ﻓﻲ ﺍﻟﺴﻮﻕ ﻓﻲ ﻭﺍﺣﺪ ﻣﺠﻨﻮﻥ ﻭﺍﻟﻨﺎﺱ ﻛﻠﻬﻢ ﺑﻌﺮﻓﻮﻫﻮ ﺣﺎﺻﺔ ﺍﻟﺸﻐﺎﻟﻴﻦ ﻓﻲ ﺍﻟﺴﻮﻕ ﻭﻫﻮ ﻳﻮﻣﻲ ﻗﺎﻋﺪ ﻭﺟﻨﻮ ﺣﻮﺍﻣﺔ ﻳﻠﻒ ﺑﻴﻦ ﺍﻟﻌﺮﺑﺎﺕ ﻭﻳﺘﺤﺎﻭﻡ ﻗﺪﺍﻡ ﺍﻟﻤﺤﻼﺕ ﻭﻋﺎﻳﺶ ﻭﻣﺎﻛﻞ ﻭﺷﺎﺭﺏ ﺍﻛﺎﻥ ﺟﺎﻉ ﺑﻮﻗﻒ ﻗﺪﺍﻡ ﺍﻱ ﻣﻄﻌﻢ ﺑﺪﻭﻫﻮ ﻳﺎﻛﻞ ﺣﺘﻰ ﺍﻛﺸﺎﻙ ﺍﻟﻤﺮﻃﺒﺎﺕ ﺑﺪﻭﻫﻮ ﻳﺸﺮﺏ ﻭﻫﻮ ﻣﺴﻜﻴﻦ ﻭﺩﻳﻤﺔ ﺳﺎﻛﺖ ﻻ ﺑﻨﻀﻢ ﻭﻻ ﺑﻀﺎﺭﺏ ﻭﻻ ﺑﺴﻌﻞ ﺯﻭﻝ ﻭﻓﻲ ﻧﺎﺱ ﻛﻤﺎﻥ ﺑﺪﻭﻫﻮ ﻗﺮﻭﺵ ﻭﺩ ﺍﻟﺴﺖ ﻓﻲ ﺣﻴﺮﺗﻮ ﺩﻳﻚ ﻭﻣﺎ ﻋﺎﺭﻑ ﻳﻘﺒﻞ ﻭﻳﻦ ﺷﺎﻓﻮ ﻭﻗﺎﻝ ﺑﺲ ﻭﻣﺸﻰ ﻟﻴﻬﻮ ﻗﺎﻝ ﻟﻴﻬﻮ ﺍﻧﺎ ﻣﺴﺎﻓﺮ ﻛﺎﻳﺲ ﺷﻐﻞ ﺍﻣﺶ ﻭﻳﻦ ﺍﻟﻤﺠﻨﻮﻥ ﻧﻄﻂ ﻟﻴﻬﻮ ﻋﻴﻮﻧﻮ ﻛﺒﺎﺭ ﻭﻓﺎﺕ ﻣﻨﻮ ﺑﺲ ﻭﺩ ﺍﻟﺴﺖ ﻣﺎ ﺧﻼﻫﻮ ﻭﻗﺎﻝ ﻟﻴﻮ ﻋﻼ ﺗﻮﺭﻳﻨﻲ ﺍﻣﺶ ﻭﻳﻦ ؟
ﺍﻟﺨﺮﻃﻮﻡ ﻭﻟﻼ ﺍﻟﺸﺮﻕ ﻭﻟﻼ ﺍﻟﻐﺮﺏ
ﻗﺎﻝ ﻟﻴﻬﻮ ﺍﻧﺖ ﻗﻠﺒﻚ ﺩﺍﻳﺮ ﻭﻳﻦ ؟
_ ﻗﻠﺒﻲ ﺩﺍﻳﺮ ﺍﻟﺨﺮﻃﻮﻡ
_ ﻣﺎ ﺗﻤﺶ ﺍﻟﺨﺮﻃﻮﻡ
_ ﻟﻴﻪ ﻣﺎ ﺍﻣﺶ ﺍﻟﺨﺮﻃﻮﻡ
_ ﺳﺎﻱ
_ ﺳﻤﺢ ﺍﻣﺶ ﻭﻳﻦ
