ﺍﻟﻘﺮﻭﺵ ﺍﻟﻜﺘﻴﺮﺓ ﺟﺎﺗﻮ ﻣﻦ ﻭﻳﻦ ﺩﺍ ﺍﻟﺴﺆﺍﻝ ﺍﻟﻤﺤﻴﺮ ﻋﺒﺎﺱ ﻭﻣﺎ ﻻﻗﻲ ﻟﻴﻬﻮ ﻧﻬﺎﺋﻲ ﺍﺟﺎﺑﺔ ﻭﺑﻌﺪ ﻋﺒﺪ ﺍﻟﻘﻴﻮﻡ ﻓﺎﺕ ﻣﻨﻮ ﻗﻌﺪ ﻳﺨﺪﺙ ﻓﻲ ﺭﻭﺣﻮ ﻭﻳﻔﻜﺮ ﻓﻲ ﺍﻻﺣﺘﻤﺎﻻﺕ ﻭﺍﺻﻼ ﻣﺎﻓﻲ ﻏﻴﺮ ﻋﺒﺪ ﺍﻟﻘﻴﻮﻡ ﻭﺍﻟﺘﺎﺝ ﺑﺲ ﻭﻗﺎﻝ ﻋﺒﺪ ﺍﻟﻘﻴﻮﻡ ﻗﺎﻝ ﻣﺎ ﻣﻨﻮ ﻭﻗﺎﻝ ﺍﻟﺘﺎﺝ ﺩﻓﻊ ﻟﻲ ﻋﺸﺮﺓ ﺍﻟﻒ ﻳﻌﻨﻲ ﻣﺎ ﺍﻟﺘﺎﺝ ﺍﻟﺨﺘﺎﻫﺎ ﻟﻲ ﻓﻲ ﺍﻟﺸﻨﻄﺔ ﻭﺍﻟﺘﺎﺝ ﺯﺍﺗﻮ ﻛﻮﻧﻮ ﻳﺪﻓﻊ ﻟﻲ ﻋﺸﺮﺓ ﺍﻟﻒ ﺩﻱ ﺑﺎﻟﻎ ﻓﻴﻬﺎ ﻟﻜﻦ ﺯﻭﻝ ﻣﻼﻥ ﻗﺮﻭﺵ ﻭﺿﺎﺭﺏ ﻟﻴﻬﻮ ﺿﺮﺑﺔ ﺟﺎﻣﺪﺓ ﻭﻟﺴﺔ ﺷﻐﺎﻝ ﻣﺨﺪﺭﺍﺕ ﻳﻌﻨﻲ ﻣﺎﻗﻲ ﻏﻴﺮﻭ ﻻﻧﻮ ﺍﻟﻮﺣﻴﺪ ﺍﻟﺒﻘﺪﺭ ﻳﻔﺘﺢ ﺍﻟﺸﺘﻄﺔ ﻣﻦ ﻏﻴﺮ ﻣﺎ ﻓﻲ ﺯﻭﻝ ﻳﺸﻮﻓﻮ ﻟﻜﻦ ﻟﻮ ﻫﻮ ﻣﺎﻟﻮ ﻣﺎ ﻭﺭﺍﻧﻲ ﻭﻟﻴﻪ ﺍﺩﺍﻧﻲ ﻟﻴﻬﻦ ﻭﺩﺍ ﻛﻠﻮ ﻛﻮﻡ ﻭﺍﻟﺘﻐﻴﺮ ﺍﻻﺗﻐﻴﺮﻭ ﻓﻲ ﺗﻌﺎﻣﻠﻮ ﻣﻌﺎﻱ ﻛﻮﻡ ﺑﺮﺍﻫﻮ ﻭﺣﻜﺎﻳﺔ ﻣﺎ ﺩﺍﻳﺮ ﺍﻟﻨﺠﻮﻣﻲ ﻳﺰﻋﻞ ﺩﻱ ﻣﺎ ﺭﺍﻛﺒﺔ ﻟﻲ ﻓﻲ ﺭﺍﺳﻲ ﻭﻋﻤﻠﻬﺎ ﺳﺒﺐ ﺑﺲ ﻟﻜﻦ ﻟﻴﻪ ﻣﺎ ﺩﺍﻳﺮﻧﻲ ﺍﺳﻜﻦ ﻣﻌﺎﻫﻮ ﻭﻫﻮ ﻋﺎﺭﻑ ﺍﻧﻲ ﻣﺎ ﻋﻨﺪﻱ ﺍﻱ ﺷﻐﻠﺔ ﺑﻴﻬﻮ ﻭﻻ ﻗﺎﻋﺪ ﺍﻧﻀﻢ ﻣﻌﺎﻫﻮ ، ﻳﻜﻮﻥ ﺍﻟﻨﺠﻮﻣﻲ ﻫﻮ ﺍﻟﻘﺎﻝ ﻟﻴﻬﻮ ﻛﺪﺍ ﻭﻟﻼ ﻛﻼﻡ ﻓﺮﺡ ﻃﻠﻊ ﺻﺎﺡ ﻭﻓﺮﺡ ﺯﺍﺗﻮ ﻋﺮﻓﻮ ﻛﻴﻒ ﻣﺎ ﺡ ﻳﺴﻜﻨﻲ ﻣﻌﺎﻫﻮ ﻳﺎﺧﻲ ﺩﻱ ﺣﺎﺟﺎﺕ ﺗﻠﻒ ﺍﻟﺮﺍﺱ ﺑﺲ ﻣﺎﻓﻲ ﻣﺸﻜﻠﺔ ﺍﻣﺸﻲ ﻫﺴﻲ ﻋﻠﻲ ﺣﺴﻦ ﻭﺍﺷﻮﻑ ﻟﻲ ﻣﺤﻞ ﺧﺘﺔ ﺭﺍﺳﻲ ﻭﺍﺭﺗﺎﺡ ﻣﻦ ﻫﻢ ﺍﻟﺴﻜﻦ ﻭﺍﻗﺒﻞ ﻋﻠﻲ ﺍﻟﺸﻐﻞ
ﻭﻓﺎﺕ ﻟﺤﺴﻦ ﺭﺍﺳﻮ ﺟﺎﻳﻂ
ﺣﺴﻦ ﺟﺮﺍ ﻟﻴﻬﻮ ﻛﺮﺳﻲ ﻭﻗﺎﻝ ﻟﻴﻬﻮ ﺍﻗﻌﺪ ﺍﻫﺎ ﻗﺎﻝ ﻟﻴﻚ ﺷﻨﻮ ﺍﻟﺘﺎﺝ ؟
_ ﺍﻟﺘﺎﺝ ﺑﻘﻰ ﻭﺍﺿﺢ ﻣﻌﺎﻱ ﻭﻗﺎﻝ ﻟﻲ ﻣﺎ ﺗﺴﻜﻦ ﻣﻌﺎﻱ ﻋﺸﺎﻥ ﻣﺎ ﺩﺍﺭ ﻳﺨﺴﺮ ﺍﻟﻨﺠﻮﻣﻲ ﺻﺎﺣﺒﻮ ، ﺍﻧﺖ ﻋﺎﺭﻑ ﺍﻛﺘﺮ ﺣﺎﺟﺔ ﺍﻭ ﺍﻛﺒﺮ ﻏﻠﻄﺔ ﺍﻧﻲ ﺟﻴﺖ ﺍﺷﺘﻐﻞ ﻣﻌﺎﻭ ﻓﻲ ﺍﻟﻤﺤﻞ ﻭﻣﻼﻗﺎﺗﻲ ﻟﻠﻨﺠﻮﻣﻲ ﻭﺍﻟﺰﻭﻝ ﺍﻟﻔﻘﺮ ﺩﺍ ﻣﻦ ﻳﻮﻡ ﻇﻬﺮ ﻭﺍﻻﻣﻮﺭ ﻛﻠﻬﺎ ﺍﺗﺠﻮﺑﻜﺖ ﻭﺍﺗﻠﺨﺒﻄﺖ ﻣﻌﺎﻱ
_ ﺍﻧﺖ ﺁ ﻋﺒﺎﺱ ﺍﺣﻤﺪ ﺭﺑﻚ ﻟﺴﺔ ﺻﻐﻴﺮ ﻣﺎ ﺍﺗﺠﻬﺠﻬﺖ ﻭﺍﻟﺪﻧﻴﺎ ﺩﻱ ﻣﺎ ﻭﺭﺗﻚ ﺍﻟﻤﻌﺎﻛﺴﺔ ﺍﻟﺠﺪ ﺟﺪ
