ﺣِﻤﻠﻲ ﺧﻠﻴﻪ ﻣﺎ ﻳﻬﻤِّﻚ
ﻳﺎﻧﻲ ﻣﺨﻠﻮﻕ ﺷﺎﻥ ﺍﺭﺑﻴﻚ
ﻭﺍﺣﺘﻮﻳﻚِ ﻭ ﺷﻮﻕ ﺍﺿﻤِّﻚ
ﻣﺎ ﺗﺸﻴﻠﻲ ﺍﻟﻬﻢ ﺩﻗﻴﻘﺔ
ﺧﻠﻲ ﻫﻤِّﻚ ﺳَﺖْ ﻋَﻠﻲ
ﻭ ﻣﺎ ﺑﺘﻀﻮﻗﻲ ﺍﻟﻮﻳﻞ .. ﻳﺴﻤِّﻚ
ﺷﻴﻠﻲ ﻣﻦ ﺣﻴﻠﻲ ﺍﻟﺒﻮﺍﻗﻲ
ﺍﺳﻨﺪﻱ ﺍﻟﺤﻴﻞ ﺍﻟﺒﻴﻘﻮﻳﻚ
ﻭﺷﻴﻠﻲ ﻣﻦ ﺷﺮﻳﺎﻧﻲ ﺩﻣﻚ
ﻟﻮ ﻃﻠﺒﺘﻲ ﺍﻟﺮﻭﺡ ﻓﺪﺍﻙ
ﻳﺎ ﺍﻟﺴﻤﺢ ﺷِﻌﺮﻙ ﻭﻧﻤِّﻚ
ﻭﻟﻮ ﻃﻠﺒﺘﻲ ﺣﻨﺎﻥ ﻋﻴﻮﻧﻲ
ﺑﺮﺿﻮ ﻳﺎﺥ ﺍﻧﺎ ﻳﺎﻧﻲ ﺃﻣِّﻚ
ﺃﻳﻤﻦ ﺍﻟﺤﻮﺭﻱ

ﻟﻤﺎ ﺯﻭﻝ ﻳﻨﺴﺎﻙ ﺑﺮﺍﻫﻮ ﺍﻭﻉ ﺗﺎﻧﻲ ﺗﻜﻮﺱ ﺭﺿﺎﻫﻮ
ﺳﻴﺒﻮ ﻳﺮﺣﻞ ﻳﻤﺸﻲ ﻣﻨﻚ ﺍﻭﻉ ﺗﻨﺪﻡ ﺑﻲ ﻭﺭﺍﻫﻮ
ﻣﺪﺍﻡ ﺑﺮﺍﻫﻮ ﺍﺧﺘﺎﺭ ﻃﺮﻳﻘﻮ ﻭﺑﺪﻝ ﺍﻟﻘﻠﺐ ﺍﻟﻬﻮﺍﻫﻮ
ﻣﺎ ﺑﻴﺴﺘﺎﻫﻞ ﺩﻣﻮﻋﻚ ﻭﻫﻲ ﺯﺍﺗﺎ ﻣﺎ ﺑﺘﻔﺮﻕ ﻣﻌﺎﻫﻮ
ﻟﻮ ﺑﻘﺪﺭ ﻳﻮﻡ ﻣﺸﺎﻋﺮﻙ ﺍﻟﻔﺮﺍﻕ ﻣﺎ ﻛﺎﻥ ﺑﺪﺍﻫﻮ
ﻭﺍﻟﻘﻠﻴﺐ ﺍﻟﻜﺎﻥ ﺑﺮﻳﺪﻭ ﻳﺒﻘﻲ ﻟﻴﻬﻮ ﺍﻟﺠﻮﺭ ﺟﺰﺍﻫﻮ
ﺑﻜﺮﻩ ﺑﻌﺮﻑ ﺍﻧﻮ ﻇﺎﻟﻢ ﻭﺍﻟﻐﺮﻭﺭ ﺍﻟﻔﻴﻮ ﻋﻤﺎﻫﻮ
ﻭﺗﺎﻧﻲ ﻳﺮﺟﻊ ﻟﻴﻚ ﻧﺎﺩﻡ ﻱ ﻗﻠﺐ ﻣﺎ ﺗﺮﺣﻢ ﺑﻜﺎﻫﻮ
