ﻋﺒﺎﺱ ﻗﺒﻞ ﻳﻨﻮﻡ ﻗﻌﺪ ﻳﻔﻜﺮ ﻓﻲ ﺍﻟﺘﺎﺝ ﺩﺍ ﻛﺘﻴﺮ ﻭﺳﺎﺏ ﺍﻟﺘﺎﺝ ﻭﻓﻜﺮ ﻓﻲ ﺭﻭﺣﻮ ﻟﻘﻰ ﺭﻭﺣﻮ ﻻﻓﻲ ﺳﺎﻱ ﻟﻮ ﻣﺎ ﺍﻟﺘﺎﺝ ﺩﺍ ﺍﺩﺍﻫﻮ ﺍﻟﻤﻴﺔ ﺍﻟﻒ ﺩﻱ ﻣﺎ ﻋﺎﺭﻑ ﺍﻛﺎﻥ ﻋﻤﻞ ﺷﻨﻮ ﺣﺘﻰ ﺍﻟﺪﻛﺎﻥ ﺍﻻﺗﻤﻨﺎﻫﻮ ﻭﺑﻘﻰ ﻟﻴﻬﻮ ﻫﺪﻑ ﻭﺍﻣﻞ ﻣﺎ ﻛﺎﻥ ﺑﻘﻰ ﺣﻘﻴﻘﺔ ﻭﺍﻛﺎﻥ ﺭﺟﻊ ﺗﺎﻧﻲ ﻟﻠﻜﺮﺗﻮﻧﺔ ﻭﺍﻟﺤﻮﺍﻣﺔ ﺟﻤﺐ ﺍﻟﺒﺼﺎﺕ ﻭﺑﻘﻰ ﻳﺸﻮﻓﻬﺎ ﺯﻱ ﺍﻟﻌﻴﺐ ﻭﺍﻛﺎﻥ ﺷﻐﺎﻝ ﻓﻴﻬﺎ ﻛﻴﻒ ﻣﺎ ﻋﺎﺭﻑ ﻭﻗﺮﺭ ﻳﺒﻘﻰ ﺗﺎﺟﺮ ﻛﺒﻴﺮ ﺑﺲ ﻻﺯﻡ ﻗﺒﻞ ﻣﺎ ﻳﺒﻘﻰ ﺗﺎﺟﺮ ﻳﻌﺮﻑ ﺣﻘﻴﻘﺔ ﺍﻟﺘﺎﺝ ﺩﺍ ﻛﻠﻬﺎ ﻭﻟﻮ ﻟﻘﺎﻫﻮ ﺗﺎﺟﺮ ﻣﺨﺪﺭﺍﺕ ﺑﺪﻭﺱ ﻓﻴﻬﺎ ﻣﻌﺎﻫﻮ ﻭﺑﺪﺧﻞ ﻓﻴﻬﺎ ﺑﺄﻱ ﻃﺮﻳﻘﺔ ﺧﻼﺱ ﺑﻘﻰ ﻣﺎﻓﻲ ﺣﺠﺎﺏ ﺑﻴﻨﻮ ﻭﺑﻴﻦ ﺍﻟﺘﺎﺝ ﻭﻣﻤﻜﻦ ﻳﻘﻮﻝ ﻟﻴﻬﻮ ﺍﻱ ﺷﻲ ،
ﺍﻟﺼﺒﺎﺡ ﺍﻟﺘﺎﺝ ﺻﺤﺎﻫﻮ ﻭﻗﺎﻝ ﻟﻴﻬﻮ ﻗﻮﻡ ﻭﺭﺡ ﺍﻟﺠﺎﻣﻊ ﻭﻫﻮ ﻣﺎ ﻛﺎﻥ ﺑﺎﻟﺤﻴﻞ ﻋﻠﻰ ﺍﻟﺼﻼﺓ ﻭﻏﻴﺮ ﺻﻼﺓ ﺍﻟﻌﺸﺎﺀ ﺍﻻﻣﺲ ﺷﻮﻓﺘﻮ ﻟﻴﻬﺎ ﻣﻊ ﻧﺎﺱ ﺣﻴﺪﺭ ﻗﺎﻡ ﻭﺑﻌﺪ ﻗﺎﻡ ﺍﺗﺬﻛﺮ ﻓﺮﺡ ﺍﻟﻜﻌﺐ ﻣﺎ ﻛﺎﻥ ﺑﺼﻠﻲ ﻭﻫﻮ ﻟﻤﻦ ﺟﺎﻫﻮ ﻣﻦ ﺍﻟﺤﻠﺔ ﺍﻟﻤﺮﺓ ﺍﻻﻭﻟﻰ ﺻﻠﻰ ﺍﻭﻝ ﻳﻮﻡ ﺑﺲ ﻭﻓﺘﺶ ﺑﻴﺖ ﻓﺮﺡ ﻛﻠﻮ ﻣﺎ ﻟﻘﻰ ﻓﻮﻗﻮ ﺻﻼﻳﺔ ﻭﺻﻠﻰ ﻓﻲ ﺍﻟﻮﺍﻃﺔ ﺳﺎﻱ ﻭﺑﻌﺪﻫﺎ ﺗﺎﻧﻲ ﻣﺎ ﺻﻠﻰ ﻭﺑﻘﻰ ﺯﻱ ﻓﺮﺡ ﻭﻭﺍﺣﺪ
ﺑﻌﺪ ﺻﻠﻮﺍ ﺍﻟﺼﺒﺢ ﻭﺟﻮﺍ ﻗﻌﺪﻭﺍ ﻓﻲ ﺍﻟﺒﻴﺖ ﻋﺒﺎﺱ ﻗﺎﻝ ﻟﻴﻬﻮ ﻭﺍﻟﻠﻪ ﻳﺎ ﺍﻟﺘﺎﺝ ﺑﻘﻴﺖ ﺍﺷﻮﻓﻚ ﺣﻴﺪﺭ ﺣﻴﺪﺭ
_ ﺣﻴﺪﺭ ﺩﺍ ﻣﻨﻮ ؟