_ ﻛﻴﻒ ؟
_ ﻣﺮﻗﺖ ﻣﻦ ﺑﻴﺘﻜﻢ ﻣﺠﺎﺳﻒ ﻭﺟﻴﺖ ﻫﻨﺎ ﻣﺎ ﺑﺘﻌﺮﻑ ﺯﻭﻝ ﻟﻜﻦ ﻓﻲ ﻧﻔﺲ ﺍﻟﻴﻮﻡ ﺍﻟﺠﻴﺖ ﻓﻮﻗﻮ ﺍﺷﺘﻐﻠﺖ ﻓﻲ ﻧﺎﺱ ﺍﻛﺒﺮ ﻣﻨﻚ ﺟﻮﺍ ﺍﻟﺒﻠﺪ ﺩﻱ ﻭﺍﺗﺪﺭﺩﺭﻭﺍ ﻓﻮﻗﻬﺎ ﻭﺷﺎﻓﻮﺍ ﻓﻴﻬﺎ ﺍﻟﻨﺠﻮﻡ ﻋﺰ ﺍﻟﻀﻬﺮ ﺍﺳﻌﻠﻨﻲ ﺍﻧﺎ ﻭﺍﻟﻠﻪ ﺑﻌﺮﻑ ﻧﺎﺱ ﺑﻜﻮﺍ ﻓﻴﻬﺎ ﺑﺪﻣﻮﻋﻬﻢ ﻋﺪﻳﻞ
_ ﻫﺴﻲ ﺍﻧﺎ ﻣﺎ ﻣﺠﻬﺠﻪ
، ﻣﺎ ﻣﺠﻬﺠﻪ ﻭﻻ ﺷﻲ ﺍﻛﺎﻥ ﻟﻠﺴﻜﻦ ﻣﺸﻜﻠﺘﻮ ﻣﺤﻠﻮﻟﺔ ﻭﺍﻟﺸﻐﻞ ﺯﺍﺗﻮ ﻋﻨﺪﻙ
_ ﻋﻨﺪﻱ ﻭﻳﻦ ؟
_ ﺍﺷﺘﻐﻞ ﺯﻱ ﺍﻭﻝ
_ ﻣﺎ ﺑﻘﺪﺭ ﻭﺍﻟﻠﻪ ﻛﻞ ﻣﺎ ﺍﺗﺬﺭ ﺍﻟﻜﺮﺗﻮﻧﺔ ﻭﺍﻟﺠﺮﻱ ﻭﺳﻂ ﺍﻟﻌﺮﺑﺎﺕ ﻓﻲ ﺍﻟﺤﺮ ﺑﻄﻨﻲ ﺗﻄﻢ ﻭﻣﺎ ﺑﺸﺘﻐﻠﻬﺎ ﺍﻟﺸﻐﻠﺔ ﺩﻱ ﺗﺎﻧﻲ ﺩﺍﻳﺮ ﻟﻲ ﺷﻐﻞ ﻓﻲ ﺩﻛﺎﻥ
_ ﻛﺪﻱ ﻳﺎﺩﻭﺏ ﺍﻧﺖ ﺗﻌﺒﺖ ﻭﺑﺘﺘﻌﺐ ﺯﻳﺎﺩﺓ
_ ﺍﻧﺎ ﻣﺘﺄﻛﺪ ﻟﻮ ﺍﺷﺘﻐﻠﺖ ﻓﻲ ﺍﻱ ﺩﻛﺎﻥ ﺑﻨﺠﺤﻮﺍ ﻭﺍﻟﺘﺠﺎﺭﺓ ﺩﻱ ﺷﺮﺑﺘﻬﺎ ﺷﺮﺍﺏ
_ ﺗﺠﺎﺭﺓ ﺷﻨﻮ ﺍﻟﺸﺮﺑﺘﻬﺎ ﺩﻱ ، ﺍﻧﺖ ﻗﺎﻳﻞ ﺷﻐﻞ ﺍﻟﺪﻛﺎﻥ ﺳﺎﻫﻞ