ﺳﻴﺒﻮ ﻳﻌﺮﻑ ﺍﻧﻮ ﻗﻴﻤﺘﻚ ﻣﺶ ﺯﻣﺎﻥ ﺣﺒﻚ ﻧﺴﺎﻫﻮ
ﺗﺎﻧﻲ ﻟﻴﻪ ﺭﺍﺟﻊ ﻋﺸﺎﻧﻚ ﺑﻌﺪ ﺍﻳﻪ ﺣﺒﻚ ﻃﺮﺍﻫﻮ
ﺑﻌﺪ ﻣﺎ ﺧﻼﻙ ﺗﻨﺰﻑ ﻭﺩﺭﺑﻮ ﻣﻦ ﻏﻴﺮﻙ ﻣﺸﺎﻫﻮ
_
ﻭﺋﺎﻡ ﻛﻤﺎﻝ ﺍﻟﺪﻳﻦ
_________________

ﻳﺎﻣﺴﺎﻓﺮ ﻟﻴﻨﺎ ﺍﺭﺟﻊ
ﻧﺤﻨﺎ ﻓﻲ ﺍﻻﺷﻮﺍﻕ ﻏﺮﻗﻨﺎ
ﻭﺍﻟﻐﺮﻕ ﻣﺎﻃﻔﺎ ﻧﺎﺭﻧﺎ
ﻭﺑﻲ ﻟﻬﻴﺐ ﺍﻟﺸﻮﻕ ﺣﺮﻗﻨﺎ
ﻣﻦ ﺭﺣﻠﺘﻪ ﻭﺣﺎﺕ ﻋﻴﻮﻧﻚ
ﻣﺎﻗﺪﺭﺗﻪ ﺍﻟﻠﻴﻞ ﺍﻧﻮﻣﻮ
ﻻﺷﻐﻞ ﺍﻓﻜﺎﺭﻱ ﻏﻴﺮﻙ
ﻻ ﻗﺪﺭﺗﻪ ﻫﻮﺍﻙ ﺍﺧﻮﻧﻮ
ﻻ ﺧﻴﺎﻟﻚ ﻓﺎﺗﻨﻲ ﻟﺤﻈﻪ
ﻭﻻ ﺣﺼﻞ ﺍﻧﺎ ﻧﻤﺘﻪ ﺩﻭﻧﻮ
ﻟﻴﻪ ﻣﻄﻮﻝ ﻓﻲ ﻏﻴﺎﺑﻚ
ﻳﺎﻟﻬﻮﺍﻙ ﺟﻮﺍﻱ ﺳﻜﻮﻧﻮ
ﻳﺎﻣﺴﺎﻓﺮ ﻟﻴﻨﺎ ﺍﺭﺟﻊ
ﺟﺪ ﻏﻴﺎﺑﻚ ﻣﺎﺑﻨﻄﻴﻘﻮ
ﺇﻧﺖ ﻟﻲ ﺭﻭﺣﻲ ﻭﻫﻮﺍﻳﺎ
ﻳﺎﺩﻟﻴﻞ ﻗﻠﺒﻲ ﻭﻃﺮﻳﻘﻮ
ﻭﻳﺎﺷﺒﻴﻪ ﺍﻟﺼﻴﺪ ﺳﻤﺎﺣﻪ
ﻭﺇﻧﺖ ﻳﺎﻟﺮﻳﻢ ﺷﻘﻴﻘﻮ
ﻟﻴﻨﺎ ﺃﺭﺟﻊ ﺟﺪ ﻛﻔﺎﻳﻪ
ﻳﺎﺣﺒﻴﺐ ﻗﻠﺒﻲ ﻭﻋﺸﻴﻘﻮ
ﻳﺎﻣﺴﺎﻓﺮ ﺳﺮﻋﻪ ﺍﺭﺟﻊ

ﺑﻐﻴﺮ ﻋﻠﻴﻚ
ﻣﻦ ﺍﻟﺪﻣﻮﻉ ﻟﻮ ﺗﻠﻘﻰ ﻏﻴﺮﻱ ﻳﺠﻔﻔﺎ
ﻭﺑﻐﻴﺮ ﻋﻠﻴﻚ
