ﺍﻟﻔﺮﺣﺔ ﺍﻟﺸﺎﻓﻬﺎ ﻋﺒﺎﺱ ﻓﻲ ﻭﺵ ﺍﻣﻮ ﻭﺍﻟﺴﻌﺎﺩﺓ ﺍﻟﻤﻠﺘﻬﺎ ﻟﻤﻦ ﻗﺎﻝ ﻟﻴﻬﺎ ﺍﻧﺎ ﺯﺍﺗﻲ ﻓﺘﺤﺖ ﻟﻲ ﺩﻛﺎﻥ ﻧﺘﻴﺠﺘﻬﺎ ﻛﺎﻧﺖ ﻋﻜﺴﻴﺔ ﻭﺍﺛﺮﺕ ﻓﻲ ﻋﺒﺎﺱ ﻭﺧﻠﺘﻮ ﻣﺼﺮ ﺍﻧﻮ ﻳﻔﺘﺢ ﺍﻟﺪﻛﺎﻥ ﻭﻗﺎﻝ ﻭﺍﻟﻠﻪ ﻣﺎ ﻳﺨﻠﻲ ﺣﻘﻮ ﻟﻮﺩ ﺍﻟﻀﻮ ﻭﺑﻤﺸﻲ ﻟﻴﻬﻮ ﺍﻟﻤﺮﺓ ﺩﻱ ﻳﺎ ﻛﺎﺗﻞ ﻳﺎ ﻣﻜﺘﻮﻝ ﻭﺑﻘﻠﻊ ﺣﻘﻮ ﻣﻨﻮ ﻭﻳﺤﻘﻖ ﺣﻠﻤﻮ ﻭﻓﺮﺣﺔ ﺍﻣﻮ ﺩﻱ ﻣﺴﺘﺤﻴﻞ ﺗﺮﻭﺡ ﻓﻲ ﻛﻀﺒﺔ
ﻭﺩ ﺍﻟﻀﻮ ﻭﺻﻞ ﺍﻟﺨﺮﻃﻮﻡ ﻭﻓﺎﺕ ﻟﻌﺒﺪ ﺍﻟﻘﻴﻮﻡ ﺭﺍﺳﻮ ﻋﺪﻳﻞ ﻭﻗﻌﺪ ﻣﻌﺎﻫﻮ ﻗﻌﺪﺓ ﻃﻮﻳﻠﺔ ﻭﻭﺭﺍﻫﻮ ﺍﻧﻮ ﻗﺮﻭﺵ ﻋﺒﺎﺱ ﻣﻌﺎﻫﻮ ﺟﺎﺑﻬﺎ ﻣﻦ ﻭﻳﻦ ﻣﺎ ﻋﺎﺭﻑ ﻟﻜﻦ ﻣﻌﺎﻭ ﺗﺐ ﻭﻣﺎ ﻧﺎﻛﺮﻫﺎ ﻭﻣﺎ ﻣﺤﺘﺎﺝ ﻟﻴﻬﺎ ﻭﻗﺎﻝ ﻟﻴﻬﻮ ﻭﺍﻟﻠﻪ ﻳﻮﻡ ﺟﺎﻧﻲ ﻭﻗﺎﻝ ﺩﺍﻳﺮﻫﺎ ﺍﻧﺎ ﺃﺑﻴﺖ ﻟﻴﻬﻮ ﻓﻲ ﺍﻻﻭﻝ ﺑﻬﺎﻇﺮ ﻗﻠﺖ ﺍﺷﻮﻓﻮ ﺑﻌﻤﻞ ﺷﻨﻮ ﻟﻜﻦ ﻫﻮ ﻗﺒﻘﺒﻨﻲ ﻭﻗﻞ ﺍﺩﺑﻮ ﻋﻠﻲ ﻭﺍﻧﺎ ﺯﻋﻠﺖ ﻭﺍﻟﻠﻪ ﻭﻗﻠﺒﺖ ﺍﻟﻤﻮﺿﻮﻉ ﺟﺪ ﻭﺻﺎﺡ ﺍﻧﺎ ﻏﻠﻄﺎﻥ ﻓﻲ ﻫﻈﺎﺭﻱ ﻟﻜﻦ ﻃﻠﻊ ﻟﺨﻴﺮ
_ ﻟﺨﻴﺮ ﻛﻴﻒ ؟
_ ﻳﺎﺧﻲ ﻣﺼﺎﺣﺐ ﻟﻴﻬﻮ ﻭﺍﺣﺪ ﺻﺎﻳﻊ ﺍﺳﻤﻮ ﺭﺑﻴﻊ ﻭﻭ ..
