ﻋﺸﺎﻥ ﻓﻲ ﺍﻟﻨﻮﻡ ﺧﻴﺎﻟﻚ ﺩﺍﻳﺮ ﺍﺣﺎﻭﻝ ﺍﻟﻨﻮﻡ
ﻳﺎ ﺍﻟﻮﺣﻴﺪ ﻓﻲ ﺍﻟﺪﻧﻴﺎ ﺷﺎﻏﻞ ﺍﻟﻨﺎﺱ ﺟﻤﺎﻟﻚ ﺩﺍﻳﺮ ﺍﺣﺎﻭﻝ ﺍﻟﻨﻮﻡ
ﺍﻟﺠﺪﻝ ﻓﻲ ﺍﻟﻮﺍﺩﻱ ﻣﺤﺘﺎﺭ ﻓﻲ ﺩﻻﻟﻚ ﺩﺍﻳﺮ ﺍﺣﺎﻭﻝ ﺍﻟﻨﻮﻡ
ﺍﻟﻘﻤﺮ ﻓﻲ ﻋﻼﻫﻮ ﺩﻧﻘﺮ ﻭ ﺍﺳﺘﺤﻰ ﻟﻚ ﺩﺍﻳﺮ ﺍﺣﺎﻭﻝ ﺍﻟﻨﻮﻡ

ﻏﻴﻢ ﺍﻟﻮﺩﺍﺩ
ﻧﺰﻝ ﻏﻴﻢ ﺍﻟﻮﺩﺍﺩ ﺻﺒﺎ **** ﻏﻤﺮ ﻭﺩﻳﺎﻥ ﻏﻨﺎﻱ ﻋﺒﺎ
ﺳﺮﻯ ﺍﻟﻔﺮﺡ ﺍﻟﺤﻨﻴﻦ ﺗﺒﺎ **** ﺣﻀﺮ ﻭﻓﺪ ﺍﻟﻮﻟﻒ ﺳﺎﻳﻖ ﺑﺸﺎﺷﺎﺕ ﺍﻟﻤﻄﺮ ﻟﺒﻰ
ﺗﻌﺎﻝ ﻳﺎ ﺍﻟﻌﻤﺮﻭ ﻣﺎ ﻏﺒﺎ **** ﺗﻌﺎﻝ ﺍﻧﺎ ﻭﺍﻧﺖ ﻓﻲ ﻋﻴﻨﻴﻚ ﻣﻦ ﻋﻴﻨﻴﻚ ﻧﺘﺨﺒﻰ
ﺗﻌﺎﻝ ﺍﺷﻮﺍﻗﻲ ﻣﺎ ﻗﺪﺭﺕ ﺗﻘﺎﻭﻡ ﻧﺴﻤﻚ ﺍﻟﻬﺒﺎ
ﻛﺎﻥ ﺟﻴﺘﻚ ﺗﻜﻮﻥ ﺍﺭﻭﻉ ﺯﻣﻦ ﺩﺍﺑﻮ ﺍﻟﺤﺮﻑ ﺗﺒﺎ
ﺯﺍﻫﻴﺔ ﺍﻟﺪﻧﻴﺎ ﺑﺎﻻﻓﺮﺍﺡ ﻟﺴﺔ ﺍﺳﺎﻱ ﻣﺎ ﺗﺒﺎ
ﻭﻛﻨﺖ ﺩﺧﺮﺗﻠﻚ ﻏﻨﻮﺍﺕ ﻋﺸﺎﻥ ﺍﺣﻼﻣﻨﺎ ﺗﺘﺮﺑﻰ
ﻛﻔﺎﻙ ﻃﻮﻝ ﺍﻻﻣﻞ ﻳﺎ ﻟﻴﻞ **** ﺍﺧﻴﺮ ﺗﺪﻳﻨﻲ ﺑﺎﻗﻲ ﺍﻟﺤﻴﻞ
ﻗﺒﻞ ﻳﺠﺮﻑ ﻫﻮﺍﻱ ﺍﻟﺴﻴﻞ **** ﻭﺍﻟﻢ ﻓﻲ ﺍﻟﻌﻤﺮﻭ ﻣﺎ ﻏﺒﻰ