_ ﻭﺍﺣﺪ ﻳﻮﻡ ﻗﻠﺖ ﻣﺎ ﺑﺘﺴﻜﻦ ﻣﻌﺎﻱ ﻭﺩﺍﻧﻲ ﻟﻴﻬﻮ ﺣﺴﻦ ﺳﻴﺪ ﺍﻟﻔﺘﺮﻳﻨﺔ
_ ﻳﺎ ﺳﻼﻡ ﻳﺎﺥ ﺣﺴﻦ ﺩﺍ ﺯﻭﻝ ﻃﻴﺐ ﺧﻼﺱ ، ﺍﻫﺎ ﻭﺷﺎﻳﻔﻨﻮ ﺯﻳﻮ ﻛﻴﻒ ﺣﻴﺪﺭ ﺩﺍ ؟
_ ﻧﻔﺲ ﺣﺮﻛﺎﺗﻚ ﻭﻫﻢ ﺍﺭﺑﻌﺔ ﺍﻧﺎ ﺳﻜﻨﺖ ﻣﻌﺎﻫﻢ ﻳﻮﻡ ﻭﺍﺣﺪ ﺑﺲ ﻗﺒﺎﻝ ﻳﻨﻮﻣﻮﺍ ﺑﻘﺮﻭﺍ ﻟﻴﻬﻢ ﺟﺰﻭ ﻭﺻﻼﺗﻬﻢ ﻛﻠﻬﺎ ﻓﻲ ﺍﻟﺠﺎﻣﻊ ﺑﺲ
_ ﺩﻳﻞ ﺍﺣﺴﻦ ﻧﺎﺱ ﻭﺍﻟﻠﻪ ﺍﺧﻴﺮ ﻟﻴﻚ ﻣﻨﻲ ،
_ ﻻ ﻻ ﻫﺴﻲ ﺍﻧﺖ ﺑﻘﻴﺖ ﺯﻳﻬﻢ ﻭﻭﺍﺣﺪ
_ ﺍﻧﺖ ﻳﺎ ﻋﺒﺎﺱ ﻗﺎﻳﻞ ﺍﻧﺎ ﻣﺎ ﺑﺴﻜﻦ ﻣﻊ ﺯﻭﻝ ﻟﺸﻨﻮ ؟
_ ﺑﺘﺮﻳﺪ ﺗﻜﻮﻥ ﺑﺮﺍﻙ ﻭﻣﺎ ﺑﺘﺮﻳﺪ ﺍﻻﺯﻋﺎﺝ
_ ﻻ ﻻ ﻣﺎ ﻛﺪﺍ ، ﺍﻧﺎ ﺻﺎﺡ ﺑﺮﻳﺪ ﺍﻛﻮﻥ ﺑﺮﺍﻱ ﻭﺍﻟﺴﺒﺐ ﻋﺸﺎﻥ ﻣﺎ ﺍﺗﺄﺛﺮ ﺑﺰﻭﻝ ﻭﻻ ﺯﻭﻝ ﻳﺘﺄﺛﺮ ﺑﻲ
_ ﻛﻴﻒ ﻳﻌﻨﻲ ؟
_ ﻓﻲ ﺑﻴﺖ ﺷﻌﺮ ﺍﻧﺎ ﻣﻦ ﺯﻣﺎﻥ ﻣﻘﺘﻨﻊ ﺑﻴﻬﻮ ﻭﺣﺎﻓﻈﻮ ﺑﻘﻮﻝ
ﻻ ﻳﻨﻔﻊ ﺍﻟﺠﺮﺑﺎﺀ ﻗﺮﺏ ﺻﺤﻴﺤﺔ
ﻟﻬﺎ ، ﻭﻟﻜﻦ ﺍﻟﺼﺤﻴﺤﺔ ﺗﺠﺮﺏ
ﻓﻬﻤﺘﻮ ﻭﻟﻼ ﺍﺷﺮﺣﻮ ﻟﻴﻚ ؟
_ ﺍﺷﺮﺣﻮ ﻟﻲ ﺍﻧﺎ ﻣﺎ ﻗﺮﻳﺖ ﻛﺘﻴﺮ ﻳﺎﺥ
_ ﻳﻌﻨﻲ ﻟﻮ ﻓﻲ ﺯﻭﻝ ﻣﺮﺿﺎﻥ ﻭﺟﺎﺀ ﻗﻌﺪ ﺟﻤﺒﻮ ﺯﻭﻝ ﺷﺪﻳﺪ ﻣﺎ ﺑﺒﻘﻰ ﺷﺪﻳﺪ ﺯﻳﻮ ﻭﺍﻟﺸﺪﻳﺪ ﺑﻤﺮﺽ
_ ﻳﻌﻨﻲ ﺯﻱ ﺍﻟﻄﻤﺎﻃﻤﺔ ﻭﻟﻼ ﺍﻟﺒﺼﻠﺔ ﺍﻟﻌﻔﻨﺔ ﺑﺘﺨﺮﺏ ﺑﺎﻗﻲ ﺍﻟﺒﺼﻞ ﺍﻛﺎﻥ ﺧﻠﻴﺘﻬﺎ ﻣﻌﺎﻫﻮ ، ﻣﻮﺵ ؟
_ ﺑﺎﻟﻈﺒﻂ ، ﻋﺸﺎﻥ ﻛﺪﺍ ﻣﺎ ﺑﺮﻳﺪ ﺍﻗﻌﺪ ﻣﻊ ﺯﻭﻝ ﺣﺘﻰ ﻟﻮ ﻫﻮ ﻛﻮﻳﺲ ﻣﺎ ﺩﺍﻳﺮﻭ ﻻﻧﻲ ﺑﺨﺮﺑﻮ ﻭﺑﺘﻌﻠﻖ ﺫﻧﺒﻮ