_ ﻣﺎﻟﻮ ﻣﺎ ﺳﺎﻫﻞ
_ ﻭﺍﻟﻠﻪ ﻟﻮ ﺳﺎﻫﻞ ﺍﻟﺒﺸﺮﻳﺔ ﺍﻟﺤﺎﻳﻤﺔ ﺩﻱ ﻛﻠﻬﺎ ﺍﻛﺎﻧﺖ ﻓﺘﺤﺖ ﺩﻛﺎﻛﻴﻦ ، ﺍﻟﺪﻛﺎﻥ ﺍﻟﺘﺰﺍﻣﺎﺗﻮ ﻣﺸﻜﻠﺔ ﻣﺜﻼ ﺯﻱ ﺩﻛﺎﻥ ﺍﻟﻮﻟﻴﺪﺍﺕ ﺍﺻﺤﺎﺑﻚ ﺩﻳﻞ ﺗﻌﺎﻝ ﻧﻀﺮﺑﻬﺎ ﻟﻴﻚ ﺳﺎﻱ ﻻﺯﻡ ﻳﻄﻠﻌﻮﺍ ﺣﻖ ﺍﻳﺠﺎﺭﻭﺍ ﻭﺣﻖ ﻛﻬﺮﺑﺘﻮ ﺩﻳﻞ ﺛﺎﺑﺘﺎﺕ ﺑﺎﻋﻮﺍ ﻭﻟﻼ ﻣﺎ ﺑﺎﻋﻮﺍ ﺩﺍ ﻏﻴﺮ ﻣﺼﺎﺭﻳﻘﻬﻢ ﻭﺍﻟﻀﺮﺍﻳﺐ ﺍﻟﺒﺘﺸﻴﻠﻬﺎ ﻣﻨﻬﻢ ﺍﻟﺤﻜﻮﻣﺔ ﻟﻮ ﺣﺴﺒﺖ ﺩﻳﻞ ﺳﺎﻛﺖ ﻣﺒﻠﻎ ﻭﻗﺪﺭﻭ ﻭﻟﻮ ﺍﻱ ﻳﻮﻡ ﻣﺎ ﺑﺎﻋﻮﺍ ﻓﻴﻬﻮ ﻛﻮﻳﺲ ﺑﻴﺎﻛﻞ ﻣﻦ ﺭﺑﺢ ﺍﻟﻴﻮﻡ ﺍﻟﺒﻌﺪﻭ ﻭﺍﻣﻜﻦ ﺍﻟﻴﻮﻡ ﺍﻟﺒﻌﺪ ﺍﻟﺒﻌﺪﻭ ﻭﻓﻲ ﺍﻳﺎﻡ ﺑﺘﺨﺶ ﻓﻲ ﺍﻟﺸﻬﺮ ﺍﻟﺘﺎﻧﻲ ﻭﻣﺠﺒﻮﺭﻳﻦ ﻳﺪﻓﻌﻮﺍ ﺍﻟﻌﻠﻴﻬﻢ ﻭﺍﺣﺘﻤﺎﻝ ﻟﻮ ﺍﻟﺸﻐﻞ ﻣﺎ ﻣﺸﻰ ﻣﻌﺎﻫﻢ ﻳﻘﻨﺒﻮﺍ ﻳﻜﺪﻭﺍ ﻓﻲ ﻋﻀﻢ ﺍﻟﻤﺤﻞ ﻟﻤﻦ ﻳﺒﻘﻰ ﻓﺎﺿﻲ ﺭﻓﻮﻑ ﺑﺲ
_ ﻣﻌﻘﻮﻝ ؟
_ ﺁﻱ ﻭﺍﻟﻠﻪ ﻣﻌﻘﻮﻝ ﻭﺍﻧﺖ ﺍﻟﺸﻐﺎﻝ ﺑﻜﺮﺗﻮﻧﺔ ﺍﺣﻴﺮ ﻣﻨﻬﻢ ﻻ ﻓﻲ ﺯﻭﻝ ﺳﺎﻋﻠﻚ ﻣﻦ ﺍﻳﺠﺎﺭ ﻭﻻ ﻋﻠﻴﻚ ﺍﻟﺘﺰﺍﻣﺎﺕ