ﻣﻌﺎﻙ ﺑﺒﻨﻲ ﺍﻟﻤﺸﺎﻋﺮ ﺑﻴﺖ **** ﻣﻌﺎﻙ ﺑﺤﻠﻒ ﺑﻘﻮﻝ ﻏﻨﻴﺖ
ﻭﻻ ﺑﻘﺪﻝ ﺑﻘﻮﻝ ﻳﺎ ﻟﻴﺖ **** ﻭﻻ ﺑﺎﻟﺠﺎﻱ ﻧﺘﻨﺒﻰ
ﻧﺰﻝ ﻏﻴﻢ ﺍﻟﻮﺩﺍﺩ ﺻﺒﺎ **** ﻏﻤﺮ ﻭﺩﻳﺎﻥ ﻏﻨﺎﻱ ﻋﺒﺎ
ﺳﺮﻯ ﺍﻟﻔﺮﺡ ﺍﻟﺤﻨﻴﻦ ﺗﺒﺎ **** ﺣﻀﺮ ﻭﻓﺪ ﺍﻟﻮﻟﻒ ﺳﺎﻳﻖ ﺑﺸﺎﺷﺎﺕ ﺍﻟﻤﻄﺮ ﻟﺒﻰ
ﻭﻛﺎﻥ ﺣﺒﻞ ﺍﻟﻌﻤﺮ ﺳﺎﻛﻦ **** ﻗﺴﻴﻤﺔ ﺯﻭﻟﺔ ﺗﺘﺤﺒﻰ

ﺑﺮﻏﻢ ﻗﺴﺎﻭﺓ ﺍﻻﻳﺎﻡ ﻭﺍﻟﺰﻣﻦ ﺍﻟﺼﺒﺢ ﺍﻏﺒﺮ
ﻟﻘﻴﺘﻚ ﻓﻰ ﻣﺴﺎﺭ ﺍﻟﻠﻴﻞ ﺟﺮﻳﺤﺔ ﺧﻄﺎﻙ ﺗﺘﻌﺜﺮ
ﺗﻠﻤﻠﻤﻰ ﻣﺎﺿﻰ ﺫﻛﺮﺍﻧﺎ ﻣﻦ ﻓﺠﺮ ﺍﻟﺪﺟﻰ ﺍﻻﺳﻔﺮ
ﺑﺘﺰﺭﻋﻰ ﺑﺬﺭﺓ ﺍﻻﻣﺎﻝ ﻋﻠﻰ ﺩﺭﺏ ﺍﻟﻬﻮﻯ ﺍﻻﺧﻀﺮ
ﺑﻠﻴﻠﻰ ﻣﺠﺮﺟﺮﻯ ﺍﻟﻠﻮﺑﻰ ﻣﻘﺎﻟﺪﻯ ﺳﺒﺎﻳﺐ ﺍﻟﻘﻨﻘﺮ
ﻟﻘﻴﺘﻚ ﻏﻨﻮﺓ ﻓﻰ ﺍﻟﺨﺮﻃﻮﻡ ﻋﺎﺟﻰ ﺻﺪﺍﻫﺎ ﻓﻰ ﺍﻟﺒﻨﺪﺭ
ﺷﺪﻫﻨﻰ ﺧﻴﺎﻟﻚ ﺍﻟﻤﺼﻠﻮﺏ ﻋﻠﻰ ﻋﺠﻞ ﺍﻟﺰﻣﻦ ﻣﺠﺒﺮ
ﺭﺟﻌﺖ ﺣﺴﺐ ﺳﻨﻴﻦ ﻋﻤﺮﻙ ﻟﻘﻴﺘﻦ ﻭﺍﻟﻀﻴﺎﻉ ﺍﻛﺘﺮ
ﺗﺮﺍﻧﻴﻢ ﺣﺮﻓﻚ ﺍﻟﻤﻨﻘﻮﺵ ﻋﻠﻰ ﻭﺗﺮ ﺍﻟﻐﻨﺎ ﺍﺗﺒﻌﺜﺮ