_ ﻭﺍﻟﻠﻪ ﺻﺎﺡ ﻃﻴﺐ ﻭﺍﻧﺎ ﺳﻜﻨﺘﻨﻲ ﻟﺸﻨﻮ ﻣﻌﺎﻙ
_ ﻣﺎ ﻋﺎﺭﻑ ﻭﺍﻟﻠﻪ ﻟﻜﻦ ﺍﻭﻝ ﺍﻳﺎﻣﻚ ﻫﻨﺎ ﻛﻨﺖ ﺩﺍﻳﺮ ﺍﻗﻮﻝ ﻟﻴﻚ ﺍﺗﺨﺎﺭﺝ ﺑﺲ ﻟﻤﻦ ﻟﻘﻴﺘﻚ ﻗﺎﻋﺪ ﺯﻱ ﺍﻟﻤﺎﻓﻲ ﻭﺍﻻﺗﻨﻴﻦ ﻭﺍﺣﺪ ﺧﻠﻴﺘﻚ ، ﻣﺎ ﺷﺎﻳﻔﻨﻲ ﻣﺎ ﻛﻨﺖ ﻗﺎﻋﺪ ﺍﻧﻀﻢ ﻣﻌﺎﻙ ﻧﻬﺎﺋﻲ ، ﻭﻋﺸﺎﻥ ﻣﺎ ﺗﺒﻘﻰ ﺯﻳﻲ ﻭﻟﻮ ﻛﻨﺖ ﻗﺎﻋﺪ ﺍﻧﻀﻢ ﻣﻌﺎﻙ ﺯﻣﺎﻥ ﺍﻛﻨﺖ ﺍﻧﺖ ﺡ ﺗﺨﻠﻲ ﺍﻟﺼﻼﺓ
_ ﻃﻴﺐ ﻭﻫﺴﻲ ؟
_ ﻫﺴﻲ ﺍﻧﺖ ﺟﻴﺖ ﻭﻟﻘﻴﺘﻨﻲ ﺗﺒﺖ ﻭﺍﺗﻐﻴﺮﺕ ﻭﺑﻘﻴﺖ ﺍﺻﻠﻲ ﻭﺑﻘﺪﺭ ﺃﺃﺛﺮ ﻋﻠﻴﻚ ﻻﻧﻚ ﻣﻦ ﺯﻣﺎﻥ ﺑﺘﺼﻠﻲ ﻭﺑﺸﺠﻌﻚ ﻭﺑﺘﺸﺠﻌﻨﻲ ﻋﻠﻴﻬﺎ ، ﻷﻧﻮ ﺍﻟﺼﺎﺣﺐ ﺳﺎﺣﺐ ﻭﺍﻭﻋﻚ ﺗﺴﻜﻦ ﻣﻊ ﻧﺎﺱ ﻓﺎﺷﻠﻴﻦ ﻻﻧﻚ ﺡ ﺗﺒﻘﻰ ﺍﻓﺸﻞ ﻣﻨﻬﻢ
_ ﺍﻧﺎ ﻏﺎﻳﺘﻮ ﻣﺎ ﺑﺘﺄﺛﺮ ﺑﺰﻭﻝ ﻻﻧﻮ ﻋﻨﺪﻱ ﺷﺨﺼﻴﺔ ﺧﺎﺻﺔ ﻭﻣﺴﺘﺤﻴﻞ ﺃﺗﺄﺛﺮ ﺑﺎﻟﻨﺎﺱ ﺍﻟﻤﻌﺎﻱ
_ ﺍﻧﺖ ؟ ﻋﻠﻴﻚ ﺍﻟﻠﻪ ﺍﺳﻜﺖ ﻫﺎ
_ ﻣﺎﻟﻚ ؟ ﻭﺍﻟﻠﻪ ﺻﺎﺡ
_ ﺻﺎﺡ ﺷﻨﻮ ﻣﺎ ﺗﺤﻠﻒ ﺳﺎﻱ
_ ﻭﺍﻟﻠﻪ ﺻﺎﺡ
_ ﻳﺎ ﺯﻭﻝ ﻣﺎ ﺗﺘﺤﻠﻒ ﺍﺳﺘﻐﻔﺮ ﺍﺳﺘﻐﻔﺮ ﻭﻋﺸﺎﻥ ﺍﺛﺒﺖ ﻟﻴﻚ ﺍﻧﺎ ﺑﺴﺄﻟﻚ ﺳﺆﺍﻝ ﻭﻗﻮﻝ ﻭﺍﻟﻠﻪ ﻣﺎ ﺍﻛﻀﺐ
_ ﻭﺍﻟﻠﻪ ﻣﺎ ﺍﻛﻀﺐ
_ ﻓﺮﺡ ﺑﺼﻠﻲ ﻭﻟﻼ ﻣﺎ ﺑﺼﻠﻲ ؟
_ ﻣﺎ ﺑﺼﻠﻲ
_ ﻟﻤﻦ ﺗﻤﺶ ﻟﻴﻬﻮ ﻛﻨﺖ ﺑﺘﺼﻠﻲ ﻭﻟﻼ ﻣﺎ ﺑﺘﺼﻠﻲ ؟
ﻋﺒﺎﺱ ﻗﻌﺪ ﻳﻀﺤﻚ ﺍﻟﺘﺎﺝ ﻗﺎﻝ ﻟﻴﻬﻮ ﻣﺎ ﺗﻜﻀﺐ ﺍﻧﺖ ﺣﻠﻔﺖ ﺑﺎﻟﻠﻪ
_ ﻣﺎ ﻛﻨﺖ ﺑﺼﻠﻲ ﻭﺍﻟﻠﻪ ﻭﺻﻠﻴﺖ ﻣﺮﺓ ﻭﺍﺣﺪﺓ ﺑﺲ ﺍﻭﻝ ﻳﻮﻡ ﻣﺸﻴﺖ ﻟﻴﻬﻮ