ﺍﻟﻤﺠﻨﻮﻥ ﺿﺤﻚ ﻭﻓﺎﺕ ﻣﻨﻮ ﻭﻗﺪﺭ ﻣﺎ ﺣﺎﻭﻝ ﻓﻴﻬﻮ ﻭﻣﺸﻰ ﻭﺭﺍﻫﻮ ﺗﺎﻧﻲ ﻣﺎ ﻧﻀﻢ ﻣﻌﺎﻫﻮ ، ﻓﻲ ﻭﺍﺣﺪ ﺣﻀﺮ ﻛﻼﻡ ﻭﺩ ﺍﻟﺴﺖ ﻣﻊ ﺍﻟﻤﺠﻨﻮﻥ ﻛﻠﻮ ﻭﻧﺎﻏﻢ ﻟﻴﻬﻮ ﻗﺎﻝ ﻟﻴﻬﻮ ﺩﺍ ﺯﻭﻝ ﻣﺠﻨﻮﻥ ﺍﻟﻜﻨﺖ ﺑﺘﻨﻀﻢ ﻣﻌﺎﻭ ﺩﺍ ؟
_ ﻋﺎﺭﻓﻮ ﻣﺠﻨﻮﻥ ﺑﺲ ﺍﻧﺎ ﺃﺟﻨﺎ ﻣﻨﻮ ﻋﺸﺎﻥ ﻛﺪﻱ ﺳﻌﻠﺘﻮ
_ ﻣﺎﻟﻚ ﺍﻧﺖ ﺩﺍﻳﺮ ﺷﻨﻮ ؟
_ ﺍﻧﺎ ﺩﺍﻳﺮ ﻟﻲ ﺷﻐﻞ ﻭﻣﺎ ﻋﺎﺭﻑ ﺍﻗﺒﻞ ﻭﻳﻦ
_ ﺍﺷﺘﻐﻞ ﻫﻨﺎ ﻗﺒﻠﻚ
_ ﻫﻨﺎ ﻣﺎ ﺩﺍﻳﺮ ﻭﻣﺪﻧﻲ ﺩﻱ ﻣﺎ ﺑﺘﻨﻔﻊ ﻣﻌﺎﻱ
_ ﻫﺴﻲ ﻟﻮ ﺍﻟﻤﺠﻨﻮﻥ ﺩﺍ ﻗﺎﻝ ﻟﻴﻚ ﺍﻣﺶ ﺍﻟﻐﺮﺏ ﻭﻟﻼ ﺍﻟﺸﺮﻕ ﻭﻟﻼ ﺍﻱ ﻓﺠﺔ ﺑﺘﻤﺶ ﻋﻠﻲ ﻛﻼﻣﻮ ﻫﻮ ؟
_ ﺁﻱ ﻭﺍﻟﻠﻪ
_ ﺍﻧﺖ ﻣﺎﻙ ﻧﺼﻴﺢ
_ ﺍﻛﺎﻥ ﻧﺼﻴﺢ ﺑﺴﻌﻞ ﻟﻲ ﺯﻭﻝ ﻣﺠﻨﻮﻥ ؟
_ ﺍﻧﺎ ﻋﻨﺪﻱ ﻟﻴﻚ ﺭﺍﻱ ﻭﺑﻌﻤﻞ ﺯﻳﻚ ﻛﺪﺍ ﻳﺎﻓﻲ ﺍﻟﺠﻤﻞ ﻳﺎ ﻓﻲ ﺍﻟﺠﻤﺎﻟﻲ
_ ﻛﻴﻒ ؟
_ ﺍﻧﺖ ﺯﻭﻝ ﺩﺍﻳﺮ ﺗﺸﺘﻐﻞ ﻭﺑﺲ
_ ﺩﺍﻳﺮ ﺍﺷﺘﻐﻞ ﻭﺍﺳﺘﻔﻴﺪ ﻣﺎ ﺍﺷﺘﻐﻞ ﻭﺑﺲ
_ ﺧﻼﺱ ﺍﻧﺎ ﻋﻨﺪﻱ ﺩﻛﺎﻥ ﻭﺍﻧﺎ ﻛﻨﺖ ﻣﻐﺘﺮﺏ ﻓﻲ ﺍﻟﺴﻌﻮﺩﻳﺔ ﻭﺭﺟﻌﺖ ﻋﻤﻠﺖ ﻟﻲ ﺩﻛﺎﻥ ﻓﻲ ﺣﻠﺘﻨﺎ ﻭﻣﺎ ﺍﺳﺘﻔﺪﺕ ﻣﻨﻮ ﺷﻲ ﻭﺍﻟﺪﻛﺎﻥ ﺷﻐﺎﻝ ﺷﻐﻞ ﺟﺪ ﺑﺲ ﻣﺎ ﻋﺮﻓﺖ ﻟﻴﻬﻮ ﻋﺸﺎﻥ ﺍﻧﺎ ﺑﺪﻳﻦ ﻧﺎﺱ ﺍﻟﺤﻠﺔ ﻭﻛﻠﻬﻢ ﺍﻫﻠﻲ ﻭﻣﺎ ﺑﻘﺪﺭ ﺍﺷﺎﻛﻠﻬﻢ ﻓﻲ ﺍﻟﻘﺮﻭﺵ ﻭﻻ ﺑﻘﺪﺭ ﺍﺭﺟﻌﻬﻢ ﻭﻟﻮ ﺍﻧﺖ ﺍﺷﺘﻐﻠﺖ ﻓﻴﻬﻮ ﻧﺤﻦ ﺍﻻﺗﻨﻴﻦ ﺑﻨﺴﺘﻔﻴﺪ ﻻﻧﻚ ﻣﺎ ﺑﺘﺪﻳﻬﻢ ﺳﺎﻱ ﻗﻠﺖ ﺷﻨﻮ
_ ﺣﻠﺘﻜﻢ ﻭﻳﻦ ؟
_ ﻋﻠﻲ ﺟﻬﺔ ﺍﻟﻤﻨﺎﻗﻞ ﻭﺍﻥ ﺭﺿﻴﺎﻥ ﻫﺴﻲ ﻭﺭﺡ ﻭﺍﻧﺎ ﺟﻴﺖ ﻫﻨﺎ ﺍﺑﻀﻊ ﻭﺭﺍﺟﻊ
_ ﺳﻤﺢ ﺩﻗﻴﻘﺔ ﺑﺲ ﻭﺑﺠﻴﻚ ﺍﻣﺴﻚ ﻛﻴﺴﻲ ﺩﺍ ﻭﺍﺳﺘﻨﺎﻧﻲ ﻫﻨﺎ ﻓﻲ ﻓﺠﺘﻚ ﺩﻱ
ﻭﺩ ﺍﻟﺴﺖ ﻣﺸﻰ ﺗﺎﻧﻲ ﻟﻠﻤﺠﻨﻮﻥ ﺟﺎﺑﻮﺍ ﻭﻭﺭﺍﻫﻮ ﺍﻟﺰﻭﻝ ﺩﺍ ﻭﻗﺎﻝ ﻟﻴﻬﻮ ﺍﻟﺰﻭﻝ ﺩﺍﻙ ﻋﻨﺪﻭ ﻟﻲ ﺷﻐﻞ ﺍﻣﺶ ﻣﻌﺎﻫﻮ ﻭﻟﻼ ﻣﺎ ﺍﻣﺶ ؟
ﺍﻟﻤﺠﻨﻮﻥ ﻗﺎﻝ ﻟﻴﻬﻮ ﺍﻣﺶ ﻣﻌﺎﻫﻮ
ﻭﺩ ﺍﻟﺴﺖ ﻭﻻ ﺍﺗﺮﺩﺩ ﻭﺟﺎﺀ ﻟﻠﺰﻭﻝ ﻭﻗﺎﻝ ﻟﻴﻬﻮ ﻭﺭﺡ
ﻋﺒﺎﺱ ﻗﺎﺑﻞ ﻋﺒﺪ ﺍﻟﻘﻴﻮﻡ ﻭﻗﻌﺪﻭﺍ ﺑﻌﻴﺪ ﻣﻦ ﺧﻀﺮ ﻭﺍﺗﻜﻠﻤﻮﺍ ﻣﻊ ﺑﻌﺾ ﻛﺘﻴﺮ ﻭﺃﻱ ﻭﺍﺣﺪ ﺷﺮﺡ ﻟﻠﺘﺎﻧﻲ ﺍﻟﺤﺼﻞ ﻣﻦ ﻳﻮﻡ ﺍﺗﻔﺎﺭﻗﻮﺍ ﻟﺤﺪﻱ ﻗﻌﺪﺗﻬﻢ ﺩﻱ ﻭﻋﺒﺎﺱ ﻋﺮﻑ ﻋﺒﺪ ﺍﻟﻘﻴﻮﻡ ﻣﺎ ﺑﻴﺪﻭ ﺍﻱ ﺷﻲ ﻓﻴﺎ ﻫﻮ ﻳﺮﺟﻊ ﻭﻳﺸﻴﻞ ﺑﻀﺎﻋﺔ ﻣﻦ ﻃﺒﻠﻴﺔ ﻋﺜﻤﺎﻥ ﻭﻳﺸﻴﻞ ﺍﻟﻜﺮﺗﻮﻧﺔ ﺗﺎﻧﻲ ﻭﻳﺸﺘﻐﻞ ﺯﻱ ﺍﻭﻝ ﺍﻭ ﻳﻔﺘﺶ ﻟﻴﻬﻮ ﻟﺸﻐﻞ ﺗﺎﻧﻲ ﻏﻴﺮﻭ