ﻣﻦ ﻧﺎﺱ ﺗﺴﺎﻟﻤﻚ ﻓﻲ ﺇﻳﺪﻳﻚ
ﻭﻣﺎ ﺗﻜﻮﻥ ﻣﺤﺪﺩﻩ ﻣﻮﻗﻔﺎ
ﻭﺑﻐﻴﺮ ﻋﻠﻴﻚ
ﻣﻦ ﺍﻟﺘﺮﺍﺏ ﻟﻤﻦ ﺗﻤﺘﻌﻮ ﺑﺎﻟﺤﻔﺎ
ﻭﺑﻐﻴﺮ ﻋﻠﻴﻚ
ﻣﻦ ﺍﻟﺤﺮﻭﻑ ﺗﻠﻤﺲ ﺳﻨﻮﻧﻚ ﻭﺗﻮﻟﻔﺎ

ﻣﺎ ﻣﺤﺘﺎﺝ ﻟﻲ ﺳﻜﺮ ﺯﺍﺗﻮ
ﺣﺘﻲ ﻣﻼﻣﺤﻚ ﻟﻤﻦ ﺗﺰﻋﻞ
ﻳﺎﺍﺍﺍﺥ ﺍﻟﺰﻋﻞ ﺍﻟﻔﻴﻜﺎ ﺣﻼﺗﻮ
ﻭﻧﻮﺭ ﺍﻟﻘﻤﺮ ﺍﻟﺴﺎﻃﻊ ﻓﻴﻨﺎ
ﺷﺎﻝ ﻣﻦ ﺯﺍﺗﻚ ﺍﻧﺖ ﺻﻔﺎﺗﻮ
ﻳﻮﻡ ﻓﻜﺮﺕ ﺍﺭﺳﻞ ﺷﻮﻗﻲ
ﺍﻟﻜﻠﻤﺎﺕ ﻓﻲ ﺍﻟﺪﻓﺘﺮ ﺟﺎﻃﻮ
ﻧﺴﻮ ﻣﺮﺳﺎﻝ ﺍﻟﺮﻳﺪ ﺍﻟﻤﻨﻲ
ﻗﻴﻠﻮ ﻋﻨﺪﻙ ﻗﻌﺪﻭ ﻭﺑﺎﺗﻮ
ﻣﺎ ﻗﺎﻟﻮﻟﻚ ﺍﻧﻲ ﺷﻬﻴﺪﻙ
ﻭﺍﻛﺘﺮ ﻣﻦ ﺍﻟﻨﺎﺱ ﺍﻟﻤﺎﺗﻮ
ﺑﺎﻧﻲ ﻟﻴﻚ ﺍﻭﺿﺘﻴﻦ ﻓﻲ ﺭﻭﺣﻲ
ﻗﺎﻳﻢ ﻓﻴﻨﻲ ﺍﻟﺮﻳﺪ ﺳﺎﺳﺎﺗﻮ
ﺍﻧﺎ ﻃﺒﻠﺘﻚ ﺟﻮﻩ ﺣﻨﺎﻧﻲ
ﺍﺳﻊ ﻭﻳﻦ ﻣﻔﺘﺎﺣﻚ ﺯﺍﺍﺍﺗﻮ
ﺧﻠﻲ ﻳﻀﻴﻊ ﺗﻔﻀﻞ ﻣﺴﺠﻮﻧﻲ
ﻓﻜﺮﻱ ﻋﻠﻴﻚ ﻗﻔﻞ ﺑﺎﺑﺎﺗﻮ
ﺍﻧﺖ ﺻﺮﺍﺣﻪ ﻗﻠﺒﺖ ﻛﻴﺎﻧﻲ
ﻭﻗﻠﺒﻲ ﻣﻌﺎﻙ ﻫﺪﻳﺖ ﺣﺎﺟﺎﺗﻮ
ﺯﻱ ﺗﻠﻤﻴﺬ ﻗﺎﻋﺪ ﻗﺪﺍﻣﻚ
ﻭﺍﺟﺐ ﺣﺼﺖ ﺭﻳﺪﻙ ﻓﺎﺗﻮ
ﺳﻠﻢ ﻟﻴﻚ ﺍﻣﺮﻭ ﻭﺇﺳﺘﺴﻠﻢ
ﺭﺍﺿﻲ ﻇﺮﻭﻓﻚ ﻣﻬﻤﺎ ﺟﺎﺗﻮ
