ﺑﻨﺖ ﺍﻟﺠﻴﺮﺍﻥ
ﺍﻟﺠﺰﺀ ﺍﻟﺜﺎﻧﻲ
ﻟﻠﻜﺎﺗﺐ : ﺳﻠﻴﻤﺎﻥ ﻧﺠﻢ ﺍﻟﺪﻳﻦ
$$$$ $$$$ $$$
ﺭﺍﺳﻲ ﻓﺎﺭ ﻭﺍﻧﺎ ﻋﺎﻳﺰ ﺍﻋﺮﻑ ﺍﻟﺒﻨﺖ ﺩﻱ ﻣﺎﻟﻪ ﻳﺎﺭﺑﻲ ﻭﻋﻨﺪﻫﺎ ﺷﻨﻮ ﻣﻊ ﺳﻴﺪ ﺍﻟﺪﻛﺎﻥ ﺩﺍ
ﻭﺻﻠﺘﻪ ﺍﻟﺒﻴﺖ ﻭﻗﻠﺘﻪ ﺍﺳﺘﻨﺎﻫﺎ ﻋﻠﻲ ﺑﺎﺏ ﺑﻴﺘﻨﺎ ﻻﻧﻮ ﺍﺻﻼ ﺩﺍ ﺷﺎﺭﻋﻬﺎ ﺍﻟﺤﺎ ﺗﺠﻲ ﺑﻴﻪ ﻭﺍﺳﺎﻟﻪ ﻣﻦ ﺍﻟﺰﻭﻝ ﺩﺍ ﻣﺎﻟﻮ ﻣﻌﺎﻫﺎ
ﺑﺲ ﻛﻨﺖ ﺧﺎﻳﻒ ﺗﺤﺮﺟﻨﻲ ﺯﻱ ﻣﺎ ﻗﺒﻞ ﻛﺪﻩ ﺳﺎﻟﺘﻬﺎ ﺑﺲ ﻣﺎﻛﺎﻥ ﻗﺪﺍﻣﻲ ﺣﻞ ﺍﻻ ﺍﺳﺎﻟﻬﺎ ﻻﻧﻮ ﺣﺎﺳﻴﻬﺎ ﻣﻀﺎﻳﻘﻪ ﻭﺑﺘﺘﺤﻠﻒ ﻟﻴﻪ ﺍﻧﻮ ﻣﺎﻋﻨﺪﻫﺎ ﻗﺮﻭﺵ ﺯﻳﺎﺩﻩ
ﻓﻀﻠﺘﻪ ﻗﺎﻋﺪ ﺟﻢ ﺑﺎﺏ ﺑﻴﺘﻨﺎ ﻭﻣﻨﺘﻈﺮﻩ ﻭﻃﺒﻌﺎ ﺍﻻﻧﺘﻈﺎﺭ ﺻﻌﺐ ﻭﺍﻟﻠﻪ ﻟﻤﺎ ﺗﻜﻮﻥ ﻋﺎﻳﺰ ﺣﺎﺟﻪ ﻭﻣﻨﺘﻈﺮﻩ
ﺷﺎﻳﻔﻬﺎ ﺟﺎﻳﻪ ﻋﻠﻲ ﻭﻋﻴﻨﻬﺎ ﻣﻜﺴﻮﺭﻩ ﻣﺎﻟﺒﻨﺖ ﺍﻟﺴﻤﺤﻪ ﺩﻳﻚ ﺍﻟﻜﻞ ﺷﺒﺎﺏ ﺍﻟﺤﻲ ﺑﻤﻮﻭﻭﻭﻭﻭﻭﺕ ﻋﻠﻴﻬﺎ ﻣﻦ ﺟﻤﺎﻟﻬﺎ ﻭﺗﻔﺎﺻﻴﻞ ﺟﺴﻤﻬﺎ ﻛﺎﻥ ﻛﻞ ﺣﺪ ﺑﺘﻤﻨﻲ ﺑﺲ ﻟﻮ ﺍﻋﻤﻞ ﺍﻱ ﺣﺎﺟﻪ ﻋﺸﺎﻥ ﺍﻛﻮﻥ ﺟﻤﺒﻬﺎ ﺍﻭ ﺗﺪﻳﻪ ﻧﻈﺮﻩ ﺑﺲ ﻟﻜﻦ ﻫﻲ ﺑﻌﺪ ﺟﻤﺎﻟﻬﺎ ﺩﺍ ﺑﻨﺖ ﻗﻮﻳﻪ ﻭﻣﺎﺳﺎﻫﻠﻪ ﺑﺎﻟﻤﺮﻩ ﻭﺻﻌﺐ ﺍﻧﻚ ﺗﺼﻞ ﻟﻴﻬﺎ ﺑﺎ ﺍﻱ ﻭﺳﻴﻠﻪ
ﻃﺒﻌﺎ ﻭﺻﻠﺘﻨﻲ ﻭﻗﻠﺘﻪ ﻻﺯﻡ ﺍﻭﻗﻔﻪ ﻭﺍﺳﺎﻟﻪ ﺍﻟﻌﺎﻳﺰ ﺍﺣﺼﻞ ﺍﺣﺼﻞ ﺑﺲ ﻻﺯﻡ ﺍﻋﺮﻑ ﻟﻴﻪ ﺳﻴﺪ ﺍﻟﺪﻛﺎﻥ ﺩﺍ ﺑﺘﻌﺎﻣﻞ ﻣﻌﺎﻫﺎ ﻛﺪﻩ .
