ﺟﻬﺎﺩ ﻭﺳﺤﺮ *
* ‏( ﺍﻟﺤﻠﻘﻪ ﺍﻟﺮﺍﺑﻌﻪ ﻋﺸـــ 14 ـــﺮ *(
* ﺑﻘﻠﻢ ﻭﺩ ﺍﻟﺤﺪﺍﺩ *
ﻭﻟﻴﺪ ﻟﺒﺲ ﺍﻟﺒﻮﻭﺭﻱ ﺑﺘﺎﻋﻮ ﻭﻗﺎﻝ ﻟﻠﻌﺴﻜﺮﻱ ﺍﻓﺘﺢ ﻟﻴﻬﻮ ﺍﻟﺒﻼﻍ ﺍﻧﺎ ﻃﺎﻟﻊ ﺷﻐﻞ ﻭﻃﻠﻊ ﺑﺮﻩ ﺍﻟﻘﺴﻢ ﺿﺮﺏ ﻟﻲ ﺟﻬﺎﺩ
ﻭﻟﻴﺪ : ﻳﺎ ﺟﻬﺎﺩ ﻋﻠﻰ ﺍﻟﺼﺎﻭﻱ ﺟﺎﻧﺎ ﻓﻲ ﺍﻟﻘﺴﻢ ﻭﻓﺘﺢ ﻓﻴﻚ ﺑﻼﻍ ﻣﺘﻬﻤﻚ ﻓﻴﻬﻮ ﺑﻲ ﺳﺮﻗﻪ ﻭﻗﺎﻝ ﻋﻨﺪﻭ ﺷﻬﻮﺩ ﻋﻠﻰ ﺍﻟﻜﻼﻡ ﺩﺍ ﺍﻧﺎ ﻭﺍﺛﻖ ﻓﻴﻚ ﻭﻣﺘﺎﻛﺪ ﺍﻧﻮ ﺍﻟﻜﻼﻡ ﺩﺍ ﻛﻠﻮ ﻣﺎ ﺣﺎﺻﻞ ﺑﺲ ﻣﻦ ﻧﺎﺣﻴﻪ ﻗﺎﻧﻮﻧﻴﺔ ﻧﺤﻦ ﻣﻔﺮﻭﺽ ﺑﻌﺪ ﺍﻟﺒﻼﻍ ﺍﺗﻔﺘﺢ ﻧﻘﺒﻀﻚ ﻭﻣﺎ ﺡ ﺗﻄﻠﻊ ﺍﻻ ﺑﻲ ﺿﻤﺎﻧﺔ ﻟﺤﺪﻱ ﻣﺎ ﺍﻟﺒﻼﻍ ﻳﻤﺸﻲ ﺍﻟﻤﺤﻜﻤﺔ ﻭﻳﺜﺒﺖ ﺍﻟﺤﺎﺟﻪ ﺩﻱ ﻋﻠﻴﻚ ﺣﺘﻰ ﻳﻜﻮﻥ ﻓﻲ ﺣﻜﻢ ﻭﺍﻧﺎ ﻣﺎ ﺩﺍﻳﺮﻙ ﺗﺘﺠﺮﺟﺮ ﻛﺪﻩ
ﺍﻟﻤﻄﻠﻮﺏ ﻣﻨﻚ ﺗﺨﻔﻲ ﻧﻔﺴﻚ ﻧﻬﺎﺍﺋﻲ ﻭﻣﺎ ﺗﻈﻬﺮ ﻭﻳﺴﺘﺤﺴﻦ ﺗﻄﻠﻊ ﺑﺮﻩ ﻋﻄﺒﺮﻩ ﻻﻧﻮ ﺯﻱ ﻋﻠﻰ ﺩﺍ ﻣﻤﻜﻦ ﻳﺸﺘﺮﻱ ﻣﺤﺎﻣﻴﻦ ﻭﺷﻬﻮﺩ ﻭﻳﻠﺒﺴﻚ ﺍﻟﻘﻀﻴﻪ
ﺟﻬﺎﺩ : ﻫﻮ ﺍﻧﺎ ﻟﻘﻴﺘﻮ ﻭﻳﻦ ﻋﺸﺎﻥ ﺍﺳﺮﻗﻮ؟؟
ﻭﻟﻴﺪ : ﻗﺎﻝ ﺟﺎﻙ ﻑ ﺍﻟﻤﻐﻠﻖ ﺃﺩﺍﻙ ﻗﺮﻭﺵ ﺍﺳﻤﻨﺖ ﻭﺍﻧﺖ ﻧﻜﺮﺗﻮ ﺍﺻﻼ ﺍﻟﻤﻮﺿﻮﻉ ﻛﻠﻮ ﺗﻠﻔﻴﻖ ﻭﻣﺎ ﺗﺸﺘﻐﻞ ﺑﻴﻬﻮ ﻛﺘﻴﺮ ﺍﻟﻤﻬﻢ ﺗﺨﻔﻲ ﻧﻔﺴﻚ ﻭﺍﻧﺎ ﺣﺎ ﺍﺟﺮﺟﺮ ﺍﻟﺒﻼﻍ ﻟﺤﺪﻱ ﻣﺎ ﺗﻄﻠﻊ ﻣﻦ ﻋﻄﺒﺮﻩ ﻋﺸﺎﻥ ﻣﺎ ﻳﻘﺒﻀﻮﻙ
ﺟﻬﺎﺩ : ﺧﻴﺮ ﺍﻥ ﺷﺎﺀ ﺍﻟﻠﻪ
....