_ ﻃﻴﺐ ﻟﻮ ﻗﻌﺪﺕ ﻣﻊ ﻧﺎﺱ ﺣﻴﺪﺭ ﺑﺘﺨﻠﻲ ﺍﻟﺼﻼﺓ ؟
_ ﻻ ﻭﺍﻟﻠﻪ ﻣﺎ ﺑﺨﻠﻴﻬﺎ
_ ﺷﻔﺘﺎ ﺟﺎﻙ ﻛﻼﻣﻲ ﻭﻋﺮﻓﺖ ﺭﻭﺣﻚ ﺷﻨﻮ ؟ ﻗﺎﻝ ﺷﺨﺼﻴﺔ ﻗﺎﻝ ، ﻃﻴﺐ ﺧﻠﻴﻚ ﻣﻦ ﺩﺍ ﻛﻠﻮ ، ﻟﻤﻦ ﺟﻴﺖ ﻫﻨﺎ ﻋﺎﺭﻑ ﻟﻴﻪ ﺍﻧﺖ ﻣﺎ ﺭﺟﻌﺖ ﺍﺷﺘﻐﻠﺖ ﺑﺎﻟﻜﺮﺗﻮﻧﺔ ؟
_ ﺍﻫﺎ ﻟﻴﻪ ؟
_ ﻻﻧﻚ ﻟﻘﻴﺖ ﻋﺒﺪ ﺍﻟﻘﻴﻮﻡ ﺷﻐﺎﻝ ﻓﻲ ﺍﻟﺪﻛﺎﻥ ﻭﺷﺎﻳﻔﻮ ﺭﻃﺐ ﻭﺍﺭﺗﺎﺡ ﻭﻟﻮ ﻟﻘﻴﺘﻮ ﺷﻐﺎﻝ ﺑﺎﻟﻜﺮﺗﻮﻧﺔ ﻛﻨﺖ ﺣﺘﺸﺘﻐﻞ ﻋﺎﺩﻱ ﻟﻜﻦ ﻫﺴﻲ ﻣﺴﺘﺤﻴﻞ ﺗﺸﺘﻐﻠﻬﺎ ﻭﺷﺎﻳﻔﻬﺎ ﻣﺎ ﻣﺴﺘﻮﺍﻙ
_ ﻗﺴﻤﺎ ﺑﺎﻟﻠﻪ ﺻﺎﺡ ، ﻳﺎﺥ ﺍﻧﺖ ﻗﺮﻳﺖ ﺍﻓﻜﺎﺭﻱ ﻋﺪﻳﻞ ﻭﺍﻟﻠﻪ
_ ﻋﺸﺎﻥ ﻛﺪﺍ ﻋﻨﺪﻙ ﺷﺨﺼﻴﺔ ﺩﻱ ﻗﻮﻟﻬﺎ ﻟﺰﻭﻝ ﻣﺎ ﺑﻌﺮﻓﻚ ﻣﺎ ﺗﻘﻮﻟﻬﺎ ﻟﻲ ﺍﻧﺎ
_ ﻭﺍﻟﻠﻪ ﻃﻠﻌﺘﻨﻲ ﻃﻴﺮﺓ ﺳﺎﻱ
_ ﻣﺎ ﻃﻴﺮﺓ ﺍﻧﺖ ﺯﻭﻝ ﺻﻐﻴﺮ ﻟﺴﺔ ﻭﺍﻟﺪﻧﻴﺎ ﺩﻱ ﻣﺎ ﺷﻔﺖ ﻓﻴﻬﺎ ﺷﻲ
_ ﻃﻴﺐ ﻋﻠﻴﻴﻴﻚ ﺍﻟﻠﻪ ﻳﺎ ﺍﻟﺘﺎﺝ ﺯﻱ ﻣﺎ ﺳﻌﻠﺘﻨﻲ ﻭﻣﺎ ﻛﻀﺒﺖ ﻋﻠﻴﻚ ﺍﻧﺎ ﺯﺍﺗﻲ ﺩﺍﻳﺮ ﺍﺳﻌﻠﻚ ﺑﺲ ﺍﺣﻠﻒ ﻟﻲ ﺍﻧﻚ ﻣﺎ ﺗﻜﻀﺐ
_ ﻟﻮ ﺳﺆﺍﻟﻚ ﺍﻻﻣﺲ ﻣﺎ ﺗﺴﺄﻟﻨﻲ ﻟﻴﻬﻮ ﺗﺎﻧﻲ ﻭﻻ ﺑﺠﺎﻭﺑﻚ ﻋﻠﻴﻬﻮ
_ ﻣﺎ ﺳﺆﺍﻟﻲ ﺍﻻﻣﺲ ﻭﺍﻟﻠﻪ ، ﺳﺆﺍﻝ ﺗﺎﻧﻲ
_ ﻭﻟﻮ ﺑﺨﺺ ﺣﻴﺎﺗﻲ ﻭﺍﻧﺎ ﻣﻨﻮ ﻭﺷﻨﻮ ﺑﺮﺿﻮ ﻣﺎ ﺗﺴﺄﻟﻨﻲ ﻟﻴﻬﻮ
_ ﺁﻱ ﻭﺍﻟﻠﻪ ﺩﺍﻳﺮ ﺍﻋﺮﻓﻚ ﺑﺲ ﻳﺎﺥ
_ ﻣﺎ ﺑﺘﺴﺘﻔﻴﺪ ﺷﻲ
_ ﻃﻴﺐ ﺑﺘﻌﺮﻑ ﻓﺮﺡ ﻣﻦ ﻭﻳﻦ
_ ﺩﻱ ﻗﺼﺔ ﻃﻮﻳﻴﻴﻠﺔ ﻭﻣﺎ ﻭﻛﺘﻬﺎ ﻫﺴﻲ ﻭﺍﻧﺎ ﻣﺎﺭﻕ ﻋﻠﻲ ﺍﻟﺸﻐﻞ ﻭﺍﻣﺶ ﻋﻠﻲ ﺍﻟﺪﻛﺎﻥ ﻭﺷﻮﻑ ﺷﻐﻠﻚ ﻣﺎﻓﻲ ﺷﻲ ﺑﻨﻔﻌﻚ ﻏﻴﺮﻭ
