ﻣﻠﻒ ﻓﺮﺡ ﺍﻟﻜﻌﺐ ﻭﻓﻴﺼﻞ ﺍﻻﺗﻨﻴﻦ ﺍﻟﻀﺎﺑﻂ ﻣﻮﺳﻰ ﻟﻤﻦ ﺩﺧﻞ ﻣﻜﺘﺒﻮ ﺍﻟﺼﺒﺎﺡ ﻟﻘﺎﻫﻦ ﻗﺪﺍﻣﻮ ﻭﺍﺳﺘﺪﻋﻰ ﻟﻴﻬﻮ ﺿﺒﺎﻁ ﺍﺗﻨﻴﻦ ﺍﻱ ﻭﺍﺣﺪ ﺍﺩﺍﻫﻮ ﻣﻠﻒ ﻭﻗﺎﻝ ﻟﻴﻬﻢ ﺩﺍﻳﺮﻛﻢ ﺍﻻﺗﻨﻴﻦ ﺗﺮﺻﺪﻭ ﺗﺤﺮﻛﺎﺕ ﺍﻟﻌﺴﺎﻛﺮ ﺩﻳﻞ ﻭﺗﺘﻌﺎﻭﻧﻮﺍ ﻣﻊ ﺑﻌﺾ ﻭﻟﻴﻜﻢ ﺻﻼﺣﻴﺎﺕ ﻛﺎﻣﻠﺔ ﺑﺪﺧﻮﻝ ﺍﻱ ﻣﻜﺎﻥ ﻭﺗﻔﺘﻴﺶ ﺍﻱ ﺷﺮﻃﻲ ﺣﺘﻰ ﻟﻮ ﻛﺎﻧﺖ ﺭﺗﺒﺘﻮ ﺍﻋﻠﻰ ﻣﻨﻜﻢ ﻭﺍﻧﺎ ﺑﻄﺒﻊ ﻟﻴﻜﻢ ﺍﻟﺘﺼﺎﺭﻳﺢ ، ﺗﺘﻌﺎﻭﻧﻮﺍ ﻣﻊ ﺑﻌﺾ ﻭﺍﻟﻌﺴﺎﻛﺮ ﺩﻳﻞ ﻭﺻﻠﻨﻲ ﺍﻧﻬﻢ ﻓﺎﺳﺪﻳﻦ ﻭﺷﻐﺎﻟﻴﻦ ﻣﺨﺪﺭﺍﺕ ﺑﺴﺘﻐﻠﻮﺍ ﻣﺮﻛﺰﻫﻢ ﻭﺑﺴﺘﻐﻠﻮﺍ ﺍﻟﻨﺎﺱ ، ﻓﻲ ﻭﺍﺣﺪ ﺳﻮﺍﻕ ﺗﻜﺴﻲ ﺑﺠﻲ ﺍﻟﻴﻮﻡ ﻋﺎﻭﺯﻛﻢ ﺗﻘﻌﺪﻭﺍ ﻣﻌﺎﻫﻮ ﻭﺗﺴﻤﻌﻮﺍ ﺍﻟﻌﻨﺪﻭ ﻛﻠﻮ ﻭﺗﻌﻤﻠﻮﺍ ﺍﻟﻼﺯﻡ ﻭﺍﻟﻤﻬﻤﺔ ﺩﻱ ﺳﺮﻳﺔ ﻻﺑﻌﺪ ﺍﻟﺤﺪﻭﺩ ﻭﺍﻟﻌﺴﺎﻛﺮ ﻭﺍﻱ ﻋﺴﺎﻛﺮ ﺗﺴﺘﻌﻴﻨﻮﺍ ﺑﻴﻬﻢ ﺍﺗﺄﻛﺪﻭﺍ ﻗﺒﻞ ﻛﻞ ﺷﻲ ﺍﻧﻬﻢ ﻗﺪﺭ ﺍﻟﻤﺴﺆﻭﻟﻴﺔ ﻭﻣﺎ ﻳﺘﺼﺮﻓﻮﺍ ﺍﻻ ﺑﺄﻣﺮ ﻣﻨﻜﻢ ﻭﺗﺮﻓﻌﻮﺍ ﻟﻲ ﺗﻘﺮﻳﺮﻛﻢ ﺍﻭﻝ ﺑﺄﻭﻝ ﻭﺍﻧﺎ ﺑﺘﺎﺑﻊ ﻣﻌﺎﻛﻢ ﺑﻄﺮﻳﻘﺘﻲ ﺍﻟﺨﺎﺻﺔ ﻭﻣﺎ ﻋﺎﻭﺯ ﺍﻱ ﺗﻬﺎﻭﻥ ﻓﻲ ﺍﻟﻤﻮﺿﻮﻉ ﺩﺍ ﻻﻧﻮ ﺍﻻﻣﺮ ﺧﻄﻴﺮ ﺟﺪﺍ
ﻗﺎﻟﻮﺍ ﻟﻴﻬﻮ ﺗﻤﺎﻡ ﺳﻌﺎﺩﺗﻚ ﻭﺷﺎﻟﻮﺍ ﺍﻟﻤﻠﻔﺎﺕ ﻭﻓﺎﺗﻮﺍ
ﻋﻤﺮ ﻭﺩ ﺍﻟﻀﻮ ﺟﺎﺀ ﺍﻟﺤﻠﺔ ﻭﻓﺎﺕ ﺯﻱ ﺍﻟﻌﺎﻭﺯ ﻳﺰﻭﺭ ﺣﺎﺝ ﻋﻠﻲ ﻭﻫﻮ ﺩﺍﻳﺮ ﻳﻌﺮﻑ ﻟﻮ ﻋﺒﺎﺱ ﺟﺎﺀ ﺑﻘﻔﺎﻫﻮ ﻭﻟﻼ ﻣﺎ ﺟﺎﺀ ﻭﺍﺧﺪ ﻗﻌﺪﺗﻮ ﻣﻌﺎﻫﻢ ﻭﻋﺮﻑ ﺍﻧﻮ ﻋﺒﺎﺱ ﻣﺎ ﺟﺎﺀ ﻧﻬﺎﺋﻲ ﻻﻧﻬﻢ ﺳﺄﻟﻮﻫﻮ ﻣﻨﻮ ﻭﺍﺩﻯ ﻧﻌﻴﻤﺔ ﻗﺮﻭﺵ ﻗﺎﻝ ﻟﻴﻬﺎ ﺩﻳﻞ ﻣﻦ ﻋﺒﺎﺱ
ﺑﻌﺪ ﻓﺎﺕ ﻣﺸﻰ ﻛﻠﻢ ﺍﻟﻌﺒﻴﺪ ﻭﺩ ﻋﻤﻮ ﺑﻜﻞ ﺷﻲ ، ﺍﻟﻌﺒﻴﺪ ﻗﺎﻝ ﻟﻴﻬﻮ ﺍﺻﻼ ﻫﻮ ﻣﺮﻣﺪ ﻭﻭﺩ ﻣﺮﻣﺪ ﻭﻭﺩ ﺍﻟﻔﺎﺭ ﺣﻔﺎﺭ ﻭﻣﺎ ﻣﺮﻕ ﻣﻦ ﺍﻟﺤﻠﺔ ﺩﻱ ﺍﻻ ﻟﻠﻌﻮﺍﻟﻴﻖ ، ﻋﻤﺮ ﻗﺎﻝ ﻟﻴﻬﻮ ﻋﺒﺎﺱ ﺩﺍ ﻳﺎ ﻣﻐﺸﻮﺵ ﻳﺎ ﺍﻟﻨﺎﺱ ﺩﻳﻞ ﻣﺴﺘﻐﻠﻨﻮ ﻭﻧﺤﻦ ﻣﻔﺮﻭﺽ ﻧﺘﺼﺮﻑ ﻳﺎﻧﺎ ﺍﺧﻮﺍﻧﻮ ﻣﺎ ﻧﺴﺘﻨﺎﻫﻮ ﻟﻤﻦ ﻳﻨﻘﺒﺾ ﻭﻳﻨﺴﺠﻦ