ﻭﻓﻌﻼ ﻭﻗﻔﺘﻬﺎ ﻭﺳﻠﻤﺘﻪ ﻋﻠﻴﻬﺎ ﻭﺑﺒﻞ ﻣﺎﺗﻘﻮﻝ ﺍﻱ ﺣﺎﺟﻪ ﻗﻠﺘﻪ ﻟﻴﻬﺎ ﺍﻧﺎ ﻣﺎﻣﻮﻗﻔﻚ ﻋﺎﻳﺰ ﺍﻋﺎﻛﺴﻚ ﺍﺑﺪﺍ ﻭﺍﻟﻠﻪ ﻻﺳﻤﺢ ﺍﻟﻠﻪ ﺑﺲ ﻭﻗﻔﺘﻚ ﻻﻧﻲ ﻣﻬﺘﻢ ﻟﻲ ﺍﻣﺮﻙ ﺑﺲ ﻣﺎ ﺍﻛﺘﺮ ﻭﺍﻧﺘﻲ ﻓﻲ ﺍﻟﻨﻬﺎﻳﻪ ﺟﺎﺭﺗﻲ ﻭﻟﻲ ﺣﻖ ﻋﻠﻴﻚ ﻟﻤﺎ ﺍﻟﻘﺎﻙ ﻣﻬﻤﻮﻭﻭﻣﻪ ﻭﻣﺎﻋﺎﺩﻳﻪ ﺍﻋﺮﻑ ﻣﺎﻟﻚ
ﺭﺩﺕ ﻋﻠﻲ ﻭﻣﺎﻛﻨﺖ ﻣﺴﺘﻐﺮﺏ ﻣﻦ ﺭﺩﻫﺎ ﻋﻠﻲ
ﺍﻧﺖ ﺧﺎﻳﻒ ﻋﻠﻲ ﻣﻬﺘﻢ ﻟﻲ ﺍﻣﺮﻱ ﻫﺎﻫﺎﻫﺎﻫﺎ ﺿﺤﻜﺘﻪ ﺿﺤﻜﻪ ﻏﺮﻳﺒﻪ ﻭﻗﺎﻟﺖ ﻟﻲ ﻣﺎﺑﺘﻔﺮﻕ ﺣﺎﺟﻪ ﻣﻦ ﺍﺻﺤﺎﺏ ﺍﻟﻜﻞ ﻳﻮﻡ ﺑﻼﺣﻘﻮﻧﻲ ﺑﺲ ﻋﺸﺎﻥ ﺟﺴﻤﻲ ﻭﻋﺸﺎﻥ ﺍﻧﺎ ﺑﻨﺖ ﻭﻣﺎﻟﻲ ﺍﺧﻮﺍﻥ ﻟﻮ ﻛﺎﻥ ﻟﻲ ﺍﺧﻮ ﻣﺎﻛﺎﻥ ﺍﻧﺎ ﻓﻲ ﺍﻟﺤﺎﻟﻪ ﺩﻱ ﺑﺲ ﺍﻧﺎ ﻭﺳﻂ ﻏﺎﺑﻪ ﻣﻦ ﺍﻟﻮﺣﻮﺵ ﻣﺎﻫﺎﻣﻴﻬﻢ ﻏﻴﺮ ﻧﻔﺴﻬﻢ ﺑﺲ ﻭﺑﻨﻈﺮﻭ ﻟﻲ ﻧﻈﺮﻩ ﺍﻏﺮﺍﺀ ﻭﺍﻧﺎ ﻓﺎﻫﻤﺎﻛﻢ ﻭﺍﻟﻠﻪ ﻭﺍﺣﺪ ﻭﺍﺣﺪ
ﻭﺷﻜﺮﺍ ﻳﺎﺳﻴﺪﻱ ﻋﻠﻲ ﺍﻫﺘﻤﺎﻣﻚ ﺑﺲ ﻣﺎﻓﻲ ﺣﺎﺟﻪ ﺍﺣﻜﻴﻬﺎ ﻟﻴﻚ ﻭﺗﺎﻧﻲ ﻣﺮﻩ ﻻ ﺗﻮﻗﻔﻨﻲ ﻓﻲ ﺍﻟﺸﺎﺭﻉ ﻛﺪﻩ ﺗﻤﺎﻡ ﺍﻧﺖ ﺟﺎﺭﻱ ﻭﺍﻱ ﺣﺎﺟﻪ ﺑﺲ ﻣﺎﻋﻨﺪﻙ ﺣﻖ ﺍﻧﻚ ﺗﻮﻗﻔﻨﻲ ﺗﻤﺎﻡ
