ﻗﺎﻟﻮ ﻟﻲ ﻟﻴﻪ ﺍﻓﺘﺮﻗﺘﻮ
ﻗﻠﺘﻪ ﻟﻴﻬﻢ ﻗﺴﻤﻪ ﺍﻟﻠﻪ
ﻗﺎﻟﻮ ﻟﻲ ﻣﺶ ﻛﺎﻥ ﺑﺮﻳﺪﻙ
ﻗﻠﺘﻪ ﻟﻴﻬﻢ ﺭﻳﺪﻭ ﻗﻠﻪ
ﻗﺎﻟﻮ ﻟﻲ ﺍﺣﻜﻲ ﺍﻟﺤﻜﺎﻳﺔ
ﻭﻧﺤﻨﺎ ﻧﺤﻜﻢ ﺑﺎﻻﺩﻟﻪ
ﻗﻠﺘﻪ ﻟﻴﻬﻢ ﻓﻲ ﺍﻟﺒﺪﺍﻳﺔ
ﺭﻳﺪﻧﺎ ﻣﺎﻛﺎﻥ ﻓﻴﻬﻮ ﻋﻠﻪ
ﻛﺎﻥ ﻣﻌﺎﻱ ﺩﺍﻳﻤﺎ ﺣﻨﻴﻦ
ﻛﻨﺖ ﻓﻲ ﻋﻴﻨﻴﻬﻮ ﺍﻏﻠﻲ
ﻓﺠﺄﺓ ﺍﺗﻐﻴﺮ ﻧﺴﺎﻧﻲ
ﻭﺷﻮﻓﺘﺎ ﺷﺒﺢ ﺍﻟﻘﺴﻮﺓ ﻃﻠﻪ
ﺯﻱ ﺗﻘﻮﻝ ﺑﻘﻰ ﺷﺨﺺ ﺗﺎﻧﻲ
ﻭﺭﻳﺪﺗﻮ ﻟﻴﺎ ﺑﻘﺖ ﻣﺬﻟﻪ
ﺩﻭﺭﻱ ﺧﻠﺺ ﻓﻲ ﺣﻴﺎﺗﻮ
ﻭﺯﻭﻝ ﺟﺪﻳﺪ ﻓﻲ ﻣﻜﺎﻧﻲ ﺣﻼ
ﻛﻞ ﻳﻮﻡ ﺍﻧﺎ ﻟﺴﻪ ﺑﺴﺄﻝ
ﻣﺎﻟﻮ ﻋﻦ ﺍﻟﺮﻳﺪ ﺗﺨﻼ
ﻏﺎﻳﺘﻮ ﻣﻬﻤﺎ ﻛﺎﻥ ﻗﺮﺍﺭﻛﻢ
ﺗﺎﻧﻲ ﺯﻣﻦ ﺍﻟﺮﻳﺪﻩ ﻭﻟﻰ
ﻭﻟﻴﻬﻮ ﻣﺎﺑﺮﺟﻊ ﻭﺣﺎﺗﻜﻢ
ﻻﻻ ﻭﺍﻟﻒ ﻛﻼ

ﻣـــﺮﻩ ﻟﻮ ﻳﺴﻤﺢ ﺿﻤﻴﺮﻙ
ﺧﻠﻲ ﺧﺎﻃﺮ ﺷﻮﻗﻲ ﻳﻮﺻـــﻞ
ﻣـــﺎ ﺍﻟﻤﺸﺎﻋﺮ ﺍﻗﻮﻯ ﻣﻨﻲ
ﻭﻣﻦ ﻇﺮﻭﻓﻚ ﻟﻤﺎ ﺗﺮﺣـــﻞ
ﻣـــﺎ ﺗﺸﻴﻞ ﻫﻢ ﺍﻟﻤﺴﺎﻓﻪ
ﻣﻬﻤﺎ ﻛﺎﻥ ﺍﻟﺒﻴﻨﺎ ﺍﻃـــﻮﻝ
ﻟـــﻮ ﺣﻜﻢ ﺷﻮﻗﻚ ﺍﺷﻮﻓﻚ
ﻛﻞ ﺣﺎﺍﺟﻪ ﺣﺘﺒﻘﻪ ﺍﺳﻬـــﻞ
ﺍﺻﻠـــﻮ ﻣﺎﻓﻲ ﺍﻟﺪﻧﻴﺎ ﻣﻨﻈﺮ
ﻣﻦ ﺟﻤﺎﻟﻚ ﻭﻻ ﺍﺟﻤـــﻞ
ﻳﻜﻔـــﻲ ﺟﺪﺍ " ﺑﻲ ﺣﻀﻮﺭﻙ
ﺭﺍﺡ ﺗﻘﻮﻝ ﻟﻠﺤﺰﻥ ﺍﺭﺣـــﻞ
ﻭﺍﻟﻔـــﺮﺡ ﻟﻮ ﻓﻲ ﻏﻴﺎﺏ
ﻋﻤﺮﻭ ﻣﺎ ﻛﺎﻥ ﻳﻮﻡ ﺣﻴﻜﻤـــﻞ
ﻭﺍﻧـــﺖ ﻣﻬﻤﺎ ﺣﻮﺍ ﺟﺎﺍﺍﺑﺖ
ﻣﻬﻤﺎ ﺟﺎﺍﺍﺍﺍﺑﺖ ﺇﻧـــﺖ ﺍﻭﻝ
