ﺍﻟﻤﻌﻨﻰ ﺍﻟﺤﻘﻴﻘﻲ ﻟﻺﺧﻮﻩ
# ﺑﻘﻠﻢ : ﻣﻨﻰ ﺳﻠﻴﻤﺎﻥ ‏( ﻧﻮﺷﻪ ‏)
# ﺍﻟﺠﺰﺀ 2:
ﻟﺆﻟﺆﻩ ﺑﻌﺪ ﺭﻛﺒﺖ ﻣﻊ ﺍﻟﻤﺮﺍﺓ ﺧﺪﺭﻭﻫﺎ ﻭﺍﻟﻌﺮﺑﻴﺔ ﻃﻠﻌﺖ ﻣﻦ ﺍﻟﻘﺮﻳﺔ ﻭﺍﻧﺎ ﻟﻤﻦ ﻛﻨﺖ ﺑﻀﺮﺏ ﻓﻲ ﻟﺆﻟﺆﺓ ﺷﻔﻊ ﺍﻟﺤﻠﻪ ﺟﺮﻭ ﻳﻜﻠﻤﻮ ﻋﻤﺘﻲ ﻭﺍﻧﺎ ﻣﺸﻴﺖ ﺑﻴﺘﻨﺎ ﻋﻤﺘﻲ ﻟﺤﻘﺘﻨﻲ ﻓﻲ ﺑﻴﺘﻨﺎ ﺷﺎﻛﻠﺘﻨﻲ ﻭﻣﺸﺖ ﺗﻔﺘﺶ ﻟﺆﻟﺆﻩ ﻟﻜﻦ ﻣﺎ ﻟﻘﺘﻬﺎ ﺑﻘﺖ ﺗﻜﻮﺭﻙ ﺍﻟﺠﻴﺮﺍﻥ ﻃﻠﻌﻮ ﺳﺎﻟﺘﻬﻢ ﻗﺎﻟﻮ ﻣﺎ ﻋﺎﺭﻓﻴﻦ ﻓﻲ ﺷﺎﻓﻊ ﻗﺎﻝ ﻟﻴﻬﻢ ﺍﻧﺎ ﻗﺒﻴﻞ ﺷﻔﺘﻪ ﻟﺆﻟﺆﻩ ﻃﻠﻌﺖ ﻓﻲ ﻋﺮﺑﻴﻪ ﺳﻤﺤﻪ ﻛﺪﺍ ﻭﻛﺎﻧﺖ ﻣﻈﻠﻠﻪ ﺍﻧﺎ ﻗﻠﺘﻪ ﺍﺣﺘﻤﺎﻝ ﺩﻳﻞ ﺍﻫﻠﻜﻢ ﺍﻟﻔﻲ ﻣﺪﻧﻲ ﻋﻤﺘﻲ ﺍﻏﻤﻰ ﻋﻠﻴﻬﺎ ﻓﻲ ﺍﻟﺸﺎﺭﻉ ﺷﺎﻟﻮﻫﺎ ﺩﺧﻠﻮﻫﺎ ﺍﻟﺒﻴﺖ ﺍﺑﻮﻱ ﻛﺎﻥ ﻓﻲ ﻣﺪﻧﻲ ﺍﺗﺼﻠﻨﺎ ﻟﻴﻬﻮ ﻭﻣﺸﻰ ﺍﻟﻘﺴﻢ ﻓﺘﺢ ﺑﻼﻍ ﻗﺎﻟﻮ ﻟﻴﻬﻮ ﺑﻨﻄﻠﻊ ﻧﻔﺘﺶ ﺑﻌﺪ 24 ﺳﺎﻋﻪ ﻭﺍﻟﻔﺘﺮﺓ ﺩﻱ ﺣﺎﻝ ﻋﻤﺘﻲ ﺍﺗﺒﺸﺘﻦ ﻭﺍﺧﺘﻲ ﺗﻌﺒﺎﻧﻪ ﻣﻌﺎﻫﺎ ﻭﻣﺎ ﺑﺘﻘﺮﺍﺀ ﻭﻧﺤﻦ ﻛﻨﺎ ﻣﻤﺘﺤﻨﻴﻦ ﺍﻟﺜﺎﻧﻮﻳﺔ ﻣﺸﻴﺖ ﺍﺳﺘﻠﻤﺘﻪ ﺍﻟﺒﻄﺎﻗﺎﺕ ﻣﻦ ﺍﻟﻤﺪﺭﺳﺔ ﻟﻤﻦ ﻭﺻﻠﺘﻪ ﺍﻟﺒﻴﺖ ﻗﻠﺘﻪ ﻟﻲ ﺍﺧﺘﻲ ﺍﻧﺘﻲ ﻃﻮﻟﺘﻲ ﻣﺎ ﻗﺮﻳﺘﻲ ﻭﻛﺪﺍ ﻣﺎ ﺣﺘﻘﺪﺭﻱ ﺗﻤﺘﺤﻨﻲ ﻋﺸﺎﻥ ﻛﺪﺍ ﺣﻨﺒﺪﻝ ﺍﻟﺼﻮﺭ ﻭﺍﻧﺘﻲ ﺗﻤﺘﺤﻨﻲ ﺑﻲ ﺑﻄﺎﻗﺘﻲ ﻭﺍﻧﺎ ﺍﻣﺘﺤﻦ ﺑﻲ ﺑﻄﺎﻗﺘﻚ ﺍﻭﻝ ﺭﻓﻀﺖ ﻟﻜﻦ ﺍﻧﺎ ﻗﺪﺭﺗﻪ ﺍﻗﻨﻌﻬﺎ ﻭﺍﻟﻤﻮﺿﻮﻉ ﺩﺍ ﺍﻟﻌﺎﺭﻓﻨﻮ ﺗﻼﺗﻪ ﺑﺲ ﺍﻧﺎ ﻭﺍﺣﻤﺪ ﻭﻣﻨﻴﻪ ﻃﺒﻌﺎ ﺍﺧﺘﻲ ﻟﻴﻬﺎ ﺷﻬﺮ ﻛﺪﺍ ﻣﺨﺘﻔﻴﻪ ﻭﻧﺤﻦ ﻣﺎ ﻋﺎﺭﻓﻴﻦ ﻋﻨﻬﺎ ﺣﺎﺟﻪ ﻭﻋﻤﺘﻲ ﺑﻘﺖ ﺯﻱ ﺍﻟﻤﺠﻨﻮﻧﻪ ﺗﻘﻄﻊ ﻗﻠﺐ ﺍﻟﺰﻭﻝ ﻟﻮ ﺷﺎﻓﻬﺎ ﻧﺰﻟﻨﺎ ﺍﻻﻣﺘﺤﺎﻧﺎﺕ ﻭﺍﻟﻤﺮﺍﻗﺒﻴﻦ ﻛﺎﻧﻮ ﻣﻦ ﻣﺪﺭﺳﺔ ﻗﺮﻳﺔ ﻗﺮﻳﺒﻪ ﻟﻴﻨﺎ ﻭﺍﻟﺸﻲ ﺩﺍ ﺳﺎﻋﺪﻧﺎ ﻓﻲ ﺍﻧﻮ ﻣﺎ ﻳﻜﺸﻔﻮﻧﺎ ﻋﺪﺕ ﻓﺘﺮﺓ ﺍﻻﻣﺘﺤﺎﻧﺎﺕ ﺑﻲ ﺧﻴﺮﻫﺎ ﻭﺍﻻﺟﺎﺯﺓ ﺑﺎﻟﻨﺴﺒﻪ ﻟﻲ ﻣﺎﻓﻴﻬﺎ ﺍﻱ ﺷﻲ ﻧﻔﺲ ﺍﻟﺮﻭﺗﻴﻦ ﺍﻟﻴﻮﻣﻲ ﻟﻜﻦ ﻣﻨﻴﻪ ﻭﺍﺣﻤﺪ ﻣﻘﻀﻨﻬﺎ ﺣﺒﻜﺎﻧﺎﺕ ﻭﻳﺘﻼﻗﻮ ﺑﺎﻟﻌﺼﺮ ﻓﻲ ﺍﻟﺘﺮﻋﻪ ﻧﻈﺎﻡ ﺑﺴﻘﻮ ﺍﻟﺒﻬﺎﻳﻢ ﺍﻋﻠﻨﻮ ﺍﻧﻮ ﺑﻜﺮﺍ ﺣﻴﺬﻳﻌﻮ ﺍﻟﻨﺘﻴﺠﻪ ﺍﻣﻲ ﻛﺎﻧﺖ ﻣﺘﺎﻛﺪﺓ ﺍﻧﻮ ﺣﻴﺬﻳﻌﻮﻧﻲ ﻭﻧﺎﺱ ﺍﻟﺤﻠﺔ ﻛﻠﻬﻢ ﻛﺎﻧﻮ ﻭﺍﺛﻘﻴﻦ ﺑﺮﺿﻮ ﻭﻋﻤﺘﻲ ﻓﺘﺤﺖ ﺍﻟﺘﻠﻔﺰﻳﻮﻥ ﻓﻲ ﺑﻴﺘﻬﺎ ﻋﺸﺎﻥ ﺗﺸﻮﻑ ﻧﺘﻴﺠﺔ ﻣﻨﻴﺔ ﺍﻟﻤﺆﺗﻤﺮ ﺑﺪﺍ ﺯﺍﻋﻮ ﺍﻻﻭﻝ ﻟﻤﻦ ﻭﺻﻠﻮ ﺍﻟﻌﺸﺮﻳﻦ ﻗﺎﻟﻮ ﻣﻨﻴﺔ ﺳﻠﻴﻤﺎﻥ ﺍﻣﻲ ﻓﺮﺣﺖ ﻭﺯﻏﺮﺗﺖ ﻋﺸﺎﻥ ﻣﻨﻴﺔ ﻧﺪﻫﻮﻫﺎ ﻗﻠﺘﻪ ﻳﻌﻨﻲ ﻛﺎﻥ ﺍﺳﻤﻲ ﺍﻟﺤﻴﻜﻮﻥ ﻓﻲ ﺍﻟﺨﺎﻧﻪ ﺍﻟﻌﺸﺮﻳﻦ ﺍﻧﺘﻈﺮﻧﺎ ﻟﻤﻦ ﺍﻟﻤﺆﺗﻤﺮ ﺧﻠﺺ ﺍﻧﺎ ﻣﺎ ﺫﺍﻋﻮﻧﻲ ﺍﻣﻲ ﺑﻜﺖ ﻗﺎﻟﺖ ﻟﻲ ﻣﺎﻟﻚ ﺍﻧﺘﻲ ﻛﻨﺘﻲ ﺑﺘﺴﺎﻫﺮﻱ ﺍﻟﻠﻴﻞ ﻛﻠﻮ ﻗﺮﺍﻳﺔ ﻗﻠﺘﻪ ﻟﻴﻬﺎ ﺩﻱ ﺣﺎﺟﻪ ﻣﻘﺪﺭﻩ ﻣﻦ ﺭﺑﻨﺎ ﺍﻧﺘﻲ ﺷﻮﻓﻲ ﺍﻟﺠﺎﻧﺐ ﺍﻟﺴﻤﺢ ﻋﻨﺪﻙ ﺑﺖ ﺗﺎﻧﻴﻪ ﺯﺍﻋﻮﻫﺎ ﻭﺭﻓﻌﺖ ﺭﺍﺳﻜﻢ ﻗﺪﺍﻡ ﺍﻟﻨﺎﺱ ﻗﻠﺘﻪ ﻟﻲ ﺍﻣﻲ ﻧﻤﺸﻲ ﻧﺒﺎﺭﻙ ﻟﻴﻬﺎ ﻣﺸﻴﻨﺎ ﻟﻘﻴﻨﺎ ﺍﻟﺒﻴﺖ ﻣﻼﻥ ﻧﺎﺱ ﺍﻟﺠﻴﺮﺍﻥ ﺑﺪﻭ ﺍﻟﻘﻄﻴﻌﻪ ﻓﻴﻨﺎ ﺍﻧﺎ ﻭﺍﻣﻲ ﺷﻮﻓﻮ ﺑﺘﻬﺎ ﻟﻴﻞ ﻧﻬﺎﺭ ﺑﺘﺤﻔﺮ ﻓﻲ ﺍﻟﻜﺘﺐ ﻭﻳﻨﻮ ﻋﻤﺎﺭﻫﺎ ﻓﻲ ﺍﻟﻨﻬﺎﻳﺔ ﻃﺒﻌﺎ ﺍﻧﺎ ﻣﺒﺴﻮﻃﻪ ﻟﻜﻦ ﻣﺎ ﻣﻦ ﻛﻼﻣﻬﻢ ﻣﺒﺴﻮﻃﺔ ﺍﻧﻮ ﺍﻧﺎ ﻗﺪﺭﺗﻪ ﺍﻧﺠﺢ ﺣﺘﻰ ﻟﻮ ﻣﺎ ﻛﺎﻥ ﺑﺎﺳﻤﻲ ﻣﻨﻴﻪ ﻣﻦ ﺷﺎﻓﺘﻨﻲ ﺟﺎﺕ ﺣﻀﻨﺘﻲ ﻭﺑﻜﺖ ﻭﺑﻘﺖ ﺗﻌﺘﺬﺭ ﻟﻲ ﺍﻟﻨﺎﺱ ﻣﺴﺘﻐﺮﺑﻪ ﻟﺸﻨﻮ ﻫﻲ ﺑﻌﺘﺬﺭ ﻫﻤﺴﺘﻪ ﻟﻴﻬﺎ ﺍﺳﻜﺘﻲ ﻣﺎ ﺗﻌﺘﺬﺭﻱ ﻭﺗﻔﻀﺤﻴﻨﺎ ﻗﺪﺍﻡ ﺍﻟﻨﺎﺱ ﺑﻌﺪﻫﺎ ﻃﻠﻌﻨﺎ ﺍﻧﺎ ﻭﺍﻣﻲ ﻭﺭﺟﻌﻨﺎ ﺍﻟﺒﻴﺖ ﻭﻟﻤﻦ ﺍﻟﺘﻘﺪﻳﻢ ﺑﺪﺍﺀ ﻣﺸﻴﺖ ﻣﻊ ﻣﻨﻴﻪ ﻣﺪﻧﻲ ﻭﻗﺪﻣﻨﺎ ﻟﻴﻬﺎ ﻛﻞ ﺍﻟﺠﺎﻣﻌﺎﺕ ﻛﺎﻧﺖ ﻓﻲ ﺍﻟﺨﺮﻃﻮﻡ ﻗﺎﻟﺖ ﺍﻣﻨﻴﺘﻬﺎ ﺗﻘﺮﺍﺀ ﻫﻨﺎﻙ ﻭﺭﺟﻌﻨﺎ ﺍﻟﺒﻴﺖ ﻃﺒﻌﺎ ﺍﻧﺎ ﻣﺎ ﻧﺠﺤﺘﻪ ﻳﻌﻨﻲ ﻣﻨﻴﻪ ﺳﻘﻄﺖ ‏( ﺍﻧﺘﻮ ﻣﺮﻛﺰﻳﻦ ﺻﺎﺡ ‏) ﻭﺍﺣﻤﺪ ﻛﻤﺎﻥ ﻣﺎ ﻧﺠﺢ ﻧﺘﻴﺠﺔ ﺍﻟﻘﺒﻮﻝ ﻃﻠﻌﺖ ﻭﺍﻣﻨﻴﺔ ﺷﺎﻟﻮﻫﺎ ﺟﺎﻣﻌﺔ ﺍﻟﺨﺮﻃﻮﻡ ﺍﻣﻲ ﻗﺎﻟﺖ ﻣﺎ ﺑﺘﺨﻠﻴﻬﺎ ﺗﺴﺎﻓﺮ ﺑﺮﺍﻫﺎ ﻗﻠﺘﻪ ﻟﻴﻬﺎ ﺍﻧﺎ ﺑﺴﺎﻓﺮ ﻣﻌﺎﻫﺎ ﻭﺑﺸﺘﻐﻞ ﻭﻫﻲ ﺗﻘﺮﺍﺀ ﺍﻣﻲ ﻗﺎﻟﺖ ﻟﻲ ﻋﻴﺪﻱ ﺍﻟﺴﻨﻪ ﻗﻠﺘﻪ ﻟﻴﻬﺎ ﻣﺎ ﻋﺎﻳﺰﻩ ﺍﻧﺎ ﺍﺻﻼ ﻣﺎ ﻛﻨﺖ ﺣﻘﺮﺍﺀ ﺍﻟﺠﺎﻣﻌﻪ ﺣﺘﻰ ﻟﻮ ﻧﺠﺤﺘﻪ ﻃﺒﻌﺎ ﻗﻠﺘﻪ ﻟﻴﻬﺎ ﻛﺪﺍ ﻋﺸﺎﻥ ﺍﺳﻜﺘﻬﺎ ﺑﺲ ﻭﺍﻧﺴﻴﻬﺎ ﻣﻮﺿﻮﻉ ﺍﻻﻋﺎﺩﺓ ﺍﺣﻤﺪ ﻗﺎﻝ ﺑﺮﺿﻮ ﺣﻴﻤﺸﻲ ﻣﻌﺎﻧﺎ ﺍﻟﺨﺮﻃﻮﻡ ﻻﻧﻮ ﻋﺎﻳﺰ ﻳﺸﺘﻐﻞ ﻭﻳﻠﻢ ﻗﺮﻭﺵ ﻋﺸﺎﻥ ﻳﺘﺰﻭﺝ ﻣﻨﻴﻪ ﻭﻫﻲ ﺗﺘﻜﺸﻢ ﺳﺎﻱ ﻭﺗﺘﺨﺠﻞ ﻗﻠﺘﻪ ﻟﻴﻬﻢ ﻫﻮﻱ ﺑﻄﻠﻮ ﻋﻮﻻﻕ ﻭﺭﺍﻋﻮ ﻟﻲ ﻣﺸﺎﻋﺮﻱ ﺷﻮﻳﺔ ﺍﺣﻤﺪ ﻗﺎﻝ ﻟﻲ ﺍﻧﺘﻲ ﺷﺒﻪ ﺍﻟﺒﻨﺎﺕ ﻣﺎ ﻓﻴﻚ ﻭﻣﺴﺘﺮﺟﻠﺔ ﻭﻟﻮ ﻣﺎ ﻛﻨﺘﻲ ﺑﺘﺸﺒﻬﻲ ﻣﻨﻴﺘﻲ ﻛﻨﺖ ﻣﺴﺤﺘﻪ ﺑﻴﻚ ﺍﻻﺭﺽ ﻗﻠﺘﻪ ﻟﻴﻬﻮ ﻭﺍﻧﺖ ﻓﻀﻠﺘﻪ ﻓﻴﻬﺎ ﺷﻨﻮ ﺑﻌﺪ ﻛﺪﺍ ﺑﻌﺪ ﻛﻢ ﻳﻮﻡ ﺷﺪﻳﻨﺎ ﺍﻟﺮﺣﺎﻝ ﻟﻲ ﺑﻠﺪ ﺍﻟﻐﺮﺑﻪ ﺑﻠﺪ ﻣﺎ ﺑﻨﻌﺮﻑ ﻓﻴﻬﺎ ﻭﻻ ﺣﺎﺟﻪ ﻭﻣﺎ ﻋﻨﺪﻧﺎ ﻗﺮﺍﻳﺐ ﻓﻴﻬﺎ ﻭﺍﺣﻤﺪ ﻣﻌﺎﻧﺎ ﺭﻛﺒﻨﺎ ﺍﻟﺒﺎﺹ ﻭﺍﺗﺤﺮﻙ ﺑﻴﻨﺎ .........
ﻃﺒﻌﺎ ﻗﺼﺘﻨﺎ ﻧﺤﻦ ﺍﻟﺘﻼﺗﻪ ﺣﺘﺒﺪﺍﺀ ﻓﻲ ﺍﻟﺨﺮﻃﻮﻡ