ﺍﺣﺒﺒﺘﻚ ﻣﻨﺬ ﺍﻟﺼﻐﺮ
ﺑﻘﻠﻢ : ﻣﻼﺫ ﻣﺤﻤﺪ
ﺍﻟﺤﻠﻘﺔ " ٥ "
ﻧﻮﺭﺍ : ﺍﺍﻱ .. ﻻﺍﺍ ﻻﺍ ﻡ ﺑﻌﺮﻑ ﻳﺎﺥ
ﺍﺳﻴﻞ : ﺗﺘﺬﻛﺮﻱ ﺯﻣﺎﻥ ﻛﻨﺘﻲ ﺑﺘﺤﺒﻴﻬﻮ ﻛﻴﻒ
ﻧﻮﺭﺍ : ﻻ ﻡ ﺑﺘﺬﻛﺮ
ﺍﺳﻴﻞ : ﺛﻤﺢ .. ﻳﻼ ﺍﻧﺎ ﻣﺎﺷﺔ ﺑﺠﻴﻚ ﺑﻜﺮﺓ ﻣﻦ ﺍﻟﺼﺒﺎﺡ ﻋﺸﺎﻥ ﺍﻭﺩﻉ ﻋﻤﻮ ﻳﺤﻴﻰ
ﻧﻮﺭﺍ : ﻋﺸﺎﻥ ﺗﻮﺩﻋﻲ ﻋﻤﻮ ﻳﺤﻴﻰ ﻭ ﺗﺠﻲ ﺗﻘﻌﺪﻱ ﻣﻌﺎﻱ
ﺍﺳﻴﻞ : ﺍﻱ ﺍﻱ ﺍﻥ ﺷﺎﺀ ﺍﻟﻠﻪ
-----------
ﻃﺒﻌﺎ ﻣﺤﻤﺪ ﻡ ﻗﺎﺩﺭ ﻳﻨﻮﻡ ﻣﻦ ﺍﻟﻔﺮﺡ ﻭ ﺍﺗﺼﻞ ﻋﻠﻰ ﺻﺤﺒﻮ ‏( ﺍﻝ Best friend ﻃﺒﻌﺎ ‏)
ﻣﺤﻤﺪ : ﺍﻫﻠﻴﻴﻦ ﻱ ﻋﺰﻭﻭﺯﻱ ﻳﺎﺥ .. ﻳﺎﺥ ﺍﻧﺎ ﺑﺤﺒﻚ ﺣﺐ ﻓﻲ ﺍﻟﺪﻧﻴﺎ ﺩﻱ
ﻋﺰﻭﺯ : ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ .. ﺭﺍﻛﺒﻚ ﺟﻦ ﻱ ﻭﺩ ﺍﻟﻨﺎﺱ .. ﻭ ﺩﺍ ﺷﻨﻮ ﺍﻟﺤﺐ ﺍﻟﻔﺠﺄﺓ ﺩﺍ
ﻣﺤﻤﺪ : ﺑﻜﺮﺓ ﻋﺎﺯﻣﻚ ﻓﻲ my place ﺗﻄﻠﺐ ﺍﺍﺍﺍﻱ ﺷﻲ ﺍﻧﺖ ﻋﺎﻳﺰﻭ ﻭ ﻛﻤﺎﻥ ﻧﺴﻮﻕ ﻣﻌﺎﻧﺎ ﻋﻤﺮ ﻭ ﻣﺎﺯﻥ
ﻋﺰﻭﺯ : ﻻ ﻻ ﻻ ﺩﻱ ﺍﻛﺒﺮ ﻣﻦ ﻛﺪﺍ .. ﺍﻧﺖ ﻣﺤﻤﺪ ؟؟؟
ﻣﺤﻤﺪ : ﻳﺎﺍﺥ ﺑﺘﺘﺬﻛﺮ ﺏ ﻧﻮﺭﺍ ﺍﻟﺤﻜﻴﺖ ﻟﻴﻚ ﻋﻨﻬﺎ
ﻋﺰﻭﺯ : ﺍﺍﺍﻱ ﺍﻫﺎ ﺍﻟﺒﺖ ﺍﻟﺴﻤﺤﺔ ﻣﺎﻟﻬﺎ
