ﻳﺎﺿﻮ ﺷﺒﺎﺑﻴﻚ ﺍﻟﺒﻴﻮﺕ ﻳﺤﻰ ﻓﻀﻞ ﺍﻟﻠﻪ ﻳﺎ ﺿﻮﺀ ﺷﺒﺎﺑﻴﻚ ﺍﻟﺒﻴﻮﺕ ﺑﻴﻦ ﺍﻟﺘﻮﻫﺞ
..
ﻭ ﺍﻟﺨﻔﻮﻥ ﺑﺴﺮﺡ ﻣﻌﺎﻙ .. ﻭ ﺍﺳﺄﻟﻚ ﻗﺒﺎﻝ ﻣﺎ ﻳﺨﻨﻘﻨﺎ ﺍﻟﺮﻣﺎﺩ ... ﻭ ﻳﻌﻠﻢ
ﺍﻟﻌﻘﻞ ﺍﻟﺤﻴﺎﺩ
ﻗﺒّﺎﻝ ﻟﻬﺐ ﺣﻠﻤﻚ ﻳﻔﻮﺕ ﻭ ﺟﺬﻭﺗﻚ ﺗﺒﻬﺖ ... ﺗﻤﻮﺕ ﻳﺎ ﺿﻮﺀ ﺷﺒﺎﺑﻴﻚ ﺍﻟﺒﻴﻮﺕ
ﺑﺴﺮﺡ ﻣﻌﺎﻙ ..
ﻭﺃﺳﺘﻔﺴﺮﻙ ﻋﻦ ﻇﻠﻤﺔ ﺗﻤﺘﺪ ﻭ ﺗﻄﻮﻝ ﻭﺇﺗﻠﺨﺒﻄﺖ ﻓﻴﻬﺎ ﺍﻟﻔﺼﻮﻝ ﻋﻦ ﻛﻠﻤﺔ
ﺿﺎﻋﺖ ﻓﻲ ﺍﻟﻔﺮﺍﻍ
ﺑﻴﻦ ﺍﻟﺒﺰﻳِّﻒ ﻭ ﺍﻟﺒﻘﻮﻝ ﻋﻦ ﺳﺮ ﻳﺒﺎﺱ ﺍﻟﺒﺬﺭﺓ .. ﻓﻲ ﻃﻴﻦ ﺍﻟﺤﻘﻮﻝ ﻋﻦ
ﺿﺤﻜﺔ ﺃﺣﻼﻡ ﺍﻟﺼﻐﺎﺭ ﺍﻟﻤﺎ ﻟﻘﺖ ... ﻏﻴﺮ ﺍﻟﺬﺑﻮﻝ

ﺍﺩﻓﻘﻰ
ﻣﺎﺗﻜﻮﻧﻰ ﺭﻗﺮﺍﻕ
ﺍﺑﻘﻰ ﻳﺎﺿﻞ ﻳﺎﺷﻤﻮﺱ
ﻏﻄﻰ ﺍﻟﻤﺴﺎﺣﺎﺕ ﺑﺎﻟﻮﺿﻮﺡ
ﺍﺳﺘﻨﻬﻀﻰ ﺍﻟﺸﻮﻕ ﺍﻟﺠﻠﻮﺱ
ﻭﻫﺠﻚ ﺷﻮﺍﺭﻉ ﺫﺍﺗﻰ ﻓﻰ ﻟﻴﻞ ﺍﻟﻴﺒﺎﺏ
ﻣﺎﺗﺨﺎﻓﻰ ﻣﻦ ﺩﻡ ﺍﻟﻐﺮﻭﺏ
ﻟﻮ ﺭﺗﺶ ﺍﻟﻠﻮﺣﺔ ﺍﻟﻀﺒﺎﺏ
ﻣﺎﺩﺍﻡ ﺿﻤﻴﺮﻧﺎ ﺍﻟﻔﻴﻨﺎ ﺣﻰ
ﻣﺎﺩﺍﻡ ﻋﺮﻳﻖ ﺍﻟﻌﺸﻖ ﺣﻰ
ﻣﻠﺤﻮﻗﺔ ﻳﺎﻣﺪﻥ ﺍﻟﺴﺮﺍﺏ
ﻣﺎﺗﺸﻔﻘﻰ
ﺍﻟﻌﻄﺶ ﺍﻟﺮﺣﻴﻞ
ﺍﻟﻨﻴﻞ ﺭﻛﻴﺰ
ﻭﺩﻣﻌﺔ ﺍﻻﺣﺒﺎﺏ ﺳﺤﺎﺏ
ﺍﺩﻓﻘﻰ
ﻓﻴﻀﺎﻥ ﻋﻤﺎﺭ
ﺍﺗﺮﺑﻌﻰ ﻭﻓﺠﻰ ﺍﻟﻮﺟﻊ
ﺩﻣﻊ ﺍﻻﻻﻡ ..... ﻣﺎﻳﺪﻓﻘﻚ
ﻣﺎﺧﺎﺏ ﻏﻨﺎﻙ
ﻓﺎﺭﺳﻚ ﺭﺟﻊ
ﺍﺗﻮﻫﺠﻰ ﻭﺍﻧﺘﻰ ﺍﻟﺸﻤﺲ
ﺍﺗﻠﻬﺠﻰ ﻭﻧﻮﺭﻙ ﺳﻄﻊ
ﻧﻮﺭ ﺑﻮﺍﺩﻳﻨﺎ ﺍﻟﻜﺴﺎﺡ
ﻻﻗﺼﺖ ﻣﺰﺍﻣﻴﺮ ﺍﻟﺼﺒﺎﺡ
ﻣﺒﻜﻴﺔ ﻗﺮﻳﺔ ﻭﻗﻨﺒﻠﺔ
ﻣﺘﻜﻴﺔ ﺩﻣﻌﺔ ﻭﺳﻨﺒﻠﺔ
ﺍﻟﻠﻴﻠﺔ ﻓﻰ ﺍﻳﺪﻧﺎ ﺍﻟﺴﻼﺡ
ﺭﻳﺸﺔ ﻭﻛﺪﻧﻜﺔ ﻭﻣﻄﺮﻗﺔ
ﻧﺒﻨﻴﻜﻰ ﺍﺣﺴﻦ ﻳﺎﻇﺮﻭﻑ