ﻭﺣﻜﻰ ﻟﻴﻬﻮ ﻗﺼﺔ ﺭﺑﻴﻊ ﻛﻠﻬﺎ ﻭﻛﻴﻒ ﻋﺒﺎﺱ ﺍﺗﻌﺮﻑ ﻋﻠﻴﻬﻮ ﺣﺘﻰ ﺟﻴﺘﻮ ﻟﻴﻬﻮ ﻭﺩﻗﺘﻮ ﻟﺮﺑﻴﻊ ﻭﺭﺍﻫﻮ ﺑﻴﻬﺎ ﻭﻗﺎﻝ ﻟﻴﻬﻮ ﺟﻴﺔ ﺭﺑﻴﻊ ﺩﻱ ﺧﻠﺘﻨﻲ ﺃﺻﺮ ﻣﺎ ﺍﺩﻳﻬﻦ ﻟﻴﻬﻮ ﺑﺲ ﻓﻲ ﺍﻟﻨﻬﺎﻳﺔ ﺣﻘﻮ ﻭﺍﻧﺎ ﻣﺎ ﺩﺍﻳﺮ ﺣﻘﻮ ﻭﻋﺒﺎﺱ ﺩﺍ ﺻﻐﻴﺮ ﻭﺍﻧﺎ ﻭﺍﻟﻠﻪ ﺑﺮﻳﺪﻭ ﻭﻋﺎﺩﻳﻬﻮ ﺯﻱ ﻋﻤﺎﺭ ﺍﺧﻮﻱ ﻭﺩﺍﻳﺮ ﻟﻴﻬﻮ ﺍﻟﺨﻴﺮ ﻭﺍﻟﺰﻭﻝ ﺩﺍ ﻟﻤﻦ ﻛﺎﻥ ﺷﻐﺎﻝ ﻣﻌﺎﻙ ﻛﺎﻥ ﺍﺣﺴﻦ ﺯﻭﻝ ﻭﻃﻮﺍﻟﻲ ﺑﻜﻠﻤﻨﻲ ﻋﻨﻚ ﻋﺸﺎﻥ ﻛﺪﺍ ﺍﻧﺎ ﺟﻴﺘﻚ
_ ﻋﺒﺪ ﺍﻟﻘﻴﻮﻡ ﻗﺎﻝ ﻟﻴﻬﻮ ﻭﺍﻟﻤﻄﻠﻮﺏ ﻣﻨﻮ ﺷﻨﻮ ﺍﻧﺎ ﻫﺴﻲ ؟
_ ﺍﻟﻤﻄﻠﻮﺏ ﺍﻧﻮ ﻋﺒﺎﺱ ﺩﺍﻳﺮ ﻳﻌﻤﻞ ﻟﻴﻬﻮ ﺩﻛﺎﻥ ﺑﺄﻱ ﻃﺮﻳﻘﺔ ﻭﺃﻧﺎ ﻫﺴﻲ ﺑﺪﻳﻚ ﺍﻟﻘﺮﻭﺵ ﻭﺍﻧﺖ ﺯﻭﻝ ﻋﺎﻗﻞ ﻣﻊ ﺍﻧﻚ ﺻﻐﻴﺮ ﻟﻜﻦ ﻋﺎﺭﻑ ﺍﻟﺴﻮﻕ ﻭﺍﻟﺸﻐﻞ ﻭﻫﻮ ﻣﻨﺪﻓﻊ ﺳﺎﻱ
_ ﻳﻌﻨﻲ ﺍﻧﺎ ﺍﺳﻮﻱ ﻟﻴﻬﻮ ﺩﻛﺎﻥ ﻭﺍﺷﺘﻐﻞ ﻣﻌﺎﻫﻮ ﻭﻟﻼ ﺍﺷﻐﻠﻮ ﻣﻌﺎﻧﺎ ﻭﻟﻼ ﺍﻋﻤﻞ ﺷﻨﻮ ؟
_ ﺗﻔﺘﺤﻮﺍ ﻟﻴﻜﻢ ﺩﻛﺎﻥ ﺁﻱ ﺍﻧﺖ ﻭﻫﻮ ﺑﻘﺮﻭﺷﻮ ﺍﻟﻌﻨﺪﻱ ﻣﺎ ﺗﺨﻠﻴﻬﻮ ﺑﺮﺍﻫﻮ ﻭﺍﻧﺎ ﺍﻟﺤﻤﺪ ﻟﻠﻪ ﻋﻨﺪﻱ ﻗﺮﻭﺵ ﻭﻓﻲ ﺍﻻﻭﻝ ﻭﺍﻟﻠﻪ ﻧﻮﻳﺖ ﺍﺷﺮﻛﻮ ﻣﻌﺎﻱ ﻓﻲ ﺍﻟﺒﻮﺗﻴﻚ ﻟﻜﻦ ﻫﻮ ﻣﺎ ﺩﺍﻳﺮ ﻣﺪﻧﻲ ﻭﻏﻴﺮ ﻳﻌﻤﻞ ﺩﻛﺎﻥ ﺯﻳﻚ ﻣﺎ ﺩﺍﻳﺮ ﺍﻱ ﺷﻲ
_ ﺑﺲ ﺍﻟﺪﻛﺎﻥ ﻣﺎ ﺳﺎﻫﻞ ﻭﺍﻟﻠﻪ ﻭﺩﺍﻳﺮ ﻗﺮﻭﺵ ﻛﺘﻴﺮﺓ