ﻣﺤﻤﺪ : ﺣﺎﺧﻄﺒﻬﺎ
ﻋﺰﻭﺯ : ﺧﺴﺎﺍﺭﺓ ﻳﺎﺥ ﻛﻨﺖ ﻋﺎﻳﺰﻫﺎ ﺑﺲ ﺍﻧﺖ ﺳﺒﻘﺘﻨﻲ ‏( ﺩﺍﻳﺮ ﺗﺘﻈﺎﺭﻑ ﻣﺎﻟﻚ ﻟﻮ ﻛﺎﻥ ﺟﻨﺒﻚ ﻛﻨﺖ ﺍﺳﻲ ﻓﻲ ﺍﻟﻌﻨﺎﻳﺔ ﺍﻟﻤﻜﺜﻔﺔ
‏)
ﻣﺤﻤﺪ : ﻣﺎﻓﻲ ﻋﺰﻭﻣﺔ
ﻋﺰﻭﺯ : ﻳﻌﻨﻲ ﺍﻟﺰﻭﻝ ﻡ ﻳﻬﻈﺮ ﻣﻌﺎﻙ
ﻣﺤﻤﺪ : ﻻ ﻻ ﻣﺎﻑ ﻋﺰﻭﻣﺔ
ﻋﺰﻭﺯ : ﻳﺎﺍﺥ ﺍﻧﺎ ﻣﺎ ﺻﺪﻗﺖ ﺻﺤﺒﻲ ﻭ ﺯﻭﻟﻲ ﻭ ﻓﺮﺩﺗﻲ ﺩﺍﻳﺮ ﻳﻌﺰﻣﻨﻲ
ﻣﺤﻤﺪ : ﻣﺎﻑ ﻳﺎ ﺯﻭﻝ ﻻﻛﻴﻦ ﻟﻮ ﺩﺍﻳﺮ ﻋﺰﻭﻣﺔ ﺍﻋﺰﻣﻚ ﻓﻮﻭﻝ ﻇﺎﺍﺑﻂ ﻣﻦ ﻓﺮﻳﺪ
ﻋﺰﻭﺯ : ﻳﺎﺥ ﺍﻧﺖ ﻣﺎﻟﻚ ﺯﻭﻝ ﺣﻤﺎﺭ ﻛﺪﺍ ... ﺧﻼﺹ ﺍﺣﺴﻦ ﺍﻟﻔﻮﻝ ﻣﻦ ﺍﻟﻌﺪﻡ .. ﻃﻤﺎﻉ ﺩﺍ
ﻣﺤﻤﺪ : ﺭﺻﻴﺪﻱ ﻛﻠﻮ ﺧﺴﺮﺗﻮ ﻓﻴﻚ
ﻋﺰﻭﺯ : ﻣﻊ ﺍﻟﺴﻼﻣﺔ ﻡ ﺗﻨﺴﻰ ﺍﻧﺖ ﺑﺘﺤﺒﻨﻲ ﻟﻤﻦ ﺍﺟﻲ ﺍﺫﻛﺮﻙ ﻓﻲ ﺍﻟﺠﺎﻣﻌﺔ ﻡ ﺗﻌﻤﻞ ﻓﻴﻬﺎ ﻧﺴﻴﺖ
ﻣﺤﻤﺪ : ﻣﺶ ﻓﺮﻳﺪ ﺩﺍ ﺧﻠﻴﻴﻨﺎ
ﻋﺰﻭﺯ : ﻣﺎ ﺩﺍﻳﺮ ﻋﺰﻭﻣﺘﻚ ﺯﺍﺗﻮ
ﻭ ﻗﻔﻞ ﺍﻟﺨﻂ
‏( ﻋﺰﻭﺯ ﺩﺍ ﺯﻱ ﻣﺎ ﻗﻠﺖ ﻟﻴﻜﻢ ﺻﺎﺣﺐ ﻣﺤﻤﺪ ﺷﺪﻳﻴﺪ ﻣﻦ ﺍﻟﺜﺎﻧﻮﻱ .. ﺍﺳﻤﻮ ﻋﺰ ﺍﻟﺪﻳﻦ ﺍﻟﺪﻧﻴﺎ ﻛﻠﻠﻬﺎ ﺑﺘﻘﻮﻝ ﻟﻴﻬﻮ ﻋﺰﻭﺯ ﻧﻔﺲ ﻓﻬﻢ ﻣﻴﺪﻭ ﻝ ﻣﺤﻤﺪ ﺑﺲ ﺍﻟﻨﺎﺱ ﺑﻌﺪ ﻛﺪﺍ ﺑﻘﺖ ﺑﺘﻘﻮﻝ ﻟﻴﻬﻮ ﻣﺤﻤﺪ ..
