ﺑﻌﺪﻙ ﺍﻟﻔﺮﻳﻖ ﺃﺻﺒﺢ ﺧﻼ
ﻭﺍﻟﺴﻤﺤﺔ ﻗﺎﻟﻮﺍ ﻣﺮﺣﻠﺔ
ﺟﺎﻧﻲ ﺍﻟﺨﺒﺮ ﺟﺎﻧﻲ ﺍﻟﺒﻼ
ﻭﺍﻟﺴﻤﺤﺔ ﻗﺎﻟﻮﺍ ﻣﺮﺣﻠﺔ
ﻗﻮﻝ ﻳﺎ ﻟﺴﺎﻥ ﻓﻲ ﺍﻟﺮﺍﺣﻠﺔ
ﺻﻮﻍ ﺍﻟﻤﻌﺎﻧﻲ ﻭﺟﻤﻼ
ﻧﺎﻓﺮ ﻭﻣﺎ ﻋﺎﺭﻑ ﺍﻟﻌﻠﻲ
ﺣﺎﻝ ﺍﻟﻌﻠﻲ ﺣﺎﻝ ﺍﻟﺨﻼ
ﻳﺎ ﻋﻴﻨﻲ ﺟﺎﻓﻴﻨﻲ ﺍﻟﻤﻨﺎﻡ
ﻭﺧﺪﻭﺩﻱ ﺩﻣﻌﻚ ﺑﻠﻼ
ﻭﻳﻦ ﺑﻌﺪﻙ ﺃﻟﻘﻲ ﻋﻄﻮﻑ
ﻳﻠﻢ ﺃﻓﻜﺎﺭﻱ ﺑﻌﺪ ﺍﻟﺒﻬﺪﻻ
ﺭﻭﺡ ﻳﺎ ﻧﺴﻴﻢ ﺭﻭﺡ ﻗﺎﺑﻼ
ﺗﻠﻘﺎﻫﺎ ﻧﺎﻳﻤﺔ ﻭﻏﺎﻓﻠﺔ
ﺩﺍﻋﺐ ﺑﺨﺼﻼﺕ ﺷﻌﺮﻫﺎ
ﻭﺃﻟﺜﻢ ﺿﻔﺎﻳﺮﺍ ﻣﺴﺪﻟﻪ
ﻭﺃﺭﻓﻊ ﻛﺘﻴﻔﻬﺎ ﺍﻟﻬﺎﺩﻻ
ﻭﻛﺎﻝ ﺧﺪﻭﺩﻫﺎ ﻭﻗﺒﻼ
ﻭﻗﻮﻝ ﻟﻴﻬﺎ ﻣﻦ ﺑﻌﺪﻙ
ﺧﻼﺹ ﺷﻔﺖ ﺍﻟﺮﻓﻴﻖ ﺃﺻﺒﺢ ﺧﻼ
ﻳﺎ ﺭﺑﻲ ﻟﺤﻈﺎﺕ ﺍﻟﻮﺩﺍﻉ
ﺃﻣﺜﺎﻟﻲ ﻛﻴﻒ ﻳﺘﺤﻤﻼ
ﺍﻟﻠﻴﻠﺔ ﺑﻮﺻﻴﻚ ﺑﺎﻟﺤﺒﻴﺐ
ﻋﻨﺪﻙ ﺃﻣﺎﻧﺔ ﺗﺤﻤﻼ
ﻭﺗﺪﻳﻢ ﻋﻠﻰ ﺍﻟﺨﻴﺮ ﻭﺍﻟﻬﻨﺎﺀ
ﻭﻛﻞ ﻳﻮﻡ ﺗﻀﺎﻋﻔﻠﻮﺍ ﺍﻟﺤﻼ
ﻗﻠﺒﻲ ﺍﻟﺤﻨﻴﻦ ﻣﻦ ﻗﺎﻡ ﺻﻐﻴﺮ
ﻃﻮﻝ ﻋﻤﺮﻩ ﻻ ﺟﻔﺎ ﻻ ﺳﻼ
ﻭﺍﻟﺴﻤﺤﺔ ﻗﺎﻟﻮﺍ ﻣﺮﺣﻠﺔ

ﺍﻟﺴﺤﺎﺏ
ﻳﺤﻰ ﻓﻀﻞ ﺍﻟﻠﻪ
ﺍﻟﺴﺤﺎﺏ ﻟﻮ ﺍﺻﻠﻮ
ﺧﺎﺻﻤﻨﺎ ... ﻭ ﺗﻌﺐ
ﻭ ﺍﻟﺮﻳﺎﺡ ﺍﻟﻔﻲ ﺍﻟﺪﺭﺏ
ﺷﺘّﺘﺖْ ﻓﺮﺡ ﺍﻟﻘﻮﺍﻓﻲ
ﻭ ﺑّﺪﺩﺕ ﺣﺰﻥ ﺍﻟﻤﻨﺎﻓﻲ
ﻣﺪﺩﺕ ﺑﻌﺪ ﺍﻟﻤﻨﺎﻓﻰ
ﺑﺮﺿﻮ ﺭﻳﺪﻙ ﻓﻴﻨﺎ ﺑﺎﻗﻲ
ﺭﻳﺪﻙ ﺍﻧﺘﻰ ﻓﻴﻨﺎ ﺑﺎﻗﻰ
ﻓﻲ ﺍﻟﺤﻨﺎﻳﺎ .. ﻭﻓﻰ ﺍﻟﺰﻭﺍﻳﺎ
ﻓﻲ ﻋﻴﻮﻥ ﺃﻃﻔﺎﻝ ﺑﺘﻜﺘﺐ ﺑﺎﻟﺪﻭﺍﻳﺎ
ﻓﻲ ﺍﻟﻤﺸﺎﻭﻳﺮ ﻭﺍﻟﺤﻜﺎﻳﺎ
ﻭ ﺟّﻮﻩ ﺛﺎﺑﺖ ﻓﻲ ﺍﻟﻘﻠﺐ
ﻳﺎ ﺳﻤﺤﻪ ﻣﺎ ﻏﺎﺑﺖ ﻣﺪﻳﻨﺔ
ﻳﺎ ﺳﻤﺤﻪ ﻣﺎ ﺑﻤﻮﺕ ﺍﻟﻔﺮﻳﻖ
ﻭ ﻻﺑﻴﻨﻬﺶ ﻓﻲ ﻏﻨﺎﻭﻳﻨﺎ ﺍﻟﺤﺮﻳﻖ
ﻭ ﺍﻟﻮﺗﺮ ﺩﺍﻳﻤﺎً ﺑﻐﻨﻲ ..