ﺍﺣﻼ ﻣﻦ ﺍﻻﺣﻼﻡ ﺍﻧﺎ ﺷﺎﻳﻔﻚ
ﻭﺷﺎﻳﻒ ﺍﻟﻮﺍﻗﻊ ﺯﺍﺗﻮ ﺣﻼﺗﻮﻭ

ﻗﺎﻟﻮ ﻟﻲ ﻟﻴﻪ ﺍﻓﺘﺮﻗﺘﻮ
ﻗﻠﺘﻪ ﻟﻴﻬﻢ ﻗﺴﻤﻪ ﺍﻟﻠﻪ
ﻗﺎﻟﻮ ﻟﻲ ﻣﺶ ﻛﺎﻥ ﺑﺮﻳﺪﻙ
ﻗﻠﺘﻪ ﻟﻴﻬﻢ ﺭﻳﺪﻭ ﻗﻠﻪ
ﻗﺎﻟﻮ ﻟﻲ ﺍﺣﻜﻲ ﺍﻟﺤﻜﺎﻳﺔ
ﻭﻧﺤﻨﺎ ﻧﺤﻜﻢ ﺑﺎﻻﺩﻟﻪ
ﻗﻠﺘﻪ ﻟﻴﻬﻢ ﻓﻲ ﺍﻟﺒﺪﺍﻳﺔ
ﺭﻳﺪﻧﺎ ﻣﺎﻛﺎﻥ ﻓﻴﻬﻮ ﻋﻠﻪ
ﻛﺎﻥ ﻣﻌﺎﻱ ﺩﺍﻳﻤﺎ ﺣﻨﻴﻦ
ﻛﻨﺖ ﻓﻲ ﻋﻴﻨﻴﻬﻮ ﺍﻏﻠﻲ
ﻓﺠﺄﺓ ﺍﺗﻐﻴﺮ ﻧﺴﺎﻧﻲ
ﻭﺷﻮﻓﺘﺎ ﺷﺒﺢ ﺍﻟﻘﺴﻮﺓ ﻃﻠﻪ
ﺯﻱ ﺗﻘﻮﻝ ﺑﻘﻰ ﺷﺨﺺ ﺗﺎﻧﻲ
ﻭﺭﻳﺪﺗﻮ ﻟﻴﺎ ﺑﻘﺖ ﻣﺬﻟﻪ
ﺩﻭﺭﻱ ﺧﻠﺺ ﻓﻲ ﺣﻴﺎﺗﻮ
ﻭﺯﻭﻝ ﺟﺪﻳﺪ ﻓﻲ ﻣﻜﺎﻧﻲ ﺣﻼ
ﻛﻞ ﻳﻮﻡ ﺍﻧﺎ ﻟﺴﻪ ﺑﺴﺄﻝ
ﻣﺎﻟﻮ ﻋﻦ ﺍﻟﺮﻳﺪ ﺗﺨﻼ
ﻏﺎﻳﺘﻮ ﻣﻬﻤﺎ ﻛﺎﻥ ﻗﺮﺍﺭﻛﻢ
ﺗﺎﻧﻲ ﺯﻣﻦ ﺍﻟﺮﻳﺪﻩ ﻭﻟﻰ
ﻭﻟﻴﻬﻮ ﻣﺎﺑﺮﺟﻊ ﻭﺣﺎﺗﻜﻢ
ﻻﻻ ﻭﺍﻟﻒ ﻛﻼ

ﻣـــﺮﻩ ﻟﻮ ﻳﺴﻤﺢ ﺿﻤﻴﺮﻙ
ﺧﻠﻲ ﺧﺎﻃﺮ ﺷﻮﻗﻲ ﻳﻮﺻـــﻞ
ﻣـــﺎ ﺍﻟﻤﺸﺎﻋﺮ ﺍﻗﻮﻯ ﻣﻨﻲ
ﻭﻣﻦ ﻇﺮﻭﻓﻚ ﻟﻤﺎ ﺗﺮﺣـــﻞ
ﻣـــﺎ ﺗﺸﻴﻞ ﻫﻢ ﺍﻟﻤﺴﺎﻓﻪ