ﺣﺴﻦ : ﻑ ﺷﻨﻮ ﻱ ﺟﻬﺎﺩ؟؟
ﺟﻬﺎﺩ : ﻋﻠﻲ ﻓﺎﺗﺢ ﻓﻴﻨﻲ ﺑﻼﻍ ﺑﺘﻬﻤﻨﻲ ﺍﻧﻲ ﺳﺮﻗﺘﻮ ﻭﻗﺎﻝ ﻋﻨﺪﻭ ﺷﻬﻮﺩ ﻭﺍﺳﻲ ﺟﻨﺎﺑﻮ ﻭﻟﻴﺪ ﻃﻠﺐ ﻣﻨﻲ ﺍﺧﺘﻔﻰ !!
ﺣﺴﻦ : ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﺍﻟﺰﻭﻝ ﺩﺍ ﺩﺍﻳﺮ ﻳﺼﻞ ﻟﻲ ﺷﻨﻮ؟؟
ﺟﻬﺎﺩ : ﺩﺍﻳﺮ ﻳﻮﺳﺦ ﺳﻤﻌﺘﻲ ﻗﺪﺍﻡ ﺳﺤﺮ ﺑﻲ ﺃﻱ ﻃﺮﻳﻘﻪ ﻟﻜﻦ ﺍﻟﻠﻪ ﻓﻲ ﻭﻋﺎﻟﻢ ﺑﺎﻟﻨﻮﺍﻳﺎ
ﺣﺴﻦ : ﻃﻴﺐ ﺡ ﺗﻤﺸﻲ ﻭﻳﻦ؟؟
ﺟﻬﺎﺩ : ﻋﻨﺪﻱ ﺧﺎﻟﻲ ﻓﻲ ﻛَﻨُّﻮﺭ ‏( ﺇﺣﺪﻯ ﺍﻟﻘﺮﻯ ﺍﻟﺘﻲ ﺗﻘﻊ ﺷﻤﺎﻝ ﻣﺪﻳﻨﺔ ﻋﻄﺒﺮﻩ ‏) ﺑﻤﺸﻲ ﺍﻗﻌﺪ ﻣﻌﺎﻫﻮ
ﺣﺴﻦ : ﻃﻴﺐ ﺍﻧﺎ ﺡ ﺍﻣﺸﻲ ﻣﻌﺎﻙ
ﺟﻬﺎﺩ : ﻻﻻ ﺍﻧﺖ ﻻﺯﻡ ﺗﻜﻮﻥ ﻗﺎﻋﺪ ﻫﻨﺎ ﻭﺍﻣﻲ ﺩﻱ ﻟﻮ ﺍﺣﺘﺎﺟﺖ ﻟﻲ ﺣﺎﺟﻪ ﺡ ﺗﻀﺮﺏ ﻟﻴﻚ
ﺣﺴﻦ : ﺩﻱ ﺳﺖ ﺍﻟﻜﻞ ﻃﻠﺒﺎﺗﻬﺎ ﺍﻭﺍﺍﻣﺮ
ﺟﻬﺎﺩ : ﺧﻼﺹ ﺍﻧﺎ ﺡ ﺍﻣﺸﻲ ﺍﻟﺒﻴﺖ ﺍﻛﻠﻤﻬﺎ ﻭﺍﺷﺮﺡ ﻟﻴﻬﺎ ﺍﻟﻤﻮﺿﻮﻉ ﺑﺮﺍﺣﻪ ﻭﺡ ﺍﻛﻠﻤﻬﺎ ﺍﻧﻮ ﺍﻧﺎ ﺡ ﺍﻣﺸﻲ ﺍﻗﻌﺪ ﻣﻊ ﺍﺧﻮﻫﺎ ﻓﻲ ﻛﻨﻮﺭ
.....