_ ﻣﻴﺔ ﻭﺧﻤﺴﻴﻦ ﺑﻔﺘﺤﻨﻮ
_ ﻭﺯﻳﺎﺩﺓ ﻛﻤﺎﻥ
_ ﺧﻼﺱ ﻣﺎﻓﻲ ﻣﺸﻜﻠﺔ ﻫﻮ ﻋﻨﺪﻭ ﻣﻴﺔ ﻭﺍﻧﺎ ﺑﺴﻠﻔﻜﻢ ﺍﻟﺒﺎﻗﻲ ﻭﺭﺟﻌﻮﺍ ﻟﻲ ﺍﻟﻘﺮﻭﺵ ﺣﻘﺘﻲ ﺑﺮﺍﺣﺘﻜﻢ ﻣﺘﻰ ﻣﺎ ﺍﻧﺘﻮ ﺩﺍﻳﺮﻳﻦ ﻭﻧﻬﺎﺋﻲ ﻣﺎ ﺑﺴﺄﻟﻜﻢ ﻣﻨﻬﺎ ﺍﻻ ﺗﺠﻴﺒﻮﻫﺎ ﻟﻲ ﺑﺮﺍﻛﻢ
ﻋﺒﺪ ﺍﻟﻘﻴﻮﻡ ﺯﺍﺗﻮ ﺯﻫﺠﺎﻥ ﻣﻦ ﺧﻀﺮ ﻭﺩ ﻋﻤﻮ ﻭﻛﺮﻫﺎﻥ ﺍﻟﺸﻐﻞ ﻣﻌﺎﻫﻮ ﻗﺎﻝ ﻟﻴﻬﻮ ﻣﺎ ﻋﻨﺪﻱ ﻣﺎﻧﻊ ﻭﺍﻧﺎ ﺑﻤﺮﻕ ﻣﻦ ﺧﻀﺮ ﻭﺑﺸﻴﻞ ﺣﻘﻲ ﻣﻨﻮ ﻭﻣﺎ ﺩﺍﻳﺮﻳﻦ ﻣﻨﻚ ﺣﺎﺟﺔ ﺍﻧﺎ ﺑﺘﻢ ﺍﻟﺒﺎﻗﻲ
_ ﻻ ﻣﺎ ﺗﻄﻠﻊ ﻣﻦ ﺩﻛﺎﻥ ﺧﻀﺮ ﺧﻠﻴﻚ ﻣﺸﺎﺭﻛﻮ ﺑﺤﻘﻚ ﻭﺍﻧﺎ ﻗﻠﺖ ﻟﻴﻚ ﻣﻌﺎﻱ ﻗﺮﻭﺵ ﻭﺍﻟﻠﻪ ﻭﻣﺎﻧﻲ ﻣﻀﺎﻳﻘﻜﻢ ﻓﻲ ﻗﺮﻭﺷﻲ ﺑﺲ ﻣﺎ ﺑﺨﻠﻴﻬﺎ ﻟﻴﻜﻢ ﺑﺪﻳﻜﻢ ﻟﻴﻬﺎ ﺳﻠﻒ
_ ﺧﻼﺱ ﻛﻠﻢ ﻋﺒﺎﺱ ﻭﺍﻧﺎ ﻣﺎ ﻋﻨﺪﻱ ﻣﺎﻧﻊ ﻭﺍﻟﻠﻪ ﻭﺑﻠﻘﻰ ﺍﻟﺪﻛﺎﻥ
_ ﺃﻣﺴﻚ ﺩﻱ ﺍﻟﻤﻴﺔ ﺣﻘﺘﻮ ﺍﻟﻌﻨﺪﻱ ﻭﺍﻧﺎ ﺑﻤﺸﻲ ﻣﺪﻧﻲ ﻭﺑﺮﺳﻞ ﻟﻴﻚ ﺍﻟﻘﺮﻭﺵ ﻣﻊ ﻋﻤﺎﺭ ﺍﺧﻮﻱ ﻭﻟﻼ ﺍﻟﻌﺒﻴﺪ ﻭﺩ ﻋﻤﻲ ﻭﺍﻧﺎ ﺑﻼﻗﻲ ﻋﺒﺎﺱ ﺑﻮﺭﻳﻬﻮ ﻋﺸﺎﻥ ﻳﺠﻴﻚ
_ ﻃﻴﺐ ﺭﺳﻠﻬﺎ ﻣﻌﺎﻫﻮ ﻫﻮ
_ ﻻ ﺍﺣﺘﻤﺎﻝ ﺭﺑﻴﻊ ﻳﺪﻗﺴﻮ ﻭﻳﺸﻴﻠﻦ ﻣﻨﻮ ، ﺍﻟﻤﻬﻢ ﺍﻧﺖ ﺍﻟﻘﺮﻭﺵ ﺑﺘﺼﻠﻚ ﻭﻣﻦ ﺍﻟﻠﻴﻠﺔ ﻓﺘﺶ ﻟﻠﺪﻛﺎﻥ ﻭﺍﻧﺎ ﺭﺍﺟﻊ ﺍﻟﺤﻠﺔ