ﻳﻼ ﻋﺰﻭﺯ ﺩﺍ ﻭﻟﺪ ﺍﺑﻴﻀﺎﻧﻲ ﻛﺪﺍ ﻭ ﺷﺎﻃﺮ ﺑﻴﺠﻲ ﺍﻭﻝ ﺍﻟﺪﻓﻌﺔ ﺑﺲ ﺑﻌﺪ ﻣﺮﺍﺕ ﺑﻴﺠﻲ ﺍﻟﺘﺎﻧﻲ .. ﻭ ﺍﺣﻠﻰ ﺣﺎﺟﺔ ﻓﻴﻬﻮ ﻣﺎ ﻋﻨﺪﻭ ﺷﻐﻠﺔ ﺑﺎﻟﺒﻨﺎﺕ .. ﻻ ﻋﻼﻗﺎﺕ ... ﻻ ﻛﻼﻡ ﻓﺎﺭﻍ ‏(
-----------
ﻫﻨﺪ : ﻧﻮﺭﺍ ﻱ ﺑﺖ ﻗﻮﻣﻲ ﺍﺻﺤﻲ ﻧﻀﻔﻲ ﺍﻟﺒﻴﺖ ﺩﺍ ﺍﻟﻀﻴﻮﻑ ﺩﻳﻞ ﺑﻴﺠﻮﺍ ﺍﺳﻲ
ﻧﻮﺭﺍ : ﺍﻱ ﺍﻱ ﺍﻧﺎ ﺻﺎﺣﻴﺔ ﻳﺎ ﺍﺑﻮﻱ ﻭ ﺍﻟﺒﺎﺏ ﻣﻘﻔﻮﻝ ﻳﺎﺥ
ﻫﻨﺪ : ﺍﻭﻻ ﺍﻧﺎ ﻣﺎ ﺍﺑﻮﻙ ﻭ ﺛﺎﻧﻴﺎ ﺑﺎﺏ ﺷﻨﻮ ﻱ ﺑﺖ ﻭ ﺛﺎﻟﺜﺎ ﻗﻮﻣﻲ ﻋﺸﺎﻥ ﺗﻨﻀﻔﻲ ﺍﻟﺒﻴﺖ ﻟﻠﻤﺮﺓ ﺍﻟﺘﺎﻧﻴﺔ ﻭ ﺗﺎﻧﻲ ﻣﺎ ﺍﻋﻴﺪ
ﻧﻮﺭﺍ : ﺍﻱ ﺍﻱ ﺍﻧﺎ ﺻﺎﺣﻴﺔ ﻣﻦ ﻗﺒﻴﻞ ﺍﺳﺴﻲ ﺑﻘﻮﻡ ﺍﺻﻼ ﻗﻤﺖ ﺯﺍﺗﻮ
ﻫﻨﺪ ﺟﻮﺍ ﻧﻔﺴﻬﺎ ﺑﺘﻘﻮﻝ ﺍﺳﻲ ﺍﻟﺒﺖ ﺩﻱ ﻟﻤﻦ ﻳﻌﺮﺳﻮﻫﺎ ﻛﺎﻥ ﻋﻤﻠﺖ ﺍﻟﺤﺮﻛﺎﺕ ﺩﻱ ﺑﻴﻄﻠﻘﻮﻫﺎ ﻣﻦ ﺍﻭﻝ ﺍﺳﺒﻮﻉ
ﻃﺒﻌﺎ ﻧﻮﺭﺍ ﻗﺎﻣﺖ ﻭ ﻧﻀﻔﺖ ﺍﻟﺒﻴﺖ ﻭ ﺍﺳﺘﺤﻤﺖ ﻭ ﻗﻌﺪﺕ ﺍﺗﻮﻧﺴﺖ ﻣﻊ ﺍﻣﻬﺎ ﻭﺍﺑﻮﻫﺎ ﻭ ﺍﺧﺘﻬﺎ ﻭﻃﺒﻌﺎ ﺍﺳﻴﻞ ﺟﺎﺕ ﻧﺎﻃﺔ ﻣﻦ ﺻﺒﺎﺡ ﺍﻟﺮﺣﻤﻦ ﻭ ﺑﻌﺪﻳﻦ ﺍﻟﺒﺎﺏ ﺩﻗﺎ
ﻧﻮﺭﺍ : ﺣﻠﻮﻭﻳﺘﻲ ﺍﻣﺸﻲ ﺍﻓﺘﺤﻲ ﺍﻟﺒﺎﺏ
ﺣﻼ : ﻡ ﻋﻨﺪﻙ ﻛﺮﻋﻴﻦ
ﻧﻮﺭﺍ : ﺑﻄﻠﻲ ﻗﻠﺔ ﺍﺩﺏ ﻋﺸﺎﻥ ﺍﻧﺘﻲ ﺗﺎﻧﻲ ﻣﺎ ﺡ ﺗﺸﻮﻓﻴﻨﻲ
ﺣﻼ : ﺍﺣﺴﺴﻦ ﺣﺎﺟﺔ ... ﺗﺎﻧﻲ ﺡ ﺍﺭﺗﺎﺡ ﺩﻣﺎﻏﻴﺎً ﻣﻨﻚ ﻭ ﻣﻦ ﺍﺳﻴﻞ ‏( ﻻ ﻻ ﺩﻗﻴﻘﺔ ﺩﻱ ﻣﺘﻔﻠﺴﺴﺔ ﺷﺪﻳﻴﺪ ﻳﻼ ﺷﺎﻓﻌﺔ ﻭ ﺍﺭﺗﺎﺡ ﺩﻣﺎﻏﻴﺎ ‏(
ﻳﺤﻴﻰ : ﻧﻮﺭﺍ ﺍﻣﺸﻲ ﺍﻓﺘﺤﻲ ﺍﻟﺒﺎﺏ ﺩﺍ
ﻧﻮﺭﺍ : ﺍﺭﺡ ﻳﺎ ﺍﺳﻴﻞ
ﺣﻼ : ﺍﻧﺘﻲ ﻣﺎﺷﺔ ﻭﻳﻦ ﺍﺻﻼ