ﻣﺨﻀﺮﺓ ﺩﺍﻧﻴﺔ ﺍﻟﻘﻄﻮﻑ
ﻧﻄﻮﻯ ﺍﻟﻤﺴﺎﻓﺎﺕ ﻧﺴﺒﻘﺎ
ﺍﺩﻓﻘﻰ
ﺑﻠﺪﻙ ﻓﺪﺍﻙ
ﺍﺗﻮﻫﻄﻰ
ﻭﺭﻯ ﺍﻟﺒﻨﻴﺎﺕ ﺍﻟﻌﺪﻳﻞ
ﻣﺤﻤﻴﺔ ﺑﻰ ﻋﺮﻕ ﺍﻟﺘﺮﺍﺑﻠﺔ
ﻭﻧﻐﻤﺘﻚ ﻣﺴﻘﻴﺔ ﺑﺎﻟﺮﻳﺪ ﺍﻟﻌﺘﻴﻖ
ﺍﻧﻐﺎﻡ ﺭﺑﺎﺑﺘﻚ ﺗﺸﻴﻞ
ﻣﻌﺰﻭﻓﺔ ﺍﻟﺮﻳﺪ ﻭﺍﻟﺮﻓﻴﻖ
ﻣﺎﺗﺼﻐﺮﻯ
ﺗﻜﺒﺮ ﺍﻣﺎﻧﻰ ﺍﻟﺴﻨﺒﻠﺔ
ﻫﻰ ﺍﻛﺒﺮﻯ
ﺗﺼﻐﺮ ﻣﻌﺎﻧﻰ ﺍﻟﻘﻨﺒﻠﺔ
ﻣﺎﺗﺼﻐﺮﻯ
ﻣﺎﺗﺮﺟﻌﻰ ﺍﻟﺼﺪ ﻟﻠﻤﺪﺍﻳﻦ ﻭﺍﻟﻔﺮﻯ
ﺷﻴﻠﻰ ﺍﻟﺸﺤﻮﺏ ﻭﺍﻻﺻﻔﺮﺍﺭ
ﺍﺩﻯ ﺍﻟﺒﻮﻳﺘﺎﺕ ﻣﻨﻈﺮﺍ
ﺍﺩﻓﻘﻰ
ﻓﻰ ﻛﻞ ﺷﺎﺭﻉ ﻭﻛﻞ ﺑﻴﺖ
ﻓﻰ ﺭﻭﺍﺑﻴﻨﺎ ﺍﻟﻤﺤﻨﺔ
ﻭﻓﻰ ﺿﻤﺎﻳﺮﻧﺎ ﺍﻟﺴﻬﻮﻝ
ﺍﺩﻓﻘﻰ
ﻓﻰ ﻛﻞ ﺣﺘﺔ ﻭﻛﻞ ﺯﻭﻝ
ﺍﺑﻘﻰ ﺷﺎﻥ ﺗﺒﻘﻰ ﺍﻟﻔﺼﻮﻝ

ﺇﺻﻄﻔﻴﺖ ﺟﺮﺣﻚ
ﺩ. ﻃﻼﻝ ﺩﻓﻊ ﺍﻟﻠﻪ
ﻭﺇﺻﻄﻔﻴﺖ ﺟﺮﺣﻚ ﺑﺮﺍﻙ
ﻭﺗﺮ ﺇﻧﺘﺒﺎﻫﻚ ﻭﺍﻟﻨﻐﻢ
ﺿﻔﺔ ﺗﺰﺭﻉ ﻓﻰ ﺍﻟﺸﺮﻭﻕ
ﻭﺿﻔﺔ ﺑﺘﻘﺎﻭﻡ ﺍﻷﻟﻢ
ﺷﻤﻌﺔ ﺍﻷﻣﻞ ﺍﻟﺘﻬِﺪ ﻟﻴﻞ ﺍﻟﻜﻮﺍﺑﻴﺲ
ﺯﻣﻦ ﺍﻟﻮﺩﺍﺭ
ﺷﺎﻣﺨﺔ ﺑﺘﻌﺎﻧﺪ ﻓﻰ ﺻﺪﻯ ﺍﻟﻠﻴﻞ
ﺍﻟﻬﻴﺎﺝ ﺍﻹﺣﺘﻀﺎﺭ
ﺻﺎﺡ ﺇﻧﺘﺒﺎﻫﻚ ﻓﻰ ﺍﻟﺰﻣﻦ
ﻟﻤﺎ ﺃﺻﻄﻔﺎﻙ
ﻗﺪﺭ ﺍﻟﻌﺼﺎﻓﻴﺮ .. ﺍﻟﺮﺣﻴﻞ
ﻏﺪﺭ ﺍﻟﺸِﺒﺎﻙ ﺷﻮﻙ ﺍﻟﻤﺘﺎﻫﺎﺕ .. ﺍﻟﺪﻭﺍﺭ
ﺗﺤﺘﻚ ﻧﺴﻴﺞ ﺍﻟﻠﻴﻞ .. ﻃﻮﻳﻞ
ﺍﻷﻧﺎﺷﻴﺪ ﺍﻟﻤﺎﺧﺪﺓ ﻣﻦ ﺣِﺰﻡ ﺍﻟﺸﻌﺎﻉ
ﻧﺎﺭ ﺍﻟﺒﺪﺍﻳﺎﺕ ﺍﻟﺒﺘﻮﻝ
ﻟﻠﺴﺤﺎﺑﺎﺕ ﺍﻟﺘﻠﻮِّﺡ ﻗﻮﺱ ﻗﺰﺡ
ﺑُﺸْﺮَﺓ ﻫﻄﻮﻝ
ﻭﻟﻰ ﺿِﻴﺎ ﺍﻟﻘﻤﺮ ﺍﻟﻤﻘﺮّﺡ
ﺿﺪ ﻗﻮﺍﻧﻴﻦ ﺍﻷﻓﻮﻝ
ﻟﻴﻚ ﻳﺎ ﺁﺧﺮ ﺍﻟﺨﻴﻮﻝ
ﻓﺮﺱ ﺍﻟﺮِﻫﺎﻥ ﺍﻟﻤﺎ ﻛﺒﺎ
ﻭﻫﺞ ﺍﻟﺸﻤﻮﺱ ﺍﻹﺷﺘﻌﺎﻝ ..
