ﺍﻟﻠﻴﻠﺔ ﻣﺎﺕ ﺁﺧﺮ ﺷﻌﺎﻉ ﺷﻔﻨﺎﻩ ﻣﻦ ﻧﻮﺭ ﺍﻷﻣﻞ
ﻭﻭﻗﻔﺖ ﻓﻲ ﻧﺺ ﺍﻟﻄﺮﻳﻖ ﻭﺍﻟﻠﻴﻞ ﺧﻼﺹ ﺳﺘﺮﻩ ﺍﻧﺴﺪﻝ
ﻭﺻﻔﻴﺮ ﺭﻳﺎﺡ ﻭﻋﺒﻴﻖ ﺟﺮﺍﺡ
ﻭﺍﺷﺒﺎﺡ ﺗﻘﻮﻝ ﻟﻲ ﻣﺎ ﺑﺘﺼﻞ
ﻛﻴﻔﻦ ﺗﺼﻞ ﻭﺳﻂ ﺍﻟﻀﻴﺎﻉ ﺣﺘﻰ ﺍﻟﺸﻌﺎﻉ ﻣﻨﻚ ﺃﻓﻞ
ﻛﻴﻔﻦ ﺗﺼﻞ ﻭﺍﻟﻠﻴﻞ ﻃﻮﻳﻞ ﻭﻋﻠﻴﻚ ﺗﻘﻴﻞ ﺫﻱ ﺍﻟﺠﺒﻞ
ﻭﺳﺤﺎﺑﺔ ﺣﺠﺒﺖ ﺍﻟﻨﺠﻮﻡ ﻭﻛﺴﺖ ﻇﻼﻡ ﻛﻞ ﺍﻟﻘﺒﻞ
ﻓﻲ ﺍﻟﻠﺤﻈﺔ ﺩﻳﻚ ﺷﻔﺖ ﺍﻟﻀﻴﺎﻉ ﻭﺍﻟﻠﻮﻋﺔ ﻓﻲ ﻗﺪﺭﺍ ﻧﺰﻝ
ﻭ ﺷﻌﺮﺕ ﺑﻲ ﻣﻮﺟﺔ ﻭﺟﻊ
ﺁﺁﺁﺁﻩ ﻗﻠﺒﻲ ﺍﻧﺼﺪﻉ ﺩﻣﻌﻲ ﺍﻧﺒﻬﻞ
ﺷﻔﺖ ﺍﻟﺨﻴﺎﻝ ﻟﻮﺡ ﺑﻌﻴﺪ ﻋﺒﺮ ﺍﻟﻈﻼﻡ ﺻﺎﺡ ﻓﻲ ﻭﺟﻞ
ﻗﺎﻝ ﺍﻟﻮﺩﺍﻉ ﻗﺎﻝ ﺍﻟﻀﻴﺎﻉ ﻛﻴﻒ ﺍﻟﻮﺩﺍﻉ ﺑﻌﺪ ﺍﻟﺤﺼﻞ

ﺍﻻﻣﺎﻥ
ﻳﺸﻐﻞ ﻗﻠﺒﻲ ﺣﺒﻚ ﻋﻠﻰ ﻣﺮ ﺍﻟﺰﻣﺎﻥ
ﻭﺳﻠﻄﺎﻧﻪ ﺍﺳﺘﻘﺮ
ﻭﻓﻲ ﺟﻮﺭﻩ ﺍﺳﺘﻤﺮ
ﻛﻴﻒ ﺍﻟﻘﻰ ﺍﻟﻀﻤﺎﻥ
ﻳﺎﻣﺎ ﺍﻧﺖ ﻇﺎﻟﻢ ﻭﺍﻧﺎ ﻃﺎﻳﻊ ﺍﻭﺍﻣﺮﻙ
ﻟﻴﺶ ﺍﻟﻈﻦ ﺳﺎﻟﻢ
ﺍﻻﻣﺎﻥ ﺍﻻﻣﺎﻥ
ﻳﺎ ﺣﺒﻴﺒﻲ ﺍﻻﻣﺎﻥ
ﻭﺍﺳﻤﺢ ﻟﻲ ﻛﻤﺎﻥ
ﺍﻗﺒﻞ ﻳﺪﻳﻚ
ﻣﻦ ﻧﻮﺭ ﻭﺟﻨﺘﻴﻚ
ﻭﻣﻦ ﻧﻮﺭ ﻭﺟﻨﺘﻴﻚ ﻧﻮﺭ ﻣﻬﺠﺘﻲ
ﺍﻻﻣﺎﻥ ﺍﻻﻣﺎﻥ