ﻣﺸﻰ ﻣﻦ ﻋﺒﺪ ﺍﻟﻘﻴﻮﻡ ﻭﻗﻌﺪ ﻣﻊ ﺣﺴﻦ ﺷﻮﻳﺔ ﺷﺮﺏ ﻟﻴﻬﻮ ﻣﻌﺎﻫﻮ ﺷﺎﻱ ﻭﻗﺎﻝ ﻟﻴﻬﻮ ﺑﻤﺶ ﻟﻠﺘﺎﺝ ﺃﺣﺪﺩﻭ ﻻﻧﻮ ﻟﻤﺢ ﻟﻲ ﺳﺎﻱ ﻣﺎ ﻗﺎﻝ ﻟﻲ ﻣﺎ ﺗﺴﻜﻦ ﻣﻌﺎﻱ
ﺣﺴﻦ ﻗﺎﻝ ﻟﻴﻬﻮ ﺍﺣﺴﻦ ﻭﺯﻱ ﻣﺎ ﻗﻠﺖ ﻟﻴﻚ ﺗﻌﺎﻝ ﺍﻟﺴﻜﻦ ﻓﻲ
_ ﺍﻟﻤﺸﻜﻠﺔ ﻫﺴﻲ ﻣﺎ ﻓﻲ ﺍﻟﺴﻜﻦ
_ ﺍﻟﺸﻐﻞ ؟
_ ﺁﻱ ﻭﺍﻟﻠﻪ ﻭﺗﺎﻧﻲ ﻓﻲ ﻣﺸﻜﻠﺔ ﺑﻤﺶ ﻭﺑﺠﻲ ﺍﻗﻮﻟﻬﺎ ﻟﻴﻚ
ﺣﺎﺝ ﺍﻟﻜﺮﺍﺏ ﺑﻌﺪ ﺷﺎﻑ ﻭﺩ ﺍﻟﺴﺖ ﻓﻲ ﺍﻟﺠﺎﻣﻊ ﻓﺮﺡ ﻭﻗﺎﻝ ﺍﻟﻠﻪ ﻫﺪﺍﻫﻮ ﻭﻓﻜﺮﺗﻲ ﻧﻔﻌﺖ ﻭﻣﺸﻰ ﺍﻟﺒﻴﺖ ﺍﻧﺘﻈﺮﻭ ﻗﺎﻳﻠﻮ ﺑﺠﻴﻬﻮ ﻟﻠﺸﻐﻞ ﻭﻗﻌﺪ ﻟﺤﺪﻱ ﺳﺎﻋﺔ ﺍﻟﻔﻄﻮﺭ ﻣﻨﺘﻈﺮﻭ ﻭﻳﺸﻴﻞ ﻭﻳﻌﺎﻳﻦ ﻟﻴﻬﻮ ﻭﻟﻤﻦ ﺷﺎﻓﻮ ﻣﺎ ﺟﺎﻭ ﻣﺸﻰ ﻟﻴﻬﻮ ﻓﻲ ﺍﻟﺒﻴﺖ ﻭﺣﺎﺟﺔ ﺍﻟﺴﺖ ﻭﺭﺗﻮ ﺍﻧﻮ ﺳﺎﻓﺮ ﻭﻗﺎﻝ ﻟﻮ ﻗﻌﺪ ﻓﻲ ﺍﻟﺤﻠﺔ ﺑﺮﺟﻊ ﻟﻠﺴﻜﺮ ﺑﺲ ﻣﻲ ﻋﺎﺭﻓﺎﻫﻮ ﺳﺎﻓﺮ ﻭﻳﻦ
ﻗﺎﻝ ﻟﻴﻬﺎ ﺧﻴﺮ ﺗﺐ ﻟﻜﻦ ﺍﻛﺎﻥ ﻳﺠﻴﻨﻲ ﻳﻮﺭﻳﻨﻲ ﻗﺒﺎﻝ ﻳﻔﻮﺕ ﺍﻧﺎ ﻣﺎ ﻛﺎﻥ ﺑﺤﻤﻴﻬﻮ ﻳﻤﺶ ﻭﺍﻛﻨﺖ ﺑﺴﺎﻋﺪﻭ ﻭﺑﻮﺟﻬﻮ ﻭﻣﺎﻧﻲ ﺩﺍﻳﺮ ﻟﻴﻬﻮ ﻏﻴﺮ ﺍﻟﺨﻴﺮ
ﻭﻓﺎﺕ ﻣﻨﻬﺎ