ﺍﻋﻤـــﻞ ﺍﻟﺨﺎﻃﺮ ﻓﻲ ﺑﺎﻟﻚ
ﻣﺴﺘﺤﻴﻞ ﻣﻨﻚ ﺣﺄﺯﻋـــﻞ
ﺑﺲ ﻭﺣﺎﺗﻚ ﺳﻴﺐ ﻋﻴﻮﻧﻲ
ﻣﺮﻩ ﻟﻲ ﻋﻴﻨﻴﻜﺎ ﺗﻮﺻـــﻞ
ﻭﺍﺑﻘـــﻪ ﺯﻱ ﻓﻲ ﻛﻞ ﻣﺮﻩ
ﺍﻧﺴﻰ ﻛﻞ ﺍﻟﺪﻧﻴﺎ ﻭﺃﺧﺠـــﻞ
ﻟﻤـــﺎ ﺍﺳﺮﺡ ﻓﻲ ﻋﻴﻮﻧﻚ
ﺑﺲ ﻙﻼﻡ ﺍﻟﺮﻳﺪﻩ ﻳﻮﺻـــﻞ
ﻗﺼـــﺔ ﺍﻟﺸﻮﻕ ﻓﻲ ﺑﻌﺎﺩﻙ
ﻟﺴﻪ ﻧﻔﺲ ﺍﻟﻘﺼﻪ ﺍﺟﻤـــﻞ

ﺗﺼﻌﺐ ﻣﻌﺎﻙ ﻟﻐﺘﻲ ﻭﺗﻘﻴﻒ
ﻛﻞ ﺍﻟﺤﺮﻭﻑ ..
ﻟﻮ ﺟﺎﺕ ﺗﻮﺻﻒ ﺩﻫﺸﺘﻲ .
ﻭﺑﺼﻌﺐ ﻛﻤﺎﻥ ﻛﻞ ﺍﻟﻜﻼﻡ
ﻟﻮ ﻗﻠﺘﺎ ﺍﻛﺘﺐ ﻗﺼﺘﻚ
ﻭﻋﺎﺭﻑ ﺑﺪﺍﻳﺘﻚ ﻗﺼﺘﻲ
ﺍﻟﻨﺎﺱ ﺗﻐﻴﺮ ﻓﻲ ﺍﻟﺤﺮﻭﻑ
ﺗﺮﺳﻢ ﺻﻮﺭ ..
ﻭﺗﺸﺒﻬﻚ
ﺍﻧﺎ ﻣﻴﻦ ﺑﺸﺒﻪ ﻓﺮﺣﺘﻲ؟
ﻟﻮ ﻗﻠﺘﺎ ﻟﻴﻚ ﺍﻧﺘﻲ ﺍﻟﻘﻤﺮ
ﺧﺎﻳﻒ ﺍﺿﻴّﻊ ﻭﺟﻬﺘﻚ
ﻭﺍﻧﺎ ﺍﺻﻠﻲ ﻋﺎﺭﻓﻚ ﻭﺟﻬﺘﻲ
ﻭﻋﺎﺭﻑ ﻛﻤﺎﻥ ﺍﻧﻚ ﻣﻼﻙ
ﻣﺨﻠﻮﻗﺔ ﻣﻦ ﺑﻌﻀﻚ ﺑﺮﺍﻙ
ﻭﺍﻧﺎ ﺑﻴﻜﻲ ﺧﺎﻟﻖ ﺩﻧﻴﺘﻲ
ﻭﻓﺮﺣﺎﻥ ﺍﻃﺮّﺯ ﻓﻲ ﺍﻟﻨﺠﻮﻡ
ﺍﺭﺳﻢ ﻣﻼﻣﺢ ﺭﻭﺣﻲ ﺑﻴﻚ
ﻭﺍﺧﺘﺮﺗﺎ ﺭﻳﺪﻙ ﺣﺮﻓﺘﻲ
ﺯﻱ ﺍﻳﻲ ﺷﻴﺊ ...
ﺩﺳﻴﺖ ﻣﻼﻣﺤﻚ ﻓﻲ ﺍﻟﻘﻠﺐ
ﻭﻣﻌﺎﻛﻲ ﻛﺒﺮﺕ ﻋﺮﻓﺘﻲ
ﻳﺎﺭﻭﻋﺔ ﺍﻟﺴﺤﺮ ﺍﻟﺤﻼﻝ
ﻟﻮ ﻗﺎﺳﻮﺍ ﺳﺤﺮ ﺍﻟﺪﻧﻴﺎ ﺑﻴﻚ
ﺣﺘﺰﻳﺪﻱ ﺣﺘﻤﺎ ﺭﻭﻋﺘﻲ
ﻭﺗﻠﺒّﺴﻲ ﺍﻟﻨﺎﺱ ﺍﻟﻔﺮﺡ
ﻳﺒﻘﻰ ﺍﻟﻔﺮﺍﺵ ﻫﻮ ﺍﻟﺒﺸﺒﻬﻚ
ﻭﺍﻟﻨﻴﻞ ﺿﻔﺎﻳﺮﻭ ﺗﻤﺸﻄﻲ
ﻭﺗﻮﺳﺪﻱ ﺍﻟﻨﺪﻯ ﻣﻦ ﺷﺬﺍﻙ
ﺍﺻﻠﻚ ﺑﺮﺍﻙ ..