ﻣﻬﻤﺎ ﻛﺎﻥ ﺍﻟﺒﻴﻨﺎ ﺍﻃـــﻮﻝ
ﻟـــﻮ ﺣﻜﻢ ﺷﻮﻗﻚ ﺍﺷﻮﻓﻚ
ﻛﻞ ﺣﺎﺍﺟﻪ ﺣﺘﺒﻘﻪ ﺍﺳﻬـــﻞ
ﺍﺻﻠـــﻮ ﻣﺎﻓﻲ ﺍﻟﺪﻧﻴﺎ ﻣﻨﻈﺮ
ﻣﻦ ﺟﻤﺎﻟﻚ ﻭﻻ ﺍﺟﻤـــﻞ
ﻳﻜﻔـــﻲ ﺟﺪﺍ " ﺑﻲ ﺣﻀﻮﺭﻙ
ﺭﺍﺡ ﺗﻘﻮﻝ ﻟﻠﺤﺰﻥ ﺍﺭﺣـــﻞ
ﻭﺍﻟﻔـــﺮﺡ ﻟﻮ ﻓﻲ ﻏﻴﺎﺏ
ﻋﻤﺮﻭ ﻣﺎ ﻛﺎﻥ ﻳﻮﻡ ﺣﻴﻜﻤـــﻞ
ﻭﺍﻧـــﺖ ﻣﻬﻤﺎ ﺣﻮﺍ ﺟﺎﺍﺍﺑﺖ
ﻣﻬﻤﺎ ﺟﺎﺍﺍﺍﺍﺑﺖ ﺇﻧـــﺖ ﺍﻭﻝ
ﺍﻋﻤـــﻞ ﺍﻟﺨﺎﻃﺮ ﻓﻲ ﺑﺎﻟﻚ
ﻣﺴﺘﺤﻴﻞ ﻣﻨﻚ ﺣﺄﺯﻋـــﻞ
ﺑﺲ ﻭﺣﺎﺗﻚ ﺳﻴﺐ ﻋﻴﻮﻧﻲ
ﻣﺮﻩ ﻟﻲ ﻋﻴﻨﻴﻜﺎ ﺗﻮﺻـــﻞ
ﻭﺍﺑﻘـــﻪ ﺯﻱ ﻓﻲ ﻛﻞ ﻣﺮﻩ
ﺍﻧﺴﻰ ﻛﻞ ﺍﻟﺪﻧﻴﺎ ﻭﺃﺧﺠـــﻞ
ﻟﻤـــﺎ ﺍﺳﺮﺡ ﻓﻲ ﻋﻴﻮﻧﻚ
ﺑﺲ ﻙﻼﻡ ﺍﻟﺮﻳﺪﻩ ﻳﻮﺻـــﻞ
ﻗﺼـــﺔ ﺍﻟﺸﻮﻕ ﻓﻲ ﺑﻌﺎﺩﻙ
ﻟﺴﻪ ﻧﻔﺲ ﺍﻟﻘﺼﻪ ﺍﺟﻤـــﻞ

ﺗﺼﻌﺐ ﻣﻌﺎﻙ ﻟﻐﺘﻲ ﻭﺗﻘﻴﻒ
ﻛﻞ ﺍﻟﺤﺮﻭﻑ ..
ﻟﻮ ﺟﺎﺕ ﺗﻮﺻﻒ ﺩﻫﺸﺘﻲ .
ﻭﺑﺼﻌﺐ ﻛﻤﺎﻥ ﻛﻞ ﺍﻟﻜﻼﻡ
ﻟﻮ ﻗﻠﺘﺎ ﺍﻛﺘﺐ ﻗﺼﺘﻚ
ﻭﻋﺎﺭﻑ ﺑﺪﺍﻳﺘﻚ ﻗﺼﺘﻲ
ﺍﻟﻨﺎﺱ ﺗﻐﻴﺮ ﻓﻲ ﺍﻟﺤﺮﻭﻑ
ﺗﺮﺳﻢ ﺻﻮﺭ ..