ﺍﻧﺎ ﺍﺿﺎﻳﻘﺘﻪ ﻣﻨﻬﺎ ﺷﺪﻳﺪ ﻭﺍﻧﻔﻌﻠﺘﻪ ﻣﻦ ﻛﻼﻣﻬﺎ ﻭﺭﺩﻳﺖ ﻋﻠﻴﻬﺎ ﺑﺎ ﺻﺮﺭﺭﺍﺥ ﻭﺍﻧﻔﻌﺎﻝ
ﺍﻧﺘﻲ ﻗﺎﻳﻠﻪ ﻧﻔﺴﻚ ﻣﻨﻮ ﻳﺎ ﺑﻨﺖ ﻋﺸﺎﻥ ﻛﻞ ﻣﺮﻩ ﺗﺠﺮﺣﻴﻨﻲ ﺑﺎﻟﻜﻼﻡ ﺩﺍ
ﺍﻧﺎ ﻣﺎﺷﺎﻓﻊ ﺗﻤﺎﻡ ﻋﺸﺎﻥ ﺗﻘﻮﻟﻲ ﻛﻼﻡ ﺍﻟﺰﻱ ﺍﻟﺴﻢ ﺩﺍ
ﺍﻟﻮﺍﺣﺪ ﻟﻲ ﺛﺎﻧﻴﻪ ﺣﺴﻪ ﺍﻧﻮ ﻣﻤﻜﻦ ﺍﻛﻮﻥ ﻓﻲ ﻣﻘﺎﻡ ﺍﻟﺼﺪﻳﻖ ﻭﺍﻧﺎ ﺍﻫﺘﻤﻴﺖ ﻟﻲ ﺍﻣﺮﻙ ﻋﺸﺎﻥ ﻣﺎﻋﻨﺪﻙ ﺍﺥ ﻭﻋﺸﺎﻥ ﻋﺎﺭﻓﻚ ﻭﻣﺘﺎﻛﺪ ﺍﻧﻚ ﻓﻲ ﻭﺭﻃﻪ ﺑﺲ ﻣﻌﺎﻧﺪﻩ ﺗﻘﻮﻟﻲ ﻧﻔﺴﻲ ﺍﻋﺮﻑ ﺍﻧﺘﻲ ﺑﺘﺠﻴﺒﻲ ﺍﻟﻜﻼﻡ ﺍﻟﺤﺎﺭ ﺩﺍ ﻣﻦ ﻭﻳﻦ ﺣﺪ ﻣﻬﺘﻢ ﺑﻴﻚ ﻭﻧﻔﺴﻮ ﺍﻛﻮﻥ ﻗﺮﻳﺐ ﻟﻴﻚ ﻭﺍﻋﺮﻑ ﺗﻔﺎﺻﻴﻠﻚ ﻭﻣﺎﻓﻲ ﺣﺎﺟﻪ ﺑﺘﺨﻠﻴﻨﻲ ﺍﻫﺒﻞ ﺑﺎ ﻧﻔﺴﻲ ﻟﻮ ﻣﺎﺟﺪ ﺍﻧﺎ ﻣﻌﺘﺒﺮﻙ ﺟﺎﺭﺗﻲ ﻭﻓﻲ ﻣﻨﺰﻟﻪ ﻛﺒﻴﺮﻩ ﻋﻨﺪﻱ ﻭﻗﺒﻞ ﺍﻟﻴﻮﻡ ﻣﺎﺣﺼﻞ ﺍﻋﺘﺮﺿﺘﻪ ﻟﻴﻚ ﻃﺮﻳﻖ ﺍﺻﻼ