ﻣﻌﺠﻮﻧﺔ ﻣﻦ ﻃﻴﻨﺔ ﻫﻮﺍﻱ
ﻳﺎ ﺳﺘﻲ ﻃﻴﻨﻚ ﺳﻜﺘﻲ
ﻣﺎ ﺍﺻﻠﻲ ﻣﺘﻌﻮﺩ ﺍﺟﻴﻚ
ﺯﻱ ﻛﻞ ﻳﻮﻡ ﻻﺑﺲ ﺣﻠﻢ
ﺑﺲ ﺧﻮﻓﻲ ﻧﻮﻣﻲ ﺗﺸﺘﺘﻲ
ﻭﺍﻧﺎ ﺍﺻﻠﻲ ﺿﺎﻳﻊ ﻣﻦ ﺯﻣﻦ ..
ﺣﻤﻠﺖ ﺍﺭﺍﺿﻲ ﺍﻟﻠﻘﻴﺎ ﺑﻴﻚ
ﺑﺎﻟﻠﻪ ﺿﻌﻔﻚ ﺣﺘﺤﺘﻲ
ﻳﺎ ﺍﺑﻘﻰ ﻛﻞ ﺍﻟﺴﻜﺔ ﻟﻴﻚ
ﺍﻓﺮﺵ ﻣﺴﺎﺣﺎﺗﻚ ﻋﺸﻖ
ﺍﻭ ﻳﺒﻘﻰ ﻗﻠﺒﻚ ﺳﻜﺘﻲ

ﺯﻭﻝ ﺑﺸﻮﻓﻚ ﻓﻲ ﻋﻴﻮﻧﻮ ﻭ ﺇﻧﺖ ﺃﺑﻌﺪ ﻣﺎ ﻳﻜﻮﻥ
ﺯﻭﻝ ﺑﻴﻐﺮﻕ ﻓﻲ ﺍﻷﻣﺎﻧﻲ ﻭ ﺍﻧﺖ ﺗﻤﻼﻭ ﺑﻲ ﺍﻟﻈﻨﻮﻥ
ﺯﻭﻝ ﺑﻌﺎﻧﺪ ﻓﻲ ﻇﺮﻭﻓﻮ ﻭﺑﺎﻧﻲ ﻣﻦ ﺍﻟﻔﺮﺣﺔ ﻛﻮﻥ
ﺯﻭﻝ ﻣﻌﻠﻖ ﻣﻦ ﻣﺸﺎﻋﺮﻭ ﻭﻣﺸﺘﻬﻴﻚ ﺣﺪ ﺍﻟﺠﻨﻮﻥ
ﺯﻭﻝ ﺑﺮﻳﻴﻴﻴﺪﻙ ﻣﻦ ﻭﺭﻳﺪﻭ ﺯﻭﻝ ﺑﺼﻮﻧﻚ ﻣﺎ ﺑﻴﺨﻮﻥ
ﺯﻭﻝ ﺑﺪﻓﻴﻚ ﻣﻦ ﻟﻬﻴﺒﻮ ﻭ ﺻﺪﺭﻭ ﺍﻛﺘﺮ ﻣﻦ ﺣﻨﻮﻥ
ﺯﻭﻝ ﺑﻴﺤﻤﻴﻚ ﻣﻦ ﺷﺠﻮﻧﻮ ﻳﺴﻜﻨﻚ ﺟﻮﻩ ﺍﻟﻌﻴﻮﻥ
ﺯﻭﻝ ﺑﻴﻮﻟﻊ ﺑﻴﻚ ﺿﻼﻣﻮ ﺯﻭﻝ ﺑﻴﺤﺮﻙ ﺑﻴﻚ ﺳﻜﻮﻥ
ﺯﻭﻝ ﻣﻘﺴﻢ ﻓﻲ ﻗﻮﺍﻣﻮ ﺯﻭﻝ ﺟﻤﻴﻞ ﻭ ﺣﻮﺍﺟﺒﻮ ﻧﻮﻥ
ﺯﻭﻝ ﺑﺸﻮﻓﻚ ﺃﺣﻠﻰ ﻟﻮﺣﻪ ﻓﻴﻬﺎ ﻣﻦ ﻛﻞ ﺭﻭﻋﺔ ﻟﻮﻥ
ﺯﻭﻝ ﺑﻴﺮﺳﻢ ﻟﻴﻚ ﺣﻴﺎﺗﻮ ﻭﺍﻧﺖ ﻳﺎ ﺳﻴﺪ ﺍﻟﻔﻨﻮﻥ
ﺯﻭﻝ ﺑﻘﺎﺳﻲ ﻣﻌﺎﻙ ﻭ ﻳﻀﺤﻚ ﺑﻴﻚ ﻛﻞ ﺍﻟﻬﻢ ﻳﻬﻮﻥ
ﺯﻭﻝ ﺑﺘﺼﺒﺢ ﻟﻴﻬﻮ ﺩﻧﻴﺎ ﺑﻴﻦ ﺣﻮﺍﺟﺒﻚ ﻭ ﺍﻟﻌﻴﻮﻥ
ﺯﻭﻝ ﺑﺤﺴﻚ ﻓﻲ ﺍﻟﻘﻮﺍﻓﻲ ﻭ ﻓﻲ ﺗﻘﺎﺳﻴﻢ ﺍﻟﺸﺠﻮﻥ
ﻭﻓﻲ ﺯﻭﻝ ﺑﻴﻜﺮﻫﻚ ﺍﻟﻤﺤﺒﺔ ﻭ ﺃﺻﻠﻮ ﻣﺎ ﺑﺤﺲ ﺑﻲ ﻫﻮﺍﻙ