ﻧﻮﺭﺍ ﻭ ﺍﺳﻴﻞ ﻣﺸﻮﺍ ﻓﺘﺤﻮﺍ ﺍﻟﺒﺎﺏ ﻭ ﻛﺎﻥ ﺟﺎ ﻣﺤﻤﺪ ﻭ ﻋﻮﺍﻃﻒ ﻭ ﺍﻣﻨﻴﺔ ﻭ ﺳﻠﻤﻰ ﻭ ﺧﺎﻟﺪ ﻃﺒﻌﺎ ﻧﻮﺭﺍ ﻡ ﻋﺮﻓﺖ ﺗﻄﻴﺮ ﻭﻳﻦ
ﺳﻠﻤﻰ : ﺍﻫﻠﻴﻴﻦ ﻛﻴﻔﻚ ﻱ ﻋﺴﻞ
ﻧﻮﺭﺍ : ﺗﻤﺎﻡ ﺍﻟﺤﻤﺪﻟﻠﻪ ﻱ ﺧﺎﻟﺘﻮ .. ﻭﺍﻧﺖ ﻛﻴﻒ
ﺳﻠﻤﻰ : ﺍﻟﺤﻤﺪﻟﻠﻪ
ﻧﻮﺭﺍ : ﺍﺗﻔﻀﻠﻮﺍ
ﻭ ﻛﻠﻬﻢ ﺩﺧﻠﻮﺍ ﻭ ﻃﺒﻌﺎ ﻣﺤﻤﺪ ﻣﻦ ﻡ ﺩﺧﻞ ﻡ ﺯﺣﺎ ﻋﻴﻨﻮ ﻣﻦ ﻧﻮﺭﺍ ﻭ ﻧﻮﺭﺍ ﻃﺒﻌﺎ ﺟﺎﺑﺖ ﻟﻴﻬﻢ ﺍﻟﻌﺼﻴﺮ ﻭ ﻃﻠﻌﺖ ﺯﻱ ﺍﻟﺼﺎﺭﻭﺥ
ﻃﺒﻌﺎ ﻣﺎ ﺍﺗﻜﻠﻤﻮﺍ ﻓﻲ ﻣﻮﺿﻮﻉ ﺍﻟﺨﻄﻮﺑﺔ ﻛﺘﻴﺮ ﻳﻌﻨﻲ ﺑﺲ ﻛﺎﻧﻮ ﺑﻴﻮﺩﻋﻮﺍ ﺍﺑﻮﻱ ﻭ ﺍﻣﻲ ﻭ ﻗﺎﻟﻮﺍ ﺑﻌﺪ ﺍﺑﻮﻱ ﻳﺠﻲ ﺡ ﻳﺤﺪﺩﻭ ﺍﻟﺨﻄﻮﺑﺔ
ﻣﺤﻤﺪ ﻃﻠﺐ ﺍﻧﻮ ﻳﺴﻠﻢ ﻋﻠﻲ ﺑﺲ ﻡ ﺍﻛﺘﺮ ﻗﺎﻝ ﻋﺎﻳﺰ ﻳﺴﻠﻢ ﺑﺲ
ﺟﺎﺗﻨﻲ ﺍﺳﻴﻞ ﻣﺤﻤﺪ ﺩﺍﻳﺮ ﻳﺴﻠﻤﻚ ﻋﻠﻴﻚ ﺍﻟﺴﺎﻋﺔ ﺩﻳﻚ ﺍﻧﺎ ﺳﺤﺖ ﻋﺪﻳﻞ ﺍﻟﻤﻬﻢ ﻟﺒﺴﺖ ﻋﺒﺎﻳﺘﻲ ﻭ ﻣﺸﻴﺖ ﻟﻘﻴﺖ ﻣﺤﻤﺪ ﻭﺍﻗﻒ ﺑﺮﺍ " ﻃﺒﻌﺎ ﺍﺳﻴﻞ ﻣﻌﺎﻱ " ﻳﻼ ﻣﺸﻴﻨﺎ ﻋﻠﻴﻬﻮ ﻭ ﻣﺪّ ﻟﻲ ﻳﺪﻭ ﻳﻌﻨﻲ ﻋﺎﻳﺰ ﻳﺴﻠﻢ ????🀾
ﻣﺤﻤﺪ : ﻛﻴﻔﻚ
ﻧﻮﺭﺍ : ﺗﻤﺎﻡ ﺍﻟﺤﻤﺪﻟﻠﻪ
ﻣﺤﻤﺪ : ﻛﻴﻒ ﺍﺷﺘﻐﻠﺘﻲ ﺍﻻﻣﺘﺤﺎﻧﺎﺕ
ﻧﻮﺭﺍ : ﺗﻤﺎﻡ ﺍﻟﺤﻤﺪﻟﻠﻪ
ﻣﺤﻤﺪ : ﺍﻫﺎ ﻛﻴﻒ ﻣﻊ ﺍﻻﺟﺎﺯﺓ
ﻧﻮﺭﺍ : ﺗﻤﺎﻡ ﺍﻟﺤﻤﺪﻟﻠﻪ
ﺍﺳﻴﻞ : ﻳﺎﺥ ﻓﻜﻴﻨﺎ ﻣﻦ ﺗﻤﺎﻡ ﺍﻟﺤﻤﺪﻟﻠﻪ ﺩﻱ ﻏﻴﺮﻳﻬﺎ ﻳﺎﺥ ﺟﺒﺘﻲ ﻟﻲ ﺍﺧﻼﻗﻲ ﻓﻲ ﻧﺨﺮﺗﻲ ﻋﻮﻳﺮﺓ ﺩﻱ
ﻣﺤﻤﺪ : ﻫﻮﻭﻱ ﺍﻧﺎ ﻡ ﺑﺮﺿﻰ ﻓﻲ ﻧﻮﺭﺗﻲ ﺩﻱ
ﻧﻮﺭﺍ .......... :
ﻳﺘﺒﻊ .........