ﺍﻟﺰﻭﻝ ﺍﻟﻔﺎﺕ ﻣﻌﺎﻭ ﻭﺩ ﺍﻟﺴﺖ ﺍﺳﻤﻮ ﺍﻟﺰﻳﻦ ﻣﺸﻮﺍ ﺍﺷﺘﺮﻭﺍ ﺑﻀﺎﻋﺘﻬﻢ ﻟﻠﺪﻛﺎﻥ ﻭﻃﻮﺍﻟﻲ ﻣﺮﻗﻮﺍ ﻭﺍﺗﻌﺮﻓﻮﺍ ﻋﻠﻲ ﺑﻌﺾ ﻓﻲ ﺍﻟﺪﺭﺏ
ﺍﻟﺰﻳﻦ ﻗﺎﻝ ﻟﻴﻬﻮ ﻭﺍﻟﻠﻪ ﻟﻮ ﻣﺎ ﻛﻼﻣﻚ ﻣﻊ ﺍﻟﻤﺠﻨﻮﻥ ﻭﻻ ﺑﺴﻮﻗﻚ ﻣﻌﺎﻱ ﺍﺷﻐﻠﻚ
ﻭﺩ ﺍﻟﺴﺖ ﻗﺎﻝ ﻟﻴﻮ ﻭﺍﻧﺎ ﺍﻛﺎﻥ ﻣﺎ ﺍﻟﻤﺠﻨﻮﻥ ﻗﺎﻝ ﻟﻲ ﺍﻣﺶ ﻣﻌﺎﻙ ﻭﻻ ﺍﻛﺎﻥ ﺟﻴﺖ ﻣﻌﺎﻙ ﻭﻗﻌﺪﻭﺍ ﻳﻀﺤﻜﻮﺍ
ﺍﻟﺰﻳﻦ ﻣﺘﻜﻴﻒ ﻣﻦ ﻭﺩ ﺍﻟﺴﺖ ﻭﻗﺎﻝ ﻣﺎﻓﻲ ﺣﻞ ﻋﺸﺎﻥ ﺍﻟﺪﻛﺎﻥ ﻳﻨﺠﺢ ﻏﻴﺮ ﺍﺳﻠﻤﻮ ﻟﺰﻭﻝ ﻏﺮﻳﺐ ﻭﺍﻟﻔﻜﺮﺓ ﺩﻱ ﻣﻲ ﻓﻜﺮﺗﻮ ﻭﻗﺎﻟﻬﺎ ﻟﻴﻬﻮ ﻋﺒﺪ ﺍﻟﺠﻠﻴﻞ ﻭﺩ ﻋﻤﺘﻮ ﻟﻤﻦ ﺷﺎﻓﻮ ﻳﻄﻨﻄﻦ ﻭﻳﺸﻜﻲ ﻣﻦ ﺍﻟﺒﻴﻊ ﺑﺎﻟﻔﻜﻚ ﻭﻛﻠﻬﻢ ﺍﻫﻠﻮ ﻋﻼ ﻳﺒﻘﻰ ﻣﻌﺎﻫﻢ ﺯﻭﻝ ﻛﻌﺐ
ﻋﺒﺎﺱ ﻓﺎﺕ ﻟﻠﺘﺎﺝ ﻭﻭﺍﺟﻬﻮ ﻋﺪﻳﻞ ﻗﺎﻝ ﻟﻴﻬﻮ ﺟﺎﻱ ﺍﻟﻤﻔﺘﺎﺡ ﺍﻧﺎ ﻣﺎﺷﻲ ﺍﻟﺒﻴﺖ
ﺍﻟﺘﺎﺝ ﻭﻻ ﻛﻀﺐ ﻭﻻ ﺭﺍﻭﻍ ﺧﺘﺎﻫﺎ ﻟﻴﻬﻮ ﻭﻗﺎﻝ ﻟﻴﻮ ﻣﻌﻠﻴﺶ ﺁ ﻋﺒﺎﺱ ﻣﺎ ﺑﻘﺪﺭ ﺍﺳﻜﻨﻚ ﻣﻌﺎﻱ ﺗﺎﻧﻲ
_ ﺍﻟﺴﺒﺐ ﺷﻨﻮ ؟
_ ﺍﻟﺴﺒﺐ ﺍﻟﻨﺠﻮﻣﻲ
_ ﻣﺎﻟﻮ ؟
_ ﺯﻭﻝ ﺻﺎﺣﺒﻲ ﻭﺍﻧﺎ ﻣﺎ ﺩﺍﻳﺮ ﺍﺧﺴﺮﻭ