ﺯﻭﻝ ﺑﺴﺎﺳﻖ ﻓﻲ ﻇﻨﻮﻧﻚ ﻭ ﻋﻤﺮﻭ ﻣﺎ ﻗﺸﻘﺶ ﺑﻜﺎﻙ
ﺯﻭﻝ ﺑﺨﻠﻴﻚ ﺗﺒﻘﻰ ﻇﺎﻟﻢ ﻓﻲ ﺷﻌﻮﺭﻙ ﺑﻲ ﺍﻟﻤﻌﺎﻙ
ﺯﻭﻝ ﺑﺨﺎﺩﻉ ﺑﻲ ﺍﻟﻌﻮﺍﻃﻒ ﻭ ﺍﻟﻌﻮﺍﺻﻒ ﻓﻲ ﺳﻤﺎﻙ
ﺯﻭﻝ ﺑﻔﻜﺮ ﻳﺒﻨﻲ ﺟﻨﺔ ﻭ ﻣﺎ ﻣﻬﻢ ﺑﻴﻚ ﺃﻭ ﺑﻼﻙ
ﺯﻭﻝ ﻳﺤﺴﺴﻚ ﺇﻧﻮ ﻋﺎﻟﻲ ﺇﻧﻮ ﻓﻮﻕ ﻟﻲ ﻣﺴﺘﻮﺍﻙ
ﺯﻭﻝ ﻳﺨﻠﻲ ﺩﻣﻮﻉ ﻭ ﺣﺮﻗﺔ ﻟﻤﺎ ﻳﻠﺒﺲ ﺗﻮﺏ ﻣﻼﻙ
ﺯﻭﻝ ﻣﻌﺎﻙ ﻋﺎﻣﻞ ﺣﺒﻴﺒﻚ ﻭ ﻫﻮ ﺑﻴﻠﻌﺐ ﺑﻲ ﻭﺭﺍﺍﺍﺍﺍﻙ
ﺯﻭﻝ ﺑﺠﺪﺩ ﻟﻴﻚ ﺟﺮﺍﺣﻚ ﻭ ﻛﻞ ﻳﻮﻡ ﻫﺎﻟﻜﻚ ﻫﻼﻙ
ﺯﻭﻝ ﺗﺤﺲ ﺑﻲ ﺍﻟﻨﺎﺱ ﺗﺨﺎﻓﻮ ﻭ ﻣﺎ ﻓﻲ ﺯﻭﻝ ﻓﻲ ﺍﻟﻨﺎﺱ
ﻫﺪﺍﻙ
ﺯﻭﻝ ﻳﺼﻮﺭ ﻟﻴﻚ ﺑﻬﺠﺔ ﻭ ﺍﻟﻌﺰﺍﺏ ﻇﺎﻫﺮ ﻫﺪﺍﻙ
ﺯﻭﻝ ﺑﻐﻴﺮ ﻛﻞ ﺣﻴﺎﺗﻚ ﻭ ﺗﺒﺪﺍ ﺗﺘﻜﻠﻢ ﺑﺮﺍﺍﺍﺍﻙ

ﺃﻧﺎﻓﺲ ﺷﻮﻗﻲ ﺑﻲ ﺷﻮﻗﻚ
ﻭﻧﺸﻮﻑ ﻳﺎﺗﻮ ﺍﻟﺒﻜﻮﻥ ﺃﻛﺘﺮ
ﻧﺨﻠﻲ ﻋﻴﻮﻧﺎ ﻫﻲ ﺍﻟﻤﻘﻴﺎﺱ
ﻭﺍﻟﺒﺮﻣﺶ ﺳﺎﺍﺍﺍﻱ ﻫﻮ ﺍﻟﺒﺨﺴﺮ
ﻭﺃﺗﺤﺪﺍﻙ ﺑﻲ ﺷﻮﻗﻲ
ﻭﻛﺖ ﻳﺘﺠﻠﻲ ﻟﻴﻚ ﻳﻈﻬﺮ
ﺑﺒﻴﻦ ﺷﻮﻗﻚ ﺃﻣﺎﻡ ﺷﻮﻗﻲ
ﺗﻔﻮﺕ ﺍﻟﻔﺮﻗﻪ ﺗﺘﺤﺴﺮ
ﻭﻧﺒﻘﻲ ﺩﺭﻭﻥ ﻧﺸﻴﻞ ﺍﻟﻜﺎﺱ
ﻭﻧﺘﺒﺨﺘﺮﻧﻐﻨﻲ ﺍﻟﻔﺮﺣﻪ ﺃﻏﻠﻲ ﻧﺸﻴﺪ
ﻭﻧﺪﻱ ﺍﻟﻬﻢ ﻛﺮﺕ ﺍﺣﻤﺮ
ﻭﻧﺪﻱ ﺍﻟﻬﻢ ﻛﺮﺕ ﺍﺣﻤﺮ

ﻋﺎﺭﻑ ﻋﻤﻠﺘﻚ ﻣﻦ ﻋﺪﻡ
ﻋﻠﻴﺖ ﻣﻜﺎﻧﺘﻚ ﻓﻲ ﺍﻟﻮﺟﻮﺩ
ﺧﻠﻴﺖ ﻭﺩﺍﺩﻙ ﺃﻏﻠﻲ ﺷﻲ
ﺣﻘﻘﺖ ﻟﻴﻚ ﻛﻞ ﺍﻟﻮﻋﻮﺩ
ﻋﺎﺭﻑ ﻧﺸﻠﺘﻚ ﻣﻦ ﺃﻟﻢ
ﻭﺍﻟﻠﻴﻠﻪ ﺑﺘﺠﺎﺯﻱ ﺑﺼﺪﻭﺩ