_ ﺍﻛﺎﻥ ﻛﺪﻱ ﺍﺧﻴﺮ ﺍﻟﻜﺮﺗﻮﻧﺔ
_ ﺑﻤﻴﺔ ﻣﺮﺓ
_ ﺍﻟﻤﺤﻞ ﺍﻥ ﻣﺎ ﺑﻘﻰ ﺷﻐﺎﻝ ﻭﺑﺒﻴﻊ ﻛﺘﻴﺮ ﺍﺻﻠﻮ ﻣﺎ ﻓﻴﻬﻮ ﻓﺎﻳﺪﺓ ﻭﺍﻻﻟﻜﺘﺮﻭﻧﻴﺎﺕ ﺩﻱ ﺷﻐﻠﺔ ﻣﺮﺍﺕ ﺗﺘﻢ ﺍﻟﻴﻮﻡ ﻛﻠﻮ ﻣﺎ ﻳﺪﺧﻞ ﻋﻠﻴﻚ ﻓﻲ ﺍﻟﻤﺤﻞ ﺯﺑﻮﻥ ﻭﻣﺮﺍﺕ ﻳﺪﺧﻠﻮﺍ ﻭﻳﻤﺮﻗﻮﺍ ﻣﻨﻚ ﺳﺎﻱ ﺍﻟﺰﺑﺎﻳﻦ ﻭﺩﻱ ﺷﻐﻠﺔ ﺩﺍﻳﺮﺓ ﻟﻴﻬﺎ ﺯﻭﻝ ﻋﻨﺪﻭ ﻗﺮﻭﺵ ﻭﻗﺮﻭﺵ ﻛﺘﻴﺮﺓ ﻛﻤﺎﻥ
_ ﻫﺴﻲ ﻟﻮ ﺍﻧﺎ ﻋﻨﺪﻱ ﺭﺍﺱ ﻣﺎﻝ ﺑﺘﻘﺘﺮﺡ ﻋﻠﻲ ﺍﺷﺘﻐﻞ ﺷﻨﻮ ؟
_ ﻟﻮ ﺩﻱ ﺧﻠﻴﻬﺎ ﻫﺴﻲ ﺁ ﻋﺒﺎﺱ ﻭﺍﻟﺴﻠﻢ ﺑﻄﻠﻌﻮﻫﻮ ﺩﺭﺟﺔ ﺩﺭﺟﺔ ﺍﻛﺎﻥ ﺍﺗﺸﻮﺑﺤﺘﺎ ﻭﺩﺍﻳﺮ ﺗﻨﻄﻨﻂ ﺑﺘﻘﻊ ﺗﻜﺴﺮ ﻛﺮﺍﻋﻚ
_ ﻻ ﻻ ﻟﻮ ﻟﻮ ﻗﻠﺖ ﻟﻴﻚ
_ ﺍﻧﺎ ﻓﻲ ﺍﻟﺒﻠﺪ ﺩﻱ ﻣﺎ ﺷﺎﻳﻒ ﻟﻲ ﺷﻐﻠﺔ ﺑﺘﻤﺶ ﻟﻘﺪﺍﻡ ﻏﻴﺮ ﺍﻛﻠﻮﻫﻮ ﻭﺍﺷﺮﺑﻮﻫﻮ
_ ﻛﻴﻒ ؟
_ ﻗﺼﺪﻱ ﺍﻟﻤﻄﺎﻋﻢ
_ ﺁﻱ ﻭﺍﻟﻠﻪ ﻫﺴﻲ ﺍﻟﻤﻄﻌﻢ ﺍﻟﻘﺎﻋﺪﻳﻦ ﻧﺘﻐﺪﻯ ﻭﻧﺘﻌﺸﻰ ﻓﻮﻗﻮ ﺩﺍ ﺷﻐﺎﻝ ﺷﻐﻞ ﺟﺪ ﻭﻣﺮﺍﺕ ﻭﻻ ﺑﻨﻠﻘﻰ ﻓﺠﺔ ﻧﻘﺪ ﻧﺎﻛﻞ ﻓﻴﻬﺎ ﻣﻦ ﻛﺘﺮﺓ ﺍﻟﻨﺎﺱ