* ﺩﺍ ﻛﻞ ﺍﻟﻤﻮﺿﻮﻉ ﻳﺎ ﺣﺎﺟﻪ *
ﺍﻟﻨﺎﺱ ﺩﻳﻞ ﺑﻌﺪ ﺍﻟﺒﻼﻍ ﻳﺘﺤﺮﻙ ﻣﻦ ﺍﻟﻄﺒﻴﻌﻲ ﺍﻭﻝ ﻣﻜﺎﻥ ﺡ ﻳﺠﻮ ﻳﺴﺎﻟﻮ ﻣﻨﻲ ﻓﻴﻬﻮ ﻫﻨﺎ ﻑ ﺍﻟﺒﻴﺖ ﻭﺣﺎ ﻳﺠﻮﻙ ﻛﻢ ﻣﺮﻩ ﻓﻲ ﻛﻞ ﻣﺮﻩ ﻗﻮﻟﻲ ﻟﻴﻬﻢ ﺍﻧﻮ ﺍﻧﺎ ﺳﺎﻓﺮﺕ ﺍﺷﺘﻐﻞ ﻑ ﺍﻟﺨﺮﻃﻮﻡ ﻭﺑﺲ ﺗﺎﻧﻲ ﻗﻮﻟﻲ ﻟﻴﻬﻢ ﻡ ﻋﺎﺭﻓﻪ ﻋﻨﻮ ﺍﻱ ﺣﺎﺟﻪ ﻭﺗﻠﻔﻮﻧﻮ ﻣﻘﻔﻮﻝ
ﺍﻡ ﺟﻬﺎﺩ : ﻫﻮ ﺳﺠﻢ ﺍﻟﺮﻣﺎﺩ ﺩﺍ ﺍﻧﺖ ﺑﺘﻌﺮﻓﻮ ﻣﻦ ﻭﻳﻦ ﻭﺍﻟﺨﻼﻫﻮ ﻳﻌﻤﻞ ﻓﻴﻚ ﻛﺪﻩ ﺷﻨﻮ
ﺟﻬﺎﺩ : ﻣﻌﺮﻓﻪ ﺳﻄﺤﻴﻪ ﻛﺪﻩ ﺍﺗﺸﺎﻛﻠﻨﺎ ﻓﻲ ﺳﻮﻕ ﺍﻟﺸﺮﻗﻲ ﻭﺩﻗﻴﺘﻮ ﻗﺪﺍﻡ ﺍﻟﻨﺎﺱ ﻭﺍﺳﻲ ﻫﻮ ﺩﺍﻳﺮ ﻳﻨﺘﻘﻢ ﺑﺎﻟﺒﻼﻍ ﺩﺍ
ﺍﻡ ﺟﻬﺎﺩ : ﺍﻟﻤﻮﺿﻮﻉ ﺩﺍ ﻣﺎ ﺭﺍﻛﺐ ﻟﻲ ﺭﺍﺳﻲ ﻭﺣﺎﺳﻪ ﺍﻧﻮ ﻑ ﺳﺒﺐ ﺗﺎﻧﻲ
ﺟﻬﺎﺩ : ﻟﻮ ﻑ ﺳﺒﺐ ﺗﺎﻧﻲ ﻣﺎ ﻛﺎﻥ ﺩﺳﻴﺘﻮ ﻣﻨﻚ ﻳﺎ ﺍﻣﻲ
ﺍﻡ ﺟﻬﺎﺩ : ﻭﺡ ﺗﻘﻌﺪ ﻑ ﻛﻨﻮﺭ ﻟﻲ ﻣﺘﻴﻦ
ﺟﻬﺎﺩ : ﻟﺤﺪﻱ ﻣﺎ ﺍﻟﻮﺿﻊ ﻳﻬﺪﺃ ﺷﻮﻳﻪ
ﺍﻡ ﺟﻬﺎﺩ : ﺍﻟﻠﻪ ﻳﺴﺘﺮﻫﺎ ﻣﻌﺎﻙ ﻭﻳﻐﻄﻲ ﻋﻠﻴﻚ ﻭﻳﺤﻔﻈﻚ ﺩﻧﻴﺎ ﻭﺁﺧﺮﻩ ﻭﺳﻠﻢ ﻋﻠﻰ ﺧﺎﻟﻚ ﻭﺃﻭﻻﺩﻭ ﻋﻠﻴﻚ ﺍﻟﻠﻪ
ﺟﻬﺎﺩ : ﻳﻮﺻﻞ ﺍﻥ ﺷﺎﺀ ﺍﻟﻠﻪ
....
ﺟﻬﺎﺩ ﻏﻴﺮ ﺷﺮﻳﺤﺘﻮ ﻭﺃﻭﻝ ﺯﻭﻝ ﺿﺮﺏ ﻟﻲ ﺣﺎﺝ ﺍﻟﻤﺎﺣﻲ ﺣﻜﻲ ﻟﻴﻬﻮ ﺍﻟﺤﺎﺻﻞ ﻭﻛﻠﻤﻮ ﺍﻧﻮ ﺍﻟﻔﺘﺮﺓ ﺍﻟﺠﺎﻳﺔ ﺩﻱ ﺡ ﻳﻜﻮﻥ ﺑﺮﻩ ﻋﻄﺒﺮﻩ ﻭﻋﺸﺎﻥ ﻟﻮ ﻧﺎﺱ ﺍﻟﺒﻮﻟﻴﺲ ﺟﻮ ﺍﻟﻤﻐﻠﻖ ﺣﺎﺝ ﺍﻟﻤﺎﺣﻲ ﻳﻜﻮﻥ ﻑ ﺍﻟﺼﻮﺭﻩ ﻭﻣﺎ ﻳﺘﺨﻠﻊ