ﻟﻘﻴﺘﻚ ﺑﺤﺔ ﺍﻟﺪﻭﺑﻴﺖ ﻣﺠﻠﻮﻟﺔ ﺑﻴﻦ ﻗﻮﺍﻓﻰ ﺍﻟﻨﻢ
ﻣﻤﺮﺟﺤﺔ ﻓﻰ ﺻﺪﻯ ﺍﻻﺣﺰﺍﻥ ﻃﻠﻴﻘﺔ ﻟﺴﺎﻧﻚ ﺍﺗﻠﻌﺜﻢ
ﻓﺘﻘﺔ ﺗﻮﺑﻚ ﺍﻟﻤﺤﺘﺎﺭ ﻣﺸﺪﻗﺔ ﺑﻰ ﺧﻴﻮﻁ ﺍﻟﻬﻢ
ﺑﺘﺸﺮﺑﻰ ﻣﻦ ﺻﻤﻴﻢ ﻣﻬﺠﻮﺭ ﺑﺮﻏﻢ ﻣﻨﺎﺑﻊ ﺍﻟﻜﻮﺛﺮ
ﻟﻘﻴﺘﻚ ﻣﺴﺒﺮ ﺍﻻﻫﺎﺕ ﺗﻀﻤﺪﻯ ﻓﻰ ﺟﺪﺍﺭ ﺍﻟﺮﻭﺡ
ﺗﺠﻔﻔﻰ ﺑﺮﻛﺔ ﺍﻻﺣﺰﺍﻥ ﻣﻦ ﻋﻤﻖ ﺍﻻﺳﻰ ﺍﻟﻤﺠﺮﻭﺡ
ﻣﻼﻣﺢ ﻭﺟﻬﻚ ﺍﻟﻀﻮﺍﻯ ﻣﻮﺩﺭﺓ ﺑﻴﻦ ﻣﻌﺎﻟﻤﻮ ﻃﻤﻮﺡ
ﻃﻤﻮﺡ ﻣﻄﻤﻮﺳﺔ ﻓﻰ ﺍﻻﺣﺰﺍﻥ ﻣﺸﺎﺩﻗﻰ ﻭﺟﻴﻬﻚ ﺍﻟﺒﻬﺮ
ﻟﻘﻴﺘﻚ ﻭﺩﻋﺔ ﻣﺤﺘﺎﺭﺓ ﻣﻜﻨﺘﻠﺔ ﻓﻰ ﻋﺒﻞ ﺩﺭﻭﻳﺶ
ﺗﻬﺰ ﺍﻋﺼﺎﺑﻚ ﺍﻟﻨﻮﺑﺔ ﻣﺨﺮﺑﺸﻚ ﺍﻟﺰﻣﻦ ﺧﺮﺑﻴﺶ
ﺑﺮﻏﻢ ﺟﻨﺎﺣﻚ ﺍﻟﻤﻜﺴﻮﺭ ﺗﻄﻴﺮﻯ ﺍﻥ ﻛﺎﻥ ﻟﻘﻴﺘﻰ ﺍﻟﺮﻳﺶ
ﺍﻻ ﻣﺸﺎﻧﻖ ﺍﻻﻳﺎﻡ ﺩﻭﺍﻟﻴﺐ ﻻﻓﻲ ﻓﻲ ﻣﺤﻮﺭ

ﺍﻟﻌﻴﻮﻥ ﻣﻤﻜﻦ ﺗﻔﺎﺭﻕ،،،
ﻭ ﺍﻟﻘﻠﺐ ﺑﻲ ﺣﺮﻗﻪ ﻳﺎﺑﺎ
ﺯﻱ ﻳﺘﻴﻢ ﻳﻮﻡ ﺍﻣﻮ ﺗﺮﺣﻞ،،،
ﺗﻠﻘﻰ ﺑﻲ ﺍﻳﺪﻳﻬﻮ ﺷﺎﺑﺎ
ﻭ ﻋﺎﺭﻑ ﺍﻧﻮ ﺍﻟﺮﺣﻠﺔ ﺃﺑﺪﻱ،،
ﺇﻻ ﻋﻘﻠﻮ ﺍﻟﻜﺎﻥ ﺗﻐﺎﺑﺎ
ﺍﻟﻔﺮﺍﻕ ﻣﻜﺘﻮﺏ ﻋﻠﻴﻨﺎ،،،
ﻭ ﺍﻟﻘﻠﻮﺏ ﻗﺒﻠﺖ ﻣﺼﺎﺑﺎ
ﻣﺎ ﺍﻇﻦ ﺍﻟﺬﻛﺮﻯ ﺗﻨﻔﻊ،،،
ﻭ ﻗﻠﺒﻚ ﺍﻷﺷﻮﺍﻕ ﻣﺸﺎﺑﺎ
ﺍﻟﺒﻴﻨﺠﻊ ﻣﺎ ﺑﻴﺮﺟﻊ،،،
ﺇﻻ ﻓﻲ ﺳﻄﺮ ﺍﻟﻜﺘﺎﺑﻪ

ﺃﻣﻄﺎﺭ ﻟﻘﺎﻙ ﺑﺘﺼﺐ ﻣﺘﻴﻦ؟
ﺻﻴﻒ ﺍﻟﻔﺮﺍﻕ ﻃﻮﻭﻝ ﻋﻠﻲ
ﻋﺎﻳﺶ ﻣﺄﻣﻞ ﻣﻦ ﺳﻨﻴﻦ
ﻧﺮﺟﻊ ﻧﻌﺎﻭﺩ ﻛﻞ ﺷﻲ
ﻣﺎﺷﻔﺖ ﻛﻴﻒ ﺣﺎﻝ ﺍﻟﻘﻠﺐ
ﻣﺠﺮﻭﻭﺡ ﻣﻄﺒﻖ ﻓﻴﻪ ﻛﻲ
ﻭﻣﺎﺷﻔﺖ ﻛﻴﻒ ﺣﺎﻝ ﺍﻟﻌﻴﻮﻥ
ﻳﺎﻣﺎ ﻭﻛﺎﺑﻪ ﺳﺎﻳﻠﺔ ﺭﻱ
ﻭﺇﻧﺖ ﻣﺎﻧﺎﻭﻱ ﺍﻟﺮﺟﻮﻉ
ﺗﺨﻤﺪ ﻟﻬﻴﺐ ﺷﺎﻭﻳﻨﻲ ﺷﻲ
ﻧﺎﺳﻲ ﺍﻟﻌﻬﻮﺩ ﺍﻟﺒﻴﻨﺎ ﺩﻳﻚ
ﻧﺎﺳﻲ ﺍﻟﻜﻼﻡ ﺍﻟﻘﻠﺘﻮ ﻟﻲ
ﺇﻧﻚ ﺣﺒﻴﺐ ﻣﻬﻤﺎ ﺍﻟﻈﺮﻭﻑ
ﺗﻄﻮﻱ ﺍﻟﻮﺻﺎﻝ ﺍﻟﺒﻴﻨﺎ ﻃﻲ
ﻳﺎﻏﺎﻟﻲ ﻫﻞ ﺣﺎﻓﻆ ﺍﻟﻌﻬﻮﺩ
ﻭﻻ ﺍﻟﻜﻼﻡ ﻓﻲ ﺃﺻﻠﻮ ﻧﻲ
ﻣﺎ ﺇﻧﺖ ﻏﺎﻳﺐ ﻟﻴﻚ ﻋﺬﺭ
ﺑﻴﻨﺎﺗﻨﺎ ﻛﻢ ﺑﻠﺪﺍﻥ ﻭﺻﻲ
ﻟﻜﻨﻲ ﺑﺲ ﺭﺍﺟﻲ ﺍﻟﺮﺩﻭﺩ
ﺩﻩ ﺍﻟﻔﻴﺲ ﺑﻴﺠﻤﻊ ﻛﻞ ﺣﻲ
ﻣﺎﻧﺤﻨﺎ ﻣﺎﻓﻲ ﻋﻬﺪ ﻧﻮﺡ
ﻻﻓﻲ ﻗﺮﻳﺶ ﻭﺃﻳﺎﻡ ﻗﺼﻲ
ﻻﻋﺸﻨﺎ ﻓﻲ ﻋﻬﺪ ﺍﻟﻬﺒﻞ
ﻻﺷﻔﻨﺎ ﺣﺎﺗﻢ ﻭﺯﺭﻧﺎ ﻃﻲ
ﻣﺎﻧﺤﻨﺎ ﻓﻲ ﻋﺎﻟﻢ ﺻﺒﺢ