_ ﺍﻫﺎ ﻓﻲ ﻣﻄﺎﻋﻢ ﺍﻷﻛﻞ ﺣﻘﻬﺎ ﺑﺨﺮﺏ ﻣﻦ ﻋﺪﻡ ﺍﻟﺰﺑﺎﻳﻦ ﻋﺸﺎﻥ ﻣﻮﻗﻌﻬﺎ ﻣﺎ ﺳﻤﺢ ﻭﺩﺍ ﻋﺸﺎﻥ ﻓﻲ ﺍﻟﺴﻮﻕ ﻭﺍﻟﺴﻮﻕ ﻻﻣﻲ ﻭﺍﻟﺨﻠﻖ ﺑﺘﺠﻲ ﻫﻨﺎ ﻣﻦ ﺍﻱ ﻣﻜﺎﻥ
_ ﻓﻲ ﻣﻮﺿﻮﻉ ﻣﺤﻴﺮﻧﻲ ﺩﺍﻳﺮ ﺍﺣﻜﻴﻬﻮ ﻟﻴﻚ ﻣﺎ ﻻﻗﻲ ﻟﻴﻬﻮ ﺣﻞ
_ ﺍﺣﻜﻲ
_ ﺍﻧﺎ ﻟﻘﻴﺖ ﻟﻲ ﻗﺮﻭﺵ ﻓﻲ ﺷﻨﻄﺘﻲ ﻟﻤﻦ ﻣﺸﻴﺖ ﻣﻦ ﻫﻨﺎ ﻭﻗﺮﻭﺵ ﻛﺘﻴﺮﺓ ﺷﺪﻳﺪ ﻣﺎ ﻋﺎﺭﻑ ﺍﻟﺨﺘﺎﻫﺎ ﻟﻲ ﻣﻨﻮ ؟
_ ﻛﻴﻒ ﻣﺎ ﻋﺎﺭﻑ ﺍﻟﺨﺘﺎﻫﺎ ﻣﻨﻮ !
_ ﺁﻱ ﻭﺍﻟﻠﻪ ﻭﻋﺒﺪ ﺍﻟﻘﻴﻮﻡ ﻳﻮﻣﻲ ﺍﻟﻤﺎﺷﻲ ﺍﺩﺍﻧﻲ ﻗﺮﻭﺵ ﻣﺎ ﺣﺴﺒﺘﻬﺎ ﻭﻗﺒﻞ ﺷﻮﻳﺔ ﺳﻌﻠﺘﻮ ﻃﻠﻌﻦ ﻣﺎ ﻣﻨﻮ ﻫﻮ
_ ﻣﻨﻮ ﺍﻟﺒﻘﺪﺭ ﻳﻔﺘﺢ ﺷﻨﻄﺘﻚ ؟
_ ﻣﺎﻓﻲ ﻏﻴﺮ ﺍﻟﺘﺎﺝ ﺑﺲ ﻣﺎ ﻫﻮ
_ ﺍﻟﻘﺮﻭﺵ ﻛﻢ ﻫﻲ ؟
_ ﻛﺘﻴﺮﺓ ﻭﺍﻟﻠﻪ ﺍﻣﻜﻦ ﺍﻛﺘﺮ ﻣﻦ ﻣﻴﺔ ﺃﻟﻒ
_ ﻛﺘﻴﺮﺓ ﻭﺍﻟﻠﻪ ﻭﻋﻤﻠﺖ ﺑﻴﻬﺎ ﺷﻨﻮ
_ ﻣﺴﻜﺘﻬﺎ ﻟﻮﺍﺣﺪ ﻣﻌﺎﻧﺎ ﻓﻲ ﺍﻟﺤﻠﺔ ﺷﻐﺎﻝ ﻓﻲ ﻣﺪﻧﻲ ، ﻫﻲ ﺍﻧﺎ ﻧﺴﻴﺘﻮ ﻫﻮ ﺟﺎﺀ ﻫﻨﺎ ، ﺍﻧﺎ ﻣﺎﺷﻲ ﻟﻲ ﻋﺜﻤﺎﻥ ﺍﺳﻌﻠﻮ ﻣﻨﻮ ﻭﺍﻟﻠﻪ ﻧﺴﻴﺘﻮ ﻛﻠﻮ ﻛﻠﻮ
