ﺭﻭﺍﻳﺔ : ﺯﻭﺍﺝ - ﺗﻘﻠﻴﺪﻱ
# ﺑﻘﻠﻢ : ﻣﻨﻰ ﺳﻠﻴﻤﺎﻥ ‏( ﻧﻮﺷﻪ ‏) -:
# ﺍﻟﺤﻠﻘﻪ : ﺍﻻﻭﻟﻰ
ﺍﻧﺎ ﺍﺳﻤﻲ ﺗﻮﺗﻪ ﻣﻮﻟﻮﺩﺓ ﻓﻲ ﺑﻮﺭﺗﺴﻮﺩﺍﻥ ﺍﻣﻲ ﺍﺳﻤﻪ ﺟﻤﻴﻠﻪ ﻭﺍﺑﻮﻱ ﺍﺳﻤﻮ ﻣﺤﻤﺪ ﺍﻣﻲ ﻭﺍﺑﻮﻱ ﺍﻧﻔﺼﻠﻮ ﻣﻦ ﻭﺍﻧﺎ ﺻﻐﻴﺮﺓ
ﻻﻧﻮ ﺍﺑﻮﻱ ﺍﺗﺰﻭﺝ ﻭﺑﻌﺪﻫﺎ ﺍﻣﻲ ﺍﺗﺰﻭﺟﺖ ﺗﺎﻧﻲ ﻭﺍﻧﺎ ﺍﺗﺮﺑﻴﺖ ﻣﻊ ﺣﺒﻮﺑﺘﻲ ﺍﻡ ﺍﻣﻲ ﺍﺳﻤﻪ ﺳﻌﺎﺩ ﻟﻴﻬﺎ ﺍﻟﺤﻮﻭﻭﻭﻭﺏ ﻛﻠﻮﻭﻭﻭ ﻭﻫﻲ ﺳﺎﻛﻨﻪ ﺍﻟﺨﺮﻃﻮﻡ ﻭﻗﺮﻳﺖ ﻣﻌﺎﻫﺎ ﺍﻟﺮﻭﺿﻪ ﻭﺍﻻﺳﺎﺱ ﻃﺒﻌﺎ ﺍﻣﻲ ﻭﺍﺑﻮﻱ ﺑﻌﺪ ﺍﻧﻔﺼﻠﻮ ﻭﺍﻱ ﻭﺍﺣﺪ ﺍﺗﺰﻭﺝ ﺍﺳﺘﻘﺮﻭ ﺍﻻﺗﻨﻴﻦ ﻣﻊ ﺍﺯﻭﺍﺟﻬﻢ ﻓﻲ ﺍﻟﻘﻀﺎﺭﻑ
ﻭﺍﻣﻲ ﻛﺎﻧﺖ ﻛﻞ ﺍﺟﺎﺯﺓ ﺑﺘﺠﻲ ﺗﻘﻀﻴﻬﺎ ﻣﻌﺎﻧﺎ ﻓﻲ ﺍﻟﺨﺮﻃﻮﻡ ﻫﻲ ﻭﺍﺧﻮﺍﺗﻲ ﺍﻟﺤﻮﻭﻭﻭﺏ ﻣﻊ ﺍﻧﻬﻢ ﺑﻨﺎﺕ ﺍﻣﻲ ﺑﺲ ﻟﻜﻦ ﺑﺤﺒﻬﻢ ﻭﻋﻤﺮﻱ ﻡ ﺣﺴﺴﺘﻬﻢ ﺍﻭ ﻫﻢ ﺣﺴﺴﻮﻧﻲ ﺍﻧﻮ ﺍﺑﻮﻧﺎ ﻣﺎ ﻭﺍﺣﺪ ﻭﺑﺤﺘﺮﻣﻮﻧﻲ ﺷﺪﻳﺪ ﺍﺧﺘﻲ ﺍﻻﺻﻐﺮ ﻣﻨﻲ ﺍﺳﻤﻪ ﻣﻨﻴﻪ ﻭﺍﺻﻐﺮ ﺍﻟﺒﻴﺖ ﺍﺳﻤﻪ ﻳﺴﺮﺍ ﻭﻋﺸﺎﻥ ﻫﻲ ﻗﺼﻴﺮﺓ ﺑﻨﺎﺩﻭﻫﺎ ﺳﻨﻔﻮﺭﻩ ﺧﻠﺼﺘﻪ ﻣﺮﺣﻠﺔ ﺍﻻﺳﺎﺱ ﻭﺩﺧﻠﺘﻪ ﺍﻟﺜﺎﻧﻮﻱ ﻟﻜﻦ ﻣﺎ ﻗﺮﻳﺘﻮ ﻓﻲ ﺍﻟﺨﺮﻃﻮﻡ ﻗﺮﻳﺘﻮ ﻣﻊ ﺧﺎﻟﺘﻲ ﺍﺳﻤﻪ ﻣﻬﺎ ﻓﻲ ﻗﺮﻳﺔ ﺍﺳﻤﻪ ﺍﻟﻤﺮﺍﺑﻴﻊ ﻓﻲ ﻭﻻﻳﺔ ﺍﻟﻨﻴﻞ ﺍﻻﺑﻴﺾ ﻭﺣﻴﺎﺓ ﺍﻟﺮﻳﻒ ﻛﺎﻧﺖ ﺣﻠﻮﻩ ﺷﺪﻳﺪ ﻭﺍﻟﺒﺤﺮ ﻭﺍﻟﺰﺭﺍﻋﻪ ﺣﺎﺟﻪ ﻛﺪﺍ ﻓﻲ ﻣﻨﺘﻬﻰ ﺍﻟﺮﻭﻋﻪ ﻭﻃﺒﻌﺎ ﻓﻲ ﻣﻮﺿﻮﻉ ﺍﻟﻘﺮﺍﻳﺔ ﺩﺍ ﺍﻧﺎ ﻡ ﺷﺎﻃﺮﺗﻪ ﺷﺪﻳﺪ ﻳﻌﻨﻲ ﻣﺎﺷﻪ ﺑﺎﻟﺪﻓﺮﻩ ﻛﺪﺍ ﺑﺰﻳﺪ ﻣﻦ ﺣﻖ ﺍﻟﺤﻜﻮﻣﻪ ﺑﻲ ﻭﺍﺣﺪ ﺍﺗﻨﻴﻦ ﻛﺎﻥ ﻛﺘﺮﺗﻪ ﺳﺒﻌﻪ
ﻭﺣﺎﻟﺘﻮ ﻗﺎﻝ ﺧﺎﻟﺘﻲ ﺍﺳﺘﺎﺫﻩ ﻟﻮ ﻡ ﺍﺳﺘﺎﺫﻩ ﺷﻜﻠﻲ ﻛﺎﻥ ﺣﻜﻮﻥ ﻡ ﻧﺎﻗﺸﻪ ﺣﺎﺟﻪ ﻟﻜﻦ ﻋﺸﺎﻥ ﻣﻌﺎﻣﻠﺔ ﺧﺎﻟﺘﻲ ﻛﺎﻧﺖ ﺣﻠﻮﻩ ﺷﺪﻳﺪ ﻣﺎ ﺣﺴﺴﺘﻨﻲ ﻓﻲ ﻳﻮﻡ ﺍﻧﻮ ﺍﻧﺎ ﻡ ﺑﺘﻬﺎ ﺑﺖ ﺍﺧﺘﻬﺎ ﻭﺍﻧﺎ ﻛﻨﺖ ﺑﺮﻳﺪﺓ ﺷﺪﻳﺪﻩ ﻗﺮﻳﺖ ﻣﻌﺎﻫﺎ ﻣﺮﺣﻠﺔ ﺍﻟﺜﺎﻧﻮﻱ ﻭﺩﺧﻠﺘﻪ ﺗﺎﻟﺘﻪ ﺛﺎﻧﻮﻱ ﺧﻼﺹ ﻭﻋﺎﺭﻓﻴﻦ ﺍﻧﺘﻮ ﺍﻧﺎ ﻣﺎﺷﻪ ﺑﺎﻟﺪﻓﺮﺓ ﻭﺑﻌﺪ ﺩﺍ ﻛﻠﻮ ﻣﺮﺿﺘﻪ ﻭﻋﻤﻠﻮ ﻟﻲ ﻋﻤﻠﻴﺔ ﺯﺍﻳﺪﺓ ﻭﻣﺎ ﺍﻣﺘﺤﻨﺘﻪ ﺩﺍ ﻛﻠﻮ ﻟﻲ ﺧﻴﺮ ﻭﺑﻌﺪﻫﺎ ﺭﺟﻌﺘﻪ ﺍﻟﺨﺮﻃﻮﻡ ﻋﺸﺎﻥ ﺍﻋﻴﺪ ﺍﻟﺴﻨﻪ ﻣﻦ ﺍﻭﻝ ﻭﺟﺪﻳﺪ ....