ﺭﻏﻢ ﺍﻟﺒﻌﺪ ﻳﺎﻏﺎﻟﻲ ﺣﻲ

ﺍﻟﺒﻌﺰﻙ ﻣﺎﺑﺴﻴﺒﻚ
ﻻ ﺑﺒﺪﻝ ﺯﻭﻝ ﻣﻜﺎﻧﻚ
ﻭﺍﻟﺒﺮﻳﺪﻙ ﺑﻲ ﻋﻴﻮﺑﻚ
ﻳﺒﻘﻲ ﻳﺴﺘﺎﻫﻞ ﺣﻨﺎﻧﻚ
ﻭﺍﻟﺒﻌﺰﻙ ﻣﻬﻤﺎ ﺗﻐﻠﻂ
ﺟﺪ ﺑﻜﻮﺱ ﺍﻋﺬﺍﺭ ﻋﺸﺎﻧﻚ
ﻭﺍﻟﻠﻲ ﻗﺎﺻﺪ ﺍﻧﻮ ﻳﺒﻌﺪ
ﻗﺒﻞ ﺗﻐﻠﻂ ﺗﻠﻘﻲ ﺧﺎﻧﻚ
ﻭﺍﻟﺒﺨﻮﻥ ﻓﻲ ﻳﻮﻡ ﺍﻣﺎﻧﻚ
ﻣﺎﺑﻴﺴﺘﺎﻫﻞ ﺣﻨﺎﻧﻚ
ﻭﺍﻟﻠﻲ ﻣﺎﺑﺪﻳﻚ ﺯﻣﺎﻧﻮ
ﻣﺎﺑﻴﺴﺘﺎﻫﻞ ﺯﻣﺎﻧﻚ
ﻭﺍﻟﺒﻌﺰﻙ ﻣﺎﺑﺴﻴﺒﻚ
ﺑﺎﻟﺤﻨﺎﻥ ﻳﻐﻤﺮ ﻋﻴﻨﻴﻚ
ﻭﺍﻟﺴﻌﺎﺩﻩ ﺗﻜﻮﻥ ﻣﻨﺎﻟﻚ
ﺍﻟﺒﺮﻳﺪﻙ ﻣﺎﺑﻔﻮﺗﻚ
ﻣﻬﻤﺎ ﺟﺎﺭ ﻋﻠﻴﻬﻮ ﺯﻣﺎﻧﻚ
ﺗﻠﻘﻲ ﺑﺘﺤﻤﻞ ﺩﻻﻟﻚ
ﻭﺟﻮﻩ ﻓﻲ ﻋﻴﻨﻬﻮ ﻣﻜﺎﻧﻚ
ﻭﺍﻟﺒﻌﺰﻙ ﻣﺎﺑﺴﻴﺒﻚ

ﺍﻟﻈﺮﻭﻑ ﻣﺮﺍﺕ ﺑﺘﻘﺴﻲ
ﻭﺗﺤﺮﻣﻚ ﻣﻦ ﺍﻣﻨﻴﺎﺗﻚ
ﻭﺍﻟﻈﺮﻭﻑ ﻫﻲ ﺫﺍﺗﻪ ﺣﻜﻤﻪ
ﺟﺎﻳﻪ ﻣﻦ ﺭﺑﻚ ﻭﺣﺎﺗﻚ
ﺍﺑﻘﻲ ﻭﺍﻋﻲ ﻭﺍﺭﺿﻲ ﺑﻴﻬﺎ
ﻭﻣﺎ ﺗﻘﻮﻝ ﺍﻟﺮﺯﻕ ﻓﺎﺗﻚ
ﻣﺎﻓﻲ ﺯﻭﻝ ﺑﻴﻔﻮﺕ ﻗﺴﻤﺘﻮ
ﺍﺭﺿﻲ ﺑﺎﻟﻤﻜﺘﻮﻭﺑﻪ ﺟﺎﺗﻚ
ﻭﺍﻟﻌﻤﺮ ﻳﺎ ﺯﻭﻝ ﻣﺴﻄﺮ
ﻣﺎ ﺑﺘﻌﺮﻑ ﻛﻢ ﺣﻴﺎﺗﻚ
ﺍﺑﻘﻲ ﻋﺎﺋﺶ ﺿﻴﻒ ﻣﻜﺮﻡ
ﻭﺍﺑﻘﻲ ﺟﺎﻫﺰ ﺣﻴﻦ ﻣﻤﺎﺗﻚ