ﻭﺇﻧﻜﺴﺎﺭ ﺍﻟﻤﺴﺘﺤﻴﻞ
ﺷﻘﻴﺘﻮ ﺑﻰ ﺳﻴﻞ ﺍﻟﺤﺮﻭﻑ
ﺍﻟﻄﺎﻟﻌﺔ ﺩﺍﺑﺎ ﻣﻦ ﺍﻟﺼﺪﻑ .. ﻣﺠﺮﻯ ﺍﻟﺒﺤﺮ
ﺗﻴﺎﺭﻭ ﻭﺍﻟﻤﻮﺝ ﺍﻟﺮﺟﻮﻉ
ﺃﺩﻳﺘﻮ ﺣﻴﻞ ﻣﺪّﻭ ﺍﻟﺰﻣﺎﻥ ﻛﺎﻥ ﺇﻧﺤﺴﺮ
ﻏﻴﺮﺕ ﻓﻰ ﺍﻟﺰﻣﻦ ﺍﻟﻤﻼﻣﺢ
ﻃﻌﻢ ﺍﻟﻜﻼﻡ .. ﻟﻮﻥ ﺍﻟﻐُﻨﺎ
ﻭﻃﺒﻊ ﺍﻟﺒﺬﻭﺭ .. ﻛﻴﻤﻴﺎ ﺍﻟﺘﺮﺍﺏ
ﻃﻘﺲ ﺍﻟﻤﻄﺮ
ﺻﺎﺡ ﺇﻧﺘﺒﺎﻫﻚ ﻓﻰ ﺍﻟﻤﻜﺎﻥ
ﺯﻫﻮ ﺍﻟﺴﻨﺎﺑﻞ ﺑﺎﻟﻘﻤﻮﺡ
ﻭﺇﺟﺘﺮﺍﺣﻚ ﻟﻰ ﻟﺴﺎﻥ ﻟﻐﺔ ﺍﻟﺠﻤﻮﺡ
ﻭﻛﺘﻴﻦ ﻳﺘﻮﻩ ﺑﻴﻦ ﺍﻟﺴﻜﺎﺕ
ﻭﺳﻴﻒ ﺍﻟﻘﻴﻮﺩ .. ﺍﻹﺭﺗﻬﺎﻥ
ﺷﻤﺲ ﺍﻟﺤﻘﻴﻘﺔ .. ﺍﻝ .. ﺁﻩ ..
ﺑﻘﺖ ﻣﻨﻔﻰ ﻭﻧﺰﻭﺡ
ﻭﺃﻗﺘﺒﺎﺳﻚ ﻟﻠﺼﺒﺮ ﻟﻐﺔ ﺍﻟﻴﻘﻴﻦ
ﺑﺈﻧﻘﺴﺎﻣﻚ ﻓﻰ ﺍﻟﺰﻣﻦ
ﻭﺇﻧﺼﻬﺎﺭﻙ
ﻭﺇﻗﺘﺴﺎﻡ ﺍﻵﻫﺔ ﺑﻴﻨﻚ ﻭﺍﻟﻤﺤﻦ
ﻭﺇﻧﺘﺼﺎﺭﻙ ﻟﻰ ﺻﺒﺎﺣﺎً ﺑﻜﺮﺓ ﻃﺎﻟﻊ
ﻣﻦ ﻣﺪﺍﺭﺍﺕ ﺍﻟﺼﻬﻴﻞ
ﻳﺎ ﺻﺒﺎﺣﻚ
ﻟﻤﺎ ﺗﻨﺪﺍﺡ ﺿﻔﺔ ﺟﺮﺍﺣﻚ .. ﺑﺎﻟﺸﺠﻦ
ﻭﺗﻘﻠِﺪ ﺍﻟﺰﻣﻦ ﺍﻟﻌﺪﻳﻞ
ﻳﺎ ﺟﺮﺍﺣﻚ
ﻟﻤﺎ ﺗﻔﺮﺩ ﻏﻴﻢ ﺟﻨﺎﺣﻚ
ﻓﻮﻕ ﻋﺬﺍﺑﺎﺕ ﺍﻟﻮﻃﻦ

ﺇﺫﺍ ﻋﺎﺩﺕ ﺑﻨﺎ ﺍﻷﻳﺎﻡ ﻟﻠﻤﺎﺿﻲ
ﻛﺘﺒﺖ ﻋﻠﻰ ﺛﻮﺍﻧﻰ ﺍﻟﻌﻤﺮ ﺷﻌﺮﺍ
ﻻ ﻳﺪﺍﻧﻴﻪ ..