ﻣﺎ ﺗﻜﺎﺩ ﻋﻴﻮﻧﻚ
ﻭﻓﻴﻚ ﺻﻮﺭ ﺍﻟﻤﺤﺎﺳﻦ
ﻇﻬﺮﺕ ﻟﻲ ﻋﻴﺎﻥ
ﻣﻮﺳﻴﻘﻰ ﺣﺪﻳﺜﻚ
ﻣﻊ ﺳﺤﺮ ﺍﻟﺒﻴﺎﻥ
ﻭﺍﺫﺍ ﻣﺎﻝ ﻗﻮﺍﻣﻚ ﻳﺎ ﺯﻳﻦ ﺍﻟﺤﺴﺎﻥ
ﺭﻭﺣﻲ ﺗﺴﻴﻞ ﻋﻮﺍﻃﻒ
ﻭﻗﻠﺒﻲ ﻳﺬﻭﺏ ﺣﻨﺎﻥ
ﻭﺍﻧﺎ ﻛﻴﻒ ﻣﺎ ﺍﺧﺎﻓﻚ
ﻭﻣﻦ ﻣﺎ ﻃﺮﻳﻔﻲ ﺷﺎﻓﻚ
ﻣﺎ ﺣﺒﻴﺖ ﺧﻼﻓﻚ
ﺣﺒﻚ ﻣﻨﻴﺘﻲ
ﻭﻓﺮﺿﻲ ﻭﺳﻨﺘﻲ
ﻭﻧﺎﺭﻱ ﻭﺟﻨﺘﻲ

ﻣﻬﻤﺎ ﻓﻴﻚ ﻃﻮﻟﺖ ﺻﺎﺑﺮ
ﻳﺎ ﺳﻨﻴﻦ ﻋﻤﺮﻯ ﺍﻟﺸﻘﻴﺔ
ﻭﻣﻬﻤﺎ ﻃﺎﻝ ﻓﻴﻚ ﺣﻈﻰ ﻋﺎﺛﺮ
ﻭﺫﻭﺑﺖ ﻋﻤﺮﻯ ﺍﻻﺳﻴﺔ
ﻣﺎ ﺑﻘﻮﻝ ﺍﻧﺎ ﺭﺍﺡ ﺃﻭﺍﻧﻰ
ﻋﺎﺭﻓﻮ ﺑﺒﺴﻢ ﻟﻰ ﺍﻣﺎﻧﻰ
ﻭﺳﻌﺪﻯ ﺑﺮﺟﻊ ﻟﻴﺎ ﺗﺎﻧﻰ
ﺑﺎﻻﻣﺎﻧﻰ ﺍﻟﺴﻨﺪﺳﻴﺔ
ﻓﻯﺎﻻﻣﺎﻧﻰ ﺍﻟﺴﻨﺪﺳﻴﺔ
ﺑﻜﺮﺓ ﺑﺼﺒﺢ ﺫﻛﺮﻳﺎﺕ
ﺣﺎﻟﻰ ﺩﺍﻙ ﺍﻟﻜﻨﺖ ﻓﻴﻬﻮ
ﺗﻤﻼ ﺁﻣﺎﻟﻰ ﺍﻟﻌﺮﺍﺽ
ﻛﻞ ﺩﺭﺑﺎً ﺍﻗﺘﻔﻴﻬﻮ
ﺑﻜﺮﺓ ﺗﺠﻤﻌﻨﻰ ﺍﻟﺼﻼﺕ
ﺑﻰ ﻋﺰﻳﺰﺍً ﺍﺻﻄﻔﻴﻬﻮ
ﺗﺮﺟﻊ ﺍﻳﺎﻣﻰ ﺍﻟﻨﻀﻴﺮﺓ
ﺑﻰ ﻟﻴﺎﻟﻴﻬﺎ ﺍﻟﻬﻨﻴﺔ
ﻭﺳﻌﺪﻯ ﺑﺮﺟﻊ ﻟﻴﺎ ﺗﺎﻧﻰ
ﺑﺎﻻﻣﺎﻧﻰ ﺍﻟﺴﻨﺪﺳﻴﺔ
ﺍﺻﻠﻰ ﻣﻦ ﻓﻴﺾ ﺍﻟﻌﻮﺍﻃﻒ
ﺩﻳﻤﺔ ﺃﺳﺮﺍﻧﻰ ﺍﻟﻤﺤﻨﺔ
ﻭﻛﻞ ﻣﻨﺎﻯ ﺗﺮﺗﺎﺡ ﺣﺮﻭﻓﻰ