ﻋﺎﺭﻑ ﻛﻤﺎﻥ ﻏﻴﺮﻙ ﺑﻜﻮﻥ
ﻣﺎﻓﺎﺭﻕ ﺃﺻﻠﻮ ﻣﻌﺎﻱ ﻫﻮﺍﻙ
ﺯﻱ ﻣﺎﺑﻨﻴﺘﻚ ﺑﻬﺪﻣﻚ
ﺑﺮﻓﻊ ﻣﻜﺎﻧﺘﻲ ﻟﻔﻮﻕ ﻣﺪﺍﻙ
ﻭﺍﻟﻠﻴﻠﻪ ﺟﺪ ﺑﺘﻬﻮﻥ ﻋﻠﻲ
ﺑﻨﺴﺎﻙ ﻭﺣﺎﺗﻚ ﻭﺑﻲ ﺭﺿﺎﻙ

ﻛﻠﻤﺎ ﺗﺤﺲ ﺑﺎﻟﻤﻮﺍﺟﻊ ﻭ ﺍﻟﻤﺪﺍﻣﻊ ﻓﻲ ﺍﻟﻤﻘﻞ
ﻛﻠﻤﺎ ﺗﺒﻌﺪ ﺗﺴﺎﻓﺮ ﻭ ﺗﺒﺪﺃ ﺗﺸﺘﺎﻕ ﻟﻸﻫﻞ
ﻛﻠﻤﺎ ﻳﺠﻔﺎﻙ ﺣﺒﻴﺒﻚ ﻭ ﻳﻠﻘﻰ ﻟﻲ ﻗﻠﺒﻚ ﺑﺪﻝ
ﻭ ﻛﻠﻤﺎ ﺗﺤﺲ ﺇﻧﻮ ﺑﻠﺪﻙ ﺇﻧﻮ ﻣﺎ ﺃﺟﻤﻞ ﻣﺤﻞ
ﺃﺳﻘﻲ ﺭﻭﺣﻚ ﺑﺎﻟﺘﻤﻨﻲ ﻭ ﺃﻣﻸ ﻋﻴﻨﻴﻚ ﺑﺎﻷﻣﻞ
.......................................................
ﻟﻮ ﻃﺮﻳﻘﻚ ﻛﻠﻮ ﺿﻠﻤﺔ .. ﻣﻦ ﻗﻠﻴﺒﻚ ﺳﻮﻱ ﺿﻲ
ﻭﻟﻮ ﺑﺤﻮﺭ ﺍﻟﺪﻧﻴﺎ ﻧﺸﻔﺖ .. ﺍﻟﺤﻨﺎﻥ ﺍﻟﻔﻴﻚ ﺭﻱ
ﻭﻟﻮ ﻭﺭﻭﺩ ﺍﻟﺮﻳﺪﺓ ﻣﺎﺗﺖ .. ﺍﻟﻀﻤﻴﺮ ﺟﻮﺍﻙ ﺣﻲ
ﺃﻣﻼ ﺑﺎﻵﻣﺎﻝ ﻣﺪﺍﺋﻦ .. ﺃﻟﻒ ﺷﺎﺭﻉ ﻭ ﺃﻟﻒ ﺣﻲ
.................................................................
ﺑﺎﻷﻣﻞ ﻓﻲ ﺍﻟﻌﻴﻦ ﺑﺘﺸﺮﻕ .. ﺃﻟﻒ ﺿﺤﻜﺔ ﻭ ﺇﺑﺘﺴﺎﻣﺔ
ﻭ ﻳﺒﻘﻰ ﺑﺎﻛﺮ ﺃﺣﻠﻰ ﻣﻮﻋﺪ .. ﻭ ﺍﻟﺸﻤﺲ ﺃﻛﺒﺮ ﻋﻼﻣﺔ
ﺑﻜﺮﺓ ﺣﺘﺮﺩ ﻓﻴﻨﺎ ﺭﻭﺣﻨﺎ .. ﻭ ﺑﻜﺮﺓ ﺣﺘﻄﻴﺮ ﺍﻟﺤﻤﺎﻣﺔ
ﺷﺎﻳﻼ ﺑﻴﻦ ﺟﻨﺤﻴﻨﺎ ﻟﻬﻔﺔ .. ﻭﺷﻮﻕ ﺗﻮﺻﻠﻮ ﺑﺎﻟﺴﻼﻣﺔ

ﺣﻠﻴﻠﻚ ﻳﺎ ﻭﻃﻦ ﺳﺎﻛﻦ ﺩﻭﺍﺧﻠﻨﺎ ﻭﻣﻐﻴﺐ ﻓﻲ ﺧﺮﻳﻄﺔ ﺍﻟﺸﻮﻡ ....