ﻭﺍﻧﺎ ﺳﺎﻟﺘﻚ ﻣﺎﻟﻚ ﻭﻓﻴﻚ ﺷﻨﻮ ﻋﺸﺎﻥ ﺍﻧﺎ ﺳﻤﻌﺘﻪ ﺣﻮﺍﺭﻙ ﻣﻊ ﺳﻴﺪ ﺍﻟﺪﻛﺎﻥ ﻭﻫﻮ ﻛﺎﻥ ﺑﻘﻮﻝ ﻟﻴﻚ ﻋﺎﻳﺰ ﻓﻠﻮﺱ ﺯﻳﺎﺩﻩ
ﺣﺒﻴﺖ ﺍﻋﺮﻑ ﻭﻟﻮ ﻓﻲ ﺣﺎﺟﻪ ﻣﻤﻜﻦ ﺍﺳﺎﻋﺪﻙ ﻓﻴﻬﺎ ﺑﺲ ﺧﻴﺮ ﻳﺎ ﺟﺎﺭﺗﻲ ﻭﺍﻭﻋﺪﻙ ﺗﺎﻧﻲ ﻣﺎ ﺍﻋﺘﺮﺽ ﻃﺮﻳﻘﻚ ﻳﺎﻟﻠﻪ ﺳﻼﻡ
ﻭﺛﺒﻞ ﺍﻣﺸﻲ ﻣﻨﻬﺎ ﺍﺷﻮﻓﻬﺎ ﺑﺘﺒﻜﻲ ﻭﺩﻣﻌﺘﻪ ﻧﺎﺯﻟﻪ ﻣﻨﻬﺎ
ﺍﻧﺎ ﺻﺮﺍﺣﻪ ﻟﻲ ﻟﺤﻈﻪ ﻣﺎﻛﻨﺖ ﻋﺎﻳﺰ ﺍﺭﺟﻊ ﻭﺍﺳﺎﻟﻬﺎ ﺑﺲ ﺣﺴﻴﺖ ﺍﻧﻬﺎ ﻣﻤﻜﻦ ﺗﻜﻮﻥ ﻣﺤﺘﺎﺟﺎﻧﻲ ﺑﺎﻟﺠﺪ ﻭﻣﺎﻗﺪﺭﺗﻪ ﺍﻣﺸﻲ
ﺭﺟﻌﺘﻪ ﺧﻄﻮﺍﺗﻲ ﻭﺟﻴﺖ ﺟﻤﺒﻬﺎ ﻭﻣﻦ ﻏﻴﺮ ﻣﺎ ﺍﺣﺲ ﺍﻟﻘﺎﻫﺎ ﺭﻣﺖ ﻧﻔﺴﻬﺎ ﻓﻲ ﺣﻀﻨﻲ ﻭﺑﺘﺒﻜﻲ ﺑﺎ ﺣﺮﻗﻪ ﻣﻦ ﺟﻮﻩ ﻗﻠﺒﻪ
ﻭﺑﺘﻘﻮﻝ ﻟﻲ ﻋﻠﻴﻚ ﺍﻟﻠﻪ ﺳﺎﻋﺪﻧﻲ ﻭﺍﻧﺎ ﻣﺎﻋﺎﺭﻓﻪ ﺍﻋﻤﻞ ﺷﻨﻮ ﻭﻻ ﺍﺗﺼﺮﻑ ﻛﻴﻒ
ﻃﻴﺐ ﻃﻴﺐ ﻛﺪﻱ ﺍﺳﻜﺘﻲ ﻭﻧﺤﻨﺎ ﻓﻲ ﺍﻟﺸﺎﺭﻉ ﻭﻟﻮ ﺟﺎ ﺯﻭﻝ ﻭﺷﺎﻓﻚ ﻓﻲ ﺣﻀﻨﻲ ﻛﺪﻩ ﺩﺍ ﺣﺎﻳﺒﻘﻲ ﺧﺼﻢ ﻋﻠﻴﻚ ﻳﺎ ﺑﻨﺖ