ﻭﻓﻰ ﺍﻟﻔﺆﺍﺩ ﻃﺎﻭﻳﺎﻫﻮ ﺍﻧﺔ
ﻻ ﻓﺆﺍﺩﻯ ﻳﺸﻮﻑ ﻋﺪﺍﻭﺓ
ﻻ ﺷﻘﺎﻭﺓ ﻭﻻ ﻣﻈﻨﺔ
ﺍﺻﻠﻰ ﻳﺎ ﺭﻭﺣﻰ ﺍﻟﺼﻔﻴﺔ
ﻟﺴﺔ ﺣﺎﻓﻆ ﻟﻠﻮﺻﻴﺔ
ﻭﺳﻌﺪﻯ ﺑﺮﺟﻊ ﻟﻴﺎ ﺗﺎﻧﻰ
ﺑﺎﻻﻣﺎﻧﻰ ﺍﻟﺴﻨﺪﺳﻴﺔ

ﻋﻠﻰ ﺑﺎﺑﻚ ﻧﻬﺎﺭﺍﺕ ﺍﻟﺼﺒﺮ .. ﻭﺍﻗﻔﺎﺕ
ﺑﺪﺍﻳﺔ ﺍﻟﺪﻧﻴﺎ ﻫﻦ ﻭﺍﻗﻔﺎﺕ
ﻭﻛﻢ ﻭﻟﻬﺎﻥ ﻭﻛﻢ ﻃﺎﺋﺮ
ﺑﻌﺪ ﻧﺘّﻒ ﺟﻨﺎﺣﻮ ﻭﺭﺍﻙ
ﻟﻤﻠﻢ ﺣﺮ ﻧﺪﺍﻣﺘﻮ .. ﻭﻓﺎﺕ
ﻗﻄﻊ ﺷﺎﻣﺔ ﻫﻮﺍﻙ ﻣﻦ ﻗﻠﺒﻮ
ﺇﻻّ ﻫﻮﺍﻙ ﻧﺒﺖ ﺗﺎﻧﻰ
ﻭﻋﻠﻰ ﺑﺎﺑﻚ ﻭﻗﻒ ﺗﺎﻧﻰ
ﻏﻤﺎﻳﻢ ﺷﺎﻗﺔ ﺣﻀﻦ ﺍﻟﻠﻴﻞ
ﻣﺴﺎﻓﺮ ﻓﻴﻬﺎ ﻭﺣﺪﺍﻧﻰ .. ﻭﺑﺪﻭﻥ ﺟﻨﺤﻴﻦ
ﻳﻐﻨﻴﻚ ﺍﻟﻬﻨﺎ .. ﺍﻟﻤﺎﻓﻰ
ﻭﻳﻐﻨﻴﻠﻚ ﺭﻫﺎﻓﺔ ﺣِﺴﻮ
ﻳﻔﻨﻰ ﻋﻠﻰ ﺟﻠﻴﺪ ﺁﻣﺎﻝ
ﻭﻳﺤﻠﻢ ﺑﺎﻟﺸﺘﺎ ﺍﻟﺪﺍﻓﻰ
ﻭﻗﺪﺭ ﻣﺎ ﻳﻤﺸﻰ ﻓﻰ ﺳﻮﺭ ﺍﻟﺰﻣﻦ ﺧﻄﻮﺍﺕ
ﻳﻼﻗﻰ ﺧﻄﻰ ﺍﻟﺴﻨﻴﻦ ﻭﺍﻗﻔﺎﺕ
ﻳﻼﻗﻰ ﻫﻮﺍﻙ ﻧﺒﺖ ﺗﺎﻧﻰ
ﻭﻋﻠﻰ ﺑﺎﺑﻚ ﻭﻗﻒ ﺗﺎﻧﻰ
ﻭﻣﻼ ﺍﻟﺴﺎﺣﺎﺕ

ﺍﻟﺪﻧﻴﺎ ﻟﻴﻞ ﻏﺮﺑﻪ ﻭﻣﻄﺮ
ﻭﻃﺮﻑ ﺣﺰﻳﻦ ﻭﺟﻊ
ﺗﻘﺎﺳﻴﻢ ﺍﻟﻮﺗﺮ
ﺷﺮﺏ ﺍﻟﺰﻣﻦ ﻓﺮﺡ ﺍﻟﺴﻨﻴﻦ
ﻭﺍﻟﺒﺎﻗﻲ ﻫﺪﺍﻫﻮ ﺍﻟﺴﻔﺮ