ﻭﺗﺸﺒﻬﻚ
ﺍﻧﺎ ﻣﻴﻦ ﺑﺸﺒﻪ ﻓﺮﺣﺘﻲ؟
ﻟﻮ ﻗﻠﺘﺎ ﻟﻴﻚ ﺍﻧﺘﻲ ﺍﻟﻘﻤﺮ
ﺧﺎﻳﻒ ﺍﺿﻴّﻊ ﻭﺟﻬﺘﻚ
ﻭﺍﻧﺎ ﺍﺻﻠﻲ ﻋﺎﺭﻓﻚ ﻭﺟﻬﺘﻲ
ﻭﻋﺎﺭﻑ ﻛﻤﺎﻥ ﺍﻧﻚ ﻣﻼﻙ
ﻣﺨﻠﻮﻗﺔ ﻣﻦ ﺑﻌﻀﻚ ﺑﺮﺍﻙ
ﻭﺍﻧﺎ ﺑﻴﻜﻲ ﺧﺎﻟﻖ ﺩﻧﻴﺘﻲ
ﻭﻓﺮﺣﺎﻥ ﺍﻃﺮّﺯ ﻓﻲ ﺍﻟﻨﺠﻮﻡ
ﺍﺭﺳﻢ ﻣﻼﻣﺢ ﺭﻭﺣﻲ ﺑﻴﻚ
ﻭﺍﺧﺘﺮﺗﺎ ﺭﻳﺪﻙ ﺣﺮﻓﺘﻲ
ﺯﻱ ﺍﻳﻲ ﺷﻴﺊ ...
ﺩﺳﻴﺖ ﻣﻼﻣﺤﻚ ﻓﻲ ﺍﻟﻘﻠﺐ
ﻭﻣﻌﺎﻛﻲ ﻛﺒﺮﺕ ﻋﺮﻓﺘﻲ
ﻳﺎﺭﻭﻋﺔ ﺍﻟﺴﺤﺮ ﺍﻟﺤﻼﻝ
ﻟﻮ ﻗﺎﺳﻮﺍ ﺳﺤﺮ ﺍﻟﺪﻧﻴﺎ ﺑﻴﻚ
ﺣﺘﺰﻳﺪﻱ ﺣﺘﻤﺎ ﺭﻭﻋﺘﻲ
ﻭﺗﻠﺒّﺴﻲ ﺍﻟﻨﺎﺱ ﺍﻟﻔﺮﺡ
ﻳﺒﻘﻰ ﺍﻟﻔﺮﺍﺵ ﻫﻮ ﺍﻟﺒﺸﺒﻬﻚ
ﻭﺍﻟﻨﻴﻞ ﺿﻔﺎﻳﺮﻭ ﺗﻤﺸﻄﻲ
ﻭﺗﻮﺳﺪﻱ ﺍﻟﻨﺪﻯ ﻣﻦ ﺷﺬﺍﻙ
ﺍﺻﻠﻚ ﺑﺮﺍﻙ ..
ﻣﻌﺠﻮﻧﺔ ﻣﻦ ﻃﻴﻨﺔ ﻫﻮﺍﻱ
ﻳﺎ ﺳﺘﻲ ﻃﻴﻨﻚ ﺳﻜﺘﻲ
ﻣﺎ ﺍﺻﻠﻲ ﻣﺘﻌﻮﺩ ﺍﺟﻴﻚ
ﺯﻱ ﻛﻞ ﻳﻮﻡ ﻻﺑﺲ ﺣﻠﻢ
ﺑﺲ ﺧﻮﻓﻲ ﻧﻮﻣﻲ ﺗﺸﺘﺘﻲ
ﻭﺍﻧﺎ ﺍﺻﻠﻲ ﺿﺎﻳﻊ ﻣﻦ ﺯﻣﻦ ..