_ ﺍﻧﺖ ﻣﺘﻴﻦ ﺟﻴﺖ ﻳﺎﺥ ﻣﺎ ﺗﺮﺟﻊ ﻛﺪﺍ ﻃﻮﺍﻟﻲ ﻭﻭﺭﺡ ﻗﻨﺐ ﻣﻌﺎﻧﺎ ﺍﻟﻴﻮﻡ ﺩﺍ ﻭﺍﻣﺶ ﺑﻜﺮﺓ
_ ﻳﺎ ﺯﻭﻝ ﺧﻴﺮ ﻭﺍﻧﺎ ﺯﺍﺗﻲ ﺍﻛﺎﻥ ﻣﺸﻴﺖ ﺍﻻ ﺍﺑﻴﺖ ﻓﻲ ﻣﺪﻧﻲ ﻭﻟﻼ ﺍﺭﻛﺐ ﻟﻲ ﻋﺮﺑﻴﺔ ﻣﺸﻮﺍﺭ ﺗﻮﺩﻳﻨﻲ ﺍﻟﺤﻠﺔ ، ﻣﺎ ﺑﻠﺤﻖ ﺍﻟﺒﺺ
ﻋﺒﺎﺱ ﻣﺸﻰ ﻣﻦ ﺍﻟﻤﺴﺘﺸﻔﻰ ﻭﻓﺎﺕ ﻻﺑﺠﺎﻛﻮﻣﺔ ﻓﻲ ﺍﻟﺒﻴﺖ ﻭﻗﺎﻝ ﻟﻴﻬﻮ ﺷﻮﻑ ﻟﻲ ﻃﺮﻳﻘﺔ ﺍﻃﻠﻊ ﺑﻴﻬﺎ ﻗﺮﻭﺷﻲ ﻣﻦ ﻭﺩ ﺍﻟﻀﻮ
_ ﻣﺸﻜﻠﺘﻚ ﻣﺎ ﻋﻨﺪﻙ ﺷﻬﻮﺩ ﺍﻧﺎ ﻣﺎ ﺑﻘﺪﺭ ﺍﺗﺪﺧﻞ ﺑﺼﻔﺔ ﺭﺳﻤﻴﺔ
_ ﻳﻌﻨﻲ ﺭﺍﺣﺖ ؟ ﺍﻧﺎ ﻋﻤﻠﺖ ﻓﻜﺮﺗﻚ ﻭﻣﺸﻴﺖ ﺍﻋﺘﺬﺭﺕ ﻟﻴﻬﻮ ﻣﺎ ﻧﻔﻌﺖ ﻭﺑﺮﺿﻮ ﺃﺑﻰ ﻭﺍﻟﻠﻪ ﺑﻜﻴﺖ ﻟﻴﻬﻮ ﺍﺑﻰ
_ ﻳﺎﺯﻭﻝ ﺍﻧﺴﺎﻫﻦ ﻣﺼﻴﺮﻭ ﺿﻤﻴﺮﻭ ﻳﺄﻧﺒﻮ ﻭﻳﺪﻳﻚ ﻟﻴﻬﻦ
_ ﺍﻧﺎ ﻗﻠﺖ ﻟﻴﻚ ﺑﻜﻴﺖ ﻋﺪﻳﻞ ﺃﺑﻰ ، ﻳﺄﻧﺒﻮ ﺷﻨﻮ ؟ ﻭﻟﻮ ﻣﺎ ﺃﻧﺒﻮ ؟
_ ﺍﻧﺖ ﺷﺎﻳﻒ ﺷﻨﻮ ؟
_ ﺑﻄﻌﻨﻮ ﻭﺍﻟﻠﻪ ﻟﻮ ﻣﺎ ﺍﺩﺍﻧﻲ ﻟﻴﻬﻦ ﺍﻧﺎ ﻻﺯﻡ ﺍﻓﺘﺢ ﺍﻟﺪﻛﺎﻥ
_ ﻣﻌﻠﻴﺶ ﺍﻧﺖ ﺍﻟﻘﺮﻭﺵ ﺩﻱ ﺟﺒﺘﻬﺎ ﻣﻦ ﻭﻳﻦ
ﻋﺒﺎﺱ ﺣﻜﻰ ﻟﻴﻬﻮ ﺍﻧﻮ ﺍﺩﺍﻫﺎ ﻟﻴﻬﻮ ﺍﻟﺘﺎﺝ ﻭﻭﺭﺍﻫﻮ ﺍﻟﺤﺼﻞ ﺑﻴﻨﻮ ﻭﺑﻴﻦ ﺍﻟﺘﺎﺝ ﻛﻠﻮ
ﻭﺍﺑﺠﺎﻛﻮﻣﺔ ﻗﺎﻝ ﻟﻴﻬﻮ ﻭﺍﻟﻠﻪ ﻟﻮ ﺍﻧﺎ ﻓﻲ ﻣﻜﺎﻧﻚ ﺑﺒﻜﻲ ﻟﻠﺘﺎﺝ ﻣﺎ ﺑﺒﻜﻲ ﻟﻠﻀﻮ ﻭﻟﻼ ﻭﺩ ﺍﻟﻀﻮ ﺩﺍ
_ ﻛﻴﻒ ﺍﺑﻜﻲ ﻟﻠﺘﺎﺝ