ﻳﺎ ﺭﻭﺡ ﻣﻨﺎﻱ ﺍﻟﻐﺮﺑﻪ ﻣﻠﺖ
ﻣﻦ ﺷﻘﺎﻱ ﻭﻏﺮﺑﺘﻲ
ﻭﺑﻘﻴﺖ ﺑﺮﺍﻱ ﻻ ﻏﻨﻮﻩ
ﻻ ﻣﻮﺍﻝ ﺍﺑﺪﺩ ﺣﺴﺮﺗﻲ
ﻏﻴﺮ ﺍﻟﺪﻣﻮﻉ ﻳﺎ ﻣﻠﻬﻤﻪ
ﺍﻟﻐﺮﺑﻪ ﻣﺮﻩ ﻭﻣﻮﻟﻤﻪ
ﻗﻮﻟﻮﺍ ﻟﻠﻨﻴﻞ ﺿﻔﻪ ﺿﻔﻪ
ﻭﺍﻟﻌﺸﻴﺎﺕ ﻟﻤﺎ ﺗﺼﻔﻰ
ﻭﺍﻟﻨﻴﺴﻤﺎﺕ ﺍﻟﺒﺘﺎﺧﺪ
ﻣﻦ ﻋﻔﺎﻑ ﺭﻳﺪﻧﺎ ﻋﻔﻪ
ﺍﻧﻮ ﺷﻮﻗﻲ ﺑﻔﻴﺾ ﺑﺤﺮ
ﺷﻮﻗﻲ ﺷﻮﻕ ﺍﻧﺴﺎﻥ ﻣﻀﻴﺾ
ﺿﻴﻌﻮ ﺍﻟﻠﻴﻞ ﻭﺍﻟﺴﻬﺮ
ﻻ ﻳﻨﺎﺑﻴﻊ ﺭﻳﺪﻱ ﺟﻔﺖ
ﻻ ﻭﻻ ﺍﺷﻮﺍﻗﻲ ﺧﻔﺖ
ﻛﻞ ﻳﻮﻡ ﻓﻲ ﻏﺮﺑﻪ
ﺫﺍﺩﺕ ﺑﻴﻬﺎ ﻛﻞ ﺍﻟﺪﻧﻴﺎ ﻋﺮﻓﺖ
ﺍﻟﺪﻧﻴﺎ ﻟﻴﻞ ﻏﺮﺑﻪ ﻭﻣﻄﺮ

ﺑﻌﺪﻙ ﺍﻟﻔﺮﻳﻖ ﺃﺻﺒﺢ ﺧﻼ
ﻭﺍﻟﺴﻤﺤﺔ ﻗﺎﻟﻮﺍ ﻣﺮﺣﻠﺔ
ﺟﺎﻧﻲ ﺍﻟﺨﺒﺮ ﺟﺎﻧﻲ ﺍﻟﺒﻼ
ﻭﺍﻟﺴﻤﺤﺔ ﻗﺎﻟﻮﺍ ﻣﺮﺣﻠﺔ
ﻗﻮﻝ ﻳﺎ ﻟﺴﺎﻥ ﻓﻲ ﺍﻟﺮﺍﺣﻠﺔ
ﺻﻮﻍ ﺍﻟﻤﻌﺎﻧﻲ ﻭﺟﻤﻼ
ﻧﺎﻓﺮ ﻭﻣﺎ ﻋﺎﺭﻑ ﺍﻟﻌﻠﻲ
ﺣﺎﻝ ﺍﻟﻌﻠﻲ ﺣﺎﻝ ﺍﻟﺨﻼ
ﻳﺎ ﻋﻴﻨﻲ ﺟﺎﻓﻴﻨﻲ ﺍﻟﻤﻨﺎﻡ
ﻭﺧﺪﻭﺩﻱ ﺩﻣﻌﻚ ﺑﻠﻼ
ﻭﻳﻦ ﺑﻌﺪﻙ ﺃﻟﻘﻲ ﻋﻄﻮﻑ
ﻳﻠﻢ ﺃﻓﻜﺎﺭﻱ ﺑﻌﺪ ﺍﻟﺒﻬﺪﻻ
ﺭﻭﺡ ﻳﺎ ﻧﺴﻴﻢ ﺭﻭﺡ ﻗﺎﺑﻼ
ﺗﻠﻘﺎﻫﺎ ﻧﺎﻳﻤﺔ ﻭﻏﺎﻓﻠﺔ
ﺩﺍﻋﺐ ﺑﺨﺼﻼﺕ ﺷﻌﺮﻫﺎ