ﺍﺣﺒﺒﺘﻚ ﻣﻨﺬ ﺍﻟﺼﻐﺮ
ﺑﻘﻠﻢ : ﻣﻼﺫ ﻣﺤﻤﺪ
ﺍﻟﺤﻠﻘﺔ " ٦ "
ﻧﻮﺭﺍ : ﻳﻌﻨﻲ ﺍﻗﻮﻝ ﺷﻨﻮ ‏( ﻡ ﻋﺮﻓﺖ ﺗﺮﺩ ﻟﻲ ﻣﺤﻤﺪ + ﺣﺴﺖ ﺑﻲ ﺧﺠﻞ ﺍﻛﻴﻴﺪ ‏)
ﺍﺳﻴﻞ : ﻗﻠﺖ ﻟﻲ ﻣﺎ ﺑﺘﺮﺿﻰ ﻓﻴﻬﺎ ﻳﺎ ﻣﺤﻤﺪ .... ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﻨﻚ ﻳﺎ ﻧﻮﺭﺍ ﻟﺴﺎﻧﻚ ﺍﻟﻄﻮﻳﻞ ﻣﺸﻰ ﻭﻳﻦ
ﻣﺤﻤﺪ : ﻋﻠﻴﻚ ﺍﻟﻠﻪ ﻳﺎ ﺍﺳﻴﻞ ﺟﻴﺒﻲ ﻟﻲ ﻣﻮﻳﺔ
ﺍﺳﻴﻞ : ﺳﻤﻤﺢ ﻳﺎ ﻣﺤﻤﺪ ﺍﺻﻼ ﻣﻦ ﺍﻻﻭﻝ ﻡ ﻛﻨﺖ ﻋﺎﻳﺰﺓ ﺍﺟﻲ ﺑﺲ ﺩﻱ ﻧﻮﺭﺍ
‏( ﺑﺎﻟﻤﻨﺎﺳﺒﺔ ﻣﺤﻤﺪ ﺑﻴﻘﺮﺍ ﻣﻊ ﺍﺳﻴﻞ ﻓﻲ ﻧﻔﺲ ﺍﻟﺠﺎﻣﻌﺔ ﺑﺲ ﻫﻮ ﺍﻛﺒﺮ ﻣﻨﻬﺎ .. ﺍﺳﻴﻞ ﻳﺎ ﺩﻭﺏ ﺑﺮﻟﻮﻣﺔ ‏)
ﻣﺤﻤﺪ : ﻃﻴﺐ ﻣﻊ ﺍﻟﺴﻼﻣﺔ ﻭ ﻣﺎ ﺗﻨﺴﻲ ﺍﻟﻤﻮﻳﺔ
ﺍﺳﻴﻞ :
‏( ﻧﻮﺭﺍ ﻃﺒﻌﺎ ﺩﺍﻳﺮﺓ ﺗﻤﻮﻭﻭﻭﺕ ﻋﺪﻳﻴﻞ ﻭ ﺍﺳﻴﻞ ﻃﻠﻌﺖ ﻭ ﻣﺤﻤﺪ ﺑﻘﻰ ﺑﻌﺎﻳﻦ ﻝ ﻧﻮﺭﺍ ﺳﺎﺍﻱ ﻭ ﻧﻮﺭﺍ ﺗﺘﻠﻔﺖ ﻭ ﻗﺎﻋﺪﺓ ‏)
ﻛﺪﻱ ﻧﻤﺸﻲ ﻟﻲ ﺍﻟﺠﻤﺎﻋﻪ ﺍﻟﻄﻴﺒﻴﻦ ﺩﻳﻴﻠﻚ ﻃﺒﻌﺎ ﺍﺳﻴﻞ ﺍﻭﻝ ﻡ ﻃﺮﺩﻭﻫﺎ ﺟﺎﺕ ﻗﻌﺪﺕ ﻣﻌﺎﻫﻢ ﻭ ﻗﺒﻞ ﻣﺎ ﺍﺳﻴﻞ ﺗﺠﻲ ﻛﺎﻧﻮﺍ ﺑﻴﺘﻜﻠﻤﻮﺍ ﻓﻲ ﻣﻮﺿﻮﻉ ﺍﻟﺨﻄﻮﺑﺔ ﺍﻟﻤﻬﻢ ﺣﺪﺩﻭﺍ ﻣﻮﻋﺪ ﺍﻟﺨﻄﻮﺑﺔ ﻭ ﺧﺎﻟﺪ ﺟﺎﺗﻮ ﻣﻜﺎﻟﻤﺔ ﻭ ﻃﻠﻊ