ﻏﻨﺎﺀ ﺍﻟﻄﻴﺮ ﻭﻫﻤﺲ ﺍﻟﻤﺎﺀ ..
ﻭﻭﺷﻮﺷﺔ ﺍﻟﻀﻴﺎﺀ ﻓﻴﻪ
ﺇﺫﺍ ﻋﺎﺩﺕ ﺑﻰ ﺍﻷﻳﺎﻡ ﻳﻮﻣﺎ
ﺃﻳﻬﺎ ﺍﻷﺣﺒﺎﺏ
ﻭﻟﻮ ﻓﻰ ﺯﻭﺭﻕ ﻳﻤﻀﻰ
ﻋﻠﻰ ﺍﻟﺼﺤﺮﺍﺀ ﻋﺒﺮ ﺳﺮﺍﺏ
ﺃﻧﺎ ﻣﻼﺣﻪ ﺍﻟﻔﺮﺣﺎﻥ ..
ﻳﻄﺮﻕ ﻣﻐﻠﻖ ﺍﻷﺑﻮﺍﺏ
ﺃﺩﻕ .. ﻟﻴﺲ ﻳﻌﻨﻴﻨﻲ
ﻷﻧﻰ ﻗﺎﺩﻡ ﻣﻦ ﺣﺎﺿﺮ ﺍﻟﻠﺤﻈﺎﺕ ﻟﻠﻤﺎﺿﻲ
ﻭﺑﻰ ﺷﻮﻕ ﺳﻴﺸﻌﻞ ﺻﻤﺖ ﻫﺬﺍ ﺍﻟﺰﻭﺭﻕ ﺍﻟﻬﺎﺩﺉ
ﻓﻴﺪﻓﻌﻪ ﺇﻟﻰ ﺍﻟﻮﺍﺩﻯ ..
ﺇﻟﻰ ﺃﻓﻖ ﺃﻧﻴﻖ ﺍﻟﻨﺠﻢ ﺻﺪﺍﺡ ﺍﻟﺒﺴﺎﺗﻴﻦ
ﻭﺃﺷﺪﻭ ﺣﻴﻦ ﺗﺄﺗﻴﻨﻲ ..
ﻓﺘﺎﺓ ﻟﺪﻏﺔ ﺍﻟﻌﺼﻔﻮﺭ ﺃﻧﻔﺎﺱ ﺍﻟﺮﻳﺎﺣﻴﻦ
ﺑﻜﻔﻴﻬﺎ ﻭﻟﻰ ﻓﻰ ﻋﻤﻖ ﻫﺪﺑﻴﻬﺎ ..
ﺣﻜﺎﻳﺎﺕ ﻭﺃﺷﻌﺎﺭ
ﻭﻟﻰ ﻓﻰ ﺷﻌﺮﻫﺎ ﺍﻟﻤﻌﻄﺎﺭ .. ﺃﺧﺒﺎﺭ
ﺃﺫﺍ ﺳﺎﻟﺖ ﻋﻠﻰ ﻭﺩﻳﺎﻧﻬﺎ ﺍﻟﺨﻀﺮﺍﺀ ﺃﻣﻄﺎﺭ
ﺇﺫﺍ ﻋﺎﺩﺕ ﺑﻨﺎ ﺍﻷﻳﺎﻡ ﻟﻠﻤﺎﺿﻲ
ﻛﺘﺒﺖ ﻋﻠﻰ ﺛﻮﺍﻧﻰ ﺍﻟﻌﻤﺮ ﺷﻌﺮﺍ
ﻻ ﻳﺪﺍﻧﻴﻪ ..
ﻏﻨﺎﺀ ﺍﻟﻄﻴﺮ ﻭ ﻫﻤﺲ ﺍﻟﻤﺎﺀ ..
ﻭﻭﺷﻮﺷﺔ ﺍﻟﻀﻴﺎﺀ ﻓﻲ
ﺭﻛﺒﺖ ﺯﻭﺍﺭﻗﻲ ﻓﻴﻪ ﺃﺑﺤﺮﺕ
ﻓﻲ ﺷﻌﺮ ﻟﻬﺎ ﻣﺠﺪﻭﻝ
ﺟﻌﻠﺖ ﻣﺸﺎﻋﺮﻱ ﺟﻨﺪﻭﻝ

ﺯﻫﺮﺓ ﺑﺨﻴﻠﺔ
ﻣﺪﻧﻰ ﺍﻟﻨﺨﻠﻰ
ﻟﻮ ﻣﺘﻠﻰ ﻫﺪﺍﻙ ﺍﻟﺤﺰﻥ
ﺍﻭ ﻏﺎﺏ ﺣﺒﻴﺐ ﻋﻦ ﻣﻮﻋﺪﻙ
ﻟﻮ ﻋﺸﺖ ﺍﻓﺮﺍﺣﻚ ﺳﺮﺍﺏ
ﻭﺍﺑﺖ ﺍﻟﻈﺮﻭﻑ ﻣﺎ ﺗﺴﻌﺪﻙ
ﻛﺎﻥ ﻳﻮﻡ ﻋﺮﻓﺘﻰ ﺿﻨﻰ ﺍﻟﺠﺮﺡ
ﺟﻮﺍﻳﺎ ﻭﻛﺘﻴﻦ ﺍﻓﺘﻘﺪﻙ
ﻳﺎ ﺯﻫﺮﺓ ﺑﺨﻠﺖ ﺑﺎﻻﺭﻳﺞ
ﺍﻟﻠﻴﻠﺔ ﻣﺎﺕ ﻓﻴﻨﻰ ﺍﻻﺟﻴﺞ
ﻭﻓﺘﺮ ﺣﻨﻴﻨﻰ ﺍﻟﻜﺎﻥ ﺯﻣﺎﻥ
ﻋﻮﺩﺕ ﻛﺎﻟﻨﻮﻡ ﻓﻰ ﺍﻟﻌﻴﻮﻥ