ﻭﺃﻟﺜﻢ ﺿﻔﺎﻳﺮﺍ ﻣﺴﺪﻟﻪ
ﻭﺃﺭﻓﻊ ﻛﺘﻴﻔﻬﺎ ﺍﻟﻬﺎﺩﻻ
ﻭﻛﺎﻝ ﺧﺪﻭﺩﻫﺎ ﻭﻗﺒﻼ
ﻭﻗﻮﻝ ﻟﻴﻬﺎ ﻣﻦ ﺑﻌﺪﻙ
ﺧﻼﺹ ﺷﻔﺖ ﺍﻟﺮﻓﻴﻖ ﺃﺻﺒﺢ ﺧﻼ
ﻳﺎ ﺭﺑﻲ ﻟﺤﻈﺎﺕ ﺍﻟﻮﺩﺍﻉ
ﺃﻣﺜﺎﻟﻲ ﻛﻴﻒ ﻳﺘﺤﻤﻼ
ﺍﻟﻠﻴﻠﺔ ﺑﻮﺻﻴﻚ ﺑﺎﻟﺤﺒﻴﺐ
ﻋﻨﺪﻙ ﺃﻣﺎﻧﺔ ﺗﺤﻤﻼ
ﻭﺗﺪﻳﻢ ﻋﻠﻰ ﺍﻟﺨﻴﺮ ﻭﺍﻟﻬﻨﺎﺀ
ﻭﻛﻞ ﻳﻮﻡ ﺗﻀﺎﻋﻔﻠﻮﺍ ﺍﻟﺤﻼ
ﻗﻠﺒﻲ ﺍﻟﺤﻨﻴﻦ ﻣﻦ ﻗﺎﻡ ﺻﻐﻴﺮ
ﻃﻮﻝ ﻋﻤﺮﻩ ﻻ ﺟﻔﺎ ﻻ ﺳﻼ
ﻭﺍﻟﺴﻤﺤﺔ ﻗﺎﻟﻮﺍ ﻣﺮﺣﻠﺔ

ﺍﻟﺴﺤﺎﺏ
ﻳﺤﻰ ﻓﻀﻞ ﺍﻟﻠﻪ
ﺍﻟﺴﺤﺎﺏ ﻟﻮ ﺍﺻﻠﻮ
ﺧﺎﺻﻤﻨﺎ ... ﻭ ﺗﻌﺐ
ﻭ ﺍﻟﺮﻳﺎﺡ ﺍﻟﻔﻲ ﺍﻟﺪﺭﺏ
ﺷﺘّﺘﺖْ ﻓﺮﺡ ﺍﻟﻘﻮﺍﻓﻲ
ﻭ ﺑّﺪﺩﺕ ﺣﺰﻥ ﺍﻟﻤﻨﺎﻓﻲ
ﻣﺪﺩﺕ ﺑﻌﺪ ﺍﻟﻤﻨﺎﻓﻰ
ﺑﺮﺿﻮ ﺭﻳﺪﻙ ﻓﻴﻨﺎ ﺑﺎﻗﻲ
ﺭﻳﺪﻙ ﺍﻧﺘﻰ ﻓﻴﻨﺎ ﺑﺎﻗﻰ
ﻓﻲ ﺍﻟﺤﻨﺎﻳﺎ .. ﻭﻓﻰ ﺍﻟﺰﻭﺍﻳﺎ
ﻓﻲ ﻋﻴﻮﻥ ﺃﻃﻔﺎﻝ ﺑﺘﻜﺘﺐ ﺑﺎﻟﺪﻭﺍﻳﺎ
ﻓﻲ ﺍﻟﻤﺸﺎﻭﻳﺮ ﻭﺍﻟﺤﻜﺎﻳﺎ
ﻭ ﺟّﻮﻩ ﺛﺎﺑﺖ ﻓﻲ ﺍﻟﻘﻠﺐ
ﻳﺎ ﺳﻤﺤﻪ ﻣﺎ ﻏﺎﺑﺖ ﻣﺪﻳﻨﺔ
ﻳﺎ ﺳﻤﺤﻪ ﻣﺎ ﺑﻤﻮﺕ ﺍﻟﻔﺮﻳﻖ
ﻭ ﻻﺑﻴﻨﻬﺶ ﻓﻲ ﻏﻨﺎﻭﻳﻨﺎ ﺍﻟﺤﺮﻳﻖ
ﻭ ﺍﻟﻮﺗﺮ ﺩﺍﻳﻤﺎً ﺑﻐﻨﻲ ..