ﺑﻌﺪ ﺩﺍﻙ ﻣﺸﻲ ﻛﻨﻮﺭ ﻭﺳﻠﻢ ﻉ ﺧﺎﻟﻮ ‏( ﻋﺒﺪﻭ ‏) ﻭﺃﻭﻻﺩﻭ ﻭﻓﻬﻤﻬﻢ ﺍﻧﻮ ﺟﺎﻱ ﻳﻘﻀﻲ ﻣﻌﺎﻫﻢ ﺍﺟﺎﺯﻩ
ﻋﺒﺪﻭ : ﻃﻮﻟﺖ ﻡ ﺟﻴﺘﻨﺎ ﻫﻨﺎ
ﺟﻬﺎﺩ : ﻭﺍﻟﻠﻪ ﻃﻮﻟﺖ ﻳﺎﺥ ﻣﻊ ﺟﺮﻯ ﺍﻟﺪﻧﻴﺎ ﺍﻝ ﻣﺎ ﺑﻨﺘﻬﻲ ﺩﺍ
ﻋﺒﺪﻭ : ﺍﻟﻠﻪ ﻳﺪﻱ ﺍﻟﻌﺎﻓﻴﻪ ﻭﻣﺒﺮﻭﻙ ﻛﻤﺎﻥ ﺍﻣﻚ ﻛﺎﻥ ﻛﻠﻤﺘﻨﺎ ﻗﺎﻟﺖ ﺍﻧﻚ ﺃﺗﻘﺪﻣﺖ ﻟﻲ ﺑﺖ ﺟﻴﺮﺍﻧﻜﻢ ﻭﺍﻟﺨﻄﻮﺑﻪ ﻑ ﺍﻟﻌﻴﺪ
ﺟﻬﺎﺩ : ﺍﻟﻠﻪ ﻳﺒﺎﺭﻙ ﻓﻴﻚ .. ﺃﻱ ﻭﺍﻟﻠﻪ ﻑ ﺍﻟﻌﻴﺪ ﺍﻥ ﺷﺎﺀ ﺍﻟﻠﻪ ﺗﺸﺮﻓﻮﻧﺎ ﻣﻦ ﺑﺪﺭﻱ
ﻋﺒﺪﻭ : ﻣﻦ 20 ﺭﻣﻀﺎﻥ ﻧﺤﻦ ﻣﻌﺎﻛﻢ ﺷﺪ ﺣﻴﻠﻚ ﺑﺲ ﺍﻟﻌﻴﺪ ﻗﺮﺏ
ﺟﻬﺎﺩ : ﺣﺒﺎﺑﻜﻢ ﻃﻦ ﻭﺍﻟﻠﻪ ... ﺍﻧﺖ ﻳﺎ ﺧﺎﻟﻲ ﺍﻟﻌﻤﺎﺭﻩ ﺍﻟﺴﻤﺤﻪ ﺩﻳﻚ ﺣﻘﺖ ﻣﻨﻮﻭ ﺣﻴﺮﺗﻨﻲ ﺯﺍﺗﻮ ﺍﻟﺒﻴﻮﺕ ﻫﻨﺎ ﻛﻠﻬﺎ ﺟﺎﻟﻮﺹ ﺩﺍ ﻣﻨﻮ ﺍﻟﺒﻨﺎ ﻟﻴﻬﻮ ﻋﻤﺎﺭﺓ ﻫﻨﺎ ﻭﻣﺎﻟﻬﺎ ﻭﺍﻗﻔﻪ ﺑﺮﺍﻫﺎ ﻛﺪﻩ ﻣﺎ ﺟﻤﺒﻬﺎ ﺑﻴﺖ
ﻋﺒﺪﻭ : ﺩﻱ ﺣﻘﺖ ﺯﻭﻝ ﺟﻼﺑﻲ ﻣﺸﻬﻮﺭ ﻓﻲ ﻋﻄﺒﺮﻩ ﺍﺳﻤﻮ ﺣﺎﺝ ﺍﻟﺼﺎﻭﻱ ﻟﻤﻦ ﻧﺎﺱ ﺍﻟﺤﻠﻪ ﻋﺮﻓﻮ ﺍﻧﻮ ﺩﺍﻳﺮ ﻳﺒﻨﻲ ﻋﻤﺎﺭﺓ ﻗﺎﻟﻮ ﻟﻴﻬﻮ ﻣﺎ ﺗﺒﻨﻴﻬﺎ ﻓﻲ ﻧﺺ ﺍﻟﺤﻠﻪ ﻋﺸﺎﻥ ﻣﺎ ﺗﻜﺸﻒ ﺑﺎﻗﻲ ﺍﻟﺒﻴﻮﺕ ﻗﺎﻡ ﺑﻨﺎﻫﺎ ﺑﺮﻩ ﻫﻨﺎﻙ ﻛﻞ ﻓﺘﺮﻩ ﺑﺠﻮ ﻫﻮ ﻭﻭﻟﺪﻭ ﺷﺎﻳﻠﻴﻦ ﺷﻨﻂ ﺑﺪﺧﻠﻮﻫﺎ ﺟﻮﻩ ﻭﺑﻄﻠﻌﻮ ﻟﻜﻦ ﻣﺎﻓﻲ ﺯﻭﻝ ﻋﺎﺭﻑ ﺳﺮﻫﻢ ﺷﻨﻮﻭﻭ
ﺟﻬﺎﺍﺩ : ﺍﻳﻮﺍﺍﺍﺍ ﺍﻣﺎﻧﻪ ﻣﺎ ﻭﻗﻊ ﺭﺍﺟﻞ !! ﻛﺪﻱ ﻋﻦ ﺍﺫﻧﻚ ﻳﺎ ﺧﺎﻝ ﻣﺎﺷﻲ ﺍﻟﻌﻤﺎﺭﻩ ﺩﻱ ﻭﺟﺎﻱ
.....