ﺣﻤﻠﺖ ﺍﺭﺍﺿﻲ ﺍﻟﻠﻘﻴﺎ ﺑﻴﻚ
ﺑﺎﻟﻠﻪ ﺿﻌﻔﻚ ﺣﺘﺤﺘﻲ
ﻳﺎ ﺍﺑﻘﻰ ﻛﻞ ﺍﻟﺴﻜﺔ ﻟﻴﻚ
ﺍﻓﺮﺵ ﻣﺴﺎﺣﺎﺗﻚ ﻋﺸﻖ
ﺍﻭ ﻳﺒﻘﻰ ﻗﻠﺒﻚ ﺳﻜﺘﻲ

ﺯﻭﻝ ﺑﺸﻮﻓﻚ ﻓﻲ ﻋﻴﻮﻧﻮ ﻭ ﺇﻧﺖ ﺃﺑﻌﺪ ﻣﺎ ﻳﻜﻮﻥ
ﺯﻭﻝ ﺑﻴﻐﺮﻕ ﻓﻲ ﺍﻷﻣﺎﻧﻲ ﻭ ﺍﻧﺖ ﺗﻤﻼﻭ ﺑﻲ ﺍﻟﻈﻨﻮﻥ
ﺯﻭﻝ ﺑﻌﺎﻧﺪ ﻓﻲ ﻇﺮﻭﻓﻮ ﻭﺑﺎﻧﻲ ﻣﻦ ﺍﻟﻔﺮﺣﺔ ﻛﻮﻥ
ﺯﻭﻝ ﻣﻌﻠﻖ ﻣﻦ ﻣﺸﺎﻋﺮﻭ ﻭﻣﺸﺘﻬﻴﻚ ﺣﺪ ﺍﻟﺠﻨﻮﻥ
ﺯﻭﻝ ﺑﺮﻳﻴﻴﻴﺪﻙ ﻣﻦ ﻭﺭﻳﺪﻭ ﺯﻭﻝ ﺑﺼﻮﻧﻚ ﻣﺎ ﺑﻴﺨﻮﻥ
ﺯﻭﻝ ﺑﺪﻓﻴﻚ ﻣﻦ ﻟﻬﻴﺒﻮ ﻭ ﺻﺪﺭﻭ ﺍﻛﺘﺮ ﻣﻦ ﺣﻨﻮﻥ
ﺯﻭﻝ ﺑﻴﺤﻤﻴﻚ ﻣﻦ ﺷﺠﻮﻧﻮ ﻳﺴﻜﻨﻚ ﺟﻮﻩ ﺍﻟﻌﻴﻮﻥ
ﺯﻭﻝ ﺑﻴﻮﻟﻊ ﺑﻴﻚ ﺿﻼﻣﻮ ﺯﻭﻝ ﺑﻴﺤﺮﻙ ﺑﻴﻚ ﺳﻜﻮﻥ
ﺯﻭﻝ ﻣﻘﺴﻢ ﻓﻲ ﻗﻮﺍﻣﻮ ﺯﻭﻝ ﺟﻤﻴﻞ ﻭ ﺣﻮﺍﺟﺒﻮ ﻧﻮﻥ
ﺯﻭﻝ ﺑﺸﻮﻓﻚ ﺃﺣﻠﻰ ﻟﻮﺣﻪ ﻓﻴﻬﺎ ﻣﻦ ﻛﻞ ﺭﻭﻋﺔ ﻟﻮﻥ
ﺯﻭﻝ ﺑﻴﺮﺳﻢ ﻟﻴﻚ ﺣﻴﺎﺗﻮ ﻭﺍﻧﺖ ﻳﺎ ﺳﻴﺪ ﺍﻟﻔﻨﻮﻥ
ﺯﻭﻝ ﺑﻘﺎﺳﻲ ﻣﻌﺎﻙ ﻭ ﻳﻀﺤﻚ ﺑﻴﻚ ﻛﻞ ﺍﻟﻬﻢ ﻳﻬﻮﻥ
ﺯﻭﻝ ﺑﺘﺼﺒﺢ ﻟﻴﻬﻮ ﺩﻧﻴﺎ ﺑﻴﻦ ﺣﻮﺍﺟﺒﻚ ﻭ ﺍﻟﻌﻴﻮﻥ
ﺯﻭﻝ ﺑﺤﺴﻚ ﻓﻲ ﺍﻟﻘﻮﺍﻓﻲ ﻭ ﻓﻲ ﺗﻘﺎﺳﻴﻢ ﺍﻟﺸﺠﻮﻥ
ﻭﻓﻲ ﺯﻭﻝ ﺑﻴﻜﺮﻫﻚ ﺍﻟﻤﺤﺒﺔ ﻭ ﺃﺻﻠﻮ ﻣﺎ ﺑﺤﺲ ﺑﻲ ﻫﻮﺍﻙ