ﻟﻠﻘﻮﺍﻓﻞ ﺍﻟﺠﺎﻳﺔ ﻣﻦ ﻭﺟﻊ ﺍﻟﻄﺮﻳﻖ
ﻭ ﺍﻟﺴﺤﺎﺏ ﺑﺮﺿﻮ ﺑﻴﻌﻮﺩ
ﻭﻳﺠﻴﻨﺎ ﺑﻲ ﺑﺮﻳﻖ ﺍﻟﺒﺸﺎﺭﺓ
ﺑﻴﻨﺎ ﺑﻴﻨﻚ ﻻ ﻣﻮﺍﻧﻊ ﻻ ﺳﺪﻭﺩ
ﺑﻴﻨﺎﺗﻨﺎ ﺑﺲ ﺗﺒﻘﻲ ﺍﻟﺠﺴﺎﺭﺓ

ﻭﺍﻟﻠﻪ ﻧﺤﻦ ﻣﻊ ﺍﻟﻄﻴﻮﺭ ﺍﻟﻤﺎﺑﺘﻌﺮﻑ ﻟﻴﻬﺎ ﺧﺮﻃﻪ ﻭﻻ ﻓﻰ ﺍﻳﺪﻫﺎ ﺟﻮﺍﺯ
ﺳﻔﺮ ﻧﻤﺸﻰ ﻓﻰ ﻛﻞ ﺍﻟﻤﺪﺍﻳﻦ ﻧﺒﻰ ﻋﺸﻨﺎ ﺑﺎﻏﻨﺎﻭﻯ ﻭﺍﻟﺮﻳﺎﺣﻴﻦ ﻭﺍﻟﻤﻄﺮ
ﻭﺍﻟﺤﺒﻴﺒﻪ ﺗﻐﻨﻰ ﻟﻴﻨﺎ ﻻﻫﻤﻮﻡ ﺗﺴﻜﻦ ﺩﺭﻭﺑﻨﺎ ﻭﻻ ﻳﻼﻗﻴﻨﺎ ﺍﻟﺨﻄﺮ ﻭﺍﻟﻠﻪ ﺑﺎﻛﺮ
ﻳﺎﺣﻠﻮﻩ ﻟﻤﺎ ﺍﻭﻻﺩﻧﺎ ﺍﻟﺴﻤﺮ ﻳﺒﻘﻰ ﺍﻓﺮﺍﺣﻨﺎ ﺍﻟﺒﻨﻤﺴﺢ ﺑﻴﻬﺎ ﺍﺣﺰﺍﻥ ﺍﻟﺰﻣﻦ
ﻧﻤﺸﻰ ﻓﻰ ﻛﻞ ﺍﻟﺪﺭﻭﺏ ﺍﻟﻮﺍﺳﻌﻪ ﺩﻳﻜﻮﺍﻟﺮﻭﺍﻛﻴﺐ ﻭﺍﻟﻤﺪﻥ ﻭﺍﻟﻠﻪ ﻧﺤﻦ ﻣﻪ
ﺍﻟﻄﻴﻮﺭ ﺍﻟﻤﺎﺑﺘﻌﺮﻑ ﻟﻴﻬﺎ ﺧﺮﻃﻪ ﻭﻻ ﻓﻰ ﺍﻳﺪﻫﺎ ﺟﻮﺍﺯ ﺳﻔﺮ

ﺍﻟﻮﺳﻴﻢ ﺍﻟﻘﻠﺒﻲ ﺭﺍﺩﻭ
ﺍﻟﺠﻤﺎﻝ ﺣﺎﺯ ﺍﻧﻔﺮﺍﺩﻭ
ﻣﺎﻟﻮ ﻟﻮ ﻣﺮّﺓ ﺍﻓﺘﻜﺮﻧﻲ
ﻣﺎﻟﻮ ﻟﻮ ﺃﻧﺠﺰ ﻣﻴﻌﺎﺩﻭ
ﻟﻴﻪ ﻧﺴﺎﻧﻲ .. ﺃﻭ ﺗﻨﺎﺳﻰ
ﻻﻫﻮ ﺟﺎﻣﻞ ﻻﻫﻮ ﺁﺳﻰ
ﻭﻗﻠﺒﻲ ﺑﻲ ﺍﻟﺘﻌﺬﻳﺐ ﺃﺑﺎﺩﻭ
ﻣﻨّﻲ ﺷﺎﻟﻮ ﻭﻣﺎ ﺃﻋﺎﺩﻭ
ﺷﻔﺘﻮ ﻛﺎﻥ ﻓﻲ ﺗﻮﺏ ﺣﺪﺍﺩﻭ
ﻭﻛﻞ ﺣﻮﺍﺳﻲ ﻋﻠﻴﻬﻮ ﻧﺎﺩﻭ
ﺍﺳﺘﺠﺎﺏ ﻟﻲ ﻧﺪﺍﻱ ﻭﺟﺎﻭﺏ
ﻛﺎﻥ ﻋﻮﺍﻃﻒ ﻭﻛﺎﻥ ﺗﺠﺎﻭﺏ
ﻋﺰّ ﻣﻦ ﺑﻌﺪﻭ ﺍﻟﺘﻼﻗﻲ
ﺭﻏﻢ ﻗﺮﺑﻮ ﻭﺍﺷﺘﻴﺎﻗﻲ