_ ﻧﺘﺼﺮﻑ ﻧﻌﻤﻞ ﺷﻨﻮ ﻳﻌﻨﻲ ؟ ﻧﻤﺶ ﻧﺪﻕ ﺍﻟﻌﺴﺎﻛﺮ ﻭﻧﺪﺧﻞ ﺭﻭﺣﻨﺎ ﻓﻲ ﻣﺼﻴﺒﺔ ﻭﻟﻼ ﻛﻴﻒ
_ ﻣﺎ ﺃﻱ ﺷﻲ ﺩﻕ ﻳﺎﺥ
_ ﻧﺎﻥ ﺩﺍﻳﺮﻧﺎ ﻧﻌﻤﻞ ﺷﻨﻮ ﻭﺭﻳﻨﻲ ؟
_ ﻧﻤﺶ ﻧﺒﻠﻎ ﻳﺎ ﻧﻤﺴﻚ ﻋﺒﺎﺱ ﻭﻧﺪﻳﻬﻮ ﺭﺍﺳﻮ ﺣﺘﻰ ﻟﻮ ﺍﻗﻌﺪ ﻣﻌﺎﻫﻮ ﺍﻧﺎ ﻓﻲ ﺍﻟﺨﺮﻃﻮﻡ ﻛﻢ ﻳﻮﻡ ، ﻳﺎﻧﺎ ﻧﺠﻴﺒﻮ ﻳﺸﺘﻐﻞ ﻓﻲ ﻣﺪﻧﻲ
_ ﻭﺍﻛﺎﻥ ﻣﺎ ﺭﺿﻰ ﻭﻗﺎﻝ ﻟﻴﻚ ﻣﺎﻟﻚ ﻭﻣﺎﻟﻲ ﻭﺍﻟﻌﺴﺎﻛﺮ ﺍﻟﺤﻴﻮﺍﻧﺎﺕ ﺩﻳﻞ ﻭﺭﻃﻮﻙ ﻓﻲ ﺗﻬﻤﺔ ﺑﺎﻟﺒﺎﻃﻞ ؟
_ ﻧﻐﺼﺒﻮ ﻭﻧﺠﻴﺒﻮ ﻣﺪﻧﻲ ﻭﻻ ﻋﻠﻲ ﻛﻴﻔﻮ
_ ﻭﺯﻣﻼﻫﻢ ﺍﻟﻌﺴﺎﻛﺮ ﺍﻟﻔﻲ ﻣﺪﻧﻲ ﺑﺨﻠﻮﻫﻮ ؟
_ ﻣﺎ ﻋﺎﺭﻑ ﻳﺎﺥ ﻟﻜﻦ ﻻﺯﻡ ﻧﺘﺼﺮﻑ
_ ﻣﺎﻟﻚ ﻭﻣﺎﻝ ﺍﻟﻌﻮﺍﻟﻴﻖ ﻳﺎﺥ ﺍﺻﻼ ﻫﻮ ﻭﺩ ﺍﻟﺴﺖ ﺷﺒﻬﻴﺘﻮ ﻭﺍﺗﻼﻗﻴﺘﻮ
_ ﺍﻧﺖ ﺻﺤﻲ ﻭﺩ ﺍﻟﺴﺖ ﻭﻳﻦ ؟
_ ﺍﻟﻌﺎﺭﻓﻮ ﻣﻨﻮ ؟ ﻣﻦ ﻳﻮﻡ ﺟﺎﺀ ﻫﻨﺎ ﺩﺍﻳﺮ ﻗﺮﻭﺵ ﻳﺴﺎﻓﺮ ﺑﻴﻬﺎ ﺗﺎﻧﻲ ﻣﺎ ﻇﻬﺮ
_ ﺑﻜﻮﻥ ﻓﺎﺕ ﻭﻳﻦ ؟
_ ﺑﻜﻮﻥ ﺷﻐﺎﻝ ﺳﺮﻗﺔ ، ﺍﺻﻼ ﻫﻮ ﻣﺎ ﻧﺎﻓﻊ
_ ﻭﺍﻟﻠﻪ ﻓﻌﻼ ﻣﺎ ﻧﺎﻓﻊ
ﺍﻟﻬﺎﺩﻱ ﻭﺍﻗﻒ ﺑﺘﻜﺴﻴﻬﻮ ﺟﻤﺐ ﺍﻟﺴﻮﻕ ﺍﻟﺸﻌﺒﻲ ﺟﺎﻫﻮ ﻭﺍﺣﺪ ﻗﺎﻝ ﺍﻟﻌﻘﻴﺪ ﻓﺎﺭﻭﻕ ﻗﺎﻝ ﻟﻴﻚ ﺍﻟﻠﻴﻠﺔ ﺟﻴﺐ ﺍﻟﻮﻟﺪ ﻭﺗﻌﺎﻝ ﻟﻲ ﻓﻲ ﺍﻟﺒﻴﺖ
ﻗﺎﻝ ﻟﻴﻬﻮ ﺑﻠﻐﻮ ﺍﻧﻮ ﺍﻟﻮﻟﺪ ﻓﻲ ﻣﺪﻧﻲ ﻟﺴﺔ ﻣﺎ ﺟﺎﺀ ﻭﻟﻮ ﺟﺎﺀ ﺑﺠﻴﺒﻮ ﻭﺑﺠﻴﻚ
ﻭﺍﻟﻬﺎﺩﻱ ﻓﺎﺕ ﺗﺎﻧﻲ ﻟﻌﺒﺪ ﺍﻟﻘﻴﻮﻡ ﻓﻲ ﺍﻟﺪﻛﺎﻥ ﻛﺎﻳﺲ ﻋﺒﺎﺱ ﻭﺍﻭﻝ ﻣﺎ ﺩﺧﻞ ﺣﺴﻦ ﺩﺧﻞ ﻭﺭﺍﻫﻮ ﻭﻭﻗﻒ ﻓﻲ ﺍﻟﺒﺎﺏ ﻭﺍﻟﻬﺎﺩﻱ ﻗﻌﺪ ﻳﺴﺄﻝ ﻓﻲ ﻋﺒﺪ ﺍﻟﻘﻴﻮﻡ ﻣﻦ ﺍﻻﺳﻌﺎﺭ
ﻋﺒﺪ ﺍﻟﻘﻴﻮﻡ ﻗﺎﻝ ﻟﻴﻬﻮ ﻋﺒﺎﺱ ﻟﺴﺔ ﻣﺎ ﺟﺎﺀ ﻭﺭﻳﻨﻲ ﺍﻟﺤﻜﺎﻳﺔ ﺷﻨﻮ
_ ﺣﻜﺎﻳﺘﻚ ، ﻭﻋﻼﻗﺘﻚ ﺷﻨﻮ ﺑﻌﺒﺎﺱ ؟
_ ﻣﺠﺮﺩ ﺯﺑﻮﻥ ﺍﻧﺎ ﻭﻋﺒﺎﺱ ﺩﺍ ﻣﻨﻮ ؟
_ ﺍﻟﺠﻴﺖ ﺳﺄﻟﺘﻨﻲ ﻣﻨﻮ ﺍﻣﺲ
_ ﻻ ﻋﻨﺪﻱ ﺑﻴﻬﻮ ﻋﻼﻗﺔ ﻭﻻ ﺑﻌﺮﻓﻮ ؟
_ ﺣﺴﻦ ﺍﻗﻔﻞ ﺍﻟﺒﺎﺏ ﻋﻠﻴﻨﺎ ﻭﺗﻌﺎﻝ ، ﻭﺍﻧﺖ ﻳﺎ ﺯﻭﻝ ﺍﻟﻠﻴﻠﺔ ﺍﻛﺎﻥ ﻣﺎ ﻭﺭﻳﺘﻨﺎ ﺣﻜﺎﻳﺘﻚ ﺷﻨﻮ ﻭﺍﻟﻠﻪ ﻣﻦ ﻫﻨﺎ ﻣﺎ ﺗﻤﺮﻕ
ﺣﺴﻦ ﻃﻮﺍﻟﻲ ﻗﻔﻞ ﻭﻓﻲ ﺳﻴﺨﺔ ﻏﻠﻴﺪﺓ ﺟﻤﺐ ﺍﻟﺒﺎﺏ ﺍﺗﻨﺎﻭﻟﻬﺎ ﻭﻗﺒﻞ ﻋﻠﻲ ﺍﻟﻬﺎﺩﻱ
ﺍﻟﻬﺎﺩﻱ ﻗﺎﻝ ﻟﻴﻬﻮ ﺍﻓﺘﺢ ﺍﻟﺒﺎﺏ ﺍﻧﺎ ﺑﺘﻜﻠﻢ ﺳﺎﻱ ﻭﻣﺎ ﺧﺎﻳﻒ ﻣﻨﻜﻢ ﺑﺲ ﻓﻌﻼ ﺍﻧﺎ ﻛﺎﻳﺲ ﻟﻌﺒﺎﺱ
ﻋﺒﺪ ﺍﻟﻘﻴﻮﻡ ﻗﺎﻝ ﻟﻴﻬﻮ ﺧﻼﺱ ﺍﺗﻜﻠﻢ ﻭﺍﻟﺒﺎﺏ ﻣﻘﻔﻮﻝ ﻭﺑﻌﺪ ﺗﻮﺭﻳﻨﺎ ﺑﻨﻔﺘﺤﻮﺍ
_ ﻳﺎ ﺟﻤﺎﻋﺔ ﺍﻟﻤﻮﺿﻮﻉ ﻣﺎ ﺑﺴﺘﺎﻫﻞ ﻭﺍﻟﻠﻪ ﺍﻟﻜﻼﻡ ﺩﺍ ﻭﻋﺒﺎﺱ ﺩﺍ ﻭﺩ ﺧﺎﻟﺘﻲ ﻭﺍﻧﺎ ﻟﻲ ﺯﻣﻦ ﻃﻮﻳﻞ ﻣﻦ ﺍﻟﺤﻠﺔ ﺟﻴﺖ ﺍﻋﺮﻑ ﺍﺧﺒﺎﺭ ﺍﻻﻫﻞ ﺷﻨﻮ
ﻋﺒﺪ ﺍﻟﻘﻴﻮﻡ ﻗﻌﺪ ﻳﻀﺤﻚ ﻭﻗﺎﻝ ﻟﻴﻬﻮ ﺍﻣﻮ ﺍﺳﻤﻬﺎ ﻣﻨﻮ ﻟﻮ ﻭﺩ ﺧﺎﻟﺘﻚ
ﺍﻟﻬﺎﺩﻱ ﺯﺍﺗﻮ ﻗﻌﺪ ﻳﻀﺤﻚ ﻭﻗﺎﻝ ﻟﻴﻬﻮ ﻳﻌﻨﻲ ﺍﻧﺖ ﺑﺘﻌﺮﻑ ﺍﺳﻢ ﺍﻣﻮ ؟
_ ﻭﺭﺍﺟﻠﻬﺎ ﺭﺣﻤﺔ ﺍﻟﻠﻪ ﺑﻌﺮﻓﻮ ﻭﻣﺸﻴﺖ ﻣﻌﺎﻫﻮ ﺍﻟﺤﻠﺔ ﻛﻢ ﻣﺮﺓ ﻭﺍﻣﻮ ﻣﺎ ﻋﻨﺪﻫﺎ ﻻﺧﻮ ﻭﻻ ﺍﺧﺖ
_ ﻣﺎ ﻭﺩ ﺧﺎﻟﺘﻲ ﻟﺰﻡ ﻫﻮ
_ ﻳﺎ ﺳﻴﺪ ﻭﺍﻟﻠﻪ ﺍﻧﺎ ﻣﺎ ﻓﺎﺭﻗﺔ ﻣﻌﺎﻱ ﻋﺎﺩﻱ ﺑﺨﺶ ﻓﻴﻚ ﺍﻟﺴﺠﻦ ﻟﻜﻦ ﺍﻗﺴﻢ ﺑﺎﻟﻠﻪ ﺑﺘﻤﺮﻕ ﻣﻦ ﻫﻨﺎ ﺑﻌﺎﻫﺔ
_ ﻳﺎ ﻭﻟﺪ ﺍﻧﺎ ﻗﺪﺭ ﺍﺑﻮﻙ
_ ﻗﻮﻝ ﺍﻛﺒﺮ ﻣﻦ ﺍﺑﻮﻱ ﺍﻟﻤﺸﻜﻠﺔ ﺷﻨﻮ ؟
_ ﺩﺍﻳﺮ ﺷﻨﻮ ؟
_ ﺩﺍﻳﺮ ﺍﻋﺮﻑ ﺣﻜﺎﻳﺘﻚ ﺷﻨﻮ ﻭﻟﻼ ﺑﻌﺪ ﻧﻜﺴﺮﻙ ﻫﻨﺎ ﺍﻧﺎ ﻭﺣﺴﻦ ﺑﻨﻘﻮﻝ ﺍﻧﺖ ﺣﺮﺍﻣﻲ ﻭﻗﺒﻀﻨﺎﻙ ﺳﺮﻗﺖ ﻭﺍﻟﺴﻮﻕ ﺩﺍ ﻛﻠﻮ ﺑﺘﻔﻚ ﻣﻌﺎﻧﺎ
_ ﻃﻴﺐ ﺍﻧﺎ ﺑﻮﺭﻳﻜﻢ ﻭﻣﺎﻧﻲ ﺧﺎﻳﻒ ﻣﻨﻜﻢ ﺍﻧﺎ ﺍﺳﻤﻲ ﺍﻟﻬﺎﺩﻱ ﺳﻮﺍﻕ ﺗﻜﺴﻲ ﻭﻋﺒﺎﺱ ﺩﺍ ﻭﺻﻠﺘﻮ ﻣﺪﻧﻲ ﻗﺒﻞ ﻛﻢ ﺃﻭﻝ ﺍﻣﺲ ﻭﻫﻮ ﺍﻟﻮﺻﻒ ﻟﻲ ﺍﻟﺪﻛﺎﻥ ﺩﺍ ﻭﺟﻴﺖ ﺍﻗﺎﺑﻠﻮ ﺩﺍ ﻛﻠﻮ ﺍﻟﻤﻮﺿﻮﻉ ﻭﺍﻟﺘﻜﺴﻲ ﺣﻘﻲ ﻭﻗﻔﺘﻮ ﺑﺮﺓ ﺑﺠﺎﻱ ﻣﺎ ﺑﻌﻴﺪ ﻭﺩﺍ ﻣﻔﺘﺎﺣﻮ ﻫﺎﻙ ﻳﺎ ﺣﺴﻦ ﺍﻣﺶ ﺍﺗﺄﻛﺪ ﻭﻧﻤﺮﺗﻮ ﻛﺪﺍ ..
_ ﻃﻴﺐ ﺑﺘﻜﻀﺐ ﻣﺎﻟﻚ ﻗﺒﻞ ﺷﻮﻳﺔ ﻭﺗﻘﻮﻝ ﻭﺩ ﺧﺎﻟﺘﻮ ﻭﻣﻦ ﺍﻟﺼﺒﺎﺡ ﻣﺎ ﺗﻘﻮﻝ ﻛﺪﺍ .