ﺟﻬﺎﺩ ﻣﺸﻲ ﺍﻟﻌﻤﺎﺭﺓ ﻭﻟﻘﻲ ﻟﻴﻬﻮ 3 ﺷﺒﺎﺏ ﻣﻦ ﺍﻟﻨﻮﻉ ﺍﻟﺒﻠﻌﺒﻮ ﻛﻤﺎﻝ ﺃﺟﺴﺎﻡ ﻭﻧﺎﺱ ﻣﻠﻴﺎﻧﻴﻦ ﺣﺎﺭﺳﻴﻦ ﺍﻟﻌﻤﺎﺭﻩ ﻭﺍﺣﺪ ﻓﻴﻬﻢ ﻗﺎﻋﺪ ﻑ ﻛﺮﺳﻲ ﺑﻘﻮﻟﻮ ﻟﻴﻬﻮ ﺍﻟﺮﻳﺲ ﻭﺍﻻﺗﻨﻴﻦ ﺩﻳﻚ ﻭﺍﻗﻔﻴﻦ ﺑﻲ ﻳﻤﻴﻨﻮ ﻭﺷﻤﺎﻟﻮ ﺳﻠﻢ ﻋﻠﻴﻬﻢ ﻛﻠﻬﻢ ﻭﻗﺎﻝ ﻟﻴﻬﻢ ﻋﻨﺪﻱ ﻣﻌﺎﻛﻢ ﺻﻔﻘﻪ
ﺟﻬﺎﺩ : ﻃﻴﺐ ﻳﺎ ﺷﺒﺎﺏ ﺍﻧﺎ ﻋﺎﺭﻑ ﺍﻧﻜﻢ ﺷﻐﺎﻟﻴﻦ ﻣﻊ ﺣﺎﺝ ﺍﻟﺼﺎﻭﻱ ﺣﺎﺭﺳﻴﻦ ﻟﻴﻬﻮ ﺍﻟﻌﻤﺎﺭﻩ ﻭﻋﺎﺭﻑ ﺍﻧﻮ ﺍﻟﻌﻤﺎﺭﻩ ﺩﻱ ﺟﻮﻩ ﻓﻴﻬﺎ ﺟﻤﻴﻊ ﺍﻧﻮﺍﻉ ﺍﻟﻤﺨﺪﺭﺍﺕ ﺍﻭﻝ ﺣﺎﺟﻪ ﺍﻧﺎ ﺍﺳﻤﻲ ﺧﺎﻟﺪ ﺗﺎﺟﺮ ﻣﺨﺪﺭﺍﺕ ﺑﺲ ﻟﺴﻪ ﺷﻐﻠﻲ ﻋﻠﻰ ﺧﻔﻴﻒ ﻣﺎ ﺯﻱ ﺣﺎﺝ ﺍﻟﺼﺎﻭﻱ ﺍﻧﺎ ﻛﻨﺖ ﺑﺸﺘﺮﻱ ﺍﻟﻤﺨﺪﺭﺍﺕ ﻣﻦ ﺣﺎﺝ ﺍﻟﺼﺎﻭﻱ ﻭﻋﻨﺪﻱ ﺯﺑﺎﻳﻦ ﺑﺒﻴﻊ ﻟﻴﻬﻢ ﻟﻜﻦ ﺻﺮﺍﺣﻪ ﺣﺎﺝ ﺍﻟﺼﺎﻭﻱ ﺍﻟﻔﺘﺮﺓ ﺍﻷﺧﻴﺮﺓ ﺩﻱ ﺭﻓﻊ ﻟﻲ ﺍﻟﺴﻌﺮ ﺷﺪﻳﺪ
ﺍﻧﺎ ﺩﺍﻳﺮ ﺍﺗﻌﺎﻣﻞ ﻣﻌﺎﻛﻢ ﺍﻧﺘﻮ ﻣﻦ ﻏﻴﺮ ﻣﺎ ﺣﺎﺝ ﺍﻟﺼﺎﻭﻱ ﻳﻌﺮﻑ ﻭﺑﺪﻝ ﺗﻘﻌﺪﻭ ﺗﺤﺮﺳﻮ ﻟﻴﻬﻮ ﺍﻟﻌﻤﺎﺭﻩ ﺑﻲ ﻣﺮﺗﺐ ﺛﺎﺑﺖ ﻑ ﺷﻬﺮ ﻛﺎﻣﻞ ﺍﻧﺎ ﻣﻤﻜﻦ ﺍﺷﺘﺮﻱ ﺍﻟﻤﺨﺪﺭﺍﺕ ﻣﻨﻜﻢ ﺍﻧﺘﻮ