ﻃﺮﻓﻲ ﻣﺘﺰﺍﻳﺪ ﺳﻬﺎﺩﻭ
ﻭﺟﺴﻤﻲ ﺟﺎﻓﺎ ﺍﻟﺮﻗﺎﺩ ﻣﻬﺎﺩﻭ
ﺇﻳﻪ ﻳﻜﻮﻥ ﻓﻲ ﻧﻈﺮﻱ ﺯﺍﺩﻭ
ﻏﻴﺮ ﺧﺼﺎﻟﻮ ﻭﺍﻋﺘﺪﺍﺩﻭ
ﻣﻬﻤﺎ ﻳﺠﻔﻮ ﻓﻲ ﻗﺮﺑﻮ ﺃﻃﻤﻊ
ﻣﺎ ﺑﻄﻴﻖ ﻟﻲ ﻏﻴﺮﻭ ﺃﺳﻤﻊ
ﺃﺳﺄﻟﻮﻫﻮ ﺇﺫﺍ ﺗﺒﺴّﻢ
ﻭﺍﺗﺮﻛﻮﻫﻮ ﺇﺫﺍ ﺗﺄﻟّﻢ
ﻭﺍﺟﺒﻲ ﺣﺘّﻢ ﺃﺻﻮﻥ ﻭﺩﺍﺩﻭ
ﻣﻬﻤﺎ ﺯﺍﺩ ﺻﺪّﻭﺍ ﻭﻋﻨﺎﺩﻭ

ﺿﻠﻴﺖ ..
ﻫﺮﺏ ﻣﻨﻰ ﺍﻷﻣﻞ .. ﺟﻨﻴﺖ
ﺟﺎﻓﺎﻧﻰ ﺍﻟﺸﺮﻭﻕ .. ﺣﻨﻴﺖ
ﻛﻨﺘﻰ ﻣﻌﺎﻳﺎ .. ﻓﻰ ﻟﻤّﺔ
ﺩﻟﻴﺐ .. ﺷﺎﺷﺎﻯ
ﻓﻰ ﺇﻳﻘﺎﻉ ﺣﺸﺎ ﺍﻟﻤﺮﺩﻭﻡ
ﻓﻰ ﺟﻴﺪ ﺍﻟﺰﻣﻦ .. ﺳﻮﻣﻴﺖ
ﻣﺮﻗﺖ .. ﻋﻠﻰ ﻣﺤﻄﺎﺕ
ﺍﻟﺴﻔﺮ .. ﻏﺮﺑﺔ
ﻭﻣﺎ ﻟﻘﻴﺘﻚ .. ﺃﻣﻞ ﺷﺎﺭﺩ
ﻣﻊ ﺇﻧﻚ ﻣﻌﺎﻯ
ﻓﻰ ﺯﺣﻤﺔ ﺍﻟﻤﺸﻮﺍﺭ
ﻭﺣﺘﻰ ﻳﻘﻴﻨﻰ ﻋﺎﺩ ﻣﻦ ﺗﺎﻧﻰ
ﺻﺤّﺎﻙ ﻣﻦ ﺣﻨﻴﻦ ﺫﺍﺗﻰ ..
ﻧﺠﻢ ﺍﻟﻔﺮﺣﺔ ﻳﺎ ﻋﺎﻳﺪ
ﺗﻌﺎﻟﻰ ﻣﻌﺎﻯ ....
ﻣﻦ ﺯﻓﺔ ﻧﻔﺲ ﻣﺴﺪﺍﺭ
ﻭﻣﺎ ﺟﺮﺗﻖ ﻓﺮﺡ .. ﻛﺎﻧﺖ
ﻭﻻ ﻃﻌﻢ ﺍﻟﺸﻘﺎ ﺍﻟﺮﻭّﺡ
ﺧﻄﺎﻯ ﻫﺎﻧﺖ
ﻭﺇﻧﺘﻰ ﻣﻌﺎﻧﻰ ﺷﺎﻳﻼﻫﺎ ﺍﻟﻘﻮﺍﻓﻰ
ﻣﻌﺰﺓ ﻓﻰ ﻋﻤﻖ ﺍﻟﻔﺮﺡ .. ﺩﻭﺑﻴﺖ
ﻭﻛﺖ ﺿﻠﻴﺖ ...
ﻗﻌﺪﺕّ ﺑﺮﺍﻯ .. ﻭﺣﺴﻴﺘﻚ
ﺑﺘﻄﻠﻌﻰ ﻣﻦ ﻧﻔﺲ ﻃﻮﺭﻳﺔ
ﺿﺎﻣّﺔ ﺍﻟﻄﻴﻦ
ﻭﻣﻦ ﺩﻣﻌﺔ ﻭﺟﻊ ﻃﻮّﻝ
ﻧﺪﺍ ﺍﻟﻌﺮﻕ ﺍﻟﺒﻨﺎﺩﻯ .. ﺣﻨﻴﻦ
ﻭﺍﻧﺎﺩﻳﻚ ﻭﺍﻧﺖ ﻓﻲ ﺫﺍﺗﻲ ..