ﻟﻠﻘﻮﺍﻓﻞ ﺍﻟﺠﺎﻳﺔ ﻣﻦ ﻭﺟﻊ ﺍﻟﻄﺮﻳﻖ
ﻭ ﺍﻟﺴﺤﺎﺏ ﺑﺮﺿﻮ ﺑﻴﻌﻮﺩ
ﻭﻳﺠﻴﻨﺎ ﺑﻲ ﺑﺮﻳﻖ ﺍﻟﺒﺸﺎﺭﺓ
ﺑﻴﻨﺎ ﺑﻴﻨﻚ ﻻ ﻣﻮﺍﻧﻊ ﻻ ﺳﺪﻭﺩ
ﺑﻴﻨﺎﺗﻨﺎ ﺑﺲ ﺗﺒﻘﻲ ﺍﻟﺠﺴﺎﺭﺓ

ﻭﺍﻟﻠﻪ ﻧﺤﻦ ﻣﻊ ﺍﻟﻄﻴﻮﺭ ﺍﻟﻤﺎﺑﺘﻌﺮﻑ ﻟﻴﻬﺎ ﺧﺮﻃﻪ ﻭﻻ ﻓﻰ ﺍﻳﺪﻫﺎ ﺟﻮﺍﺯ
ﺳﻔﺮ ﻧﻤﺸﻰ ﻓﻰ ﻛﻞ ﺍﻟﻤﺪﺍﻳﻦ ﻧﺒﻰ ﻋﺸﻨﺎ ﺑﺎﻏﻨﺎﻭﻯ ﻭﺍﻟﺮﻳﺎﺣﻴﻦ ﻭﺍﻟﻤﻄﺮ
ﻭﺍﻟﺤﺒﻴﺒﻪ ﺗﻐﻨﻰ ﻟﻴﻨﺎ ﻻﻫﻤﻮﻡ ﺗﺴﻜﻦ ﺩﺭﻭﺑﻨﺎ ﻭﻻ ﻳﻼﻗﻴﻨﺎ ﺍﻟﺨﻄﺮ ﻭﺍﻟﻠﻪ ﺑﺎﻛﺮ
ﻳﺎﺣﻠﻮﻩ ﻟﻤﺎ ﺍﻭﻻﺩﻧﺎ ﺍﻟﺴﻤﺮ ﻳﺒﻘﻰ ﺍﻓﺮﺍﺣﻨﺎ ﺍﻟﺒﻨﻤﺴﺢ ﺑﻴﻬﺎ ﺍﺣﺰﺍﻥ ﺍﻟﺰﻣﻦ
ﻧﻤﺸﻰ ﻓﻰ ﻛﻞ ﺍﻟﺪﺭﻭﺏ ﺍﻟﻮﺍﺳﻌﻪ ﺩﻳﻜﻮﺍﻟﺮﻭﺍﻛﻴﺐ ﻭﺍﻟﻤﺪﻥ ﻭﺍﻟﻠﻪ ﻧﺤﻦ ﻣﻪ
ﺍﻟﻄﻴﻮﺭ ﺍﻟﻤﺎﺑﺘﻌﺮﻑ ﻟﻴﻬﺎ ﺧﺮﻃﻪ ﻭﻻ ﻓﻰ ﺍﻳﺪﻫﺎ ﺟﻮﺍﺯ ﺳﻔﺮ

ﺍﻟﻮﺳﻴﻢ ﺍﻟﻘﻠﺒﻲ ﺭﺍﺩﻭ