ﺍﻟﺘﺎﺝ ﻣﺮﻕ ﻭﻋﺒﺎﺱ ﺑﻌﺪﻭ ﺑﻤﺴﺎﻓﺔ ﻣﺮﻕ ﻣﺸﻰ ﺍﻟﺪﻛﺎﻥ ﻭﻣﺎ ﻗﻌﺪ ﻓﻴﻬﻮ ﻧﻬﺎﺋﻲ ﻭﻋﺪﺍﻫﺎ ﺣﻮﺍﻣﺔ ﻭﺷﺮﺍﺏ ﺷﺎﻱ ﻭﻗﻌﺎﺩ ﺑﺮﺓ ﺍﻟﺪﻛﺎﻥ ﻭﻭﻧﺴﺔ ﻭﺿﺤﻚ ﻣﺮﺓ ﻣﻊ ﺣﺴﻦ ﻭﻣﺮﺓ ﻣﻊ ﻏﻴﺮﻭ ﻭﺣﺴﻦ ﻛﻢ ﻣﺮﺓ ﻗﺎﻝ ﻟﻴﻬﻮ ﺧﺶ ﺍﻟﺪﻛﺎﻥ ﺍﻗﻴﻒ ﻣﻊ ﻋﺒﺪ ﺍﻟﻘﻴﻮﻡ ﺩﺍ ﻣﺎ ﺗﺨﻠﻴﻬﻮ ﺑﺮﺍﻭ ﻛﺪﺍ
ﻭﻳﺪﺧﻞ ﻳﻘﻌﺪ ﺩﻗﺎﻳﻖ ﻭﺗﺎﻧﻲ ﻳﻤﺮﻕ ﻭﻟﻤﻦ ﻳﺨﺶ ﺯﺑﻮﻥ ﻳﺴﺄﻟﻮ ﺑﻘﻮﻝ ﻟﻌﺒﺪ ﺍﻟﻘﻴﻮﻡ ﺷﻮﻑ ﺩﺍ ﻭﻳﻤﺮﻕ ﻭﻳﺠﻲ ﺑﻌﺪ ﻣﺴﺎﻓﺔ ﻳﺸﻮﻑ ﺍﻟﺪﺭﺝ ﻭﻣﺮﺍﺕ ﻳﺤﺴﺐ ﺍﻟﻘﺮﻭﺵ ﺍﻟﻔﻴﻬﻮ ﻭﻳﻤﺮﻕ ، ﻋﺒﺪ ﺍﻟﻘﻴﻮﻡ ﺍﺻﻠﻮ ﻣﺎ ﺳﺄﻟﻮ ﺑﺲ ﻛﺎﻥ ﻣﺘﻀﺎﻳﻖ ﻟﻜﻦ ﻣﺎ ﻭﺿﺢ ﻟﻴﻬﻮ . ﺣﺴﻦ ﻋﺮﻓﻮ ﻭﺗﺎﻧﻲ ﻧﻀﻢ ﻣﻊ ﻋﺒﺎﺱ ، ﻋﺒﺎﺱ ﺳﻨﺘﺖ ﻭﻓﺎﺕ ﻟﻌﺜﻤﺎﻥ ﻭﺍﺧﺪ ﻟﻴﻬﻮ ﻟﻔﺔ ﻭﻣﺸﻰ ﻟﺤﻴﺪﺭ ﻭﻭﺭﺍﻫﻮ ﺍﻧﻮ ﻓﺘﺢ ﻟﻴﻬﻮ ﺩﻛﺎﻥ ﺇﻟﻜﺘﺮﻭﻧﻴﺎﺕ ﻛﺒﻴﺮ ﻭﻓﺎﺕ ﻣﻨﻮ ﻭﺟﺎﺀ ﺍﻟﺪﻛﺎﻥ ﺑﻌﺪ ﺍﻟﻌﺼﺮ ﺑﻤﺴﺎﺍﺍﻓﺔ
ﺭﺟﻊ ﺑﺎﻟﻠﻴﻞ ﻟﻘﻰ ﺍﻟﺘﺎﺝ ﻣﺎﻓﻲ ﻭﻣﺎ ﺟﺎﺀ ﺍﻻ ﺑﻌﺪ ﺣﺪﺍﺷﺮ ﺍﺗﻮﺿﺎ ﻭﺻﻠﻰ ﺍﻟﺸﻔﻊ ﻭﺍﻟﻮﺗﺮ ﻭﺭﻗﺪ ﻧﺎﻡ ﻣﺎ ﺍﺗﻮﻧﺲ ﻣﻊ ﻋﺒﺎﺱ ﻭﻻ ﺍﺩﺍﻫﻮ ﻓﺮﺻﺔ ﻳﻨﻀﻢ ﻣﻌﺎﻫﻮ ﻗﺎﻝ ﻟﻴﻬﻮ ﻧﻮﻡ ﻧﻮﻡ ﻋﺸﺎﻥ ﺍﻟﺼﻼﺓ ﻣﺎ ﺗﻔﻮﺗﻨﺎ