ﻣﺸﺮﺑﻚ ﻓﻲ ﻃﺮﻑ ﺧﻮﻓﻲ ﻭﻣﺘﺨﻠﻞ ﻧﻔﺲ ﺟﻮﻓﻲ ﺍﻟﺼﺒﺢ ﻣﻜﺘﻮﻡ ....
ﻣﺼﻮﺭ ﻓﻲ ﺍﻟﺤﻨﺎﻳﺎ ﺣﻨﻴﻦ ﻭﻣﺰﺭﻭﻉ ﻓﻲ ﺭﺣﻢ ﺃﻓﻜﺎﺭﻱ ﻭﺍﻧﺖ ﺟﻨﻴﻦ
ﺑﺤﺴﻚ ﻓﻲ ﺍﻟﻜﻼﻡ ﺍﻟﺰﻳﻦ ﻭﺭﻳﺤﺔ ﺍﻟﻄﻴﻦ ﻭﻓﻲ ﻋﻴﻨﻲ ﺍﻟﺠﻔﺎﻫﺎ ﺍﻟﻨﻮﻡ ....
ﻣﻌﻠﻖ ﻓﻲ ﺧﻄﺎﻭﻱ ﺍﻟﻨﻴﻞ ﺗﻐﻨﻲ ﺍﻟﺨﻮﺓ ﻣﻦ ﻣﻠﻜﺎﻝ ..
ﻣﻊ ﺍﻟﻨﻴﻞ ﺍﻟﻄﺮﻳﻘﻮ ﺷﻤﺎﻝ .. ﻭﺟﺎﻳﺐ ﻣﻦ ﺃﺧﻮﻱ ﻣﺮﺳﺎﻝ ..
ﻣﻊ ﺍﻷﺷﻮﺍﻕ ﻭ ﺭﻏﻢ ﺍﻟﻐﺮﺑﺔ ﺍﻟﺘﺮﺣﺎﻝ . .
ﻟﺴﻪ ﺍﻟﺤﺎﻝ ﻛﻤﺎ ﻫﻮ ﺍﻟﺤﺎﻝ ﻭﺳﻠﻢ ﻟﻲ ﻋﻠﻲ ﺍﻟﺨﺮﻃﻮﻡ ...
ﻭﺟﻮﺍﻧﺎ ﺍﻟﻮﻃﻦ ﻣﻤﺪﻭﺩ ..
ﻭﻻ ﻓﺼﻠﺘﻨﺎ ﻧﺤﻦ ﺣﺪﻭﺩ ...
ﻧﻐﻨﻲ ﻋﻠﻲ ﻭﺗﺮ ﻣﺸﺪﻭﺩ ﺃﺩﻕ ﻃﺒﻠﺔ ﻭﺗﺪﻭﺯﻥ ﻋﻮﺩ ..
ﻻ ﻏﻴﺮﺕ ﺭﻳﺪﻙ ﻟﻲ ﻭﻻ ﺍﺗﻐﻴﺮﺕ ﻣﻨﻚ ﻳﻮﻡ ...
ﺑﺠﻴﻠﻚ ﻭﺍﻧﺖ ﻓﻲ ﺳﺮﻱ ﻭﺧﻼﺻﺔ ﺍﻟﺒﻮﺡ ..
ﻭﺃﺷﻴﻠﻚ ﻓﻲ ﺍﻟﻤﻨﻰ ﺍﻟﻤﻤﻨﻮﻉ ﻭﻓﻲ ﻧﻀﻤﻲ ﺍﻟﺤﺠﺎ ﺍﻟﻤﺴﻤﻮﺡ ..
ﻭﻓﻲ ﻋﺬﺏ ﺍﻟﻔﺮﺍﻕ ﻭﺍﻟﻨﻮﺡ ﻭﻓﻲ ﺻﻮﺕ ﺍﻟﺒﻜﺎ ﺍﻟﻤﺒﺤﻮﺡ ..
ﻭﺃﺩﺳﻚ ﻭﺍﻧﺖ ﻣﺘﺤﻜﺮ ﺧﻼﻳﺎ ﺍﻟﺮﻭﺡ ..
ﻭﻣﺘﻮﺳﺪ ﻧﺴﻴﺞ ﺣﺴﻲ ﺍﻟﻤﻠﻴﺘﻮ ﺟﺮﻭﺡ ﻭﺯﺍﻳﺪ ﻓﻮﻕ ﻫﻤﻮﻣﻲ ﻫﻤﻮﻡ ...
ﻭﺑﺒﻨﻴﻚ ﻓﻮﻕ ﺃﻣﻞ ﻣﺴﻠﻮﺏ ﻭﻓﻮﻕ ﺣﺴﺮﺓ ﻗﻠﻴﺒﻲ ﺍﻟﺤﻲ ..