ﻭﺍﻟﻌﻤﺮ ﻣﺎ ﺩﺍﻡ ﻫﻮ ﻟﺴﻪ
ﺗﺎﻧﻲ ﺟﺪﺩ ﺍﻣﻨﻴﺎﺗﻚ
ﻭﺍﺑﻘﻲ ﻣﻦ ﺍﻟﻤﻮﻟﻲ ﺍﻗﺮﺏ
ﻭﻣﺮﻩ ﺍﻋﺮﻑ ﻭﺍﺟﺒﺎﺗﻚ
ﻳﺎﺧﻲ ﻋﻮﻭﺩ ﻣﺮﻩ ﻧﻔﺴﻚ
ﺍﻧﻮ ﻣﺎ ﺗﻔﻮﺕ ﺻﻼﺗﻚ
ﻳﻮﻡ ﺭﺣﻴﻠﻚ ﺗﺒﻘﻲ ﺯﺍﺩﻙ
ﻭﻫﻲ ﺍﻟﺒﺘﻨﻔﻊ ﻳﻮﻡ ﻭﻓﺎﺗﻚ
ﻭﻟﻤﺎ ﺗﻐﻠﻂ ﺗﻮﺏ ﻭﺳﺎﻣﺢ
ﺭﺑﻲ ﺑﻐﻔﺮ ﺳﻴﺌﺎﺗﻚ
ﻭﻟﻤﺎ ﺗﻐﻠﻂ ﺗﻮﺏ ﻭﺳﺎﻣﺢ
ﺭﺑﻲ ﺑﻐﻔﺮ ﺳﻴﺌﺎﺗﻚ

ﺍﻟﻈﺮﻭﻑ ﻣﺮﺍﺕ ﺑﺘﻘﺴﻲ
ﻭﺗﺤﺮﻣﻚ ﻣﻦ ﺍﻣﻨﻴﺎﺗﻚ
ﻭﺍﻟﻈﺮﻭﻑ ﻫﻲ ﺫﺍﺗﻪ ﺣﻜﻤﻪ
ﺟﺎﻳﻪ ﻣﻦ ﺭﺑﻚ ﻭﺣﺎﺗﻚ
ﺍﺑﻘﻲ ﻭﺍﻋﻲ ﻭﺍﺭﺿﻲ ﺑﻴﻬﺎ
ﻭﻣﺎ ﺗﻘﻮﻝ ﺍﻟﺮﺯﻕ ﻓﺎﺗﻚ
ﻣﺎﻓﻲ ﺯﻭﻝ ﺑﻴﻔﻮﺕ ﻗﺴﻤﺘﻮ
ﺍﺭﺿﻲ ﺑﺎﻟﻤﻜﺘﻮﻭﺑﻪ ﺟﺎﺗﻚ
ﻭﺍﻟﻌﻤﺮ ﻳﺎ ﺯﻭﻝ ﻣﺴﻄﺮ
ﻣﺎ ﺑﺘﻌﺮﻑ ﻛﻢ ﺣﻴﺎﺗﻚ
ﺍﺑﻘﻲ ﻋﺎﺋﺶ ﺿﻴﻒ ﻣﻜﺮﻡ
ﻭﺍﺑﻘﻲ ﺟﺎﻫﺰ ﺣﻴﻦ ﻣﻤﺎﺗﻚ
ﻭﺍﻟﻌﻤﺮ ﻣﺎ ﺩﺍﻡ ﻫﻮ ﻟﺴﻪ
ﺗﺎﻧﻲ ﺟﺪﺩ ﺍﻣﻨﻴﺎﺗﻚ
ﻭﺍﺑﻘﻲ ﻣﻦ ﺍﻟﻤﻮﻟﻲ ﺍﻗﺮﺏ
ﻭﻣﺮﻩ ﺍﻋﺮﻑ ﻭﺍﺟﺒﺎﺗﻚ
ﻳﺎﺧﻲ ﻋﻮﻭﺩ ﻣﺮﻩ ﻧﻔﺴﻚ
ﺍﻧﻮ ﻣﺎ ﺗﻔﻮﺕ ﺻﻼﺗﻚ
ﻳﻮﻡ ﺭﺣﻴﻠﻚ ﺗﺒﻘﻲ ﺯﺍﺩﻙ