_ ﺣﺼﻞ ﺧﻴﺮ
ﺣﺴﻦ ﺧﺘﺎ ﺍﻟﺴﻴﺨﺔ ﻭﺭﺍﺀ ﺍﻟﺒﺎﺏ ﻭﻓﺘﺤﻮ ﻭﻋﺒﺪ ﺍﻟﻘﻴﻮﻡ ﻗﺎﻝ ﻟﻴﻬﻮ ﻋﺒﺎﺱ ﻟﺴﺔ ﻣﺎ ﺟﺎﺀ ﻣﻦ ﻣﺪﻧﻲ ﻭﺍﺣﺘﻤﺎﻝ ﻳﻜﻮﻥ ﻓﺎﺕ ﺍﻫﻠﻮ
ﺍﻟﻬﺎﺩﻱ ﻗﺎﻝ ﻟﻴﻬﻢ ﺧﻼﺱ ﺍﻧﺎ ﺑﻤﺸﻲ ﻭﺑﺠﻴﻬﻮ ﺗﺎﻧﻲ ، ﻭﻣﺮﻕ ﻓﺎﺕ ﻭﺳﺎﺏ ﺷﻐﻠﻮ ﻭﺑﻘﻰ ﺣﺎﺭﺱ ﺑﺼﺎﺕ ﻣﺪﻧﻲ
ﻋﺒﺎﺱ ﻃﻠﻊ ﻣﻦ ﺭﺑﻴﻊ ﻭﻗﺎﻝ ﻟﻴﻬﻮ ﺍﻧﺎ ﻣﺎﺷﻲ ﺍﻟﺤﻠﺔ ﻭﺑﺎﺧﺪ ﻟﻲ ﻟﻔﺔ ﻭﺑﻐﺸﻰ ﻭﺩ ﺍﻟﻀﻮ ﻓﻲ ﺍﻟﺪﻛﺎﻥ ﺍﻗﻌﺪ ﻣﻌﺎﻫﻮ ﻟﺤﺪﻱ ﻣﻮﺍﻋﻴﺪ ﺑﺺ ﺍﻟﺤﻠﺔ ، ﻭﻣﺸﻰ ﻣﻨﻮ ، ﻭﺻﻞ ﺍﻟﺴﻮﻕ ﻭﺭﻛﺐ ﻃﻮﺍﻟﻲ ﺍﻟﺸﻌﺒﻲ ﻣﺎ ﻓﺎﺕ ﻟﻌﻤﺮ ﻭﺭﻛﺐ ﻣﺸﻰ ﺍﻟﺨﺮﻃﻮﻡ ﻭﻻ ﻣﺸﻰ ﻻﺑﺠﺎﻛﻮﻣﺔ ﻻﻧﻮ ﻗﺮﺭ ﻣﻦ ﺍﻟﺪﻛﺎﻥ ﺗﺎﻧﻲ ﻣﺎ ﻳﻤﺮﻕ ﻭﺷﻐﻞ ﺑﺲ ﻭﺍﻭﻝ ﻣﺎ ﻭﺻﻞ ﺍﻟﺨﺮﻃﻮﻡ ﻭﻣﻊ ﻧﺰﻟﺘﻮ ﻣﻦ ﺍﻟﺒﺺ ﻟﻘﻰ ﺍﻟﻬﺎﺩﻱ ﻗﺪﺍﻣﻮ ﻗﺎﻝ ﻟﻴﻬﻮ ﻭﺩ ﺣﻼﻝ ﺗﻌﺎﻝ ﺩﺍﻳﺮﻙ
_ ﺍﻟﻬﺎﺩﻱ ؟
_ ﺁﻱ ﺍﻟﻬﺎﺩﻱ ﻭﺭﺡ ﻣﻌﺎﻱ ﺩﺍﻳﺮﻙ ﻓﻲ ﻣﺸﻮﺍﺭ ﺿﺮﻭﺭﻱ
_ ﺩﻗﻴﻘﺔ ﺩﻗﻴﻘﺔ ﻣﺸﻮﺍﺭ ﺷﻨﻮ ؟
_ ﺍﻟﺘﻜﺴﻲ ﺣﻘﻲ ﻗﺮﻳﺐ ﺩﻧﻜﺎﻧﻜﻢ ﻭﺭﺡ ﻭﺑﻜﻠﻢ ﺑﻌﺪ ﻧﺮﻛﺐ ﻓﻴﻬﻮ
_ ﻧﺮﻛﺐ ﻧﻤﺶ ﻭﻳﻦ ؟
_ ﻧﺘﻜﻠﻢ ﻓﻲ ﺍﻟﺘﻜﺴﻲ ﻣﺎ ﺑﻨﻔﻊ ﻫﻨﺎ
_ ﺳﻤﺢ ﺧﻠﻴﻨﻲ ﺍﺳﻠﻢ ﻋﻠﻲ ﺍﻟﺘﺎﺝ ﺩﻗﻴﻘﺔ ﻭﺑﺠﻴﻚ
_ ﺑﺘﺠﻴﻬﻮ ﺑﺘﺠﻴﻬﻮ ﻳﺎﺥ ﻭﺧﻠﻴﻬﻮ ﺍﻟﺴﻼﻡ ﻫﺴﻲ ﻣﺎ ﻭﻛﺘﻮ
_ ﻭﺍﻟﻠﻪ ﺣﻴﺮﺗﻨﻲ ﻳﺎﺥ ﻓﻲ ﺷﻨﻮ ؟
_ ﺑﺘﻌﺮﻑ ﻫﺴﻲ
ﻋﺒﺎﺱ ﻏﺸﻰ ﻋﺜﻤﺎﻥ ﺳﻠﻢ ﻋﻠﻴﻬﻮ ﻭﻓﺎﺕ ﻣﻊ ﺍﻟﻬﺎﺩﻱ ﺭﻛﺒﻮ ﻓﻲ ﺍﻟﺘﻜﺴﻲ ﻭﺍﻟﻬﺎﺩﻱ ﺣﻜﻰ ﻟﻴﻬﻮ ﻛﻞ ﺷﻲ ﻭﺣﺘﻰ ﺍﻟﺠﻤﺎﻋﺔ ﺍﻟﺴﺎﻗﻮﻫﻮ ﻭﺳﺄﻟﻮﻫﻮ ﻣﻨﻮ ﻭﺭﺍﻫﻮ ﺑﻴﻬﻢ ﻭﻗﺎﻝ ﻟﻴﻬﻮ ﺍﻧﺖ ﻛﻨﺖ ﻣﺮﺍﻗﺐ ﻳﻮﻣﺪﺍﻙ ﻭﻋﺎﺭﻓﻨﻚ ﺭﻛﺒﺖ ﻣﻌﺎﻱ ﻻﻧﻬﻢ ﺍﺧﺪﻭ ﻧﻤﺮﺓ ﺍﻟﺘﻜﺴﻲ
_ ﻳﻌﻨﻲ ﻟﻮ ﻗﻌﺪﺕ ﻓﻲ ﺣﻠﺘﻜﻢ ﻣﻊ ﺑﻠﺔ ﺍﺧﻮﻙ ﺍﻛﺎﻥ ﺑﺠﻴﻬﻮﻙ
_ ﺍﺻﻼ ﺟﻴﻬﻮﻧﻲ ﻭﺍﻟﺠﻤﺎﻋﺔ ﺩﻳﻞ ﺧﻄﺮﻳﻦ ﻭﻫﺴﻲ ﺩﺍﻳﺮﻙ ﺗﻤﺸﻲ ﻣﻌﺎﻱ ﻟﻠﻀﺎﺑﻂ ﻓﺎﺭﻭﻕ ﻓﻲ ﺑﻴﺘﻮ ﻗﺎﻝ ﺩﺍﻳﺮﻙ
_ ﻭﺭﺡ ﻃﻮﺍﻟﻲ ﺧﺮﺑﺎﻧﺔ ﺧﺮﺑﺎﻧﺔ
ﻗﺒﻞ ﺍﻟﻬﺎﺩﻱ ﻳﺘﺤﺮﻙ ﺟﻮﻫﻢ ﺍﺗﻨﻴﻦ ﻭﻗﺎﻟﻮﺍ ﻟﻌﺒﺎﺱ ﺍﻧﺰﻝ
ﻋﺒﺎﺱ ﻗﺎﻝ ﻟﻴﻬﻢ ﺍﻧﺘﻮ ﻣﻨﻮ
ﻗﺎﻟﻮﺍ ﺍﻟﻤﺒﺎﺣﺚ ﻭﺍﺣﺪ ﺳﺎﻕ ﻋﺒﺎﺱ ﻣﺎﺳﻜﻮ ﻣﻦ ﻳﺪﻭ ﻭﺍﻟﺘﺎﻧﻲ ﻭﻗﻒ ﻣﻊ ﺍﻟﻬﺎﺩﻱ ﻭﻗﺎﻝ ﻟﻴﻬﻮ ﻳﻌﻨﻲ ﻣﺎ ﺳﻤﻌﺖ ﺍﻟﻜﻼﻡ ، ﻭﺍﻟﻈﺎﻫﺮ ﺍﻧﺖ ﻗﻨﻌﺎﻥ ﻣﻦ ﺭﻭﺣﻚ ﻭﻣﻦ ﻋﺮﺑﻴﺘﻚ ﺩﻱ
_ ﻛﻼﻡ ﺷﻨﻮ ؟
_ ﻣﺎ ﻗﻠﻨﺎ ﻟﻴﻚ ﺧﻠﻴﻚ ﺍﻋﻤﻰ ﻭﺍﻃﺮﺵ
_ ﺁﻱ ﻟﻜﻦ ...
_ ﺗﺎﻧﻲ ﺑﺪﻳﻚ ﻓﺮﺻﺔ ﺍﺧﻴﺮ ﺗﺒﻌﺪ
ﻭﻓﺎﺕ ﻣﻨﻮ
ﻋﺒﺎﺱ ﺭﻛﺒﻮﻫﻮ ﻓﻲ ﻋﺮﺑﻴﺔ ﻭﻓﺎﺗﻮﺍ ﺑﻴﻬﻮ ﺑﻴﺖ ﺍﻟﻨﺠﻮﻣﻲ ﻋﺒﺎﺱ ﻋﺮﻓﻮ ﻻﻧﻮ ﺟﺎﻫﻮ ﻣﻊ ﺭﺑﻴﻊ ﻳﻮﻡ ﺍﺷﺘﺮﻯ ﺍﻟﺪﻛﺎﻥ ﻭﻓﻌﺪ ﻳﺒﻠﻊ ﻓﻲ ﺭﻳﻘﻮ
ﺩﺧﻞ ﻭﻟﻘﻰ ﻓﺮﺡ ﻗﺎﻋﺪ ﻣﻊ ﺍﻟﻨﺠﻮﻣﻲ ﻭﻣﻌﺎﻫﻢ ﻓﻴﺼﻞ ﻭﻋﺒﺎﺱ ﻭﻗﻒ ﻓﻲ ﺍﻟﺒﺎﺏ ﻳﻌﺎﻳﻦ ﻟﻴﻬﻢ ﻭﺧﺎﻳﻒ
ﻓﺮﺡ ﺿﺤﻚ ﻭﻗﺎﻝ ﻟﻴﻬﻮ ﺧﺶ ﺧﺶ ﻣﺎ ﺗﺨﺎﻑ
ﺍﻟﻨﺠﻮﻣﻲ ﻗﺎﻝ ﻟﻴﻬﻮ ﺍﻫﻼ ﺍﻫﻼ ﺑﺎﻟﻤﻨﺎﺳﺒﺔ ﺍﺿﻨﻲ ﻟﺴﺔ ﺻﺎﻧﺎﺕ ﺍﻗﻌﺪ ﺍﻗﻌﺪ ﻋﺸﺎﻥ ﺍﺣﻜﻲ ﻟﻴﻚ ﻗﺼﺔ ﻃﺒﻌﺎ ﺍﻧﺎ ﺑﺘﻌﺮﻓﻨﻲ ﻭﻓﺮﺡ ﺑﺘﻌﺮﻓﻮ ﻭﺍﻟﺘﺎﻟﺖ ﺩﺍ ﺍﻧﺖ ﻣﺎ ﺑﺘﻌﺮﻓﻮ ﻓﺪﺍ ﻓﻴﺼﻞ ﻭﻙ ﻭﻙ
_ ﺟﺎﻳﺒﻨﻲ ﻫﻨﺎ ﻟﺸﻨﻮ ﻫﺴﻲ ؟
ﻓﺮﺡ ﻗﺎﻝ ﻣﺎ ﺍﺳﺘﻐﺮﺑﺖ ﻟﻤﻦ ﻟﻘﻴﺘﻨﻲ ﻫﻨﺎ ؟
_ ﻣﺎ ﺍﺳﺘﻐﺮﺑﺖ ﻭﺍﻟﻠﻪ
_ ﻟﻴﻪ ؟ ﺍﻛﻴﺪ ﺍﻟﺘﺎﺝ ﻛﻠﻤﻚ
_ ﻗﺒﺎﻝ ﺍﻟﺘﺎﺝ ﻳﻮﺭﻳﻨﻲ ﺍﻧﺎ ﻋﺎﺭﻓﻚ ﺑﺘﺎﻉ ﻣﺨﺪﺭﺍﺕ ، ﻣﻦ ﻳﻮﻡ ﺍﻟﻮﺻﻴﺔ ﺍﻟﺠﺒﺘﻬﺎ ﻟﻴﻚ ﺍﻭﻝ ﻣﺮﺓ ﻣﻦ ﺍﺑﺠﺎﻛﻮﻣﺔ ﻋﺮﻓﺘﻚ
_ ﻋﺮﻓﺘﻨﻲ ﻭﺍﻟﻮﺻﻴﺔ ﻛﺎﻧﺖ ﺷﻨﻮ ؟
_ ﻓﺘﺤﺘﻬﺎ ﺍﻧﺎ ﻗﺒﺎﻝ ﺍﻧﺖ ﺗﺠﻲ ﻭﻟﻘﻴﺘﻬﺎ ﺣﺒﻮﺏ ﻣﺨﺪﺭﺍﺕ ﻭﺷﻠﺖ ﻣﻨﻬﺎ ﻛﻢ ﺣﺒﺔ ﻭﻗﻔﻠﺘﻬﺎ ﻭﺩﺧﻠﺖ ﻟﻴﻚ ﻓﻴﻬﺎ ﺍﻟﻮﺭﻗﺔ ﺟﻮﺓ ﻭﻫﻮ ﺍﺩﺍﻧﻲ ﺍﻟﻮﺭﻗﺔ ﻓﻲ ﻳﺪﻱ ﻭﺍﻧﺎ ﺩﺧﻠﺘﻬﺎ ﻋﺸﺎﻥ ﺍﻧﺖ ﺗﻔﺘﺤﻬﺎ ﺳﺮﻳﻊ ﻣﻦ ﻏﻴﺮ ﺗﺤﺲ ﺍﻧﻲ ﻓﺘﺤﺘﻬﺎ
_ ﺍﻟﺤﺒﻮﺏ ﻭﺩﻳﺘﻬﺎ ﻭﻳﻦ ؟
_ ﻓﻲ ﻭﺍﺣﺪ ﺑﻀﺮﺑﻬﺎ ﺑﻌﺮﻓﻮ ﺍﻧﺎ ﻓﻲ ﺍﻟﺴﻮﻕ ﺍﻟﺸﻌﺒﻲ ﺍﻳﺎﻡ ﺷﻐﺎﻝ ﺑﺎﻟﻜﺮﺗﻮﻧﺔ ﺍﺩﻳﺘﻬﺎ ﻟﻴﻬﻮ ﻭﻭﺭﺍﻧﻲ ﺍﺳﺎﻣﻴﻬﻦ ﻛﻤﺎﻥ
_ ﻭﺍﻟﻠﻪ ﺍﻛﺎﻥ ﻛﺪﺍ ﻣﺎﻙ ﻫﻴﻦ
_ ﺑﺲ ﻣﺎ ﻛﻨﺖ ﻋﺎﺭﻓﻚ ﺑﺘﻌﺮﻑ ﺍﻟﻨﺠﻮﻣﻲ ﺩﺍ ﻭﻟﻤﻦ ﺍﻟﺘﺎﺝ ﻭﺭﺍﻧﻲ ﻣﺎ ﺣﺒﻴﺖ ﺍﺳﻌﻠﻚ ، ﻳﻠﻼ ﺍﻧﺎ ﻋﻤﻠﺖ ﻟﻴﻜﻢ ﺍﻟﺪﺍﻳﺮﻧﻮ ﻣﻨﻲ ﻛﻠﻮ ﻣﺎ ﻗﺼﺮﺕ ﻣﻌﺎﻛﻢ ﻭﻫﺴﻲ ﺩﺍﻳﺮﻛﻢ ﺗﺨﻠﻮﻧﻲ ﺍﺷﻮﻑ ﺷﻐﻠﻲ ﻭﺧﺸﻤﻲ ﻋﻨﺪﻱ ﻣﺎ ﺑﻌﺮﻓﻜﻢ ﻭﻻ ﺷﻔﺘﻜﻢ ﻭﻻ ﺭﺃﻳﺘﻜﻢ
_ ﺍﻟﻨﺠﻮﻣﻲ ﻗﺎﻝ ﻟﻴﻬﻮ ﻧﺤﻦ ﺟﺒﻨﺎﻙ ﻫﻨﺎ ﻋﺸﺎﻥ ﻧﺸﺘﻐﻞ ﻋﻠﻰ ﺍﻟﻤﻜﺸﻮﻑ ﻭﺍﻛﻨﺎ ﺩﺍﻳﺮﻳﻦ ﻧﺸﻐﻠﻚ ﺗﻮﺯﻉ ﻟﻴﻨﺎ ﻫﻨﺎ ﻭﻗﺒﻠﻚ ﻓﻲ ﺍﻟﺪﻛﺎﻥ ﺯﻱ ﻣﺎ ﺍﻧﺎ ﻛﻨﺖ ﺷﻐﺎﻝ ﻓﻴﻬﻮ ﻭﺑﻮﺭﻳﻚ ﺍﻟﻤﻄﻠﻮﺏ ﻣﻨﻚ ﻛﻠﻮ