_ ﺯﻭﻝ ﺍﺩﻳﻨﻲ ﻣﻴﺔ ﺍﻟﻒ ﻭﺍﻟﻠﻪ ﻣﺎ ﺑﺨﺴﺮﻭ
_ ﻣﻨﻮ ﻫﻮ ﻳﺎﺥ
_ ﻭﻟﻮ
_ ﻳﻌﻨﻲ ﺍﻋﻤﻞ ﺷﻨﻮ ؟
_ ﺍﻣﺶ ﻟﻴﻬﻮ ﺍﻥ ﺷﺎﺀ ﺍﻟﻠﻪ ﻳﺸﻐﻠﻚ ﻛﻤﺴﺎﺭﻱ ﻓﻲ ﺑﺺ ﻣﻦ ﺣﻘﺎﺗﻮ ﻟﻜﻦ ﻣﺎ ﺗﺨﺴﺮﻭ ﺣﺎﻭﻝ ﺍﺭﺟﻊ ﻟﻴﻬﻮ ﺑﺎﻱ ﻃﺮﻳﻘﺔ
_ ﻫﻮ ﻋﺮﻑ ﻓﺮﺡ ﻭﺩ ﻋﻤﻚ ﻭﻋﺮﻓﻨﻲ ﺍﻧﺎ ﻣﺸﻴﺖ ﻟﻴﻬﻮ ﻋﺸﺎﻥ ﻛﺪﺍ ﺯﻋﻞ
_ ﺍﺭﺟﻊ ﻟﻴﻬﻮ ﻭﺍﻋﻤﻞ ﺍﻟﻤﺴﺘﺤﻴﻞ ﻣﻌﺎﻫﻮ ﻭﻟﻮ ﻗﺪﺭﺕ ﺗﺨﺶ ﻓﻴﻬﻮ ﻻﻧﻮ ﻫﻮ ﺿﺎﻣﻨﻚ ﻭﻋﺎﺭﻓﻚ ﻛﻮﻳﺲ ﻣﺎ ﺑﺨﺎﻑ ﻣﻨﻚ ﻭﺍﺣﺘﻤﺎﻝ ﻛﺒﻴﺮ ﻳﻨﻘﺒﺾ ﻋﻦ ﻃﺮﻳﻘﻚ ، ﺍﻗﻮﻝ ﻟﻴﻚ ﺣﺎﺟﺔ ؟
_ ﺍﻧﺖ ﻟﻴﻪ ﻣﺎ ﺗﺸﺘﻐﻞ ﻣﺨﺒﺮ ﻣﻌﺎﻧﺎ
_ ﺑﺘﺸﻐﻠﻮﻧﻲ ؟
_ ﻟﻮ ﻗﺪﺭﺕ ﺗﻘﻨﻊ ﺍﻟﺘﺎﺝ ﻭﺗﺴﻜﻦ ﻣﻌﺎﻫﻮ ﺍﻧﺎ ﺑﻀﻤﻦ ﻟﻴﻚ ﺍﻟﺸﻐﻞ ، ﻳﺎﺧﻲ ﺩﺍ ﻓﺮﺡ ﻣﺎ ﻭﺭﺍﻙ ﺍﻧﻬﻢ ﻋﻤﻠﻮﺍ ﺍﻟﻤﺴﺘﺤﻴﻞ ﻣﺎ ﻟﻘﻮﺍ ﺯﻭﻝ ﻳﻘﺮﺏ ﻣﻨﻮ ؟
_ ﻭﺭﺍﻧﻲ ﻭﺍﻟﻠﻪ
_ ﺧﻼﺱ ﺍﻧﺖ ﺍﻧﺴﻰ ﻗﺮﻭﺷﻚ ﺩﻱ ﻭﺍﻧﺴﻰ ﺍﻟﺪﻛﺎﻥ ﻭﺃﻱ ﺷﻲ ﺑﺲ ﺣﺎﻭﻝ ﺗﺮﺟﻊ ﻟﻠﺘﺎﺝ ﺩﺍ ﺑﺲ
_ ﻭﺍﻧﺎ ﻣﻮﺍﻓﻖ
_ ﻭﺍﻧﺎ ﺯﺍﺗﻲ ﻣﻮﺍﻓﻖ ﻭﺍﺣﺴﻦ ﻟﻴﻚ ﻭﺍﻟﺰﻭﻝ ﺩﺍ ﻟﻮ ﺍﻧﻘﺒﺾ ﺍﻧﺖ ﺑﺘﻜﺴﺐ ﻛﺘﻴﺮ ﻭﺑﻌﻴﻨﻮﻙ ﻭﻳﺮﻗﻮﻙ ﻓﻲ ﻧﻔﺲ ﺍﻟﻮﻛﺖ ﺩﺍ ﻏﻴﺮ ﻋﻨﺪﻙ ﺣﺎﻓﺰ ﻣﻤﻜﻦ ﻳﻌﻤﻞ ﻟﻴﻚ ﺩﻛﺎﻧﻴﻦ ﻭﺑﺘﻜﻮﻥ ﺧﺪﻣﺖ ﺍﻟﻮﻃﻦ