ﻣﺨﺎﻭﻑ ﺳﻜﺔ ﺁﻫﺎﺗﻲ
ﻣﺪﺍﻳﻦ ﻗﺮﻳﺔ ﻻﺑﺴﺔ ﺍﻟﻘﻤﺮﺓ ﺷﺎﻣﺔ ﺿﻮ
ﻳﺤﻦ ﻳﻐﺸﺎﻫﺎ ﻣﺮﺓ ﺷﺮﻭﻕ
ﻳﺨﺪﺭ ﻣﻦ ﻋﺮﻕ ﺗﺮﺑﺎﻝ ..
ﻳﺮﺗﺎﺡ ﻓﻲ ﺿﻠﻴﻞ ﻭﺍﺳﻮﻕ ..
ﻳﻨﺎﺩﻱ ﺗﺮﺍﺏ
ﻳﻐﺎﺯﻝ ﺧﺪﺭﺓ ﺍﻟﺴﻴﺎﻝ
ﺗﻄﻞُ ﺷﺮﻭﻕ ..
ﺗﻜﻮﻥ ﻗﻤﺮ ﺍﻟﺴﻌﺪ ﺿﻮﻳﺖ ..

ﻳﺎﺿﻮ ﺷﺒﺎﺑﻴﻚ ﺍﻟﺒﻴﻮﺕ ﻳﺤﻰ ﻓﻀﻞ ﺍﻟﻠﻪ ﻳﺎ ﺿﻮﺀ ﺷﺒﺎﺑﻴﻚ ﺍﻟﺒﻴﻮﺕ ﺑﻴﻦ ﺍﻟﺘﻮﻫﺞ
..
ﻭ ﺍﻟﺨﻔﻮﻥ ﺑﺴﺮﺡ ﻣﻌﺎﻙ .. ﻭ ﺍﺳﺄﻟﻚ ﻗﺒﺎﻝ ﻣﺎ ﻳﺨﻨﻘﻨﺎ ﺍﻟﺮﻣﺎﺩ ... ﻭ ﻳﻌﻠﻢ
ﺍﻟﻌﻘﻞ ﺍﻟﺤﻴﺎﺩ
ﻗﺒّﺎﻝ ﻟﻬﺐ ﺣﻠﻤﻚ ﻳﻔﻮﺕ ﻭ ﺟﺬﻭﺗﻚ ﺗﺒﻬﺖ ... ﺗﻤﻮﺕ ﻳﺎ ﺿﻮﺀ ﺷﺒﺎﺑﻴﻚ ﺍﻟﺒﻴﻮﺕ
ﺑﺴﺮﺡ ﻣﻌﺎﻙ ..
ﻭﺃﺳﺘﻔﺴﺮﻙ ﻋﻦ ﻇﻠﻤﺔ ﺗﻤﺘﺪ ﻭ ﺗﻄﻮﻝ ﻭﺇﺗﻠﺨﺒﻄﺖ ﻓﻴﻬﺎ ﺍﻟﻔﺼﻮﻝ ﻋﻦ ﻛﻠﻤﺔ
ﺿﺎﻋﺖ ﻓﻲ ﺍﻟﻔﺮﺍﻍ
ﺑﻴﻦ ﺍﻟﺒﺰﻳِّﻒ ﻭ ﺍﻟﺒﻘﻮﻝ ﻋﻦ ﺳﺮ ﻳﺒﺎﺱ ﺍﻟﺒﺬﺭﺓ .. ﻓﻲ ﻃﻴﻦ ﺍﻟﺤﻘﻮﻝ ﻋﻦ
ﺿﺤﻜﺔ ﺃﺣﻼﻡ ﺍﻟﺼﻐﺎﺭ ﺍﻟﻤﺎ ﻟﻘﺖ ... ﻏﻴﺮ ﺍﻟﺬﺑﻮﻝ

ﺍﺩﻓﻘﻰ
ﻣﺎﺗﻜﻮﻧﻰ ﺭﻗﺮﺍﻕ
ﺍﺑﻘﻰ ﻳﺎﺿﻞ ﻳﺎﺷﻤﻮﺱ
ﻏﻄﻰ ﺍﻟﻤﺴﺎﺣﺎﺕ ﺑﺎﻟﻮﺿﻮﺡ
ﺍﺳﺘﻨﻬﻀﻰ ﺍﻟﺸﻮﻕ ﺍﻟﺠﻠﻮﺱ
ﻭﻫﺠﻚ ﺷﻮﺍﺭﻉ ﺫﺍﺗﻰ ﻓﻰ ﻟﻴﻞ ﺍﻟﻴﺒﺎﺏ
ﻣﺎﺗﺨﺎﻓﻰ ﻣﻦ ﺩﻡ ﺍﻟﻐﺮﻭﺏ
ﻟﻮ ﺭﺗﺶ ﺍﻟﻠﻮﺣﺔ ﺍﻟﻀﺒﺎﺏ
ﻣﺎﺩﺍﻡ ﺿﻤﻴﺮﻧﺎ ﺍﻟﻔﻴﻨﺎ ﺣﻰ
ﻣﺎﺩﺍﻡ ﻋﺮﻳﻖ ﺍﻟﻌﺸﻖ ﺣﻰ
ﻣﻠﺤﻮﻗﺔ ﻳﺎﻣﺪﻥ ﺍﻟﺴﺮﺍﺏ
