜﻮﻥ ﻟﻮﻥ ﺍﻟﻬﺪﻭﺀ ﻓﻴﻨﻲ
ﻭ ﺃﻛﻮﻥ ﻟﻴﻚ ﻟﻮﻧﻚ ﺍﻟﻤﺠﻨﻮﻥ
ﺇﺫﺍ ﻛﺎﻥ ﺍﻟﺨﻴﺎﺭ ﻣﻄﺮﻭﺡ
ﻭﻛﻞ ﻣﻜﺘﻮﺏ ﻣﺼﻴﺮﻭ ﻳﻜﻮﻥ
ﻓﻤﺎ ﺑﻴﻦ ﺍﻟﺤﻴﺎﺩ ﺍﻟﺼﺮ
ﻭﺑﻴﻦ ﺍﻟﻜﺎﻑ ﻭﺣﺮﻑ ﺍﻟﻨﻮﻥ
ﺇﺭﺍﺩﺓ ﻃﺒﻌﻚ ﺍﻟﺠﺎﻣﺢ
ﻭ ﺭﻏﺒﺔ ﻋﻘﻠﻚ ﺍﻟﻤﻔﺘﻮﻥ
ﻛﻼﻣﻚ ﻓﻲ ﺍﻟﺨﻴﺎﻝ ﺑﻴﻠﻮﺡ
ﻳﺴﺮﺏ ﻟﻲ ﻏﻨﺎﻙ ﺣﻨﻮﻥ
ﺑﺨﺎﻑ ﻣﻦ ﺍﻟﺴﻜﺎﺕ ﻟﻮ ﺣﺎﻡ
ﻳﻬﺮﺏ ﻟﻲ ﺩﻭﺍﺧﻠﻲ ﻇﻨﻮﻥ
ﻭﺣﺎﺓ ﺍﻟﺒﻴﻨﺎ ﺃﻭﻋﺎ ﺗﺼﻦ
ﻭﻣﺎ ﺗﺤﻮﻝ ﺿﺠﻴﺠﻲ ﺳﻜﻮﻥ
ﺗﻌﺎﻝ ﻣﺎﺗﻔﻮﺕ ﻭﺧﻠﻲ ﺍﻟﺒﺎﻝ
ﻭﻣﺎﺗﻜﻮﻥ ﻟﻠﻬﻤﻮﻡ ﻣﺎﻋﻮﻥ
ﻭﻻ ﺗﺨﺖ ﻟﻮﻡ ﻋﻠﻲ ﺃﻭﺯﺍﻥ
ﻋﻮﺍﻟﻢ ﻛﻴﻼ ﻣﺎ ﻣﻀﻤﻮﻥ
ﺇﺫﺍ ﻣﺎ ﻃﻔﻒ ﺍﻟﻤﻴﺰﺍﻥ
ﻛﻔﺎﻱ ﺣﺲ ﻛﻔﺘﻚ ﻣﻮﺯﻭﻥ

ﺳﻤﻴﺘﻮ ﺍﻓﺮﺍﺡ ﺍﻟﺴﻨﻴﻦ
ﺳﻤﺎﻧﻲ ﻣﺼﺪﺭ ﻓﺮﺣﺘﻮ
ﻭﻫﻮﻳﺘﻮ ﻓﻮﻕ ﻣﻌﻨﻰ ﺍﻟﻐﺮﺍﺍﺍﻡ
ﺍﻛﺘﺘﺘﺮ ﻣﻦ ﺍﻣﻮ ﺍﻟﺮﺑﺘﻮ
ﻭﻫﻮ ﺣﺘﻪ ﻣﻨﻲ ﻭﺣﻘﻲ ﺑﺲ
ﻭﺍﻧﺎ ﺑﺮﺿﻮ ﻟﻴﻬﻮ ﻭﺣﻘﺘﻮ
ﻟﻮ ﻟﺴﻪ ﻣﻜﺘﻮﺏ ﻟﻲ ﻋﻤﺮ
ﻳﺎﺍﺍ ﺍﻟﻠﻪ ﺍﺻﺒﺢ ﻗﺴﻤﺘﻮ
ﺍﺗﻬﻨﻰ ﺑﻴﻬﻮ ﻣﻊ ﺍﻟﺴﻨﻴﻦ
ﻳﺘﻬﻨﻰ ﺑﻲ ﻓﻲ ﺩﻧﻴﺘﻮ
ﻭﺍﺻﻮﻧﻮ ﺩﺍﻳﺮ ﻣﺎﺍﺍﺍ ﻳﺪﻭﺭ
ﺍﺑﻘﺎﻟﻮ ﺑﻴﺘﻮ ﻭﺟﻨﺘﻮ
ﺍﺣﺴﺎﺳﻮ ﻟﻤﺎ ﻳﻜﻮﻥ ﺳﻌﻴﻴﺪ
ﺯﻳﻨﺔ ﻣﻼﻣﺤﻮ ﻭﺑﺴﻤﺘﻮ
ﺍﻧﺎ ﺣﺘﻪ ﺣﺘﻪ ﺑﺤﺒﻮ ﺟﺪ
ﺑﻌﺸﻖ ﺣﻀﻮﺭﻭ ﻭﻃﻠﺘﻮ