ﺍﻟﺠﻤﺎﻝ ﺣﺎﺯ ﺍﻧﻔﺮﺍﺩﻭ
ﻣﺎﻟﻮ ﻟﻮ ﻣﺮّﺓ ﺍﻓﺘﻜﺮﻧﻲ
ﻣﺎﻟﻮ ﻟﻮ ﺃﻧﺠﺰ ﻣﻴﻌﺎﺩﻭ
ﻟﻴﻪ ﻧﺴﺎﻧﻲ .. ﺃﻭ ﺗﻨﺎﺳﻰ
ﻻﻫﻮ ﺟﺎﻣﻞ ﻻﻫﻮ ﺁﺳﻰ
ﻭﻗﻠﺒﻲ ﺑﻲ ﺍﻟﺘﻌﺬﻳﺐ ﺃﺑﺎﺩﻭ
ﻣﻨّﻲ ﺷﺎﻟﻮ ﻭﻣﺎ ﺃﻋﺎﺩﻭ
ﺷﻔﺘﻮ ﻛﺎﻥ ﻓﻲ ﺗﻮﺏ ﺣﺪﺍﺩﻭ
ﻭﻛﻞ ﺣﻮﺍﺳﻲ ﻋﻠﻴﻬﻮ ﻧﺎﺩﻭ
ﺍﺳﺘﺠﺎﺏ ﻟﻲ ﻧﺪﺍﻱ ﻭﺟﺎﻭﺏ
ﻛﺎﻥ ﻋﻮﺍﻃﻒ ﻭﻛﺎﻥ ﺗﺠﺎﻭﺏ
ﻋﺰّ ﻣﻦ ﺑﻌﺪﻭ ﺍﻟﺘﻼﻗﻲ
ﺭﻏﻢ ﻗﺮﺑﻮ ﻭﺍﺷﺘﻴﺎﻗﻲ
ﻃﺮﻓﻲ ﻣﺘﺰﺍﻳﺪ ﺳﻬﺎﺩﻭ
ﻭﺟﺴﻤﻲ ﺟﺎﻓﺎ ﺍﻟﺮﻗﺎﺩ ﻣﻬﺎﺩﻭ
ﺇﻳﻪ ﻳﻜﻮﻥ ﻓﻲ ﻧﻈﺮﻱ ﺯﺍﺩﻭ
ﻏﻴﺮ ﺧﺼﺎﻟﻮ ﻭﺍﻋﺘﺪﺍﺩﻭ
ﻣﻬﻤﺎ ﻳﺠﻔﻮ ﻓﻲ ﻗﺮﺑﻮ ﺃﻃﻤﻊ
ﻣﺎ ﺑﻄﻴﻖ ﻟﻲ ﻏﻴﺮﻭ ﺃﺳﻤﻊ
ﺃﺳﺄﻟﻮﻫﻮ ﺇﺫﺍ ﺗﺒﺴّﻢ
ﻭﺍﺗﺮﻛﻮﻫﻮ ﺇﺫﺍ ﺗﺄﻟّﻢ
ﻭﺍﺟﺒﻲ ﺣﺘّﻢ ﺃﺻﻮﻥ ﻭﺩﺍﺩﻭ
ﻣﻬﻤﺎ ﺯﺍﺩ ﺻﺪّﻭﺍ ﻭﻋﻨﺎﺩﻭ

ﺿﻠﻴﺖ ..