_ ﻭﻟﻮ ﺳﻜﻨﺖ ﻣﻌﺎﻙ ﺑﺘﺨﺴﺮﻭ
_ ﺍﻳﻮﺓ ﻭﻣﺎ ﺩﺍﻳﺮ ﺍﺗﻜﻠﻢ ﻣﻌﺎﻙ ﻓﻲ ﺍﻟﻤﻮﺿﻮﻉ ﺩﺍ ﺷﻮﻑ ﻟﻴﻚ ﺳﻜﻦ ﺗﺎﻧﻲ ؟
_ ﺗﻤﺎﻡ ، ﻣﻊ ﺍﻟﺴﻼﻣﺔ ﻭﺷﻜﺮﺍ ﻟﻴﻚ
_ ﺍﻟﻠﻪ ﻳﺴﻠﻤﻚ ، ﺍﻟﻌﻔﻮ
ﻧﻔﺲ ﻛﻼﻡ ﻓﺮﺡ ﺍﻟﻘﺎﻟﻮ ﻟﻤﻦ ﻗﺎﻝ ﻟﻴﻮ ﺍﻟﺘﺎﺝ ﻣﺎ ﺑﺴﻜﻨﻚ ﻣﻌﺎﻫﻮ ﺗﺎﻧﻲ ﻭﺍﻟﺘﺎﺝ ﻃﺒﻘﻮ ﺑﺤﺰﺍﻓﻴﺮﻭ
ﻣﺎﻓﻲ ﺣﻞ ﻏﻴﺮ ﺟﻤﺎﻋﺔ ﺣﺴﻦ ﺳﻴﺪ ﺍﻟﻔﺘﺮﻳﻨﺔ ﺍﻟﻘﺎﻟﻬﻢ ﻟﻴﻬﻮ ، ﻭﺍﻟﻤﺸﻜﻠﺔ ﺍﻟﺘﺎﻧﻴﺔ ﺑﻘﺖ ﺍﻟﺸﻐﻞ ﻻﻧﻮ ﻧﻔﺴﻴﺎ ﻛﺮﻩ ﺷﻐﻠﺔ ﺍﻟﻜﺮﺗﻮﻧﺔ ﻭﺍﻟﺤﻮﺍﻣﺔ ﻭﻣﺴﺎﻛﻜﺔ ﺍﻟﺰﺑﺎﻳﻦ ﻭﺷﺎﻑ ﻧﻔﺴﻮ ﺍﻛﺒﺮ ﻣﻦ ﺍﻟﺸﻐﻠﺔ ﺩﻱ ﻭﻣﺎ ﻣﺴﺘﻮﺍﻫﻮ
ﺑﻌﺪ ﻋﺮﻑ ﺍﻟﻌﻨﺪ ﺍﻟﺘﺎﺝ ﻭﺣﺪﺩﻫﺎ ﻣﻌﺎﻫﻮ ﻭﻗﻨﻊ ﻣﻦ ﺍﻟﺴﻜﻦ ﻣﻌﺎﻫﻮ ﻓﺎﺕ ﻟﺤﺴﻦ
ﻭﻓﺠﺄﺓ ﺍﺗﺬﻛﺮ ﺍﻟﻘﺮﻭﺵ
ﻭﻻ ﺳﺄﻝ ﻣﻨﻬﺎ ﺍﻟﺘﺎﺝ ﻭﻻ ﺳﺄﻝ ﻣﻨﻬﺎ ﻋﺒﺪ ﺍﻟﻘﻴﻮﻡ ﻭﻗﺒﺎﻝ ﻳﺼﻞ ﺣﺴﻦ ﻣﺸﻰ ﻟﻌﺒﺪ ﺍﻟﻘﻴﻮﻡ ﻭﺳﺎﻗﻮ ﺑﻌﻴﺪ ﻣﻦ ﺧﻀﺮ ﻭﺧﻀﺮ ﻟﻤﻦ ﺷﺎﻓﻮ ﺟﺎﺀ ﺗﺎﻧﻲ ﻭﺳﺎﻳﻖ ﻋﺒﺪ ﺍﻟﻘﻴﻮﻡ ﻧﺎﻏﻢ ﻟﻌﺒﺪ ﺍﻟﻘﻴﻮﻡ ﻭﻗﺎﻝ ﻟﻴﻬﻮ ﺍﻧﺖ ﺍﻟﻠﻴﻠﺔ ﺡ ﺗﻌﺪﻳﻬﺎ ﻟﻲ ﺣﻮﺍﻣﺔ ﻭﺗﺨﻔﺲ ﻣﺎ ﺩﺍﻳﺮ ﺗﻘﻌﺪ ﻛﻠﻮ ﻛﻠﻮ ﻣﻮﺵ؟