ﺍﻟﻴﻮﻡ ﺍﻟﺘﺎﻧﻲ ﺍﻟﺘﺎﺝ ﺑﻌﺪ ﺍﻟﺼﻼﺓ ﻣﺮﻕ ﻃﻮﺍﻟﻲ ﻓﺎﺕ ﺍﻟﺴﻮﻕ ﻭﻋﺒﺎﺱ ﻓﺎﺕ ﺍﻟﺪﻛﺎﻥ ﻋﻤﻞ ﺯﻱ ﺍﻣﺒﺎﺭﺡ ﻭﺣﺴﻦ ﻛﻞ ﻣﺮﺓ ﻳﻨﻀﻢ ﻣﻌﺎﻫﻮ ﻭﻫﻮ ﺍﻻﺳﻌﺎﺭ ﻣﺎ ﻋﺎﺭﻓﻬﺎ ﻭﻻ ﺩﺍﻳﺮ ﻳﻘﻌﺪ ﺯﻱ ﻛﺄﻧﻮ ﺍﻟﺪﻛﺎﻥ ﺣﻘﻮ ﻭﻋﺒﺪ ﺍﻟﻘﻴﻮﻡ ﺷﻐﺎﻝ ﻣﻌﺎﻫﻮ ﻳﺪﺧﻞ ﻳﺸﻮﻑ ﺍﻟﺪﺭﺝ ﻭﻳﻤﺮﻕ ﻳﺘﺤﺎﻭﻡ ﻭﻗﺒﻞ ﺻﻼﺓ ﺍﻟﻌﺼﺮ ﺑﺸﻮﻳﺔ ﻓﺎﺕ ﺍﻟﺒﻴﺖ
ﻣﻊ ﺍﻷﺫﺍﻥ ﺍﻟﺘﺎﺝ ﺟﺎﺀ ﺍﻟﺪﻛﺎﻥ ﺑﺎﻟﺼﺪﻓﺔ ﻭﺳﺄﻝ ﻋﺒﺪ ﺍﻟﻘﻴﻮﻡ ﻣﻦ ﻋﺒﺎﺱ ﻭﻋﺒﺪ ﺍﻟﻘﻴﻮﻡ ﻛﺎﻥ ﻣﺘﻀﺎﻳﻖ ﺷﺪﻳﺪ ﻣﻦ ﻋﺒﺎﺱ ﻭﻗﺎﻝ ﻟﻴﻬﻮ ﻓﺎﺕ ﺍﻟﺒﻴﺖ ﻫﺴﻲ ﻗﺒﻞ ﺧﻤﺴﺔ ﺩﻗﺎﻳﻖ
_ ﻣﺎﻟﻮ ﻣﺸﻰ ﺑﺪﺭﻱ ﻛﺪﺍ ؟
_ ﺍﻟﺰﻭﻝ ﺩﺍ ﻣﺎ ﺯﻭﻝ ﺷﻐﻞ ﻳﺎﺥ ﻻﻧﻮ ﻻ ﺩﺍﻳﺮ ﻳﻘﻌﺪ ﻭﻻ ﺩﺍﻳﺮ ﻳﻌﺮﻑ ﺍﻻﺳﻌﺎﺭ
ﻭﺣﺴﻦ ﺯﺍﺗﻮ ﺟﺎﺀ ﻭﻛﻠﻢ ﺍﻟﺘﺎﺝ ﻗﺎﻝ ﻟﻴﻬﻮ ﺍﻟﺠﻨﻰ ﺩﺍ ﺻﻐﻴﺮ ﻟﺴﺔ ﻟﻮ ﺍﺗﻌﻮﺩ ﻋﻠﻲ ﺍﻟﺘﻨﻄﻂ ﺩﺍ ﺗﺎﻧﻲ ﻣﺎ ﺑﺸﺘﻐﻞ ﻭﻫﻮ ﺳﺎﻛﻦ ﻣﻌﺎﻙ ﻭﺑﺤﺘﺮﻣﻚ ﺍﻧﻀﻢ ﻣﻌﺎﻫﻮ ﺍﻟﻠﺸﻮﻑ ﺷﻐﻠﻮ ﺍﻣﻜﻦ ﻳﺴﻤﻊ ﻛﻼﻣﻚ ﺍﻧﺎ ﻣﺎ ﺳﻤﻊ ﻛﻼﻣﻲ ﻭﻋﺒﺪ ﺍﻟﻘﻴﻮﻡ ﺩﺍ ﻣﺎ ﺩﺍﻳﺮ ﻳﻨﻀﻢ ﻣﻌﺎﻫﻮ ﺧﺎﻳﻒ ﻳﺘﺨﺎﺳﺮﻭﺍ ﺑﻌﺪﻳﻦ ﺍﻟﺼﺪﻳﻖ ﺍﺧﻮﻫﻮ ﻟﻮ ﻋﺮﻑ ﺍﻟﻜﻼﻡ ﺩﺍ ﻣﺎ ﺑﺮﺿﻰ
ﺍﻟﺘﺎﺝ ﻗﺎﻝ ﻟﻴﻬﻢ ﺧﻠﻮﻫﻮ ﻋﻠﻲ ﺗﺐ ﺑﻮﺿﺒﻮ ﻟﻴﻜﻢ
ﻭﻣﺸﻰ ﺷﻐﻠﻮ ﻭﺑﻌﺪ ﺍﻟﻤﻐﺮﺏ ﻓﺎﺕ ﺍﻟﺒﻴﺖ ﻟﻘﻰ ﻋﺒﺎﺱ ﻗﺎﻋﺪ
ﻗﺎﻝ ﻟﻴﻬﻮ ﻣﺎﻟﻚ ﺟﻴﺖ ﺑﺪﺭﻱ ﺍﻟﻠﻴﻠﺔ
_ ﺑﺪﺭﻱ ﺷﻨﻮ ﻳﺎﺥ ﺍﻧﺎ ﺟﻴﺖ ﻗﺒﻞ ﺷﻮﻳﺔ
_ ﻛﻀﺎﺏ ﻭﺍﻟﻠﻪ ﻻﻧﻲ ﺍﺫﺍﻥ ﺍﻟﻌﺼﺮ ﻛﻨﺖ ﻓﻲ ﺍﻟﺪﻛﺎﻥ
_ ﻋﺒﺪ ﺍﻟﻘﻴﻮﻡ ﻗﺎﻋﺪ ﻳﺎﺥ
_ ﺍﻧﺎ ﻣﺎ ﻓﻲ ﻋﺒﺪ ﺍﻟﻘﻴﻮﻡ ﻓﻲ ﻛﻀﺒﻚ ﺩﺍ