ﺑﻘﻪ ﻣﺎﺍﺷﻲ ﻓﻴﻨﻲ ﻣﻊ ﺍﻟﻮﺭﻳﺪ
ﻣﺮﻛﺰ ﻗﻠﻴﺒﻲ ﻭﺩﻗﺘﻮ
ﺷﻔﺮﻧﻲ ﻣﻦ ﻛﻞ ﺍﻟﺪﻣﻮﻉ
ﺩﺧﻞ ﺷﺮﻳﺤﺔ ﻓﺮﺣﺘﻮ
ﺑﺮﻣﺞ ﻫﻮﺍﻱ ﻋﻠﻲ ﻛﻴﻔﻮ ﺑﺲ
ﺍﺻﻼ ﺍﺳﺎﺳﺎ ﺣﻘﺘﻮ
ﻭﺍﻧﺎ ﻟﻴﻬﻮ ﺯﻱ ﺍﻣﻮ ﻭﺍﺑﻮ
ﺧﺎﺍﻟﺘﻮ ﻭﺍﺧﻮﻩ ﻭﻋﻤﺘﻮ
ﻭﺣﺒﻴﺒﻪ ﺍﺭﻭﻉ ﻣﺎﺍﺍ ﻳﻜﻮﻥ
ﺗﺒﻘﺎﻟﻮ ﺳﻨﺪﻭ ﻭﻫﻤﺘﻮ
ﻳﺎﺍﺍ ﺭﺑﻲ ﺣﻘﻖ ﻟﻲ ﻣﻨﺎﺍﺍﺍﻱ
ﺍﻧﺎ ﺍﺑﻘﻪ ﻣﺮﺗﻮ ﻭ ﻋﺼﻤﺘﻮﻭ
ﻳﺘﻮﺿﻰ ﺑﻲ ﺷﻮﻓﺔ ﻫﻮﺍﻱ
ﻳﻠﻘﺎﻧﻲ ﻓﺮﺿﻮ ﻭﺳﻨﺘﻮ
ﻭﺍﻧﺎ ﺑﺪﻋﻲ ﻟﻴﻚ ﻳﺎﺍﺍ ﺍﻟﻠﻪ ﺑﺲ
ﻣﺎ ﺑﻘﺪﺭ ﺍﺻﻼ ﻓﺮﻗﺘﻮ
ﺑﺴﺘﻘﻮ ﺑﻴﻬﻮ ﻣﻊ ﺍﻟﺴﻨﻴﻦ
ﻟﻤﻦ ﺍﻛﻤﻞ ﺳﻜﺘﻮ
ﻭﻫﻮ ﺑﺮﺿﻮ ﺑﻲ ﺿﻌﻔﻲ ﺍﻟﻌﻠﻲ
ﺧﺎﻟﻴﻨﻲ ﻣﺼﺪﺭ ﻗﻮﺗﻮ
ﺩﺍ ﺣﺒﻴﺒﻲ ﻳﺎﺍﺍ ﺭﺑﻲ ﺍﻟﻜﺮﻳﻢ
ﺍﻛﺮﻣﻨﻲ ﺑﻴﻬﻮ ﻭ ﻗﺴﻤﺘﻮ
ﻟﻤﻦ ﻳﺘﻢ ﻧﺺ ﺩﻳﻨﻮ ﺑﻲ
ﺍﺑﻘﺎﻟﻮ ﺩﻳﻨﻮ ﻭﺩﻧﻴﺘﻮ

ﻛﻠﻤﺎ ﺗﺤﺲ ﺑﺎﻟﻤﻮﺍﺟﻊ ﻭ ﺍﻟﻤﺪﺍﻣﻊ ﻓﻲ ﺍﻟﻤﻘﻞ
ﻛﻠﻤﺎ ﺗﺒﻌﺪ ﺗﺴﺎﻓﺮ ﻭ ﺗﺒﺪﺃ ﺗﺸﺘﺎﻕ ﻟﻸﻫﻞ
ﻛﻠﻤﺎ ﻳﺠﻔﺎﻙ ﺣﺒﻴﺒﻚ ﻭ ﻳﻠﻘﻰ ﻟﻲ ﻗﻠﺒﻚ ﺑﺪﻝ
ﻭ ﻛﻠﻤﺎ ﺗﺤﺲ ﺇﻧﻮ ﺑﻠﺪﻙ ﺇﻧﻮ ﻣﺎ ﺃﺟﻤﻞ ﻣﺤﻞ
ﺃﺳﻘﻲ ﺭﻭﺣﻚ ﺑﺎﻟﺘﻤﻨﻲ ﻭ ﺃﻣﻸ ﻋﻴﻨﻴﻚ ﺑﺎﻷﻣﻞ
.......................................................