_ ﺍﻟﺪﻛﺎﻥ ﻣﺎ ﺣﻘﻲ ﺑﺮﺍﻱ ﻣﻌﺎﻱ ﻋﺒﺪ ﺍﻟﻘﻴﻮﻡ ﻭﺍﻧﺎ ﻣﺎ ﺑﻘﺪﺭ ﺍﺷﺘﻐﻞ ﻓﻴﻬﻮ ﻣﺨﺪﺭﺍﺕ
_ ﺧﻼﺱ ﺗﻮﺻﻞ ﻟﻴﻨﺎ ﻻﺑﺠﺎﻛﻮﻣﺔ ﻭﺗﺠﻴﺐ ﻣﻨﻮ ﻣﺮﺗﻴﻦ ﺑﺲ ﻛﻞ ﺷﻬﺮ ﻳﻌﻨﻲ ﻛﻞ ﺍﺳﺒﻮﻋﻴﻦ ﻣﺸﻮﺍﺭ
_ ﻭﺍﻟﻠﻪ ﺍﻧﺎ ﻋﻨﺪﻱ ﺍﻫﻠﻲ ﻣﺤﺘﺎﺟﻴﻦ ﻟﻲ ﺍﻋﻔﻮﻧﻲ ﻣﺎ ﺑﻘﺪﺭ
_ ﺍﻟﺒﺘﺒﻠﺒﻞ ﺑﻌﻮﻡ ﻳﺎ ﻋﺒﺎﺱ ﻭﺑﻨﺪﻳﻚ ﺣﻘﻚ ﻭﻓﻜﺮ ﻓﻲ ﺍﻟﻤﻮﺿﻮﻉ ﻛﻮﻳﺲ
ﻓﺮﺡ ﻗﺎﻝ ﻟﻴﻬﻮ ﻟﺴﺔ ﺍﻧﺎ ﻋﺎﺩﻳﻚ ﺯﻱ ﺍﺧﻮﻱ ﻭﻣﺎ ﺑﻨﺠﺒﺮﻙ ﻭﻻ ﺑﻨﻐﺼﺒﻚ ﻋﻠﻲ ﺷﻲ ﻭﺍﻣﺶ ﺩﻛﺎﻧﻚ ﺍﺷﺘﻐﻞ ﻭﻓﻜﺮ ﻓﻲ ﺍﻟﻤﻮﺿﻮﻉ ﺍﻥ ﺑﻘﻴﺖ ﻋﻠﻴﻬﻮ ﺑﺘﻌﺮﻑ ﺑﻴﺘﻲ ﻭﻛﻞ ﺷﻲ ﺑﺤﻘﻮ ﻭﺻﺪﻗﻨﻲ ﺑﺘﺒﻘﻰ ﺍﻏﻨﻰ ﺯﻭﻝ ﻓﻲ ﺣﻠﺘﻜﻢ
ﻋﺒﺎﺱ ﺍﺑﻰ ﻟﻜﻦ ﻓﺮﺡ ﻗﺎﻝ ﻟﻴﻬﻮ ﺍﻣﺶ ﻭﻓﻜﺮ ﻛﻮﻳﺲ ﻭﺯﻱ ﻣﺎ ﻗﻠﺖ ﻟﻴﻚ ﺣﻘﻚ ﺗﺴﺘﻠﻤﻮ ﻃﻮﺍﻟﻲ
ﻋﺒﺎﺱ ﻋﺸﺎﻥ ﻳﻤﺸﻲ ﻗﺎﻝ ﻟﻴﻬﻢ ﺧﻼﺱ ﺑﻔﻜﺮ ﺍﻭﻝ
ﺍﻟﻨﺠﻮﻣﻲ ﻗﺎﻝ ﻟﻴﻬﻮ ﻣﺎ ﺑﻨﺴﺄﻟﻚ ﻟﻜﻦ ﺍﻧﺖ ﻣﺮﺍﻗﺐ ﻟﻮ ﻛﺸﻔﺘﻨﺎ ﻋﺒﺪﻭ ﺍﻟﻤﺮﻣﺪ ﺍﺑﻮﻙ ﺑﺘﻠﻘﺎﻫﻮ ﻗﺪﺍﻣﻨﺎ ﻓﻲ ﺍﻟﺴﺠﻦ ﻻﻧﻮ ﺑﻨﺪﺧﻞ ﻟﻴﻬﻮ ﻣﺨﺪﺭﺍﺕ ﻓﻲ ﺑﻴﺖ ﻣﺮﺗﻮ ﺑﺖ ﺍﻟﻤﻬﻞ
_ ﺩﻱ ﻋﺮﻓﺘﻮﻫﺎ ﻛﻴﻒ
_ ﻛﻞ ﺍﻫﻠﻚ ﻋﺎﺭﻓﻨﻬﻢ ﻭﺟﺪﻙ ﺣﺎﺝ ﻋﻠﻲ ﻭﺟﺪﻙ ﺍﺑﺮﺍﻫﻴﻢ ﻭﺣﺒﻮﺑﺎﺗﻚ ﻭﺍﻣﻚ ﻧﻌﻴﻤﺔ ﻭﺍﺳﺎﻣﻲ ﺍﺧﻮﺍﻧﻚ ﺍﻻﺑﻮﻫﻢ ﺭﺣﻤﺔ ﺍﻟﻠﻪ ﺍﻟﻜﺎﻥ ﻋﻴﺎﻥ ﻭﺍﺳﺎﻣﻲ ﺍﻭﻻﺩﻭ ﺍﻟﻜﺒﺎﺭ ﻣﻦ ﻣﺮﺗﻮ ﺍﻻﻭﻟﻰ ﻛﻞ ﺷﻲ ﻭﻟﻮ ﻫﻢ ﻣﺤﺘﺎﺟﻴﻦ ﻟﻴﻚ ﺍﻣﺴﻚ ﻟﺴﺎﻧﻚ ﻭﻟﻮ ﺩﺍﻳﺮﻳﻦ ﺍﻱ ﻭﺍﺣﺪ ﻓﻴﻬﻢ ﺑﻨﺠﻴﺒﻮ ﻭﺑﻨﺒﻬﺪﻟﻮ ﻭﺍﻟﻬﺎﺩﻱ ﺑﺘﺎﻉ ﺍﻟﺘﻜﺴﻲ ﺩﺍ ﺍﺧﺘﺎﻫﻮ ﻭﺧﻠﻴﻬﻮ ﻳﺨﺘﺎﻙ ﻟﻮ ﺩﺍﻳﺮﻭ ﻣﺎ ﻳﻤﻮﺕ ﻭﻧﺤﻦ ﻣﺎ ﺟﺎﺑﺮﻧﻚ ﻋﻠﻲ ﺍﻟﺸﻐﻞ ﻣﻌﺎﻧﺎ ﻭﻣﻤﻜﻦ ﻧﺠﺒﺮﻙ ﻭﻧﻬﺪﺩﻙ ﻟﻜﻦ ﻋﺸﺎﻥ ﺍﺧﻮﺓ ﻓﺮﺡ ﺍﻟﺒﻴﻨﻚ ﻭﺑﻴﻨﻮ ﻣﺎ ﺑﻨﺠﺒﺮﻙ ﻭﻛﻤﺎﻥ ﻋﺸﺎﻥ ﺩﺍﻳﺮﻧﻚ ﺗﺸﺘﻐﻞ ﻣﻌﺎﻧﺎ ﺑﺎﺭﺍﺩﺗﻚ ﻭﺑﻨﺪﻳﻚ ﺣﻘﻚ
ﻋﺒﺎﺱ ﻣﺮﻕ ﻭﺑﻴﻦ ﻣﻄﻤﻦ ﻭﺧﺎﻳﻒ ﺍﺭﺗﺎﺡ ﻣﻨﻬﻢ ﻭﻣﺎ ﺍﺭﺗﺎﺡ ﻷﻧﻮ ﻋﺮﻑ ﻭﺍﻧﻬﻢ ﺍﻧﻬﻢ ﻧﺎﺱ ﺧﻄﻴﺮﻳﻦ ﺟﺪﺍ ﻭﻋﺎﺭﻓﻴﻦ ﺍﻫﻠﻮ ﭼﺖ ﻋﻠﻴﻬﻢ
ﻭﻭﺻﻠﻮﻫﻮ ﻟﺤﺪﻱ ﺍﻟﺸﻌﺒﻲ ﻭﺭﺟﻌﻮﺍ ﻣﻨﻮ
ﻭﺩ ﺍﻟﻀﻮ ﺟﺎﺀ ﻭﻋﺒﺎﺱ ﻃﻤﻨﻮ ﺗﺐ ﻭﻭﺭﺍﻫﻮ ﻛﻞ ﺷﻲ ﺑﺲ ﻣﺎ ﺟﺎﺏ ﻟﻴﻬﻮ ﺳﻴﺮﺓ ﺍﻟﻤﺨﺪﺭﺍﺕ ﻧﻬﺎﺋﻲ ﺍﻟﻤﻬﻢ ﻃﻤﻨﻮ ﻭﻣﺸﺎﻫﻮ ﻭﺩﺍﻙ ﺍﻗﺘﻨﻊ