_ ﻣﻌﻠﻴﺶ ﻭﺗﺎﻧﻲ ﻣﺎ ﺑﻜﻀﺐ ﻋﻠﻴﻚ ﺍﻧﺎ ﻣﺎ ﻗﺎﻳﻠﻚ ﻣﺸﻴﺖ ﺍﻟﺪﻛﺎﻥ ﻭﺍﻧﺎ ﺟﻴﺖ ﺑﺪﺭﻱ ﻻﻧﻲ ﻛﻨﺖ ﺗﻌﺒﺎﻥ ﺷﻮﻳﺔ
_ ﺗﻌﺒﺎﻥ ﻣﻦ ﺍﻟﺤﻮﺍﻣﺔ ﻣﻮﺵ ؟
_ ﺣﻮﺍﻣﺔ ﺷﻨﻮ ﻳﺎﺥ ؟
_ ﺍﻭﻋﻚ ﺗﻜﻀﺐ ﺗﺎﻧﻲ
_ ﻛﻠﻤﻚ ﻋﺒﺪ ﺍﻟﻘﻴﻮﻡ ﻣﻮﺵ ؟
_ ﻋﺒﺪ ﺍﻟﻘﻴﻮﻡ ﻭﺣﺴﻦ ﺍﻻﺗﻨﻴﻦ ﻛﻠﻤﻮﻧﺐ ﻭﺍﻧﺖ ﻟﻮ ﻗﻌﺪﺕ ﺗﻨﻄﻂ ﻭﺗﺘﺠﺎﺭﻯ ﻭﺗﺘﺤﺎﻭﻡ ﻛﺪﺍ ﺗﺎﻧﻲ ﻣﺎ ﺑﺘﺸﺘﻐﻞ ﻭﻻ ﺑﺘﻨﻔﻊ ﻛﻠﻮ ﻛﻠﻮ
_ ﺧﻼﺱ ﺗﺎﻧﻲ ﻣﺎ ﺑﺘﺤﺎﻭﻡ
_ ﻫﺴﻲ ﺍﻧﺖ ﻋﺎﺭﻑ ﺍﻻﺳﻌﺎﺭ ؟
_ ﻋﺎﺭﻑ ﻓﻴﻬﺎ ﻛﻮﻳﺲ ﺑﺲ ﻣﺎ ﻛﻠﻬﺎ
_ ﺷﻮﻑ ﺁ ﻋﺒﺎﺱ ﻳﻤﻴﻦ ﺑﺎﻟﻠﻪ ﺗﺎﻧﻲ ﺗﺘﺤﺎﻭﻡ ﺍﻛﺎﻥ ﺍﻣﺮﻗﻚ ﻣﻦ ﺍﻟﺪﻛﺎﻥ ﻭﺍﺩﻱ ﻋﺒﺪ ﺍﻟﻘﻴﻮﻡ ﺣﻘﻮ ﻛﻠﻮ ﻭﺍﻗﻠﻌﻮ ﻣﻨﻜﻢ
_ ﻟﻴﻪ ﻳﺎﺥ ؟
_ ﺍﻧﺖ ﻣﺎ ﺑﻨﻔﻊ ﻣﻌﺎﻙ ﻏﻴﺮ ﻛﺪﺍ ﻭﺍﻧﺎ ﺑﺠﻴﻚ ﻧﺎﻃﻲ ﻓﻲ ﺍﻱ ﻭﻛﺖ ﻭﺍﺷﻮﻑ ﺷﻐﻠﻚ ﻭﺑﺮﺳﻞ ﻟﻴﻚ ﻛﻢ ﻭﺍﺣﺪ ﺑﺠﻮﻙ ﻛﺄﻧﻬﻢ ﺯﺑﺎﻳﻦ ﻭﻳﺸﺘﺮﻭﺍ ﻣﻨﻚ ﻋﺪﻳﻞ ﻭﺑﻌﺮﻓﻚ ﺍﻛﺎﻥ ﺷﻐﺎﻝ ﻭﻟﻼ ﻻ
_ ﺍﻧﺖ ﺟﺎﺩﻱ ؟
_ ﺟﺎﺩﻱ ﻭﺍﻟﻠﻪ ﻭﻋﺎﺩﻱ ﺍﻃﻠﻌﻚ ﻣﻨﻮ ﺩﺍ ﺯﻣﻦ ﺷﻐﻞ ﺑﺲ ﻣﺎ ﺯﻣﻦ ﻟﻌﺐ ﻭﺍﻧﺎ ﻓﻲ ﺍﻟﺸﻐﻞ ﻛﻌﺐ ﻭﺍﻟﻠﻪ ﻭﻣﺎ ﺑﺠﺎﻣﻞ ﻛﻠﻮ ﻛﻠﻮ ﻭﺑﺪﻳﻚ ﻓﺮﺻﺔ ﺗﻼﺗﺔ ﻳﻮﻡ ﻭﺑﺠﻲ ﺍﺳﻤﻊ ﻟﻴﻚ ﺍﻻﺳﻌﺎﺭ ﺗﺴﻤﻴﻊ ﺯﻱ ﺟﺪﺍﻭﻝ ﺍﻟﻀﺮﺏ ﻓﻲ ﺍﻟﻤﺪﺭﺳﺔ ﻭﻟﻮ ﺩﺍﻳﺮ ﺗﻌﺮﻓﻨﻲ ﻛﻌﺐ ﻛﻴﻒ ﺍﻧﻠﻘﺎﻙ ﻣﺎ ﻋﺎﺭﻑ ﺳﻌﺮ ﺻﻨﻒ
_ ﻻ ﻻ ﻳﺎﺥ
_ ﻻ ﻻ ﺷﻨﻮ ﺍﻧﺖ ﻣﺎ ﻟﻘﻴﺖ ﻟﻴﻚ ﺯﻭﻝ ﻋﺼﺮﻙ ﻟﻜﻦ ﺍﻧﺎ ﺑﻌﺼﺮﻙ ﻭﺍﻟﻠﻪ ﻋﺸﺎﻥ ﻣﺼﻠﺤﺘﻚ