ﻟﻮ ﻃﺮﻳﻘﻚ ﻛﻠﻮ ﺿﻠﻤﺔ .. ﻣﻦ ﻗﻠﻴﺒﻚ ﺳﻮﻱ ﺿﻲ
ﻭﻟﻮ ﺑﺤﻮﺭ ﺍﻟﺪﻧﻴﺎ ﻧﺸﻔﺖ .. ﺍﻟﺤﻨﺎﻥ ﺍﻟﻔﻴﻚ ﺭﻱ
ﻭﻟﻮ ﻭﺭﻭﺩ ﺍﻟﺮﻳﺪﺓ ﻣﺎﺗﺖ .. ﺍﻟﻀﻤﻴﺮ ﺟﻮﺍﻙ ﺣﻲ
ﺃﻣﻼ ﺑﺎﻵﻣﺎﻝ ﻣﺪﺍﺋﻦ .. ﺃﻟﻒ ﺷﺎﺭﻉ ﻭ ﺃﻟﻒ ﺣﻲ
.................................................................
ﺑﺎﻷﻣﻞ ﻓﻲ ﺍﻟﻌﻴﻦ ﺑﺘﺸﺮﻕ .. ﺃﻟﻒ ﺿﺤﻜﺔ ﻭ ﺇﺑﺘﺴﺎﻣﺔ
ﻭ ﻳﺒﻘﻰ ﺑﺎﻛﺮ ﺃﺣﻠﻰ ﻣﻮﻋﺪ .. ﻭ ﺍﻟﺸﻤﺲ ﺃﻛﺒﺮ ﻋﻼﻣﺔ
ﺑﻜﺮﺓ ﺣﺘﺮﺩ ﻓﻴﻨﺎ ﺭﻭﺣﻨﺎ .. ﻭ ﺑﻜﺮﺓ ﺣﺘﻄﻴﺮ ﺍﻟﺤﻤﺎﻣﺔ
ﺷﺎﻳﻼ ﺑﻴﻦ ﺟﻨﺤﻴﻨﺎ ﻟﻬﻔﺔ .. ﻭﺷﻮﻕ ﺗﻮﺻﻠﻮ ﺑﺎﻟﺴﻼﻣﺔ

ﻧﺎﻭﻱ ﺃﺭﺣﻞ .. ﻧﺎﻭﻱ ﺃﺳﺮﻕ ﺣﺒﻲ ﻣﻦ ﻗﻠﺒﻚ ﻭ ﺃﺩﺳﻮ
ﻭﺗﺒﻘﻰ ﺗﺎﺋﻪ .. ﻭ ﺃﻱ ﺇﺣﺴﺎﺱ ﺭﻳﺪﺓ ﻣﺎ ﺗﻘﺪﺭ ﺗﺤﺴﻮ
ﻭ ﺗﺒﻘﻰ ﺗﺴﺄﻝ .. ﻋﻦ ﻣﺸﺎﻋﺮﻙ ﻭ ﻋﻦ ﻣﻌﺎﻧﻲ ﺍﻟﺮﻳﺪ ﻭ ﻟﻮﻧﻮ
ﻭ ﺗﺒﻘﻰ ﺗﺠﻬﻞ .. ﻟﻲ ﺣﻼﻭﺗﻮ ﻭ ﻟﻲ ﺳﻬﺮ ﻟﻴﻠﻮ ﺷﺠﻮﻧﻮ
ﻭ ﻛﻨﺖ ﺃﻭﻝ .. ﺳﺮ ﺟﻤﺎﻟﻮ ﻭ ﻛﻨﺖ ﺳﺠﺎﻧﻮ ﻭ ﺳﺠﻮﻧﻮ
ﻭ ﻛﻨﺖ ﺃﺟﻤﻞ .. ﻣﻦ ﺧﻴﺎﻟﻲ ﻭ ﻛﻨﺖ ﺭﻭﺡ ﺷﻌﺮﻱ ﻭ ﻋﻴﻮﻧﻮ