_ ﻭﺍﻟﻠﻪ ﺍﻗﻨﻊ ﻣﻴﺔ ﺯﻳﻮ ﻭﺑﻨﻘﺒﺾ ﻋﻦ ﻃﺮﻳﻘﻲ ﻭﺑﺬﻛﺮﻙ ﺍﻟﻜﻼﻡ ﺩﺍ ﻭﺑﺘﺸﻮﻑ
_ ﺧﻠﻲ ﻗﺮﻭﺷﻚ ﻋﻨﺪ ﻗﺮﻳﺒﻚ ﺩﺍ ﻣﺎ ﺗﺸﺘﻐﻞ ﺑﻴﻬﻦ ﻭﻟﻮ ﺍﻟﺘﺎﺝ ﻣﺎ ﺷﻐﻠﻚ ﺍﺭﺟﻊ ﻟﻠﻜﺮﺗﻮﻧﺔ
_ ﺗﺎﻧﻲ ﺍﻟﻜﺮﺗﻮﻧﺔ ؟
_ ﺗﺎﻧﻲ ﻭﺗﺎﻟﺖ ﻭﺭﺍﺑﻊ ﺍﻧﺖ ﻣﺨﺒﺮ ﺳﺮﻱ ﻳﺎﺧﻲ ﻧﺤﻦ ﻛﺎﻥ ﻣﻌﺎﻧﺎ ﺿﺎﺑﻂ ﺍﺷﺘﻐﻞ ﻣﻊ ﺗﺎﺟﺮ ﻣﺨﺪﺭﺍﺕ ﻛﻨﺎﺱ ﻭﺑﻨﻀﻒ ﺣﺘﻰ ﺍﻟﺤﻤﺎﻣﺎﺕ ﻭﻫﻮ ﺿﺎﺑﻂ ﻻﺣﻆ ﻣﺎ ﻣﺨﺒﺮ ﺑﺲ ﻭﻫﻮ ﺍﻟﻘﺒﻀﻮ ﻭﺍﻟﻤﺨﺒﺮ ﻣﻤﻜﻦ ﻳﺸﺘﻐﻞ ﺍﻛﻌﺐ ﺷﻐﻞ
ﻋﺒﺎﺱ ﺿﺤﻚ ﻭﻗﺎﻝ ﻟﻴﻬﻮ ﻭﺍﻟﻠﻪ ﺍﺗﺬﻛﺮﺕ ﺭﺑﻴﻊ ﻗﺎﻝ ﻟﻲ ﺍﻧﺎ ﻣﻬﻤﺘﻲ ﺍﺧﻠﻲ ﺍﻟﻨﺎﺱ ﻛﻠﻬﻢ ﻳﻔﺘﻜﺮﻭﻧﻲ ﺻﺎﻳﻊ
_ ﺭﺑﻴﻊ ﻛﻠﺐ ﻭﻣﺘﺪﻋﻲ ﺳﺎﻱ ﻭﻫﻮ ﻓﻌﻼ ﺻﺎﻳﻊ
_ ﺧﻼﺱ ﺍﻧﺎ ﻓﺎﻳﺖ ﺍﻟﺨﺮﻃﻮﻡ ﻭﺍﻟﻠﻴﻠﺔ ﺩﻱ ﺑﺒﻴﺖ ﻣﻊ ﺍﻟﺘﺎﺝ
_ ﻟﻮ ﺧﻠﻴﺖ ﺍﻟﺨﺮﻃﻮﻡ ﺑﻜﺮﺓ ﺍﺣﺴﻦ ﻋﺸﺎﻥ ﺍﻧﺎ ﻋﻨﺪﻱ ﻭﺻﻴﺔ ﺩﺍﻳﺮﻙ ﺗﺪﻳﻬﺎ ﻟﻔﺮﺡ ﺍﻟﻜﻌﺐ ﻭﻟﻼ ﺍﻗﻮﻝ ﻟﻴﻚ ﻣﺎ ﻣﻤﺸﻜﻠﺔ ﺍﻧﺎ ﺑﺘﺼﺮﻑ ﻭﺑﻤﺸﻲ ﺍﻟﻤﻮﻗﻒ ﺍﺩﻳﻬﺎ ﺃﻱ ﻭﺍﺣﺪ ﻣﺎﺷﻲ ﺍﻟﺨﺮﻃﻮﻡ
_ ﻻ ﻭﺍﻟﻠﻪ ﺍﻛﺎﻥ ﺍﻭﺩﻳﻬﺎ ﻟﻴﻬﻮ ﺍﻧﺎ ﻋﺸﺎﻥ ﺍﻧﺎ ﺯﺍﺗﻲ ﻃﻮﻟﺖ ﻣﻨﻮ ﻳﺎﺥ
_ ﻭﻭﺭﻳﻬﻮ ﺑﻜﻼﻣﻨﺎ ﺩﺍ ﺯﺍﺗﻮ ﻭﺍﻧﺎ ﺑﻜﺘﺐ ﻟﻴﻚ ﺟﻮﺍﺏ ﺗﺪﻳﻬﻮ ﻟﻴﻬﻮ ﻋﺸﺎﻥ ﻳﻌﺘﻤﺪﻭﻙ ﻣﻌﺎﻧﺎ ﻓﻲ ﺍﻟﻮﺣﺪﺓ
_ ﻣﻴﺔ ﻣﻴﺔ ، ﻳﺎﺧﻲ ﺩﺍﻳﺮ ﺍﻣﺸﻲ ﺍﻟﻠﻴﻠﺔ ﺍﺑﻴﺖ ﻣﻊ ﺭﺑﻴﻊ ﻭﺍﻟﻠﻪ