ﻭﻃﺒﻌﺎ ﺍﻟﺒﻀﺎﻋﺔ ﺟﻮﻩ ﻛﺘﻴﺮﻩ ﺷﺪﻳﺪ ﻳﻌﻨﻲ ﺍﻟﻜﻤﻴﺔ ﺍﻻﻧﺘﻮ ﺡ ﺗﺒﻴﻌﻮﻫﺎ ﻟﻲ ﺩﻱ ﺣﺎﺝ ﺍﻟﺼﺎﻭﻱ ﻣﺎ ﺑﻼﺣﻆ ﻟﻴﻬﺎ ﻭﻻ ﺑﻔﻘﺪﻫﺎ ﺯﺍﺗﻮ ﻭﻣﻨﻬﺎ ﺍﻧﺘﻮ ﺗﺴﺘﻔﻴﺪﻭ ﻭﺍﻧﺎ ﺍﺳﺘﻔﻴﺪ
ﺭﺩ ﻟﻴﻬﻮ ﺍﻟﺮﻳﺲ : ﻭﻧﺤﻦ ﺍﻟﺒﺨﻠﻴﻨﺎ ﻧﻀﻤﻦ ﺷﻨﻮ ﺍﻧﻚ ﻣﺎ ﺗﺎﺑﻊ ﻟﻠﺸﺮﻃﻪ ﻭﺩﻱ ﺗﻜﻮﻥ ﻣﺼﻴﺪﺓ ﻣﻦ ﺍﻟﺤﻜﻮﻣﺔ
ﺟﻬﺎﺩ : ﻳﺎ ﺭﻳِّﺲ ﺍﻟﺤﻜﻮﻣﺔ ﻟﻮ ﻋﺮﻓﺖ ﺍﻧﻮ ﺍﻟﻌﻤﺎﺭﻩ ﺩﻱ ﻓﻴﻬﺎ ﻣﺨﺪﺭﺍﺕ ﻣﺎ ﺑﺘﺮﺳﻞ ﺯﻭﻝ ﻭﺍﺣﺪ ﺑﺘﺮﺳﻞ ﻗﻮﻩ ﻛﺎﻣﻠﺔ ﻳﺪﺍﻫﻤﻮﻛﻢ ﻭﻳﻌﺘﻘﻠﻮﻛﻢ ﻋﺸﺎﻥ ﻛﺪﻩ ﺍﻃﻤﻨﻮ ﻭﺍﻟﻠﻪ ﺍﻟﻌﻈﻴﻢ ﺍﻧﺎ ﻣﺎ ﺗﺎﺑﻊ ﻟﻠﺤﻜﻮﻣﻪ ﻓﻜﺮﻭ ﻓﻲ ﺍﻟﻤﻮﺿﻮﻉ ﻭﺧﻠﻮﻧﺎ ﻧﺒﺪﺃ ﻧﺸﺘﻐﻞ
ﺍﻟﺮﻳﺲ : ﻧﺒﺪﺃ ﺷﻐﻞ ﺍﻟﻤﺎﻓﻲ ﺷﻨﻮ ... ﺃﺳﻰ ﺩﺍﻳﺮ ﺑﻀﺎﻋﻪ؟؟
ﺟﻬﺎﺩ : ﺃﺳﻰ ﻣﺎ ﺷﺎﻳﻞ ﻣﻌﺎﻱ ﻗﺮﻭﺵ ﻟﻜﻦ ﻣﻤﻜﻦ ﺃﺗﻄﻠﻊ ﻋﻠﻰ ﺍﻷﺻﻨﺎﻑ ﺍﻟﻌﻨﺪﻛﻢ ﻭﺍﺳﻌﺎﺭﻫﺎ ﻛﻴﻒ ﻋﺸﺎﻥ ﺑﻜﺮﻩ ﺍﺟﻲ ﺟﺎﻫﺰ
ﺍﻟﺮﻳﺲ ﻃﻠﻊ ﻓﻮﻕ ﻣﻊ ﺟﻬﺎﺩ ﻭ ﺑﻘﻰ ﻻﻓﻲ ﻣﻌﺎﻫﻮ ﻑ ﺍﻟﻌﻤﺎﺭﺓ ﻓﺮﺟﻮ ﻋﻠﻲ ﻛﻞ ﺍﻷﺻﻨﺎﻑ ﻭﻭﺭﺍﻫﻮ ﺍﺳﻌﺎﺭﻫﺎ
ﻭﻣﻦ ﻏﻴﺮ ﻣﺎ ﺍﻟﺮﻳﺲ ﻳﺎﺧﺪ ﺑﺎﻟﻮ ﺃﻭ ﻳﻼﺣﻆ ﻟﻲ ﺣﺎﺟﺔ ﺟﻬﺎﺩ ﺻﻮَّﺭ ﺍﻟﻌﻤﺎﺭﻩ ﻛﻠﻬﺎ ﻭﺍﻟﺒﻀﺎﻋﻪ ﺍﻟﻔﻴﻬﺎ ﻭﺍﺗﻔﻖ ﻣﻌﺎﻫﻢ ﺍﻧﻮ ﺑﻜﺮﻩ ﻳﺠﻲ ﻳﺸﺘﺮﻱ
.....