ﻭﻫﻲ ﺍﻟﺒﺘﻨﻔﻊ ﻳﻮﻡ ﻭﻓﺎﺗﻚ
ﻭﻟﻤﺎ ﺗﻐﻠﻂ ﺗﻮﺏ ﻭﺳﺎﻣﺢ
ﺭﺑﻲ ﺑﻐﻔﺮ ﺳﻴﺌﺎﺗﻚ
ﻭﻟﻤﺎ ﺗﻐﻠﻂ ﺗﻮﺏ ﻭﺳﺎﻣﺢ
ﺭﺑﻲ ﺑﻐﻔﺮ ﺳﻴﺌﺎﺗﻚ

ﺃﺻﺒﺤﺖ ﻣﻠﻴﺎﻧﺔ ﺍﺷﺘﻴﺎﻕ
ﻟﻴﻚ ﻳﻤﺔ ﻳﺎﻓﺮﺡ ﺍﻟﻌﻤﺮ
ﻣﻠﻴﺖ ﺧﻼﺹ ﻣﻦ ﺍﻟﻔﺮﺍﻕ
ﻣﻠﻴﺖ ﻣﻦ ﺍﻟﻐﺮﺑﺔ ﺍﻟﺟﻤﺮ
ﻣﺎﺑﻄﻴﻖ ﺗﺎﻧﻲ ﺍﻟﺒﻌﺎﺩ
ﻭﺍﻟﺜﺎﻧﻴﺔ ﺫﻱ ﻳﻮﻣﺂ ﺗﻤﺮ
ﺍﻟﺸﻮﻕ ﻣﻠﻚ ﻗﻠﺒﻲ ﺧﻼﺹ
ﺻﺤﺎﻧﻲ ﻳﻤﺔ ﻣﻊ ﺍﻟﻔﺠﺮ
ﺍﺻﻠﻮ ﺍﻟﺒﻌﺎﺩ ﺗﺐ ﻻﻳﻄﺎﻕ
ﺗﻮﻫﻨﻲ ﻳﻤﺔ ﻭﻃﻌﻤﻮ ﻣﺮ
ﻭﺍﻧﺎ ﺟﺎﻱ ﺑﺲ ﺍﻗﻌﺪ ﺣﺪﺍﻙ
ﻛﺎﻥ ﺍﺳﺘﺮﻳﺢ ﺑﺎﻗﻲ ﺍﻟﻌﻤﺮ
ﺍﺷﺘﻘﺖ ﻟﻠﻤﺔ ﺍﻟﻬﻨﺎﻙ
ﻭﻟﻲ ﻗﻬﻮﺗﻚ ﻋﻨﺪ ﺍﻟﻀﻬﺮ
ﺃﺷﺘﻘﺖ ﻟﻠﺒﻠﺪ ﺍﻟﺠﻮﺍﺍﻱ
ﻭﺟﻮﺍﻩ ﻃﻴﺒﺔ ﻭﻧﺎﺱ ﺳﻤﺮ
ﻣﻨﺎﻱ ﺑﺲ ﺃﻗﻌﺪ ﻣﻌﺎﻙ
ﻭﺗﻌﻴﺪﻱ ﻟﻲ ﺩﺭﺱ ﺍﻟﺼﺒﺮ
ﻋﺸﺎﻥ ﻓﺸﻠﺖ ﻑ ﺍﻟﺪﺭﻭﺱ
ﻭﺻﺒﺮﻱ ﻳﻤﺔ ﺑﻼﻙ ﻓﺘﺮ
ﺑﻘﻴﺖ ﺍﺗﺎﺑﻊ ﻓﻲ ﻟﻠﺸﻘﺎﺀ
ﺍﻋﺰﻑ ﻟﻲ ﻓﻲ ﺃﺿﻌﻒ ﻭﺗﺮ
ﻭﺍﻟﻠﻪ ﻣﻠﻴﺎﻥ ﺍﺷﺘﻴﺎﻕ .
ﻟﻠﺤﻠﺔ ' ﻟﻠﻨﺎﺱ ' ﻟﻠﺸﺠﺮ
ﻣﺸﺘﺎﻕ ﺃﺟﻴﻚ ﻣﺸﺘﺎﻕ ﺍﻧﺎ
ﺷﻮﻕ ﻃﻴﻮﺭﺁ ﻟﻠﻮﻛﺮ
......