_ ﺩﺍﻳﺮ ﺑﻴﻬﻮ ﺷﻨﻮ ؟ ﺑﻴﺖ ﻫﻨﺎ ﻗﺒﻠﻚ
_ ﻣﺎ ﺑﻮﺭﻳﻬﻮ ﺍﻱ ﺷﻲ ﻭﺍﻟﻠﻪ ﻭﺑﺘﻤﺴﻜﻦ ﻟﻴﻬﻮ ﺯﻱ ﺯﻣﺎﻥ
_ ﻻﺯﻡ ؟
_ ﺁﻱ ﻭﺍﻟﻠﻪ ﻻﺯﻡ
_ ﺍﻟﻜﻼﻡ ﺍﻟﺤﺼﻞ ﺑﻴﻨﺎﺗﻨﺎ ﺩﺍ ﻟﻮ ﻃﻠﻊ ﻣﻨﻚ ﺃﻧﺴﻰ ﻭﺍﻣﻚ ﻣﺎ ﺗﻌﺮﻓﻮ ﺧﻠﻴﻚ ﻣﻔﺘﺢ
_ ﺍﻃﻤﻦ ﺍﺧﻮﻙ ﺷﻔﺖ ، ﻣﺎ ﺑﻤﺮﻕ ﻣﻨﻲ ﻭﺍﻧﺎ ﺑﻤﺶ ﻟﺮﺑﻴﻊ ﻭﺑﺠﻴﻚ ﻫﻨﺎ ﺑﻜﺮﺓ ﺍﻟﺼﺒﺎﺡ ﺟﻬﺰ ﺍﻟﺤﺎﺟﺔ ﺍﻟﺪﺍﻳﺮ ﺗﻮﺩﻳﻬﺎ ﻟﻔﺮﺡ
_ ﺗﻤﺎﻡ ﺑﺲ ﺗﻌﺎﻝ ﻟﻲ ﺑﻌﺪ ﺍﻟﺴﺎﻋﺔ ﻋﺸﺮﺓ
_ ﺍﺗﻔﻘﻨﺎ
ﻋﻤﺮ ﻓﺎﺕ ﻣﻊ ﻋﺒﺪ ﺍﻟﻘﻴﻮﻡ ﻭﺍﻻﺗﻨﻴﻦ ﻛﻠﻤﻮ ﺍﻟﺼﺪﻳﻖ ﺍﺧﻮ ﻋﺒﺪ ﺍﻟﻘﻴﻮﻡ ﺑﺎﻟﻘﺮﺭﻭﺍ ﻳﻌﻤﻠﻮﻫﻮ ﻭﺍﻟﺼﺪﻳﻖ ﻗﺎﻝ ﻟﻴﻬﻢ ﺣﺒﺎﺏ ﺍﻟﻨﺎﻓﻊ
ﻋﺒﺎﺱ ﻓﺎﺕ ﻟﺮﺑﻴﻊ ﻟﻘﺎﻫﻮ ﻗﺎﻋﺪ ﻭﻣﺎ ﻛﺎﻥ ﻋﺎﺭﻑ ﻭﺩ ﺍﻟﻀﻮ ﻭﺍﻟﻌﺒﻴﺪ ﺩﻗﻮﻫﻮ ﻗﺎﻝ ﻟﻴﻬﻮ ﻋﻤﻠﺖ ﺷﻨﻮ ؟
_ ﺍﻧﺖ ﻣﺎ ﻻﻗﻴﺖ ﻭﺩ ﺍﻟﻀﻮ ؟
_ ﻻ ﻻ ﺍﻧﺎ ﻣﺸﻴﺖ ﺍﻟﺨﺮﻃﻮﻡ ﻭﺟﻴﺖ ﺍﻟﻠﻴﻠﺔ ﻭﻃﻮﺍﻟﻲ ﺟﻴﺘﻚ
_ ﺍﻟﻀﺎﺑﻂ ﻟﺴﺔ ﻓﻲ ﺍﻟﻤﺄﻣﻮﺭﻳﺔ ﻣﺎ ﺟﺎﺀ
_ ﻣﺎ ﻟﻘﻴﺖ ﻭﺍﺣﺪ ﻏﻴﺮﻭ
_ ﻟﻘﻴﺖ ﻭﺍﺣﺪ ﺑﺲ ﻗﺎﻝ ﻟﻲ ﺩﺍﻳﺮ ﺩﻓﻌﺔ ﺍﻭﻝ ، ﻟﻮ ﻣﻌﺎﻙ ﻗﺮﻭﺵ ﺟﻴﺒﻬﻦ ﺍﻧﻤﺶ ﻟﻴﻬﻮ ﻫﺴﻲ
_ ﻣﺎ ﻣﻌﺎﻱ ﻏﻴﺮ ﺍﻟﻒ ﺩﺍﻳﺮ ﺍﺗﺼﺮﻑ ﺑﻴﻬﻮ
_ ﻣﺎ ﻣﺸﻜﻠﺔ ﺑﻠﻘﻰ ﻭﺍﺣﺪ