ﺳﻠﻤﻰ : ﺍﻧﺘﻲ ﻳﺎ ﻫﻨﺪ ﻟﻤﻦ ﺍﺳﻴﻞ ﺗﻤﺸﻲ ﺍﻟﺠﺎﻣﻌﺔ ﻧﻮﺭﺍ ﺡ ﺗﻘﻌﺪ ﻣﻊ ﻣﻨﻮ ؟؟
ﻫﻨﺪ : ﺡ ﺗﻤﺸﻲ ﻟﻲ ﻫﺎﻟﺔ ‏( ﺩﻱ ﺍﺧﺖ ﻫﻨﺪ ﺍﻟﻜﺒﻴﺮﺓ ‏)
ﺳﻠﻤﻰ : ﻧﺤﻦ ﻣﺎ ﺯﻱ ﺍﻫﻠﻬﺎ ﺗﻘﻌﺪ ﻣﻌﺎﻧﺎ ﺷﻮﻳﺔ ﺍﻭ ﺗﻤﺸﻲ ﺑﻴﺖ ﻧﺎﺱ ﺣﺴﻦ
ﻫﻨﺪ : ﻣﻤﻜﻦ ﺍﻱ
ﺍﺳﻴﻞ : ﻣﻤﻜﻦ ﺍﺩﺧﻠﻬﺎ ﺍﻟﺠﺎﻣﻌﺔ ﺑﺎﻟﺪﺱ
ﻳﺤﻴﻰ : ﺍﻱ ﻣﻤﻜﻦ ﺍﺻﻼ ﻋﺪﻱ ﺩﺍ ﺻﺤﺒﻲ
ﺣﻼ : ﺍﺍﺍﺍﺍﻱ ﻳﺎ ﺑﺎﺑﺎ ﻣﺶ ﺩﺍ ﻋﻤﻮ ﻋﺪﻱ ﺍﻟﻜﺎﻥ ﻻﺑﺲ ﻫﺪﻭﻡ ﺷﺮﻃﺔ ﻭ ﻗﺎﻋﺪ ﺟﻨﺐ ﺍﻟﺒﺎﺏ ‏( ﻗﺼﺪﻫﺎ ﺑﺎﺏ ﺍﻟﺠﺎﻣﻌﺔ ‏)
ﻳﺤﻴﻰ : ﺍﻧﺘﻲ ﻳﺎ ﻣﺴﺘﻬﺒﻠﺔ ﻋﺎﻣﻠﺔ ﺭﻭﺣﻚ ﻧﺎﻳﻤﺔ
ﺣﻼ : ﻳﺎﺥ ﺍﻱ ﻳﺎ ﺑﺎﺑﺎ ﻣﺶ ﺩﺍ ﻫﻮ ؟؟
ﻳﺤﻴﻰ : ﺍﻱ ﻳﻼ ﺍﻃﻠﻌﻲ ﺑﺮﺍ
ﺍﺳﻴﻞ : ﻗﺪﺍﺍﺍﺍﺍﺍﻡ
ﻳﺤﻴﻰ : ﻗﺪﺍﻡ ﻭﻳﻦ
ﺍﺳﻴﻞ : ﻻ ﻻ ﻗﺼﺪﻱ ﻳﻌﻨﻲ ﺍﻧﺖ ﺡ ﺗﻜﻠﻢ ﻋﻤﻮ ﻋﺪﻱ ﻭ ﺗﻮﺭﻳﻬﻮ ﺍﻧﻮ ﻧﻮﺭﺍ ﺡ ﺗﺠﻲ ﻣﻌﺎﻱ
ﺳﻠﻤﻰ : ﺍﻧﺘﻲ ﺑﺘﻘﺮﻱ ﻭﻳﻦ ﻳﺎ ﺍﺳﻴﻞ
ﺍﺳﻴﻞ : ﺍﻟﺨﺮﻃﻮﻡ
ﺳﻠﻤﻰ : ﺑﺘﻘﺮﻱ ﺷﻨﻮ