ﻣﺎﺗﺸﻔﻘﻰ
ﺍﻟﻌﻄﺶ ﺍﻟﺮﺣﻴﻞ
ﺍﻟﻨﻴﻞ ﺭﻛﻴﺰ
ﻭﺩﻣﻌﺔ ﺍﻻﺣﺒﺎﺏ ﺳﺤﺎﺏ
ﺍﺩﻓﻘﻰ
ﻓﻴﻀﺎﻥ ﻋﻤﺎﺭ
ﺍﺗﺮﺑﻌﻰ ﻭﻓﺠﻰ ﺍﻟﻮﺟﻊ
ﺩﻣﻊ ﺍﻻﻻﻡ ..... ﻣﺎﻳﺪﻓﻘﻚ
ﻣﺎﺧﺎﺏ ﻏﻨﺎﻙ
ﻓﺎﺭﺳﻚ ﺭﺟﻊ
ﺍﺗﻮﻫﺠﻰ ﻭﺍﻧﺘﻰ ﺍﻟﺸﻤﺲ
ﺍﺗﻠﻬﺠﻰ ﻭﻧﻮﺭﻙ ﺳﻄﻊ
ﻧﻮﺭ ﺑﻮﺍﺩﻳﻨﺎ ﺍﻟﻜﺴﺎﺡ
ﻻﻗﺼﺖ ﻣﺰﺍﻣﻴﺮ ﺍﻟﺼﺒﺎﺡ
ﻣﺒﻜﻴﺔ ﻗﺮﻳﺔ ﻭﻗﻨﺒﻠﺔ
ﻣﺘﻜﻴﺔ ﺩﻣﻌﺔ ﻭﺳﻨﺒﻠﺔ
ﺍﻟﻠﻴﻠﺔ ﻓﻰ ﺍﻳﺪﻧﺎ ﺍﻟﺴﻼﺡ
ﺭﻳﺸﺔ ﻭﻛﺪﻧﻜﺔ ﻭﻣﻄﺮﻗﺔ
ﻧﺒﻨﻴﻜﻰ ﺍﺣﺴﻦ ﻳﺎﻇﺮﻭﻑ
ﻣﺨﻀﺮﺓ ﺩﺍﻧﻴﺔ ﺍﻟﻘﻄﻮﻑ
ﻧﻄﻮﻯ ﺍﻟﻤﺴﺎﻓﺎﺕ ﻧﺴﺒﻘﺎ
ﺍﺩﻓﻘﻰ
ﺑﻠﺪﻙ ﻓﺪﺍﻙ
ﺍﺗﻮﻫﻄﻰ
ﻭﺭﻯ ﺍﻟﺒﻨﻴﺎﺕ ﺍﻟﻌﺪﻳﻞ
ﻣﺤﻤﻴﺔ ﺑﻰ ﻋﺮﻕ ﺍﻟﺘﺮﺍﺑﻠﺔ
ﻭﻧﻐﻤﺘﻚ ﻣﺴﻘﻴﺔ ﺑﺎﻟﺮﻳﺪ ﺍﻟﻌﺘﻴﻖ
ﺍﻧﻐﺎﻡ ﺭﺑﺎﺑﺘﻚ ﺗﺸﻴﻞ
ﻣﻌﺰﻭﻓﺔ ﺍﻟﺮﻳﺪ ﻭﺍﻟﺮﻓﻴﻖ
ﻣﺎﺗﺼﻐﺮﻯ
ﺗﻜﺒﺮ ﺍﻣﺎﻧﻰ ﺍﻟﺴﻨﺒﻠﺔ
ﻫﻰ ﺍﻛﺒﺮﻯ
ﺗﺼﻐﺮ ﻣﻌﺎﻧﻰ ﺍﻟﻘﻨﺒﻠﺔ
ﻣﺎﺗﺼﻐﺮﻯ
ﻣﺎﺗﺮﺟﻌﻰ ﺍﻟﺼﺪ ﻟﻠﻤﺪﺍﻳﻦ ﻭﺍﻟﻔﺮﻯ
ﺷﻴﻠﻰ ﺍﻟﺸﺤﻮﺏ ﻭﺍﻻﺻﻔﺮﺍﺭ
ﺍﺩﻯ ﺍﻟﺒﻮﻳﺘﺎﺕ ﻣﻨﻈﺮﺍ
ﺍﺩﻓﻘﻰ
ﻓﻰ ﻛﻞ ﺷﺎﺭﻉ ﻭﻛﻞ ﺑﻴﺖ
ﻓﻰ ﺭﻭﺍﺑﻴﻨﺎ ﺍﻟﻤﺤﻨﺔ
ﻭﻓﻰ ﺿﻤﺎﻳﺮﻧﺎ ﺍﻟﺴﻬﻮﻝ
ﺍﺩﻓﻘﻰ
ﻓﻰ ﻛﻞ ﺣﺘﺔ ﻭﻛﻞ ﺯﻭﻝ
ﺍﺑﻘﻰ ﺷﺎﻥ ﺗﺒﻘﻰ ﺍﻟﻔﺼﻮﻝ

ﺇﺻﻄﻔﻴﺖ ﺟﺮﺣﻚ
ﺩ. ﻃﻼﻝ ﺩﻓﻊ ﺍﻟﻠﻪ
ﻭﺇﺻﻄﻔﻴﺖ ﺟﺮﺣﻚ ﺑﺮﺍﻙ
ﻭﺗﺮ ﺇﻧﺘﺒﺎﻫﻚ ﻭﺍﻟﻨﻐﻢ