ﻋﺒﺎﺱ ﺑﻌﺪ ﻛﻢ ﻳﻮﻡ ﻗﺎﺑﻞ ﺍﻟﻬﺎﺩﻱ ﻓﻲ ﻣﻄﻌﻢ ﻭﻭﺭﺍﻫﻮ ﺍﻟﻘﺎﻟﻮﻫﻮ ﻭﺍﻟﻬﺎﺩﻱ ﺑﻌﺪ ﻣﻨﻮ ﻻﻧﻮ ﻋﺮﻑ ﻛﻼﻡ ﻋﺒﺎﺱ ﺻﺎﺡ ﻭﻋﺎﺩﻱ ﻣﻤﻜﻦ ﻳﻘﺘﻠﻮﻫﻮ ﻭﻛﻠﻢ ﺍﻟﻀﺎﺑﻂ ﻓﺎﺭﻭﻕ ﻗﺎﻝ ﻟﻴﻬﻮ ﺧﻠﻴﻬﻮ ﻣﺎ ﺗﻘﺮﺏ ﻣﻨﻮ ﻣﺎ ﺩﺍﻡ ﺍﻟﺸﻐﻠﺔ ﻓﻴﻬﺎ ﺿﺮﺭ
ﻭﻟﻔﺖ ﺍﻻﻳﺎﻡ ﻋﺒﺎﺱ ﺑﻘﻰ ﺩﺍﺏ ﺷﻐﻠﻮ ﻭﺑﺲ ﻭﻣﺸﻰ ﺍﻟﺤﻠﺔ ﻭﺟﺎﺀ ﻭﺗﻢ ﺷﻬﺮﻳﻦ ﻭﻧﺺ ﻻ ﻧﺎﺱ ﻓﺮﺡ ﺟﻮﻫﻮ ﻭﻻ ﻫﻮ ﻣﺸﻰ ﻟﻴﻬﻢ ﺑﺲ ﺍﻟﺸﻐﻞ ﻛﺎﻥ ﺍﻱ ﻛﻼﻡ ﻭﻣﺎ ﻓﻴﻬﻮ ﺍﻟﻔﺎﻳﺪﺓ ﺍﻟﻜﺎﻥ ﻋﺒﺎﺱ ﻓﺎﻛﺮﻫﺎ ﻭﺑﻘﻮﺍ ﻫﻮ ﻭﻋﺒﺪ ﺍﻟﻘﻴﻮﻡ ﺷﻐﺎﻟﻴﻦ ﻭﻣﺤﺎﻓﻈﻴﻦ ﻋﻠﻲ ﺭﺍﺱ ﺍﻟﻤﺎﻝ ﺑﺲ ﺍﻟﻌﺎﻳﺪ ﻣﺎ ﺍﻟﻤﺘﻮﻗﻊ ﻭﺍﺗﺬﻛﺮ ﻛﻼﻡ ﺣﺴﻦ ﺍﻟﺰﻣﺎﻥ ﻭﺣﺘﻰ ﻛﻼﻡ ﺍﻟﺠﻨﻰ ﺑﺘﺎﻉ ﺍﻟﻜﺮﺗﻮﻧﺔ ﺍﻟﻔﻲ ﺍﻟﻌﺮﺑﻲ ﺍﺗﺬﻛﺮﻭ ﻛﻠﻮ ﻭﻟﻘﻰ ﻛﻼﻣﻬﻢ ﺍﻻﺗﻨﻴﻦ ﺻﺎﺡ
ﻓﺮﺡ ﺟﺎﺀ ﻳﻮﻡ ﻟﻌﺒﺎﺱ ﻓﻲ ﺍﻟﺪﻛﺎﻥ ﺍﺗﻮﻧﺲ ﻣﻌﺎﻫﻮ ﻭﺷﺮﺏ ﻟﻴﻬﻮ ﺷﺎﻱ ﻭﻋﺒﺎﺱ ﺳﺄﻟﻮ ﻣﻦ ﺍﻟﺸﻐﻞ
ﻓﺮﺡ ﻗﺎﻝ ﻟﻴﻬﻮ ﺷﻮﻓﺘﻨﺎ ﻟﻴﻬﻮ ﻣﻌﺎﻙ
_ ﻭﻗﻔﺘﻮﻫﻮ ؟
_ ﻭﻗﻔﻨﺎﻫﻮ ﻣﺠﺒﻮﺭﻳﻦ ﻻﻧﻨﺎ ﺍﻧﺎ ﻭﻓﻴﺼﻞ ﻣﺮﺍﻗﺒﻴﻦ ﻭﻣﻠﻔﺎﺗﻨﺎ ﺍﺗﺮﻓﻌﺖ ﻓﻮﻕ
_ ﻓﻮﻕ ﻭﻳﻦ ؟
_ ﻋﻨﺪ ﺿﺒﺎﻁ ﻓﻮﻕ ﻭﻣﺼﺎﺩﺭﻧﺎ ﻧﺒﻬﻮﻧﺎ ﻋﺸﺎﻥ ﻛﺪﺍ ﺑﻌﺪﻧﺎ ﻣﻨﻮ
_ ﻭﺍﻟﻨﺠﻮﻣﻲ ؟
_ ﻟﻲ ﻛﻢ ﺷﻬﺮ ﻣﺎ ﻻﻗﻴﺘﻮ ، ﺁﺧﺮ ﻳﻮﻡ ﻣﻌﺎﻙ ﻭﻧﺤﻦ ﺟﺒﻨﺎﻙ ﻭﺻﺎﺭﺣﻨﺎﻙ ﻻﻧﻨﺎ ﻗﺮﺭﻧﺎ ﻧﻮﻗﻒ ﻭﻧﺮﻭﻕ ﺍﻟﻤﻨﻘﺔ ﻭﻛﻨﺎ ﺧﺎﻳﻔﻴﻦ ﻣﻨﻚ ﺗﻮﺭﻳﻬﻢ ﺣﺎﺟﺔ ﻋﻨﻨﺎ ﻋﺸﺎﻥ ﻛﺪﺍ ﺍﻟﺸﺒﺎﺏ ﻫﺪﺩﻭﻙ ﺑﺄﻫﻠﻚ
ﻓﺮﺡ ﻓﺎﺕ ﻭﻋﺒﺎﺱ ﺣﻤﺪ ﺍﻟﻠﻪ ﺍﻧﻬﻢ ﻭﻗﻔﻮﺍ ﻭﺑﻌﺪ ﻣﻨﻬﻢ
ﻭﻣﺮﺕ ﺍﻻﻳﺎﻡ ﻭﺍﻟﺸﻐﻞ ﻣﺎ ﻋﺎﺟﺐ ﻋﺒﺎﺱ ﻭﺍﻟﻔﺎﻳﺪﺓ ﻣﻲ ﺍﻟﻤﺮﺟﻮﺓ ﻭﺑﺪﺍ ﻳﺘﻀﺎﻳﻖ ﻭﻳﺰﻫﺞ ﻭﻗﺎﻝ ﻟﻌﺒﺪ ﺍﻟﻘﻴﻮﻡ ﻭﺍﻟﻠﻪ ﺍﻟﻄﺒﻠﻴﺔ ﻭﺍﻟﻜﺮﺗﻮﻧﺔ ﺍﺧﻴﺮ ﻟﻴﻨﺎ ﻣﻦ ﺍﻟﺸﻐﻠﺔ ﺍﻟﻔﺎﺭﻏﺔ ﺩﻱ
ﻋﺒﺪ ﺍﻟﻘﻴﻮﻡ ﺑﺎﻟﻮ ﻃﻮﻳﻞ ﻭﻫﻮ ﺍﻟﻤﺼﺒﺮﻭ ﻗﺎﻝ ﻟﻴﻬﻮ ﻳﺎﺥ ﻟﻮ ﻓﻜﻴﻨﺎ ﺍﻟﺪﻛﺎﻥ ﺩﺍ ﺑﻨﻨﺪﻡ ﺍﺻﺒﺮ ﺍﺻﺒﺮ ﻭﻧﺤﻦ ﺭﺑﺤﺎﻧﻴﻦ ﻭﺻﺎﺡ ﻣﺎ ﻛﺘﻴﺮ ﻟﻜﻦ ﻣﺎﻓﻲ ﺧﺴﺎﺭﺓ ﻭﻣﻄﻠﻌﻴﻦ ﺍﻳﺠﺎﺭﻧﺎ ﻭﻣﺼﺎﺭﻳﻔﻨﺎ ﻭﺑﻌﺪ ﻛﺪﺍ ﻓﻲ ﻓﺎﻳﺪﺓ ﺻﺎﺡ ﺑﺴﻴﻄﺔ ﻟﻜﻦ ﺍﻟﺤﺎﻝ ﻣﺎﺷﻲ .