ﺯﻭﻝ ﺑﺴﺎﺳﻖ ﻓﻲ ﻇﻨﻮﻧﻚ ﻭ ﻋﻤﺮﻭ ﻣﺎ ﻗﺸﻘﺶ ﺑﻜﺎﻙ
ﺯﻭﻝ ﺑﺨﻠﻴﻚ ﺗﺒﻘﻰ ﻇﺎﻟﻢ ﻓﻲ ﺷﻌﻮﺭﻙ ﺑﻲ ﺍﻟﻤﻌﺎﻙ
ﺯﻭﻝ ﺑﺨﺎﺩﻉ ﺑﻲ ﺍﻟﻌﻮﺍﻃﻒ ﻭ ﺍﻟﻌﻮﺍﺻﻒ ﻓﻲ ﺳﻤﺎﻙ
ﺯﻭﻝ ﺑﻔﻜﺮ ﻳﺒﻨﻲ ﺟﻨﺔ ﻭ ﻣﺎ ﻣﻬﻢ ﺑﻴﻚ ﺃﻭ ﺑﻼﻙ
ﺯﻭﻝ ﻳﺤﺴﺴﻚ ﺇﻧﻮ ﻋﺎﻟﻲ ﺇﻧﻮ ﻓﻮﻕ ﻟﻲ ﻣﺴﺘﻮﺍﻙ
ﺯﻭﻝ ﻳﺨﻠﻲ ﺩﻣﻮﻉ ﻭ ﺣﺮﻗﺔ ﻟﻤﺎ ﻳﻠﺒﺲ ﺗﻮﺏ ﻣﻼﻙ
ﺯﻭﻝ ﻣﻌﺎﻙ ﻋﺎﻣﻞ ﺣﺒﻴﺒﻚ ﻭ ﻫﻮ ﺑﻴﻠﻌﺐ ﺑﻲ ﻭﺭﺍﺍﺍﺍﺍﻙ
ﺯﻭﻝ ﺑﺠﺪﺩ ﻟﻴﻚ ﺟﺮﺍﺣﻚ ﻭ ﻛﻞ ﻳﻮﻡ ﻫﺎﻟﻜﻚ ﻫﻼﻙ
ﺯﻭﻝ ﺗﺤﺲ ﺑﻲ ﺍﻟﻨﺎﺱ ﺗﺨﺎﻓﻮ ﻭ ﻣﺎ ﻓﻲ ﺯﻭﻝ ﻓﻲ ﺍﻟﻨﺎﺱ
ﻫﺪﺍﻙ
ﺯﻭﻝ ﻳﺼﻮﺭ ﻟﻴﻚ ﺑﻬﺠﺔ ﻭ ﺍﻟﻌﺰﺍﺏ ﻇﺎﻫﺮ ﻫﺪﺍﻙ
ﺯﻭﻝ ﺑﻐﻴﺮ ﻛﻞ ﺣﻴﺎﺗﻚ ﻭ ﺗﺒﺪﺍ ﺗﺘﻜﻠﻢ ﺑﺮﺍﺍﺍﺍﻙ

ﺃﻧﺎﻓﺲ ﺷﻮﻗﻲ ﺑﻲ ﺷﻮﻗﻚ
ﻭﻧﺸﻮﻑ ﻳﺎﺗﻮ ﺍﻟﺒﻜﻮﻥ ﺃﻛﺘﺮ
ﻧﺨﻠﻲ ﻋﻴﻮﻧﺎ ﻫﻲ ﺍﻟﻤﻘﻴﺎﺱ
ﻭﺍﻟﺒﺮﻣﺶ ﺳﺎﺍﺍﺍﻱ ﻫﻮ ﺍﻟﺒﺨﺴﺮ
ﻭﺃﺗﺤﺪﺍﻙ ﺑﻲ ﺷﻮﻗﻲ
ﻭﻛﺖ ﻳﺘﺠﻠﻲ ﻟﻴﻚ ﻳﻈﻬﺮ
ﺑﺒﻴﻦ ﺷﻮﻗﻚ ﺃﻣﺎﻡ ﺷﻮﻗﻲ
ﺗﻔﻮﺕ ﺍﻟﻔﺮﻗﻪ ﺗﺘﺤﺴﺮ
ﻭﻧﺒﻘﻲ ﺩﺭﻭﻥ ﻧﺸﻴﻞ ﺍﻟﻜﺎﺱ
ﻭﻧﺘﺒﺨﺘﺮﻧﻐﻨﻲ ﺍﻟﻔﺮﺣﻪ ﺃﻏﻠﻲ ﻧﺸﻴﺪ
ﻭﻧﺪﻱ ﺍﻟﻬﻢ ﻛﺮﺕ ﺍﺣﻤﺮ
ﻭﻧﺪﻱ ﺍﻟﻬﻢ ﻛﺮﺕ ﺍﺣﻤﺮ