ﻭﺳﻬﺮﺕ ﻣﺤﺰﻭﻥ ﻣﺎ ﺑﻨﻮﻡ
ﻟﻮ ﻟﻴﻠﻰ ﻣﻦ ﺑﻌﺪﻙ ﺣﺰﻳﻦ
ﺍﻟﻌﺸﺘﻮ ﺟﻨﺒﻚ ﻛﺎﻥ ﻫﻤﻮﻡ
ﻻ ﺑﻘﻴﺖ ﺍﻧﺎ ﺍﻟﺮﺍﺟﻰ ﺍﻟﺴﺮﺍﺏ
ﻻ ﺍﻟﺮﺍﻣﻯﺎﻣﻠﻮ ﻋﻠﻰ ﺍﻟﻐﻴﻮﻡ
ﺍﻟﻠﻴﻠﺔ ﻣﺎﺕ ﻓﻴﻨﻰ ﺍﻻﺟﻴﺞ
ﻭﻓﺘﺮ ﺣﻨﻴﻨﻰ ﺍﻟﻜﺎﻥ ﺯﻣﺎﻥ
ﻳﺎﻣﺎ ﺍﻟﺘﺮﻗﺐ ﻃﺎﻝ ﻭﺯﺍﺩ
ﻭﺍﻟﺰﺍﺩ ﻣﻮﺍﻋﻴﺪ ﻓﻰ ﺍﻟﺨﻴﺎﻝ
ﻭﺍﻟﻠﻴﻠﺔ ﻓﻰ ﺩﺭﺏ ﺍﻟﺴﻼﻣﺔ
ﻣﻦ ﺍﻻﺳﻰ ﻭﻟﻴﻞ ﺍﻟﻤﺤﺎﻝ
ﺍﺭﺗﺤﺖ ﻣﻦ ﺷﻮﻕ ﺍﻟﻐﻤﺎﻣﺔ
ﺍﻟﻴﺎﻣﺎ ﻋﺎﻧﺖ ﺍﺭﺗﺤﺎﻝ
ﺍﻟﻠﻴﻠﺔ ﻣﺎﺕ ﻓﻴﻨﻰ ﺍﻻﺟﻴﺞ
ﻭﻓﺘﺮ ﺣﻨﻴﻨﻰ ﺍﻟﻜﺎﻥ ﺯﻣﺎﻥ
ﺟﻴﺘﻚ ﻣﻌﺎﻯ ﺟﺎﻧﻰ ﺍﻟﺰﻣﺎﻥ
ﻛﻞ ﺍﻟﻤﺸﺎﻋﺮﻭﺍﻟﻤﻨﻰ
ﺗﻘﺪﺭ ﺗﺮﺟﻊ ﻟﻴﻚ ﺧﻄﺎﻯ
ﺍﻟﻌﺎﻳﺪﺓ ﻣﻦ ﺩﺭﺏ ﺍﻟﻀﻨﻰ
ﻻ ﺍﻟﺸﻮﻕ ﻓﺘﺮ ﻓﻰ ﻟﻴﻞ ﺍﺳﺎﻯ
ﻳﻘﺪﺭ ﻳﻌﻴﺪ ﻟﻴﻚ ﺍﻟﻬﻨﺎ
ﺍﻟﻠﻴﻠﺔ ﻣﺎﺕ ﻓﻴﻨﻰ ﺍﻻﺟﻴﺞ
ﻭﻓﺘﺮ ﺣﻨﻴﻨﻰ ﺍﻟﻜﺎﻥ ﺯﻣﺎﻥ

ﻓﻰ ﺍﻟﺸﺎﻃﻰ ﻳﺎﺣﺒﺎﻥ ﺳﺎﻫﺮﺗﻮ ﺑﻴﻨﺎ
ﻭﺑﻴﻦ ﺍﻟﻨﻬﺮ ﻭﺍﻟﻨﻮﺭ ﺳﺎﻫﺮﺗﻮ ﺑﻴﻨﺎ
ﻭﺍﻟﺴﺎﻗﻴﻪ ﺑﻴﻨﺎ ﺗﺪﻭﺭ
ﻭﺍﻟﺨﻤﺮ ﺭﻳﺤﻮ ﻳﻔﻮﺡ
ﻭﺑﺮﺍﻯ ﺍﻧﺎ ﺍﻟﻔﻨﺎﻥ
ﺍﻟﻤﻮﺝ ﻳﺪﺍﻋﺒﻨﺎ
ﻭﺍﻟﺤﺐ ﻳﻘﺮﺑﻨﺎ
ﻭﺍﻟﺸﺎﺩﻯ ﻳﻄﺮﺑﻨﺎ
ﺑﻰ ﻋﻮﺩ ﻣﻌﺎﻫﻮ ﻛﻤﺎﻥ
ﻧﺬﻛﺮ ﻭﻃﻨﺎ ﺩﻭﺍﻡ
ﻭﺣﺪﻩ ﻭﻋﻤﻞ ﻭﺳﻼﻡ
ﻓﻰ ﻛﻞ ﺧﻼﻑ ﻋﻠﺸﺎﻥ
ﻣﺎﻳﻘﻮﻟﻮ ﻟﻴﻨﺎ
ﻳﺎﺣﻠﻴﻞ ﺭﺑﻮﻉ ﺷﻨﺪﻯ
ﺑﻠﺪ ﺍﻟﺠﻤﺎﻝ ﻋﻨﺪﻯ
ﺍﻟﻔﻴﻬﺎ ﻧﻐﻢ ﻓﻨﻰ
ﻭﻓﻰ ﺍﻟﻤﺘﻤﻪ ﺍﻣﺎﻥ

ﻓﻲ ﻋﻴﻮﻧﻚ ﺿﺠﺔ ﺍﻟﺸﻮﻕ ﻭﺍﻟﻬﻮﺍﺟﺲ ﺭﻳﺤﺔ ﺍﻟﻤﻮﺝ ﺍﻟﺒﻨﺤﻠﻢ ﻓﻮﻗﻮ ﺑﻲ ﺟﻴﺔ
ﺍﻟﻨﻮﺍﺭﺱ ..