_ ﺩﻗﺎﻳﻖ ﻭﺑﺠﻴﻚ ﻳﺎﺥ
_ ﻳﺎ ﺯﻭﻝ ﻣﺎ ﺗﺸﻮﻑ ﺷﻐﻠﺘﻚ ﻣﺎﻟﻚ ﻭﻣﺎﻝ ﺍﻟﺸﻐﻠﺔ ﺍﻟﻔﺎﺭﻏﺔ
ﻋﺒﺎﺱ ﻗﺎﻝ ﻟﻴﻮ ﺍﺭﺟﻊ ﺍﺭﺟﻊ ﻭﺍﻧﺎ ﺑﻼﻗﻴﻚ ﻣﺮﺓ ﺗﺎﻧﻴﺔ
_ ﻻ ﻻ ﻣﺎ ﺗﺸﺘﻐﻞ ﺑﻴﻬﻮ ﻳﺎﺥ ﻣﺎﻟﻚ ﻓﻲ ﺷﻨﻮ
_ ﺍﻧﺖ ﻳﻮﻡ ﺍﻧﺎ ﻣﺴﺎﻓﺮ ﺍﻟﺤﻠﺔ ﺍﺩﻳﺘﻨﻲ ﻛﻢ ؟
_ ﻣﺎﻟﻚ ﻟﻘﻴﺘﻦ ﺷﻮﻳﺔ ﻭﻟﻼ ﺷﻨﻮ ؟
_ ﻣﺎ ﺣﻜﺎﻳﺔ ﻛﺪﺍ ﺑﺲ ﺩﺍﻳﺮ ﺍﻋﺮﻑ ﺑﺲ
_ ﻻﺯﻡ ﻓﻲ ﺷﻲ ﻭﺳﺆﺍﻟﻚ ﺩﺍ ﻣﺎ ﺳﺎﻱ
_ ﻭﺭﻳﻨﻲ ﺍﻭﻝ ﻻﻧﻲ ﻣﺎ ﺣﺴﺒﺘﻬﻦ ﻭﺍﻟﻠﻪ
_ ﺷﻮﻑ ﻋﺸﺎﻥ ﺍﻛﻮﻥ ﻭﺍﺿﺢ ﻣﻌﺎﻙ ﻭﺍﻟﻠﻪ ﺍﻧﺖ ﺍﻟﺨﻤﺴﺔ ﺷﻬﻮﺭ ﺍﻻﺷﺘﻐﻠﺘﻬﻦ ﻣﻌﺎﻧﺎ ﻋﻤﻠﺖ ﻟﻴﻚ ﻓﻴﻬﻦ ﻭﺍﺣﺪ ﻭﻋﺸﺮﻳﻦ ﺍﻟﻒ ﻭﺍﻧﺎ ﺟﻤﻌﺖ ﻟﻴﻚ ﻣﻦ ﺍﻟﺸﺒﺎﺏ ﻋﺜﻤﺎﻥ ﺩﻓﻊ ﺗﻼﺗﺔ ﻭﺍﻟﺼﺪﻳﻖ ﺃﻟﻔﻴﻦ ﻭﺧﻀﺮ ﺃﻟﻒ ﻭﺍﻟﺘﺎﺝ ﺑﺮﺍﻫﻮ ﺩﻓﻊ ﻋﺸﺮﺓ ﺗﺎﻻﻑ ﻭﺍﻧﺎ ﺩﻓﻌﺖ ﺧﻤﺴﺔ ﺗﺎﻻﻑ ﻭﺩﺍ ﺍﻟﺤﺎﺻﻞ ﻛﻠﻮ ﻳﻌﻨﻲ ﻛﻢ ﻭﺍﺭﺑﻌﻴﻦ ﺍﻟﻒ
_ ﺑﺲ ﺍﻟﻘﺮﻭﺵ ﺍﻟﻌﻨﺪﻱ ﻟﻤﻦ ﻭﺻﻠﺖ ﺍﻟﺤﻠﺔ ﺍﻛﺎﻧﺖ ﺍﻛﺘﺮ ﻣﻦ ﻛﺪﺍ ﺑﻜﺘﻴﺮ
_ ﻣﺎ ﻋﺎﺭﻑ ﺣﺎﺟﺔ ﺗﺎﻧﻴﺔ ﺍﻧﺎ ﻭﺍﻟﻠﻪ