ﻭﺃﺷﻴﺪ ﺑﻴﻚ ﺷﻮﺍﺭﻉ ﺍﻟﺒﻴﺖ ﺻﺪﻯ ﺍﻟﻠﻤﺔ ﻭﺑﻴﻮﺕ ﺍﻟﺤﻲ ..
ﻭﻣﻦ ﻧﺎﺭ ﺍﻟﻔﺮﺍﻕ ﻭﺍﻟﺒﻴﻦ ﻟﻬﺐ ﺃﺷﻮﺍﻗﻨﺎ ﻳﺸﻌﻞ ﺿﻲ ..
ﻭﻓﻲ ﻋﻴﻨﻲ ﻣﻜﺎﻧﺎ ﻟﻴﻚ ﻭﻓﻲ ﻋﻴﻨﻴﻚ ﻧﻔﺲ ﺍﻟﺸﻲ ..
ﺃﻋﻤﺮ ﺑﻴﻚ ﻣﺪﻳﻨﺔ ﻭﺭﻳﻒ ﺗﺸﻴﻞ ﻣﻨﻲ ﻭﺗﻌﻤﺮ ﺑﻲ ...
ﻭﺃﻗﺴﻢ ﻟﻴﻚ ﻣﻦ ﺣﻠﻤﻲ ﻭﻣﻦ ﺣﻠﻤﻚ ﺗﻘﺴﻢ ﻟﻲ ..
ﻭﺁﻩ ﻭﺃﺣﻲ ﻣﻦ ﺍﻟﺤﻠﻢ ﺍﻟﺼﺒﺢ ﻣﻘﺴﻮﻡ ..
ﺣﻠﻴﻠﻚ !! ﺣﻠﻴﻠﻚ ﻭﺍﻧﺖ ﻓﻲ ﺟﻮﺍﻱ ﻭﻃﻦ ﻣﻄﺒﻮﻉ ...
ﻭﻟﻮ ﺑﻘﺪﺭ ﺃﻃﺒﺐ ﻗﻠﺒﻚ ﺍﻟﻤﻮﺟﻮﻉ ﻭﺃﺳﺪ ﺑﺎﺏ ﺍﻟﻌﻄﺶ ﻭﺍﻟﺠﻮﻉ ..
ﻭﺃﻣﺮﻕ ﻣﻦ ﺳﺠﻦ ﺣﻠﻘﻮﻣﻲ ﺻﻮﺕ ﻣﺴﻤﻮﻉ ..
ﻭﻋﺎﺭﻓﻚ ﻻ ﺑﺘﻔﻴﺪﻙ ﻟﻮ ﻭﻻ ﻣﻨﻲ ﺍﻟﻌﺘﺐ ﻣﺮﻓﻮﻉ ﻭﺭﺍﺿﻲ ﺗﺨﺖ ﻋﻠﻲ ﺍﻟﻠﻮﻡ

ﻋﻠﻴﻚ
ﻛﻞ ﺍﻹﺷﺎﺭﺍﺕ ﺍﻟﺒﺘﻔﺘﻌﻞ ﺍﻟﺰﺣﺎﻡ
ﺗﻜﺘﻢ ﻧﻔﺲ ﻛﻞ ﺍﻟﺸﻮﺍﺭﻉ ﻭﺗﺤﺒﺴﻦ
ﺗﺴﻤﻊ ﺷﺘﺎﻳﻢ ﺍﻟﻤﺎﺭﺓ ﺗﺤﺴﺐ ﻓﻲ ﺍﻟﺰﻣﻦ
ﺑﻲ ﺣﺠﺔ ﺍﻟﺼﺢ ﻭﺍﻟﻨﻈﺎﻡ ........
ﺑﺴﺄﻝ ﻋﻠﻴﻚ
ﻧﻀﻢ ﺍﻟﺠﺮﺍﻳﺪ ﻭﺍﻟﺼﺤﻒ ﻭﻛﻞ ﻣﻨﺸﻮﺭ ﺍﻧﻜﺘﺐ
ﺑﺴﺄﻝ ﻋﻠﻴﻚ ﻓﺮﺡ ﺍﻟﻤﺪﻳﻨﺔ ﺍﻟﺪﻭﻥ ﺳﺒﺐ
ﻭﺣﺴﺮﺓ ﺍﻟﺮﻳﻒ ﻭﺍﻟﻀﻮﺍﺣﻲ ﻭ ﻫﻢ ﻣﺴﺎﺟﻴﻦ ﺍﻟﺘﻌﺐ
ﻭﻟﻤﺔ ﺍﻟﻨﺎﺱ ﺍﻟﻘﺪﺍﻡ ........
ﻭﺍﻟﻨﻴﻞ ﻣﺮﻕ ﺗﺎﻻ ﺍﻟﺒﺤﺮ ﻟﻤﻠﻢ ﺧﻄﺎﻫﻮ ﻋﻠﻲ ﺍﻟﺸﻤﺎﻝ
ﻻ ﻓﺘﺮﻭ ﺍﻟﺼﺒﺢ ﺍﻟﻤﺮﻕ ﻣﻦ ﺩﻭﻥ ﺳﺆﺍﻝ
ﻻ ﺃﺧﺮﻭ ﺍﻟﺤﻦ ﺍﻟﺒﻴﺄﺧﺮ ﻛﻞ ﻣﻦ ﺷﺪ ﺍﻟﺮﺣﺎﻝ
ﻻ ﺧﺎﻑ ﻳﺴﺎﻓﺮ ﻓﻲ ﺍﻟﻀﻼﻡ ........