ﺿﻔﺔ ﺗﺰﺭﻉ ﻓﻰ ﺍﻟﺸﺮﻭﻕ
ﻭﺿﻔﺔ ﺑﺘﻘﺎﻭﻡ ﺍﻷﻟﻢ
ﺷﻤﻌﺔ ﺍﻷﻣﻞ ﺍﻟﺘﻬِﺪ ﻟﻴﻞ ﺍﻟﻜﻮﺍﺑﻴﺲ
ﺯﻣﻦ ﺍﻟﻮﺩﺍﺭ
ﺷﺎﻣﺨﺔ ﺑﺘﻌﺎﻧﺪ ﻓﻰ ﺻﺪﻯ ﺍﻟﻠﻴﻞ
ﺍﻟﻬﻴﺎﺝ ﺍﻹﺣﺘﻀﺎﺭ
ﺻﺎﺡ ﺇﻧﺘﺒﺎﻫﻚ ﻓﻰ ﺍﻟﺰﻣﻦ
ﻟﻤﺎ ﺃﺻﻄﻔﺎﻙ
ﻗﺪﺭ ﺍﻟﻌﺼﺎﻓﻴﺮ .. ﺍﻟﺮﺣﻴﻞ
ﻏﺪﺭ ﺍﻟﺸِﺒﺎﻙ ﺷﻮﻙ ﺍﻟﻤﺘﺎﻫﺎﺕ .. ﺍﻟﺪﻭﺍﺭ
ﺗﺤﺘﻚ ﻧﺴﻴﺞ ﺍﻟﻠﻴﻞ .. ﻃﻮﻳﻞ
ﺍﻷﻧﺎﺷﻴﺪ ﺍﻟﻤﺎﺧﺪﺓ ﻣﻦ ﺣِﺰﻡ ﺍﻟﺸﻌﺎﻉ
ﻧﺎﺭ ﺍﻟﺒﺪﺍﻳﺎﺕ ﺍﻟﺒﺘﻮﻝ
ﻟﻠﺴﺤﺎﺑﺎﺕ ﺍﻟﺘﻠﻮِّﺡ ﻗﻮﺱ ﻗﺰﺡ
ﺑُﺸْﺮَﺓ ﻫﻄﻮﻝ
ﻭﻟﻰ ﺿِﻴﺎ ﺍﻟﻘﻤﺮ ﺍﻟﻤﻘﺮّﺡ
ﺿﺪ ﻗﻮﺍﻧﻴﻦ ﺍﻷﻓﻮﻝ
ﻟﻴﻚ ﻳﺎ ﺁﺧﺮ ﺍﻟﺨﻴﻮﻝ
ﻓﺮﺱ ﺍﻟﺮِﻫﺎﻥ ﺍﻟﻤﺎ ﻛﺒﺎ
ﻭﻫﺞ ﺍﻟﺸﻤﻮﺱ ﺍﻹﺷﺘﻌﺎﻝ ..
ﻭﺇﻧﻜﺴﺎﺭ ﺍﻟﻤﺴﺘﺤﻴﻞ
ﺷﻘﻴﺘﻮ ﺑﻰ ﺳﻴﻞ ﺍﻟﺤﺮﻭﻑ
ﺍﻟﻄﺎﻟﻌﺔ ﺩﺍﺑﺎ ﻣﻦ ﺍﻟﺼﺪﻑ .. ﻣﺠﺮﻯ ﺍﻟﺒﺤﺮ
ﺗﻴﺎﺭﻭ ﻭﺍﻟﻤﻮﺝ ﺍﻟﺮﺟﻮﻉ
ﺃﺩﻳﺘﻮ ﺣﻴﻞ ﻣﺪّﻭ ﺍﻟﺰﻣﺎﻥ ﻛﺎﻥ ﺇﻧﺤﺴﺮ
ﻏﻴﺮﺕ ﻓﻰ ﺍﻟﺰﻣﻦ ﺍﻟﻤﻼﻣﺢ
ﻃﻌﻢ ﺍﻟﻜﻼﻡ .. ﻟﻮﻥ ﺍﻟﻐُﻨﺎ
ﻭﻃﺒﻊ ﺍﻟﺒﺬﻭﺭ .. ﻛﻴﻤﻴﺎ ﺍﻟﺘﺮﺍﺏ
ﻃﻘﺲ ﺍﻟﻤﻄﺮ
ﺻﺎﺡ ﺇﻧﺘﺒﺎﻫﻚ ﻓﻰ ﺍﻟﻤﻜﺎﻥ
ﺯﻫﻮ ﺍﻟﺴﻨﺎﺑﻞ ﺑﺎﻟﻘﻤﻮﺡ
ﻭﺇﺟﺘﺮﺍﺣﻚ ﻟﻰ ﻟﺴﺎﻥ ﻟﻐﺔ ﺍﻟﺠﻤﻮﺡ
ﻭﻛﺘﻴﻦ ﻳﺘﻮﻩ ﺑﻴﻦ ﺍﻟﺴﻜﺎﺕ
ﻭﺳﻴﻒ ﺍﻟﻘﻴﻮﺩ .. ﺍﻹﺭﺗﻬﺎﻥ
ﺷﻤﺲ ﺍﻟﺤﻘﻴﻘﺔ .. ﺍﻝ .. ﺁﻩ ..