ﻭﺍﻟﻐﺮﺑﺔ ﻧﺎﺭﺁ ﻣﺤﺮﻗﺔ
ﻭﺍﻟﺒﻲ ﻟﻮﻳﻮﺻﻒ ﻛﺘﺮ
ﻭﺍﻟﻘﻠﺘﻮ ﺩﻩ ﻃﺮﻑ ﺍﻟﻜﻼﻡ
ﻭﺍﻟﺤﺎﺳﻲ ﻣﺎﺑﺼﻴﻐﻮ ﺍﻟﺸﻌﺮ

ﻟـﻮ ﻫـﺴـﻪ ﻣـﺎ ﻓــﺮﻗـﺖ ﻣـﻌـﺎﻛـ
ﺑــﺎﺃﺃﺃﻛــﺮ ﺑـﺘــﻔــﺮﻗـ ﻳــﺎﺟـﻤــﻴـﻞ
ﻟـﻤــﻦ ﺗـﺤـﺐ ﻭﺗﺸﻮﻓـ ﺳـﻮﺍﻱ
ﺍﻟـﻔــﺮﻗـ ﺑــﻈـﻬــﺮ ﻟـﻴـﻜـ ﻋـﺪﻳـﻞ
ﺍﻧــﻮ ﺍﻟــﻘـﻠـﻴـﺐ ﺍﻟـﺴـﺒـﺘﻮ ﺩﺍﻛـ
ﻣـﺎﺃﻇـﻦ ﺣﺘﻠﻘﻰ ﺳﻮﺍﻫـ ﺑﺪﻳﻞ
ﺑـﺎﻛــﺮ ﺣـﺘــﻔــﺮﻗـ ﺟــﺪ ﻣـﻌــﺎﻛـ
ﻟــﻤـﻦ ﺑــﺮﺍﺍﺍﻛـ ﺗـﻄـﺮﺍﻧــﻲ ﻟـﻴﻞ
ﺗـﺘــﺰﻛــﺮ ﺍﻳــﺎﻣـــﻲ ﺍﻟـــﺰﻣــــﺎﻥ
ﻭﻳﺠـﻴﻜﺎ ﻃﻴﻔـ ﺣـﺒـﻲ ﺍﻟﺠﻤـﻴﻞ
ﻣــﺎﻓــﺎﺍﺭﻗــﻪ ﻳــﺎﺍﺥ !! ؟؟
ﻭﺍﻟﻠﻪ ﻓـــﺎﺍﺍﺭﻗــﻪ ﻣـــﻌـﺎﻱ ﺍﻧـــﺎ
ﻛـﻞ ﺍﻻﺣـﺎﺳــﻴـﺴـ ﺍﻟـﻘـﺒـﻴـﻞ
ﻛﺘـٌـﺮﺕ ﺣﻨﺎﻧﻲ ﺍﻟﺸـﻠﺘﻮ ﻟﻴﻜـ
ﻗـﻴـﻠـﺘـﻮ ﻓـﻲ ﻗـﻠـﺒـﻜـ ﻣـﻘـﻴـﻞ
ﻭﺭﺟــﻴــﺘـﺎ ﻋــﻮﺩﺗــﻜـ ﻣﻦ ﺑﻌﻴﺪ
ﻭﺍﻧﺎ ﺷﻮﻗﻲ ﻟﻴﻜـ ﻓﻴﻀﺎﻥ ﻭﺳﻴﻞ
ﻟـﻜﻦ ﻃـﻠــﻌـﺘـﺎ ﺭﺟﻴﺖ ﺳﺮﺍﺏ
ﻭﺍﻟــﻜـﻠـﻤـﻪ ﺩﻳــﻜـ ﺍﻛـﺒـﺮ ﺩﻟـﻴﻞ
ﻣـﺎﻓــﺎﺍﺍﺭﻗــﻪ ﻳـــﺎﺍﺥ !! ؟
ﻣــﺼـﺪﻭﻣﻪ ﻓـﻴﻜـ ﻛﻞ ﺍﻟﺤﻮﺍﺱ
ﻭﺍﺍﺍ ﺧــﻴـﺒـﻪ ﺍﻻﻣــﻞ ﺍﻟـﺘـﻘـﻴـﻞ
ﻭﺍﺍﺍ ﺣﺮﻗــﻪ ﺍﻟـﺤﺸﺎ ﻭﺍﻟـﻘﻠﻴﺐ
ﻭﺍﺍﺍ ﺭﺣـﻠـﻪ ﺍﻻﺳــﻔـ ﺍﻟـﻄـﻮﻳـﻞ
ﻳــﺎﺿـﺮﺑـﻪ ﻛــﺎﻧــﺖ ﻣــﻮﺟـﻌـﻪ
ﻗـﺴﻤـﺖ ﻇـﻬـﺮ ﺣﺒﻲ ﺍﻟﻨﺒﻴﻞ
ﻳـﺎﺯﻛــﺮﻱ ﻣـﺎ ﺣــﺘــﺮﻭﺡ ﻗـﻮﺍﻣـ
ﻟـﺴـﻪ ﺍﻟـﻘﻠـﻴﺐ ﺭﺍﺟـﻴـﻬﻮ ﻭﻳﻞ
ﻣـﺎ ﻓــﺎﺍﺍﺭﻗــﻪ ﻳــﺎﺍﺥ !! ؟
ﻭﺍﻟﻠﻪ ﻟـﻴـﻜـ ﺷـﻜــﺮﺃ ﺟـﺰﻳـﻴﻴﻞ