ﺍﻧﺎ ﺭﻏﻢ ﺍﻧﻲ ﻛﻨﺖ ﻣﺘﺸﻮﻕ ﻭﻣﺘﻤﻨﻲ ﺍﻧﻲ ﺍﺗﺮﻣﻲ ﻓﻲ ﺣﻀﻨﻬﺎ ﺑﺲ ﺑﻌﺪ ﺣﺴﻴﺖ ﺍﻧﻬﺎ ﺟﺪ ﻣﻜﺴﻮﺭﻩ ﻭﺯﻋﻼﻧﻪ ﻭﺑﺘﺒﻜﻲ
ﺗﻼﺷﺖ ﺍﻣﻨﻴﺎﺗﻲ ﺍﻟﻐﺮﻳﺰﻳﻪ ﻭﺍﻟﺘﻲ ﻛﻨﺖ ﺍﻧﻈﺮ ﻟﻴﻬﺎ ﻣﻦ ﻗﺒﻞ ﺑﺎ ﻧﻈﺮﻩ ﺑﻨﺖ ﻓﺎﺗﻨﻪ ﻭﻋﺎﺟﺒﺎﻧﻲ ﻛﺎ ﺍﻧﺜﻲ ﺑﺎ ﻣﻌﻨﻲ ﺗﻔﺎﺻﻴﻞ ﺍﻻﻧﺜﻲ
ﻭﻗﻠﺘﻪ ﻟﻴﻬﺎ ﻃﻴﺐ ﺍﺳﻜﺘﻲ ﻭﺑﻄﻠﻲ ﺑﻜﺎ ﻭﻣﺎﻓﻲ ﺣﺎﺟﻪ ﺑﺘﺴﺘﺎﻫﻞ ﺗﺒﻜﻲ ﻋﻠﻴﻬﺎ ﻭﺍﻧﺎ ﻋﺎﻳﺰ ﺍﻋﺮﻑ ﻣﺎﻟﻚ
ﻣﻤﻜﻦ ﺗﺤﻜﻲ ﻟﻲ ﻭﺍﻧﺎ ﻋﻠﻲ ﻗﺪﺭ ﻣﺎ ﺍﻗﺪﺭ ﺣﺎ ﺍﺳﺎﻋﺪﻙ ﻭﻣﺎﺗﺨﺎﻓﻲ ﺍﻧﺘﻲ ﻣﻌﺎﻱ
ﻭﻟﺴﻪ ﺗﻨﺎﻫﻴﺪ ﺍﻟﺒﻜﺎﺀ ﻣﺎﻓﺎﺭﻗﺖ ﺣﻨﺠﺮﺗﻪ ﻭﺍﻧﺎ ﻫﻨﺎ ﺣﺴﻴﺖ ﺍﻧﻲ ﺍﻧﺎ ﻛﻤﺎﻥ ﻋﺎﻳﺰ ﺍﺑﻜﻲ ﻻﻧﻮ ﻛﻮﻧﻚ ﺗﺸﻮﻑ ﺩﻣﻮﻉ ﺍﻧﺜﻲ ﺗﺘﺴﺎﻗﻂ ﺍﻣﺎﻣﻚ ﻭﻣﺎﺗﺤﺮﻙ ﻓﻴﻚ ﺣﺎﺟﻪ ﺗﺎﻛﺪ ﺍﻧﻚ ﺧﺎﻟﻲ ﻣﻦ ﺍﻟﻤﺸﺎﻋﺮ ﺗﻤﺎﻣﺎ ﻭﺍﻧﻚ ﺯﻭﻝ ﺣﺠﺮ
ﺑﻘﻴﺖ ﺑﻬﺪﻱ ﻓﻴﻬﺎ ﺷﻮﻳﻪ ﺷﻮﻳﻪ ﻭﺣﺴﻴﺖ ﺍﻧﻬﺎ ﻣﺎﺷﻪ ﺗﻬﺪﻱ ﺣﺒﻪ ﺣﺒﻪ
ﻗﻠﺘﻪ ﻟﻴﻬﺎ ﻃﻴﺐ ﺍﺣﻜﻲ ﻣﺎﻟﻚ ﻭﺑﻄﻠﻲ ﺗﺒﻜﻲ ﻋﻠﻴﻚ ﺍﻟﻠﻪ ﻻﻧﻮ ﻭﺍﻟﻠﻪ ﻣﺎﻗﺎﺩﺭ ﺍﺷﻮﻑ ﺩﻣﻮﻭﻋﻚ