ﻧﺎﻭﻱ ﺃﺭﺣﻞ .. ﻭ ﻛﻞ ﻧﻈﺮﺓ ﻭ ﻛﻞ ﺫﻛﺮﻯ ﻭﺭﺍﻱ ﺃﺷﻴﻼ
ﻧﺎﻭﻱ ﺃﺭﺣﻞ .. ﻭﺇﻧﺖ ﺗﻔﻘﺪ ﻛﻞ ﻟﺤﻈﺎﺗﻨﺎ ﺍﻟﺠﻤﻴﻠﺔ
ﻧﺎﻭﻱ ﺃﺭﺣﻞ .. ﻧﺎﻭﻱ ﺃﺑﻌﺪ ﻓﺠﺄﺓ ﻣﺎ ﺑﻴﻦ ﻳﻮﻡ ﻭ ﻟﻴﻠﺔ
ﻧﺎﻭﻱ ﺃﻋﻤﻞ .. ﺣﺎﺟﺔ ﺗﻤﺴﺢ ﺻﻮﺭﺗﻲ ﻣﻦ ﺟﻮﺍﻙ ﺗﺰﻳﻼ
ﺇﻧﺘﻬﻴﻨﺎ .. ﺑﻌﺪ ﺗﻌﺒﻨﺎ ﺑﻌﺪ ﺳﻨﻴﻦ ﻓﻲ ﺍﻟﺮﻳﺪﺓ ﻛﻤﻠﺖ
ﻭ ﺃﺑﺘﺪﻳﻨﺎ .. ﻧﻌﻴﺶ ﻇﺮﻭﻓﻨﺎ ﻭ ﻛﻞ ﺩﺭﻭﺏ ﺍﻟﺪﻧﻴﺎ ﺻﻌﺒﺖ
ﻭ ﻣﺎ ﻟﻘﻴﻨﺎ .. ﺳﻮﻯ ﺍﻟﻤﺴﺎﻓﺔ ﻭ ﻣﺎ ﻓﻲ ﻳﻮﻡ ﺍﻟﺴﻜﺔ ﻗﺮﺑﺖ
ﻭ ﻣﺎ ﻋﻠﻴﻨﺎ .. ﻭ ﻧﺎﻭﻱ ﺃﺭﺣﻞ ﻭ ﻛﻞ ﺟﺮﺍﺡ ﺍﻟﺮﻳﺪﺓ ﻧﺸﻔﺖ

ﺍﻧﺎ ﻗﻠﺒﻲ ﻣﻌﺎﻙ ﻳﺎﻋﻴﺪ ﺭﻭﺡ
ﻳﺎﺭﻳﺘﻮ ﻳﻜﻮﻥ ﻣﻦ ﺗﺎﻧﻲ ﺳﻌﻴﺪ
ﻳﺎﺭﻳﺘﺎ ﺗﻌﻮﺩ ﻓﺮﺣﺘﻨﺎ ﺯﻣﺎﻥ
ﺃﻳﺎﻡ ﺑﺘﻤﺮ ﺟﺪ ﻣﺎﻓﻲ ﺟﺪﻳﺪ
ﺇﺣﺴﺎﺱ ﺍﻟﻔﺮﺣﻪ ﺍﻻﺗﻐﻴﺮ
ﻣﻦ ﻧﺎﺱ ﺗﺘﻠﻤﺎ ﺻﺒﺎﺡ ﺍﻟﻌﻴﺪ
ﻭﺃﻣﺎﻧﻲ ﻛﺘﻴﺮﻩ ﺍﺗﻤﻨﻮﻫﺎ
ﺗﺘﺤﻘﻖ ﻟﻴﻚ ﻣﻦ ﺗﺎﻧﻲ ﺍﻛﻴﺪ
ﺍﺣﻠﻲ ﺣﺒﻴﺒﻪ ﺗﻌﻴﺪ ﻟﻴﻚ
ﻭﺻﻮﺭﻩ ﺟﻤﻴﻠﻪ ﻟﺴﻴﺪ ﺍﻟﺮﻳﺪ
ﻣﺎﻟﻚ ﻳﺎﻋﻴﺪ ﺍﺗﻐﻴﺮﺗﺎ؟؟؟؟؟
ﻭﺍﺗﻐﻴﺮﻭ ﻧﺎﺳﻚ ﺑﺮﺿﻮ ﺷﺪﻳﺪ
ﻣﺎﻟﻚ ﺯﻱ ﺟﻴﺘﻨﺎ ﻭﻣﺎ ﺟﻴﺘﻨﺎ
ﺍﻧﺎ ﺟﺪ ﻣﺎ ﺣﺎﺳﻪ ﺑﺠﻴﺔ ﺍﻟﻌﻴﺪ!!
# ﺯﻭﻭﻭﻭﺑﻪ