_ ﺍﻣﺶ ﻭﺗﻌﺎﻝ
ﻋﺒﺎﺱ ﻓﺎﺕ ﻟﻌﺜﻤﺎﻥ ﻣﻨﻜﺮﺏ ﻭﻟﻤﻦ ﺟﺎﺀ ﻣﺎﺭﻱ ﺑﺪﻛﺎﻥ ﺧﻀﺮ ﻟﻘﺎﻫﻮ ﻭﺍﻗﻒ ﺑﺮﺓ ﻭﻻ ﺍﺷﺘﻐﻞ ﺑﻴﻬﻮ ﻭﺯﻱ ﺍﻟﻤﺎ ﺑﻌﺮﻓﻮ
ﻭﺧﻀﺮ ﻣﺤﺪﺭ ﻟﻴﻬﻮ ﻭﻣﻜﺠﺘﻮ ﺑﺮﺍ ﺳﺒﺐ
ﻭﺩ ﺍﻟﺴﺖ ﻭﺻﻞ ﻣﻊ ﺍﻟﺰﻳﻦ ﺍﻟﺤﻠﺔ ﻭﻧﺰﻟﻮﺍ ﺍﻟﺒﻀﺎﻋﺔ ﻭﺭﺻﻮﻫﺎ ﻭﺍﻟﺰﻳﻦ ﺍﻟﺒﺴﻌﻠﻮ ﻛﻠﻮ ﺑﻘﻮﻝ ﻟﻴﻬﻮ ﺍﻟﺪﻛﺎﻥ ﺑﻌﺘﻮ ﻟﻠﺰﻭﻝ ﺩﺍ ﻭﻫﻮ ﺍﻟﻤﺎ ﻋﻨﺪﻭ ﻗﺮﺵ ﻛﻠﻮ ﺭﺟﻌﻮ ﻭﺃﺑﻰ ﻳﺪﻳﻬﻮ ﻭﺍﻟﺰﻳﻦ ﻣﺒﺴﻮﻁ ﻣﻨﻮ ﻭﻣﺘﻜﻴﻒ ﻛﻴﻒ ﺷﺪﻳﺪ ﻭﻋﻨﺪﻭ ﺩﻳﻮﺍﻥ ﺑﺎﺑﻮ ﺟﻤﺐ ﺍﻟﺪﻛﺎﻥ ﻗﺎﻝ ﻟﻮﺩ ﺍﻟﺴﺖ ﺗﻨﻮﻡ ﻓﻮﻗﻮ
ﺍﻟﻮﺿﻊ ﻣﺮﻳﺢ ﻣﻊ ﻭﺩ ﺍﻟﺴﺖ ﻭﺷﺮﺣﻮ ﻟﻴﻬﻮ ﺍﻟﺰﻳﻦ ﻛﻠﻮ ﻓﻲ ﺍﻟﺪﺭﺏ ﻭﻭﺩ ﺍﻟﺴﺖ ﻗﺎﻝ ﻳﺎ ﺭﺯﺍﻕ ﻳﺎ ﻛﺮﻳﻢ ﻭﻳﺎ ﻫﺎﺩﻱ ﻭﻫﺎﺍﺍﺍﺍﺩﻱ ﻟﺒﺪﺓ
ﻋﺒﺎﺱ ﻣﺸﻰ ﻟﻌﺜﻤﺎﻥ ﺳﺄﻟﻮ ﻣﻦ ﻭﺩ ﺍﻟﻀﻮ ﻗﺎﻝ ﻟﻴﻬﻮ ﻓﺎﺕ ﺍﻡ ﺩﺭﻣﺎﻥ ﻟﻜﻦ ﺑﺠﻲ ﻭﻗﺒﺎﻝ ﻋﺒﺎﺱ ﻳﺒﻌﺪ ﻗﺎﻝ ﻟﻴﻬﻮ ﻭﺩ ﺍﻟﺤﻼﻝ ﺍﻟﺰﻭﻝ ﺩﺍ ﻭﻫﺪﺍﻙ ﺟﺎﺀ