ﻳﺎﻣﺎﺷﺎﻥ ﺯﻓﺔ ﺧﺮﻳﻔﻚ ﻛﻞ ﻋﺎﺷﻖ ﺃﺩﻱ ﻓﺮﺿﻮ ..
ﻣﺎﻓﻲ ﺷﻤﺴﺎ ﻃﺎﻟﻌﺔ ﻃﻠﺖ ﺇﻻﺗﻀﺤﻚ ﻟﻴﻬﺎ ﺑﺮﺿﻮ ﻭﺍﻟﻐﻤﺎﻡ ﺍﻟﻔﻴﻚ ﺭﺍﺣﻞ ﻓﻲ
ﺍﻟﺼﻨﻮﺑﺮ ﻳﻠﻘﻲ ﺃﺭﺿﻮ
ﻭﺍﻟﺼﺒﺎﺡ ﺇﻣﺘﺪ ﻳﺎﻡ ﻛﻞ ﻣﺎﺟﺎﻭﺑﺘﻲ ﻧﺒﻀﻮ ﻧﺸﺘﻬﻴﻚ ...
ﻳﺎﻡ ﻧﺤﻠﻢ ﻧﺤﻜﻲ ﻟﻴﻚ .. ﻋﻦ ﺍﻟﻤﺴﺎﻓﺔ ﻭﻧﺸﺘﻬﻴﻚ ..
ﻋﻦ ﺳﻔﻦ ﺑﺎﻟﺸﻮﻕ ﺑﺘﺮﺳﻢ .. ﻓﻲ ﺑﺤﻴﺮﺍﺗﻚ ﺿﻔﺎﻑ ﻭﻧﺸﺘﻬﻴﻚ ﻋﻦ ﻣﻼﻣﺢ ﻏﻨﻮﺓ
ﻃﻠﺖ
ﻓﻲ ﻋﻴﻮﻳﻨﺎﺗﻚ ﻫﺘﺎﻓﻬﺎ ﻭﺑﻨﺸﺘﻬﻴﻚ ﻋﻦ ﺣﻘﻴﻖ ﻧﻬﺎﺗﻲ ﺑﻴﻬﺎ .. ﻭﻓﻲ ﺃﺳﺎﻃﻴﺮ
ﺍﻟﺨﺮﺍﻓﺔ
ﻳﺎﺻﺒﺎﺣﺎﺕ ﺍﻟﻤﻮﺍﻧﻲ ﺣﺘﻲ ﻟﻮ ﺩﺭﺑﻚ ﺗﺮﻧﺢ ﻓﻲ ﻣﺸﺎﻭﻳﺮ ﺍﻷﻏﺎﻧﻲ ﻭﺍﻟﺠﺮﺝ ﺇﺭﺗﺪ
ﺑﻴﻨﺎ ﻟﻲ ﺯﻣﺎﻥ ﺍﻷﻫﺔ ﺗﺎﻧﻲ ..ﻳﺎﻧﺎ ﻻﺑﻨﺘﺤﺎﺷﻲ ﺻﺪﻙ ﻻﺑﺘﻤﻮﺕ ﻓﻴﻨﺎ ﺍﻷﻏﺎﻧﻲ
ﻳﺎﻏﻨﺎﻧﺎ ﺍﻟﻤﺸﺘﻬﻨﻮ .. ﻳﺎﻧﻲ ﻣﻮﻋﻮﺩ ﺑﻲ ﺯﻣﺎﻧﻚ
ﺑﻲ ﺇﺭﺗﻌﺎﺵ ﺻﺮﺧﺔ ﻭﺟﻮﺩﻙ ﻳﻮﻡ ﻳﻄﻞ ﻣﻴﻼﺩﻱ ﻣﻨﻮ
ﻟﻤﺎ ﺍﺗﻮﺳﺪ ﺻﺒﺎﺣﻚ.. ﻳﺎﺗﻮﺍ ﻟﻴﻞ ﻳﻔﺼﻠﻨﻲ ﻋﻨﻮ.
ﻳﻔﺼﻠﻨﻲ ﻋﻨﻮ

ﻓﻲ ﺳﻜﻮﻥ ﺍﻟﻠﻴﻞ
ﺩﻋﻨﺎ ﻧﺠﺘﻠﻲ ﺍﻟﺼﻤﺖ ﺍﻟﺮﻫﻴﺐ
ﺇﻥّ ﻓﻲ ﺟﻨﺒﻲّ ﻣﻌﻨﻰ
ﻓﻮﻕ ﺇﺩﺭﺍﻛﻲ ﻋﺠﻴﺐ
ﻟﺴﺖ ﺃﻋﺒﺎ .. ﻟﺴﺖ ﺃُﻋﻨﻰ
ﻃﺎﻟﻤﺎ ﻛﻨﺖ ﺍﻟﺤﺒﻴﺐ
ﻓﺎﻧﻄﻠﻖ ﻳﺎ ﺭﻭﺣﻲ ﺇﻧّﺎ
ﻗﺪ ﻧﺰﻋﻨﺎ ﺍﻟﻘﻴﺪ ﻋﻨّﺎ
ﻫﺎ ﻫﻲ ﺍﻷﺿﻮﺍﺀ ﺭﻓّﺖ
ﻭﺍﻟﺪﺟﻰ ﺃﺻﻐﻰ ﺇﻟﻴﻨﺎ
ﻭﺍﻟﻤﻨﻰ ﻓﻲ ﺍﻟﻘﻠﺐ ﺭﻓّﺖ
ﻭﺍﺳﺘﻘﺮّﺕ ﻓﻲ ﻳﺪﻳﻨﺎ
ﻭﺍﻟﺬﻱ ﻋﻴﻨﺎﻙ ﺃﺧﻔﺖ
ﻗﺪ ﺑﺪﺍ ﻟﻤّﺎ ﺍﻟﺘﻘﻴﻨﺎ
ﻓﺎﺣﺘﺴﻴﻨﺎ .. ﻭﺍﻧﺘﺸﻨﺎ ..