ﻋﻠﻰ ﻣﺸﻲ ﺍﻟﻘﺴﻢ ﻳﺸﻮﻓﻬﻢ ﻋﻤﻠﻮ ﺷﻨﻮ ﻑ ﻣﻮﺿﻮﻉ ﺍﻟﺒﻼﻍ ﻭﻻﻗﻰ ﺟﻨﺎﺑﻮ ﻭﻟﻴﺪ
ﻋﻠﻰ : ﺳﻼﻡ ﻋﻠﻴﻜﻢ ﻳﺎ ﺳﻌﺎﺩﺓ ﺍﻫﺎ ﻓﻲ ﺟﺪﻳﺪ ﻓﻲ ﻣﻮﺿﻮﻉ ﺍﻟﺒﻼﻍ
ﻭﻟﻴﺪ : ﺍﻧﺖ ﻣﺶ ﺧﻠﻴﺖ ﻟﻴﻨﺎ ﺭﻗﻤﻚ ﻫﻨﺎ؟؟ ﻟﻮ ﻑ ﺟﺪﻳﺪ ﻛﺎﻥ ﺿﺮﺑﻨﺎ ﻟﻴﻚ ﺍﻟﺰﻭﻝ ﺩﺍ ﺣﺴﺐ ﻣﻌﻠﻮﻣﺎﺗﻨﺎ ﺍﻧﻮ ﺧﺎﺭﺝ ﻋﻄﺒﺮﻩ
ﻋﻠﻲ : ﻭﺡ ﺗﺨﻠﻮ ﻛﺪﻩ ﻳﻌﻨﻲ
ﻭﻟﻴﺪ : ﺩﺍ ﺷﻐﻠﻨﺎ ﻧﺤﻦ ﻣﺎ ﺑﺘﻮﺭﻳﻨﺎ ﻟﻴﻬﻮ ﺍﻧﺖ !!! ﺍﻧﺖ ﺍﻟﻌﻠﻴﻚ ﻋﻤﻠﺘﻮ ﺍﻧﺘﻈﺮ ﻣﻨﻨﺎ ﺗﻠﻔﻮﻥ ...
ﻋﻠﻰ ﻃﻠﻊ ﻣﻦ ﺍﻟﻘﺴﻢ ﻭﻻﻗﻰ ﻣﻼﺫ ﺑﺮﻩ ﺟﻤﺐ ﺍﻟﻘﺴﻢ
ﻣﻼﺫ : ﺍﺑﻮ ﻋﻠﻮﻩ ﺍﻧﺖ ﺣﻲ ﻳﺎ ﺯﻭﻝ ﻭﻳﻦ ﻃﻮﻟﻨﺎ ﻣﺎ ﺷﻔﻨﺎﻙ؟؟
ﻋﻠﻰ : ﻗﺎﻋﺪ ﻭﺍﻟﻠﻪ ﺑﺲ ﺍﻻﻳﺎﻡ ﺩﻱ ﺍﻟﺸﻐﻞ ﻭﺍﻗﻒ ﻣﺎ ﻗﺎﻋﺪ ﺍﺟﻲ ﺍﻟﻤﻜﺘﺐ ﻋﺸﺎﻥ ﻛﺪﻩ
ﻣﻼﺫ : ﺍﻫﺎ ﺗﻤﺎﻡ ﻭﻣﺎﻟﻚ ﻃﺎﻟﻊ ﻣﻦ ﺍﻟﻘﺴﻢ ﺍﻥ ﺷﺎﺀ ﺍﻟﻠﻪ ﺧﻴﺮ
ﻋﻠﻰ : ﺗﺘﺰﻛﺮﻱ ﺟﻬﺎﺩ ﺍﻟﻘﻠﺖ ﻟﻴﻚ ﺍﻧﻮ ﻋﺎﻣﻞ ﻣﻌﺎﻱ ﻣﻮﻗﻒ ﻣﺎ ﻇﺮﻳﻒ ﻭﻋﺎﻳﺰ ﺍﻧﺘﻘﻢ ﻣﻨﻮ؟؟ ﻳﻼ ﺍﻟﺰﻭﻝ ﺩﺍ ﺳﺎﺭﻕ ﻣﻨﻲ ﻗﺮﻭﺵ ﻭﺍﻧﺎ ﻓﺎﺗﺢ ﻓﻴﻬﻮ ﺑﻼﻍ ﻭﻫﻮ ﺷﺎﺭﺩ ﺑﺮﻩ ﻋﻄﺒﺮﻩ ﻭﺍﺳﻲ ﺍﻧﺎ ﺟﻴﺖ ﺍﺷﻮﻓﻬﻢ ﻋﻨﺪﻫﻢ ﺃﺧﺒﺎﺭ ﻣﻨﻮﻭ
ﻣﻼﺫ : ﻫﻮ ﻗﺎﻋﺪ ﻓﻲ ﻋﻄﺒﺮﻩ ﻟﻜﻦ ﻣﺎ ﺑﺮﻩ !! ﻭﻣﺘﻮﺍﺻﻞ ﻣﻌﺎﻱ ﻭﻋﺎﻣﻞ ﻓﻴﻬﺎ ﺻﺎﺣﺒﻲ ﻭﻛﻞ ﻳﻮﻡ ﺑﻀﺮﺏ ﻟﻲ ﻳﺘﻮﻧﺲ ﻣﻌﺎﻱ ﻭﻳﻘﻔﻞ ﻭﺑﺎﻟﻤﻨﺎﺳﺒﺔ ﺍﻋﻤﻞ ﺣﺴﺎﺑﻚ ﺷﺪﻳﺪ ﻧﺎﻭﻱ ﻳﻨﺘﻘﻢ ﻣﻨﻚ ﺍﻟﺰﻭﻝ ﺩﺍ