ﺑﻘﺖ ﻣﻨﻔﻰ ﻭﻧﺰﻭﺡ
ﻭﺃﻗﺘﺒﺎﺳﻚ ﻟﻠﺼﺒﺮ ﻟﻐﺔ ﺍﻟﻴﻘﻴﻦ
ﺑﺈﻧﻘﺴﺎﻣﻚ ﻓﻰ ﺍﻟﺰﻣﻦ
ﻭﺇﻧﺼﻬﺎﺭﻙ
ﻭﺇﻗﺘﺴﺎﻡ ﺍﻵﻫﺔ ﺑﻴﻨﻚ ﻭﺍﻟﻤﺤﻦ
ﻭﺇﻧﺘﺼﺎﺭﻙ ﻟﻰ ﺻﺒﺎﺣﺎً ﺑﻜﺮﺓ ﻃﺎﻟﻊ
ﻣﻦ ﻣﺪﺍﺭﺍﺕ ﺍﻟﺼﻬﻴﻞ
ﻳﺎ ﺻﺒﺎﺣﻚ
ﻟﻤﺎ ﺗﻨﺪﺍﺡ ﺿﻔﺔ ﺟﺮﺍﺣﻚ .. ﺑﺎﻟﺸﺠﻦ
ﻭﺗﻘﻠِﺪ ﺍﻟﺰﻣﻦ ﺍﻟﻌﺪﻳﻞ
ﻳﺎ ﺟﺮﺍﺣﻚ
ﻟﻤﺎ ﺗﻔﺮﺩ ﻏﻴﻢ ﺟﻨﺎﺣﻚ
ﻓﻮﻕ ﻋﺬﺍﺑﺎﺕ ﺍﻟﻮﻃﻦ

ﺇﺫﺍ ﻋﺎﺩﺕ ﺑﻨﺎ ﺍﻷﻳﺎﻡ ﻟﻠﻤﺎﺿﻲ
ﻛﺘﺒﺖ ﻋﻠﻰ ﺛﻮﺍﻧﻰ ﺍﻟﻌﻤﺮ ﺷﻌﺮﺍ
ﻻ ﻳﺪﺍﻧﻴﻪ ..
ﻏﻨﺎﺀ ﺍﻟﻄﻴﺮ ﻭﻫﻤﺲ ﺍﻟﻤﺎﺀ ..
ﻭﻭﺷﻮﺷﺔ ﺍﻟﻀﻴﺎﺀ ﻓﻴﻪ
ﺇﺫﺍ ﻋﺎﺩﺕ ﺑﻰ ﺍﻷﻳﺎﻡ ﻳﻮﻣﺎ
ﺃﻳﻬﺎ ﺍﻷﺣﺒﺎﺏ
ﻭﻟﻮ ﻓﻰ ﺯﻭﺭﻕ ﻳﻤﻀﻰ
ﻋﻠﻰ ﺍﻟﺼﺤﺮﺍﺀ ﻋﺒﺮ ﺳﺮﺍﺏ
ﺃﻧﺎ ﻣﻼﺣﻪ ﺍﻟﻔﺮﺣﺎﻥ ..
ﻳﻄﺮﻕ ﻣﻐﻠﻖ ﺍﻷﺑﻮﺍﺏ
ﺃﺩﻕ .. ﻟﻴﺲ ﻳﻌﻨﻴﻨﻲ
ﻷﻧﻰ ﻗﺎﺩﻡ ﻣﻦ ﺣﺎﺿﺮ ﺍﻟﻠﺤﻈﺎﺕ ﻟﻠﻤﺎﺿﻲ
ﻭﺑﻰ ﺷﻮﻕ ﺳﻴﺸﻌﻞ ﺻﻤﺖ ﻫﺬﺍ ﺍﻟﺰﻭﺭﻕ ﺍﻟﻬﺎﺩﺉ
ﻓﻴﺪﻓﻌﻪ ﺇﻟﻰ ﺍﻟﻮﺍﺩﻯ ..
ﺇﻟﻰ ﺃﻓﻖ ﺃﻧﻴﻖ ﺍﻟﻨﺠﻢ ﺻﺪﺍﺡ ﺍﻟﺒﺴﺎﺗﻴﻦ
ﻭﺃﺷﺪﻭ ﺣﻴﻦ ﺗﺄﺗﻴﻨﻲ ..
ﻓﺘﺎﺓ ﻟﺪﻏﺔ ﺍﻟﻌﺼﻔﻮﺭ ﺃﻧﻔﺎﺱ ﺍﻟﺮﻳﺎﺣﻴﻦ
ﺑﻜﻔﻴﻬﺎ ﻭﻟﻰ ﻓﻰ ﻋﻤﻖ ﻫﺪﺑﻴﻬﺎ ..
ﺣﻜﺎﻳﺎﺕ ﻭﺃﺷﻌﺎﺭ
ﻭﻟﻰ ﻓﻰ ﺷﻌﺮﻫﺎ ﺍﻟﻤﻌﻄﺎﺭ .. ﺃﺧﺒﺎﺭ
ﺃﺫﺍ ﺳﺎﻟﺖ ﻋﻠﻰ ﻭﺩﻳﺎﻧﻬﺎ ﺍﻟﺨﻀﺮﺍﺀ ﺃﻣﻄﺎﺭ
ﺇﺫﺍ ﻋﺎﺩﺕ ﺑﻨﺎ ﺍﻷﻳﺎﻡ ﻟﻠﻤﺎﺿﻲ
ﻛﺘﺒﺖ ﻋﻠﻰ ﺛﻮﺍﻧﻰ ﺍﻟﻌﻤﺮ ﺷﻌﺮﺍ
ﻻ ﻳﺪﺍﻧﻴﻪ ..
ﻏﻨﺎﺀ ﺍﻟﻄﻴﺮ ﻭ ﻫﻤﺲ ﺍﻟﻤﺎﺀ ..