ﻭﺩ ﺍﻟﻀﻮ ﺳﻠﻢ ﻋﻠﻲ ﻋﺒﺎﺱ ﺍﻟﺘﻘﻮﻝ ﻟﻴﻬﻮ ﻣﻨﻮ ﻛﻢ ﺳﻨﺔ ﻭﻣﺸﻮﺍ ﻗﻌﺪﻭﺍ ﺟﻤﺐ ﻣﻜﺎﺗﺐ ﺍﻟﺒﺼﺎﺕ ﻳﺘﻮﻧﺴﻮﺍ
ﻭﺩ ﺍﻟﻀﻮ ﻭﺭﺍﻫﻮ ﺑﺎﻟﺪﻛﺎﻥ ﺍﻟﻼﻗﺎﻫﻮ ﻭﺍﺷﺘﺮﺍﻫﻮ ﻭﻟﻤﻦ ﻋﺒﺎﺱ ﻭﺭﺍﻫﻮ ﺍﻟﺤﺎﺻﻞ ﻗﺎﻝ ﻟﻴﻬﻮ ﺗﺮﺟﻊ ﻣﻌﺎﻱ ﻭﻧﺸﺘﻐﻞ ﺳﻮﺍ ﺑﺲ ﺩﺍ ﺍﻟﺤﻞ ﺍﻭﻋﻚ ﺗﻘﻌﺪ ﻫﻨﺎ ﻭﺗﺠﻬﺠﻪ ﻧﻔﺴﻚ ﺳﺎﻱ
_ ﻣﺎ ﺩﺍﻳﺮ ﺍﺷﺘﻐﻞ ﻓﻲ ﻣﺪﻧﻲ
_ ﻳﺎﺯﻭﻝ ﺍﺳﻤﻊ ﻛﻼﻣﻲ ﺍﻧﺖ ﻣﺪﻧﻲ ﺩﻱ ﻣﺎ ﺑﺘﻌﺮﻓﻬﺎ ﺯﻳﻲ ﻭﺭﺡ ﺑﺲ ﻣﺎﻟﻚ ﻭﻣﺎﻟﻚ ﺍﻟﺒﻬﺪﻟﺔ ﻓﻲ ﺍﻟﻔﺎﺿﻲ ﻭﺍﺷﺘﻐﻞ ﻓﻲ ﺣﻘﻚ ﻭﻛﻞ ﻳﻮﻡ ﻣﻊ ﺍﻫﻠﻚ
ﻭﺩ ﺍﻟﻀﻮ ﻗﺪﺭ ﻣﺎ ﺣﺎﻭﻝ ﻳﻘﻨﻌﻮ ﻣﺎ ﻗﺪﺭ ﻭﻋﺒﺎﺱ ﺍﺑﻰ ﻛﻠﻮ ﻛﻠﻮ ﻳﺴﻤﻊ ﻛﻼﻣﻮ
ﻓﻲ ﺍﻵﺧﺮ ﻗﺎﻝ ﻟﻴﻬﻮ ﺑﻤﺸﻲ ﻭﺑﺠﻲ ﻟﻮ ﻟﻘﻴﺘﻚ ﻻﻓﻲ ﺳﺎﻱ ﻣﺎ ﺑﺨﻠﻴﻚ ﺗﻘﻌﺪ ﻫﻨﺎ
ﻋﺒﺎﺱ ﻗﺎﻝ ﻟﻴﻬﻮ ﺧﻴﺮ ﻭﻭﺩﻋﻮ
ﻭﺩ ﺍﻟﻀﻮ ﺭﻛﺐ ﻓﺎﺕ ﺍﻫﻠﻮ ﻭﻋﺒﺎﺱ ﻣﺸﻰ ﻟﺤﺴﻦ ﺗﺎﻧﻲ ﻗﻌﺪ ﻣﻌﺎﻫﻮ ﺷﻮﻳﺔ ﻭﺟﺎﺀ ﺷﺎﻝ ﺷﻨﻄﺘﻮ ﻭﻓﺎﺕ ﺑﺤﺮﻱ ﻟﻔﺮﺡ ﺍﻟﻜﻌﺐ