ﻋﻠﻰ : ﻣﺘﻮﺍﺻﻞ ﻣﻌﺎﻙ ﻛﻴﻒ ﻭﻧﺎﺱ ﺑﻴﺘﻬﻢ ﺯﺍﺗﻮ ﻗﺎﻟﻮ ﻡ ﻋﺎﺭﻓﻴﻦ ﻟﻴﻬﻮ ﺧﺒﺮ؟؟
ﻣﻼﺫ : ﻏﻴﺮ ﺭﻗﻤﻮ ﻭﻣﺘﻮﺍﺻﻞ ﻣﻌﺎﻱ ﺑﻲ ﺭﻗﻢ ﺟﺪﻳﺪ ﻭﻗﺎﻋﺪ ﻓﻲ ﻋﻄﺒﺮﻩ ﺑﺲ ﻭﻳﻦ ﻣﺎ ﻋﺎﺭﻓﺎﻫﻮ
ﻋﻠﻰ : ﻃﻴﺐ ﺍﺩﻳﻨﻲ ﺭﻗﻤﻮ ﺍﻧﺎ ﺑﺪﻳﻬﻮ ﻧﺎﺱ ﺍﻟﺸﺮﻃﻪ ﻳﺤﺪﺩﻭ ﻣﻮﻗﻌﻮ ﻋﻦ ﻃﺮﻳﻖ ﺍﻟﺮﻗﻢ
ﻣﻼﺫ : ﻃﻴﺐ ﺍﻧﺎ ﻣﺎ ﺍﺟﻴﺒﻮ ﻟﻴﻚ ﻟﺤﺪﻱ ﻋﻨﺪﻙ !! ﻭﺍﻧﺖ ﺗﺒﻠﻎ ﺍﻟﺸﺮﻃﻪ ﻳﺠﻮ ﻳﻘﺒﻀﻮﻫﻮ
ﻋﻠﻰ : ﻛﺪﻩ ﻣﻴﻪ ﺍﻟﻤﻴﻪ ﻭﺑﻨﻜﻮﻥ ﺍﺧﺘﺼﺮﻧﺎ ﺍﻟﻤﺸﻮﺍﺭ
ﻣﻼﺫ : ﻟﻜﻦ ﺍﻟﻤﻮﺿﻮﻉ ﺩﺍ ﺣﺴﺎﺑﺎﺗﻮ ﻛﺘﻴﺮﻩ !!
ﻋﻠﻰ : ﻳﺎ ﺳﺘﻲ ﺍﻟﺒﺘﻄﻠﺒﻴﻬﻮ ﺍﻧﺎ ﻣﻮﺍﻓﻖ ﻋﻠﻴﻬﻮ ﻭﻫﺎﻙ ﺩﻱ 10 ﺍﻟﻒ ﻋﺮﺑﻮﻥ ﻭﺍﻟﺒﺎﻗﻲ ﺑﻌﺪ ﺗﺘﻤﻲ ﺍﻟﻤﻬﻤﻪ
ﻣﻼﺫ : ﻛﺪﻩ ﺍﺗﻔﻘﻨﺎ ... ﺟﻴﺐ ﻣﻔﺘﺎﺡ ﺷﻘﺘﻚ ﻭﺑﻜﺮﻩ ﺍﻟﺴﺎﻋﻪ 12 ﺿﻬﺮ ﺟﻬﺎﺩ ﻣﻌﺎﻱ ﻑ ﺍﻟﺸﻘﻪ ﺑﻠﻎ ﺍﻟﺸﺮﻃﻪ ﻭﺗﻌﺎﻟﻮ
...
ﺗﺎﻧﻲ ﻳﻮﻡ ﺍﻟﻤﻮﺿﻮﻉ ﻛﻠﻮ ﻣﺸﻰ ﺣﺴﺐ ﺍﻟﺘﺮﺗﻴﺒﺎﺕ ﺍﻟﺴﺎﻋﺔ 12 ﺟﺎﺕ ﺍﻟﺸﺮﻃﻪ ﺑﻘﺖ ﻣﺤﺎﻭﻃﻪ ﺍﻟﻌﻤﺎﺭﻩ ﺗﺤﺖ ﻭﻋﻠﻰ ﻃﻠﻊ ﺍﻟﺸﻘﺔ ﻭﻟﻘﻲ ﺟﻬﺎﺩ ﻭﻣﻼﺫ ﻗﺎﻋﺪﻳﻦ ﻳﻔﻄﺮﻭ !!
ﻋﻠﻰ : ﺍﻧﺰﻝ ﺳﻠﻢ ﻧﻔﺴﻚ ﻳﺎ ﺣﺮﺍﻣﻲ ﻋﺸﺎﻥ ﻣﺎ ﺍﺧﻠﻲ ﺍﻟﻌﺴﺎﻛﺮ ﻳﺠﻮ ﻳﺠﺮﻭﻙ ﺑﺎﻟﺴﻠﻢ