ﺍﺳﻴﻞ : ﺍﺩﺍﺭﺓ ﺍﻋﻤﺎﻝ ‏( ﺍﻟﻤﺮﺓ ﺩﻱ ﻛﻼﻣﻬﺎ ﻛﺘﻴﻴﻴﺮ ﻳﺎﺥ ‏)
ﺳﻠﻤﻰ : ﺍﻫﺎ ﻛﻮﻭﻳﺲ ﻣﻊ ﻣﺤﻤﺪ ﻓﻲ ﺍﻟﺠﺎﻣﻌﺔ ﺑﺲ ﻣﺤﻤﺪ ﻡ ﻛﻠﻤﻨﻲ
ﺍﺳﻴﻞ : ﺍﻱ ﺷﺎﻳﻔﺎﻫﻮ ﻓﻲ ﺍﻟﺠﺎﻣﻌﺔ
ﺳﻠﻤﻰ : ﺧﻼﺹ ﻟﻤﻦ ﺗﻜﻮﻧﻲ ﻣﺎﺷﺔ ﺍﻟﺼﺒﺎﺡ ﺗﻌﺎﻟﻮﺍ ﺧﻠﻴﻬﻮ ﻳﻮﺻﻠﻜﻢ
ﺍﺳﻴﻞ : ﻻ ﻻ ﺑﻨﻤﺸﻲ ﺑﺎﻟﻤﻮﺍﺻﻼﺕ
ﺳﻠﻤﻰ : ﻻ ﻻ ﻣﺎ ﻫﻲ ﻧﻔﺲ ﺍﻟﺠﺎﻣﻌﺔ ﻋﺎﺩﻱ
ﺍﺳﻴﻞ : ﻻ ﻻ
ﺳﻠﻤﻰ : ﻋﺎﺩﻱ ﻱ ﺑﺖ ﺑﻌﺪﻳﻦ ﻟﻮ ﻣﺎ ﺩﺍﻳﺮﺓ ﺍﻟﻨﺎﺱ ﺗﻘﻮﻝ ﺑﺘﻤﺸﻲ ﻣﻊ ﻭﻟﺪ ﻭﺭﻳﻬﻢ ﺍﻧﻮ ﻧﻮﺭﺍ ﺧﻄﻴﺒﺘﻮ ﺑﺲ ‏( ﻳﺎﺥ ﻣﺎ ﺗﺮﻃﻨﻲ ﻋﺮﺑﻲ ﻛﺘﻴﺮ ‏)
ﺍﺳﻴﻞ : ﺧﻼﺹ ﺧﻼﺹ ﺗﻤﺎﻡ ﺳﻤﺢ ﺑﻮﺭﻳﻬﻢ ‏( ﺍﺗﻐﺎﻇﺖ ﺑﺲ ﻗﺎﻟﺖ ﻛﻼﻣﻬﺎ ﺩﺍ ﺑﻄﺮﻳﻘﺔ ﻇﺮﻳﻔﺔ ﺷﻮﻳﺔ ﻗﺪﺍﻣﺎ ﺑﺲ ﻻﻛﻴﻦ ﻣﻦ ﺟﻮﺍ ﺩﺍﻳﺮﺓ ﺗﻨﺒﺰﻫﺎ ﻋﺪﻳﻞ ‏)
ﻳﺤﻴﻰ : ﺧﻼﺹ ﻳﺎ ﺍﺳﻴﻞ ﻣﻤﻜﻦ ﺗﻤﺸﻮﺍ ﻣﻌﺎﻫﻮ
ﻫﻨﺪ : ﻫﻲ ﻧﻮﺭﺍ ﻭﻳﻦ
ﺍﺳﻴﻞ : ﺑﺮﺍ
ﺳﻠﻤﻰ : ﻣﻊ ﺧﻄﻴﺒﻬﺎ ‏( ﻳﺎﺥ ﺍﻟﺘﻘﻮﻝ ﺩﺍﻳﺮﻳﻦ ﻳﺨﻄﺒﻮﻫﺎ ﻣﺎﺍ ﺗﻜﺘﺮﻳﻬﺎ ‏)
ﺍﺳﻴﻞ : ﺍﻣﻤﻢ ﺍﻱ ﺍﻱ
ﻳﻼ ﻧﺮﺟﻊ ﻭ ﺍﺣﻜﻲ ﻟﻴﻜﻢ ﺣﺼﻞ ﺷﻨﻮ ﻣﻊ ﻣﺤﻤﺪ ﻭ ﻧﻮﺭﺍ
ﻣﺤﻤﺪ : ﻧﻮﺭﺍ ..