_ ﺧﻼﺱ ﺗﻼﺗﺔ ﻳﻮﻡ ﺷﻮﻳﺔ ﺧﻠﻴﻬﺎ ﺍﺳﺒﻮﻉ
_ ﺍﺳﺒﻮﻉ ؟ ﺍﻧﺖ ﺻﺤﻲ ﻣﺎ ﺯﻭﻝ ﺷﻐﻞ ﻭﺍﻟﻠﻪ ، ﺍﻗﻮﻝ ﻟﻴﻚ ﺷﻲ ؟ ﻳﻮﻣﻴﻦ ﺑﺲ ﻣﺎ ﺗﻼﺗﺔ ﻳﻮﻡ ﺑﻜﺮﺓ ﻭﺑﻌﺪ ﺑﻜﺮﺓ ﺑﺲ ﻭﺑﻌﺪﻫﺎ ﻃﻮﺍﻟﻲ ﺍﻧﺎ ﺑﺠﻲ ﺍﺳﻤﻊ ﻟﻴﻚ
_ ﺍﻧﺖ ﺑﺘﺘﻜﻠﻢ ﺟﺪ ؟
_ ﻳﻤﻴﻦ ﺑﺎﻟﻠﻪ ﻳﺎ ﻋﺒﺎﺱ ﺣﺪﻙ ﺑﻜﺮﺓ ﺑﻌﺪ ﺑﻜﺮﺓ ﺑﺲ ﻣﻌﺎﻱ ﻭﺑﻌﺪﻫﺎ ﺑﻴﻮﻡ ﺃﻟﻘﺎﻙ ﻣﺎ ﺣﺎﻓﻆ ﺍﻻﺳﻌﺎﺭ ﻛﻠﻬﺎ ﻋﻼ ﺍﻃﻠﻌﻚ ﻣﻦ ﺍﻟﺪﻛﺎﻥ ﻭﻣﻦ ﺍﻟﺒﻴﺖ ﻭﺳﻼﻡ ﺍﻟﻠﻪ ﺗﺎﻧﻲ ﻣﺎ ﺑﻴﻨﻲ ﻭﺑﻴﻨﻚ
_ ﻳﻌﻨﻲ ﻋﺸﺎﻥ ﻗﺮﻭﺷﻚ ﺻﺎﺡ ؟
_ ﻣﺎ ﻋﺸﺎﻥ ﻗﺮﻭﺷﻲ ، ﻭﺍﻧﺎ ﺍﺩﻳﺘﻚ ﻟﻴﻬﻦ ﺑﺮﺍﻱ ﻭﺑﻘﻦ ﺣﻘﺎﺗﻚ ﻣﺎ ﻫﻤﺎﺗﻨﻲ ﻭﻻ ﺩﺍﻳﺮﻫﻦ ﺑﺲ ﻟﻮ ﺩﻱ ﺳﻮﺍﺗﻚ ﺍﻧﺎ ﺍﻭﻟﻰ ﺑﻴﻬﻦ ﻣﻨﻚ ﻻﻧﻚ ﻣﺎ ﺯﻭﻝ ﺷﻐﻞ
_ ﻭﺍﻟﻠﻪ ﺯﻭﻝ ﺷﻐﻞ
_ ﺍﻧﺎ ﺑﻌﺮﻓﻚ ﻟﻤﻦ ﺍﺟﻲ ﺍﺳﻤﻊ ﻟﻴﻚ
_ ﻃﻴﺐ ﺍﻧﺖ ﺡ ﺗﻌﺮﻑ ﺍﺳﻌﺎﺭ ﺍﻟﺒﻀﺎﻋﺔ ﻛﻴﻒ ؟ ﻣﻤﻜﻦ ﺍﻧﺎ ﺍﺩﻳﻚ ﺍﻱ ﺳﻌﺮ
_ ﺩﻱ ﻣﺎ ﺷﻐﻠﺘﻚ ﻭﻗﺪﺍﻣﻚ ﺑﻜﺮﺓ ﻭﺑﻌﺪ ﺑﻜﺮﺓ ﺑﺲ ﻭﺗﺎﻧﻲ ﻣﺎ ﺗﻠﻮﻣﻨﻲ ﻭﺍﻣﺶ ﺍﺗﺤﺎﻭﻡ ﺗﺎﻧﻲ
ﻋﺒﺎﺱ ﻧﺎﻡ ﻭﺻﺤﻰ ﺑﺪﺭﻱ ﺻﻠﻰ ﺍﻟﺼﺒﺢ ﻭﻟﺒﺲ ﻭﺟﺮﻯ ﺍﻟﺪﻛﺎﻥ ﻟﻘﻰ ﻋﺒﺪ ﺍﻟﻘﻴﻮﻡ ﻭﻻ ﺟﺎﺀ ﻓﺎﺕ ﻟﻴﻬﻮ ﻓﻲ ﺍﻟﺒﻴﺖ ﺷﺎﻝ ﻣﻨﻮ ﺍﻟﻤﻔﺘﺎﺡ ﻭﺟﺎﺀ ﻓﺘﺢ ﻭﻃﻮﺍﻟﻲ ﺷﺎﻝ ﺍﻟﺪﻓﺘﺮ ﻭﻗﺒﻞ ﻋﻠﻲ ﺍﻟﺮﻓﻮﻑ
ﺑﻌﺪ ﺟﺎﺀ ﻋﺒﺪ ﺍﻟﻘﻴﻮﻡ ﻗﻌﺪ ﻳﺴﺎﻝ ﻓﻮﻗﻮ ﻭﻳﺴﺠﻞ ﻓﻲ ﺍﻻﺳﻌﺎﺭ
ﻭﻋﺒﺪ ﺍﻟﻘﻴﻮﻡ ﻣﺘﻜﻴﻒ ﻛﻴﻒ ﺷﺪﻳﺪ