ﻭﻭﺷﻮﺷﺔ ﺍﻟﻀﻴﺎﺀ ﻓﻲ
ﺭﻛﺒﺖ ﺯﻭﺍﺭﻗﻲ ﻓﻴﻪ ﺃﺑﺤﺮﺕ
ﻓﻲ ﺷﻌﺮ ﻟﻬﺎ ﻣﺠﺪﻭﻝ
ﺟﻌﻠﺖ ﻣﺸﺎﻋﺮﻱ ﺟﻨﺪﻭﻝ

ﺯﻫﺮﺓ ﺑﺨﻴﻠﺔ
ﻣﺪﻧﻰ ﺍﻟﻨﺨﻠﻰ
ﻟﻮ ﻣﺘﻠﻰ ﻫﺪﺍﻙ ﺍﻟﺤﺰﻥ
ﺍﻭ ﻏﺎﺏ ﺣﺒﻴﺐ ﻋﻦ ﻣﻮﻋﺪﻙ
ﻟﻮ ﻋﺸﺖ ﺍﻓﺮﺍﺣﻚ ﺳﺮﺍﺏ
ﻭﺍﺑﺖ ﺍﻟﻈﺮﻭﻑ ﻣﺎ ﺗﺴﻌﺪﻙ
ﻛﺎﻥ ﻳﻮﻡ ﻋﺮﻓﺘﻰ ﺿﻨﻰ ﺍﻟﺠﺮﺡ
ﺟﻮﺍﻳﺎ ﻭﻛﺘﻴﻦ ﺍﻓﺘﻘﺪﻙ
ﻳﺎ ﺯﻫﺮﺓ ﺑﺨﻠﺖ ﺑﺎﻻﺭﻳﺞ
ﺍﻟﻠﻴﻠﺔ ﻣﺎﺕ ﻓﻴﻨﻰ ﺍﻻﺟﻴﺞ
ﻭﻓﺘﺮ ﺣﻨﻴﻨﻰ ﺍﻟﻜﺎﻥ ﺯﻣﺎﻥ
ﻋﻮﺩﺕ ﻛﺎﻟﻨﻮﻡ ﻓﻰ ﺍﻟﻌﻴﻮﻥ
ﻭﺳﻬﺮﺕ ﻣﺤﺰﻭﻥ ﻣﺎ ﺑﻨﻮﻡ
ﻟﻮ ﻟﻴﻠﻰ ﻣﻦ ﺑﻌﺪﻙ ﺣﺰﻳﻦ
ﺍﻟﻌﺸﺘﻮ ﺟﻨﺒﻚ ﻛﺎﻥ ﻫﻤﻮﻡ
ﻻ ﺑﻘﻴﺖ ﺍﻧﺎ ﺍﻟﺮﺍﺟﻰ ﺍﻟﺴﺮﺍﺏ
ﻻ ﺍﻟﺮﺍﻣﻯﺎﻣﻠﻮ ﻋﻠﻰ ﺍﻟﻐﻴﻮﻡ
ﺍﻟﻠﻴﻠﺔ ﻣﺎﺕ ﻓﻴﻨﻰ ﺍﻻﺟﻴﺞ
ﻭﻓﺘﺮ ﺣﻨﻴﻨﻰ ﺍﻟﻜﺎﻥ ﺯﻣﺎﻥ
ﻳﺎﻣﺎ ﺍﻟﺘﺮﻗﺐ ﻃﺎﻝ ﻭﺯﺍﺩ
ﻭﺍﻟﺰﺍﺩ ﻣﻮﺍﻋﻴﺪ ﻓﻰ ﺍﻟﺨﻴﺎﻝ
ﻭﺍﻟﻠﻴﻠﺔ ﻓﻰ ﺩﺭﺏ ﺍﻟﺴﻼﻣﺔ
ﻣﻦ ﺍﻻﺳﻰ ﻭﻟﻴﻞ ﺍﻟﻤﺤﺎﻝ
ﺍﺭﺗﺤﺖ ﻣﻦ ﺷﻮﻕ ﺍﻟﻐﻤﺎﻣﺔ
ﺍﻟﻴﺎﻣﺎ ﻋﺎﻧﺖ ﺍﺭﺗﺤﺎﻝ
ﺍﻟﻠﻴﻠﺔ ﻣﺎﺕ ﻓﻴﻨﻰ ﺍﻻﺟﻴﺞ
ﻭﻓﺘﺮ ﺣﻨﻴﻨﻰ ﺍﻟﻜﺎﻥ ﺯﻣﺎﻥ
ﺟﻴﺘﻚ ﻣﻌﺎﻯ ﺟﺎﻧﻰ ﺍﻟﺰﻣﺎﻥ
ﻛﻞ ﺍﻟﻤﺸﺎﻋﺮﻭﺍﻟﻤﻨﻰ
ﺗﻘﺪﺭ ﺗﺮﺟﻊ ﻟﻴﻚ ﺧﻄﺎﻯ
ﺍﻟﻌﺎﻳﺪﺓ ﻣﻦ ﺩﺭﺏ ﺍﻟﻀﻨﻰ
ﻻ ﺍﻟﺸﻮﻕ ﻓﺘﺮ ﻓﻰ ﻟﻴﻞ ﺍﺳﺎﻯ
ﻳﻘﺪﺭ ﻳﻌﻴﺪ ﻟﻴﻚ ﺍﻟﻬﻨﺎ
ﺍﻟﻠﻴﻠﺔ ﻣﺎﺕ ﻓﻴﻨﻰ ﺍﻻﺟﻴﺞ
ﻭﻓﺘﺮ ﺣﻨﻴﻨﻰ ﺍﻟﻜﺎﻥ ﺯﻣﺎﻥ