ﻭﺩ ﺍﻟﺴﺖ ﺑﻌﺪ ﺳﺘﻒ ﺍﻟﻤﺤﻞ ﻋﻤﻞ ﻟﻴﻬﻮ ﻣﺨﺰﻥ ﻭﺑﺮﺿﻮ ﻣﻼﻫﻮ ﻭﺍﻟﺪﻛﺎﻥ ﺑﻘﻰ ﺯﻱ ﺑﻘﺎﻻﺕ ﺍﻟﻤﺪﻥ ﻭﺑﻘﻰ ﻳﻮﻓﺮ ﻣﻨﻮ ﻭﺍﺗﻤﻼ ﻗﺮﻭﺵ ﻭﺳﺎﻕ ﺍﻟﺰﻳﻦ ﻣﻌﺎﻫﻮ ﻭﻓﺎﺗﻮﺍ ﺍﻟﺤﻠﺔ ﻭﺑﻌﺪ ﺷﻬﻮﺭ ﺟﺎﻫﺎ ﺳﺎﻳﻖ ﻋﺮﺑﻴﺔ ﺍﻟﺰﻳﻦ ﻭﺍﻟﺰﻳﻦ ﺯﺍﺗﻮ ﻣﻌﺎﻫﻮ ﻭﺟﺎﺑﻮ ﻋﺸﺎﻥ ﻳﺘﻌﺮﻑ ﻋﻠﻲ ﺍﻫﻠﻮ ﻭﺟﺎﺑﻮ ﻋﺸﺎﻥ ﻧﺎﺱ ﺍﻟﺤﻠﺔ ﻣﺎ ﻳﻘﻮﻟﻮ ﺍﻛﻴﺪ ﺳﺮﻕ ﺍﻟﺤﺮﺍﻣﻲ .
ﻭﻓﻲ ﺍﻟﻄﺮﻳﻖ ﻟﻠﺤﻠﺔ ﺣﻜﻰ ﻛﻞ ﺷﻲ ﻟﻠﺰﻳﻦ ﺍﻟﺴﻜﺮ ﻭﺍﻟﺴﺮﻗﺔ ﻭﺍﻟﻜﺎﻥ ﻓﻴﻬﻮ ﻛﻠﻮ ﻗﺒﺎﻝ ﻣﺎ ﻳﻼﻗﻴﻬﻮ ﻭﺍﻟﺰﻳﻦ ﺿﺤﻚ ﻟﻤﻦ ﺩﻣﻮﻋﻮ ﺟﺮﺕ ﻭﻗﺎﻝ ﻟﻴﻬﻮ ﻭﺍﻟﻠﻪ ﻣﻦ ﻳﻮﻡ ﻻﻗﻴﺘﻚ ﻣﺎ ﺷﻔﺖ ﻣﻨﻚ ﻏﻴﺮ ﻛﻞ ﺧﻴﺮ ﻭﻻ ﺷﻔﺘﻚ ﻓﻮﺕ ﻟﻴﻚ ﺻﻼﺓ ﻭﻣﻦ ﺗﺎﺏ ﺗﺎﺏ ﺍﻟﻠﻪ ﻋﻠﻴﻪ ﻭﺍﻧﺎ ﻣﺎ ﻋﻨﺪﻱ ﺷﻐﻠﺔ ﺑﻤﺎﺿﻴﻚ ﻭﻧﺤﻦ ﺍﻭﻻﺩ ﺍﻟﻠﻴﻠﺔ ﻭﺍﺗﺨﺎﻭﻳﻨﺎ ﺭﺟﺎﻝ
ﻭﻗﻌﺪ ﻣﻌﺎﻫﻮ ﻓﻲ ﺣﻠﺘﻬﻢ ﺍﺳﺒﻮﻉ ﻛﺎﻣﻞ ﻋﺮﻑ ﻓﻴﻬﻮ ﻛﻞ ﺍﻟﻨﺎﺱ ﻭﻭﺭﺍﻫﻢ ﻛﻞ ﺷﻲ ﻋﻦ ﻭﺩ ﺍﻟﺴﺖ ﻣﻦ ﻳﻮﻡ ﻻﻗﺎﻫﻮ ﻓﻲ ﻣﺪﻧﻲ ﻭﻗﺎﻝ ﻟﻴﻬﻢ ﺍﻟﻌﺮﺑﻴﺔ ﺩﻱ ﺣﻘﺘﻮ ﻫﻮ ﻭﺍﻟﻨﺎﺱ ﻛﻠﻬﻢ ﺑﻘﻮﺍ ﻳﺤﺘﺮﻣﻮﺍ ﻭﺩ ﺍﻟﺴﺖ ﻭﻧﺴﻮﺍ ﻛﻞ ﺍﻟﻔﺎﺕ
ﺍﻭﻝ ﺣﺎﺟﺔ ﻋﻤﻠﻬﺎ ﻛﺴﺮ ﺑﻴﻮﺗﻬﻢ ﺍﻟﻘﺪﻳﻤﺔ ﻭﻣﺎ ﺧﻠﻰ ﺍﻻ ﺍﻟﺪﻳﻮﺍﻥ ﻭﻗﻌﺪ ﻓﻴﻬﻮ ﺍﻫﻠﻮ ﻋﻠﻰ ﺑﺎﻝ ﻣﺎ ﺍﻟﺒﻨﻴﺎﻥ ﻳﻨﺘﻬﻲ ﻭﺍﻣﻮ ﻣﺒﺴﻮﻃﺔ ﻣﻨﻮ ﻭﻣﻊ ﺍﻟﺒﻴﺖ ﻗﺮﺭ ﻳﺒﻨﻰ ﻟﻴﻬﻮ ﺩﻛﺎﻥ ﻛﺒﻴﺮ ﻻﺧﻮﺍﻧﻮ ﻭﻗﺎﻝ ﻟﻴﻬﻢ ﺑﻤﻼﻫﻮ ﻟﻴﻜﻢ ﺑﻀﺎﻋﺔ ﻟﻌﻴﻨﻮ
ﻭﺭﺩﻡ ﺍﻟﺒﻴﺖ ﻛﻠﻮ ﻃﻮﺏ ﻭﺍﺳﻤﺘﻨﻲ ﻟﻤﻦ ﺍﻟﻘﺮﻭﺵ ﺍﻟﺠﺎﺀ ﺑﻴﻬﺎ ﻛﻤﻠﺖ ﭼﺖ ﻭﺍﺗﺴﻠﻒ ﻣﻦ ﺍﻟﺰﻳﻦ ﻗﺮﻭﺵ ﻛﺘﻴﺮﺓ ﻣﺸﻰ ﺟﺎﺑﻬﺎ ﻟﻴﻬﻮ ﻛﻦ ﺣﻠﺘﻬﻢ ﻭﺟﺎﺀ .
ﺍﻟﻌﺒﻴﺪ ﻛﻠﻤﺎ ﻳﻼﻗﻲ ﻭﺩ ﺍﻟﺴﺖ ﺍﻟﺒﻘﻰ ﺯﻭﻝ ﻭﻏﻨﻲ ﻛﻤﺎﻥ ﻳﻀﺤﻚ ﻭﻳﻘﻮﻝ ﺳﺒﺤﺎﻥ ﻣﻐﻴﺮ ﺍﻻﺣﻮﺍﻝ