ﻣﺎ ﻋﻠﻴﻨﺎ .. ﻣﺎ ﻋﻠﻴﻨﺎ
ﺛﻢ ﻋﺪﻧﺎ .. ﻭﺍﻧﺼﺮﻓﻨﺎ
ﻛﻠّﻨﺎ ﻳﻤﺸﻲ ﻭﺣﻴﺪﺍ
ﺑﺎﻛﻴﺎً ﻗﻠﺒﺎً ﻭﺟﻔﻨﺎ
ﺧﺎﺋﻔﺎً ﺃﻻّ ﻳﻌﻮﺩﺍ
ﻓﺎﻓﺘﺮﻗﻨﺎ ﻣﺎ ﻋﺮﻓﻨﺎ
ﻣﺎ ﺩﻫﺎ ﻫﺬﺍ ﺍﻟﻮﺟﻮﺩﺍ
ﺃﻳﻦ ﻣﻨّﺎ ﺍﻷﻣﺲ ﺃﻳﻨﺎ ؟
ﻭﺍﻟﻤﻨﻰ ﻭﺍﻟﺤﺐّ ﺃﻳﻨﺎ

ﻏﺪّﺍﺭ ﺩﻣﻮﻋﻚ
ﻻ ﺗﻨﺒﺶ ﺍﻟﻤﺎﺿﻲ ﺍﻟﺒﻌﻴﺪ ﺃﻟﻢ ﺗﻜﻦ ﻳﻮﻣﺎً ﻟﻘﻠﺒﻲ .. ﻭﺍﻗﻌﺎً ﻣﺠﻬﻮﻻ
ﻻ ﺗﻨﻜﺄ ﺍﻟﺠُﺮﺡ ﺍﻟﻘﺪﻳﻢَ ﻓﺈﻧﻨﻲ ﻭﺩﻋﺖُ ﻟﻴﻼً .. ﻣﻈﻠﻤﺎً ﻭﺛﻘﻴﻼ
ﻭﺣﻤﻠﺖُ ﺭﻭﺣﻲ ﻓﻲ ﻓﺆﺍﺩٍ ﻧﺎﺯﻑٍ ﻣﺎ ﺯﺍﻝ ﻳﺤﻤﻞ ﻧﺼﻔﻪُ ﻣﺸﻠﻮﻻً
ﻭﺧﻠﻌﺖُ ﺃﺛﻮﺍﺏ ﺍﻟﺤﺪﺍﺩ ﺃﻣﺎ ﻛﻔﻲ ﺇﺫ ﺻﺎﺭ ﻗﻠﺒﻚ ﻓﻲ ﺍﻟﻬﻮﻱ ﺿِﻠّﻴﻼً
ﻏﺪّﺍﺭ ﺩﻣﻮﻋﻚ ﻣﺎﺑﺘﻔﻴﺪ ﻟﻲ ﺯﻭﻝ ﺣﻮﺍﺳّﻮ ﺇﺗﺤﺠﺮﺕ
ﺟﺮّﺏ ﻣﻌﺎﻙ ﻛﻞ ﺍﻟﺴﺒﻞ ﺇﻳﺪﻳﻬﻮ ﻟﻴﻚ ﻣﺎ ﻗﺼﺮﺕ
ﺣﻄﻤﺖ ﻓﻲ ﻗﻠﺒﻮ ﺍﻷﻣﻞ ﻛﻞ ﺍﻷﻣﺎﻧﻲ ﺍﻟﺨﺪّﺭﺕ
ﻛﻠﻤﺎﺗﻮ ﻟﻴﻚ ﺿﺎﻋﺖ ﻋﺒﺲ ﻻ ﻗﺪّﻣﺖ .. ﻻ ﺃﺧّﺮﺕ
ﻣﺎ ﻛﻨﺎ .. ﻣﺎ ﻛﻨﺎ .. ﻭﻣﺎ ﻛﻨﺎ ...