ﻧﻮﺭﺍ : ﻧﻌﻢ
ﻣﺤﻤﺪ : ﻋﺎﻳﻨﻲ ﻟﻲ ﻣﺎﻟﻚ ﺑﺘﺘﻠﻔﺘﻲ ﻛﺪﺍ ﺯﻱ ﻣﺮﻭﺣﺔ ﺍﻟﺘﺮﺑﻴﺰﺓ
ﻧﻮﺭﺍ : ﺍﻫﺎ ﻧﻌﻢ
ﻣﺤﻤﺪ : ﻋﺎﻳﻨﻲ ﻟﻲ ﺩﺍﻳﺮ ﺍﺷﻮﻑ ﻋﻴﻮﻧﻚ
ﻧﻮﺭﺍ : ﺍﺳﺘﻐﻔﺮ ﺍﻟﻠﻪ
ﻣﺤﻤﺪ : ﻳﺎﺥ ﻣﺎ ﺍﻧﺘﻲ ﺧﻄﻴﺒﺘﻲ
ﻧﻮﺭﺍ : ﻟﺴﻪ ﻣﺎ ﺧﻄﻴﺒﺘﻚ
ﻣﺤﻤﺪ : ﻃﻴﺐ ﻋﺎﻳﻨﻲ ﻟﻲ ﻭ ﺍﺗﻜﻠﻤﻲ ﺍﻫﺎ ﻛﻴﻒ ﺗﺎﻟﺖ
ﻧﻮﺭﺍ : ﺗﻤﺎﻡ ﺍﻟﺤﻤﺪﻟﻠﻪ
ﻣﺤﻤﺪ : ﺡ ﺗﻘﺮﻱ ﺷﻨﻮ ؟؟
ﻧﻮﺭﺍ : ﻋﻠﻰ ﺣﺴﺐ ﺍﻟﻨﺘﻴﺠﺔ
ﻣﺤﻤﺪ : ﻃﻴﺐ ﺍﻧﺘﻲ ﺍﺻﻼ ﻋﺎﻳﺰﺓ ﺷﻨﻮ ﻭ ﻋﺎﻳﻨﻲ ﻟﻲ ﻭ ﺍﺗﻜﻠﻤﻲ
ﻧﻮﺭﺍ : ﻣﺎ ﺩﺍﻳﺮﺓ ﺍﻋﺎﻳﻦ ﻟﻴﻚ
ﻗﺎﻡ ﻣﺤﻤﺪ ﻣﺴﻚ ﻳﺪﻫﺎ ﻭ ﻗﺎﻝ ﻟﻴﻬﺎ ﻋﺎﻳﻨﻲ ﻟﻲ ﻧﻮﺭﺍ ﻃﺒﻌﺎ ﻗﺮﺑﺖ ﺗﺴﻴﻴﻴﺢ ﻭ ﻋﺎﻳﻨﺖ ﻟﻴﻬﻮ ﻭ ﺯﺣﺖ ﻳﺪﻫﺎ
ﻣﺤﻤﺪ : ﻳﺎﺥ ﺍﻧﺘﻲ ﻟﻲ ﻋﺴﻞ ﻛﺪﺍ
ﻧﻮﺭﺍ : ﺍﺳﻴﻞ ﺍﺗﺎﺧﺮﺕ ﺧﻼﺹ ﺍﻧﺎ ﻣﺎﺷﺔ ﺍﺟﻴﺐ ﺍﻟﻤﻮﻳﺔ
ﻣﺤﻤﺪ : ﻳﺎﺥ ﺍﻧﺎ ﻟﻤﻦ ﺍﻋﺎﻳﻦ ﻟﻴﻚ ﻭ ﺍﺳﻤﻊ ﺻﻮﺗﻚ ﺑﺘﺮﻭﻱ
ﻧﻮﺭﺍ ﻃﺒﻌﺎ ﻣﻦ ﺍﻟﺨﺠﻞ ﻡ ﻋﺮﻓﺖ ﺗﻌﻤﻞ ﺷﻨﻮ ﻛﺎﻧﺖ ﺩﺍﻳﺮﺓ ﺗﻤﺸﻲ ﺑﺲ ﻣﺤﻤﺪ ﻗﺎﻝ ﻟﻴﻬﺎ : ﺩﻗﻴﻘﺔ ﺍﻧﺎ ﻟﺴﺔ ﻡ ﺍﺗﺮﻭﻳﺖ
ﻧﻮﺭﺍ ﻗﺎﻟﺖ ﻟﻴﻬﻮ ﻋﻠﻰ ﺍﺳﺎﺱ ﺍﻧﻬﺎ ﻫﺒﻠﺔ ﻭ ﻡ ﻓﻬﻤﺖ ﻛﻼﻣﻮ : ﻭ ﺍﻧﺎ ﺍﺳﻲ ﻣﺎﺷﺔ ﺍﺟﻴﺐ ﻟﻴﻚ ﺍﻟﻤﻮﻳﺔ
ﻣﺤﻤﺪ : ﺣﺘﻰ ﺍﻟﻬﺒﻞ ﻓﻴﻚ ﺣﻠﻮ ﻋﻠﻰ ﺍﻟﻌﻤﻮﻡ ﺍﻧﺎ ﺑﻜﺮﺓ ﻋﺎﺯﻣﻚ
ﻧﻮﺭﺍ : ﻻ ﻃﺒﻌﺎ
ﻣﺤﻤﺪ : ﻡ ﺗﺨﺎﻓﻲ ﺍﻧﺎ ﻛﻠﻤﺖ ﺍﺑﻮﻙ
ﻧﻮﺭﺍ ..........