_ ﺍﻳﻮﺍﺍﺍﺍ ﻻ ﻻ ﺧﻼﺱ ﺍﺭﺟﻊ ﺍﻧﺖ ﺍﻟﺪﻛﺎﻥ ﻭﺍﻧﺎ ﺑﺠﻴﻚ ﻣﺮﺓ ﺗﺎﻧﻴﺔ
_ ﻟﻮ ﻣﺤﺘﺎﺝ ﻗﺮﻭﺵ ﻛﻠﻤﻨﻲ ﻃﻮﺍﻟﻲ
_ ﻣﻌﺎﻱ ﻣﻌﺎﻱ ﻛﺘﺮ ﺧﻴﺮﻙ
_ ﺷﻨﻮ ﺍﻟﻜﺘﺮ ﺧﻴﺮﻙ ﺍﻧﺖ ﻋﻮﻳﺮ ﻭﻟﻼ ﺷﻨﻮ ؟ ﻧﺤﻦ ﻣﺎ ﺑﻴﻨﺎﺗﻨﺎ ﺣﺴﺎﺑﺎﺕ ﻭﺍﻧﺖ ﻋﺎﺭﻑ ﻛﺪﺍ
_ ﻋﺎﺭﻑ ﻭﺍﻟﻠﻪ ﻭﺍﻧﺎ ﻣﺎ ﺳﺎﻟﺘﻚ ﻋﺸﺎﻥ ﻧﺘﺤﺎﺳﺐ ﺑﺲ ﻣﺎ ﻋﺮﻓﺖ ﺍﻟﻘﺮﻭﺵ ﺩﻱ ﺟﺎﺗﻨﻲ ﻣﻦ ﻭﻳﻦ
_ ﺍﺣﺘﻤﺎﻝ ﻳﻜﻮﻥ ﺍﻟﺘﺎﺝ ؟
_ ﺍﻧﺖ ﻗﻠﺖ ﺍﺩﺍﻙ ﻋﺸﺮﺓ ﺍﻟﻒ ﻭﺗﺎﻧﻲ ﻳﺨﺖ ﻟﻲ ﻗﺮﻭﺵ ﻟﺸﻨﻮ
_ ﻭﺍﻟﻠﻪ ﺍﻧﺎ ﺯﺍﺗﻲ ﻣﺎ ﻛﻨﺖ ﻣﺘﻮﻗﻊ ﻳﺪﻓﻊ ﻋﺸﺮﺓ ﺍﻻﻑ ، ﺍﻟﺰﻭﻝ ﺩﺍ ﻣﺒﺴﻮﻁ ﻣﻨﻚ
_ ﻣﺒﺴﻮﻁ ﺷﺪﻳﺪ ﻭﺍﻟﺪﻟﻴﻞ ﺍﺑﻰ ﻳﺴﻜﻨﻲ ﻣﻌﺎﻫﻮ
_ ﻛﻴﻒ ؟
_ ﺯﻱ ﻣﺎ ﻗﻠﺖ ﻟﻴﻚ ﻭﻫﺴﻲ ﺟﻴﺘﻲ ﺩﻱ ﻣﻨﻮ ﻭﻗﺎﻟﻬﺎ ﻟﻲ ﻋﺪﻳﻞ ﻟﻮ ﺍﻧﺎ ﺳﻜﻨﺖ ﻣﻌﺎﻭ ﻗﺎﻝ ﺑﺨﺴﺮ ﺍﻟﻨﺠﻮﻣﻲ ﺻﺎﺣﺒﻮ
_ ﺍﻧﺎ ﺑﻤﺶ ﻟﻴﻮ
_ ﻻ ﺗﻤﺶ ﻟﻴﻬﻮ ﻭﻻ ﺗﻔﺘﺢ ﻣﻌﺎﻫﻮ ﺍﻟﻤﻮﺿﻮﻉ ﺩﺍ ﻧﻬﺎﺋﻲ
_ ﻃﻴﺐ ﺍﻧﺖ ﺑﺘﻌﻤﻞ ﺷﻨﻮ ؟
_ ﻣﺎ ﻣﺸﻜﻠﺔ ﺍﻧﺎ ﺑﺘﺼﺮﻑ
ﻳﻮﻡ ﻃﻮﻳﻞ ﺧﻼﺱ ﻣﺮ ﻋﻠﻲ ﻋﺒﺎﺱ ﻭﻟﺴﺔ ﺍﻟﻀﻬﺮ ﻣﺎ ﺩﺧﻞ ﻭﻛﻠﻮ ﻣﺎ ﻛﺎﻥ ﻓﻴﻬﻮ ﻓﺎﻳﺪﺓ