ﻫﺮﺏ ﻣﻨﻰ ﺍﻷﻣﻞ .. ﺟﻨﻴﺖ
ﺟﺎﻓﺎﻧﻰ ﺍﻟﺸﺮﻭﻕ .. ﺣﻨﻴﺖ
ﻛﻨﺘﻰ ﻣﻌﺎﻳﺎ .. ﻓﻰ ﻟﻤّﺔ
ﺩﻟﻴﺐ .. ﺷﺎﺷﺎﻯ
ﻓﻰ ﺇﻳﻘﺎﻉ ﺣﺸﺎ ﺍﻟﻤﺮﺩﻭﻡ
ﻓﻰ ﺟﻴﺪ ﺍﻟﺰﻣﻦ .. ﺳﻮﻣﻴﺖ
ﻣﺮﻗﺖ .. ﻋﻠﻰ ﻣﺤﻄﺎﺕ
ﺍﻟﺴﻔﺮ .. ﻏﺮﺑﺔ
ﻭﻣﺎ ﻟﻘﻴﺘﻚ .. ﺃﻣﻞ ﺷﺎﺭﺩ
ﻣﻊ ﺇﻧﻚ ﻣﻌﺎﻯ
ﻓﻰ ﺯﺣﻤﺔ ﺍﻟﻤﺸﻮﺍﺭ
ﻭﺣﺘﻰ ﻳﻘﻴﻨﻰ ﻋﺎﺩ ﻣﻦ ﺗﺎﻧﻰ
ﺻﺤّﺎﻙ ﻣﻦ ﺣﻨﻴﻦ ﺫﺍﺗﻰ ..
ﻧﺠﻢ ﺍﻟﻔﺮﺣﺔ ﻳﺎ ﻋﺎﻳﺪ
ﺗﻌﺎﻟﻰ ﻣﻌﺎﻯ ....
ﻣﻦ ﺯﻓﺔ ﻧﻔﺲ ﻣﺴﺪﺍﺭ
ﻭﻣﺎ ﺟﺮﺗﻖ ﻓﺮﺡ .. ﻛﺎﻧﺖ
ﻭﻻ ﻃﻌﻢ ﺍﻟﺸﻘﺎ ﺍﻟﺮﻭّﺡ
ﺧﻄﺎﻯ ﻫﺎﻧﺖ
ﻭﺇﻧﺘﻰ ﻣﻌﺎﻧﻰ ﺷﺎﻳﻼﻫﺎ ﺍﻟﻘﻮﺍﻓﻰ
ﻣﻌﺰﺓ ﻓﻰ ﻋﻤﻖ ﺍﻟﻔﺮﺡ .. ﺩﻭﺑﻴﺖ
ﻭﻛﺖ ﺿﻠﻴﺖ ...
ﻗﻌﺪﺕّ ﺑﺮﺍﻯ .. ﻭﺣﺴﻴﺘﻚ
ﺑﺘﻄﻠﻌﻰ ﻣﻦ ﻧﻔﺲ ﻃﻮﺭﻳﺔ
ﺿﺎﻣّﺔ ﺍﻟﻄﻴﻦ
ﻭﻣﻦ ﺩﻣﻌﺔ ﻭﺟﻊ ﻃﻮّﻝ
ﻧﺪﺍ ﺍﻟﻌﺮﻕ ﺍﻟﺒﻨﺎﺩﻯ .. ﺣﻨﻴﻦ
ﻭﺍﻧﺎﺩﻳﻚ ﻭﺍﻧﺖ ﻓﻲ ﺫﺍﺗﻲ ..
ﻣﺨﺎﻭﻑ ﺳﻜﺔ ﺁﻫﺎﺗﻲ
ﻣﺪﺍﻳﻦ ﻗﺮﻳﺔ ﻻﺑﺴﺔ ﺍﻟﻘﻤﺮﺓ ﺷﺎﻣﺔ ﺿﻮ
ﻳﺤﻦ ﻳﻐﺸﺎﻫﺎ ﻣﺮﺓ ﺷﺮﻭﻕ
ﻳﺨﺪﺭ ﻣﻦ ﻋﺮﻕ ﺗﺮﺑﺎﻝ ..
ﻳﺮﺗﺎﺡ ﻓﻲ ﺿﻠﻴﻞ ﻭﺍﺳﻮﻕ ..
ﻳﻨﺎﺩﻱ ﺗﺮﺍﺏ
ﻳﻐﺎﺯﻝ ﺧﺪﺭﺓ ﺍﻟﺴﻴﺎﻝ
ﺗﻄﻞُ ﺷﺮﻭﻕ ..
ﺗﻜﻮﻥ ﻗﻤﺮ ﺍﻟﺴﻌﺪ ﺿﻮﻳﺖ ..