_ ﻛﻢ ﺍﻗﻮﻝ ﺍﺳﺄﻟﻚ ﺍﻧﺴﻰ
_ ﺗﺴﺄﻟﻨﻲ ﻣﻦ ﺷﻨﻮ ؟
_ ﺍﻧﺖ ﻋﻴﻨﻮﻙ ﻓﻲ ﺍﻟﻤﺨﺎﺑﺮﺍﺕ ﺩﻱ ﻣﺘﻴﻦ ؟
_ ﻣﻦ ﺯﻣﻨﻲ ﺍﻟﻔﻲ ﺍﻟﺜﺎﻧﻮﻱ ﻭﺟﻨﺪﻭﻧﻲ ﺍﻭﻝ ﻣﺮﺓ ﻣﺨﺒﺮ ﺳﺮﻱ ﻭﻗﺒﻀﺖ ﻟﻲ ﺗﺎﺟﺮ ﻛﺒﻴﺮ ﻃﻮﺍﻟﻲ ﺭﻗﻮﻧﻲ
_ ﻳﻌﻨﻲ ﺍﻧﺎ ﻟﻮ ﺍﺗﺠﻨﺪﺕ ﻣﺨﺒﺮ ﻭﻗﺒﻀﺖ ﻟﻲ ﻣﺠﺮﻡ ﺧﻄﻴﺮ ﺑﻌﻴﻨﻮﻧﻲ
_ ﺑﻌﻴﻨﻮﻙ ﻭﺑﺘﺮﻗﻴﺔ ﻛﻤﺎﻥ ﻭﺑﺪﻭﻙ ﺣﺎﻓﺰ
_ ﺍﻧﺖ ﺍﺩﻭﻙ ﺣﺎﻓﺰ ؟
_ ﻣﺒﻠﻎ ﻛﺒﻴﺮ
_ ﺍﻧﺖ ﻣﺎ ﺳﺎﻫﻞ ﻳﺎ ﺭﺑﻴﻊ ﻳﺎﺥ
_ ﺍﻧﺎ ﺍﻫﻠﻲ ﻭﺍﻣﻲ ﻭﺍﺑﻮﻱ ﻣﺎ ﻋﺎﺭﻓﻨﻲ ﺷﻐﺎﻝ ﺷﻨﻮ ﻭﺍﻟﺤﻲ ﺣﻘﻨﺎ ﻛﻠﻮ ﻓﺎﻛﺮﻧﻲ ﺯﻭﻝ ﺻﺎﻳﻊ
_ ﻓﻲ ﺯﻭﻝ ﻋﺎﺭﻓﻚ ﻏﻴﺮﻱ ؟
_ ﻧﺎﺱ ﺩﻓﻌﺘﻲ ﺑﺲ
_ ﻃﻴﺐ ﻟﻮ ﺍﻧﺎ ﻭﺭﻳﺖ ﺍﻟﻨﺎﺱ ؟
ﻣﺎﻓﻲ ﺯﻭﻝ ﺑﺼﺪﻗﻚ ﺯﺍﺗﻮ ﻭﺭﺡ ﺍﻟﻤﻄﻌﻢ ﻧﺎﻛﻞ ﻳﺎﺥ ﺍﻧﺎ ﻗﺎﺭﺻﺔ ﻣﻌﺎﻱ
ﻣﺸﻮﺍ ﺍﻟﻤﻄﻌﻢ ﻭﺟﻮﺍ ﺍﺗﻮﻧﺴﻮﺍ ﻭﻧﺎﻣﻮﺍ ﻭﺍﻟﺼﺒﺎﺡ ﻋﺒﺎﺱ ﻓﺎﺕ ﺍﻟﻤﺴﺘﺸﻔﻰ ﻗﺎﺑﻞ ﺍﻣﻮ ﻭﻭﺩﻋﻬﺎ ﻗﺎﻝ ﻟﻴﻬﺎ ﻣﺎﺷﻲ ﺍﻟﺨﺮﻃﻮﻡ ﻭﻣﺸﻰ ﻻﺑﺠﺎﻛﻮﻣﺔ ﻓﻲ ﺍﻟﺒﻴﺖ ﺷﺎﻝ ﻣﻨﻮ ﺍﻟﻮﺻﻴﺔ ﻭﻣﺸﻰ ﺑﻴﻬﺎ ﺍﻟﺨﺮﻃﻮﻡ ﻭﻧﻬﺎﺋﻲ ﻣﺎ ﺍﺗﺬﻛﺮ ﻭﺩ ﺍﻟﻀﻮ ﻭﺍﻟﺪﻛﺎﻥ ﺍﻟﻜﺎﻥ ﺑﻼﻫﻲ ﺑﻴﻬﻮ ﻗﻨﻊ ﻣﻨﻮ ﻭﺑﻘﻰ ﻛﻠﻮ ﻫﺪﻓﻮ ﺑﻌﺪ ﻳﺼﻞ ﻭﻳﺴﻠﻢ ﻓﺮﺡ ﺍﻟﻮﺻﻴﺔ ﺍﻧﻮ ﻛﻴﻒ ﻳﻘﻨﻊ ﺍﻟﺘﺎﺝ ﻭﻳﺨﻠﻴﻬﻮ ﻳﺮﺟﻊ ﻳﺴﻜﻦ ﻣﻌﺎﻫﻮ