ﻭ ﺑﻔﺘﺸﻚ ﻓﻲ ﺻﻮﺕ ﺧﻨﻖ ﺑﺎﻟﻮﺟﻌﺔ ﻭﺍﻟﺨﻮﻑ ﺍﻷﻟﻢ
ﻓﻲ ﺣﺲ ﺳﻜﻦ ﺷﺎﺭﻉ ﺍﻟﺸﻌﻮﺏ ﺍﻟﻀﺎﺟﺔ ﻫﻢ
ﻓﻲ ﻛﻠﻤﺔ ﺗﺘﻠﺒﺲ ﺳﻜﺎﺕ ﻣﻦ ﻏﻴﺮ ﺑﻐﻢ
ﺗﻐﻨﻴﻚ ﻋﻦ ﺍﻟﺒﻮﺡ ﻭﺍﻟﻜﻼﻡ ........
ﺑﺴﺄﻝ ﻋﻠﻴﻚ ﺍﻟﻮﺣﺸﺔ ﻓﻲ ﺳﻜﺔ ﺣﺪﻳﺪ
ﺻﺮﺧﺔ ﻗﻄﺮ ﻋﺠﻼﺗﻮ ﺗﺨﺘﺼﺮ ﺍﻟﺒﻌﻴﺪ
ﺑﺴﺄﻝ ﻋﻠﻴﻚ ﺷﺒﺢ ﺍﻟﺒﻴﻮﺕ
ﺣﺮﺱ ﺍﻟﺤﺪﻭﺩ
ﺳﺎﻋﻲ ﺍﻟﺒﺮﻳﺪ
ﻭ ﺍﻫﺪﻳﻚ ﻣﻊ ﺍﻟﻤﺎﺭﺓ ﺍﻟﺴﻼﻡ ....
ﺑﻤﺸﻴﻬﺎ ﺧﻄﻮﺓ ﺷﺮﺣﺒﻴﻞ
ﻭﺑﻘﺼﻮ ﺩﺭﺑﻚ ﺩﻭﻥ ﺃﺗﺮ
ﻭ ﺍﺳﺄﻝ ﻋﻠﻴﻚ ﺍﻟﺴﺎﻗﻴﺔ ﻭﺍﻟﻘﻴﻒ ﻭﺍﻟﻤﻄﺮ
ﻭﺍﺗﺤﺴﺴﻚ ﺟﻮﺓ ﺍﻟﻘﺼﻴﺪ
ﻭﻭﺳﻂ ﺗﻨﺎﻫﻴﺪ ﺍﻟﻮﺗﺮ
ﻻ ﺭﻳﺪﻙ ﺍﻟﺠﻮﺍﻱ ﻓﺘﺮ
ﻻ ﻓﻲ ﺍﻟﺪﻭﺍﺧﻞ ﺷﻮﻗﻲ ﻧﺎﻡ ....
ﺑﺴﺄﻝ ﻋﻠﻴﻚ ﺯﻣﻨﺎ ﻣﻀﻰ ﺇﺣﺴﺎﺳﻮ ﺣﻲ ﻫﻨﺪﺍﻣﻮ ﻣﺎﺕ
ﺑﺴﺄﻝ ﻋﻠﻴﻚ ﺍﻷﻏﻨﻴﺎﺕ
ﺻﻮﺕ ﻭﺭﺩﻱ ﺣﺲ ﺍﺑﻮ ﻋﺮﻛﻲ ﺩﻟﻮﻛﺔ ﺍﻟﺒﻨﺎﺕ
ﺯﻳﺪﺍﻥ ﺑﻐﻨﻲ ﺍﻟﻠﻴﻠﺔ ﺩﻳﻚ
ﻭﺍﻟﺤﻮﺕ ﺑﻘﻮﻝ ﺑﺴﺄﻝ ﻋﻠﻴﻚ
ﻭﺃﺑﻮ ﺳﻴﺪ ﺑﺮﺩﺩ ﻳﺎ ﺳﻼﻡ

ﺑﺮﻳﺪﻙ ﻗﺪﺭ ﻣﺎﺗﺮﻣﺶ
ﺟﻔﻮﻥ ﺧﻠﻖ ﺍﻟﻠﻪ ﻟﻴﻞ ﻭﻧﻬﺎﺭ ...
ﺑﺮﻳﺪﻙ ﻗﺪﺭ ﻣﺎﺷﺎﻓﺖ ﻋﻴﻮﻥ
ﻭﺍﻣﺘﺪﺕ ﺍﻻﺑﺼﺎﺭ ...
ﺑﺮﻳﺪﻙ ﺯﻱ ﺩﻋﺎ ﺍﻟﻮﺍﻟﺪﻳﻦ
ﻭﺿﺤﻜﺔ ﻳﺘﺎﻣﻲ ﺻﻐﺎﺭ ..
ﺑﺠﺮﻭ ﻋﻠﻲ ﻫﺪﻭﻡ ﺍﻟﻌﻴﺪ
ﻭﻳﺠﺮﻭﺍ ﻋﻠﻲ ﺍﻟﻐﺮﻳﺐ ﻭ ﺍﻟﺠﺎﺭ