ﻣﺎ ﻛﻨﺎ ﻭﻗﺖ ﺍﻟﻠﻴﻞ ﻳﻄﻮﻝ ﺗﺸﺮﻕ ﻧﺠﻮﻣﻮﺍ ﻭﺗﻨﻜﺘﻢ
ﻭﻳﻄﻞ ﺷﻌﺎﻉ .. ﻳﻜﺸﻒ ﻗﻨﺎﻉ ﻭﺍﻟﻈُﻠﻤﻪ ﺗﺮﺣﻞ ﻭﺗﻨﻬﺰﻡ
ﻭﺟﻔﻮﻧﻬﺎ .. ﻣﻦ ﻃﻮﻝ ﺍﻟﺴﻬﺮ ﺗﻠﺒﺲ ﻭﺷﺎﺡ .. ﺣُﺮﻗﻪ ﻭﺃﻟﻢ
ﻧﺴﺘﺒﺸﺮ ﺍﻟﻴﻮﻡ ﺍﻟﺠﺪﻳﺪ ﻭﻧﻘﻮﻝ ﺗﻌﻮﺩ .. ﺇﻧﺖ ﺍﻟﻌﺸﻢ
ﻛﻴﻒ ﺍﻟﻌﺸﻢ ﻭﻛﺘﻴﻦ ﻳﻤﻮﺕ ﻭﺍﻟﻐﺼﺔ ﺗﻄﻌﻦ ﻓﻲ ﺍﻟﺤﻠﻖ
ﻛﻴﻒ ﺍﻟﺤﻨﻴﻦ ﻭﻛﺘﻴﻦ ﻳﻬﺰ ﻟﻲ ﺯﻭﻝ ﺑﻌﻴﺪ .. ﻣﺎﺑﺘﻠﺤﻖ

ﺳﻤﻴﺖ ﺍﻟﻤﺪﻥ ﺍﻟﻨﺎﻳﻤﺔ ﺍﻟﻤﺪﻥ ﺍﻟﺘﺼﺤﻰ ﻓﻲ ﺣﻴﻦ
ﺗﺘﻠﻘﻰ ﺧﻄﻰ ﺍﻟﻌﻤﺎﻝ ﺍﺻﻮﺍﺕ ﺍﻟﻔﻼﺣﻴﻦ
ﺻﻠﻮﺍﺕ ﺍﻟﻐﺒﺶ ﺍﻟﻘﺎﻳﻤﺔ ﻓﻴﺎﻟﺪﻏﺶ ﺍﻣﻴﻦ ﺍﻣﻴﻦ
ﺳﻤﻴﺔ ﻋﺼﻔﻮﺭﺍ ﺭﺍﺟﻊ ﻟﻌﻴﺎﻟﻮﺍ ﺍﻟﻤﺮﻳﻮﻗﻴﻦ
ﺍﻟﻨﻔﺲ ﺍﻟﻄﺎﻟﻊ ﻭﻧﺎﺯﻝ ﻓﻲ ﺻﺪﻭﺭ ﺍﻟﻤﺴﺤﻮﻗﻴﻦ
ﺳﻤﻴﺖ ﺍﻟﺴﻔﻦ ﺍﻟﺘﻤﺨﺮ ﻓﻲ ﺍﻟﺴﻤﺎﺀ ﺍﻟﺒﺤﺮ ﺍﻟﻄﻴﻦ
ﺍﻟﻨﺎﺱ ﺍﻟﺘﻨﻀﺢ ﺳﻜﺮ ﺗﺘﺠﺮﻉ ﻣﺮﻭ ﺳﻨﻴﻦ
ﺍﻟﺘﺒﻨﻲ ﻗﺼﻮﺭ ﻟﻠﻘﻴﺼﺮ ﺗﺘﻘﺎﺳﻢ ﺣﻮﺵ ﺍﻟﻄﻴﻦ
ﻳﺎﻣﻮﺝ ﺍﻟﺒﺤﺮ ﺍﻻﺣﻤﺮ ﺳﻤﻴﺘﻜﻢ ﻗﺎﺳﻢ ﺍﻣﻴﻦ
ﻗﺘﻠﻮﻙ ﺍﻟﻨﺎﺱ ﺍﻟﻘﺼﺮ
ﺍﻟﻨﺎﺱ ﺍﻟﻤﺄﻓﻮﻧﻴﻦ
ﺍﻟﻨﺎﺱ ﺍﻟﺒﺎﻻ ﻣﻐﻄﻰ
ﺍﻟﺴﺎﺳﺔ ﺍﻟﻤﺒﻴﻮﻋﻴﻦ
ﻗﺘﻠﻮﻙ ﺧﺪﻡ ﺍﻟﺮﺍﺳﻤﺎﻝ
ﻳﺎﺯﻭﻝ ﻳﺎﻋﺎﺗﻲ ﻳﺎﺯﻳﻦ
ﺍﻟﻔﺮﺣﻮﺍ ﺍﻻﻣﺮﻳﻜﺎﻥ
ﻭﺍﻟﺮﺑﺤﻮﺍ ﺗﺠﺎﺭ ﺍﻟﺪﻳﻦ
ﻗﺘﻠﻮﻙ ﻭﻛﺎﻥ ﻗﺎﺻﺪﻳﻦ
ﻓﻲ ﺯﺍﺗﻚ ﻧﺎﺱ ﺗﺎﻧﻴﻦ
ﺍﻟﻨﺎﺱ ﺍﻡ ﻋﺮﻗﺎﻳﺠﻬﺮ
ﺍﻟﺴﺮﻫﺎ ﻳﻮﻡ ﺣﻴﺒﻴﻦ
ﻳﺎﻋﺎﺗﻲ ﻛﻤﺎﻟﻌﻤﺎﻝ
ﻭﺍﻟﺮﻳﺢ ﺍﻟﺤﻴﻨﻬﺎ ﺑﺤﻴﻦ
ﻳﺎﺻﺎﺣﻲ ﻛﻤﺎﻻﻣﺎﻝ
ﻓﻲ ﺻﺪﻭﺭ ﺍﻟﻤﺴﺤﻮﻗﻴﻦ
ﻣﺎﺷﻴﻦ ﻓﻲ ﺍﻟﺴﻜﺔ ﻧﻤﺪ
ﻣﻦ ﺳﻴﺮﺗﻚ ﻟﻠﺠﺎﻳﻴﻦ
ﺷﺎﻳﻔﻨﻚ ﻣﺎﺷﻲ ﺗﺴﺪ
ﻭﺭﺩﻳﺔ ﻳﺎ ﻗﺎﺳﻢ ﺍﻣﻴﻦ